१.०१ :        अचिन्त्याव्यक्तरूपाय निर्गुणाय गुणात्मन्
१.०१ :        समस्तजगदाधारमूर्तये ब्रह्मणे नमः॥

१.०२ :        अल्पावशिष्टे तु कृते *मयो नाम महासुरः।(B मयनाम)
१.०२ :        रहस्यं परमं पुण्यं जिज्ञासुर्ज्ञानमुत्तमम्॥

१.०३ :        वेदाङ्गमग्र्यमखिलं ज्योतिषां गतिकारणम्।
१.०३ :        आराधयन् विवस्वन्तं तपस्तेपे सुदुश्चरम्॥

१.०४ :        तोषितस्तपसा तेन प्रीतस्तस्मै वरार्थिन्
१.०४ :        ग्रहाणां चरितं प्रादान्मयाय सविता स्वयम्॥

१.०५ :        विदितस्ते *मया भावस्तोषितस्तपसा ह्यहम्। (ड्मयाभावस्)
१.०५ :        दद्यां कालाश्रयं ज्ञानं ग्रहाणां चरितं महत् ॥

१.०६ :        न मे तेजःसहः कश्चिदाख्यातुं नास्ति मे क्षणः।
१.०६ :        मदंशः पुरुषो +अयं ते निःशेषं कथयिष्यति॥

१.०७ :        इत्युक्त्वान्तर्दधे देवः समादिश्यांशमात्मनः।
१.०७ :        स पुमान्मयमाहेदं प्रणतं प्राञ्जलिस्थितम्॥

१.०८ :        शृणुष्वैकमनाः पूर्वं यदुक्तं ज्ञानमुत्तमम्।
१.०८ :        युगे युगे महर्षीणां स्वयमेव विवस्वता॥

१.०९ :        शास्त्रमाद्यं तदेवेदं यत्पूर्वं प्राह भास्करः।
१.०९ :        युगानां परिवर्तेन कालभेदो +अत्र *केवलः॥(B केवलम्)

१.१० :        लोकानामन्तकृत्कालः कालो +अन्यः कलनात्मकः।
१.१० :        स द्विधा स्थूलसूक्ष्मत्वान्मूर्तश्चामूर्त उच्यत् ।

१.११ :        प्राणादिः कथितो मूर्तस्त्रुट्याद्यो +अमूर्तसंज्ञकः।
१.११ :        षड्भिः प्राणैर्विनाडी स्यात्तत्षष्ट्या नाडिका स्मृता॥

१.१२ :        नाडीषष्ट्या तु नाक्षत्रमहोरात्रं प्रकीर्तितम्।
१.१२ :        तत्त्रिंशता भवेन्मासः सावनो +अर्कोदयैस्तथा॥

१.१३ :        ऐन्दवस्तिथिभिस्तद्वत्संक्रान्त्या सौर उच्यत्
१.१३ :        मासैर्द्वादशभिर्वर्षं दिव्यं तदह उच्यत् ।

१.१४ :        सुरासुराणामन्योन्यमहोरात्रं विपर्ययात् ।
१.१४ :        तत्षष्टिः षड्गुणा दिव्यं वर्षमासुरमेव च् ।

१.१५ :        तद्द्वादशसहस्राणि चतुर्युगमुदाहृतम्।
१.१५ :        सूर्याब्दसंख्यया द्वित्रिसागरैरयुताहतैः॥

१.१६ :        सन्ध्यासन्ध्यांशसहितं विज्ञेयं तच्चतुर्युगम्।
१.१६ :        कृतादीनां व्यवस्थेयं धर्मपादव्यवस्थया॥

१.१७ :        युगस्य दशमो भागश्चतुस्त्रिद्व्येकसङ्गुणः।
१.१७ :        क्रमात्कृतयुगादीनां षष्ठांशः सन्ध्ययोः स्वकः॥

१.१८ :        युगानां सप्ततिः सैका मन्वन्तरमिहोच्यत्
१.१८ :        *कृताब्दसंख्यास्तस्यान्ते सन्धिः प्रोक्तो जलप्लवः॥(B ऋताब्दसंख्या)

१.१९ :        ससन्धयस्ते मनवः कल्पे ज्ञेयास्चतुर्दश्
१.१९ :        कृतप्रमाणः कल्पादौ सन्धिः पञ्चदशः स्मृतः॥

१.२० :        इत्थं युगसहस्रेण भूतसंहारकारकः।
१.२० :        कल्पो ब्राह्ममहः प्रोक्तं शर्वरी तस्य तावती॥

१.२१ :        परमायुः शतं तस्य तयाहोरात्रसंख्यया।
१.२१ :        आयुषो +अर्धमितं तस्य शेषकल्पो +अयमादिमः॥

१.२२ :        कल्पादस्माच्च मनवः षड्व्यतीताः ससन्धयः।
१.२२ :        वैवस्वतस्य च *मनोर्युगानां त्रिघनो गतः॥(B मनोयुगानां)

१.२३ :        अष्टाविंशाद्युगादस्माद्यातमेतत्कृतं युगम्।
१.२३ :        अतः कालं प्रसंख्याय संख्यामेकत्र पिण्डयेत् ॥

१.२४ :        ग्रहर्क्षदेवदैत्यादि सृजतो +अस्य चराचरम्।
१.२४ :        कृताद्रिवेदा दिव्याब्दाः शतघ्ना वेधसो गताः॥

१.२५ :        पश्चाद्व्रजन्तो +अतिजवान्नक्षत्रैः सततं ग्रहाः।
१.२५ :        जीयमानास्तु लम्बन्ते तुल्यमेव स्वमार्गगाः॥

१.२६ :        प्राग्गतित्वमतस्तेषां भगणैः प्रत्यहं गतिः।
१.२६ :        परिणाहवशाद्भिन्ना तद्वशाद्भानि भुञ्जत् ।

१.२७ :        शीघ्रगस्तान्यथाल्पेन कालेन महताल्पगः।
१.२७ :        तेषां तु परिवर्तेन पौष्णान्ते भगणः स्मृतः॥

१.२८ :        विकलानां कला षष्ट्या तत्षष्ट्या भाग उच्यत्
१.२८ :        तत्त्रिंशता भवेद्राशिर्भगणो द्वादशैव त् ।

१.२९ :        युगे सूर्यज्ञशुक्राणां खचतुष्करदार्णवाः।
१.२९ :        कुजार्किगुरुशीघ्राणां भगणाः पूर्वयायिनाम्॥

१.३० :        इन्दो रसाग्नित्रित्रीषुसप्तभूधरमार्गणाः।(५७७५३३३६)
१.३० :        दस्रत्र्यष्टरसाङ्काक्षिलोचनानि कुजस्य तु॥(२२९६८३२) छेच्केद्

१.३१ :        बुधशीघ्रस्य शून्यर्तुखाद्रित्र्यङ्कनगेन्दवः।(१७९३७०६०)
१.३१ :        बृहस्पतेः खदस्राक्षिवेदषड्वह्नयस्तथा॥(३६४२२०)

१.३२ :        सितशीघ्रस्य षट्सप्तत्रियमाश्विखभूधराः।(७०२२३७६)
१.३२ :        शनेर्भुजङ्गषट्पञ्चरसवेदनिशाकराः॥(१४६५६८)

१.३३ :        चन्द्रोच्चस्याग्निशून्याश्विवसुसर्पार्णवा युग्(४८८२०३)
१.३३ :        वामं पातस्य वस्वग्नियमाश्विशिखिदस्रकाः॥(२३२२३८)

१.३४ :        भानामष्टाक्षिवस्वद्रित्रिद्विद्व्यष्टशरेन्दवः।(१५८२२३७८२८)
१.३४ :        भोदया भगणैः स्वैः स्वैरूनाः स्वस्वोदया युग् ।

१.३५ :        भवन्ति शशिनो मासाः सूर्येन्दुभगणान्तरम्।
१.३५ :        रविमासोनितास्ते तु शेषाः स्युरधिमासकाः॥

१.३६ :        सावहाहानि चान्द्रेभ्यो द्युभ्यः प्रोज्झ्य तिथिक्षयाः।
१.३६ :        उदयादुदयं भानोर्भूमिसावनवासरः॥

१.३७ :        वसुद्व्यष्टाद्रिरूपाङ्कसप्ताद्रितिथयो युग्(१५७७९१७८२८)
१.३७ :        चान्द्राः खाष्टखखव्योमखाग्निखर्तुनिशाकराः॥(१६०३००००८०)

१.३८ :        षड्वह्नित्रिहुताशाङ्कतिथयश्चाधिमासकाः।(१५९३३३६)
१.३८ :        तिथिक्षया यमार्थाश्विद्व्यष्टव्योमशराश्विनः॥(२५०८२२५२)

१.३९ :        खचतुष्कसमुद्राष्टकुपञ्च रविमासकाः।(५१८४००००)
१.३९ :        भवन्ति भोदया भानुभगणैरूनिताः क्वहाः॥

१.४० :        अधिमासोनरात्र्यार्क्षचान्द्रसावनवासराः।
१.४० :        एते सहस्रगुणिताः कल्पे स्युर्भगणादयः॥

१.४१ :        प्राग्गतेः सूर्यमन्दस्य कल्पे सप्ताष्टवह्नयः।(३८७)
१.४१ :        कौजस्य वेदखयमा बौधस्याष्टर्तुवह्नयः॥(२०४, ३६८)

१.४२ :        खखरन्ध्राणि जैवस्य शौक्रस्यार्थगुणेषवः।(९००, ५३५)
१.४२ :        गो +अग्नयः शनिमन्दस्य पातानामथ वामतः॥(३९)

१.४३ :        मनुदस्रास्तु कौजस्य बौधस्याष्टाष्टसागराः। (२१४, ४८८)
१.४३ :        कृताद्रिचन्द्रा जैवस्य त्रिखाङ्काश्च तथा भृगोस्॥(ड्भृगोस्तथा)(१७४, ९०३)

१.४४ :        शनिपातस्य भगणाः कल्पे यमरसर्तवः।(६६२)
१.४४ :        भगणाः पूर्वमेवात्र प्रोक्ताश्चन्द्रोच्चपातयोः॥

१.४५ :        षण्मनूनां तु सम्पीड्य कालं तत्सन्धिभिः सह्
१.४५ :        कल्पादिसन्धिना सार्धं वैवस्वतमनोस्तथा॥

१.४६ :        युगानां त्रिघनं यातं तथा कृतयुगं त्विदम्।
१.४६ :        प्रोज्झ्य सृष्टेस्ततः कालं पूर्वोक्तं दिव्यसंख्यया॥

१.४७ :        सूर्याब्दसंख्यया ज्ञेयाः कृतस्यान्ते गता अमी।
१.४७ :        खचतुष्कयमाद्र्यग्निशररन्ध्रनिशाकराः॥(१९५३७२००००)

१.४८ :        अत ऊर्ध्वममी युक्ता गतकालाब्दसंख्यया।
१.४८ :        मासीकृता युता मासैर्मधुशुक्लादिभिर्गतैः॥

१.४९ :        पृथक्ष्थास्ते +अधिमासघ्नाः सूर्यमासविभाजिताः।
१.४९ :        लब्धाधिमासकैर्युक्ता दिनीकृत्य दिनान्विताः॥

१.५० :        द्विष्ठास्तिथिक्षयाभ्यस्ताश्चान्द्रवासरभाजिताः।
१.५० :        लब्धोनरात्रिरहिता लङ्कायामार्धरात्रिकः॥

१.५१ :        सावनो द्युगणः सूर्याद्दिनमासाब्दपास्ततः।
१.५१ :        सप्तभिः क्षयितः शेषः सूर्याद्यो वासरेश्वरः॥

१.५२ :        मासाब्ददिनसंख्याप्तं द्वित्रिघ्नं रूपसंयुतम्।
१.५२ :        सप्तोद्धृतावशेषौ तु विज्ञेयौ मासवर्षौ॥

१.५३ :        यथा स्वभगनाभ्यस्तो दिनराशिः कुवासरैः।
१.५३ :        विभाजितो मध्यगत्या भगणादिर्ग्रहो भवेत् ॥

१.५४ :        एवं स्वशीघ्रमन्दोच्चा ये प्रोक्ताः पूर्वयायिनः।
१.५४ :        विलोमगतयः पातास्तद्वच्चक्राद्विशोधिताः॥

१.५५ :        द्वादशघ्ना गुरोर्याता भगणा वर्तमानकैः।
१.५५ :        राशिभिः सहिताः शुद्धाः षष्ट्या स्युर्विजयादयः॥

१.५६ :        विस्तरेणैतदुदितं संक्षेपाद्व्यावहारिकम्।
१.५६ :        मध्यमानयनं कार्यं ग्रहाणामिष्टतो युगात् ॥

१.५७ :        अस्मिन् कृतयुगस्यान्ते सर्वे मध्यगता ग्रहाः।
१.५७ :        *विना तु पातमन्दोच्चान्मेषादौ तुल्यतामिताः (ड्विनेन्दु)॥

१.५८ :        मकरादौ शशाङ्कोच्चं तत्पातस्तु तुलादिगः।
१.५८ :        निरंशत्वं गताश्चान्ये नोक्तास्ते मन्दचारिणः॥

१.५९ :        योजनानि शतान्यष्टौ भूकर्णो द्विगुणानि तु।
१.५९ :        तद्वर्गतो दशगुणात्पदं भूपरिधिर्भवेत् ॥

१.६० :        लम्बज्याघ्नस्त्रिजीवाप्तः स्फुटो भूपरिधिः स्वकः।
१.६० :        तेन देशान्तराभ्यस्ता ग्रहभुक्तिर्विभाजिता॥

१.६१ :        कलादि तत्फलं प्राच्यां ग्रहेभ्यः परिशोधयेत् ।
१.६१ :        रेखाप्रतीचीसंस्थाने प्रक्षिपेत्स्युः स्वदेशजा॥

१.६२ :        राक्षसालयदेवौकःशैलयोर्मध्यसूत्रगाः।
१.६२ :        रोहीतकमवन्ती च यथा सन्निहितं सरः॥

१.६३ :        अतीत्योन्मीलनादिन्दोः पश्चात्तद्गणितागतात् ।(C अतीत्योन्मीलनादिन्दोर्दृक्षिद्धिर्गणितागतात् ।)
१.६३ :        यदा भवेत्तदा प्राच्यां स्वस्थानं मध्यतो भवेत् ॥

