०००११ अंशवस्तव निशाकर नूनं कल्पितास्तरुणकेतकखण्डैः ।
०००१२ येन पाण्डुरतरद्युतयो नः कण्टकैरिव तुदन्ति शरीरम् ॥
०००२१ अंशुकं हृतवता तनुबाहु स्वस्तिकापिहितमुग्धकुचाग्रा ।
०००२२ भिन्नशङ्खवलयं परिणेत्रा पर्यरम्भि रभसादचिरोढा ॥
०००३१ अंशुकमिव शीतभयात्संस्त्यानत्वच्छलेन हिमधवलम् ।
०००३२ अम्भोभिरपि गृहीतं पश्यत शिशिरस्य माहात्म्यम् ॥
०००४१ अंशुकेन जघनं तिरोदधे क चुकेन च कुचौ मृगीदृशाम् ।
०००४२ पीयमानमनिशं प्रियेक्षणैः क्षामतामिव जगाम मध्यमम् ॥
०००५१ अंशुपाणिभिरतीव पिपासुः पद्मजं मधु भृशं रसयित्वा ।
०००५२ क्षीबतामिव गतः क्षितिमेष्यंल्लोहितं वपुरुवाह पतङ्गः ॥
०००६१ अंशुमानपि विपाकपिशङ्गं रूपमाप परितो दिवसान्ते ।
०००६२ कः परोऽत्र न विकारमुपेयाद्ध्वान्तभीमपरिवेल्लितमूर्तिः ॥
०००७१ अंशो दण्डसमः पूर्वः प्रयाससम उत्तमः ।
०००७२ विलोपो वा यथालाभं प्रक्षेपसम एव वा ॥
०००८१ अंशोऽपि दुष्टदिष्टानां परेषां स्याद्विनाशकृत् ।
०००८२ बाललेशोऽपि व्याघ्राणां यत्स्याज्जीवितहानये ॥
०००९१ अंसाववष्टब्धनता समाधिः शिरोधराया रहितप्रयासः ।
०००९२ धृता विकारांस्त्यजता मुखेन प्रसादलक्ष्मीः शशलाञ्छनस्य ॥
००१०१ अंसालम्बितवामकुण्डलधरं मन्दोन्नतभ्रूलतं किंचित्कुञ्चितकोमलाधरपुटं साचिप्रसारीक्षणम् ।
००१०२ अलोलाङ्गुलिपल्लवैर्मुरलिकामापूरयन्तं मुदा मूले कल्पतरोस्त्रिभङ्गललितं ध्याये जगन्मोहनम् ॥
००१११ अंसासक्तकपोलवंशवदनव्यासक्तबिम्बाधरद्वन्द्वोदीरितमन्दमन्दपवन्प्रारब्धमुग्धध्वनिः ।
००११२ ईषद्वक्रिमलोलहारनिकरः प्रत्येकरोकाननन्यञ्चच्चञ्चदुदञ्चदङ्गुलिचयस्त्वां पातु राधाधवः ॥
००१२१ अंसेन कर्णं चिबुकेन वक्षः करद्वयेनाक्षि तिरोदधानाम् ।
००१२२ संताडयामास हरिः समेत्य चकोरनेत्रां चलुकोदकेन ॥
००१३१ अंहः संहरदखिलं सकृदुदयादेव सकललोकस्य ।
००१३२ तरणिरिव तिमिरजलधिं जयति जगन्मङ्गलं हरेर्नाम ॥
००१४१ अकण्टका पुष्पमही वेशयोषिदमातृका ।
००१४२ मन्त्रिहीना च राज्यश्रीर्भुज्यते विटचेटकैः ॥
००१५१ अकण्ठस्य कण्ठे कथं पुष्पमाला विना नासिकायाः कथं धूपगन्धः ।
००१५२ अकर्णस्य कर्णे कथं गीतनृत्यमपादस्य पादे कथं मे प्रणामः ॥
००१६१ अकपर्द्दकस्य विफलं जनुरिति जानीमहे महेशोऽपि ।
००१६२ शिरसि कृतेन कपर्द्दी भवति जटाजूटकेनापि ॥
००१७१ अकरवमधिमौलि पादपद्मावपनय मानिनि मानितामकाण्डे ।
००१७२ यदि पररमणीं गतस्तदाथ स्तनयुगलिङ्गयुगं स्प्र्शामि तन्वि ॥
००१८१ अकरुण कातरमनसा दर्शितनीरा निरन्तरालेयम् ।
००१८२ त्वामनुधावति विमुखं गङ्गेव भगीरथं दृष्टिः ॥
००१९१ अकरुणत्वमकारणविग्रहः परधनापहृतिः परयोषितः ।
००१९२ स्वजनबन्धुजनेष्वसहिष्णुता प्रकृतिसिधमिदं हि दुरात्मनाम् ॥
००२०१ अकरुण मृषाभाशासिन्धो विमुञ्च ममाञ्चलं तव परिचितः स्नेहः सम्यङ्मयेत्यभिधायिनीम् ।
००२०२ अविरलगलद्वाष्पां तन्वीं निरस्तविभूषणां क इह भवतीं भद्रे निद्रे विना विनिवेदयेत् ॥
००२११ अकरोः किमु नेत्रशोणिमानं किमकार्षीः करपल्लवावरोधम् ।
००२१२ कलहं किमधाः क्रुधा रसज्ञे हितमर्थं न विदन्ति दैवदष्टाः ॥
००२२१ अकर्णमकरोच्छेषं विधिर्ब्रह्माण्डभङ्गधीः ।
००२२२ श्रुत्वा रामकथां रम्यां शिरः कस्य न कम्पते ॥
००२३१ अकर्णधाराशुगसंभृताङ्गतां गतैररित्रेण विनास्य वैरिभिः ।
००२३२ विधाय यावत्तरणेर्भिदामहो निमज्ज्य तीर्णः समरे भवार्णवः ॥
००२४१ अकर्तव्यं न कर्तव्यं प्राणैः कण्ठगतैरपि ।
००२४२ कर्तव्यमेव कर्तव्यं प्राणैः कण्ठगतैरपि ॥
००२५१ अकर्तव्येष्वसाध्वीव तृष्णा प्रेरयते जनम् ।
००२५२ तमेव सर्वपापेभ्यो लज्जा मातेव रक्षति ॥
००२६१ अकर्मणां वै भूतानां वृत्तिः स्यान्न हि काचन ।
००२६२ तदेवाभ्रिप्रपद्येत न विहन्यात्कथंचन ॥
००२७१ अकर्मशीलं च महाशनं च लोकद्विष्टं बहुमायं नृशंसम् ।
००२७२ अदेशकालज्ञमनिष्टवेषमेतान् गृहे न प्रतिवासयीत ॥
००२८१ अकलङ्कचन्द्रकलया कलिता सा भाति वारुणी तरुणी ।
००२८२ भालस्थलीव शम्भोः संध्याध्यानोपविष्टस्य ॥
००२९१ अकलङ्कान्तिके कान्तिः केति कालङ्कलङ्किनः ।
००२९२ अरुणे तरुणे मस्या धावं कामयते शशी ॥
००३०१ अकलङ्का पुलकवती सस्नेहा मुक्तकञ्चुकी श्यामा ।
००३०२ पततु तवोरसि दयिता खङ्गलता वैरिणः शिरसि ॥
००३११ अकलङ्को दृढः शुद्धः परिवारी गुणान्वितः ।
००३१२ सद्वंशो हृदयग्राही खङ्गः सुसदृशस्तव ॥
००३२१ अकलितनिजपररूपः स्वकमपि दोषं परस्थितं वेत्ति ।
००३२२ नावास्थितस्तटस्थानचलानपि विचलितान्मनुते ॥
००३३१ अकलियुगमखर्वमत्र हृद्यं व्यचरदपापघनो यतः कुटुम्बी ।
००३३२ मम रुचिरिह लक्ष्मणाग्रजेन प्रभवति शर्मदशास्यमर्देन ॥
००३४१ अकलिलतपस्तेजोवीर्यप्रथिम्नि यशोनिधा ववितथमदध्माते रोषान्मुनावभिधावति ।
००३४२ अभिनवधनुर्विद्यादर्पक्षमाय च कर्मणे स्फुरति रभसात्पाणिः पादोपसंग्रहणाय च ॥
००३५१ अकल्पः स्वाङ्गचेष्टायां शकुन्त इव पञ्जरे ।
००३५२ अनुच्छ्वसन्स्मरन् पूर्वं गर्भे किं नाम विन्दते ॥
००३६१ अकस्मात्प्रक्रिया नॄणामकस्माच्चापकर्षणम् ।
००३६२ शुभाशुभे महत्त्वं च प्रकर्तुं बुद्धिलाघवात् ॥
००३७१ अकस्मादपि यः कश्चिदर्थं प्राप्नोति पूरुषः ।
००३७२ तं हठेनेति मन्यन्ते स हि यत्नो न कस्यचित् ॥
००३८१ अकस्मादुन्मत्त प्रहरसि किमध्वक्षितिरुहं ह्रदं हस्ताघातैर्विदलसि किमुत्फुल्लनलिनम् ।
००३८२ तदा जानीमस्ते करिवर बलोद्गारमसमं सटां सुप्तस्यापि स्पृशसि यदि पञ्चाननशिशोः ॥
००३९१ अकस्मादेकस्मिन् पथि सखि मया यामुनतटं व्रजन्त्या दृष्टोऽयं नवजलधरश्यामलतनुः ।
००३९२ स दृग्भङ्ग्या किं वाकुरुत न हि जाने तत इदं मनो मे व्यालोलं क्वचन गृहकृत्ये न लगते ॥
००४०१ अकस्मादेव कुप्यन्ति प्रसीदन्त्यनिमित्ततः ।
००४०२ शीलमेतदसाधूनामभ्रं पारिप्लवं यथा ॥
००४११ अकस्मादेव तन्वङ्गी जहास यदियं पुनः ।
००४१२ नूनं प्रसूनबाणोऽस्यां स्वाराज्यमधितिष्ठति ॥
००४२१ अकस्मादेव ते चण्डि स्फुरिताधरपल्लवम् ।
००४२२ मुखं मुक्तारुचो धत्ते घर्माम्भःकणमञ्जरीः ॥
००४३१ अकस्मादेव यः कोपादभीक्ष्णं बहु भाषते ।
००४३२ तस्मादुद्विजते लोकः सस्फुलिङ्गादिवानलात् ॥
००४४१ अकस्माद्द्वेष्टि यो भक्तमाजन्मपरिसेवितम् ।
००४४२ न व्यञ्जने रुचिर्यस्य त्याज्यो नृप इवातुरः ॥
००४५१ अकाण्डकोपिनो भर्तुरन्यासक्तेश्च योषितः ।
००४५२ प्रशान्तिश्चेतसः कर्तुं ब्रह्मणापि न शक्यते ॥
००४६१ अकाण्डध्र्तमानसव्यवसितोत्सवैः सारसैरकाण्दपटुताण्डवैरपि शिखण्डिनां मण्डलैः ।
००४६२ दिशः समवलोकिताः सरसनिर्भरप्रोल्लसद्भवत्पृथुवरूथिनीरजनिभूरजःश्यामलाः ॥
००४७१ अकाण्डपातजातानामस्त्राणां मर्मभेदिनाम् ।
००४७२ गाढशोकप्रहाराणामचिन्तैव महौषधम् ॥
००४८१ अकाण्डे वक्षोजस्खलितवसनव्यापृतकरं मृषा जृम्भारम्भोन्नमितभुजबन्धोन्नतकुचम् ।
००४८२ वृथा यातायातैः कपटकलितान्योन्यहसितं हरन्त्येताश्चित्तान्यहह जगतां वारवनिताः ॥
००४९१ अकामस्य क्रिया काचिद्दृश्यते नेह कऋहिचित् ।
००४९२ यद्यद्धि कुरुते किंचित्तत्तत्कामस्य चेष्टितम् ॥
००५०१ अकामां कामयानस्य शरीरमुपतप्यते ।
००५०२ इच्छन्तीं कामयानस्य प्रीतिर्भवति शोभना ॥
००५११ अकामान् कामयति यः कामयानान् परिद्विषन् ।
००५१२ बलवन्तं च यो द्वेष्टि तमाहुर्मूढचेतसम् ॥
००५२१ अकारणं रूपमकारणं कुलं महत्सु नीचेषु च कर्म शोभते ।
००५२२ इदं हि रूपं परिभुतपूर्वकं तदेव भूयो बहुमानमागतम् ॥
००५३१ अकारणं व्याकरणं तन्त्रीशब्दोऽप्यकारणम् ।
००५३२ अकारणं त्रयो वेदास्तण्डुलास्तत्र कारणम् ॥
००५४१ अकारणाविष्कृतकोपदारुणात्खलाद्भयं कस्य न नाम जायते ।
००५४२ विषं महाहेरिव यस्य दुर्वचः सुदुःसहं संनिहितं सदा मुखे ॥
००५५१ अकारणेन विप्रेभ्यो यः कुप्यति नराधिपः ।
००५५२ क्र्ष्णसर्पं स गृह्णाति शिरसा बलदऋपितः ॥
००५६१ अकार्यकरणाद्भीतः कार्याणां च विवर्जनात् ।
००५६२ अकाले मन्त्रभेदाच्च येन माद्येन्न तत्पिबेत् ॥
००५७१ अकार्यप्रतिषेधश्च कार्याणां च प्रवर्तनम् ।
००५७२ प्रदानं च प्रदेयानामदेयानामसंग्रहः ॥
००५८१ अकार्यमसकृत्कृत्वा दृश्यन्ते ह्यधना नराः ।
००५८२ धनयुक्तास्त्वधर्मस्था दृश्यन्ते चापरे जनाः ॥
००५९१ अकार्याण्यपि पर्याप्य कृत्वापिं वृजिनार्जनम् ।
००५९२ विधीयते हितं यस्य स देहः कस्य सुस्थिरः ॥
००६०१ अकार्ये तथ्यो वा भवति वितथः काममथवा तथाप्युच्चैर्धाम्नां हरति महिमानं जनरवः ।
००६०२ तुलोत्तीर्णस्यापि प्रकटनिहताशेषतमसो रवेस्तादृक्तेजो न हि भवति कन्यां गत इति ॥
००६११ अकालचर्या विषमा च गोष्ठी कुमित्रसेवा न कदापि कार्या ।
००६१२ पश्याण्डजं पद्मवने प्रसुप्तं धनुर्विमुक्तेन शरेण भिन्नम् ॥
००६२१ अकालजलदेन्दोः सा हृद्या वदनचन्द्रिका ।
००६२२ नित्यं कविचकोरैर्या पीयते न च हीयते ॥
००६३१ अकालजलदश्लोकैश्चित्रमात्मकृतैरिव ।
००६३२ जातः कादम्बरीरामो नाटके प्रवरः कविः ॥
००६४१ अकालजलदच्छन्नमालोक्य रविमण्डलम् ।
००६४२ चक्रवाकयुगं रौति रजनीभयशङ्कया ॥
००६५१ अकालमृत्युं परिहृत्य जीवितं ददाति यो देहसुखं च देहिनाम् ।
००६५२ नतेन धात्रास्ति समः कुतोऽधिको न जीविताद्दानमिहातिरिच्यते ॥
००६६१ अकालमृत्युर्विश्वासो विश्वसन् हि विपद्यते ।
००६६२ यस्मिन् करोति विश्वासं स जीवत्यपरो मृतः ॥
००६७१ अकालसहमत्यल्पं मूर्खव्यसनिनायकम् ।
००६७२ अगुप्तं भीरुयोधं च दुर्गव्यसनमुच्यते ॥
००६८१ अकालसैन्ययुक्तस्तु हन्यते कालयोधिना ।
००६८२ कौशिकेन हतज्योतिर्निशीथ इव वायसः ॥
००६९१ अकाले कृत्यमारब्धं कऋतुं नार्थाय कल्पते ।
००६९२ तदेव काल आरब्धं महतेऽर्थाय कल्पते ॥
००७०१ अकाले गर्जिते देवे दुर्दिनं वाथवा भवेत् ।
००७०२ पूर्वकाण्डहतं लक्ष्यमनध्यायं प्रचक्षते ॥
००७११ अकिंचनः परिपतन् सुखमास्वादयिष्यसि ।
००७१२ अकिंचनः सुखं शेते समुत्तिष्ठति चैव हि ॥
००७२१ अकिंचनत्वं राज्यं च तुलया समतोलयत् ।
००७२२ अकिंचनत्वमधिकं राज्यादपि जितात्मनः ॥
००७३१ अकिंचनस्य दान्तस्य शान्तस्य समचेतसः ।
००७३२ मया संतुष्टमनसः सर्वाः सुखमया दिशः ॥
००७४१ अकिंचनस्य शुद्धस्य उपपन्नस्य सर्वशः ।
००७४२ अवेक्षमाणस्त्रींल्लोकान्न तुल्यमुपलक्षये ॥
००७५१ अकिंचनाश्च दृश्यन्ते पुरुषाश्चिरजीविनः ।
००७५२ समृद्धे च कुले जाता विनश्यन्ति पतंगवत् ॥
००७६१ अकिंचित्कारिणां दीनैराकृष्टगुणकर्मणाम् ।
००७६२ अघाय गतसत्त्वानां दर्शनस्पर्शनादिकम् ॥
००७७१ अकीर्तिं चापि भूतानि कथयिष्यन्ति तेऽव्ययाम् ।
००७७२ संभावितस्य चाकीर्तिर्मरणादतिरिच्यते ॥
००७८१ अकीर्तिर्यस्य गीयेत लोके भूतस्य कस्यचित् ।
००७८२ पतत्येवाधमांल्लोकान् यावच्छब्दः प्रकीर्त्यते ॥
००७९१ अकीर्तिर्निन्द्यते देवैः कीर्तिर्लोकेषु पूज्यते ।
००७९२ कीर्त्यर्थं तु समारम्भः सर्वेषां सुमहात्मनाम् ॥
००८०१ अकीर्तेः कारणं योषिद्योषिद्वैरस्य कारणम् ।
००८०२ संसारकारणं योषिद्योषितं वर्जयेत्ततः ॥
००८११ अकुण्ठोत्कण्ठया पूर्णमकण्ठं कलकण्ठि माम् ।
००८१२ कम्बुकण्ठ्याः क्षणं कण्ठे कुरु कण्ठार्तिमुद्धर ॥
००८२१ अकुबेरपुरीविलोकनं न धरासूनुकरं कदाचन ।
००८२२ अथ तत्प्रतिकारहेतवेऽदमयन्तीपतिलोचनं भज ॥
००८३१ अकुर्वन्तोऽपि पापानि शुचयः पापसंश्रयात् ।
००८३२ परपापैर्विनश्यन्ति मत्स्या नागह्रदे यथा ॥
००८४१ अकुलानां कुले भावं कुलीनानां कुलक्षयम् ।
००८४२ संयोगं विप्रयोगं च पश्यन्ति चिरजीविनः ॥
००८५१ अकुलीनः कुलीनश्च मर्यादां यो न लङ्घयेत् ।
००८५२ धर्मापेक्षी मृदुर्दान्तः स कुलीनशतैर्वरः ॥
००८६१ अकुलीनस्तु पुरुषः प्रकृतः साधुसंक्षयात् ।
००८६२ दुर्लभैश्वर्यसंप्राप्तो गर्वितः शत्रुतां व्रजेत् ॥
००८७१ अकुलीनोऽपि मूर्खोऽपि भूपालं योऽत्र सेवते ।
००८७२ अपि संमानहीनोऽपि स सर्वत्र प्रपूज्यते ॥
००८८१ अकुले पतितो राजा मूर्खपुत्रो हि पण्डितः ।
००८८२ निर्धनस्य धनप्राप्तिस्तृणवन्मन्यते जगत् ॥
००८९१ अकूपाराद्वारि प्रचुरतरमादाय जलदः स दानाध्यक्षोऽपि प्रकिरति जलं नाद्भुतमिदम् ।
००८९२ स मेघो धन्यो यत्परिकिरति मुक्ताफलतया यदीयासौ कीर्तिर्नटति नृपनारीकुचतटे ॥
००९०१ अकूर्चारम्भोऽपि प्रतिचुबुकदेशं करतलं प्रतिज्ञायां कुर्वन् युवतिषु दृशं स्निग्धतरलाम् ।
००९०२ कुमारोऽहं कारात्परिषदि समानानगणयन् भुजौ वक्षः पश्यन्नववयसि कान्तिं वितनुते ॥
००९११ अकृतकवलारम्भैर्वक्त्रैर्भयस्थगितेक्षणाः किमपि वलितग्रीवं स्थित्वा मुहुर्मृगपङ्क्तयः ।
००९१२ गगनमसकृत्पश्यन्त्येतास्तथाश्रुघनैर्मुखैर्निपतति यथा शृङ्गाग्रेभ्योऽक्रमं नयनोदकम् ॥
००९२१ अकृतज्ञमनार्यं च दीर्घरोषमनार्जवम् ।
००९२२ चतुरो विद्धि चाण्डालाञ्जात्या जायेत पञ्चमः ॥
००९३१ अकृतत्यागमहिम्नां मिथ्या किं राजराजशब्देन ।
००९३२ गोप्तारं न निधीनां महयन्ति महेश्वरं विबुधाः ॥
००९४१ अकृतद्विषदुन्नतिच्छिदः श्रितसंरक्षणवन्ध्यकर्मणः ।
००९४२ पुरुषस्य निरर्थकः करः किल कण्डूयनमात्रसार्थकः ॥
००९५१ अकृतप्रेमैव वरं न पुनः संजातविघटितप्रेमा ।
००९५२ उद्धृतनयनस्ताम्यति यथा हि न तथेह जातान्धः ॥
००९६१ अकृत विशदधाम्नो बिम्बसारं गृहीत्वा दयित युवतिवक्त्रं लोकधात्रेति विद्मः ।
००९६२ न हि न हि भवदीयो मोह एवैष मित्र सितगरलनिधानं तत्त्वतो निश्चिनु त्वम् ॥
००९७१ अकृतस्यागमो नास्ति कृते नाशो न विद्यते ।
००९७२ अकस्मादेव लोकोऽयं तृष्णे दासीकृतस्त्वया ॥
००९८१ अकृतात्मानमासाद्य राजानमनये रतम् ।
००९८२ समृद्धानि विनश्यन्ति राष्ट्राणि नगराणि च ॥
००९९१ अकृतेऽप्युद्यमे पुंसामन्यजन्मकृतं फलम् ।
००९९२ शुभाशुभं समभ्येति विधिना संनियोजितम् ॥
०१००१ अकृतेष्वेवकार्येषु मृत्युर्वै संप्रकर्षति ।
०१००२ युवैव धर्मशीलः स्यादनिमित्तं हि जीवितम् ॥
०१०११ अकृतोपद्रवः कश्चिन्महानपि न पूज्यते ।
०१०१२ पूजयन्ति नरा नागान्न तार्क्ष्यं नागघातिनम् ॥
०१०२१ अकृतयं नैव कृत्यं स्यात्प्राणत्यागेऽप्युपस्थिते ।
०१०२२ न च कृत्यं परित्याज्यमेष धर्मः सनातनः ॥
०१०३१ अकृतयं मन्यते कृतयमगम्यं मन्यते सुगम् ।
०१०३२ अभक्ष्यं मन्यते भक्ष्यं स्त्रीवाक्यप्रेरितो नरः ॥
०१०४१ अकृत्रिमप्रेमरसा विलासालसगामिनी ।
०१०४२ असारे दग्धसंसारे सारं सारङ्गलोचना ॥
०१०५१ अकृत्रिमविलासाङ्कमशिक्षितकलाक्रमम् ।
०१०५२ अविभागाङ्गसुभगं बभूव सुरतं तयोः ॥
०१०६१ अकृत्वा कर्म यो लोके फलं विन्दति विष्टितः ।
०१०६२ स तु वक्तव्यतां याति द्वेष्यो भवति प्रायशः ॥
०१०७१ अकृत्वा निजदेशस्य रक्षां यो विजिगीषते ।
०१०७२ स नृपः परिधानेन वृतमौलिः पुमानिव ॥
०१०८१ अकृत्वा परसंतापमगत्वा खलनम्रताम् ।
०१०८२ अनुत्सृज्य सतां वर्त्म यत्स्वल्पमपि तद्बहु ॥
०१०९१ अकृत्वा पौरुषं या श्रीः किं तयालसभाग्यया ।
०१०९२ कुरङ्गोऽपि समश्नाति दैवादुपनतं तृणम् ॥
०११०१ अकृत्वा मानुषं कर्म यो दैवमनुवर्तते ।
०११०२ वृथा श्राम्यति संप्राप्य पतिं क्लीबमिवाङ्गना ॥
०११११ अकृत्वा हेलया पादमुच्चैर्मूर्धसु विद्विषाम् ।
०१११२ कथंकारमनालम्बा कीर्तिर्द्यामधिरोहति ॥
०११२१ अकृपणमशठमचपलं योगिनमविषादिनं बुधं शूरम् ।
०११२२ यदि नाश्रयति नरं श्रीः श्रीरेव हि वञ्चिता भवति ॥
०११३१ अकृशं कुचयोः कृशं वलग्ने विततं चक्षुषि विस्तृतं नितम्बे ।
०११३२ अरुणाधरमाविरस्तु चित्ते करुणाशालि कपालिभागधेयम् ॥
०११४१ अकृशं नितम्बभागे क्षामं मध्ये समुन्नतं कुचयोः ।
०११४२ अत्यायतं नयनयोर्मम जीवितमेतदायाति ॥
०११५१ अकृष्टफलमूलेन वनवासरतः सदा ।
०११५२ कुरुतेऽहरहः श्राद्धमृषिर्विप्रः स उच्यते ॥
०११६१ अकेकी किं केकी वचसि चतुरः किन्न कुररः शुकः किंवा मूकः स च कलरवः किं क्षतरवः ।
०११६२ त्वयागण्यैः पुण्यैः पिकमधुरिमा धीरगरिमा यतो लब्धः स्तब्धः किमसि रुचिरं नेह सुचिरम् ॥
०११७१ अकौसुमी मन्मथचापयश्टि रनंशुका विभ्रमवैजयन्ती ।
०११७२ ललाटरङ्गाङ्गणनर्तकीयमनञ्जना भ्रूरनुयाति दृष्टम् ॥
०११८१ अक्रत्वङ्गमतस्तक्रं न शतक्रतुना हुतम् ।
०११८२ नादत्तमिति वाक्यार्थात्तक्रं शक्रस्य दुर्लभम् ॥
०११९१ अक्रत्वर्थमिति ज्ञात्वा शक्रे न हुतवान् पुरा ।
०११९२ नादत्तमिति शास्त्रार्थात्तक्रं शक्रस्य दुर्लभम् ॥
०१२०१ अक्रमेणानुपायेन कर्मारम्भो न सिध्यति ।
०१२०२ दधिसर्पिःपयांसीव शबरस्य यथा हि गोः ॥
०१२११ अक्रोधं शिक्षयन्त्यन्यैः क्रोधना ये तपोधनाः ।
०१२१२ निर्धनास्ते धनायैव धातुवादोपदेशिनः ॥
०१२२१ अक्रोधनः क्रोधनेभ्यो विशिष्टस्तथा तितिक्षुरतितिक्षोर्विशिष्टः ।
०१२२२ अमानुषेभ्योमानुषाश्च प्रधाना विद्वांस्तथैवाविदुषः प्रधानः ॥
०१२३१ अक्रोधनः सत्यवादी भूतानामविहिंसकः ।
०१२३२ अनसूयः सदाचारो दीर्घमायुरवाप्नुयात् ॥
०१२४१ अक्रोधनश्च राजेन्द्र सत्यशीलो दृढव्रतः ।
०१२४२ आत्मोपमश्च भूतेषु स तीर्थफलमश्नुते ॥
०१२५१ अक्रोधवैराग्यजितेन्द्रियत्वं क्षमादयाशान्तिजनप्रियत्वम् ।
०१२५२ निर्लोभदाता भयशोकहारी ज्ञानस्य चिह्नं भयलक्षणानि ॥
०१२६१ अक्रोधस्य यदा क्रोधः सर्वनाशाय कल्पते ।
०१२६२ राघवस्य प्रकोपेन बद्धो नदनदीपतिः ॥
०१२७१ अक्रोधेन जयेत्क्रोधमसाधुं साधुना जयेत् ।
०१२७२ जयेत्कदर्यं दानेन जयेत्सत्येन चानृतम् ॥
०१२८१ अक्लान्तद्युतिभिर्वसन्तकुसुमैरुत्तंसयन् कुन्तलानन्तः खेलति खञ्जरीटनयने कुञ्जेषु कञ्जेक्षणः ।
०१२८२ अस्मन्मन्दिरकर्मतस्तव करौ नाद्यापि विश्राम्यतः किं ब्रूमो रसिकाग्रणीरसि घटी नेयं विलम्बक्षमा ॥
०१२९१ अक्लिष्टबालतरुपल्लवलोभनीयं पीतं मया सदयमेव रतोत्सवेषु ।
०१२९२ बिम्बाधरं दशसि चेद्भ्रमर प्रियायास्त्वां कारयामि कमलोदरबन्धनस्थम् ॥
०१३०१ अक्लेशादिव चिन्तितमुपतिष्ठति सिद्धमेव पुण्यवताम् ।
०१३०२ उड्डीयापुण्यवतां गच्छन्ति कपोतकाः पश्य ॥
०१३११ अक्षत्रारिकृताभिमन्युनिधनप्रोद्भूततीव्रभ्रुवः पार्थस्याकृत शात्रवप्रतिकृतेरन्तः शुचा मुह्यतः ।
०१३१२ कीर्णा बाष्पकणैः पतन्ति धनुषि व्रीडाजडा दृष्टयो हा वत्सेति गिरः स्फुरन्ति न पुनर्निर्यान्ति वक्त्राद्बहिः ॥
०१३२१ अक्षदेवनपणीकृतेधरे कान्तयोर्जयपराजये सति ।
०१३२२ अत्र वक्तु यदि वेत्ति मन्मथः कस्तयोर्जयति जीयतेऽपि वा ॥
०१३३१ अक्षद्यूतजिताधरग्रहविधावीशोऽसि तत्खण्डना दाधिक्ये वद को भवानिति मृषा कोपाञ्चितभ्रू लतम् ।
०१३३२ स्विद्यत्खिन्नकरा ।ग्रकुड्म्  लपरायत्तीकृतास्यस्य मे मुग्धाक्षीप्रतिकृत्य तत्कृतवती द्यूतेऽपि यन्नार्जितम् ॥
०१३४१ अक्षमः क्षमतामानो क्रियायां यः प्रवर्तते ।
०१३४२ स हि हास्यास्पदत्वं च लभते प्राणसंशयम् ॥
०१३५१ अक्षमालापवृत्तिज्ञा कुशासनपरिग्रहा ।
०१३५२ ब्राह्मीव दौर्जनी संसद्वन्दनीया समेखला ॥
०१३६१ अक्षमा ह्रीपरित्यागः श्रीनाशो धर्मसंक्षयः ।
०१३६२ अभिध्याप्राज्ञता चैव सर्वं लोभात्प्रवर्तते ॥
०१३७१ अक्षमोऽसत्यसंधश्च परदारी नृशंसकृत् ।
०१३७२ पच्यते नरकेष्वेव दह्यमानः स्वकर्मणा ॥
०१३८१ अक्षरद्वयमभ्यस्तं नास्ति नास्तीति यत्पुरा ।
०१३८२ तदिदं देहि देहीति विपरीतमुपस्थितम् ॥
०१३९१ अक्षरमैत्रीभाजः सालंकारस्य चारुवृत्तस्य ।
०१३९२ किं ब्रूमो सखि यूनो न हि न हि सखि पद्यबन्धस्य ॥
०१४०१ अक्षराणामकारोऽहमिति विष्णुः स्वयं ब्रुवन् ।
०१४०२ भवता सोऽपि यत्सत्यमाकारेण लघूकृतः ॥
०१४११ अक्षराणि परीक्ष्यन्तामम्बराडम्बरेण किम् ।
०१४१२ शंभुरम्बरहीनोऽपि सर्वज्ञः किं न जायते ॥
०१४२१ अक्षराणि विचित्राणि येन जानन्ति मानवाः ।
०१४२२ बलीवर्दसमास्ते तु खुरशृङ्गविवर्जिताः ॥
०१४३१ अक्षराणि समानानि वर्तुलानि घनानि च ।
०१४३२ परस्परविलग्नानि तरुणीकुचकुम्भवत् ॥
०१४४१ अक्षिपक्ष्म कदा लुप्तं छिद्यन्ते हि शिरोरुहाः ।
०१४४२ वर्धमानात्मनामेव भवन्ति हि विपत्तयः ॥
०१४५१ अक्षिभ्यां कृष्णशाराभ्यामस्याः कर्णौ न बाधितौ ।
०१४५२ शङ्के कनकताडङ्कपाशत्रासवशादिव ॥
०१४६१ अक्षीणकर्मबन्धस्तु ज्ञात्वा मृत्युमुपस्थितम् ।
०१४६२ उक्त्वान्तिकाले संस्मृत्य पुनर्योगित्वमृच्छति ॥
०१४७१ अक्षीणभोगाद्विषमादिष्टानिष्टभयोज्झितात् ।
०१४७२ दुर्जनाद्वत देवा अप्यशक्ता इव बिभ्यति ॥
०१४८१ अक्षेत्रे बीजमुत्सृष्टमन्तरेव विनश्यति ।
०१४८२ अबीजकमपि क्षेत्रं केवलं स्थण्डिलं भवेत् ॥
०१४९१ अक्षेषु मृगयायां च स्त्रीषु पाने वृथाटने ।
०१४९२ निद्रायां च निबन्धेन क्षिप्रं नश्यति भूपतिः ॥
०१५०१ अक्षेष्वियं व्यसनिता हृदये यदेते रागो घनो मधुमदोत्कटमाननं च ।
०१५०२ पद्मस्तथापि परमास्पदमेव लक्ष्म्यास्तद्दैन्यमेव किल दुर्भगता यदेभिः ॥
०१५११ अक्षोठशुण्ठिमरिचार्द्रकदाडिमत्वक्कुस्तुम्बुरूलवणतैलसुसंस्कृतान् यः ।
०१५१२ मत्स्यान् सुशीतसितभक्ततले दधाति स ब्रह्मलोकमधिगच्छति पुण्यकर्मा ॥
०१५२१ अक्षौरेऽपि च नक्षत्रे कुर्वीत बुधसोमयोः ।
०१५२२ युक्तेऽपि तिथिनक्षत्रे न कुर्याच्छनिभौमयोः ॥
०१५३१ अक्षौहिणी रिपुं हन्यात्स्वयं वा तेन हन्यते ।
०१५३२ ब्राह्मणो मन्त्रविद्धन्यात्सर्वानेव रिपून् क्षणात् ॥
०१५४१ अक्ष्णोर्निक्षिपदञ्जनं श्रवणयोस्तापिञ्छगुच्छावलीं मूर्ध्नि श्यामसरोजदाम कुचयोः कस्तूरिकापत्रकम् ।
०१५४२ धूर्तानामभिसारसंभ्रमजुषां विष्वङ्निकुञ्जे सखि ध्वान्तं नीलनिचोलचारु सुदृशां प्रत्यङ्गमालिङ्गति ॥
०१५५१ अक्ष्णोर्मञ्जुलमञ्जनं चरणयोर्नीलाश्मजौ नूपुरा वङ्गे नीलपटः स्फुटं मृगमदन्यासः कपोलस्थले ।
०१५५२ यत्प्रीत्या परिशीलितं परदृशां रोधाय तत्सांप्रतं नेपथ्यस्य विधावपीदमसतीजातस्य जातं तमः ॥
०१५६१ अक्ष्णोर्युग्मं विलोकान्मृदुतनुगुणतस्तर्पयन्ती शरीरं दिव्यामोदेन वक्त्रादपगतमरुता नासिकां चारुवाचा ।
०१५६२ श्रोत्रद्वंद्वं मनोज्ञाद्रसनमपि रसादर्पयन्ती मुखाब्जं यद्वत्पञ्चाक्षसौख्यं वितरति युवतिः कामिनां नान्यदेवम् ॥
०१५७१ अक्ष्णोर्विपक्ष इति सानुशयं लुलाव नीलोत्पलं यदबला कलमस्य गोप्त्री ।
०१५७२ भूयस्तदेव शिरसावहदुन्नतानां वैरं विरोधिषु दृढं न पराजितेषु ॥
०१५८१ अखण्डमण्डलः श्रीमान् पश्यैष पृथिवीपतिः ।
०१५८२ न निशाकरवज्जातु कलावैकल्यमागतः ॥
०१५९१ अखण्डितं च क्रमुकं चूर्णं तु रसवर्जितम् ।
०१५९२ भूमौ निपतितं पत्रं शक्रस्यापि श्रिअयं हरेत् ॥
०१६०१ अखण्डिता शक्तिरथोपमानं न स्वीकृतं न च्छलरीतिरस्ति ।
०१६०२ अस्पृष्टसंदेहविपर्ययस्य कोऽयं तव न्यायनये निवेशः ॥
०१६११ अखर्वपर्वगर्तेषु विच्छिन्नो यस्य वारिधिः ।
०१६१२ स एव हि मुनेः पाणिरधस्ताद्विन्ध्यभूभृतः ॥
०१६२१ अखिलं विदुषामनाविलं सुहृदा च स्वहृदा च पश्यताम् ।
०१६२२ सविधेऽपि नसूक्ष्मसाक्षिणी वदनालंकृतिमात्रमक्षिणी ॥
०१६३१ अखिलेषु विहंगेषु हन्त स्वच्छन्दचारिषु ।
०१६३२ शुक पञ्जरबन्धस्ते मधुराणां गिरां फलम् ॥
०१६४१ अगजाननपद्मार्कं गजाननमहर्निशम् ।
०१६४२ अनेकदं तं भक्तानामेकदन्तमुपास्महे ॥
०१६५१ अगणितगुणेन सुन्दर कृत्वा चारित्रमप्युदासीनम् ।
०१६५२ भवतानन्यगतिः सा विहितावर्तेन तरणिरिव ॥
०१६६१ अगणितगुरुर्याच्ञालोलं पदान्तसदातिथिः समयमविदन्मुग्धः कालासहो रतिलम्पटः ।
०१६६२ कृतककुपितं हस्ताघातं त्रपारुदितं हठा दपरिगणयन् लज्जायां मां निमज्जयति प्रियः ॥
०१६७१ अगणितनिजश्रमाणां परकृत्येऽभ्येत्य वर्तमानानाम् ।
०१६७२ सुजनघनदिनमणीनां परोपकारार्थमजनि जनिः ॥
०१६८१ अगणितयशसा त्यक्त स्थितिना क्रियतेऽथ याकृतज्ञेन ।
०१६८२ स्निग्धे सुहृदि सरागे मित्रे तव वञ्चना न युक्ता सा ॥
०१६९१ अगतित्वमतिश्रद्धा ज्ञानाभासेन तृप्तता ।
०१६९२ त्रयः शिष्यगुणा ह्येते मूर्खाचार्यस्य भाग्यजाः ॥
०१७०१ अगतीनां खलीकाराद्दुःखं नैवोपजायते ।
०१७०२ भवन्त्यशोकाः प्रायेण सांकुराः पादताडिताः ॥
०१७११ अगदैः सर्वसामान्यैर्व्यन्तराणां विषं हरेत् ।
०१७१२ धूपो देवीसहापिच्छखण्डनैस्तद्विषापहः ॥
०१७२१ अगम्यगमनात्प्रायः प्रायश्चित्तीयते जनः ।
०१७२२ अगम्यं त्वद्यशो याति सर्वत्रैव च पावनम् ॥
०१७३१ अगम्यानि पुमान् याति योऽसेव्यांश्च निषेवते ।
०१७३२ स मृत्युमुपगृह्णाति गर्भमश्वतरी यथा ॥
०१७४१ अगम्यार्थं तृणप्राणाः पृष्ठस्थीकृतभीह्रियः ।
०१७४२ शम्भलीभुक्तसर्वस्वा जना यत्पारिपार्श्विकाः ॥
०१७५१ अगम्यो मन्त्राणां प्रकृतिभिषजामप्यविषयः सुधासारासाध्यो विसदृशतरारम्भगहनः ।
०१७५२ जगद्भ्रामीकर्तुं परिणतधियानेन विधिना स्फुटं सृष्टो व्याधिः प्रकृतिविषमो दुर्जनजनः ॥
०१७६१ अगस्तितुल्याश्च घृताब्धिशोषणे दम्भोलितुल्या वटकाद्रिभेदने ।
०१७६२ शाकावलीकाननवह्निरूपास्त एव भट्टा इतरे भटाश्च ॥
०१७७१ अगस्तिहस्तचुलुकमितेऽब्धौ वाहनाकृतौ ।
०१७७२ मग्नः समुद्रो वेलायामिति देवास्तदा जगुः ॥
०१७८१ अगस्त्य इव यस्यासिर्न्यञ्चितक्षितिभृद्बभौ ।
०१७८२ चित्रं सोऽप्यकरोन्नृत्यत्कबन्धं समरार्णवम् ॥
०१७९१ अगस्त्यस्य मुनेः शापाद्ब्रह्मस्यन्दनमास्थितः ।
०१७९२ महासुखात्परिभ्रष्टो नहुषः सर्पतां गतः ॥
०१८०१ अगस्त्येन पयोराशेः कियत्किं पीतमुज्झितम् ।
०१८०२ त्वया वैरिकुलं वीर समरे कीदृशं कृतम् ॥
०१८११ अगा गाङ्गाङ्गकाकाकगाहकाघककाकहा ।
०१८१२ अहाहाङ्क खगाङ्कागकङ्कागखगकाकक ॥
०१८२१ अगाधजलसंचारी विकारी न च रोहितः ।
०१८२२ गण्डूषजलमात्रे तु शफरी फर्फरायते ॥
०१८३१ अगाधहृदया भूपाः कूपा इव दुरासदाः ।
०१८३२ घटका गुणिनो नो चेत्कथं लभ्येत जीवनम् ॥
०१८४१ अगाधेनापि किं तेन तोयेन लवणाम्बुधेः ।
०१८४२ जनुमात्रं वरं वारि तृष्णाच्छेदकरं नृणाम् ॥
०१८५१ अगारेऽस्मिन् कान्ते गिरिशमनिशानाथशकलं भुजंगानुत्तुङ्गान् सकलमपि वातायनपथे ।
०१८५२ निकुञ्जेषु श्येनानधिगृहशिरो राहुवलयं लिखन्त्या नीयन्ते शिव शिव तया हन्त दिवसाः ॥
०१८६१ अगुणकणो गुणराशिर्द्वयमपि दैवेन खलमुखे पतितम् ।
०१८६२ प्रसरति तैलमिवैकः सलिले घृतवज्जडत्वमेत्यन्यः ॥
०१८७१ अगुरुरिति वदतु लोको गौरवमत्रैव पुनरहं मन्ये ।
०१८७२ दर्शितगुणैकवृत्तिर्यस्य जने जनितदाहेऽपि ॥
०१८८१ अगुरुसुरभिधूपाशोभितं केशपाशं गलितकुसुममालं धुन्वती कुञ्चिताग्रम् ।
०१८८२ त्यजति गुरुनितम्बा निम्ननाभिः सुमध्याप्युषसि शयनवासः कामिनी कामशोभा ॥
०१८९१ अगुरोरपि सत उच्चैः प्रशंसनं तद्गुणा वितन्वन्ति ।
०१८९२ अगुरुर्ज्वलनेऽप्यस्तः सौरभमिषतो गुणान् वमति ॥
०१९०१ अगूढविभवा यस्य पौरा राष्ट्रवासिनः ।
०१९०२ नयापनयवेत्तायः स राजा राजसत्तमः ॥
०१९११ अगूढहासस्फुटदन्तकेसरं मुखं स्विदेतद्विकसन्नु पङ्कजम् ।
०१९१२ इति प्रलीनां नलिनीवने सखीं विदाम्बभूवुः सुचिरेण योषितः ॥
०१९२१ अग्निं प्राप्य यथा सद्यस्तूलराशिर्विनश्यति ।
०१९२२ तथा गङ्गाजलेनैव सर्वपापं विनश्यति ॥
०१९३१ अग्निं स्तोकमिवात्मानं संधुक्षयति यो नरः ।
०१९३२ स वर्धमानो ग्रसते महान्तमपि संचयम् ॥
०१९४१ अग्निः स्तोको वर्धते चाज्यसिक्तो बीजं चैकं बहुसाहस्रमेति ।
०१९४२ क्षयोदयौ विपुलौ संनियम्य तस्मादल्पं नावमन्येत वित्तम् ॥
०१९५१ अग्निकुण्डसमा नारी घृतकुम्भसमो नरः ।
०१९५२ संगमेन परस्त्रीणां कस्य नो चलते मनः ॥
०१९६१ अग्निकुम्भसमा नारी घृतकुम्भसमो नरः ।
०१९६२ उभयोरपि संयोगः कस्य विश्वासकारकः ॥
०१९७१ अग्निदाहे न मे दुःखं छेदे न निकषे न वा ।
०१९७२ यत्तदेव महद्दुःखं गुञ्जया सह तोलनम् ॥
०१९८१ अग्निदो गरदश्चैव शस्त्रपाणिर्धनापहः ।
०१९८२ क्षेत्रदारापहारी च षडेते ह्याततायिनः ॥
०१९९१ अग्निना भस्मना चैव स्तम्भेन च जनेन च ।
०१९९२ अद्वारेणैव मार्गेण पङ्क्तितदोषो न विद्यते ॥
०२००१ अग्निरापः स्त्रियो मूर्खाः सर्पा राजकुलानि च ।
०२००२ नित्यं यत्नेन सेव्यानि सद्यः प्राणहराणि षट् ॥
०२०११ अग्निर्गुरुर्द्विजातीनां वर्णानां पार्थिवो गुरुः ।
०२०१२ कुलस्त्रीणां गुरुर्भर्ता सर्वस्याभ्यागतो गुरुः ॥
०२०२१ अग्निर्दहति तापेन सूर्यो दहति रश्मिभिः ।
०२०२२ राजा दहति दण्डेन तपसा ब्राह्मणो दहेत् ॥
०२०३१ अग्निर्देवो द्विजातीनां मुनीनां हृदि दैवतम् ।
०२०३२ प्रतिमास्वल्पबुद्धीनां सर्वत्र समदर्शिनः ॥
०२०४१ अग्निर्हि देवताः सर्वाः सर्वणं च तदात्मकम् ।
०२०४२ तस्मात्सुवर्णं ददता दत्ताः सर्वाः स्म देवताः ॥
०२०५१ अग्निष्टोमादिभिर्यज्ञैर्विविधैराप्तदक्षिणैः ।
०२०५२ न तत्फलमवाप्नोति तीर्थार्थे गमनेन यत् ॥
०२०६१ अग्निश्तेजो महल्लोके गूढस्तिष्ठति दारुषु ।
०२०६२ न चोपयुङ्क्ते तद्दारु यावन्नो दीप्यते परैः ॥
०२०७१ स एव खलु दारुभ्यो यदा निर्मथ्य दीप्यते ।
०२०७२ तदा तच्च वनं चान्यन्निर्दहत्याशु तेजसा ॥
०२०८१ एवमेव कुले जाताः पावकोपमतेजसः ।
०२०८२ क्षमावन्तो निराकाराः काष्ठेऽग्निरिव शेरते ॥
०२०९१ अग्निहोत्रं गृहं क्षेत्रं गर्भिर्णीं वृद्धबालकौ ।
०२०९२ रिक्तहस्तेन नोपेयाद्राजानं देवतां गुरुम् ॥
०२१०१ अग्निहोत्रं त्रयो वेदास्त्रिदण्डं भस्मगुण्ठनम् ।
०२१०२ बुद्धिपौरुषहीनानां जीविकेति बृहस्पतिः ॥
०२१११ अग्निहोत्रफला वेदाः शीलवृत्तफलं श्रुतम् ।
०२११२ रतिपुत्रफला दारा दत्तभुक्तफलं धनम् ॥
०२१२१ अग्निहोत्रमधीतं वा दानाद्याश्चाखिलाः क्रियाः ।
०२१२२ भजन्ते तस्य वैफल्यं यस्य वाक्यमकारणम् ॥
०२१३१ अग्निहोत्रेषु विप्राणां हृदि देवो मनीषिणाम् ।
०२१३२ प्रतिमास्वल्पबुद्धीनां सर्वत्र विदितात्मनाम् ॥
०२१४१ अग्नेर्यथा दारुवियोगयोगयोरदृष्टतोऽन्यत्र निमित्तमस्ति ।
०२१४२ एवं हि जन्तोरपि दुर्विभाव्यः शरीरसंयोगवियोगहेतुः ॥
०२१५१ अग्नौ क्रियावतां देवो दिवि देवो मनीषिणाम् ।
०२१५२ प्रतिमास्वल्पबुद्धीनां योगिनां हृदये हरिः ॥
०२१६१ अग्नौ दग्धं जले मग्नं हृतं तस्करपार्थिवैः ।
०२१६२ तत्सर्वं दानमित्याहुर्यदि क्लैब्यं न भाषते ॥
०२१७१ अग्नौ प्राप्तं प्रधूयेत यथा तूलं द्विजोत्तम ।
०२१७२ तथा गङ्गावगाढस्य सर्वं पापं प्रधूयते ॥
०२१८१ अग्नौ प्रास्तं तु पुरुषं कर्मान्वेति स्वयंकृतम् ।
०२१८२ तस्मात्तु पुरुषो यत्नाद्धर्मं संचिनुयाच्छनैः ॥
०२१९१ अग्नौ प्रास्ताहुतिः सम्यगादित्यमुपतिष्ठते ।
०२१९२ आदित्याज्जायते वृष्टिर्वृष्एरन्नं ततः प्रजाः ॥
०२२०१ अग्न्याकारं कलयसि पुरश्चक्रवाकीव चन्द्रं बद्धोत्कम्पं शिशिरमरुता दह्यते पद्मिनीव ।
०२२०२ प्राणान् धत्से कथमपि बलाद्गच्छतः शल्यतुल्यांस्तत्केनासौ सुतनु जनितो माम्मथस्ते विकारः ॥
०२२११ अग्न्याधानेन यज्ञेन काषायेण जटाजिनैः ।
०२२१२ लोकान् विश्वासयित्वैव ततो लुम्पेद्यथा वृकः ॥
०२२२१ अग्रच्छाया तृणाग्निश्च नीचसेवा पटे जलम् ।
०२२२२ वेश्यारागः खलप्रेम सर्वं बुद्बुदसन्निभम् ॥
०२२३१ अग्रतः पृष्ठतो मध्ये पार्श्वतोऽथ समन्ततः ।
०२२३२ विद्युच्चकितवद्भाति सूर्यकोटिसमप्रभः ॥
०२२४१ अग्रतश्चतुरो वेदान् पृष्ठतः सशरं धनुः ।
०२२४२ उभाभ्यां च समर्थोऽहं शापादपि शरादपि ॥
०२२५१ अग्रतो वामपादं च दक्षिणं जातु कुञ्चितम् ।
०२२५२ आलीढं तु प्रकर्तव्यं हस्तद्वयसविस्तरम् ॥
०२२६१ अग्रसानुषु नितान्तपिशङ्गैर्भूरुहान्मृदुकरैरवलम्ब्य ।
०२२६२ अस्तशैलगहनं नु विवस्वानाविवेश जलधिं नु महीं नु ॥
०२२७१ अग्राह्यं श्रवणस्य भूषणमलंकारो न भावोचितः कण्ठस्याञ्जनमुज्ज्वलं नयनयोः सूक्ष्मत्वमावेक्षितुम् ।
०२२७२ वक्त्रस्य क्षणिकोऽधिवासनविधिः कान्ते प्रिये नाभवस्सौभाग्यप्रतिकर्मनिर्मितमहाविद्यैव येनात्मनः ॥
०२२८१ अग्राह्या मूर्धजेष्वेताः स्त्रियो गुणसमन्विताः ।
०२२८२ न लताः पल्लवच्छेदमर्हन्त्युपवनोद्भवाः ॥
०२२९१ अग्रे कस्यचिदस्ति कंचिदभितः केनापि पृष्टे कृतः संसारः शिशुभावयौवनजराभारावतारादयम् ।
०२२९२ बालस्तं बहु मन्यतामसुलभं प्राप्तं युवा सेवतां वृद्धस्तद्विष्याद्बहिष्कृत इव व्यावृत्य किं पश्यति ॥
०२३०१ अग्रे कुग्रामवर्गः पिशितरसलसच्चण्डचण्डायमानः पश्चाद्व्याधो वधार्थो निशितशरकरः पादमुद्रानपायी ।
०२३०२ विष्वग्दीप्तो वनाग्निर्वनमतिगहनं धूमवात्या च दृष्टेः सरोद्धी कान्दिशीको हरि हरि हरिणःकं शरण्यं प्रयातु ॥
०२३११ अग्रे गच्छत धेनुदुग्धकलशानादाय गोप्यो गृहं दुग्धे वस्कयणीकुले पुनरियं राधा शनैर्यास्यति ।
०२३१२ इत्यन्यव्यपदेशगुप्तहृदयः कुर्वन् विविक्तं व्रजं देवः कारणनन्दसूनुरशिवं कृष्णः स मुष्णातु वः ॥
०२३२१ अग्रे गीतं सरसकवयः पार्श्वतो दाक्षिणात्याः पृष्ठे लीलावलयरणितं चामरग्राहिणीनाम् ।
०२३२२ यद्यस्त्येवं कुरु भवरसास्वादने लम्पटत्वं नो चेच्चेतः प्रविश सहसा निर्विकल्पे समाधौ ॥
०२३३१ अग्रे तप्तजला नितान्तशिशिरा मूले मुहुर्बाहुभिर्व्यामथ्योपरतप्रपेषु पथिकैर्मार्गेषु मध्यंदिने ।
०२३३२ आधाराः प्लुतबालशैवलदलच्छेदावकीर्णोर्मयः पीयन्ते हलमुक्तमग्नमहिषप्रक्षोभपर्याविलाः ॥
०२३४१ अग्रे तिष्ठति दारुणाकृतिरसौ क्रोधोद्धतः केसरी पश्चादुद्भटदावदूषितधरासंक्रान्तचण्डानिलः ।
०२३४२ किं कुर्मः सहसा विहाय कलभानेतान् ब्रजामः कथं हंहो कूणितलोचनेति करिणी चिन्ताकुला ताभ्यति ॥
०२३५१ अग्रे धनुः शरकरः स्वयमस्ति कामः पश्चात्त्वरा शशधरोदयसंशयोत्था ।
०२३५२ ध्वान्तं दिनान्तविकसद्विभवं समन्तात्किं केवला पथि वधूर्दयिताभिसारे ॥
०२३६१ अग्रे प्रस्तुतनाशानां मूकता परमो गुणः ।
०२३६२ तथापि प्रभुभक्तानां सौधर्म्यादेवमुच्यते ॥
०२३७१ यैरेव स्तुतिभिः स्वामी प्राप्यते व्यसनावटम् ।
०२३७२ पश्चान्मूकत्वमापन्नैर्डद्धर्त्तुं नैव शक्यते ॥
०२३८१ अग्रे माहिषिकं दृष्ट्वा मध्ये तु वृषलीपतिम् ।
०२३८२ अन्ते वार्धुषिकं दृष्ट्वा निराशाः पितरो गताः ॥
०२३९१ अग्रे यान्ति रथस्य रेणुवदमी चूर्णीभवन्तो घनाश्चक्रभ्रान्तिररान्तरेषु जनयत्यन्यामिवारावलिम् ।
०२३९२ चित्रन्यस्तमिवाचलं हयशिरस्यायामवच्चामरं यष्ट्यग्रे च समं स्थितो ध्वजपटः प्रान्ते च वेगानिलात् ॥
०२४०१ अग्रे लघिमा पश्चान्महतापि पिधीयते न हि महिम्ना ।
०२४०२ वामन इति त्रिविक्रममभिदधति दशावतारविदः ॥
०२४११ अग्रे विकीर्णकुरबक फलजालकहीयमानसहकारम् ।
०२४१२ परिणामाभिमुखमृतोरुत्सुकयति यौवनं चेतः ॥
०२४२१ अग्रे व्याधः करधृतशरः पार्श्वतो जालमाला पृष्टे वह्निर्दहति नितरां संनिधौ सारमेयाः ।
०२४२२ एणी गर्भादलसगमना बालकै रुद्धपादा चिन्ताविष्टा वदति हि मृगं किं करोमि क्व यामिः ॥
०२४३१ अग्रे श्यामलबिन्दुबद्धतिलकैर्मध्येऽपि पाकान्वय प्रौढीभूतपटोलपाटलतरैर्मूले मनाग्बभ्रुभिः ।
०२४३२ वृन्ते कर्कशकीरपिच्चहरिभिः स्थूलैः फलैर्बन्धुराः संप्रत्युत्सुकयन्ति कस्य न मनः पूगद्रुमाणां छटाः ॥
०२४४१ अग्रेसरी कुमारी तत्पृष्टे पुङ्खगो यदा तारः ।
०२४४२ सिद्धिस्तदोत्तमा स्याद्दृष्टाप्यादौ वरा दुर्गा ॥
०२४५१ अग्रे स्त्रीनखपाटलं कुरवकं श्यामं द्वयोर्भागयोर्बालाशोकमुपोढरागसुभगं भेदोन्मुखं तिष्ठति ।
०२४५२ ईषद्बद्धरजःकणांग्रकपिशा चूते नवा मञ्जरी मुग्धत्वस्य च यौवनस्य च सखे मध्ये मधुश्रीः स्थिता ॥
०२४६१ अग्र्यो मुक्तिमतां प्रयोगसमये मन्त्रेषु पृष्ठं गतः पाकागारगतस्तु पाचकमनस्तोषाय वाचस्पतिः ।
०२४६२ उच्चायां निरतो रतोऽर्थकगणे पिण्डेषु दत्तादरो नानाश्राद्धगणैकचालितमना भद्दोट्टमो राजते ॥
०२४७१ अघं स केवलं भुङ्क्ते यः पचत्यात्मकारणात् ।
०२४७२ यज्ञशिष्टाशनं ह्येतत्सतामन्नं विधीयते ॥
०२४८१ अघटितं घटनां नयति ध्रुवं सुघटितं क्षणभङ्गुरताचलम् ।
०२४८२ जगदिदं कुरुते सचराचरं विधिरहो बलवानिति मे मतिः ॥
०२४९१ अघटितघटितं घटयति सुघटितघटितानि जर्जरीकुरुते ।
०२४९२ विधिरेव तानि घटयति यानि पुमान्नैव चिन्तयति ॥
०२५०१ अघृष्टमिव माणिक्यममत्तमिव च द्विपम् ।
०२५०२ अशूरं पार्थिवं लोको जात्यमप्यवमन्यते ॥
०२५११ अङ्कं केऽपि शशङ्किरेजलनिधेः पङ्कं परे मेनिरे सारङ्गं कतिचिच्च संजगदिरे भूमेश्च बिम्बं परे ।
०२५१२ इन्दौ यद्दलितेन्द्रनीलशकलश्यामं दरीदृश्यते तन्मन्ये रविभीतमन्धतमसं कुक्षिस्थमालक्ष्यते ॥
०२५२१ अङ्कनिलीनगजानन शङ्काकुलबाहुलेयहृतवसनौ ।
०२५२२ सस्मितहरकरकलितौ हिमगिरितनयास्तनौ जयतः ॥
०२५३१ अङ्कन्यासैर्विषमैर्मायावनितालकावलीकुटिलैः ।
०२५३२ को नाम कामचारैः कायस्थैर्मोहितो न जनः ॥
०२५४१ अङ्कमल्लविनोदेषु तथान्येषूत्सवादिषु ।
०२५४२ अन्तःपुरप्रचारेषु देवपूजापरेषु च ॥
०२५५१ अङ्काधिरोपितमृगश्चन्द्रमा मृगलाञ्छनः ।
०२५५२ केसरी निष्ठुरक्षिप्तमृगयूथो मृगाधिपः ॥
०२५६१ अङ्कुरिते पल्लविते कोरकिते विकसिते च सहकारे ।
०२५६२ अङ्कुरितः पल्लवितः कोरकितो विकसितश्च मदनः ॥
०२५७१ अङ्केकृत्वोत्तमाङ्गं प्लवगबलपतेः पादमक्षस्य हन्तुर्दत्वोत्सङ्गे सलीलं त्वचि कनकमृगस्याङ्गशेषं निधाय ।
०२५७२ बाणं रक्षः कुलघनं प्रगुणितमनुजेनादरात्तीक्ष्णमक्ष्णः कोणेनावेक्षमाणस्त्वदनुजवचने दत्तकर्णोऽयमास्ते ॥
०२५८१ अङ्के वृद्धिमुपागतं शिशुतया सर्वाङ्गमालिङ्गितं मत्स्यः श्रीपरिरम्भनिर्भरतरव्याकोशकोषोन्मुखैः ।
०२५८२ आशाप्तैः परिपीयमानमनिशं निःस्पन्दमिन्दिन्दिरैर्दूरादेव निमेषशून्यनयनः पद्मं समुद्वीक्षते ॥
०२५९१ अङ्केषु शून्यविन्यासाद्वृद्धिः स्यात्तु दशाधिका ।
०२५९२ तस्माज्ज्ञेया विशेषेण अङ्कानां वामतो गतिः ॥
०२६०१ अङ्कोल्लक्वाथतोयेन मिश्रितं घृतमाक्षिकम् ।
०२६०२ वसा किटिकुङ्गाणामेतैः सिक्ता महीरुहाः ॥
०२६११ अङ्कोल्लक्वथितं स्विन्नं नृमांसं छागदुग्धयुक् ।
०२६१२ पिण्याकसहितं मूले सहकारस्य निक्षिपेत् ॥
०२६२१ अङ्कोल्लतैलभावितमुषितं गोशकृति कुमुदकन्दमलम् ।
०२६२२ करकाम्बुकर्दमभृते कलशे कुसुमं समुद्वहति ॥
०२६३१ अङ्कोल्लतैलसूकर शिशुमारवसासु भावितं बीजम् ।
०२६३२ सद्यो रोहति निहितं भूमौ करकाम्भसा सिक्तम् ॥
०२६४१ अङ्कोल्लपत्रधपेन यद्वा केशसमन्वितैः ।
०२६४२ सक्तुभिः कटुतैलाक्तैर्याति मत्स्यविषं क्षयम् ॥
०२६५१ अङ्कोल्लबीजमज्जानां सूक्ष्मचूर्णं विधीयते ।
०२६५२ तिलतैलेन तच्चूर्णं सम्यक्कृत्वा च भावयेत् ॥
०२६६१ अङ्गं गलितं पलितं मुण्डं दन्तविहीनं जातं तुण्डम् ।
०२६६२ करधृतकम्पितशोभितदण्डं तदपि न मुञ्चत्याशा पिण्डम् ॥
०२६७१ अङ्गं चन्दनपङ्कपङ्कजबिसच्छेदावलीनं मुहुस्तापः शाप इवैष शोषणपटुः कम्पः सखीकम्पनः ।
०२६७२ श्वासाः संवृततारहाररुचयः संभिन्नचीनांशुका जातः प्रागतिदाहवेदनमहारम्भः स तस्या ज्वरः ॥
०२६८१ अङ्गं चन्दनपाण्डु पल्लवमृदुस्ताम्बूलताम्रोऽवरो धारायन्त्रजलाभिषेककलुषे धौताञ्जने लोचने ।
०२६८२ अन्तःपुष्पसुगन्धिरार्द्रकबरी स्वच्छं तनीयोऽम्बरं कान्तानां कमनीयतां बिदधते ग्रीष्मेऽपराह्णगमे ॥
०२६९१ अङ्गं दक्षिणमारुह्य वामेनोत्तरति स्फुटम् ।
०२६९२ तदा हानिकरी ज्ञेया व्यत्ययेन तु लाभदा ॥
०२७०१ अङ्गं दमनपत्त्राभमङ्गे यस्मिन् प्रतीयते ।
०२७०२ विद्याद्दमनवज्रं तु तीक्ष्णधारं महागुणम् ॥
०२७११ अङ्गं प्रतीयते यत्र बहुग्रन्थिसमन्वितम् ।
०२७१२ दुर्लभं तन्महामूल्यं ग्रन्थिवज्रकमुच्यते ॥
०२७२१ अङ्गं भूषणनिकरो भूषयतीत्येष लौकिको वादः ।
०२७२२ अङ्गानि भूषणानां कामपि सुषमामजीजनंस्तस्याः ॥
०२७३१ अङ्गं येन रथीकृतं नयनयोर्युग्मं रथाङ्गीकृतं पत्रं स्वं रथकर्मसारत्थिकृतं श्वासस्तुरंगीकृताः ।
०२७३२ कोदऽडीकृतमात्मवीर्यमचिरान्मौर्वीकृतं भूषणं वामाङ्गं विशिखीकृतं दिशतु नः क्षेमं स धन्वी पुमान् ॥
०२७४१ अङ्गणं तदिदमुन्मदद्विप श्रेणिशोणितविहारिणो हरेः ।
०२७४२ उल्लसत्तरुणकेलिपल्लवां सल्लकीं त्यजति किं मतङ्गजः ॥
०२७५१ अङ्गणवेदिर्वसुधा कुल्या जलधिः स्थली च पातालम् ।
०२७५२ वल्मीकश्च सुमेरुः कृतप्रतिज्ञस्य धीरस्य ॥
०२७६१ अङ्गदोषपरित्यक्तश्चतुर्मार्गकृतश्रमः ।
०२७६२ ज्ञाता कुलकवाद्यस्य रञ्जको वादकः स्मृतः ॥
०२७७१ अङ्गनानामिवाङ्गानि गोप्यन्ते स्वगुणा यदा ।
०२७७२ तदा ते स्पृहणीयाः स्युरिमे ह्यत्यन्तदुर्लभाः ॥
०२७८१ अङ्गनामङ्गनामन्तरे माधवो माधवं माधवं चान्तरेणाङ्गना ।
०२७८२ इत्थमाकल्पिते मण्डले मध्यगः संजगौ वेणुना देवकीनन्दनः ॥
०२७९१ अङ्गन्यासस्ततः कार्यः शिवोक्तः सिद्धिमिच्छता ।
०२७९२ आचार्येण च शिष्यस्य पापघ्नो विघ्ननाशनः ॥
०२८०१ अङ्गप्रत्यङ्गजः पुत्रो हृदयाच्चापि जायते ।
०२८०२ तस्मात्प्रियतरो मातुः प्रियत्वान्न तु बान्धवः ॥
०२८११ अङ्गप्रत्यङ्गभागेन ततः पिण्डः प्रजायते ।
०२८१२ चर्मणाच्छादितः सप्त धातवः सुय्रनुक्रमात् ॥
०२८२१ अङ्गमङ्गेन संपीड्य मांसं मांसेन तु स्त्रियः ।
०२८२२ पुराहमभवं प्रीतो यत्तन्मोहविजृम्भितम् ॥
०२८३१ अङ्गमनङ्गक्लिष्टं सुखयेदन्या न मे करस्पर्शात् ।
०२८३२ नोच्छ्वसिति तपनकिरणैश्चन्द्रस्येवांशुभिः कुमुदम् ॥
०२८४१ अङ्गयुक्तः कृतास्रश्च कुर्वन् सम्यक्पुरोविधिम् ।
०२८४२ विजानन् सिद्धसाध्यादीन् वैरिणोऽस्त्रैर्न पीड्यते ॥
०२८५१ अङ्गसङ्गात्तथा जीवो भजते प्राकृतान् गुणान् ।
०२८५२ अहंकाराभिभूतः सन् भिन्नस्तेभ्योऽपि सोऽव्ययः ॥
०२८६१ अङ्गाः संजातभङ्गाद्यनवनवसतिप्राप्तरङ्गाः कलिङ्गास्तैलङ्गाःस्वर्गगङ्गाभिषवणमतयः शीर्यदङ्गाश्च वङ्गाः ।
०२८६२ लाटाःस्विद्यल्ललाटाः पदगमनदृढाश्वासलोलाश्च चोला जायन्ते श्रीनिजाम पृथुरण भवतः प्रौढनिःसाणनादात् ॥
०२८७१ अङ्गाकृष्टदुकूलया सरभसं गूढौ भुजाभ्यां स्तनावाकृष्टे जघनांशुके कृतमधः संसक्तमूरुद्वयम् ।
०२८७२ नाभीमूलनिबद्धचक्षुषि मयि व्रीडानताङ्ग्या तया दीपः स्फूत्कृतवातवेपितशिखः कर्णोत्पलेनाहतः ॥
०२८८१ अङ्गाकृष्टिर्व्यथयति नखाङ्केषु वक्षोजकुम्भा वास्यं जृम्भा दशनवसने दन्तदष्टं दुनोति ।
०२८८२ यान्त्याः खेदं व्रजति करजश्रेणिषु श्रोणिभागः प्रातर्याति प्रगुणतरतां वैशसं नैशमस्याः ॥
०२८९१ अङ्गाङ्गमागते शत्रौ किं करोति परिच्छदः ।
०२८९२ राहुणा ग्रसिते चन्द्रे किं किं भवति तारकैः ॥
०२९०१ अङ्गाङ्गिभावमज्ञात्वा कथं सामर्थ्यनिर्णयः ।
०२९०२ पश्य टिट्टिभमात्रेण समुद्रो व्याकुलीकृतः ॥
०२९११ अङ्गानामतितानवं कुत इदं कम्पश्च कस्मात्कुतो मुग्धे पाण्डुकपोलमाननमिति प्राणेश्वरेपृच्छति ।
०२९१२ तन्व्या सर्वमिदं स्वभावत इति व्याहृत्य पक्ष्मान्तर व्यापी बाष्पभरस्तया वलितया निःश्वस्य मुक्तोऽन्यतः ॥
०२९२१ अङ्गानि खेदयसि किं शिरीषकुसुमपरिपेलवानि मुधा ।
०२९२२ अयमीहितकुसुमानां संपादयिता तवास्ति दासजनः ॥
०२९३१ अङ्गानि चन्दनरजःपरिधूसराणि ताम्बूलरागसुभगोऽधरपल्लवश्च ।
०२९३२ स्वच्छाञ्जने च नयने वसनं तनीयः कान्तासु भूषणमिदं विबह्वश्च शेषः ॥
०२९४१ अङ्गानि दत्त्वा हेमाङ्गि प्राणान् क्रीणासि चेन्नृणाम् ।
०२९४२ युक्तमेतन्न तु पुनः कोणं नयनपद्मयोः ॥
०२९५१ अङ्गानि धीपटुत्वं शक्तिर्दशनाः शनैर्विशीर्यन्ते ।
०२९५२ निखिलेन्द्रियाणि येषां चिरायुषस्ते नरा ज्ञेयाः ॥
०२९६१ अङ्गानि निद्रालसविभ्रमाणि वाक्यानि किंचिन्मदलालसानि ।
०२९६२ भ्रूक्षेपजिह्मानि च वीक्षितानि चकार कामः प्रमदाजनानाम् ॥
०२९७१ अङ्गानि मे दहतु कान्तवियोगवह्निः सम्रक्षतु प्रियतमं हृदि वर्ततेऽसौ ।
०२९७२ इत्याशया शशिमुखी जलदश्रुवारि धाराभिरुष्णमभिषिञ्चति हृत्प्रदेशम् ॥
०२९८१ अङ्गानि श्लथनिः सहानि नयते मुग्धालसे विभ्रमश्वासोत्कम्पितकोमलस्तनमुरः सायाससुप्ते भ्रुवौ ।
०२९८२ किं चान्दोलनकौतुकव्युपरतावास्येषु वामभ्रुवां स्वेदाम्भः स्तपिताकुलालकलतेष्वावासितो मन्मथः ॥
०२९९१ अङ्गामोदसमोच्छलद्घृणिपतद्भृङ्गावलीमालित स्फूर्जल्लञ्छनसूत्रगुम्फितमिलन्नीलोत्पलश्रीरिव ।
०२९९२ निर्यत्पादनखोन्मुखांशुविसरस्रग्दन्तुरः स्मर्यतां मञ्जुश्रीः सुरमुक्तमञ्जरिशिखावर्षैरिवाभ्यर्चितः ॥
०३००१ अङ्गारपूर्वे गमने च लाभः सोमे शनौ दक्षिणमर्थलाभम् ।
०३००२ बुधे गुरौ पश्चिमकार्यसिद्धी रवौ भृगौ चोत्तरमर्थलाभः ॥
०३०११ अङ्गारशूलाश्मपलालकेश विस्तीर्णविट्चर्ममृतेषु दृष्टः ।
०३०१२ श्वा मूत्रयन्यच्छति कार्यनाशं दारिद्र्यमृत्युप्रमुखाननर्थान् ॥
०३०२१ अङ्गारसदृशी नारी घृतकुम्भसमः पुमान् ।
०३०२२ ये प्रसक्ता विलीनास्ते ये स्थितास्ते पदे स्थिताः ॥
०३०३१ अङ्गारसदृशी योषित्सर्पिःकुम्भसमः पुमान् ।
०३०३२ तस्याः परिसरे ब्रह्मन् स्थातव्यं न कदाचन ॥
०३०४१ अङ्गारहासिषु विलासगृहोदरेषु तल्पेषु तूलपटकल्पितवेष्टनेषु ।
०३०४२ उष्णेषु च प्रणयिनीकुचमण्डलेषु शान्तिं जगाम शिशिरस्य तुषारगर्वः ॥
०३०५१ अङ्गारैः खचितेव भूर्वियदपि ज्वालाकरालं करैस्तिग्मांशोः किरतीव तीव्रमभितो वायुः कुकूलानलम् ।
०३०५२ अप्यम्भांसि नखंपचानि सरितामाशा ज्वलन्तीव च ग्रीष्मेऽस्मिन्नववह्निदीपितमिवाशेषं जगद्वर्तते ॥
०३०६१ अङ्गारैः शाकवृक्षस्य चूर्णितैः सघृतैस्त्र्यहम् ।
०३०६२ दत्तैर्नश्यत्यतीसारस्त्र्यहं पानीयवारणात् ॥
०३०७१ अङ्गासङ्गिमृणालकाण्डमयते भृङ्गावलीनां रुचं नासामौक्तिकमिन्द्रनीलसरणिं श्वासानिलाद्गाहते ।
०३०७२ दत्तेयं हिमवालुकापि कुचयोर्धत्ते क्षणं दीपतां तप्तायःपतिताम्बुवत्करतले धाराम्बु संलीयते ॥
०३०८१ अङ्गीकुरु त्वमवधीरय वा वयं तु दासास्तवेति वचसैव जयेम लोकान् ।
०३०८२ एतावतैव सुकरो ननु विश्वमात रुद्दण्डदण्डधरकिंकरमौलिभङ्गः ॥
०३०९१ अङ्गीकुर्वन्ति भङ्गीमखिलगिरिगणास्तप्तजाम्बूनदीयां दूरीकुर्वन्ति पूरीकृतकनकगिरिस्फारगवं च यस्याः ।
०३०९२ उन्मत्तध्वान्तधारासुरवरपटलीदाहसञ्जातकीर्तिः सेयं प्राची प्रदीप्तिर्दलयतु दुरितं सर्वदा सर्वदा मे ॥
०३१०१ अङ्गीकुर्वन्नमृतरुचिरामुत्पतिष्णोस्सलीलं छायामन्तस्तव मणिमयो माल्यवानेष शैलः ।
०३१०२ शोभां वक्ष्यत्यधिकललितां शोभमानामतीन्दोर्देवस्यादेरुपजनयतो मानसादिन्दुबिम्बम् ॥
०३१११ अङ्गीकृततितिक्षः सेड्गुणी निष्ठापरो यथा ।
०३११२ मृषिस्तथा विजयते श्रीरामो राजसत्तमः ॥
०३१२१ अङ्गीकृत्ताः क्षतिमिमामपि ये विषह्य गोप्तुं गुणान् किमिति वाञ्छसि तान्मुधैव ।
०३१२२ मुक्तामणेर्विमलरूपतया नितान्तमेते तव स्वयमपि प्रकटीभवन्ति ॥
०३१३१ अङ्गुलिभङ्गविकल्पन विविधविवादप्रवृत्तपाण्डित्यः ।
०३१३२ जपचपलोष्ठः सजने ध्यानपरो नगररथ्यासु ॥
०३१४१ अङ्गुलीकिसलयाग्रतर्जनं भ्रूविभङ्गकुटिलं च वीक्षितम् ।
०३१४२ मेखलाभिरसकृच्च बन्धनं वञ्चयन् प्रणयिनीरवाप सः ॥
०३१५१ अङ्गुलीभिः कुरङ्गाक्ष्याः शोभते मुद्रिकावलिः ।
०३१५२ प्रोतेव बाणैः पञ्चेषोः सूक्ष्मा लक्ष्यपरम्परा ॥
०३१६१ अङ्गुलीभिरिव केशसंचयं संनिगृह्य तिमिरं मरीचिभिः ।
०३१६२ कुड्मलीकृतसरोजलोचनं चुम्बतीव रजनीमुखं शशी ॥
०३१७१ अङ्गुल्यः पञ्चमे मासे दृष्टिकुक्षौ च षष्ठमे ।
०३१७२ संचारः सप्तमे मासे अष्टमे नयनेषु च ॥
०३१८१ अङ्गुल्यः पल्लवान्यासन् कुसुमानि नखार्चिषः ।
०३१८२ बाहू लते वसन्तश्रीस्त्वं नः प्रत्यक्षचारिणी ॥
०३१९१ अङ्गुल्यग्रनखेन बाष्यसलिलं विक्षिप्य विक्षिप्य किं तूष्णीं रोदिषि कोपने बहुतरं फूत्कृत्य रोदिष्यसि ।
०३१९२ यस्यास्ते पिशुनोपदेशवचनैर्मानेऽतिभूमिं गते निर्विण्णोऽनुनयं प्रति प्रियतमो मध्यस्थतामेष्यति ॥
०३२०१ अङ्गुल्यग्रनिरोधतस्तनुतरां धारामियं तन्वती कर्कया न परं पयो निपुणिका दातुं प्रपापालिका ।
०३२०२ विश्लिष्टाङ्गुलिना करेण दशनापाडं शनैः पान्थ हे निश्पन्दोर्ध्वविलोचनस्त्वमपि हा जानासि पातुं पयः ॥
०३२११ अङ्गुल्यग्रेण यज्जप्तं यज्जप्तं मेरुलङ्घने ।
०३२१२ व्यग्रचित्तेन यज्जप्तं त्रिविधं निष्फलं भवेत् ॥
०३२२१ अङ्गुल्या कः कवाटं प्रहरति कुटिले माधवः किं वसन्तो नो चक्री किं कुलालो न हि धरणिधरः किं द्विजिह्वः फणीन्द्रः ।
०३२२२ नाहं घोराहिमर्दी किमसि खगपतिर्नो हरिः किं कपीन्द्रः इत्येवं गोपकन्याप्रतिवचनजितः पातु वश्चक्रपाणिः ॥
०३२३१ अङ्गुष्ठतर्जनीभ्यां गा घ्राणे संगृह्य नामयेत् ।
०३२३२ मन्त्रेणानेन वश्याः स्युः पशवोऽश्वादयस्तथा ॥
०३२४१ अङ्गुष्ठनखदम्भेन पादयोः पतितः किमु ।
०३२४२ विभाति वक्त्रविजितः शशी विगतकल्मषः ॥
०३२५१ अङ्गुष्ठनखमूले तु तर्जन्यग्रं सुसंस्थितम् ।
०३२५२ मत्सरी सा च विज्ञेया चित्रलक्ष्यस्य वेधने ॥
०३२६१ अङ्गुष्ठाक्रमवक्रिताङ्गुलिरधः पादार्धनीरुद्धभूः पार्श्वाद्वेगकृतो निहत्य कफणिद्वन्द्वेन दंशान्मुहुः ।
०३२६२ न्यग्जानुद्वययन्त्रयन्त्रितघटीवक्त्रान्तरालस्खलद्धाराध्वानमनोहरं सखि पयो गां दोग्धि गोपालकः ॥
०३२७१ अङ्गुष्ठाग्रे तु तर्जन्या मुखं यत्र निवेशितम् ।
०३२७२ काकतुण्डी च विज्ञेया सूक्ष्मलक्ष्येषु योजिता ॥
०३२८१ अङ्गुष्ठे पदगुल्फजानुजघने नाभौ च वक्षःस्तने कक्षाकण्ठकपोलदन्तवसने नेत्रालिके मूर्धनि ।
०३२८२ शुक्लाशुक्लविभागतो मृगदृशामङ्गेष्वनङ्गस्थिती रूर्ध्वाधोगमनेन वामपदगाः पक्षद्वये लक्षयेत् ॥
०३२९१ अङ्गुष्ठोदरमात्रं विशेषवित्प्राप्य पद्मरागमणिम् ।
०३२९२ सुखसंवाह्यमनुत्तरमर्थं किं तेन नाप्नोति ॥
०३३०१ अङ्गेन केनापि विजेतुमस्या गवेष्यते किं चलपत्रपत्रम् ।
०३३०२ न चेद्विशेषादितरच्छदेभ्यस्तस्यास्तु कम्पस्तु कुतो भयेन ॥
०३३११ अङ्गेन गात्रं नयनेन वक्त्रं न्यायेन राज्यं लवणेन भोज्यम् ।
०३३१२ धर्मेण हीनं खलु जीवितं च न राजते चन्द्रमसा विना निशा ॥
०३३२१ अङ्गेऽनङ्गज्वरहुतवहश्चक्षुषि ध्यानमुद्रा कण्ठे जीवः करकिसलये दीर्घशायी कपोलः ।
०३३२२ अंसे वीणा कुचपरिसरे चन्दनं वाचि मौनं तस्याः सर्वं स्थितमिति न तु त्वां विना क्वापि चेतः ॥
०३३३१ अङ्गेनाङ्गं प्रतनु तनुना गाढतप्तेन तप्तं सास्रेप्यास्रद्रुतमविरतोत्कण्ठमुत्कण्ठितेन ।
०३३३२ अष्णोच्छ्वासं समधिकतरोच्छ्वासिना दूरवर्ती संकल्पैस्ते विशति विधिना वैरिणा रुद्धमार्गः ॥
०३३४१ अङ्गेनाङ्गमनुप्रविश्य मिलतो हस्तावलेपादिभिः का वार्ता युधि गन्धसिन्धुरपतेर्गन्धोऽपि चेत्के द्विपाः ।
०३३४२ जेतव्योऽस्ति हरेः स लाञ्छनमतो वन्दामहे तामभूद्यद्गभ शरभः स्वयंजय इति श्रुत्वापि यो नाङ्कितः ॥
०३३५१ अङ्गेषु चतुरश्रत्वं समपादौ लताकरौ ।
०३३५२ प्रारम्भे सर्वनृत्यानामेतत्सामान्यमुच्यते ॥
०३३६१ अङ्गेषु मुख्या द्विजमध्यसंस्था वाणानुसंधान परासि नित्यम् ।
०३३६२ अधं स्थिरप्रेमरसा रसज्ञे नरस्तुतिं संत्यज कर्णवत्त्वम् ॥
०३३७१ अङ्गेष्वाभरणं करोति बहुशः पत्रेऽपि संचारिणि प्राप्तं त्वां परिशङ्कते वितनुते शय्यां चिरं ध्यायति ।
०३३७२ इत्याकल्पविकल्पतल्परचनासङ्कल्पलीलाशत व्यासक्तापि विना त्वया वरतनुर्नैषा निशां नेष्यति ॥
०३३८१ अङ्गैः सुकुमारतरैः सा कुसुमानां श्रियं प्रहरति ।
०३३८२ विकलयति कुसुमबाणो बाणालीभिर्मम प्राणान् ॥
०३३९१ अङ्गैरन्तर्निहितवचनैः सूचितः सम्यगर्थः पादन्यासो लयमनुगतस्तन्मयत्वं रसेषु ।
०३३९२ शाखायोनिर्मृदुरभिनयस्तद्विकल्पानुवृत्तौ भावो भावं नुदति विषयाद्रागबन्धः स एव ॥
०३४०१ अङ्घ्रिदण्डो हरेरूर्ध्वमुत्क्षिप्तो बलिनिग्रहे ।
०३४०२ विधिविष्टरपद्मस्य नालदण्डो मुदेऽस्तु वः ॥
०३४११ अचकमत सपल्लवां धरित्रीं मृदुसुरभिं विरहय्य पुष्पशय्याम् ।
०३४१२ भृशमरतिमवाप्य तत्र चास्यास्तव सुखशीतमुपैतुमङ्कमिच्छा ॥
०३४२१ अचञ्चलं मुग्धमुदञ्चितं दृशोरनुन्नतं श्रीमदुरो मृगीदृशः ।
०३४२२ अभङ्गुराकूतवती गतिर्भ्रुवोरबद्धलक्ष्यं क्वचिदुत्कमान्तरम् ॥
०३४३१ अचतुर्वदनो ब्रह्मा द्विबाहुरपरो हरिः ।
०३४३२ अभाललोचनः शंभुर्भगवान् बादरायणः ॥
०३४४१ अचलं चलदिव चक्षुः प्रकृतमपीदं समुद्यदिव वक्षः ।
०३४४२ अतदिव तदपि शरीरं संप्रति वामभ्रुवो जयति ॥
०३४५१ अचला कमला कस्य कस्य मित्रं महीपतिः ।
०३४५२ शरीरं च स्थिरं कस्य कस्य वश्या वराङ्गना ॥
०३४६१ अचला कमला हि कस्य कस्य क्षितिपालः किल मित्रमस्ति लोके ।
०३४६२ इह वश्यतमा च कस्य वेश्या स्थिरमप्यस्ति च कस्य देहमत्र ॥
०३४७१ अचिन्तनीया विधिवञ्चनेयं यदम्बुजाक्षी स्थविरस्य भर्तुः ।
०३४७२ स्वयं समादाय करं निधाय वक्षोजयुग्मे स्वपिति श्वसन्ती ॥
०३४८१ अचिन्तितानि दुःखानि यथैवायान्ति देहिनाम् ।
०३४८२ सुखान्यपि तथा मन्ये दैवमत्रातिरिच्यते ॥
०३४९१ अचिन्त्यमतिदुःसहं त्रिविधदुःखमेनोऽर्जितं चतुर्विधगतिश्रितं भवभृता न किं प्राप्यते ।
०३४९२ शरीरमसुखाकरं जगति गृह्णता मुञ्चता तनोति न तथाप्ययं विरतिमूर्जितां पापतः ॥
०३५०१ अचिन्त्याः पन्थानः किमपि महतामन्धकरिपोर्यदक्ष्णोऽभूत्तेजस्तदकृत कथाशेषमदनम् ।
०३५०२ मुनेर्नेत्रादत्रेर्यदजनि पुनर्ज्योतिरहह प्रतेने तेनेदं मदनमयमेव त्रिभुवनम् ॥
०३५११ अचिरात्परात्मनिष्ठा भवति यतस्तत्क्रियेत चतुरेण क्लेशेन् कामदमनं धिगेकदारञ्जयन्तमात्मानम् ॥
०३५२१ अचिरादुपकर्तुराचरेदथ वात्मौपयिकीमुपक्रियाम् ।
०३५२२ पृथुरित्थमथाणुरस्तु सा न विशेषे विदुषामिह ग्रहः ॥
०३५३१ अचिराधिष्ठितराज्यः शत्रुः प्रकृतिष्वरूढमूलत्वात् ।
०३५३२ नवसंरोपणशिथिलस्तरुरिव सुकरः समुद्धर्तुम् ॥
०३५४१ अचिरेण परस्य भूयसों विपरीतां विगणय्य चात्मनः ।
०३५४२ क्षययुक्तिमुपेक्षते कृती कुरुते तत्प्रतिकारमन्यथा ॥
०३५५१ अचिरेण रोचते मे दिवसानेवं वृथातिवाहयते ।
०३५५२ श्रितकृष्णपक्षगतये वयस्य काम्यस्तनीविरहः ॥
०३५६१ अचुम्बि या चन्दनबिन्दुमण्डली नलीयवक्त्रेण सरोजतर्जिना ।
०३५६२ श्रियं श्रिता काचन तारकासखी कृताशशाङ्कस्य तयाङ्कवर्तिनी ॥
०३५७१ अचेतना अपि प्रायो मैत्रीमेवानुबध्यते ।
०३५७२ स्ववृद्धात्क्षीयते क्षीरात्क्षीरात्प्रागेव वारिणा ॥
०३५८१ अचेष्टमानमासीनं श्रीः कंचिदुपतिष्ठति ।
०३५८२ कश्चित्कर्माणि कुर्वन् हि न प्राप्यमधिगच्छति ॥
०३५९१ अचोद्यमानानि यथा पुष्पाणि च फलानि च ।
०३५९२ स्वकालं नातिवर्तन्ते तथा कर्म पुराकृतम् ॥
०३६०१ अच्छप्रकाशवति चन्द्रमसि प्रियेऽस्मिन्नाह्लादकारिणि सुधावति पूर्णबिम्बे ।
०३६०२ धाता विचिन्त्य मनसाखिलदृष्टिपातं हर्तुं चकार किमु कज्जलबिन्दुयोगम् ॥
०३६११ . . . . . .