१.६४ :        अप्राप्य च भवेत्पश्चादेवं वापि निमीलनात् ।
१.६४ :        तयोरन्तरनाडीभिर्हन्याद्भूपरिधिं स्फुटम्॥

१.६५ :        षष्ट्या विभज्य लब्धैस्तु योजनैः प्रागथापरैः।
१.६५ :        स्वदेशः परिधौ ज्ञेयः कुर्याद्देशान्तरं हि तैः॥

१.६६ :        वारप्रवृत्तिः प्राग्देशे क्षपार्धे +अभ्यधिके भवेत् ।
१.६६ :        तद्देशान्तरनाडीभिः पश्चादूने विनिर्दिशेत् ॥

१.६७ :        इष्टनाडीगुणा भुक्तिः षष्ट्या भक्ता कलादिकम्।
१.६७ :        गते शोध्यं युतं गम्ये कृत्वा तात्कालिको भवेत् ॥

१.६८ :        भचक्रलिप्ताशीत्यंशं परमं दक्षिणोत्तरम्।
१.६८ :        विक्षिप्यते स्वपातेन स्वक्रान्त्यन्तादनुष्णगुः॥

१.६९ :        तन्नवांशं द्विगुणितं जीवस्त्रिगुणितं कुजः।
१.६९ :        बुधशुक्रार्कजाः पातैर्विक्षिप्यन्ते चतुर्गुणम्॥

१.७० :        एवं त्रिघनरन्ध्रार्करसार्कार्का दशाहताः।
१.७० :        चन्द्रादीनां क्रमादुक्ता मध्यविकेषेपलिप्तिकाः॥



[स्पष्टाधिकारः]
२.०१ :        अदृश्यरूपाः कालस्य मूर्तयो भगणाश्रिताः।
२.०१ :        शीघ्रमन्दोच्चपाताख्या ग्रहाणां गतिहेतवः॥

२.०२ :        तद्वातरश्मिभिर्*बद्धास्तैस्सव्येतरपाणिभिः।  (C नद्धास्)
२.०२ :        प्राक्पश्चादपकृष्यन्ते यथासन्नं स्वदिङ्मुखम्॥

२.०३ :        प्रवहाख्यो मरुत्तांस्तु स्वोच्चाभिमुखमीरयेत् ।
२.०३ :        पूर्वापराकृष्टास्ते *गतिं यान्ति पृथग्विधाः॥(C गतीर्, पृथग्विधाम्)

२.०४ :        ग्रहात्प्राग्भगणार्धस्थः प्राङ्मुखं कर्षति ग्रहम्।
२.०४ :        उच्चसंज्ञो +अपरार्धस्थस्तद्वत्पश्चान्मुखं ग्रहम्॥

२.०५ :        स्वोच्चापकृष्टा *भगणैः प्राङ्मुखं यान्ति यद्ग्रहाः। (C भगणात्)
२.०५ :        तत्तेषु धनमित्युक्तमृणं पश्चान्मुखेषु *च् । (तु)

२.०६ :        *दक्षिणोत्तरतो +अप्येवं पातो *राहुः स्वरंहसा।(C दक्षिणोत्तरयोर्, राहुश्च रंहसा)
२.०६ :        विक्षिपत्येष विक्षेपं चन्द्रादीनामपक्रमात् ॥

२.०७ :        उत्तराभिमुखं पातो विक्षिपत्यपरार्धगः।
२.०७ :        ग्रहं प्राग्भगणार्धस्थो याम्यायामपकर्षति॥

२.०८ :        बुधभार्गवयोः शीघ्रात्तद्वत्पातो *यदा स्थितः। (C यथास्थितः)
२.०८ :        तच्छीघ्राकर्षणात्तौ तु विक्षिप्येते यथोक्तवत् ॥

२.०९ :        महत्वान्मण्डलस्यार्कः स्वल्पमेवापकृष्यत्
२.०९ :        मण्डलाल्पतया चन्द्रस्ततो बह्वपकृष्यत्

२.१० :        भौमादयो +अल्पमूर्तित्वाच्छीघ्रमन्दोच्चसञ्ज्ञकैः। (C संज्ञितैः)
२.१० :        दैवतैरपकृष्यन्ते सुदूरमतिवेगिताः॥

२.११ :        अतो धनर्णं सुमहत्तेषां गतिवशाद्भवेत् ।
२.११ :        आकृष्यमाणास्तैरेवं व्योम्नि यान्त्यनिलाहताः॥

२.१२ :        *वक्रातिवक्रा विकला मन्दा मन्दतरा समा। (C वक्रानुवक्रा)
२.१२ :        तथा शीघ्रतरा शीघ्रा ग्रहाणामष्टधा गतिः॥

२.१३ :        तत्रातिशीघ्रा शीघ्राख्या मन्दा मन्दतरा समा।
२.१३ :        ऋज्वीति पञ्चधा ज्ञेया *या वक्रा सातिवक्रगा॥(C +अन्या वक्रादिका मता)

२.१४ :        तत्तद्गतिवशान्नित्यं यथा दृक्तुल्यतां ग्रहाः।
२.१४ :        प्रयान्ति तत्प्रवक्ष्यामि स्फुटीकरणमादरात् ॥

२.१५ :        राशिलिप्ताष्टमो भागः प्रथमं ज्यार्धमुच्यत्
२.१५ :        तत्तद्विभक्तलब्धोनमिश्रितं तद्द्वितीयकम्॥

२.१६ :        आद्येनैवं क्रमात्पिण्डान् भक्त्वा *लब्धोनसंयुताः।(C लब्धोनितैर्युतैः)
२.१६ :        *खण्डकाः स्युश्चतुर्विंशज्यार्धपिण्डाः क्रमादमी॥(C खण्डकैस्)

२.१७ :        तत्त्वाश्विनो +अङ्काब्धिकृता रूपभूमिधरर्तवः।(२२४, ४४९, ६९१)
२.१७ :        खाङ्काष्टौ पञ्चशून्येशा बाणरूपगुणेन्दवः॥(८९०, ११०५, १३१५)

२.१८ :        शून्यलोचनपञ्चैकाश्छिद्ररूपमुनीन्दवः।(१५२०, १७१९)
२.१८ :        वियच्चन्द्रातिधृतयो गुणरन्ध्राम्बराश्विनः॥(१९१०, २०९३)

२.१९ :        मुनिषड्यमनेत्राणि चन्द्राग्निकृतदस्रकाः।(२२६७, २४३१)
२.१९ :        पञ्चाष्टविषयाक्षीणि कुञ्जराश्विनगाश्विनः॥(२५८५, २७२८)

२.२० :        रन्ध्रपञ्चाष्टकयमा वस्वद्र्यङ्कयमास्तथा।(२८५९, २९७८)
२.२० :        कृताष्टशून्यज्वलना नगाद्रिशशिवह्नयः॥(३०८४, ३१७९)

२.२१ :        षट्पञ्चलोचनगुणाश्चन्द्रनेत्राग्निवह्नयः।(३२५६, ३३२१)
२.२१ :        यमाद्रिवह्निज्वलना रन्ध्रशून्यार्नवाग्नयः॥(३३७२), ३४०१)

२.२२ :        रूपाग्निसागरगुणा वस्वग्निकृतवह्नयः।(३४३१, ३४३८)
२.२२ :        प्रोज्झ्योत्क्रमेण व्यासार्धादुत्क्रमज्यार्धपिण्डिकाः॥

२.२३ :        मुनयो रन्ध्रयमला रसषट्का मुनीश्वराः।(७, २९, ६६, ११७)
२.२३ :        द्व्यष्टैका रूपषड्दस्राः सागरार्थहुताशनाः।(१८२, २६१, ३५४)

२.२४ :        खर्तुवेदा नवाद्र्यर्था दिङ्नागास्त्र्यर्थकुञ्जराः।(४६०, ७१०, ८५३)
२.२४ :        नगाम्बरवियच्चन्द्रा रूपभूधरशङ्कराः॥(१००७, ११७१)

२.२५ :        शरार्णवहुताशैका भुजङ्गाक्षिशरेन्दवः।(१३४५, १५२८)
२.२५ :        नवरूपमहीध्रैका गजैकाङ्कनिशाकराः॥१७१९, १९१८)

२.२६ :        गुणाश्विरूपनेत्राणि पावकाग्निगुणाश्विनः।(२१२३, २३३३)
२.२६ :        वस्वर्णवार्थयमलास्तुरङ्गर्तुनगाश्विनः॥(२५४८, २७६७)

२.२७ :        नवाष्टनवनेत्राणि पावकैकयमाग्नयः।(२९८९, ३२९३)
२.२७ :        गजाग्निसागरगुणा उत्क्रमज्यार्धपिण्डकाः॥(३४३८)

२.२८ :        परमापक्रमज्या तु सप्तरन्ध्रगुणेन्दवः।(१३९७)
२.२८ :        तद्गुणा ज्या त्रिजीवाप्ता तच्चापं क्रान्तिरुच्यत् ।(C इष्यते)

२.२९ :        ग्रहं संशोध्य मन्दोच्चात्तथा शीघ्राद्विशोध्य च्
२.२९ :        शेषं केन्द्रपदं तस्माद्भुजज्या कोटिरेव च् ।(C केन्द्रं पदं)

२.३० :        गताद्भुजज्या विषमे गम्यात्कोटिः पदे भवेत् ।
२.३० :        *युग्मे तु गम्याद्बाहुज्या कोटिज्या तु गताद्भवेत् ॥(C समे)

२.३१ :        लिप्तास्तत्त्वयमैर्भक्ता *लब्धं ज्यापिण्डिकं गताम्।(C लब्धा ज्यापिण्डिका गताः)
२.३१ :        गतगम्यान्तराभ्यस्तं विभजेत्तत्त्वलोचनैः॥(२२५)

२.३२ :        तदवाप्तफलं योज्यं ज्यापिण्डे *गतसंज्ञक्(C गतसंज्ञिते)
२.३२ :        स्यात्क्रमज्याविधिरयमुत्क्रमज्यास्वपि स्मृतः॥

२.३३ :        ज्यां *प्रोज्झ्य शेषं तत्त्वाश्विहतं तद्विवरोद्धृतम्।(C प्रोज्झ्यान्यत्तत्त्वयमैर्हत्वा)(२२५)
२.३३ :        संख्यातत्त्वाश्विसंवर्गे *संयोज्य धनुरुच्यत् ।(C संयोज्यं) (२२५)

२.३४ :        रवेर्मन्दपरिध्यंशा मनवः शीतगो रदाः। (१४, ३२)
३.३४ :        युग्मान्ते विषमान्ते तु नखलिप्तोनितास्तयोः॥

२.३५ :        युग्मान्ते +अर्थाद्रयः *खाग्निसुराः सूर्या नवार्णवाः।(C खाग्निः सुरास्)(७५, ३०, ३३, १२, ४९)
२.३५ :        ओजे द्व्यगा वसुयमा रदा रुद्रा गजाब्दयः॥

२.३६ :        कुजादीनां *अतः शीघ्रा युग्मान्ते +अर्थाग्निदस्रकाः।(C ततश्शैघ्र्या)(२३५)
२.३६ :        गुणाग्निचन्द्राः *खनगा द्विरसाक्षीणि गो+अग्नयः॥(C खागाश्च)(१३३, ७०, २६२, ३९)

२.३७ :        ओजान्ते *द्वित्रियमला द्विविश्वे यमपर्वताः।(C द्वित्रिकयमाः)(१३२, ७२)
२.३७ :        खर्तुदस्रा वियद्वेदाः शीघ्रकर्मणि कीर्तिताः॥(२६०,४०)

२.३८ :        ओजयुग्मान्तरगुणा भुजज्या त्रिज्ययोद्धृता।
२.३८ :        *युग्मे वृत्ते धनर्णं स्यादोजादूनाधिके स्फुटम्॥ (C युग्मवृत्ते)

२.३९ :        तद्गुणे भुजकोटिज्ये भगणांशविभाजित्
२.३९ :        तद्भुजज्याफलधनुर्मान्दं लिप्तादिकं फलम्॥

२.४० :        *शैघ्र्यं कोटिफलं केन्द्रे मकरादौ धनं स्मृतम्।(C शैघ्रे)
२.४० :        संशोध्यं तु *त्रिजीवायां कर्क्यादौ कोटिजं फलम्॥(C त्रिजीवातः)

२.४१ :        तद्बाहुफलवर्गैक्यान्मूलं कर्णश्चलाभिधः।
२.४१ :        त्रिज्याभ्यस्तं भुजफलं चलकर्णविभाजितम्॥

२.४२ :        लब्धस्य चापं लिप्तादिफलं *शैघ्र्यमिदं स्मृतम्। (C शैघ्रम्)
२.४२ :        एतदाद्ये कुजादीनां चतुर्थे चैव कर्मणि॥

२.४३ :        मान्दं कर्मैकमर्केन्दोर्भौमादीनामथोच्यत्
२.४३ :        *शैघ्र्यं मान्दं पुनर्मान्दं शैघ्र्यं चत्वार्यनुक्रमात् ॥(C शैघ्रं)

२.४४ :        मध्ये शीघ्रफलस्यार्धं मान्दमर्धफलं तथा।
२.४४ :        मध्यग्रहे *मन्दफलं सकलं शैघ्र्यमेव च् ।(C पुनर्मान्दं)



२.४५ :        अजादिकेन्द्रे सर्वेषां *शैघ्र्ये मान्दे च कर्मणि।(C मान्दे शैघ्रे)
२.४५ :        धनं ग्रहाणां लिप्तादि तुलादाव्र्णमेव च् ।

२.४६ :        अर्कबाहुफलाभ्यस्ता ग्रहभुक्तिर्विभाजिता।
२.४६ :        भचक्रकलिकाभिस्तु लिप्ताः कर्या ग्रहे +अर्कवत् ॥

२.४७ :        स्वमन्दभुक्तिसंशुद्धा मध्यभुक्तिर्निशापतेः।
२.४७ :        दोर्ज्यान्तरादिकं कृत्वा भुक्तावृणधनं भवेत् ॥

२.४८ :        ग्रहभुक्तेः फलं कार्यं ग्रहवन्मन्दकर्मणि।
२.४८ :        दोर्ज्यान्तरगुणा भुक्तिस्तत्त्वनेत्रोद्धृता पुनः॥ (२२५)

२.४९ :        स्वमन्दपरिधिक्षुण्णा भगणांशोद्धृता कलाः।]
२.४९ :        कर्क्यादौ तु धनं तत्र मकरादावृणं स्मृतम्॥