०३६१२ अच्छलं मित्रभावेन सतां दारावलोकनम्
०३६२१ अच्छाच्छचन्दनरसार्द्रकरा मृगाक्ष्यो धारागृहाणि कुसुमानि च कौमुदी च ।
०३६२२ मन्दो मरुत्सुमनसः शुचि हर्म्यपृष्ठं ग्रीष्मे मदं च मदनं च विवर्धयन्ति ॥
०३६३१ अच्छासु हंस इव बालमृणालिकासु भृङ्गो नवास्विव मधुद्रुममञ्जरीषु ।
०३६३२ कोऽवन्तिभर्तुरपरो रसनिर्भरासु पृथ्वीपतिः सुकविसूक्तिषु बद्धभावः ॥
०३६४१ अच्छिद्रमस्तु हृदयं परिपूर्णमस्तु मौखर्यमस्तमितमस्तु गुरुत्वमस्तु ।
०३६४२ कृष्णप्रिये सखि दिशामि सदाशिषस्ते यद्वासरे मुरलि मे करुणां करोषि ॥
०३६५१ अच्छिन्नं नयनाम्बु बन्धुषु कृतं चिन्ता गुरुष्वर्पिता दत्तं दैन्यमशेषतः परिजने तापः सखीष्वाहितः ।
०३६५२ अद्य श्वः परनिर्वृतिं भजति सा श्वासैः परं खिद्यते विश्रब्धो भव विप्रयोगजनितं दुःखं विभक्तं तया ॥
०३६६१ अच्छिन्नमेखलमलब्धदृढोपगूढमप्राप्तचुम्बनमवीक्षितवक्त्रकान्ति ।
०३६६२ कान्ताविमिश्रवपुषः कृतविप्रलम्भ सम्भोगसख्यमिव पातु वपुः स्मरारेः ॥
०३६७१ अच्छिन्नामृतबिन्दुवृष्टिसदृशीं प्रीतिं ददत्या दृशां याताया विगलत्पयोधरभराद्द्रष्टव्यतां कामपि ।
०३६७२ अस्याश्चन्द्रमसस्तनोरिव करस्पर्शास्पदत्वं गता नैते यन्मुकुलीभवन्ति सहसा पद्मास्तदेवाद्भुतम् ॥
०३६८१ अच्छेद्योऽयमदाह्योऽयमक्लेद्योऽशोष्य एव च ।
०३६८२ नित्यः सर्वगतः स्थाणुरचलोऽयं सनातनः ॥
०३६९१ अच्युतचरणतरङ्गिणि शशिशेखरमौलिमालतीमाले ।
०३६९२ त्वयि तनुवितरणसमये हरता देया न मे हरिता ॥
०३७०१ अच्युतभक्तिवशादिह समभावस्तत्प्रसङ्गेन ।
०३७०२ सा रमतेरभ्युदयति रतिरिति नैवाद्भुतं किंचित् ॥
०३७११ अच्युतानन्तगोविन्दनामोच्चारणभेषजात् ।
०३७१२ नश्यन्ति सकला रोगाः सत्यं सत्यं वदाम्यहम् ॥
०३७२१ अजनि प्रतिदिनमेषा कर्दमशेषा मदङ्गसङ्गेन ।
०३७२२ प्रतिनिशमपूरि पम्पा दक्षिणसंपातिभिः सलिलैः ॥
०३७३१ अजनि भगवानस्माद्वेधाः शिरःसु सुधाभुजां कृतपदमिदं चैतद्देव्याः श्रियो धृतिमन्दिरम् ।
०३७३२ तदिह भुवनाभोगश्लाघ्ये सरोरुहि यच्चिरं शशधर तव द्वेषारम्भः स एष जडग्रहः ॥
०३७४१ अजनि रजनिरन्या चन्द्रमः कान्तिवन्या विपुलचपलवीचिव्याचिता काचिदेव ।
०३७४२ सतरुगिरिसरिद्भिः किं हरिद्भिः समेतं धवलिमनि धरित्रीमण्डलं मग्नमेतत् ॥
०३७५१ अजनि शिशिरशीलं शैवलं सागरे यच्चिकुरमकृत कामस्तन्वि ते किं न तेन ।
०३७५२ वहति कुटिलमेनं हेतुना केन मूर्ध्ना वदनविधुरयं चेत्सोदरो नादसीयः ॥
०३७६१ अजन्मा पुरुषस्तावद्गतासुस्तृणमेव वा ।
०३७६२ यावन्नेषुभिरादत्ते विलुप्तमरिभिर्यशः ॥
०३७७१ अजन्यकम्पाः शूरा ये नित्यमप्यपराङ्मुखाः ।
०३७७२ दर्शयन्त्यपरागेण परेभ्यश्चित्ररूपवत् ॥
०३७८१ अजरामरवत्प्राज्ञो विद्यामर्थं च चिन्तयेत् ।
०३७८२ गृहीत इव केशेषु मृत्युना धर्ममाचरेत् ॥
०३७९१ अजवच्चर्वणं कुर्याद्गजवत्स्नानमाचरेत् ।
०३७९२ राजवत्प्रविशेद्ग्रामं चोरवद्गमनं चरेत् ॥
०३८०१ अजस्य गृह्णतो जन्म निरीहस्य हतद्विषः ।
०३८०२ स्वपतो जागरूकस्य याथात्म्यं वेद कस्तव ॥
०३८११ अजस्रं लसत्पद्मिनी वृन्दसङ्गं मधूनि प्रकामं पिबन्तं मिलिन्दम् ।
०३८१२ रविर्मोचयत्यब्जकारागृहेभ्यो दयालुर्हि नो दुष्टवद्दोषदर्शी ॥
०३८२१ अजस्रभूमीतटकुट्टनोत्थितैरुपास्यमानं चरणेषु रेणुभिः ।
०३८२२ रयप्रकर्षाध्ययनार्थमागतैर्जनस्य चेतोभिरिवाणिमाङ्कितैः ॥
०३८३१ अजस्रमभ्यासमुपेयुषा समं मुदैव देवः कविना बुधेन च ।
०३८३२ दधौ पटीयान् समयं नयन्नयं दिनेश्वरश्रीरुदयं दिने दिने ॥
०३८४१ अजस्रमारोहसि दूरदीर्घां संकल्पसोपानततिं तदीयाम् ।
०३८४२ श्वासान् स वर्षत्यधिकं पुनर्यद्ध्यानात्तव त्वन्मयतां तदाप्य ॥
०३८५१ अजा इव प्रजा मोहाद्यो हन्यात्पृथिवीपतिः ।
०३८५२ तस्यैका जायते तृप्तिर्न द्वितीया कथंचन ॥
०३८६१ अजागलस्थस्तन उष्ट्रपुच्छं कक्षान्तरे केशमथाण्डयुग्मम् ।
०३८६२ त्वां संसृजन् सायणमायणादौ ब्रह्माग्रगण्यो न बभूव पूज्यः ॥
०३८७१ अजाङ्घ्रिनिर्दत्तरजश्चयापि कपालिना बद्धरसापि कामम् ।
०३८७२ ततोऽप्यधोधः पतितापि नित्यं गङ्गा कुसङ्गापि पुनाति लोकान् ॥
०३८८१ अजाजीजम्बाले रजसि मरिचानां च लुठिताः कटुत्वादुष्णत्वाज्जनितरसनौष्ठव्यतिकराः ।
०३८८२ अनिर्वाणोत्थेन प्रबलतरतैलाक्ततनवो मया सद्यो भृष्टाः कतिपयकवय्यः कवलिताः ॥
०३८९१ अजातमृतमूर्खाणां वरमाद्यौ न चान्तिमः ।
०३८९२ सकृद्दुःखकरावाद्यावन्तिमस्तु पदे पदे ॥
०३९०१ अजातमृतमूर्खेभ्यो मृताजातौ सुतौ वरम् ।
०३९०२ यतस्तौ स्वल्पदुःखाय यावज्जीवं जडो दहेत् ॥
०३९११ अजातरोमामतिसुन्दराङ्गीं शृङ्गारवल्लीमिव राजकन्याम् ।
०३९१२ भुक्त्वा द्रुतं क्वापि गतो न चेत्स्याः स्यात्ते तदानर्थनिपात एव ॥
०३९२१ अजाधूलिरिव त्रस्तैर्मार्जनीरेणुवज्जनैः ।
०३९२२ दीपखट्वोत्थच्छायेव त्यज्यते निर्धनो जनः ॥
०३९३१ अजानता भवेत्कश्चिदपराधः कुतो यदि क्षन्तव्यमेव तस्याहुः सुपरीक्ष्य परीक्षया ॥
०३९४१ अजानती कापि विलोकनोत्सुका समीरधूतार्धमपि स्तनांशुकम् ।
०३९४२ कुचेन तस्मै चलतेऽकरोत्पुरः पुराङ्गना मङ्गलकुम्भसंभृतिम् ॥
०३९५१ अजानन्माहात्म्यं पतति शलभस्तीव्रदहने स मीनोऽप्यज्ञानाद्बडिशयुतमश्नातु पिशितम् ।
०३९५२ विजानन्तोऽप्येते वयमिह विपज्जालजटिलान्न मुञ्चामः कामानहह गहनो मोहमहिमा ॥
०३९६१ अजामूत्रं च तद्विष्ठा सूकरस्य तथैव विट् ।
०३९६२ बुद्बुदं लेपतो हन्यान्मण्डलिक्ष्वेडसंभवम् ॥
०३९७१ अजायन्तैतस्मादमृतशशिलक्ष्मीप्रभृतयः परित्राताश्चेन्द्रात्कुलशिखरिणः पूर्वयमुना ।
०३९७२ उपेता इत्येवं तव जलनिधे तीरमधुना विगर्जाभिः किं नः श्रुतिपुटमहो जर्जरयसि ॥
०३९८१ अजायुद्धमृषिश्राद्धं प्रभाते मेघडम्बरः ।
०३९८२ दम्पत्योः कलहश्चैव बह्वारम्भे लघुक्रिया ॥
०३९९१ अजारजः खररजस्तथा संमार्जनीरजः ।
०३९९२ दीपखट्वोत्थच्छाया च शक्रस्यापि श्रियं हरेत् ॥
०४००१ अजारजः पर्वणि मैथुनानि श्मशानधूमो मठभोजनानि ।
०४००२ रजस्वलानेत्रनिरीक्षणानि हरन्ति पुण्यानि दिवा कृतानि ॥
०४०११ अजाविगर्दभोष्ट्राणां मार्जारमूषिकस्य च ।
०४०१२ रजांस्येतानि पापानि सर्वतः परिवर्जयेत् ॥
०४०२१ अजाश्वयोर्मुखं मेध्यं गावो मेध्यास्तु पृष्ठतः ।
०४०२२ ब्राह्मणाः पादतो मेध्याः स्त्रियो मेध्याश्च सर्वतः ॥
०४०३१ अजा सिंहप्रसादेन वने चरति निर्भयम् ।
०४०३२ राममासाद्य लङ्कायां लेभे राज्यं विभीषणः ॥
०४०४१ अजितेन्द्रियवर्गस्य नाचारेण भवेत्फलम् ।
०४०४२ केवलं देहखेदाय दुर्भगस्य विभूषणम् ॥
०४०५१ अजित्वा सार्णवामुर्वीमनिष्ट्वा विविधैर्मखैः ।
०४०५२ अदत्त्वा चार्थमर्थिभ्यो भवेयं पार्थिवः कथम् ॥
०४०६१ अजीयतावर्तशुभंयुनाभ्यां दोर्भ्यां मृणालं किमु कोमलाभ्याम् ।
०४०६२ निः सूत्रमास्ते घनपङ्कमृत्सु मूर्तासु नाकीर्तिषु तन्निमग्नम् ॥
०४०७१ अजीर्णं तपसः क्रोधो ज्ञानाजीर्णमहंकृतिः ।
०४०७२ परिनिन्दा क्रियांजीर्णमन्नाजीर्णं विषूचिका ॥
०४०८१ अजीर्णे भेषजं वारि जीर्णे वारि बलप्रदम् ।
०४०८२ भोजने चामृतं वारि भोजनान्ते विषापहम् ॥
०४०९१ अजेयः सुभगः सौम्यः त्यागी भोगी यशोनिधिः ।
०४०९२ भवत्यभयदानेन चिरंजीवी निरामयः ॥
०४१०१ अजैडकासूकरविड्विडङ्ग किण्वोपचारेण च बीजपूरः ।
०४१०२ भूयोश्वमूत्राविलवारिसिक्तः फलानि धत्ते सुबहूनि शश्वत् ॥
०४१११ अर्जितं स्वेन वीर्येण नान्यपाश्रित्य कंचन ।
०४११२ फलशाकमपि श्रेयो भोक्तुं ह्यकृपणं गृहे ॥
०४१२१ अज्ञं कर्माणि लिम्पन्ति तज्ज्ञं कर्म न लिम्पति ।
०४१२२ लिप्यते रसनैवैका सर्पिषा करवद्यथा ॥
०४१३१ अज्ञः सुखमाराध्यः सुखतरमाराध्यते विशेषज्ञः ।
०४१३२ ज्ञानलवदुर्विदग्धं ब्रह्मापि नरं न रञ्जयति ॥
०४१४१ अज्ञतया प्रेम्णा वा चूडामणिमाकलय्य काचमणिम् ।
०४१४२ नृपतिर्वहेत शिरसा तेनासौ नह्यनर्घ्यमणिः ॥
०४१५१ अज्ञश्चाश्रद्दधानश्च संशयात्मा विनश्यति ।
०४१५२ नायं लोकोऽस्ति न परो न सुखं संशयात्मनः ॥
०४१६१ अज्ञस्तावदहं न मन्दधिषणः कर्तुं मनोहारिणीश्चाटूक्तीः प्रभवामियामिभवतो याभिः कृपापात्रताम् ।
०४१६२ आर्तेनाशरणेन किं तु कृपणेनाक्रन्दितं कर्णयोः कृत्वा सत्वरमे हि देहि चरणं मूर्धन्यधन्यस्य मे ॥
०४१७१ अज्ञातकालोचितकर्मयोगा रोगा इवाहर्निशि पश्यमानाः जगत्त्रये देवमनुष्यनागाः ।
०४१७२ प्रज्ञादरिद्राः खलु सर्व एव ॥
०४१८१ अज्ञातकुलशीलस्य वासो देयो न कस्यचित् ।
०४१८२ मार्जारस्य हि दोषेण हतो गृध्रो जरद्गवः ॥
०४१९१ अज्ञातकुलशीलेऽपि प्रीतिं कुर्वन्ति वानराः ।
०४१९२ आत्मार्थे च न रोदन्ति रोदन्ति त्वितरे जनाः ॥
०४२०१ अज्ञातदेशकालाश्चपलमुखा पङ्गवोऽपिस प्लुतयः ।
०४२०२ नवविहगा इव मुग्धा भक्ष्यन्ते धूर्तमार्जारैः ॥
०४२११ अज्ञातदोषैर्दोषज्ञैरुद्दूष्योभयवेतनैः ।
०४२१२ भेद्याः शत्रोरभिव्यक्तशासनैः सामवायिकाः ॥
०४२२१ अज्ञातनामवर्णेष्वात्मापि ययार्प्यते धनांशेन ।
०४२२२ तस्या अपि सद्भावं मृगयन्ते मोघसंकल्पाः ॥
०४२३१ अज्ञातपाण्डित्यरहस्यमुद्रा ये काव्यमार्गे दधतेऽभिमानम् ।
०४२३२ ते गारुडीयाननधीत्य मन्त्रान् हालाहलास्वादनमारभन्ते ॥
०४२४१ अज्ञातभाविचौरादि दोषैर्नित्यविनाशिना ।
०४२४२ हास्यैकहेतुना लोके गणकस्य धनेन किम् ॥
०४२५१ अज्ञातमहिमा वाणी शिवं स्तौतु रसोन्मदा ।
०४२५२ रसातिरेकादौचित्यभङ्गः स्त्रीणां क्व लभ्यते ॥
०४२६१ अज्ञातमातृल लन मैणशिशुं कश्चिदङ्कमारोप्य ।
०४२६२ अद्यापि रक्षसि विधो धर्मात्मा कोनु भवदन्यः ॥
०४२७१ अज्ञातवीवधासारतोयसस्यो व्रजेत्तु यः परराष्ट्रं न भूयः स स्वराष्ट्रमधिगच्छति ॥
०४२८१ अज्ञातशास्त्रसद्भावाञ्छास्त्रमात्रपरायणान् ।
०४२८२ त्यजेद्दूराद्भिषक्पाशान् पाशान् वैवस्वतानिव ॥
०४२९१ अज्ञाताः पुरुषा यस्य प्रविशन्ति महीपतेः ।
०४२९२ दुर्गं तस्य न संदेहः प्रविशन्ति द्रुतं द्विषः ॥
०४३०१ अज्ञातागममीलिताक्षियुगलं किं त्वं मुधा तिष्ठसि ज्ञातोसि प्रकटप्रकम्पपुलकैरङ्गै स्फुटं मुग्धया ।
०४३०२ मुञ्चैनां जड किं न पश्यसि गलद्बाष्पाम्बुधौ ताननां सख्यैवं गदिते विमुच्य रभसात्कण्ठेवलग्नो युवा ॥
०४३११ अज्ञातेन्दुपराभवं परिलसद्व्यालोलनेत्राञ्जनं भ्रान्तभ्रू लतमैणनाभितिलकं श्रीखण्डपत्रालकम् ।
०४३१२ बन्धूकाधरसुन्दरं सुरमुनिव्यामोहि वाक्यामृतं त्रैलोक्याद्भुतपङ्कजं वरतनोरास्यं न कस्य प्रियम् ॥
०४३२१ अज्ञानं कारणं न स्याद्वियोगो यदि कारणम् ।
०४३२२ शोको दिनेषु गच्छत्सु वर्धतामपयाति किम् ॥
०४३३१ अज्ञानं खलु कष्टं क्रोधादिभ्योऽपि सर्वपापेभ्यः ।
०४३३२ अर्थं हितमहितं वा न वेत्ति येनावृतो लोकः ॥
०४३४१ अज्ञानं यत्फलं तस्य रसोऽधर्मः प्रकीर्तितः ।
०४३४२ भावोदकेन संवृद्धिस्तस्याश्रद्धा ऋतुः प्रिय ॥
०४३५१ अज्ञानतिमिरान्धस्य ज्ञानञ्जनशलाक्या ।
०४३५२ चक्षुरुन्मीलितं येन तस्मै श्रीगुरवे नमः ॥
०४३६१ अज्ञानप्रभवं हीदं यद्दुःखमुपलभ्यते ।
०४३६२ लोभप्रभवमज्ञानं वृद्धं भूयः प्रवर्धते ॥
०४३७१ अज्ञानमिह निदानं प्राग्रूपं जननमेव भवरोगे ।
०४३७२ पारिपाकः संसरणं भैषज्यं नैष्ठिकी शान्तिः ॥
०४३८१ अज्ञानवरषण्डेन प्रसुप्तो नरगर्द्दभः ।
०४३८२ कः समर्थः प्रबीद्धुं तं ज्ञानभेरीशतैरपि ॥
०४३९१ अज्ञानवलितो बाल्ये मदमूढश्च यौवने ।
०४३९२ वार्द्धके विह्वलाङ्गश्च कदा कुशलभाग्जनः ॥
०४४०१ अज्ञानाज्ज्ञानतो वापि जम्बूर्येन प्ररोपिता ।
०४४०२ गृहेऽपि स वसन्नित्यं यतिधर्मेण युज्यते ॥
०४४११ अज्ञानात्कुरुते श्राद्धं योऽभिश्रवणवर्जितम् ।
०४४१२ श्राद्धहन्ता भवेत्कर्ता निराशाः पितरो गताः ॥
०४४२१ अज्ञानाज्ज्ञानतो वापि यद्दुरुक्तमुदाहृतम् ।
०४४२२ तत्क्षन्तव्यं युवाभ्यां मे कृत्वा प्रीतिपरं मनः ॥
०४४३१ अज्ञानाद्यदि वा ज्ञानात्कृत्वा कर्म विगर्हितम् ।
०४४३२ तस्माद्विमुक्तिमन्विच्छन् द्वितीयं न समाचरेत् ॥
०४४४१ अज्ञानाद्यदि वाधिपत्यरभसादस्मत्परोक्षं हृता सीतेयं प्रविमुच्यतां शठ मरुत्पुत्रस्य हस्तेऽधुना ।
०४४४२ नो चेल्लक्ष्मणमुक्तमार्गणगणच्छेदोच्छलच्छोणित च्छत्रच्छन्नदिगन्तमन्तकपुरं पुत्रैर्वृतो यास्यसि ॥
०४४५१ अज्ञानान्धमबान्धवं कवलितं रक्षोभिरक्षाभिधैः क्षिप्तं मोहमहान्धकूपकुहरे दुर्हृद्भिराभ्य्न्तरैः ।
०४४५२ क्रन्दन्तं शरणागतं गतधृतिं सर्वापदामास्पदं मा मां मुञ्च महेश पेशलदृशा सत्रासमाश्वासय ॥
०४४६१ अज्ञानान्निरयं याति तथाज्ञानेन दुर्गतिम् ।
०४४६२ अज्ञानात्क्लेशमाप्नोति तथापत्सु निमज्जति ॥
०४४७१ अज्ञानामवनीभुजामहरः स्वर्णाभिषेकोत्सवाज्ज्ञातुः श्रीयुवरङ्गभूपरसिकश्लाघैव संमानना ।
०४४७२ सारासारविवेकशून्यरमणीसंभोगसाम्राज्यतः सारज्ञेन्दुमुखीविलोककपटश्चातुर्ययूनां मुदे ॥
०४४८१ अज्ञानामविरामलौकिकवचोभाजाममीषां पुनर्मन्त्रोच्चारण एव पर्यवसितं मौनव्रतं कर्मसु ।
०४४८२ ग्रामायव्ययलेखनेन नयतां कालानशेषानहो पारंपर्यत ईदृशामिह नृणां ब्राह्मण्यमन्यादृशम् ॥
०४४९१ अज्ञानेन पराङ्मुखीं परिभवादाश्लिष्य मां दुःखितां किं लब्धं शठ दुर्नयेन नयता सौभाग्यमेतां दशाम् ।
०४४९२ पश्यैतद्दयिताकुचव्यतिकरोन्मृष्टाङ्गरागारुणं वक्षस्ते मलतैलपङ्कशबलैर्वेणीपदैरङ्कितम् ॥
०४५०१ अज्ञानेनापिहिते विज्ञाने कर्म किं कुरुते ।
०४५०२ विकले चक्षुषि तमसा व्यादाय मुखं किमीक्षेत ॥
०४५११ अज्ञानेनावृतो लोको मात्सर्यान्न प्रकाशते ।
०४५१२ लोभात्त्यजति मित्राणि सङ्गात्स्वर्गं न गच्छति ॥
०४५२१ अज्ञानेनावृतो लोको लोभेन च वशीकृतः ।
०४५२२ सङ्गन बहुभिर्नष्टस्तेन स्वर्गं न गच्छति ॥
०४५३१ अज्ञानैकहतो बाल्ये यौवने गृहतत्परः ।
०४५३२ वार्धकेऽपत्यचिन्तार्तः कर्मभिर्बध्यते पुनः ॥
०४५४१ अज्ञानोपहतो बाल्ये यौवने मदनाहतः ।
०४५४२ शेषे कलत्रचिन्तार्तः किं करोतु कदा जनः ॥
०४५५१ अज्ञश्चाश्रद्दधानश्च संशयात्मा विनश्यति ॥
०४५५२ नायं लोकोऽस्ति न परो न सुखं संशयात्मनः ॥
०४५६१ अज्ञास्तरन्ति पारं विज्ञा विज्ञाय द्राङ्निमज्जन्ति ।
०४५६२ कथय कलावति केयं तव नयनतरङ्गिणीरीतिः ॥
०४५७१ अज्ञेभ्यो ग्रन्थिनः श्रेष्ठा ग्रन्थिभ्यो धारिणो वराः ।
०४५७२ धारिभ्यो ज्ञानिनः श्रेष्ठा ज्ञानिभ्यो व्यवसायिनः ॥
०४५८१ अज्ञेष्वज्ञो गुणिषु गुणवान् पण्डिते पण्डितोऽसौ दीने दीनः सुखिनि सुखवान् भोगिनो भोगिभावः ।
०४५८२ ज्ञाता ज्ञातुर्युवतिषु युवा वाग्मिनां तत्त्ववेत्ता धन्यः सोऽयं भवति भुवन योऽवधूतेऽवधूतः ॥
०४५९१ अज्ञो जन्तुश्च नीचोऽयमात्मनः सुखदुःखयोः ।
०४५९२ ईश्वरप्रेरितो गच्छेत्स्वर्गं वा श्वभ्रमेव वा ॥
०४६०१ अज्ञो न वितरत्यर्थान् पुनर्दारिद्रियशङ्कया ।
०४६०२ प्राज्ञोऽपि वितरत्यर्थान् पुनर्दारिद्रियशङ्कया ॥
०४६११ अज्ञोऽपि तज्ज्ञतामेति शनैः शैलोऽपि चूर्ण्यते ।
०४६१२ बाणोऽप्येति महालक्ष्यं पश्याभ्यासविजृम्भितम् ॥
०४६२१ अज्ञो भवति वै बालः पिता भवति मन्त्रदः ।
०४६२२ अज्ञं हि बाल इत्याहुः पितेत्येव तु मन्त्रदम् ॥
०४६३१ अज्ञो वा यदि वा विपर्ययगते ज्ञानेऽथ संदेहभृद्दृष्टादृष्टविरोधि कर्म कुरुते यस्तस्य गोप्ता गुरुः ।
०४६३२ निः संदेहविपर्यये सति पुनर्ज्ञाने विरुद्धक्रियं राजा चेत्पुरुषं न शास्ति तदयं प्राप्तः प्रजाविप्लवः ॥
०४६४१ अञ्चति रजनिरुदञ्चति तिमिरमिदं चञ्चति महोभूः ।
०४६४२ उक्तं न त्यज युक्तं विरचय रक्तं मनस्तस्मिन्॥
०४६५१ अञ्चलान्तरितगुर्जराङ्गना कुङ्क्मारुणकुचप्रभाधरम् ।
०४६५२ कोकरागपटलैर्नु रञ्जितं भानुमन्तमुदयन्तमाश्रये ॥
०४६६१ अञ्जनमुस्तोशीरैः सनागकोशातकामलकचूर्णैः ।
०४६६२ कतकफलसमायुक्तैः कूपे योगः प्रदातव्यः ॥
०४६७१ अञ्जनमिषतः स्त्रीणां दृशोर्विषं शश्वदावसति ।
०४६७२ कथमन्यथा तदीषत्पातेऽपि हता युवानः स्युः ॥
०४६८१ अञ्जनस्य क्षयं दृष्ट्वा वल्मीकस्य च संचयम् ।
०४६८२ अवन्ध्यं दिवसं कुर्याद्दानाध्ययनकर्मभिः ॥
०४६९१ अञ्जलिं शपथं सान्त्वं प्रणम्य शिरसा वदेत् ।
०४६९२ अश्रुप्रपातनं चैव कर्तव्यं भूतिमिच्छता ॥
०४७०१ अञ्जलिं शपथं सान्त्वं शिरसा पादवन्दनम् ।
०४७०२ आशाकरणमित्येकं कर्तव्यं भूतिमिच्छता ॥
०४७११ अञ्जलिरकारि लोकैर्म्लानिमनाप्तैव रञ्जिता जगती ।
०४७१२ संध्याया इव वसतिः स्वल्पापि सखे सुखायैव ॥
०४७२१ अञ्जलिस्थानि पुष्पाणि वासयन्ति करद्वयम् ।
०४७२२ अहो सुमनसां वृत्तिर्वामदक्षिणयोः समा ॥
०४७३१ अञ्जलौ जलमधीरलोचना लोचनप्रतिशरीरशारितम् ।
०४७३२ आत्तमात्तमपि कान्तमुक्षितुं कातरा शफरशङ्किनी जहौ ॥
०४७४१ अटता धात्रीमखिलामिदमाश्चर्यं मया दृष्टम् ।
०४७४२ धनदोऽपि नयननन्दन परिहरसि यदुग्रसंपर्कम् ॥
०४७५१ अटत्कटकघोटकप्रकटचापटङ्कारवच्चटच्चटदिति स्फुटं स्फुटति मेदिनी कर्परम् ।
०४७५२ निजामधरणीपतौ वलति कौतुकाडम्बरादिदं भुवनमण्डलं दरदरीदरीदर्यहो ॥
०४७६१ अटनेन महारण्ये सुपन्था जायते शनैः ।
०४७६२ वेदाभ्यासात्तथा ज्ञानं शनैः पर्वतलङ्घनम् ॥
०४७७१ अट वा विकटः पतत्रनादैः कटुवाचं रट वाथवा दिवान्ध ।
०४७७२ परुषं परिपश्य संयतं तत्परमं नः पुरमागतो न चेत्त्वम् ॥
०४७८१ अटवी कीदृशी प्रायो दुर्गमा भवति प्रिये ।
०४७८२ प्रियस्य कीदृशी कान्ता तनोति सुरतोत्सवम् ॥
०४७९१ अटव्या द्रुमपुष्पाणि दूरस्था अपि बान्धवाः ।
०४७९२ कान्ता चालेख्यरूपा च ते काले न प्रतिष्ठिताः ॥
०४८०१ अट्टशूला जनपदाः शिवशूलाश्चतुष्पथाः ।
०४८०२ केशशूलाः स्त्रियो राजन् भविष्यन्ति युगक्षये ॥
०४८११ अणिमा महिमा चैव लघिमा गरिमा तथा ।
०४८१२ प्राप्तिः प्राकाम्यमीशित्वं वशित्वं चाष्ट सिद्धयः ॥
०४८२१ अणुकं सुरतं नाम दंपत्योः पार्श्वसंस्थयोः ।
०४८२२ जायन्ते निबिडाश्लेषाः समीभूतशरीरयोः ॥
०४८३१ अणुनापि प्रविश्यारिं छिद्रेण बलवत्तरम् ।
०४८३२ निःशेषं मज्जयेद्राष्ट्रं यानपात्रमिवोदकम् ॥
०४८४१ अणु धनमपि न त्याज्यं मम भवता ज्ञापिते सत्यम् ।
०४८४२ वित्तं जीवितमग्र्यं जीवितहानिर्धनत्यागः ॥
०४८५१ अणुपूर्वं बृहत्पश्चाद्भवत्यार्येषु संगतम् ।
०४८५२ विपरीतमनार्येषु यथेच्छसि तथा कुरु ॥
०४८६१ अणुभ्यश्च महद्भ्यश्च शास्त्रेभ्यः कुशलो नरः ।
०४८६२ सर्वत्ः सारमादद्यात्पुष्पेभ्य इव षट्पदः ॥
०४८७१ अणुमात्रं यथा शल्यं शरीरे दुःखदायकम् ।
०४८७२ तथातिसू . . संयुक्तं मनः संसारदायकम् ॥
०४८८१ अणुरपि ननु नैव क्रोडभूषास्य काचित्परिभजसि यदेतत्तद्विभूतिस्तथैव ।
०४८८२ इह सरसि मनोज्ञे संततं पातुमम्भः श्रमपरिभवमग्नाः के न मग्नाः करीन्द्राः ॥
०४८९१ अणुरपि मणिः प्राणत्राणक्षमो विषभक्षिणां शिशुरपि रुषा सिंहीसूनुः समाह्वयते गजान् ।
०४८९२ तनुरपि तरुस्कन्धोद्भूतो दहत्यनलो वनं प्रकृतिमहतां जात्यं तेजो न मूर्तिमपेक्षते ॥
०४९०१ अणुरप्यसतां सङ्गः सद्गुणं हन्ति विस्तृतम् ।
०४९०२ गुणरुपान्तरं याति तक्रयोगाद्यथा पयः ॥
०४९११ अणुरप्युपहन्ति विग्रहः प्रभुमन्तः प्रकृतिप्रकोपजः ।
०४९१२ अखिलं हि हिनस्ति भूधरं तरुशाखान्तनिघर्षजोऽनलः ॥
०४९२१ अणोरणीयान्महतो महीयानात्मास्य जन्तोर्निहितो गुहायाम् ।
०४९२२ तमक्रतुः पश्यति वीतशोको धातुप्रसादान्महिमानमात्मनः ॥
०४९३१ अणोरणीयान्महतो महीयान्मध्यो नितम्बश्च मम प्रियायाः ।
०४९३२ यज्ञोपवीतं परमं पवित्रं किंचाङ्गरागारुणितं प्रियायाः ॥
०४९४१ अणोरणीयान्महतो महीयान् योगे वियोगे दिवसोऽङ्गनायाः ।
०४९४२ यज्ञोपवीतं परमं पवित्रं स्पृष्ट्वा सखे सत्यमिदं ब्रवीमि ॥
०४९५१ अण्डं कण्डूयमानेन यत्सुखं तव भूपते ।
०४९५२ खुर्जनानन्तरं दुःखं भूयात्तु तव वैरिणाम् ॥
०४९६१ अण्डजाः पुण्डरीकेषु समुद्रेषु जनार्दनाः ।
०४९६२ नीलकण्ठाश्च शैलेषु निवसन्तु न तेन ते ॥
०४९७१ अण्डाभ्यां लोमशाभ्यां तु जाताण्डो न हितः स्मृतः ।
०४९७२ भरमाभावक्त्रपुच्छं च कृष्णनीलं परित्यजेत् ।
०४९७३ निन्द्यः केवलकृष्णस्तु सर्वश्वेतस्तु पूजितः ॥
०४९८१ अण्वपि गुणाय महतां महदपि दोषाय दोषिणां सुकृतम् ।
०४९८२ तृणमपि दुग्धाय गवां दुग्धमपि विषाय सर्पाणाम् ॥
०४९९१ अतः कविर्नामसु यावदर्थः स्यादप्रमत्तो व्यवसायबुद्धिः ।
०४९९२ सिद्धेऽन्यथाऽर्थे न यतेत भूयः परिश्रमं तत्र समीक्षमाणः ॥
०५००१ अतः परं प्रवक्ष्यामि खड्गलक्षणमुत्तमम् ।
०५००२ प्रधानदेहसंभूतैर्दैत्यास्थिभिररिंदम् ॥
०५०११ अतः परं प्रवक्ष्यामि शराणां लक्षणां शुभम् ।
०५०१२ स्थूलं न चातिसूक्ष्मं च न पक्वं न कुभूमिजम् ।
०५०१३ हीनग्रन्थिविदीर्णं च वर्जयेदीदृशं शरम् ॥
०५०२१ अतः परमगम्योऽयं पन्था विश्रम्यतामिति ।
०५०२२ प्रत्यक्षियुगलं तस्याः कर्णौ वक्तुमिवागतौ ॥
०५०३१ अतः प्रशस्ते नक्षत्रे शुभे वारे शुचिष्मता ।
०५०३२ औषधं विधिवद्ग्राह्यं स्मृत्वा देवीं च सुप्रभाम् ॥
०५०३३ मन्त्रः  ओं सुप्रभायै नमः ॥
०५०४१ अतः संदेहदोलायां रोपणीयं न मानसम् ।
०५०४२ ग्रन्थेऽस्मिंश्चापचतुरैर्चीरचिन्तामणौ क्वचित् ॥
०५०५१ अतः समीक्ष्य कर्तव्यं विशेषात्संगतं रहः ।
०५०५२ अज्ञातहृदयेष्वेवं वैरीभवति सौहृदम् ॥
०५०६१ अतः सुस्थितचित्तेन प्रस्थातव्यं शुभे दिने ।
०५०६२ स्मृत्वा क्षेमंकरीं देवीं पश्यता शकुनाञ्शुभान् ॥
०५०७१ अत आहर्तुमिच्छामि पार्वतीमात्मजन्मने ।
०५०७२ उत्पत्तये हविर्भोंक्तुर्यजमान इवारणिम् ॥
०५०८१ अत एव हि नेच्छन्ति साधवः सत्समागमम् ।
०५०८२ यद्वियोगासिलूनस्य मनसो नास्ति भेषजम् ॥
०५०९१ अतटस्थस्वादुफल ग्रहणव्यवसायनिश्चयो येषाम् ।
०५०९२ ते शोकक्लेशरुजां केवलमुपयान्ति पात्रतां मन्दाः ॥
०५१०१ अतत्त्वज्ञोऽसि बालश्च दुस्तोषोऽपूरणोऽनलः ।
०५१०२ नैव त्वं वेत्थ सुलभं नैव त्वं वेत्थ दुर्लभम् ॥
०५१११ अतथ्यान्यपि तथ्यानि दर्शयन्ति हि पेशलाः ।
०५११२ समे निम्नोन्नतानीव चित्रकर्मविदो जनाः ॥
०५१२१ अतथ्यास्तथ्यसंकाशास्तथ्याश्चातथ्यदर्शनाः ।
०५१२२ दृश्यन्ते विविधा भावास्तस्माद्युक्तं परीक्षणम् ॥
०५१३१ अतथ्येनोच्यमानस्य कः कोपो यन्न तत्तथा ।
०५१३२ तथ्येनापि हि कः कोपो यदनुक्तेऽपि मत्तथा ॥
०५१४१ अतनुज्वरपीडितासि बाले तव सौख्याय मतो ममोपवासः ।
०५१४२ रसमर्पय वैद्यनाथ नाहं भवदावेदितलङ्घने समर्था ॥
०५१५१ अतनुना नवमम्बुदमाम्बुदं सुतनुरस्त्रमुदस्तमवेक्ष्य सा ।
०५१५२ उचितमायतनिःश्वसितच्छलाच्छ्वसनशस्त्रममुञ्चदमुं प्रति ॥
०५१६१ अतन्त्री वाग्वीणा स्तनयुगलमग्रीवकलसा वनब्जं दृङ्नीलोत्पलदलमपत्रोरुकदली ।
०५१६२ अकाण्डा दोर्वल्ली वदनमलकलङ्कः शशधरस्तदस्यास्तारुण्यं भुवनविपरीतं घटयति ॥
०५१७१ अतन्द्रचन्द्राभरणा समुद्दीपितमन्मथा ।
०५१७२ तारकातरला श्यामा सानन्दं न करोति कम् ॥
०५१८१ अतन्द्रितचमूपतिप्रहितहस्तमस्वीकृत प्रणीतमणिपादुकं किमिति विस्मितान्तःपुरम् ।
०५१८२ अवाहनपरिष्क्रियं पतगराजमारोहतः करिप्रवरबृंहिते भगवतस्त्वरायै नमः ॥
०५१९१ अतसीकुसुमोपमेयकान्तिर्यमुनालकुकदम्बमूलवर्ती ।
०५१९२ नवगोपवधूविनोदशाली वनमाली वितनोतु मङ्गलानि ॥
०५२०१ अतसीपुष्पसंकाशं खं वीक्ष्य जलदागमे ।
०५२०२ ये वियोगेऽपि जीवन्ति न तेषां विद्यते भयम् ॥
०५२११ अतस्करकरग्राह्यमराजाज्ञावशंवदम् ।
०५२१२ अदायादविभागार्हं धनमार्जयतस्थिरम् ॥
०५२२१ अतस्तु विपरीतस्य नृपतेरजितात्मनः ।
०५२२२ संक्षिप्यते यशो लोके घृतबिन्दुरिवाम्भसि ॥
०५२३१ अतस्त्वष्टाङ्गया बुद्ध्या नृपतिर्नीतिशास्त्रवित् ।
०५२३२ समर्थः पृथिवीं कृत्स्नामपि जेतुं विचक्षणः ॥
०५२४१ अताडयत्पल्लवपाणिनैकां पुष्पोच्चये राजवधूमशोकः ।
०५२४२ तच्छेदहेतोरलिपङ्कि भङ्ग्या व्याकृष्यते वासिलता स्मरेण ॥
०५२५१ अतिकलुषमाशुनश्वरमापातस्फुरणमनभिलाषकरम् ।
०५२५२ अपि हृष्यन्ति जनाः कथमवलम्ब्य ज्ञानखद्योतम् ॥
०५२६१ अतिकुपितमनस्के कोपनिष्पत्तिहेतुं विदधति सति शत्रौ विक्रियां चित्ररूपाम् ।
०५२६२ वदति वचनमुच्चैर्दुःश्रवं कर्कशादि कलुषविकलता या तां क्षमां वर्णयन्ति ॥
०५२७१ अतिकुपिता अपि सुजना योगेन मृदूभवन्ति न तु नीचाः ।
०५२७२ हेम्नः कठिनस्यापि द्रवणोपायोऽस्ति न तृणानाम् ॥
०५२८१ अतिकृष्णेष्वतिगौरेष्वतिपीनेष्वतिकृशेषु मनुजेषु ।
०५२८२ अतिदीर्घेष्वतिलघुषु प्रायेण न विद्यतेऽपत्यम् ॥
०५२९१ अतिक्रम्यापाङ्गं श्रवणपथपर्यन्तगमन प्रयासेनेवाक्ष्णोस्तरलतरतारं गमितयोः ।
०५२९२ इदानीं राधायाः प्रियतमसमायातसमये पपातस्वे दाम्बुप्रसर इव हर्षाश्रुनिकरः ॥
०५३०१ अतिक्रान्तं तु यः कार्यं पश्चाच्चिन्तयते नरः ।
०५३०२ तच्चास्य न भवेत्कार्यं चिन्तया तु विनश्यति ॥
०५३११ अतिक्रान्तः कालः सुचरितशतामोदसुभगो गताः शुक्ला धर्मा नवनलिनसूत्रांशुतनुताम् ।
०५३१२ परिम्लानः प्रायो बुधजनकथासारनिपुणो निरानन्दं जातं जगदिदमतीतोत्सवमिव ॥
०५३२१ अतिक्रान्तः कालो लटभललनाभोगसुभगो भ्रमन्तः श्रान्ताः स्मः सुचिरमिह सं सारसरणौ ।
०५३२२ इदानीं स्वः सिन्धोस्तटभुवि समाक्रन्दनगिरः सुतारैः फूत्कारैः शिव शिव शिवेति प्रतनुमः ॥
०५३३१ अतिक्रान्तमतिक्रान्तमनागतमनागतम् ।
०५३३२ वर्तमानसुखभ्रान्तिर्नवा भोगिदरिद्रयोः ॥
०५३४१ अतिक्लेशेन यद्द्रव्यमतिलोभेन यत्सुखम् ।
०५३४२ परपीडा च या वृत्तिर्नैव साधुषु विद्यते ॥
०५३५१ अतिक्लेशेन येऽर्थाः स्युर्धर्मस्यातिक्रमेण च ।
०५३५२ अरेर्वा प्रणिपातेन मा स्म तेषु मनः कृथाः ॥
०५३६१ अतिक्लेशे मनःस्थैर्यं क्रमेण सहनं तथा ।
०५३६२ जयलाभाय हेतू द्वौ सैन्यानामधिकौ विदुः ॥
०५३७१ अतिगम्भीरमनाविलमक्षोभ्यमदृष्टपारमविलङ्घ्यम् ।
०५३७२ अविरलतरङ्गसंकुलमेक्षिषि विज्ञानसागरं महताम् ॥
०५३८१ अतिगम्भीरे भूपे कूप इव जनस्य दुःखतारस्य ।
०५३८२ दधति समीहितसिद्धिं गुणवन्तः पार्थिवा घटकाः ॥
०५३९१ अतिचपलकलत्रं प्रातिवेश्मातिचौर स्तनयगतिमांधं (?) बालरण्डा तनूजा ।
०५३९२ अतिशठमथ मैत्री (?) वश्यता सर्वजन्तो रिपुभयतनुरोगौ चाष्टदुःखं नराणाम् ॥
०५४०१ अतिचारुचन्द्ररोचिः कुर्वन् कुसुमेषुकेलिकेतनताम् ।
०५४०२ सुरभिः कदानुयास्यति समुकुलरुचिरस्तनीहारः ॥
०५४११ अतिचिरादनुषङ्गवतः कणा नवनिजान् यदि हेम जिहाससि ।
०५४१२ पटुपुटज्वलनज्वरवेदना तव भवत्यपयाति च गौरवम् ॥
०५४२१ अतिजीर्णमपक्वं च ज्ञातिधृष्टं तथैव च ।
०५४२२ दग्धं छिद्रं न कर्तव्यं बाह्याभ्यन्तरहस्तकम् ॥
०५४३१ अतिजीवति वित्तेन सुखं जीवति विद्यया ।
०५४३२ किंचिज्जीवति शिल्पेन ऋते कर्म न जीवति ॥
०५४४१ अतितामसोऽजगन्धिः काकरवो ह्रस्वकूर्चकः पापः ।
०५४४२ भीरुः कुधीः पिशाचो रासभलिङ्गस्तु विज्ञेयः ॥
०५४५१ अतितृष्णा न कर्तव्या तृष्णां नैव परित्यजेत् ।
०५४५२ अतितृष्णाभिभूतस्य शिखा भवति मस्तके ।
०५४६१ अतितेजस्व्यपि राजा पानासक्तो न साधयत्यर्थान् ।
०५४६२ तृणमपि दग्धुं शक्तो न वाडवाग्निः पिबन्ननिशम् ॥
०५४७१ अतिथिं नाम काकुत्स्थात्पुत्रं प्राप कुमुद्वती ।
०५४७२ पश्चिमाद्यामिनीयामात्प्रसादमिव चेतना ॥
०५४८१ . . . . . .
०५४८२ अतिथिः किल पूजार्हः प्राकृतोऽपि विजानता ॥
०५४९१ अतिथिः द्वारि तिष्ठेत आपो गृह्णाति यो नरः ।
०५४९२ आपोशनं सुरापानमन्नं गोमांसभक्षणम् ॥
०५५०१ अतिथिः पूजितो यस्य गृहस्थस्य तु गच्छति ।
०५५०२ नान्यस्तस्मात्परो धर्म इति प्राहुर्मनीषिणः ॥
०५५११ अतिथिः पूजितो यस्य ध्यायते मनसा शभम् ।
०५५१२ न तत्क्रतुशतेनापि तुल्यमाहुर्मनीषिणः ॥
०५५२१ अतिथित्वेन वर्णानां देयं शक्यानुपूर्वशः ।
०५५२२ अप्रणोद्योऽतिथिः सायमपि वाग्भूतृणोदकैः ॥
०५५३१ अतिथिर्बालकः पत्नी जननी जनकस्तथा ।
०५५३२ पञ्चैते गृहिणः पोष्या इतरे च स्वशक्तितः ॥
०५५४१ अतिथिर्बालकश्चैव राजा भार्या तथैव च ।
०५५४२ अस्ति नास्ति न जानन्ति देहि देहि पुनः पुनः ॥
०५५५१ अतिथिर्बालकश्चईव स्त्रीजनो नृपतिस्तथा ।
०५५५२ एते वित्तं न जानन्ति जामाता चैव पञ्चमः ॥
०५५६१ अतिथिर्यस्य भग्नाशो गृहात्प्रतिनिवर्तते ।
०५५६२ स दत्त्वा दुष्कृतं तस्मै पुण्यमादाय गच्छति ॥
०५५७१ अतिथिश्चापवादी च द्वावेतौ मम बान्धवौ ।
०५५७२ अपवादी हरेत्पापमतिथिः स्वर्गसंक्रमः ॥
०५५८१ अतिथीनां च सर्वेषां प्रेष्याणां स्वजनस्य च ।
०५५८२ सामान्यं भोजनं सद्भिर्गृहस्थस्य प्रशस्यते ॥
०५५९१ अतिथीनां न सत्कारो न च सज्जनसंगमः ।
०५५९२ न यत्र स्वात्मवर्णास्था सा गृहाश्रमवञ्चना ॥
०५६०१ अतिदर्पे हता लङ्का अतिमाने च कौरवाः ।
०५६०२ अतिदाने बलिर्बद्धः सर्वमत्यन्तगर्हितम् ॥
०५६११ अतिदाक्षिण्ययुक्तानां शङ्कितानां पदे पदे ।
०५६१२ परापवादिभीरूणां न भवन्ति विभूतयः ॥
०५६२१ अतिदानाद्धतः कर्णस्त्वतिलोभात्सुयोधनः ।
०५६२२ अतिकामाद्दशग्रीवस्त्वति सर्वत्र वर्जयेत् ॥
०५६३१ अतिदानाद्बलिर्बद्धो नष्टो मानात्सुयोधनः ।
०५६३२ विनष्टो रावणो लौ ल्यादति सर्वत्र वर्जयेत् ॥
०५६४१ अतिदानाद्बलिर्बद्धो ह्यतिमानात्सुयोधनः ।
०५६४२ अतिकामाद्दशग्रीवो ह्यति सर्वत्र गर्हितः ॥
०५६५१ अतिदाने बलिर्बद्धो अतिमाने च कौरवाः ।
०५६५२ अतिरूपे हृता सीता सर्वमत्यन्तगर्हितम् ॥
०५६६१ अतिदीर्घजीविदोषाद्व्यासेन यशोऽपहारितं हन्त ।
०५६६२ कैर्नोच्येत गुणाढ्यः स एव जन्मान्तरापन्नः ॥
०५६७१ अतिदूरपथश्रान्ताश्छायां यान्ति च शीतलाम् ।
०५६७२ शितलाश्च पुनर्यान्ति का कस्य परिदेवना ॥
०५६८१ अति धर्माद्बलं मन्ये बलाद्धर्मः प्रवर्तते ।
०५६८२ बले प्रतिष्ठितो धर्मो धर्ण्यामिव जङ्गमम् ॥
०५६९१ अतिनीचानि वाक्यानि दृष्टिमात्रातिनिन्दकः ।
०५६९२ क्षुद्रसंवादभाषी यो ह्येवं दुष्टः शठो जनः ॥
०५७०१ अतिपक्वकपित्थेन लिप्तपात्रे सुयामितम् ।
०५७०२ दुग्धमस्तुविहीनं स्याच्चन्द्रबिम्बोपमं दधि ॥
०५७११ अतिपटलैरनुयातां सहृदयहृदयज्वरं विलुम्पन्तीम् ।
०५७१२ मृगमदपरिमललहरीं समीर पामरपुरे किरसि ॥
०५७२१ अतिपरमाद्भुतवेषा काप्येषा जयति सृष्टिरात्मभुवः ।
०५७२२ तत्किं न वाञ्छितं स्यादस्या यदि विधुरवीक्षणः पाता ॥
०५७३१ अतिपरिगृहीतमौना वर्जितमाल्यानुलेपनस्नाना ।
०५७३२ दूरोत्सारितलज्जा निर्ग्रन्थग्रन्थरचनेव ॥
०५७४१ अतिपरिचयादवज्ञा भवति विशिष्टेऽपि वस्तुनि प्रायः ।
०५७४२ लोकः प्रयागवासी कूपे स्नानं समाचरति ॥
०५७५१ अतिपरिचयादवज्ञा संततगमनादनादरो भवति ।
०५७५२ मलये भिल्लपुरन्ध्री चन्दनतरुमिन्धनं कुरुते ॥
०५७६१ अतिपरिचयादवज्ञेत्येतद्वाक्यं मृषैव तद्भाति ।
०५७६२ अतिपरिचितेऽप्यनादौ संसारेऽस्मिन्न जायतेऽवज्ञा ॥
०५७७१ अतिपातितकालसाधना स्वशरीरेन्द्रियवर्गतापनी ।
०५७७२ जनवन्न भवन्तमक्षमा नयसिद्धेरपनेतुमर्हति ॥
०५७८१ अतिपीतां तमोराजीं तनीयान् सोढुमक्षमः ।
०५७८२ वमतीव शनैरेष प्रदीपः कज्जलच्छलात् ॥
०५७९१ अतिपूजिततारेयं दृष्टिः श्रुतिलङ्घनक्षमा सुतनु ।
०५७९२ जिनसिद्धान्तस्थितिरिव सवासना कं न मोहयति ॥
०५८०१ अतिपेलवमतिपरिमित वर्णं लघुतरमुदाहरति शठः ।
०५८०२ परमार्थतः स हृदयं वहति पुनः कालकूटघटितमिव ॥
०५८११ अतिप्रचण्डां बहुपाकपाकिनीं विवादशीलां स्वयमेव तस्करीम् ।
०५८१२ अक्रोशबीजां परवेश्मगामिनीं त्यजेत भार्यां दशपुत्रसूरपि ॥
०५८२१ अतिप्रचण्डा बहुदुःखभागिनी विवादशीला परगेहगामिनी ।
०५८२२ भर्तुः स्वयं निन्दति या च तस्करी त्यजेत्स्वभार्यां दशपुत्रपुत्रिणीम् ॥
०५८३१ अतिप्रौढा रात्रिर्बहलशिखदीपः प्रभवति प्रियः प्रेमारब्धस्मरविधिरसज्ञः परमसौ ।
०५८३२ सखि स्वैरं स्वैरं सुरतमकरोद्व्रीडितवपुर्यतः पर्यङ्कोऽयं रिपुरिव कडत्कारमुखरः ॥
०५८४१ अतिबलिनामपि मलिना शयेन बलिकर्णपुत्राणाम् ।
०५८४२ विश्वासोपनतानां वासोपुत्रेण जीवितं जह्रे ॥
०५८५१ अतिबहुतरलज्जाशृङ्खलाबद्धपादो मदननृपतिवाहो यौवनोन्मत्तहस्ती ।
०५८५२ प्रकटितकुचकुम्भो लोमराजीकरेण पिबति सरसि नाभीमण्डलाख्ये पयांसि ॥
०५८६१ अतिभीरुमतिक्लीबं दीर्घसूत्रं प्रमादिनम् ।
०५८६२ व्यसनाद्विषयाक्रान्तं न भजन्ति नृपं प्रजाः ॥
०५८७१ अतिमन्दचन्दनमहीधरवातं स्तबकाभिरामलतिकातरुजातम् ।
०५८७२ अपि तापसानुपवनं मदनार्तान्मदमञ्जुगुञ्जदलिपुञ्जमकार्षीत् ॥
०५८८१ अतिमलिने कर्तव्ये भवति खलानामतीव निपुणा धीः ।
०५८८२ तिमिरे हि कौशिकानां रूपं प्रतिपद्यते दृष्टिः ॥
०५८९१ अतिमात्रभासुरत्वं पुष्यति भानुः परिग्रहादह्नः ।
०५८९२ अधिगच्छति महिमानं चन्द्रोऽपि निशापरिगृहीतः ॥
०५९०१ अतिमानः श्रियं हन्ति पुरुषस्याल्पमेधसः ।
०५९०२ गर्भेण दुष्यते कन्या गृहवासेन च द्विजः ॥
०५९११ अतिमानिनमग्राह्यमात्मसंभावितं नरम् ।
०५९१२ क्रोधनं व्यसने हन्ति स्वजनोऽपि नराधिपम् ॥
०५९२१ अतिमृदु नवनीताच्चन्द्रकाच्चातिरम्यं बहुललितसुधायाः स्वादतः सद्रसाढ्यम् ।
०५९२२ सकलललितभोगागारभाग्यैकयोग्यं परिलसति हविष्यं कस्य गल्लच्छलेन ॥
०५९३१ अतियत्नगृहीतोऽपि खलः खलखलायते ।
०५९३२ शिरसा धार्यमाणोऽपि तोयस्यार्धघटो यथा ॥
०५९४१ अतिरमणीये काव्ये पिशुनोऽन्वेषयति दूशणान्येव ।
०५९४२ अतिरमणीये वपुषि व्रणमेव हि मक्षिकानिकरः ॥
०५९५१ अतिरागाद्दशग्रीवो ह्यतिलोभात्सुयोधनः ।
०५९५२ अतिदानाद्धतः कर्णो ह्यतिः सर्वत्र गर्हितः ॥
०५९६१ अतिरिच्यते सुजन्मा कश्चिज्जनकान्निजेन चरितेन ।
०५९६२ कुम्भः परिमितमम्भः पिबति पपौ कुम्भसंभवोऽम्भोधिम् ॥
०५९७१ अतिरुचिरङ्गजकृत्त्या क्षोभितदक्षं भवन्तमेव भजे ।
०५९७२ यस्मिन् प्रसादसुमुखे सद्यो वामापि भवति मम तुष्ट्यै ॥
०५९८१ अतिरुपवती सीता अतिगर्वी च रावणः ।
०५९८२ अतीव बलवान् रामो लङ्कायेन क्षयं गता ॥
०५९९१ अतिरूपाद्धृता सीता अतिगर्वेण रावणः ।
०५९९२ अतिदानाद्बलिर्बद्धो ह्यति सर्वत्र गर्हितम् ॥
०६००१ अतिरूपेण वै सीता अतिगर्वेण रावनः ।
०६००२ अतिदानं बलिर्दत्त्वा अति सर्वत्र वर्जयेत् ॥
०६०११ अतिलोभो न कर्तव्यः कर्तव्यस्तु प्रमाणतः ।
०६०१२ अतिलोभजदोषेण जम्बुको निधनं गतः ॥
०६०२१ अतिलोभो न कर्तव्यो लोभं नैव परित्यजेत् ।
०६०२२ अतिलोभाभिभूतस्य चक्रं भ्रमति मस्तके ॥
०६०३१ अतिलोहितकरचरणं मञ्जुलगोरोचनातिलकम् ।
०६०३२ हठपरिवर्तितशकटं मुररिपुमुत्तानशायिनं वन्दे ॥
०६०४१ अतिलौल्यप्रसक्तानां विपत्तिनैर्व दूरतः ।
०६०४२ जीवं नश्यति लोभेन मीनस्यामिषदर्शने ॥
०६०५१ अतिवादांस्तितिक्षेत नाभिमन्येत्कथंचन ।
०६०५२ क्रोध्यमानः प्रियं ब्रूयादाक्रुष्टः कुशलं वदेत् ॥
०६०६१ अतिवादांस्तितिक्षेत नावमन्येत कंचन ।
०६०६२ न चेमं देहमाश्रित्य वैरं कुर्वीत केनचित् ॥
०६०७१ अतिवादोऽतिमानश्च तथात्यागो नराधिप ।
०६०७२ क्रोधश्चातिविवित्सा च मित्रद्रोहश्च तानी षट् ॥
०६०८१ एत एवासयस्तीक्ष्णाः कृन्तन्त्यायूंषि देहिनाम् ।
०६०८२ एतानि मानवान् घ्नन्ति न मृत्युर्भद्रमस्तु ते ॥
०६०९१ अतिवाहितमतिगहनं विनापवादेन यौवनं येन ।
०६०९२ दोषनिधाने जन्मनि किं न प्राप्तं फलं तेन ॥
०६१०१ अतिविततगगनसरणि प्रसरणपरिमुक्तविश्रमानन्दः ।
०६१०२ मरुदुल्लासितसौरभ कमलाकरहासकृद्रविर्जयति ॥
०६१११ अतिविपुलं कुचयुगलं रहसि करैरामृशन्मुहुर्लक्ष्म्याः ।
०६११२ तदपहृतं निजहृदयं जयति हरर्मृगयमाण इव ॥
०६१२१ अतिविशदानन्तपद प्रवृत्तदृष्टिर्न मधुरवीक्षणतः ।
०६१२२ तृप्यत्यञ्चितकामः प्रातस्तनकमलमुकुलवीक्षणतः ॥
०६१३१ अतिवृष्टिरनावृष्टिः शलभाः मूषकाः शुकाः ।
०६१३२ असत्करश्च दण्डश्च परचक्राणि तस्कराः ॥
०६१४१ राजानीकप्रियोत्सर्गो मरकव्याधिपीडनम् ।
०६१४२ पशूनां मरणं रोगो राष्ट्रव्यसनमुच्यते ॥
०६१५१ अतिव्ययोऽनपेक्षा च तथार्जनमधर्मतः ।
०६१५२ मोषणं दूरसंस्थानां कोषव्यसनमुच्यते ॥
०६१६१ अतिशयितकदम्बोऽयं मोदकदम्बानिलो वहति ।
०६१६२ वियदम्बुदमेदुरितं मे दुरितं पश्य नागतो दयितः ॥
०६१७१ अतिशरव्ययता मदनेन तां निखिलपुष्पमयस्वशरव्ययात् ।
०६१७२ स्फुटमकारि फलान्यपि मुञ्चता तदुरसि स्तनतालयुगार्पणम् ॥
०६१८१ अतिशौचमशौचं वा अतिनिन्दा अतिस्तुतिः ।
०६१८२ अत्याचारमनाचारं षड्विधं मूर्खलक्षणम् ॥
०६१९१ अतिश्लथालम्बिपयोधरेयं शुभ्रीभवत्काशविकासिकेशा ।
०६१९२ अतीतलावण्यजलप्रवाहा प्रावृट्जरां प्राप शरच्छलेन ॥
०६२०१ अतिसंचयलुब्धानां वित्तमन्यस्य कारणम् ।
०६२०२ अन्यैः संचीयते यत्नादन्यैश्च मधु पीयते ॥
०६२११ अतिसंपदमापन्नैर्भेतव्यं पतनाद्भूयः ।
०६२१२ अत्युच्चशिखरा मेरोः शक्रवज्रेण पातिताः ॥
०६२२१ अतिसज्जनदुर्गतिः खलपङ्क्तिसमुन्नतिः ।
०६२२२ युवतिस्तनविच्युतिरिति किं विधिनिर्मितिः ॥
०६२३१ अतिसत्कृता अपि शठाः सहभुवमुज्झन्ति जातु न प्रकृतिम् ।
०६२३२ शिरसा महेश्वरेणाऽपि ननु धृतो वक्र एव शशी ॥
०६२४१ अतिसाहसमतिदुष्करमत्याश्चर्यं च दानमर्थानाम् ।
०६२४२ योऽपि ददाति शरीरं न ददाति स वित्तलेशमपि ॥
०६२५१ अतिसाहसिकं शूरा मन्त्रिणस्तं निरूपकम् ।
०६२५२ विनीतं गुरवो जज्ञुर्धूर्तमन्तःपुराङ्गनाः ॥
०६२६१ अतिहरितपत्रपरिकर संपन्नस्पन्दनैकविटपस्य ।
०६२६२ घनवासनैर्मयूखैः कुसुम्भकुसुमायते तरणिः ॥
०६२७१ अतीतलाभस्य सुरक्षणार्थं भविष्यलाभस्य च संगमार्थम् ।
०६२७२ आपत्प्रपन्नस्य च मोक्षणार्थं यन्मन्त्र्यतेऽसौ परमो हि मन्त्रः ॥
०६२८१ अतीतानागतानर्थान् विप्रकृष्टतिरोहितान् ।
०६२८२ विजानाति यदा योगी तदा संविदिति स्मृता ॥
०६२९१ अतीतानागता भावा ये च वर्तन्ति सांप्रतम् ।
०६२९२ तान् कालनिर्मितान् बुद्ध्वा न संज्ञां हातुमर्हसि ॥
०६३०१ अतीता शीतार्तिः प्रसरति शनैरुष्मकणिका दिनानि स्फायन्ते रविरपि रथं मन्थरयति ।
०६३०२ हिमानीनिर्मुक्तः स्फुरति नितरां शीतकिरणः शराणां व्यापारः कुसुमधनुषो न व्यवहितः ॥
०६३११ अतीत्य बन्धूनवलङ्घ्य मित्राण्याचार्यमागच्छति शिष्यदोषः ।
०६३१२ बालं ह्यपत्यं गुरवे प्रदातुर्नैवापराधोऽस्ति पितुर्न मातुः ॥
०६३२१ अतीन्द्रियायां परलोकवृत्ताविहैव तीव्राशुभपाकशंसी ।
०६३२२ दृष्येत नाशो यदि नाम नाशु न कः कुकृत्येन यतेत भूत्यै ॥
०६३३१ अतीव कर्कशाः स्तब्धा हिंस्रजन्तुभिरावृताः ।
०६३३२ दुरासदाश्च विषमा ईश्वराः पर्वता इव ॥
०६३४१ अतीव खलु ते कान्ता वसुधा वसुधाधिप ।
०६३४२ गतासुरपि यां गात्रैर्मां विहाय निषेवसे ॥
०६३५१ अतीव बलहीनं हि लङ्घनं नैव कारयेत् ।
०६३५२ ये गुणा लङ्घने प्रोक्तास्ते गुणा लघुभोजने ॥
०६३६१ अतीव सौख्यशुभदा याम्या निशि भवेच्छिवा ।
०६३६२ पूर्वस्यां तत्पुराध्यक्षमन्यं कुर्यादहर्मुखे ॥
०६३७१ अतुलितबलधामं स्वर्णशैलाभदेहं दनुजवनकृशानुं ज्ञानिनामग्रगण्यम् ।
०६३७२ सकलगुणनिधानं वानराणामधीशं रघुपतिवरदूतं वातजातं नमामि ॥
०६३८१ अतुष्टं स्वेषु दारेषु चपलं चपलेन्द्रियम् ।
०६३८२ नयन्ति निकृतिप्रज्ञं परदाराः पराभवम् ॥
०६३९१ अतुष्टिदानं कृतपूर्वनाशनममाननं दुश्चरितानुकीर्तनम् ।
०६३९२ कथाप्रसङ्गेन च नामविस्मृतिर्विरक्तभावस्य जनस्य लक्षणम् ॥
०६४०१ अतुहिनरुचिनासौ केवलं नोदयाद्रिः क्षणमुपरिगतेन क्ष्माभृतः सर्व एव ।
०६४०२ नवकरनिकरेण स्पष्टबन्धूकसून स्तबकरचितमेते शेखरं बिभ्रतीव ॥
०६४११ अतृणे पतितो वह्निः स्वयमेवोपशाम्यति ।
०६४१२ अक्षमावान् परं दोषैरात्मानं चैव योजयेत् ॥
०६४२१ अतृणे सतृणा यस्मिन् सतृणे तृणवर्जिता मही यत्र ।
०६४२२ तस्मिञ्शिरा प्रदिष्टा वक्तव्यं वा धनं तत्र ॥
०६४३१ अतोगरीयः किं नुस्यादशर्म नरकेष्वपि ।
०६४३२ यत्प्रियस्य प्रियं कर्तुमधमेन न शक्यते ॥
०६४४१ अतो निजबलोन्मानं चापं स्याच्छुभकारकम् ।
०६४४२ देवानामुत्तमं चापं ततो न्यूनं च मानवम् ॥
०६४५१ अतोऽर्थं पठ्यते शास्त्रं कीर्तिर्लोकेषु जायते ।
०६४५२ कीर्तिमान् पूज्यते लोके परत्रेह च मानवः ॥
०६४६१ अतो हास्यतरं लोके किंचिदन्यन्न विद्यते ।
०६४६२ यत्र दुर्जन इत्याह दुर्जनः सज्जनं स्वयम् ॥
०६४७१ अत्तुं वाञ्छति शांभवो गणपतेराखुं क्षुधार्त्तः फणी तं च क्रौञ्चरिपोः शिखी गिरिसुतासिंहोऽपि नागाननम् ।
०६४७२ इत्थं यत्र परिग्रहस्य घटना शंभोरपि स्याद्गृहे तत्रान्यस्य कथं न भावि जगतस्तस्मात्स्वरूपं हि तत् ॥
०६४८१ अत्यच्छं सितमंशुकं शुचि मधु स्वामोदमच्छं रजः कार्पुरं विधृतार्द्रचन्दनकुचद्वन्द्वाः कुरङ्गीदृशः ।
०६४८२ धारावेश्म सपाटलं विचकिलस्रग्दाम चन्द्रत्विषो धातः सृष्टिरियं वृथैव तव न ग्रीष्मोऽभविष्यद्यदि ॥
०६४९१ अत्यद्भुतमिमं मन्ये स्वभावममनस्विनः ।
०६४९२ यदुपक्रियमाणोऽपि प्रीयते न विलीयते ॥
०६५०१ अत्यन्तं कुरुतां रसायनविधिं वाक्यं प्रियं जल्पतु वार्धेः पारमियर्तु गच्छतु नभो देवाद्रिमारोहतु ।
०६५०२ पातालं विशतु प्रसर्पतु दिशं देशान्तरं भ्राम्यतु न प्राणी तदपि प्रहर्तुमनसा संत्यज्यते मृत्युना ॥
०६५११ अत्यन्तकण्डूतिपरो नराणां विरोधकारी शुनकः सदैव ।
०६५१२ स्यादूर्ध्वपादः शुनकः शयानः सिद्धिप्रदः कार्यविधौ विदुष्टे ॥
०६५२१ अत्यन्तकृष्णः स विनिर्मलस्त्वं स वामनः सर्वत उन्नतोऽसि ।
०६५२२ जनार्दनो यत्स दयापरस्त्वं विष्णुः कथं वीर तवोपमानम् ॥
०६५३१ अत्यन्तकोपः कटुका च वाणी दरिद्रता च स्वजनेषु वैरम् ।
०६५३२ नीचप्रसङ्गः कुलहीनसेवा चिह्नानि देहे नरकस्थितानाम् ॥
०६५४१ अत्यन्तचञ्चलस्येह पारदस्य निबन्धने ।
०६५४२ कामं विज्ञायते युक्तिर्न स्त्रीचित्तस्य काचन ॥
०६५५१ अत्यन्तनिर्गते चैव सुबद्धे नैव चाविले ।
०६५५२ प्रशस्ते वाजिनां नेत्रे मध्वाभे कालतारके ॥
०६५६१ अत्यन्तपरिणाहित्वादतीव श्लक्ष्णतावशात् ।
०६५६२ न कांचिदुपमां रोढुमूरू शक्नोति सुभ्रुवः ॥
०६५७१ अत्यन्तभीमवनजीवगणेन पूर्णं दुर्गं वनं भवभृतां मनसाप्यगम्यम् ।
०६५७२ चौराकुलं विशति लोभवशेन मर्त्यो नो धर्मकर्म विदधाति कदाचिदज्ञः ॥
०६५८१ अत्यन्तमतिमेधावी त्रयाणामेकमश्नुते ।
०६५८२ अल्पायुषो दरिद्रो वा ह्यनपत्यो न संशयः ॥
०६५९१ अत्यन्तमन्थनकदर्थनमुत्सहन्ते मर्यादया नियमिताः किमु साधवोऽपि ।
०६५९२ लक्ष्मीसुधाकरसुधाद्युपनीय शेषे रत्नाकरोऽपि गरलं किमु नोज्जगार ॥
०६६०१ अत्यन्तमसदार्याणामनालोचितचेष्टितम् ।
०६६०२ अतस्तेषां विवर्धन्ते सततं सर्वसंपदः ॥
०६६११ अत्यन्तविमुखे दैवे व्यर्थयत्ने च पौरुषे ।
०६६१२ मनस्विनो दरिद्रस्य वनादन्यत्कुतः सुखम् ॥
०६६२१ अत्यन्तव्यवधानलब्धजनुषो जात्यापि भिन्नक्रमाः सांनिध्यं विधिना कुतूहलवता कुत्रापि संप्रापिताः ।
०६६२२ गच्छन्त्यामरणं गुणव्यतिकृता भेदं न भूमीरुहस्ते काष्ठादपि निष्ठुरा गुणगणैर्ये नैकतां प्रापिताः ॥
०६६३१ अत्यन्तशीतलतया सुभगस्वभाव सत्यं न कश्चिदपि ते तरुरस्ति तुल्यः ।
०६६३२ छायार्थिनामपि पुनर्विकटद्विजिह्व सङ्गेन चन्दन विषद्रुमनिर्विशेषः ॥
०६६४१ अत्यन्तशुद्धचिन्मात्रे परिणामश्चिराय यः ।
०६६४२ तुर्यातीतं पदं तत्स्यात्तत्स्थो भूयो न शोचति ॥
०६६५१ अत्यन्तसुखसंचारा मध्याह्ने स्पर्शतः सुखाः ।
०६६५२ दिवसाः सुभगादित्याश्छायासलिलदुर्भगाः ॥
०६६६१ अत्यन्तस्तिमिताङ्गानां व्यायामेन सुखैषिणाम् ।
०६६६२ भ्रान्तिज्ञानावृताक्षाणां प्रहारोऽपि सुखायते ॥
०६६७१ अत्यन्तोन्नतपूर्वपर्वतमहापीठे हरस्पर्धया दूरोदञ्चितधूमसंनिभतमस्तारास्फुलिण्गाकुलम् ।
०६६७२ नूनं पञ्चशरोऽकरोच्छशिमिषात्स्वं ज्वाललिङ्गं यतो गर्वाच्छर्वपरान् दहेन्मुनिवरान् सर्वानखर्वा शुभिः ॥
०६६८१ अत्यपूर्वस्य रागस्य पूर्वपक्षाय पल्लवाः ।
०६६८२ पद्मानि पादयुग्मस्य प्रत्युदाहरणानि च ॥
०६६९१ अत्यम्बुपानं कठिनासनं च धातुक्षयो वेगविधारणं च ।
०६६९२ दिवाशयो जागरणं च रात्रौ षड्भिर्नराणां निवसन्ति रोगाः ॥
०६७०१ अत्यम्बुपानात्प्रभवन्ति रोगाः अल्पाम्बुपाने च तथैव दोषाः ।
०६७०२ तस्मान्नरो वह्निविवर्धनाय मुहुर्मुहुर्वारि पिबेदभुरि ॥
०६७११ अत्यम्बुपानाद्विषमाशनाच्च दिवाशयाज्जागरणच्च रात्रौ ।
०६७१२ सम्रोधनान्मूत्रपुरीषयोश्च षड्भिः प्रकारैः प्रभवन्ति रोगाः ॥
०६७२१ अत्यम्बुपानान्न विपच्यतेऽन्नमनम्बुपानाच्च स एव दोषः ।
०६७२२ तस्मान्नरो वह्निविवर्धनार्थं महुर्मुहुर्वारि पिबेदभूरि ॥
०६७३१ अत्यर्थवक्रत्वमनर्थकं या शून्यापि सर्वान्यगुणैर्व्यनक्ति ।
०६७३२ अस्पृश्यतादूषितया तया किं तुच्छश्वपुच्छच्छटयेव वाचा ॥
०६७४१ अत्यल्पं जीवितं पापान्यापातमधुराण्यलम् ।
०६७४२ तदाचर चिरस्थेयपरलोकावलोकनम् ॥
०६७५१ अत्यल्पसंपदः सन्तः पुमानिष्टश्च दुष्कुले ।
०६७५२ लक्ष्मीरनभिजातस्य वेधसः स्खलितत्रयम् ॥
०६७६१ अत्याग्रहो न कर्तव्यो हठात्कश्चिन्न भाषते ।
०६७६२ यथायथोन्दति तथा भारो भवति कम्बलः ॥
०६७७१ अत्याजिलब्धविजयप्रसरस्त्वया किं विज्ञायते रुचिपदं न महीमहेन्द्रः ।
०६७७२ प्रत्यर्थिदानवशताहितचेष्टयासौ जीमूतवाहनधियं न करोति कस्य ॥
०६७८१ अत्यादरादध्ययनं द्विजानामर्थोपलब्ध्या फलवद्विधाय ।
०६७८२ क्रतूनतुच्छानवितुं तवैषा मीमांसकाद्याधिकृतिः प्रसिद्धा ॥
०६७९१ अत्यादरेण निहितं मयि यद्भवत्या तत्प्रेमहेम किमभूदिति नैव जाने ।
०६७९२ उत्सृज्य किं तदिह पातकमुत्तराणि प्राणा अपि प्रियतमे कतमे भवेयुः ॥
०६८०१ अत्यादरो दारसहोदरेषु न मातृपित्रोर्न च सोदरेषु ।
०६८०२ मूर्खे नियोगस्तनये वियोगः पश्यन्ति लोकाः कलिकौतुकानि ॥
०६८११ अत्यादरो भवेद्यत्र कार्यकारणवर्जितः ।
०६८१२ तत्र शङ्का प्रकर्तव्या परिणामेऽसुखावहा ॥
०६८२१ अत्यायतैर्नियमकारिभिरुद्धतानां दिव्यैः प्रभाभिरनपायमयैरुपायैः ।
०६८२२ शौरिर्भुजैरिव चतुर्भिरदः सदा यो लक्ष्मीविलासभवनैर्भुवनं बभार ॥
०६८३१ अत्यायासेन नात्मानं कुर्यादतिसमुच्छ्रयम् ।
०६८३२ पातो यथा हि दुःखाय नोच्छ्रायः सुखकृत्तथा ॥
०६८४१ अत्यार्यमतिदातारमतिशूरमतिव्रतम् ।
०६८४२ प्रज्ञाभिमानिनं चैव श्रीर्भयान्नोपसर्पति ॥
०६८५१ न चातिगुणवत्स्वेषा नात्यन्तं निर्गुणेषु च ।
०६८५२ नैषा गुणान्कामयते नैर्गुण्यां नानुरज्यते ।
०६८५३ उन्मत्ता गौरिवान्धा श्रीः क्वचिदेवावतिष्ठते ॥
०६८६१ अत्याशीविषशस्त्रं हि विजितप्रलयानलम् ।
०६८६२ तेजो लङ्घयितुं शक्तः को नु नाम द्विजन्मनाम् ॥
०६८७१ अत्यासन्ना विनाशाय दूरस्था न फलप्रदा ।
०६८७२ तस्मादाहृत्य दातव्या भूमिः पार्थिवसत्तम ॥
०६८८१ अत्यासन्ना विनाशाय दूरस्था न फलप्रदाः ।
०६८८२ सेव्या मध्यमभावेन राजावह्निर्गुरुः स्त्रियः ॥
०६८९१ अत्युक्तौ यदि न प्रकुप्यसि मृषावादं न चेन्मन्यसे तद्ब्रूमोऽद्भुतकीर्तनाय रसना केषां न कण्डूयते ।
०६८९२ देव त्वत्तरुणप्रतापदहनज्वालावलीशोषिताः सर्वे वारिधयस्ततो रिपुवधूनेत्राम्बुभिः पूरिताः ॥
०६९०१ अत्युच्चस्तनशैलदुर्गममुरो नाभिर्गभीरान्तरा भीमं देहवनं स्फुरद्भुजलतं रोमालिजालाकुलम् ।
०६९०२ व्याधः पञ्चशरः किरत्यतितरां तीक्ष्णान् कटाक्षाशुगांस्तन्मे ब्रूहि मनःकुरङ्ग शरणं किं सांप्रतं यास्यसि ॥
०६९११ अत्युच्चाः परितःस्फुरन्ति गिरयः स्फारास्तथाम्भोधयस्तानेतानपि बिभ्रती किमपि न क्लान्तासि तुभ्यं नमः ।
०६९१२ आश्चर्येण मुहुर्मुहुः स्तुतिमिमां प्रस्तौमि यावद्भुवस्तावद्बिभ्रादिमां स्मृतस्तव भुजो वाचस्ततो मुद्रिताः ॥
०६९२१ अत्युच्चैरतिनीचैरश्लीलमयुक्तमनुपयुक्तं च ।
०६९२२ न वदति नृपतिसभाया मादरमीप्सुर्महामनसाम् ॥
०६९३१ अत्युच्छ्रिते मन्त्रिणि पार्थिवे च विष्टभ्य पादावुपतिष्ठते श्रीः ।
०६९३२ सा स्त्रीस्वभावादसहा भरस्य तयोर्द्वयोरेकतरं जहाति ॥
०६९४१ अत्युच्छ्रितोन्नतसितध्वजपङ्क्तिचित्रैर्नागाश्वपत्तिरथसंक्षुभितैर्बलौघैः ।
०६९४२ उद्धूतचामरविराजितगात्रशोभाः पुण्येन भूमिपतयो भुवि संचरन्ति ॥
०६९५१ अत्युज्ज्वलैरवयवैर्मृदुतां दधाना मुक्ता बलं वितरति स्मरदानदक्षा ।
०६९५२ स्निग्धाशाया गुरुगुणग्रथिता मनोज्ञा फीणी नवीनललनेव मुदं ददाति ॥
०६९६१ अत्युत्सार्य बहिर्विटङ्कवडभीगण्डस्थलश्यामिकां भिन्नाभिन्नगवाक्षजालविरलच्छिद्रैः प्रदीपांशवः ।
०६९६२ आरूढस्य भरेण यौवनमिव ध्वान्तस्य नक्तं मुखे निर्याताः कपिलाः करालविरलश्मश्रूप्ररोहा इव ॥
०६९७१ अत्युत्सेकेन महसा साहसाध्यवसायिनाम् ।
०६९७२ श्रीरारोहति संदेहं महतामपि भूभृताम् ॥
०६९८१ अत्युदात्तगणेष्वेषा कृतपुण्यैः प्ररोपिता ।
०६९८२ शतशाखी भवत्येव यावन्मात्रापि सत्क्रिया ॥
०६९९१ अत्युद्गाढरयस्थिराकृतिघनध्वानभ्रमन्मन्दर क्षुब्धक्षीरधिवीचिसंचयगतप्रालेयपादोपमः ।
०६९९२ श्रीमत्पोतलके गभीरविवृतिध्वानप्रतिध्वानिते सान्द्रस्वांशुचयश्रिया वलयितो लोकेश्वरः पातु वः ॥
०७००१ अत्युद्धृता वसुमती दलितोऽरिवर्गः क्रोडीकृता बलवता बलिराजलक्ष्मीः ।
०७००२ एकत्र जन्मनि कृतं यदनेन यूना जन्मत्रये तदकरोत्पुरुषः पुराणः ॥
०७०११ अत्युन्नतपदं प्राप्तः पूज्यान्नैवावमानयेत् ।
०७०१२ नहुषः शक्रतां प्राप्तश्च्युतोऽगस्त्यावमाननात् ॥
०७०२१ अत्युन्नतस्तनमुरो नयने सुदीर्घे वक्रे भ्रुवावतितरां वचनं ततोऽपि ।
०७०२२ मध्योऽधिकं तनुरनूनगुरुर्नितम्बो मन्दा गतिः किमपि चाद्भुतयौवनायाः ॥
०७०३१ अत्युन्नतस्तनयुगा तरलायताक्षी द्वारि स्थिता तदुपयानमहोत्सवाय ।
०७०३२ सा पूर्णकुम्भनवनीरजतोरणस्रक्संभारमङ्गलमयत्नकृतं विधत्ते ॥
०७०४१ अत्युन्नतिं प्राप्य नरः प्रावारः कीटको यथा ।
०७०४२ स विनश्यत्यसंदेहमाहैवमुशना नृपः ॥
०७०५१ अत्युन्नतिव्यसनिनः शिरसोऽधुनैष स्वस्यैव चातकशिशुः प्रणयं विधत्ताम् ।
०७०५२ अस्यैतदिच्छति यदि प्रततासु दिक्षु ताः स्वच्छशीतमधुराः क्व नु नाम नापः ॥
०७०६१ अत्युन्नतोऽम्बुभिर्मेघश्चातकान्न धिनोति चेत् ।
०७०६२ मरुता हृतसर्वस्वः स पश्चात्किं करिश्यति ॥
०७०७१ अत्युपचित्तैरुपायैश्चक्रभृदेको भुजैरिव चतुर्भिः ।
०७०७२ नृपतिः श्रियमपि सुचिरं हरिरिव परिरभ्य निर्भरं रमते ॥
०७०८१ अत्युल्लसद्बिसरहस्ययुजा भुजेन वक्त्रेण शारदसुधांशुसहोदरेण ।
०७०८२ पीयुषपोषसुभगेन च भाषितेन त्वं चेत्प्रसीदसि मृगाक्षि कुतो निदाघः ॥
०७०९१ अत्युष्णा ज्वरितेव भास्करकरैरापीतसारा मही यक्ष्मार्ता इव पादपाः प्रमुषितच्छाया दवाग्न्याश्रयात् ।
०७०९२ विक्रोशन्त्यवशादिवोच्छ्रितगुहाव्यात्ताननाः पर्वता लोकोऽयं रविपाकनष्टहृदयः संयाति मूर्छामिव ॥
०७१०१ अत्युष्णात्सघृतादन्नादच्छिद्राच्चैव वाससः ।
०७१०२ अपरप्रेष्यभावाच्च भूय इच्छन् पतत्यधः ॥
०७१११ अत्येति रजनी या तु सा न प्रतिनिवर्तते ।
०७११२ यात्येव यमुना पूर्णा समुद्रमुदकार्णवम् ॥
०७१२१ अत्र चैत्रसमये निरन्तराः प्रोषिताहृदयकीर्णपावकाः ।
०७१२२ वान्ति कामुकमनोविमोहना व्याललोलमलयाचलानिलाः ॥
०७१३१ अत्र मन्मथमिवातिसुन्दरं दानवारिमिव दिव्यतेजसम् ।
०७१३२ शैलराजमिव धैर्यशालिनं वेद्मि वेङ्कटपतिं महीपतिम् ॥
०७१४१ अत्र यत्पतितं वर्णबिन्दुमात्राविसर्गकम् ।
०७१४२ भ्रमप्रमाददोषाद्धि क्षन्तव्यं तत्सुबुद्धिभिः ॥
०७१५१ अत्रस्तो निजपक्षैस्तुण्डविघातैर्जनानभिभवन्तः ।
०७१५२ कुर्वन्ति शत्रुवृद्धिं निशि विरुतवन्तो जनविनाशम् ॥
०७१६१ अत्रस्थः सखि लक्षयोजनगतस्यापि प्रियस्यागमं वेत्त्याख्याति च धिक्छुकादय इमे सर्वे पथन्तः स्थिताः ।
०७१६२ मत्कान्तस्य वियोगतापदहनज्वालावलीचन्दनः काकस्तेन गुणेन काञ्चनमये व्यापारितः पञ्जरे ॥
०७१७१ अत्रकण्ठं विलुठ सलिले निर्जला भूः पुरस्ताज्जह्याः शोषं वदनविहितेनामलक्याः ।
०७१७२ फलेन स्थाने स्थाने तदिति पथिकस्त्रीजन(ः) क्लान्तगात्रीं पश्यन् सीतां किमु न कृपया वर्धितो रोदितश्च ॥
०७१८१ अत्रनुगोदं मृगयानिवृत्तस्तरङ्गवातेन विनीतखेदः ।
०७१८२ रहस्त्वदुत्सङ्गनिषण्णमूर्धा स्मरामि वानीरगृहेषु सुप्तः ॥
०७१९१ अत्रान्तरे किमपि वाग्विभवातिवृत्त वैचित्र्यमुल्लसितविभ्रममायताक्ष्याः ।
०७१९२ तद्भूरिसात्त्विकविकारमपास्तधैर्यमाचार्यकं विजयि मान्मथमाविरासीत् ॥
०७२०१ अत्रान्तरे च कुलटाकुलवर्त्मघात संजातपातक इव स्फुटलाञ्छनश्रीः ।
०७२०२ वृन्दावनान्तरमदीपयद्ंशुजालैर्दिक्सुन्दरीवदनचन्दनबिन्दुरिन्दुः ॥
०७२११ अत्रापि भारतं श्रेष्ठं जम्बुद्वीपे महामुने ।
०७२१२ यतो हि कर्मभूरेषा अतोऽन्या भोगभूमयः ॥
०७२२१ अत्रायातं पथिक भवता कर्मणाकारि पथ्यं तथ्यं ब्रूमः पुनरपि सखे साहसं मा विधासीः ।
०७२२२ वामाक्षीणां नयननलिनप्रान्तनिर्धूतधैर्याः स्वां मर्यादामिह हि नगरे योगिनोऽपि त्यजन्ति ॥
०७२३१ अत्रर्द्रचन्दनकुचार्पितसूत्रहार सीमन्तचुम्बिसिचयस्फुटबाहुमूलः ।
०७२३२ दूर्वाप्रकाण्डरुचिरासु गुरूपभोगो गौडाङ्गनासु चिरमेष चकास्ति वेषः ॥
०७२४१ अत्रार्यः खरदूषणत्रिशिरसां नादानुबन्धोद्यमे रुन्धाने भुवनं त्वया चकितया योद्धा निरुद्धः क्षणम् ।
०७२४२ सस्नेहाः सरसाः सहासरभसाः सभ्रू भ्रमाः सस्पृहाः सोत्साहास्त्वयि तद्बले च निदधे दोलायमाना दृशः ॥
०७२५१ अत्रावासपरिग्रहं गृहपतेराचक्ष्व चण्डोद्यमैः चण्डालैरुपसेविताः सखि धनुर्हस्तैः पुरस्तादिमाः ।
०७२५२ उत्कालाकुलसारमेयरसनालेलिह्यमानोन्नत द्वाराग्रत्वगवास्थिसास्रशकलस्रग्वल्लयः पल्लयः ॥
०७२६१ अत्राशितं शयितमत्र निपीतमत्र सायं तया सह मया विधिवञ्चितेन ।
०७२६२ इत्यादि हन्त परिचिन्तयतो वनान्ते रामस्य लोचनपयोभिरभूत्पयोधिः ॥
०७२७१ अत्रासीत्किल नन्दसद्म शकटस्यात्राभवद्भञ्जनं बन्धच्छेदकरोऽपिदामभिरभूद्बद्धोऽत्र दामोदरः ।
०७२७२ इत्थं माथुरवृद्धवक्त्रविगलत्पीयूषधारां पिबन्नानन्दाश्रुधरः कदा मधुपुरीं धन्यश्चरिष्याम्यहम् ॥
०७२८१ अत्रासीत्फणिपाशबन्धनविधिः शक्त्या भवद्देवरे गाढं वक्षसि ताडिते हनुमता द्रोणाद्रिरत्राहृतः ।
०७२८२ दिव्यैरिन्द्रजिदत्र लक्ष्मणशरैर्लोकान्तरं प्रापितः केनाप्यत्र मृगाक्षि राक्षसपतेः कृत्ता च कण्ठ्टवी ॥
०७२९१ अत्रास्थः पिशितं शवस्य कठिनैरुत्कृत्य कृत्स्नं नखैर्नग्नस्नायुकरालघोरकुहरैर्मस्तिष्कदिग्धाङ्गलिः ।
०७२९२ संदश्यौष्ठपुटेन भुग्नवदनः प्रेतश्चिताग्निद्रुतं सूत्कारैर्नलकास्थिकोटरगतं मज्जानमाकर्षति ॥
०७३०१ अत्रास्मिन् सुतनु लतागृहेऽस्ति रम्यं मालत्याः कुसुममनुच्चितं परेण ।
०७३०२ इत्युक्त्वा मृदुकरपल्लवं गृहीत्वा मुग्धाक्षी रहसि निनाय कोऽपि धन्यः ॥
०७३११ अत्रिलोचनसंभूतज्योतिरुद्गमभासिभिः ।
०७३१२ सदृशण्शोभतेऽत्यर्थं भूपाल तव चेष्टितम् ॥
०७३२१ अत्रैव दास्यसि विमुक्तिमथापि याचे मातः शरीरपतनं मणिकर्णिकायाम् ।
०७३२२ अस्तु स्वकृत्यमनुकम्पनमीश्वराणां दासस्य कर्मकरतैव तथा स्वकृत्यम् ॥
०७३३१ अत्रैव सरसि जातं विकसितमत्रैव निर्भरं नलिनैः ।
०७३३२ कालवशागततुहिनैर्विलीनमत्रैव हा कष्टम् ॥
०७३४१ अत्रैष स्वयमेव चित्रफलके कम्पस्खलल्लेखया संतापार्तिविनोदनाय कथमप्यालिख्य सख्या भवान् ।
०७३४२ बाष्पव्याकुलमीक्षितः सरभसं चूताङ्कुरैरर्चितो मूर्ध्ना च प्रणतः सखीषु मदनव्याजेन चापह्नुतः ॥
०७३५१ अत्रोत्पातघनेन मन्त्रिविकले शून्याम्बरव्यापिना धृष्टस्वप्रकृतिक्रियासमुचिते ग्रमे तथा जृम्भितम् ।
०७३५२ रथ्याकर्दमवाहिनामतिशुचिस्वच्छात्मनामन्तरं नाप्यज्ञायि जनैर्यथौघपयसां स्रोतोजलानामपि ॥
०७३६१ अत्रोद्याने मया दृष्टा वल्लरी पञ्चपल्लवा ।
०७३६२ पल्लवे पल्लवे ताम्रा यस्यां कुसुममञ्जरी ॥
०७३७१ अत्वरा सर्वकार्येषु त्वरा कार्यविनाशिनी ।
०७३७२ त्वरमाणेन मूर्खेण मयूरो वायसीकृतः ॥
०७३८१ अथ कालाग्निरुद्रस्य तृतीयनयनोत्थिता ।
०७३८२ ज्वाला दहति तत्सर्वं निर्वाणं ब्रह्मणो यतः ॥
०७३९१ अथ कृतकविहङ्गैः पार्थिवोद्दूलयन्तैस्तुमुलमुपरिपातादम्बुवर्षात्त्रसन्त्यः अविगलितसपत्नीगात्रसंमर्ददुःखाः प्रणयिनमभिपेतुर्हानिनादेन देव्यः ॥
०७४०१ (अर्जुन उवाच) अथ केन प्रयुक्तोऽयं पापं चरति पूरुषः ।
०७४०२ अनिच्छन्नपि वार्ष्णेय बलादिव नियोजितः ॥
०७४११ (श्रीभगवानुवाच) काम एष क्रोध एष रजोगुणसमुद्भवः ।
०७४१२ महाशनो महापाप्मा विद्ध्येनमिह वैरिणम् ॥
०७४२१ धूमेनाव्रियते वह्निर्यथादर्शो मलेन च ।
०७४२२ यथोल्बेनावृतो गर्भस्तथा तेनेदमावृतम् ॥
०७४३१ अथ कोकिल कुरु मौनं जलधरसमयेऽपि पिच्छिला भूमिः ।
०७४३२ विकसति कुटजकदम्बे वक्तरि भेके कुतस्तवावसरः ॥
०७४४१ अथ धूकस्वरो वामे यात्रायां गच्छतः शुभः ।
०७४४२ दक्षिणे मृतये किंचिद्दुष्टं दर्शनमस्य हि ॥
०७४५१ अथ जगदवगाढं वासरान्तापचारात्तिमिरपटलवृद्धावप्रतीकारसत्त्वम् ।
०७४५२ शशिभिषगनुपूर्वं शीतहस्तो भिषज्यन्नधिकविशदवक्त्रः स्वैरभावं चकार ॥
०७४६१ अथ दीर्घतमं तमः प्रवेक्ष्यन् सहसा रुग्णरयः स संभ्रमेण ।
०७४६२ निपतन्तमिवोष्णरश्मिमुर्व्यां वलयीभूततरुं धरां च मेने ॥
०७४७१ अथ देहं स्थिरीर्क्तुं योगिनां सिद्धिमिच्छताम् ।
०७४७२ कथ्यन्ते शुद्धकर्माणि यैः सिद्धिं प्रापुरुत्तमाः ॥
०७४८१ अथ नगरधृतैरमात्यरत्नैः पथि समियाय स जाययाभिरामः ।
०७४८२ मधुरिव कुसुमश्रिया सनाथः क्रममिलितैरलिभिः कुतूहलोत्कैः ॥
०७४९१ अथ नभसि निरीक्ष्य व्याप्तदिक्चक्रवालं सजलजलदजालं प्राप्तहऋषप्रकर्षः ।
०७४९२ विहितविपुलबर्हाडम्बरो नीलकण्ठो मदमृदुकलकण्ठो नाट्यमङ्गीचकार ॥
०७५०१ अथ नयनसमुत्थं ज्योतिरत्रेरिव द्यौः सुरसरिदिव तेजो वह्निनिष्ठ्यूतमैशम् ।
०७५०२ नरपतिकुलभूत्यै गर्भमाधत्त राज्ञी गुरुभिरभिनिविष्टं लोकपालानुभावैः ॥
०७५११ अथ नित्यमनित्यं वा नेह शोचन्ति तद्विदः ।
०७५१२ नान्यथा शक्यते कर्तुं स्वभावः शोचतामिति ॥
०७५२१ अथ पङ्क्तिमतामुपेयिवद्भिः सरसैर्वक्रपथश्रितैर्वचोभिः ।
०७५२२ क्षितिभर्तुरुपायनं चकार प्रथमं तत्परतस्तुरङ्गमाद्यैः ॥
०७५३१ अथ पथिकवधूदहनः शनकैरुदभून्निशाकरालोकः ।
०७५३२ कुमुदप्रबोधदूतो व्यसनगुरुश्चक्रवाकीणाम् ॥
०७५४१ अथ प्रसन्नेन्दुमुखीन् सिताम्बरा समाययावुत्पलपत्रलोचना ।
०७५४२ सपङ्कजा श्रीरिव गां निषेवितुं सहंसबालव्यजना शरद्वधूः ॥
०७५५१ अथबद्धजेटे रामे सुमन्त्रे गृहमागते ।
०७५५२ त्यक्तो राजा सुतत्यागादविश्वस्तैरिवासुभिः ॥
०७५६१ अथ भद्राणि भूताणि हीनशक्तिरहं परम् ।
०७५६२ मुदं तदापि कुर्वीत हानिर्द्वेषफलं यतः ॥
०७५७१ अथ मनसिजदिग्ज्याभिशंसी जलधरदुग्दुभिराततान शब्दम् ।
०७५७२ तदनु तदनुजीविभिः कदम्बैः कवचितमुन्मदषट्पदच्छलेन ॥
०७५८१ अथ मन्त्रमिमं कर्ने जपेद्दंशं स्पृशेत्तथा ।
०७५८२ एकविंशतिवारं च वृश्चिकक्ष्वेडशान्तये ॥
०७५९१ अथ मन्मथवाहिनीपरागः किमपि ज्योतिरुदस्फुरत्पुरस्तात् ।
०७५९२ तिमिरस्य जरा चकोरकूरं कुलडाकेलिबनीदवानलार्चिः ॥
०७६०१ अथ रतिरभसादलीकनिद्रा मधुरविघूर्णितलोचनोत्पलाभिः ।
०७६०२ शयनतलमशिश्रियन् वधूभिः सह मदमन्मथमन्थरा युवानः ॥
०७६११ अथ राज्ञा दरः कार्यो न तु कस्यां चिदापदि ।
०७६१२ अपि चेतसि दीर्णः स्यान्नैव वर्तेत दीर्णवत् ॥
०७६२१ अर्थतुपक्वात्कलतोऽवशोषिताद्विकृष्य बीजं पयसा निषिच्य ।
०७६२२ विशोषितं पञ्चदिनानि सर्पिषा विडङ्गमिश्रेण च धूपयेत्ततः ॥
०७६३१ अथर्वविधितत्त्वज्ञैर्ब्राह्मणैर्विजितेन्द्रियैः ।
०७६३२ मन्त्रतन्त्रविधानज्ञैर्दूरादुन्मूलयेद्रिपून् ॥
०७६४१ अथर्वाम्नायतत्त्वज्ञस्तन्त्रज्ञः क्रतुकर्मठः धनुर्वेदस्य वेत्ता च पुरोधा राजसंमतः ॥
०७६५१ अथ लक्ष्मणानुगतकान्तवपुर्जलधिं विलङ्घ्य शशिदाशरथिः ।
०७६५२ परिवारितः परित ऋक्षगनैस्तिमिरौघराक्षसकुलं बिभिदे ॥
०७६६१ अथवा नश्यति प्रज्ञा प्राज्ञस्यापि नरस्य हि ।
०७६६२ प्रतिकूले गते दैवे विनाशे समुपस्थिते ॥
०७६७१ अथवा प्रोच्यते ध्यानमन्यदेवात्र योगिनाम् ।
०७६७२ रहस्यं परमं मुक्तेः कारणं प्रथमं च यत् ॥
०७६८१ अथवा भवतः प्रवर्तना न कथं पिष्टमियं पिनष्टि नः ।
०७६८२ स्वत एव सतां परार्थता ग्रहणानां हि यथा यथार्थता ॥
०७६९१ अथवाभिनिविष्टबुद्धिषु व्रजति व्यर्थकतां सुभाषितम् ।
०७६९२ रविरागिषु शीतरोचिषः करजालं कमलाकरोष्विव ॥
०७७०१ अथवा मम भाग्यविप्लवादशनिः कल्पित एष वेधसा ।
०७७०२ यदनेन तरुर्न पातितः क्षिपता तद्विडपाश्रया लता ॥
०७७११ अथवा मूलसंस्थानामुद्घातैस्तु प्रबोधयेत् ।
०७७१२ सुप्तां कुण्डलिनीं शक्तिं बिसतन्तुनिभाकृतिम् ॥
०७७२१ अथवा मृदु वस्तु हिंसितुं मृदुनैवारभते प्रजान्तकः ।
०७७२२ हिमसेकविपत्तिरत्र मे नलीनी पूर्वनिदर्शनं मता ॥
०७७३१ अथ वासवस्य वचनेन रुचिरवदनस्त्रिलोचनम् ।
०७७३२ क्लान्तिरहितमभिराधयितुं विधिवत्तपांसि विदधे धनंजयः ॥
०७७४१ अथ संसारसंहारवामनाबन्धवासितः ।
०७७४२ अजायत वृषारूढो भैरवो महसां निधिः ॥
०७७५१ अथ स ललितयोषिद्भ्रूलताचारुशृङ्गं रतिवलयपदाङ्के चापमासज्य कण्ठे ।
०७७५२ सहचरमधुहस्तन्यस्तुचूताङ्कुरास्त्रश्शतमखमुपतस्थे प्राञ्जलिः पुष्पधन्वा ॥
०७७६१ अथ स विषयव्यावृत्तात्मा यथाविधि सूनवे नृपतिककुदं दत्त्वा यूने सितातपवारणम् ।
०७७६२ मुनिवनतरुच्छायां देव्या तया सह शिश्रिये गलितवयसामिक्ष्वाकूणामिदं हि कुलव्रतम् ॥
०७७७१ अथ सान्द्रसांध्यकिरणारुणितं हरिहेतिहूति मिथुनं पततोः ।
०७७७२ पृथगुत्पपात विरहार्तिदलद्धृदयस्रुतासृगनुलिप्तमिव ॥
०७७८१ अथ सामान्यशृङ्गारे युवतीनां प्रशंसनम् ।
०७७८२ स्त्रीपुंसजातिकथनं तयोः संयोगवर्णनम् ॥
०७७९१ अथ स्फुरन्मीनविधूतपङ्कजा विकङ्कतीरस्खलितोर्मिसंहतिः ।
०७७९२ पयोऽवगाढुं कलहंसनादिनी समाजुहावेव वधूः सुरापगा ॥
०७८०१ अथ स्वमादाय भयेन मन्थनाच्चिरत्नरत्नाधिकमुच्चितं चिरात् ।
०७८०२ निलीय तस्मिन्निवसन्नपांनिधिर्वने तडाको ददृशोऽवनीभुजा ॥
०७८११ अथ स्वस्थाय देवाय नित्याय हतपाप्मने ।
०७८१२ त्यक्तक्रमविभागाय चैतन्यज्योतिषे नमः ॥
०७८२१ अथागत्य भुवं राज्ञां गता वाहनतां हयाः ।
०७८२२ तेषां धर्मार्थकामांश्च साधयन्त्युपकारिणः ॥
०७८३१ अथाङ्गराजादवतार्य चक्षुर्याहीति जन्यामवदत्कुमारी ।
०७८३२ नासौ न काम्यो न च वेद सम्यग्दृष्टुं न सा भिन्नरुचिर्हि लोकः ॥
०७८४१ अथातः संप्रवक्ष्यामि लक्षणानि हि वाजिनाम् ।
०७८४२ शुभानि वर्णैरावर्तैस्तानि विद्याद्विचारतः ॥
०७८५१ अथातः संप्रवक्ष्यामि हयारोहणमुत्तमम् ।
०७८५२ येन विज्ञातमात्रेण रेवन्तः प्रियतां व्रजेत् ॥
०७८६१ अथात्मनः शब्दगुणं गुणज्ञः पदं विमानेन विगाहमानः ।
०७८६२ रत्नाकरं वीक्ष्य मिथः स जायां रामाभिधानो हरिरित्युवाच ॥
०७८७१ अथानन्दकरं वक्ष्ये षडर्तूनां च वर्णनम् ।
०७८७२ यद्रसास्वादमुदिता विभान्ति विबुधालयः ॥
०७८८१ अथानुक्रमद्वाराणि विरच्यन्तेऽत्र वाङ्मये ।
०७८८२ अन्योक्तिसूक्तमुक्तालीं समुद्धृत्य श्रुताम्बुधेः ॥
०७८९१ अथापि नापसज्जेत स्त्रीषु स्त्रैणेषु चार्थवित् ।
०७८९२ विषयेन्द्रियसंयोगान्मनः क्षुभ्यति नान्यथा ॥
०७९०१ अथाप्रशस्ताः खरतुल्यनादाः प्रदीप्तपुच्छाः कूनखा विवर्णाः ।
०७९०२ निकृत्तकर्णा द्विपमस्तकाश्च भवन्ति ये वा सिततालुजिह्वाः ॥
०७९११ अथायतनसंनिधौ भगवतो भवानीपतेर्मनोहरमचीखनद्भुवनभूषणं भूपतिः ।
०७९१२ विगाहनकुतूहलोत्तरलपौरसीमन्तिनी पयोधरभरत्रुटद्विकटवीचिमुद्रं सरः ॥
०७९२१ अथाशुद्धोद्भवो ग्राम्यनर्तक्स्येव यो भवेत् ।
०७९२२ कैतवस्नेहमापन्नो भवः संकीर्ण उच्यते ॥
०७९३१ अथाश्वानां जन्मदेशान् प्रवक्ष्याम्यनुपूर्वशः ।
०७९३२ उत्तमानां च मध्यानां हीनानां यत्र संभवः ॥
०७९४१ अथाससादास्तमनिन्द्यतेजा जनस्य दूरोज्झितमृत्युभीतेः ।
०७९४२ उत्पत्तिमद्वस्तु विनाश्यवश्यं यथाहमित्येवमिवोपदेष्टुम् ॥
०७९५१ अथेतरे सप्त रघुप्रवीरा ज्येष्ठं पुरोजन्मतया गुणैश्च चक्रुः कुशं रत्नविशोषभाजं सौभ्रात्रमेषां हि कुलानुसारि ॥
०७९६१ अथेदं रक्षोभिः कनकहरिणच्छद्मविधिना तथा वृत्तं पापैर्व्यथयति यथा क्षालितमपि ।
०७९६२ जनस्थाने शून्ये विकलकरणैरार्यचरितैरपि ग्रावा रोदित्यपि दलति वज्रस्य हृदयम् ॥
०७९७१ अथेह कथ्यतेस्माभिः कर्मना येन बन्धनम् ।
०७९७२ छिद्यते सदुपायेन श्रुत्वा तत्र प्रवर्त्यताम् ॥
०७९८१ अथैतत्पूर्णमभ्यात्मं यच्च नेत्यनृतं वचः ।
०७९८२ सर्वं नेत्यनृतं ब्रूयात्स दुष्कीर्तिः स्वसन्मृतः ॥
०७९९१ अथो गणपतिं वन्दे महामोदविधायिनम् ।
०७९९२ विद्याधरगणैर्यस्य पूज्यते कण्ठगर्जितम् ॥
०८००१ अथोच्चकैर्जरठकपोतकंधरा तनूरुहप्रकरविपाण्डुरद्युति ।
०८००२ बलैश्चलच्चरणविधूतमुच्चरद्धनावलीरुदचरत क्षमारजः ॥
०८०११ अथोच्यते श्वानरुतस्य सारं सारं समस्तेष्वपि शाकुनेषु ।
०८०१२ विस्पष्टचेष्टं शुभलक्षणं च शुभाशुभं प्राक्तनकर्मपाकम् ॥
०८०२१ अथोत्तरस्यां दिशि खञ्जरीटमालोक्य कोऽपि स्मितमादधानः ।
०८०२२ कस्याश्चिदास्ये स्मितचारुभासि सभावयामास विलोचनानि ॥
०८०३१ अथोद्ययौ बालसुहृत्स्मरस्य शयामाधवः श्यामललक्ष्मभङ्ग्या ।
०८०३२ तारावधूलोचनचुम्बनेन लीलाविलीनाञ्जनबिन्दुरिन्दुः ॥
०८०४१ अथोपगूढे शरदा शशाङ्के प्रावृड्ययौ शान्ततडित्कटाक्षा ।
०८०४२ कासां न सौभाग्यगुणोऽङ्गनानां नष्टः परिभ्रष्ट्पयोधराणाम् ॥
०८०५१ अदः समित्संमुखवीरयौवत त्रटद्भुजाकम्बुमृणालहारिणी ।
०८०५२ द्विषद्गणस्त्रैणदृगम्बुनिर्झरे यशोमरालावलिरस्य खेलति ॥
०८०६१ अदण्डनमदण्ड्यानां दण्ड्यानां चापि दण्डनम् ।
०८०६२ अग्राह्याग्रहणं चैव ग्राह्याणां ग्रहणं तथा ॥
०८०७१ अदण्ड्यान् दण्डयन् राजा दण्ड्यांश्चैवाप्यदण्डयन् ।
०८०७२ अयशो महदाप्नोति नरकं चैव गच्छति ॥
०८०८१ अदत्तं नादत्ते कृतसुकृतकामः किमपि यः शुभश्रेणिस्तस्मिन् वसति कलहंसीव कमले ।
०८०८२ विपत्तस्माद्दूरं व्रजति रजनीवाम्बरमणेर्विनीतं विद्येव त्रिदिवशिवलक्ष्मीर्भजति तम् ॥
०८०९१ अदत्तदोषेण भवेद्दरिद्रो दरिद्रदोषेण करोति पापम् ।
०८०९२ पापादवश्यं नरकं प्रयाति पुनर्दरिद्रः पुनरेव पापी ॥
०८१०१ अदत्तभुक्तमुत्सृज्य धनं सुचिररक्षितम् ।
०८१०२ मूषका इव गच्छन्ति कदर्याः स्वक्षये क्षयम् ॥
०८१११ अदत्तानामुपादानं हिंसा चैवाविधानतः ।
०८११२ परदारोपसेवा च शारीरं त्रिविधं स्मृतम् ॥
०८१२१ अदत्तेत्यागता लज्जा दत्तेति व्यथितं मनः ।
०८१२२ धर्मस्नेहान्तरे न्यस्ता दुःखिताः खलु मातरः ॥
०८१३१ अदनस्पृहया दुरीश्वराणां सदन्द्वारि वितर्दिमाश्रयन्ताम् ।
०८१३२ अपुनर्भवसाधनं शरीरं जरयामो वयमों नमः शिवाय ॥
०८१४१ अदभ्रमभ्रोपलपट्टकेषु ये शितीक्रियन्ते मदनेन पत्रिणः ।
०८१४२ तडिल्लता तन्निकषोत्थपावक स्फुलिङ्गभङ्गीं ललिताङ्गि सेवते ॥
०८१५१ अदम्भा हि रम्भा विलक्षा च लक्ष्मीर्घृताची ह्रिया चीरसंच्छादितास्या ।
०८१५२ अहो जायते मन्दवर्णाप्यपर्णा समाकर्ण्य तस्या गुणस्यैकदेशम् ॥
०८१६१ अदयं घर्ष शिलायां दह वा दाहेन भिन्धि लौहेन ।
०८१६२ हे हेमकार कनकं म मां गुञ्जाफलैस्तुलय ॥
०८१७१ अदय दशसि किं त्वं बिम्बबुद्ध्याधरं मे भव चपल निराशः पक्वजम्बूफलानाम् ।
०८१७२ इति दयितमवेत्य द्वारदेशाप्तमन्या निगदति शुकमुच्चैः कान्तदन्तक्षतौष्ठी ॥
०८१८१ अदर्शनादापतितः पुनश्चादर्शनं गतः ।
०८१८२ न त्वासौ वेद न त्वं तं कः सन् कमनुशोचसि ॥
०८१९१ अदर्शनादापतिताः पुनश्चादर्शनं गताः ।
०८१९२ न ते तव न तेषां त्वं तत्र का परिदेवना ॥
०८२०१ अदर्शने दर्शनमात्रकामा दृष्टौ परिष्वङ्गरसैकलोला ।
०८२०२ आलिङ्गितायां पुनरायताक्ष्यामाशास्महे विग्रहयोरभेदम् ॥
०८२११ अदाक्षिण्यादतीवोग्राः पवना इव दुर्जनाः ।
०८२१२ गुरूनपि प्रतिक्षेप्तुं प्रयतन्ते क्षमाभृतः ॥
०८२२१ अदाता पुरुषस्त्यागी दाता त्यागी च नित्यशः ।
०८२२२ इति ज्ञात्वा स्वयं बुद्धया धनं दद्यात्पुनः पुनः ॥
०८२३१ अदाता पुरुषस्धनं संत्यज्य गच्छति ।
०८२३२ दातारं कृपणं मन्ये मृतोऽप्यर्थं न मुञ्चति ॥