२.५० :        मन्दस्फुटीकृतां भुक्तिं प्रोज्झ्य शीघ्रोच्चभुक्तितः।
२.५० :        तच्छेशं विवरेणाथ हन्यात्त्रिज्यान्त्यकर्णयोः॥

२.५१ :        चलकर्णहृतं भुक्तौ कर्णे त्रिज्याधिके धनम्।
२.५१ :        ऋणमूने +अधिके प्रोज्झ्य शेषं वक्रगतिर्भवेत् ॥

२.५२ :        दूरस्थितः स्वशीघ्रोच्चाद्ग्रहः शिथिलरश्मिभिः।
२.५२ :        सव्येतराकृष्ततनुर्भवेत्वक्रगतिस्तदा॥

२.५३ :        कृतर्तुचन्द्रैर्वेदेन्द्रैः शून्यत्र्येकैर्गुणाष्टभिः।(१६४, १४४, १३०, ८३)
२.५३ :        शररुद्रैश्चतुर्थेषु केन्द्रांशैर्भूसुतादयः॥(११५)

२.५४ :        भवन्ति वक्रिणस्तैस्तु स्वैः स्वैश्चक्राद्विशोधितैः।
२.५४ :        अवशिष्टांशतुल्यैः स्वैः केन्द्रैरुज्झन्ति वक्रताम्॥

२.५५ :        महत्त्वाच्छीघ्रपरिधेः सप्तमे भृगुभूसुतौ।
२.५५ :        अष्टमे जीवशशैजौ नवमे तु शनैश्चरः॥

२.५६ :        कुजार्किगुरुपातानां ग्रहवच्छीघ्रजं फलम्।
२.५६ :        वामं तृतीयकं मान्दं बुधभार्गवयोः फलम्॥

२.५७ :        स्वपातोनाद्ग्रहाज्जीवा शीघ्राद्भृगुजसौम्ययोः।
२.५७ :        विक्षेपघ्न्यन्त्यकर्णाप्ता विक्षेपस्त्रिज्यया विधोः॥

२.५८ :        विक्षेपापक्रमैकत्वे क्रान्तिर्विक्षेपसंयुता।
२.५८ :        दिग्भेदे वियुता स्पष्टा भास्करस्य यथागता॥

२.५९ :        ग्रहोदयप्राणहता खखाष्टैकोद्धृता गतिः।
२.५९ :        चक्रासवो लब्धयुता स्वाहोरात्रासवः स्मृताः॥

२.६० :        क्रान्तेः क्रमोत्क्रम्मज्ये द्वे कृत्वा तत्रोत्क्रमज्यया।
२.६० :        हीना त्रिज्या दिनव्यासदलं तद्दक्षिणोत्तरम्॥

२.६१ :        क्रान्तिज्या विषुवद्भाघ्नी क्षितिज्या द्वादशोद्धृता।
२.६१ :        त्रिज्यागुणाहोरात्रार्धकर्णाप्ता चरजासवः॥

२.६२ :        तत्कार्मुकमुदक्क्रान्तौ *धनशनी पृथक्ष्थित्(C धनहानी)
२.६२ :        स्वाहोरात्रचतुर्भागे दिनरात्रिदले स्मृत् ।

२.६३ :        याम्यक्रान्तौ विपर्यस्ते द्विगुणे तु दिनक्षप्
२.६३ :        विक्षेपयुक्तोनितया क्रान्त्या भानामपि स्वक् ।

२.६४ :        भभोगो +अष्टशतीलिप्ताः खाश्विशैलास्तथा तिथेः।
२.६४ :        ग्रहलिप्ताभभोगाप्ता भानि भुक्त्या दिनादिकम्॥

२.६५ :        रवीन्दुयोगलिप्ताभ्यो योगा भभोगभाजिताः।
२.६५ :        गता गम्याश्च षष्टिघ्न्यो भुक्तियोगाप्तनाडिकाः॥

२.६६ :        अर्कोनचन्द्रलिप्ताभ्यस्तिथयो भोगभाजिताः।
२.६६ :        गता गम्याश्च षष्टिघ्न्यो नाड्यो भुक्त्यन्तरोद्धृताः॥

२.६७ :        ध्रुवाणि शकुनिर्नागं तृतीयं तु चतुष्पदम्।
२.६७ :        किंस्तुघ्नं तु चतुर्दश्याः कृष्णायाश्चापरार्धतः॥

२.६८ :        बवादीनि ततः सप्त चराख्यकरणानि च्
२.६८ :        मासे +अष्टकृत्व एकैकं करणानां प्रवर्तत् ।

२.६९ :        तिथ्यर्धभोगं सर्वेषां करणानां प्रकल्पयेत् ।
२.६९ :        एषा स्फुतगतिः प्रोक्ता सूर्यादीनां खचारिणाम्॥



३.०१ :        शिलातले +अम्बुसंशुद्धे वज्रलेपे +अपि वा सम्
३.०१ :        तत्र शङ्क्वङ्गुलैरिष्टैः समं मण्डलमालिखेत् ॥

३.०२ :        तन्मध्ये स्थापयेच्छङ्कुं कल्पनाद्वादशाङ्गुलम्।
३.०२ :        तच्छायाग्रं स्पृशेद्यत्र वृत्ते पूर्वापरार्धयोः॥

३.०३ :        तत्र बिन्दू विधायोभौ वृत्ते पूर्वापराभिधौ।
३.०३ :        तन्मध्ये तिमिना रेखा कर्तव्या दक्षिणोत्तरा॥

३.०४ :        याम्योत्तरदिशोर्मध्ये तिमिना पूर्वपश्चिमा।
३.०४ :        दिङ्मध्यमत्स्यैः संसाध्या विदिशस्तद्वदेव हि॥

३.०५ :        चतुरस्रं बहिः कुर्यात्सूत्रैर्मध्याद्विनिर्गतैः।
३.०५ :        भुजसूत्राङ्गुलैस्तत्र दत्तैरिष्टप्रभा स्मृता॥

३.०६ :        प्राक्पश्चिमाश्रिता रेखा प्रोच्यते सममण्डल्
३.०६ :        उनण्डले च विषुवन्मण्डले परिकीर्त्यत् ।

३.०७ :        रेखा प्राच्यपरा साध्या विषुवद्भाग्रगा तथा।
३.०७ :        इष्टच्छायाविषुवतोर्मध्यमग्राभिधीयत् ।

३.०८ :        शङ्कुच्छायाकृतियुतेर्मूलं कर्णो +अस्य वर्गतः।
३.०८ :        प्रोज्झ्य शङ्कुकृतिं मूलं छाया शङ्कुर्विपर्ययात् ॥

३.०९ :        त्रिंशत्कृत्यो युगे भानां चक्रं प्राक्परिलम्बत्
३.०९ :        तद्गुणाद्भूदिनैर्भक्ताद्द्युगणाद्यदवाप्यत् ।

३.१० :        तद्दोस्त्रिघ्ना दशाप्तांशा विज्ञेया अयनाभिधाः।
३.१० :        तत्संस्कृताद्ग्रहात्क्रान्तिच्छायाचरदलादिकम्॥

३.११ :        स्फुटं दृक्तुल्यतां गच्छेदयने विषुवद्वय्
३.११ :        प्राक्चक्रं चलितं हीने छायार्कात्करणागत् ।

३.१२ :        अन्तरांशैरथावृत्य पश्चाच्छेषैस्तथाधिक्
३.१२ :        एवं विषुवती छाया स्वदेशे या दिनार्धजा॥

३.१३ :        दक्षिणोत्तररेखायां सा तत्र विषुवत्प्रभा॥
३.१३ :        शङ्कुच्छायाहते त्रिज्ये विषुवत्कर्णभाजित्

३.१४ :        लम्बाक्षज्ये तयोश्चापे लम्बाक्षौ दक्षिणौ सदा।
३.१४ :        मध्यच्छाया भुजस्तेन गुणिता त्रिभमौर्विका॥

३.१५ :        स्वकर्णाप्ता धनुर्लिप्ता नतास्ता दक्षिणे भुज्
३.१५ :        उत्तराश्चोत्तरे याम्यास्ताः सूर्यक्रान्तिलिप्तिकाः॥

३.१६ :        दिग्भेदे मिश्रिताः साम्ये विश्लिष्टाश्चाक्षलिप्तिकाः।
३.१६ :        ताभ्यो +अक्षज्या च तद्वर्गं प्रोज्झ्य त्रिज्याकृतेः पदम्॥

३.१७ :        लम्बज्यार्कगुणाक्षज्या विषुवद्भाथ लम्बया।
३.१७ :        स्वाक्षार्कनतभागानां दिक्षाम्ये +अन्तरमन्यथा॥

३.१८ :        दिग्भेदे +अपक्रमः शेषस्तस्य ज्या त्रिज्यया हता।
३.१८ :        परमापक्रमज्याप्ता चापं मेषादिगो रविः॥

३.१९ :        कर्क्यादौ प्रोज्झ्य चक्रार्धात्तुलादौ भार्धसंयुतात् ।
३.१९ :        मृगादौ प्रोज्झ्य भगणान्मध्याह्ने +अर्कः स्फुटो भवेत् ॥

३.२० :        तन्मान्दमसकृद्वामं फलं मध्यो दिवाकरः।
३.२० :        स्वाक्षार्कापक्रमयुतिर्दिक्षाम्ये +अन्तरमन्यथा॥

३.२१ :        शेषं नतांशाः सूर्यस्य तद्बाहुज्या च कोटिज्या।
३.२१ :        शङ्कुमानाङ्गुलाभ्यस्ते भुजत्रिज्ये यथाक्रमम्॥

३.२२ :        कोटिज्यया विभज्याप्ते छायाकर्णावहर्दल्
३.२२ :        क्रान्तिज्या विषुवत्कर्णगुणाप्ता शङ्कुजीवया॥

३.२३ :        अर्काग्रा स्वेष्टकर्णघ्नी मध्यकर्णोद्धृता स्वका।
३.२३ :        विषुवद्भायुतार्काग्रा याम्ये स्यादुत्तरो भुजः॥

३.२४ :        विषुवत्यां विशोध्योदग्गोले स्याद्बाहुरुत्तरः।
३.२४ :        विपर्ययाद्भुजो याम्यो भवेत्प्राच्यपरान्तर् ।

३.२५ :        माध्याह्निको भुजो नित्यं छाया माध्याह्निकी स्मृता।
३.२५ :        लम्बाक्षजीवे विषुवच्छायाद्वादशसङ्गुण् ।

३.२६ :        क्रान्तिज्याप्ते तु तौ कर्णौ सममण्डलगे रवौ।
३.२६ :        सौम्याक्षोना यदा कान्तिः स्यात्तदा द्युदलश्रवः॥

३.२७ :        विषुवच्छाययाभ्यस्तः कर्णो मध्याग्रयोद्धृतः।
३.२७ :        स्वक्रान्तिज्या त्रिजीवाघ्नी लम्बज्याप्ताग्रमौर्विका॥

३.२८ :        स्वेष्टकर्णहता भक्ता त्रिज्ययाग्राङ्गुलादिका।
३.२८ :        त्रिज्यावर्गार्धतो +अग्रज्यावर्गोनाद्द्वादशाहतात् ॥

३.२९ :        पुनर्द्वादशनिघ्नाच्च लभ्यते यत्फलं बुधैः।
३.२९ :        शङ्कुवर्गार्धसंयुक्तविषुवद्वर्गभाजितात् ॥

३.३० :        तदेव करणी नाम तां पृथक्स्थापयेद्बुधः।
३.३० :        अर्कघ्नी विषुवच्छायाग्रज्यया गुणिता तथा॥

३.३१ :        भक्ता फलाख्यं तद्वर्गसंयुक्तकरणीपदम्।
३.३१ :        फलेन हीनसंयुक्तं दक्षिणोत्तरगोलयोः॥

३.३२ :        याम्ययोर्विदिशोः शङ्कुरेवं याम्योत्तरे रवौ।
३.३२ :        परिभ्रमति शङ्कोस्तु शङ्कुरुत्तरयोस्तु सः॥

३.३३ :        तत्त्रिज्यावर्गविश्लेषान्मूलं दृग्ज्याभिधीयत्
३.३३ :        स्वशङ्कुना विभज्याप्ते दृक्त्रिज्ये द्वादशाहत् ।

३.३४ :        छायाकर्णौ तु कोणेषु यथास्वं देशकालयोः।
३.३४ :        त्रिज्योदक्चरजायुक्ता याम्यायां तद्विवर्जिता॥

३.३५ :        अन्त्या नतोत्क्रमज्योना स्वहोरात्रार्धसङ्गुणा।
३.३५ :        त्रिज्याभक्ता भवेच्छेदो लम्बज्याघ्नो +अथ भाजितः॥

३.३६ :        त्रिभज्यया भवेच्छङ्कुस्तद्वर्गं परिशोधयेत् ।
३.३६ :        त्रिज्यावर्गात्पदं दृग्ज्या छायाकर्णौ तु पूर्ववत् ॥

३.३७ :        अभीष्टच्छाययाभ्यस्ता त्रिज्या तत्कर्णभाजिता।
३.३७ :        दृग्ज्या तद्वर्गसंशुद्धात्त्रिज्यावर्गाच्च यत्पदम्।

३.३८ :        शङ्कुः स त्रिभजीवाघ्नः स्वलम्बज्याविभाजितः।
३.३८ :        छेदः स त्रिज्ययाभ्यस्तः स्वाहोरात्रार्धभाजितः॥

३.३९ :        उन्नतज्या तया हीना स्वान्त्या शेषस्य कार्मुकम्।
३.३९ :        उत्क्रमज्याभिरेवं स्युः प्राक्पश्चार्धनतासवः॥

३.४० :        इष्टाग्राघ्नी तु लम्बज्या स्वकर्णाङ्गुलभाजिता।
३.४० :        क्रान्तिज्या सा त्रिजीवाघ्नी परमापक्रमोद्धृता॥

३.४१ :        तच्चापं भादिकं क्षेत्रं पदैस्तत्र भवो रविः।
३.४१ :        इष्टे +अह्नि मध्ये प्राक्पश्चाद्धृते बाहुत्रयान्तर् ।

३.४२ :        मत्स्यद्वयान्तरयुतेस्त्रिस्पृक्षूत्रेण भाभ्रमः।
३.४२ :        त्रिभद्युकर्णार्धगुणाः स्वाहोरात्रार्धभाजिताः॥