०८२४१ अदातारं दातृप्रवरमनयं विश्वविनयं विरूपं रूपाढ्यं विगतजयिनं विश्वजयिनम् ।
०८२४२ अकुल्यं कुल्यं त्वामहमवदमाशापरवशात्मृषावादेत्युक्तिस्त्वयि खलु मृषावादिनि मयि ॥
०८२५१ अदाता वंशदोषेण कर्मदोषाद्दरिद्रता ।
०८२५२ उत्मादो मातृदोषेण पितृदोषेण मूर्खता ॥
०८२६१ अदातृमानसं क्वापि न स्पृशन्ति कवेर्गिरः ।
०८२६२ दुःखायैवातिवृद्धस्य विलासास्तरुणीकृताः ॥
०८२७१ अदानमीषद्दानं च किंचित्कोपाय दर्धियाम् ।
०८२७२ संपूर्णदानं प्रकृतिर्विरामो वैरकारणम् ॥
०८२८१ अदान्तस्याविनीतस्य वृथापण्डितमानिनः ।
०८२८२ न गुणाय भवन्ति स्म नटस्येवाजितात्मनः ॥
०८२९१ अदाहि यस्तेन दशार्धबाणः पुरा पुरारेर्नयनालयेन ।
०८२९२ न निर्दहंस्तं भवदक्षिवासी न वैरशुद्धेरधुनाधर्मणः ॥
०८३०१ अदीप्तेऽग्नौ हतो होमो हता भुक्तिरसाक्षिका ।
०८३०२ उपजीव्या हता कन्या स्वार्थे पाकक्रिया हता ॥
०८३११ अदीर्घं कालमापन्नः प्रश्रयं युवतेः स्मरः ।
०८३१२ प्रगल्भ्यते मनस्येव मुघं वपुषि जायते ॥
०८३२१ बिभेत्यङ्गार्पणे वाच्छत्यालिख्यातां रतिं प्रिये ।
०८३२२ उक्तप्रत्युक्तसंमूढा संमुखं न निरीक्षते ॥
०८३३१ रतचूतफलोत्पाकरसैः कान्तं न धिन्वती ।
०८३३२ बाला निदाघलक्ष्मीव तापयत्येव केवलम् ॥
०८३४१ अदीर्घदर्शिभिः क्रूरैर्मूढैरिन्द्रियसायकैः ।
०८३४२ हमद्भिः क्रियते कर्म रुदद्भिरनुभूयते ॥
०८३५१ अदीर्घसूत्रः स्मृतिमान् कुतज्ञो नीतिशास्त्रवित् ।
०८३५२ धीमानायतिदर्शी च मन्त्री राज्ञः सुसंनिधिः ॥
०८३६१ अदुर्गविषयः कस्य नारेः परिभवास्पदम् ।
०८३६२ अदुर्गोऽनाश्रयो राजा पोतच्युतमनुष्यवत् ॥
०८३७१ अदृष्टापतितां भार्यां मूढो यस्तु परित्यजेत् ।
०८३७२ सप्तजन्मनि स स्त्रीत्वं लभते नात्र संशयः ॥
०८३८१ अदुष्टापतितां भार्यां यौवने यः परित्यजेत् ।
०८३८२ स जीवनान्ते स्त्रीत्वं च वन्ध्यत्वं च समाप्नुयात् ॥
०८३९१ अदूरगमनं तीर्थमदेहदमनं तपः ।
०८३९२ अनम्भःसंभवं स्नानं मातुश्चरणपङ्कजम् ॥
०८४०१ अदृष्यन्ति पुरस्तेन खेलाः खञ्जनपङ्क्तयः ।
०८४०२ अस्मय्रन्त विनिःश्वस्य प्रियानयनविभ्रमाः ॥
०८४११ अदृष्टगुणदोषाणामधृतानां च कर्मणाम् ।
०८४१२ नान्तरेण क्रियां तेषां फल्मिष्टं प्रवर्तते ॥
०८४२१ अदृष्टपूर्वः कण्ठोऽयं कान्ताया भुवन्त्रये ।
०८४२२ यस्माद्विणानिनादस्य समुद्भूतिर्विभाव्यते ॥
०८४३१ अदृष्टपूर्वमस्माभिर्यदेतद्दृश्यतेऽधुना ।
०८४३२ विषं विषधरैः पीतं मूर्छिताः पथिकाङ्गनाः ॥
०८४४१ अदृष्टपूर्वानादाय भावानपरिशङ्कितान् ।
०८४४२ इष्टानिष्टान्मनुष्याणामस्तं गच्छन्ति रात्रयः ॥
०८४५१ अदृष्टपूर्वा बहवः सहायाः सर्वे पदस्थस्य भवन्ति वश्याः ।
०८४५२ अर्थाद्विहीनस्य पदच्युतस्य भवन्ति काले स्वजनोऽपि शत्रुः ॥
०८४६१ अदृष्टमुखभङ्गस्य युक्तमन्धस्य याचितुम् ।
०८४६२ अहो बत महत्कष्टं चक्षुष्मानपि याचते ॥
०८४७१ अदृष्टव्यापारं गतवति दिनानामधिपतौ यशः शेषीभूते शशिनि गतधाम्नि ग्रहगणे ।
०८४७२ तथान्धं संजातं जगदुपनते मेघसमये यथामी गण्यन्ते तमसि पटवः कीटमणयः ॥
०८४८१ अदृष्टे दर्शनोत्कण्ठा दृष्टे विच्छेदभीरुता ।
०८४८२ तदृष्टेन न दृष्टेन भत्रता लभ्यते मुखम् ॥
०८४९१ अदेशकालार्थमनायतिक्षमं यदप्रियं लाघवकारि चात्मनः ।
०८४९२ विचिन्त्य बुद्ध्या मुहुरप्यवैम्यहं न तद्वचो हालहलं हि तद्विषम् ॥
०८५०१ अदेशकाले यद्दानमपात्रेभ्यश्च दीयते ।
०८५०२ असत्कृतमवज्ञातं तत्तामसमुदाहृदम् ॥
०८५११ अदेशस्थो हि रिपुणा स्वल्पकेनापि हन्यते ।
०८५१२ ग्राहोऽल्पीयानपि जले जलेन्द्रमपाइ कर्षति ॥
०८५२१ अदैवं दैवतं कुर्युर्दैवतं चाप्यदैवतम् ।
०८५२२ लोकपालान् सृजेयुश्च लोकानन्यांस्तथा द्विजः ॥
०८५३१ अदोषाद्दोषाद्वा त्यज्ति विपिने तां यदि भवानभ्रद्रं भद्रं वा त्रिभुवनपते त्वां वदतु कः ।
०८५३२ इदं क्रूरं मे स्मरति हृदयं यत्किल तया त्वदर्थ कान्तारे कुलतिलक नात्मापि गणितः ॥
०८५४१ अद्भिः शुध्यन्ति वस्त्राणि मनः सत्येन शुध्यति ।
०८५४२ अहिंसया च भूतात्मा बुद्धिर्ज्ञानेन शुध्यति ॥
०८५५१ अद्भिर्गात्राणि शुध्यन्ति मनः सत्येन शुध्यति ।
०८५५२ विद्यातपोभ्यां भूतात्मा बुद्धिर्ज्ञानेन शुध्यति ॥
०८५६१ अद्भुतस्तक्र्पाथोधिरगाधी यस्य वर्धकः ।
०८५६२ अक्षपादोऽतमःस्पृष्टस्त्वकलङ्कः कलानिधिः ॥
०८५७१ अद्भ्योऽग्निर्ब्रह्मतःक्षत्रमश्मनो लोहमुत्थितम् ।
०८५७२ तेषां सर्वत्रगं तेजः स्वासु योनिषु साम्यति ॥
०८५८१ अद्यतनो योद्धव्ये शकुनो विहयाय याक्रिकविरुद्वः ।
०८५८२ दिवसान्तरिते युद्धे क्षेमः प्रास्थानिकः शकुनः ॥
०८५९१ अद्य धारा सदाधारा सदालम्बा सरस्वती ।
०८५९२ पण्डिता मण्डिताः सर्वे भोजराजे भुवं गते ॥
०८६०१ अद्य प्रभृत्यवनताङ्गि तवास्मि दासः क्रीतस्तपोभिरिति वादिनि चन्द्रमौलौ ।
०८६०२ अह्नाय सा नियमजं क्लममुत्ससर्ज क्लेशः फलेन हि पुनर्नवतां विधत्ते ॥
०८६११ अद्य भोमिदिनं सत्यं सत्यमप्रस्तुतं तव ।
०८६१२ तथापि दूति गन्तव्यं नार्तः कालमपेक्षते ॥
०८६२१ अद्य मे सफलमायतनेत्रे जीवितं मदनसंश्रयभावम् ।
०८६२२ आगतासि भवनं मम यस्मात्स्वागतं तव वरोरु निषीद ॥
०८६३१ अद्य यावदपि येन निबद्धौ न प्रभू विचलितुं बलिविन्ध्यौ ।
०८६३२ आस्थितावितथतागुणपाशस्त्वादृशा स विदुषा दुरपासः ॥
०८६४१ अद्य शीतं वरिवर्ति सरीसर्ति समीरणः ।
०८६४२ अपत्नीको मरीमर्ति नरीनर्ति कुचोष्णवान् ॥
०८६५१ अद्य स प्रवसतीति सुभ्रुवः श्रोत्रसीमनि विजृम्भिते ध्वनौ ।
०८६५२ सद्य एव निजपाणिगुम्फिते पुष्पदामनि महोरगभ्रमः ॥
०८६६१ अद्य सुन्दरि कलिन्दनन्दिनी तीरकुञ्जभुवि केलिलम्पटः ।
०८६६२ वादयन्मुरलिकां मुहुर्मुहुर्माधवो हरति मामकं मनः ॥
०८६७१ अद्य स्वर्गवधूगणे गुणमय त्वत्कीर्तिमिन्दूज्जवलामुच्चैर्गायति निष्कलङ्किमदशामादास्यते चन्द्रमाः ।
०८६७२ गीताकर्णनमोदमुक्तयवसग्रासाभिलाषो वद स्वामिन्नङ्कमृगः कियन्ति हि दिनान्येतस्य वर्तिष्यते ॥
०८६८१ अद्य स्वां जननीमकारणरुषा प्रातः सुदूरं गतां प्रत्यानेतुमितो गतो गृहपतिः क्षुत्वैव मध्यंदिने ।
०८६८२ पङ्गुत्वेन शरीरजर्जरतया प्रायः स लक्ष्याकृतिर्दृष्टोऽसौ भवता न किं पथिक हे स्थित्वा क्षणं कथ्यताम् ॥
०८६९१ अद्यापि कोकनदचारुसरेखहस्तां तां शातकुम्भकलशस्तनचारुगात्रीम् ।
०८६९२ बिम्बाधरीं विषमबाणनिपीडिताङ्गीं संचिन्तये द्व्यणुकमध्यतनुप्रकाशाम् ॥
०८७०१ अद्यापि कोपविमुखीकृतगन्तुकामा नोक्तं वचः प्रतिददाति यदैव वक्त्रम् ।
०८७०२ चुम्बामि रोदति भृशं पतितोऽस्मि पादे दासस्तव प्रियतमे भज मां स्मरामि ॥
०८७११ अद्यापि चाटुशतदुर्ललितोचितार्थं तस्याः स्मरामि सुरतक्लमविह्वलायाः ।
०८७१२ अव्यक्तनिःस्वनितकातरक्थ्यमान संकीर्णवर्णरुचितं वचनं प्रियायाः ॥
०८७२१ अद्यापि तत्कनककुण्डलघृष्टगण्डमास्यं स्मरामि विपरीतरताभियोगे ।
०८७२२ आन्दोलनश्रमजलस्फुटसान्द्रबिन्दु मुक्ताफलप्रकरविच्छुरितं प्रियायाः ॥
०८७३१ अद्यापि तत्कनकगौरकृताङ्गरागं प्रस्वेदबिन्दुविततं वद्नं प्रियायाः ।
०८७३२ अन्ते स्मरामि रतिखेदविलोलनेत्रं राहूपरागपरिमुक्तमिवेन्दुबिम्बम् ॥
०८७४१ अद्यापि तत्कनकरेणुघनोरुदेशे न्यस्तं स्मरामि नखरक्षतलक्ष्म तस्याः ।
०८७४२ आकृष्टहेमरुचिराम्बर्मुत्थिताया लज्जावशात्करधृतं च ततो व्रजन्त्याः ॥
०८७५१ अद्यापि तत्कमलरेणुसुगन्धगन्धि तत्प्रेमवारि मकरध्वजपातकारि ।
०८७५२ प्राप्नोम्यहं यदि पुनः सुरतैकतीर्थं प्राणांस्त्यजामि नियतं तदवाप्तिहेतोः ॥
०८७६१ अद्यापि तत्कृतकचग्रहमाग्रहेण दन्तैर्मया दशनवाससि खण्ड्यमाने ।
०८७६२ तस्या मनाङ्मुकुलिताक्षमलक्ष्यमाण सीत्कारगर्भमसकृद्वदनं स्मरामि ॥
०८७७१ अद्यापि तत्तरलतारकिताक्षमास्यमालिप्रचन्दनरसाहितशोभमस्याः ।
०८७७२ कस्तूरिकातिलकतारकिताभिराम गण्डस्थलद्युति मुहुर्मनसा स्मरामि ॥
०८७८१ अद्यापि तत्प्रणयभङ्गुरदृष्टिपातं तस्याः स्मरामि रतिविभ्रमगात्रभङ्गम् ।
०८७८२ वस्त्राञ्चलस्खलनचारुपयोधरान्तं दन्तच्छदं दशनखण्डनमण्डनं च ॥
०८७९१ अद्यापि तत्सपरिवेषशशिप्रकाशमास्यं स्मरामि जड्गात्रविवर्तनेषु ।
०८७९२ तद्वेलदुज्ज्वलकराङ्गुलिजालगुम्फ दोः कन्दलीयुगलकं दयितं प्रियायाः ॥
०८८०१ अद्यापि तत्सुरतकेलिनिरस्त्रयुद्धं बन्धोपबन्धपतनोत्थितशून्यहस्तम् ।
०८७९२ दन्तौष्ठपीडननखक्षतरक्तसिक्तं तस्याः स्मरामि रतिबन्धुरनिष्ठुरत्वम् ॥
०८८११ अद्यापि तत्सुरतकेलिविमर्दखेद संजातघर्मकणविस्फुरितं प्रियायाः ।
०८८१२ आपाण्डुरं तरलतारनिमीलिताक्षं वक्त्रं स्मरामि परिपूर्णनिशाकराभम् ॥
०८८२१ अद्यापि तद्वदनपङ्कजगन्धलुब्ध भ्राम्यद्द्विरेफचयचुम्बितगण्डयुग्मम् ।
०८८२२ लीलावधूतकरपल्लवकङ्कनानां क्वाणो विमूर्च्छति मनः स्तुतरां मदीयम् ॥
०८८३१ अद्यापि तद्विकसिताम्बुजमध्यगौरं गोरोचनातिलकभासुरफालरेखम् ।
०८८३२ ईषन्मदालसविघूर्णितदृष्टिपातं तस्या मुखं प्रति मनो मम गच्छतीदम् ॥
०८८४१ अद्यापि तन्नयनकज्जलमुज्ज्वलास्यं विश्रान्तकर्णयुगलं परिहासहेतोः ।
०८८४२ पश्ये तवात्मनि नवीनपयोधराभ्यां क्षीणं वपुर्यदि विनश्यति नो न दोषः ॥
०८८५१ अद्यापि तन्मदनकार्मुकभङ्गुरभ्रु दन्तद्युतिप्रकरकर्बुरिताधरोष्ठम् ।
०८८५२ कर्णावसक्तपुलकोज्ज्वलदन्तपत्रं तस्याः पुनः पुनरपीह मुखं स्मरामि ॥
०८८६१ अद्यापि तन्मनसि संपरिवर्तते मे रात्रौ मयि क्षुतवति क्षितिपालपुत्र्या ।
०८८६२ जीवेति मङ्गलवचः परिहृत्य कोपात्कर्णे कृतं कनकपत्रमनालपन्त्या ॥
०८८७१ अद्यापि तां कनककङ्कणभूषिताग्र हस्तां च वक्त्रकमलेन सुनिर्जितेन्दुम् ।
०८८७२ लीलावर्तीं सुरतखेदनिमीलिताक्षीं ध्यायामि चेतसि मदाकुललालसाङ्गीम् ॥
०८८८१ अद्यापि तां कनककान्तिमदालसाङ्गीं व्रीडोत्सुकां निपतितामिव चेष्टमानाम् ।
०८८८२ अङ्गाङ्गसङ्गपरिचुम्बनजातमोहां तां जीवनौषधिमिव प्रमधां स्मरामि ॥
०८८९१ अद्यापि तां कनकचम्पकदामगौरीं फुल्लारविन्दवदनां तनुरोमराजीम् ।
०८८९२ सुप्तोत्थितां मदनविह्वलसालसाङ्गीं विद्यां प्रमादगलितामिव चिन्तयामि ॥
०८९०१ अद्यापि तां कनकपत्रसनाथकर्णामुत्तुङ्गकर्कशकुचार्पिततारहाराम् ।
०८९०२ काञ्चीनिपुञ्जितविशालनितम्बबिम्बामुद्दाननूपुररणच्चरणां स्मरामि ॥
०८९११ अद्यापि तां कटिसमार्पितवामपाणिमाकुञ्चितैकचरणाग्रनिरुद्धभूमिम् ।
०८९१२ स्तम्भावलम्बितभुजां पथि मां व्रजन्तं पश्यामि बन्धुरितकंधरमीक्षमाणाम् ॥
०८९२१ अद्यापि तां कुटिलकुन्तलकेशपाशामुन्तिद्रतामरसपत्रविशालनेत्राम् ।
०८९२२ उत्तुङ्गपीवरपयोधरकुङ्मलाढ्यां ध्यायामि चेतसि यथैव गुरूपदेशम् ॥
०८९३१ अद्यापि तां क्षणवियोगविषोपमे यां सङ्गे पुनर्बहुतराममृताभिषेकाम् ।
०८९३२ तां जीवधारणकरीं मदनातपत्रामुद्धृत्तकेशनिवहां सुदतीं स्मरामि ॥
०८९४१ अद्यापि तां क्षितितले वरकामिनीनां सर्वाङ्गसुन्दरतया प्रथमैकरेखाम् ।
०८९४२ शृङ्गारनाटकरसोत्तमपानपात्रीं कान्तां स्मरामि कुसुमायुधबाणखिन्नाम् ॥
०८९५१ अद्यापि तां गतिनिराकृतराजहंसीं धम्मिल्लनिर्जितकलापमयूखभासाम् ।
०८९५२ मत्तश्रिया मदचकोरविलोलनेत्रां संचिन्तयामि कलकण्ट्जसमानकण्ठाम् ॥
०८९६१ अद्यापि तां गमनमित्युदितं मदीयं श्रुत्वैव भीरुहरिणीमिव चञ्चलाक्षीम् ।
०८९६२ वाचः स्खलद्विगलदश्रुहलाकुलाक्षीं संचिन्तयामि गुरुशोकविनम्रवक्त्राम् ॥
०८९७१ अद्यापि तां गलितबन्धनकेशपाशां स्रस्तस्रजं स्मितसुधामधुराधरौष्ठीम् ।
०८९७२ पीनोन्नतस्तनयुगोपरिचारुचुम्बन्मुक्तावलीं रहसि लोलदृशं स्मरामि ॥
०८९८१ अद्यापि तां चिरयिते मयि तन्निवासं रात्रौ समागतवतीं परिवर्तमानाम् ।
०८९८२ गत्वा स्मितं किमपि चण्चलितां निषण्णां सख्या समागतवतीमधिकं स्मरामि ॥
०८९९१ अद्यापि तां जगति वर्णयितुं न कश्चिच्छक्नोत्यदृष्टसदृशीं च परिग्रहं मे ।
०८९९२ दृष्टं द्वयोः सदृशयोः खलु येन रूपं शक्तो भवेद्यदि स एव नरो न चान्यः ॥
०९००१ अद्यापि तां जघनदर्शनलालसेन कृष्टं मया निवसनांचलमेकपार्श्वात् ।
०९००२ पूज्य स्थितामपि ततो मुहुराकृषन्तीं मन्दाक्षसंकुचितनूत्नमुखीं स्मरामि ॥
०९०११ अद्यापि तां झटिति वक्रितकन्धराग्रां निक्षिप्तपाणिकमलां च नितम्बमिम्बे ।
०९०१२ वासांसपार्श्वलसदुल्बणकेशपाशां पश्यामि मां प्रति दृशं बहुशः क्षिपन्तीम् ॥
०९०२१ अद्यापि तां धवलवेश्मनि रत्नदीप मालामयूखपटलैर्दलितान्धकारे ।
०९०२२ प्राप्तोद्यमे रहसि संमुखदर्शनार्थं लज्जाभयार्तनयनामनुचिन्तयामि ॥
०९०३१ अद्यापि तां नखपदं स्तनमण्डले यद्दत्तं मयास्यमधुपानविमोहितेन ।
०९०३२ उद्भिन्नरोमपुलकैर्बहुभिः समन्ताज्जागर्ति रक्षति विलोकयति स्मरामि ॥
०९०४१ अद्यापि तां न खलु वेद्मि किमीशपत्नी शापं गता सुरपतेरथ कृष्णलक्ष्मीः ।
०९०४२ धत्रैव किं नु जगतः परिमोहनाय सा निर्मिता युवतिरत्नदिदृक्षया वा ॥
०९०५१ अद्यापि तां नववयःश्रियमिन्दुवक्त्रामुत्तुङ्गपीवरपयोधरभारखिन्नाम् ।
०९०५२ संपीड्य बाहुयुगलेन पिबामि वक्त्रां प्रोन्मत्तवन्मधुकरः कमलं यथेष्टम् ॥
०९०६१ अद्यापि तां निजवपुःकृशवेदिमध्यामुत्तुङ्गसंभृतसुधास्तनकुम्भयुग्माम् ।
०९०६२ नानाविचित्रकृतमण्डनम्ण्डिताङ्गीं सुप्तोत्थितां निशि दिवा न हि विस्मरामि ॥
०९०७१ अद्यापि तां निधुवनक्लमनिःसहाङ्गीमापाण्डुगण्डपतितालककुन्तलालीम् ।
०९०७२ प्रच्छन्नपापकृतमन्तरिवावहन्तीं कण्ठावसक्तमृदुबाहुलतां स्मरामि ॥
०९०८१ अद्यापि तां निधुवने मधुपानरक्तां लीलाधरां कृशतनुं चपलायताक्षीम् ।
०९०८२ काश्मीरपङ्कमृगनाभिकृताङ्गरागां कर्पूरपूगपरिपूर्णमुखीं स्मरामि ॥
०९०९१ अद्यापि तां निभृतवक्त्रकमापतन्तं मां द्वारि वीक्ष्य सहसैव मिषेण सुप्ताम् ।
०९०९२ मन्दं मयि स्पृशति कण्टकिताङ्गयष्टिमुत्फुल्लगल्लफलकां बहुशः स्मरामि ॥
०९१०१ अद्यापि तां नृपतिशेखरराजपुत्रीं संपूर्णयौवनमदालसघूर्णनेत्रीम् ।
०९१०२ गन्धर्वयक्षसुरकिन्नर्नागकन्यां स्वर्गादहो निपतितामिव चिन्तयामि ॥
०९१११ अद्यापि तांप्रणयिनीं मृगशावकाक्षीं पीयूषपूर्णकुचकुम्भयुगं वहन्तीम् ।
०९११२ पश्याम्यहं यदि पुर्नदिवसावसाने स्वर्गापवर्गनरराजसुखं त्यजामि ॥
०९१२१ अद्यापि तां प्रथमतो वरसुन्दरीणां स्नेहैकपात्रघटितामवनीशपुत्रीम् ।
०९१२२ हंहो जना मम वियोगहुताशनोऽयं सोढुं न शक्यत इति प्रतिचिन्तयामि ॥
०९१३१ अद्यापि तां प्रथममेव गतं विरागं निर्भर्त्स्य रोषपरुषैर्वचनैर्मुहुर्माम् ।
०९१३२ आन्दोलनेन च नितम्बसहायवृत्त्या सम्चिन्तयामि रत्ये सुदतीमभीक्ष्णम् ॥
०९१४१ अद्यापि तां प्रथमसंगमजातलज्जां बालां रसेन पतिते मयि मन्दपीठे ।
०९१४२ फूर्कारकम्पितशिखातरलप्रदीपं कर्णोत्पलेन विनिवारयतीं स्मरामि ॥
०९१५१ अद्यापि तां भुजलतार्पितकण्ठपाशां वक्षःस्थलं मम पिधाय पयोधराभ्याम् ।
०९१५२ ईषन्निमीलितसलीलविलोचनान्तां पश्यामि मृग्धवदनां वदनं पिबन्तीम् ॥
०९१६१ अद्यापि तां मदनमन्दिरवैजयन्तीमन्तर्गृहे विवसनां दधतीं निशान्ते ।
०९१६२ अङ्गैरनङ्गविसरैर्मम गाढ्मङ्गमालिङ्ग्य केलिशयने शयितां स्मरामि ॥
०९१७१ अद्यापि तां मम मनःपरितापशान्त्यै चक्षुर्विशुद्धतटिनीमलसालसाङ्गीम् ।
०९१७२ श्रीखण्डखण्डखचिताचितगात्रयिष्टं तन्वीं सदा हृदयहर्षनिधिं स्मरामि ॥
०९१८१ अद्यापि तां मयि कपाटसमीपलीने मन्मार्गदत्तदृशमाननदत्तहस्तां मद्गोत्रचिह्नितपदं मृदुकाकलीभिः किंचित्तरङ्गमनसं मनसा स्मरामि ॥
०९१९१  अद्यापि तां मयि कृतागसि दृष्टभावां भाषां लपत्यपि मुहुर्निगृहीतवाचम् ।
०९१९२ रामां विरुद्धघनमन्युसबाष्पकण्ठां निःश्वासशुष्यदधरां रुदतीं स्मरामि ॥
०९२०१ अद्यापि तां मयि गते चिरकोपयन्तीं यान्तीं समागतवतीं परिवर्तमानाम् ।
०९२०२ ऊर्ध्वस्थितां किमपि मञ्चतलं निषण्णां शय्यां समाश्रतवतीमधिकं स्मरामि ॥
०९२११ अद्यापि तां मयि दृशं तुदतीं स्मरामि स्मेरां स्मरद्वरकरां मधुरां सुताराम् ।
०९२१२ अत्युद्बलां सुरतलां कुटिलां सुशीलां निष्पन्दमन्दसमदप्रमदप्रसादाम् ॥
०९२२१ अद्यापि तां मयि निमीलितचारुनेत्रे कोऽयं वदेत्यभिहितां वदतीं सखीभिः ।
०९२२२ मातर्न विद्य इति सस्मितमुल्लसन्तीमुत्फुल्लगण्डफलकां नितरां स्मरामि ॥
०९२३१ अद्यापि तां मसृणचन्दनपङ्कमिश्र कस्तूरिकापरिमलोत्थविसर्पिगन्दाम् ।
०९२३२ अन्योन्यचञ्चुपुटचुम्बनलग्नपक्ष्म  युग्माभिरामनयनां शयने स्मरामि ॥
०९२४१ अद्यापि तां मुखगतैररुणैः कराग्रैरापृच्छ्यमानमपि मां न विभाषयन्तीम् ।
०९२४२ तद्वाष्पपूरितदृशं बहु निःश्वसन्तीं चिन्ताकुलां किमपि नम्रमुखीं स्मरामि ॥
०९२५१ अद्यापि तां पुनः कमलायताक्षीं पश्यामि पीवरपयोधरभारखिन्नाम् ।
०९२५२ संपीड्य बाहुयुगलेन पिबामि वक्त्रमुन्मत्तवन्मधुकरः कमलं यथेष्टम् ॥
०९२६१ अद्यापि तां यदि पुनः श्रवणायताक्षीं पश्यामि दीर्घविरहज्वरिताङ्गयष्टिम् ।
०९२६२ अङ्गैरहं समुपगूह्म ततोऽतिगाढं नोन्मीलयामि नयने न च तां त्यजामि ॥
०९२७१ अद्यापि तां रहसि दर्पणमीक्षमाणां दृष्ट्वा स्फुटं प्रतिनिधिं मयि पृष्ठलीने ।
०९२७२ पश्यामि वेपथुमतीं च सुविभ्रमां च लज्जाकुलां च समुदं जितमन्मथां च ॥
०९२८१ अद्यापि तां विधृतकज्जललोलनेत्रां पृथ्वीं प्रभूतकुसुमाकुलकेशपाशाम् ।
०९२८२ सिन्दूरसंलुलितमौक्तिकदन्तकान्तिमाबद्धहेमकटकां रहसि स्मरामि ॥
०९२९१ अद्यापि तां विधृतककज्जललोलनेत्रां पृथ्वीं प्रभूतकुसुमाकुलकेशपाशाम् ।
०९२९२ सिन्दूरसंलुलितमौक्तिकदन्तकान्तिमाबद्धहेमकटकां रहसि स्मरामि ॥
०९३०१ अद्यापि तां विरहवह्रि निपोडिताङ्गीं तन्वीं कुरङ्गनयनां सुरतैकपात्रीम् ।
०९३०२ नानाविचित्रकुतमण्डनमावहन्तीं तां राजहंसगमनां सुदतीं स्मरामि ॥
०९३११ अद्यापि तां विहसीतां काचभारनम्रां मुक्ताकलापधवलीकृतकण्ठदेशाम् ।
०९३१२ तत्केलिमन्दरगिरौ कुसुमायुधस्य कान्तां स्मरामि रुचिरोज्ज्वलपुष्पकेतुम् ॥
०९३२१ अद्यापि तां शशिमुखीं नवयौवनाढ्यां पीनस्तनीं पुनरहं यदि गौरकान्तिम् ।
०९३२२ पश्यामि मन्मथशरानलपीडिताङ्गीं गात्राणि संप्रति करोमि सुशीतलानि ॥
०९३३१ अद्यापि तां शिखरचारुवलक्षदन्तैर्मुख्यानि कुन्दमुकुलानि जितां च साध्वीम् ।
०९३३२ संचिन्तयामि सततं प्रविलोलिचित्तां कामेषुनीरजदृशं वनजावतंसाम् ॥
०९३४१ अद्यापि तां समपनीतनितम्बवस्त्रां श्यामां च साध्वसरसाकुलविह्वलाङ्गीम् ।
०९३४२ एकेन पाणिकमलेन पिधाय गृह्यमन्येन नाभिकुहरं दधतीं स्मरामि ॥
०९३५१ अद्यापि तां सललितश्लथकेशपाशामीषत्समुन्मिषितघूर्णितवक्रनेत्राम् ।
०९३५२ सुप्तोत्थितां विदधतीं मुहुरङ्गभङ्ग पश्यामि दष्टमधरं बहुशः स्पृशन्तीम् ॥
०९३६१ अद्यापि तां सुनिपुणं यतता मयापि दृष्टं न यत्सदृशतो वदनं कदाचित् ।
०९३६२ सौन्दर्यनिर्जितरति द्विजराजकान्ति कान्तामिहातिविमलत्वमहागुणेन ॥
०९३७१ अद्यापि तां सुरतघूर्णनिमीलिताक्षीं स्रस्ताङ्गयष्टगलितांशुककेशपाशाम् ।
०९३७२ शृङ्गारवारिरुहकाननराहहंसीं जन्मान्तरेऽपि निधनेऽप्यनुचिन्तयामि ॥
०९३८१ अद्यापि तां सुरतजागरघूर्णमान तिर्यग्वलत्तरलतारक्दीर्घनेत्राम् ।
०९३८२ शृङ्गारसारकमलाकरराजहंसीं व्रीडाविनम्रवदनामुषसि स्मरामि ॥
०९३९१ अद्यापि तां सुरतताण्डवसूत्रधारं दुर्वारदर्पजघनग्लपिताङ्गयष्टिम् ।
०९३९२ अङ्गं रसैः समुपगुह्य कटिं दधानां किंचिन्निमीलनयनां मनसा स्मरामि ॥
०९४०१ अद्यापि तां सुरतताण्डवसूत्रधारीं पूर्णेन्दुसुन्दरमुखीं मदविह्वलाङ्गीम् ।
०९४०२ तन्वीं विशालजघनस्तनभारनम्रां व्यालोलकुन्तलकलापवतीं स्मरामि ॥
०९४११ अद्यापि तां सुरतलब्धयशःपताकां लम्बालकां विरहपाण्डुरगण्डभित्तिम् ।
०९४१२ स्वप्नेऽपि लोलनयनां क्षणदृष्टनष्टां विद्यां प्रमादगुणितामिव संस्मरामि ॥
०९४२१ अद्यापि तां सुरभिनिर्भरदन्तभाजं धावन्तमास्यकमलं चलचञ्चरीकम् ।
०९४२२ किंचिच्चलल्ललितकुञ्चितवामनेत्रां पश्यामि केलिकमलेन निवारयन्तीम् ॥
०९४३१ अद्यापि तां सुवदनां वलभौ निषण्णां तद्गेहसंनिधिपदे मयि दृष्टमात्रे ।
०९४३२ वीतोत्तरां प्रियसखीषु कुतस्मरासु लज्जाविलासहसितां हृदि चिन्तयामि ॥
०९४४१ अद्यापि तां सुवदनां स्तनभारनभ्रां श्यामां च वामनयनां रमणीयगात्रीम् ।
०९४४२ निद्रालसामलकनिर्जितषट्पदालिं संचिन्तयामि सततं स्मरवैजयन्तीम् ॥
०९४५१ अद्यापि तां सुशयितां क्षणविप्रबुद्धां निद्रालसां हृदि वहामि कृताङ्गभङ्गाम् ।
०९४५२ जृम्भावतीर्णमुखमारुतगन्धलब्ध मुघभ्रमद्भ्रमरविभ्रमलोलनेत्राम् ॥
०९४६१ अद्यापि तां स्तिमितवस्त्रमिवाङ्गलग्नां प्रौढप्रतापमदनानलतप्तदेहाम् ।
०९४६२ बालामनाथशरणामनुकम्पनीयां प्राणाधिकां क्षणमहं न हि विस्मरामि ॥
०९४७१ अद्यापि तानि स्मितमुखीं पुरुषायितेषु लम्बालकाकुलकपोललतां स्मरामि ।
०९४७२ आन्दोलनश्रमजलाकुलविह्वलाङ्गीं श्वासोत्तरं च निभृतं च मुहुर्वदन्तीम् ॥
०९४८१ अद्यापि तानि परिवर्तितकंधराणि किंचित्क्षुतत्रुटितकञ्चुकजालकानि ।
०९४८२ तस्या भुजाग्रलुलदुद्वलकुन्तलानि चित्ते स्फुरन्ति मम वक्रविलोचनानि ॥
०९४९१ अद्यापि तानि मम चेतसि संस्फुरन्ति कर्णान्तसंगतकटाक्षनिरीक्षितानि ।
०९४९२ तस्याः स्मरज्वरकराणि मदालसानि लीलाविलासबहुलानि विलोचनानि ॥
०९५०१ अद्यापि तानि मम चेतसि संस्फुरन्ति बिम्बोष्ठदेशपरिकीर्णशुचिस्मतानि ।
०९५११ अद्यापि तानि मृदुवाक्यसुभाषितानि तिर्थग्विवर्त्तिनयनान्तनिरीक्षणानि लीलालसाञ्चितगतानि शुचिस्मितानि तस्याः स्मरामि मदविभ्रमचेष्टितानि ॥
०९५२१ अद्यापि तामनिभृतक्रममागतं च मां द्वारि वीक्ष्य शयने निमिषेण सुप्ताम् ।
०९५२२ मन्दं मयि स्पृशति कण्डकिताङ्गयष्टिमुत्फुल्लगण्डफलकां बहुशः स्मरामि ॥
०९५३१ अद्यापि तामनुनयत्यपि चाटुपूर्वं कोपात्प्राकृतमुखीं मयि सापराधे ।
०९५३२ आलिङ्गति प्रसभमुत्पुलकाङ्गयष्टिं मामेते दुःसहमिवोक्तवतीं स्मरामि ॥
०९५४१ अद्यापि तामनुनयत्यपि मय्यसक्तां व्यावृत्त्य केलिशयने शयितां पराचीम् ।
०९५४२ निद्राकुलामिव ममाभिमुखीभवन्तीं प्रातर्मदङ्गनिहितैकभुजां स्मरामि ॥
०९५५१ अद्यापि तामभिविशालनितम्बबिम्बां गम्भीरनाभिकुहरां तनुमध्यभागाम् ।
०९५५२ अम्लानकोमलमृणालसमानबाहुं लीलालसाञ्चितगतिं मनसा स्मरामि ॥
०९५६१ अद्यापि तामरुणयत्यरुणेन्तरिक्षमापृच्छमानमपि नाम विधारयन्तीम् ।
०९५६२ उत्थाप्य निश्चलदृशौ मम निःश्वसन्तीं चिन्ताकुलां किमपि नम्रमुखीं स्मरामि ॥
०९५७१ अद्यापि तामलमसीलितचारुनेत्रां लोलद्भुजावलयझंकृतिमावहन्तीम् ।
०९५७२ वेल्लत्करोरुकुचमुन्नमितस्वकर्णे कण्डूयनं विदधतीं हृदि चिन्तयामि ॥
०९५८१ अद्यापि तामवहितां मनसाचलेन संचिन्तयामि युवतीं मम जीविताशाम् ।
०९५८२ नान्योपभुक्तनवयौवनभारसारां जन्मान्तरेऽपि मम सैव गतिर्यथा स्यात् ॥
०९५९१ अद्यापि तामविगणय्य कृतापराधमापादमूलपतितं सहसा चलन्तीम् ।
०९५९२ वस्त्राञ्चलं मम करान्निजमाक्षिपन्तीं मा मेति रोषपरुषं वदतीं स्मरामि ॥
०९६०१ अद्यापि तामहमलज्जितपूर्वघृष्टे शय्यातले सुशयितां मदनोत्सवाय ।
०९६०२ वीर्णावतीं विकचचम्पकपुष्पनासां ध्यायामि चेतसि सदा नदतीं शुभाङ्गीम् ॥
०९६११ अद्यापि तामित इतश्च पुरश्च पश्चादन्तर्बहिः परित एव परिभ्रमन्तीम् ।
०९६१२ पश्यामि फुल्लकनकाम्बुजसंनिभेन् वक्त्रेण तिर्यगपवर्तितलोचनेन ॥
०९६२१ अद्यापि तामुपवने परिचारयुक्तां संचिन्तयाम्युपगतां मदनोत्सवाय ।
०९६२२ मां पार्श्वसंनिहितलोकभयात्सशङ्कं व्यावर्तितेक्षणमनुक्षणमीक्षमाणाम् ॥
०९६३१ अद्यापि तामुभयपार्श्वगहाररम्यां वासन्तिकाकुसुमभासित्तकञ्चुकां च ।
०९६३२ राकाभिरामविधुमण्डलवल्गुववत्रां लावण्यनिर्ज्जितरयां सततं स्मरामि ॥
०९६४१ अद्यापि तामुरसिजद्वयमुन्नमय्य मध्ये वलित्रितयलक्षितरोमराजिम् ।
०९६४२ ध्यायामि वेल्लितभुजां विहिताङ्गभङ्गं व्याजेन नाभिकुहरं मम दर्शयन्तीम् ॥
०९६५१ अद्यापि तिष्ठति दृशोरिदमुत्तरीयं धर्तुं पुनः स्तनतटे गलितं प्रवृत्ता ।
०९६५२ वाचं निशम्य नयनं नयनं ममेति किंचित्तदा यद्करोत्स्मितमायताक्षी ॥
०९६६१ अद्यापि दुर्निवारं स्तुतिकन्या भजति कौमारम् ।
०९६६२ मद्भ्यो न रोचते साऽसन्तोऽप्यस्यै न रोचन्ते ॥
०९६७१ अद्यापि धावति मनः किमहं करोमि सार्धं सखीभिरपि वासगृहे सुकान्ते ।
०९६७२ कान्ताङ्गसंगपरिहासविचित्रनृत्ये क्रीडाभिराम इति यातु मदीयकालः ॥
०९६८१ अद्यापि न स्फुरति केसरभारलक्ष्मीर्न प्रेङ्खति ध्वनितमद्रगुहान्तरेषु ।
०९६८२ मत्तास्तथापि करिणो हरिणाधिपस्य पश्यन्ति भीतमनसः पदवीं वनेषु ॥
०९६९१ अद्यापि निर्मलशरच्छशिगौरकान्ति चेतो मुनेरपि हरेत्किमुतास्मदीयम् ।
०९६९२ वक्त्रं सुधामयमहं यदि तत्प्रपद्ये चुम्बन् पिबाम्यविरतं व्यथते मनो मे ॥
०९७०१ अद्यापि नानं हरकोपवह्निस्त्वयि ज्वलत्यौर्व इवाम्बुराशौ ।
०९७०२ त्वमन्यथा मन्मथ मद्विधानां भस्मावशेषः कथमेवमुष्णः ॥
०९७११ अद्यापि रोज्झति हरः किल कालकूटं कूर्मो बिभर्ति धरणीं पुष्ठभागे ।
०९७१२ अम्भोनिधिर्वहति दुःसहवाडवाग्निमङ्गीकृतं सुकृतिनः परिपालयन्ति ॥
०९७२१ अद्यापि मारुतविधूतलतावितानां वीणाविनोदरचनां मम जीवितेशाम् ।
०९७२२ पञ्चेषुराष्ट्रकमलां शुभवेदिमध्यां ध्यायामि चेतसि सर्तीं मदनाभिरामाम् ॥
०९७३१ अद्यापि मे निशि दिवा हृदयं दुनोति पूर्णेन्दुसुन्दरसुखं मम वल्लभायाः ।
०९७३२ लावण्यनिर्जितरतिक्षतकामदर्पं भूयः पुरः प्रतिपदं न विलोक्यते यत् ॥
०९७४१ अद्यापि मे वरतनोर्मधुराणि तस्या यान्यर्थवन्ति न च यानि निरर्थकानि ।
०९७४२ निद्रानिमीलितदृशो मदमन्थरायास्तान्यक्षराणि हृदये किमपि ध्वनन्ति ॥
०९७५१ अद्यापि ये न विहिता विपुलाः प्रबन्धा विद्योतमानविभवाः सुखयन्ति विश्वम् ।
०९७५२ सोऽयं द्विशुद्धगुरुवंशभवः प्रसिद्धो गोपालदत्त उपमेयपदं कथं स्यात् ॥
०९७६१ अद्यापि वासगृहतो मयि नीयमाने दुर्वारभीषणकरैर्यमदूतकल्पैः ।
०९७६२ किं किं तया बहुविधं न कृतं मदर्थे वक्तुं न पार्यत इति व्यथते मनो मे ॥
०९७७१ अद्यापि विस्मयकरी त्रिदशान् विहाय बुद्धिर्बलाच्चलति मे किमहं करोमि ।
०९७७२ जानन्नपि प्रतिमुहूर्तमिहान्तकाले कान्तेति वल्लभतरेति ममेति धीरा ॥
०९७८१ अद्यापि शीतद्युतिरात्मबिम्बं निर्माय निर्माय पुनर्भुनक्ति ।
०९७८२ तस्या मुखेनायतलोचनायाः कर्तुं न शक्तिः सदृशं प्रियायाः ॥
०९७९१ अद्यापि श्रवसी न कुण्डलचले केलिक्वणत्कङ्कणौ बाहू नापि न हारिहारवलयालुण्ठा च कण्ठावनिः ।
०९७९२ अस्याः पश्य तथापि पङ्कजदृशो विश्वं प्रियं भावुकं पश्यामः स्फुटताविभूषणकराभोगं वपुर्वैभवम् ॥
०९८०१ अद्यापि सा मम मनस्तटिनी सदास्ते रोमाञ्चवीचिविलसद्विपुलस्वभावा ।
०९८०२ कादम्बकेशररुचिः क्षतवीक्षणं मां गात्रक्लमं कथयती प्रियराजहंसी ॥
०९८११ अद्यापि सुन्दरि तवाननचन्द्रबिम्बं बन्दीकृताम्बुजयुगं परिचुम्ब्य चेतः ।
०९८१२ त्वत्संगमोद्भवसुखं तनुते तथापि वैरं करोति करुणाविकलो विवेकः ॥
०९८२१ अद्यापि स्तनशैलदुर्गविषमे सीमन्तिनीनां हृदि स्थातुं वाञ्छति मान एष धिगिति क्रोधादिवालोहितः ।
०९८२२ उद्यद्दूरतरप्रसारितकरः कर्षत्यसौ तत्क्षणात्फुल्लत्कैरवकोशनिःसरदलिश्रेणीकृपाणं शशी ॥
०९८३१ अद्यापि हरिहरादिभिरमरैरपि तत्त्वतो न विज्ञाताः ।
०९८३२ भ्रमविभ्रमबहुमोहा वेश्याः संसारमायाश्च ॥
०९८४१ अद्यापि हि नृशंसस्य पितुस्ते दिवसो गतः ।
०९८४२ तमसा पिहितः पन्था एहि पुत्रक शेवहे ॥
०९८५१ अद्याप्यशोकनवपल्लवरक्तहस्तां मुक्ताफलप्रचयचुम्बितचूचुकाग्राम् ।
०९८५२ अन्तःस्मितोच्छ्वसितपाण्डुरगण्डभित्तिं तां वल्लभामलसहंसगतिं स्मरामि ॥
०९८६१ अद्याप्यहं चलितचारुनिमीलिताक्षमास्यं स्मरामि सततं सुरतावसाने ।
०९८६२ तत्कालनिश्वसितनिःसृतकान्तिकान्तं स्वेदोदबिन्दुपरिदन्तुरितं प्रियायाः ॥
०९८७१ अद्याप्यहं वरवधूसुरतोपभोगं जीवामि नान्यविधिना क्षणमन्तरेण ।
०९८७२ तद्भ्रातरो मरणमेव हि दुःखशान्त्यै विज्ञापयामि भवतस्त्वरितं लुनीध्वम् ॥
०९८८१ अद्याप्यहं विकचकुन्दसमानदन्तं तिर्यग्विवर्तितविशालविलोचनान्तम् ।
०९८८२ तस्या मुखं सुविजितेन्दु न विस्मरामि चोद्यं कृतज्ञ इव साधुकृतोपकारम् ॥
०९८९१ अद्याप्यहं सरसमञ्जुलभृङ्गनादमीषत्स्मरोल्लसितरागसुपाण्डुगण्डम् ।
०९८९२ पश्यामि पूर्णशरदिन्दुसमानकान्ति तस्या मुखं विकचपङ्कजपात्रनेत्रम् ॥
०९९०१ अद्याप्यहो जगति सुन्दरलक्षपूर्णे अन्यान्यमुत्तमगुणाधिकसंप्रपन्ने ।
०९९०२ अन्याभिरप्युपमितुं न मया च शक्यं रूपं तदीयमिति मे हृदये वितर्कः ॥
०९९११ अद्याप्युन्मदयातुधानतरुणीचञ्चत्करास्फालन व्यावल्गन्नृकपालतालरणितैर्नृत्यत्पिशाचाङ्गनाः ।
०९९१२ उद्गायन्ति यशांसि यस्य विततैर्नादैः प्रचण्डानिल प्रक्षुभ्यत्करिकुम्भकूटकुहरव्यक्तै रणक्षोणयः ॥
०९९२१ अद्याभोगिनि गाढमर्मनिवहे हर्म्याग्रवेदीजुषां सद्यश्चन्दनशोषिणि स्तनतटे सङ्गे कुरङ्गीदृशाम् ।
०९९२२ प्रायः प्रश्लथयन्ति पुष्पधनुषः पुष्पाकरे निष्ठिते निर्वेदं नवमल्लिकासुरभयः सायंतना वायवः ॥
०९९३१ अद्याम्भः परितः पतिष्यति भुवस्तापोऽद्य निर्वास्यति क्षेत्रेष्वद्य यतिष्यते जनपदः सस्येषु पर्युत्सुकः ।
०९९३२ नर्तिष्यन्ति तवोदयेऽद्य जलद व्यालोलपुच्छच्छद च्छत्रच्छादितमौलयो दिशि दिशि क्रीडालसाः केकिनः ॥
०९९४१ अद्यारभ्य कठोरकार्मुकलताविन्यस्तहस्ताम्बुजस्तावन्न प्रकटीकरोमि नयने शोणे निमेषोदयान् ।
०९९४२ यावत्सायककोतिपाटितरिपुक्ष्मापालमौलिस्खलन्मल्लीमाल्यपतत्परागपटलैरामोदिनी मेदिनी ॥
०९९५१ अद्यारभ्य न हि प्रिये पुनरहं मानस्य वा भाजनं गृह्णीयां विषरूपिणः शठमतेर्नामापि संक्षेपतः ।
०९९५२ किं तेनैव विना शशाङ्ककिरणस्पष्टाट्टहासा निशा नैको वा दिवसः पयोदमलिनो यायान्मम प्रावृषि ॥
०९९६१ अद्याशनं शिशुजनस्य बलेन जातं श्वो वा कथं नु भवितेति विचिन्तयन्ती ।
०९९६२ इत्यश्रुपातमलिनीकृतगण्डदेशा नेच्छेद्दरिद्रगृहिणी रजनीविरामम् ॥
०९९७१ अद्येदं श्व इदं तथा परुदिदं कृत्यं परारि त्वदश्चेतश्चिन्तयसीत्थमेव सततं निर्व्याकुलं रे कुतः ।
०९९७२ तत्कालं विलसन्मनोरथलताकान्तारदावानलो यस्मिन् दण्डधरं स्मरिष्यसि सखे सोऽप्यस्ति कश्चित्क्षणः ॥
०९९८१ अद्येश्वराश्चारणगायनानां सदैव कल्पद्रुमवत्फलन्ति ।
०९९८२ सद्भ्यस्तु किंचिद्वचसैव सायं दीपाय कर्पूरमिवार्पयन्ति ॥
०९९९१ अद्यैके प्रातरपरे विततेऽह्नि तथा परे ।
०९९९२ यान्ति निःसीम्नि संसारे कः स्थाता ननु शोचति ॥
१०००१  अद्यैव कुरु यच्छ्रेयो मा त्वा कालोऽत्यगादयम् ।
१०००२ अकृतेष्वेव कार्येषु मृत्युर्वै संप्रकर्षति ॥
१००११ अद्यैव कुरु यच्छ्रेयो वृद्धःसन् किं करिष्यसि ।
१००१२ स्वगात्राण्यपि भाराय भवन्ति हि विपर्यये ॥
१००२१ अद्यैव यत्प्रतिपदुद्गतचन्द्रलेखा सख्यं त्वया तनुरियं गमिता वराक्याः ।
१००२२ कान्ते गते कुसुमसायक तत्प्रभाते बाणावलीं कथय कुत्र विमोक्ष्यसि त्वम् ॥
१००३१ अद्यैव श्वः परश्वस्त्रिचतुरदिवसानन्तरं सायमह्नि प्रातः प्राह्णे पराह्णे क्षणमिह निवस प्रस्थितोऽभ्येहि भूयः ।
१००३२ इत्थं रेकातिरेकानविदितकपटप्रक्रियानर्थिसार्थानत्यर्थं व्यर्थयन्ति प्रतिदिवसमहो राजधान्यां वदान्याः ॥
१००४१ अद्यैव हसितं गीतं क्रीडितं यैः शरीरिभिः ।
१००४२ अद्यैव ते न दृश्यन्ते पश्य कालस्य चेष्टितम् ॥
१००५१ अद्योत्सङ्गवसद्भुजंगकवलक्लेशादिवेशाचल प्रालेयप्लवनेच्छयानुसरति श्रीखण्डशैलानिलः ।
१००५२ किं च स्निग्धरसालमौलिमुकुलान्यालोक्य हर्षोदयादुन्मीलन्ति कुहूःकुहूरिति कलोत्तालाः पिकानां गिरः ॥
१००६१ अद्योद्यानगृहाङ्गणे सखि मया स्वप्नेन लाक्षारुणः प्रोत्क्षिप्तोऽयमशोकदोहदविधौ पादः क्वणन्नूपुरः ।
१००६२ तावत्किं कथयामि केलिपटुना निर्गत्य कुञ्जोदरादज्ञातोपनतेन तेन सहसा मूर्ध्नैव संभावितः ॥
१००७१ अद्योन्मीलन्मलयपवनोद्धूतचूतांकुराग्र ग्रासास्वादादधिकमधुरैरुच्चरद्भिर्निनादैः ।
१००७२ क्वापि क्वापि स्मरहुतवहोद्दीपनायाध्वगानां होतुं प्राणानृचमिव पिकः सामिधेनीमधीते ॥
१००८१ अद्राक्षीदपनिद्रकोरकभरव्यानम्रवल्लीस्खलद्धूलीदुर्दिनसूदिताम्बरमसावुद्यानमुर्वीपतिः ।
१००८२ आस्थानीभवनं वसन्तनृपतेर्देवस्य चेतोभुवः सत्रागारमनुत्तरं मधुलिहामेकं प्रपामण्डपम् ॥
१००९१ अद्राक्षुर्ये नरेन्द्रा द्रुपदतनुभुवः केशपाशावकृष्टिं चक्रुर्वाकारयन् वा मनसि किमपरं येऽन्वमन्यन्त मोहात् ।
१००९२ सर्वेषामेव तेषां समरमखभुवि क्रोधवह्णौ जुहोति द्वित्रैर्हुंकारम्न्त्रैरभिजनसमिधो मध्यमः पाण्डवेयः ॥
१०१०१ अद्रिष्वञ्जनपुञ्जकान्ति जलद्रप्रायं च मूले दिशामूर्ध्वं नीलवितानकल्पभवनौ जम्बाललेपोपमम् ।
१०१०२ तीरे नीरनिधेस्तमालविटपिच्छायां च सायं शनैरुद्गच्छत्यभिसारिकाप्रियतमप्रेमानुकूलं तमः ॥
१०१११ अद्रेः किं स्विद्वहति पवनः शृङ्गमित्युन्मुखीभिर्दृष्टोत्साहश्चकितचकितं मुग्धसिद्धाङ्गनाभिः ।
१०११२ स्थानादस्मात्सरसनिचुलादुत्पतोदङ्मुखः खं दिङ्नागानां पथि परिहरन् स्थूलहस्तावलेपान् ॥
१०१२१ अद्रोहः शौचानामचापलं व्रतविशेषनियमानाम् ।
१०१२२ पैशुन्यमप्रियाणां वृत्तिच्छेदो नृशंसचरितानाम् ॥
१०१३१ अद्रोहः सर्वभूतेषु कर्मणा मनसा गिरा ।
१०१३२ अनुग्रहश्च दानं च सतां धर्मः सनातनः ॥
१०१४१ अद्रोहसमयं कृत्वा मुनीनामग्रतो हरिः ।
१०१४२ जघान नमुचिं पश्चादपां फेनेन पार्थिव ॥
१०१५१ अद्रोहे समयं कृत्वा चिच्छेद नमुचेः शिरः ।
१०१५२ शक्रः सा हि मता तस्य रिपौ वृत्तिः सनातनी ॥
१०१६१ अद्रौ जीर्णदरीषु संकटसरित्तीरेषु निम्नोन्नते ऊढा येन वृषेण धूर्बलवता यूना द्वितीयेन या ।
१०१६२ तां वृद्धोऽपि कृशोऽपि दुर्वह धुरं वोढुं स एव क्षमो रथ्याभड्डलकैः समेत्य बहुभिर्नाकृष्यतेऽन्यैर्वृषैः ॥
१०१७१ अद्वितीयं निजं लोके विलोक्य वहतो मुदम् ।
१०१७२ प्रमदावदनस्यायं दर्पोद्रेको न तु स्मितम् ॥
१०१८१ अद्विसंवीक्षणं चक्षुरद्विसंमीलनं मनः ।
१०१८२ अद्विसंस्पर्शनः पाणिरद्य मे किं करिष्यति ॥
१०१९१ अद्वेषपेशलं कुर्यान्मनः कुसुमकोमलम् ।
१०१९२ बभूव द्वेषदोषेण देवदानवसंक्षयः ॥
१०२०१ अद्वैतं सुखदुःखयोरनुगुणं सर्वास्ववस्थासु यद्विश्रामो हृदयस्य यत्र जरसा यस्मिन्नहार्यो रसः ।
१०२०२ कालेनावरणात्ययात्परिणते यत्स्नेहसारे स्थितं भद्रं तस्य सुमानुषस्य कथमप्येकं हि तत्प्राप्यते ॥
१०२११ अद्वैतमेकं सुखमुन्नयन्ती विस्मारयन्ती जगदेव तन्वि ।
१०२१२ मुक्ताश्रितामात्मरुचिं वदन्ती वेदान्तसिद्धान्तकथेव भासि ॥
१०२२१ अद्वैतोक्तिपटून् वटूनपि वयं बालान्नमस्कुर्महे ये तु द्वन्द्ववदास्तदीयशिरसि न्यस्याम वामं पदम् ।
१०२२२ सिंहः स्वीयशिशून्निवेश्य हृदये सान्द्रादरादामृशत्यावेशेन भिनत्ति संभ्रमपदं मत्तेभकुम्भस्थलम् ॥
१०२३१ अद्वैधमानसंयुक्तं शूरं धीरं विपश्चितम् ।
१०२३२ न श्रीः संत्यजते नित्यमादित्यमिव रश्मयः ॥
१०२४१ अधः करोति यद्रत्नं मूर्ध्ना धारयते तृणम् ।
१०२४२ दोषस्तस्यैव जलधे रत्नं रत्नं तृणं तृणम् ॥
१०२५१ अधः कुर्वन्प्रजाः सर्वा बहुधा महिमोल्बणः ।
१०२५२ राजा पर्वणि कस्मिंश्चिद्भवेदहिभयाकुलः ॥
१०२६१ अधः क्षिपन्ति कृपणा वित्तं तत्र यियासवः ।
१०२६२ सन्तस्तु गुरुतीर्थादौ तदुच्चैःपदकाङ्क्षिणः ॥
१०२७१ अधः पश्यन् पार्श्वद्वयवलितसाचीकृतशिराः शनैः पक्षस्थैर्याद्दिवि मसृणचक्राकृतिगतिः ।
१०२७२ चिराच्चिल्लस्तिर्यक्त्वरिततरमाहारनिपुणो निपत्यैवाकस्माच्चलचरणमूर्धं प्रपतति ॥
१०२८१ अधः पश्यसि किं बाले पतितं तव किं भुवि ।
१०२८२ रे रे मूर्ख न जानासि गतं तारुण्यमौक्तिकम् ॥
१०२९१ अधःपुष्पी शङ्खपुष्पी लज्जालुर्गिरिकर्णिका ।
१०२९२ नीलिनी सहदेवा च पुत्रमार्जारिका तथा ॥
१०३०१  विष्णुक्रान्ता च सर्वासां जटा ग्राह्या रवेर्दिने ।
१०३०२ बद्धा भुजे विलेपाद्वा काये शस्त्रौघवारिका ॥
१०३११ अधः शेते शम्भुस्तव चरणमाधाय हृदये बहिर्द्वारे दौवारिकपदमुपेतः कमलजः ।
१०३१२ विडौजा वैफल्यं भजति निजविज्ञापनकृते तावहं दासः स्यामिति मनसि लज्जा भयमपि ॥
१०३२१ अधःस्था रमते नारी उपरिस्थश्च कामुकः ।
१०३२२ प्रसिद्धं तद्रतं ज्ञेयं ग्रामबालजनप्रियम् ॥
१०३३१ अधनं खलु जीवधनं धनमर्धधनं महद्धनं धान्यम् ।
१०३३२ अतिधनमेतत्सुन्दरि विद्या च तपश्च कीर्तिश्च ॥
१०३४१ अधना अपि ते धन्याः साधवो गृहमेधिनः ।
१०३४२ यद्गृहा ह्यर्हवर्याम्बुतृणभूमीश्वरावराः ॥
१०३५१ अधना धनमिच्छन्ति वाचं चैव चतुष्पदाः ।
१०३५२ मानवाः स्वर्गमिच्छन्ति मोक्षमिच्छन्ति देवताः ॥
१०३६१ अधनेनार्थकामेन नार्थः शक्यो विवित्सता ।
१०३६२ अर्थैरर्था निबध्यन्ते गजैरिव महागजाः ॥
१०३७१ अधनो दातुकामोऽपि संप्राप्तो धनिनां गृहम् ।
१०३७२ मन्यते याचकोऽयं धिग्दारिद्र्यं खलु देहिनाम् ॥
१०३८१ अधनोऽयं धनं प्राप्य माद्यन्नुच्चैर्न मां स्मरेत् ।
१०३८२ इति कारुणिको नूनं धनं मे भूरि नाददत् ॥
१०३९१ अधमं बाधते भूयो दुःखवेगो न तत्तमम् ।
१०३९२ पादद्वयं व्रजत्याशु शीतस्पर्शो न चक्षुषी ॥
१०४०१ अधममित्रकुमित्रसमागमः प्रियवियोगभयानि दरिद्रता ।
१०४०२ अपयशः खलु लोकपराभवो भवति पापतरोः फलमीदृशम् ॥
१०४११ अधमर्णशवाजीविश्राद्धभुग्दुष्टभूभुजाम् ।
१०४१२ अभिप्राया न सिद्ध्यन्ति तेनेदं ध्रियते जगत् ॥
१०४२१ अधमाः कलिमिच्छन्ति संधिमिच्छन्ति मध्यमाः ।
१०४२२ उत्तमा मानमिच्छन्ति मानो हि महतां धनम् ॥
१०४३१ अधमा धनमिच्छन्ति धनमानौ च मध्यमाः ।
१०४३२ उत्तमा मानमिच्छन्ति मानो हि महतां धनम् ॥
१०४४१ अधमे संगता लक्ष्मीर्नोपभोगाय कस्यचित् ।
१०४४२ कर्दमे पतिता छाया सहकारतरोरिव ॥
१०४५१ अधमो मातुकारश्च धातुकारश्च मध्यमः ।
१०४५२ धातुमातुक्रियाकार उत्तमः परिकीर्तितः ॥
१०४६१ अधमो लक्षणज्ञः स्यान्मध्यमो लक्ष्यमाचरेत् ।
१०४६२ लक्ष्यलक्षणसंयुक्त उत्तमः परिकीर्तितः ॥
१०४७१ अधरं किल बिम्बनामकं फलमस्मादिति भव्यमन्वयम् ।
१०४७२ लभतेऽधरबिम्बमित्यदः पदमस्या रदनच्छदं वदत् ॥
१०४८१ अधरः किसलयरागः कोमलविटपानुकारिणौ बाहू ।
१०४८२ कुसुममिव लोभनीयं यौवनमङ्गेषु संनद्धम् ॥
१०४९१ अधरः पद्मरागोऽयमनर्घः सव्रणोऽपि ते ।
१०४९२ मुग्धे हस्तः किमर्थोऽयमपार्थ इह दीयते ॥
१०५०१ अधरद्युतिरस्तपल्लवा मुखशोभा शशिकान्तिलङ्घिनी ।
१०५०२ तनुरप्रतिमा च सुभ्रुवो न विधेरस्य कृतिं विवक्षति ॥
१०५११ अधरमधरे कण्ठं कण्ठे निधाय भुजं भुजे हृदि च हृदयं मध्ये मध्यं सरोजदृशो दृढम् ।
१०५१२ सरभसमहो चोरावूरुं पदं च पदे बलाद्गमयति जनो धन्यः कश्चित्समां शिशिरे निशाम् ॥
१०५२१ अधरमधरे कण्ठे कण्ठं सचाटु दृशोर्दृशावलिकमलिके कृत्वा गोपीजनेन ससंभ्रमम् ।
१०५२२ शिशुरिति रुदन् कृष्णो वक्षःस्थले निहितोऽचिरान्निभृतपुलकः स्मेरः पायात्स्मरालसविग्रहः ॥
१०५३१ अधरममृतं कः संदेहो मधुन्यपि नान्यथा मधुरमधिकं द्राक्षायाश्च प्रसन्नरसं फलम् ।
१०५३२ सकृदपि पुनर्मध्यस्थः सन् रसान्तरविज्जनो वदतु यदिहान्यत्स्वादु स्यात्प्रियादशनच्छदात् ॥
१०५४१ अधरस्य मधुरिमाणं कुचकाठिन्यं दृशोस्तथा तैक्ष्ण्यम् ।
१०५४२ कवितायाः परिपाकाननुभवरसिको विजानाति ॥
१०५५१ अधरामृतपानेन ममास्यमपराध्यतु ।
१०५५२ मूर्ध्नो किमपराद्धं यः पादौ नाप्नोति चुम्बितुम् ॥
१०५६१ अधरामृतमाधुरीधुरीणो हरिलीलामुरलीनिनाद एषः ।
१०५६२ प्रततान मनःप्रमोदमुच्चैर्हरिणीनां हरिणीदृशं मुनीनाम् ॥
१०५७१ अधरामृतेन पित्तं नश्यति वायुः पयोधरयुगेन ।
१०५७२ अनवरतरतेन कफं त्रिदोषशमनं वपुर्नार्याः ॥
१०५८१ अधरेण समागमाद्रदानामरुणिम्ना पिहितोऽपि शुक्लभावः ।
१०५८२ हसितेन सितेन पक्ष्मलाक्ष्याः पुनरुल्लासमवाप जातपक्षः ॥
१०५९१ अधरेणोन्नतिभाजा भुजंगपरिपीडितेन ते दूति ।
१०५९३ संक्षोभितं मनो मे जलनिधिरिव मन्दरागेण ॥
१०६०१ अधरे नववीटिकानुरागो नयने कज्जलमुज्ज्वलं दुकूलम् ।
१०६०२ इदमाभरणं नितम्बनीनामितरद्भूषणमङ्गदूषणाय ॥
१०६११ अधरे बिन्दुः कण्ठे मणिमाला स्तनयुगे शशप्लुतकम् ।
१०६१२ तव सूचयन्ति केतकि कुसुमायुधशास्त्रपण्डितं रमणम् ॥
१०६२१ अधरे मधुरा सरस्वतीयं ननु कर्णे मणिकर्णिकाप्रवाहः ।
१०६२२ शिरसि प्रतिभाति चारुवेणी कथमेणीनयना न तीर्थराजः ॥
१०६३१ अधरे विनिहितवंशं चम्पककुसुमेन कल्पितोत्तंसम् ।
१०६३२ विनतं दधानमंसं वामं सततं नमामि जितकंसम् ॥
१०६४१ अधरोऽयमधीराक्ष्या बन्धुजीवप्रभाहरः ।
१०६४२ अन्यजीवप्रभां हन्त हरतीति किमद्भुतम् ॥
१०६५१ अधरोष्ठे च घोणायां गण्डयोश्चिबुके तथा ।
१०६५२ मुष्के नाभौ त्रिके कुक्षावावर्तास्त्वतिनिन्दिताः ॥
१०६६१ अधरोऽसौ कुरङ्गाक्ष्याः शोभते नासिकातले ।
१०६६२ सुवर्णनलिकामध्यान्माणिक्यमिव विच्युतम् ॥
१०६७१ अधर्मं धर्ममिति या मन्यते तमसावृता ।
१०६७२ सर्वार्थान् विपरीतांश्च बुद्धिः सा पार्थ तामसी ॥
१०६८१ अधर्मं धर्मवेषेण यदिमं लोकसंकरम् ।
१०६८२ अभिपत्स्ये शुभं हित्वा क्रियाविधिविवर्जितम् ।
१०६९१ अधर्मः क्षत्रियस्यैतद्यद्व्याधिमरणं गृहे ।
१०६९२ युद्धे तु मरणं यत्स्यात्सोऽस्य धर्मः सनातनः ॥
१०७०१ अधर्मः सुरसस्तस्य चोत्कटैर्मधुरायते ।
१०७०२ यादृशैश्च फलैश्चैव सुफलो लोभपादपः ॥
१०७११ अधर्मदण्डनं लोके यशोघ्नं कीर्तिनाशनम् ।
१०७१२ अस्वर्ग्यं च परत्रापि तस्मात्तत्परिवर्जयेत् ॥
१०७२१ अधर्मदण्डनंस्वर्गकीर्तिलोकविनाशनम् ।
१०७२२ सम्यक्तु दण्डनं राज्ञः स्वर्गकीर्तिजयावहम् ॥
१०७३१ अधर्मद्रोहसंयुक्ते मित्रजातेऽप्युपेक्षणम् ।
१०७३२ आत्मवन्मित्रवर्गे तु प्राणानपि परित्यजेत् ॥
१०७४१ अधर्मप्रतिषेधश्च न्यायमार्गेण वर्तनम् ।
१०७४२ उपकार्योपकारित्वमिति वृत्तं महीपतेः ॥
१०७५१ अधर्ममन्यत्र महीतलेऽस्मिन् संक्षोभहेतुं मलिनं विचार्य ।
१०७५२ निष्कासनायास्य रुषेव देव सितं यशः सर्वदिशः प्रयाति ॥
१०७६१ अधर्मरुचयो मूढास्तिर्यग्गतिपरायणाः ।
१०७६२ कृच्छ्रां योनिमनुप्राप्य न सुखं विन्दते जनाः ॥
१०७७१ अधर्मसाधनं बुधा मुधा न जन्तुहिंसनं सृजन्तु वेदनिन्दया भजन्तु केवलं दयाम् ।
१०७७२ इति प्रबोधयन् विधिं विधाय वैदिकं विधिं विशुद्धबोधबन्धुरन्तरेधि बुद्धदेव नः ॥
१०७८१ अधर्मस्तु महांस्तात भवेत्तस्य महीपतेः ।
१०७८२ यो हरेद्बलिषड्भागं न च रक्षति पुत्रवत् ॥
१०७९१ अधर्मादर्जितं द्रव्यमल्पकालं तु तिष्ठति ।
१०७९२ ततः सपत्नमयते समूलं तेन नश्यति ॥
१०८०१ अधर्मेण च यः प्राह यश्चाधर्मेण पृच्छति ।
१०८०२ तयोरन्यतरः प्रैति विद्वेषं वाधिगच्छति ॥
१०८११ अधर्मेणैधते तावत्ततो भद्राणि पश्यति ।
१०८१२ ततः सपत्नाञ्जयति समूलस्तु विनश्यति ॥
१०८२१ अधर्मेषु रसस्तस्य उत्क्लेदैर्मधुरायते ।
१०८२२ तादृशैश्च फलैश्चैव सफलो लोभपादपः ॥
१०८३१ अधर्मोपचितं वित्तं हरन्त्यन्येऽल्पमेधसः ।
१०८३२ संभोजनीयापदेशैर्जलानीव जलौकसः ॥
१०८४१ अधर्मोपार्जितैरर्थैर्यः करोत्यौर्ध्वदेहिकम् ।
१०८४२ न स तस्य फलं प्रेत्य भुङ्क्तेऽर्थस्य दुरागमात् ॥
१०८५१ अधर्षितानां शूराणां समरेष्वनिवर्तिनाम् ।
१०८५२ धर्षणामर्षणं भीरु मरणादतिरिच्यते ॥
१०८६१ अधश्च दूरपातित्वं समे लक्ष्यं सुनिश्चितम् ।
१०८६२ दृढस्फोटं प्रकुर्वीत ऊर्ध्वसंस्थानयोगतः ॥
१०८७१ अधस्तनश्वभ्रभुवो न याति षण्न सर्वनारीषु न सञ्जितोऽन्यतः ।
१०८७२ न जायते व्यन्तरदेवजातिषु न भावनज्योतिषिकेषु सद्रुचिः ॥
१०८८१ अधस्ताच्छिद्रितं चर्म दुर्गन्धिपरिपूरितम् ।
१०८८२ मूत्रक्लिन्नं च तस्यार्थे मा राजन् ब्राह्मणान् वधीः ॥
१०८९१ अधाक्षीन्नो लङ्कामयमयमुदन्वन्तमतरद्विशल्यां सौमित्रैरयमुपनिनायौषधिवराम् ।
१०८९२ इति स्मारं स्मारं त्वदरिनगरीभित्तिलिखितं हनूमन्तं दन्तैर्दशति कुपितो राक्षसगणः ॥
१०९०१ अधारि पद्मेषु तदङ्घ्रिणा घृणा क्व तच्छयच्छायलवोऽपि पल्लवे ।
१०९०२ तदास्यदास्येऽपि गतोऽधिकारितां न शारदः पार्विकशर्वरीश्वरः ॥
१०९११ अधार्मिकांश्च क्रूरांश्च दृष्टदोषान्निराकृतान् ।
१०९१२ परेभ्योऽभ्यागतांश्चैव दूरादेतान् विवर्जयेत् ॥
१०९२१ अधार्मिको नरो यो हि यस्य चाप्यनृतं धनम् ।
१०९२२ हिंसारतिश्च यो नित्यं नेहासौ सुखमेधते ॥
१०९३१ अधिकः स्यात्पितुः पुत्रो रूपविद्यापराक्रमैः ।
१०९३२ तिष्ठन् पित्रार्जितपदे सुब्रह्मण्यस्तु तादृशः ॥
१०९४१ अधिकरतलतल्पं कल्पितस्वापलीला परिमिलननिमीलत्पाण्डिमा गण्डपाली ।
१०९४२ सुतनु कथय कस्य व्यञ्जयत्यञ्जसैव स्मरनरपतिलीलायौवराज्याभिषेकम् ॥
१०९५१ अधिकार ऋणं गर्भश्चतुर्थं श्वानमैथुनम् ।
१०९५२ आगमे परमं सौख्यं निर्गमे दुःखकारणम् ॥
१०९६१ अधिकाराभिषेकेषु मृदङ्गवचनं शृणु ।
१०९६२ बद्धा दण्डहता रिक्ता भविष्यसि यथा वयम् ॥
१०९७१ अधिकारेण यो युक्तः कथं तस्यास्ति खण्डनम् ।
१०९७२ नीचेषूपकृतं राजन् बालुकास्विव मुद्रितम् ॥
१०९८१ अधिकोन्नतैरपि सुदारुणान्वितैरसकृद्भ्रमत्पशुगणाङ्घ्रिपीडितैः ।
१०९८२ विधिसिद्धनैकगुणसस्यसम्पदां विरसस्वभावकठिनैरलं खलैः ॥
१०९९१ अधिगगनमनेकास्तारका राज्यभाजः प्रतिगृहमिह दीपा दर्शयन्ति प्रभुत्वम् ।
१०९९२ दिशि दिशि विलसन्तः सन्ति खद्योतपोताः सवितरि परिभूते किं न लोकैर्व्यलोकि ॥
११००१ अधिगतपरमार्थान् पण्डितान्मावमंस्थास्तृणमिव लघु लक्ष्मीर्नैव तान् संरुणद्धि ।
११००२ अभिनवमदलेखाश्यामगण्डस्थलानां न भवति बिसतन्तुर्वारणं वारणानाम् ॥
११०११ अधिगतमहिमा मनुष्यलोके बत सुतरामवसीदति प्रमादी ।
११०१२ गजपतिरुरुशैलशृङ्गवऋष्मा गुरुरवमज्जति पङ्कभाङ्न दारु ॥
११०२१ अधिगत्येदृगेतस्या हृदयं मृदुतामुचोः ।
११०२२ प्रतीम एव वैमुख्यं कुचयोर्युक्तवृत्तयोः ॥
११०३१ अधिगमनमनेकास्तारका राजमानाः प्रतिगृहमपि दीपाः प्राप्नुवन्ति प्रतिष्ठाम् ।
११०३२ दिशि दिशि विकसन्तः सन्ति खद्योतपोताः सवितरि उदितेऽस्मिन् किं नु लोकैरलोकि ॥
११०४१ अधिगम्याशु गोलक्ष्यमेकः शाम्यति मार्गणः ।
११०४२ अनुरोधस्थिरतया न च शक्यप्रतारणः ॥
११०५१ अधिदेहलि हन्त हेमवल्ली शरदिन्दुः सरसीरुहे शयानः ।
११०५२ अधिखञ्जनचञ्चु मौक्तिकाली फलितं कस्य सुजन्मनस्तपोभिः ॥
११०६१ अधिपञ्चवटीकुटीरवर्ति स्फुटितेन्दीवरसुन्दरोरुमूर्ति ।
११०६२ अपि लक्ष्मणलोचनैकलक्ष्यं भजत ब्रह्म सरोरुहायताक्षम् ॥
११०७१ अधिभिल्लपल्लिगल्लं स्याद्बल्लवपल्लवोऽपि वाचालः ।
११०७२ नागरनरवरपरिषदि कस्य मुखादक्षरं क्षरति ॥
११०८१ अधियामिनि गजगामिनि कामिनि सौदामिनीव यं व्रजसि ।
११०८२ जलदेनेव न जाने कति कति सुकृतानि तेन विहितानि ॥
११०९१ अधिरजनि जगाम धाम तस्याः प्रियतमयेति रुषा स्रजावनद्धः ।
११०९२ पदमपि चलितुं युवा न सेहे किमिव न शक्तिहरं ससाध्वसानाम् ॥
१११०१ अधिरजनि प्रिअयसविधे कथ्मपि संवेशिता बलाद्गुरुभिः ।
१११०२ किं भवितेति सशङ्कं पङ्कजनयना परामृशति ॥
१११११ अधिरजनिमुखे यः सान्द्रलाक्षानुरागैर्व्यतिकरित इवोच्चैः पाटलत्वं दधानः ।
११११२ उषसि स खलु दीपः पाननिर्धूतरागः स्फुरदधर इवायं धसरत्वं बिभर्ति ॥
१११२१ अधिरजनि व्याधगृहे सुखमननभूतमनुभूय ।
१११२२ अपशोककोकमिथुनं जीवनदानेसमुल्लसति ।
१११३१ अधिरोहार्य पादाभ्यां पादुके हेमभूषिते ।
१११३२ एते हि सर्वलोकस्य योगक्षेमं विधास्यतः ॥
१११४१ अधिलवङ्गममी रजसाधिकं मलिनिताः सुमनोदलतालिनः ।
१११४२ स्फुटमिति प्रसवेन पुरोऽहसत्सपदि कुन्दलता दलतालिनः ॥
१११५१ अधिश्रीरुद्याने त्वमसि भवतः पल्लवचयो धुरीणः कल्याणे तव जगति शाखा श्रमहरा ।
१११५२ मुदे पुष्पोल्लेखः फलमपि च तुष्ट्यै तनभृतां रसाल त्वां तस्माच्छ्रयति शतशः कोकिलकुलम् ॥
१११६१ अधिष्ठानं समिच्छन्ति ह्यचलं निर्बले सति ।
१११६२ संसारे सर्वभूतानां तृणबिन्दुवदस्थिरे ॥
१११७१ अधीतपञ्चाशुगबाणवञ्चने स्थिता मदन्तर्बहिरेषि चेदुरः ।
१११७२ स्मराशुगेभ्यो हृदय बिभेतु न प्रविश्य तत्त्वन्मयसपुटे मम ॥
१११८१ अधीतविद्यैर्विगते शिशुत्वे धनोर्जिते हारिणि यौवने च ।
१११८२ सेव्या नितम्बास्तु विलासिनीनां ततस्तदर्थं धरणीधराणाम् ॥
१११९१ अधीतस्य च तप्तस्य कर्मणः सुकृतस्य च ।
१११९२ षष्ठं भजति भागं तु प्रजा धर्मेण पालयन् ॥
१११९३ षड्भागस्य न भोक्तासौ रक्षते न प्रजाः कथम् ॥
११२०१ अधीतिबोधाचरणप्रचारणैर्दशाश्चतस्रः प्रणयन्नुपाधिभिः ।
११२०२ चतुर्दशत्वं कृतवान् कुतः स्वयं न वेद्मि विद्यासु चतुर्दशस्वयम् ॥
११२११ अधीते तु महाभाष्ये व्यर्था सा पदमञ्जरी ।
११२१२ नाधीते तु महाभाष्ये व्यर्था सा पदमञ्जरी ॥
११२२१ अधीत्य चतुरो वेदान् धर्मशास्त्राण्यनेकशः ।
११२२२ परं तत्त्वं न जानाति दर्वी पाकरसानिव ॥
११२३१ अधीत्य चतुरो वेदान् व्याकृत्याष्टादश स्मृतीः ।
११२३२ अहो श्रमस्य वैफल्यमात्मापि कलितो न चेत् ॥
११२४१ अधीत्य नीतिं यस्माच्च नीतियुक्तो न दृश्यते ।
११२४२ अनभिज्ञश्च साचिव्यं गमितः केन हेतुना ॥
११२५१ अधीत्य वेदान् परिसंस्तीर्य चाग्नीनिष्ट्वा यज्ञैः पालयित्वा प्रजाश्च ।
११२५२ गोब्राह्मणार्थे शस्त्रपूतान्तरात्मा हतः संग्रमे क्षत्रियः स्वर्गमेति ॥
११२६१ अधीत्य सकलं श्रुतं चेरमुपास्य घोरं तपो यदिच्छसि फलं तयोरह हि लाभपूजादिकम् ।
११२६२ छिनत्सि तरुपल्लवप्रसरमेव शून्याशयः कथं समुपलिप्सते सुरसमस्य पक्वं फलम् ।
११२७१ अधीत्येदं यथाशास्त्रं नरो जानाति सत्तमः ।
११२७२ धर्मोपदेशविख्यातं कार्याकार्यं शुभाशुभम् ॥
११२८१ अधीयते विजानन्ति विरज्यन्ति मुहुर्मुहुः ।
११२८२ नात्यन्ताय निवर्तन्ते नरा वषम्यतो विधेः ॥
११२९१ अधीयीत ब्राह्मणोऽथो यजेत दद्यादियात्तीर्थमुख्यानि चैव ।
११२९२ अध्यापयेद्याजयेच्चापि याज्यान् प्रतिग्रहान् वा विदितान् प्रतीच्छेत् ॥
११३०१ तथा राजन्यो रक्षणं वै प्रजानां कृत्वा धर्मेणाप्रयत्तोऽथ दत्त्वा ।
११३०२ यज्ञैरिष्ट्वा सर्ववेदानधीत्य दारान् कृत्वा पुण्यकृदावसेद्गृहान् ॥
११३११ वैश्योऽधीत्य कृषिगोरक्षपण्यैर्वित्तं चिन्वन् पालयन्नप्रमत्तः ।
११३१२ प्रियं कुर्वन् ब्राह्मणक्षत्रियाणां धर्मशीलः पुण्यकृदावसेद्गृहान् ॥
११३२१ परिचर्यां वन्दनं ब्राह्माणानां नाधीयीत प्रतिषिद्धोऽस्य यज्ञः ।
११३२२ नित्योत्थितो भूतयेऽतन्द्रितहः स्यादेष स्मृतः शूद्रधर्मः पुराणः ॥
११३३१ अधीरः कर्कशः स्तब्धः कुचेलः स्वयमागतः ।
११३३२ एते पञ्च न पूज्यन्ते बृहस्पतिसमा यदि ॥
११३४१ अधीराक्ष्याः पीनस्तनकलशमास्कन्दसि मुहुः क्रमादूरुद्वन्द्वं कलयसि च लावण्यललितम् ।
११३४२ भुजाश्लिष्टो हर्षादनुभवसि हस्ताहतिकलामिदं वीणादण्डं प्रकटय फलं कस्य तपसः ॥
११३५१ अधुना दधिमन्थनानुबन्धं कुरुषे किं गुरुविभ्रमालसाङ्गि ।
११३५२ कलशस्तनि लालसीति कुञ्जे मुरलीकोमलकाकली मुरारेः ॥
११३६१ अधुना मधुकरपतिना गिलितोऽप्यपकारदंपती येन ।
११३६२ त्रातः स पालयेत्त्वां विकाररहितो विनायको लक्ष्म्याः ॥
११३७१ अधृतपरिपतन्निचोलबन्धं मुषितनकारमवक्रदृष्टिपातम् ।
११३७२ प्रकटहसितमुन्नतास्यबिम्बं पुरसुदृशःस्मरचेष्टितं स्मरामि ॥
११३८१ अधृत यद्विरहोष्मणि सज्जितं मनसिजेन तदूरुयुगं तदा ।
११३८२ स्पृशति तत्कदनं कदलीतरुर्यदि मरुज्वलदूषरदूषितः ॥
११३९१ अधोगतिं च सम्प्राप्य बिसाः पङ्ककलङ्किताः ।
११३९२ गुणिनो निर्गुणैर्दाशैः कृष्टाः स्वाङ्कुरदर्शिताः ॥
११४०१ अधोदृष्टिनैर्कृतिकः स्वार्थसाधनतत्परः ।
११४०२ शठो मिथ्याविनीतश्च बकव्रतचरो द्विजः ॥
११४११ अधोऽधः पश्यतः कस्य महिमा नोपचीयते ।
११४१२ उपर्युपरि पश्यन्तः सर्व एव दरिद्रति ॥
११४२१ अधोमुखी स्त्रीस्तनतुल्यताप्तये प्रतप्य तीव्रं सुमहत्तरं तपः ।
११४२२ यदा न तामाप तदा हृदि स्फुटं विदीर्यते पक्वमिषेण दाडिमः ॥
११४३१ अधोमुखैकदंष्ट्रेण विषशुक्रप्रवाहिणा ।
११४३२ अनेन दुश्चिकित्स्येन जगद्दष्टं भगाहिना ॥
११४४१ अधोऽर्धे लक्षणं यस्य परार्धे नैव दृश्यते ।
११४४२ अधमः स भवेत्खङ्गः क्षितीशानां भयावहः ॥
११४५१ अधोऽर्धे वर्ण एकः स्यादूर्ध्वार्धे भिन्नवर्णकः ।
११४५२ वर्णसंकरवान् खड्गो नृपाणां भयवर्धनः ॥
११४६१ अधोविधानात्कमलप्रवालयोः शिरःसु दानादखिलक्षमाभुजाम् ।
११४६२ पुरेदमूर्ध्वं भवतीति वेधसा पदं किमस्याङ्कितमूर्ध्वरेखया ॥
११४७१ अध्ययनमित्रसङ्ग प्रवेशयात्राविवाहदानेषु ।
११४७२ शुभकार्येष्वखिलेष्वपि शस्तः सोमाध्वगः पवनः ॥
११४८१ अध्यस्तान्ध्यमपूर्वमर्थधिषणैर्ग्राह्यं पुमर्थास्पदं लक्ष्यं लक्षणभेदतः श्रुतिगतं निर्धूतसाध्यार्थकम् ।
११४८२ आम्नायान्तविभातविश्वविभवं सर्वाविरुद्धं परं सत्यं ज्ञानमनर्थसार्थविधुरं ब्रह्म प्रपद्ये सदोम् ॥
११४९१ अध्याक्रान्ता वसतिरमुनाप्याश्रमं सर्वभोग्ये रक्षायोगादयमपि तपः प्रत्यहं संचिनोति ।
११४९२ अस्यापि द्यां स्पृशति वशिनश्चारणद्वन्द्वगीतः पुण्यः शब्दो मुनिरिति मुहुः केवलं राजपूर्वः ॥
११५०१ अध्यापयन्ति शास्त्राणि तृणीकुर्वन्ति पण्डितान् ।
११५०२ विस्मारयन्ति जातिं स्वां वराटाः पञ्चषाः करे ॥
११५११ अध्यापितस्योशनसापि नीतिं प्रयुक्तरागप्रणिधिर्द्विषस्ते ।
११५१२ कस्यार्थधर्मौ वद पीडयामि सिन्धोस्तटावोघ इव प्रवृद्धः ॥
११५२१ अध्यापितोऽसि केनैतां मशक क्षुद्रतामिह ।
११५२२ यस्यैव कर्णे लगसि पीडां तस्य करोषि यत् ॥
११५३१ अध्यायोधनवेदि मार्गणकुशानास्तीर्य खड्गस्रुचा हुत्वारेः पललं चरुं हविरसृक्तन्मस्तकस्वस्तिकैः ।
११५३२ संवेष्ट्याहवनीयमानसदसि ख्योऽसौ प्रतापानलोऽस्थापि द्रागुदकाञ्जलीकृतचतुःपाथोधिना श्रीमता ॥
११५४१ अध्यासामासुरुत्तुङ्गहेमपीठानि यान्यमी ।
११५४२ तैरूहे केसरिक्रान्तत्रिकूटशिखरोपमा ॥
११५५१ अध्यासिते वयस्याया भवता महता हृदि ।
११५५२ स्तनावन्तरसंमान्तौ निष्क्रान्तौ ब्रूमहे बहिः ॥
११५६१ अध्यासीनाश्ववारैरुपजनितभये हेषमाणैस्तुरङ्गैर्गर्जत्स्फूर्जन्महौजोत्कटकरटिघटाकोटिभिर्दुष्प्रवेश्
११५६२ संग्रामे कल्पकल्पेऽप्यरिजनविसरैर्मार्गणश्रेणिबद्धे बध्येऽवध्ये नृपेऽपि प्रभवति यवसं प्राणविश्राणनाय ॥
११५७१ अध्यास्य शान्तां कुकुभं श्र्गाली नरस्य वामा यदि रारटीति ।
११५७२ तदर्थलाभं वितरत्यवश्यमर्थक्षयं दक्षिणतो रटन्ती ॥
११५८१ अध्यास्य सौरभेयं मौक्तिकरुचिरङ्गणेषु विहितगतिः मान्यः स एव हृदि मे गौरी वामाङ्गमाश्रिता यस्य ॥
११५९१ अध्याहारः स्मरहरशिरश्चन्द्रशेषस्य शेष स्याहेर्भूयः फणसमुचितः काययष्टीनिकायः ।
११५९२ दुग्धाम्भोधेर्मुनिचुलुकनत्रासनाशाभ्युपायः कायव्यूहः क्व जगति न जागर्त्यदः कीर्तिपूरः ॥
११६०१ अध्येति नृत्यति लुनाति मिनोति नौति क्रीणाति हन्ति वपते चिनुते बिभेति ।
११६०२ मुष्णाति गायति धिनोति बिभर्ति भिन्ते लोभेन सीव्यति पणायति याचते च ॥
११६११ अध्रुवेण शरीरेण प्रतिक्षणविनाशिना ।
११६१२ ध्रुवं यो नार्जयेद्धर्मं स शोच्यो मूढचेतनः ॥
११६२१ अध्रुवे हि शरीरे यो न करोति तपोऽर्जनम् ।
११६२२ स पश्चात्तप्यते मूढो मृतो गत्वात्मनो गतिम् ॥
११६३१ अध्वक्लान्ततनुर्नवज्वरवती नृत्यश्लथाङ्गी तथा मासैकप्रसवा ददाति सुरते षण्मासगर्भा सुखम् ।
११६३२ विख्याता विरहस्य संगमविधौ क्रुद्धप्रसन्ने ऋतु स्थाने नूतनसंगमे मधुमदे रागास्पदं योषितः ॥
११६४१ अध्वनि पदग्रहपरं मदयति हृदयं न वा न वा श्रवणम् ।
११६४२ काव्यमभिज्ञसभायां मञ्जीरं केलिवेलायाम् ॥
११६५१ अध्वनीनोऽतिथिर्ज्ञेयः श्रोत्रियो वेदपारगः ।
११६५२ मान्यावेतौ गृहस्थस्य ब्रह्मलोकमभीप्सतः ॥
११६६१ अध्वन्यध्वनि तरवः पथि पथि पथिकैरुपास्यते छाया ।
११६६२ विरलः स कोऽपि विटपी यमध्वगो गृहगतः स्मरति ॥
११६७१ अध्वन्यध्वनि भूरुहः फलबृतो नम्रानुपेक्ष्यादराद्दूरादुन्नतिसंश्रयव्यसनिनः पान्थस्य मुग्धात्मनः ।
११६७२ यन्मूलं समुपागतस्य मधुरच्छायाफलैः का कथा शीर्णेनापि हि नोपयोगमगमत्पर्णेन तालद्रुमः ॥
११६८१ अध्वन्यस्य वधूर्वियोगविधुरा भर्तुः स्मरन्ती यदि प्राणानुज्झति कस्य तन्महदहो संजायते किल्बिषम् ।
११६८२ इत्येवं पथिकः करोति हृदये यावत्तरोर्मूर्धनि प्रोद्घुष्टं परपुष्टया तव तवेत्युच्चैर्वचोऽनेकशः ॥
११६९१ अध्वन्याः किल मूलगर्तमधुनाप्यापूरयन्त्यश्रुभिर्व्याक्रोशन्त्यधुना सबान्धवकुलाः सायं मुहूर्तं द्विजाः ।
११६९२ इत्थं यावदिमानि बिभ्रति शुचं भूतान्यपि त्वत्कृते तावत्त्वं न गतोऽसि पादप चिरं कीर्त्यात्मना वर्तसे ॥
११७०१ अध्वन्यानां शिशिरसमये चण्डचाण्डालकाण्ड प्रायाः कायानहह पवनाः क्लेशयन्तो विशन्ति ।
११७०२ बध्नन्त्येते सपदि सुदृशां दुर्भगानामपीह प्रौढाश्लेषाश्लथितदयितं मूर्ध्नि सौभाग्यपट्टम् ॥
११७११ अध्वन्यान् कति रुन्धते कति दृधान् भिन्दन्ति तोयाकरान् केदारान् कति यज्जयन्ति कति च व्यापाटयन्ति द्रुमान् ।
११७१२ वाहिन्यः क्षणलुप्तवारिविभवा वन्या अवन्यामिमा यः सिन्धुः सकलाश्रयः स तु पुनः कुत्रेति न ज्ञायते ॥
११७२१ अध्वन्यैर्मकरन्दशीकरसुरामत्तक्वणत्कोकिले मार्गे मार्गनिरोधिनी परिहृता शङ्केऽशुभाशङ्कया ।
११७२२ पान्थस्त्रीवधपातकादुपगतं चण्डालचिह्नं मधोरेषा किङ्किणिकेव षट्पदमयी झंकारिणी संहतिः ॥
११७३१ अध्वश्रमाय चरणौ विरहाय दारा अभ्यर्थनाय वचनं च वपुर्जरायै ।
११७३२ एतानि मे विदधतस्तव सर्वदैव धातस्त्रपा यदि न किं न परिश्रमोऽपि ॥
११७४१ अध्वश्रान्तमविज्ञातमतिथिं क्षुत्पिपासितम् ।
११७४२ यस्तं न पूजयेद्भक्त्या तमाहुर्ब्रह्मघातिनम् ॥
११७५१ अध्वाग्रजाग्रन्निभृतापदन्धुर्बन्धुर्यदि स्यात्प्रतिबन्धुमर्हः ।
११७५२ जोषं जनः कार्यविदस्तु वस्तु प्रच्छ्या निजेच्छा पदवीं मुदस्तु ॥
११७६१ अध्वा जरा देहवतां पर्वतानां जलं जरा ।
११७६२ असंभोगो जरा स्त्रीणां वाक्शल्यं मनसो जरा ॥
११७७१ अध्वा जरा मनुष्याणामनध्वा वाजिनां जरा ।
११७७२ अमैथुनं जरा स्त्रीणामश्वानां मैथुनं जरा ॥
११७८१ अध्वानं नैकचक्रः प्रभवति भुवनभ्रान्तिदीर्घं विलङ्घ्य प्रातः प्राप्तुंरथो मे पुनरिति मनसि न्यस्तचिन्तातिभारः ।
११७८२ संध्याकृष्टावशिष्टस्वकरपरिकरैः स्पष्टहेमारपङ्क्ति व्याकृष्यावस्थितोऽस्तक्षितिभृति नयतीवैष दिक्चक्रमर्कः ॥
११७९१ अध्वा न यदि निसङ्गपङ्कसंकुलितो भवेत् ।
११७९२ ततः कुतस्ते धौरेय धुर्यता व्यज्यतामियम् ॥
११८०१ अद्वारेण विशन्त्येव बुद्धिमन्तो रिपोर्गृहम् ।
११८०२ अकृत्वा धर्षणां पूर्वं कथं युद्धं प्रवर्तते ॥
११८११ अनक्षरं रूपमिह क्षरन्ती पञ्चाशदर्णैरमृताम्बुपूर्णैः ।
११८१२ व्याकीर्णविध्यमण्डमदन्तराला (?) शब्दात्मिका मामवतात्समन्तात् ॥
११८२१ अनक्षरज्ञेन जनेन सख्यं संभाषणं दुष्प्रभुसेवनं च ।
११८२२ आलिङ्गनं लम्बपयोधराणां प्रत्यक्षदुःखं त्रयमेव भूमौ ॥
११८३१ अनङ्कुरितकूर्चकः स तु सितोपलाढ्यं पयः स एव धृतकूचकः सलवणाम्बुतक्रोपमः ।
११८३२ स एव सितकूर्चकः क्वथितगुग्गुलोद्वेगकृद्भवन्ति हरिणीदृशां प्रियतमेषु भावास्त्रयः ॥
११८४१ अनङ्गः पञ्चभिः पुष्पैर्विश्वं व्यजयतेषुभिः ।
११८४२ इत्यसंभाव्यमथवा विचित्रा वस्तुशक्तयः ॥
११८५१ अनङ्गतापप्रशमाय तस्य कदर्थ्यमाना मुहुरामृणालम् ।
११८५२ मधौ मधौ नाकनदीनलिन्यो वरं वहन्तां शिशिरेऽनुरागम् ॥
११८६१ अनङ्ग पलितं मूर्ध्नि पश्यैतद्विजयध्वजम् ।
११८६२ इदानीं जितमस्माभिस्तवाकिंचित्कराः शराः ॥
११८७१ अनङ्गबाणाकुलितस्य शंभोः शिरो भवानीचरणेऽतिनम्रम् ।
११८७२ विलोक्य काचिच्चरणे चरन्ती पिपीलिका चुम्बति चन्द्रबिम्बम् ॥
११८८१ अनङ्गमङ्गलगृहापाङ्गभङ्गितरङ्गितैः ।
११८८२ आलिङ्गितः स तन्वङ्ग्या कार्तार्थ्यं लभते कदा ॥
११८९१ अनङ्गमङ्गलभुवस्तदपाङ्गस्य भङ्गयः ।
११८९२ जनयन्ति मुहुर्यूनामन्तःसंतापसंततिम् ॥
११९०१ अनङ्गमङ्गलारम्भकुम्भाविव पयोधरौ ।
११९०२ कस्य नार्तिहरौ तस्याः करपल्लवसंवृतौ ॥
११९११ अनङ्गरङ्गपीठोऽस्याः शृङ्गारस्वर्णविष्टरः ।
११९१२ लावण्यसारसंघातः सा घना जघनस्थली ॥
११९२१ अनङ्गरङ्गप्रतिमं तदङ्गं भङ्गीभिरङ्गीकृतमानताङ्ग्याः ।
११९२२ कुर्वन्ति यूनां सहसा यथैताः स्वान्तानि शान्तापरचिन्तनानि ॥
११९३१ अनङ्गरसचातुरीचपलचारुचेलाञ्चलश्चलन्मकरकुण्डलस्फुरितकान्तिगण्डस्थलः ।
११९३२ व्रजोल्लसितनागरीनिकररासलास्योत्सुकः स मे सपदि मानसे स्फुरतु कोऽपि गोपालकः ॥
११९४१ अनङ्गलङ्घनालग्ननानातङ्का सदङ्गना ।
११९४२ सदानघ सदानन्द नताङ्गासङ्गसंगत ॥
११९५१ अनङ्गशस्त्राणि नताङ्गि तीक्ष्णतां नयत्ययस्कार इवाम्बुदागमः ।
११९५२ मलीमसाङ्गाररुचां पयोमुचां तथाहि मध्ये ज्वलितस्तडिच्छिखी ॥
११९६१ अनङ्गीकृतकामानामनुमानार्हवर्ष्मणाम् ।
११९६२ ध्र्तनिर्मलतीर्थानां भूतिलेपो विभूषणम् ॥
११९७१ अनङ्गेनाबलासङ्गाज्जिता येन जगत्त्रयी ।
११९७२ स चित्रचरितः कामः सर्वकामप्रदोऽस्तु वः ॥
११९८१ अनङ्गोऽयमनङ्गत्वमद्य निन्दिष्यति ध्रुवम् ।
११९८२ यदनेन न संप्राप्तः पाणिस्पर्शोत्सवस्तव ॥
११९९१ अनञ्जितासिता दृष्टिर्भ्रूरनावर्जिता नता ।
११९९२ अरञ्जितोऽरुणश्चायमधरस्तव सुन्दरि ॥
१२००१ अनणुरणन्मणिमेखल मविरतशिञ्जानमञ्जुमञ्जीरम् ।
१२००२ परिसरणमरुणचरणे रणरणकमकारणं कुरुते ॥
१२०११ अनतिचिरोज्झितस्य जलदेन चिर स्थितबहुबुद्बुदस्य पयसोऽनुकृतिम् ।
१२०१२ विरलविकीर्णवज्रशकला सकलामिह विदधाति धौतकलधौतमही ॥
१२०२१ अनतिशयं स्वर्णचयं निवहन्नितरां प्रमोदये स्वान्ते ।
१२०२२ किंतु तवैषा संपत्कस्योपकृते प्रतिब्रूहि ॥
१२०३१ अनतिशिथिले पुंभावेन प्रगल्भबलाः खलु प्रसभमलयः पाथोजास्ये निविश्य निरित्वराः ।
१२०३२ किमपि मुखतः कृत्वानीतं वितीर्य सरोजिनी मधुरसमुषोयोगे जायां नवान्नमचीकरन् ॥
१२०४१ अनधिगतमनोरथस्य पूर्वं शतगुणितेव गता मम त्रियामा ।
१२०४२ यदि तु तव समागमे तथैव प्रसरति सुभ्रुततः कृती भवेयम् ॥
१२०५१ अनधीत्य यथा वेदान्न विप्रः श्राद्धमर्हति ।
१२०५२ एवमश्रुतषाड्गुण्यो न मन्त्रं श्रोतुमर्हति ॥
१२०६१ अनधीत्य स्वजशास्त्रं योऽन्यशास्त्रं समीहते वक्तुम् ।
१२०६२ सोऽहेः पदानि गणयति निशि तमसि जले चिरगतस्य ॥
१२०७१ अनधीत्यार्थशास्त्रणि बहवः पशुबुद्धयः ।
१२०७२ प्रागल्भ्याद्वक्तुमिच्छन्ति मन्त्रेष्वभ्यन्तरीकृताः ॥
१२०८१ अनध्यवसितावगाहनमनल्पधीशक्तिनाप्यदृष्टपर्मार्थतत्त्वमधिकाभियोगैरपि ।
१२०८२ मतं मम जगत्यलब्धसदृशप्रतिग्राहकं प्रयास्यति पयोनिधेः पय इव स्वदेहे जराम् ॥
१२०९१ अनध्वन्याः काव्येष्वलसगतयः शास्त्रगहनेष्वदुःखज्ञा वाचां परिणतिषु मूकाः परगुणे ।
१२०९२ विदग्धानां गोष्ठीष्वकृतपरिचर्याश्च खलु ये भवेयुस्ते किं वा परभणितिकण्डूतिनिकषाः ॥
१२१०१ अनन्तं बत मे वित्तं यस्य मे नास्ति किंचन ।
१२१०२ मिथिलायां प्रदीप्तायां न मे दह्यति किंचन ॥
१२१११ अनन्तकोपादिचतुष्टयोदये त्रिभेदमिथ्यात्वमलोदये तथा ।
१२११२ दुरन्तमिथ्यात्वविषं शरीरिणामनन्तसंसारकरं प्ररोहति ॥
१२१२१ अनन्तख्यातिसंपन्नः शुद्धसत्त्वः सधीबलः ।
१२१२२ धत्ते बहुमुखं भोगं श्रुतिदृष्टिस्थिराशयः ॥
१२१३१ अनन्ततत्त्वं परिगृह्य धात्रा विनिर्मितोऽस्याः किल मध्यभागः ।
१२१३२ अणुः परं योगिदृशानुलक्ष्यः सच्चित्कलास्थैर्यबलावनद्धः ॥
१२१४१ अनन्तनामधेयाय सर्वाकारविधायिने ।
१२१४२ समस्तमन्त्रवाच्याय विश्वैकपतये नमः ॥
१२१५१ अनन्तपदविन्यासरचना सरसा कवेः ।
१२१५२ बुधो यदि समीपस्थो न कुजन्यः पुरो यदि ॥
१२१६१ अनन्तपारं किल शब्दशास्त्रं स्वल्पं तथायुर्बहवश्च विघ्नाः ।
१२१६२ यत्सारभूतं तदुपासनीयं हंसैर्यथा क्षीरमिवाम्बुमध्यात् ॥
१२१७१ अनन्तरत्नप्रभवस्य यस्य हिमं न सौभाग्यविलोपि जातम् ।
१२१७२ एको हि दोषो गुणसंनिपाते निमज्जतीन्दोः किरणेष्विवाङ्कः ॥
१२१८१ अनन्तरमरिं वद्यादरिसेविनमेव च अरेरनन्तरं मित्रमुदासीनं तयोः परम् ॥
१२१९१ अनन्तविभवभ्रष्टा दौर्ब्भाग्यपरितापिनी ।
१२१९२ शोच्यति प्राप्य जीवत्वं भर्तृहीनेव नायिका ॥
१२२०१ अनन्तशास्त्रं बहुलाश्च विद्याः स्वल्पश्च कालो बहुविध्नता च ।
१२२०२ यत्सारभूतं तदुपासनीयं हंसो यथा क्षीरमिवाम्बुमध्यात् ॥
१२२११ अनन्तासौ कीर्तिः कविकुमुदबन्धोः क्षितिपतेस्त्रिलोकीयं क्षुद्रा तदिह कथमस्याः स्थितिरिति ।
१२२१२ मुधेयं वः शङ्का कलयत कियद्दर्पणतलं विशाला किं तत्र स्फुरति न कवीन्द्रप्रतिकृतिः ॥
१२२२१ अनन्तोद्भूतभूतौघसंकुले भूतलेऽखिले ।
१२२२२ शस्त्रे शास्त्रे त्रिचतुराश्चतुरा यदि मादृशाः ॥
१२२३१ अनन्यक्षुण्णश्रीर्मलयवनजन्मायमनिलो निपीय स्वेदाम्बु स्मरमकरसंभुक्त्तविभवम् ।
१२२३२ विदर्भाणां भूरि प्रियतमपरीरम्भरभस प्रसङ्गादेङ्गानि द्विगुणपुलकासञ्जि तनुते ॥
१२२४१ अनन्यशोभाभिभवेयमाकृतिर्विमानना सुभ्रु कुतः पितुर्गृहे ।
१२२४२ पराभिमर्शो न तवास्ति कः करं प्रसारयेत्पन्नगरत्नसूचये ॥
१२२५१ अनन्यसाधारणकान्तिकान्त तनोरमुष्याः किमु मध्यदेशः ।
१२२५२ जगत्त्रयीजन्मभृतां निषण्णा चित्तावलीयं त्रिवलीमिषेण ॥
१२२६१ अनन्यसाधारणसौरभान्वितं दधानमत्युज्ज्वलपुष्पसंपदः ।
१२२६२ न चम्पकं भृङ्गगणः सिषेवे कथं सुगन्धेर्मलिनात्मनां रतिः ॥
१२२७१ अनन्यसामान्यतया प्रसिद्धस्त्यागीति गीतो जगतीतले यः ।
१२२७२ अभूदहंपूर्विकया गतानामतीव भूमिः स्मरमार्गणानाम् ॥
१२२८१ अनन्यालम्बनत्वेन प्रेम भागवतं भज ।
१२२८२ नृणां प्रेमेति का मात्रा प्राप्तं प्रेम प्रभोर्यदि ॥
१२२९१ अनन्याश्चिन्तयन्तो मां ये जनाः पर्युंपासते ।
१२२९२ तेषां नित्याभियुक्तानां योगक्षेमं वहाम्यहम् ॥
१२३०१ अनन्याश्रितचित्तेन सेवितोऽपि च वारिदः ।
१२३०२ सिंञ्चेन्न चेत्तदा मन्ये चातकस्यैव पातकम् ॥
१२३११ अनपेक्षितगुरुवचना सर्वान् ग्रन्थीन् विभेदयति सम्यक् ।
१२३१२ प्रकटयति पररहस्यं विमर्शशक्त्तिर्निजा जयति ॥
१२३२१ अनभिज्ञाय शास्त्रार्थान् पुरुषाः पशुबुद्धयः ।
१२३२२ प्रागल्भ्याद्वक्तुमिच्छन्ति मन्त्रेष्वभ्यन्तरीकृताः ॥
१२३३१ अनभिज्ञो गुणानां यो न भृत्यैः सोऽनुगम्यते ।
१२३३२ धनाढ्योऽपि कुलीनोऽपि क्रमायातोऽपि भूपतिः ॥
१२३४१ अनभिध्या परस्वेषु सर्वसत्त्वेषु सौहृदम् ।
१२३४२ कर्मणां फलमस्तीति त्रिविधं मनसा चरेत् ॥
१२३५१ अनभिलषतः श्रीलीलाब्जे परागविलेपनं त्रिदशकरिणः पातुं दानप्रवाहमवाञ्छतः ।
१२३५२ त्रिदशसुमनोगन्धासक्तिं विमुक्तवतः सखे बत खलु शिवा संतुष्टस्य द्विरेफ तव स्थितिः ॥
१२३६१ अनभ्यासहतोत्साहा परेण परिभूयते ।
१२३६२ या लज्जाजननी जाड्यात्किं तया मन्दविद्यया ॥
१२३७१ अनभ्यासहता विद्या हतो राजविरोधकृत् ।
१२३७२ जीवनार्थं हतं तीर्थं जीवनार्थं हतं व्रतम् ॥
१२३८१ अनभ्यासेन विद्यानामसंसर्गेण धीमताम् ।
१२३८२ अनिग्रहेण चाक्षाणां जायते व्यसनं नृणाम् ॥
१२३९१ अनभ्यासेन वेदानामाचारस्य च वर्जनात् ।
१२३९२ आलस्यादन्नदोषाच्च मृत्युर्विप्रान् जिघांसति ॥
१२४०१ अनम्यासैर्हता विद्या नित्यहासैर्हताः स्त्रियः ।
१२४०२ कुबीजेन हतं क्षेत्रं भृत्यदोषैर्हता नृपाः ॥
१२४११ अनभ्रवृष्टिः श्रवणामृतस्य सरस्वती विभ्रमजन्मभूमिः ।
१२४१२ वैदर्भरीतिः कृतिनामुदेति सौभाग्यलाभप्रतिभूः पदानाम् ॥
१२४२१ अनभ्रेविद्युतं दृष्ट्वा दक्षिणां दिशमाश्रिताम् ।
१२४२२ रात्राविन्द्रधनुश्चापि जीवितं द्वित्रिमासिकम् ॥
१२४३१ अनम्राक्रमणं शौर्यं धनं निजभुजार्जितं भार्या रूपानुरूपा च पुरुषस्येह युज्यते ॥
१२४३२ अन्यथा तु किमेतेन रूपेणापि . . .