३.४३ :        क्रमादेकद्वित्रिभज्यास्तच्चापानि पृथक्पृथक् ।
३.४३ :        स्वाधो +अधः परिशोध्याथ मेषाल्लङ्कोदयासवः॥

३.४४ :        खागाष्टयो +अर्थगो +अगैकाः शरत्र्यङ्कहिमांशवः।
३.४४ :        स्वदेशचरखण्डोना भवन्तीष्टोदयासवः॥

३.४५ :        व्यस्ता व्यस्तैर्युताः स्वैः स्वैः कर्कटाद्यास्ततस्त्रयः।
३.४५ :        उत्क्रमेण षडेवैते भवन्तीष्टास्तुलादयः॥

३.४६ :        गतभोग्यासवः कार्या भास्करादिष्टकालिकात् ।
३.४६ :        स्वोदयासुहता भुक्तभोग्या भक्ताः खवह्निभिः॥

३.४७ :        अभीष्टघटिकासुभ्यो भोग्यासून् प्रविशोधयेत् ।
३.४७ :        तद्वत्तदेष्यलग्नासूनेवं यातात्तथोत्क्रमात् ॥

३.४८ :        शेषं चेत्त्रिंशताभ्यस्तमशुद्धेन विभाजितम्।
३.४८ :        भागैर्युक्तं च हीनं च तल्लग्नं क्षितिजे तदा॥ (C भागहीनं च युक्तं च)

३.४९ :        प्राक्पश्चान्नतनाडीभिस्तस्माल्लङ्कोदयासुभिः।
३.४९ :        भानौ क्षयधने कृत्वा मध्यलग्नं तदा भवेत् ॥

३.५० :        भोग्यासूनूनकस्याथ भुक्तासूनधिकस्य च्
३.५० :        सम्पीण्ड्यान्तरलग्नासूनेवं स्यात्कालसाधनम्॥

३.५१ :        सूर्यादूने निशाशेषे लग्ने +अर्कादधिके दिवा।
३.५१ :        भचक्रार्धयुताद्भानोरधिक्के +अस्तमयात्परम्॥



[चन्द्रग्रहण]
४.०१ :        सार्धानि षट्सहस्राणि योजनानि विवस्वतः।
४.०१ :        विष्कम्भो मण्डलस्येन्दोः सहाशीत्या चतुश्शतम्॥

४.०२ :        स्फुटस्वभुक्त्या गुणितौ मध्यभुक्त्योद्धृतौ स्फुटौ।
४.०२ :        रवेः स्वभगणाभ्यस्तः शशाङ्कभगणोद्धृतः॥

४.०३ :        शशाङ्ककक्षागुणितो भाजितो वा +अर्ककक्षया।
४.०३ :        विष्कम्भश्चन्द्रकक्षायां तिथ्याप्ता मानलिप्तिका॥

४.०४ :        स्फुटेन्दुभुक्तिर्भूव्यासगुणिता मध्ययोद्धृता।
४.०४ :        लब्धं सूची महीव्यासस्फुटार्कश्रवणान्तरम्॥

४.०५ :        मध्येन्दुव्यासगुणितं मध्यार्कव्यासभाजितम्।
४.०५ :        विशोध्य लब्धं सूच्यां तु तमो लिप्तास्तु पूर्ववत् ॥

४.०६ :        भानोर्भार्धे महीच्छाया तत्तुल्ये +अर्कसमे +अपि।
४.०६ :        शशाङ्कपाते ग्रहणं कियद्भागाधिकोनक् ।

४.०७ :        तुल्यौ राश्यादिभिः स्याताममावास्यान्तकालिकौ।
४.०७ :        सूर्येन्दू पौर्णमास्यन्ते भार्धे भागादिकौ समौ॥

४.०८ :        गतैष्यपर्वनाडीनां स्वफलेनोनसंयुतौ।
४.०८ :        समलिप्तौ भवेतां तौ पातस्तात्कालिको +अन्यथा॥

४.०९ :        छादको भास्करस्येन्दुरधःस्थो घनवद्भवेत् ।
४.०९ :        भूच्छायां प्राङ्मुखश्चन्द्रो विशत्यस्य भवेदसौ॥

४.१० :        तात्कालिकेन्दुविक्षेपं छाद्यच्छादकमानयोः।
४.१० :        योगार्धात्प्रोज्झ्य यच्छेषं तावच्छन्नं तदुच्यत् ।

४.११ :        यद्ग्राह्यमधिके तस्मिन् सकलं न्यूनमन्यथा।
४.११ :        योगार्धादधिके न स्याद्विक्षेपे ग्राससम्भवः॥

४.१२ :        ग्राह्यग्राहकसंयोगवियोगौ दलितौ पृथक् ।
४.१२ :        विक्षेपवर्गहीनाभ्यां तद्वर्गाभ्यामुभे पद् ।

४.१३ :        षष्ठ्या संगुण्य सूर्येन्द्वोर्भुक्त्यन्तरविभाजित्
४.१३ :        स्यातां स्थितिविमर्दार्धे नाडिकादिफले तयोः॥

४.१४ :        स्थित्यर्धनाडिकाभ्यस्ता गतयः षष्ठिभाजिताः।
४.१४ :        लिप्तादि प्रग्रहे शोध्यं मोक्षे देयं पुनः पुनः॥

४.१५ :        तद्विक्षेपैः स्थितिदलं विमर्दार्धे तथा +असकृत् ।
४.१५ :        संसाध्यमन्यथा पाते तल्लिप्तादिफलं स्वकम्॥

४.१६ :        स्फुटतिथ्यवसाने तु मध्यग्रहणमादिशेत् ।
४.१६ :        स्थित्यर्धनाडिकाहीने ग्रासो मोक्षस्तु संयुत् ।

४.१७ :        तद्वदेव विमर्दार्धनाडिकाहीनसंयुत्
४.१७ :        निमीलनोन्मीलनाख्ये भवेतां सकलग्रह् ।

४.१८ :        इष्टनाडीविहीनेन स्थित्यर्धेनार्कचन्द्रयोः।
४.१८ :        भुक्त्यन्तरं समाहन्यात्षष्ट्याप्ताः कोटिलिप्तिकाः॥

४.१९ :        भानोर्ग्रहे कोटिलिप्ता मध्यस्थित्यर्धसंगुणाः।
४.१९ :        स्फुटस्थित्यर्धसंभक्ताः स्फुटाः कोटिकलाः स्मृता॥

४.२० :        क्षेपो भुजस्तयोर्वर्गयुतेर्मूलं श्रवस्तु तत् ।
४.२० :        मानयोगार्धतः प्रोज्झ्य ग्रासस्तात्कालिको भवेत् ॥

४.२१ :        मध्यग्रहणतश्चोर्ध्वमिष्टनाडीर्विशोधयेत् ।
४.२१ :        स्थित्यर्धान्मौक्षिकाच्छेषं प्राग्वच्च्छेषं तु मौक्षिक् ।

४.२२ :        ग्राह्यग्राहकयोगार्धाच्छोध्याः स्वच्छन्नलिप्तिकाः।
४.२२ :        ताद्वर्गात्प्रोज्झ्य तत्कालविक्षेपस्य कृतिं पदम्॥

४.२३ :        कोटिलिप्ता रवेः स्पष्टस्थित्यर्धेनाहता हृताः।
४.२३ :        मध्येन लिप्तास्तन्नाड्यः स्थितिवद्ग्रासनाडिकाः॥

४.२४ :        नतज्या +अक्षज्ययाभ्यस्ता त्रिज्याप्ता तस्य कार्मुकम्।
४.२४ :        वलनांशा सौम्ययाम्याः पूर्वापरकपालयोः॥

४.२५ :        राशित्रययुताद्ग्राह्यात्क्रान्त्यंशैर्दिक्षमैर्युताः।
४.२५ :        भेदे +अन्तराज्ज्या वलना सप्तत्यङ्गुलभाजिता॥

४.२६ :        सोन्नतं दिनमध्यार्धं दिनार्धाप्तं फलेन तु।
४.२६ :        छिन्द्याद्विक्षेपमानानि तान्येषामङ्गुलानि तु॥



[सूर्यग्रहण]
५.०१ :        मध्यलग्नसमे भानौ हरिजस्य न सम्भवः।
५.०१ :        अक्षोदङ्मध्यभक्रान्तिसाम्ये नावनतेरपि॥

५.०२ :        देशकालविशेषेण यथावनतिसम्भवः।
५.०२ :        लम्बनस्यापि पूर्वान्यदिग्वशाच्च तथोच्यत् ।

५.०३ :        लग्नं पर्वान्तनाडीनां कुर्यात्स्वैरुदयासुभिः।
५.०३ :        तज्ज्यान्त्यापक्रमज्याघ्नी लम्बज्याप्तोदयाभिधा॥

५.०४ :        तदा लङ्कोदयैर्लग्नं मध्यसंज्ञं यथोदितम्।
५.०४ :        तत्क्रान्त्यक्षांशसंयोगो दिक्षाम्ये +अन्तरमन्यथा॥

५.०५ :        शेषं नतांशास्तन्मौर्वी मध्यज्या साभिधीयत्
५.०५ :        मध्योदयज्ययाभ्यस्ता त्रिज्याप्ता वर्गितं फलम्॥

५.०६ :        मध्यज्यावर्गविश्लिष्टं दृक्क्षेपः शेषतः पदम्।
५.०६ :        तत्त्रिज्यावर्गविश्लेषान्मूलं शङ्कुः स दृग्गतिः॥
५.०७ :        नतांशबाहुकोटिज्ये +अस्फुटे दृक्क्षेपदृग्गती।
५.०७ :        एकज्यार्धगतश्छेदो लब्धं दृग्गतिजीवया॥

५.०८ :        मध्यलग्नार्कविश्लेषज्या छेदेन विभाजिता।
५.०८ :        रवीन्द्वोर्लम्बनं ज्ञेयं प्राक्पश्चाद्घटिकादिकम्॥

५.०९ :        मध्यलग्नाधिके भानौ तिथ्यन्तात्प्रविशोधयेत् ।
५.०९ :        धनमूने +असकृत्कर्म यावत्सर्वं स्थिरीभवेत् ॥

५.१० :        दृक्क्षेपः शीततिग्मांश्वोर्मध्यभुक्त्यन्तराहतः।
५.१० :        तिथिघ्नत्रिज्यया भक्तो लब्धं सावनतिर्भवेत् ॥

५.११ :        दृक्क्षेपात्सप्ततिहृताद्भवेद्वावनतिः फलम्।
५.११ :        अथवा त्रिज्यया भक्तात्सप्तसप्तकसङ्गुणात् ॥

५.१२ :        मध्यज्यादिग्वशात्सा च विज्ञेया दक्षिणोत्तरा।
५.१२ :        सेन्दुविक्षेपदिक्षाम्ये युक्ता विश्लेषितान्यथा॥

५.१३ :        तया स्थितिविमर्दार्धग्रासाद्यं तु यथोदितम्।
५.१३ :        प्रमाणं वलनाभीष्टग्रासादि हिमरश्मिवत् ॥

५.१४ :        स्थित्यर्धोनाधिकात्प्राग्वत्तिथ्या(?)न्तलाल्लम्बनं पुनः।
५.१४ :        ग्रासमोक्षोद्भवं साध्यं तन्मध्यहरिजान्तरम्॥

५.१५ :        प्राक्कपाले +अधिकं मध्याद्भवेत्प्राग्रहणं यदि।
५.१५ :        मौक्षिकं लम्बनं हीनं पश्चार्धे तु विपर्ययः॥

५.१६ :        तदा मोक्षस्थितिदले देयं प्रग्रहणे तथा।
५.१६ :        हरिजान्तरकं शोध्यं यत्रैतत्स्याद्विपर्ययः॥

५.१७ :        एतदुक्तं कपालैक्ये तद्भेदे लम्बनैकता।
५.१७ :        स्वे स्वे स्थितिदले योज्या विमर्दार्धे +अपि चोक्तवत् ॥



[छेद्यक]
६.०१ :        न छेद्यकमृते यस्माद्भेदा ग्रहणयोः स्फुटाः।
६.०१ :        ज्ञायन्ते तत्प्रवक्ष्यामि छेद्यकज्ञानमुत्तमम्॥

६.०२ :        सुसाधितायामवनौ बिन्दुं कृत्वा ततो लिखेत् ।
६.०२ :        सप्तवर्गाङ्गुलेनादौ मण्डलं वलनाश्रितम्॥

६.०३ :        ग्राह्यग्राहकयोगार्धसम्मितेन द्वितीयकम्।
६.०३ :        मण्डलं तत्समासाख्यं ग्राह्यार्धेन तृतीयकम्॥

६.०४ :        याम्योत्तराप्राच्यपरासाधनं पूर्ववद्दिशाम्।
६.०४ :        प्रागिन्दोर्ग्रहणं पश्चान्मोक्षो +अर्कस्य विपर्ययात् ॥

६.०५ :        यथादिशं प्राग्रहणं वलनं हिमदीधितेः।
६.०५ :        मौक्षिकं तु विपर्यस्तं विपरीतमिदं रवेः॥

६.०६ :        वलनाग्रान्नयेन्मध्यं सूत्रं यद्यत्र संस्पृशेत् ।
६.०६ :        तत्समासे ततो देयौ विक्षेपौ ग्रासमौक्षिकौ॥

६.०७ :        विक्षेपाग्रात्पुनः सूत्रं मध्यबिन्दुं प्रवेशयेत् ।
६.०७ :        तद्ग्राह्यबिन्दुसंस्पर्शाद्ग्रासमोक्षौ विनिर्दिशेत् ॥

६.०८ :        नित्यशो +अर्कस्य विक्षेपाः परिलेखे यथादिशम्।
६.०८ :        विपरीताः शशाङ्कस्य तद्वशादथ मध्यमम्॥

६.०९ :        वलनं प्राङ्मुखं देयं तद्विक्षेपैकता यदि।
६.०९ :        भेदे पश्चान्मुखं देयमिन्दोर्भानोर्विपर्ययात् ॥

६.१० :        वलनाग्रात्पुनः सूत्रं मध्यबिन्दुं प्रवेशयेत् ।
६.१० :        मध्यसूत्रेण विक्षेपं वलनाभिमुखं नयेत् ॥

६.११ :        विक्षेपाग्राल्लिखेद्वृत्तं ग्राहकार्धेन तेन यत् ।
६.११ :        ग्राह्यवृत्तं समाक्रान्तं तद्ग्रस्तं तमसा भवेत् ॥