१२४४१ अनयनपथे प्रिये न व्यथा यथा दृश्य एव दुष्प्रापे ।
१२४४२ म्लानैव केवलं निशि तपनशिला वासरे ज्वलति ॥
१२४५१ अनयश्च नयश्चापि दैवात्संपद्यते नरैः ।
१२४५२ तद्वशात्कुरुते कर्म शुभाशुभफलं पुमान् ॥
१२४६१ अनया कृतमन्यभुक्तया वसुधागोचरया विरक्तया ।
१२४६२ अतिशायि महेन्द्रयोषितां वपुषा किं न तवावरोधनम् ॥
१२४७१ अनया जघनाभोगभरमन्थरयानया ।
१२४७२ अन्यतोऽपि व्रजन्त्या मे हृदये निहितं पदम् ॥
१२४८१ अनया तव रूपसीमया कृतसंस्कारविबोधनस्य मे ।
१२४८२ चिरमप्यवलोकिताद्य सा स्मृतिमारूढवती शुचिस्मिता ॥
१२४९१ अनयानुक्रमणिकया मुक्तामणयो मयाभिहिताः ।
१२४९२ एकैकोऽपि हि भास्वान् किं पुनरेषां निगद्यते निकरः ॥
१२५०१ अनया रत्नसमृद्ध्या सागर लहलहसि किमिह लहरीभिः ।
१२५०२ त्वद्वल्लभा वराक्यो वहन्ति वर्षासु वारीणि ॥
१२५११ अनया सुरकाम्यमानया सह योगः सुलभस्तु न त्वया ।
१२५१२ घनसंवृतयाम्बुदागमे कुमुदेनेव निशाकरत्विषा ॥
१२५२१ अनयेनेव राज्यश्रीर्दैन्येनेव मनस्विता ।
१२५२२ मम्लौ साथ विषादेन पद्मिनीव हिमाम्भसा ॥
१२५३१ अनयोरनवद्याङ्गि स्तनयोर्जृम्भमाणयोः ।
१२५३२ अवकाशो न पर्याप्तस्तव बाहुलतान्तरे ॥
१२५४१ अनयो विनयस्तस्य विधिर्यस्यानुवर्तते ।
१२५४२ नयः सम्यक्प्रयुक्तोऽपि भाग्यहीनस्य दुर्नयः ॥
१२५५१ अनर्घ्यं सौन्दर्यं जगदुपरि माधुर्यलहरी परीतं सौरभ्यं दिशि दिशि रसैकव्यसनिता ।
१२५५२ इति प्रीत्यास्माभिस्त्वयि खलु रसाले व्यवसितं क एवं जानीते यदसि कटुकीटैरुपहतः ॥
१२५६१ अनर्घ्यमपि माणिक्यं हेमाश्रयमपेक्षते ।
१२५६२ अनाश्रया न शोभन्ते पण्डिता वनिता लताः ॥
१२५७१ अनर्घ्यलावण्यनिधानभूमिर्न कस्य लोभं लटभा तनोति ।
१२५७२ अवैमि पुष्पायुधयामिकोऽस्यामविश्वसन्न क्षणमेति निद्राम् ॥
१२५८१ अनर्घ्याण्यपि रत्नानि लभ्यन्ते विभवैः सुखम् ।
१२५८२ दुर्लभो रत्नकोट्यापि क्षणोऽपि हि गतायुषः ॥
१२५९१ अनर्थकं विप्रवासं गृहेभ्यः पापैः संधिं परदाराभिमर्शम् ।
१२५९२ दम्भं स्तैन्यं पैशुनं मद्यपानं न सेवते यः स सुखी सदैव ॥
१२६०१ अनर्थमकरागारादस्मात्संसारसागरात् ।
१२६०२ उड्डीयते निरुद्वेगं सर्वत्यागेन पुत्रक ॥
१२६११ अनर्थमर्थतः पश्यन्नर्थं चैवाप्यनर्थतः ।
१२६१२ इन्द्रियैः प्रसृतो बालः सुदुःखं मन्यते सुखम् ॥
१२६२१ अनर्थां श्चार्थरूपेण अर्थांश्चानर्थरूपतः ।
१२६२२ अर्थायैव हि केषांचिद्धननाशो भवत्युत ॥
१२६३१ अनर्था ह्यर्थरूपाश्च अर्थाश्चानर्थरूपिणः ।
१२६३२ भवन्ति ते विनाशाय दैवायत्तस्य रोचते ॥
१२६४१ अनर्थितर्पणं वित्तं चित्तमध्यानदर्पणम् ।
१२६४२ अतीर्थसर्पणं देहं पर्यन्ते शोच्यतां व्रजेत् ॥
१२६५१ अनर्थित्वान्मनुष्याणां भयात्परिजनस्य च ।
१२६५२ मर्यादायाममर्यादाः स्त्रियस्तिष्ठन्ति भर्तृषु ॥
१२६६१ अनर्थे चैव निरतमर्थे चैव पराङ्मुखम् ।
१२६६२ न तं भर्तारमिच्छन्ति षण्ढं पतिमिव स्त्रियः ॥
१२६७१ अनर्थोऽप्यर्थरूपेण तथार्थोऽनर्थरूपभाक् ।
१२६७२ उत्पद्यते विनाशाय तस्मादुक्तं परीक्षयेत् ॥
१२६८१ अनलंकृतोऽपि माधव हरसि मनो मे सदा प्रसभम् ।
१२६८२ किं पुनरलंकृतस्त्वं संप्रति नखरक्षतैस्तस्याः ॥
१२६९१ अनलः शीतनाशाय विषनाशाय गारुडम् ।
१२६९२ विवेको दुःखनाशाय सर्वनाशाय दुर्मतिः ॥
१२७०१ अनलः सलिलाज्जातः कार्त्तिकेयोऽपि वह्नितः ।
१२७०२ गूढं हि महतां जन्म परिच्छेत्तुं क ईश्वरः ॥
१२७११ अनलसजवापुष्पोत्पीडच्छवि प्रथमं ततः समदयवनीगण्डच्छायं पुनर्मधुपिङ्गलम् ।
१२७१२ तदनु च नवस्वर्णादर्शप्रभं शशिनस्ततस्तरुणतगराकारं बिम्बं विभाति नभस्तले ॥
१२७२१ अनलस्तम्भनविद्यां सुभग भवान्नियतमेव जानाति ।
१२७२२ मन्मथशराग्नितप्ते हृदि मे कथमन्यथा वससि ॥
१२७३१ अनल्पं जल्पन्तः कति बत गता नो यमपुरं पुरस्तादस्माकं विधृतनयना व्यात्तवदनाः ।
१२७३२ अतीता यद्येवं न हि निजहितं चेतसि वयं वहामो हा मोहाद्विषयविषजातादवसिताः ॥
१२७४१ अनल्पं संतापं शमयति मनोजन्मजनितं तथा शीतं स्फीतं हिमवति निशीथे ग्लपयति ।
१२७४२ तदेवं कोऽप्यूष्मा रमणपरिरम्भोत्सवमिलत्पुरन्ध्रीनीरन्ध्रस्तनकलशजन्मा विजयते ॥
१२७५१ अनल्पचिन्ताभरमोहनिश्चला विलोक्यमानैव करोति साध्वसम् ।
१२७५२ स्वभावशोभानतिमात्रभूषणा तनुस्तवेयं बत किं नु सुन्दरि ॥
१२७६१ अनल्पत्वात्प्रधानत्वाद्वंशस्येवेतरे स्वराः ।
१२७६२ विजिगीषोर्नृपतयः प्रयान्ति परिवारताम् ॥
१२७७१ अनवद्यमवद्यं स्याद्वारुणीलेशमात्रतः ।
१२७७२ तद्वच्छिष्यो विरुद्धार्थाद्विगुरोरेव नश्यति ॥
१२७८१ अनवरतकनकवितरण जललवभृतकरतरङ्गितार्थिततेः ।
१२७८२ भणितिरिव मतिर्मतिरिव चेष्टा चेष्टेव कीर्तिरतिविमला ॥
१२७९१ अनवरतधनुर्ज्यास्फालनक्रूरपूर्वं रविकिरणसहिष्णु स्वेदलेशैरभिन्नम् ।
१२७९२ अपचितमपि गात्रं व्यायतत्वादलक्ष्यं गिरिचर इव नागः प्राणसारं बिभर्ति ॥
१२८०१ अनवरतनयनविगलित जललवघटिताक्षसूत्रवलयेन ।
१२८०२ मृत्युंजयमिव जपति त्वद्गोत्रं विरहिणी बाला ॥
१२८११ अनवरतनयनविगलित जललवपरिमुषितपत्त्रलेखान्तम् ।
१२८१२ करतलनिषण्णमबले वदनमिदं कं न तापयति ॥
१२८२१ अनवरतपरोपकरण व्यग्रीभवदमलचेतसां महताम् ।
१२८२२ आपातकाटवानि स्फुरन्ति वचनानि भेषजानीव ॥
१२८३१ अनवरतरसेन रागभाजा करजपरिक्षतिलब्धसंस्तवेन ।
१२८३२ सपदि तरुणपल्लवेन वध्वा विगतदयं खलु खण्डितेन मम्ले ॥
१२८४१ अनवसरे च यदुक्त्तं सुभाषितं तच्च भवति हास्याय ।
१२८४२ रहसि प्रौढवधूनां रतिसमये वेदपाठ इव ॥
१२८५१ अनवस्थितचित्तस्य न जने न वने सुखम् ।
१२८५२ जने दहति संसर्गो वने सङ्गविवर्जनम् ॥
१२८६१ अनवस्थितचित्तानां प्रसादोऽपि भयंकरः ।
१२८६२ सर्पी हन्ति किल स्नेहादपत्यानि न वैरतः ॥
१२८७१ अनवहितः किमशक्त्तो विबुधैरभ्यर्थितः किमतिरसिकः ।
१२८७२ सर्वंकषोऽपि कालस्तिरयति सूक्तानि न कवीनाम् ॥
१२८८१ अनवाप्यं च शोकेन शरीरं चोपतप्यते ।
१२८८२ अमित्राश्च प्रहृष्यन्ति मा स्म शोके मनः कृथाः ॥
१२८९१ अनवेक्षितमर्यादं नास्तिकं विप्रलुम्पकम् ।
१२८९२ अरक्षितारमत्तारं नृपं विद्यादधोगतिम् ॥
१२९०१ अनव्यये व्ययं याति व्यये याति सुविस्तृतिम् ।
१२९०२ अपूर्वस्तव कोशोऽयं विद्याकोशेषु भारति ॥
१२९११ अनसि सीदति सैकतवर्त्मनि प्रचुरभारभरक्षपितौक्षके ।
१२९१२ गुरुभरोद्धरणोद्धुरकंधरं स्मरति सारथिरेष धुरंधरम् ॥
१२९२१ अनसूयः कृतप्रज्ञः शोभनान्याचरन् सदा ।
१२९२२ अकृच्छ्रात्सुखमाप्नोति सर्वत्र च विराजते ॥
१२९३१ अनसूया क्षमा शान्तिः संतोषः प्रियवादिता ।
१२९३२ कामक्रोधपरित्यागः शिष्टाचारनिदर्शनम् ॥
१२९४१ अनसूयार्जवं शौचं संतोषः प्रियवादिता ।
१२९४२ दमः सत्यमनायासो न भवन्ति दुरात्मनाम् ॥
१२९५१ अनस्तमितसारस्य तेजसस्तद्विजृम्भितम् ।
१२९५२ येन पाषाणखण्डस्य मूल्यमल्पं वसुंधरा ॥
१२९७१ अनाकलितमानुष्याः क्षमासंस्पर्शवर्जिताः ।
१२९७२ प्रतिबुद्धैर्न सेव्यन्ते पूर्वदेवविरोधिनः ॥
१२९८१ अनाकाशे चन्द्रः सरसिजदलद्वन्द्वसहितो गृहीतः पश्चार्धे कुटिलकुटिलैः सोऽपि तिमिरैः ।
१२९८२ सुधां मुञ्चत्युच्चैरनिशमथ संमोहजननीं किमुत्पातालीयं वदत जगतः कर्तुमुदिता ॥
१२९९१ अनाकूतैरेव प्रियसहचरीणां शिशुतया वचोभिः पाञ्चालीमिथुनमधुना संगमयितुम् ।
१२९९२ उपादत्ते नो वा विरमति न वा केवलमियं कपोलौ कल्याणी पुलकमुकुलैर्दन्तुरयति ॥
१३००१ अनाकृष्टस्य विषयैर्विद्यानां पारदृश्वनः ।
१३००२ तस्य धर्मरतेरासीद्वृद्धत्वं जरसा विना ॥
१३०११ अनागतं भयं दृष्ट्वा नीतिशास्त्रविशारदः ।
१३०१२ अवसन्मूषकस्तत्र कृत्वा शतमुखं बिलम् ॥
१३०२१ अनागतं यः कुरुते स शोभते स शोचते यो न करोत्यनागतम् ।
१३०२२ वने वसन्नेव जरामुपागतो बिलस्य वाचा न कदापि हि श्रुता ॥
१३०३१ अनागतं हि बुध्येत यच्च कार्यं पुरः स्थितम् ।
१३०३२ न तु बुद्धिक्षयात्किंचिदतिक्रामेत्प्रयोजनम् ॥
१३०४१ अनागतवर्तीं चिन्तां कृत्वा यस्तु प्रहृष्यति ।
१३०४२ स तिरस्कारमाप्नोति भग्नभाण्डो द्विजो यथा ॥
१३०५१ अनागतवतीं चिन्तां यो नरः कर्तुमिच्छति ।
१३०५२ स भूमौ पाण्डुरः शेते सोमशर्मपिता यथा ॥
१३०६१ अनागतविधाता च प्रत्युत्पन्नमतिश्च यः ।
१३०६२ द्ववेव सुखमेधेते दीर्घसूत्री विनश्यति ॥
१३०७१ अनागतविधातारमप्रमत्तमकोपनम् ।
१३०७२ स्थिरारम्भमदीनं च नरं श्रीरुपतिष्ठति ॥
१३०८१ अनागतविधानं च कर्तव्यं विषये नृपैः ॥
१३०८२ आगमश्चापि कर्तव्यस्तथा दोषो न जायते ॥
१३०९१ अनागतविधानं तु कर्तव्यं शुभमिच्छता ।
१३०९२ आपदं शङ्कमानेन पुरुषेण विपश्चिता ॥
१३१०१ अनागतोपधं हिंस्रं दुर्बुद्धिमबहुश्रुतम् ।
१३१०२ त्यक्त्तोपात्तं मद्यपानद्यूतस्त्रीमृगयाप्रियम् ॥
१३१०३ कार्ये महति युञ्जानो हीयतेऽर्थपतिः श्रिया ॥
१३१११ अनाघ्रातं पुष्पं किसलयमलूनं कररुहैरनाविद्धं रत्नं मधु नवमनास्वादितरसम् ।
१३११२ अखण्डं पुण्यानां फलमिव च तद्रूपमनघं न जाने भोक्त्तारं कमिह समुपस्थास्यति विधिः ॥
१३१२१ अनातपत्रोऽप्ययमत्र लक्ष्यते सितातपत्रैरिव सर्वतो वृतः ।
१३१२२ अचामरोऽप्येष सदैव वीज्यते विलासबालव्यजनेन कोऽप्ययम् ॥
१३१३१ अनातुरोत्कण्ठितयोः प्रसिध्यता समागमेनापि रतिर्न मां प्रति ।
१३१३२ परस्परप्राप्तिनिराशयोर्वरं शरीरनाशोऽपि समानुरागयोः ॥
१३१४१ अनात्मवान्नयद्वेषी वर्धयन्नरिसंपदः ।
१३१४२ प्राप्यापि महदैश्वर्यं सह तेन विनश्यति ॥
१३१५१ अनाथानां दरिद्राणां बालवृद्धतपस्विनाम् ।
१३१५२ अन्यायपरिभूतानां सर्वेषां पार्थिवो गतिः ॥
१३१६१ अनाथानां नाथो गतिरगतिकानां व्यसनिनां विनेता भीतानामभयमधृतीनां भरवशः ।
१३१६२ सुहृद्बन्धुः स्वामी शरणमुपकारी वरगुरुः पिता माता भ्राता जगति पुरुषो यः स नृपतिः ॥
१३१७१ अनाथान् रोगिणो यश्च पुत्रवत्परिपालयेत् ।
१३१७२ गुरुणा समनुज्ञातः स भिषक्च्छब्दमश्नुते ॥
१३१८१ अनादरपरो विद्वानीहमानः स्थिरां श्रियम् ।
१३१८२ अग्नेः शेषमृणाच्छेषं शत्रोः शेषं न शेषयेत् ॥
१३१९१ अनादरहतां सेवां दाम्पत्यं प्रेमवर्जितम् ।
१३१९२ मैत्रीं च हेतुसापेक्षां चे तना नाधिकुर्वते ॥
१३२०१ अनादरालोकविवृद्धशोकः पितुः प्रियावाक्यवशंगतस्य ।
१३२०२ औत्तानपादिर्जगतां शरण्यमाराध्य विष्णुं पदमग्र्यमायात् ॥
१३२११ अनादायी व्ययं कुर्यादसहायी रणप्रियः ।
१३२१२ आतुरः सर्वभक्षी च नरः शीघ्रंविनश्यति ॥
१३२२१ अनादिधाविस्वपरंपराया हेतुस्रजः स्रोतसि वेश्वरे वा ।
१३२२२ आयत्तधीरेष जनस्तदार्याः किमीदृशः पर्यनुयोगयोग्यः ॥
१३२३१ अनादिष्टोपि भूपस्य दृष्ट्वा हानिकरं च यः ।
१३२३२ यतते तस्य नाशाय स भृत्योऽर्हो महीभुजाम् ॥
१३२४१ अनादृत्यौचित्यं ह्रियमविगणय्यातिमहतीं यदेतस्याप्यर्थे धनलवदुराशातरलिताः ।
१३२४२ अलीकाहंकारज्वरकुटिलितभ्रूणि धनिनां मुखानि प्रेक्ष्यन्ते धिगिदमतिदुष्पूरमुदरम् ॥
१३२५१ अनादेयं नाददीत परिक्षीणोऽपि पार्थिवः ।
१३२५२ न चादेयं समृद्धोऽपि सूक्ष्ममप्यर्थमुत्सृजेत् ॥
१३२६१ अनादेयस्य चादानादादेयस्य च वर्जनात् ।
१३२६२ दौर्बल्यं ख्याप्यते राज्ञः स प्रेत्येह च नश्यति ॥
१३२७१ अनाद्यन्ता तु सा तृष्णा अन्तर्देहगता नृणाम् ।
१३२७२ विनाशयति संभूता अयोनिज इवानलः ॥
१३२८१ अनाप्तपुण्योपचयैर्दुरापा फलस्य निर्धूतरजाः सवित्री ।
१३२८२ तुल्या भवद्दर्शनसंपदेषा वृष्टेर्दिवो वीतबलाहकायाः ॥
१३२९१ अनाम्नायमला वेदा ब्राह्मणस्याव्रतं मलम् ।
१३२९२ मलं पृथिव्या वाहीकाः पुरुषस्यानृतं मलम् ॥
१३३०१ अनायका विनश्यन्ति नश्यन्ति बहुनायकाः ।
१३३०२ स्त्रीनायका विनश्यन्ति नश्यन्ति शिशुनायकाः ॥
१३३११ अनायके न वस्तव्यं न वसेद्बहुनायके ।
१३३१२ स्त्रीनायके न वस्तव्यं न वसेद्बालनायके ॥
१३३२१ अनायव्ययकर्ता च अनाथः कलहप्रियः ।
१३३२२ आतुरः सर्वभक्षी च नरः शीघ्रं विनश्यति ॥
१३३३१ अनायासकृशं मध्यमशङ्कतरले दृशौ ।
१३३३२ अभूषणमनोहारि वपुर्वयसि सुभ्रुवः ॥
१३३४१ अनायि देशः कतमस्त्वयाद्य वसन्तमुक्तस्य दशां वनस्य ।
१३३४२ त्वदाप्तसंकेततया कृतार्था श्रव्यापि नानेन जनेन संज्ञा ॥
१३३५१ अनारतं तेन पदेषु लम्भिता विभज्य सम्यग्विनियोगसत्क्रियाः ।
१३३५२ फलन्त्युपायाः परिबृंहितायतीरुपेत्य संघर्षमिवार्थसंपदः ॥
१३३६१ अनारतं प्रतिदिशं प्रतिदेशं जले स्थले ।
१३३६२ जायन्ते च म्रियन्ते च बुद्बुदा इव वारिणि ॥
१३३७१ अनारतपरिस्खलन्नयनवारिधाराशत प्रवृद्धपथनिम्नगासलिलरुद्धयानोद्यमा ।
१३३७२ त्वदीयरिपुकामिनी बहुविदेशयानैषिणी विनिन्दति वलद्दृशा गुरुरुषाश्रुपं प्रावृषम् ॥
१३३८१ अनारब्धाक्षेपं परमकृतवाष्पव्यतिकरं निगूढान्तस्तापं हृदयविनिपीतं व्यवसितम् ।
१३३८२ कृशाङ्ग्या यत्पापे व्रजति मयि नैराश्यपिशुनं श्लथैरङ्गैरुक्तं हृदयमिदमुन्मूलयति तत् ॥
१३३९१ अनारभ्या भवन्त्यर्थाः केचिन्नित्यं तथागताः ।
१३३९२ कृतः पुरुषकारोऽपि भवेद्येषु निरर्थकः ॥
१३४०१ अनारम्भस्तु कार्याणां प्रथमं बुद्धिलक्षणम् ।
१३४०२ आरब्धस्यान्तगमनं द्वितीयं बुद्धिलक्षणम् ॥
१३४११ अनाराध्य कालीमनास्वाद्य गौडी मृते मन्त्रतन्त्राद्विना शब्दचौर्यात् ।
१३४१२ प्रबन्धं प्रगल्भं प्रकर्तुं प्रवक्तुं विरिञ्चिप्रपञ्चे मदन्यः कविः कः ॥
१३४२१ अनारोग्यमनायुष्यमस्वर्ग्यं चातिभोजनम् ।
१३४२२ अपुण्यं लोकविद्विष्टं तस्मात्तत्परिवर्जयेत् ॥
१३४३१ अनार्यता निष्ठुरता क्रूरता निष्क्रियात्मता ।
१३४३२ पुरुषं व्यञ्जयन्तीह लोके कलुषयोनिजम् ॥
१३४४१ अनार्यप्रज्ञानामिह जनवधूनां हि मनसो महाशल्यं कर्णे तव कनकजम्बूकिसलयः ।
१३४४२ भ्रमन् भिक्षाहेतोरधिनगरि बुद्धोऽसि न मया ? त्वयैतावद्वेषः पथिक न विधेयः पुनरपि ॥
१३४५१ अनार्यमप्याचरितं कुमार्या भवान्मम क्षाम्यतु सौम्य तावत् ।
१३४५२ हंसोऽपि देवांशतयासि वन्द्यः श्रीवत्सलक्ष्मेव हि मत्स्यमूर्तिः ॥
१३४६१ अनार्यवृत्तमप्राज्ञमसूयकमधार्मिकम् ।
१३४६२ अनर्थाः क्षिप्रमायान्ति वाग्दुष्टं क्रोधनं तथा ॥
१३४७१ अनार्येण कृतघ्नेन संगतिर्मे न युज्यते ।
१३४७२ विनाशमपि काङ्क्षन्ति ज्ञातीनां ज्ञातयः सदा ॥
१३४८१ अनालोक्य व्ययं कर्त्ता अनाथः कलहप्रियः ।
१३४८२ आतुरः सर्वक्षेत्रेषु नरः शीघ्रं विनश्यति ॥
१३४९१ अनालोच्य प्रेम्णः परिणतिमनादृत्य सुहृदस्त्वयाकाण्डे मानः किमिति सरले संप्रति कृतः ।
१३४९२ समाकृष्टा ह्येते प्रलयदहनोद्भासुरशिखाः स्वहस्तेनाङ्गारास्तदलमधुनारण्यरुदितैः ॥
१३५०१ अनावर्ती कालो व्रजति स वृथा तन्न गणितं दशास्तास्ताः सोढा व्यसनशतसंपातविधुराः ।
१३५०२ कियद्वा वक्ष्यामः किमिव बत नात्मन्युपकृतं वयं यावत्तावत्पुनरपि तदेव व्यवसितम् ॥
१३५११ अनावर्जितचित्तापि ध्रुवं सर्वान् प्रधावति ।
१३५१२ फलं न लभते किंचित्तृष्णा जीर्णेव कामिनी ॥
१३५२१ अनाविलं फलं भुङ्क्ते विषयाणामनुत्सुकः ।
१३५२२ उत्सुको लब्धरोकेण तत्र शोकेन शीर्यते ॥
१३५३१ अनावृतनवद्वारपञ्जरे विहगानिलः ।
१३५३२ यत्तिष्ठति तदाश्चर्यं वियोगे तस्य का कथा ॥
१३५४१ अनावृताः स्ववर्णेषु सर्वसाधारणाः पुरा ।
१३५४२ नार्यो बभूवुर्निर्वैरो यतः सर्वोऽभवज्जनः ॥
१३५५१ अनावृष्टिहते देशे सस्ये च प्रलयं गते ।
१३५५२ धन्यास्तात न पश्यन्ति देशभङ्गं कुलक्षयम् ॥
१३५६१ अनाश्रिता दानपुण्यं वेदपुण्यमनाश्रिताः ।
१३५६२ रागद्वेषविनिर्मुक्ता विचरन्तीह मोक्षिणः ॥
१३५७१ अनाश्रिते दृप्तगुरौ अवज्ञां कलयेन्नृपः ।
१३५७२ संवर्तेन मरुत्तस्तु निरस्तमकरोद्गुरुम् ॥
१३५८१ अनास्था वस्तूनामभिमतगुणानामुपहृतौ घनो गर्वस्तन्व्या रुषि च विहिताडम्बरविधिः ।
१३५८२ प्रहारः पादाभ्यां यमनमपि काञ्च्या चरणयोः प्रियाया विब्बोकं तदिदमिति धन्योऽनुभवति ॥
१३५९१ अनास्वादितसंभोगाः पतन्तु तव शत्रवः ।
१३५९२ बालवैधव्यदग्धानां कुलस्त्रीणां स्तना इव ॥
१३६०१ अनास्वाद्यमविक्रेयमनादेयमनीप्सितम् ।
१३६०२ दत्तं निरुपकारं यद्वन्ध्यदानेन तेन किम् ॥
१३६११ अनाहिताग्निः शतगुरयज्वा च सह्स्रगुः ।
१३६१२ सुरापो वृषलीभर्ता ब्रःमहा गुरुतल्पगः ॥
१३६२१ असत्प्रतिग्रहे युक्त्तः स्तेनः कुत्सितयाजकः ।
१३६२२ अदोषस्त्यक्तुमन्योन्यं कर्मसंकरनिश्चयात् ॥
१३६३१ अनाहूतः प्रविशति अपृष्टो बहु भाषते ।
१३६३२ विश्वसित्यप्रमत्तेषु मूढचेता नराधमः ॥
१३६३ १ अनाहूतः समायातः अनापृष्टस्तु भाषते ।
१३६३ २ परनिन्दात्मनः स्तुतिश्चत्वारि लघुलक्षणम् ॥
१३६४१ अनाहूतप्रविष्टस्य दृष्टस्य क्रुद्धचक्षुषा ।
१३६४२ स्वयमेवोपविष्टस्य वरं मृत्युर्न भोजनम् ॥
१३६५१ अनहूताः स्वयं यान्ति रसास्वादविलोलुपाः ।
१३६५२ निवारिता न गच्छन्ति मक्षिका इव भिक्षुकाः ॥
१३६६१ अनाहूतो विशेद्यस्तु अपृष्टो बहु भाषते ।
१३६६२ आत्मानं मन्यते प्रीतं भूपालस्य स दुर्मतिः ॥
१३६७१ अनाह्वाने प्रवेशश्च अपृष्टे परिभाषणम् ।
१३६७२ आत्मस्तुतिः परे निन्दा चत्वारि लघुलक्षणम् ॥
१३६८१ अनिच्छतोऽपि दुःखानि यथेहायान्ति देहिनः ।
१३६८२ सुखान्यपि तथा मन्ये चिन्तादैन्येन को गुणः ॥
१३६९१ अनिःसरन्तीमपि गेहगर्भात्कीर्तिं परेषामसतीं वदन्ति ।
१३६९२ स्वैरं भ्रमन्तीमपि च त्रिलोक्यां त्वत्कीर्तिमाहुः कवयः सतीं तु ॥
१३७०१ अनिच्छन्तोऽपि विनयं विद्याभ्यासेन बालकाः ।
१३७०२ भेषजेनेव नैरुज्यं प्रापणीयाः प्रयत्नतः ॥
१३७११ अनिच्छन्नपि चित्तेन विदेशस्थोऽपि मानवः ।
१३७१२ स्वकर्मोत्पातवातेन नीयते यत्र तत्फलम् ॥
१३७२१ अनिज्यया विवाहैश्च वेदस्योत्सादनेन च ।
१३७२२ कुलान्यकुलतां यान्ति धर्मस्यातिक्रमेण च ॥
१३७३१ अनित्यं निस्राणं जननमरणव्याधिकलितं जगन्मिथ्यात्वार्थैरहमहमिकालिङ्गितमिदम् ।
१३७३२ विचिन्त्यैवं सन्तो विमलमनसो धर्ममतयस्तपः कर्तुं वृत्तास्तदपसृतये जैनमनघम् ॥
१३७४१ अनित्यं यौवनं रूपं जीवितं द्रव्यसंचयः ।
१३७४२ ऐश्वर्यं प्रियसंवासो गृध्येदेषु न पण्डितः ॥
१३७५१ अनित्यतासमाख्यानं विषयादिविडम्बनम् ।
१३७५२ पश्चात्तापस्य कथनं कालस्य चरितं तथा ॥
१३७६१ अनित्यते जगन्निन्द्ये वन्दनीयासि संप्रति ।
१३७६२ या करोषि प्रसङ्गेन दुःखानामप्यनित्यताम् ॥
१३७७१ अनित्यत्वे कृतमतिर्म्लानमाल्येन शोचति ।
१३७७२ नित्यत्वे कृतबुद्धिस्तु भिन्नभाण्डेऽनुशोचति ॥
१३७८१ अनित्यमिति जानन्तो न भवन्ति भवन्ति च ।
१३७८२ अथ येनैव कुर्वन्ति नैव जातु भवन्ति ते ॥
१३७९१ अनित्यस्य शरीरस्य सर्वदोषमयस्य च ।
१३७९२ दुर्गन्धस्य च रक्षार्थं नाहं पापं करोमि वै ॥
१३८०१ अनित्यानि शरीराणि विभवो नैव शाश्वतः ।
१३८०२ नित्यं संनिहितो मृत्युः कर्तव्यो धर्मसंग्रहः ॥
१३८११ अनित्ये प्रियसंवासे संसारे चक्रवद्गतौ ।
१३८१२ पथि संगतमेवैतद्भ्राता माता पिता सखा ॥
१३८२१ अनित्यो विजयो यस्माद्दृश्यते युध्यमानयोः ।
१३८२२ पराजयश्च संग्रामे तस्माद्युद्धं विवर्जयेत् ॥
१३८३१ अनिद्रो दुःस्वप्नः प्रपतनमनद्रि द्रुमतटं जराहीनः कम्पस्तिमिररहितस्त्राससमयः ।
१३८३२ अनाघातं दुःखं विगतनिगडो बन्धनविधिः सजीवं जन्तूनां मरणमवनीशाश्रयरसः ॥
१३८४१ अनिधाय मुखे पत्रं पूगं खादति यो नरः ।
१३८४२ सप्तजन्मदरिद्रत्वमन्ते विष्णुस्थितिश्च न ॥
१३८५१ अनिन्दा परकृत्येषु स्वधर्मपरिपालनम् ।
१३८५२ कृपणेषु दयालुत्वं सर्वत्र मधुरा गिरः ॥
१३८६१ प्राणैरप्युपकारित्वं मित्रायाव्यभिचारिणे ।
१३८६२ गृहागते परिष्वङ्गः शक्त्या दानं सहिष्णुता ॥
१३८७१ बन्धुभिर्बद्धसंयोगः सुजने चतुरश्रता ।
१३८७२ तच्चित्तानुविधायित्वमिति वृत्तं महात्मनाम् ॥
१३८८१ अनिन्द्यमपि निन्दन्ति स्तुवन्त्यस्तुत्यमुच्चकैः ।
१३८८२ स्वापतेयकृते मर्त्याः किं किं नाम न कुर्वते ॥
१३८९१ अनिबन्धनकचबन्धनमनिदानं दानमुत्तरीयस्य ।
१३८९२ आकस्मिकमन्दस्मितमपहस्तयतीव बाल्यमेतस्याः ॥
१३९०१ अनिभालित एव केवलं खनिगर्भे निधिरेष जीर्यतु ।
१३९०२ न तु सीदतु मूल्यहानितो वणिजालोकनगोचरीकृतः ॥
१३९११ अनिमिषमविरामा रागिणां सर्वरात्रं नवनिधुवनलीलाः कौतुकेनातिवीक्ष्य ।
१३९१२ इदमुदवसितानामस्फुटालोकसंपन्नयनमिव सनिद्रं घूर्णते दैपमर्चिः ॥
१३९२१ अनियतरुदितस्मितं विराजत्कतिपयकोमलदन्तकुड्मलाग्रम् ।
१३९२२ वदनकमलकं शिशोः स्मरामि स्खलदसमञ्जसमुग्धजल्पितं ते ॥
१३९३१ अनियुक्ता हि साचिव्ये यद्वदन्ति मनीषिणः ।
१३९३२ अनुरागद्रवस्यैताः प्रणयस्यातिभूमयः ॥
१३९४१ अनिराकृततापसंपदं फलहीनां सुमनोभिरुज्झिताम् ।
१३९४२ खलतां खलनामिवासतीं प्रतिपद्येत कथं बुधो जनः ॥
१३९५१ अनिरीक्षणमेव दृष्टिरार्द्रा परिहासालपनानि मौनमेव ।
१३९५२ अवधीरणमेव चाभियोगो विनिगूढोऽपि हि लक्ष्यतेऽनुरागः ॥
१३९६१ अनिर्घातं धाराधरमशमनीयं निधिरपामकाठिन्यं चिन्तामणिमजडभूतं सुरतरुम् ।
१३९६२ अभित्त्वोपादाय प्रभुरपशुवृत्तिं च सुरभिं परार्थैकस्वार्थानकृत पुरुषानादिपुरुषः ॥
१३९७१ अनिर्जयेन द्विषतां यस्यामर्षः प्रशाम्यति ।
१३९७२ पुरुषोक्तिः कथं तस्मिन् ब्रूहि त्वं हि तपोधन ॥
१३९८१ कृतं पुरुषशब्देन जातिमात्रावलम्बिना ।
१३९८२ योऽङ्गीकृतगुणैः श्लाध्यः सविस्मयमुदाहृतः ॥
१३९९१ ग्रसमानमिवौजांसि सदसा गौरवेरितम् ।
१३९९२ नाम यस्याभिननदन्ति द्विषोऽपि स पुमान्पुमान् ॥
१४००१ अनिर्दयोपभोगस्य रूपस्य मृदुनः कथम् ।
१४००२ कठिनं खलु ते चेतः शिरीषस्येव बन्धनम् ॥
१४०११ अनिर्लोडितकार्यस्य वाग्जालं वाग्मिनो वृथा ।
१४०१२ निमित्तादपराद्धेषोर्धानुष्कस्येव वल्गितम् ॥
१४०२१ अनिर्वाच्यमनिर्भिन्नमपरिच्छिन्नमव्ययम् ।
१४०२२ ब्रह्मेव सुजनप्रेम दुःखमूलनिकृन्तनम् ॥
१४०३१ अनिर्वृतं तथा मन्दं परलोकपराङ्मुखम् ।
१४०३२ नरकाय न सद्गत्यं कुपुत्रालम्बिजन्म वै ॥
१४०४१ अनिर्वेदः श्रियो मूलं चञ्चुर्मे लोहसंनिभा ।
१४०४२ अहोरात्राणि दीर्घाणि समुद्रः किं न शुष्यति ॥
१४०५१ अनिर्वेदः श्रियो मूलं दुःखनाशे सुखस्य च ।
१४०५२ महान् भवत्यनिर्विण्णः सुखं चात्यन्तमश्नुते ॥
१४०६१ अनिर्वेदः श्रियो मूलमनिर्वेदः परं सुखम् ।
१४०६२ अनिर्वेदो हि सततं सर्वार्थेषु प्रवर्तकः ॥
१४०७१ अनिर्वेदो हि सततं सर्वार्थेषु प्रवर्तकः ।
१४०७२ करोति सफलं जन्तोः कर्म यच्च करोति सः ॥
१४०८१ अनिल निखिलविश्वं प्राणिति त्वत्प्रयुक्तं सपदि च विनिमीलत्याकुलं त्वद्वियोगात् ।
१४०८२ वपुरसि परमेशस्याचितं नोचितं ते सुरभिमसुरभिं वा यत्समं स्वीकरोषि ॥
१४०९१ अनिशं नयनाभिरामया रमया संमदिनो मुखस्य ते ।
१४०९२ निशि निःसरदिन्दिरं कथं तुलयामः कलयापि पङ्कजम् ॥
१४१०१ अनिशं मतङ्गजानां बृंहितमाकर्ण्यते यथा विपिने ।
१४१०२ मन्ये तथा न जीवति गजेन्द्रपलकवलनः सिंहः ॥
१४१११ अनिशमपि मकरकेतुर्मनसो रुजमावहन्नभिमतो मे ।
१४११२ यदि मदिरायतनयनां तामधिकृत्य प्रहरतीति ॥
१४१२१ अनिश्चितैरध्यवसायभीरुभिर्यथेष्टसंलापरतिप्रयोजनैः ।
१४१२२ फले विसंवादमुपागता गिरः प्रयान्ति लोके परिहासवस्तुताम् ॥
१४१३१ अनिष्टः कन्यकाया यो वरो रूपान्वितोऽपि यः ।
१४१३२ यदि स्यात्तस्य नो देया कन्या श्रेयोऽभिवाञ्छता ॥
१४१४१ अनिष्टदः क्षितीशानां भूकम्पः संध्ययोर्द्वयोः ।
१४१४२ दिग्दाहः पीतवर्णत्वाद्राज्ञां चानिष्टदः परः ॥
१४१५१ अनिष्टयोगात्प्रियविप्रयोगतः परापमानाद्धनहीनजीवितात् ।
१४१५२ अनेकजन्मव्यसनप्रबन्धतो बिभेति नो यस्तपसो बिभेति सः ॥
१४१६१ अनिष्टसम्प्रयोगाच्च विप्रयोगात्प्रियस्य च ।
१४१६२ मानुषा मानसैर्दुःखैर्युज्यन्ते अल्पबुद्धयः ॥
१४१७१ अनिष्टादिष्टलाभेऽपि न गतिर्जायते शुभा ।
१४१७२ यत्रास्ते विषसंसर्गोऽमृतं तदपि मृत्यवे ॥
१४१८१ अनिष्पन्नामपि क्रियां नयोपेतां विचक्षणाः ।
१४१८२ फलदां हि प्रकुर्वन्ति महासेनापतिर्यथा ॥
१४१९१ अनीर्ष्याः श्रोतारो मम वचसि चेद्वच्मि तदहं स्वपक्षाद्भेतव्यं बहु न तु विप्रपक्षात्प्रभवतः ।
१४१९२ तमस्याक्रान्तशे कियदपि हि तेजोवयविनः स्वशक्त्या भासन्ते दिवसकृति सत्येव न पुनः ॥
१४२०१ अनीर्ष्युर्गुप्तदारः स्याच्चोक्षः स्यादघृणी नृपः ।
१४२०२ स्त्रियं सेवेत नात्यर्थं मृष्टं मुञ्जीत नाहितम् ॥
१४२११ अनीर्ष्युर्गुप्तदारः स्यात्संविभागी प्रियंवदः ।
१४२१२ श्लक्ष्णो मधुरवाक्स्त्रीणां न चासां वशगो भवेत् ॥
१४२२१ अनीशाय शरीरस्य हृदयं स्ववशं मयि ।
१४२२२ स्तनकम्पक्रियालक्ष्यैर्न्यस्तं निःश्वसितैरिव ॥
१४२३१ अनीश्वरोऽयं पुरुषो भवाभवे सूत्रप्रोता दारुमयीव योषा ।
१४२३२ धात्रा तु दिष्टस्य वशे किलायं तस्माद्वद त्वं श्रवणे ध्र्तोऽहम् ॥
१४२४१ अनुकर्तुमपह्नोतुमतिवर्तितुमीक्षितुम् ।
१४२४२ अशक्ये तेजसां पत्यौ मित्रतानुमतिक्षमा ॥
१४२५१ अनुकुरुतः खलसुजनावग्रिमपाश्चात्यभागयोः सूच्याः ।
१४२५२ विदधाति रन्ध्रमेको गुणवानन्यस्त्वपिदधाति ॥
१४२६१ अनुकूलकलत्रो यस्तस्य स्वर्ग इहैव हि ।
१४२६२ प्रतिकूलकलत्रस्य नरको नात्र संशयः ॥
१४२७१ अनुकूलमर्थ्यमविरोधि हितं श्रवणीयमागमरहस्ययुतम् ।
१४२७२ वचनं मदीयमपकर्णयति क्व मनोभवः क्व गुणसंग्रहणम् ॥
१४२८१ अनुकूलवरपुरंध्रिषु पुरुषाणां बद्धमूलरागाणाम् ।
१४२८२ नयति मनो दुःशीलः कुसुमास्त्रो हीनपात्रेषु ॥
१४२९१ अनुकूलविधायिदैवतो विजयी स्यान्ननु कीदृशो नृपः ।
१४२९२ विरहिण्यपि जानकी वने निवसन्ती मुदमादधौ कुतः ॥
१४३०१ अनुकूलां विमलाङ्गीं कुलजां कुशलां सुशीलसंपन्नाम् ।
१४३०२ पञ्चलकारां भार्यां पुरुषः पुण्योदयाल्लभते ॥
१४३११ अनुकूला सदा तुष्टा दक्षा साध्वी विचक्षणा ।
१४३१२ एभिरेव गुणैर्युक्ता श्रीरिव स्त्री न संशयः ॥
१४३२१ अनुकूले विधौ देयं यतः पूरयिता हरिः ।
१४३२२ प्रतिकूले विधौ देयं यतः सर्वं हरिष्यति ॥
१४३३१ अनुकूले सति धातरि भवत्यनिष्टादपीष्टमविलम्बम् ।
१४३३२ पीत्वा विषमपि शंभुर्मृत्युंजयतामवाप तत्कालम् ॥
१४३४१ अनुकृतगण्डशैलमदमण्डितगण्डतट भ्रमदलिमण्डलीनिविडगुङ्गुमघोषजुषः ।
१४३४२ दलयति हेलयैव हरिरुग्रकरान्करिण स्त्रिजगति तेज एव गुरु नो विकृताकृतिता ॥
१४३५१ अनुक्षणमनुक्षणं क्षितिप रक्ष्यमाणा त्वया प्रयाति विदिशो दश प्रबलकीर्तिरेकाकिनी ।
१४३५२ इयं नियतमर्थिषु प्रतिदिनं वितीर्णा रमा जहाति न तवान्तिकं द्वितयमेतदत्यद्भुतम् ॥
१४३६१ अनुगतपरितोषितानुजीवी मधुरवचाश्चरितानुरक्तलोकः ।
१४३६२ सुनिपुणपरमाप्तसक्ततन्त्रो भवति चिरं नृपतिः प्रदीप्तरश्मिः ॥
१४३७१ अनुगन्तुं सतां वर्त्म कृत्स्नं यदि न शक्यते ।
१४३७२ स्वल्पमप्यनुगन्तव्यं मार्गस्थो नावसीदति ॥
१४३८१ अनुगम्य श्मशानान्तं निवर्तन्तीह बान्धवाः ।
१४३८२ अग्नौ प्रक्षिप्य पुरुषं ज्ञातयः सुहृदस्तथा ॥
१४३९१ अनुगृहाण शिशूनभिलङ्घिता शबरवारिविहारवनस्थली ।
१४३९२ विसृज कातरतामिदमग्रतो हरिनि कारुणिकस्य तपोवनम् ॥
१४४०१ अनुग्रहविधौ देव्या मातुश्च मह्दन्तरम् ।
१४४०२ माता गाढं निबध्नाति बन्धं देवी निकृन्तति ॥
१४४११ अनुग्रहादेव दिवौकसां नरो निरस्य मानुष्यकमेति दिव्यताम् ।
१४४१२ अयोविकारे स्वरितत्वमिष्यते कुतोऽयसां सिद्धरसस्पृशामपि ॥
१४४२१ अनुचरति शशाङ्कं राहुदोषेऽपि तारा पतति न वनवृक्षे याति भूमिं लता च ।
१४४२२ त्य्जति न च करेणुः पङ्कलग्नं गजेन्द्रं व्रजतु चरतु धर्मं भर्तृनाथा हि नार्यः ॥
१४४३१ अनुचितकर्मारम्भः स्वजनविरोधो बलीयसा स्पर्धा ।
१४४३२ प्रमदाजनविश्वासो मृत्योर्द्वाराणि चत्वारि ॥
१४४४१ अनुचितफलाभिलाषी नित्यं विधिना निवार्यते पुरुषः ।
१४४४२ द्राक्षाविपाकसमये मुखपाको भवति काकानाम् ॥
१४४५१ अनुचितमुचितं वा कर्म कोऽयं विभागो भगवति परमास्तां भक्तियोगो द्रढीयान् ।
१४४५२ किरति विषमहीन्द्रः सान्द्रपीयूषमिन्दुर्द्वयमपि स महेशो निर्विशेषं बिभर्ति ॥
१४४६१ अनुचितमेवाचरितं पशुपतिना यद्विधेः शिरश्छिन्नम् ।
१४४६२ छिन्नो न चास्य हस्तो येनायं दुर्लिपिं लिखति ॥
१४४७१ अनुचिते यदि कर्मणि युज्यते शठधिया प्रभुणा सगुणो जनः ।
१४४७२ भवति नास्य गुणापचयस्ततः पदगतस्य किरीटमणेरिव ॥
१४४८१ अनुच्चनीचचलतामङ्गानां चलपादताम् ।
१४४८२ कटिकूर्परशीर्षांशकर्णानां समरूपताम् ॥
१४४९१ रम्यां प्रतीकविश्रान्तिमुरसश्च समुन्नतिम् ।
१४४९२ अभ्यासाभ्यर्हितं प्राहुः सौष्ठवं नृत्यवेदिनः ॥
१४५०१ अनुच्छिष्टो देवैरपरिदलितो राहुदशनैः कलङ्केनास्पृष्टो न खलु परिभूतो दिनकृता ।
१४५०२ कुहूभिर्नो लुप्तो न च युवतिवक्त्रेण विजितः कलानाथः कोऽयं कनकलतिकायामुदयते ॥
१४५११ अनुजगुरथ दिव्यं दुन्दुभिध्वानमाशाः सुरकुसुमनिपातैर्व्योम्नि लक्ष्मीर्वितेने ।
१४५१२ प्रियमिव कथयिष्यन्नालिलिङ्ग स्फुरन्तीं भुवमनिभृतवेलावीचिबाहुः पयोधिः ॥
१४५२१ अनुज्झितसुहृद्भावः सुहृदां दुर्हृदामपि ।
१४५२२ सम इत्येव भाव्योऽपि नम इत्यभिभाष्यते ॥
१४५३१ अनुत्कीर्णा यथा पङ्के पुत्रिका वाथ दारुणि ।
१४५३२ वर्णा यथा मषीकल्के तथा सर्गे स्थिताः परे ॥
१४५४१ अनुत्तमानुभावस्य परैरपिहितौजसः ।
१४५४२ अकार्यसुहृदोऽस्माकमपूर्वास्तव कीर्तयः ॥
१४५५१ अनुत्थाने ध्रुवो नाशः प्राप्तस्यानागतस्य च ।
१४५५२ प्राप्यते फलमुत्थानाल्लभते चार्थसंपदम् ॥
१४५६१ अनु त्वा तात जीवन्तु सुहृदः साधुभिः सह ।
१४५६२ पर्जन्यमिव भूतानि स्वादुद्रुममिवाण्डजाः ॥
१४५७१ अनुत्सूत्रपदन्यासा सद्वृत्तिः सन्निबन्धना ।
१४५७२ शब्दविद्येव नो भाति राजनीतिरपस्पशा ॥
१४५८१ अनुदितसटावंसौ नातिस्फुटाः करजाङ्कुरा दशनमुकुलोद्भेदः स्तोको मुखे मृदु गर्जितम् ।
१४५८२ मृगपतिशिशोर्नास्त्यद्यापि क्रिया स्वकुलोचिता मदकृतमहागन्धस्यान्ध्यं व्यपोहति दन्तिनाम् ॥
१४५९१ अनुदिनमतितीव्रं रोदिषीति त्वमुच्चैः सखि किल कुरुषे त्वं वाच्यतां मे मुधैव ।
१४५९२ हृदयमिदमनङ्गाङ्गारसङ्गाद्विलीय प्रसरति बहिरम्भः सुस्थिते नैतदश्रु ॥
१४६०१ अनुदिनमधिकं ते कम्पते कायवल्ली शिव शिव नयनान्तं नाश्रुधारा जहाति ।
१४६०२ कथय कथय कोऽयं यत्कृते कोमलाङ्गि त्यजति न परिणद्धं पाण्डिमानं कपोलः ॥
१४६११ अनुदिनमनुकूलमाचरन्तं विहितमतिः प्रतिकूलमाचरेत्कः ।
१४६१२ शमितगरलजातकण्ठदाहं शितिकण्ठः शशिनं शिरह्सु धत्ते ॥
१४६२१ अनुदुनमनुरक्तः पद्मिनीचक्रवाले नवपरिमलमाद्यच्चञ्चरीकानुकर्षी ।
१४६२२ कलितमधुरपद्मः कोऽपि गम्भीरवेदी जयति मिहिरकन्याकूलवन्याकरीन्द्रः ॥
१४६३१ अनुदिनमभ्यासदृढैः सोढुं दीर्घोऽपि शक्यते विरहः ।
१४६३२ प्रत्यासन्नसमाग म मुहूर्तविघ्नोऽपि दुर्विषः ॥
१४६४१ अनुदेहमागतवतः प्रतिमां परिणायकस्य गुरुमुद्वहता ।
१४६४२ मुकुरेण वेपथुभृतोऽतिभरात्कथमप्यपाति न वधूकरतः ॥
१४६५१ अनुद्घुष्टः शब्दैरथ च घटनातः स्फुटरसः पदानामर्थात्मा रमयति न तूत्तानितरसः ।
१४६५२ यथा दृश्यः किंचित्पवनचलचीनांशुकतया स्तनाभोगः स्त्रीणां हरति न तथोन्मुद्रिततनुः ॥
१४६६१ अनुनयगुरोर्गोष्ठीबन्धो मुखासवसंपदां शपथविवरं विस्रब्धानां धियां प्रथमातिथिः ।
१४६६२ अविनयवचोवादस्थानं पुरंध्रिषु पप्रथे मदविलसितस्यैकाचार्यश्चिरं रतिविभ्रमः ॥
१४६७१ अनुनयति पतिं न लज्जमाना कथयति नापि सखीजनाय किंचित् ।
१४६७२ प्रसरति मलयानिले नवोढा वहति परंतु चिराय शून्यमन्तः ॥
१४६८१ अनुनयमगृहीत्वा व्याजसुप्ता पराची रुतमथ कृकवाकोस्तारमाकर्ण्य कल्ये ।
१४६८२ कथमपि परिवृत्ता निद्रयान्धा किल स्त्री मुकुलितनयनैवाश्लिष्यति प्राणनाथम् ॥
१४६९१ अनुनेतुं मानिन्या दयितश्चरणे सरागचरणायाः ।
१४६९२ यावत्पतितः स तया तत्क्षणमवधीरितः कस्मात् ॥
१४७०१ अनुपायेन कर्माणि विपरीतानि यानि च क्रियमाणानि दुष्यन्ति हवींष्यप्रयतेष्विव ॥
१४७११ अनुपालयतामुदेष्यतीं प्रभुशक्तिं द्विषतामनीहया ।
१४७१२ अपयान्त्यचिरान्महीभुजां जननिर्वादभयादिव श्रियः ॥
१४७२१ अनुपोष्य त्रिरात्राणि तिर्थान्यनभिगम्य च ।
१४७२२ अदत्त्वा काञ्चनं गाश्च दरिद्रो नाम जायते ॥
१४७३१ अनुप्रासिनि सन्दर्भे गोनन्दनसमः कुतः ।
१४७३२ यथार्थनामतैवास्य यद्वा वदति चारुताम् ॥
१४७४१ अनुबन्धं क्षयं हिंसामनपेक्ष्य च पौरुषम् ।
१४७४२ मोहादारभ्यते कर्म यत्तत्तामसमुच्यते ॥
१४७५१ अनुबन्धं च संप्रेक्ष्य विपाकांश्चैव कर्मणाम् ।
१४७५२ उत्थानमात्मनश्चैव धीरः कुर्वीत वा न वा ॥
१४७६१ अनुबन्धानवेक्षेत सानुबन्धेषु कर्मसु ।
१४७६२ संप्रधार्य च कुर्वीत न वेगेन समाचरेत् ॥
१४७७१ अनुभवं वदनेन्दुरुपागमन्नियतमेष यदस्य महात्मनः ।
१४७७२ क्षुभितमुत्कलिकातरलं मनः पय इव स्तिमितस्य महोदधेः ॥
१४७८१ अनुभवत ददत वित्तं मान्यान्मानयत सज्जनान् भजत ।
१४७८२ अतिपरुषपवनविलुलित दीपशिखाचञ्चला लक्ष्मीः ॥
१४७९१ अनुभवत युवत्यो भाग्यवत्यो नितान्तं कुसुमवलयवेलासङ्गखेलासुखानि ।
१४७९२ मम तु मधुकराणां वाटपाटच्चराणां सपदि पतति धाटी पुष्पवाटीनिवेशे ॥
१४८०१ अनुभवन्नवदोलमृतूत्सवं पटुरपि प्रियकण्ठजिघृक्षया ।
१४८०२ अन्यदासनरज्जुपरिग्रहे भुजलतां जलतामबलाजनः ॥
१४८११ अनुभाववता गुरु स्थिरत्वादविसंवादि धनुर्धनंजयेन ।
१४८१२ स्वबलव्यसनेऽपि पीड्यमानं गुणवन्मित्रमिवानतिं प्रपेदे ॥
१४८२१ अनुभूतचरेषु दीर्घिकाणामुपकण्थेषु गतागतैकतानाः ।
१४८२२ मधुपाः कथयन्ति पद्मिनीनां सलिलैरन्तरितानि कोरकाणि ॥
१४८३१ अनुभूतभवव्यवस्थितिर्जनताकानरताभिलाषिणी ।
१४८३२ तदवैमि सुखेन संसृतौ कलितानङ्गतयैव निसृतिः ॥
१४८४१ अनुभूतमिदं लोके यद्बध्वा बलवत्तरैः ।
१४८४२ ईश्वरैर्दुर्बलः कृष्यः क्रतौ पशुरिवाबलः ॥
१४८५१ अनुमतमिवानेतुं जोषं तमीतमसां कुलं दिशि दिशि दृशो विन्यस्यन्त्यः श्रियाङ्कुरिताञ्जनाः ।
१४८५२ मदनहुतभुग्धूमच्छायैः पटैरसितैर्वृताः प्रययुररसद्भूषैरङ्गैः प्रियानभिसारिकाः ॥
१४८६१ अनुमतिसरसं विमुच्य चूतं नवनवमञ्जुलमञ्जरीपरीतम् ।
१४८६२ अपि पिकदयिते कथं मतिस्ते घटयति निश्फलपिप्पलेऽवलेपम् ॥
१४८७१ अनुममार न मार कथं नु सा रतिरतिप्रथितापि पतिव्रता ।
१४८७२ इयदनाथवधूवधपातकी दयितयापि तयासि किमुज्ज्ञितः ॥
१४८८१ अनुमरणे व्यवसायं स्त्रीधर्मे कः करोति सविवेकः ।
१४८८२ संसारमुक्त्युपायं दण्डग्रहणं व्रतं हित्वा ॥
१४८९१ अनुययौ विविधोपलकुण्डल द्युतिवितानकसंवलितांशुकम् ।
१४८९२ धृतधनुवलयस्य पयोमुचः शबलिमा बलिमानमुषो वपुः ॥
१४९०१ अनुयाताने कजनः परपुरुषैरुह्यतेऽस्य निजदेहः ।
१४९०२ अधिकारस्थः पुरुषः शव इव न शृणोति वीक्षते कुमतिः ॥
१४९११ अनुयाति न भर्तारं यदि दैवात्कथंचन ।
१४९१२ तथापि शीलं संरक्ष्यं शीलभङ्गात्पतत्यधः ॥
१४९२१ अनुयास्यन्मुनितनयां सहसा विनयेन वारितप्रसरः ।
१४९२२ स्थानादनुच्चलन्नपि गत्वेव पुनः प्रतिनिवृत्तः ॥
१४९३१ अनुयुक्तो दस्युवधे रणे कुर्यात्पराक्रमम् ।
१४९३२ नास्य कृत्यमतः किंचिदन्यद्दस्युनिबर्हणात् ॥
१४९४१ अनुरक्तजनविरक्ता नम्रोत्सिक्ता विरक्तरागिण्यः ।
१४९४२ वञ्चकवचनासक्ता नार्यः सद्भावशङ्किन्यः ॥
१४९५१ अनुरक्तेन ह्र्ष्टेन तुष्टेन जगतीपतिः ।
१४९५२ अल्पेनापि स्वसैन्येन भूमिं जयति भूमिपः ॥
१४९६१ अनुरञ्जिता अपि गुणैर्न नमन्ति प्रकृतयो विना दण्डात् ।
१४९६२ अङ्कगतापि न वीणा कलमधुरमताडिता क्वणति ॥
१४९७१ अनुरञ्जय राजानं मा जानन् जातु कोपयेः प्रकृतीः ।
१४९७२ एतद्द्वयानुराग स्थिरया तिष्ठ प्रतिष्ठयाश्लिष्टः ॥
१४९८१ अनुरागं जनो याति परोक्षे गुणकीर्तनम् ।
१४९८२ न बिभ्यति च सत्त्वानि सिद्धेर्लक्षणमुत्तमम् ॥
१४९९१ अनुरागवती संध्या दिवसस्तत्पुरःसरः ।
१४९९२ अहो दैवगतिश्चित्रा तथापि न समागमः ॥
१५००१ अनुरागवन्तमपि लोचनयोर्दधतं वपुः सुखमतापकरम् ।
१५००२ निरकासयद्रविमपेतवसुं वियदालयादपरदिग्गणिका ॥
१५०११ अनुरागवर्तिना तव विरहेणोग्रेण सा गृहीताङ्गी ।
१५०१२ त्रिपुररिपुणेव गौरी वरतनुरर्धावशिष्टेव ॥
१५०२१ अनुरागादभिसरतो लङ्घितजलधेः कलाधिनाथस्य ।
१५०२२ रजनीमुखचुम्बनतः शिथिलितमलकं कलङ्कमाकलये ॥
१५०३१ अनुरागो वृथा स्त्रीषु स्त्रीषु गर्वो वृथा तथा ।
१५०३२ पृइयोऽहं सर्वदा ह्यस्या ममैषा सर्वदाप्रिया ॥
१५०४१ अनुरूपमिदं कूप छद्मच्छन्नस्य किं न ते ।
१५०४२ सन्मार्गविभ्रमान्मार्गपातोऽयं यन्निपातितः ॥
१५०५१ अनुरूपेण संसर्गं प्राप्य सर्वोऽपि मोदते ।
१५०५२ दिनं तेजोनिधिर्यद्वद्रत्रिं दोषाकरस्तथा ॥
१५०६१ अनुलेपनानि कुसुमान्यबलाः कृतमन्यवः पतिषु दीपशिखाः ।
१५०६२ समयेन तेन चिरसुप्तमनो भवबोधनं सममबोधिषत ॥
१५०७१ अनुलोमेन बलिनं प्रतिलोमेन दुर्जनम् ।
१५०७२ आत्मतुल्यबलं शत्रुं विनयेन बलेन वा ॥
१५०८१ अनुवनं वनराजिवधूमुखे बहलरागजवाधरचारुणि ।
१५०८२ विकचबाणदलावलयोऽधिकं रुरुचिरे रुचिरेक्षणविभ्रमाः ॥
१५०९१ अनुवनमनुयान्तं बाष्पवारि त्यजन्तं मुदितकमलदामक्षाममालोक्य रामम् ।
१५०९२ दिनमपि रविरोचिस्तापमन्तः प्रपेदे रजनिरपि च ताराबाष्पबिन्दून् बभार ॥
१५१०१ अनुवनमनुशैलं तामनालोक्य सीतां प्रतिदिनमतिदीनं वीक्ष्य रामं विरामम् ।
१५१०२ गिरिरशनिमयोऽयं यस्तदा न द्विधाभूत्क्षितिरपि न विदीर्णा सापि सर्वंसहैव ।
१५१११ अनुवादयिता वाद्यं नृत्यसि यत्त्वयि सुरेश्वरः साक्षात् ।
१५११२ पक्षश्च तेऽजवन्द्यस्तदसि कलापिन् परं धन्यः ॥
१५१२१ अनुवेलं निहन्यन्ते यस्य सिन्धोरिवोद्यमाः ।
१५१२२ तं प्रमथ्य श्रियं कोऽपि विपक्षो भूभृदुद्धरेत् ॥
१५१३१ अनुशयवत्येवोक्ता प्रोष्यत्पतिका न भेदतो बहुभिः ।
१५१३२ परदेशादागच्छत्पतिकापि यथा प्रमुदितैव ॥
१५१४१ अनुशासद्धि धर्मेण व्यवहारेण संस्थया ।
१५१४२ न्यायेन च चतुर्थेन चतुरन्तां महीं जयेत् ॥
१५१५१ अनुशीलितकुञ्जवाटिकायां जघनालंकृतपीतशाटिकायाम् ।
१५१५२ मुरलीकलकूजिते रतायां मम चेतोऽस्तु कदम्बदेवतायाम् ॥
१५१६१ अनुशोचनमस्तविचारमना विगतस्य मृतस्य च यः कुरुते ।
१५१६२ स गते सलिले तनुते वरणं भुजगस्य गतस्य गतिं क्षिपति ॥
१५१७१ अनुष्ठानेन रहितां पाठमात्रेण केवलम् ।
१५१७२ रञ्जयत्येव या लोकं किं तया शुकविद्यया ॥
१५१८१ अनुष्ठितं तु यद्देवैरृषिभिर्यदनुष्ठितम् ।
१५१८२ नानुष्ठेयं मनुष्यैस्तु तदुक्तं कर्म आचरेत् ॥
१५१९१ अनुष्ठितेषु कार्येषु यो गुह्यं न प्रकाशयेत् ।
१५१९२ स तत्र लभते सिद्धिं जलमध्ये कपिर्यथा ॥
१५२०१ अनुसरति करिकपोलं भ्रमरः श्रवणेन ताड्यमानोऽपि ।
१५२०२ गणयति न तिरस्कारं दानान्धविलोचनो नीचः ॥
१५२११ अनुसर सरस्तीरं वैरं किमत्र सहात्मना कतिपयपयःपाणं मानिन् समाचर चातक ।
१५२१२ प्रलयपवनैरस्तं नीतः पुरातनवारिदो यदयमदयं कीलाजालं विमुञ्चति नूतनः ॥
१५२२१ अनूढा मन्दिरे यस्य रजः प्राप्नोति कन्यका ।
१५२२२ पतन्ति पितरस्तस्य स्वर्गस्था अपि तैर्गुणैः ॥
१५२३१ अनूनवेगादयमद्वितीयश्च्छायातुरङ्गादिव लज्जमानः ।
१५२३२ खुरोद्धुतैर्वीर तुरङ्गमस्ते रजोभिरह्णनां पतिमावृणोति ॥
१५२३ १ अन्र्जुत्वमसद्भावं कार्पण्यं चलचित्तता ।
१५२३ २ पुंसां मित्रेषु ये दोषास्ते वेश्यासु गुणाः स्मृताः ॥
१५२४१ अनृतं च समुत्कर्षे राजगामि च पैशुनम् ।
१५२४२ गुरोश्चालीकनिर्बन्धः समानि ब्रह्महत्यया ॥
१५२५१ अनृतं चाटुवादश्च धनयोगो महानयम् ।
१५२५२ सत्यं वैदुष्यमित्येष योगो दारिद्र्यकारकः ॥
१५२६१ अनृतं सत्यमित्याहुः सत्यं चापि तथानृतम् ।
१५२६२ इति यास्ताः कथं वीर संरक्ष्याः पुरुषैरिह ॥
१५२७१ अनृतं साहसं माया मूर्खत्वमतिलुब्धता ।
१५२७२ अशौचत्वं निर्दयत्वं स्त्रीणां दोषाः स्वभावजाः ॥
१५२८१ अनृतपटुता क्रौर्ये चित्तं सतामवमानिता मतिरविनये धर्मे शाठ्यं गुरुष्वपि वञ्चनम् ।
१५२८२ ललितमधुरा वाक्प्रत्यक्षे परोक्षविभाषिणी कलियुगमहाराजस्यैताः स्फुरन्ति विभूतयः ॥
१५२९१ अन्र्तमनृतमेतद्यस्तुधासूतिरिन्दुर्नियतमयमनार्यो निर्गतः कालकूटात् ।
१५२९२ हृदयदहनदक्षा दारुणा चान्यथेयं वद सखि मधुरत्वे मोहशक्तिः कुतोऽस्य ॥
१५३०१ अनृते धर्मभग्ने च न शुश्रूषति चाप्रिये ।
१५३०२ न प्रियं न हितं वाच्यं सद्भिरेवेति निन्दिताः ॥
१५३११ अनेकगतिचित्रितं विविधजातिभेदाकुलं समेत्य तनुमद्गणः प्रचुरचित्रचेष्टोद्यतः ।
१५३१२ पुरार्जितविचित्रकर्मफलभुग्विचित्रां तनुं प्रगृह्य नटवत्सदा भ्रमति जन्मरङ्गाङ्गणे ॥
१५३२१ अनेकचित्तमन्त्रश्च द्वेष्यो भवति मन्त्रिणाम् ।
१५३२२ अनवस्थितचित्तत्वात्कर्ये तैः समुपेक्ष्यते ॥
१५३३१ अनेकजन्मसंभूतं पापं पुंसां प्रणश्यति ।
१५३३२ स्नानमात्रेण गङ्गायां सद्यः पुण्यस्य भाजनम् ॥
१५३४१ अनेकजीवघातोत्थं म्लेच्छोच्छिष्टं मलाविलम् ।
१५३४२ मलाक्तपात्रनिक्षिप्तं किं शौचं लिहतो मधु ॥
१५३५१ अनेकदोषदुष्टस्य कायस्यैको महान् गुणः ।
१५३५२ यो यथा वर्तयत्येनं तं तथैवानुवर्तते ॥
१५३६१ अनेकदोषदुष्टस्य मधुनोऽपास्तदोषताम् ।
१५३६२ यो ब्रूते तद्रसासक्तः सोऽसत्याम्बुधिरस्तधीः ॥
१५३७१ अनेकधेति प्रगुणेन चेतसा विविच्य मिथ्यात्वमलं सदूषणम् ।
१५३७२ विमुच्य जैनेन्द्रमतं सुखावहं भजन्ति भव्या भवदुःखभीरवः ॥
१५३८१ अनेकपर्यायगुणैरुपेतं विलोक्यते येन समस्ततत्त्वम् ।
१५३८२ तदिन्द्रियानिन्द्रियभेदभिन्नं ज्ञानं जिनेन्द्रैर्गदितं हिताय ॥
१५३९१ अनेकभवसंचिता इह हि कर्मणा निर्मिताः प्रियाप्रियवियोगसंगमविपत्तिसंपत्तयः ।
१५३९२ भवन्ति सकलास्विमा गतिषु सर्वदा देहिनां जरामरणवीचिके जननसागरे मज्जताम् ॥
१५४०१ अनेकमलसंभवे कृमिकुलैः सदा संकुले विचित्रबहुवेदने बुधविनिन्दिते दुःसहे ।
१५४०२ भ्रमन्नयमनारतं व्यसनसंकटे देहवान् पुरार्जितवशो भवे भवति भामिनीगर्भके ॥
१५४११ अनेकमुखपापात्मा छद्मसंदर्शिताश्रमः ।
१५४१२ कर्बुरप्रकृतिः कश्चित्कापेयकलहोचितः ॥
१५४१ १ अनेकयुद्धविजयी संधानंयस्य गच्छति ।
१५४१ २ तत्प्रतापेन तस्याशु वशं गच्छन्ति विद्विषः ॥
१५४२१ अनेकराज्यान्तरितमतिक्षिप्तं न युध्यते ।
१५४२२ अन्तर्गतामित्रशल्यमन्तःशल्यं हि न क्षमम् ॥
१५४४१ अनेकवर्णपदतां वाग्विद्युदिव बिभ्रती ।
१५४४२ अभ्रान्तेषु सदा सारसङ्गिषु स्यात्स्फुरद्गुणा ॥
१५४५१ अनेकविद्वज्जनरत्नपूर्णं वे दोदकन्यायतरङ्गरम्यम् ।
१५४५२ अलङ्घनीयं गुरुतीर्थमेकं सभासमुद्रं शिरसा नमामि ॥
१५४६१ अनेकशास्त्रं बहु वेदितव्यमल्पश्च कालो बहवश्च विघ्नाः ।
१५४६२ यत्सारभूतं तदुपासितव्यं हंसो यथा क्षीरमिवाम्बुमध्यात् ॥
१५४७१ अनेकसंशयोच्छेदि परोक्षार्थस्य दर्शकम् ।
१५४७२ सर्वस्य लोचनं शास्त्रं यस्य नास्त्यन्ध एव सः ॥
१५४८१ अनेकसुषिरं कान्तं वादि स्त्रीमुखपङ्कजम् ।
१५४८२ पश्य कान्ते वनस्यान्ते नेत्रश्रुतिमनोरमम् ॥
१५४९१ अनेकसुषिरं वाद्यं कान्तं च ऋषिसंज्ञितम् ।
१५४९२ चक्रिणा च सदाराध्यं यो जानाति स पण्डितः ॥
१५५०१ अनेके फणिनः सन्ति भेकह्बक्षणतत्पराः ।
१५५०२ एक एव हि शेषोऽयं धरणीधरणक्षमः ॥
१५५११ अनेकैर्नायकगुणैः सहितः सखि मे पतिः ।
१५५१२ स एव यदि जारः स्यात्सफलं जीवितं भवेत् ॥
१५५२१ अनेन कल्याणि मृणालकोमलं व्रतेन गात्रं ग्लपयस्यकारणम् ।
१५५२२ प्रसादमाकाङ्क्षति यस्तवोत्सुकः स किं त्वया दासजनः प्रसाद्यते ॥
१५५३१ अनेन कस्यापि कुलाङ्कुरेण स्पृष्टस्य गात्रेषु सुखं ममैवम् ।
१५५३२ कां निर्वृतिं चेतसि तस्य कुर्याद्यस्यायमङ्गात्कृतिनः प्ररूढः ॥
१५५४१ अनेन किं न पर्याप्तं मांसस्य परिवर्जनम् ।
१५५४२ यत्पाटितं तृणेनापि स्वमङ्गं परिदूयते ॥
१५५५१ अनेन कुम्भद्वयसंनिवेश संलक्ष्यमाणेन कुचद्वयेन उन्मज्जता यौवनवारणेन वापीव तन्वङ्गि तरङ्गितासि ॥
१५५६१ अनेन तनुमद्यया मुखरनूपुराराविणा नवाम्बुरुहकोमलेन चरणेन संभावितः ।
१५५६२ अशोक यदि सद्य एव कुसुमैर्न संपत्स्यसे वृथा वहसि दोहदं ललितकामिसाधारणम् ॥
१५५७१ अनेन तव पुत्रस्य प्रसुप्तस्य वनान्तरे ।
१५५७२ शिखामारुह्य हस्तेन खड्गेन निहतं शिरः ॥
१५५८१ अनेन त्वं स्वरूपेण पुष्पबाणैश्च पञ्चभिः ।
१५५८२ मोहयन् पुरुषान् स्त्रीश्च कुरु सृष्टिं सनातनीम् ॥
१५५९१ अनेन धर्मः सविशेषमद्य मे त्रिवर्गसारः प्रतिभाति भाविनि ।
१५५९२ त्वया मनोनिर्विषयार्थकामया यदेक एव प्रतिगृह्य सेव्यते ॥
१५६०१ अनेन पुरुषो देहानुपादत्ते विमुञ्चति ।
१५६०२ हर्षं शोकं भयं दुःखं सुखं चानेन विन्दति ॥
१५६११ अनेन भवति श्रेष्ठो मुच्यन्ते च सभासदः ।
१५६१२ कर्तारमेनो गच्छेच्च निन्द्यो यत्र हि निन्द्यते ॥
१५६२१ अनेन मर्त्यदेहेन यल्लोकद्वयशर्मदम् ।
१५६२२ विचिन्त्य तदनुष्ठेयं हेयं कर्म ततोऽन्यथा ॥
१५६३१ अनेन यूना सह पार्थिवेन रम्भोरु कच्चिन्मनसो रुचिस्ते ।
१५६३२ सिप्रातरङ्गानिलकम्पितासु विहर्तुमुद्यानपरंपरासु ॥
१५६४१ अनेन योगराजेन धूपिताम्बरभूषणः ।
१५६४२ धूपिताङ्गस्त्रिभुवनं मनुजः कुरुते वशम् ॥
१५६५१ अनेन योगेन विवृद्धतेजा निजां परस्मै पदवीमयच्छन् ।
१५६५२ समाचराचारमुपात्तशस्त्रो जपोपवासाभिषवैर्मुनीनाम् ॥
१५६६१ अनेन रम्भोरु भवन्मुखेन तुषारभानोस्तुलया जितस्य ।
१५६६२ ऊनस्य नूनं परिपूरणाय ताराः स्फुरन्ति प्रतिमानखण्डाः ॥
१५६७१ अनेन वीतरागेण बुद्धेनेवाधरेण ते ।
१५६७२ दूति निर्व्याजमाख्याता सर्ववस्तुषु शून्यता ॥
१५६८१ अनेन सर्वार्थिकृतार्थिता कृता हृतार्थिनौ कामगवीसुरद्रुमौ ।
१५६८२ मिथःपयःसेचनपल्लवाशनैः प्रदाय दानव्यसनं समाप्नुतम् ॥
१५६९१ अनेन सार्धं तव यौवनेन कोटिं परामच्छिदुरोऽध्यरोहत् ।
१५६९२ प्रेमापि तन्वि त्वयि वासवस्य गुणोऽपि चापे सुमनःशरस्य ॥
१५७०१ अनेन सार्धं विहराम्बुराशेस्तीरेषु तालीवनमर्मरेषु ।
१५७०२ द्वीपान्तरानीतलवङ्गपुष्पैरपाकृतस्वेदलवा मरुद्भिः ॥
१५७११ अनेन सिध्यति ह्येतन्ममाप्येष पराक्रमः ।
१५७१२ एवं ज्ञात्वा चरेद्यस्तु सफलास्तस्य बुद्धयः ॥
१५७२१ अनेनैव प्रकारेण त्रयो ग्रीवाश्रिताः शुभाः ।
१५७२२ ललाटे युगलावर्तौ चन्द्रार्कौ शुभकारकौ ॥
१५७३१ अनैश्वर्ये तृषा भार्या पथि क्षेत्रे त्रिधा कृषिः ।
१५७३२ लम्बकः साक्षिणश्चैव पञ्चानर्था असंकृताः ॥
१५७४१ अनौचित्यादृते नान्यद्रसभङ्गस्य कारणम् ।
१५७४२ प्रसिद्धौचित्यबन्धस्तु रसस्योपनिषत्परा ॥
१५७५१ अनौचित्येन कन्यासु पुरस्त्रीषु च या रतिः ।
१५७५२ स कामो हि क्षितीन्द्राणामरिषड्वर्गपूर्वजः ॥
१५७६१ अन्तःकटुरपि लघुरपि सद्वृत्तं यः पुमान्न संत्यजति ।
१५७६२ स भवति सद्यो वन्द्यः सर्षप इव सर्वलोकस्य ॥
१५७७१ अन्तःकटु सदा प्रेम मानुषं परिलक्ष्यते ।
१५७७२ हताशान्न करोत्यस्मान् दैवप्रेमैव केवलम् ॥
१५७८१ अन्तःकपालविवरे जिह्वामाकुञ्च्य चार्पयेत् ।
१५७८२ भ्रूमध्यदृष्टिरमृतं पिबेत्खेचरमुद्रया ॥
१५७९१ अन्तःकरणतत्त्वस्य दम्पत्योः स्नेहसंश्रयात् ।
१५७९२ आनन्दग्रन्थिरेकोऽयमपत्यमिति कथ्यते ॥
१५८०१ अन्तःकरणविकारं गुरुपरिजनसंकटेऽपि कुलटानाम् ।
१५८०२ जानन्ति तदभियुक्ता भ्रूभङ्गापाङ्गमधुरदृष्टेन ॥
१५८११ अन्तःकरणशून्योऽपि तृणपूलकपूरुषः सत्कृतः क्षेत्रपतिना समर्थो मृगवारने ॥
१५८२१ अन्तः किंचित्किंचिन्मुक्तानामहह विभ्रमं वहसि ।
१५८२२ दूराद्दर्शयसि पुनः क्षारोद्गारं जडाधीशः ॥
१५८३१ अन्तः कुटिलतां बिभ्रच्छङ्खः स खलु निष्ठुरः ।
१५८३२ हुंकरोति यदा ध्मातस्तदैव बहु गण्यताम् ॥
१५८४१ अन्तःकूजदुदारकण्ठमसकृन्मुञ्चेति लोलेक्षणं प्रायः स्मेरकपोलमूलममृतप्रस्यन्दि बिम्बाधरम् ।
१५८४२ आधूताङ्गुलिपल्लवाग्रमलमित्यानर्तितभ्रूलतं पीतं येन मुखं त्वदीयमबले सोऽहं हि धन्यो युवा ॥
१५८४ १ अन्तः केचन केचनापि हि दले केचित्तथा पल्लवे मूले केचन केचन त्वचि फले पुष्पे च केऽपि द्रुमाः ।
१५८४ २ सौरभ्यं नितरां बिभर्त्यविकलः श्रीखण्डषण्डीकृतः सर्वाङ्गे सुरभिर्न कोऽपि ददृशे मुक्त्वा भवन्तं क्वचित् ॥
१५८५१ अन्तःकोपकषायितेऽपि हृदये साधोरसच्चेष्टितैर्भद्राण्येव बहिः क्रियासु वचनान्याविर्भवन्त्यर्थतः ।
१५८५२ मध्येऽत्यन्तकरालवाडवशिखाशोषेऽपि वारांनिधेः कल्लोलाः प्रकटीभवन्ति सततं मुक्ताफलोद्गारिणः ॥
१५८७१ अन्तःक्रूराः सौम्यमुखा अगाधहृदयाः स्त्रियः ।
१५८७२ अन्तर्विषा बहिःसौम्या भक्ष्या विषकृता इव ॥
१५८८१ अन्तः क्रोधोज्जिहानज्वलनभवशिखाकारजिह्वावलीढ प्रौढब्रह्माण्डभाण्डः पृथुभुवनगुहागर्भगम्भीरनादः ।
१५८८२ दृप्यत्पारीन्द्रमूर्तिर्मुरजिदवतु वः सुप्रभामण्डलीभिः कुर्वन्निर्धूमधूमध्वजनिचितमिव व्योम रोमच्छटानाम् ॥
१५८९१ अन्तःखेदमिवोद्वहन् यदनिशं रत्नाकरो घूर्णते यच्च ध्यानमिवास्थितो न कनकक्षोणीधरः स्यन्दते ।
१५८९२ जाने दानविलासदानरभसं शौर्यं च ते शुश्रुवानेको मन्थविघट्टनास्तदपरष्टङ्काहतीः शङ्कते ॥
१५९०१ अन्तःपुरचरैः सार्धं यो न मन्त्रं समाचरेत् ।
१५९०२ न कलत्रैर्नरेन्द्रस्य स भवेद्राजवल्लभः ॥
१५९११ अन्तःपुरधनाध्यक्षैर्वैरिदूतैर्निराकृतैः ।
१५९१२ संसर्गं न व्रजेद्राजं विना पार्थिवशासनात् ॥
१५९२१ अन्तःपुराणां विहितव्यवस्थः पदे पदेऽहं स्खलितानि रक्षन् ।
१५९२२ जरातुरः संप्रति दण्डनीत्या सर्वं नृपस्यानुकरोमि वृत्तम् ॥
१५९३१ अन्तःपुरीयसि रणेषु सुतीयसि त्वं पौरं जनं तव सदा रमणीयते श्रीः ।
१५९३२ दृष्टः प्रियाभिरमृतद्युतिदर्शमिन्द्र संचारमत्र भुवि संचरसि क्षितीश ॥
१५९४१ अन्तःपुरे पितृतुल्यं मातृतुल्यं महानसे ।
१५९४२ गोषु चात्मसमं दद्यात्स्वयमेव कृषिं व्रजेत् ॥
१५९५१ अन्तःप्रकाशमिच्छन्तः सदसच्च विवेचितुम् ।
१५९५२ स्नेहं सूक्तिप्रदीपेऽस्मिन् वर्धयन्तु सुबुद्धयः ॥
१५९६१ अन्तःप्रतप्तमरुसैकतदह्यमान मूलस्य चम्पकतरोः क्व विकासचिन्ता ।
१५९६२ प्रायो भवत्यनुचितस्थितिदेशभाजां श्रेयः स्वजीवपरिपालनमात्रमेव ॥
१५९७१ अन्तः प्रविश्य युवचिह्नमुरोऽबलानां येन क्रमेण बत लोडयते मनीषिन् ।
१५९७२ आश्रित्य तं हि नियमं तत उन्नयेते एतौ कुचौ सपदि हन्ति विदीर्णमध्यात् ॥
१५९८१ अन्तःशरीरपरिशोषमुदग्रयन्तः कीटक्षतस्रुतिभिरस्रमिवोद्वमन्तः ।
१५९८२ छायावियोगमलिना व्यसने निमग्ना वृक्षाः श्मशानमुपगन्तुमिव प्रवृत्ताः ॥
१५९९१ अन्तःसंतोषचित्तानां संपदस्ति पदे पदे ।
१५९९२ अन्तर्मलिनचित्तानां सुखं स्वप्नेऽपि दुर्लभम् ॥
१६००१ अन्तःसंतोषवाष्पैः स्थगयति न दृशस्ताभिराकर्णयिष्यन्नङ्गेनानस्तिरोमा रचयति पुलकश्रेणिमानन्दकन्दाम् ।
१६००२ न क्षोणीभङ्गभीरुः कलयति च शिरःकम्पनं तन्न विद्मः शृण्वन्नेतस्य कीर्तीः कथमुरगपतिः प्रीतिमाविष्करोति ॥
१६०११ अन्तःसमुत्थविरहानलतीव्रताप संतापिताङ्ग करिपुङ्गव मुञ्च शोकम् ।
१६०१२ धात्रा स्वहस्तलिखितानि ललाटपट्टे को वाक्षराणि परिमार्जयितुं समर्थः ॥
१६०२१ अन्तः समेत्यापि बहिः प्रयाति स्पृष्टा विधत्ते त्ववगूहनानि ।
१६०२२ दत्त्वाधरं रोदिति शुष्कमेव सैवं विलासैस्तपसाप्यलभ्या ॥
१६०३१ अन्तःसारविहीनानां सहायः किं करिष्यति ।
१६०३२ मलयेऽपि स्थितो वेणुर्वेणुरेव न चन्दनः ॥
१६०४१ अन्तःसारविहीनानामुपदेशो न जायते ।
१६०४२ मलयाचलसंसर्गान्न वेणुश्चन्दनायते ॥
१६०५१ अन्तःसारैरकुटिलैस्सुस्निग्धैः सुपरीक्षितैः ।
१६०५२ मन्त्रिभिर्धार्यते राज्यं सुस्तम्भैरिव मन्दिरम् ॥
१६०६१ अन्तःसारोऽपि निर्याति नूनमर्थितया सह ।
१६०६२ अन्यथा तदवस्थस्य महिमा केन देहिनाम् ॥
१६०७१ अन्तःस्थसुरतारम्भा भिलाषमपि गोपयत् ।
१६०७२ अन्योन्यं मिथुनं वेत्ति नेत्रे दृष्ट्वैव चञ्चले ॥
१६०८१ अन्तःस्थेनाविरुद्धेन सुवृत्तेनातिचारुणा ।
१६०८२ अन्तर्भिन्नेन संप्राप्तं मौक्तिकेनापि बन्धनम् ॥
१६०९१ अन्तःस्वीकृतजाह्नवीजलमतिस्वच्छन्दरत्नांकुर श्रेणीशोणभुजङ्गनायकफणाचक्रोल्लसत्पल्लवम् ।
१६०९२ भूयादभ्युदयाय मोक्षनगरप्रस्थानभाजामितः प्रत्यूहप्रशमैकपूर्णकलशप्रायं शिरो धूर्जटेः ॥
१६१०१ अन्तकः पर्यवस्थाता जन्मिनः संततापदः ।
१६१०२ इति त्याज्ये भवे भव्यो मुक्ताव्रुत्तिष्ठते जनः ॥
१६१११ अन्तकः शमनो मृत्युः पातालं वडवामुखम् ।
१६११२ क्षुरधारा विषं सर्पो वह्निरित्येकतः स्त्रियः ॥
१६१२१ अन्तकाय ददता त्वया प्रिया कायकान्चनलताप्रतिग्रहम् ।
१६१२२ दीयते बत मदीयजीवनं दक्षिणानिल कुतो न दक्षिणा ॥
१६१३१ अन्तकाले च मामेव स्मरन्मुक्त्वा कलेवरम् ।
१६१३२ यः प्रयाति स मद्भावं याति नास्त्यत्र संशयः ॥
१६१४१ अन्तकाले हि भूतानि मुह्यन्तीति पुराश्रुतिः ।
१६१४२ [राज्ञैवं कुर्वता लोके प्रत्यक्षा सा श्रुतिः कृता] ॥
१६१५१ अन्तकोऽपि हि जन्तूनामन्तकालमपेक्षते ।
१६१५२ न कालनियमः कश्चिदुत्तमर्णस्य विद्यते ॥
१६१६१ अन्तरं कियदाख्यान्ति सन्तो रघुकिरातयोः ।
१६१६२ अन्तरं तावदाख्यान्ति सन्तो रघुकिरातयोः ॥
१६१७१ अन्तरङ्गमनङ्गस्य शृङ्गारकुलदैवतम् ।
१६१७२ अङ्गीकरोति तन्वङ्गी सा विलासमयं वयः ॥
१६१८१ अन्तरङ्गा हि ये राज्ञः परस्वादायिनः शठाः ।
१६१८२ भृत्या भवन्ति प्रायेण तेभ्यो रक्षेदिमाः प्रजाः ॥
१६१९१ अन्तरायतिमिरोपशान्तये शान्तपावनमचिन्त्यवैभवम् ।
१६१९२ तं नरं वपुषि कुञ्जरं मुखे मन्महे किमपि तुन्दिलं महः ॥
१६२०१ अन्तर्गतमलो दुष्टस्तीर्थस्नानशतैरपि ।
१६२०२ न शुध्यति यथा भाण्डं सुराया दाहितं च सत् ॥
१६२११ अन्तर्गता मदनवह्निशिखावली या सा बाघ्यते किमिह चन्दनपङ्कलेपैः ।
१६२१२ यत्कुम्भकारपचनोपरि पङ्कलेपस्तापाय केवलमसौ न च तापशान्त्यै ॥
१६२२१ अन्तर्गतैर्गुणैः किं द्वित्रा अपि यत्र साक्षिणो विरलाः ।
१६२२२ स गुणो गीतेर्यदसौ वनेचरं हरिणमपि हरति ॥
१६२३१ अन्तर्गतो यदि हरिस्तपसा ततः किं नान्तर्गतो यदि हरिस्तपसा ततः किम् ।
१६२३२ अन्तर्बहिर्यदि हरिस्तपसा ततः किं नान्तर्बहिर्यदि हरिस्तपसा ततः किम् ॥
१६२४१ अन्तर्गाढं चिह्नहीनं विशालं मध्ये स्थूलं स्थूलधारातितीक्ष्णम् ।
१६२४२ रक्षोवक्षश्छेदनार्थं महान्तं कृत्वा खङ्गं देवराजोतिहृष्टः ॥
१६२५१ अन्तर्गूढानर्थानव्यञ्जयतः प्रसादरहितस्य ।
१६२५२ संदर्भस्य नदस्य च न रसः प्रीत्यै रसज्ञानाम् ॥
१६२६१ अन्तर्गृहं नयति वर्धितरोमहर्षं स्पर्शेन सीत्करणगर्भमुखीः करोति ।
१६२६२ किंचाधरव्रणवतीः कुरुते पुरन्घ्रीः किं वल्लभः किमुत हैमन एष वातः ॥
१६२७१ अन्तर्गृहे कृष्णमवेक्ष्य चौरं बद्ध्वा कवाटं जननीं गतैका ।
१६२७२ उलूखले दामनिबद्धमेनं तत्रापि दृष्ट्वा स्तिमिता बभूव ॥
१६२८१ अन्तर्जलावारितमूर्ति यातो बालापरिष्वङ्गसुखाय पत्युः ।
१६२८२ विघ्नाय वैमल्यमपां बभूव व्यर्थः प्रसादो हि जलाशयानाम् ॥
१६२९१ अन्तर्दधानापि कठोरभावं स्वच्छद्युतिः सा निजमाधुरीभिः ।
१६२९२ भुक्ता रसं स्वादुविदां तनोति गुणोपगूढा सितशर्करेव ॥
१६३०१ अन्तर्दुष्टः क्षमायुक्तः सर्वानर्थकरः किल ।
१६३०२ शकुनिः शकटारश्च दृष्टान्तावत्र भूपते ॥
१६३११ अन्तर्धृतगुणैरेव परेषां स्थीयते हृदि ।
१६३१२ अर्थं समर्थयन्त्येनं समग्रं कुसुमस्रजः ॥
१६३२१ अन्तर्नाडीनियमितमरुल्लङ्घितब्रह्मरन्ध्रं स्वान्ते शान्तिप्रणयिनि समुन्मीलदानन्दसान्द्रम् ।
१६३२२ प्रत्यग्ज्योतिर्जय्ति यमिनः स्पष्टलालाटनेत्र व्याजव्यक्तीकृतमिव जगद्वापि चन्द्रार्धमौलेः ॥
१६३३१ अन्तर्निदह्यमानेन शक्तिहीनेन शत्रुषु ।
१६३३२ संततिः क्रियते येन निन्द्यं धिक्तस्य जीवितम् ॥
१६३४१ अन्तर्निबद्धगुरुमन्युपरंपराभिरिच्चोचितं किमपि वक्तुमशक्नुवत्याः ।
१६३४२ अव्य्क्तहूंकुतिचलत्कुचमण्डलायास्तस्याः स्मरामि मुहुरर्धविलोकितानि ॥
१६३५१ अन्तर्बलान्यहममुष्य मृगाधिपस्य वाचा निगद्य कथमद्य लघूकरोमि ।
१६३५२ जानन्ति किं न करजक्षतकुम्भिकुम्भा दामुक्तमौक्तिकमयानि दिगन्तराणि ॥
१६३६१ अन्तर्भावनिगूधेयं वाक्ते प्रकृतिपेशला ।
१६३६२ विकाराद्यनभिज्ञेया विषदिग्धेव वारुणी ॥
१६३७१ अन्तर्भूतो निवसति जडे जडः शिशिरमहसि हरिण इव ।
१६३७२ अजडे शशीव तपने स तु प्रविष्टोऽपि निःसरति ॥
१६३८१ अन्तर्भूय प्रभोः प्राप्यो विशेषः सर्वथा बुधैः ।
१६३८२ को हि नाम न कुर्वीत केवलोदरपूरणम् ॥
१६३९१ अन्तर्मग्नकरेणवः कलभकव्यारुग्णकन्दाङ्कुरैः सामोदाः परितः प्रमत्तमहिषश्वासोल्लसद्वीचयः ।
१६३९२ संमोदं जनयन्ति शैलसरितः सुच्छायकच्छस्थली सीमानो जलसेकशीतलशिलानिद्राणरोहिद्गणाः ॥
१६४०१ अन्तर्मन्युविभिन्नदीर्घरसितप्रोद्भूतकण्ठव्यथैराक्रुष्टास्तटिनीषु कोकमिथुनैर्यावन्निशीथं मिथः ।
१६४०२ शीतोज्जागरजम्बुकौघमुखरग्रामोपकण्ठस्थलाः कृच्छ्रेणोपरमन्ति पान्थगृहिणीचिन्तायता रात्रयः ॥
१६४११ अन्तर्मलिनदेहेन बहिराह्लादकारिणा ।
१६४१२ महाकालफलेनेव कः खलेन न वञ्चितः ॥
१६४२१ अन्तर्मलिनसंसर्गाच्छ्रुतवानपि दुष्यति ।
१६४२२ यच्चक्षुःसंनिकर्षेण कर्णोऽभूत्कुटिलाश्रयः ॥
१६४३१ अन्तर्मलीमसे वक्रे चले कर्णान्तसर्पिणि तस्या नेत्रयुगे दृष्टे दुर्जने च कुतः सुखम् ॥
१६४४१ अन्तर्माररसार्द्रा गुरुगुणबद्धानुकूलतां धत्ते ।
१६४४२ निष्ठुरबाह्याकारा दृतिरिव पतिसंनिधौ नव्या ॥
१६४५१ अन्तर्मोहनमौलिघूर्णनचलन्मन्दारविभ्रंशनः स्तम्भाकर्षणदृप्तिहर्षणमहामन्त्रः कुरङ्गीदृशाम् ।
१६४५२ दृप्यद्दानवदूयमानदिविषद्दुर्वारदुःखापदां भ्रंशः कंसरिपोर्विलोपयतु वोऽश्रेयांसि वंशीरवः ॥
१६४६१ अन्तर्ये सततं लुथन्त्यगणितास्तानेव पाथोधरैरात्तानापततस्तरङ्गवलयैरालिङ्ग्य गृह्णन्नसौ ।
१६४६२ व्यक्तं मौक्तिकरत्नतां जलकणान्संप्रापयत्यम्बुधिः प्रायोऽन्येन कृतादरो लघुरपि प्राप्तोऽर्च्यते स्वामिभिः ॥
१६४७१ अन्तर्लीनभुजंगमं गृहमिवान्तःस्थोग्रसिंहं वनं ग्राहाकीर्णमिवाभिरामकमलच्छायासनाथं सरः ।
१६४७२ कालेनार्यजनापवादपिशुनैः क्षुद्रैरनार्यैः श्रितं दुःखेन प्रविगाह्यते सचकितं राज्ञां मनः सामयम् ॥
१६४८१ अन्तर्लीनस्य दुःखाग्नेरद्योद्दामं ज्वलिष्यतः ।
१६४८२ उत्पीड इव धूमस्य मोहः प्रागावृणोति माम् ॥
१६४९१ अन्तर्वसति मार्जारी शुनी वा राजवेश्मनि ।
१६४९२ बहिर्बद्धोऽपि मातङ्गस्ततः किं लघुतां गतः ॥
१६५०१ अन्तर्वहसि कषायं बाह्याकारेण मधुरतां यासि ।
१६५०२ सहकार मायिविटपिन् युक्तं लोकैर्बहिर्नीतः ॥
१६५११ अन्तर्बहिस्त्रिजगतीरसभावविद्वान् यो नर्तयत्यखिलदेहभृतां कुलानि ।
१६५१२ क्षेमं ददातु भगवान् परमादिदेवः शृङ्गारनाटकमहाकविरात्मजन्मा ॥
१६५२१ अन्तर्वाणिं मन्यमानः खलोऽयं पौरोभाग्यं सूक्तिमुक्तासु धत्ते ।
१६५२२ सर्वानन्दिन्यङ्गके कामिनीनामीर्म मार्गत्येष वै बम्भरालिः ॥
१६५३१ अन्तर्विशति मार्जारी शुनी वा राजवेश्मनि ।
१६५३२ बहिःस्थस्य गजेन्द्रस्य किमर्थः परिहीयते ॥
१६५४१ अन्तर्विषमया ह्येता बहिश्चैव मनोरमाः ।
१६५४२ गुञ्जाफलसमाकारा योषितः केन निर्मिताः ॥
१६५५१ अन्तर्विष्णोस्त्रिलोकी निवसति फणिनामीश्वरे सोऽपि शेते सिन्धोः सोऽप्येकदेशे तमपि चुलुकयां कुम्भयोनिश्चकार ।
१६५५२ धत्ते खद्योतलीलामयमपि नभसि श्रीनृसिंहक्षितीन्द्र त्वत्कीर्तेः कर्णनीलोत्पलमिदमपि च प्रेक्षणीयं विभाति ॥
१६५६१ अन्तर्हिते शशिनि सैव कुमुद्वती मे दृष्टिं न नन्दयति संस्मरणीयशोभा ।
१६५६२ इष्टप्रवासजनितान्यबलाजनेन दुःखानि नूनमतिमात्रदुरुद्वहानि ॥
१६५७१ अन्तश्छिद्राणि भूयंसि कण्टका बहवो बहिः ।
१६५७२ कथं कमलनालस्य मा भूवन् भङ्गुरा गुणाः ॥
१६५८१ अन्तश्छिद्रैरियमधिगता दुस्त्यजा दुष्टवंशैरत्यासक्तिर्निजकुलशुभोदर्कलाभाय न स्यात् ।
१६५८२ किं तु ग्रीष्मश्वसनजनितान्योन्यसंघर्षवह्नि ज्वालामालाजटिलवपुषामात्मनां नाशनाय ॥
१६५९१ अन्तस्तव स ज्वलनो भीमा मकराश्च सर्वतो विकटाः ।
१६५९२ अथ बत विषमयमङ्गं तदिति निषेव्यः कथं भवेर्जलधे ॥
१६६०१ अन्तस्तारं तरलिततलाः स्तोकमुत्पीडभाजः पक्ष्माग्रेषु ग्रथितपृषतः कीर्णधाराः क्रमेण ।
१६६०२ चित्तातङ्कं निजगरिमतः सम्यगासूत्रयन्तो निर्यान्त्यस्याः कुवलयदृशो बाष्पवारां प्रवाहाः ॥
१६६११ अन्तस्तिमिरनाशाय शाब्दबोधो निरर्थकः ।
१६६१२ न नश्यति तमो नाम कृतया दीपवार्तया ॥
१६६२१ अन्तस्तृष्णोपतप्तानां दावदाहमयं जगत् ।
१६६२२ भवत्यखिलजन्तूनां यदन्तस्तद्बहिः स्थितम् ॥
१६६३१ अन्तिकान्तिकगतेन्दुविसृष्टे जिह्मतां जहति दीधितिजाले ।
१६६३२ निःसृतस्तिमिरभारनिरोधादुच्छ्वसन्निव रराज दिगन्तः ॥
१६६४१ अन्तेनार्जुनतां दधाति नयनं मध्ये तथा कृष्णतां द्वैरूप्यं दधतामुना विरचितः कर्णेन ते विग्रहः ।
१६६४२ तत्कर्णार्जुनकृष्णविग्रहवती साक्षात्कुरुक्षेत्रतां यातासि त्वदवाप्तिरेव तरुणि श्रेयः परं गण्यते ॥
१६६५१ अन्तेषु रेमिरे धीरा नते मध्येषु रेमिरे ।
१६६५२ अन्तप्राप्तिं सुखामाहुर्दुःखमन्तरमन्तयोः ॥
१६६६१ अन्ते सन्तोषदं विष्णुं स्मरेथन्तारमापदाम् ।
१६६६२ शरतल्पगतो भीष्मः सस्मार गरुडध्वजम् ॥
१६६७१ अन्तो नाश्चर्यजातस्य जततो दृश्यते क्वचित् ।
१६६७२ क्षुद्राहंभावसीमाया यावतीं मुक्तिमाप्नुमः ।
१६६७३ आश्चर्याणि हि तावन्ति प्रकाशानि भवन्ति नः ॥
१६६८१ अन्तो नास्ति पिपासायाः संतोषः परमं सुखम् ।
१६६८२ तस्मात्संतोषमेवेह धनं पश्यन्ति पण्डिताः ॥