६.१२ :        छेद्यकं लिखता भूमौ फलके वा विपश्चिता।
६.१२ :        विपर्ययो दिशां कार्यः पूर्वापरकपालयोः॥

६.१३ :        स्वच्छत्वाद्द्वादशांशो +अपि ग्रस्तश्चन्द्रस्य दृश्यत्
६.१३ :        लिप्तात्रयमपि ग्रस्तं तीक्ष्णत्वान्न विवस्वतः॥

६.१४ :        स्वसंज्ञितास्त्रयः कार्या विक्षेपाग्रेषु बिन्दवः।
६.१४ :        तत्र प्राङ्मध्ययोर्मध्ये तथा मौक्षिकमध्ययोः॥

६.१५ :        लिखेन्मत्स्यौ तयोर्मध्यान्मुखपुच्छविनिःसृतम्।
६.१५ :        प्रसार्य सूत्रद्वितयं तयोर्यत्र युतिर्भवेत् ॥

६.१६ :        तत्र सूत्रेण विलिखेच्चापं बिन्दुत्रयस्पृशा।
६.१६ :        स पन्था ग्राहकस्योक्ता येनासौ सम्प्रयास्यति॥

६.१७ :        ग्राह्यग्राहकयोगार्धात्प्रोज्झ्येष्टग्रासमागतम्।
६.१७ :        अवशिष्टाङ्गुलसमां शलाकां मध्यबिन्दुतः॥

६.१८ :        तयोर्मार्गोन्मुखीं दद्याद्ग्रासतः प्राग्ग्रहाश्रिताम्।
६.१८ :        विमुञ्चतो मोक्षदिशि ग्राहकाध्वानमेव सा॥

६.१९ :        स्पृशेद्यत्र ततो वृत्तं ग्राहकार्धेन संलिखेत् ।
६.१९ :        तेन ग्राह्यं यदाक्रान्तं तत्तमोग्रस्तमादिशेत् ॥

६.२० :        मानान्तरार्धेन मितां शलाकां ग्रासदिङ्मुखीम्।
६.२० :        निमीलनाख्यां दद्यात्सा तन्मार्गे यत्र संस्पृशेत् ॥

६.२१ :        ततो ग्राहकखण्डेन प्राग्वन्मण्डलमालिखेत् ।
६.२१ :        तद्ग्राह्यमण्डलयुतिर्यत्र तत्र निमीलनम्॥

६.२२ :        एवमुन्मीलने मोक्षदिङ्मुखीं सम्प्रसारयेत् ।
६.२२ :        विलिखेन्मण्डलं प्राग्वदुन्मीलनमथोक्तवत् ॥

६.२३ :        अर्धादूने सधूंरं स्यात्कृष्णमर्धाधिकं भवेत् ।
६.२३ :        विमुञ्चतः कृष्णतांरं कपिलं सकलग्रह् ।

६.२४ :        रहस्यमेतद्देवानां न देयं यस्य कस्यचित् ।
६.२४ :        सुपरीक्षितशिष्याय देयं वत्सरवासिन् ।



[ग्रहयुति]
७.०१ :        ताराग्रहाणामन्योन्यं स्यातां युद्धसमागमौ।
७.०१ :        समागमः शशाङ्केन सूर्येणास्तमनं सह् ।

७.०२ :        शीघ्रे मन्दाधिके +अतीतः संयोगो भवितान्यथा।
७.०२ :        द्वयोः प्राग्यायिनोरेवं वक्रिणोस्तु विपर्ययात् ॥

७.०३ :        प्राग्यायिन्यधिके +अतीतो वक्रिण्येष्यः समागमः।
७.०३ :        ग्रहान्तरकलाः स्वस्वभुक्तिलिप्ताः समाहताः॥

७.०४ :        भुक्त्यन्तरेण विभजेदनुलोमविलोमयोः।
७.०४ :        द्वयोर्वक्रिण्यथैकस्मिन् भुक्तियोगेन भाजयेत् ॥

७.०५ :        लब्धं लिप्तादिकं शोध्यं गते देयं भविष्यति।
७.०५ :        विपर्ययाद्वक्रगत्योरेकस्मिंस्तु धनव्ययौ॥

७.०६ :        समालिप्तौ भवेतां तौ ग्रहौ भगणसंस्थितौ।
७.०६ :        विवरं तद्वदुद्धृत्य दिनादिफलमिष्यत् ।

७.०७ :        कृत्वा दिनक्षपामानं तथा विक्षेपलिप्तिकाः।
७.०७ :        नतोन्नतं साधयित्वा स्वकाल्लग्नवशात्तयोः॥

७.०८ :        विषुवच्छाययाम्यस्तद्विक्षेपाद्द्वादशोद्धृतात् ।
७.०८ :        फलं स्वनतनाडीघ्नं स्वदिनार्धविभाजितम्॥

७.०९ :        लब्धं प्राच्यामृणं सौम्याद्विक्षेपात्पश्चिमे धनम्।
७.०९ :        दक्षिणे प्राक्कपाले स्वं पश्चिमे तु तथा क्षमः॥

७.१० :        सत्रिभग्रहजक्रान्तिभागघ्नाः क्षेपलिप्तिकाः।
७.१० :        विकलाः स्वमृणं क्रान्तिक्षेपयोर्भिन्नतुल्ययोः॥

७.११ :        नक्षत्रग्रहयोगेषु ग्रहास्तोदयसाधन्
७.११ :        शृङ्गोन्नतौ तु चन्द्रस्य दृक्कर्मादाविदं स्मृतम्॥

७.१२ :        तात्कालिकौ पुनः कार्यौ विक्षेपौ च तयोस्ततः।
७.१२ :        दिक्तुल्ये त्वन्तरं भेदे योगः शिष्टं ग्रहान्तरम्॥

७.१३ :        कुजार्किज्ञामरेज्यानां त्रिंशदर्धार्धवर्धिताः।
७.१३ :        विष्कम्भाश्चन्द्रकक्षायां भृगोः षष्टिरुदाहृता॥

७.१४ :        त्रिचतुः कर्णयुत्याप्तास्ते द्विघ्नास्त्रिज्यया हताः।
७.१४ :        स्फुटाः स्वकर्णास्तिथ्याप्ता भवेयुर्मानलिप्तिकाः॥

७.१५ :        छायाभूमौ विपर्यस्ते स्वच्छायाग्रे तु दर्शयेत् ।
७.१५ :        ग्रहः स्वदर्पणान्तःस्थः शङ्क्वग्रे सम्प्रदिश्यत् ।

७.१६ :        पञ्चहस्तोच्छ्रितौ शङ्कू यथादिग्भ्रमसंस्थितौ।
७.१६ :        ग्रहान्त्रेण विक्षिप्तावधो हस्तनिखातगौ॥

७.१७ :        छायाकर्णौ ततो दद्याच्छायाग्राच्छङ्कुमूर्धगौ।
७.१७ :        छायाकर्णाग्रसंयोगे संस्थितस्य प्रदर्शयेत् ॥

७.१८ :        स्वशङ्कुमूर्धगौ व्योम्नि ग्रहौ दृक्तुल्यतामितौ।
७.१८ :        उल्लेखं तारकास्पर्शाद्भेदे भेदः प्रकीर्त्यत् ।

७.१९ :        युद्धमंशुविमर्दाख्यमंशुयोगे परस्परम्।
७.१९ :        अंशादूने +अपसव्याख्यं युद्धमेको +अत्र चेदणुह् ॥

७.२० :        समागमो +अंशादधिके भवतश्चेद्वलान्वितौ।
७.२० :        अपसव्ये जितो युद्धे पिहितो +अणुरदीप्तितान्॥

७.२१ :        रूक्षो विवर्णो विध्वस्तो विजितो दक्षिणाश्रितः।
७.२१ :        उदक्ष्थो दीप्तिमान् स्थूलो जयी याम्ये +अपि यो बली॥

७.२२ :        आसन्नावप्युभौ दीप्तौ भवतश्चेत्समागमः।
७.२२ :        स्वल्पौ द्वावपि विध्वस्तौ भवेतां कूटविग्रहौ॥

७.२३ :        उदक्ष्थो दक्षिणस्थो वा भार्गवः प्रायशो जयी।
७.२३ :        शशाङ्केनैवमेतेषां कुर्यात्संयोगसाधनम्॥

७.२४ :        भावाभावाय लोकानां कल्पनेयं प्रदर्शिता।
७.२४ :        स्वमार्गगाः प्रयान्त्येते दूरमन्योन्यमाश्रिताः॥



[नक्षत्रग्रहयुति]
८.०१ :        प्रोच्यन्ते लिप्तिका भानां स्वभोगो +अथ दशाहतः।
८.०१ :        भवन्त्यतीतधिष्ण्यानां भोगलिप्तायुता ध्रुवाः॥

८.०२ :        अष्टार्णवाः शून्यकृताः पञ्चषष्टिर्नगेषवः।
८.०२ :        अष्टार्था अब्धयो +अष्टागा अङ्गागा मनवस्तथा॥

८.०३ :        कृतेषवो युगरसाः शून्यवाणा वियद्रसाः।
८.०३ :        खवेदाः सागरनगा गजागाः सागरर्तवः॥

८.०४ :        मनवो +अथ रसा वेदा वैश्वमाप्यार्धभोगगम्।
८.०४ :        आप्यस्यैवाभिजित्प्रान्ते वैश्वान्ते श्रवणस्थितिः।

८.०५ :        त्रिचतुः पादयोः सन्धौ श्रविष्ठा श्रवणस्य तु।
८.०५ :        स्वभोगतो वियन्नागाः षट्कृतिर्यमलाश्विनः॥

८.०६ :        रन्ध्राद्रयः क्रमादेषां विक्षेपाः स्वादपक्रमात् ।
८.०६ :        दिङ्मासविषयाः सौम्ये याम्ये पञ्च दिशो नव् ।

८.०७ :        सौम्ये रसाः खं याम्ये +अगाः सौम्ये खार्कास्त्रयोदश्
८.०७ :        दक्षिणे रुद्रयमलाः सप्तत्रिंशदथोत्तर् ।

८.०८ :        याम्य +अध्यर्धत्रिककृता नव सार्धशरेषवः।
८.०८ :        उत्तरस्यां तथा षष्टिस्त्रिंशत्षट्त्रिंशदेव हि॥

८.०९ :        दक्षिणे त्वर्धभागस्तु चतुर्विंशतिरुत्तर्
८.०९ :        भागाः षड्विंशतिः खं च दास्रादीनां यथाक्रमम्॥

८.१० :        अशीतिभागैर्याम्यायामगस्त्यो मिथुनान्तगः।
८.१० :        विंशे च मिथुनस्यांशे मृगव्याधो व्यवस्थितः॥

८.११ :        विक्षेपो दक्षिणे भागैः खार्णवैः स्वादपक्रमात् ।
८.११ :        हुतभुग्ब्रह्महृदयौ वृषे द्वाविंशभागगौ॥

८.१२ :        अष्टाभिस्त्रिंशता चैव विक्षिप्तावुत्तरेण तौ।
८.१२ :        गोलं लब्ध्वा परीक्षेत विक्षेपं ध्रुवकं स्फुटम्॥

८.१३ :        वृषे सप्तदशे भागे यस्य याम्यो +अंशकद्वयात् ।
८.१३ :        विक्षेपो +अभ्यधिको भिन्द्याद्रोहिण्याः शकतं तु सः॥

८.१४ :        ग्रहवद्द्युनिशे भानां कुर्याद्दृक्कर्म पूर्ववत् ।
८.१४ :        ग्रहमेलकवच्छेषं ग्रहभुक्त्या दिनानि च् ।

८.१५ :        एष्यो हीने गृहे योगो ध्रुवकादधिके ततः।
८.१५ :        विपर्ययाद्वक्रगते ग्रहे ज्ञेयः समागमः॥

८.१६ :        फाल्गुन्योर्भाद्रपदयोस्तथैवाषाढयोर्द्वयोः।
८.१६ :        विशाखाश्विनिसौम्यानां योगतारोत्तरा स्मृता॥

८.१७ :        पश्चिमोत्तरताराया द्वितीया पश्चिमे स्थिता।
८.१७ :        हस्तस्य योगतारा सा श्रविष्ठायाश्च पश्चिमा॥

८.१८ :        ज्येष्ठाश्रवणमैत्राणां बार्हस्पत्यस्य मध्यमा।
८.१८ :        भरण्याग्नेयपित्र्याणां रेवत्याश्चैव दक्षिणा॥

८.१९ :        रोहिण्यादित्यमूलानां प्राची सार्पस्य चैव हि।
८.१९ :        यथा प्रत्यवशेषाणां स्थूला स्याद्योगतारका॥

८.२० :        पूर्वस्यां ब्रह्महृदयादंशकैः पञ्चभिः स्थितः।
८.२० :        प्रजापतिर्वृषान्ते +असौ सौम्ये +अष्टत्रिंशदंशकैः॥

८.२१ :        अपांवत्सस्तु चित्राया उत्तरे +अंशैस्तु पञ्चभिः।
८.२१ :        बृहत्किञ्चिदतो भागैरापः षड्भिस्तथोत्तर् ।



[उदयास्त]
९.०१ :        अथोदयस्तमययोः परिज्ञानं प्रकीर्त्यत्
९.०१ :        दिवाकरकराक्रान्तमूर्तिनामप्लतेजसाम्॥

९.०२ :        सूर्यादभ्यधिकाः पश्चादस्तं जीवकुजार्जजाः।
९.०२ :        ऊनाः प्रागुदयं यान्ति शुक्रज्ञौ वक्रिणौ तथा॥

९.०३ :        ऊना विवस्वतः प्राच्यामस्तं चन्द्रज्ञभार्गवाः।
९.०३ :        व्रजन्त्यभ्यधिकाः पस्चादुदयं शीघ्रयायिनः॥

९.०४ :        सूर्यास्तकालिकौ पश्चात्प्राच्यामुदयकालिकौ।
९.०४ :        दिवा चार्कग्रहौ कुर्याद्दृक्कर्माथ ग्रहस्य तु॥

९.०५ :        ततो लग्नान्तरप्राणाः कालांशाः षष्टिभाजिताः।
९.०५ :        प्रतीच्यां षड्भयुतयोस्तद्वल्लग्नान्तरासवः॥

९.०६ :        एकादशामरेज्यस्य तिथिसङ्ख्यार्कजस्य च्
९.०६ :        अस्तांशा भूमिपुत्रस्य दश सप्ताधिकास्ततः॥

९.०७ :        पश्चादस्तमयो +अष्टाभिरुदयः प्राङ्महत्तया।
९.०७ :        प्रागस्तमुदयः पश्चादल्पत्वाद्दशभिर्भृगोः॥

९.०८ :        एवं बुधो द्वादशभिश्चतुर्दशभिरंशकैः।
९.०८ :        वक्री शीघ्रगतिश्चार्कात्करोत्यस्त्मयोदयौ॥

९.०९ :        एभ्यो +अधिकैः कालभागैर्दृश्या न्यूनैरदर्शनाः।
९.०९ :        भवन्ति लोके खचरा भानुभाग्रस्तमूर्तयः॥

९.१० :        तत्कालांशान्तरकला भुक्त्यन्तरविभाजिताः।
९.१० :        दिनादि तत्फलं लब्धं भुक्तियोगेन वक्रिणः॥

९.११ :        तल्लग्नासुहते भुक्ती अष्टादशशतोद्धृत्
९.११ :        स्यातां कालगती ताभ्यां दिनादि गतगम्ययोः॥

९.१२ :        स्वात्यगस्त्यमृगव्याधचित्राज्येष्ठाः पुनर्वसुः।
९.१२ :        अभिजिद्ब्रह्महृदयं त्रयोदशभिरंशकैः॥

९.१३ :        हस्तश्रवणफाल्गुन्यः श्रविष्टा रोहिणीमघाः।
९.१३ :        चतुर्दशांशकैर्दृश्या विशाखाश्विनिदैवतम्॥

९.१४ :        कृत्तिकामैत्रमूलानि सार्पं रौद्रर्क्षमेव च्
९.१४ :        दृश्यन्ते पञ्चदशभिराषाढाद्द्वितयं तथा॥

९.१५ :        भरणीतिष्यसौम्यानि सौक्ष्म्यात्त्रिःसप्तकांशकैः।
९.१५ :        शेषाणि सप्तदशभिर्दृश्यादृश्यानि भानि तु॥

९.१६ :        अष्टादशशताभ्यस्ता दृश्यांशाः स्वोदयासुभिः।
९.१६ :        विभज्य लब्धाः क्षेत्रांशास्तैर्दृश्यादृश्यताथवा॥

९.१७ :        प्रागेषामुदयः पश्चादस्तो दृक्कर्म पूर्ववत् ।
९.१७ :        गतैष्यदिवसप्राप्तिर्भानुभुक्त्या सदैव हि॥

९.१८ :        अभिजिद्ब्रह्महृदयं स्वातीवैष्णववासवाः।
९.१८ :        अहिर्बुध्न्यमुदक्ष्थत्वान्न लुप्यन्ते +अर्करश्मिभिः॥



[चन्द्रशृङ्गोन्न]
१०.०१ :       उदयास्तविधिः प्राग्वत्कर्तव्यः शीतगोरपि।
१०.०१ :       भागैर्द्वादशभिः पश्चाद्दृश्यः प्राग्यात्यदृश्यताम्॥

१०.०२ :       रवीन्द्वोः षड्भयुतयोः प्राग्वल्लग्नान्तरासवः।
१०.०२ :       एकराशौ रवीन्द्वोश्च कार्या विवरलिप्तिकाः॥

१०.०३ :       तन्नाडिकाहते भुक्ती रवीन्द्वोः षष्टिभाजित्
१०.०३ :       तत्फलान्वितयोर्भूयः कर्तव्या विवरासवः॥

१०.०४ :       एवं यावत्स्थिरीभूता रवीन्द्वोरन्तरासवः।
१०.०४ :       तैः प्राणैरस्तमेतीन्दुः शुक्ले +अर्कास्तमयात्परम्॥

१०.०५ :       भगणार्धं रवेर्दत्त्वा कार्यास्तद्विवरासवः।
१०.०५ :       तैः प्राणैः कृष्णपक्षे तु शीतांशुरुदयं व्रजेत् ॥

१०.०६ :       अर्केन्द्वोः क्रान्तिविश्लेषो दिक्षाम्ये युतिरन्यथा।
१०.०६ :       तज्ज्येन्दुरर्काद्यत्रासौ विज्ञेया दक्षिणोत्तरा॥

१०.०७ :       मध्याह्नेन्दुप्रभाकर्णसङ्गुणा यदि सोत्तरा।
१०.०७ :       तदार्कघ्नाक्षजीवायां शोध्या योज्या च दक्षिणा॥

१०.०८ :       शेषं लम्बज्यया भक्तं लब्धो बाहुः स्वदिङ्मुखः।
१०.०८ :       कोटिः शङ्कुस्तयोर्वर्गयुतेर्मूलं श्रुतिर्भवेत् ॥

१०.०९ :       सूर्योनशीतगोर्लिप्ताः शुक्लं नवशतोद्धृताः।
१०.०९ :       चन्द्रबिम्बाङ्गुलाभ्यस्तं हृतं द्वादशभिः स्फुटम्॥

१०.१० :       दत्त्वार्कसंज्ञितं बिन्दुं ततो बाहुं स्वदिङ्मुखम्।
१०.१० :       ततः पश्चान्मुखी कोटिं कर्णं कोट्यग्रमध्यगम्॥

१०.११ :       कोटिकर्णयुताद्बिन्दोर्बिम्बं तात्कालिकं लिखेत् ।
१०.११ :       कर्णसूत्रेण दिक्षिद्धिं प्रथमं परिकल्पयेत् ॥

१०.१२ :       शुक्लं कर्णेन तद्बिम्बयोगादन्तर्मुखं नयेत् ।
१०.१२ :       शुक्लाग्रयाम्योत्तरयोर्मध्ये मत्स्यौ प्रसाधयेत् ॥

१०.१३ :       तन्मद्ख्यसूत्रसंयोगाद्बिन्दुत्रिस्पृग्लिखेद्धनुः॥
१०.१३ :       प्राग्बिम्बं यादृगेव स्यात्तादृक्तत्र दिने शशी॥

१०.१४ :       कोट्या दिक्साधनात्तिर्यक्षूत्रान्ते शृङ्गमुन्नतम्।
१०.१४ :       दर्शयेदुन्नतां कोटिं कृत्वा चन्द्रस्य साकृतिः॥

१०.१५ :       कृष्णे षड्भयुतं सूर्यं विशोध्येन्दोस्तथासितम्।
१०.१५ :       दद्याद्वामं भुजं तत्र पश्चिमं मण्डलं विधोः॥

[पात]
११.०१ :       एकायनगतौ स्यातां सूर्यचन्द्रमसौ यदा।
११.०१ :       तद्युतौ मण्डले क्रान्त्योस्तुल्यत्वे वैधृताभिधः॥

११.०२ :       विपरीतायनगतौ चन्द्रार्कौ क्रान्तिलिप्तिका।
११.०२ :       समास्तदा व्यतीपातो भगणार्धे तयोर्युतौ॥

११.०३ :       तुल्यांशुजालसम्पर्कात्तयोस्तु प्रवहाहतः।
११.०३ :       तद्दृक्क्रोधभवो वह्निर्लोकाभावाय जायत् ।

११.०४ :       विनाशयति पातो +अस्मिन् लोकानामसकृद्यतः।
११.०४ :       व्यतीपातः प्रसिद्धो +अयं सञ्ज्ञाभेदेन वैधृतः॥

११.०५ :       स कृष्णो दारुणवपुर्लोहिताक्षो महोदरः।
११.०५ :       सर्वानिष्टकरो रौद्रो भूयो भूयः प्रजायत् ।

११.०६ :       भास्करेन्द्वोर्भचक्रान्तश्चक्रार्धावधिसंस्थयोः।
११.०६ :       दृक्तुल्यसाधितांशादियुक्तयोः स्वावपक्रमौ॥

११.०७ :       अथौजपदगस्येन्दोः क्रान्तिर्विक्षेपसंस्कृता।
११.०७ :       यदि स्यादधिका भानोः क्रान्तेः पातो गतस्तदा॥

११.०८ :       ऊना चेत्स्यात्तदा भावी वामं युग्मपदस्य च्
११.०८ :       पदान्यत्वं विधोः क्रान्तिविक्षेपाच्चेद्विशुध्यति॥

११.०९ :       क्रान्त्योर्ज्ये त्रिज्ययाभ्यस्ते परक्रान्तिज्ययोद्धृत्
११.०९ :       तच्चापान्तरमर्धं वा योज्यं भाविनि शीतगौ॥

११.१० :       शोध्यं चन्द्राद्गते पाते तत्सूर्यगतिताडितम्।
११.१० :       चन्द्रभुक्त्या हृतं भानौ लिप्तादि शशिवत्फलम्॥

११.११ :       तद्वच्छशाङ्कपातस्य फलं देयं विपर्ययात् ।
११.११ :       कर्मैतदसकृत्तावद्यावद्क्रान्ती समे तयोः॥

११.१२ :       क्रान्त्योः समत्वे पातो +अथ प्रक्षिप्तांशोनिते विधौ।
११.१२ :       हीने +अर्धरात्रिकाद्यातो भावी तात्कालिके +अधिक् ।

११.१३ :       स्थिरीकृतार्धरात्रेन्द्वोर्द्वयोर्विवरलिप्तिकाः।
११.१३ :       षष्टिघ्न्यश्चन्द्रभुक्त्याप्ताः पातकालस्य नाडिकाः॥

११.१४ :       रवीन्दुमानयोगार्धं षष्ट्या सङ्गुण्य भाजयेत् ।
११.१४ :       तयोर्भुक्त्यन्तरेणाप्तं स्थित्यर्धं नाडिकादि तत् ॥

११.१५ :       पातकालः स्फुटो मध्यः सो +अपि स्थित्यर्धवर्जितः।
११.१५ :       तस्य सम्भवकालः स्यात्तत्संयुक्तो +अन्त्यसांज्ञितः॥

११.१६ :       आद्यन्तकालयोर्मध्यः कालो ज्ञेयो +अतिदारुणः।
११.१६ :       प्रज्वलज्ज्वलनाकारः सर्वकर्मसु गर्हितः॥

११.१७ :       एकायनगतं यावदर्केन्द्वोर्मण्डलान्तरम्।
११.१७ :       सम्भवस्तावदेवास्य सर्वकर्मविनाशकृत् ॥

११.१८ :       स्नानदानजपश्राद्धव्रतहोमादिकर्मभिः।
११.१८ :       प्राप्यत सुमहच्छ्रेयस्तत्कालज्ञानतस्तथा॥

११.१९ :       रवीन्द्वोस्तुल्यता क्रान्त्योर्विषुवत्सन्निधौ यदा।
११.१९ :       द्विर्भवेद्धि तदा पातः स्यादभावो विपर्ययात् ॥

११.२० :       शसाङ्कार्कयुतेर्लिप्ता भभोगेन विभाजिताः।
११.२० :       लब्धं सप्तदशान्तो +अन्यो व्यतीपातस्तृतीयकः॥

११.२१ :       सार्पेन्द्रपौष्ण्यधिष्ण्यानामन्त्याः पादा भसन्धयः।
११.२१ :       तदग्रभेष्वाद्यपादो गण्डान्तं नाम कीर्त्यत् ।

११.२२ :       व्यतीपातत्रयं घोरं गण्डान्तत्रितयं तथा।
११.२२ :       एतद्भसन्धित्रितयं सर्वकर्मसु वर्जयेत् ॥

११.२३ :       इत्येतत्परमं पुण्यं ज्योतिषां चरितं हितम्।
११.२३ :       र्हस्यं महदाख्यातं किमन्यच्छ्रोतुमिच्छसि॥



[भूगोल]
१२.०१ :       अथार्कांशसमुद्भूतं प्रणिपत्य कृताञ्जलिः।
१२.०१ :       भक्त्या परमयाभ्यर्च्य पप्रच्छेदं मयासुरः॥

१२.०२ :       भगवन् किम्प्रमाणा भूः किमाकारा किमाश्रया।
१२.०२ :       किंविभागा कथं चात्र सप्तपातालभूमयः॥

१२.०३ :       अहोरात्रव्यवस्थां च विदधाति कथं रविः।
१२.०३ :       कथं पर्येति वसुधां भुवनानि विभावयन्॥

१२.०४ :       देवासुराणामन्योन्यमहोरात्रं विपर्ययात् ।
१२.०४ :       किमथ तत्कथं वा स्याद्भानोर्भगणपूरणात् ॥

१२.०५ :       पित्र्यं मासेन भवति नाडीषष्ट्या तु मानुषम्।
१२.०५ :       तदेव किल सर्वत्र न भवेत्केन हेतुना॥

१२.०६ :       दिनाब्दमासहोराणामधिपा न समाः कुतः।
१२.०६ :       कथं पर्येति भगणः सग्रहो +अयं किमाश्रयः॥

१२.०७ :       भूमेरुपर्युपर्यूर्ध्वाः किमुत्सेधाः किमन्तराः।
१२.०७ :       ग्रहर्क्षकक्षाः किंमात्राः स्थिताः केन क्रमेण ताः॥

१२.०८ :       ग्रीष्मे तीव्रकरो भानुर्न हेमन्ते तथाविधः।
१२.०८ :       कियती तत्करप्राप्तिर्मानानि कति किं च तैः॥

१२.०९ :       एवं मे संशयं छिन्धि भगवन् भूतभावन्
१२.०९ :       अन्यो न त्वामृते छेत्ता विद्यते सर्वदर्शिवान्॥

१२.१० :       इति भक्त्योदितं श्रुत्वा मयोक्तं वाक्यमस्य हि।
१२.१० :       रहस्यं परमध्यायं ततः प्राह पुनः स तम्॥

१२.११ :       शृणुष्वैकमना भूत्वा गुह्यमध्यात्म संज्ञितम्।
१२.११ :       प्रवक्ष्याम्यतिभक्तानां नादेयं विद्यते मम् ।

१२.१२ :       वासुदेवः परं ब्रह्म तन्मूर्तिः पुरुषः परः।
१२.१२ :       अव्यक्तो निर्गुणः शान्तः पञ्चविंशात्परो +अव्ययः॥

१२.१३ :       प्रकृत्यन्तर्गतो देवो बहिरन्तश्च सर्वगः।
१२.१३ :       सङ्कर्षणो +अपः सृष्ट्वादौ तासु वीर्यमवासृजत् ॥

१२.१४ :       तदण्डमभवद्धैमं सर्वत्र तमसावृतम्।
१२.१४ :       तत्रानिरुद्धः प्रथमं व्यक्तीभूतः सनातनः॥