१६६९१ अन्त्यजोऽपि नरः पूज्यो यस्यास्ति विपुलं धनम् ।
१६६९२ अपि ब्रह्मकुले जातो निर्धनः परिभूयते ॥
१६७०१ अन्त्यजोऽपि यदा साक्षी विवादे संप्रजायते ।
१६७०२ न तत्र युज्यते दिव्यं किं पुनर्वनदेवताः ॥
१६७११ अन्त्यावस्थागतोऽपि महान् स्वगुणाञ्जहाति न शुद्धतया ।
१६७१२ न श्वेतभावमुज्झति शङ्खः शिखिभुक्तमुक्तोऽपि ॥
१६७२१ अन्त्रप्रोतबृहत्कपालनलकक्रूरक्वणत्कङ्कण प्रायप्रेङ्खितभूरिभूषणरवैराधोषयन्त्यम्बरम् ।
१६७२२ पीतच्छर्दितरक्तकर्दमघनप्राग्भारघोरोल्लसद्व्यालोलस्तनभारभैरववपुर्दर्पोद्धतं धावति ॥
१६७३१ अन्त्राकल्पचलत्पयोधरभरव्याविद्धमेघच्छटा सृक्वस्थामिषगृध्नुगृध्रगरुदास्फालोच्चलन्मूर्धजा ।
१६७३२ व्यादायाननमट्टहासविकटं दूरेण तारापथात्त्रस्यत्सिद्धपुरंध्रिवृन्दरभसोन्मुक्तादुपक्रामति ॥
१६७४१ अन्त्रैः कल्पितमङ्गलप्रतिसराः स्त्रीहस्तरक्तोत्पल व्यक्तोत्तंसभृतः पिनह्य सहसा हृत्पुण्डरीकस्रजः ।
१६७४२ एताः शोणितपङ्ककुङ्कुमजुषः संभूय कान्तैः पिबन्त्यस्थिस्नेहसुराः कपालचषकैः प्रीताः पिशाचाङ्गनाः ॥
१६७५१ अन्त्रैः स्वैरपि संयताग्रचरणो मूर्च्छाविरामक्षणे स्वाधीनव्रणिताङ्गशस्त्रनिचितो रोमोद्गमं वर्मयन् ।
१६७५२ भग्नानुद्वलयन्निजान् परभटान् संतर्जयन्निष्ठुरं धन्यो धाम जयश्रियः पृथुरणस्तम्भे पताकायते ॥
१६७६१ अन्दूमुद्धूय बद्धां निजमपि सहसा सूतमुन्मथ्य सद्यो निर्यातस्त्रस्तवाजिव्रजकृतनिनदाकर्णनक्रुद्धचेताः ।
१६७६२ संरम्भारम्भभग्नद्रुमविटपशतैः प्रोथयन्नापनस्थानायाति व्यालनागस्त्वरितमिह जनाः सावधाना भवन्तु ॥
१६७७१ अन्धं तमश्चेदयि बाधते त्वां सरोजनेत्रं जगदेकसूत्रम् ।
१६७७२ सुधाचरित्रं परमं पवित्रं कुरुष्व मित्रं वसुदेवपुत्रम् ॥
१६७८१ अन्धं दरिद्रितमपि प्रियया विहीनं वीक्ष्येश्वरे वदति या च वरं त्वमेकम् ।
१६७८२ नेत्रे न नापि वसु नो वनितां स वव्रे छत्राभिरामसुतदर्शनमित्युवाच ॥
१६७९१ अन्धं पतिं प्राप्य विलासिनीनां कटाक्षबाणा विफला भवन्ति ।
१६७९२ तद्वत्कुजादित्यशनैश्चराणां न वारदोषाः प्रभवन्ति रात्रौ ॥
१६८०१ अन्धः स एव श्रुतवर्जितो यः शठः स एवार्थिनिरर्थको यः ।
१६८०२ मृतः स एवास्ति यशो न यस्य धर्मे न धीर्यस्य स एव शोच्यः ॥
१६८११ अन्धः स्यादन्धवेलायां बाधिर्यमपि चाश्रयेत् ।
१६८१२ कुर्यात्तृणमयं चापं शयीत मृगशायिकाम् ॥
१६८२१  सान्त्वादिभिरुपायैस्तु हन्याच्छत्रुं वशे स्थितम् ।
१६८२२ दया तस्मिन्न कर्त्तव्या शरणागत इत्युत ॥
१६८३१ अन्धकं कुब्जकं चैव कुष्ठाङ्गं व्याधिपीडितम् ।
१६८३२ आपद्गतं च भर्तारं न त्यजेत्सा महासती ॥
१६८४१ अन्धकः कुब्जकश्चैव त्रिस्तनी राजकन्यका ।
१६८४२ त्रयोऽप्यन्यायतः सिद्धाः संमुखे कर्मणि स्थिते ॥
१६८५१ अन्धकः कुब्जकश्चैव राजकन्या च त्रिस्तनी ।
१६८५२ अनयोऽपि नयं याति यावच्छ्रीर्भजते नरम् ॥
१६८६१ अन्धकः कुब्जकश्चैव राजकन्या च त्रिस्तनी ।
१६८६२ सानुकूले जगन्नाथे विपरीतः सुयुग्भवेत् ॥
१६८७१ अन्धकारगरलं यतो जगन्मोहकारि भृशमत्ति नित्यशः ।
१६८७२ उज्ज्वलं जठरमोषधीपतेरञ्जनाभमभवत्ततः प्रिये ॥
१६८८१ अन्धकाराङ्कुरो जज्ञे ववृधे चाविलम्बितम् ।
१६८८२ भीमेन रममाणाया हिडिम्बाया इवात्मजः ॥
१६८९१ अन्धत्वमन्धसमये बधिरत्वं बह्दिरकाल आलम्ब्य ।
१६८९२ श्रीकेशवयोः प्रणयी परमेष्ठी नाभिवास्तव्यः ॥
१६९०१ अन्धद्वये महानन्धो विषयान्धीकृतेक्षणः ।
१६९०२ चक्षुषान्धो न जानाति विषयान्धो न केनचित् ॥
१६९११ अन्धस्य दर्पणेनेव हितेनेव हतश्रुतेः ।
१६९१२ दुःखाभितप्तः शोकेन नेक्षते न शृणोति च ॥
१६९२१ अन्धस्य पन्था बधिरस्य पन्थाः स्त्रियः पन्था वैवधिकस्य पन्थाः ।
१६९२२ राज्ञः पन्था ब्राह्मणेनासमेत्य समेत्य तु ब्राह्मणस्यैव पन्थाः ॥
१६९३१ अन्धस्य मे हृतविवेकमहाधनस्य चौरैर्विभो बलिभिरिन्द्रियनामधेयैः ।
१६९३२ मोहान्धकूपकुहरे विनिपातितस्य देवेश देहि कृपणस्य करावलम्बम् ॥
१६९४१ अन्धा इव न पश्यन्ति योग्यायोग्यं हिताहितम् ।
१६९४२ पथा तेनैव गच्छन्ति नीयन्ते येन पार्थिवाः ॥
१६९५१ अन्धा इव बधिरा इव मूका इव मोहभाज इव ।
१६९५२ पङ्गव इवानभिमते नृपतेर्निवसन्ति साधवः सदसि ॥
१६९६१ अन्धा विद्वज्जनैर्हीना मूका कविभिरुज्झिता ।
१६९६२ बधिरा गायनैर्हीना सभा भवति भूभृताम् ॥
१६९७१ अन्धीकरोमि भुवनं बधिरीकरोमि धीरं सचेतनमचेतनतां नयामि ।
१६९७२ कृत्यं न पश्यति न येन हितं शृणोति धीमानधीतमपि न प्रतिसंदधाति ॥
१६९७ १ अन्धे तमसि मज्जामः पशुभिर्ये यजामहे ।
१६९७ २ अहिंसायाः परो धर्मो न भूतो न भविष्यति ॥
१६९८१ अन्दोऽप्यन्योक्तपथो दण्डधृगन्योपचरणीयः ।
१६९८२ राजत्वप्रतिहतैर्जनानुरागैर्भरति भूपः ॥
१६९९१ अन्धो मत्स्यानिवाश्नाति स नरः कण्टकैः सह ।
१६९९२ यो भाषतेऽर्थवैकल्यमप्रत्यक्षं सभां गतः ॥
१७००१ अन्धो वा वधिरो वाथ कुष्टी वाप्यन्त्यजोऽपि वा ।
१७००२ परिगृह्णातु तां कन्यां सलक्षां स्याद्विदेशगः ॥
१७०११ अन्धो हि राजा भवति यस्तु शास्त्रविवर्जितः ।
१७०१२ अन्धः पश्यति चारेण शास्त्रहीनो न पश्यति ॥
१७०२१ अन्घ्रीनीरन्घ्रपीनस्तनतटलुठनायासमन्दप्रचाराश्चारूनुल्लासयन्तो द्रविडनरवधूहारिधम्मिल्लभारान् ।
१७०२२ जिघ्रन्तः सिंहलीनां मुखकमलमलं केरलीनां कपोलं चुम्बन्तो वान्ति मन्दं मलयपरिमला वायवो दाक्षिणात्याः ॥
१७०३१ अन्नं किंशुकपुष्पपुञ्जसदृशं पाषाणजालैर्युतं धूम्यं गन्धयुतं च जालमखिलं भग्नाश्च दन्तालयः ।
१७०३२ आज्यं दूरतरं न चापि लवणं न श्रूयते तिन्त्रिणी भक्ष्याणां वचनं च नास्ति हि सखे तद्भोजनं वर्णये ॥
१७०४१ अन्नं दद्यादतिथये श्रद्धया स्वर्गदं हि तत् ।
१७०४२ सकुटुम्बो दिशन्नन्नं सक्तुप्रस्थो दिवंगतः ॥
१७०५१ अन्नं धान्यं वसु वसुमतीत्युत्तरेणोत्तरेण व्याकृष्यन्ते परमकृपणाः पामरा यद्वदित्यम् ।
१७०५२ भूमिः खं द्यौर्द्रुहिणगृहमित्युत्तरेणोत्तरेण व्यामोह्यन्ते विमलमतयोऽप्यस्थिरेणैव धाम्ना ॥
१७०६१ अन्नं नास्त्युदकं नास्ति नास्ति ताम्बूलचर्वणम् ।
१७०६२ मन्दिरेषुमहोत्साहः शुष्कचर्मस्य (?) ताडनम् ॥
१७०७१ अन्नं मुक्तासुवर्णं द्रवगुणरहिताः स्वर्णरूपाश्च सूपाः सामोदाः शाकभेदाः फलगुडमिलिताः पायसम्  ... ।
१७०७२ यावद्भोज्यं तदाज्यं दधि कथिनतरं नैकरूपास्त्वपूपाः भुज्यन्ते भूसुरौधैर्महति तव गृहे रामचन्द्रस्य तृप्त्यै ॥
१७०८१ अन्नं विधात्रा विहितं मर्त्यानां जीवधारणम् ।
१७०८२ तदनादृत्य मतिमान् प्रार्थयेन्न तु किंचन ॥
१७०९१ अन्नं संप्रोक्ष्य गायत्र्या सत्यं त्वर्तेति मन्त्रतः ।
१७०९२ ऋतं त्वेति च सायं तु परिषिञ्चेत्प्रदक्षिणम् ॥
१७१०१ अन्नं हि प्राणिनां प्राणा आर्तानां शरणं त्वहम् ।
१७१०२ धर्मो वित्तं नृणां प्रेत्य सन्तोऽर्वाग्बिभ्यतोऽरणम् ॥
१७१११ अन्नजा भुवि मर्त्यानां श्रमजा वा कथंचन ।
१७११२ सैषा भवति लोकस्य निद्रा सर्वस्य लौकिकी ॥
१७१२१ अन्नदाता भयत्राता कन्यादाता तथैव च ।
१७१२२ जनिता चोपनेता च पञ्चैते पितरः स्मृताः ॥
१७१३१ अन्नदानं महादानं विद्यादानं महत्तरम् ।
१७१३२ अन्नेन क्षणिका तृप्तिर्यावज्जीवं तु विद्यया ॥
१७१४१ अन्नदानात्परं दानं न भूतं न भविष्यति ।
१७१४२ अन्नेन धार्यते सर्वं जगदेतच्चराचरम् ॥
१७१५१ अन्नदाहे हरेन्मांसमम्बुदाहे च शोणितम् ।
१७१५२ कामदाहे हरेन्नेत्रमनिद्रा रोगकारिणी ॥
१७१६१ अन्नदो जलदश्चैव आतुरस्य चिकित्सकः ।
१७१६२ त्रयस्ते स्वर्गमायान्ति विना यज्ञेन भारत ॥
१७१७१ अन्नपानं विषाद्रक्षेद्विशेषेण महीपतेः ।
१७१७२ योगक्षेमौ तदायत्तौ धर्माद्या यन्निबन्धनाः ॥
१७१८१ अन्नपानादिभिश्चैव वस्त्रालंकारभूषणैः ।
१७१८२ गन्धमाल्यैर्विचित्रैश्च गुरुं तत्र प्रपूजयेत् ॥
१७१९१ अन्नपानानि जीर्यन्ते यत्र भक्षाश्च भक्षिताः ।
१७१९२ तस्मिन्नेवोदरे गर्भः किं नाम न विजीर्यते ॥
१७२०१ अन्नप्रणाशे सीदन्ति शरीरे पञ्च धातवः ।
१७२०२ आहारात्सर्वभूतानि संभवन्ति महीतले ॥
१७२११ अन्नमूलं बलं पुंसां बलमूलं हि जीवनम् ।
१७२१२ तस्माद्यत्नेन संरक्षेद्बलं च कुशलो भिषक् ॥
१७२२१ अन्नवस्त्रसुवर्णानि रत्नानि विविधानि च ।
१७२२२ ब्राह्मणेभ्यो नदीतीरे ददाति व्रज सत्वरम् ॥
१७२३१ अन्नहीनो दहेद्राष्ट्रं मन्त्रहीनश्च ऋत्विजः ।
१७२३२ यजमानं दानहीनो नास्ति यज्ञसमो रिपुः ॥
१७२४१ अन्नादष्टगुणं पिष्टं पिष्टादष्तगुणं पयः ।
१७२४२ पयसोऽष्टगुणं मांसं मांसादष्टगुणं घृतम् ॥
१७२५१ अन्नादिवर्गं फलपुष्पमांस मत्स्यादिभिः पूर्णमुखः सदैव ।
१७२५२ स्याद्दृष्टमात्रोऽभिमतार्थसिद्ध्यै मृष्टान्नभोज्याय मुदे च काकः ॥
१७२६१ अन्नादिविष्ठानवगोमयानि न वा विधुन्वन् वदने सदैव ।
१७२६२ वामोपसव्योऽप्यवलोक्यमानो मनोरथं पूरयते ध्रुवश्च ॥
१७२७१ अन्नादिविष्ठापिशितादिभिर्यः पूर्णाननोऽभीष्टफलप्रदोऽसौ ।
१७२७२ मन्त्रादिसिद्ध्यै वणिगादिलाभे शस्तो विवाहादिविधौ च काकः ॥
१७२८१ अन्नादे भ्रूणहा मार्ष्टि अन्नेन अभिशंसति ।
१७२८२ स्तेनः प्रमुक्तो राजनि याचन्ननृतसंकरे ॥
१७२९१ अन्नादे भ्रूणहा मार्ष्टि पत्यौ भार्यापचारिणी ।
१७२९२ गुरौ शिष्यश्च याज्यश्च स्तेनो राजनि किल्बिषम् ॥
१७३०१ अन्नाद्भवन्ति भूतानि पर्जन्यादन्नसंभवः ।
१७३०२ यज्ञाद्भवति पर्जन्यो यज्ञः कर्मसमुद्भवः ॥
१७३११ अन्नाद्रक्तं च शुक्लं चाप्यतो जीवः प्रतिष्ठितः ।
१७३१२ इन्द्रियाणि च बुद्धिश्च तृप्यन्त्यन्नेन नित्यशः ॥
१७३२१ अन्नाभावे मृत्युः शालिभिरन्नानि शालयो वृष्ट्या ।
१७३२२ वृष्टिस्तपसेति वदन्नमृत्यवे तत्तपश्चरतु ॥
१७३३१ अन्नाशने स्यात्परमाणुमात्रः प्रशक्यते शोधयितुं तपोभिः ।
१७३३२ मांसाशने पर्वतराजमात्रो नो शक्यते शोधयितुं महत्त्वात् ॥
१७३४१ अन्नेन धार्यते सर्वं जगदेतच्चराचरम् ।
१७३४२ अन्नात्प्रभवति प्राणः प्रत्यक्षं नास्ति संशयः ॥
१७३५१ अन्ने पाने च ताम्बूले फले पुष्पे विभूषणे ।
१७३५२ वस्त्रे विलेपने धूपे शय्यायामासनेषु च ॥
१७३६१ अन्यं काननमाशु गच्छ तरसा वन्यं फलं भुङ्क्ष्व रे धन्यं धाम विभाति ते न हि तथा पुण्यं जघन्यं कुरु ।
१७३६२ एतस्मिन्करिशाव मा व्रज वने जल्पामि तथ्यं वचो जानास्येव करीन्द्रदर्पदलनो निद्राति पञ्चाननः ॥
१७३७१ अन्यं मनुष्यं हृदयेन कृत्वा अन्यं ततो दृष्टिभिराह्वयन्ति ।
१७३७२ अन्यत्र मुञ्चन्ति मदप्रसेकमन्यं शरीरेण च कामयन्ते ॥
१७३८१ अन्यः कः क्षारवार्धे त्वमिव नियमितो वानरैर्वा नरैर्वा विप्रेणैकेन कोऽन्यः करकुहरपुटीपात्रमात्रे निपीतः ।
१७३८२ जल्पन्नित्थं पृथूर्मिघ्वनिभिरवतरत्फेनकूटाट्टहासैः स्पर्धां धत्ते पयोधेरधिकमधिपुरं निर्मितो यत्तटाकः ॥
१७३९१ अन्यः करोति व्यापारं लिप्तो भवति लेखकः ।
१७३९२ भगलिङ्गप्रसङ्गेन छिन्ना भवति नासिका ॥
१७४०१ अन्यः कोऽपि स कुम्भसंभवमुनेरास्तां शिखी जाठरो यं संचिन्त्य दुकूलवह्निसदृशः संलक्ष्यते वाडवः ।
१७४०२ वन्द्यं तज्जठरं स मीनमकरग्राहावलिस्तोयधिः पश्चात्पार्श्वमपूरितान्तरवियद्यत्र स्वनन् भ्राम्यति ॥
१७४११ अन्य इत्यनुपजातयन्त्रणं द्रागुदञ्चितवती विलोचनम् ।
१७४१२ मामवेत्य चकिता वृतानना दन्तदष्टरसना मनागभूत् ॥
१७४२१ अन्यकर्मविमूढो य आत्मकर्मविशारदः ।
१७४२२ यथा पश्य न जानाति स्तनपानेतरच्छिशुः ॥
१७४३१ अन्यकालपरिहार्यमजस्रं तद्द्वयेन विदधे द्वयमेव ।
१७४३२ धृष्टता रहसि भर्तृषु ताभिर्निर्दयत्वमितरैरबलासु ॥
१७४४१ अन्यक्षेत्रे कृतं पापं पुण्यक्षेत्रे विनश्यति ।
१७४४२ पुण्यक्षेत्रे कृतं पापं वज्रलेपो भविष्यति ॥
१७४५१ अन्यतो नय मुहूर्तमाननं चन्द्र एष सरले कलामयः ॥
१७४५२ मा कदाचन कपोलयोर्मलं संक्रमय्य समतां स नेष्यति ॥
१४७६१ अन्यतो यदि निजोपचिकीर्षा मानहानिरिति भीतिरनीतिः ।
१४७६२ श्रीधरोऽपि हि बले श्रियमिच्छन्मानमातनुत वामनमेव ॥
१४७७१ अन्यत्कृत्यं मनुजश्चिन्तयति दिवानिशं विशुद्धधिया ।
१४७७२ वेधा विदधात्यन्यत्स्वामीव न शक्यते धर्तुम् ॥
१७४८१ अन्यत्र देशे घटिता जगन्ति ग्रसिष्यते विश्वसृजेति मत्वा ।
१७४८२ संकोचयित्वा किमु पादमूल द्वयान्तराले निहितास्ति योनिः ॥
१७४९१ अन्यत्र भीष्माद्गाङ्गेयादन्यत्र च हनूमतः ।
१७४९२ हरिणीखुरमात्रेण चर्मणा मोहितं जगत् ॥
१७५०१ अन्यत्र यापितनिशं परिलोहिताङ्गमन्याङ्गनागतमिवागतमुष्णरश्मिम् ।
१७५०२ प्रातर्निरीक्ष्य कुपितेव हि पद्मिनीयमुत्फुल्लहल्लकसुलोहितलोचनाभूत् ॥
१७५११ अन्यत्र यूयं कुसुमावचायं कुरुध्वमत्रास्मि करोमि सख्यः ।
१७५१२ नाहं हि दूरं भ्रमितुं समर्था प्रसीदतायं रचितोऽञ्जलिर्वः ॥
१७५२१ अन्यत्र व्रजतीति का खलु कथा नाप्यस्य तादृक्सुहृद्यो मां नेच्छति नागतश्च हहहा कोऽयं विधेः प्रक्रमः ।
१७५२२ इत्यल्पेतरकल्पनाकवलितस्वान्ता निशान्तान्तरे बाला वृत्तविवर्तनव्यतिकरा नाप्नोति निद्रां निशि ॥
१७५३१ अन्यथा चिन्तिता ह्यर्था नरैस्तात मनस्विभिः ।
१७५३२ अन्यथैव हि गच्छन्ति दैवादिति मतिर्मम ॥
१७५४१ अन्यथा परिदृष्टानि मुनिभिर्वेददर्शिभिः ।
१७५४२ अन्यथा परिवर्तन्ते वेगा इव नभस्वतः ॥
१७५५१ अन्यथालिङ्ग्यते कान्ता भावेन दुहितान्यथा ।
१७५५२ मनसो भिद्यते वृत्तिरभिन्नेष्वपि वस्तुषु ॥
१७५६१ अन्यथा वर्त्तमानानामर्थी भूतोऽयमन्यथा ।
१७५६२ अस्माभिर्यदनुष्ठेयं गन्धर्वैस्तदनुष्ठितम् ॥
१७५७१ अन्यथा वेदशास्त्राणि ज्ञानपाण्डित्यमन्यथा ।
१७५७२ अन्यथा तत्पदं शान्तं लोकाः क्लिश्यन्ति चान्यथा ॥
१७५८१ अन्यथा शास्त्रगर्भिण्या धिया धीरोऽर्थमीहते ।
१७५८२ स्वामीव प्राक्तनं कर्म विदधाति तदन्यथा ॥
१७५९१ अन्यथैव विचिन्त्यन्ते पुरुषेण मनोरथाः ।
१७५९२ दैवेनाहितसद्भावाः कर्मणां गतयोऽन्यथा ॥
१७६०१ अन्यथैवसती पुत्रं चिन्तयेदन्यथा पतिम् ।
१७६०२ यथा यथा स्वभावस्य महाभाग उदाहृतम् ॥
१७६११ अन्यथैव हि मन्यन्ते पुरुषास्तानि तानि च ।
१७६१२ अन्यथैव प्रभुस्तानि करोति विकरोति च ॥
१७६२१ अन्यथैव हि सौहार्दं भवेत्स्वच्छान्तरात्मनः ।
१७६२२ प्रवर्ततेऽन्यथा वाणी शाठ्योपहतचेतसः ॥
१७६३१ अन्यदस्मि भवतीं न याचिता वारमेकमधरं धयामि ते ।
१७६३२ इत्यसिस्वददुपांशुकाकुवाक्सोपमर्दहठवृत्तिरेव तम् ॥
१७६४१ अन्यदाभाषितं पूर्वं दत्तमन्यत्ततोऽल्पकम् ।
१७६४२ यत्सदोषमयोग्यं वा कूटदानेन तेन किम् ॥
१७६५१ अन्यदा भूषणं पुंसः क्षमा लज्जेव योषितः ।
१७६५२ पराक्रमः परिभवे वैयात्यं सुरतेष्विव ॥
१७६६१ अन्यदीयमविचिन्त्य पातक निर्घृणो हरति जीवितोपमम् ।
१७६६२ द्रव्य्मत्र कितवो विचेतनस्तेन गच्छति कदर्थनां चिरम् ॥
१७६७१ अन्यदुःखेन यो दुःखी योऽन्यहर्षेण हर्षतः ।
१७६७२ स एव जगतामीशो नररूपधरो हरिः ॥
१७६८१ अन्यदुच्छृङ्खलं सत्त्वमन्यच्छास्त्रनियन्त्रितम् ।
१७६८२ सामानाधिकरण्यं हि तेजस्तिमिरयोः कुतः ॥
१७६९१ अन्यदुप्तं जातमन्यदित्येतन्नोपपद्यते ।
१७६९२ उप्यते यद्धि यद्बीजं तत्तदेव प्ररोहति ॥
१७७०१ अन्यदोषमिव स स्वकं गुणं ख्यापयेत्कथमधृष्टताजडः ।
१७७०२ उच्यते स खलु कार्यवत्तया धिग्वभिन्नबुधसेतुमर्थिताम् ॥
१७७११ अन्यद्गोपुच्छकं ज्ञेयं शुद्धकाष्ठविनिर्मितम् ।
१७७१२ मुखे च लोहकण्ठेन वेध्यं त्र्यङ्गुलसंमितम् ॥
१७७२१ अन्यपूर्वां स्त्रियं साध्वीं कामयेत न गर्वतः ।
१७७२२ साध्वीरिच्छन्महादेवः षण्डोऽभूद्दारुकावने ॥
१७७३१ अन्यप्रतापमासाद्य यो दृढत्वं न गच्छति ।
१७७३२ जातुषाभरणस्येव रूपेणापि हि तस्य किम् ॥
१७७४१ अन्यमाश्रयते लक्ष्मीस्त्वन्यमन्यं च मेदिनी ।
१७७४२ अनन्यगामिनी पुंसां कीर्तिरेका पतिव्रता ॥
१७७५१ अन्ययान्यवनितागतचित्तं चित्तनाथमभिशङ्कितवत्या ।
१७७५२ पीतभूरिसुरयापि न मेदे निर्वृतिर्हि मनसो मदहेतुः ॥
१७७६१ अन्यया यौवने मर्त्यो बुद्ध्या भवति मोहितः ।
१७७६२ मध्येऽन्यया जरायांतु सोऽन्यां रोचयते मतिम् ॥
१७७७१ अन्यवर्णं शिरो यस्य पुच्छं वा यस्य वाजिनः ।
१७७७२ पुच्छेन शिरसा वापि नानावर्णः स निन्दितः ॥
१७७८१ अन्यवर्णपरावृत्त्या बन्धचिह्ननिगूहनैः ।
१७७८२ अनाख्यातः सतां मध्ये कविश्चोरो विभाव्यते ॥
१७७९१ अन्यस्त्रीस्पृहयालवो जगति के पद्भ्यामगम्या च का को धातुर्दशने समस्तमनुजैः का प्रार्थ्यतेऽहर्निशम् ।
१७७९२ दृष्ट्वैकां यवनेश्वरो निजपुरे पद्माननां कामिनीं मित्रं प्राह किमादरेण सहसा यारानदीदंशमा ॥
१७८०१ अन्यस्माल्लब्धोष्मा क्शुद्रः प्रायेण दुःसहो भवति ।
१७८०२ रविरपि न दहति तादृग्यादृघ्युत्तप्तवालुकानिकरः ॥
१७८११ अन्यस्मिन्नपि काले दयिताविरहः करोति संतापम् ।
१७८१२ किं पुनरविरलजलधर गुरुतररसितेषु दिवसेषु ॥
१७८२१ अन्यस्मिन् प्रेष्यमाणे तु पुरस्ताद्यः समुत्पतेत् ।
१७८२२ अहं किं करवाणीति स राजवसतिं वसेत् ॥
१७८३१ अन्यस्य लगति कर्णे जीवितमन्यस्य हरति बाण इव ।
१७८३२ हृदयं दुनोति पिशुनः कण्टक इव पादलग्नोऽपि ॥
१७८४१ अन्यस्यै संप्रतीयं कुरु मदनरिपो स्वाङ्गदानप्रसादं नाहं सोढुं समर्था शिरसि सुरनदीं नापि संध्यां प्रणन्तुम् ।
१७८४२ इत्युक्त्वा कोपविद्धां विघटयितुमुमामात्मदेहं प्रवृत्तां रुन्धानः पातु शम्भोः कुचकलसहठस्पर्शकृष्टो भुजो वः ॥
१७८५१ अन्याङ्गनाभिरधिकं स करोति केलिं त्वं तेन मा कुरु विषादमदभ्ररूपे ।
१७८५२ पेपीयते मधुकरः क्व न तं मरन्दं नो जातु विस्मरति पङ्कजिनीं तथापि ॥
१७८६१ अन्या जगद्धितमयी मनसः प्रवृत्तिरन्यैव कापि रचना वचनावलीनाम् ।
१७८६२ लोकोत्तरा च कृटिराकृतिरार्तहृद्या विद्यावतां सकलमेव गिरां दवीयः ॥
१७८७१ अन्यादानाकुलान्तःकरणवशविपद्बाधितप्रेतरङ्कं ग्रासभ्रश्यत्करालश्लथपिशितशवाग्रग्रहे मुक्तनादम् ।
१७८७२ सर्वैः क्रामद्भिरुल्काननकवलरसव्यात्तवक्त्रप्रभाभिर्व्यक्तैस्तैः संवलद्भिः क्षणमपरमिव व्योम्नि वृत्तं श्मशानम् ॥
१७८८१ अन्यानपि तरून् रोप्य फलपुष्पोपयोगिनः ।
१७८८२ रत्नधेनुसहस्रस्य फलं प्राप्नोति मानवः ॥
१७८९१ अन्या निरर्थिका चिन्ता बलतेजःप्रणाशिनी ।
१७८९२ नाशयेत्सर्वसौख्यं तु रूपहानिं निदर्शयेत् ॥
१७९०१ अन्यानि शास्त्राणि विनोदमात्रं प्राप्तेषु वा तेषु न तैश्च किंचित् ।
१७९०२ चिकित्सितज्योतिषमन्त्रवादाः पदे पदे प्रत्ययमावहन्ति ॥
१७९११ अन्यानि शास्त्राणि विनोदमात्रं प्राप्तेषु कालेषु न तैश्च किंचित् ।
१७९१२ चिकित्सितज्योतिषमन्त्रवादाः पदे पदे प्रत्ययमावहन्ति ॥
१७९२१ अन्यान्परिवदन् साधुर्यथा हि परितप्यते ।
१७९२२ तथा परिवदन्नन्यांस्तुष्टो भवति दुर्जनः ॥
१७९३१ अन्यान्योपमितं युगं निरुपमं तेऽयुग्ममङ्गेषु यत्सोऽयं सिक्थकमास्यकान्तिमधुनस्तन्वङ्गि चन्द्रस्तव ।
१७९३२ त्वद्वाचां स्वरमात्रिकां मदकलः पुंस्कोकिलो घोषयत्यभ्यासस्य किमस्त्यगोचरमिति प्रत्याशया मोहितः ॥
१७९४१ अन्या प्रकामसुरतश्रमखिन्नदेहा रात्रिप्रजागरविपाटलनेत्रपद्मा ।
१७९४२ शय्यान्तदेशलुलिताकुलकेशपाशा निद्रां प्रयाति मृदुसूर्यकराभितप्ता ॥
१७९५१ अन्या प्रियेण परिभुक्तमवेक्ष्य गात्रं हर्षान्विता विरचिताधरचारुशोभा ।
१७९५२ कूर्पासकं परिदधाति नखक्षताङ्गी व्यालम्बिनीलललितालककुञ्चिताक्षी ॥
१७९६१ अन्याभ्यो वन्याभ्यो मालति धन्यासि वल्लरीभ्यस्त्वम् ।
१७९६२ यत्किल तवैव सविधे क्रीडति मधुपः सदैव मुदितोऽयम् ॥
१७९७१ अन्यामन्यां धनावस्थां प्राप्य वैशेषिकीं नराः ।
१७९७२ असंतुष्टाः प्रमुह्यन्ति संतोषं यान्ति पण्डिताः ॥
१७९८१ अन्यायः प्रौढवादेन नीयते न्यायतां यया ।
१७९८२ न्यायश्चान्यायतां लोभात्किं तया क्षुद्रविद्यया ॥
१७९९१ अन्यायकरभोगैश्च यो हि जीवति नित्यशः ।
१७९९२ विरागादेव लोकानां भ्रंशते स हि पार्थिवः ॥
१८००१ अन्यायद्रविणादानेष्वुद्यमः क्रियते वृथा ।
१८००२ लुब्धानां सत्यसंकोचात्संकुचन्त्येव संपदः ॥
१८०११ अन्यायवित्तेन कृतोऽपि धर्मः सव्याज इत्याहुरशेषलोकाः ।
१८०१२ न्यायार्जितार्थेन स एव धर्मो निर्व्याज इत्यार्यजना वदन्ति ॥
१८०२१ अन्यायसमुपात्तेन दानधर्मो धनेन यः ।
१८०२२ क्रियते न स कर्तारं त्रायते महतो भयात् ॥
१८०३१ अन्या या वसनोत्तमं तदधुना संगृह्य मान्यं पुनर्यन्मां दर्शयसि प्रियं प्रियतमं तोषाय रोषाय नो ।
१८०३२ सर्वसैव सतश्च रीतिरियती पूर्वं श्रुता वृद्धतः प्रायः प्राप्य निजप्रकर्षमखिलं मित्रं मुदादर्शयत् ॥
१८०४१ अन्यायोपार्जितं द्रव्यं दशवर्षाणि तिष्ठति ।
१८०४२ प्राप्ते चैकादशे वर्षे समूलं च विनश्यति ॥
१८०५१ अन्यायोपार्जितं द्रव्यमर्थदूषणमुच्यते ।
१८०५२ अपात्रदानं पात्रार्थ हरणं तस्य लक्षणम् ॥
१८०६१ अन्यार्थमङ्गीकृतवारिपाणौ विशङ्कमानास्तव दाननीरम् ।
१८०६२ परस्परं दीनमुखा न के वा देवाः सुमेरुं शुशुचुः स्वभूमिम् ॥
१८०७१ अन्या विहाय पतिगृह मविचिन्तितकुलकलङ्कजनगर्हाः ।
१८०७२ रागोपरक्तहृदया यान्ति दिगन्तं मनुष्या आसज्य ॥
१८०८१ अन्याश्चिरं सुरतकेलिपरिश्रमेण खेदं गताः प्रशिथिलीकृतगात्रयष्ट्यः ।
१८०८२ संहृष्यमाणविपुलोरुपयोधरार्ता अभ्यञ्जनं विदधति प्रमदाः सुशोभाः ॥
१८०९१ अन्यासां न किमस्ति वेश्मनि वधूः कैवं निशि प्रावृषि प्रैति प्रान्ततडागमम्ब गृहिणि स्वस्थासि मेऽवस्थया ।
१८०९२ भग्नोऽयं वलयो घटो विघटितः क्षण्णा तनुः कण्टकैराक्रान्तः स तथा भुजङ्गहतकः कष्टं न यद्दष्टवान् ॥
१८१०१ अन्या साधिगता त्वया क्व युवती यस्याः स मानग्रहो याते लोचनगोचरं प्रियतमे संप्रत्यपक्रामति ।
१८१०२ अस्माकं पुनरुग्रपूरुषशताश्लेषप्रगल्भात्मनामेतादृश्यनभिज्ञपूरुषपरिष्वङ्गे कुतः साध्वसम् ॥
१८१११ अन्या सा सरसी मराल मुनिभिर्यत्तीरसोपानिका विन्यस्तान् बलितण्डुलान् कवलयन् दृष्टोऽसि हृद्यैर्मुखैः ।
१८११२ एषा पक्कणवापिका कमलिनीखण्डेऽत्र गुप्तात्मभिर्व्याधैस्त्वद्विधमुग्धबन्धनविधौ किं नाम नासूत्र्यते ॥
१८१२१ अन्यासु तावदुपमर्दसहासु भृङ्ग लोलं विनोदय मनः सुमनोलतासु ।
१८१२२ मुघ्दामजातरजसं कलिकामकाले व्यर्थं कदर्थयसि किं नवमल्लिकायाः ॥
१८१३१ अन्यास्ता गुणरत्नरोहणभुवो धन्या मृदन्यैव सा संभाराः खलु तेऽन्य एव विधिना यैरेष सृष्टो युवा ।
१८१३२ श्रीमत्कान्तिजुषां द्विषां करतलात्स्त्रीणां नितम्बस्थलाद्दृष्टे यत्र पतन्ति मूढमनसामस्त्राणि वस्त्राणि च ॥
१८१४१ अन्यास्ता मलयाद्रिकाननभुवः स्वच्छस्रवन्निर्ज्झरास्तृष्णा यासु निवर्तते तनुभृतामालोकमात्रादपि ।
१८१४२ रूक्षध्वाङ्क्षपरिग्रहो मरुरयं स्फारीभवद्भ्रान्तयः ता एता मृगतृष्णिका हरिण हे नेदं पयो गम्यताम् ॥
१८१५१ अन्यूनं गुणममृतस्य धारयन्ती संफुल्लस्फुरितसरोरुहावतंसा ।
१८१५२ प्रेयोभिः सह सरसी निषेव्यमाणा रक्तत्वं व्यधित वधूदृशं सुरा च ॥
१८१६१ अन्यूनोन्नतयोऽतिमात्रपृथवः पृथ्वीधरश्रीभृतस्तन्वन्तः कनकावलीभिरुपमां सौदामनीदामभिः ।
१८१६२ वर्षन्तः शममानयन्नुपलसच्छृङ्गारलेखायुधाः काले कालियकायकालवपुषः पांसून् गजाम्भोमुचः ॥
१८१७१ अन्ये च बहवो रागा जाता देशविशेषतः ।
१८१७२ मारूप्रभृतयो लोके ते च तद्देशिकाः स्मृताः ॥
१८१८१ अन्ये चेत्प्राकृता लोका बहुपापानि कुर्वते ।
१८१८२ प्रधानपुरुषेणापि कार्यं तत्पृष्ठतो नु किम् ॥
१८१९१ अन्ये ते जलदायिनो जलधरास्तृष्णां विनिघ्नन्ति ये भ्रातश्चातक किं वृथातिरटितैः खिन्नोऽसि विश्राम्यताम् ।
१८१९२ मेघः शारद एष काशधवलः पानीयरिक्तोदरो गर्जत्येव हि केवलं भृशतरं नो बिन्दुमप्युज्झति ॥
१८२०१ अन्ये ते विहगाः पयोद परितो धावन्ति तृष्णातुरा वापीकूपतडागसागरजले मज्जन्ति दत्तादराः ।
१८२०२ मामद्यापि न वेत्सि चातकशिशुं यच्छुष्ककण्ठोऽपि सन्नान्यं वाञ्छति नोपसर्पति न च प्रस्तौति न ध्यायति ॥
१८२११ अन्ये ते सुमनोलिहः प्रहसदप्यम्भोजमुज्झन्ति ये वातान्दोलनकेलिचञ्चलदलप्रान्तैरपि त्रासिताः ।
१८२१२ अन्यः कोऽपि स एष षट्पदभटः संसह्य कर्णाहतीर्येनानेकपगण्डगण्डलमिलद्दानाम्बुनि क्रीडितम् ॥
१८२२१ अन्येनापि स्वमांसेन छिद्यमानेन दूयते ।
१८२२२ तथापि परमांसानि स्वादूनीति समश्नुते ॥
१८२३१ अन्येऽपि सन्ति गुणिनः कति नो जगत्यां हार त्वमेव गुणिनामुपरिस्थितोऽसि ।
१८२३२ एणीदृशामुरसि नित्यमवस्थितोऽसि सद्वृत्तता च शुचिता च न खण्डिता ते ॥
१८२४१ अन्येऽपि सन्ति बत तामरसावतंसा हंसावलीवलयिनो जलसंनिवेशाः ।
१८२४२ कोऽप्याग्रहो गुरुरयं बत चातकस्य पौरंदरीं यदभिवाञ्छति वारिधाराम् ॥
१८२५१ अन्येयं रूपसंपत्तिरन्या वैदग्ध्यधोरणी ।
१८२५२ नैषा नलिनपत्राक्षी सृष्टिः साधारणी विधेः ॥
१८२६१ अन्येषां यो न पापानि चिन्तयत्यात्मनो यथा ।
१८२६२ तस्य पापागमस्तात हेत्वभावान्न विद्यते ॥
१८२७१  कर्मणा मनसा वाचा परपीडां करोति यः ।
१८२७२ तद्बीजं जन्म फलति प्रभूतं तस्य चाशुभम् ॥
१८२८१ अन्येषामपि नश्यन्ति सुहृदश्च धनानि च ।
१८२८२ पश्य बुद्ध्या मनुष्याणां राजन्नापदमात्मनः ॥
१८२९१ अन्येष्वर्थकृता मैत्री यावदर्थविडम्बनम् ।
१८२९२ पुंभिः स्त्रीषु कृता यद्वत्सुमनःस्विव षट्पदैः ॥
१८३०१ अन्ये हि दुःखमृतवः प्रथयन्त्यहोभिः सूर्यांशुलुप्ततिमिरैरभिसारिकाणाम् ।
१८३०२ हेमन्त एष हिमरुद्धसहस्रधामा कामं करोति दिवसेष्वपि शर्म तासाम् ॥
१८३११ अन्यैः साकं विरोधेन वयं पञ्चोत्तरं शतम् ।
१८३१२ परस्परविरोधेन वयं पञ्च च ते शतम् ॥
१८३२१ अन्योच्छिष्टेषु पात्रेषु भुक्त्वैतेषु महीभुजः ।
१८३२२ कस्मान्न लज्जामवहञ्शौचचिन्तां न वा दधुः ॥
१८३३१ अन्यो धनं प्रेतगतस्य भुङ्क्ते वयांसि चाग्निश्च शरीरधातून् ।
१८३३२ द्वाभ्यामयं सह गच्छत्यमुत्र पुण्येन पापेन च वेष्ट्यमानः ॥
१८३४१ अन्योन्यं कृतवैराणां पुत्रपौत्रं निगच्छति ।
१८३४२ पुत्रपौत्रे विनष्टे तु परलोकं निगच्छति ॥
१८३५१ अन्योन्यं दशनच्छदेषु दशतोरन्योन्यमालिङ्गतोरन्योन्यं नखरैः खरैर्विलिखतोरन्योन्यमाचुम्बतोः ।
१८३५२ औत्सुक्येन नवं नवं निधुवनप्रागल्भ्यमभ्यस्यतोः श्रान्ते पञ्चशरेऽपि न प्रणयिनोः प्राप्तोऽपकर्षं रसः ॥
१८३६१ अन्योन्यं मतिमास्थाय यत्र सम्प्रतिभाष्यते ।
१८३६२ न चैकमत्ये श्रेयोस्ति मन्त्रः सोऽधम उच्यते ॥
१८३७१ अन्योन्यकृतवैराणां संवासान्मृदुतां गतम् ।
१८३७२ नव तिष्ठति तद्वरं पुष्करस्थमिवोदकम् ॥
१८३८१ अन्योन्यगूढचेष्टित सद्भावस्नेहपाशबद्धस्य ।
१८३८२ विच्छेदकरो मृत्युर्धीराणां वा परिच्छेदः ॥
१८३९१ अन्योन्यगोप्यं विदुषां तु लक्षं यदस्य तुल्याः प्रभवो भवन्ति ।
१८३९२ परस्परालिङ्गनतत्पराणां न कान्त सौख्यं युवतीजनानाम् ॥
१८४०१ अन्योन्यग्रथितारुणाङ्गुलिनमत्पाणिद्वयस्योपरि न्यस्योच्छवासविकम्पिताधरदलं निर्वेदशून्यं मुखम् ।
१८४०२ आमीलन्नयनान्तवान्तसलिलं श्लाध्यस्य निन्द्यस्य वा कस्येदं दृढसौहृदं प्रतिदिनं दीनं त्वया स्मर्यते ॥
१८४११ अन्योन्यदर्शनकृतः समानरूपानुरागकुलवयसाम् ।
१८४१२ केषांचिदेव मन्ये समागमो भवति पुण्यवताम् ॥
१८४२१ अन्योन्यप्रकटानुरागरभसादुद्भूतरोमाञ्चयोरुत्कण्ठापरिखेददुःसहतया क्षामीभवद्गात्रयोः ।
१८४२२ नक्तं दैववशात्क्षणं गुरुजनात्स्वायत्ततां प्राप्तयोर्यातो दुर्लभसंगमोत्सवविधिर्यूनोर्जनाख्येयताम् ॥
१८४३१ अन्योन्यभेदो भ्रातॄणां सुहृदां वा बलान्तक ।
१८४३२ भवत्यानन्दकृद्देव द्विषतां नात्र संशयः ॥
१८४४१ अन्योन्यमुत्पीडयदुत्पलाक्ष्याः स्तनद्वयं पाण्डु तथा प्रवृद्धम् ।
१८४४२ मध्ये यथा श्याममुखस्य तस्य मृणालसूत्रान्तरमप्यलभ्यम् ॥
१८४५१ अन्योन्यरागवशयोर्युवयोर्विलास स्वच्छन्दताच्छिदपयातु तदालिवर्गः ।
१८४५२ अत्याजयन् सिचयमाजिमकारयन्वा दन्तैर्नखैश्च मदनो मदनः कथं स्यात् ॥
१८४६१ अन्योन्यलक्षणैर्युक्तां नारीं संकीर्णकां विदुः ।
१८४६२ या निजैरेव संयुक्ता चिह्नैस्तां केवलां जगुः ॥
१८४७१ अन्योन्यलावण्यविलोकनान्तं नेत्रद्वयं स्यात्सततं किलास्याः ।
१८४७२ इत्येव नासा विहिता विधात्रा मध्ये तयोर्दर्शनविघ्नकर्त्री ॥
१८४८१ अन्योन्यवारिघटितौ धनवारिपाताद्भीतौ भृशं मृगवधूर्मृगयूथपश्च ।
१८४८२ वित्तस्तया घटनया कृतसौख्यमोहौ नैवाम्बुवाहजलशीकरपातपीडाम् ॥
१८४९१ अन्योन्यविपरीतानि मतानि मनसः सदा ।
१८४९२ अविद्यायां पुनः सत्ये ज्ञानस्योच्चतरस्य हि ।
१८४९३ अङ्गानि निखिलानि स्युः पूरयन्ति परस्परम् ॥
१८५०१ अन्योन्यश्वसिताशनैः फणधरैराविश्य सत्त्वान्बहिर्भुञ्जानैः परिचारकैस्तृणगणैरानन्दिना नन्दिना ।
१८५०२ भिक्षान्नोपचितैश्च दारतनयैः पुष्णाति विश्वानि यः स स्वामी मम दैवतं तदितरो नाम्नापि नाम्नायते ॥
१८५११ अन्योन्यसंगमवशादधुना विभातां तस्यापि तेऽपि मनसी विकसद्विलासे ।
१८५१२ स्रष्टुं पुनर्मनसिजस्य तनुं प्रवृत्तमादाविव द्व्यणुककृत्परमाणुयुग्मम् ॥
१८५२१ अन्योन्यसंभिन्नदृशां सखीनां तस्यास्त्वयि प्रागनुरागचिह्नम् ।
१८५२२ कस्यापि कोऽपीति निवेदितं च धात्रेयिकायाश्चतुरं वचश्च ॥
१८५३१ अन्योन्यसंवलितमांसलदन्तकान्ति सोल्लासमाविरलसं वलितार्धतारम् ।
१८५३२ लीलागृहे प्रतिकलं किलकिञ्चितेषु व्यावर्तमानविनयं मिथुनं चकास्ति ॥
१८५४१ अन्योन्यसमुपष्टम्भादन्योन्यापाश्रयेण च ।
१८५४२ ज्ञातयः संप्रवर्धन्ते सरसीवोत्पलान्युत ॥
१८५५१ अन्योन्यस्माद्विनिर्भिन्नं भिन्नगर्भं न युध्यते ।
१८५५२ तथैवापसृतं शक्तं नैकराज्यान्तरीकृतम् ॥
१८५६१ अन्योन्यस्य नियन्त्रणापरिभवादप्रौढशीतातपाः पुष्प्यत्किंशुकचूतनूतनदलाविर्भूतशोणश्रियः ।
१८५६२ पद्मोल्लासितगन्धवासितवहद्वातावदातत्विषो मोदोन्मादजुषो हरन्ति हृदयं वासन्तिका वासराः ॥
१८५७१ अन्योन्यस्य लयं भयादिव महाभूतेषु यातेष्वलं कल्पान्ते परमेक एव स तरुः स्कन्धोच्चयैर्जृम्भते ।
१८५७२ विन्यस्य त्रिजगन्ति कुक्षिकुर्हरे देवेन यस्यास्यते शाखाग्रे शिशुनेव सेवितजलक्रीडाविलासालसम् ॥
१८५८१ अन्योन्यस्याव्यभीचारो भवेदामरणान्तिकः ।
१८५८२ एष धर्मः समासेन ज्ञेयः मत्रीपुंसयोः परः ॥
१८५९१ अन्योन्याक्षिनिपातजातमदयोरन्योन्यचेष्टाशत स्पृष्टान्तःपदयोर्मनोभवशरव्याघातसंभ्रान्तयोः ।
१८५९२ स्यादेव द्विरदेन्द्रयोरिव तयोरालिङ्गनं प्राङ्गणे धैर्यस्तम्भविडम्बिनी बलवती लज्जा न चेदर्गला ॥
१८६०१ अन्योन्यान्तरनिर्गताङ्गुलिदलश्रेणीभवन्निश्चल ग्रन्थिप्रग्रथितं करद्वयमुपर्युत्तानमाबिभ्रता ।
१८६०२ सेयं विभ्रमतोरणप्रणयिना जृम्भाभरोत्तभिते नोच्चैर्बाहुयुगेन शंसति मनोजन्मप्रवेशोत्सवम् ॥
१८६११ अन्योन्यास्फालभिन्नद्विपरुधिरवसामांसमस्तिष्कपङ्के मग्नानां स्यन्दनानामुपरि कृतपदन्यासविक्रान्तपत्तौ ।
१८६१२ स्फीतासृक्पानगोष्ठीरसदशिवशिवातूऋयनृत्यत्कबन्धे संग्रामैकार्णवान्तःपयसि विचरितुं पण्डिताः पाण्डुपुत्राः ॥
१८६२१ अन्योन्याहतदन्तनादमुखरं प्रह्वं मुखं कुर्वता नेत्रे साश्रुकणे निमील्य पुलकव्यासङ्गि कण्डूयता ।
१८६२२ हा हा हेति सुनिष्ठुरं विवदता बाहू प्रसार्य क्षणं पुण्याग्निः पथिकेन पीयत इव ज्वालाहतश्मश्रुणा ॥
१८६३१ अन्योन्येषां पुष्करैरामृशन्तो दानोद्भेदानुच्चकैर्भुग्नवालाः ।
१८६३२ उन्मूर्धानः संनिपत्यापरान्तैः प्रायुध्यन्त स्पष्टदन्तध्वनीभाः ॥
१८६४१ अन्योपभोगकलुषा मानवती प्रेमगर्विता मुदिता ।
१८६४२ सौन्दर्यगर्विता च प्रेमपराधीनमानसानूढा ॥
१८६५१ अन्योऽपि चन्दनतरोर्महनीयमूर्तेः सेकार्थमुत्सहति तद्गुणबद्धतृष्णः ।
१८६५२ शाखोटकस्य पुनरस्य महाशयोयमम्भोद एव शरणं यदि निर्गुणस्य ॥
१८६६१ अन्यो हि नाश्नाति कृतं हि कर्म स एव कर्ता सुखदुःखभागी ।
१८६६२ यत्तेन किंचिद्धि कृतं हि कर्म तदश्नुते नास्ति कृतस्य नाशः ॥
१८६७१ अन्वग्राहि मया प्रेयान्निशि स्वोपनयादिति ।
१८६७२ न विप्रलभते तावदालीरियमलीकवाक् ॥
१८६८१ अन्वयागतविद्यानामन्वयागतसंपदाम् ।
१८६८२ विदुषां च प्रभूणां च हृदयं नावलिप्यते ॥
१८६९१ अन्वर्थवेदी शूरश्च क्षमावान्न च कर्कशः ।
१८६९२ कल्याणमेधास्तेजस्वी स भद्रः परिकीर्तितः ॥
१८७०१ अन्विष्यद्भिरयं चिरात्कथमपि प्रार्थ्येत यद्यर्थिभिर्नाथ त्वं पुनरर्थिनः प्रतिदिनं यत्नात्समन्विष्यसि ।
१८७०२ प्राप्तौ चिन्तितमात्रकं दददसौ चिन्तातिरिक्तप्रदं त्वामालोक्य विदीर्यते यदि न तद्ग्रावैव चिन्तामणिः ॥
१८७११ अन्वीक्षणं च विद्यानां सद्वर्णाश्रमरक्षणम् ।
१८७१२ ग्रहणं शस्त्रशास्त्राणां युद्धमार्गोपशिक्षणम् ॥
१८७२१ अन्वेतं वायवो यान्ति पृष्ठे भानुर्वयांसि च ।
१८७२२ अनुप्लवन्ते मेघाश्च यस्य तस्य रणे जयः ॥
१८७३१ अन्वेषयति मदान्ध द्विरदमदाम्बुसिक्तमवनितलम् ।
१८७३२ परिणतगर्भभरार्ता सिंहवधूः शल्लकीविपिने ॥
१८७४१ अपः पिबन् प्रपापालीमनुरक्तो विलोकयन् ।
१८७४२ अगस्त्यं चिन्तयामास चतुरः सापि सागरान् ॥
१८७५१ अपकर्ताहमस्मीति हृदि ते मा स्म भूद्भयम् ।
१८७५२ विमुखेषु न मे खड्गः प्रहर्तुं जातु वाञ्छति ॥
१८७६१ अपकारदशायामप्युपकुर्वन्ति साधवः ।
१८७६२ छिन्दन्तमपि वृक्षः स्वच्छायया किं न रक्षति ॥
१८७७१ अपकारमसंप्राप्य तुष्येत्साधुरसाधुतः ।
१८७७२ नैषोऽलाभो भुजङ्गेन वेष्टितो यो न दश्यते ॥
१८७८१ अपकारिणि कोपश्चेत्कोपे कोपः कथं न जायेत ।
१८७८२ धर्मार्थकाममोक्ष प्राणयशोहारिणि क्रूरे ॥
१८७९१ अपकारिणि चेत्कोपः कोपे कापः कथं न ते ।
१८७९२ धर्मार्थकाममोक्षाणां प्रसह्य परिपन्थिनि ॥
१८८०१ अपकारिणि विस्रम्भं यः करोति नराधमः ।
१८८०२ अनाथो दुर्बलो यद्वन्न चिरं स तु जीवति ॥
१८८११ अपकारिषु मा पापं चिन्तय त्वं कदाचन ।
१८८१२ स्वयमेव पतिष्यन्ति कूलजाता इव द्रुमाः ॥
१८८२१ अपकुर्यात्समर्थं वा नोपकुर्याद्यदापदि ।
१८८२२ उच्छिन्द्यादेव तन्मित्रं विश्वस्याङ्कमुपस्थितम् ॥
१८८३१ अपकुर्वन्नपि प्रायः प्राप्नोति महतः फलम् ।
१८८३२ और्वं दहन्तमेवाग्निं संतर्पयति सागरः ॥
१८८४१ अपकृत्य बलस्थस्य दूरस्थोऽस्मीति नाश्वसेत् ।
१८८४२ श्येनानुचरितैर्ह्येते निपतन्ति प्रमाद्यतः ॥
१८८५१ अपकृत्वा बुद्धिमतो दूरस्थोऽस्मीति नाश्वसेत् ।
१८८५२ दीर्घौ बुद्धिमतो बाहू याभ्यां हिंसति हिंसितः ॥
१८८६१ अपक्रान्ते बाल्ये तरुणिमनि चागन्तुमनसि प्रयाते मुग्धत्वे चतुरिमणि चाश्लेषरसिके ।
१८८६२ न केनापि स्पृष्टं यदिह वयसा मर्म परमं यदेतत्पञ्चेषोर्जयति वपुरिन्दीवरदृशः ॥
१८८७१ अपक्वं भङ्गमायाति अतिजीर्णं तु कर्कशम् ।
१८८७२ ज्ञातिघृष्टं तु सोद्वेगं कलहो बान्धवैः सह ॥
१८८८१ अपक्वमपि चूतस्य फलं द्रवति वेगतः ।
१८८८२ गुडशुण्टीप्रलेपेन विधृतं शश्वदातपे ॥
१८८९१ अपक्वे तु घटे नीरं चालन्यां सूक्ष्मपिष्टकम् ।
१८८९२ स्त्रीणां च हृदये वार्ता न तिष्ठति कदापि हि ॥
१८९०१ अपगतमदरागा योषिदेका प्रभाते कृतनिबिडकुचाग्रा पत्युरालिङ्गनेन ।
१८९०२ प्रियतमपरिभुक्तं वीक्षमाना स्वदेहं व्रजति शयनवासाद्वासमन्यद्धसन्ती ॥
१८९११ अपगतरजोविकारा घनपटलाक्रान्ततारकालोका ।
१८९१२ लम्बपयोधरभारा प्रावृडियं वृद्धवनितेव ॥
१८९२१ अपङ्किलधियः शुद्धाः साधुमानसवृत्तयः ।
१८९२२ वमन्ति श्रुतिजीवातुं ध्वनिं नवरसास्पदम् ॥
१८९३१ अपचिक्रमिषुः पूर्वं सेनां स्वां परिसान्त्वयन् ।
१८९३२ विलङ्घयित्वा सत्रेण ततः स्वयमुपक्रमेत् ॥
१८९४१ अपटः कपटी हिमहीनरुचिः प्रथितः पशुरन्यकलत्ररतः ।
१८९४२ तव राय(?)वसन्तसमो न हरो न हरिर्न्न हरिर्न्न हरिर्न्न हरिः ॥
१८९५१ अपण्डितास्ते पुरुषा मता मे ये स्त्रीषु च श्रीषु च विश्वसन्ति ।
१८९५२ श्रियो हि कुर्वन्ति तथैव नार्यो भुजङ्गकन्यापरिसर्पणानि ॥
१८९६१ अपण्डितो वापि सुहृत्पण्डितो वाप्यनात्मवान् ।
१८९६२ मन्त्रमूलं यतो राज्यमतो मन्त्रं सुरक्षितम् ॥
१८९७१ अपतुषारतया विशदप्रभैः सुरतसङ्गपरिश्रमनोदिभिः ।
१८९७२ कुसुमचापमतेजयदंशुभिर्हिमकरो मकरोर्जितकेतनम् ॥
१८९८१ अपत्यं धर्मकार्याणि शुश्रूषा रतिरुत्तमा ।
१८९८२ दाराधीनस्तथा स्वर्गः पितृणामात्मनश्च ह ॥
१८९९१ अपत्यदर्शनस्यार्थे प्राणानपि च या त्यजेत् ।
१८९९२ त्यजन्ति तामपि क्रूरा मातरं दारहेतवे ॥
१९००१ अपत्यानि प्रायो दश दश वराही जनयति क्षमाभारे धुर्यः स पुनरिह नासीन्न भविता ।
१९००२ पदं कृत्वा यः स्वं फणिपतिफणाचक्रवलये निमज्जन्तीमन्तर्जलधि वसुधामुत्तुलयति ॥
१९०११ अपत्ये यत्तादृग्दुरितमभवत्तेन महता विषक्तस्तीव्रेण व्रणितहृदयेन व्यथयता ।
१९०१२ पटुर्धारावाही नव इव चिरेणापि हि न मे निकृन्तन्मर्माणि क्रकच इव मन्युर्विरमति ॥
१९०२१ अपथेन प्रववृते न जातूपचितोऽपि सः ।
१९०२२ वृद्धौ नदीमुखेनैव प्रस्थानं लवणाम्भसः ॥
१९०३१ अपथेनैव यो योगादधः सारायते स्वयम् ।
१९०३२ नीचोपसर्पणवशात्स पतेद्वंशवानपि ॥
१९०४१ अपथ्यभोगेषु यथातुराणां स्पृहा यथार्थेष्वतिदुर्गतानाम् ।
१९०४२ परोपतापेषु यथा खलानां स्त्रीणां तथा चौर्यरतोत्सवेषु ॥
१९०५१ अपथ्यमायतौ लोभादामनन्त्यनुजीविनः ।
१९०५२ प्रियं श्र्णोति यस्तेभ्यस्तमृच्छन्ति न संपदः ॥
१९०६१ अपथ्यस्य च भुक्तस्य दन्तस्य चलितस्य च ।
१९०६२ अमात्यस्य च दुष्टस्य समूलोद्धरणं सुखम् ॥
१९०७१ अपदान्तरं च परितः क्षितिक्षितामपतन् द्रुतभ्रमितहेमनेमयः ।
१९०७२ जविमारुताञ्चितपरस्परोपम क्षितिरेणुकेतुवसनाः पताकिनः ॥
१९०८१ अपदो दूरगामो च साक्षरो न च पण्डितः ।
१९०८२ अमुखः स्फुटवक्ता च यो जानाति स पण्डितः ॥
१९०९१ अपध्वस्तो ह्यवमतो दुःखं जीवति जीवितम् ।
१९०९२ जीवितं यदवक्षिप्तं यथैव मरणं तथा ॥
१९१०१ अपनय महामोहं राजन्ननेन तवासिना कथय कुहकक्रीडाश्चर्यं कथं क्व च शिक्षितम् ।
१९१०२ यदरिरुधिरं पायं पायं कुसुम्भरसारुणं झगिति वमति क्षीराम्भोधिप्रवाहसितं यशः ॥
१९१११ अपनिद्रमधूकपाण्डुरा सुदृशोऽदृश्यत गण्डमण्डली ।
१९११२ गमिताश्रुजलप्लवैरिव क्रशिमाकीर्णतयापि निम्नताम् ॥
१९१२१ अपनीतं सुनीतेन योऽर्थं प्रत्यानिनीषते ।
१९१२२ मतिमास्थाय सुदृढां तदकापुरुषव्रतम् ॥
१९१३१ अपनीतपरिमलान्तर कथे पदं न्यस्य देवतरुकुसुमे ।
१९१३२ पुष्पान्तरेऽपि गन्तुं वाञ्छसि चेद्भ्रमर धन्योऽसि ॥
१९१४१ अपनेयमुदेतुमिच्छता तिमिरं रोषमयं धिया पुरः ।
१९१४२ अविभिद्य निशाकृतं तमः प्रभया नांशुमताप्युदीयते ॥
१९१५१ अपमानं पुरस्कृत्य मानं कृत्वा तु पृष्ठतः ।
१९१५२ स्वार्थमभ्युद्धरेत्प्राज्ञः कार्यध्वंसो हि मूर्खता ॥
१९१६१ अपमानः पतिविहितो गुरुपरिकरतीव्रता गृहे दौःस्थ्यम् ।
१९१६२ शीलक्षतये यासां तासामतिरागतोऽन्यनररक्तिः ॥
१९१७१ अपमानात्तपोवृद्धिः संमानाच्च तपःक्षयः ।
१९१७२ अर्चितः पूजितो विप्रो दुग्धा गौरिव गच्छति ॥
१९१८१ अपमानात्तु संभूतं मानेन प्रशमं नयेत् ।
१९१८२ सामपूर्व उपायो वा प्रणामो वाभिमानजे ॥
१९१९१ अपमानितोऽपि कुलजो न वदति पुरुषं स्वभावदाक्षिण्यात् ।
१९१९२ नहि मलयचन्दनतरुः परशुप्रहतः स्रवेत्पूयम् ॥
१९२०१ अपमेघोदयं वर्षमदृष्टकुसुमं फलम् ।
१९२०२ अतर्कितोपपन्नं वो दर्शनं प्रतिभाति मे ॥
१९२११ अपयाति सरोषया निरस्ते कृतकं कामिनि चुक्षुवे मृगाक्ष्या ।
१९२१२ कलयन्नपि सव्यथोऽवतस्थेऽशकुनेन स्खलितः किलेतरोऽपि ॥
१९२२१ अपयान्तीनामधुना संकेतनिकेतनान्मृगाक्षीणाम् ।
१९२२२ वासस एव न केवलमभवन्मनसोऽपि परिवर्तः ॥
१९२३१ अपयायिनि स्वतोऽर्थे कथमिव सौहार्दधीः कदर्याणाम् ।
१९२३२ यस्यापयानसमये प्राणत्यागोऽपि हा सुकरः ॥
१९२४१ अपरजलधेर्लक्ष्मीं यस्मिन् पुरीं पुरभित्प्रभे मदगजघटाकारैर्नावां शतैरवमृद्नति ।
१९२४२ जलदपटलानीकाकीर्णं नवोत्पलमेचकं जलनिधिरिव व्योम व्योम्नः समोऽभवदम्बुधिः ॥
१९२५१ अपरतरुनिकरमुक्तं मरुमण्डलमावसत्यसावेकः ।
१९२५२ फलकुसुमैरुपकुर्वन्नररे करीर कथं धीरः ॥
१९२६१ अपरागसमीरणेरितः क्रमशीर्णाकुलमूलसंततिः ।
१९२६२ सुकरस्तरुवत्सहिष्णुना रिपुरुन्मूलयितुं महानपि ॥
१९२७१ अपराद्धं भवद्वाणीश्राविणा पृच्छ किं मया ।
१९२७२ वीणाह परुषं यन्मां कलकण्ठी च निष्ठुरम् ॥
१९२८१ अपराद्धांस्तु सुस्निग्धान् स्नोहोक्त्या मानदानतः ।
१९२८२ साधयेद्भेददण्डाभ्यां यथायोगेन चापरान् ॥
१९२९१ अपराधं न शृणुमो न चासत्यं त्वयोदितम् ।
१९२९२ गोप्येति गदितः कृष्णस्तूष्णीं तिष्ठन् पुनातु वः ॥
१९३०१ अपराधः स दैवस्य न पुनर्मन्त्रिणामयम् ।
१९३०२ कार्यं सुघटितं यत्नाद्दैवयोगाद्विनश्यति ॥
१९३११ अपराधसहस्रभाजनं पतितं भीमभवार्णवोदरे ।
१९३१२ अगतिं शरणागतं हरे कृपया केवलमात्मसात्कुरु ॥
१९३२१ अपराधानुरूपं च दण्डं पापेषु पातयेत् ।
१९३२२ उद्वेजयेद्धनैरृद्धान् दरिद्रान् वधबन्धनैः ॥
१९३३१ अपराधिनि मयि दण्डं संहरसि किमुद्यतं कुटिलकेशि ।
१९३३२ वर्धयसि विलसितं त्वं दासजनायात्र कुप्यसि च ॥
१९३४१ अपराधी नामाहं प्रसीद रम्भोरु विरम संरम्भात् ।
१९३४२ सेव्यो जनश्च कुपितः कथं नु दासो निरपराधः ॥
१९३५१ अपराधीनाशोकः सहते चरणाहतिं सरोजदृशाम् ।
१९३५२ विलसितबकुलो वनिता मुखवासी मद्यपात इव ॥
१९३६१ अपराधेऽपि निःशङ्को नियोगी चिरसेवकः ।
१९३६२ स स्वामिनमवज्ञाय चरेच्च निरवग्रहः ॥
१९३७१ अपराधो न मेऽस्तीति नैतद्विश्वासकारणम् ।
१९३७२ विद्यते हि नृशंसेभ्यो भयं गुणवतामपि ॥
१९३८१ अपराधो मया कान्ते कृतो यदि त्वया मतः ।
१९३८२ निपात्य गिरिशृङ्गोच्चौ कुचौ किं न निपीड्यते ॥
१९३९१ अपराह्णशीतलतरेण शनैरनिलेन लोलितलताङ्गुलये ।
१९३९२ निलयाय शाखिन इवाह्वयते ददुराकुलाः खगकुलानि गिरः ॥
१९३९ १ अपरित्यक्तमात्मानमिच्छता पण्ययोषिताम् ।
१९३९ २ नित्यौपयोगिकं द्रव्यमात्मसारं प्रदर्शयेत् ॥
१९४०१ अपरीक्षितपरवञ्चनमञ्चति लोभादपेक्षितप्रेक्षी ।
१९४०२ व्याधूतपक्षमवशो विहन्यते पक्षिवत्क्षितिपः ॥
१९४११ अपरीक्षितलक्षणप्रमाणैरपरामृष्टपदार्थसार्थतत्त्वैः ।
१९४१२ अवशीकृतजैत्रयुक्तिजालैरलमेतैरनधीततर्कविद्यैः ॥
१९४२१ अपरीक्ष्य न कर्तव्यं कर्तव्यं सुपरीक्षितम् ।
१९४२२ पश्चाद्भवति संतापो ब्राह्मणी नकुलं यथा ॥
१९४३१ अपरोक्षधनो गम्यः श्रीमानपि नान्यथेति निर्दिष्टम् ।
१९४३२ कन्दर्पशास्त्रकारैः कुतः कथा लुप्तविभवस्य ॥
१९४४१ अपर्णेयं भूभृद्वनमटति वल्काम्बरधरा जटालो दिग्वासाः शिखरिणि शिवोऽयं निवसति ।
१९४४२ इति भ्रान्त्यान्योऽन्यं क्षणमिलितयोः क्षोणितिलक द्विषद्दम्पत्योस्ते शिव शिव भवन्ति प्रणतयः ॥
१९४५१ अपर्णैव लता सेव्या विद्वद्भिरिति मे मतिः ।
१९४५२ यया वृतः पुराणोऽपि स्थाणुः सूतेऽमृतं फलम् ॥
१९४६१ अपर्यन्तस्य कालस्य कियानंशः शरच्छतम् ।
१९४६२ तन्मात्रपरमायुर्यः स कथं स्वप्तुमर्हति ॥
१९४७१ अपर्याप्तभुजायामः सखेदोऽस्याः सखीजनः ।
१९४७२ श्रोण्यां कथंचित्कुरुते रशनादामबन्धनम् ॥
१९४८१ अपवर्जितविप्लवे शुचौ हृदयग्राहिणि मङ्गलास्पदे ।
१९४८२ विमला तव विस्तरे गिरां मतिरादर्श इवाभिदृश्यते ॥
१९४९१ अपवादादभीतस्य समस्य गुणदोषयोः ।
१९४९२ असद्वृत्तेरहो वृत्तं दुर्विभावं विधेरिव ॥
१९५०१ अपवादो भवेद्येन येन विप्रत्ययो भवेत् ।
१९५०२ नरके गम्यते येन तद्बुधः कथमाचरेत् ॥
१९५११ अपशङ्कमङ्कपरिवर्तनोचिताश्चलिताः पुरः पतिमुपैतुमात्मजाः ।
१९५१२ अनुरोदितीव करुणेन पत्रिणां विरुतेन वत्सलतयैष निम्नगाः ॥
१९५२१ अपशास्त्रधनो राजा संचयं नाधिगच्छति ।
१९५२२ अस्थाने चास्य तद्वित्तं सर्वमेव विनश्यति ॥
१९५३१ अपशूलं तमासाद्य लवणं लक्ष्मणानुजः ।
१९५३२ रुरोध संमुखीनो हि जयो रन्ध्रप्रहारिणाम् ॥
१९५४१ अपशोकमनाः कुटुम्बिनीमनुगृह्णीष्व निवापदत्तिभिः ।
१९५४२ स्वजनाश्रु किलातिसंततं दहति प्रेतमिति प्रचक्षते ॥
१९५५१ अपश्चात्तापकृत्सम्यगनुबन्धिफलप्रदः ।
१९५५२ अदीर्घकालोऽभीष्टश्च प्रशस्तो मन्त्र उच्यते ॥
१९५६१ अपश्यद्भिरिवेशानं रणान्निववृते गणैः ।
१९५६२ मुह्यत्येव हि कृच्छ्रेषु संभ्रमज्वलितं मनः ॥
१९५७१ अपश्यद्भिर्महास्वादान् भावान् स्वाद्वविवेकिभिः ।
१९५७२ किं ज्ञेयमशनादन्यत्क्ष्मापैरन्धैरिवोक्षभिः ॥
१९५८१ अपसरणमेव युक्तं मौनं वा तत्र राजहंसस्य ।
१९५८२ कटु रटति निकटवर्ती वाचाटष्टिट्टिभो यत्र ॥
१९५९१ अपसरति न चक्षुषो मृगाक्षी रजनिरियं च न याति नैति निद्रा ।
१९५९२ प्रहरति मदनोऽपि दुःखितानां बत बहुशोऽभिमुखीभवन्त्यपायाः ॥
१९६०१ अपसर पृथिवि समुद्राः संवृणुताम्बूनि भूधरा नमत ।
१९६०२ वामनहरिलघुतुन्दे जगतां कलहः स वः पायात् ॥
१९६११ अपसर मधुकर दूरं परिमलबहुलेऽपि केतकीकुसुमे ।
१९६१२ इह नहि मधुलवलाभो भवति परं धूलिधूसरं वदनम् ॥
१९६२१ अपसर सखे दूरादस्मात्कटाक्षविषानलात्प्रकृतिविषमाद्योषित्सर्पाद्विलासफणाभृतः ।
१९६२२ इतरफणिना दष्टः शक्यश्चिकित्सितुमौषधैश्चटुलवनिताभोगिग्रस्तं त्यजन्ति हि मन्त्रिणः ॥
१९६३१ अपसारय घनसारं कुरु हारं दूर एव किं कमलैः ।
१९६३२ अलमलमालि मृणालैरिति वदति दिवानिशं बाला ॥
१९६४१ अपसारसमायुक्तं नयज्ञैर्दुर्गमुच्यते ।
१९६४२ अपसारपरित्यक्तं दुर्गव्याजेन बन्धनम् ॥
१९६५१ अपस्तरन्ति पाषाणा ह्यनुघ्नन्ति हि राक्षसान् ।
१९६५२ कपयः कर्म कुर्वन्ति कालस्य कुटिला गतिः ॥
१९६६१ अपहत्य तमस्तीव्रं यथा भात्युदरे रविः ।
१९६६२ तथापहत्य पाप्मानं भाति गङ्गाजलोक्षितः ॥
१९६७१ अपहरति मनो मे कोऽप्ययं कृष्णचौरः प्रणतदुरितचौरः पूतनाप्राणचौरः ।
१९६७२ वलयवसनचौरो बालगोपीजनानां नयनहृदयचौरः पश्यतां सज्जनानाम् ॥
१९६८१ अपहरति महत्त्वं प्रार्थना किं न जाने जनयति गुरुलज्जामित्यहं किं न वेद्मि ।
१९६८२ तदपि वद वदान्यं तं सदा प्रत्यहं मां जठरपिठरवर्ती वह्निरर्थीकरोति ॥
१९६९१ अपहरसि सदा मनांसि पुंसामतिमहता गुणसंपरिग्रहेण ।
१९६९२ न च भवसि तथाप्यनेकचित्तो हृतमथवा विवृणोति कः परस्वम् ॥
१९७०१ अपहस्तितबान्धवे त्वया विहितं साहसमस्य तृष्णया ।
१९७०२ तदिहानपराधिनि प्रिये सखि कोऽयं करुणोज्झितक्रमः ॥
१९७११ अपहाय शनैः पटीरवाटीरिह लाटीजनमानलुण्ठनाय ।
१९७१२ समुदेति मनोजराजधाटी परिपाटीपटुरेष गन्धवाहः ॥
१९७२१ अपहृत्य परस्यार्थं तेन धर्मं करोति यः ।
१९७२२ स दाता नरकं याति यस्यार्थस्तस्य तत्फलम् ॥
१९७३१ अपह्नुवानस्य जनाय यन्निजामधीरतामस्य कृतं मनोभुवा ।
१९७३२ अबोधि तज्जागरदुःखसाक्षिणी निशा च शय्या च शशाङ्ककोमला ॥
१९७४१ अपां निधिं वारिभिरर्चयन्ति दीपेन सूर्यं प्रतिबोधयन्ति ।
१९७४२ ताभ्यां तयोः किं परिपूर्णता स्याद्भक्त्या हि तुष्यन्ति महानुभावाः ॥
१९७५१ अपां प्रवाहो गाङ्गोऽपि समुद्रं प्राप्य तद्रसः ।
१९७५२ भवत्यवश्यं तद्विद्वान्नाश्रयेदशुभात्मकम् ॥
१९७६१ अपां मूले लीनं क्षणपरिचितं चन्दनरसे मुणालीहारादौ कृतलघुपदं चन्द्रमसि च ।
१९७६२ मुहूर्तं विश्रान्तं सरसकदलीकाननतले प्रियाकण्ठाश्लेषे निवसति परं शैत्यमधुना ॥
१९७७१ अपां विहारे तव हारविभ्रमं करोतु नीरे पृषदुत्करस्तरन् ।
१९७७२ कठोरपीनोच्चकुचद्वयीतट त्रुटत्तरः सारवसारवोर्मिजः ॥
१९७८१ अपाकुरु कपोलतः सखि भुजङ्गवल्लीरसं परित्यज कुचस्थलात्त्रुटितबन्धनं कञ्चुकम् ।
१९७८२ पिधेहि दशनच्छदे दशनजक्षतं लाक्षया वदेत्थमबलागणे गुरुजने कथं यास्यसि ॥
१९७९१ अपाकृत्याशेषाण्यपि च घनजालानि परितस्तमोधूमस्तोमोद्भवमलिनिमानं च तदनु ।
१९७९२ शरच्चन्द्रः शिल्पी रतिपतिमुदेऽसौ निजकरैः सुधासंदोहार्द्रैर्भुवनभवनं पाण्डुरयति ॥
१९८०१ अपाङ्गतरले दृशौ मधुरवक्रवर्णा गिरो विलासभरमन्थरा गतिरतीव कान्तं मुखम् ।
१९८०२ इति स्फुरितमङ्गके मृगदृशः स्वतो लीलया तदत्र न मदोदयः कृतपदोऽपि संलक्ष्यते ॥
१९८११ अपाङ्गपातैरपदेशपूर्वैरेणीदृशामेकशिलानगर्यात् ।
१९८१२ वीथीषु वीथीषु विनापराधं पदे पदे शृङ्खलिता युवानः ॥
१९८२१ अपाङ्गसंसर्गि तरङ्गितं दृशोर्भ्रुवोररालान्तविलासि वेल्लितम् ।
१९८२२ विसारि रोमाञ्चनकञ्चुकं तनोस्तनोति योऽसौ सुभगे तवागतः ॥
१९८३१ अपाङ्गस्तव तन्वङ्गि विचित्रोऽयं भुजङ्गमः ।
१९८३२ दृष्टमात्रः सुमनसामपि मूर्छाविधायकः ॥
१९८४१ अपाङ्गात्पुच्छमूलं तु तिर्यगश्वं प्रमाणयेत् ।
१९८४२ खुरान्तात्ककुदं यावदूर्ध्वमानेन बुद्धिमान् ॥
१९८५१ अपात्रं पात्रता याति यत्र पात्रं न विद्यते ।
१९८५२ अस्मिन् देशे द्रुमो नास्ति एरण्डोऽपि द्रुमायते ॥
१९८६१ अपात्रवर्षणं जातु न कुर्यात्सद्विगर्हितम् ।
१९८६२ अपात्रवर्षणात्किं स्यादन्यत्कोशक्षयादृते ॥
१९८७१ अपात्रे पात्रताबुद्धिः पात्रे बुद्धिरपात्रता ।
१९८७२ ऋणानुबन्धरूपेण दातुरुत्पद्यते मतिः ॥
१९८८१ अपात्रे रमते नारी गिरौ वर्षति वासवः ।
१९८८२ खलमाश्रयते लक्ष्मीः प्राज्ञः प्रायेण निर्धनः ॥
१९८९१ अपानप्राणयोरैक्यं क्षयो मूत्रपुरीषयोः ।
१९८९२ युवा भवति वृद्धोऽपि सततं मूलबन्धनात् ॥
१९९०१ अपानेन पुनः कश्चित्प्रेरितः कालरूपिणा ।
१९९०२ निःश्वासोच्छ्वासकृद्वाति जपन् हंसेत्यहर्निशम् ॥
१९९११ अपापघनसंवृतेरविशदस्मितात्युन्नमत्समस्तनरसादरग्रहणतः कृतार्थप्रिया ।
१९९१२ रतिर्मनसि जायते यदि कदापि शौर्याश्रया तदैव सकलं जनुः सफलमेवमाहात्मभूः ॥
१९९२१ अपापास्तत्कुलीनाश्च मानयन्ति स्वकान् हितान् ।
१९९२२ एष प्रायो नरेन्द्राणां शङ्कनीयस्तु शोभनः ॥
१९९३१ अपामुद्वृत्तानां निजमुपदिशन्त्या स्थितिपदं दधत्या शालीनामवनतिमुदारे सति फले ।
१९९३२ मयूराणामुग्रं विषमिव हरन्त्या मदमहो कृतः कृत्स्नस्यायं विनय इव लोकस्य शरदा ॥
१९९४१ अपायकलिता मनुर्जगति सापदः सम्पदो विनश्वरमिदं सुखं विषयजं श्रियश्चञ्चलाः ।
१९९४२ भवन्ति जरसारसास्तरललोचना योषितस्तदप्ययमहो जनस्तपसि नो परे रज्यति ॥
१९९५१ अपायसंदर्शनजां विपत्तिमुपायसंदर्शनजां च सिद्धिम् ।
१९९५२ मेधाविनो नीतिविधिप्रयुक्तां पुरः स्फुरन्तीमिव दर्शयन्ति ॥
१९९६१ अपायि मुनिना पुरा पुनरमायि मर्यादया अतारि कपिना पुरा पुनरदाहि लङ्कारिणा ।
१९९६२ अमन्थि मुरवैरिणा पुनरबन्धि लङ्कारिणा क्व नाम वसुधापते तव यशोऽम्बुधिः क्वाम्बुधिः ॥
१९९७१ अपारः पाथोधिः पुलिनपदवी योजनशतं निरालम्बो मार्गो वियति किल शून्या दश दिशः ।
१९९७२ इतीवायं कीरः कतिपयपदान्येव गगने मुहुर्भ्राम्यन् भ्राम्यन् पतति गुणवृक्षे पुनरपि ॥
१९९८१ अपारपुलिनस्थलीभुवि हिमालये मालये निकामविकटोन्नते दुरधिरोहणे रोहणे ।
१९९८२ महत्यमरभूधरे गहनकन्दरे मन्दरे भ्रमन्ति न पतन्त्यहो परिणता भवत्कीर्तयः ॥
१९९९१ अपारसंसारसमुद्रमध्ये संमज्जतो मे शरणं किमस्ति ।
१९९९२ गुरो दयालो कृपया वदैतद्विश्वेशपादाम्बुजदीर्घनौका ॥
२०००१ अपारे काव्यसंसारे कविरेव प्रजापतिः ।
२०००२ यथा वै रोचते विश्वं तथेदं परिवर्तते ॥
२००११ अपारे पाथोधौ किमिति सतिमिग्राहगहने निलीय श्रीनाथः स्वपिति भुजगे शङ्कित इव ।
२००१२ किमेतावद्भिर्वा भवतु किल सर्वातिशयितः श्रिया संश्लिष्टाङ्को व्यपगतभयं को निवसतु ॥
२००२१ अपारैर्व्यापारैरहरिह नयन्तोऽशनदशा स्वथ स्नाताः संध्यां विदधति न जातु स्वसमये ।
२००२२ त्यजन्तः स्वां वृत्तिं द्विजकुलभवा ग्रामगणकी भवन्तो हन्तामी कथमपि च जीवन्ति बहवः ॥
२००३१ अपार्थकमनायुष्यं गोविषाणस्य भक्षणम् ।
२००३२ दन्ताश्च परिघृष्यन्ते रसश्चापि न लभ्यते ॥
२००४१ अपार्थेतरयुक्तानां व्याससंग्रहशालिनाम् ।
२००४२ अपि गोपालगीतानां निवेशो निगमादिषु ॥
२००५१ अपास्तपाथेयसुधोपयोगैस्त्वच्चुम्बिनैव स्वमनोरथेन ।
२००५२ क्षुधं च निर्वापयता तृषं च स्वादीयसाध्वा गमितः सुखं तैः ॥
२००६१ अपास्तपाथोरुहि शायितं करे करोति लीलाकमलं किमाननम् ।
२००६२ तनोषि हारं कियदस्रुणः स्रवैरदोषनिर्वासितभूषणे हृदि ॥
२००७१ अपास्तस्ताराभिर्विधन इव कामी युवतिभिर्मधुच्छत्रच्छायां स्पृशति शशलक्ष्मा परिणतः ।
२००७२ अयं प्राचीकर्णाभरणरचनाशोककुसुम च्छटालक्ष्मीचौरः कलयति रविः पूर्वमचलम् ॥
२००८१ अपास्य लक्ष्मीहरणोत्थवैरितामचिन्तयित्वा च तदद्रिमन्थनम् ।
२००८२ ददौ निवासं हरये महोदधिर्विमत्सरा धीरधियां हि वृत्तयः ॥
२००९१ अपि कल्पानिलस्यैव तरङ्गस्य महोदधेः ।
२००९२ शक्यते प्रसरो रोद्धुं नानुरक्तस्य चेतसः ॥
२०१०१ अपि कापुरुषो भीरुः स्याच्चेन्नृपतिसेवकः ।
२०१०२ तथापि न पराभूतिं जनादाप्नोति मानवः ॥
२०१११ अपि कापुरुषो भीरुः स्याच्चेन्नृपतिसेवकः ।
२०११२ यदाप्नोति फलं लोकात्तस्यांशमपि नो गुणी ॥
२०१२१ अपि कापुरुषो मार्गे द्वितीयः क्षेमकारकः ।
२०१२२ कर्कटेन द्वितीयेन जीवितं परिरक्षितम् ॥
२०१३१ अपि कालस्य यः कालः सोऽपि कालमपेक्षते ।
२०१३२ कर्तुं जगन्ति हन्तुं वा कालस्तेन जगत्प्रभुः ॥
२०१४१ अपि कीर्त्यर्थमायान्ति नाशं सद्योऽतिमानिनः ।
२०१४२ न चेच्छन्त्ययशोमिश्रमप्येवानन्त्यमायुषः ॥
२०१५१ अपि कुञ्जरकर्णाग्रादपि पिप्पलपल्लवात् ।
२०१५२ अपि विद्युद्विलसिताद्विलोलं ललनामनः ॥
२०१६१ अपि क्रियार्थं सुलभं समित्कुशं जलान्यपि स्नानविधिक्षमाणि ते ।
२०१६२ अपि स्वशक्त्या तपसि प्रवर्तसे शरीरमाद्यं खलु धर्मसाधनम् ॥
२०१७१ अपि घोरापराधस्य धर्ममाश्रित्य तिष्ठतः ।
२०१७२ स हि प्रच्छाद्यते दोषः शैलो मेघैरिवासितैः ॥
२०१८१ अपि चाप्यफलं कर्म पश्यामः कुर्वतो जनान् ।
२०१८२ नान्यथा ह्यभिजानन्ति वृत्तिं लोके कथंचन ॥
२०१९१ अपि चिन्तामणिश्चिन्तापरिश्रममपेक्षते ।
२०१९२ इदं त्वचिन्तितं मन्ये कृतमाश्चर्यमार्यया ॥
२०२०१ अपि चेत्सुदुराचारो भजते मामनन्यभाक् ।
२०२०२ साधुरेव स मन्तव्यः सम्यग्व्यवसितो हि सः ॥
२०२११ अपि चेदसि पापेभ्यः सर्वेभ्यः पापकृत्तमः ।
२०२१२ सर्वं ज्ञानप्लवेनैव वृजिनं संतरिष्यसि ॥
२०२२१ अपि जनकसुतायास्तच्च तच्चानुरूपं स्फुटमिह शिशुयुग्मे नैपुणोन्नेयमस्ति ।
२०२२२ ननु पुनरिव तन्मे गोचरीभूतमक्ष्णोरभिनवशतपत्रश्रीमदास्यं प्रियायाः ॥
२०२३१ अपि जलकणान् पयोधेर्दूरादाहृत्य जायते जलदः ।
२०२३२ निकटाद्घटानपि शतं समीहरन् वारिहार्येव ॥
२०२४१ अपि तद्वपुषि प्रसर्पतोर्गमिते कान्तिझरैरगाधताम् ।
२०२४२ स्मरयौवनयोः खलु द्वयोः प्लवकुम्भौ भवतः कुचावुभौ ॥
२०२५१ अपि तरुवनान्यूष्मायन्ते तपत्यपि यामिनी दहति सरसीवातोऽप्येष ज्वलन्ति जलान्यपि ।
२०२५२ इति समधिकं ग्रीष्मे भीष्मे न पुण्यवतां भयं मलयजरसैर्दिग्धं लब्ध्वा वधूस्तनमण्डलम् ॥
२०२६१ अपि तुरगसमीपादुत्पतन्तं मयूरं न स रुचिरकलापं बाणलक्ष्यीचकार ।
२०२६२ सपदि गतमनस्कश्चित्रमाल्यानुकीर्णे रतिविगलितबन्धे केशपाशे प्रियायाः ॥
२०२७१ अपि तेजो निधिर्हन्त पतितो यदि जायते ।
२०२७२ सुरतं किमिवास्माकमिति कोकैर्वियुज्यते ॥
२०२८१ अपि त्वया कैरविणि व्यधायि मुधा सुधाबन्धुनि बन्धुभावः ।
२०२८२ जनापवादः परितः प्रयातः समागमो हन्त न जातु जातः ॥
२०२९१ अपि दलन्मुकुले बकुले यया पदमधायि कदापि न तृष्णया ।
२०२९२ अहह सा सहसा विधुरे विधौ मधुकरी बदरीमनुवर्तते ॥
२०३०१ अपि दिनमणिरेष क्लेशितः शीतसंघैरथ निशि निजभार्यां गाढमालिङ्ग्य दोर्भ्याम् ।
२०३०२ स्वपिति पुनरुदेतुं सालसाङ्गस्तु तस्मात्किमु न भवतु दीर्घा यामिनी कामिनीयम् ॥
२०३११ अपि दोर्भ्यां परिबद्धा बद्धापि गुणैरनेकधा निपुणैः ।
२०३१२ निर्गच्छति क्षणादिव जलधिजलोत्पत्तिपिच्छिला लक्ष्मीः ॥
२०३२१ अपि नदथ निकामं दर्दुराः किं सुवर्ण द्युतिभरमुपनीता नूतनैर्वारिपूरैः ।
२०३२२ अयमचिरविनाशी शोचनीयस्तु भावी स चिरमवटसीम्नि प्राच्य एव क्रयो वः ॥
२०३३१ अपि नाम स दृश्येत पुरुषातिशयो भुवि ।
२०३३२ गर्वोच्छूनमुखा येन धनिनो नावलोकिताः ॥
२०३४१ अपि नित्यानन्दमयं सहः श्रियं वहति संततं हृदये ।
२०३४२ कः साधारणपुरुषः प्रभवत्वेनामनादर्त्तुम् ॥
२०३५१ अपि निपुणतरमधीतं दुर्विनयारूढचेतसः पुंसः ।
२०३५२ मणिरिव फणिफणवर्ती प्रभवति शोकाय लोकानाम् ॥
२०३६१ अपि निर्मुक्तभोगेन स्वान्तःस्थविषयेक्षया ।
२०३६२ असद्भावाय जायेत जिह्मगेन सहासिका ॥
२०३७१ अपि पञ्चशतं दण्ड्यान् दण्डयेत्पृथिवीपतिः ।
२०३७२ अभावे पञ्च कायस्थानेकं वा स्वर्णकारकम् ॥
२०३८१ अपि पञ्चशतं शूरा मृद्नन्ति महतीं चमूम् ।
२०३८२ अथवा पञ्च षट्सप्त विजयन्तेऽनिवर्तिनः ॥
२०३९१ अपि पुत्रैः कलत्रैर्वा प्राणान् रक्षेत पण्डितः ।
२०३९२ विद्यमानैर्यतस्तैः स्यात्सर्वं भूयोऽपि देहिनाम् ॥
२०४०१ अपि पौरुषमादेयं शास्त्रं चेद्युक्तिबोधकम् ।
२०४०२ अन्यत्त्वार्षमपि त्याज्यं भाव्यं न्याय्यैकसेविना ॥
२०४११ अपि प्रगल्भललनाकटाक्षचपलाः श्रियः ।
२०४१२ सन्मन्त्रिप्रणिधानेन चिरं तिष्ठन्ति भूभुजाम् ॥
२०४२१ अपि प्राज्यं राज्यं तृणमिव परित्यज्य सहसा विलोलद्वानीरं तव जननि तीरं श्रितवताम् ।
२०४२२ सुधातः स्वादीयः सलिलमिदमातृप्ति पिबतां जनानामानन्दः परिहसति निर्वाणपदवीम् ॥
२०४३१ अपि प्राणसमानिष्टान् पालितांल्लालितानपि ।
२०४३२ भृत्यान् युद्धे समुत्पन्ने पश्येच्छुष्कमिवेन्धनम् ॥
२०४४१ अपि बन्धुतया नारी बहुपुत्रा गुणैर्युता ।
२०४४२ शोच्या भवतिसा नारी पतिहीना तपस्विनी ॥
२०४५१ अपि ब्रह्मपरानन्दादिदमप्यधिकं ध्रुवम् ।
२०४५२ जहार नारदादीनां चित्तानि कथमन्यथा ॥
२०४६१ अपि ब्रह्मवधं कृत्वा प्रायश्चित्तेन शुध्यति ।
२०४६२ तदर्थेन विचीर्णेन न कथंचित्सुहृद्द्रुहः ॥
२०४७१ अपि भुजलतोत्क्षेपादस्याः कृतं परिरम्भणं प्रियसहचरीक्रीडालापे श्रुता अपि सूक्तयः ।
२०४७२ नवपरिणयव्रीडावत्या मुखोन्नतियत्नतोऽप्यलसवलिता तिर्यग्दृष्टिः करोति महोत्सवम् ॥
२०४८१ अपि भोगिषु मणिधारिण एव निहंसि नतु यद्द्विषोऽपि परान् ।
२०४८२ तत्तव गरुड स्थाने दानवसंहारिवाहस्य ॥
२०४९१ अपि भ्राता सुतोऽर्घ्यो वा श्वशुरो मातुलोऽपि वा ।
२०४९२ नादण्ड्यो नाम राज्ञोऽस्ति धर्माद्विचलितः स्वकात् ॥
२०५०१ अपि मन्दत्वमापन्नो नष्टो वापीष्टदर्शनात् ।
२०५०२ प्रायेण प्राणिनां भूयो दुःखवेगोऽधिको भवेत् ॥
२०५११ अपि मरणमुपैति सा मृगाङ्के विलसति कैव कथा रसान्तरस्य ।
२०५१२ अयि कथमधुना दधाति शान्तिं विषमशरज्वरतीव्रदेहदाहः ॥
२०५२१ अपि मानुष्यकं लब्ध्वा भवन्ति ज्ञानिनो न ये ।
२०५२२ पशुतैव वरा तेषां प्रत्यवायाप्रवर्तनात् ॥
२०५३१ अपि मार्दवभावेन गात्रं संलीय बुद्धिमान् ।
२०५३२ अरिं नाशयते नित्यं यथा वल्ली महाद्रुमम् ॥
२०५४१ अपि मुदमुपयान्तो वाग्विलासैः स्वकीयैः परभणितिषु तोषं यान्ति सन्तः कियन्तः ।
२०५४२ निजघनमकरन्दस्यन्दपूर्णालवालः कलशसलिलसेकं नेहते किं रसालः ॥
२०५५१ अपि मृगपतिना करीन्द्रकुम्भ स्थलदलनोद्गतपौरुषेण यस्य ।
२०५५२ भयचकितदृशा प्रनष्टमुच्चैः स हि शरभीकुलराजचक्रवर्ती ॥
२०५६१ अपि मृद्व्या गिरा लभ्यः सदा जागर्त्यतन्द्रितः ।
२०५६२ नास्ति धर्मसमो भृत्यः किंचिदुक्तस्तु धावति ॥
२०५७१ अपि मेरूपमं प्राज्ञमपि शूरमपि स्थिरम् ।
२०५७२ तृणीकरोति तृष्णैका निमेषेण नरोत्तमम् ॥
२०५८१ अपि यत्सुकरं कर्म तदप्येकेन दुष्करम् ।
२०५८२ बिशेषतोऽसहायेन किमु राज्यं महोदयम् ॥
२०५९१ अपि राज्यादपि स्वर्गादपीन्दोरपि माधवात् ।
२०५९२ अपि कान्ताकुचस्पर्शात्संतोषः परमं सुखम् ॥
२०६०१ अपि लपितुमहं न हन्त शक्तस्तव पुरतः परितापमायताक्ष्याः ।
२०६०२ शिव शिव रसना यतो न यत्नादपि यतते निजदाहशङ्कयेव ॥
२०६११ अपि ललितसुगुणवेणिः सालंकारापि या सुवर्णापि ।
२०६१२ रघुतिलक विहीना चेद्वाणी रमणीव नैव कल्याणी ॥
२०६२१ अपि वज्रेण संघर्षमपि पद्भ्यां पराभवम् ।
२०६२२ सहन्ते गुणलोभेन त एव मणयो यदि ॥
२०६३१ अपि वटतरोः स्पर्धां बीजेन सर्षप सांप्रतं परिणमसि यो मुष्टिः शाकं सति स्थलसौष्ठवे ।
२०६३२ जठरकुहरक्रीडद्विश्वो यदेकदलोदरे प्रलयशिशुको देवः शिश्ये पुरेति ह शुश्रुमः ॥
२०६४१ अपि वर्षशतं स्थित्वा सदा कृत्रिमरागिणी ।
२०६४२ वेश्या शुकीव निःश्वासा निःसङ्गेभ्यः पलायते ॥
२०६५१ अपि विधिः कुसुमानि तवाशुगान् स्मर विधाय न निर्वृतिमाप्तवान् ।
२०६५२ अदित पञ्च हि ते स नियम्य तांस्तदपि तैर्बत जर्जरितं जगत् ॥
२०६६१ अपि वीर्योत्कटः शत्रुर्यतो भेदेन सिध्यति ।
२०६६२ तस्माद्भेदः प्रयोक्तव्यः शत्रूणां विजिगीषुणा ॥
२०६७१ अपि वेत्ति षडक्षराणि चेदुपदेष्टुं शितिकण्ठमिच्छति ।
२०६७२ वसनाशनमात्रमस्ति चेद्धनदादप्यतिरिच्यते खलः ॥
२०६८१ अपि शारदचन्द्रिका यदीयां तुलनां गच्छति दुष्करैस्तपोभिः ।
२०६८२ न तटुञ्झति मानसं मदीयं हसितं खञ्जनमञ्जुलोचनायाः ॥
२०६९१ अपि शास्त्रेषु कुशला लोकाचारविवर्जिताः ।
२०६९२ सर्वे ते हास्यतां यान्ति यथा ते मूर्खपण्डिताः ॥
२०७०१ अपि शिशिरतरोपचारयोग्यं द्वितयमिदं युगपन्न सह्यमेव ।
२०७०२ जरठितरविदीधितिश्च कालो दयितजनेन समं च विप्रयोगः ॥
२०७११ अपि श्रोणिभरस्वैरां धर्तुं तामशकन्न सः ।
२०७१२ तदङ्गसङ्गजस्तम्भो गजस्तम्भोरुदोरपि ॥
२०७२१ अपि संतापशमनाः शुद्धाः सुरभिशीतलाः ।