१२.१५ :       हिरण्यगर्भो भगवानेष छन्दसि पठ्यत्
१२.१५ :       आदित्यो ह्यादिभूतत्वात्प्रसूत्या सूर्य उच्यत् ।

१२.१६ :       परं ज्योतिस्तमः पारे सूर्यो +अयं सवितेति च्
१२.१६ :       पर्येति भुवनानेष भावयन् भूतभावनः॥

१२.१७ :       प्रकाशात्मा तमोहन्ता महानित्येष विश्रुतः।
१२.१७ :       ऋचो +अस्य मण्डलं सामान्युस्त्रामूर्तिर्यजूंषि च् ।

१२.१८ :       त्रयीमहो +अयं भगवाण्कालात्मा कालकृद्विभुः।
१२.१८ :       सर्वात्मा सर्वगः सूक्ष्मः सर्वमस्मिन् प्रतिष्ठितम्॥

१२.१९ :       रथे विश्वमये चक्रं कृत्वा संवत्सरात्मकम्।
१२.१९ :       छन्दांस्यश्वाः सप्त युक्ताः पर्यटत्येष सर्वदा॥

१२.२० :       त्रिपादममृतं गुह्यं पादो +अयं प्रकटो +अभवत् ।
१२.२० :       सो +अहङ्कारं जगत्सृष्ट्यै ब्रह्माणमसृजत्प्रभुः॥

१२.२१ :       तस्मै वेदान् वरान् दत्त्वा सर्वलोकपितामहम्।
१२.२१ :       प्रतिष्ठाप्याण्डमध्ये +अथ स्वयं पर्येति भावयन्॥

१२.२२ :       अथ सृष्ट्यां मनश्चक्रे ब्रह्माहङ्कारमूर्तिभृत् ।
१२.२२ :       मनसश्चन्द्रमा जज्ञे सूर्यो +अक्ष्णोस्तेजसां निधिः॥

१२.२३ :       मनसः खं ततो वायुरग्निरापो धरा क्रमात् ।
१२.२३ :       गुणैकवृद्ध्या पञ्चैव महाभूतानि जज्ञिर् ।

१२.२४ :       अग्नीषोमौ भानुचन्द्रौ ततस्त्वङ्गारकादयः।
१२.२४ :       तेजोभूखाम्बुवातेभ्यः क्रमशः पञ्च जज्ञिर् ।

१२.२५ :       पुनर्द्वादशधात्मानं व्यभजद्राशिसञ्ज्ञकम्।
१२.२५ :       नक्षत्ररूपिणं भूयः सप्तविंशात्मकं वशी॥

१२.२६ :       ततश्चराचरं विश्वं निर्ममे देवपूर्वकम्।
१२.२६ :       ऊर्ध्वमध्याधरेभ्यो +अथ स्रोतोभ्यः प्रकृतीः सृजन्॥

१२.२७ :       गुणकर्मविभागेन सृष्ट्वा प्राग्वदनुक्रमात् ।
१२.२७ :       विभागं कल्पयामास यथास्वं वेददर्शनात् ॥

१२.२८ :       ग्रहनक्षत्रतारानां भूमेर्विश्वस्य वा विभुः।
१२.२८ :       देवासुरमनुष्याणां सिद्धानां च  यथाक्रमम्॥

१२.२९ :       ब्रह्माण्डमेतत्सुषिरं तत्रेदं भूर्भुवादिकम्।
१२.२९ :       कटाहद्वितयस्येव सम्पुटं गोलकाकृति॥

१२.३० :       ब्रह्माण्डमध्ये परिधिर्व्योमकक्षाभिधीयत्
१२.३० :       तन्मध्ये भ्रमणं भानामधो +अधः क्रमशस्तथा॥

१२.३१ :       मन्दामरेज्यभूपुत्रसूर्यशुक्रेन्दुजेन्दवः।
१२.३१ :       परिभ्रमन्त्यधो+अधःस्थाः सिद्ध्हविद्याधरा घनाः॥

१२.३२ :       मध्ये समन्तादण्डस्य भूगोलो व्योम्नि तिष्ठति।
१२.३२ :       बिभ्रानः परमां शक्तिं ब्रह्मणो धारणात्मकाम्॥

१२.३३ :       तदन्तरपुटाः सप्त नागासुरसमाश्रयाः।
१२.३३ :       दिव्यौषधिरसोपेता रम्याः पातालभूमयः॥

१२.३४ :       अनेकरत्ननिचयो जाम्बूनदमयो गिरिः।
१२.३४ :       भूगोलमध्यगो मेरुरुभयत्र विनिर्गतः॥

१२.३५ :       उपरिष्टात्स्थितास्तस्य सेन्द्रा देवा महर्षयः।
१२.३५ :       अधस्तादसुरास्तद्वद्द्विषन्तो +अन्योन्यमाश्रिताः॥

१२.३६ :       ततः समन्तात्परिधिः क्रमेणायं महार्णवः।
१२.३६ :       मेखलेव स्थितो धात्र्या देवासुरविभागकृत् ॥

१२.३७ :       समन्तान्मेरुमध्यात्तु तुल्यभागेषु तोयधेः।
१२.३७ :       द्वीपिषु दिक्षु पूर्वादिनगर्यो देवनिर्मिताः॥

१२.३८ :       भूवृत्तपादे पूर्वस्यां यमकोटीति विश्रुता।
१२.३८ :       भद्राश्ववर्षे नगरी स्वर्णप्राकारतोरणा॥

१२.३९ :       याम्यायां भारते वर्षे लङ्का तद्वन्महापुरी।
१२.३९ :       पश्चिमे केतुमालाख्ये रोमकाख्या प्रकीर्तिता॥

१२.४० :       उदक्सिद्धपुरी नाम कुरुवर्षे प्रकीर्तिता।
१२.४० :       तस्यां सिद्धा महात्मानो निवसन्ति गतव्यथाः॥

१२.४१ :       भूवृत्तपादविवरास्ताश्चान्योन्यं प्रतिष्ठिताः।
१२.४१ :       ताभ्यश्चोत्तरगो मेरुस्तावानेव सुराश्रयः॥

१२.४२ :       तासामुपरिगो याति विषुवस्थो दिवाकरः।
१२.४२ :       न तासु विषुवच्छाया नाक्षस्योन्नतिरिष्यत् ।

१२.४३ :       मेरोरुभयतो मध्ये ध्रुवतारे नभः स्थित्
१२.४३ :       निरक्षदेशसंस्थानामुभये क्षितिजाश्रय् ।

१२.४४ :       अतो नाक्षत्रोच्छ्रयस्तासु ध्रुवयोः क्षितिजस्थयोः।
१२.४४ :       नवतिर्लम्बकांशास्तु मेरावक्षांशकास्तथा।

१२.४५ :       मेषादौ देवभागस्थे देवानां याति दर्शनम्।
१२.४५ :       असुराणां तुलादौ तु सूर्यस्तद्भागसञ्चरः॥

१२.४६ :       अत्यासन्नतया तेन ग्रीष्मे तीव्रकरा रवेः।
१२.४६ :       देवभागे सुराणां तु हेमन्ते मन्दतान्यथा॥

१२.४७ :       देवासुरा विषुवति क्षितिजस्थं दिवाकरम्।
१२.४७ :       पश्यन्त्यन्योन्यमेतेषां वामसव्ये दिनक्षप् ।

१२.४८ :       मेषादावुदितः सूर्यस्त्रीन् राशीनुदगुत्तरम्।
१२.४८ :       सञ्चरन् प्रागहर्मध्यं पूरयेन्मेरुवासिनाम्॥

१२.४९ :       *कर्क्यादीन् सञ्चरंश्तद्वदह्नः पश्चार्धमेव सः।(C कर्कादीन्)
१२.४९ :       तुलादींस्त्रीन्मृगादींश्च तद्वदेव सुरद्विषाम्॥

१२.५० :       अतो दिनक्षपे तेषामन्योन्यं हि विपर्ययात् ।
१२.५० :       अहोरात्रप्रमाणं च भानोर्भगणपूरणात् ॥

१२.५१ :       दिनक्षपार्धमेतेषामयनान्ते विपर्ययात् ।
१२.५१ :       उपर्यात्मानमन्योन्यं कल्पयन्ति सुरासुराः॥

१२.५२ :       अन्ये +अपि समसूत्रस्था मन्यन्ते +अधः परस्परम्।
१२.५२ :       भद्राश्वकेतुमालस्था लङ्कासिद्धपुराश्रिताः॥

१२.५३ :       सर्वत्रैव महीगोले स्वस्थानमुपरि स्थितम्।
१२.५३ :       मन्यन्ते खे यतो गोलस्तस्य क्वोर्धवं क्व वाधः॥

१२.५४ :       अल्पकायतया लोकाः स्वस्थानात्सर्वतो मुखम्।
१२.५४ :       पश्यन्ति वृत्तामप्येतां चक्राकारां वसुन्धराम्॥

१२.५५ :       सव्यं भ्रमति देवानामपसव्यं सुरद्विषाम्।
१२.५५ :       उपरिष्टाद्भगोलो +अयं व्यक्षे पश्चान्मुखः सदा॥

१२.५६ :       अतस्तत्र दिनं त्रिंशन्नाडिकं शर्वदी तथा।
१२.५६ :       हानिवृद्धी सदा वामं सुरासुरविभागयोः॥

१२.५७ :       मेषादौ तु सदा वृद्धिरुदगुत्तरतो +अधिका।
१२.५७ :       देवांशे च क्षपाहानिर्विपरीतं तथासुर् ।

१२.५८ :       तुलादौ द्युनिशोर्वामं क्षयवृद्धी तयोरुभ्
१२.५८ :       देशक्रान्तिवशान्नित्यं तद्विज्ञानं पुरोदितम्॥

१२.५९ :       भूवृत्तं क्रान्तिभागघ्नं भगणांशविभाजितम्।
१२.५९ :       अवाप्तयोजनैरर्को व्यक्षाद्यात्युपरिस्थितः॥

१२.६० :       परमापक्रमादेवं योजनानि विशोधयेत् ।
१२.६० :       भूवृत्तपादाच्छेषाणि यानि स्युर्योजनानि तैः॥

१२.६१ :       अयनान्ते विलोमेन देवासुरविभागयोः।
१२.६१ :       नाडीषष्ट्या सकृदहर्निशाप्यस्मिन् सकृत्तथा॥

१२.६२ :       तदन्तरे +अपि षष्ट्यन्ते क्षयवृद्धी अहर्निशोः।
१२.६२ :       परतो विपरीतो +अयं भगोलः परिवर्तत् ।

१२.६३ :       ऊने भूवृत्तपादे तु द्विज्यापक्रमयोजनैः।
१२.६३ :       धनुर्मृगस्थः सविता देवभागे न दृश्यत् ।

१२.६४ :       तथा चासुरभागे तु मिथुने कर्कटे स्थितः।
१२.६४ :       नष्टच्छाया महीवृत्तपादे दर्शनमादिशेत् ॥

१२.६५ :       एकज्यापक्रमानीतैर्योजनैः परिवर्जित्
१२.६५ :       भूमिकक्षाचतुर्थांशे व्यक्षाच्छेषैस्तु योजनैः॥

१२.६६ :       धनुर्मृगालिकुम्भेषु संस्थितो +अर्को न दृश्यत्
१२.६६ :       देवभागे +असुराणां तु वृषाद्ये भचतुष्टय् ।

१२.६७ :       मेरौ *मेषादिचक्रार्धे देवाः पश्यन्ति भास्करम्।(ड्-चकार्धे)
१२.६७ :       सकृदेवोदितं तद्वदसुराश्च तुलादिगम्॥

१२.६८ :       भूमण्डलात्पञ्चदशे भागे देवे +अथ वासुर्
१२.६८ :       उपरिष्टाद्व्रजत्यर्कः सौम्ययाम्यायनान्तगः॥

१२.६९ :       तदन्तरालयोश्च्छाया याम्योदक्सम्भवत्यपि।
१२.६९ :       मेरोरभिमुखं याति परतः स्वविभागयोः॥

१२.७० :       भद्राश्वोपरिगः कुर्याद्भारते तूदयं रविः।
१२.७० :       रात्र्यर्धं केतुमाले तु कुरावस्तमयं तदा॥

१२.७१ :       भारतादिषु वर्षेषु तद्वदेव परिभ्रमन्।
१२.७१ :       मध्योदयार्धरात्र्यस्तकालान् कुर्यात्प्रदक्षिणम्॥

१२.७२ :       ध्रुवोन्नतिर्भचक्रस्य नतिर्मेरुं प्रयास्यतः।
१२.७२ :       निरक्षाभिमुखं यातुर्विपरीते नतोन्नत् ।

१२.७३ :       भचक्रं ध्रुवयोर्बद्धमाक्षिप्तं प्रवहानिलैः।
१२.७३ :       पर्येत्यजस्रं तन्नद्धा ग्रहकक्षा यथाक्रमम्॥

१२.७४ :       सकृदुद्गतमब्दार्धं पश्यन्त्यर्कं सुरासुराः।
१२.७४ :       पितरः शशिगाः पक्षं स्वदिनं च नरा भुवि॥

१२.७५ :       *उपरिष्टस्य महती कक्षाल्पाधःस्थितस्य च्(C उपरिष्ठस्य)
१२.७५ :       महत्या कक्षया भागा महान्तो +अल्पास्तथाल्पया॥

१२.७६ :       कालेनाल्पेन भगणं भुङ्क्ते +अल्पभ्रमणाश्रितः।
१२.७६ :       ग्रहः कालेन महता मण्डले महति भ्रमन्॥

१२.७७ :       स्वल्पयातो बहून् भुङ्क्ते भगणान् शीतदीधितिः।
१२.७७ :       महत्या कक्षया गच्छन् ततः स्वल्पं शनैश्चरः॥

१२.७८ :       मन्दादधः क्रमेण स्युश्चतुर्था दिवसाधिपाः।
१२.७८ :       वर्षाधिपतयस्तद्वत्तृतीयाश्च प्रकीर्तिताः॥

१२.७९ :       ऊर्ध्वक्रमेण शशिनो *मासानामधिपाः स्मृताः।(ड्मसानाम्)
१२.७९ :       होरेशाः सूर्यतनयादधो+अधः क्रमशस्तथा॥

१२.८० :       भवेद्भकक्षा तीक्ष्णांशोर्भ्रमणं षष्टिताडितम्।
१२.८० :       सर्वोपरिष्टाद्भ्रमति योजनैस्तैर्भमण्डलम्॥