२०७२२ भुजङ्गसङ्गाज्जायन्ते भीषणाश्चन्दनद्रुमाः ॥
२०७३१ अपि संपूर्णतायुक्तैः कर्तव्याः सुहृदो बुधैः ।
२०७३२ नदीशः परिपूर्णोऽपि चन्द्रोदयमपेक्षते ॥
२०७४१ अपि संभृतस्य सततं रिक्तत्वं बिभ्रतो विसर्जनतः ।
२०७४२ उदरस्योदारस्य च केवलमाकारतो भेदः ॥
२०७५१ अपि सत्पथनिष्ठानामाशाः पूरयतामपि ।
२०७५२ अगस्त्यवृत्तिर्मेघानां हन्त मालिन्यकारणम् ॥
२०७६१ अपि स दिवसः किं स्याद्यत्र प्रियामुखपङ्कजे मधु मधुकरीवास्मद्दृष्टिर्विकासिनि पास्यति ।
२०७६२ तदनु च मृदुस्निग्धालापक्रमाहितनर्मणः सुरतसचिवैरङ्गैः सङ्गो ममापि भविष्यति ॥
२०७७१ अपि सर्वविदो न राजते वचनं श्रोतरि बोधवर्जिते ।
२०७७२ अपि भर्तरि नष्टलोचने विफलः किं न कलत्रविभ्रमः ॥
२०७८१ अपि सहवसतामसतां जलरुहजलवद्भवत्यसंश्लेषः ।
२०७८२ दूरेऽपि सतां वसतां प्रीतिः कुमुदेन्दुवद्भवति ॥
२०७९१ अपि सागरपर्यन्ता विचेतव्या वसुन्धरा ।
२०७९२ देशो ह्यरत्निमात्रोऽपि नास्ति दैवज्ञवर्जितः ॥
२०८०१ अपि सुभगं तव वदनं पश्यति सुभगे यदा यदा चन्द्रः ।
२०८०२ ग्लायति हन्त पिधत्ते सपदि मुखं स्वं पयोदान्तः ॥
२०८११ अपि स्थानुवदासीत शुष्यन् परिगतः क्षुधा ।
२०८१२ न त्वेवानात्मसंपन्नाद्वृत्तिमीहेत पण्डितः ॥
२०८२१ अपि स्यात्पितृहा वैरी सोऽपि दानविलोभितः ।
२०८२२ गत्वा विश्वासभावं स शत्रोरात्मानमर्पयेत् ॥
२०८३१ अपि स्वमस्वप्नमसूषुपन्नमी परस्य दाराननवैतुमेव माम् ।
२०८३२ स्वयं दुरध्वार्णवनाविकाः कथं स्पृशन्तु विज्ञाय हृदापि तादृशीम् ॥
२०८४१ अपि स्वल्पतरं कार्यं यद्भवेत्पृथिवीपतेः ।
२०८४२ तन्न वाच्यं सभामध्ये प्रोवाचेदं बृहस्पतिः ॥
२०८५१ अपि स्वल्पमसत्यं यः पुरो वदति भूभुजाम् ।
२०८५२ देवानां च विनाशः स्याद्ध्रुवं तस्य गुरोरपि ॥
२०८६१ अपि स्वैः सर्वस्वैः पुनरपधनैः कैरपि धनैः परित्राणैः प्राणैर्यदपि च विधेयं परहितम् ।
२०८६२ तदद्यैतच्छब्दात्परभृत भवत्येव भवतस्ततः शब्दालस्यं कथमपि निरस्यं क्षणमपि ॥
२०८७१ अपीडयन् बलं शत्रूञ्जिगीषुरभिषेणयेत् ।
२०८७२ सुखसाध्यं द्विषां सैन्यं दीर्घप्रयाणपीडितम् ॥
२०८८१ अपीतक्षीबकादम्बमसंमृष्टामलाम्बरम् ।
२०८८२ अप्रसादितशुद्धाम्बु जगदासीन्मनोहरम् ॥
२०८९१ अपुत्रत्वं भवच्छ्रेयो न तु स्याद्विगुणः सुतः ।
२०८९२ जीवन्नप्यविनीतोऽसौ मृत एव न संशयः ॥
२०९०१ अपुत्रस्य गतिर्नास्ति स्वर्गो नैव च नैव च ।
२०९०२ तस्मात्पुत्रमुखं दृष्ट्वा भवेत्पश्चाद्धि तापसः ॥
२०९११ अपुत्रस्य गृहं शून्यं दिशः शून्यास्त्वबान्धवाः ।
२०९१२ मूर्खस्य हृदयं शून्यं सर्वशून्या दरिद्रता ॥
२०९२१ अपुत्रस्य गृहं शोच्यं शोच्यं राज्यमराजकम् ।
२०९२२ निराहाराः प्रजाः शोच्या शोच्यं मैथुनमप्रजम् ॥
२०९३१ अपुनर्देहिशब्दार्थमप्रत्युपकृतिक्षमम् ।
२०९३२ अर्थिनं कुरुते कश्चित्पुनरावृत्तिवर्जितम् ॥
२०९४१ अपुष्यत घनावली भुवनजीवनैर्यत्करैरवर्ध्यत सुधारुचिर्बहुबुधालिसंतर्पणः ।
२०९४२ तमन्धतमसच्छिदं रविमवेक्ष्य जाज्वल्यसे त्वमेव रविकान्ततामयसि हन्त किं कुर्महे ॥
२०९५१ अपूजितैवास्तु गिरीन्द्रकन्या किं पक्षपातेन मनोभवस्य ।
२०९५२ यद्यस्ति दूती सरसोक्तिदक्षा दासः पतिः पादतले वधूनाम् ॥
२०९६१ अपूजितोऽतिथिर्यस्य गृहाद्याति विनिःश्वसन् ।
२०९६२ गच्छन्ति पितरस्तस्य विमुखाः सह दैवतैः ॥
२०९७१ अपूज्या यत्र पूज्यन्ते पूज्यानां तु विमानना ।
२०९७२ त्रीणि तत्र प्रवर्तन्ते दुर्भिक्षं मरणं भयम् ॥
२०९८१ अपूज्या यत्र पूज्यन्ते पूज्यानामप्यमानना ।
२०९८२ तव दैवकृतो दण्डः सद्यः पतति दारुणः ॥
२०९९१ अपूर्णे नैव मर्तव्यं संपूर्णे नैव जीवति ।
२०९९२ तस्माद्धैर्यं विधातव्यं हन्तव्या परवाहिनी ॥
२१००१ अपूर्वं चौर्यमभ्यस्तं त्वया चञ्चललोचने ।
२१००२ दिवापि जाग्रतां पुंसां चेतो हरसि दूरतः ॥
२१०११ अपूर्वं यद्वस्तु प्रथयति विना कारणकलां जगद्ग्रावप्रख्यं निजरसभरात्सारयति च ।
२१०१२ क्रमात्प्रख्योपाख्याप्रसरसुभगं भासयति तत्सरस्वत्यास्तत्त्वं कविसहृदयाख्यं विजयते ॥
२१०२१ अपूर्वः कोऽपि कोपाग्निः सज्जनस्य खलस्य च ।
२१०२२ एकस्य शाम्यति स्नेहाद्वर्धतेऽन्यस्य वारितः ॥
२१०३१ अपूर्वः कोऽपि कोशोऽयं विद्यते तव भारति ।
२१०३२ व्ययतो वृद्धिमायाति क्षयमायाति संचयात् ॥
२१०४१ अपूर्वः कोऽपि तन्वङ्ग्या मम मार्गः प्रदर्शितः ।
२१०४२ योगं चिन्तयतो येन राग एव विवर्धते ॥
२१०५१ अपूर्वकर्मचण्डालमपि मुग्धे विमुञ्च माम् ।
२१०५२ श्रितासि चन्दनभ्रान्त्या दुर्विपाकं विषद्रुमम् ॥
२१०६१ अपूर्वदेशाधिगमे युवराजाभिषेचने ।
२१०६२ पुत्रजन्मनि वा मोक्षो बन्धनस्य विधीयते ॥
२१०७१ अपूर्वमधुरामोदप्रमोदितदिशस्ततः ।
२१०७२ आययुर्भृङ्गमुखराः शिरः शेखरशालिनः ॥
२१०८१ अपूर्वयेव तत्कालसमागमसकामया ।
२१०८२ दृष्टेन राजन् वपुषा कटाक्षैर्विजयश्रिया ॥
२१०९१ अपूर्वा रसनाव्याली खलाननबिलेशया ।
२१०९२ कर्णमूले दशत्यन्यं हरत्यन्यस्य जीवितम् ॥
२११०१ अपूर्वाह्लाददायिन्य उच्चैस्तरपदाश्रयाः ।
२११०२ अतिमोहापहारिण्यः सूक्तयो हि महीयसाम् ॥
२११११ अपूर्विणा न कर्तव्यं कर्म लोके विगर्हितम् ।
२१११२ कृतपूर्विणस्तु त्यजतो महान् धर्म इति श्रुतिः ॥
२११२१ अपूर्वेयं धनुर्विद्या भवता शिक्षिता कुतः ।
२११२२ मार्गणौघः समायाति गुणो जाति दिगन्तरम् ॥
२११३१ अपूर्वो दृश्यते वह्निः कामिन्याः स्तनमण्डले ।
२११३२ दूरतो दहते गात्रं गात्रलग्नः सुशीतलः ॥
२११४१ अपूर्वो भाति भारत्याः काव्यामृतफले रसः ।
२११४२ चर्वणे सर्वसामान्ये स्वादुवित्केवलं कविः ॥
२११५१ अपूर्वोऽयं कान्ते ज्वलति मुखदीपस्तव चिरं तमो द्रष्ट्णां यो जनयतितरां याति सुतनो ।
२११५२ अधस्ताद्यत्रेयं बत सुरभिधूमालकततिर्यदीया वार्तैव ज्वलयति पतंगानिव जनान् ॥
२११६१ अपूर्वोऽयं धनुर्वेदो मन्मथस्य महात्मनः ।
२११६२ शरीरमक्षतं कृत्वा भिनत्त्यन्तर्गतं मनः ॥
२११७१ अपूर्वोऽयं पन्थाः शिव तव विभुत्वस्य कतमो जगद्बन्धो यत्ते पदयुगमकामं प्रणमताम् ।
२११७२ प्रयाति प्रध्वंसं न खलु दुरितं केवलमिदं चिरोपात्तं सद्यः सुकृतमपि सर्वं विगलति ॥
२११८१ अपूर्वोऽयं मया दृष्टः कान्तः कमललोचने ।
२११८२ शोऽन्तरं यो विजानाति स विद्वन्नात्र संशयः ॥
२११९१ अपृच्छं पुत्रदारादींस्तैरुक्तोऽहं रघत्तम ।
२११९२ पापं तवैव तत्सर्वं वयं तु फलभागिनः ॥
२१२०१ अपृष्टस्तस्य न ब्रूयाद्यश्च नेच्छेत्पराभवम् ।
२१२०२ एष एव सतां धर्मो विपरीतोऽसतां मतः ॥
२१२११ अपृष्टस्तु नरः किंचिद्यो ब्रूते राजसंसदि ।
२१२१२ न केवलमसंमानं लभते च विडम्बनाम् ॥
२१२२१ अपृष्टेन न वक्तव्यः सचिवेन विपश्चिता ।
२१२२२ नानुशिष्यादपृच्छन्तं महदेतद्धि साहसम् ॥
२१२३१ अपृष्टेनापि वक्तव्यं सचिवेनात्र किंचन ।
२१२३२ पृष्टेन तु विशेषेण वाच्यं पथ्यं महीपतेः ॥
२१२४१ अपृष्टोऽत्राप्रधानो यो ब्रूते राज्ञः पुरः कुधीः ।
२१२४२ न केवलमसंमानं लभते च विडम्बनम् ॥
२१२५१ अपृष्ट्वैव भवेन्मूढज्ञानं मनसि चिन्तनात् ।
२१२५२ अपूर्णः कुरुते शब्दं न पूर्णः कुरुते घटः ॥
२१२६१ अपेक्षन्ते न च स्नेहं न पात्रं न दशान्तरम् ।
२१२६२ सदा लोकहितासक्ता रत्नदीपा इवोत्तमाः ॥
२१२७१ अपेताः शत्रुभ्यो वयमिति विषादोऽयमफलः प्रतीकारस्त्वेषामनिशमनुसंधातुमुचितः ।
२१२७२ जरासंधाद्भग्नः सह हलभृता दानवरिपुर्जघानैनं पश्चान्न किमनिलसूनुः प्रियसखः ॥
२१२८१ अपेहि हृदयाद्वा मे वामे दर्शनमेहि वा ।
२१२८२ अदूरविरहोत्कण्ठादुःखं दुःकेन सह्यते ॥
२१२९१ अप्यखिलालंकारा नाकलयन्तोऽपि रसविदश्चित्रम् ।
२१२९२ कलयन्ति सरसकाव्ये नालंकारं कदाचिदपि ॥
२१३०१ अप्यग्रणीर्मन्त्रकृतामृषीणां कुशाग्रबुद्धे कुशली गुरुस्ते ।
२१३०२ यतस्त्वया ज्ञानमशेषमाप्तं लोकेन चैतन्यमिवोष्णरश्मेः ॥
२१३११ अप्यतिशयितमनर्थं शमयत्यर्थं समर्पयन्नृपतिः ।
२१३१२ तमनर्पयन्निरर्थं प्राणेन समं परित्यजत्यर्थम् ॥
२१३२१ अप्यत्युच्चो भूमिसमः पार्थिवोऽपि न पार्थिवः ।
२१३२२ मानार्थं जीवितं तस्य कृते माने न जीवति ॥
२१३३१ अप्यनारभमाणस्य विभोरुत्पादिताः परैः ।
२१३३२ व्रजन्ति गुणतामर्थाः शब्दा इव विहायसः ॥
२१३४१ अप्यनावर्जिताः स्वेन फलरागेण संनताः ।
२१३४२ अर्भकैरपि गृह्यन्ते साधुसंतानशाखिनः ॥
२१३५१ अप्यनेकैरुपचितैर्दुर्विनीतैः सुतैरलम् ।
२१३५२ निदर्शनं धार्तराष्ट्राः शतं दुर्योधनादयः ॥
२१३६१ अप्यभीष्टा न लभ्यन्ते संत्यक्ता न त्यजन्ति च ।
२१३६२ वासना इव संसारे मोहनैकपराः स्त्रियः ॥
२१३७१ अप्यशक्यं त्वया दत्तं दुःखं शक्यन्तरात्मनि ।
२१३७२ बाष्पो वाहीकनारीणां वेगवाही कपोलयोः ॥
२१३८१ अप्याकरसमुत्पन्नमणिजातिरसंस्कृता ।
२१३८२ जातरूपेण कल्याणि न हि संयोगमर्हति ॥
२१३९१ अप्यात्मनो विनाशं गणयति न खलः परव्यसनहृष्टः ।
२१३९२ प्रायो मस्तकनाशे समरमुखे नृत्यति कबन्धः ॥
२१४०१ अप्यापत्समयः साधोः प्रयाति श्लाघनीयताम् ।
२१४०२ विधोर्विधुंतुदास्कन्दविपत्कालोऽपि सुन्दरः ॥
२१४११ अप्यामीलितपङ्कजां कमलिनीमप्युल्लसत्पल्लवां वासन्तीमपि सौधभित्तिपतितामात्मप्रतिच्छायिकाम् ।
२१४१२ मन्वानः प्रथमं प्रियेति पुलकस्वेदप्रकम्पाकुलं प्रीत्यालिङ्गति नास्ति सेति न पुनः खेदोत्तरं मूर्च्छति ॥
२१४२१ अप्युत्कटे च रौद्रे च शत्रौ यस्य न हीयते ।
२१४२२ धैर्यं प्राप्ते महीपस्य न स याति पराभवम् ॥
२१४३१ अप्युन्नतपदारूढः पूज्यान्नैवापमानयेत् ।
२१४३२ नहुषः शक्रतां प्राप्य च्युतोऽगस्त्यावमाननात् ॥
२१४४१ अप्युन्मत्तात्प्रलपतो बालाच्च परिसर्पतः ।
२१४४२ सर्वतः सारमादद्यादश्मभ्य इव काञ्चनम् ॥
२१४५१ अप्युपायैस्त्रिभिस्तात योऽर्थः प्राप्तुं न शक्यते ।
२१४५२ तस्य विक्रमकालांस्तान् युक्तानाहुर्मनीषिणः ॥
२१४६१ अप्युद्दामव्यसनसरणेः संगमे कामुकानां भद्रं भद्रे भुवनजयिनस्त्वत्कलाकौलशस्य ।
२१४६२ अप्युत्साहप्रचुरसुहृदः कामकेलीनिवासाः प्रौढोत्साहास्तव सुवदने स्वस्तिमन्तो विलासाः ॥
२१४७१ अप्येकवंशजनुषोः पश्यत पूर्णत्वतुच्छताभाजोः ।
२१४७२ ज्याकार्मुकयोः कश्चिद्गुणभूतः कश्चिदपि भर्ता ॥
२१४८१ अप्येतद्रजनीमयं जगदथो निद्रामयी सा निशा निद्रा स्वप्नमयी भवेदथ च स स्वप्नो मृगाक्षीमयः ।
२१४८२ सेयं मानमयी मम प्रियतमा तच्चाटुचेष्टामयो मादृक्क्वेति समीहितैकविधये संकल्प तुभ्यं नमः ॥
२१४९१ अप्येव दहनं स्पृष्ट्वा वने तिष्ठन्ति पादपाः ।
२१४९२ राजदोषपरामृष्टास्तिष्ठन्ते नापराधिनः ॥
२१५०१ अप्यौत्सुक्ये महति दयितप्रार्थनासु प्रतीपाः काङ्क्षन्त्योऽपि व्यतिकरसुखं कातराः स्वाङ्गदाने ।
२१५०२ आबाध्यन्ते न खलु मदनेनैव लब्धान्तरत्वादाबाधन्ते मनसिजमपि क्षिप्तकालाः कुमार्यः ॥
२१५११ अप्रकटवर्तितस्तन मण्डलिकानिभृतचक्रदर्शिन्यः ।
२१५१२ आवेशयन्ति हृदयं स्मरचर्यागुप्तयोगिन्यः ॥
२१५२१ अप्रकटीकृतशक्तिः शक्तोऽपि जनात्तिरस्क्रियां लभते ।
२१५२२ निवसन्नन्तर्दारुणि लङ्घ्यो वह्निर्न तु ज्वलितः ॥
२१५३१ अप्रगल्भस्य या विद्या कृपणस्य च यद्धनम् ।
२१५३२ यच्च बाहुबलं भीरोर्व्यर्थमेतत्त्रयं भुवि ॥
२१५४१ अप्रगल्भाः पदन्यासे जननीरागहेतवः ।
२१५४२ सन्त्येके बहुलालापाः कवयो बालका इव ॥
२१५५१ अप्रणोद्योऽतिथिः सायं सूर्योढो गृहमेधिना ।
२१५५२ काले प्राप्तस्त्वकाले वा नास्यानश्नन् गृहे वसेत् ॥
२१५६१ अप्रणाद्योऽतिथिः सायं सूर्योढो गृहमेधिनाम् ।
२१५६२ पूजया तस्य देवत्वं प्रयान्ति गृहमेधिनः ॥
२१५७१ अप्रतिकृत्यात्मानं सहसानर्थेषु न प्रवर्तेत ।
२१५७२ शिरसि धृतेऽमृतकिरणे विषमघसद्विषमनेत्रोऽपि ॥
२१५८१ अप्रतिबुद्धे श्रोतरि वक्तुर्वाक्यं प्रयाति वैफल्यम् ।
२१५८२ नयनविहीने भर्तरि लावण्यमिवेह खञ्जनाक्षीणाम् ॥
२१५९१ अप्रतिष्ठाश्च ये केचिदधर्मशरणाश्च ये ।
२१५९२ तेषां प्रतिष्ठा गङ्गेह शरणं शर्म वर्म च ॥
२१६०१ अप्रत्यक्षाणि शास्त्राणि विवादस्तत्र केवलम् ।
२१६०२ प्रत्यक्षं ज्यौतिषं शास्त्रं चन्द्रार्कौ यत्र साक्षिणौ ॥
२१६११ अप्रत्याकलितप्रभावविभवे सर्वाश्रयाम्भोनिधौ वासो नाल्पतपःफलं यदपरं दोषोऽयमेको महान् ।
२१६१२ शम्बूकोऽपि यदत्र दुर्लभतरै रत्नैरनर्घैः सह स्पर्धामेकनिवासकारणवशादेकान्ततो वाञ्छति ॥
२१६२१ अप्रदाता समृद्धोऽसौ दरिद्रश्च महामनाः ।
२१६२२ अश्रुतश्च समुन्नद्धस्तमाहुर्मूढचेतसम् ॥
२१६३१ अप्रदीपा यथा रात्रिरनादित्यं यथा नभः ।
२१६३२ तथासांवत्सरो राजा भ्रमत्यन्ध इवाध्वनि ॥
२१६४१ अप्रधानः प्रधानः स्यात्पार्थिवं यदि सेवते ।
२१६४२ प्रधानोऽप्यप्रधानः स्याद्यदि सेवाविवर्जितः ॥
२१६५१ अप्रभूतमतनीयसि तन्वी काञ्चिधाम्नि पिहितैकतरोरु ।
२१६५२ क्षौममाकुलकरा विचकर्ष क्रान्तपल्लवमभीष्टतमेन ॥
२१६६१ अप्रमत्तश्च यो राजा सर्वज्ञो विजितेन्द्रियः ।
२१६६२ कृतज्ञो धर्मशीलश्च स राजा तिष्ठते चिरम् ॥
२१६७१ अप्रमत्तेऽपि पुरुषे हितकार्यावलम्बिनि ।
२१६७२ दैवमुन्मार्गरसिकमन्यथैव प्रमद्यते ॥
२१६८१ अप्रमादश्च कर्तव्यस्त्वया राज्ञः समाश्रये ।
२१६८२ त्वदीयस्य शरीरस्य वयं भाग्योपजीविनः ॥
२१६९१ अप्रसन्नमपराद्धरि पत्यौ कोपदीप्तमुररीकृतधैर्यम् ।
२१६९२ क्षालितं नु शमितं नु वधूनां द्रावितं नु हृदयं मधुवारैः ॥
२१७०१ अप्रसादोऽनधिष्ठानं देयांशहरणं च यत् ।
२१७०२ कालयापोऽप्रतीकारस्तद्वैराग्यस्य कारणम् ॥
२१७११ अप्रस्तावस्तुतिभिरनिशं कर्णशूलं करोति स्वं दारिद्र्यं वदति वसनं दर्शयत्येव जीर्णम् ।
२१७१२ छायाभूतश्चलति न पुरः पार्श्वयोर्नैव पश्चान्निःस्वः खेदं दिशति धनिनां व्याधिवद्दुश्चिकित्स्यः ॥
२१७२१ अप्राकृतः स कथमस्तु न विस्मयाय यस्मिन्नुवास करुणा च कृतज्ञता च ।
२१७२२ लक्ष्मीश्च सात्त्विकगुणज्वलितं च तेजो धर्मश्च मानविनयौ च पराक्रमश्च ॥
२१७३१ अप्राकृतस्य चारितातिशयस्य भावैरत्यद्भुतैर्मम हृतस्य तथाप्यनास्था ।
२१७३२ कोऽप्येष वीरशिशुकाकृतिरप्रमेय सामर्थ्यसारसमुदायमयः पदार्थः ॥
२१७४१ अप्राकृतस्याहवदुर्मदस्य निवार्यमस्यास्त्रबलेन वीर्यम् ।
२१७४२ अल्पीयसोऽप्यामयतुल्यवृत्तेर्महापकाराय रिपोर्विवृद्धिः ॥
२१७५१ अप्राज्ञेन च कातरेण च गुणः स्याद्भक्तियुक्तेन कः प्रज्ञाविक्रमशालिनोऽपि हि भवेत्किं भक्तिहीनात्फलम् ।
२१७५२ प्रज्ञाविक्रमभक्तयः समुदिता येषां गुणा भूतये ते भृत्या नृपतेः कलत्रमितरे संपत्सु चापत्सु च ॥
२१७६१ अप्राप्तकालं वचनं बृहस्पतिरपि ब्रुवन् ।
२१७६२ लभते बुद्ध्यवज्ञानमवमानं च भारत ॥
२१७७१ अप्राप्तकालवचनं बृहस्पतिरपि ब्रुवन् ।
२१७७२ प्राप्नुयाद्बुद्धिशैथिल्यमपमानं च शाश्वतम् ॥
२१७८१ अप्राप्तकालो यो मूर्खो हसेत्स्वेच्छानुसारतः ।
२१७८२ प्राप्नुयाद्बुद्ध्यवज्ञानं सभायां चैव शाश्वतम् ॥
२१७९१ अप्राप्तकेलिसुखयोरतिमानरुद्ध संधानयो रहसि जातरुषोरकस्मात् ।
२१७९२ यूनोर्मिथोऽभिलषतोः प्रथमानुनीतिं भावाः प्रसादपिशुनाः क्षपयन्ति निद्राम् ॥
२१८०१ अप्राप्तपुष्पोद्गमविभ्रमैव रुद्धा भुजङ्गेन तथा यथेयम् ।
२१८०२ न शक्यते स्प्रष्टुमपीहमानैरामोदिनी चन्दनशाखिकेव ॥
२१८११ अप्राप्तप्रथमावकर्तनरुषा व्यानम्रमूकीभवद्वक्रेष्वन्यशिरःसु यस्य दहने छिन्नं शिरो जुह्वतः ।
२१८१२ उच्चार्य स्वयमेव मन्त्रमकरोन्नास्याहमित्यात्मनस्त्यागं पङ्क्तिमुखः स विक्रमसुहृद्वीरः कथं वर्ण्यते ॥
२१८२१ अप्राप्तयौवना नारी न कामाय न शान्तये ।
२१८२२ संप्राप्ते षोडशे वर्षे गर्दभी चाप्सरायते ॥
२१८३१ अप्राप्तवल्लभसमागमनाधिकायाः सख्याः पुरोऽत्र निजचित्तविनोदबुद्ध्या ।
२१८३२ आलापवेषगतिहास्यविकत्थनाद्यैः प्राणेश्वरानुकृतिमाकलयन्ति लीलाम् ॥
२१८४१ अप्राप्येऽपि यथा कामे धर्मे चिन्ता न किं तथा ।
२१८४२ अलाभेऽपि द्वयोरेका भयदा शिवदापरा ॥
२१८५१ अप्राप्येषुरुदासितासिरशनेरारात्कुतः शङ्कुतश्चक्रव्युत्क्रमकृत्परोक्षपरशुः शूलेन शून्या यया ।
२१८५२ मृत्युर्दैत्यपतेः कृतः स सदृशः पादाङ्गुलीपर्वतः पार्वत्या प्रतिपाल्यतां त्रिभुवनं निःशल्यकल्यं तया ॥
२१८६१ अप्रामाण्यं च वेदानां शास्त्राणां चातिलङ्घनम् ।
२१८६२ सर्वत्र चानवस्थानमेतन्नाशनमात्मनः ॥
२१८७१ अप्रार्थनमसंस्पर्शमसंदर्शनमेव च ।
२१८७२ पुरुषस्येह नियमो भवेद्रागप्रहाणये ॥
२१८८१ अप्रार्थितं यथा दुःखं तथा सुखमपि स्वयम् ।
२१८८२ प्राणिनं प्रतिपद्येत सर्वं नियतियन्त्रितम् ॥
२१८९१ अप्रियं न हि भाषेत न विरुध्येत केनचित् ।
२१८९२ कार्यसिद्धिं समीहेत कार्यभ्रंशो हि मूर्खता ॥
२१९०१ अप्रियं पुरुष चापि परद्रोहं परस्त्रियम् ।
२१९०२ अधर्ममनृतं चैव दूरात्प्राज्ञो विवर्जयेत् ॥
२१९११ अप्रियं यस्य कुर्वीत भूयस्तस्य प्रियं चरेत् ।
२१९१२ अचिरेण प्रियः स स्याद्योऽप्रियः प्रियमाचरेत् ॥
२१९२१ अप्रियमुक्ताः पुरुषाः प्रयतन्ते द्विगुणमप्रियं वक्तुम् ।
२१९२२ तस्मादवाच्यमप्रियमप्रियमश्रोतुकामेन ॥
२१९३१ अप्रियवचनदरिद्रैः प्रियवचनाढ्यैः स्वदारपरितुष्टैः ।
२१९३२ परपरिवादनिवृत्तैः क्वचित्क्वचिन्मण्डिता वसुधा ॥
२१९४१ अप्रियवचनाङ्गारैर्दग्धोऽपि न विप्रियं वदत्यार्यः ।
२१९४२ किं दह्यमानमगरु स्वभावसुरभिं परित्यजति ॥
२१९५१ अप्रियस्यापि वचसः परिणामाविरोधिनः ।
२१९५२ वक्ता श्रोता च यत्रास्ति रमन्ते तत्र संपदः ॥
२१९६१ अप्रियाण्यपि कुर्वन्तः स्वार्थायोद्यत चेष्टिताः ।
२१९६२ पण्डिता नोपलभ्यन्ते वायसैरिव कोकिलाः ॥
२१९७१ अप्रियाण्यपि कुर्वाणो निष्ठुराण्यपि च ब्रुवन् ।
२१९७२ चेतः प्रह्लादयत्येव सर्वावस्थासु वल्लभः ॥
२१९८१ अप्रियाण्यपि कुर्वाणो यः प्रियः प्रिय एव सः ।
२१९८२ दग्धमन्दिरसारेऽपि कस्य वह्नावनादरः ॥
२१९९१ अप्रियाण्यपि पथ्यानि ये वदन्ति नृणामिह ।
२१९९२ त एव सुहृदः प्रोक्ता अन्ये स्युर्नामधारकाः ॥
२२००१ अप्रिया न भविष्यन्ति प्रियो मे न भविष्यति ।
२२००२ अहं च न भविष्यामि सर्वं च न भविष्यति ॥
२२०११ अप्रियैः सह संवासः प्रियैश्चापि विनाभवः ।
२२०१२ असद्भिः संप्रयोगश्च तद्दुःखं चिरजीविनाम् ॥
२२०२१ अप्रियैरपि निष्पिष्टैः किं स्यात्क्लेशासहिष्णुभिः ।
२२०२२ ये तदुन्मूलने शक्ता जिगीषा तेषु शोभते ॥
२२०३१ अप्रियोऽपि हि पथ्यः स्यादिति वृद्धानुशासनम् ।
२२०३२ वृद्धानुशासने तिष्ठन् प्रियतामुपगच्छति ॥
२२०४१ अप्रीतां रोगिणीं नारीमन्तर्वत्नीं धृतव्रताम् ।
२२०४२ रजस्वलामकामां च न कामेत बलात्पुमान् ॥
२२०५१ अप्सु प्लवन्ते पाषाणा मानुषा घ्नन्ति राक्षसान् ।
२२०५२ कपयः कर्म कुर्वन्ति कालस्य कुटिला गतिः ॥
२२०६१ अप्स्वात्मानं न वीक्षेत नावगाहेत्पयोरयम् ।
२२०६२ संदिग्धनावं नारोहेन्न बाहुभ्यां नदीं तरेत् ॥
२२०६ १ अफलं श्राद्धमपात्रे  धनमफलं यत्न दत्तमर्थिभ्यः ।
२२०६ २ यौवनमफलं यमिनश् श्रुतमफलं दुर्विनीतस्य ॥
२२०७१ अफलस्यापि वृक्षस्य छाया भवति शीतला ।
२२०७२ निर्गुणोऽपि वरं बन्धुर्यः परः पर एव सः ॥
२२०८१ अफलानि दुरन्तानि समव्ययफलानि च ।
२२०८२ अशक्यानि च कार्याणि नारभेत विचक्षणः ॥
२२०९१ अबन्धुष्वपि बन्धुत्वं स्नेहात्समुपजायते ।
२२०९२ बन्धुष्वपि च बन्धुत्वमलोकज्ञेषु हीयते ॥
२२१०१ अबलः प्रोन्नतं शत्रुं यो याति मदमोहितः ।
२२१०२ युद्धार्थं स निवर्तेत शीर्णदन्तो यथा गजः ॥
२२१११ अबलस्वकुलाशिनो झषान्निजनीडद्रुमपीडिनः खगान् ।
२२११२ अनवद्यतृणार्दिनो मृगान्मृगयाघाय न भूभुजां घ्नताम् ॥
२२१२१ अबलां बलिना नीतां दशामिमां मकरकेतुना रक्ष ।
२२१२२ आपत्पतितोद्धृतये भवति हि शुभजन्मनां जन्म ॥
२२१३१ अबला अपि वीरेशान् यत्साहाय्यमुपाश्रिताः ।
२२१३२ पराभवन्ति दृक्कोणपातेनैव स मन्मथः ॥
२२१४१ अबलाढ्यविग्रहश्रीरमर्त्यनतिरक्षमालयोपेतः ।
२२१४२ पञ्चक्रमोदितमुखः पायात्परमेश्वरो मुहुरनादिः ॥
२२१५१ अबलाबुद्धिहीनाया दोषं क्षन्तुं सदार्हसि ।
२२१५२ मूढस्य सततं दोषं क्षमां कुर्वन्ति साधवः ॥
२२१६१ अबला यत्र प्रबला शिशुरवनीशो निरक्षरो मन्त्री ।
२२१६२ नहि नहि तत्र धनाशा जीवित आशापि दुर्लभा भवति ॥
२२१७१ अबलावनपर एको भुवनत्रितयेऽपि चेत्तदा भर्त्ता ।
२२१७२ कथमन्यथा सुधाकर चन्दनमुख्याप्रियत्वं स्यात् ॥
२२१८१ अबला विषहेत कथं दृढशक्तिममुष्य रतिरसप्रसरम् ।
२२१८२ मदनतुलितानुरागो न विदध्याद्यदि बलाधानम् ॥
२२१९१ अबलासु विलासिनोऽन्वभूवन्नयनैरेव नवोपगूहनानि ।
२२१९२ मरुदागमवार्तयापि शून्ये समये जाग्रति संप्रवृद्ध एव ॥
२२२०१ अबलेति परीवादो वृथा हि हरिणीदृशाम् ।
२२२०२ यासां नेत्रनिपातेन नटवद्घूर्ण्यते जगत् ॥
२२२११ अबले सलिले व्यवस्यता ते मुखभावो गमितो न पङ्कजेन ।
२२२१२ कथमादिमवर्णतान्त्यजस्य द्विजराजेन कृतोरुनिग्रहस्य ॥
२२२२१ अबलोऽसि न जितकाशी प्रतिभटराशीन् परापत क्षितिप ।
२२२२२ जाताम्भःकणपातः क्व विनश्यत्यनलसंघातः ॥
२२२३१ अबालरुचिरे भ्रुवौ न च मरालमन्दा गतिर्दृगञ्चलमचञ्चलं हृदयभूदभूतो दया(?) ।
२२२३२ सुधा न खलु वाक्पथातिथिरथापि यूनां मनो मनोजशरजर्ज्जरन्नयति मोहमस्यास्तनुः ॥
२२२४१ अबुधा अजंगमा अपि कयापि गत्या परं पदमवाप्ताः ।
२२२४२ मन्त्रिण इति कीर्त्यन्ते नयबलगुटिका इव जनेन ॥
२२२५१ अबुधैः कृतमानसंविदस्तव पार्थैः कुत एव योग्यता ।
२२२५२ सहसि प्लवगैरुपासितं न हि गुञ्जाफलमेति सोष्मताम् ॥
२२२६१ अबुधैरर्थलाभाय पण्यस्त्रीभिरिव स्वयम् ।
२२२६२ आत्मा संस्कृत्य संस्कृत्य परोपकरणीकृतः ॥
२२२७१ अबुद्धिमाश्रितानां च क्षन्तव्यमपराधिनाम् ।
२२२७२ न हि सर्वत्र पाण्डित्यं सुलभं पुरुषेण वै ॥
२२२८१ अथ चेद्बुद्धिजं कृत्वा ब्रूयुस्ते तदबुद्धिजम् ।
२२२८२ पापान् स्वल्पेऽपि तान् हन्यादपराधे तथानृजून् ॥
२२२९१ अबुद्ध्वा चित्तमप्राप्य विश्रम्भं प्रभविष्णुषु ।
२२२९२ न स्वेच्छं व्यवहर्तव्यमात्मनो भूतिमिच्छता ॥
२२३०१ अबोधि नो ह्रीनिभृतं मदिङ्गितं प्रतीत्य वा नादृतवत्यसाविति ।
२२३०२ लुनाति यूनः स्म धियं कियद्गता निवृत्य बालादरदर्शनेषुणा ॥
२२३११ अब्जं त्वज्जमथाब्जभूस्तत इदं ब्रह्माण्डमण्डात्पुनर्विश्वं स्थावरजंगमं तदितरत्त्वन्मूलमित्थं पयः ।
२२३१२ धिक्त्वां चौर इव प्रयासि निभृतं निर्गत्य जालान्तरैर्बध्यन्ते विवशास्त्वदेकशरणास्त्वामाश्रिता जन्तवः ॥
२२३२१ अब्दायनर्तुष्वथ मासपक्ष दिनानि कार्येऽप्यवधौ विदध्यात् ।
२२३२२ हीनावधिर्येन भवत्यसत्यः सर्वोऽपि लोके शकुनो गृहीतः ॥
२२३३१ अब्देभकुम्भे निर्बिन्ने विद्युत्खड्गलताहते ।
२२३३२ स्वच्छमुक्ताफलस्थूला निपेतुस्तोयबिन्दवः ॥
२२३४१ अब्दैर्वारिजिघृक्षयार्णवगतैः साकं व्रजन्ती मुहुः संसर्गाद्वडवानलस्य समभूदापन्नसत्त्वा तडित् ।
२२३४२ मन्ये देव तया क्रमेण जनितो युष्मत्प्रतापानलो येनारातिवधूविलोचनजलैः सिक्तोऽपि संवर्धते ॥
२२३५१ अब्धिना सह मित्रत्वे दारिद्र्यं यदि जायते ।
२२३५२ लाञ्छनं सागरस्यैव मैत्रीकर्तुर्न लाञ्छनम् ॥
२२३६१ अब्धिर्न तृप्यति यथा सरितां सहस्रैर्नो चेन्धनैरिव शिखी बहुधोपनीतैः ।
२२३६२ जीवः समस्तविषयैरपि तद्वदेवं संचिन्त्य चारुधिषणस्त्यजतीन्द्रियार्थान् ॥
२२३७१ अब्धिर्यद्यवधीरितो न तु तदा तस्मान्निपीयाम्बुदैर्वान्तान् याचसि काकुभिर्जललवानुत्तानचञ्चूपुटः ।
२२३७२ तत्ते निस्त्रपनीचतैवमुचिता निर्वक्तुमेतत्कथं विद्मः केन गुणेन मानिषु पुनः सारङ्ग संगीयते ॥
२२३८१ अब्धी रत्नमधो धत्ते धत्ते वा शिरसा तृणम् ।
२२३८२ अब्धेरेव हि दोषोऽयं रत्नं रत्नं तृणं तृणम् ॥
२२३९१ अब्धेरम्भः स्थगितभुवनाभोगपातालकुक्षेः । पोतोपाया इह हि बहवो लङ्घनेऽपि क्षमन्ते ।
२२३९२ आहो रिक्तः कथमपि भवेदेष दैवात्तदानीं को नाम स्यादवटकुहरालोकनेऽप्यस्य कल्पः ॥
२२४०१ अब्धौ मज्जन्ति मीना इव फणिन इव क्षौणिरन्ध्रं विशन्ति क्रामन्त्यद्रीन् विहङ्गा इव कपय इव क्वाप्यरण्ये चरन्ति ।
२२४०२ देव क्ष्मापालशक्र प्रसरदनुपमत्वच्चमूचक्रवाह व्यूहव्याधूतधूलीपटलहतदृशः कान्दिशीकाः क्षितीशाः ॥
२२४११ अब्रवीच्च भगवन्मतङ्गजैर्यद्बृहद्भिरपि कर्म दुष्करम् ।
२२४१२ तत्र नाहमनुमन्तुमुत्सहे मोघवृत्ति कलभस्य चेष्टितम् ॥
२२४२१ अभक्ष्यं भक्षयेन्नित्यं सुवासोमद्यपा गृहे ।
२२४२२ कुष्ठी भवति वित्तेशो वेश्यादोषाः स्वभावजाः ॥
२२४३१ अभग्नवृत्ताः प्रसभादाकृष्टा यौवनोद्धतैः ।
२२४३२ चक्रन्दुरुच्चकैर्मुष्टिग्राह्यमध्या धनुर्लता ॥
२२४४१ अभयं सत्त्वसंशुद्धिर्ज्ञानयोगव्यवस्थितिः ।
२२४४२ दानं दमश्च यज्ञश्च स्वाध्यायस्तप आर्जवम् ॥
२२४५१ अहिंसा सत्यमक्रोधस्त्यागः शान्तिरपैशुनम् ।
२२४५२ दया भूतेष्वलोलुप्त्वं मार्दवं ह्रीरचापलम् ॥
२२४६१ तेजः क्षमा धृतिः शौचमद्रोहो नातिमानिता ।
२२४६२ भवन्ति संपदं दैवीमभिजातस्य भारत ॥
२२४७१ दम्भो दर्पोऽतिमानश्च क्रोधः पारुष्यमेव च ।
२२४७२ अज्ञानं चाभिजातस्य पार्थ संपदमासुरीम् ॥
२२४८१ दैवी संपद्विमोक्षाय निबन्धायासुरी मता ॥
२२४९१ अभयं सर्वभूतेभ्यो दत्त्वा यश्चरते मुनिः ।
२२४९२ तस्यापि सर्वभूतेभ्यो न भयं विद्यते क्वचित् ॥
२२५०१ अभयं सर्वभूतेभ्यो यो ददाति दयापरः ।
२२५०२ अभयं तस्य भूतानि ददतीत्यनुशुश्रुमः ॥
२२५११ अभयं सर्वभूतेभ्यो यो ददाति दयापरः ।
२२५१२ तस्य देहविमुक्तस्य क्षय एव न विद्यते ॥
२२५२१ अभयमभयं देव ब्रूमस्तवासिलतावधूः कुवलयदलश्यत्मा शत्रोरुरःस्थलशायिनी ।
२२५२२ समयसुलभां कीर्तिं भव्यामसूत सुतामसावपि रमयितुं रागान्धेव भ्रमत्यखिलं जगत् ॥
२२५३१ अभयस्य हि यो दाता स पूज्यः सततं नृपः ।
२२५३२ सत्रं हि वर्धते तस्य सदैवाभयदक्षिणम् ॥
२२५४१ अभयस्यैव यो दाता तस्यैव सुमहत्फलम् ।
२२५४२ न हि प्राणसमं दानं त्रिषु लोकेषु विद्यते ॥
२२५५१ अभवदभिनवप्ररोहभाजां छविपरिपाटिषु यः पुराङ्गकानाम् ।
२२५५२ अहह विरहवैकृते स तस्याः क्रशिमनि संप्रति दूर्वया विवादः ॥
२२५६१ अभव्यजीवो वचनं पठन्नपि जिनस्य मिथ्यात्वविषं न मुञ्चति ।
२२५६२ यथा विषं रौद्रविषोऽति पन्नगः सशर्करं चारु पयः पिबन्नपि ॥
२२५७१ अभावि सिन्ध्वा संध्याभ्रसदृग्रुधिरतोयया ।
२२५७२ हृते योद्धुं जनः पांशौ स दृग्रुधि रतो यया ॥
२२५८१ अभावे न नरस्तस्माद्भावः सर्वत्र कारणम् ।
२२५८२ चित्तं शोधय यत्नेन किमन्यैर्बाह्यशोधनैः ॥
२२५९१ अभावे पट्टसूत्रस्य हारिणी स्नायुरिष्यते ।
२२५९२ गुणार्थमथवा ग्राह्याः स्नायवो महिषीगवाम् ॥
२२५९ १ अभिगम्यास्ते सद्भिर्व्यपगतमानावमानदोषाश्च ।
२२५९ २ ये स्वगृहमुपगतानां श्रममुपचारैर्व्यपनयन्ति ॥
२२६०१ अभिजनवतो भर्तुः श्लाघ्ये स्थिता गृहिणीपदे विभवगरुभिः कृत्यैरस्य प्रतिक्षणमाकुला ।
२२६०२ तनयमचिरात्प्राचीवार्कं प्रसूय च पावनं मम विरहजां न त्वं वत्से शुचं गणयिष्यसि ॥
२२६११ अभिजातजनव्यथावहा बहलोष्मप्रसरा विदाहिनः ।
२२६१२ प्रखला इव दृष्टिमागता भुवि तापाय निदाघवासराः ॥
२२६२१ अभितापसंपदमथोष्णरुचिर्निजतेजसामसहमान इव ।
२२६२२ पयसि प्रपित्सुरपराम्बुनिधेरधिरोढुमस्तगिरिमभ्यपतत् ॥
२२६३१ अभितिग्मरश्मि चिरमाविरमा दवधानखिन्नमनिमेषतया ।
२२६३२ विगलन्मधुव्रतकुलाश्रुजलं न्यमिमीलदब्जनयनं नलिनी ॥
२२६४१ अभितो नितरां सलिलं जलदे दातुं समुद्यते भवति ।
२२६४२ तदपि बहुलमल्पं वा पात्राधीनं मतं पतनम् ॥
२२६५१ अभित्तावुत्थिते चित्रे दृश्यते भित्तिरातता ।
२२६५२ अहो विचित्रा मायेयं भग्नं तुण्डं शिलाप्लुता ॥
२२६६१ अभिद्रोहेण भूतानामर्जयन् गत्वरीः श्रियः ।
२२६६२ उदन्वानिव सिन्धूनामापदामेति पात्रताम् ॥
२२६७१ अभिधाय तदा तदप्रियं शिशुपालोऽनुशयं परं गतः ।
२२६७२ भवतोऽभिमनाः समीहते सरुषः कर्तुमुपेत्य माननाम् ॥
२२६८१ अभिधावति मां मृत्युरयमुद्गूर्णमुद्गरः ।
२२६८२ कृपणं पुण्डरीकाक्ष रक्ष मां शरणागतम् ॥
२२६९१ अभिध्यालु परस्वेषु नेह नामुत्र नन्दति ।
२२६९२ तस्मादभिध्या संत्याज्या सर्वदाभीप्सता सुखम् ॥
२२७०१ अभिनयशस्तौ हस्तौ पादौ परिभूतकिसलयौ सलयौ ।
२२७०२ अङ्गं रञ्जितरङ्गं नृत्तं पुंभावशालि समवृत्तम् ॥
२२७११ अभिनयान् परिचेतुमिवोद्यता मलयमारुतकम्पितपल्लवा ।
२२७१२ अमदयत्सहकारलता मनः सकलिका कलिकामजितामपि ॥
२२७२१ अभिनवं गलितांशुकदर्शितं दधति यत्स्तनयोरुपरिस्थितम् ।
२२७२२ वसनमण्डलमण्डनमङ्गनास्तदधिकं प्रतिपक्षमनोज्वरम् ॥
२२७३१ अभिनवकुशसूत्रस्पर्धि कर्णे शिरीषं कुरवकपरिधानं पाटलादाम कण्ठे ।
२२७३२ तनुसरसजलार्द्रोन्मीलितः सुन्दरीणां दिनपरिणतिजन्मा कोऽपि वेशश्चकास्ति ॥
२२७४१ अभिनवजवापुष्पस्पर्धी तवाधरपल्लवो हसितकुसुमोन्मेषच्छायादरच्छुरितान्तरः ।
२२७४२ नयनमधुपश्रेणीं यूनामनारतमाहरंस्तरुणि तनुते तारुण्यश्रीर्विलासवतंसताम् ॥
२२७५१ अभिनवनलिनीकिसलय मृणालवलयादि दवदहनराशिः ।
२२७५२ सुभग कुरङ्गदृशोऽस्या विधिवशतस्त्वद्वियोगपविपाते ॥
२२७६१ अभिनवनलिनीविनोदलुब्धो मुकुलितकैरविणीवियोगभीरुः ।
२२७६२ भ्रमति मधुकरोऽयमन्तराले श्रयति न पङ्कजिनीं कुमुद्वतीं वा ॥
२२७७१ अभिनवनवनीतप्रीतमाताम्रनेत्रं विकचनलिनलक्ष्मीस्पर्धि सानन्दवक्त्रम् ।
२२७७२ हृदयभवनमध्ये योगिभिर्ध्यानगम्यं नवगगनतमालश्यामलं कंचिदीडे ॥
२२७८१ अभिनवनवनीतस्निग्धमापीतदुग्धं दधिकणपरिदिग्धं मुग्धमङ्गं मुरारेः ।
२२७८२ दिशतु भुवनकृच्छ्रच्छेदितापिच्छगुच्छच्छवि नवशिखिपिच्छालाञ्छितं वाञ्छितं वः ॥
२२७९१ अभिनवपल्लवरशना शिशिरतरतुषारजलमङ्गलस्नाता ।
२२७९२ पुष्पवती चूतलता प्रियेव ददृशे फलाभिमुखी ॥
२२८०१ अभिनवपुलकालीमण्डिता गण्डपाली निगदति विनिगूढानन्दहिन्दोलिचेतः ।
२२८०२ सुदति वदति पुण्यैः कस्य धन्यैर्मनोज प्रसरमसकृदेतच्चापलं लोचनस्य ॥
२२८११ अभिनवमुखमुद्रं क्षुद्रकूपोपवीतं प्रशिथिलविपुलत्वं ज्वालकोच्छवासिपालम् ।
२२८१२ परिणतिपरिपाटिव्याकृतेनारुणिम्ना हतहरितिमशेषं नागरङ्गं चकास्ति ॥
२२८२१ अभिनवयवसश्रीशालिनि क्ष्मातलेऽस्मिनतिशयपरभागं भेजिरे जिष्णुगोपाः ।
२२८२२ कुवलयशयनीये मुग्धमुग्धेक्षणाया मणय इव विमुक्ताः कामकेलिप्रसङ्गात् ॥
२२८३१ अभिनववधूरोषस्वादः करीषतनूनपादसरलजनाश्लेषक्रूरस्तुषारसमीरणः ।
२२८३२ गलितविभवस्याज्ञेवाद्य द्युतिर्मसृणा रवेर्विरहिवनितावक्त्रौपम्यं बिभर्ति निशाकरः ॥
२२८४१ अभिनवविषवल्लीपादपद्मस्य विष्णोर्मदनमथनमौलेर्मालतीपुष्पमाला ।
२२८४२ जयति जयपताका काप्यसौ मोक्षलक्ष्म्याः क्षपितकलिकलङ्का जाह्नवी नः पुनातु ॥
२२८५१ अभिनवसेवकविनयैः प्राघुणकोक्तैर्विलासिनीरुदितैः ।
२२८५२ धूर्तजनवचननिकरैरिह कश्चिदवञ्चितो नास्ति ॥
२२८६१ अभिनषति वैनतेयं चामरसहितः ससत्यभामो यः ।
२२८६२ नारायणः स साक्षाद्विबुधसमर्च्यः सदा जयतु ॥
२२८७१ अभिन्नवेलौ गम्भीरावम्बुराशिर्भवानपि ।
२२८७२ असावञ्जनसंकाशस्त्वं तु चामीकरद्युतिः ॥
२२८८१ अभिन्नेष्वपि कार्येषु भिद्यते मनसः क्रिया ।
२२८८२ अन्यथैव स्तनं पुत्रश्चिन्तयत्यन्यथा पतिः ॥
२२८९१ अभिपतति घनं शृणोति गर्जाः सहति शिलाः सहते तडित्तरङ्गान् ।
२२८९२ विधुवति गरुतं रुतं विधत्ते जलपृषते कियतेऽपि चातकोऽयम् ॥
२२९०१ अभिप्रायं यो विदित्वा तु भर्तुः सर्वाणि कार्याणि करोत्यतन्द्रीः ।
२२९०२ वक्ता हितानामनुरक्त आर्यः शक्तिज्ञ आत्मेव हि सोऽनुकम्प्यः ॥
२२९११ वाक्यं तु यो नाद्रियतेऽनुशिष्टः प्रत्याह यश्चापि नियुज्यमानः ।
२२९१२ प्रज्ञाभिमानी प्रतिकूलवादी त्याज्यः स तादृक्त्वरयैव भृत्यः ॥
२२९२१ अभिप्रायानुसारेण प्रकटीकुरुते प्रियम् ।
२२९२२ अहो महाप्रभावानां भूपतीनां वसुंधरा ॥
२२९३१ अभिप्रेतार्थसिद्ध्यर्थं पूजितो यः सुरैरपि ।
२२९३२ सर्वविघ्नच्छिदे तस्मै गणाधिपतये नमः ॥
२२९४१ अभिभवति मनः कदम्बवायौ मदमधुरे च शिखण्डिनां निनादे ।
२२९४२ जन इव न धृतेश्चचाल जिष्णुर्न हि महतां सुकरः समाधिभङ्गः ॥
२२९५१ अभिभूतोऽपि नोत्साहं जह्याज्जातु स्वसिद्धये ।
२२९५२ नष्टाङ्गोऽपि ग्रसत्येव सैंहिकेयो मुहुर्द्विषौ ॥
२२९६१ अभिभूतोऽप्यवज्ञातो यो राज्ञां द्वारि तिष्ठति ।
२२९६२ स तु राज्ञां श्रियं भुङ्क्ते नाभिमानी कदाचन ॥
२२९७१ अभिभूय विभूतिमार्तवीं मधुगन्धातिशयेन वीरुधाम् ।
२२९७२ नृपतेरमरस्रगाप सा दयितोरुस्तनकोटिसुस्थितम् ॥
२२९८१ अभिभूय सतामवस्थितिं जडजेषु प्रतिपाद्य च श्रियम् ।
२२९८२ जगतीपरितापकृत्कथं जलधौ नावपतेदसौ रविः ॥
२२९९१ अभिमतफलदाता त्वं च कल्पद्रुमश्च प्रकटमिह विशेषं कंचनोदाहरामः ।
२२९९२ कथमिह मधुरोक्तिप्रेमसंमानमिश्रं तुलयति सुरशाखी देव दानं त्वदीयम् ॥
२३००१ अभिमतफलसिद्धिसिद्धमन्त्रा वलि बलिजित्परमेष्ठिनोरुपास्ये ।
२३००२ भगवति मदनारिनारि वन्दे निखिलनगाधिपभर्तृदारिके त्वाम् ॥
२३०११ अभिमतमभितः कृताङ्गभङ्गा कुचयुगमुन्नतिवित्तमुन्नमय्य ।
२३०१२ तनुरभिलषितं क्लमच्छलेन व्यवृणुत वेल्लितबाहुवल्लरीका ॥
२३०२१ अभिमतमहामानग्रन्थिप्रभेदपटीयसी गुरुतरगुणग्रामाम्भोजस्फुटोज्ज्वलचन्द्रिका ।
२३०२२ विपुलविलसल्लज्जावल्लीविदारकुठारिका जठरपिठरी दुःपूरेयं करोति विडम्बनाम् ॥
२३०३१ अभिमतवस्तूपहृता वपि गुरुगर्वादनादरस्तन्व्याः ।
२३०३२ स्खलितेऽपि प्रियस्य सं यमताडनमित्येव बिब्बोकः ॥
२३०४१ अभिमतसिद्धिरशेषा भवति हि पुरुषस्य पुरुषकारेण ।
२३०४२ दैवमिति यदपि कथयसि पुरुषगुणः सोऽप्यदृष्टाख्यः ॥
२३०५१ अभिमन्त्र्य शुचिविधानादाज्याढ्यं हस्तिकर्णजं चूर्णम् ।
२३०५२ योऽश्नाति स हि नरः स्याद्यथेष्टचेष्टोऽपि दीर्घायुः ॥
२३०६१ अभिमानधनं येषां चिरं जीवन्ति ते नराः ।
२३०६२ अभिमानविहीनानां किं धनेन किमायुषा ॥
२३०७१ अभिमानधनस्य गत्वरैरसुभिः स्थास्नु यशश्चिचीषतः ।
२३०७२ अचिरांशुविलासचञ्चला ननु लक्ष्मीः फलमानुषङ्गिकम् ॥
२३०८१ अभिमानवतां पुंसामात्मसारमजानताम् ।
२३०८२ अन्धानामिव दृश्यन्ते पतनान्ताः प्रवृत्तयः ॥
२३०९१ अभिमानवतां ब्रह्मन् युक्तायुक्तविवेकिनाम् ।
२३०९२ युज्यतेऽवश्यभोग्यानां दुःखानामप्रकाशनम् ॥
२३१०१ अभिमानवतो मनस्विनः प्रियमुच्चैः पदमारुरुक्षतः ।
२३१०२ विनिपातनिवर्तनक्षमं मतमालम्बनमात्मपौरुषम् ॥
२३१११ अभिमानितभूतेन सानुबन्धरसेन तु ।
२३११२ यतः सर्वेन्द्रियप्रीतिः स कामः प्रोच्यते बुधैः ॥
२३१२१ अभिमानिनमुद्भ्रान्तमात्मसंभावितं शठम् ।
२३१२२ क्रोधनं चैव नृपतिं व्यसने घ्नन्ति वैरिणः ॥
२३१३१ अभिमुखगते यस्मिन्नेव प्रिये बहुशो वदत्यवनतमुखं तूष्णीमेव स्थितं मृगनेत्रया ।
२३१३२ अथ किल बलाल्लीलालोलं स एष तथेक्षितः कथमपि यथा दृष्ट्या मन्ये कृतं श्रुतिलङ्घनम् ॥
२३१३ १ अभिमुखमधुरतरेभ्यः पराङ्मुखाक्रोशनात्कुशीलेभ्यः ।
२३१३ २ अभ्यन्तरकलुषेभ्यो भेतव्यं मित्रशत्रुभ्यः ॥
२३१४१ अभिमुखनिहतस्य सतस्तिष्ठतु तावज्जयोऽथ वा स्वर्गः ।
२३१४२ उभयबलसाधुवादः श्रवणमुखोऽस्त्येव चात्यर्थम् ॥
२३१५१ अभिमुखपतयालुभिर्ललाट श्रमसलिलैरविधौतपत्रलेखः ।
२३१५२ कथयति पुरुषायितं वधूनां मृदितहिमद्युतिदुर्मनाः कपोलः ॥
२३१६१ अभिमुखपतितैर्गुणप्रकर्षादवजितमुद्धतिमुज्ज्वलां दधानैः ।
२३१६२ तरुकिसलयजालमग्रहस्तैः प्रसभमनीयत भङ्गमङ्गनानाम् ॥
२३१७१ अभिमुखमुपयाति मां स्म किंचित्त्वमभिदधाः पटले मधुव्रतानाम् ।
२३१७२ मधुसुरभिमुखाब्जगन्धलब्धेरधिकमधि त्वदनेन मा निपाति ॥
२३१८१ अभिमुखागतमार्गणधोरणि ध्वनितपल्लविताम्बरगह्वरे ।
२३१८२ वितरणे च रणे च समुद्यते भवति कोऽपि परं विरलः परः ॥
२३१९१ अभिमुखे मयि संहृतमीक्षितं हसितमन्यनिमित्तकृतोदयम् ।
२३१९२ विनयवारितवृत्तिरतस्तया न विवृतो मदनो न च संवृतः ॥
२३२०१ अभिमुनि सहसा हृते परस्या घनमरुता जघनांशुकैकदेशे ।
२३२०२ चकितमवसनोरु सत्रपायाः प्रतियुवतीरपि विस्मयं निनाय ॥
२३२११ अभियाति नः सतृष एष चक्षुषो हरिरित्यखिद्यत नितम्बिनीजनः ।
२३२१२ न विवेद यः सततमेनमीक्षते न वितृष्णतां व्रजति खल्वसावपि ॥
२३२२१ अभियुक्तं बलवता दुर्लभं हीनसाधनम् ।
२३२२२ हृतस्वं कामिनं चोरमाविशन्ति प्रजागराः ॥
२३२३१ अभियुक्तो बलवता तिष्ठन् दुर्गे प्रयत्नवान् ।
२३२३२ तद्बलीयस्तराह्वानं कुर्वीतात्मविमुक्तये ॥
२३२४१ अभियुक्तो यदा पश्येन्न कांचिद्गतिमात्मनः ।
२३२४२ युध्यमानस्तदा प्राज्ञो म्रियते रिपुणा सह ॥
२३२५१ अभियोक्ता बली यस्मादलब्ध्वा न निवर्तते ।
२३२५२ उपहारादृते तस्मात्संधिरन्यो न विद्यते ॥
२३२६१ अभिरामेऽभिनिवेशं विदधाना विविधलाभनिरपेक्षा ।
२३२६२ उपहस्यसे सुमध्ये विदग्धवाराङ्गनावारैः ॥
२३२७१ अभिलक्ष्यं स्थिरं पुण्यं ख्यातं सद्भिर्निषेवितम् ।
२३२७२ सेवेत सिद्धिमन्विच्छञ्श्लाघ्यं विन्ध्यमिवेश्वरम् ॥
२३२८१ अभिलषत उपायं विक्रमं कीर्तिलक्ष्म्योरसुगममरिसैन्यैरङ्कमभ्यागतस्य ।
२३२८२ जनक इव शिशुत्वे सुप्रियस्यैकसूनोरविनयमपि सेहे पाण्डवस्य स्मरारिः ॥
२३२९१ अभिलषति न खलु पुरुषः श्रियमपि कीर्त्या विनाकृतां कुशलः ।
२३२९२ क्षणिकाय वस्तुने कस्त्यजतीह चिरस्थिरं श्रेयः ॥
२३३०१ अभिलषति पद्मयोनौ निःस्ववधूनां सुतान् स्रष्टुम् ।
२३३०२ स्वं स्वं विशङ्कमाना वेपन्ते क्रकचवर्त्तिनो लोकाः ॥
२३३११ अभिलषतोरनुभावान् तिलोत्तमायाः किलोत्तमानुभयोः ।
२३३१२ सुन्दोपसुन्दयोरपि नाशो भेदादुदाह्रियते ॥
२३३२१ अभिलषन्ति तवाधरमाधुरीं तदिह किं हरिणाक्षि मुधा बुधाः ।
२३३२२ सुरसुधामधरीकुरुते यतस्त्वदधरोऽधरतामगमत्ततः ॥
२३३३१ अभिलषसि यदीन्दो वक्त्रलक्ष्मीं मृगाक्ष्याः पुनरपि सकृदब्धौ मज्ज संक्षालयाङ्कम् ।
२३३३२ सुविमलमथ बिम्बं पारिजातप्रसूनैः सुरभय वद नो चेत्त्वं क्व तस्या मुखं क्व ॥
२३३४१ अभिलषिताधिकवरदे प्रणिपतितजनार्तिहारिणि शरण्ये ।
२३३४२ चरणौ नमाम्यहं ते विद्याधरदेवते गौरि ॥
२३३५१ अभिवर्षति योऽनुपालयन् विधिबीजानि विवेकवारिणा ।
२३३५२ स सदा फलशालिनीं क्रियां शरदं लोक इवाधितिष्ठति ॥
२३३६१ अभिवादनशीलस्य नित्यं वृद्धोपसेविनः ।
२३३६२ चत्वारि तस्य वर्धन्त आयुः प्रज्ञा यशो बलम् ॥
२३३७१ अभिवादयेत वृद्धमासनं चास्य दर्शयेत् ।
२३३७२ कृताञ्जलिरुपासीत गच्छन्तं पृष्ठतोऽन्वियात् ॥
२३३८१ अभिवाद्य यथा वृद्धान् सन्तो गच्छन्ति निर्वृतिम् ।
२३३८२ एवं सज्जनमाक्रुश्य मूर्खो भवति निर्वृतः ॥
२३३९१ अभिवीक्ष्य सामिकृतमण्डनं यतीः कररुद्धनीविगलदंशुकाः स्त्रियः ।
२३३९२ दधिरेऽधिभित्ति पटहप्रतिस्वनैः स्फुटमट्टहासमिव सौधपङ्क्तयः ॥
२३४०१ अभिशप्तः पुण्यकार्ये प्रवृत्तोऽपि न सिद्धिभाक् ।
२३४०२ भर्त्रानुगमनोद्युक्ता रेणुका जनमारिका ॥
२३४११ अभिशस्तवत्प्रपश्यन्ति दरिद्रं पार्श्वतः स्थितम् ।
२३४१२ दारिद्र्यं पातिकं लोके कस्तच्छंसितुमर्हति ॥
२३४२१ अभिषिषेणयिषुं भुवनानि यः स्मरमिवाख्यत लोध्ररजश्चयः ।
२३४२२ क्षुभितसैन्यपरागविपाण्डुर द्युतिरयं तिरयन्नुदभूद्दिशः ॥
२३४३१ अभिषेकार्द्रशिरसा राजा राज्यावलोकिना ।
२३४३२ सहायवरणं कार्यं तत्र राज्यं प्रतिष्ठितम् ॥
२३४४१ यदप्यल्पतरं कर्म तदप्येकेन दुष्करम् ।
२३४४२ पुरुषेणासहायेन किमु राज्यं महोदयम् ॥
२३४५१ अभिसरणपरा सदा वराकी समरमहाध्वसु रक्तपङ्किलेषु ।
२३४५२ हृदि धरणिभुजामियं नृपश्रीर्निहितपदैव कलङ्कमातनोति ॥
२३४६१ अभिसरणमयुक्तमङ्गनानामिति तव सुन्दरि मा स्म भूद्वितर्कः ।
२३४६२ ननु पतिमगमत्स्वयं नदीनां सरिदपि शंभुजटामुहूर्तमाला ॥
२३४७१ अभिसरणरसः कृशाङ्गयष्टेरयमपरत्र न वीक्षितः श्रुतो वा ।
२३४७२ अहिमपि यदियं निरास नाङ्घ्रेर्निबिडतनूपुरमात्मनीनबुद्ध्या ॥
२३४८१ अभिसारे सरोजाक्षि यदि गन्तुं समीहसे ।
२३४८२ समाच्छाद्य मुखं याहि प्रयत्नेन प्रियं प्रति ॥
२३४९१ अभिहन्ति हन्त कथमेष माधवं सुकुमारकायमनवग्रहः स्मरः ।
२३४९२ अचिरेण वैकृतविवर्तदारुणः कलभं कठोर इव कूटपाकलः ॥
२३५०१ अभिहिताप्यभियोगपराङ्मुखी प्रकटमङ्गविलासमकुर्वती ।
२३५०२ उपरि ते पुरुषायितुमक्षमा नववधूरिव शत्रुपताकिनी ॥
२३५११ अभीक्ष्णमुच्चैर्ध्वनता पयोमुचा घनान्धकारीकृतशर्वरीष्वपि ।
२३५१२ तडित्प्रभादर्शितमार्गभूमयः प्रयान्ति रागादभिसारिकाः स्त्रियः ॥
२३५२१ अभीक्ष्णमुष्णैरपि तस्य सोष्मणः सुरेन्द्रबन्दीश्वसितानिलैर्यथा ।
२३५२२ सचन्दनाम्भःकणकोमलैस्तथा वपुर्जलार्द्रापवनैर्न निर्ववौ ॥
२३५३१ अभीप्सां स्वात्मनो रक्षाऽविरतं सुस्थिरं तथा ।
२३५३२ यत्नमातिष्ठ धैर्येण ततः सिद्धिर्भवेद्ध्रुवम् ॥
२३५४१ अभीष्टफलसंसिद्धिस्तुष्टिः काम्या सुसंपदः ।
२३५४२ द्वित्रिभिर्बहुभि सार्धं भोजनेन प्रजायते ॥
२३५५१ अभीष्टमासाद्य चिराय काले समुद्धृताशं कमनी चकाशे ।
२३५५२ योषिन्मनोजन्मसुखोदयेषु समुद्धृताशङ्कमनीचकाशे ॥
२३५६१ अभुक्तायां यस्यां क्षणमपि न यातं नृपशतैर्भुवस्तस्या लाभे क इव बहुमानः क्षितिभुजाम् ।
२३५६२ तदंशस्याप्यंशे तदवयवलेशेऽपि पतयो विषादे कर्तव्ये विदधति जडाः प्रत्युत मुदम् ॥
२३५७१ अभुक्त्वामलकं पथ्यं भुक्त्वा तु बदरीफलम् ।
२३५७२ कपित्थं सर्वदा पथ्यं कदली न कदाचन ॥
२३५८१ अभुञ्जतांश्चाददतां धनं चौरा हरन्ति हि ।
२३५८२ सरघाणां यथा सर्वं माक्षिकं वनचारिणः ॥
२३५९१ अभूतपूर्वं मम भावि किं वा सर्वं सहे मे सहजं च दुःखम् ।
२३५९२ किं तु त्वदग्रे शरणागतानां पराभवो नाथ न तेऽनुरूपम् ॥
२३६०१ अभूतमासज्य विरुद्धमीहितं बलादलभ्यं तव लिप्सते नृपः ।
२३६०२ विजानतोऽपि ह्यनयस्य रौद्रतां भवत्यपाये परिमोहिनी मतिः ॥
२३६११ अभूत्प्राची पिङ्गा रसपतिरिव प्राश्य कनकं गतच्छायश्चन्द्रो बुधजन इव ग्राम्यसदसि ।
२३६१२ क्षणात्क्षीणास्तारा नृपतय इवानुद्यमपरा न दीपा राजन्ते द्रविणरहितानामिव गुणाः ॥
२३६२१ अभूदम्भोराशेः सह वसतिरासीत्कमलया गुणानामाधारो नयनफलमिन्दुः प्रथयति ।
२३६२२ कथं सिंहीसूनुस्तमपि तुदति प्रौढदशनैर्गुणानामास्वादं पिशुनरसना किं रसयति ॥
२३६३१ अभूवन्नद्भुतोष्माणः शीतव्याप्ते जगत्त्रये ।
२३६३२ कुचोत्सङ्गाः कृशाङ्गीणां स्थानं मन्मथतेजसः ॥
२३६४१ अभेदेनैव युध्येरन् रक्षेयुश्च परस्परम् ।
२३६४२ फल्गु सैन्यस्य यत्किंचिन्मध्ये व्यूहस्य तद्भवेत् ॥
२३६५१ अभेदेनोपास्ते कुमुदमुदरे वा स्थितवतो विपक्षादम्भोजादुपगतवतो वा मधुलिहः ।
२३६५२ अपर्याप्तः कोऽपि स्वपरपरिचर्यापरिचय प्रबन्धः साधूनामयमनभिसंधानमधुरः ॥
२३६६१ अभेद्योऽनुद्धतः स्तब्धः सूनृतः प्रियदर्शनः ।
२३६६२ बहुश्रुतः कालवेदी जितग्रन्थोऽर्थकर्मवित् ॥
२३६७१ अभोगसुभगा भूतिरदैन्यधवलं कुलम् ।
२३६७२ अदर्पविशदा विद्या भवत्युन्नतचेतसाम् ॥
२३६८१ अभोगिनौ मण्डलिनौ तत्क्षणान्मुक्तकञ्चुकौ ।
२३६८२ वरमाशीविषौ स्पृष्टौ न तु पत्न्याः पयोधरौ ॥
२३६९१ अभ्यक्तं रहसि गतं विचित्तमन्येन मन्त्रयन्तं वा ।
२३६९२ उचितप्रणयमपि नृपं सहसार्या नोपसर्पन्ति ॥
२३७०१ अभ्यक्तमिव स्नातः शुचिरशुचिमिव प्रबुद्ध इव सुप्तम् ।
२३७०२ बद्धमिव स्त्रैरगतिर्जनमिह सुखसङ्गिनमवैमि ॥
२३७११ अभ्यघानि मुनिचापलात्त्वया यन्मृगः क्षितिपतेः परिग्रहः ।
२३७१२ अक्षमिष्ट तदयं प्रमाद्यतां संवृणोति खलु दोषमज्ञता ॥
२३७१ १ अभ्यन्तरगता बाह्या बाह्याश्चाभ्यतरं गताः ।
२३७१ २ यैर्नरा निधनं यान्ति यथा राजा कचद्रुमः ॥
२३७२१ अभ्यर्थये किमपि जीवितजन्मतस्त्वामुत्कण्ठतोद्गति निःसर तावदेव ।
२३७२२ कान्ते दृगन्तपथलम्बिनि जीवतीति यावन्न कर्णपथमेति जनापवादः ॥
२३७३१ अभ्यर्थ्य सप्रणति मन्दिरमभ्युपेता देवी स्वयं भगवती पृथगेव तासाम् ।
२३७३२ आसन्नवल्लभसमागमसूचनानि संजीवनानि वचनान्यपि वाचितानि ॥
२३७४१ अभ्यस्ताः स्फुटमेव शास्त्रगतयः सम्यक्कवित्वोदधेः पारं चाधिगतं सतां परिषदि प्राप्तः प्रतिष्ठोदयः ।
२३७४२ निर्विण्णस्य ममाधुना ननु परः पन्था न दैन्यं विना नेतुं वाञ्छति वासना सुरधुनीतीरेऽनुरूपं वयः ॥
२३७५१ अभ्यस्तेऽपि नितम्बभारफलके खेदालसेयं गतिः किंचित्संवलितार्धपक्ष्मविरलालोका दृशोऽन्तर्गताः ।
२३७५२ तन्मन्ये निभृतं त्वयाद्य हृदये कश्चिद्धृतो वल्लभो निश्वासाः कथमन्यथा द्विगुणतामेते तवैवं गताः ॥
२३७६१ अभ्यस्तेऽपि हि नाम वस्तुनि चिरादज्ञानसंभावनं शौचाशौचाविवादिता विशकलस्मृत्यक्षरावर्तनम् ।
२३७६२ वारं वारमृणोपघातकथनं कोऽप्येष डम्भात्मनां प्रायो दग्धदुरीशवञ्चनविधौ जागर्त्यपूर्वः क्रमः ॥
२३७७१ अभ्यस्य पवनविजयं व्याख्याय च शैवसंहिताः सकलाः ।
२३७७२ मरणसमये गुरूणां पर्दवदसवो विनिष्क्रान्ताः ॥
२३७८१ अभ्यस्य वेदमवधाय च पूर्वतन्त्रमालक्ष्य शिष्टचरितानि पृथग्विधानि ।
२३७८२ अध्यापनादिभिरवाप्य धनं च भूरि कर्माणि मातरलसाः कथमाचरेयुः ॥
२३७९१ अभ्यस्य स्मरदंशकौशलमुपाध्यायीरुपास्यावयोः क्रीडाम्नायरहस्यवस्तुनि मिथोऽप्यासीज्जिगीषा सखि ।
२३७९२ उत्कम्पोत्पुलकाङ्गसंभृतघनस्वेदाविलस्तन्मया सद्यो निष्प्रतिभः स मन्मथकथावैतण्डिकः खण्डितः ॥
२३८०१ अभ्यस्यादौ श्रुतिमथ गृहं प्राप्य लब्ध्वा महार्थानिष्ट्वा यज्ञैर्जनिततनयः प्रव्रजेदायुषोऽन्ते ।
२३८०२ इत्याचष्टे य इह स मनुर्याज्ञवल्क्योऽपि वा मे तावत्कालं प्रतिभवति चेदायुषस्तत्प्रमाणम् ॥
२३८११ अभ्यायान्तं झटिति गिलितुं वायुमप्यायतास्ये भीमाकारे प्रकृतिकुटिले बद्धनिर्व्याजवैरे ।
२३८१२ प्रायेणेत्थं कृतपरिचये पापिनि क्रूरसर्पे भद्रश्रीभिः परिचितिकथा कीदृशी मादृशानाम् ॥
२३८२१ अभ्यावहति कल्याणं विविधा वाक्सुभाषिता ।
२३८२२ सैव दुर्भाषिता राजन्ननर्थायोपपद्यते ॥
२३८३१ अभ्यासः कर्मणां सम्यगुत्पादयति कौशलम् ।
२३८३२ विधिना तावदभ्यस्तं यावत्सृष्टा मृगेक्षणा ॥
२३८४१ अभ्यासकारणा विद्या लक्ष्मीः पुण्यानुसारिणी ।
२३८४२ दानानुसारिणी कीर्तिर्बुद्धिः कर्मानुसारिणी ॥
२३८५१ अभ्यासरहिता विद्या निरुद्योगा नृपश्रियः ।
२३८५२ वेषयोषाश्च रागिण्यो हास्यायतनमङ्गने ॥
२३८६१ अभ्यासश्छन्दसां दण्डो ज्वरदण्डश्च लङ्घनम् ।
२३८६२ यमदण्डो विष्णुभक्तिः शत्रुदण्डः शुभा गतिः ॥
२३८७१ अभ्यासस्थितचूतषण्डगहनस्थानादितो गेहिनी ग्रामं कंचिदवृक्षकं विरहिणी तूर्णं वधूर्नीयताम् ।
२३८७२ अत्रायान्त्यचिरेण कोकिलकुलव्याहारझंकारिणः पन्थस्त्रीजनजीवितैकहरणप्रौढाः पुरो वासराः ॥
२३८८१ अभ्यासात्तु स्थिरस्वान्त ऊर्ध्वरेताश्च जायते ।
२३८८२ परानन्दमयो योगी जरामरणवर्जितः ॥
२३८९१ अभ्यासाद्धार्यते विद्या कुलं शीलेन धार्यते ।
२३८९२ गुणेन ज्ञायते त्वार्यः कोपो नेत्रेण गम्यते ॥
२३९०१ अभ्यासाद्धार्यते विद्या कुलं शीलेन धार्यते ।
२३९०२ गुणैर्मित्राणि धार्यन्ते अक्ष्णा क्रोधश्च धार्यते ॥
२३९११ अभ्यासानुसरी विद्या बुद्धिः कर्मानुसारिणी ।
२३९१२ उद्योगानुसरी लक्ष्मीः फलं भाग्यानुसारि च ॥
२३९२१ अभ्यासेन स्थिरं चित्तमभ्यासेनानिलच्युतिः ।
२३९२२ अभ्यासेन परानन्दो ह्यभ्यासेनात्मदर्शनम् ॥
२३९३१ अभ्यासेनान्यसंचारो ह्यभ्यासेनान्यरूपता ।
२३९३२ अभ्यासेन समुत्क्रान्तिरभ्यासेनाणिमादयः ॥
२३९४१ अभ्यासो रतिहेतोर्भवति नराणां न वस्तुसद्गुणतः ।
२३९४२ सत्यपि मांसोपचये रागाय कुचौ स्फिजौ न पुनः ॥
२३९५१ अभ्यासो हि कर्मणां कौशलमावहति ।
२३९५२ न हि सकृन्निपातमात्रेणोद बिन्दुरपि ग्रावणि निम्नतामादधाति ॥
२३९६१ अभ्युक्षितोऽसि सलिलैर्न बलाहकानां चाषाग्रपक्षसदृशं भृशमन्तराले ।
२३९६२ मिथ्यैतदाननमिदं भवतस्तथा हि हेमन्तपद्ममिव निष्प्रभतामुपैति ॥
२३९७१ अभ्युत्थानमुपागते गृहपतौ तद्भाषणे नम्रता तत्पादार्पितदृष्टिरासनविधिस्तस्योपचर्या स्वयम् ।
२३९७२ सुप्ते तत्र शयीत तत्प्रथमतो जह्याच्च शय्यामिति प्राच्यैः पुत्रि निवेदितः कुलवधूसिद्धान्तधर्मागमः ॥
२३९८१ अभ्युद्धृता वसुमती दलितं रिपूरः क्रीडीकृता बलवता बलिराजलक्ष्मीः ।
२३९८२ एकत्र जन्मनि कृतं तदनेन यूना जन्मत्रये यदकरोत्पुरुषः पुराणः ॥
२३९९१ अभ्युद्यत्कवलग्रहप्रणयिनस्ते शल्लकीपल्लवास्तच्चास्फालसहं सरः क्षितिधृतामित्यस्ति को निह्नुते ।
२३९९२ दन्तस्तम्भनिषण्णनिःसहकरः श्वासैरतिप्रांशुभिर्येनायं विरही तु वारणपतिः स्वामिन् स विन्ध्यो भवान् ॥
२४००१ अभ्युन्नतस्तनयुगा तरलायताक्षी द्वारि स्थिता तदुपयानमहोत्सवाय ।
२४००२ सा पूर्णकुम्भनवनीरजतोरणस्रक्संभारमङ्गलमयत्नकृतं विधत्ते ॥
२४०११ अभ्युन्नताङ्गुष्ठनखप्रभाभिर्निक्षेपणाद्रागमिवोद्गिरन्तौ ।
२४०१२ आजह्रतुस्तच्चरणौ पृथिव्यां स्थलारविन्दश्रियमव्यवस्थाम् ॥
२४०२१ अभ्युन्नतानामणुरप्युदारं पश्चात्प्रकोपं जनयेदरीणाम् ।
२४०२२ तं चाप्रमत्तः प्रसमीक्ष्य यायान्न नाशयेद्दृष्टमदृष्टहेतोः ॥
२४०३१ अभ्युन्नता पुरस्तादवगाढा जघनगौरवात्पश्चात् ।
२४०३२ द्वारेऽस्य पाण्डुसिकते पदपङ्क्तिर्दृश्यतेऽभिनवा ॥
२४०४१ अभ्युन्नतेऽपि जलदे जगदेकसार साधारणप्रणयहारिणि हा यदेते ।
२४०४२ उल्लासलास्यललितं तरवो न यान्ति हे दावपावक स तावक एव दोषः ॥
२४०५१ अभ्युन्नतेवाङ्घ्रिनखाङ्कुराणां द्युतिर्विरेजे हरिणी दृशोऽस्याः ।
२४०५२ पुङ्खावली पञ्चशरा युधानां लावण्यदर्पद्विगुणीकृतेव ॥
२४०६१ अभ्युन्नतोऽसि सलिलैः परिपूरितोऽसि त्वामर्थयन्ति विहगास्तृषितास्तथैते ।
२४०६२ कालः पयोधर परोपकृतेस्तवायं चण्डानिलव्यतिकरे क्व भवान् क्व ते वा ॥
२४०७१ अभ्युपयुक्ताः सद्भिर्गतागतैरहरहः प्रखिन्दानाः ।
२४०७२ कृपणजनसंनिकर्षं प्राप्यार्थाः प्रस्वपन्तीव ॥
२४०८१ अभ्युल्लसन्ति विनिवारितचन्दनानामेणीदृशां वपुषि कुङ्कुमपत्रलेखाः ।
२४०८२ अभ्यागताः करसरोजपदारविन्द संरक्षणाय किरणा इव तिग्मभानोः ॥
२४०९१ अभ्युष्णात्सघृतादन्नादच्छिद्राच्चैव वाससः ।
२४०९२ अपरप्रेष्यभावाच्च भूय इच्छन् पतत्यधः ॥
२४१०१ अभ्येत्य याचितोऽपि त्यक्त्वा लज्जां मया विगतलज्जः ।
२४१०२ चिच्छेदैष ममाशां सहसा प्रतिषेधशस्त्रेण ॥
२४१११ अभ्रच्छाया खलप्रीतिः समुद्रान्ते च मेदिनी ।
२४११२ अल्पेनैव विनश्यन्ति यौवनानि धनानि च ॥
२४१२१ अभ्रच्छाया खलप्रीतिर्नवसस्यानि योषितः ।
२४१२२ किंचित्कालोपभोग्यानि यौवनानि धनानि च ॥
२४१३१ अभ्रच्छाया खलप्रीतिर्वेश्यारागो विभूतयः ।
२४१३२ महीभुजां प्रसादश्च पञ्चैते चञ्चलाः स्मृताः ॥
२४१४१ अभ्रच्छाया तृणादग्निः खलप्रीतिः स्थले जलम् ।
२४१४२ वेश्यारागः कुमित्रं च षडेते बुद्बुदोपमाः ॥
२४१५१ अभ्रच्छाया तृणादग्निः पराधीनं च यत्सुखम् ।
२४१५२ अज्ञानेषु च वैराग्यं क्षिप्रमेतद्विनश्यति ॥
२४१६१ अभ्रध्वानैर्मुखरितदिशः श्रेणयस्तोयदानां धारासारैर्धरणिवलयं सर्वतः प्लावयन्ति ।
२४१६२ तेन स्नेहं वहति विपुलं मत्सखीयुक्तमेतत्त्वं निःस्नेहो यदसि तदिदं नाथ मे विस्मयाय ॥
२४१७१ अभ्रपुष्पमपि दित्सति शीतं सार्थिना विमुखता यदभाजि ।
२४१७२ स्तोककस्य खलु चञ्चुपुटेन म्लानिरुल्लसति तद्घनसंघे ॥
२४१८१ अभ्रवृन्दं विशाखान्तं प्रसूत्यन्तं च यौवनम् ।
२४१८२ राज्यान्तं नरकं तद्वद्याचनान्तं हि गौरवम् ॥
२४१९१ अभ्रूविलासमस्पृष्टमदरागं मृगेक्षणम् ।
२४१९२ इदं तु नयनद्वन्द्वं तव तद्गुणभूषितम् ॥
२४२०१ अमज्जदाकण्ठमसौ सुधासु प्रियं प्रियाया वचनं निपीय ।
२४२०२ द्विषन्मुखेऽपि स्वदते स्तुतिर्या तन्मिष्टता नेष्टमुखे त्वमेया ॥
२४२११ अमदयन्मधुगन्धसनाथया किसलयाधरसंगतया मनः ।
२४२१२ कुसुमसंभृतया नवमल्लिका स्मितरुचा तरुचारुविलासिनी ॥
२४२२१ अमनस्कं गते चित्ते जायते कर्मणां क्षयः ।
२४२२२ यथा चित्रपटे दग्धे दह्यते चित्रसंचयः ॥
२४२३१ अमन्त्रमक्षरं नास्ति नास्ति मूलमनौषधम् ।
२४२३२ अयोग्यः पुरुषो नास्ति योजकस्तत्र दुर्लभः ॥
२४२४१ अमन्त्रमक्षरं नास्ति नास्ति मूलमनौषधम् ।
२४२४२ निर्धना पृथिवी नास्ति ह्याम्नायाः खलु दुर्लभाः ॥
२४२५१ अमन्दतरवार्यग्रधाराहतमहीभृतः ।
२४२५२ चित्रचापधरा वीरा विद्योतन्ते घना इव ॥
२४२६१ अमन्दमणिनूपुरक्वणनचारुचारीक्रमं झणज्झणितमेखलास्खलिततारहारच्छटम् ।
२४२६२ इदं तरलकङ्कणावलिविशेषवाचालितं मनो हरति सुभ्रुवः किमपि कन्दुकक्रीडितम् ॥
२४२७१ अमन्दमत्तमातङ्ग आसाराभ्युदयान्वितः ।
२४२७२ इत्यादिलक्षणोपेतः स्कन्धावारः प्रशस्यते ॥
२४२८१ अमन्दानन्दनिष्यन्दमपास्तान्यक्रियाक्रमम् ।
२४२८२ जगज्जन्मोत्सवे तस्याः पीतामृतमिवाभवत् ॥
२४२९१ अमन्दानन्दानां गलदलघुसंतापविपदां पदाम्भोजद्वन्द्वं शिरसि दधतामिन्दुशिरसः ।
२४२९२ कदा नः कालिन्दीसलिलशबलैरम्बरसरित्तरङ्गैरङ्गारीभवति भवबन्धेन्धनचयः ॥
२४३०१ अमन्यतासौ कुसुमेषु गर्भगं परागमन्धंकरणं वियोगिनाम् ।
२४३०२ स्मरेण मुक्तेषु पुरा पुरारये तदङ्गभस्मेव शरेषु संगतम् ॥
२४३११ अमरतरुकुसुमसौरभ सेवनसंपूर्णसकलकामस्य ।
२४३१२ पुष्पान्तरसेवेयं भ्रमरस्य विडम्बना महती ॥
२४३२१ अमरयुवतिगीतोद्ग्रीवसारङ्गशृङ्गो ल्लिखितशशिसुधाम्भःशाद्वलारामरम्याम् ।
२४३२२ सुरपतिगजगण्डस्रंसिदानाम्बुधारा प्रसवसुरभिमाशां वासवीयां नमामि ॥
२४३३१ अमरीमुखसीधुमाधुरीणां लहरी काचन चातुरी कलानाम् ।
२४३३२ तरलीकुरुते मनो मदीयं मुरलीनादपरंपरा मुरारेः ॥
२४३४१ अमरुककवित्वडमरुक नादेन विनुह्नुता न संचरति ।
२४३४२ शृङ्गारभणितिरन्या धन्यानां श्रवणविवरेषु ॥
२४३५१ अमरैरमृतं न पीतमब्धेर्न च हालाहलमुल्बणं हरेण ।
२४३५२ विधिना निहितं खलस्य वाचि द्वयमेतद्बहिरेकमन्तरन्यत् ॥
२४३६१ अमरैर्गतं मधुकरैश्चलितं प्रवरैः प्रयातमपि पद्मदृशाम् ।
२४३६२ विभवे गते सकलमेव गतं ध्रुवमेकमञ्चति यशः सरसः ॥
२४३७१ अमर्त्याः सन्तु मर्त्या वा चेतनाः सन्त्वचेतनाः ।
२४३७२ दानमेव पुरस्कृत्य स्तूयन्ते भुवनैस्त्रिभिः ॥
२४३८१ अमर्षिणा कृत्यमिव क्षमाश्रयं मदोद्धतेनेव हितं प्रियं वचः ।
२४३८२ बलीयसा तद्विधिनेव पौरुषं बलं निरस्तं न रराज जिष्णुना ॥
२४३९१ अमर्षोपगृहीतानां मन्युसंतप्तचेतसाम् ।
२४३९२ परस्परापकारेण पुंसां भवति विग्रहः ॥
२४४०१ अमलमृणालकाण्डकमनीयकपोलरुचेस्तरलसलीलनीलनलिनप्रतिफुल्लदृशः ।
२४४०२ विकसदशोकशोणकरकान्तिभृतः सुतनोर्मदलुलितानि हन्त ललितानि हरन्ति मनः ॥
२४४११ अमलात्मसु प्रतिफलन्नभितस्तरुणीकपोलफलकेषु मुहुः ।
२४४१२ विससार सान्द्रतरमिन्दुरुचामधिकावभासितदिशां निकरः ॥
२४४२१ अमलीमसमच्छिद्रमक्रौर्यमतिसुन्दरम् ।
२४४२२ अदेयमप्रतिग्राह्यमहो ज्ञानं महाधनम् ॥
२४४३१ अमात्यः शूर एव स्याद्युद्धसंपन्न एव च ।
२४४३२ तस्मादपि भयं राज्ञः पश्य राज्यस्य योजनम् ॥
२४४४१ अमात्यराष्ट्रदुर्गाणि कोशो दण्डश्च पञ्चमः ।
२४४४२ एताः प्रकृतयस्तज्ज्ञैर्विजिगीषोरुदाहृताः ॥
२४४५१ अमात्याद्याः प्रकृतयो मित्रान्ता राज्यमुच्यते ।
२४४५२ अशेषराज्यव्यसनात्पार्थिवव्यसनं गुरु ॥
२४४६१ अमात्ये दण्ड आयत्तो दण्डे वैनयिकी क्रिया ।
२४४६२ नृपतौ कोषराष्ट्रे तु दूते संधिविपर्ययौ ॥
२४४७१ अमात्यैः कामवृत्तो हि राजा कापथमाश्रितः ।
२४४७२ निग्राह्यः सर्वथा सद्भिर्न निग्राह्यो निगृह्यसे ॥
२४४८१ अमात्यो युवराजश्च भुजावेतौ महीपतेः ।
२४४८२ मन्त्री नेत्रं हि तद्भिन्न एतस्मिन्नपि तद्वधः ॥
२४४९१ अमात्सर्यं बुधाः प्राहुर्दानं धर्मे च संयमम् ।
२४४९२ अवस्थितेन नित्यं च सत्येनामत्सरी भवेत् ॥
२४५०१ अमानितं हि युध्येत कृतमानार्थसंग्रहम् ।
२४५०२ न विमानिमत्यर्थं प्रदीप्तक्रोधपावकम् ॥
२४५११ अमानुषं सत्त्वमन्तर्योगिनं प्रविशेद्यदि ।
२४५१२ वाय्वग्निधारणा चैनं देहसंस्थं विनिर्दहेत् ॥
२४५२१ अमानेनापि भवता दानमानादिभिर्गुणैः ।
२४५२२ आश्रितः सर्व एवायं समानः क्रियते जनः ॥
२४५३१ अमाययैव वर्तेत न कथंचन मायया ।
२४५३२ बुध्येतारिप्रयुक्तां च मायां नित्यं सुसंवृतः ॥
२४५४१ अमावास्यामष्टमीं च पौर्णमासीं चतुर्दशीम् ।
२४५४२ ब्रह्मचारी भवेन्नित्यमप्यृतौ स्नातको द्विजः ॥
२४५५१ अमितं मधु तत्कथा मम श्रवणप्राघुणकीकृता जनैः ।
२४५५२ मदनानलबोधने भवेत्खग धाय्या धिगधैर्यधारिणः ॥
२४५६१ अमितः समितः प्राप्तैरुत्कर्षैर्हर्षद प्रभो ।
२४५६२ अहितः सहितः साधुयशोभिरसतामसि ॥
२४५७१ अमितगुणोऽपि पदार्थो दोषेणैकेन निन्दितो भवति ।
२४५७२ निखिलरसायनमहितो गन्धेनोग्रेण लशुन इव ॥
२४५८१ अमितद्युतिराकरात्प्रसूतिः परिशुद्धा च महामणेर्विशेषः ।
२४५८२ मकुटे चरणाङ्गुलीयके वा विनिवेशः पुनरस्य शिल्पितन्त्रम् ॥
२४५९१ अमित्रं कुरुते मित्रं मित्रं द्वेष्टि हिनस्ति च ।
२४५९२ कर्म चारभते दुष्टं तमाहुर्मूढचेतसम् ॥
२४६०१ अमित्रं कुरुते मित्रं मित्रं द्वेष्टि हिनस्ति च ।
२४६०२ शुभं वेत्त्यशुभं पापं भद्रं दैवहतो नरः ॥
२४६११ अमित्रं कुरुते मित्रं मित्रं द्वेष्टि हिनस्ति वः ।
२४६१२ मित्राणि तस्य नश्यन्ति अमित्रं नष्टमेव च ॥
२४६२१ अमित्रं नैव मुञ्चेत ब्रुवन्तं करुणान्यपि ।
२४६२२ दुःखं तत्र न कुर्वीत हन्यात्पूर्वापकारिणम् ॥
२४६३१ अमित्रमपि चेद्दीनं शरणैषिणमागतम् ।
२४६३२ व्यसने योऽनुगृह्णाति स वै पुरुषसत्तमः ॥
२४६४१ अमित्रप्रमिता ह्येता गतश्रद्धाः सुदारुणः ।
२४६४२ मूलप्रवादेन विषं प्रयच्छन्ति जिघांसवः ॥
२४६५१ अमित्रव्यसनान्मित्रमुत्थितं यद्विरज्यति ।
२४६५२ अरिव्यसनसिद्ध्या तच्छत्रुणैव प्रसिध्यति ॥
२४६६१ अमित्राणां वधे युक्तो मित्राणां संग्रहे रतः ।
२४६६२ त्रिवर्गफलभोक्ता तु राजा धर्मेण युज्यते ॥
२४६७१ अमित्रादुन्नतिं प्राप्य नोन्नतोऽस्मीति विश्वसेत् ।
२४६७२ तस्मात्प्राप्योन्नतिं नश्येत्प्रावार इव कीटकः ॥
२४६८१ अमित्रानपि कुर्वीत मित्रान्युपचयावहान् ।
२४६८२ अहिते वर्तमानानि मित्राण्यपि परित्यजेत् ॥
२४६९१ अमित्रे विश्वासः श्वपचकरके सौमिकरसः कपाले गङ्गाम्भः खलपरिषदङ्के सुजनता ।
२४६९२ परिक्षीणाचारे श्रुतमनुपनीते च निगमः स्वतःसिद्धां शुद्धिं त्यजति विपरीतं च फलति ॥
२४७०१ अमित्रो न विमोक्तव्यः कृपणं बह्वपि ब्रुवन् ।
२४७०२ कृपा तस्मिन्न कर्तव्या हन्यादेवापकारिणम् ॥
२४७११ अमित्रो मित्रतां याति मित्रं चापि प्रदुष्यति ।
२४७१२ सामर्थ्ययोगात्कार्याणां तद्गत्या हि सदा गतिः ॥
२४७२१ अमी कारागारे निविडनलिनीनालनिगडैर्निबध्यन्तां हंसाः प्रथमविसकन्दाङ्कुरभिदः ।
२४७२२ नवे वासन्तीनामुदयिनि वने गर्भकलिका च्छिदो निर्धार्यन्तां परभृतयुवानो मदकलाः ॥
२४७३१ अमी तटसमीपनिर्झरतरङ्गरिङ्गत्पयो जडीकृतपटीरभूरुहकुटीरसंचारिणः ।
२४७३२ मनो विधुरयन्ति मे मलयमेखलामेदुराः दुरासदवनप्रियप्रियतमारुता मारुताः ॥
२४७४१ अमी तिलाः तैलिक नूनमेतां स्नेहादवस्थां भवतोपनीताः ।
२४७४२ द्वेषोऽभविष्यद्यदमीषु नूनं तदा न जाने किमिवाकरिष्यः ॥
२४७५१ अमी पानकरम्भाभाः सप्तापि जलराशयः ।
२४७५२ त्वद्यशोराज हंसस्य पञ्जरं भुवनत्रयम् ॥
२४७६१ अमी पुरस्थाः सकलाः सुनिद्रिता न नूपुरं मुञ्च सुखेन यास्यसि ।
२४७६२ व्रजत्यपि श्रीपतिरङ्घ्रिमाश्रितं हरे तवाख्यातिरियं भविष्यति ॥
२४७७१ अमी पृथुस्तम्बभृतः पिशङ्गतां गता विपाकेन फलस्य शालयः ।
२४७७२ विकासि वप्राम्भसि गन्धसूचितं नमन्ति निघ्रातुमिवास्यतोत्पलम् ॥
२४७८१ अमीभिः संसिक्तेस्तव किमु फलं वारिदघटे यदेतेऽपेक्षन्ते सलिलमवटेभ्योऽपि तरवः ।
२४७८२ अयं युक्तो व्यक्तं ननु सुखयितुं चातकशिशुर्यदेष ग्रीष्मेऽपि स्पृहयति न पाथस्त्वदपरान् ॥
२४७९१ अमीभिराकण्ठमभोजि तद्गृहे तुषारधारामृदितेव शकरा ।
२४७९२ हयद्विषद्वष्कयणीपयः सुतं सुधाह्रदात्पङ्कमिवोद्धृतं दधि ॥
२४८०१ अमी व्यर्थारम्भा दुरधिगमभूभृत्परिसरे विषक्ता लक्ष्यन्ते वयमिव हताशा जलधराः ।
२४८०२ ममेवान्तश्चेष्टाविफलविपुलाकारविभवाः स्वभूमौ यान्तीमाः परिणतिमसंख्याश्च सरितः ॥
२४८११ अमी शिरीषप्रसवावतंसाः प्रभ्रंशिनो वारिविहारिणीनाम् ।
२४८१२ पारिप्लवाः स्रोतसि निम्नगायाः शैवाललोलांश्छलयन्ति मीनान् ॥
२४८२१ अमीषां जन्तूनां कतिपयनिमेषस्थितिजुषां वियोगे धीराणां क इह परितापस्य विषयः ।
२४८२२ क्षणादुत्पद्यन्ते विलयमपि यान्ति क्षणममी न केऽपि स्थातारः सुरगिरिपयोधिप्रभृतयः ॥
२४८३१ अमीषां प्राणानां तुलितबिसिनीपत्रपयसां कृते किं नास्माभिर्विगलितविवेकैर्व्यवसितम् ।
२४८३२ यदाढ्यानामग्रे द्रविणमदनिःसंज्ञमनसां कृतं वीतव्रीडैर्निजगुणकथापातकमपि ॥
२४८४१ अमीषां मञ्जुश्रीरुचिरवदनश्रीकृतरुचां श्रुतं नो नामापि क्व नु खलु हिमांशुप्रकृतयः ।
२४८४२ ममाभ्यर्णे धार्ष्ट्याच्चरति पुनरिन्दीवरमिति क्रुधेवेदं प्रान्तारुणमवतु वो लोचनयुगम् ॥
२४८५१ अमीषां मण्डलाभोगः स्तनानामेव शोभते ।
२४८५२ येषामुपेत्य सोत्कम्पा राजानोऽपि करप्रदाः ॥
२४८६१ अमीषां मोहाद्वा धरणिधरचूडाञ्चलभुवामभाग्याद्वा कैश्चिन्मरकतमणिश्चेन्न गणितः ।
२४८६२ तथासौ रथ्यायामपि निपतितः किं न कुरुते समुन्मीलन्नीलद्युतिलहरिलिप्ता इव दिशः ॥