१२.८१ :       कल्पोक्तचन्द्रभगणा गुणिताः शशिकक्षया।
१२.८१ :       आकाशकक्षा सा ज्ञेया करव्याप्तिस्तथा रवेः॥

१२.८२ :       सैव यत्कल्पभगणैर्भक्ता तद्भ्रमणं भवेत् ।
१२.८२ :       कुवासरैर्विभज्याह्नः सर्वेषां प्राग्गतिः स्मृता॥

१२.८३ :       भुक्तियोजनजा सङ्ख्या सेन्दोर्भ्रमणसङ्गुणा।
१२.८३ :       स्वकक्षाप्ता तु सा तस्य तिथ्याप्ता गतिलिप्तिका॥

१२.८४ :       कक्षा भूकर्णगुणिता महीमण्डलभाजिता।
१२.८४ :       तत्कर्णा भूमिकर्णोना ग्रहोच्च्यं स्वं दलीकृताः॥

१२.८५ :       खत्रयाब्धिद्विदहनाः कक्षा तु हिमदीधितेः।(३२४३०
१२.८५ :       ज्ञशीघ्रस्याङ्कखद्वित्रित्कृतशून्येन्दवस्तथा॥(१०४३२०९)

१२.८६ :       शुक्रशीघ्रस्य सप्ताग्निरसाब्धिरसषड्यमाः।(२६६४६३७)
१२.८६ :       ततो +अर्कबुधशुक्राणां खखार्थैकसुरार्णवाः॥(४३३१५००)

१२.८७ :       कुजस्याप्यङ्कशून्याङ्कषड्वेदैकभुजङ्गमाः।(८१४६९०९)
१२.८७ :       चन्द्रोच्चस्य कृताष्टाब्धिवसुद्वित्र्यष्टवह्नयः॥(३८३२८४८४)

१२.८८ :       कृतर्तुमुनिपञ्चाद्रिगुणेन्दुविषया गुरोः।(५१३७५७६४)
१२.८८ :       स्वर्भानोर्वेदतर्काष्टद्विशैलार्थखकुञ्जराः॥(८०५७२८६४)

१२.८९ :       पञ्चवाणाक्षिनागर्तुरसाद्र्यर्काः शनेस्ततः।(१२७६६८२५५)
१२.८९ :       भानां रविखशून्याङ्कवसुरन्ध्रशराश्विनः॥(२५९८००१२)

१२.९० :       खव्योमखत्रयखसाग्रषट्कनागव्योमाष्टशून्ययमरूपनगाष्टचन्द्राः।(१८७१२०८०८६४००००००)
१२.९० :       ब्रह्माण्डसम्पुटपरिभ्रमणं समन्तादभ्यन्तरे दिनकरस्य करप्रसारः॥


[ज्योतिषोपनिषद्]
१३.०१ :       अथ गुप्ते शुचौ देशे स्नातः शुचिरलङ्कृतः।
१३.०१ :       सम्पूज्य भास्करं भक्त्या ग्रहान् भान्यथ गुह्यकान्॥

१३.०२ :       पारम्पर्योपदेशेन यथाज्ञानं गुरोर्मुखात् ।
१३.०२ :       आचार्यः शिष्यबोधार्थं सर्वं प्रत्यक्षदर्शिवान्॥

१३.०३ :       भूभगोलस्य रचनां कुर्यादाश्चर्यकारिणीम्।
१३.०३ :       अभीष्टं पृथिवीगोलं कारयित्वा तु दारवम्॥

१३.०४ :       दण्डं तन्मध्यगं मेरोरुभयत्र विनिर्गतम्।
१३.०४ :       आधारकक्षाद्वितयं कक्षा वैषुवती तथा॥

१३.०५ :       भगणांशाङ्गुलैः कार्या दलितैस्तिस्र एव ताः।
१३.०५ :       स्वाहोरात्रार्धकर्णैश्च तत्प्रमाणानुमानतः॥

१३.०६ :       क्रान्तिविक्षेपभागैश्च दलितैर्दक्षिणोत्तरैः।
१३.०६ :       स्वैः स्वैरपक्रमैस्तिस्रो मेषादीनामपक्रमात् ॥

१३.०७ :       कक्षाः प्रकल्पयेत्ताश्च कर्क्यादीनां विपर्ययात् ।
१३.०७ :       तद्वत्तिस्रस्तुलादीनां मृगादीनां विलोमतः॥

१३.०८ :       याम्यगोलाश्रिताः कार्याः कक्षाधाराद्द्वयोरपि।
१३.०८ :       याम्योदग्गोलसंस्थानां भानामभिजितस्तथा॥

१३.०९ :       सप्तर्षीणामगस्त्यस्य ब्रह्मादीनां च कल्पयेत् ।
१३.०९ :       मध्ये वैषुवती कक्षा सर्वेषामेव संस्थिता॥

१३.१० :       तदाधारयुतेरूर्ध्वमयने विषुवद्वयम्।
१३.१० :       विषुवत्स्थानतो भागैः स्फुटैर्भगणसञ्चरात् ॥

१३.११ :       क्षेत्राण्येवमजादीनां तिर्यग्ज्याभिः प्रकल्पयेत् ।
१३.११ :       अयनादयनं चैव कक्षा तिर्यक्तथापरा॥

१३.१२ :       क्रान्तिसञ्ज्ञा तया सूर्यः सदा पर्येति भासयन्।
१३.१२ :       चन्द्राद्याश्च स्वकैः पातैरपमण्डलमाश्रितैः॥

१३.१३ :       ततो +अपकृष्टा दृश्यन्ते विक्षेपान्तेष्वपक्रमात् ।
१३.१३ :       उदयक्षितिजे लग्नमस्तं गच्छच्च तद्वशात् ॥

१३.१४ :       लङ्कोदयैर्यथासिद्धं खमध्योपरि मध्यमम्।
१३.१४ :       मध्यक्षितिजयोर्मध्ये या ज्या सान्त्याभिधीयत् ।

१३.१५ :       ज्ञेया चरदलज्या च विषुवत्क्षितिजान्तरम्।
१३.१५ :       कृत्वोपरि स्वकं स्थानं मध्ये क्षितिजमण्डलम्॥

१३.१६ :       वस्त्रच्छन्नं बहिस्चापि लोकालोकेन वेष्टितम्।
१३.१६ :       अमृतस्रावयोगेन कालभ्रमणसाधनम्॥

१३.१७ :       तुङ्गबीजसमायुक्तं गोलयन्त्रं प्रसाधयेत् ।
१३.१७ :       गोप्यमेतत्प्रकाशोक्तं सर्वगम्यं भवेदिह् ।

१३.१८ :       तस्माद्गुरूपदेशेन रचयेद्गोलमुत्तमम्।
१३.१८ :       युगे युगे समुच्छिन्ना रचनेयं विवस्वतः॥

१३.१९ :       प्रसादात्कस्यचिद्भूयः प्रादुर्भवति कामतः।
१३.१९ :       कालसंसाधनार्थाय तथा यन्त्राणि साधयेत् ॥

१३.२० :       एकाकी योजयेद्बीजं यन्त्रे विस्मयकारिणि।
१३.२० :       शङ्कुयष्टिधनुश्चक्रैश्छायायन्त्रैरनेकधा॥

१३.२१ :       गुरूपदेशाद्विज्ञेयं कालज्ञानमतन्द्रितैः।
१३.२१ :       तोययन्त्रकपालाद्यैर्मयूरनरवानरैः॥

१३.२१ :       ससूत्ररेणुगर्भैश्च सम्यक्कालं प्रसाधयेत् ॥
१३.२२ :       पारदाराम्बुसूत्राणि शुल्वतैलजलानि च्
१३.२२ :       बीजानि पांसवस्तेषु प्रयोगास्ते +अपि दुर्लभाः॥

१३.२३ :       तांरपात्रमधश्छिद्रं न्यस्तं कुण्डे +अमलाम्भसि।
१३.२३ :       षष्टिर्मज्जत्यहोरात्रे स्फुटं यन्त्रं कपालकम्॥

१३.२४ :       नरयन्त्रं तथा साधु दिवा च विमले रवौ।
१३.२४ :       छायासंसाधनैः प्रोक्तं कालसाधनमुत्तमम्॥

१३.२५ :       ग्रहनक्षत्रचरितं ज्ञात्वा गोलं च तत्त्वतः।
१३.२५ :       ग्रहलोकमवाप्नोति पर्यायेणात्मवान्नरः॥



[मान]
१४.०१ :       ब्राह्मं दिव्यं तथा पित्र्यं प्राजापत्यं गुरोस्तथा।
१४.०१ :       सौरं च सावनं चान्द्रमार्क्षं मानानि वै नव् ।

१४.०२ :       चतुर्भिर्व्यवहारो +अत्र सौरचान्द्रार्क्षसावनैः।
१४.०२ :       बार्हस्पत्येन षष्ट्यब्दं ज्ञेयं नान्यैस्तु नित्यशः॥

१४.०३ :       सौरेण द्युनिशोर्मानं षडशीतिमुखानि च्
१४.०३ :       अयनं विषुवच्चैव संक्रान्तेः पुण्यकालता॥

१४.०४ :       तुलादि षडशीत्यह्नां षडशीतिमुखं क्रमात् ।
१४.०४ :       तच्चतुष्टयमेव स्याद्द्विस्वभावेषु राशिषु॥

१४.०५ :       षड्विंशे धनुषो भागे द्वाविंशे निमिषस्य च्
१४.०५ :       मिथुनाष्टादशे भागे कन्यायास्तु चतुर्दश् ।

१४.०६ :       ततः शेषाणि कन्याया यान्यहानि तु षोडश्
१४.०६ :       क्रतुभिस्तानि तुल्यानि पितॄणां दत्तमक्षयम्॥

१४.०७ :       भचक्रनाभौ विषुवद्द्वितयं समसूत्रगम्।
१४.०७ :       अयनद्वितयं चैव चतस्रः प्रथितास्तु ताः॥

१४.०८ :       तदन्तरेषु संक्रान्तिद्वितयं द्वितयं पुनः।
१४.०८ :       नैरन्तर्यात्तु संक्रान्तेर्ज्ञेयं विष्णुपदीद्वयम्॥

१४.०९ :       भानोर्मकरसङ्क्रान्तेः षण्मासा उत्तरायणम्।
१४.०९ :       कर्क्यादेस्तु तथैव स्यात्षण्मासा दक्षिणायनम्॥

१४.१० :       द्विराशिनाथ ऋतवस्ततो +अपि शिशिरादयः।
१४.१० :       मेषादयो द्वादशैते मासास्तैरेव वत्सरः॥

१४.११ :       अर्कमानकलाः षष्ट्या गुणिता भुक्तिभाजिताः।
१४.११ :       तदर्धनाड्यः सङ्क्रान्तेरर्वाक्पुण्यं तथा पर् ।

१४.१२ :       अर्काद्विनिःसृतः प्राचीं यद्यात्यहरहः शशी।
१४.१२ :       तच्चान्द्रमानमंशैस्तु ज्ञेया द्वादशभिस्तिथिः॥

१४.१३ :       तिथिः करणमुद्वाहः क्षौरं सर्वक्रियास्तथा।
१४.१३ :       व्रतोपवासयात्राणां क्रिया चान्द्रेण गृह्यत् ।

१४.१४ :       त्रिंशता तिथिभिर्मासश्चान्द्रः पित्र्यमहः स्मृतम्।
१४.१४ :       निशा च मासपक्षान्तौ तयोर्मध्ये विभागतः॥

१४.१५ :       भचक्रभ्रमणं नित्यं  नाक्षत्रं दिनमुच्यत्
१४.१५ :       नक्षत्रनाम्ना मासास्तु ज्ञेयाः पर्वान्तयोगतः॥

१४.१६ :       कार्तिक्यादिषु संयोगे कृत्तिकादि द्वयं द्वयम्।
१४.१६ :       अन्त्योपान्त्यौ पञ्चमश्च त्रिधा मासत्रयं स्मृतम्॥

१४.१७ :       वैशाखादिषु कृष्णे च योगः पञ्चदशे तिथौ।
१४.१७ :       कार्त्तिकादीनि वर्षाणि गुरोरस्तोदयात्तथा॥

१४.१८ :       उदयादुदयं भानोः सावनं तत्प्रकीर्तितम्।
१४.१८ :       सावनानि स्युर्*एतेन यज्ञकालविधिस्तु तैः॥(डेतन)

१४.१९ :       सूतकादिपरिच्छेदो दिनमासाब्दपास्तथा।
१४.१९ :       मध्यमा ग्रहभुक्तिस्तु सावनेनैव गृह्यत् ।

१४.२० :       सुरासुराणामन्योन्यमहोरात्रं विपर्ययात् ।
१४.२० :       यत्प्रोक्तं तद्भवेद्दिव्यं भानोर्भगणपूरणात् ॥

१४.२१ :       मन्वन्तरव्यवस्था च  प्राजापत्यमुदाहृतम्।
१४.२१ :       न तत्र द्युनिशोर्भेदो ब्राह्मं कल्पः प्रकीर्तितम्॥

१४.२२ :       एतत्ते परमाख्यातं रहस्यं परमाद्भुतम्।
१४.२२ :       ब्रह्मैतत्परमं पुण्यं सर्वपापप्रणाशनम्॥

१४.२३ :       दिव्यं चार्क्षं ग्रहाणां च दर्शितं ज्ञानमुत्तमम्।
१४.२३ :       विज्ञायार्कादिलोकेषु स्थानं प्राप्नोति शास्वतम्॥

१४.२४ :       इत्युक्त्वा मयमामन्त्र्य सम्यक्तेनाभिपूजितः।
१४.२४ :       दिवमाचक्रमे +अर्कांशः प्रविवेश स्वमण्डलम्॥

१४.२५ :       मयो +अथ दिव्यं तज्ञानं ज्ञात्वा साक्षाद्विवस्वतः।
१४.२५ :       कृतकृत्यमिवात्मानं मेने निर्धूतकल्मषम्॥

१४.२६ :       ज्ञात्वा तमृषयश्चाथ सूर्यलब्धवरं मयम्।
१४.२६ :       परिबब्रुरुपेत्याथो ज्ञानं पप्रच्छुरादरात् ॥

१४.२७ :       स तेभ्यः प्रददौ प्रीतो ग्रहाणां चरितं महत् ।
१४.२७ :       अत्यद्भुततमं लोके रहस्यं ब्रह्मसम्मितम्॥