२४८७१ अमीषामामोदप्रणयसुभगं संगतमभूत्प्रसूनैरुन्निद्रैः सह बहुभिरेव प्रतिवनम् ।
२४८७२ उदन्या न क्वापि व्यरमदरविन्दे परममी पिबन्ति स्वच्छन्दं रसमुदरपूरं मधुलिहः ॥
२४८८१ अमीषामारूढप्रसवविवराणां मधुलिहां ध्वनिः पान्थस्त्रीणां प्रसरति वियोगज्वर इव ।
२४८८२ द्रुमालीनां यूनोर्मन इव सरागं किसलयं परागः पुष्पाणां पतति मदनस्येव विशिखः ॥
२४८९१ अमीषामुष्णांशोः किरणनिकराणां परिचयात्सरस्तीक्ष्णं माभूस्तव किल निसर्गः शिशिरिमा ।
२४८९२ दुरात्मानो ह्येते कतिपयपयोबिन्दुरसिकान्निरस्यन्तः पान्थांस्त्वयि किमपि शोषं विदधति ॥
२४९०१ अमी समुद्धूतसरोजरेणुना हृता हृतासारकणेन वायुना ।
२४९०२ उपागमे दुश्चरिता इवापदां गतिं न निश्चेतुमलं शिलीमुखाः ॥
२४९११ अमी हि वस्त्रान्तनिरुद्धवक्त्राः प्रयान्ति मे दूरतरं वयस्याः ।
२४९१२ परोऽपि बन्धुः सुखसंस्थितस्य मित्रं न कश्चिद्विषमस्थितस्य ॥
२४९२१ अमी हि वृक्षाः फलपुष्पशोभिताः कठोरनिष्पन्दलतोपवेष्टिताः ।
२४९२२ नृपाज्ञया रक्षिजनेन पालिता नराः सदारा इव यान्ति निर्वृतिम् ॥
२४९३१ अमी हेलोन्मेषव्यसनिषु पलाशेषु परितः पिबन्ति स्वच्छन्दं मधु मधुलिहो माद्यति जनः ।
२४९३२ अयं च प्रत्यग्रं दशति सहकारं परभृतो यदीदं मर्मान्तर्विदलति क एष व्यतिकरः ॥
२४९४१ अमुं कालक्षेपं त्यज जलद गम्भीरमधुरैः किमेभिर्निर्घोषैः सृज झटिति झात्कारि सलिलम् ।
२४९४२ अये पश्यावस्थामकरुणसमीरव्यतिकर स्फुरद्दावज्वालावलिजटिलमूर्तेर्विटपिनः ॥
२४९५१ अमुं पुरः पश्यसि देवदारुं पुत्रीकृतोऽसौ वृषभध्वजेन ।
२४९५२ यो हेमकुम्भस्तननिःसृतानां स्कन्दस्य मातुः पयसां रसज्ञः ॥
२४९६१ अमुं सहासप्रहितेक्षणानि व्याजार्धसंदर्शितमेखलानि ।
२४९६२ नालं विकर्तुं जनितेन्द्रशङ्कं सुराङ्गनाविभ्रमचेष्टितानि ॥
२४९७१ अमुक्तां भूषयन्तु स्वां तनुं संसारसिन्धुगैः ।
२४९७२ मणिकर्णी ताम्रपर्णी मुक्तिमुक्ताफलैर्जनाः ॥
२४९८१ अमुद्रकुमुदत्विषः स्फुरितफेनलक्ष्मीस्पृशो मरालकुलविभ्रमाः शफरफाललीलाभृतः ।
२४९८२ जयन्ति गिरिजापतेस्तरलमौलिमन्दाकिनी तरङ्गचयचुम्बिनस्तुहिनदीधितेरंशवः ॥
२४९९१ अमुद्रोऽपि वरं कूपः समुद्रेणापि तेन किम् ।
२४९९२ सुस्वादु सलिलं यत्र पीयते पथिकैः पथि ॥
२५००१ अमुना मरुकूपेन के के नाम न वञ्चिताः ।
२५००२ रुदत्पथिकनेत्राम्बुपिच्छिलप्रान्तभूमिना ॥
२५०११ अमुना यमुनाजलकेलिकृता सहसा तरसा परिरभ्य भृता ।
२५०१२ हरिणा हरिणी मृगनेत्रवती नवयौवनयौवनभारवती ॥
२५०२१ अमुनैव कषायितस्तनी सुभगेन प्रियगात्रभस्मना ।
२५०२२ नवपल्लवसंस्तरे यथा रचयिष्यामि तनुं विभावसौ ॥
२५०३१ अमुनैव पथागतागतं कृतवानद्य मनोहरो हरिः ।
२५०३२ सखि दुर्जनभीतया मया हतया हन्त चिरं न वीक्षितः ॥
२५०४१ अमुष्मिन्नारामे तरुभिरभिरामे विटपिनः स्फुटं नृत्यद्भृङ्गी विविधनवसंगीतकलनात् ।
२५०४२ परानन्दैः पूर्णाः क इव तव वर्णावलिपद क्रमश्रोता वेत्ता द्विजवर शुक श्राम्यसि कुतः ॥
२५०५१ अमुष्मिन्नुद्यानद्रुमकुहरनीरन्ध्रभरिते तमःखण्डे पिण्डीकृतबहलकालायसघने ।
२५०५२ यतामद्यास्माकं कथमपि पुरोन्यस्तचरणं निमेषेऽप्युन्मेषे नहि नहि विशेषो नयनयोः ॥
२५०६१ अमुष्मिन्नुद्याने विहगखल एष प्रतिकलं विलोलः काकोलः क्वणति खलु यावत्कटुतरम् ।
२५०६२ सखे तावत्कीर द्रढय हृदि वाचं च सकलां न मौनेन न्यूनो भवति गुणभाजां गुणगणः ॥
२५०७१ अमुष्मिन् पञ्चेषोस्त्रिभुवनजिगीषोः सहचरे मुखं रात्रेरत्रेस्तनुभुवि रहश्चुम्बति सति ।
२५०७२ ज्वलन्तीर्ष्यारोषोदयमयतयेवोषधिलताः पतद्भृङ्गीभङ्ग्या दधति कुमुदिन्यः कलुषताम् ॥
२५०८१ अमुष्मिन् संनद्धे जलमुचि समभ्यस्य कतिचित्ककारान् पर्यन्तद्विगुणमतरेफप्रसविनः ।
२५०८२ स माद्यन्दात्यूहश्चलविपुलकण्ठः प्रसरति क्रमोदञ्चत्तारः क्रमवशनमन्मन्दमधुरः ॥
२५०९१ अमुष्मिन् संसारे परिकलितसारेतरतया तदा विद्योत्कर्षः परिणतिमुपैति श्रुतिविदाम् ।
२५०९२ यदा मन्दाकिन्या मधुरवमरालीकलकल प्रणालीवाचाले परिसरतटे यान्ति दिवसाः ॥
२५१०१ अमुष्मिंल्लावाण्यामृतसरसि नूनं मृगदृशः स्मरः शर्वप्लुष्टः पृथुजघनभागे निपतितः ।
२५१०२ यदङ्गाङ्गाराणां प्रथमपिशुना नाभिकुहरे शिखा धूमस्येयं परिणमति रोमावलिवपुः ॥
२५१११ अमुष्मै चौराय प्रतिनिहतमृत्युप्रतिभिये प्रभुः प्रीतः प्रादादुपरितनपादद्वयकृते ।
२५११२ सुवर्णानां कोटीर्दश दशनकोटिक्षतगिरीन् गजेन्द्रानप्यष्टौ मदमुदितकूजन्मधुलिहः ॥
२५१२१ अमुष्य दोर्भ्यामरिदुर्गलुण्ठने ध्रुवं गृहीतार्गलदीर्घपीनता ।
२५१२२ उरःश्रिया तत्र च गोपुरस्फुरत्कपाटदुर्धर्षतिरःप्रसारिता ॥
२५१३१ अमुष्य धीरस्य जयाय साहसी तदा खलु ज्यां विशिखैः सनाथयन् ।
२५१३२ निमज्जयामास यशांसि संशये स्मरस्त्रिलोकीविजयार्जितान्यपि ॥
२५१४१ अमुष्य मुषिता लक्ष्मीश्चक्षुषेति न नूतनम् ।
२५१४२ न वेद्मि कथयत्यस्याः कर्णे लग्नं किमुत्पलम् ॥
२५१५१ अमुष्य विद्या रसनाग्रनर्तकी त्रयीव नीताङ्गगुणेन विस्तरम् ।
२५१५२ अगाहताष्टादशतां जिगीषया नवद्वयद्वीपपृथग्जयश्रियाम् ॥
२५१६१ अमुष्यां संक्रान्तौ तव तरुणि तारुण्यतरणे स्मरो दाता देवस्त्रिवलितटिनीतीरनिकटे ।
२५१६२ अमू ते वक्षोजौ सखि सुघटितौ हाटकघटौ महादानं कस्मै वद भवतु सारङ्गनयने ॥
२५१७१ अमुष्या लावण्यं मृदुलमृदुलानप्यवयवान्मनोलौल्यं धातुः करकठिनतां मे विमृशति ।
२५१७२ पदं चित्ते धत्ते मतिरिति पुरा पङ्कजभुवा ध्रुवं कल्याणीयं कलितसुकृतैरेव रचिता ॥
२५१८१ अमुष्योर्वीभर्त्तुः प्रसृमरचमूसिन्धुरभवैरवैमि प्रारब्धे वमथुभिरवश्यायसमये ।
२५१८२ न कम्पन्तामन्तः प्रतिनृपभटा म्लायतु न तद्वधूवक्त्राम्भोजं भवतु न स तेषां कुदिवसः ॥
२५१९१ अमूनि गच्छन्ति युगानि न क्षणः कियत्सहिष्ये न हि मृत्युरस्ति मे ।
२५१९२ स मां न कान्तः स्फुटमन्तरुज्झिता न तं मनस्तच्च न कायवायवः ॥
२५२०१ अमूर्खो यो मनुष्याणां मन्युसंतप्तचेतसाम् ।
२५२०२ परस्परोपकारेण पुंसां भवति विग्रहः ॥
२५२११ अमूर्हि भित्त्वा जलदान्तराणि पङ्कान्तराणीव मृणालसूच्यः ।
२५२१२ पतन्ति चन्द्रव्यसनाद्विमुक्ता दिवोऽश्रुधारा इव वारिधाराः ॥
२५२२१ अमूल्यस्य मम स्वर्णतुलाकोटिद्वयं कियत् ।
२५२२२ इति कोपादिवाताम्रं पादयुग्मं मृगीदृशः ॥
२५२३१ अमृतं किरति हिमांशुर्विषमेव फणी समुद्गिरति ।
२५२३२ गुणमेव वक्ति साधुर्दोषमसाधुः प्रकाशयति ॥
२५२४१ अमृतं चैव मृत्युश्च द्वयं देहे प्रतिष्ठितम् ।
२५२४२ मृत्युमापद्यते मोहात्सत्येनापद्यतेऽमृतम् ॥
२५२५१ अमृतं तदधरबिम्बे वचनेष्वमृतं विलोकनेऽप्यमृतम् ।
२५२५२ अमृतभृतौ कुचकुम्भौ सत्यं सा सृष्टिरपरैव ॥
२५२६१ अमृतं दुर्लभं न् णां देवानामुदकं तथा ।
२५२६२ पित्णां दुर्लभः पुत्रस्तक्रं शक्रस्य दुर्लभम् ॥
२५२७१ अमृतं नाम यत्सन्तो मन्त्रजिह्वेषु जुह्वति ।
२५२७२ शोभैव मन्दरक्षुब्धक्षुभिताम्भोधिवर्णना ॥
२५२८१ अमृतं भुज्यते विद्ये भवतीमाश्रितैः परम् ।
२५२८२ अन्ये तु बत दूयन्ते संसरन्त इतस्ततः ॥
२५२९१ अमृतं शिशिरे वह्निरमृतं क्षीरभोजनम् ।
२५२९२ अमृतं गुणवद्भार्या अमृतं बालभाषितम् ॥
२५३०१ अमृतं शिशिरे वह्निरमृतं प्रियदर्शनम् ।
२५३०२ अमृतं राजसंमानममृतं क्षीरभोजनम् ॥
२५३११ अमृतं शिशिरे वह्निरमृतं बालभाषणम् ।
२५३१२ अमृतं स्वप्रिया भार्या ह्यमृतं स्वामिगौरवम् ॥
२५३२१ अमृतं शिशिरे वह्निरमृतं स्वामिगौरम् ।
२५३२२ भार्यामृतं गुणवती धारोष्णममृतं पयः ॥
२५३३१ अमृतं सद्गुणा भार्या अमृतं बालभाषितम् ।
२५३३२ अमृतं राजसंमानममृतं मानभोजनम् ॥
२५३४१ अमृतजलधेः पायं पायं पयांसि पयोधरः किरति करकास्ताराकारा यदि स्फटिकावनौ ।
२५३४२ तदिह तुलनामानीयन्ते क्षणं कठिनाः पुनः सततममृतस्यन्दोद्गारा गिरः प्रतिभावताम् ॥
२५३५१ अमृतद्रवमाधुरीधुरीणां गिरमाकर्ण्य कुरङ्गलोचनायाः ।
२५३५२ मुहुरभ्यसनं कषायकण्ठी कलकण्ठी कुरुते कुहूरुतेन ॥
२५३६१ अमृतद्रवैर्विदधदब्जदृशामपमार्गमोषधिपतिः स्म करैः ।
२५३६२ परितो विसर्पि परितापि भृशं वपुषोऽवतारयति मानविषम् ॥
२५३७१ अमृतनिधानं रुचिरं संतापनिवर्तते सदा निरतम् ।
२५३७२ चन्द्रमुखं तव सुन्दरि सुस्मितभासा विकासते परितः ॥
२५३८१ अमृतमधुरैः काञ्चीनादैः कृताभयडिण्डिमे त्रिवलिलहरीलावण्याम्भःकणोत्करकर्बुरे ।
२५३८२ विषमनयनज्वालाजालावलीढपराक्रमो लुठति मदनस्तन्वङ्गीनां नितम्बशिलातले ॥
२५३९१ अमृतममृतं कः संदेहो मधून्यपि नान्यथा मधुरमधिकं चूतस्यापि प्रसन्नरसं फलम् ।
२५३९२ सकृदपि पुनर्मध्यस्थः सन् रसान्तरविज्जनो वदतु यदिहान्यत्स्वादु स्यात्प्रियादशनच्छदात् ॥
२५४०१ अमृतममृतं चन्द्रं चन्द्रं रतिं च रतिं तथा प्रथितमतयः कामं ब्रूयुर्मधूनि मधून्यपि ।
२५४०२ यदि न सुभगास्पर्शामोदं विना प्रमुदे ततः सकलमकलं तेषां व्यूहं ब्रवीमि पुनः प्रिये ॥
२५४११ अमृतममृतं चन्द्रश्चन्द्रस्तथाम्बुजमम्बुजं रतिरपि रतिः कामः कामो मधूनि मधून्यपि ।
२५४१२ इति न भजते वस्तु प्रायः परस्परसंकरं तदियमबला धत्ते लक्ष्मीं कथं सकलात्मिकाम् ॥
२५४२१ अमृतमयमनङ्गक्ष्मारुहस्यालवालं मृतदिवसकपालं कालकापालिकस्य ।
२५४२२ जयति मकरकेतोः शाणचक्रं शराणाममरपुरपुरन्ध्रीदर्पणः श्वेतभानुः ॥
२५४३१ अमृतरसविसरवितरण मरणोत्तारितसुरे सति पयोधौ ।
२५४३२ कस्य स्फुरन्ति हृदये ग्रीष्मतडाका भुवि वराकाः ॥
२५४४१ अमृतरससारभूतः सकलकलो मकरकेतुसर्वस्वम् ।
२५४४२ अखिलजननयनसुखकृत्कथमिन्दुर्वासरेऽभ्युदितः ॥
२५४५१ अमृतवचनलीलाविभ्रमैरन्नपानं रचय चतुर कीर भ्रान्तचित्तेषु तेषु ।
२५४५२ अकलितपरसेवातापपापः पिकोऽसौ भजतु विपिनवाटीमेष पीयूषकण्ठः ॥
२५४६१ अमृतसिक्तमिवाङ्गमिदं यदि भवति तन्वि तवाद्भुतवीक्षितैः ।
२५४६२ अधरमिन्दुकरादपि शुभ्रयन्त्यरुणयन्त्यरुणादपि किं दृशम् ॥
२५४७१ अमृतस्यन्दिकिरणश्चन्द्रमा नामतो मतः ।
२५४७२ अन्य एवायमर्थात्मा विषनिष्यन्दिदीधितिः ॥
२५४८१ अमृतस्यन्दिनं कश्चित्कृष्णमेघं द्विजः स्मरन् ।
२५४८२ उदन्यया न वेशन्तमुदन्वन्तं च वीक्षते ॥
२५४९१ अमृतस्य प्रवाहैः किं कायक्षालनसंभवैः ।
२५४९२ चिरान्मित्रपरिष्वङ्गो योऽसौ मूल्यविवर्जितः ॥
२५५०१ अमृतस्येव कुण्डानि सुखानामिव राशयः ।
२५५०२ रतेरिव निधानानि योषितः केन निर्मिताः ॥
२५५११ अमृतस्येव तृप्येत अपमानस्य योगवित् ।
२५५१२ विषवच्च जुगुप्सेत संमानस्य सदा द्विजः ॥
२५५२१ अमृतस्येव संतृप्येदवमानस्य वै द्विजः ।
२५५२२ सुखं ह्यवमतः शेते योऽवमन्ता स नश्यति ॥
२५५३१ अमृतांशोः किरणेभ्योऽजायत वृद्धिर्महोदधेरुदरे ।
२५५३२ कथयन्ति हारमणयो हृदि तापमुषः स्पृशन्तोऽपि ॥
२५५४१ अमृतात्मनि पद्मानां द्वेष्टरि स्निग्धतारके ।
२५५४२ मुखेन्दौ तव सत्यस्मिनपरेण किमिन्दुना ॥
२५५५१ अमृतादमृतं न तावकादपरं यत्त्रिपुरारिरादरात् ।
२५५५२ अवलम्ब्य शिरःस्थलेन तद्धृतहालाहाल एष जीवति ॥
२५५६१ अमृताध्मातजीमूतस्निग्धसंहननस्य ते ।
२५५६२ परिष्वङ्गीय वात्सल्यादयमुत्कण्ठते जनः ॥
२५५७१ अमृताप्यायिनां न् णां संतोषो नैव जायते ।
२५५७२ गावस्तृणमिवारण्ये प्रार्थयन्ति नवं नवम् ॥
२५५८१ अमृतायतामिति वदेत्पीते भुक्ते क्षुते च शतं जीव ।
२५५८२ छोटिकया सह जृम्भा समये स्यातां चिरायुरानन्दौ ॥
२५५९१ अमृता विगतप्राणा सान्तः शल्याकृतव्रणा ।
२५५९२ अबद्धा निश्चलेवास्ते कूटसंस्थे मृगे मृगी ॥
२५६०१ अमृतोत्प्रेक्षणे चारुरशेषजनसज्जनः ।
२५६०२ कविर्गरुडवन्मान्य इन्द्रवज्रादिवृत्तकृत् ॥
२५६११ अमृतोन्मथितैः सुवर्णचूर्णैर्मृदमुत्पाद्य निधाय नाभिचक्रे ।
२५६१२ अकरोन्नवरोमराजियष्ट्या कुचकुम्भौ कुसुमेषुकुम्भकारः ॥
२५६२१ अमेध्यपूर्णे कृमिजालसंकुले स्वभावदुर्गन्धिनि शौचवर्जिते ।
२५६२२ कलेवरे मूत्रपुरीषभाजने रमन्ति मूढा विरमन्ति पण्डिताः ॥
२५६३१ अमेयो मितलोकस्त्वमनर्थी प्रार्थनावहः ।
२५६३२ अजितो जिष्णुरत्यन्तमव्यक्तो व्यक्तकारणम् ॥
२५६४१ अमोघक्रोधहर्षस्य स्वयं कृत्यान्ववेक्षिणः ।
२५६४२ आत्मप्रत्ययकोशस्य वसुधेयं वसुंधरा ॥
२५६५१ अमोघा वासरे विद्युदमोघं निशि गर्जितम् ।
२५६५२ अमोघा मुनीनां वाणी अमोघं देवदर्शनम् ॥
२५६६१ अमौक्तिकमसौवर्णं ब्राह्मणानां विभूषणम् ।
२५६६२ देवतानां पित्णां च भागो येन प्रदीयते ॥
२५६७१ अम्बरं विनयतः प्रियपाणेर्योषितश्च करयोः कलहस्य ।
२५६७२ वारणामिव विधातुमभीक्ष्णं कक्ष्यया च वलयैश्च शिशिञ्जे ॥
२५६८१ अम्बरं स्तिमितमम्बुधारया व्यक्त एष परितः पयोधरः ।
२५६८२ प्रावृषा किमपि लज्जमानया मीलिते रविविधूविलोचने ॥
२५६९१ अम्बरमनूरुलङ्घ्यं वसुंधरा सापि वामनैकपदा ।
२५६९२ अब्धिरपि पोतलङ्घ्यः सतां मनः केन तुल्यं स्यात् ॥
२५७०१ अम्बरमपनय मुग्धे व्रजतु विकाशं दिगम्बरता ।
२५७०२ हारावलिसुरतटिनी नखशशिमण्डलस्य कुचशम्भोः ॥
२५७११ अम्बरमम्बुनि पत्रमरातिः पीतमहीनगणस्य ददाह ।
२५७१२ यस्य वधूस्तनयं गृहमब्जा पातु स वो हरलोचनवह्निः ॥
२५७२१ अम्बरमेष रमण्यै यामिन्यै वासरः प्रेयान् ।
२५७२२ अधिकं ददौ निजाङ्कादथ संकुचितः स्वयं तस्थौ ॥
२५७३१ अम्बरविपिनमिदानीं तिमिरवराहोऽवगाहते जलधेः ।
२५७३२ रोमसु यदस्य लग्नास्तारकजलबिन्दवो भान्ति ॥
२५७४१ अम्बरान्तमवलम्बितुकाममन्ध्यया समभिवीक्ष्य तु कामम् ।
२५७४२ अन्धकारमथ गम्य तनूनं लज्जयेव निरगम्यत नूनम् ॥
२५७५१ अम्बरेऽम्बुभरलम्बिपयोदे मत्तबर्हिरुचिरेऽद्रिनितम्बे ।
२५७५२ पुष्पधामनि कदम्बकदम्बे का गतिः पथिक कालविलम्बे ॥
२५७६१ अम्ब श्राम्यसि तिष्ठ गोरसमहं मथ्नामि मन्थानकं प्रालम्ब्य स्थितमीश्वरं सरभसं दीनाननो वासुकिः ।
२५७६२ सासूयं कमलालया सुरगणः सानन्दमुद्यद्भयं राहुः प्रैक्षत यं स वोऽस्तु शिवदो गोपालबालो हरिः ॥
२५७७१ अम्बा कुप्यति तात मूर्ध्नि विधृता गङ्गेयमुत्सृज्यतां विद्वन् षण्मुख का गतिर्मम चिरं मूर्ध्नि स्थिताया वद ।
२५७७२ कोपावेशवशादशेषवदनैः प्रत्युत्तरं दत्तवानम्भोधिर्जलधिः पयोधिरुदधिर्वारां निधिर्वारिधिः ॥
२५७८१ अम्बा तुष्यति न मया न स्नुषया सापि नाम्बया न मया ।
२५७८२ अहमपि न तया न तया वद राजन् कस्य दोषोऽयम् ॥
२५७९१ अम्बामथार्घजलपात्रभृतं निरीक्ष्य दूरादपासरदसौ जनता विहस्ता ।
२५७९२ पूर्णादिवान्धतमसानि तुषारकान्तेरार्यात्पृथग्जनशतानि हि संभ्रमन्ति ॥
२५८०१ अम्बायाश्च पितुश्च सद्गुणगणो यस्मिन्नभिव्यज्यते तस्मिन् स्वप्रतिबिम्बितेव निखिला सैवाकृतिः सा द्युतिः ।
२५८०२ सा वाणि विनयः स एव सहजः पुण्यानुभावः स च श्लाघायाः सदनं सुखस्य वसतिस्तेनैव पुत्री पिता ॥
२५८११ अम्बा येन सरस्वती सुतवती तस्यार्पयन्ती रसान्नानाचाटुमुखी स दुर्लडितवान् खेलाभिरुच्छृङ्खलः ।
२५८१२ जिह्वादुर्व्यसनैरुपद्रवरुजः कुर्वन्ति ये दुःसुतां तान् दृष्ट्वार्थमितस्ततो निखनति स्वं निःस्वमातन्वती ॥
२५८२१ अम्बा शेतेऽत्र वृद्धा परिणतवयसामग्रणीरत्र तातो निःशेषागारकर्मश्रमशिथिलतनुः कुम्भदासी तथेह ।
२५८२२ अस्मिन् पापाहमेका कतिपयदिवसप्रोषितप्राणनाथा पान्थायेत्थं युवत्या कथितमभिमतं व्याहृतिव्याजपूर्वम् ॥
२५८३१ अम्बुजमम्बुनि जातं नहि दृष्टं जातमम्बुजादम्बु ।
२५८३२ अधुना तद्विपरीतं चरणसरोजाद्विनिर्गता गङ्गा ॥
२५८४१ अम्बुजमम्बुनि मग्नं त्रासादाकाशमाश्रितश्चन्द्रः ।
२५८४२ सम्प्रति कः परिपन्थी यं प्रति कोपारुणं वदनम् ॥
२५८५१ अम्बुदः कृतपदो नभस्तले तोयपूरपरिपूरितोदधिः ।
२५८५२ गोष्पदस्य भरणेऽप्मशक्तिमानित्यसत्यमभिधीयते कथम् ॥
२५८६१ अम्बुधेरुदगमद्विधुभङ्ग्या नूनमौर्वशिखिभास्मनपिण्डः ।
२५८६२ यत्किलास्य घटते नहि तृप्तिः खण्डिताजनदृगम्बुसरिद्भिः ॥
२५८७१ अम्बेयं नेयमम्बा नहि खरकपिशं श्मश्रु तस्या मुखार्धे तातोऽयं नैष तातः स्तनमुरसि पितुर्दृष्टवान्नाहमत्र ।
२५८७२ केयं कोऽयं किमेतद्युवतिरथ पुमान् वस्तु किं स्यात्तृतीयं शंभोः संवीक्ष्य रूपादपसरति गुहः शङ्कितः पातु युष्मान् ॥
२५८८१ अम्भः कर्दमतामुपैति सहसा पङ्कद्रवः पांशुतां पांशुर्वारणकर्णतालपवनैर्दिक्प्रान्तनीहारताम् ।
२५८८२ निम्नत्वं गिरयः समं विषमतां शून्यं जनस्थानकं निर्याते त्वयि राज्यपाल भवति त्यक्तस्वभावं जगत् ॥
२५८९१ अम्भः कुम्भाम्भोरुह चामरभृङ्गारहेमरूप्याणि ।
२५८९२ फलताम्बूलवराम्बर मदिरामीनाज्यभोज्यानि ॥
२५९०१ अम्भःसंभृतिमन्थराम्बुदरवैः शालूरगर्जाभर प्रारब्धप्रियविप्रयुक्तयुवतीजीवग्रहे भीषणाः ।
२५९०२ विद्युद्दन्तुरितान्धकारपटला गाम्भीर्यबद्धारव स्थैर्योन्मूलनशक्तयः कथममी निर्यान्ति वर्षानिशाः ॥
२५९११ अम्भसः परिमाणेन उन्नतं कमलं भवेत् ।
२५९१२ स्वस्वामिना बलवता भृत्यो भवति गर्वितः ॥
२५९२१ अम्भसः प्रसृतीरष्टौ रवावनुदिते पिबेत् ।
२५९२२ वातपित्तकफान् हत्वा जीवेद्वर्षशतं सुखी ॥
२५९३१ अम्भसा भिद्यते सेतुस्तथा मन्त्रोऽप्यरक्षितः ।
२५९३२ पैशुन्याद्भिद्यते स्नेहो वाग्भिर्भिद्येत कातरः ॥
२५९४१ अम्भसा शममायाति मुष्टिमेयशिखः शिखी ।
२५९४२ प्रवृद्धोऽधःस्थितैः पश्चात्संतप्तैरेव दृश्यते ॥
२५९५१ अम्भसि तरणिसुतायाः स्तम्भिततरणिः स देवकीसूनुः ।
२५९५२ आतरविरहितगोप्याः कातरमुखमीक्षते स्मेरः ॥
२५९६१ अम्भस्तत्त्वं भूमितत्त्वं च वायोस्तत्त्वं तेजस्तत्त्वमाकाशतत्त्वम् ।
२५९६२ पञ्चैतानि प्राणवायुं मिलित्वा नाडीयुग्मे प्राणिनां संचरन्ति ॥
२५९७१ अम्भांसि जलजन्तूनां दुर्गं दुर्गनिवासिनाम् ।
२५९७२ स्वभूमिः श्वापदादीनां राज्ञां सैन्यं परं बलम् ॥
२५९८१ अम्भोजगर्भसुकुमारतनुस्तदासौ कण्ठग्रहे प्रथमरागघने विलीय ।
२५९८२ सद्यः पतन्मदनमार्गणरन्ध्रमार्गैर्मन्ये मम प्रियतमा हृदयं प्रविष्टा ॥
२५९९१ अम्भोजपत्रायतलोचनानामम्भोधिदीर्घास्विह दीर्घिकासु ।
२५९९२ समागतानां कुटिलैरपाङ्गैरनङ्गबाणैः प्रहता युवानः ॥
२६००१ अम्भोजप्रकरोऽथ केतककुलं कुन्दोत्करः कैरव व्रातो मल्लिगणोऽथ चम्पकचयो जातीगणो वाथवा ।
२६००२ नो चेदादरमातनोति पिक तत्खेदं वृथा मा कृथा यस्मात्क्वापि कदापि कोऽपि भविता यस्त्वद्गुणं ज्ञास्यति ॥
२६०११ अम्भोजाक्ष्याः पुरवनलता धाम्नि संकेतभाजश्चेतोनाथे चिरयति भृशं मोहनिद्रां गतायाः ।
२६०१२ स्वच्छं नाभिह्रदवलयितं कान्तरत्नांशुजालं तोयभ्रान्त्या पिबति हरिणी विस्मयं च प्रयाति ।
२६०२१ अम्भोजानि घनाघनव्यवहितोऽप्युल्लाघयत्यंशुमान् दूरस्थोऽपि पयोधरोऽतिशिशिरस्पर्शं करोत्यातपम् ।
२६०२२ शक्तिः काप्यपरिक्षतास्ति महतां स्वैरं दविष्ठान्यहो यन्माहात्म्यवशेन यान्ति घटनां कार्याणि निर्यन्त्रणाम् ॥
२६०३१ अम्भोजिनीवनविलासनिवासमेव हंसस्य हन्ति नितरां कुपितो विधाता ।
२६०३२ न त्वस्य दुग्धजलभेदविधौ प्रसिद्धां वैदग्घ्यकीर्तिमपहर्तुमसौ समर्थः ॥
२६०४१ अम्भोदस्तनितं निशम्य करिणां बृंहेति रंहोयुतस्सद्यस्त्यक्तमहीध्रकन्दरगृहः कौतूहली निर्गतः ।
२६०४२ एतस्मिन् क्षण एव चण्डमशनेराकर्ण्य शब्दं क्रुधा तं प्रत्युत्पतति स्वगर्जितजितं धीरो मृगाणां पतिः ॥
२६०५१ अम्भोधिः स्थलतां स्थलं जलधितां धूलीवलः शैलतां मेरुर्मृत्कणतां तृणं कुलिशतां वज्रं तृणक्लीबताम् ।
२६०५२ वह्निः शीतलतां हिमं दहनतामायाति यस्येच्छया लीलादुर्ललिताद्भुतव्यसनिने दैवाय तस्मै नमः ॥
२६०६१ अम्भोधिक्षिप्तमुक्तारुचिहरिचरणोद्गीर्णगङ्गाम्बुतुल्यं कालिन्दीफेनकान्तिस्फुरितफणधरोन्मुक्तनिर्मोकरोचिः ।
२६०६२ कर्णाटीकुन्तलान्तर्विगलितसुमनोदामरम्यं समन्ताच्छ्रीखण्डालेपलक्ष्मीमुपनयति यशो यस्य खड्गप्रसूतम् ॥
२६०७१ अम्भोधीनां तमालप्रभवकिसलयश्यामवेलावनानामा पारेभ्यश्चतुर्णां चटुलतिमिकुलक्षोभितान्तर्जलानाम् ।
२६०७२ मालेवाम्लानपुष्पा तव नृपतिशतैरुह्यते या शिरोभिः सा मय्येव स्खलन्ती कथयति विनयालंकृतं ते प्रभुत्वम् ॥
२६०८१ अम्भोधेरेव जाताः कति जगति न ते हन्त सन्तीह शङ्खा यान् संगृह्य भ्रमन्ति प्रतिभवनममी भिक्षवो जीवनाय ।
२६०८२ एकः श्रीपाञ्चजन्यो हरिहरकमलक्रोडहंसायमानो यस्याध्वानैरमानैरसुरवरवधूवर्गगर्भा गलन्ति ॥
२६०९१ अम्भोधेर्जलयन्त्रमन्दिरपरिस्पन्देऽपि निद्राणयोः श्रीनारायणयोर्घनं विघटयत्यूष्मा समालिङ्गनम् ।
२६०९२ किं चोत्तप्तवियत्कपालफलके कङ्कालशेषश्रियं चन्द्रं मर्मरयन्ति पर्पटमिव क्रूरा रवेरंशवः ॥
२६१०१ अम्भोधेर्वडवामुखानलझलाज्वालोपगूढान्तरा व्यामोहादपिबन्नपः स्फुटममी तर्षेण पर्याविलाः ।
२६१०२ उद्देशस्फुरदिन्द्रचापवलयज्वालापदेशादहो दह्यन्ते कथमन्यथार्धमलिनाङ्गारद्युतस्तोयदाः ॥
२६१११ अम्भोधौ विहरन्तमन्तरहितैः कीर्तिं वहन्तं गुणैस्तं मैनाकमवज्रगर्वविषयौ पक्षौ दधानं नुमः ।
२६११२ आसन्ने सुरलोकमानुषजगत्पातालपारात्यये यः पाथोनिधिलङ्घिनः पथि मरुत्सूनोर्व्यनैषीत्क्लमम् ॥
२६१२१ अम्भोनिधेरनवगीतगुणैकराशेरुच्चैःश्रवप्रभृतिषु प्रसभं हृतेषु ।
२६१२२ आश्वासनं यदवकृष्टमभून्महर्षे तोयं त्वया तदपि निष्करुणेन पीतम् ॥
२६१३१ अम्भोऽपि प्रवहत्स्वभावमशनैराश्यानमश्मायते ग्रावाम्भः स्रवति द्रवत्वमुदितोद्रेकेषु चावेयुषः ।
२६१३२ कालस्यास्खलितप्रभावरभसं भाति प्रभुत्वेऽद्भुते कस्यामुत्र विधातृशक्तिघटिते मार्गे निसर्गः स्थिरः ॥
२६१४१ अम्भोबिन्दुग्रहणरभसांश्चातकान् वीक्षमाणाः श्रेणीभूताः परिगणनया निर्दिशन्तो वलाकाः ।
२६१४२ त्वामासाद्य स्तनितसमये मानयिष्यन्ति सिद्धाः सोत्कम्पानि प्रियसहचरीसंभ्रमालिङ्गितानि ॥
२६१५१ अम्भो भजस्व चिरमस्य यथाभिलाषमेतन्न ताण्डवय सैरिभ काननं च ।
२६१५२ दुश्चेष्टितेन यदनेन भृशं तवैष ध्वस्ताशयो भवति निष्कलुषस्तडागः ॥
२६१६१ अम्भोभिस्तनकुम्भयोस्तव घनश्लेषात्समुत्कीर्णतां याताया शुकवक्रिमप्रणयिनी सेयं न लुप्ता लिपिः ।
२६१६२ किं चैतां कुसुमेषु कुञ्जरशिरोनक्षत्रमालां तिरो धित्सुर्निष्फलमेव मज्जसि नभः स्वच्छे सरोवारिणि ॥
२६१७१ अम्भोमुचां सलिलमुद्गिरतां निशीथे ताडीवनेषु निभृतस्थितकर्णतालाः ।
२६१७२ आकर्णयन्ति करिणोऽर्धनिमीलिताक्षा धारारवं दशनकोटिनिषण्णहस्ताः ॥
२६१८१ अम्भोराशिरिवासि सत्त्वनिलयो नो मन्दरक्षो भवान् कल्याणप्रकृतिः सुमेरुरिव किं देवः सुरापाश्रयः ।
२६१८२ सच्छायो न तु रूढदुस्तरलतस्त्वं कल्पवृक्षो यथा तैः कुर्वन्ति तुलां तथापि भवतो मूढाः कवीनां धियः ॥
२६१९१ अम्भोरुहं वदनमम्बकमिन्दुकान्तः पाथोनिधिः कुसुमचापभृतो विकारः ।
२६१९२ प्रादुर्बभूव सुभग त्वयि दूरसंस्थे चण्डालचन्द्रधवलासु निशासु तस्याः ॥
२६२०१ अम्भोरुहमये स्नात्वा वापीपयसि कामिनी ।
२६२०२ ददाति भक्तिसंपन्ना पुष्पसौभाग्यकाम्यया ॥
२६२११ अम्भोरुहाक्षि शंभोश्चरणावाराधितौ केन ।
२६२१२ यस्मै विचलितवदना मदनाकूतं विभावयसि ॥
२६२२१ अम्भोवाहमुरद्विषो निवसनं ध्वान्ताद्रिदिव्यौषधी कन्दर्पस्य विलासचम्पकधनुर्वर्षालतामञ्जरी ।
२६२२२ लेखा व्योमकशोपले विरचिता चामीकरस्य स्फुरद्धाम्नः पान्थिविलासिनीजनमनः कम्पाय शम्पाभवत् ॥
२६२३१ अम्लानपङ्कजा माला कण्ठे रामस्य सीतया ।
२६२३२ मुधा बुधा भ्रमन्त्यत्र प्रत्यक्षेऽपि क्रियापदे ॥
२६२४१ अम्लानमाल्याभरणाम्बरस्य वराङ्गनानन्दनमन्दिरस्य ।
२६२४२ नित्यप्रकाशोत्सवसेवितस्य स्वर्गस्य वित्तस्य च को विशेषः ॥
२६२५१ अम्लानस्तबकन्ति कुन्तलभरे सीमन्तसीमास्विमाः सिन्दूरन्ति कपोलभित्तिषु मिलन्मैरेयरागन्ति च ।
२६२५२ प्रौढेर्ष्याद्युतिविश्रमन्ति नयनोपान्ते कुरङ्गीदृशः बिम्बोष्ठे क्षितिपाल बालतरणेर्लाक्षारसन्ति त्विषः ॥
२६२६१ अम्लानिरामोदभरश्च दिव्यः पुष्पेषु भूयाद्भवदङ्गसङ्गात् ।
२६२६२ दृष्टं प्रसूनोपमया मयान्यन्न धर्मशर्मोभयकर्मठं यत् ॥
२६२७१ अम्लानो बलवाञ्शूरश्छायेवानुगतः सदा ।
२६२७२ सत्यवादी मृदुर्दान्तः स राजवसतिं वसेत् ॥
२६२८१ अयं कनकनिर्मितः सकलभूधरादुन्नतः सहस्रनयनाश्रयः सपदि लब्धभाग्योदयः ।
२६२८२ कुचोपरि परिस्फुरत्तरुणिचारुचेलाञ्चलं मनागपि निवारय त्यजतु गर्वमुर्वीधरः ॥
२६२९१ अयं काणः शुक्रो विषमचरणः सूर्यतनयः क्षताङ्गोऽयं राहुर्विकलमहिमा शीतकिरणः ।
२६२९२ अजानानस्तेषामपि नियतकर्मस्वकफलं ग्रहग्रामग्रस्ता वयमिति जनोऽयं प्रलपति ॥
२६३०१ अयं कामो निजामो वा त्वया किमवधारितम् ।
२६३०२ इति दृष्टिरिव प्रष्टुं श्रुतिं श्रयति सुभ्रुवाम् ॥
२६३११ अयं खलु मृणालिनीनवविलासवैहासिकस्त्विषां वितपते पतिः सपदि दृश्यमाना निजाः ।
२६३१२ स्तनौ पुलकयन्ति चोत्पलदृशां प्रियोरःस्थले विपर्यसितवृत्तयो घुसृणपङ्कपत्राङ्कुराः ॥
२६३२१ अयं च सुरतज्वालः कामाग्निः प्रणयेन्धनः ।
२६३२२ नराणां यत्र हूयन्ते यौवनानि धनानि च ॥
२६३३१ अयं ज्योत्स्नाजानिस्तव वदनदूनोऽम्बरगुहां प्रविष्टस्तत्रापि प्रसृतमिदमेनं दृढतमः ।
२६३३२ इति त्रासोद्रेकक्रमगलितसत्त्वः क्षयगदी विधिर्दग्धो दीनं व्यथयति निदानं हि मृदुता ॥
२६३४१ अयं तस्या रथक्षोभादंसेनांसो निपीडितः ।
२६३४२ एकः कृती शरीरेऽस्मिञ्शेषमङ्गं भुवो भरः ॥
२६३५१ अयं तावद्बाष्पस्त्रुटित इव मुक्तामणिसरो विसर्पन् धाराभिर्लुठति धरणीं जर्जरकणः ।
२६३५२ निरुद्धोऽप्यावेगः स्फुरदधरनासापुटतया परेषामुन्नेयो भवति च भराध्मातहृदयः ॥
२६३६१ अयं ते विद्रुमच्छायो मरुमार्ग इवाधरः ।
२६३६२ करोति कस्य नो बाले पिपासाकुलितं मनः ॥
२६३७१ अयं त्रयाणां ग्रामाणां निधानं मधुरध्वनिः ।
२६३७२ रेखात्रयमितीवास्याः सूत्रितं कण्ठकन्दले ॥
२६३८१ अयं दरिद्रो भवितेति वैधसीं लिपिं ललाटेऽर्थिजनस्य जाग्रतीम् ।
२६३८२ मृषा न चक्रेऽल्पितकल्पपादपः प्रणीय दारिद्र्यदरिद्रतां नलः ॥
२६३९१ अयं दूतार्थसंक्षेपः प्रत्यर्थनियता गिरः ।
२६३९२ प्रयोजनं क्रियोत्पादि कियच्छक्येत भाषितुम् ॥
२६४०१ अयं दूरभ्रान्तः पटुतरपिपासाकुलमनाः कपोले ते मत्तद्विप निपतितः षट्पदयुवा ।
२६४०२ त्वमप्येतां पीनश्रवणदरदोलाव्यसनितां विमुञ्च स्वाच्छन्द्यादपनयतु तावत्तृषमिमाम् ॥
२६४११ अयं द्वीपी प्रियां लेढि जिह्वाग्रेण पुनः पुनः ।
२६४१२ प्रीतिमायाति च तया लिह्यमानः स्वकान्तया ॥
२६४२१ अयं धारावाहस्तडिदियमियं दग्धकरका स चायं निर्घोषः स च रववशो भेकनिचयः ।
२६४२२ इतीव प्रत्यङ्गप्रथितमदनाग्निं कृशतनुर्घनश्वासोत्क्षेपैर्ज्वलयति मुहुर्मृत्युवशिनी ॥
२६४३१ अयं धूर्तो मायाविनयमधुरादस्य चरितात्सखि प्रत्यूषि त्वं प्रकृतिसरले पश्यसि न किम् ।
२६४३२ कपोले यल्लाक्षारसबहलरागप्रणयिनीमिमां धत्ते मुद्रामनतिचिरवृत्तान्तपिशुनाम् ॥
२६४४१ अयं निजः परो वेति गणना लघुचेतसाम् ।
२६४४२ उदारचरितानां तु वसुधैव कुटुम्बकम् ॥
२६४५१ अयं नेत्रादत्रेरजनि रजनीवल्लभ इति भ्रमः कोऽयं प्रज्ञापरिचयपराधीनमनसाम् ।
२६४५२ सुधानामाधारः स खलु रतिबिम्बाधरसुधा रसासेकस्निग्धादजनि नयनात्पुष्पधनुषः ॥
२६४६१ अयं पटः सूत्रदरिद्रतां गतो ह्ययं पटश्छिद्रशतैरलंकृतः ।
२६४६२ अयं पटः प्रावरितुं न शक्यते ह्ययं पटः संवृत एव शोभते ॥
२६४७१ अयं पटो मे पितुरङ्गभूषणं पितामहाद्यैरुपभुक्तयौवनः ।
२६४७२ अलंकरिष्यत्यथ पुत्रपौत्रकान्मयाधुना पुष्पवदेव धार्यते ॥
२६४८१ अयं पद्मासनासीनश्चक्रवाको विराजते ।
२६४८२ युगादौ भगवान् वेधा विनिर्मित्सुरिव प्रजाः ॥
२६४९१ अयं पीनस्तनाभोगसौभाग्यविभवोचितः ।
२६४९२ द्रविणोपार्जनस्यैव कालः कुवलयेक्षणे ॥
२६५०१ अयं पुरः पार्वणशर्वरीशः किं दर्पणोऽयं रजनीरमण्याः ।
२६५०२ यतस्तदीयं प्रतिबिम्बमस्मिन् संलक्ष्यते लाञ्छनकैतवेन ॥
२६५११ अयं प्रभुरयं भृत्य इति या जगतः स्थितिः ।
२६५१२ फलं विजयते तत्र श्रीप्रसादाप्रसादयोः ॥
२६५२१ अयं बन्धुः परश्चायं ममायमयमन्यतः ।
२६५२२ इति ब्रह्मन्न जानामि तेन जीवाम्यनामयः ॥
२६५३१ अयं मन्दद्युतिर्भास्वानस्तं प्रति यियासति ।
२६५३२ उदयः पतनायेति श्रीमतो बोधयन्नरान् ॥
२६५४१ अयं मम दहत्यङ्गमम्भोजदलसंस्तरः ।
२६५४२ हुताशनप्रतिनिधिर्दाहात्मा ननु युज्यते ॥
२६५५१ अयं मार्तण्डः किं स खलु तुरगैः सप्तभिरितः कृशानुः किं सर्वाः प्रसरति दिशो नैष नियतम् ।
२६५५२ कृतान्तः किं साक्षान्महिषवहनोऽसाविति चिरं समालोक्याजौ त्वां विदधति विकल्पान् प्रतिभटाः ॥
२६५६१ अयं मुखसरोरुहभ्रमरविभ्रमः सुभ्रुवां कुचस्थलकुरङ्गकः पृथुनितम्बलीलाशिखी ।
२६५६२ न यौवनमदोदयश्चरति चारुकान्तिच्छटा कुलत्रिवलिकूलिनीपुलिनराजहंसश्चिरम् ॥
२६५७१ अयं मृगः समायाति मृगात्सिंहः पलायते ।
२६५७२ ततो वेगात्पलायस्व त्वरितैस्त्वरितैः पदैः ॥
२६५८१ अयं मेघव्यूहे बलिनि परिपन्थिन्यपसृते शरज्जन्याः स्वैरं हसितमिव हर्षादविरतम् ।
२६५८२ पयःपूरभ्रंशक्रमजनितसोपानसिकते नदीतीरे धीरं चरति विशदः खञ्जनगणः ॥
२६५९१ अयं मे वाग्गुम्फो विशदपदवैदग्ध्यमधुरः स्फुरद्बन्धो वन्ध्यः परहृदि कृतार्थः कविहृदि ।
२६५९२ कटाक्षो वामाक्ष्या दरदलितनेत्रान्तगलितः कुमारे निःसारः स तु किमपि यूनः सुखयति ॥
२६६०१ अयं रत्नाकरोऽम्भोधिरित्यसेवि धनाशया ।
२६६०२ धनं दूरेऽस्तु वदनमपूरि क्षारवारिभिः ॥
२६६११ अयं रसालः सुकृतैकसालः प्रवालमालोल्लसदालवालः ।
२६६१२ मुदः प्रदाता भविता कथं मे वराङ्गनेत्यश्रुमुखी शुशोच ॥
२६६२१ अयं रेवाकुञ्जः कुसुमशरसेवासमुचितः समीरोऽयं वेलावनविदलदेलापरिमलः ।
२६६२२ इयं प्रावृड्धन्या नवजलदविन्यासचतुरा स्मराधीनं चेतः सखि किमपि कर्तुं मृगयते ॥
२६६३१ अयं लोलन्मुक्तावलिकिरणमालापरिकरः स्फुटस्येन्दोर्लक्ष्मीं क्षपयितुमलं मन्मथसुहृत् ।
२६६३२ विशालः श्यामायाः स्खलितघननीलांशुकवृतिः स्तनाभोगः स्निह्यन्मसृणघुसृणालेपसुभगः ॥
२६६४१ अयं वहति धातारं यद्वा देवीं सरस्वतीम् ।
२६६४२ पक्षद्वयमपि स्थाने राजहंसस्य निर्मलम् ॥
२६६५१ अयं वारामेको निलय इति रत्नाकर इति श्रितोऽस्माभिस्तृष्णातरलितमनोभिर्जलनिधिः ।
२६६५२ क एवं जानीते निजकरपुटीकोटरगतं क्षणादेनं ताम्यत्तिमिमकरमापास्यति मुनिः ॥
२६६६१ अयं विपाको वद कस्य यूनः कल्याणि कल्याणपरंपराणाम् ।
२६६६२ यदक्षिकोणस्रवदच्छधारा हारावतारो गुणमन्तरेण ॥
२६६७१ अयं शून्यो ग्रामः सुरसदनमेतन्नु पतितं पुरः शुष्का वापी तरुरयमितः शीर्णविटपः ।
२६६७२ वयं चैते पान्थाः परिकृशदशाभाग्यगतयः समानः संयोगः कटुरपि मनो मे रमयति ॥
२६६८१ अयं स कालः संप्राप्तो धार्त्तराष्ट्रोपजीविनाम् ।
२६६८२ निवेष्टव्यं मया तत्र प्राणानपरिरक्षता ॥
२६६९१ अयं स ते तिष्ठति संगमोत्सुको विशङ्कसे भीरु यतोऽवधीरणाम् ।
२६६९२ लभेत वा प्रार्थयिता न वा श्रियं श्रियो दुरापः कथमीप्सितो भवेत् ॥
२६७०१ अयं स भुवनत्रयप्रथितसंयमः शंकरो बिभर्ति वपुषाधुना विरहकातरः कामिनीम् ।
२६७०२ अनेन किल निर्जिता वयमिति प्रियायाः करं करेण परिताडयन् जयति जातहासः स्मरः ॥
२६७११ अयं स रशनोत्कर्षी पीनस्तनविमर्दनः ।
२६७१२ नाभ्यूरुजघनस्पर्शी नीवीविस्रंसनः करः ॥
२६७२१ अयं सर्वाणि शास्त्राणि हृदि ज्ञेषु च वक्ष्यति ।
२६७२२ सामर्थ्यकृदमित्राणां मित्राणां च नृपात्मजः ॥
२६७३१ अयं सेनोत्तंसः करकृतकृपाणो रणभुवि द्विषद्भूमीपालाः किमपसरत प्राणकृपणाः ।
२६७३२ किमभ्यर्थ्यः पृथ्वीधरकुहरवासोऽद्य भवतां न किं हृद्या विद्याधरनगरनीलोत्पलदृशः ॥
२६७४१ अयं स्निग्धश्यामो य इह विहरत्यम्बुजवने विनिद्रे व्यागुञ्जन्मधुप इति तं जल्पतु जनः ।
२६७४२ अहं शङ्के पङ्केरुहकुहरवासव्यसनिनीं श्रियं भृङ्गच्छद्मा मुररिपुरुपेतो रमयितुम् ॥
२६७५१ अयं स्वभावः स्वत एव यत्पर श्रमापनोदप्रवणं महात्मनाम् ।
२६७५२ सुधांशुरेष स्वयमर्ककर्कश प्रभाभितप्तामवति क्षितिं किल ॥
२६७६१ अयं स्वार्थः परार्थोऽयमित्येवं वा न कल्पयेत् । विबुधा नैव मन्यन्ते स्वं परं वा पृथक्पृथक् । नियुञ्जीत परस्यार्थे प्रोत्सहेत स्वकर्मणि ॥ अयं हि तीव्रेण जगन्ति तेजसा
२६७७२ प्रताप्य भासां पतिरस्तमागतः ।
२६७७२ प्रतापमात्रोपनता विभूतयश्चिरं न तिष्ठन्ति परोपतापिनाम् ॥
२६७८१ अयं हि देहिनो देहो द्रव्यज्ञानक्रियात्मकः ।
२६७८२ देहिनो विविधक्लेशसंतापकृदुदाहृतः ॥
२६७९१ अयं हि प्रथमो रागः समस्तजनरञ्जने ।
२६७९२ यस्य नास्ति द्वितीयोऽपि स कथं पञ्चमो भवेत् ॥
२६८०१ अयःपिण्ड इवोत्तप्ते खलानां हृदये क्षणात् ।
२६८०२ पतिता अपि नेक्ष्यन्ते गुणास्तोयकना इव ॥
२६८११ अयथाविहितानां यन्मनोज्ञतासंपादौ न स्तः ।
२६८१२ कथयाम्यतस्तरूणां रोपविधानं यथोद्दिष्टम् ॥
२६८२१ अयने विषुवे चैव षडशीतिमुखेषु च ।
२६८२२ चन्द्रसूर्योपरागे च दत्तमक्षयमश्नुते ॥
२६८३१ अयमक्षुण्णकान्तश्रीरधरो हरिणीदृशः ।
२६८३२ प्रवालपद्मरागादेरुपरि प्रतिगर्जति ॥
२६८४१ अयमङ्कुरभाव एव तावत्कुचयोः कर्षति लोकलोचनानि ।
२६८४२ इतरेतरपीडनीमवस्थां गतयोः श्रीरनयोः कथं भवित्री ॥
२६८५१ अयमतिजरठाः प्रकामगुर्वीरलघुविलम्बिपयोधरोपरुद्धाः ।
२६८५२ सततमसुमतामगम्यरूपाः परिणतदिक्करिकास्तटीर्बिभर्ति ॥
२६८६१ अयमपरलतायाः सादरं हन्त पीत्वा मधु मम मकरन्दं पातुमायाति भृङ्गः ।
२६८६२ इति मनसि विषादं मल्लिके मा कुरु त्वं बत वद मधुपानां मानसे को विवेकः ॥
२६८७१ अयमपि खरयोषित्कर्णकाषायमीषद्विसृमरतिमिरोर्णाजर्जरोपान्तमर्चिः ।
२६८७२ मदकलकलविङ्कीकाकुनान्दीकरेभ्यः क्षितिरुहशिखरेभ्यो भानुमानुच्चिनोति ॥
२६८८१ अयमपि पुरुहूतप्रेयसीमूर्ध्नि पूर्णः कलश इव सुधांशुः साधुरुल्लालसीति ।
२६८८२ मदनविजययात्राकालविज्ञापानाय स्फुरति जलधिमध्ये ताम्रपात्रीव भानुः ॥
२६८९१ अयमभिनवमेघश्यामलोत्तुङ्गसानुर्मदमुखरमयूरीमुक्तसंसक्तकेकः ।
२६८९२ शकुनिशबलनीडानोकहस्निग्धवर्ष्मा वितरति बृहदश्मा पर्वतः प्रीतिमक्ष्णोः ॥
२६९०१ अयममृतनिधानं नायकोऽप्योषधीनाममृतमयशरीरः कान्तियुक्तोऽपि चन्द्रः ।
२६९०२ भवति विगतरश्मिर्मण्डलं प्राप्य भानोः परसदननिविष्टः को लघुत्वं न याति ॥
२६९११ अयममृतनिधानं नायकोऽप्योषधीनां शतभिषगनुयातः शंभुमूर्धावतंसः ।
२६९१२ विरहयति न चैनं राजयक्ष्मा शशाङ्कं हतविधिपरिपाकः केन वा लङ्घनीयः ॥
२६९२१ अयमयमसावाकर्ण्यारात्प्रतिद्विपडिण्डिमं मदकलुषिते नेत्रे मार्जन्नुदस्तकरार्गलः ।
२६९२२ अगणितसृणिः क्रोधस्तब्धायतश्रुतिपल्लवः प्रविशति नृपस्यान्तःकक्षां जवादरिमुद्गरः ॥
२६९३१ अयमयोगिवधूवधपातकैर्म्रमिमवाप्य दिवः खलु पात्यते ।
२६९३२ शितिनिशादृषदि स्फुटदुत्पतत्कणगणाधिकतारकिताम्बरः ॥
२६९४१ अयमरविवरेभ्यश्चातकैर्निष्पतद्भिर्हरिभिरचिरभासां तेजसा चानुलिप्तैः ।
२६९४२ गतमुपरि घनानां वारिगर्भोदराणां पिशुनयति रथस्तं शीकरक्लिन्ननेमिः ॥
२६९५१ अयमलघुविसारिस्फारिजिह्वाकलापो ज्वलति यदि न मध्ये वाडवो हव्यवाहः ।
२६९५२ मुहुरुपचितसारो वारिभिर्निम्नगानां त्रिभुवनमपि किं न प्लावयत्यम्बुराशिः ॥
२६९६१ अयमवसरः सरस्ते सलिलैरुपकर्तुमर्थिनामनिशम् ।
२६९६२ इदमपि च सुलभमम्भो भवति पुरा जलधराभ्युदये ॥
२६९७१ अयमवसर उपकृतये प्रकृतिचला यावदस्ति संपदियम् ।
२६९७२ विपदि सदाभ्युदयिन्यां पुनरुपकर्तुं कुतोऽवसरः ॥
२६९८१ अयमविचारितचारुतया संसारो भाति रमणीयः ।
२६९८२ अत्र पुनः परमार्थदृशां न किमपि सारमणीयः ॥
२६९९१ अयमसौ गगनाङ्गणदीपकस्तरलकालभुजंगशिखामणिः ।
२६९९२ क्षणविडम्बितवाडवविग्रहः पतति वारिनिधौ विधुरो रविः ॥
२७००१ अयमसौ भगवानुत पाण्डवः स्थितमवाङ्मुनिना शशिमौलिना ।
२७००२ समधिरूढमजेन नु जिष्णुना स्विदिति वेगवशान्मुमुहे गणैः ॥
२७०११ अयमहो रजनीचरकेसरी गिरिदरीशयनात्सहसोत्थितः ।
२७०१२ तिमिरवारणकुम्भविदारणोच्छ्वलितरक्तभरैरिव लोहितः ॥
२७०२१ अयमात्मा स्वयं साक्षाद्गुणरत्नमहार्णवः ।
२७०२२ सर्वज्ञः सर्वदृक्सार्वः परमेष्ठी निरञ्जनः ॥
२७०३१ अयमान्दोलितप्रौढचन्दनद्रुमपल्लवः ।
२७०३२ उत्पादयति सर्वस्य प्रीतिं मलयमारुतः ॥
२७०४१ अयमालोहितच्छायो मदेन मुखचन्द्रमाः ।
२७०४२ संनद्धोदयरागस्य चन्द्रस्य प्रतिगर्जति ॥
२७०५१ अयमिह मुग्धो मधुपः परिहृतसहकारमञ्जरीपुञ्जः ।
२७०५२ असरलमरसमसारं शाखोटकविटपमनुसरति ॥
२७०६१ अयमुदयति कोकीशोकशल्यैर्मयूखैः शतमखपुरनारीनेत्रगण्डूषपेयः ।
२७०६२ उदयगिरिमृगेन्द्रोद्गारभिन्नाङ्करङ्कु श्रवणरुधिरधारापाटलः पार्वणेन्दुः ॥
२७०७१ अयमुदयति चन्द्रश्चन्द्रिकाधौतविश्वः परिणतविमलिम्नि व्योम्नि कर्पूरगौरः ।
२७०७२ ऋजुरजतशलाकास्पर्धिभिर्यस्य पादैर्जगदमलमृणालीपञ्जरस्थं विभाति ॥
२७०८१ अयमुदयति चन्द्रो वारिधेरम्बुगर्भादमृतकणकरालैरंशुभिर्दीप्यमानः ।
२७०८२ भुजगशयनवक्षोहर्म्यदेशे ललन्त्या वदनमिव यदृच्छोत्तानितं विश्वमातुः ॥
२७०९१ अयमुदयति मुद्राभञ्जनः पद्मिनीनामुदयगिरिवनालीबालमन्दारपुष्पम् ।
२७०९२ विरहविधुरकोकद्वन्द्वबन्धुर्विभिन्दन् कुपितकपिकपोलक्रोडताम्रस्तमांसि ॥
२७१०१ अयमुदयमहीध्रधातुरागैररुणकरारुणिताम्बराभिरामः ।
२७१०२ वितरसि न दृशौ कृशाङ्गि तारामिव दिवि वन्दितुमिन्दुरभ्युपैति ॥
२७१११ अयमुदयमहीभृन्मूर्ध्नि पाणिं गृहीत्वा दिवसपतिरहौषीदिन्दुपादान् हवींषि ।
२७११२ अरुणकिरणवह्नौ कन्यका पौरुहूती हरिदपि किमकार्षीत्तारकालाजहोमम् ॥
२७१२१ अयमुदितो हिमरश्मिर्वनितावदनस्य कीदृशः सदृशः ।
२७१२२ नीलादिकोपलम्भः स्फुरति प्रत्यक्षतः कस्य ॥
२७१३१ अयमुपगतकृष्णः कृष्णसाराक्षिपातैर्यमकृ(विकसि?)तनवनीलाम्भोजवक्त्रश्चकास्ति ।
२७१३२ जलयुवतिकुचानुप्रासितोत्तुङ्गकुम्भ स्थलमदकलगर्जन्नीरनागस्तटाकः ॥
२७१४१ अयमुषसि विनिद्रद्राविडीतुङ्गपीन स्तनपरिसरसान्द्रस्वेदबिन्दूपमर्दी ।
२७१४२ स्रुतमलयजवृक्षक्षीरसौरभ्यसभ्यो वहति सखि भुजङ्गीभुक्तशेषः समीरः ॥
२७१५१ अयमेकपदे तया वियोगः प्रियया चोपनतः सुदुःसहो मे ।
२७१५२ नव वारिधरोदयादहोभिर्भवितव्यं च निरातपत्वरम्यैः ॥
२७१६१ अयमेकोऽहमेकेति ज्ञानं तत्संगमे न मे ।
२७१६२ राग एवाधिकस्तत्र हरिद्राचूर्णयोरिव ॥
२७१७१ अयमेव परो धर्मो ह्ययमेव परं तपः ।
२७१७२ पतिशुश्रूषणं यत्र तत्स्त्रीणां स्वर्गहेतुकम् ॥
२७१८१ अयशः प्राप्यते येन येन चाधोगतिर्भवेत् ।
२७१८२ स्वार्थाच्च भ्रश्यते येन तत्कर्म न समाचरेत् ॥
२७१९१ अयशस्यमनायुष्यं परदाराभिमर्शनम् ।
२७१९२ अर्थक्षयकरं घोरं पापस्य च पुनर्भवम् ॥
२७२०१ अयशोभिदुरालोके कोपधामरणादृते ।
२७२०२ अयशोभिदुरा लोके कोपधा मरणादृते ॥
२७२११ अयश्चणकचर्वणं फणिफणामणेः कर्षणं करेण गिरितोलनं जलनिधेः पदा लङ्घनम् ।
२७२१२ प्रसुप्तहरिबोधनं निशितखङ्गसंस्पर्शनं कदाचिदखिलं भवेन्न च शठाद्धनस्यार्जनम् ॥
२७२२१ अयस्तु काकतुण्डेन चर्म आरामुखेन हि ।
२७२२२ मृत्पिण्डं च घटं चैव विध्येत्सूचीमुखेन हि ॥
२७२३१ अयाचतः सीदतश्च सर्वोपायैर्निमन्त्रय ।
२७२३२ आनृशंस्यं परो धर्मोऽयाचते यत्प्रदीयते ॥
२७२४१ अयाचितः सुखं दत्ते याचितश्च न यच्छति ।
२७२४२ सर्वस्वं चापि हरते विधिरुच्चृङ्खलो नृणाम् ॥
२७२५१ अयाचितारं नहि देवदेवमद्रिः सुतां ग्राहयितुं शशाक ।
२७२५२ अभ्यर्थनाभङ्गभयेन साधुर्माध्यस्थमिष्टेऽप्यवलम्बतेऽर्थे ॥
२७२६१ अयाचितो मया लब्धो मत्प्रेषितः पुनर्गतः ।
२७२६२ यत्रागतस्तत्र गतस्तत्र का परिवेदना ॥
२७२७१ अयाच्यं चैव याचन्तेऽभोज्यान् व्याहारयन्ति च ।
२७२७२ उत्कोचैर्वञ्चनाभिश्च कार्याणि घ्नन्ति चास्यति ॥
२७२८१ अयाज्ययाजनैश्चैव नास्तिक्येन च कर्मणाम् ।
२७२८२ कुलान्याशु विनश्यन्ति यानि हीनानि मन्त्रतः ॥
२७२९१ अयि कठोर यशः किल ते प्रियं किमयशो ननु घोरमतःपरम् ।
२७२९२ किमभवद्विपिने हरिणीदृशः कथय नाथ कथं बत मन्यसे ॥
२७३०१ अयि कान्त पश्य मेघं नहि नहि पापं तवातिपुण्यायाः ।
२७३०२ नहि नहि पश्य पयोधरमपसारय कञ्चुकीमुरसः ॥
२७३११ अयि किं गुणवति मालति जीवति भवतीं विना मधुपाः ।
२७३१२ अथ यदि जीवति जीवतु जीवनमपि जीवनाभासः ॥
२७३२१ अयि कुरङ्गि तपोवनविभ्रमादुपगतासि किरातपुरीमिमाम् ।
२७३२२ इह न पश्यसि दारय मारय ग्रस पिबेति शुकानपि जल्पतः ॥
२७३३१ अयि कुरङ्गि तुरङ्गमविक्रमे त्यज वनं जवनं गमनं कुरु ।
२७३३२ इह वने विचरन्ति हि नायकाः सुरभिलोहितलोहितसायकाः ॥
२७३४१ अयि कुलनिचूलमूलोच्छेदनदुःशीलवीचिवाचाले ।
२७३४२ बकविघसपङ्कसारा न चिरात्कावेरि भवितासि ॥
२७३५१ अयि क्षुद्रो माभून्मतिमहिमगर्वो मनसि वः करी यातो बन्धं यदिह विनयस्तत्र विजयी ।
२७३५२ अयं क्रोधाध्मातस्त्यजति विनयं चेन्मदवशात्ततः स्कन्धावारं न किमखिलमेवाकुलयति ॥
२७३६१ अयि खलु बधिराधिराज कीरं तुदसि शलाकनिपातनेन मोहात् ।
२७३६२ अनिशमपि सुधानिधानवाणीं रचयतु मौनमुखोऽस्तु वा समस्ते ॥
२७३७१ अयि खलु विषमः पुराकृतानां भवति हि जन्तुषु कर्मणां विपाकः ।
२७३७२ हरशिरसि शिरांसि यानि रेजुः शिव शिव तानि लुठन्ति गृध्रपादाः ॥
२७३८१ अयि चकितमुग्धचातक मरुभुवि धावसि मुधा किमुद्ग्रीवम् ।
२७३८२ ग्रीष्मे दवाग्निवलितस्तापिच्छोऽयं न विद्युत्वान् ॥
२७३९१ अयि चकोरकुटुम्बिनि कातरे तिरय पक्षपुटेन कुटुम्बकम् ।
२७३९२ बहु गतं कियदप्यवशिष्यते व्यपगतं तिमिरैरुदितः शशी ॥
२७४०१ अयि चातक चञ्चुपुटात्स्खलयति जलदोदबिन्दुमनिलश्चेत् ।
२७४०२ द्विज एव भाग्यहीनो जीवनदाता कृती जलदः ॥
२७४११ अयि चित्त वित्तलेशे सहजप्रेम्णा कियन्नु लुब्धमसि ।
२७४१२ न तथापि तद्वियोगः केवलमास्ते शिवेनापि ॥
२७४२१ अयि चेतोविहग त्वं विषयारण्ये भ्रमन्नसि श्रान्तः ।
२७४२२ विश्रामकामना चेच्छिवकल्परुहे चिरं तिष्ठ ॥
२७४३१ अयि जलद यदि न दास्यसि कतिचित्त्वं चातकाय जलकणिकाः ।
२७४३२ तदयमचिरेण भविता सलिलाञ्जलिदानयोग्यस्ते ॥
२७४४१ अयि त्यक्तासि कस्तूरि पामरैः पङ्कशङ्कया ।
२७४४२ अलं खेदेन भूपालाः किं न सन्ति महीतले ॥
२७४५१ अयि दयिते तव वदनं पायं पायं मनोभवो गर्जन् ।
२७४५२ स्मितमवलम्ब्य तमिस्रास्वपि हतकान् हन्त नो हन्ति ॥
२७४६१ अयि दलदरविन्द स्यन्दमानं मरन्दं तव किमपि लिहन्तो मञ्जु गुञ्जन्तु भृङ्गाः ।
२७४६२ दिशि दिशि निरपेक्षस्तावकीनं विवृण्वन् परिमलमयमन्यो बान्धवो गन्धवाहः ॥
२७४७१ अयि दीनदयार्द्रनाथ हे मथुरानाथ कदावलोक्यसे ।
२७४७२ हृदयं त्वदलोककातरं दयित भ्राम्यति किं करोम्यहम् ॥
२७४८१ अयि दुर्जनगर्जितेन किं सरले नम्रमुखी विषीदसि त्वम् ।
२७४८२ परिपन्थिनि देवकीसुते परिवादोऽपि तपोभिरुन्नतैः ॥
२७४९१ अयि दुष्कृतकेन केन वत्से हलिकद्वारि लवङ्गि पुष्पितासि ।
२७४९२ स्तबकास्तव पांसुभिः परीताः परितः प्राङ्गणसीम्नि यल्लुठन्ति ॥
२७५०१ अयि दूति सखी त्वमेव मे मदनो हन्ति शितैः शिलीमुखैः ।
२७५०२ दयितं तमुपानयाशु तत्सुशको जीवितनिर्गमोऽन्यथा ॥
२७५११ अयि नन्दतनूज किंकरं पतितं मां विषमे भवाम्बुधौ ।
२७५१२ कृपया तव पादपङ्कज स्थितधूलीसदृशं विभावय ॥
२७५२१ अयि पतङ्गि लवङ्गलतावने पिब मधूनि विधूय मधुव्रतान् ।
२७५२२ इह वने च वनेचरसंकुले न च सतामसातां च निरूपणम् ॥
२७५३१ अयि परारि परुन्मलयानिला ववुरमी जगुरेव च कोकिलाः ।
२७५३२ कलमलोत्कलितं तु न मे मनः सखि बभूव वृथैव यथैषमः ॥
२७५४१ अयि पिबत चकोराः कृत्स्नमुन्नामिकण्ठ क्रमसरलितचञ्चच्चञ्चवश्चन्द्रिकाम्भः ।
२७५४२ विरहविधुरितानां जीवितत्राणहेतोर्भवति हरिणलक्ष्मा ये न तेजोदरिद्रः ॥
२७५५१ अयि बत गुरु गर्वं मा स्म कस्तूरि यासीरखिलपरिमलानां मौलिना सौरभेण ।
२७५५२ गिरिगहनगुहायां लीनमत्यन्तदीनं स्वजनकममुनैव प्राणहीनं करोषि ॥
२७५६१ अयि मकरन्दस्यन्दिनि पद्मिनि मन्ये तवैव सुभगत्वम् ।
२७५६२ पुष्पवतीमपि भवतीं त्यजति न वृद्धः शुचिर्हंसः ॥
२७५७१ अयि मदन न दग्धस्त्वं किमीशेन कोपात्किमुत रतिवियोगे नान्वभूर्मूर्ख दुःखम् ।
२७५७२ अविदितपरपीडो येन मामुत्पलाक्षी रहितमहितपात्रैः पत्रिवर्षैर्दुनोषि ॥
२७५८१ अयि मन्मथचूतमञ्जरि श्रवणायतलोचने प्रिये ।
२७५८२ अपहृत्य मनः क्व यासि मे किमराजकमत्र वर्तते ॥
२७५९१ अयि ममैष चकोरशिशुर्मुनेर्व्रजति सिन्धुपिबस्य न शिष्यताम् ।
२७५९२ अशितुमब्धिमधीतवतोऽस्य च शशिकराः पिबतः कति शीकराः ॥
२७६०१ अयि मलयज महिमायं कस्य गिरामस्तु विषयस्ते ।
२७६०२ उद्गिरतो यद्गरलं फणिनः पुष्णासि परिमलोद्गारैः ॥
२७६११ अयि मालति सौरभसारविनिर्जितसंविकसत्कमलानिलये ।
२७६१२ मधुपानविधौ मधुपस्य पुनर्भुवने भवतीमहमाकलये ॥
२७६२१ अयि मृगाक्षि तवाधरपल्लवे दयितदन्तपदं न भवत्यदः ।
२७६२२ भुवनमोहनमन्त्रपदाङ्कितं किमुत यन्त्रमिदं स्मरयोगिनः ॥
२७६३१ अयि रोषमुरीकरोषि नो चेत्किमपि त्वां प्रति वारिधे वदामः ।
२७६३२ जलदेन तवार्थिना विमुक्तान्यपि तोयानि महान्न हा जहासि ॥
२७६४१ अयि लङ्घितमर्याद स्मर स्मर हरानलम् ।
२७६४२ दग्धं दग्धुमयुक्तं ते जनं विरहकातरम् ॥
२७६५१ अयि वरोरु हतस्मरदीपिके यदि गतासि मदीक्षणगोचरात् ।
२७६५२ असमसायकसायककीलिता वद गमिष्यसि मे हृदयात्कथम् ॥
२७६६१ अयि विजहीहि दृढोपगूहनं त्यज नवसंगमभीरु वल्लभम् ।
२७६६२ अरुणकरोद्गम एष वर्तते वरतनु संप्रवदन्ति कुक्कुटाः ॥
२७६७१ अयि विधुं परिपृच्छ गुरोः कुतः स्फुटमशिक्ष्यत दाहवदान्यता ।
२७६७२ ग्लपितशंभुगलाद्गरलात्त्वया किमुदधौ जड वा वडवानलात् ॥
२७६८१ अयि शाकुनिक कृतोऽञ्जलिरितरे न कतीह जीवनोपायाः ।
२७६८२ हत्वा शुकान् किमेतद्विपिनमसारस्वतं कुरुषे ॥
२७६९१ अयि संप्रति देहि दर्शनं स्मर पर्युत्सुक एष माधवः ।
२७६९२ दयितास्वनवस्थितं नृणां न खलु प्रेम चलं सुहृज्जने ॥
२७७०१ अयि संप्रसीद पार्वति शिवोऽपि तव पादयोर्निपतितोऽहम् ।
२७७०२ शिव इति कथं हि जल्पसि सरुधिरगजचर्मसंवीतः ॥
२७७११ आयि सखि कुरु क्षिप्रं रम्भादलैः शिशिरानिलं सहचरि तनौ सत्कर्पूरं द्रुतं परिलेपय ।
२७७१२ सरसबिसिनीपत्रैस्तल्पं प्रिये परिकल्पय स्फुटमिति विभो तस्या गेहे भवन्ति किलोक्तयः ॥
२७७२१ अयि सखि निशा किं वा घस्रः शशी किमु भास्करः स्फुरति पुरतः कामः किं वा ममास्ति स वल्लभः ।
२७७२२ प्रतिपलमिति प्राणाधीश प्रिया विरहातुरा कथयति मुहुर्मन्दं मन्दं सखीं सविधस्थिताम् ॥
२७७३१ अयि सखि परिदोषो जायते चुम्बने किं किमु कुचपरिरम्भे किं रते ब्रूहि तथ्यम् ।
२७७३२ इतिनिगदति नाथे दीपमालोकयन्ती हरि हरि हरिणाक्षी ह्रीसमुद्रे निमग्ना ॥
२७७४१ अयि सखि मम प्राणाधीशो गतो विषयान्तरं कुसुमविशिखस्तस्मादुच्चैर्दुनोति तनुं शरैः ।
२७७४२ लघु कुरु तथा यत्नं येन स्मराधिनिवारणे पटुतरमतेस्तस्याशु स्यादिहागमनं ततः ॥
२७७५१ अयि सखि शस्तः सखिवत्पतिरिति किं त्वं न जानासि ।
२७७५२ शस्तोऽतिसखिवदुपपतिरित्यालि कथं त्वयापि नाबोधि ॥
२७७६१ अयि सरसिज सायं संनिधानं त्वदीयं भ्रमर उपगतोऽयं चूतमालां विहाय ।
२७७६२ अनुपममधुलोभाद्दूरतः सांप्रतं तदिदमनुचितमेतन्मुद्रणं यन्मुखस्य ॥
२७७७१ अयि सरले तावदिमा उपदेशगिरो विशन्ति कर्णान्तः ।
२७७७२ यावन्नान्तर्भूतं तच्चेतसि मामकं चेतः ॥
२७७८१ अयि सुतनुशरीरे तल्पमारुह्य तूर्णं विरचय मम कण्ठे बन्धनं बाहुवल्ल्या ।
२७७८२ इतिनिगदति नाथे दीपमालोकयन्ती हरि हरि हरिणाक्षी ह्रीसमुद्रे निमग्ना ॥
२७७९१ अयि सुन्दरि तव वदनं नित्यं पूर्णं सुधानिधिर्मत्वा ।
२७७९२ हन्त पतत्युपरिष्टान्मध्येऽम्बुधि नित्यमेवासौ ॥
२७८०१ अयि सुन्दरि संप्रति पश्य पुरश्चरमाचलमस्तकमेति रविः ।
२७८०२ समुपैति तमःपटलीजटिला रजनी कुरु कामकलाः सकलाः ॥
२७८११ अयि स्वयूथ्यैरशनिक्षतोपमं ममाद्य वृत्तान्तमिमं बतोदिता ।
२७८१२ मुखानि लोलाक्षि दिशामसंशयं दशापि शून्यानि विलोकयिष्यसि ॥
२७८२१ अयि हस्तगतैः प्राणैरमीभिः कन्दुकैरिव ।
२७८२२ अपर्यन्तरसं मुग्धे कियत्क्रीडितुमिच्छसि ॥
२७८३१ अयि हारलते संहर हरहुंकृतिदग्धदेहसंक्षोभम् ।
२७८३२ सद्भावजानुरक्तिर्नहि रम्या पण्यनारीणाम् ॥
२७८४१ अयि हृदय दयां मयि कुरु कुरङ्गनयनां विना बधान धृतिम् ।
२७८४२ टसदिति झटिति स्फुट वा स्फुटमिदमुक्तं गतिर्नान्या ॥
२७८५१ अयुक्तं बहु भाषन्ते यत्र कुत्रापि शेरते ।
२७८५२ नग्ना विक्षिप्य गात्राणि सज्जरा इव मद्यपाः ॥
२७८६१ अयुक्तं युक्तं वा यदभिहितमज्ञेन विभुना स्तुयादेतन्नित्यं जडमपि गुरुं तस्य विनुयात् ।
२७८६२ विवत्सुर्नैःस्पृह्यं कथमपि सभायामभिनयेत्स्वकार्यं संतुष्टे क्षितिभृति रहस्येव कथयेत् ॥
२७८७१ अयुक्तं स्वामिनो युक्तं युक्तं नीचस्य दूषणम् ।
२७८७२ अमृतं राहवे मृत्युर्विषं शंकरभूषणम् ॥
२७८८१ अयुक्तः प्राकृतः स्तब्धः शठो नैकृतिकोऽलसः ।
२७८८२ विषादी दीर्घसूत्री च कर्ता तामस उच्यते ॥
२७८९१ अयुक्तचारं दुर्दर्शमस्वाधीनं नराधिपम् ।
२७८९२ वर्जयन्ति नरा दूरान्नदीपङ्कमिव द्विपाः ॥
२७९०१ अयुक्तरूपं किमतःपरं भवेत्त्रिनेत्रवक्षः सुलभं तवापि यत् ।
२७९०२ स्तनद्वयेऽस्मिन् हरिचन्दनास्पदे पदं चिताभस्मरजः करिष्यति ॥
२७९११ अयुतं नियुतं वापि प्रदिशन्तु प्राकृताय भोगाय ।
२७९१२ क्रीणन्ति न बिल्वदलैः कैवल्यं पच्चषैर्मूढाः ॥
२७९२१ अयुध्यमानस्योत्पाद्य ब्राह्मणस्यासृगङ्गतः ।
२७९२२ दुःखं सुमहदाप्नोति प्रेत्याप्राज्ञतया नरः ॥
२७९३१ अये कीरश्रेणीपरिवृढ वृथा वासरशतं तरोरस्य स्कन्धे गमयति फलाशारभसतः ।
२७९३२ यदा पुष्पारम्भे मुखमलिनिमा किंशुकतरोस्तदैवाभिज्ञातं फलिपरिचयो दुर्लभ इतः ॥
२७९४१ अये केयं धन्या धवलगृहवातायनगता तुलाकोटिक्वाणैर्विषमविशिखं जागरयति ।
२७९४२ पुरा या प्राणेशे गतवति कृता पुष्पधनुषा शरासारै रात्रिंदिवमकृपमुज्जागरकृशा ॥
२७९५१ अये केयं लीलाधवलगृहवातायनतले तुलाकोटिक्वाणैः कुसुमधनुषं जागरयति ।
२७९५२ अहो नेत्रद्वन्द्वं विलसति विलङ्घ्य श्रुतिपथं कथं न त्रैलोक्यं जयति मदनः स्मेरवदनः ॥
२७९६१ अये केलीगृहस्तम्भ किं कृतं सुकृतं त्वया ।
२७९६२ पर्यङ्के वल्लभं त्यक्त्वा त्वामालिङ्गति मानिनी ॥
२७९७१ अये को जानीते निजपुरुषसङ्गो हि न तथा यथा चेतः स्त्रीणां परपुरुषसङ्गो रमयते ।
२७९७२ अपि स्वैरं भुक्ता दिवसमखिलं वासरकृता करस्पर्शादिन्दोर्मुकुलयति नेत्राणि नलिनी ॥
२७९८१ अये कोऽयं वृद्धो गृहपरिवृढः किं तव पिता न मे भर्ता किंतु व्यपगतदृगन्यच्च बधिरः ।
२७९८२ हुहुं श्रान्तोऽद्याहं शिशयिषुरिहैवापवरके क्व यामिन्यां यामि स्वपिमि ननु निर्दंशमशके ॥
२७९९१ अये जलधिनन्दिनीनयननीरजालम्बन ज्वलज्ज्वलनजित्वरज्वरभरत्वराभङ्गुरम् ।
२७९९२ प्रभातजलजोन्नमद्गरिमगर्वसर्वंकषैर्जगत्त्रितयरोचनैः शिशिरयाशु मां लोचनैः ॥
२८००१ अये ताल व्रीडां व्रज गुरुतया भाति न भवान् फले न च्छाया नो कठिनपरिवारो हि भवतः ।
२८००२ इयं धन्या धन्या सरलकदली सुन्दरदला परात्मानं मन्ये सुखयति फलेनामृतवता ॥
२८०११ अये दिष्ट्या नष्टो मम गृहपिशाचीपरिचयः परावृत्तं मोहात्स्फुरति च मनाग्ब्रह्मणि मनः ।
२८०१२ विकारोऽप्यक्षाणां गलित इव निर्भाति विषयात्तथापि क्षेत्रज्ञः स्पृहयति वनाय प्रति मुहुः ॥
२८०२१ अये दूरभ्रान्तं विषयविषमारण्यविपथे परिभ्रान्तं चेतो मम विधुरितं स्वैरमधुना ।
२८०२२ निरावर्ते नित्ये स्थिरनिरवधानभ्रममये विवेकप्रभ्रश्यद्विकृतिपरमानन्दजलधौ ॥
२८०३१ अये नीलग्रीव क्व कथय सखे तेऽद्य मुनयः परं तोषं येषां तव वरविलासो वितनुते ।
२८०३२ अमी दूरात्क्रूराः क्वणितमिदमाकर्ण्य सहसा त्वरन्ते हन्तुं त्वामहह शबराः पुङ्खितशराः ॥
२८०४१ अये नृपतिमण्डलीमुकुटरत्न युष्मद्भुजा महोष्मततिसंजुषा बत भवत्प्रतापार्चिषा ।
२८०४२ द्विषामतिभृशं यशः प्रकटपारदो ध्मापनादुदुस्फुटत तारकाः कपटतो विहायस्तटे ॥
२८०५१ अये पाथोवाह स्थगय ककुभोऽन्यास्तत इतस्त्यजैतां सीमानं वसति मुनिरस्यां कलशभूः ।
२८०५२ उदञ्चत्कोपेऽस्मिन् स जलधिरपि स्थास्यति न ते यतः पायं पायं सलिलमिह शौर्यं प्रथयसि ॥
२८०६१ अये मधुप मा कृथा बत वृथा मनोदीनतां तुषारसमये लताशतनिषेवणव्याकुलः ।
२८०६२ इयं पुरत एव ते सरसपुष्पमासोदये रसालनवमञ्जरी मधुझरी जरीजृम्भते ॥
२८०७१ अये ममोदासितमेव जिह्वया द्वयेऽपि तस्मिन्ननतिप्रयोजने ।
२८०७२ गरौ गिरः पल्लवनार्थलाघवे मितं च सारं च वचो हि वाग्मिता ॥
२८०८१ अये मातर्दृष्ट्वा मुखममृतभानुभ्रमवशात्कचच्छद्मा राहुर्वसति किमु तृष्णातरलितः ।
२८०८२ किमेवं कन्दर्पान्तकतरुणि सिन्दूरसरणिच्छलाद्भोक्तुं भूयो बहिरिव रसज्ञां कलयति ॥
२८०९१ अये मातस्तातः क्व गत इति यद्वैरिशिशुना दरीगेहे लीना निभृतमिह पृष्टा स्वजननी ।
२८०९२ करेणास्यं तस्य द्रुतमथ निरुद्ध्याश्रुभृतया विनिःश्वस्य स्फारं शिव शिव दृशैवोत्तरयति ॥
२८१०१ अये मुक्तारत्न प्रसर बहिरुद्द्योतय गृहानपि क्षोणीन्द्राणां कुरु फलवतः स्वानपि गुणान् ।
२८१०२ किमत्रैवात्मानं जरयसि मुधा शुक्तिकुहरे महागम्भीरोऽयं जलधिरिह कस्त्वां गणयति ॥
२८१११ अये यदि समीहसे परपुरावरोधं प्रभो तदाकलय मद्वचः किमपि दर्पनारायण ।
२८११२ प्रतीपनृपनागरीनयननीरकल्लोलिनी समुत्तरणचातुरीं तुरगराजिमध्यापय ॥
२८१२१ अये लाजा उच्चैः पथि वचनमाकर्ण्य गृहिणी शिशोः कर्णौ यत्नात्सुपिहितवती दीनवदना ।
२८१२२ मयि क्षीणोपाये यदकृत दृशावश्रुबहुले तदन्तःशल्यं मे त्वमसि पुनरुद्धर्तुमुचितः ॥
२८१३१ अये वापीहंसा निजवसतिसंकोचपिशुनं कुरुध्वं मा चेतो वियति चलतो वीक्ष्य विहगान् ।
२८१३२ अमी ते सारङ्गा भुवनमहनीयव्रतभृतां निरीहाणांयेषां तृणमिव भवन्त्यम्बुनिधयः ॥
२८१४१ अये वारां राशे कतिपयपयोबिन्दुविभवैरमीभिर्मा गर्वं वह निरवलेपा हि कृतिनः ।
२८१४२ न किं लोपामुद्रासहचरकरक्रोडकुहरे भवान् दृष्टः कष्टं प्रचलजलजन्तुव्यतिकरः ॥
२८१५१ अये वारां राशे कुलिशकरकोपप्रतिभयादयं पक्षप्रेम्णा गिरिपतिसुतस्त्वामुपगतः ।
२८१५२ त्वदन्तर्वास्तव्यो यदि पुनरयं वाडवशिखी प्रदीप्तः प्रत्यङ्गं ग्लपयति ततः कोऽस्य शरणम् ॥
२८१६१ अये सुधाकैरविणि व्यधायि मुधा सुधाधामनि बन्धुभावः ।
२८१६२ जनापवादः परितः प्रयातः समागमो हन्त न जातु जातः ॥
२८१७१ अयेऽस्तमयते शशी नहि कृशीभवत्याग्रहो विनश्यति तमो हठं किमणुमप्यपास्ते मनः ।
२८१७२ सखि प्रकटितोऽरुणो न करुणोदयस्ते मनाक्प्रयाति खलु यामिनी न विमनीकृथा नायकम् ॥
२८१८१ अये स्वर्गः स्वर्गः कतिदिवसमार्गः प्रवसतां पुरस्तुङ्गौ स्यातां यदि न कुचकुम्भौ मृगदृशः ।
२८१८२ अयाचं पाथेयं सुलभ[मुभयं] मूलफलयोः पयः स्थाने स्थाने पथि पथि च विश्रामतरवः ॥
२८१९१ अये हेलावेलातुलितकुलशैले जलनिधौ कुतो वारामोघं बत जलद मोघं वितरसि ।
२८१९२ समन्तादुत्तालज्वलदनलकीलाकवलन क्लमोपेतानेतानुपचर पयोभिर्विटपिनः ॥
२८२०१ अयोगजामन्वभवं न वेदनां हिताय मेऽभूदियमुन्मदिष्णुता ।
२८२०२ उदेति दोषादपि दोषलाघवं कृशत्वमज्ञानवशादिवैनसः ॥
२८२११ अयोग्यवस्तुभरणात्भजेद्योग्योऽपि दुष्टताम् ।
२८२१२ रक्षणायेन्द्रदत्तासिं वहन् व्याधोऽभवन्मुनिः ॥
२८२२१ अयोध्यामटवीभूतां पित्रा भ्रात्रा च वर्जिताम् ।
२८२२२ पिपासार्तोऽनुधावामि क्षीणतोयां नदीमिव ॥
२८२३१ अय्ययि साहसकारिणि किं तव चङ्क्रमणेन ।
२८२३२ टसदिति भङ्गमवाप्स्यसि कुचयुगभारभरेण ॥
२८२३ १ अरक्ते न सुखं वेत्ति नारक्तो दुःखमश्नुते ।
२८२३ २ दुःखानां च सुखानां च रक्त एवास्पदं सदा ॥
२८२४१ अरक्षितं तिष्ठति दैवरक्षितं सुरक्षितं दैवहतं विनश्यति ।
२८२४२ जीवत्यनाथोऽपि वने विसर्जितः कृतप्रयत्नोऽपि गृहे न जीवति ॥
२८२५१ अरक्षितं भवेत्सत्यं दैवं तमेव रक्षति ।
२८२५२ दैवेन नाशितं यत्तु तस्य रक्षा न दृश्यते ॥
२८२६१ अरक्षिता गृहे रुद्धाः पुरुषैराप्तकारिभिः ।
२८२६२ आत्मानमात्मना यास्तु रक्षेयुस्ताः सुरक्षिताः ॥
२८२७१ अरक्षितारं राजानं बलिषड्भागहारिणम् ।
२८२७२ तमाहुः सर्वलोकस्य समग्रमलहारकम् ॥
२८२८१ अरक्ष्यमानाः कुर्वन्ति यत्किंचित्किल्विषं प्रजाः ।
२८२८२ तस्मात्तु नृपतेरर्धं यस्माद्गृह्णात्यसौ करान् ॥
२८२९१ अरण्यं रक्षितं सिंहात्तस्मात्सिंहः सुरक्षितः ।
२८२९२ इत्यन्योन्यस्योपकारे मित्रत्वं तन्निबन्धनम् ॥
२८३०१ अरण्यं सारङ्गैर्गिरिकुहरगर्भाश्च हरिभिर्दिशो दिङ्मातङ्गैः सलिलमुषितं पङ्कजवनैः ।
२८३०२ प्रियाचक्षुर्मध्यस्तनवदनसौन्दर्यविजितैः सतां माने म्लाने मरणमथवा दूरगमनम् ॥
२८३११ अरण्यबीजाञ्जलिदानलालितास्तथा च तस्यां हरिणा विशश्वसुः ।
२८३१२ यथा तदीयैर्नयनैः कुतूहलात्पुरः सखीनाममिमीत लोचने ॥
२८३२१ अरण्यरुदितं कृतं शवशरीरमुद्वर्तितं स्थलेऽब्जमवरोपितं सुचिरमूषरे वर्षितम् ।
२८३२२ श्वपुच्छमवनामितं बधिरकर्णजापः कृतः कृतान्धमुखमण्डना यदबुधो जनः सेवितः ॥
२८३३१ अरण्यहरिणग्राममाचक्राम हुताशनः ।
२८३३२ इन्दोः क्रोडमृगं धर्तुमिव धूमो नभो ययौ ॥
२८३४१ अरण्यानी क्वेयं धृतकनकसूत्रः क्व च मृगः क्व मुक्ताहारोऽयं क्व च स पतगः क्वेयमबला ।
२८३४२ क्व तत्कन्यारत्नं ललितमहिभर्तुः क्व च वयं स्वमाकूतं धाता किमपि निभृतं पल्लवयति ॥
२८३५१ अरण्ये पुष्पिता वृक्षा दूरस्थाने च बान्धवाः ।
२८३५२ समृद्धेनापि किं तेन यः काले नोपतिष्ठति ॥
२८३६१ अरतिरियमुपैति मां न निद्रा गणयति तस्य गुणान्मनो न दोषान् ।
२८३६२ विगलति रजनी न संगमाशा व्रजति तनुस्तनुतां न चानुरागः ॥
२८३७१ अरत्नालोकसंहार्यमवार्यं सूर्यरश्मिभिः ।
२८३७२ दृष्टिरोधकरं यूनां यौवनप्रभवं तमः ॥
२८३८१ अरयोऽपि हि मित्रत्वं यान्ति दण्डवतो ध्रुवम् ।
२८३८२ दण्डप्रायो हि नृपतिर्भुनक्त्याक्रम्य मेदिनीम् ॥
२८३९१ अरयोऽपि हि संधेयाः सति कार्यार्थगौरवे ।
२८३९२ अहिमूषकवद्देवा ह्यर्थस्य पदवीं गतैः ॥
२८४०१ अरलूवृक्षपत्राणां लेपो गोमुखरोगहृत् ।
२८४०२ गोनाससंभवः क्षारो हन्ति पुष्पं चिरोद्भवम् ॥
२८४११ अरविन्दमिदं वीक्ष्य खेलत्खञ्जनमञ्जुलम् ।
२८४१२ स्मरामि वदनं तस्याश्चारु चञ्चललोचनम् ॥
२८४२१ अरविन्दवृन्दमकरन्दतुन्दिलो मरुदेति मन्दमिह मन्दराचलात् ।
२८४२२ सुरतान्ततान्तसुदतीमतल्लिका कबरीपरीमलझरी परीवृतः ॥
२८४३१ अरविन्देषु कुन्देषु रमितं कालयोगतः ।
२८४३२ अये माकन्द जानीहि तवैवायं मधुव्रतः ॥
२८४४१ अरश्मि बिम्बं सूर्यस्य वह्निं चैवांशुमालिनम् ।
२८४४२ दृष्ट्वैकादशमासात्तु नरो नोर्द्ध्वं तु जीवति ॥
२८४५१ अरसापि हि वाग्भाति प्रोक्तावसर एव हि ।
२८४५२ सर्वचित्तप्रमोदाय गालिदानं करग्रहे ॥
२८४६१ अरसिकजनभाषणतो रसिकजनैः सह वरं कलहः ।
२८४६२ लम्बकुचालिङ्गनतो लिकुचकुचापादताडनं श्रेयः ॥
२८४७१ अराजके जीवलोके दुर्बला बलवत्तरैः ।
२८४७२ बाध्यन्ते न च वित्तेषु प्रभुत्वमिह कस्यचित् ॥
२८४८१ अराजके तु लोकेऽस्मिंस्तस्माद्राजा विधीयताम् ।
२८४८२ राजा राज्ये चिरं रक्षां कृत्वा स्वर्गमवाप्नुयात् ॥
२८४९१ अराजकेषु राष्ट्रेषु धर्मो न ह्यवतिष्ठते ।
२८४९२ परस्परं च बाधन्ते सर्वथा धिगराजकम् ॥
२८५०१ अराजके हि लोकेऽस्मिन् सर्वतो विद्रुते भयात् ।
२८५०२ रक्षार्थमस्य सर्वस्य राजानमसृजत्प्रभुः ॥
२८५११ अरातिभिर्युधि सहयुध्वनो हताञ्जिघूक्षवः श्रुतरणतूर्यनिःस्वनाः ।
२८५१२ अकुर्वत प्रथमसमागमोचितं चिरोज्झितं सुरगणिकाः प्रसाधनम् ॥
२८५२१ अरातिविक्रमालोकविकस्वरविलोचनः ।
२८५२२ कृपाणोदग्रदोर्दण्डः स सहस्रायुधीयति ॥
२८५३१ अरालकेश्या अलके विधात्रा विधीयमाने चलतूलिकाग्रात् ।
२८५३२ च्युतस्य बिन्दोरसितस्य मार्ग रेखेव रेजे नवरोमराजी ॥
२८५४१ अरावप्युचितं कार्यमातिथ्यं गृहमागते ।
२८५४२ छेत्तुमप्यागते छायां नोपसंहरते द्रुमः ॥
२८५५१ अरिं मित्रमुदासीनं मध्यस्थं स्थविरं गुरुम् ।
२८५५२ यो न बुध्यति मन्दात्मा स च सर्वत्र नश्यति ॥
२८५६१ अरिणा सह संवासाद्विषेण सह भोजनात् ।
२८५६२ पाप्मना सह सौहार्दान्मरणं प्रतिपद्यते ॥
२८५७१ अरितोऽभ्यागतो दोषः शत्रुसंवासकारितः ।
२८५७२ सर्पसंवासधर्मित्वान्नित्योद्वेगेन दूषितः ॥
२८५८१ जायते प्लक्षबीजाशात्कपोतादिव शाल्मलेः ।
२८५८२ उद्वेगजननो नित्यं पश्चादपि भयावहः ॥
२८५९१ अरिपक्षाश्रिते मित्रे मर्मवेदिप्रियंवदे ।
२८५९२ विश्वासो नैव कर्तव्यः यदि साक्षाद्बृहस्पतिः ॥
२८६०१ अरिभिर्जितैरशक्तैर्विज्ञाप्यं सेवकैः प्रभोर्नीतिः ।
२८६०२ विषयैर्जितोऽस्मि शंभो तव यच्छ्लाघ्यं तदारचय ॥
२८६११ अरिवधदेहशरीरः सहसा रथिसूततुरगपादातः ।
२८६१२ भाति सदानत्यागः स्थिरतायामवनितलतिलकः ॥
२८६२१ अरिश्च मित्रं भवति मित्रं चापि प्रदुष्यति ।
२८६२२ अनित्यचित्तः पुरुषस्तस्मिन् को नाम विश्वसेत् ॥
२८६३१ अरिषङ्वर्ग एवायमस्यास्तात पदानि षट् ।
२८६३२ तेषामेकमपि च्छिन्दन् खञ्जय भ्रमरीं श्रियम् ॥
२८६४१ अरिष्टानि महाराज शृणु वक्ष्यामि तानि ते ।
२८६४२ येषामालोकनान्मृत्युः निजं जानाति योगवित् ॥
२८६५१ अरुंतुदं परुषं रूक्षवाचं वाक्कण्टकैर्वितुदन्तं मनुष्यान् ।
२८६५२ विद्यादलक्ष्मीकतमं जनानां मुखे निबद्धां निरृतिं वहन्तम् ॥
२८६६१ अरुचिर्निशया विना शशी शशिना सापि विना महत्तमः ।
२८६६२ उभेयेन विना मनोभव स्फुरितं नैव चकास्ति कामिनोः ॥
२८६७१ अरुणकिरणजालैरन्तरिक्षे गतर्क्षे चलति शिशिरवाते मन्दमन्दं प्रभाते ।
२८६७२ युवतिजनकदम्बे नाथमुक्तौष्ठबिम्बे चरमगिरिनितम्बे चन्द्रबिम्बं ललम्बे ॥
२८६८१ अरुणकिरणे वह्नौ लाजानुडूनि जुहोति या परिणयति तां संध्यामेतामवैमि मणिर्दिवः ।
२८६८२ इयमिव स एवाग्निभ्रान्तिं करोति पुरायतः करमपि न कस्तस्यैवोत्कः सकौतुकमीक्षितुम् ॥
२८६९१ अरुणजलजराजीमुग्धहस्ताग्रपादा बहुलमधुपमालाकज्जलेन्दीवराक्षी ।
२८६९२ अनुपतति विरावैः पत्रिणां व्याहरन्ती रजनिमचिरजाता पूर्वसंध्या सुतेव ॥
२८७०१ अरुणदलनलिन्या स्निग्धपादारविन्दा कठिनतनुधरण्यां यात्यकस्मात्स्खलन्ती ।
२८७०२ अवनि तव सुतेयंपादविन्यासदेशे त्यज निज कठिनत्वं जानकी यात्यरण्यम् ॥
२८७११ अरुणनयनं सभ्रूभङ्गं दरस्फुरिताधरं सुतनु शशिनः क्लिष्टां कान्तिं करोतु तवाननम् ।
२८७१२ कृतमनुनयैः कोपोऽयं ते मनस्विनि वर्धतामिति गदितयाश्लिष्टो देव्या शिवाय शिवोऽस्तु वः ॥
२८७२१ अरुणमपि विद्रुमद्रुं मृदुलतरं चापि किसलयं बाले ।
२८७२२ अधरीकरोति नितरां तवाधरो मधुरिमातिशयात् ॥
२८७३१ अरुणरागनिषेधिभिरंशुकैः श्रवणलब्धपदैश्च यवाङ्कुरैः ।
२८७३२ परभृताविरुतैश्च विलासिनः स्मरबलैरबलैकरसाः कृताः ॥
२८७४१ अरुणिताखिलशैलवना मुहुर्विदधती पथिकान् परितापिनः ।
२८७४२ विकचकिंशुकसंहतिरुच्चकैरुदवहद्दवहव्यवहश्रियम् ॥
२८७५१ अरुणे च तरुणि नयने तव मलिनं च प्रियस्य मुखम् ।
२८७५२ मुखमानतं च सखिते ज्वलितश्चास्यान्तरे स्मरज्वलनः ॥
२८७६१ अरुणोदयवेलायां दशाहेन फलं लभेत् ।
२८७६२ गोविसर्जनवेलायां सद्यः फलद इष्यते ॥
२८७७१ अरुन्धतीकामपुरंध्रिलक्ष्मी जम्भद्विषद्दारनवाम्बिकानाम् ।
२८७७२ चतुर्दशीयं तदिहोचितैव गुल्फद्वयाप्ता यददृश्यसिद्धिः ॥
२८७८१ अरुष्यन् क्रुश्यमानस्य सुकृतं नाम विन्दति ।
२८७८२ दुष्कृतं चात्मनो मर्षी रुष्यत्येवापमार्ष्टि वै ॥
२८७९१ अरूपोऽपि सुरूपोऽपि आढ्योऽपि द्रव्यवर्जितः ।
२८७९२ दुःशीलः शीलयुक्तो वा स्त्रीणां भर्ताधिदेवता ॥
२८८०१ अरे चेतोमत्स्य भ्रमणमधुना यौवनजले त्यज त्वं स्वच्छन्दं युवतिजलधौ पश्यसि न किम् ।
२८८०२ तनूजालीजालं स्तनयुगलतुम्बीफलयुतं मनोभूः कैवर्तः क्षिपति रतितन्तु प्रतिमुहुः ॥
२८८११ अरे दैव त्वदायत्तं कामं वित्तादि गच्छतु ।
२८८१२ ममायत्तं पुनर्वृत्तं हर्तुं कस्येह योग्यता ॥
२८८२१ अरे यमभटाः शठाः कपटविग्रहे तूद्भटा निवेदयत वो यमं न च तवाधिकारो मयि ।
२८८२२ अहं च शिवसुन्दरीचरणयुग्मपङ्केरुह स्खलन्मधुसुधारसं समपिबं न जानीथ रे ॥
२८८३१ अरे रामाहस्ताभरण भसलश्रेणिशरण स्मरक्रीडाव्रीडाशमन विरहिप्राणदमन ।
२८८३२ सरोहंसोत्तंस प्रचलदल नीलोत्पल सखे सखेदोऽहं मोहं श्लथय कथय क्वेन्दुवदन ॥
२८८४१ अरे वद हरेर्नाम क्षेमधाम क्षणे क्षणे ।
२८८४२ बहिः सरति निःश्वासे विश्वासः कः प्रवर्तते ॥
२८८५१ अरैः संधार्यते नाभिर्नाभौ चाराः प्रतिष्ठिताः ।
२८८५२ स्वामिसेवकयोरेवं वृत्तिचक्रं प्रवर्तते ॥
२८८६१ अरोदि मधुपैर्भृशं कमलमालया मीलितं व्यकम्पि जलवीचिभिर्विदलितं मुखं कैरवैः ।
२८८६२ विलोक्य रजनौ ह्रदे विरहिकोकशोकं घनं परव्यसनकातराः किमिव कुर्वते साधवः ॥
२८८७१ अर्ककर्पासयोर्मूलं जलपीतं जयेद्विषम् ।
२८८७२ पटोलमूलनस्येन कालदष्टोऽपि जीवति ॥
२८८८१ अर्कच्छायं तिरयति सुधालिप्तविद्युन्मतल्ली चक्रप्रख्यं महति सुषमामण्डले दूरमग्नम् ।
२८८८२ रक्तादर्शप्रतिफलमिव श्रीसदङ्गं वहन्ती दृष्टा काचित्तरलनयना देवतेव स्मरस्य ॥
२८८९१ अर्काः किं फलसंचयेन भवतां किं वः प्रसूनैर्नवैः किं वा भूरिलताचयेन महता गोत्रेण किं भूयसा ।
२८८९२ येषामेकतमो बभूव स पुनर्नैवास्ति कश्चित्कुले छायायामुपविश्य यस्य पथिकास्तृप्तिं फलैः कुर्वते ॥
२८९०१ अर्काः केचन केचिदक्षतरवः केचिद्दलक्ष्मारुहाः निम्बाः केचन केचिदत्र विपिने क्रूराः करीरद्रुमाः ।
२८९०२ माकन्दो मकरन्दतुन्दिलमिलद्भृङ्गालिशृङ्गारितः कोऽप्यत्रास्ति न मित्र यत्र तनुते कर्णामृतं कोकिलः ॥
२८९११ अर्काभिमुख्यसलिलस्थितिसाधनानि रक्ताम्बुजस्य फलितान्यधुना तपांसि ।
२८९१२ यद्भीरु तस्य परिभूतिकरं पदं त्वं लाक्षारसान्तरितरागमिदं करोषि ॥
२८९२१ अर्घायाम्बुधिरिन्दुमण्डलमपि श्रीचन्दनं तण्डुलास्तारा बिल्वदलं नभःसुरधुनी धूपः प्रदीपो रविः ।
२८९२२ खेटाः पञ्चफलानि किं च ककुभस्ताम्बूलमारात्रिकं मेरुः श्रीजगतीपते तव यशोयोगेश्वरस्यार्चने ॥
२८९३१ अर्घ्यं दत्त्वाथ देवाय भास्कराय समाहितः ।
२८९३२ ततोऽलंकृतगात्रः सन् वृत्तमालोक्य मन्त्रवत् ॥
२८९४१ अर्घ्यमर्घ्यमिति वादिनं नृपं सोऽनवेक्ष्य भरताग्रजो यतः ।
२८९४२ क्षत्रकोपदहनार्चिषं ततः संदधे दृशमुदग्रतारकाम् ॥
२८९५१ अर्चकस्य तपोयोगादर्चनस्यातिशायनात् ।
२८९५२ आभिरूप्याच्च मूर्तीनां देवः सांनिध्यमृच्छति ॥
२८९६१ अर्चामः सततं गणाधिपमथाप्याखून्निहन्मः शतं ध्यायामो हृदि भैरवं तदपि तु प्रोत्सारयामः शुनः ।
२८९६२ भूतेशं प्रणुमस्तथापि शतशो भूतान्निगृह्णीमहे नह्येकस्य गुणः परस्य महतो दोषानपि प्रोर्णुते ॥
२८९७१ अर्चामीति धिया यदेव कुसुमं क्षिप्त्वा जनो मुच्यते विध्यामीति धिया तदेव विकिरन् भस्मीकृतो मन्मथः ।
२८९७२ इत्याभ्यन्तरवृत्तिमात्ररसिको बाह्यानपेक्षश्च यः स स्वामी मम दैवतं तदितरो नाम्नापि नाम्नायते ॥
२८९८१ अर्चिर्मालाकरालाद्दिवमभिलिहतो दाववह्नेरदूरादुड्डीयोड्डीय किंचिच्छलभकवलनानन्दमन्दप्रचाराः ।
२८९८२ अग्रेऽग्रे संरटन्तः प्रचुरतरमसीपातदुर्लक्षधूम्रा धूम्याटाः पर्यटन्ति प्रतिविटपममी निष्ठुराः स्वस्थलीषु ॥
२८९९१ अर्चिष्मन्ति विदार्य वक्त्रकुहराण्यासृक्कणो वासुकेस्तर्जन्या विषकर्बुरान् गणयतः संस्पृश्य दन्ताङ्कुरान् ।
२८९९२ एकं त्रीणि नवाष्ट सप्त षडिति व्यस्तास्तसंख्याक्रमा वाचः शक्तिधरस्य शैशवकलाः कुर्वन्तु वो मङ्गलम् ॥
२९००१ अर्च्ये विष्णौ शिलाधीर्गुरुषु नरमतिर्वैष्णवे जातिबुद्धिर्विष्णोर्वा वैष्णवानां कलिमलमथने पादतीर्थेऽम्बुबुद्धिः ।
२९००२ श्रीविष्णोर्नाम्नि मन्त्रे सकलकलुषहे शब्दसामान्यबुद्धिर्विष्णौ सर्वेश्वरेशे तदितरसमधीर्यस्य वा नारकी सः ॥
२९०११ अर्जयेज्ज्ञानमर्थांश्च पुमानमरवत्सदा ।
२९०१२ केशेष्विव गृहीतः सन्मृत्युना धर्ममाचरेत् ॥
२९०२१ अर्जितं स्वेन वीर्येण नान्यमाश्रित्य कंचन ।
२९०२२ फलशाकमपि श्रेयो भोक्तुं ह्यकृपणं गृहे ॥
२९०३१ परस्य नु गृहे भोक्तुः परिभूतस्य नित्यशः ।
२९०३२ सुमृष्टमपि न श्रेयो विकल्पोऽयमतः सताम् ॥
२९०४१ अर्जुनः कृष्णसंयुक्तः कर्णं यत्रानुधावति ।
२९०४२ तन्नेत्रं तु कुरुक्षेत्रमिति मुग्धे मृशामहे ॥
२९०५१ अर्जुनः फल्गुनः पार्थः किरीटी श्वेतवाहनः ।
२९०५२ बीभत्सुर्विजयी कृष्णः सव्यसाची धनंजयः ॥
२९०६१ अर्जुनस्य इमे बाणा नेमे बाणाः शिखण्डिनः ।
२९०६२ सीदन्ति मम गात्राणि माघमा सेगवा इव ॥
२९०७१ अर्जुनस्य प्रतिज्ञे द्वे न दैन्यं न पलायनम् ।
२९०७२ आयू रक्षति मर्माणि आयुरन्नं प्रयच्छति ॥
२९०८१ अर्जुनान्ते वरारोहे भीमान्ते च वरानने ।
२९०८२ पाण्डवैः सह योद्धव्यं रक्षणीयो धनंजयः ॥
२९०९१ अर्जुनीयति यदर्जने जनो वर्जनीयजनतर्जनादिभिः ।
२९०९२ मङ्क्षु नश्यति चिराय संचिता वञ्चिता जगति के न संपदा ॥
२९१०१ अर्थं धिगस्तु बहुवैरिकरं नराणां राज्यं धिगस्तु भयदं बहु चिन्तनीयम् ।
२९१०२ स्वर्गं धिगस्तु पुनरागमनप्रवृत्तिं धिग्धिक्शरीरमपि रोगसमाश्रयं च ॥
२९१११ अर्थं महान्तमासाद्य विद्यामैश्वर्यमेव वा ।
२९११२ विचरत्यसमुन्नद्धो यः स पण्डित उच्यते ॥
२९१२१ अर्थं सप्रतिबन्धं प्रभुरधिगन्तुं सहायवानेव ।
२९१२२ दृश्यं तमसि न पश्यति दीपेन विना सचक्षुरपि ॥
२९१३१ अर्थः कामो धर्मो मोक्षः सर्वे भवन्ति पुरुषस्य ।
२९१३२ तावद्यावत्पीडां जाठरवह्निर्न विदधाति ॥
२९१४१ अर्थः सुखं कीर्तिरपीह मा भूदनर्थ एवास्तु तथापि धीराः ।
२९१४२ निजप्रतिज्ञामनुरुध्यमाना महोद्यमाः कर्मसमारभन्ते ॥
२९१५१ अर्थ एव हि केषांचिदनर्थो भविता नृणाम् ।
२९१५२ अर्थश्रेयसि चासक्तो न श्रेयो विन्दते नरः ॥
२९१६१ अर्थग्रहणे न तथा दुनोति कटुकूजितैर्यथा पिशुनः ।
२९१६२ रुधिरादानादधिकं दुनोति कर्णे क्वणन्मशकः ॥
२९१७१ अर्थज्ञात्संशयच्छेत्ता ततः श्रेयान् स्वकर्मकृत् ।
२९१७२ मुक्तसङ्गस्ततो भूयानदोग्धा धर्ममात्मनः ॥
२९१८१ अर्थत्यागो हि कार्यः स्यादर्थं श्रेयांसमिच्छता ।
२९१८२ बीजौपम्येन कौन्तेय मा ते भूदत्र संशयः ॥
२९१९१ अर्थधर्मौ परित्यज्य यः काममनुवर्तते ।
२९१९२ एवमापद्यते क्षिप्रं राजा दशरथो यथा ॥
२९२०१ अर्थनाशं मनस्तापं गृहे दुश्चरितानि च ।
२९२०२ वञ्चनं चापमानं च मतिमान्न प्रकाशयेत् ॥
२९२११ अर्थपतौ भूमिपतौ बाले वृद्धे तपोऽधिके विदुषि ।
२९२१२ योषिति मूर्खे गुरुषु च विदुषा नैवोत्तरं देयम् ॥
२९२२१ अर्थप्रश्नकृतौ लोके सुलभौ तौ गृहे गृहे ।
२९२२२ दाता चोत्तरदश्चैव दुर्लभौ पुरुषौ भुवि ॥
२९२३१ अर्थप्राणविनाशसंशयकरीं प्राप्यापदं दुस्तरां प्रत्यासन्नभयो न वेत्ति विभवं स्वं जीवितं काङ्क्षति ।
२९२३२ उत्तीर्णस्तु ततो धनार्थमपरां भूयो विशत्यापदं प्राणानां च धनस्य चाधमधियामन्योन्यहेतुः पणः ॥
२९२४१ अर्थप्रियतयात्मानमप्रियाय ददाति या ।
२९२४२ कामात्मन्यपि निःस्नेहां कोऽनुरक्तेति मन्यते ॥
२९२५१ अर्थमनर्थं भावय नित्यं नास्ति ततः सुखलेशः सत्यम् ।
२९२५२ पुत्रादपि धनभाजां भीतिः सर्वत्रैषा विहिता रीतिः ॥
२९२६१ अर्थयुक्तस्य करणमनर्थस्य च वर्जनम् ।
२९२६२ न्यायतश्च करादानं स्वयं च प्रतिमोक्षणम् ॥
२९२७१ अर्थयुक्तिमविज्ञाय यः शुभे कुरुते मतिम् ।
२९२७२ मित्रे वा यदि वा शत्रौ तस्यापि चलिता मतिः ॥
२९२८१ अर्थयेदेव मित्राणि सति वासति वा धने ।
२९२८२ नानर्थयन् विजानाति मित्राणां सारफल्गुताम् ॥
२९२९१ अर्थरक्षापरो भृत्यः कृत्याकृत्यविवेकवित् ।
२९२९२ सान्धिविग्रहिकः कार्यो राज्ञा नयविशारदः ॥
२९३०१ अर्थवन्तः प्रशस्यन्ते निन्द्यन्ते तद्विनाकृताः ।
२९३०२ आगेमेष्वपि चेदेवमद्भुतं किं शरीरिषु ॥
२९३११ अर्थवानर्थमर्थिभ्यो न ददात्यत्र को गुणः ।
२९३१२ एकैव गतिरर्थस्य दानमन्या विपत्तयः ॥
२९३२१ अर्थवानेव लोकेऽस्मिन् पूज्यते मित्रबान्धवैः ।
२९३२२ अर्थहीनस्तु पुरुषो जीवन्नपि मृतोपमः ॥
२९३३१ अर्थवान् दुष्कुलीनोऽपि लोके पूज्यतमो नरः ।
२९३३२ शशिनस्तुल्यवंशोऽपि निर्धनः परिभूयते ॥
२९३४१ अर्थश्चेत्सर्वथा रक्ष्य इति कैश्चिदुदाहृतम् ।
२९३४२ तत्कथं न हरिश्चन्द्रोऽरक्षत्कुशिकनन्दने ॥
२९३५१ धर्मस्तु रक्षितः सर्वैरपि देहव्ययेन च ।
२९३५२ शिबिप्रभृतिभूपालैर्दधीचिप्रमुखैर्द्विजैः ॥
२९३६१ अर्थसंपद्विमोहाय बहुशोकाय चैव हि ।
२९३६२ तस्मादर्थमनर्थक्यं श्रेयोऽर्थी दूरतस्त्यजेत् ॥
२९३७१ अर्थसंपादनार्थं च पीड्यमानस्य शत्रुभिः ।
२९३७२ साधुषु व्यपदेशार्थं द्विविधः संश्रयः स्मृतः ॥
२९३८१ अर्थसिद्धिं परामिच्छन् धर्ममेवादितश्चरेत् ।
२९३८२ नहि धर्मादपैत्यर्थः स्वर्गलोकादिवामृतम् ॥
२९३९१ अर्थस्य निश्चयो दृष्टो विचारेण हितोक्तितः ।
२९३९२ न स्नानेन न दानेन प्राणायामशतेन वा ॥
२९४०१ अर्थस्य पुरुषो दासः स च जातु न कस्यचित् ।
२९४०२ यदर्जनपरा लोके सर्वेऽपि भुवनत्रये ॥
२९४११ अर्थस्य पुरुषो दासो दासस्त्वर्थो न कस्यचित् ।
२९४१२ इति सत्यं महाराज बद्धोऽस्म्यर्थेन कौरवैः ॥
२९४२१ अर्थस्य मूलं प्रकृतिर्नयश्च धर्मस्य कारुण्यमकैतवं च ।
२९४२२ कामस्य वित्तं च वपुर्वयश्च मोक्षस्य सर्वार्थनिवृत्तिरेव ॥
२९४३१ अर्थस्य संग्रहे चैनां व्यये चैव नियोजयेत् ।
२९४३२ शौचे धर्मेऽन्नपक्त्यां च पारिणाह्यस्य चेक्षणे ॥
२९४४१ अर्थस्य सदोत्थानं नियमपरीपालनं क्रियाज्ञानम् ।
२९४४२ स्थानत्यागः पटुताऽनुद्वेगः स्त्रीष्वविश्वासः ॥
२९४५१ अर्थस्य साधने सिद्ध उत्कर्षे रक्षणे व्यये ।
२९४५२ नाशोपभोग आयासस्त्रासश्चिन्ता भ्रमो नृणाम् ॥
२९४६१ अर्थस्यानर्थपूर्णस्य कोऽवसीदतु संग्रहे ।
२९४६२ तत्संतुष्टैर्न्नचेदिष्टैर्दुष्टैः स्यान्नयनोत्सवः ॥
२९४७१ अर्थस्योपार्जनं कष्टं कष्टमस्य गृहागमः ।
२९४७२ तस्यागतस्य बन्धुभ्यो विनियोगः सुखावहः ॥
२९४८१ अर्थस्योपार्जनं कृत्वा नैवाभाग्यः समश्नुते ।
२९४८२ अरण्यं महदासाद्य मूढः सोमिलको यथा ॥
२९४९१ अर्थस्योपार्जने दुःखं पालने च क्षये तथा ।
२९४९२ नाशे दुःखं व्यये दुःखं घ्नन्ति चैवार्थकारणात् ॥
२९५०१ अर्थहीनोऽपि मधुरः शब्दो लोकप्रियंकरः ।
२९५०२ वीणावेणुमृदङ्गादीन्यत्रोदाहरणानि नः ॥
२९५११ अर्थांश्च दुर्लभांल्लोके क्लेशांश्च सुलभांस्तथा ।
२९५१२ दुःखं चैव कुटुम्बार्थे यः पश्यति स मुच्यते ॥
२९५२१ अर्थांस्त्यजत पात्रेभ्यः सुतान् प्राप्नुत कामजान् ।
२९५२२ प्रियं प्रियेभ्यश्चरत राजा हि त्वरते जये ॥
२९५३१ अर्थाः खलु समृद्धा हि बाढं दुःखं विजानताम् ।
२९५३२ असमृद्धास्त्वपि सदा मोहयन्त्यविचक्षणान् ॥
२९५४१ अर्थाः पादरजोपमा गिरिनदीवेगोपमं यौवनं मानुष्यं जलबिन्दुलोलचपलं फेनोपमं जीवनम् ।
२९५४२ धर्मं यो न करोति निश्चलमतिः स्वर्गार्गलोद्घाटनं पश्चात्तापहतो जरापरिणतः शोकाग्निना दह्यते ॥
२९५५१ अर्थाः साधारणा एव वियुज्यन्ते स्वभावतः ।
२९५५२ ममतां त्यजतां तेषु महदुत्पद्यते यशः ॥
२९५६१ अर्थाकृष्टधियः पदं रचयतः शब्दावधानात्मनः संधिच्छेदविधाननिर्गमविधिव्यापारमातन्वतः ।
२९५६२ मा मां कश्चिदिह ग्रहीदिति मुहुः साशङ्कमापश्यतश्चौरस्येव कवेर्भयं भवति यत्तद्विद्विषामस्तु वः ॥
२९५७१ अर्थागमो नित्यमरोगिता च प्रिया च भार्या प्रियवादिनी च ।
२९५७२ वश्यश्च पुत्रोऽर्थकरी च विद्या षड्जीवलोकस्य सुखानि राजन् ॥
२९५८१ अर्था गृहे निवर्तन्ते श्मशाने चैव बान्धवाः ।
२९५८२ सुकृतं दुष्कृतं चापि गच्छन्तमनुगच्छति ॥
२९५९१ अर्थातुराणां न सुहृन्न बन्धुः कामातुराणां न भयं न लज्जा ।
२९५९२ विद्यातुराणां न सुखं न निद्रा क्षुधातुराणां न वपुर्न तेजः ॥
२९६०१ अर्थात्पलायते ज्ञानं मार्जारान्मूषिको यथा ।
२९६०२ वकवत्ज्ञायतामर्थः सिंहवच्च जयेद्रिपुम् ॥
२९६११ अर्था दुःखं परित्यक्तुं पालिताश्चापि तेऽसुखाः ।
२९६१२ दुःखेन चाधिगम्यन्ते तेषां नाशं न चिन्तयेत् ॥
२९६२१ अर्थाद्धर्मश्च कामश्च स्वर्गश्चैव नराधिप ।
२९६२२ प्राणयात्रा हि लोकस्य विनार्थं न प्रसिध्यति ॥
२९६३१ अर्थाद्भ्रष्टस्तीर्थयात्रां तु गच्छेत्सत्याद्म्रष्टो रौरवं वै व्रजेच्च ।
२९६३२ योगाद्भ्रष्टः सत्यधृतिं च गच्छेद्राज्याद्भ्रष्टो मृगयायां व्रजेच्च ॥
२९६४१ अर्थानर्थान्तरे बुद्धिर्निश्चितापि न शोभते ।
२९६४२ घातयन्ति हि कर्याणि दूताः पण्डितमानिनः ॥
२९६५१ अर्थानर्थौ विनिश्चित्य व्यवसायं भजेत ह ।
२९६५२ गुणतः संग्रहं कुर्याद्दोषतस्तु विसर्जयेत् ॥
२९६६१ अर्था न सन्ति न च मुञ्चति मां दुराशा त्यागे रतिं वहति दुर्ललितं मनो मे ।
२९६६२ याच्ञा च लाघवकरी स्ववधे च पापं प्राणाः स्वयं व्रजत किं परिदेवनेन ॥
२९६७१ अर्था न स्युर्यदि विजहिमो धर्ममर्थैकसाध्यं कायक्लेशैः कतिकतिविधः साधनीयो न धर्मः ।
२९६७२ कायः श्रान्तो यदि भवति कस्तावता धर्मलोपश्चित्तं दत्त्वा सकृदिव शिवे चिन्तितं साधयामः ॥
२९६८१ अर्थानामधिकानां राज्ञा चौरेण वा नाशः ।
२९६८२ अन्ने खल्वतिभुक्ते वमनं वा स्याद्विरेको वा ॥
२९६९१ अर्थानामननुष्ठाता कामचारी विकत्थनः ।
२९६९२ अपि सर्वां महीं लब्ध्वा क्षिप्रमेव विनश्यति ॥
२९७०१ अर्थानामर्जनं कार्यं वर्धनं रक्षणं तथा ।
२९७०२ भक्ष्यमाणो निरादायः सुमेरुरपि हीयते ॥
२९७११ अर्थानामर्जने दुःखमर्जितानां च रक्षणे ।
२९७१२ नाशे दुःखं व्यये दुःखं धिगर्थाः कष्टसंश्रयाः ॥
२९७२१ अर्थानामार्जनं कार्यं वर्धनं रक्षणं तथा ।
२९७२२ भक्ष्यमाणो निरादायः क्षीयते हिमवानपि ॥
२९७३१ अर्थानामीशिषे त्वं वयमपि च गिरामीश्महे यावदित्थं शूरस्त्वं वाग्मिदर्पज्वरशमनविधावक्षयं पाटवं नः ।
२९७३२ सेवन्ते त्वां धनान्धा मतिमलहतये मामपि श्रोतुकामा मय्यप्यास्था न ते चेत्त्वयि मम सुतरामेष राजन् गतोऽस्मि ॥
२९७४१ अर्थानामीश्वरो यः स्यादिन्द्रियाणामनीश्वरः ।
२९७४२ इन्द्रियाणामनैश्वर्यादैश्वर्याद्भ्रश्यते हि सः ॥
२९७५१ अर्थानाहरतोऽनर्थाः समायान्ति प्रमादिनः ।
२९७५२ अप्रमत्तस्ततो मार्गे नित्यमेवास्तु वित्तवान् ॥
२९७६१ अर्थानुलापान् व्रजसुन्दरीणामकृत्रिमाणां च सरस्वतीनाम् ।
२९७६२ आर्द्राशयेन श्रवणाञ्चलेन संभावयन्तं तरुणं गृणीमः ॥
२९७७१ अर्थान् केचिदुपासते कृपणवत्केचित्त्वलंकुर्वते वेश्यावत्खलु धातुवादिन इवोद्बध्नन्ति केचिद्रसान् ।
२९७७२ अर्थालंकृतिसद्रसद्रवमुचां वाचां प्रशस्तिस्पृशां कर्तारः कवयो भवन्ति कतिचित्पुण्यैरगण्यैरिह ॥
२९७८१ अर्थान् ब्रूयान्न चासत्सु गुणान् ब्रूयान्न चात्मनः ।
२९७८२ आदद्यान्न च साधुभ्यो नासत्पुरुषमाश्रयेत् ॥
२९७९१ अर्था भाग्योदये जन्तुं विशन्ति शतशः स्वयम् ।
२९७९२ दिग्भ्योऽभ्युपेत्य सर्वाभ्यः सायं तरुमिवाण्डजाः ॥
२९८०१ अर्थाभावे तु यज्ज्ञानं प्रत्यक्षमिव दृश्यते ।
२९८०२ गन्धर्वनगराकारं स्वप्नं तदुपलक्षयेत् ॥
२९८११ अर्थाभावे मृदुता काठिन्यं भवति चार्थबाहुल्ये ।
२९८१२ नैकत्रार्थमृदुत्वे प्रायः श्लोके च लोके च ॥
२९८२१ अर्थार्थिना प्रिया एव श्रीहर्षोदीरिता गिरः ।
२९८२२ सारस्वते तु सौभाग्ये प्रसिद्धा तद्विरुद्धता ॥
२९८३१ अर्थार्थिनी देवपूजास्पप्नोपश्रुतितत्परा ।
२९८३२ सदा गणकगेहं सा प्रष्टुं याति ग्रहस्थितिम् ॥
२९८४१ अर्थार्थी जीवलोकोऽयं ज्वलन्तमुपसर्पति ।
२९८४२ क्षीणक्षीरां निराजीव्यां वत्सस्त्यजति मातरम् ॥
२९८५१ अर्थार्थी जीवलोकोऽयं श्मशानमपि सेवते ।
२९८५२ जनितारमपि त्यक्त्वा निःस्वं गच्छति दूरतः ॥
२९८६१ अर्थार्थी यानि कष्टानि मूढोऽयं सहते जनः ।
२९८६२ शतांशेनापि मोक्षार्थी तानि चेन्मोक्षमाप्नुयात् ॥
२९८७१ अर्थार्थी यानि कष्टानि सहते कृपणो जनः ।
२९८७२ तान्येव यदि धर्मार्थी न भूयः क्लेशभाजनम् ॥
२९८८१ अर्थालाभेऽपि महति स्वाध्यायं न समुत्सृजेत् ।
२९८८२ कुलान्यकुलतां यान्ति स्वाध्यायस्य विवर्जनात् ॥
२९८९१ अर्थाहरणकौशल्यं किं स्तुमः शास्त्रवादिनाम् ।
२९८९२ अव्ययेभ्योऽपि ये चार्थान्निष्कर्षन्ति सहस्रशः ॥
२९९०१ अर्था हसन्त्युचितदानविहीनचित्तं भूमिर्नरं च मम भूमिरिति ब्रुवाणम् ।
२९९०२ जारा हसन्ति तनयानुपलालयन्तं मृत्युर्हसत्यवनिपं रणरङ्गभीरुम् ॥
२९९११ अर्थिको व्याधितो मूर्खः प्रवासी परसेवकः ।
२९९१२ जीवन्तोऽपि मृताः पञ्च पञ्चैते दुखभागिनः ॥
२९९२१ अर्थिता विभवस्त्यागः स्वातन्त्र्यमुचितज्ञता ।
२९९२२ इति पञ्चगुणोपतेमाश्रयेदाश्रयं नरः ॥
२९९३१ अर्थित्वे प्रकटीकृतेऽपि न फलप्राप्तिः प्रभोः प्रत्युत द्रुह्यन् दाशरथिर्विरुद्धचरितो युक्तस्तया कन्यया ।
२९९३२ उत्कर्षं च परस्य मानयशसोर्विस्रंसनं चात्मनः स्त्रीरत्नं च जगत्पतिर्दशमुखो दृप्तः कथं मृष्यते ॥
२९९४१ अर्थिनस्त्वरितदानेन तृप्तिर्भवति यादृशी ।
२९९४२ बहुदानं विलम्बेन न तादृक्तृप्तिकारकम् ॥
२९९५१ अर्थिनां कृपणा दृष्टिस्त्वन्मुखे पतिता सकृत् ।
२९९५२ तदवस्था पुनर्देव नान्यस्य मुखमीक्षते ॥
२९९६१ अर्थिनां मित्रवर्गस्य विद्विषां च पराङ्मुखः ।
२९९६२ यो न याति पिता तेन पुत्री माता च वीरसूः ॥
२९९७१ अर्थिनामुपपन्नानां पूर्वं चाप्युपकारिणाम् ।
२९९७२ आशां संश्रुत्य यो हन्ति स लोके पुरुषाधमः ॥
२९९८१ अर्थिनि कवयति कवयति पठति च पठति स्तवोन्मुखे स्तौति ।
२९९८२ पश्चाद्यामीत्युक्ते मौनी दृष्टिं निमीलयति ॥
२९९९१ अर्थिने न तृणवद्धनमात्रं किं तु जीवनमपि प्रतिपाद्यम् ।
२९९९२ एवमाह कुशवज्जलदापी द्रव्यदानविधिरुक्तिविदग्धः ॥
३०००१ अर्थिनो जठरज्वालादग्धा वाक्कंचिदञ्चति ।
३०००२ तां चाशमयतो वित्तं किन्निमित्तं न विद्महे ॥
३००११ अर्थिप्रत्यर्थिलक्षैरप्यपराङ्मुखचेतसम् ।
३००१२ त्वां पराङ्मुखतां निन्युः केवलं परयोषितः ॥
३००२१ अर्थिभुक्तावशिष्टं यत्तदश्नीयान्महाशयः ।
३००२२ श्वेतोऽर्थिरहितं भुक्त्वा निजमांसाशनोऽभवत् ॥
३००३१ अर्थिभ्यः कनकस्य दीपकपिशा विश्राणिता राशयो वादे वादिविषाणिनां प्रतिहताः शास्त्रोक्तिगर्वा गिरः ।
३००३२ उत्खातप्रतिरोपितैर्नृपतिभिः शारैरिव क्रीडितं कर्तव्यं कृतमर्थिता यदि विधेस्तत्रापि सज्जा वयम् ॥
३००४१ अर्थिभ्यश्च द्विषद्भ्यश्च वैमुख्यं यस्य नास्त्यसौ ।
३००४२ महोदारः सदा शान्तः कृतज्ञः कोऽपि दुर्लभः ॥
३००५१ अर्थिभ्रंशबहूभवत्फलभरव्याजेन कुब्जायितः सत्यस्मिन्नतिदानभाजि कथमप्यास्तां स कल्पद्रुमः ।
३००५२ आस्ते निर्व्ययरत्नसंपदुदयोदग्रः कथं याचक श्रेणीवर्जनदुर्यशोनिबिडितव्रीडस्तु रत्नाचलः ॥
३००६१ अर्थी करोति दैन्यं लब्धार्थो गर्वमपरितोषं च ।
३००६२ नष्टधनश्च सशोकः सुखमास्ते निःस्पृहः पुरुषः ॥
३००७१ अर्थी येनार्थकृत्येन संव्रजत्यविचारयन् ।
३००७२ तमर्थमर्थशास्त्रज्ञाः प्राहुरर्थ्याश्च लक्ष्मण ॥
३००८१ अर्थी लाघवमुच्छ्रितो निपतनं कामातुरो लाञ्छनं लुब्धोऽकीर्तिमसंगरः परिभवं दुष्टोऽन्यदोषे रतिम् ।
३००८२ निःस्वो वञ्चनमुन्मना विकलतां शोकाकुलः संशयं दुर्वागप्रियतां दुरोदरवशः प्राप्नोति कष्टं मुहुः ॥
३००९१ अर्थेन किं कृपणहस्तगतेन तेन रूपेण किं गुणपराक्रमवर्जितेन ।
३००९२ मित्रेण किं व्यसनकालपराङ्मुखेन ज्ञानेन किं बहुशठाधिकमत्सरेण ॥
३०१०१ अर्थेन परिहीणं तु नरमस्पृश्यतां गतम् ।
३०१०२ त्यजन्ति बान्धवाः सर्वे मृतं सत्त्वमिवासवः ॥
३०१११ अर्थेन रक्षितमिदं राज्यं पुनरर्थमर्पयति ।
३०११२ अर्थैकपरो नृपतिः परिहरति पुनः क्षणादुभयम् ॥
३०१२१ अर्थेन हि विहीनस्य पुरुषस्याल्पमेधसः ।
३०१२२ व्युच्छिद्यन्ते क्रियाः सर्वा ग्रीष्मे कुसरितो यथा ॥
३०१३१ अर्थेन हीनः पुरुषस्त्यज्यते मित्रबान्धवैः ।
३०१३२ त्यक्तलोकक्रियाहारः परासुरिव निष्प्रभः ॥
३०१४१ अर्थेनापि हि किं तेन यस्यानर्थे तु संगतिः ।
३०१४२ को हि नाम शिखाजातं पन्नगस्य मणिं हरेत् ॥
३०१५१ अर्थेनोपार्ज्यते धर्मो धर्मेणार्थ उपार्ज्यते ।
३०१५२ अन्योन्याश्रयणं ह्येतदुभयोत्पत्तिसाधनम् ॥
३०१६१ अर्थेन्द्रियार्थाभिध्यानं सर्वार्थापह्नवो नृणाम् ।
३०१६२ भ्रंशितो ज्ञानविज्ञानाद्येनाविशति मुख्यताम् ॥
३०१७१ अर्थे प्रत्युपलब्धे च परदोषे च कीर्तिते ।
३०१७२ आत्मानं साधु कर्तव्यं शीलवृत्तमभीप्सितम् ॥
३०१८१ अर्थेभ्यो हि विवृत्तेभ्यः संभृतेभ्यस्ततस्ततः ।
३०१८२ क्रियाः सर्वाः प्रवर्तन्ते पर्वतेभ्य इवापगाः ॥
३०१९१ अर्थेषु काममुपलभ्य मनोरथो मे स्त्रीणां धनेष्वनुचितं प्रणयं करोति ।
३०१९२ माने च कार्यकरणे च विलम्बमानो धिग्भोः कुलं च पुरुषस्य दरिद्रतां च ॥
३०२०१ अर्थेष्वलभ्येष्वकृतप्रयत्नं कृतादरं नित्यमुपायवत्सु ।
३०२०२ जितेन्द्रियं नानुतपन्ति रोगास्तत्कालयुक्तं यदि नास्ति दैवम् ॥
३०२११ अर्थे ह्यविद्यमानेऽपि संसृतिर्न निवर्तते ।
३०२१२ ध्यायतो विषयानस्य स्वप्नेऽनर्थागमो यथा ॥
३०२२१ अर्थैरनेकैर्जननीममुष्याश्चित्तं च दत्त्वा चिरकालचिन्त्यम् ।
३०२२२ संतोषयेयं सहसैव भद्रे न चेत्कथं स्यादिह नः प्रवेशः ॥
३०२३१ अर्थैरर्था निबघ्यन्ते गजैरिव महागजाः ।
३०२३२ न ह्यनर्थवता शक्यं वाणिज्यं कर्तुमीहया ॥
३०२४१ अर्थैर्विहीनः पुरुषो जीवन्नपि मृतोपमः ।
३०२४२ धर्मार्थविद्यार्जनतो मतिर्यस्य निवर्तते ॥
३०२५१ अर्थो गिरामपिहितः पिहितश्च कश्चित्सौभाग्यमेति मरहट्टवधूकुचाभः ।
३०२५२ नान्ध्रीपयोधर इवातितरां प्रकाशो नो गुर्जरीस्तन इवातितरां निगूढः ॥
३०२६१ अर्थोत्कण्ठावकुण्ठप्रमुषितविनयैर्लुठ्यतां नाकिशुण्ठैः प्रत्नो रत्नोच्चयः किं त्वतिविषमदशां तामनुध्याय खिद्ये ।
३०२६२ सिन्धो मन्थाद्रिमन्थात्तरलतरबृहद्भङ्गसंघातघात प्रभ्रश्यन्मूलवेलागिरिगणपतनोद्दामधामन्धमीका ॥
३०२७१ अर्थो नराणां पतिरङ्गनानां वर्षा नदीनामृतुराट्तरूणाम् ।
३०२७२ स्वधर्मचारी नृपतिः प्रजानां गतं गतं यौवनमानयन्ति ॥
३०२८१ अर्थो न संभृतः कश्चिन्न विद्या काचिदर्जिता ।
३०२८२ न तपः संचितं किंचिद्गतं च सकलं वयः ॥
३०२९१ अर्थो नाम जनानां जीवितमखिलक्रियाकलापश्च ।
३०२९२ तमपि हरन्त्यतिधूर्ताः छगलगला गायना लोके ॥
३०३०१ अर्थोपचयविज्ञानमस्ति यस्य स पण्डितः ।
३०३०२ सरः सलिलसंपूर्णमाश्रयन्ति विहङ्गमाः ॥
३०३११ अर्थोपार्जनदक्षश्च क्षान्तिशीलः सदा भवेत् ।
३०३१२ न तत्र परकार्याणि विद्वानापि विशेषयेत् ॥
३०३२१ अर्थोऽप्यर्थेन चेत्साध्यः का वार्ता धर्मकामयोः ।
३०३२२ अर्थः सर्वजगन्मूलमनर्थोऽर्थविपर्ययः ॥
३०३३१ अर्थो विनैवार्थनयोपसीदन्नाल्पोऽपि धीरैरवधीरणीयः ।
३०३३२ मान्येन मन्ये विधिना वितीर्णः स प्रीतिदायो बहु मन्तुमर्हः ॥
३०३४१ अर्थोष्मा पितृलालनं विटघटामेलः प्रियंमन्यता तारुण्यं नगरे स्थितिस्तरलता धीः कामशास्त्रं प्रति ।
३०३४२ संगीतं रजनी विधुर्मधुमदः स्पर्धा सपत्नैस्तथा वेश्यानामनुरक्तवित्तहरणे कुर्वन्ति साहायकम् ॥
३०३५१ अर्थोऽस्ति चेन्न पदशुद्धिरथास्ति सापि नो रीतिरस्ति यदि सा घटना कुतस्त्या ।
३०३५२ साप्यस्ति चेन्न नववक्रगतिस्तदेतद्व्यर्थं विना रसमहो गहनं कवित्वम् ॥
३०३६१ अर्थो हि कन्या परकीय एव तामद्य संप्रेष्य परिग्रहीतुः ।
३०३६२ जातो ममायं विशदः प्रकामं प्रत्यर्पितन्यास इवान्तरात्मा ॥
३०३७१ अर्थो हि नष्टकार्यार्थैरयत्नेनाधिगम्यते ।
३०३७२ उत्साहो बलवानार्य नास्त्युत्साहात्परं बलम् ॥
३०३८१ अर्थौचित्यवता सूक्तिरलंकारेण शोभते ।
३०३८२ पीनस्तनस्थितेनेव हारेण हरिणेक्षणा ॥
३०३९१ अर्धं कलङ्करहिता करुणैव शंभोरर्धं गुणास्तदितरे सकलाः समेताः ।
३०३९२ इत्यम्ब संप्रति किल स्फुरितं रहस्यं संपश्यतो मम भवन्मयमैशमर्धम् ॥
३०४०१ अर्धं जितं त्रिपुरमम्ब तव स्मितं चेदर्धान्तरेण च तथा भवितव्यमेव ।
३०४०२ तच्चिन्तये जननि कारणसूक्ष्मरूप स्थूलात्मकत्रिपुरशान्तिकृते स्मितं ते ॥
३०४११ अर्धं दन्तच्छदस्य स्फुरति जपवशादर्धमप्युत्प्रकोपादेकः पाणिः प्रणन्तुं शिरसि कृतपदः क्षेप्तुमन्यस्तमेव ।
३०४१२ एकं ध्यानान्निमीलत्यपरमविकसद्वीक्षते नेत्रमित्थं तुल्यानिच्छाविधित्सा तनुरवतु स वो यस्य संध्याविधाने ॥
३०४२१ अर्धं दानववैरिणा गिरिजयाप्यर्धं शिवस्याहृतं देवेत्थं जगतीतले पुरहराभावे समुन्मीलति ।
३०४२२ गङ्गा सागरमम्बरं शशिकला नागाधिपः क्ष्मातलं सर्वज्ञत्वमधीश्वरत्वमगमत्त्वां मां तु भिक्षाटनम् ॥
३०४३१ अर्धं नीत्वा निशायाः सरभससुरतायाससंश्लेषयोगैः प्रोद्भूतासह्यतृष्णो मधुमदनिरतो हर्म्यपृष्ठे विविक्ते ।
३०४३२ संभोगक्लान्तकान्ताशिथिलभुजलतावर्जितं कर्करीतो ज्योत्स्नाभिन्नाच्छधारं न पिबति सलिलं शारदं मन्दभाग्यः ॥
३०४४१ अर्धं प्रेमनिबद्धमर्धमपरं लज्जाश्रितं मानसमेवं नेत्रसरोरुहं प्रियमुखे चान्यद्गवाक्षेऽर्पितम् ।
३०४४२ पर्यङ्के पदमेकमेव धरणौ पृष्ठे च कृत्वापरं स्थातुं गन्तुमपि प्रभातसमये शक्नोति नैवाबला ॥
३०४५१ अर्धं भार्या मनुष्यस्य भार्या श्रेष्ठतमः सखा ।
३०४५२ भार्या मूलं त्रिवर्गस्य भार्या मित्रं मरिष्यतः ॥
३०४६१ अर्धं सज्जनसंपर्कादविद्याया विनश्यति ।
३०४६२ चतुर्भागस्तु शास्त्रार्थैश्चतुर्भागं स्वयत्नतः ॥
३०४७१ अर्धं स्त्रियस्त्रिभुवने सचराचरेऽस्मिन्नर्धं पुमांस इति दर्शयितुं भवत्या ।
३०४७२ स्त्रीपुंसलक्षणमिदं वपुरादृतं यत्तेनासि देवि विदिता त्रिजगच्छरीरा ॥
३०४८१ अर्धचन्द्रं च चक्रं च शकटं मकरं तथा ।
३०४८२ कमलं श्रेणिकां गुल्मं व्यूहानेवं प्रकल्पयेत् ॥
३०४९१ अर्धचन्द्रवदाकारं स्त्रीनामार्थं च त्र्यक्षरम् ।
३०४९२ नकारादि रिकारान्तं यो जानाति स पण्डितः ॥
३०५०१ अर्धचन्द्रसमायुक्तं पुंनाम चतुरक्षरम् ।
३०५०२ ककारादि लकारान्तमिह जानाति पण्डितः ॥
३०५११ अर्धचन्द्राकृतिर्यस्मिन् खङ्गे स्वाभाविकी भवेत् ।
३०५१२ अपि दोषसहस्राणि हन्ति चन्द्रस्तमो यथा ॥
३०५२१ अर्धपञ्चमहस्तं तु श्रेष्ठं चापं प्रकीर्तितम् ।
३०५२२ तद्विज्ञेयं धनुर्दिव्यं शंकरेण धृतं पुरा ॥
३०५३१ अर्धपीतमदिरा मणिपारी शोभतां कथमतीव तरुण्याः ।
३०५३२ चुम्बितैरधिकपाटलभासा पूरिताधरमयूखभरेण ॥
३०५४१ अर्धपीतस्तनं मातुरामर्दाक्लिष्टकेसरम् ।
३०५४२ प्रक्रीडितुं सिंहशिशुं बलात्कारेण कर्षति ॥
३०५५१ अर्धपुरुषे च मत्स्यः पारावतसंनिभश्च पाषाणः ।
३०५५२ मृद्भवति तत्र नीला दीर्घं कालं च बहुतोयम् ॥
३०५६१ अर्धप्रोथस्थिता रेखा दृश्यन्ते यस्य वाजिनः ।
३०५६२ तस्य मृत्युः समुद्दिष्टो दशमं प्राप्य वत्सरम् ॥
३०५७१ अर्धप्लुष्टं बहुभ्यः शवपिशितमुपाहृत्य हृष्टश्चिताभ्यो जातग्रासातिरेकः स्फुटतरधमनीनद्धशुष्कार्द्रकायः ।
३०५७२ प्रेतः संतर्ज्य दृष्ट्या कुटिलपरुषया मज्जनिष्कर्षशुष्कैराहन्त्याहारलुब्धान्मुहुरभिपततो जम्बुकानस्थिखण्डैः ॥
३०५८१ अर्धमीलितविलोलतारके सा दृशौ निधुवनक्लमालसा ।
३०५८२ यन्मुहूर्तमवहन्न तत्पुनस्तृप्तिरास्त दयितस्य पश्यतः ॥
३०५९१ तत्क्लमस्तमदिदीक्षत क्षणं तालवृन्तचलनाय नायकम् ।
३०५९२ तद्विधा हि भवदैवतं प्रिया वेधसोऽपि विदधाति चापलम् ॥
३०६०१ अर्धरात्रे दिनस्यार्धे त्वर्धचन्द्रेऽर्धभास्करे ।
३०६०२ रावणेन हृता सीता कृष्णपक्षे सिताष्टमी ॥
३०६११ अर्धसिद्धेषु कार्येषु आत्मगुह्यं प्रकाशयेत् ।
३०६१२ स एव निधनं याति बकः कर्कटकाद्यथा ॥
३०६२१ अर्धस्मितेन विनिमन्त्र्य दशार्धबाणमर्धं विधूय वसनाञ्चलमर्धमार्गे ।
३०६२२ अर्धेन नेत्रविशिखेन निवृत्य सार्धमर्धार्धमेव तरुणी तरुणं चकार ॥
३०६३१ अर्धहस्तेन हीनस्तु भवेन्मध्यस्तुरङ्गमः ।
३०६३२ ततो हस्तेन हीनश्च हीन एव स्मृतो हयः ॥
३०६४१ अर्धाङ्गनापुंवपुषः पुरारेर्मूर्त्तिः श्रियं नौरिव वस्तनोतु ।
३०६४२ प्रेमातिभारादपरं यदर्धं ममज्ज शृङ्गाररसाम्बुराशौ ॥
३०६५१ अर्धाङ्गाहितपौर्वकीर्तिवनितादीव्यत्सितांशुप्रभं कैलासीकृतदिक्करीन्द्रशिरसि न्यस्तस्वपादाम्बुजम् ।
३०६५२ विश्वव्याप्यविनाशि शंकरपदं यायात्त्वदीयं यशो न स्यादस्य यदि क्षितीश भवतो दानादिकेभ्यो जनिः ॥
३०६६१ अर्धाङ्गुलपरीणाहजिह्वाग्रायासभीरवः ।
३०६६२ सर्वाङ्गक्लेशजननमबुधाः कर्म कुर्वते ॥
३०६७१ अर्धाचिता सत्वरमुत्थितायाः पदे पदे दुर्निमिते गलन्ती ।
३०६७२ कस्याश्चिदासीद्रशना तदानीमङ्गुष्ठमूलार्पितसूत्रशेषा ॥
३०६८१ अर्धाधीताश्च यैर्वेदास्तथा शूद्रान्नभोजनाः ।
३०६८२ ते द्विजाः किं करिष्यन्ति निर्विषा इव पन्नगाः ॥
३०६९१ अर्धासने समधिरोप्य सुरद्विपस्य शक्रोऽपि यद्युधि शचीं कवचीकरोति ।
३०६९२ धीरस्य तस्य सहते दशकन्धरस्य कः साहसैकरसिकः करवालधाराम् ॥
३०७०१ अर्धेन जलदश्याममर्धेनातपपिङ्गलम् ।
३०७०२ अर्धनारीश्वराकारं न को मन्येत वासरम् ॥
३०७११ अर्धोक्ते भयमागतोऽसि किमिदं कण्ठश्च किं गद्गदश्चाटोरस्य न च क्षणोऽयमनुपक्षिप्तेयमास्तां कथा ।
३०७१२ ब्रूहि प्रस्तुतमस्तु संप्रति महत्कर्णे सखीनां मुखैस्तृप्तिर्निर्भरमेभिरक्षरपदैः प्रागेव मे संभृता ॥
३०७२१ अर्धोद्गतेन कदली मृदुताम्रतलेन गर्भकोषेण ।
३०७२२ पिबति निदाघज्वरिता घनधारां करपुटेनैव ॥
३०७३१ अर्धोन्मीलितलोचनस्य पिबतः पर्याप्तमेकं स्तनं सद्यः प्रस्नुतदुग्धदिग्धमपरं हस्तेन संमार्जतः ।
३०७३२ मात्रा चाङ्गुलिलालितस्य वदने स्मेरायमाने मुहुर्विष्णोः क्षीरकणोरुधामधवला दन्तद्युतिः पातु वः ॥
३०७४१ अर्पयति प्रतिदिवसं प्रियस्य पथि लोचने बाला ।
३०७४२ निक्षिपति कमलमालाः कोमलमिव कर्तुमध्वानम् ॥
३०७५१ अर्पयन्त्यर्थिने प्राणान्न प्रणाममरातये ।
३०७५२ न नास्तीत्युत्तरं जातु सुहृदे सुमनोजनाः ॥
३०७६१ अर्पितं रसितवत्यपि नाम ग्राहमन्ययुवतेर्दयितेन ।
३०७६२ उज्झति स्म मदमप्यपिबन्ती वीक्ष्य मद्यमितरा तु ममाद ॥
३०७७१ अर्पिताः प्रथमतस्त्वयि गावो गोपशावक इति प्रणयेन ।
३०७७२ दीयते पुनरिदं धनहीनैर्वेतनं गरुडकेतन चेतः ॥
३०७८१ अर्वागभ्येत्य गर्वादिव सरिदवरा सेयमित्युद्दिधीर्षाः कालिन्दीं कोपवेगाकलितहलहठोत्क्षेपिणः क्षेमहेतुः ।
३०७८२ तालाङ्कस्याशु दालारसविवशहृदः स्रंसदंसोत्तरीयं तिर्यग्व्यस्ताड्घ्रि भूयः सुवलनमथ लघूत्थानमाधावनं तत् ॥
३०७९१ अर्वाचीनवचः प्रपञ्चसुखिनां दुःशिक्षितानां पुरो गम्भीरं कविपुङ्गवस्य किमहो सर्वस्वमुद्धाट्यते ।
३०७९२ व्यर्थं कर्दमगन्धगौरवहृतग्रामीणगोष्ठीमुखे कोऽयं नाम सचेतनोऽस्ति य इह प्रस्तौति कस्तूरिकाम् ॥
३०८०१ अर्वाञ्चत्पञ्चशाखः स्फुरदुपरिजटामण्डलः संश्रितानां नित्यापर्णोऽपि तापत्रितयमपनयन् स्थाणुरव्यादपूर्वः ।
३०८०२ यः प्रोन्मीलत्कपर्दैः शिरसि विरचिताबालबन्धे द्युसिन्धोः पाथोभिर्लब्धसेकः फलति फलशतं वाञ्छितं भक्तिभाजाम् ॥
३०८११ अलंकरोति यः श्लोकं शुक एव न मध्यमः ।
३०८१२ अलं करोति यः श्लोकं शुक एव नमध्यमः ॥
३०८२१ अलंकरोति हि जरा राजामात्यभिषग्यतीन् ।
३०८२२ विडम्बयति पण्यस्त्रीमल्लगायनसेवकान् ॥
३०८३१ अलंकर्तुं कर्णौ भृशमनुभवन्त्या नवरुजं ससीत्कारं तिर्यग्वलितवदनाया मृगदृशः ।
३०८३२ कराब्जव्यापारानतिसुकृतसारान् रसयतो जनुः सर्वश्लाघ्यं जयति ललितोत्तंस भवतः ॥
३०८४१ अलंकारः शङ्काकरनरकपालं परिजनो विशीर्णाङ्गो भृङ्गी वसु च वृष एको बहुवयाः ।
३०८४२ अवस्थेयं स्थाणोरपि भवति सर्वामरगुरोर्विधौ वक्रे मूर्ध्नि स्थितवति वयं के पुनरमी ॥
३०८५१ अलंकारप्रियो विष्णुर्जलधाराप्रियः शिवः ।
३०८५२ नमस्कारप्रियो भानुर्ब्राह्मणो भोजनप्रियः ॥
३०८६१ अलंकारभृतो रीतिमन्तः सिद्धा रसोन्नतौ ।
३०८६२ लक्षणैर्लक्षितात्मानः कृतिनो ननु केचन ॥
३०८७१ अलंकारो हि नारीणां क्षमा तु पुरुषस्य वा ।
३०८७२ दुष्करं तच्च वः क्षान्तं त्रिदशेषु विशेषतः ॥
३०८८१ यादृशी वः क्षमा पुत्र्यः सर्वासामविशेषतः ।
३०८८२ क्षमा दानं क्षमा यज्ञः क्षमा सत्यं च पुत्रिकाः ॥
३०८९१ क्षमा यशः क्षमा धर्मः क्षमायां विष्ठितं जगत् ॥
३०९०१ अलंकृतः काञ्चनकोटिमूल्यैर्महार्हरत्नैर्गजवाजिवाहैः ।
३०९०२ निमेषमात्रं लभते न जीवं कालेन काले शिखया गृहीतः ॥
३०९११ अलंक्रियन्ते शिखिनः केकया मदरक्तया ।
३०९१२ वाचा विपश्चितोऽत्यर्थं माधुर्यगुणयुक्तया ॥
३०९२१ अलंक्रिया शक्तिसमन्वितानां तपोधनानां बलशक्तिरग्र्या ।
३०९२२ व्यापाददावानलवारिधारा प्रत्येह च क्षान्तिरनर्थशान्तिः ॥
३०९३१ अलं त्रिदिववार्तया किमिति सार्वभौमश्रिया विदूरतरवर्तिनी भवतु मोक्षलक्ष्मीरपि ।
३०९३२ कलिन्दगिरिनन्दिनीतटनिकुञ्जपुञ्जोदरे मनो हरति केवलं नवतमालनीलं महः ॥
३०९४१ अलं नलं रोद्धुममी किलाभवन् गुणा विवेकप्रमुखा न चापलम् ।
३०९४२ स्मरः स रत्यामनिरुद्धमेव यत्सृजत्ययं सर्गनिसर्ग ईदृशः ॥
३०९५१ अलं परिग्रहेणेह दोषवान् हि परिग्रहः ।
३०९५२ कृमिर्हि कोशकारस्तु बध्यते स्वपरिग्रहात् ॥
३०९६१ अलं वा बहु यो ब्रूते हितवाक्यावमानिनः ।
३०९६२ स तस्माल्लभते दोषं कपेः सूचीमुखो यथा ॥
३०९७१ अलं वा बहुवादेन यत्र यत्रानुरज्यसे ।
३०९७२ तत्र तत्रैव ते दुःखदावपावकपङ्क्तयः ॥
३०९८१ अलं विलङ्घ्य प्रियविज्ञ याच्ञां कृत्वापि वाम्यं विविधं विधेये ।
३०९८२ यशःपथादाश्रवतापदोत्थात्खलु स्खलित्वास्तखलोक्तिखेलात् ॥
३०९९१ अलं विलम्ब्य त्वरितुं हि वेला कार्ये किल स्थैर्यसहे विचारः ।
३०९९२ गुरूपदेशं प्रतिभेव तीक्ष्णा प्रतीक्षते जातु न कालमर्तिः ॥
३१००१ अलं विवादेन यथा श्रुतं त्वया तथाविधस्तावदशेषमस्तु सः ।
३१००२ ममात्र भावैकरसं मनः स्थितं न कामवृत्तिर्वचनीयमीक्षते ॥
३१०११ अलं स्थित्वा श्मशानेऽस्मिन् गृध्रगोमायुसंकुले ।
३१०१२ कङ्कालबहुले घोरे सर्वप्राणिभयंकरे ॥
३१०२१ न पुनर्जीवितः कश्चित्कालधर्ममुपागतः ।
३१०२२ प्रियो वा यदि वा द्वेष्यः प्राणिनां गतिरीदृशी ॥
३१०३१ अलं हिमानीपरिदीर्णगात्रः समापितः फाल्गुनसंगमेन ।
३१०३२ अत्यन्तमाकाङ्क्षितकृष्णवर्त्मा भीष्मो महात्माजनि माघतुल्यः ॥
३१०४१ अलकतमः परिपीतं सुस्मितसुषमापुरस्कृतं मधुरम् ।
३१०४२ को न सुधानिधिसहजं सुमुखि मुखं हन्त संमनुताम् ॥
३१०५१ अलकाश्च खलाश्चैव मूर्ध्नि भीरुजनैर्धृताः ।
३१०५२ उपर्युपरि सत्कारेऽप्याविष्कुर्वन्ति वक्रताम् ॥
३१०६१ अलकेषु चूर्णभासः स्वेदलवाभान् कपोलफलकेषु ।
३१०६२ नवघनकौतुकिनीनां वारिकणान् पश्यति कृतार्थः ॥
३१०७१ अलक्तको यथा रक्तो नरः कामी तथैव च ।
३१०७२ हृतसारस्तथा सोऽपि पादमूले निपात्यते ॥
३१०८१ अलक्तको यथा रक्तो निष्पीड्य पुरुषस्तथा ।
३१०८२ अबलाभिर्बलाद्रक्तः पादमूले निपात्यते ॥
३१०९१ अलक्षितकुचाभोगं भ्रमन्ती नृत्यभूमिषु ।
३१०९२ स्मरेणापि सरोजाक्षी न लक्ष्यीक्रियते शरैः ॥
३११०१ अलक्षितगतागतैः कुलवधूकटाक्षैरिव क्षणानुनयशीतलैः प्रणयकेलिकोपैरिव ।
३११०२ सुवृत्तमसृणोन्नतैर्मृगदृशामुरोजैरिव त्वदीयतुरगैरिदं धरणिचक्रमाक्रम्यते ॥
३११११ अलक्ष्मीराविशत्येनं शयानमलसं नरम् ।
३१११२ निःसंशयं फलं लब्ध्वा दक्षो भूतिमुपाश्नुते ॥
३११२१ अलघुता जठरस्य कुचौ गता चरणचञ्चलता नयने गता ।
३११२२ सखि विलोकय मे तनुचेष्टितं विनिमयप्रगतं नवयौवनम् ॥
३११३१ अलघूपलपङ्क्तिशालिनीः परितो रुद्धनिरन्तराम्बराः ।
३११३२ अधिरूढनितम्बभूमयो न विमुञ्चन्ति चिराय मेखलाः ॥
३११४१ अलङ्घ्यं तत्तदुद्वीक्ष्य यद्यदुच्चैर्महीभृताम् ।
३११४२ प्रियतां ज्यायसीं मा गान्महतां केन तुङ्गता ॥
३११५१ अलङ्घ्यं सर्वेषामिह खलु फलं कर्मजनितं विपत्कर्मप्रैष्या व्यथयति न जातासि हृदयम् ।
३११५२ यदज्ञाः कुर्वन्ति प्रसभमुपहासं धनमदादिदं त्वन्तर्गाढं परमपरितापं जनयति ॥
३११६१ अलब्धं चैव लिप्सेत लब्धं रक्षेत्प्रयत्नतः ।
३११६२ रक्षितं वर्धयेच्चैव वृद्धं पात्रेषु निक्षिपेत् ॥
३११७१ अलब्धदुग्धादिरसो रसावहं तदुद्भवो निम्बरसं कृमिर्यथा ।
३११७२ अदृष्टजैनेन्द्रवचोरसायनस्तथा कुतत्त्वं मनुते रसायनम् ॥
३११८१ अलब्धमिच्छेद्दण्डेन लब्धं रक्षेदवेक्षया ।
३११८२ रक्षितं वर्धयेद्वृद्ध्या वृद्धं पात्रेषु निक्षिपेत् ॥
३११९१ अलब्धमीहेद्धर्मेण लब्धं यत्नेन पालयेत् ।
३११९२ पालितं वर्धयेन्नीत्या वृद्धं पात्रेषु निक्षिपेत् ॥
३१२०१ अलब्धलिप्सा न्यायेन लब्धस्य च विवर्धनम् ।
३१२०२ परिवृद्धस्य विधिवत्पात्रे संप्रतिपादनम् ॥
३१२११ अलब्धवेतनो लुब्धो मानी चाप्यवमानितः ।
३१२१२ क्रुद्धश्च कोपितोऽकस्मात्तथा भीतश्च भीषितः ॥
३१२२१ यथाभिलषितैः कामैर्भिन्द्यादेतांश्चतुर्विधान् ।
३१२२२ परपक्षे स्वपक्षे च यथावत्प्रशमं नयेत् ॥
३१२३१ अलब्धान्तः प्रवेशस्य तारमाक्रन्दतो बहिः ।
३१२३२ प्रभो करुणया कर्णे क्रियन्तां कृपणोक्तयः ॥
३१२४१ अलब्धे रागिणो लोका अहो लब्धे विरागिणः ।
३१२४२ हेमन्ते तापमीहन्ते हन्त ग्रीष्मे हिमं पुनः ॥
३१२५१ अलब्ध्वापि धनं राज्ञः संश्रिता यान्ति संपदम् ।
३१२५२ महाह्रदसमीपस्थं पश्य नीलं वनस्पतिम् ॥
३१२६१ अलब्ध्वा यदि वा लब्ध्वा नानुशोचन्ति पण्डिताः ।
३१२६२ आनन्तर्यं चारभते न प्राणानां धनायते ॥
३१२७१ अलभन्त नभःक्षेत्रे तारास्तरलकान्तयः ।
३१२७२ त्विषं तुषारबीजानां नूतनाङ्कुरशालिनाम् ॥
३१२८१ अलभ्यं लप्स्यमानेन तत्त्वं जिज्ञासुना चिरम् ।
३१२८२ जिगीषुणा ह्रियं त्यक्त्वा कार्यं कोलाहलो महान् ॥
३१२९१ अलभ्यं लब्धुकामस्य जनस्य गतिरीदृशी ।
३१२९२ अलब्धेषु मनस्तापः संचितार्थो विनश्यति ॥
३१३०१ अलभ्यलाभाय च लब्धवृद्धये यथार्हतीर्थप्रतिपादनाय च ।
३१३०२ यशस्विनं वेदविदं विपश्चितं बहुश्रुतं ब्राह्मणमेव वासय ॥
३१३११ अलमतिचपलत्वात्स्वप्नमायोपमत्वात्परिणतिविरसत्वात्संगमेनाङ्गनायाः ।
३१३१२ इति यदि शतकृत्वस्तत्त्वमालोचयामस्तदपि न हरिणाक्षीं विस्मरत्यन्तरात्मा ॥
३१३२१ अलमथवा बहुवादैर्विरचय लोकानुरागनिर्बन्धम् ।
३१३२२ तत्रैकत्र समग्रं तन्निहितं यन्न जातु संनिहितम् ॥
३१३३१ अलमन्ध भुजायष्टिभ्रान्त्या भ्रातर्जडस्य ते ।
३१३३२ दंशाय दंदशूकोऽयं दंशमुद्रां न मुञ्चति ॥
३१३४१ अलमन्यथा गृहीत्वा न खलु मनस्विनि मया प्रयुक्तमिदम् ।
३१३४२ प्रायः समानविद्याः परस्परयशःपुरोभागाः ॥
३१३५१ अलमन्यैरुपालम्भैः कीर्तितैश्च व्यतिक्रमैः ।
३१३५२ पेशलं चानुरूपं च कर्तव्यं हितमात्मनः ॥
३१३६१ अलमप्रियाण्युदित्वा रुचिरार्थाः किमिह न स्थिता वाचः ।
३१३६२ अमृतमिति वचसि सत्यपि विषमिति हि किमुच्यते वारि ॥
३१३७१ अलमभिमुखैर्बद्धैर्भोगैरलं भ्रमिभिर्दृशोरलमविरलैर्गर्जोद्गारैरलं विषवृष्टिभिः ।
३१३७२ किमिह भुजगाः कोपावेगैरमीभिरमुद्रितैर्ननु भगवतस्तार्क्ष्यस्यैते वयं स्तुतिपाठकाः ॥
३१३८१ अलमलमघृणस्य तस्य नाम्ना पुनरपि सैव कथा गतः स कालः ।
३१३८२ कथय कथय वा तथापि दूति प्रतिवचनं द्विषतोऽपि माननीयम् ॥
३१३९१ अलमलमतिमात्रं साहसेनामुना ते त्वरितमयि विमुञ्च त्वं लतापाशमेनम् ।
३१३९२ चलितमपि निरोद्धुं जीवितं जीवितेशे क्षणमिह मम कण्ठे बाहुपाशं निधेहि ॥
३१४०१ अलमलमतिवृद्ध्या स्थीयतां तस्य पश्यस्यकरुण करभोरोर्भज्यते मध्यमेतत् ।
३१४०२ इति गुरुजघनाज्ञाचोदिता रोमराजिः स्तनयुगमसिताक्ष्या वक्तुमारोहतीव ॥
३१४११ अलमलमनुगम्य प्रस्थितं प्राणनाथं प्रथमविरहशोके न प्रतीकार एषः ।
३१४१२ सपदि रमणयात्रा श्रेय इत्यारटन्त्या चरणपतनपूर्वं सा निरुद्धेव काञ्च्या ॥
३१४२१ अलमलमियमेव प्राणिनां पातकानां निरसनविषये या कृष्ण कृष्णेति वाणी ।
३१४२२ यदि भवति मुकुन्दे भक्तिरानन्दसान्द्रा विलुठति चरणाब्जे मोक्षसाम्राज्यलक्ष्मीः ॥
३१४३१ अलमात्मीयं विदितं विदितं धनिकस्य याचकोऽवहितः ।
३१४३२ चन्द्रं ब्रवीति चटकं चटकं चन्द्रं च लोभलोलमना ॥
३१४४१ अलमादिवराहेण वटुदासं परं स्तुमः ।
३१४४२ जगदुद्धरता येन न वक्रीकृतमाननम् ॥
३१४५१ अलमुदकेन तृणैर्वा मनस्विना प्राणधारणा कार्या ।
३१४५२ नासंस्कृतश्च पुरुषः प्राकृतसत्त्वः प्रणयितव्यः ॥
३१४६१ अललितगतिरुच्चैः स्थूलवक्राङ्गुलीकं वहति चरण युग्मं कन्धरां ह्रस्वपीनाम् ।
३१४६२ कपिलकचकलापा क्रूरचेष्टातिपीना द्विरदमदविगन्धिः स्वाङ्ककेऽनङ्कके च ॥
३१४७१ द्विगुणकटुकषायप्रायभुग्वीतलज्जा लुलदतिविपुलोष्ठी दुःखसाध्या प्रयोगे ।
३१४७२ बहिरपि बहुरोमात्यन्तमन्तर्विशालं वहति जघनरन्ध्रं हस्तिनी गद्गदोक्तिः ॥
३१४८१ अलसं मुखरं स्तब्धं क्रूरं व्यसनिनं शठम् ।
३१४८२ असंतुष्टमभक्तं च त्यजेद्भृत्यं नराधिपः ॥
३१४९१ अलसं वपुषि श्लथं दुकूले चपलं चेतसि धूसरं कपोले ।
३१४९२ चकितं नयने स्तने विलोलं तव नामश्रवणं तनूदरीणाम् ॥
३१५०१ अलसं विक्रमश्रान्तं विहतोपायचेष्टितम् ।
३१५०२ क्षयव्ययप्रवासैश्च श्रमेण विपरिद्रुतम् ॥
३१५११ भीरुं मूर्खं स्त्रियं बालं धार्मिकं दुर्जनं पशुम् ।
३१५१२ मैत्रीप्रधानं कल्याणबुद्धिं सान्त्वेन साधयेत् ॥
३१५२१ अलसभुजलताभिर्नादृतो नागरीभिर्भवनदमनकानां नातिथिर्वा बभूव ।
३१५२२ त्वदरिनगरमध्ये संचरंश्चैत्रजन्मा जरदजगरपीतः क्षीयते गन्धवाहः ॥
३१५३१ अलसमधुरा स्निग्धा दृष्टिर्घनत्वमुपागता किसलयरुचिर्निस्ताम्बूलस्वभावधरोधरः ।
३१५३२ त्रिवलिवलया लेखोन्नेया घटन्त इवैकतः प्रकृतिसुभगा गर्भेणासौ किमप्युपपादिता ॥
३१५४१ अलसमुकुलिताक्षं वक्त्रमालोक्य तस्या मयि विलुलितचित्ते मूकभावं प्रपन्ने ।
३१५४२ श्रवणकुवलयान्तश्चारिणा षट्पदेन क्षणमनुगतनादं गीतमन्तः स्मरामि ॥
३१५५१ अलसयति गात्रमधिकं भ्रमयति चेतस्तनोति संतापम् ।
३१५५२ मोहं च मुहुः कुरुते विषमविषं वीक्षितं तस्याः ॥
३१५६१ अलसलुलितमुग्धान्यध्वसंपातखेदादशिथिलपरिरम्भैर्दत्तसंवाहनानि ।
३१५६२ परिमृदितमृणालीदुर्बलान्यङ्गकानि त्वमुरसि मम कृत्वा यत्र निद्रामवाप्ता ॥
३१५७१ अलसवलितैः प्रेमार्द्रार्द्रैर्मुहुर्मुकुलीकृतैः क्षणमभिमुखैर्लज्जालोलैर्निमेषपराङ्मुखैः ।
३१५७२ हृदयनिहितं भावाकूतं वमद्भिरिवेक्षणैः कथय सुकृती कोऽयं मुग्धे त्वयाद्य विलोक्यते ॥
३१५८१ अलसविलसन्मुग्धस्निग्धस्मितं व्रजसुन्दरीमदनकदनस्विन्नं धन्यं महद्वदनाम्बुजम् ।
३१५८२ तरुणमरुणज्योत्स्नाकार्त्स्न्यस्मितस्नपिताधरं जयति विजयश्रेणीमेणीदृशां मदयन्महः ॥
३१५९१ अलसविलसितानामुल्लसद्भ्रूलतानां मसृणमुकुलितानां प्रान्तविस्तारितानाम् ।
३१५९२ प्रतिनयननिपाते किंचिदाकुञ्चितानां विविधमहमभूवं पात्रमालोकितानाम् ॥
३१६०१ अलसस्य कुतो विद्या अविद्यस्य कुतो धनम् ।
३१६०२ अधनस्य कुतो मित्रममित्रस्य कुतः सुखम् ॥
३१६११ अलसस्याल्पदोषस्य निर्विद्यस्याकृतात्मनः ।
३१६१२ प्रदानकाले भवति मातापि हि पराङ्मुखी ॥
३१६२१ अलसानपि न्न् रक्षेन्न कृतघ्नान् कदाचन ।
३१६२२ द्विषतोऽपि गुणाः काम्याः सुहृदोऽपि न दुर्गुणाः ॥
३१६३१ अलसारुणलोचनारविन्दां परिभोगोचितधूसरैकचेलाम् ।
३१६३२ शिथिलाकुलवेणिबन्धरम्यामबलामन्तिकशायिनीं दिदृक्षे ॥
३१६४१ अलसैर्मदेन सुदृशः शरीरकैः स्वगृहान् प्रति प्रतिययुः शनैः शनैः ।
३१६४२ अलघुप्रसारितविलोचनाञ्जलि द्रुतपीतमाधवरसौघनिर्भरैः ॥
३१६५१ अलसो मन्दबुद्धिश्च सुखी च व्याधिपीडितः ।
३१६५२ निद्रालुः कामुकश्चैव षडेते शास्त्रवर्जिताः ॥
३१६६१ अलाबुं वर्तुलाकारं वार्ताकं कुन्दसंनिभम् ।
३१६६२ प्राणान्तेऽपि न चाश्नीयान्मसूरान्नं सवल्कलम् ॥
३१६७१ अलाबुबीजं त्रपुसस्य बीजं तस्यैव तोयेन च तन्निषिक्तम् ।
३१६७२ आलेपनाद्यैर्विधिवत्प्रयुक्तं हन्याद्विषं तक्षकसंभवं च ॥
३१६८१ अलाभात्पुरुषाणां हि भयात्परिजनस्य च ।
३१६८२ वधबन्धभयाच्चापि स्वयं गुप्ता भवन्ति ताः ॥
३१६९१ अलिकुलमञ्जुलकेशी परिमलबहुला रसावहा तन्वी ।
३१६९२ किशलयपेशलपाणिः कोकिलकलभाषिणी प्रियतमा मे ॥
३१७०१ अलिनीलालकलतं कं न हन्ति घनस्तनि ।
३१७०२ आननं नलिनच्छायनयनं शशिकान्ति ते ॥
३१७११ अलिपटलैरनुयातां सहृदयहृदयज्वरं विलुम्पन्तीम् ।
३१७१२ मृगमदपरिमललहरीं समीर पामरपुरे किरसि ॥
३१७२१ अलिभिरञ्जनबिन्दुमनोहरैः कुसुमपङ्क्तिनिपातिभिरङ्कितः ।
३१७२२ न खलु शोभयति स्म वनस्थलीं न तिलकस्तिलकः प्रमदामिव ॥
३१७३१ अलियुवा विललास चिराय यस्त्रिदशशैवलिनीकमलोदरे ।
३१७३२ विधिवियोगनियोगवशीकृतो गततरौ स मरौ रमते कथम् ॥
३१७४१ अलिरनुसरति परिमलं लक्ष्मीरनुसरति नयगुणसमृद्धिम् ।
३१७४२ निम्नमनुसरति सलिलं विधिलिखितं बुद्धिरनुसरति ॥
३१७५१ अलिरयं नलिनीदलमध्यगः कमलिनीमकरन्दमदालसः ।
३१७५२ विधिवशात्परदेशमुपागतः कुटजपुष्परसं बहु मन्यते ॥
३१७६१ अलिर्मृगो वा नेत्रं वा यत्र किंचिद्विभासते ।
३१७६२ अरविन्दं मृगाङ्को वा मुखं वेदं मृगीदृशः ॥
३१७७१ अलिवलयैरलकैरिव कुसुमस्तबकैः स्तनैरिव वसन्ते ।
३१७७२ भान्ति लता ललना इव पाणिभिरिव किसलयैः सपदि ॥
३१७८१ अलीक एव त्वद्भावो मद्भावोऽलीक एव च ।
३१७८२ अनुभूतोऽप्यसद्रूपः स्वप्ने स्वमरणं यथा ॥
३१७९१ अलीकरूपो यदि मध्यभागः पयोधराकारभृतश्च केशाः ।
३१७९२ उत्सङ्गशोभापि सरोरुहाक्ष्याः करस्य शोभां कलयेन्न कस्मात् ॥
३१८०१ अलीकव्यामुक्तप्रचुरकबरीबन्धनमिषादुदञ्चद्दोर्वल्लीद्वयधृतपरीवेशनिहितः ।
३१८०२ अयं जृम्भारम्भस्फटिकशुचिदन्तांशुनिचयो मुखेन्दुर्गौराङ्ग्या गलितमृगज्ञक्ष्मा विजयते ॥
३१८११ अलीनां मालाभिर्विरचितजटाभारमहिमा परागैः पुष्पाणामुपरचितभस्मव्यतिकरः ।
३१८१२ वनानामाभोगे कुसुमवति पुष्पोच्चयपरो मरुन्मन्दं मन्दं विचरति परिव्राजक इव ॥
३१८२१ अलुप्तसत्त्वकोशानां महत्त्वं महतां हि किम् ।
३१८२२ आकर्णितां परस्यार्तिं न चेच्छिन्दन्ति तत्क्षणम् ॥
३१८३१ अलुब्धैः सह सौहार्दं पण्डितैः सह संकथा ।
३१८३२ उत्तमैः सह सङ्गश्च विधेयाः सुखमिच्छता ॥
३१८४१ अलोभः परमं वित्तमहिंसा परमं तपः ।
३१८४२ अमाया परमा विद्या निरवद्या मनीषिणाम् ॥
३१८५१ अलोमशं पूर्णशशाङ्कशोभं मुखं तु यूनां कतिचिद्दिनानि ।
३१८५२ जाते ततः श्मश्रुविशालजाले शेवाललीनाब्जतुलां बिभर्ति ॥
३१८६१ अलौकिकमहालोकप्रकाशितजगत्त्रयः ।
३१८६२ स्तूयते देव सद्वंशमुक्तारत्नं न कैर्भवान् ॥
३१८७१ अलौल्यमारोग्यमनिष्ठुरत्वं गन्धः शुभो मूत्रपुरीषमल्पम् ।
३१८७२ कान्तिः प्रसादः स्वरसौम्यता च योगप्रवृत्तेः प्रथमं हि चिह्नम् ॥
३१८८१ अल्पं किंचिच्छ्रियं प्राप्य नीचो गर्वायते लघु ।
३१८८२ पद्मपत्रतले भेको मन्यते दण्डधारिणम् ॥
३१८९१ अल्पं दर्पबलं दैत्य स्थिरमक्रोधज बलम् ।
३१८९२ हतस्त्वं दर्पजैर्दोषैर्हित्वा यो भाषसे क्षमाम् ॥
३१९०१ अल्पं निर्मितमाकाशमनालोच्यैव वेधसा ।
३१९०२ इदमेवंविधं भावि भवत्याः स्तनजृम्भनम् ॥
३१९११ अल्पतोऽधिकतः साध्यं लघुनैव प्रसाधयेत् ।
३१९१२ भूप्रदक्षिणतोऽहल्यां गौतमः कपिलां भ्रमन् ॥
३१९२१ अल्पतोयश्चलत्कुम्भो ह्यल्पदुग्धाश्च धेनवः ।
३१९२२ अल्पविद्यो महागर्वी कुरूपी बहुचेष्टितः ॥
३१९३१ अल्पप्रभोस्तु सेवायां भुक्तिमात्रं प्रयोजनम् ।
३१९३२ अनुग्रहमजामूल्यं निग्रहं प्राणसंकटम् ॥
३१९४१ अल्पमप्यवमन्येत न शत्रुर्बलदर्पितः ।
३१९४२ रामेण रामः शिशुना ब्राह्मण्यदययोज्झितः ॥
३१९५१ अल्पश्रुतलव एव प्रायः प्रकटयति वाग्विभवमुच्चैः ।
३१९५२ सर्वत्र कुनट एव हि नाटकमधिकं विडम्बयति ॥
३१९६१ अल्पसारोऽपि यो मोहाद्विस्तारं कर्तुमिच्छति ।
३१९६२ पश्चाच्छोचति दुर्बुद्धिर्नालिकेरबको यथा ॥
३१९७१ अल्पाक्षररमणीयं यः कथयति निश्चितं स खलु वाग्मी ।
३१९७२ बहुवचनमल्पसारं यः कथयति विप्रलापी सः ॥
३१९८१ अल्पानामपि वस्तूनां संहतिः कार्यसाधिका ।
३१९८२ तृणैर्गुणत्वमापन्नैर्बध्यन्ते मत्तदन्तिनः ॥
३१९९१ अल्पापकारमपि पार्श्वगतं निहन्ति नीचो न दूरमसमागसमप्यरातिम् ।
३१९९२ श्वा निर्दशत्युपलमन्तिकमापतन्तं तत्त्यागिनं न तु विदूरगमुग्ररोषः ॥
३२००१ अल्पायां वा महत्यां वा सेनायामिति निश्चयः ।
३२००२ हर्षो योधगणस्यैको जयलक्षणमुच्यते ॥
३२०११ अल्पाश्च गुणाः स्फीता भवन्ति गुणसमुदितेषु पुरुषेषु ।
३२०१२ श्वेतगिरिशिखरकेष्विव निशासु चन्द्रांशवः पतिताः ॥
३२०२१ अल्पाश्रयं समासाद्य महानप्यल्पको भवेत् ।
३२०२२ गजेन्द्रः पर्वताकारो यथा दर्पणमाश्रितः ॥
३२०३१ अल्पीयःस्खलनेन यत्र पतनं कृच्छ्रेण यत्रोन्नतिर्द्वारे वेत्रलतावितानगहने कष्टः प्रवेशक्रमः ।
३२०३२ हे सारङ्ग मनोरमा वनभुवस्त्यक्त्वा विशेषार्थिना किं भूभृत्कटकस्थितिव्यसनिना व्यर्थं खुराः शातिताः ॥
३२०४१ अल्पीयसामेव निवासभूमि त्यागाद्विपत्तिर्महतां न जातु ।
३२०४२ रत्नाकरात्सन्मणयोऽभियान्ति राज्ञां शिरः काकमुखानि भेकाः ॥
३२०५१ अल्पीयसैव पयसा यत्कुम्भः पूर्यते प्रसिद्धं तत् ।
३२०५२ ब्राह्मं तेजः पश्यत कुम्भोद्भूतः पपौ वार्धिम् ॥
३२०६१ अल्पेच्छुर्धृतिमान् प्राज्ञश्छायेवानुगतः सदा ।
३२०६२ आदिष्टो न विकल्पेत स राजवसतिं वसेत् ॥
३२०७१ अल्पेन विभवेनैव व्ययाधिक्यं न युक्तितः ।
३२०७२ क्षीणेन वाससाच्छन्ने पादविस्तारणं यथा ॥
३२०८१ अल्पेनापि सुरक्तेन साधनेन प्रयोजनम् ।
३२०८२ ओष्ठद्वयसहायेन कान्तास्येन जगज्जितम् ॥
३२०९१ अल्पेनैव गुणेन हि कश्चिल्लोके प्रसिद्धिमुपयाति ।
३२०९२ एकेन करेण गजः करी न सूर्यः सहस्रेण ॥
३२१०१ अल्पेऽपि नृपतिदत्ते प्रतिश्रुते वापि दातुमेतेन ।
३२१०२ उत्थायाशीर्देया क्वचिदुपविश्यापि परिषदौचित्यात् ॥
३२१११ अल्पेऽप्यपकृते मोहान्न शान्तिमुपगच्छति ।
३२११२ तादृशैः संगतं नीचैर्नृशंसैरकृतात्मभिः ।
३२११३ निशाम्य निपुणं बुद्ध्या विद्वान् दूराद्विवर्जयेत् ॥
३२१२१ अल्पे वयसि हे बाले कुचयोः पतनः कुतः ।
३२१२२ अधस्तात्खनने मूढ गिरयो न पतन्ति किम् ॥
३२१३१ अल्पोऽपि ह्यरिरत्यन्तं वर्धमानपराक्रमः ।
३२१३२ वल्मीको मूलज इव ग्रसते वृक्षमन्तिकात् ॥
३२१४१ अवंशपतितो राजा मूर्खपुत्रश्च पण्डितः ।
३२१४२ अधनी हि धनं प्राप्य तृणवन्मन्यते जगत् ॥
३२१५१ अवकाशः सुवृत्तानां हृदयान्तर्न योषिताम् ।
३२१५२ इतीव विहितौ धात्रा सुवृत्तौ तद्बहिः कुचौ ॥
३२१६१ अवकेशिनोऽस्य युक्तं जानामि तरोरशोक इति नाम ।
३२१६२ फलपाकविधुरितात्मा यतोऽन्यथासौ सशोकः स्यात् ॥
३२१७१ अवक्रस्तारकाधीशः परिपूर्णप्रियोदयः ।
३२१७२ प्राचीं दिशमतिक्रम्य पतनं प्रतिपद्यते ॥
३२१८१ अवक्रे मांसहीने च वाजिजङ्घे सुशोभने ।
३२१८२ कूर्चं समं सुसंधि स्याद्ग्रन्थिव्रणविवार्जितम् ॥
३२१९१ अवगच्छति मूढचेतनः प्रियनाशं हृदि शल्यमर्पितम् ।
३२१९२ स्थिरधीस्तु तदेव मन्यते कुशलद्वारतया समुद्धृतम् ॥
३२२०१ अवगम्य कथीकृतं वपुः प्रियबन्धोस्तव निष्फलोदयः ।
३२२०२ बहुलेऽपि गते निशाकरस्तनुतां दुःखमनङ्ग मोक्ष्यति ॥
३२२११ अवचनं वचनं प्रियसंनिधावनवलोकनमेव विलोकनम् ।
३२२१२ अवयवावरणं च यदञ्चल व्यतिकरेण तदङ्गसमर्पणम् ॥
३२२२१ अवचयपरिभोगवन्ति हिंस्रैः सहचरितान्यमृगाणि काननानि ।
३२२२२ अभिदधुरभितो मुनिं वधूभ्यः समुदितसाध्वसविक्लवं च चेतः ॥
३२२३१ अवचितकुसुमा विहाय वल्लीर्युवतिषु कोमलमाल्यमालिनीषु ।
३२२३२ पदमुपदधिरे कुलान्यलीनां नपरिचयो मलिनात्मनां प्रधानम् ॥
३२२४१ अवचितबलिपुष्पा वेदिसंमार्गदक्षा नियमविधिजलानां बर्हिषां चोपनेत्री ।
३२२४२ गिरिशमुपचचार प्रत्यहं सा सुकेशी नियमितपरिखेदा तच्छिरश्चन्द्रपादैः ॥
३२२५१ अवजितमधुना तवाहमक्ष्णो रुचिरतयेत्यवनम्य लज्जयेव ।
३२२५२ श्रवणकुवलयं विलासवत्या भ्रमररुतैरुपकर्णमाचचक्षे ॥
३२२६१ अवज्ञया दीयते यत्तथैवाश्रद्धयापि च ।
३२२६२ तदाहुरधमं दानं मुनयः सत्यवादिनः ॥
३२२७१ अवज्ञया न दातव्यं कस्य चिल्लीलयापि वा ।
३२२७२ अवज्ञया कृतं हन्याद्दातारं नात्र संशयः ॥
३२२८१ अवज्ञया यदहसदुच्चकैर्बलः समुल्लसद्दशनमयूखमण्डलः ।
३२२८२ रुषारुणीकृतमपि तेन तत्क्षणं निजं वपुः पुनरनयन्निजां रुचिम् ॥
३२२९१ अवज्ञातोऽपि दुष्टेन गुणो दोषो न मन्यते ।
३२२९२ नहि चम्पकसौगन्ध्यं पूतिर्भृङ्गावहेलया ॥
३२३०१ अवज्ञानसहस्रैस्तु दोषाः कष्टतरा धने ।
३२३०२ धने सुखकला या च सापि दुःखैर्विधीयते ॥
३२३११ अवज्ञास्फुटितं प्रेम समीकर्तुं क ईश्वरः ।
३२३१२ संधिं न याति स्फुटितं लाक्षालेपेन मौक्तिकम् ॥
३२३२१ अवतारा ह्यसंखेया हरेः सत्त्वनिधेर्द्विजाः ।
३२३२२ यथा विदासिनः कुल्याः सरसः स्युः सहस्रशः ॥
३२३३१ अवति निखिललोकं यः पितेवादृतात्मा दहति दुरितराशिं पावको वेन्धनौकम् ।
३२३३२ वितरति शिवसौख्यं हन्ति संसारशत्रुं विदधतु शुभबुद्ध्या तं बुधा धर्ममत्र ॥
३२३४१ अवतु वः सवितुस्तुरगावली स्फुरति मध्यगतारुणनायका ।
३२३४२ समभिलम्भिततुङ्गपयोधरा मरकतैकलतेव नभःश्रियः ॥
३२३५१ अवद्यजम्बालगवेषणाय कृतोद्यमानां खलसैरिभाणाम् ।
३२३५२ कवीन्द्रवाङ्निर्जरनिर्झरिण्यां संजायते व्यर्थमनोरथत्वम् ॥
३२३६१ अवद्यमुक्ते पथि यः प्रवर्तते प्रवर्तयत्यन्यजनं च निःस्पृहः ।
३२३६२ स सेवितव्यः स्वहितैषिणा गुरुः स्वयं तरंस्तारयितुं क्षमः परम् ॥
३२३७१ अवधानेन मौनेन काषायेण जटाजिनैः ।
३२३७२ विश्वासयित्वा द्वेष्टारमवलुम्पेद्यथा वृकः ॥
३२३८१ अवधारय धर्मेषु प्रधानमवधानतः ।
३२३८२ निर्भरानन्दकन्दाय गोविन्दाय मनोऽर्पय ॥
३२३९१ अवधार्य कार्यगुरुतामभवन्न भयाय सान्द्रतमसंतमसम् ।
३२३९२ सुतनोः स्तनौ च दयितोपगमे तनुरोमराजिपथवेपथवे ॥
३२४०१ अवधिदिनावधिजीवाः प्रसीद जीवन्तु पथिकजनजायाः ।
३२४०२ दुर्लङ्घ्यवर्त्मशैलौ स्तनौ पिधेहि प्रपापालि ॥
३२४११ अवधिदिवसः प्राप्तश्चायं तनोर्विरहस्य वा रविरयमुपैत्यस्तं सख्यो ममापि च जीवितम् ।
३२४१२ तदलमफलैराशाबन्धैः प्रसीद नमोऽस्तु ते हृदय सहसा पाकोत्पीडं विडम्बय दाडिमम् ॥
३२४२१ अवधिदिवसः सोऽयं नात्रागतः किमियत्क्षणं वितर नयने पश्यैतन्मे पुरः सखि साहसम् ।
३२४२२ इयमियमहं रूढज्वालाकरालितरोदसीं मलयजरसाभ्यक्तैरङ्गैः पताम्यभि कौमुदीम् ॥
३२४३१ अवधीरणां कृतवती भवती मयि यत्कुकर्ममहिमा स हि मे ।
३२४३२ यदि चातको न लभतेऽम्बु घनाद्वचनीयता भवति काम्बुमुचः ॥
३२४४१ अवधीरय धनविकलं कुरु गौरवमकृशसंपदः पुंसः ।
३२४४२ अस्मादृशं हि मुग्धे धनसिद्ध्यै रूपनिर्माणम् ॥
३२४५१ अवधूतप्रणिपाताः पश्चात्संतप्यमानमनसोऽपि ।
३२४५२ निभृतैर्व्यपत्रपन्ते दयितानुनयैर्मनस्विन्यः ॥
३२४६१ अवधूयारिभिर्नीता हरिणैस्तुल्यवृत्तिताम् ।
३२४६२ अन्योन्यस्यापि जिह्रीमः किं पुनः सहवासिनाम् ॥
३२४७१ अवधेहि क्षणमेहि भ्रातर्भावज्ञ भावय गिरं नः ।
३२४७२ चरमे चकास्ति चेतसि मूकस्वप्नोपमो भावः ॥
३२४८१ अवधौ दिवसावसानकाले भवनद्वारि विलोचने दधाना ।
३२४८२ अवलोक्य समागतं तदा मामथ रामा विकसन्मुखी बभूव ॥
३२४९१ अवध्यं वाथवागम्यमकृत्यं नास्ति किंचन ।
३२४९२ लोके बुद्धिमतामत्र तस्मात्तां योजयाम्यहम् ॥
३२५०१ अवध्या ब्राह्मणा गावो स्त्रियो बालाश्च ज्ञातयः ।
३२५०२ येषां चान्नानि भुञ्जीत ये च स्युः शरणागताः ॥
३२५११ अवध्यैरिन्दुपादानामसाध्यैश्चन्दनाम्भसाम् ।
३२५१२ देहोष्मभिः सुबोधं ते सखि कामातुरं मनः ॥
३२५२१ अवध्यो ब्राह्मणो बालः स्त्री तपस्वी च रोगभाक् ।
३२५२२ येषां चान्नानि भुक्तानि ये च स्युः शरणं गताः ॥
३२५३१ अवध्यो ब्राह्मणो बालः स्त्री तपस्वी च रोगभाक् ।
३२५३२ विहिता व्यङ्गिता तेषामपराधे गरीयसि ॥
३२५४१ अवनतवदनेन्दुरिच्छतीव व्यवधिमधीरतया यदस्थितास्मै ।
३२५४२ अहरत सुतरामतोऽस्य चेतः स्फुटमभिभूषयति स्त्रियस्त्रपैव ॥
३२५५१ अवनतशिरसः प्रयाम शीघ्रं पथि वृषभा इव वर्षताडिताक्षाः ।
३२५५२ मम हि सदसि गौरवप्रियस्य कुलजनदर्शनकातरं हि चक्षुः ॥
३२५६१ अवनम्य वक्षसि निमग्नकुच द्वितयेन गाढमुपगूढवता ।
३२५६२ दयितेन तत्क्षणचलद्रशना कलकिंकिणीरवमुदासि वधूः ॥
३२५७१ अवनौ शनैः शनैस्त्वं निदधासि पदद्वयं स्वस्य ।
३२५७२ लक्ष्यं पश्यसि न वदसि भजसि जलं बक ततोऽसि सितः ॥
३२५८१ अवन्तिः काव्यमानर्च भर्चोर्मौखरिशेखरः (?) ।
३२५८२ शिष्यो बाणश्च संक्रान्तकान्तवेद्यवचाः कविः ॥
३२५९१ अवन्तिनाथोऽयमुदग्रबाहुर्विशालवक्षास्तनुवृत्तमध्यः ।
३२५९२ आरोप्य चक्रभ्रममुष्णतेजास्त्वष्ट्रेव यत्नोल्लिखितो विभाति ॥
३२६०१ अवन्ति ये जनकसमा मुनीश्वराश्चतुर्विधं गणमनवद्यवृत्तयः ।
३२६०२ स्वदेहवद्दलितमदाष्टकारयो भवन्तु ते मम गुरवो भवान्तकाः ॥
३२६११ अवन्ध्यं दिवसं कुर्याद्धर्मतः कामतोऽर्थतः ।
३२६१२ गते हि दिवसे तस्मिंस्तदूनं तस्य जीवितम् ॥
३२६२१ अवन्ध्यकोपस्य विहन्तुरापदां भवन्ति वश्याः स्वयमेव देहिनः ।
३२६२२ अमर्षशून्येन जनस्य जन्तुना न जातहार्देन न विद्विषादरः ॥
३२६३१ अवमानहतं यच्च दत्तमश्रद्धया धनम् ।
३२६३२ ऊषरे निष्फलं बीजं क्षिप्तमक्षिप्तमेव तत् ॥
३२६४१ अवमानारणिमथितं दुर्वागिन्धनविवर्धितज्वालम् ।
३२६४२ सत्पुरुषाः कोपाग्निं ज्ञानाम्बुघटैः प्रशमयन्ति ॥
३२६५१ अवमानेन महतां प्रहर्षक्रोधविस्मयैः ।
३२६५२ तपांसि क्षयमायान्ति यशांसीव सुदुर्नयैः ॥
३२६६१ अवमुक्तमपक्रान्तमुख्यं तन्न क्षमं युधि ।
३२६६२ पितृपैतामहं मौलं तत्क्रुद्धं सान्त्वितं क्षमम् ॥
३२६७१ अवयः केवलकवयः कीराः स्युः केवलं धीराः ।
३२६७२ वीराः पण्डितकवयस्तानवमन्ता तु केवलं गवयः ॥
३२६८१ अवयवेषु परस्परबिंबितेष्वतुलनिर्मलकान्तिषु तत्तनोः ।
३२६८२ अयमयं प्रविभाग इति स्फुटं जगति निश्चिनुते चतुरोऽपि कः ॥
३२६९१ अवलम्बितविष्णुपदः कर्षितजनचक्षुरतुलगतिः ।
३२६९२ पत्रमयोऽपि पदार्थः पतङ्गतामेति गुणयोगात् ॥
३२७०१ अवलिप्तेषु मूर्खेषु रौद्रसाहसिकेषु च ।
३२७०२ तथैवापेतधर्मेषु न मैत्रीमाचरेद्बुधः ॥
३२७११ अवलेपमनङ्गस्य वर्धयन्ति बलाहकाः ।
३२७१२ कर्शयन्ति तु धर्मस्य मारुतोद्धूतशीकराः ॥
३२७२१ अवलोकनमपि सुखयति कुवलयदलचारुचपलनयनायाः ।
३२७२२ किं पुनरलकचलद्द्युति सरभसमालिङ्गनं तन्व्याः ॥
३२७३१ अवलोकितमनुमोदित मालिङ्गितमङ्गनाभिरनुरागैः ।
३२७३२ अधिवृन्दावनकुञ्जं मरकतपुञ्जं नमस्यामः ॥
३२७४१ अवलोक्य नर्तितशिखण्डिमण्डलैर्नवनीरदैर्निचुलितं नभस्तलम् ।
३२७४२ दिवसेऽपि वञ्जुलनिकुञ्जमित्वरी विशति स्म वल्लभवतंसितं रसात् ॥
३२७५१ अवलोक्य स्तनौ वध्वा गुञ्जाफलविभूषितौ ।
३२७५२ निःश्वस्य रोदिति क्लिष्टा कुतो व्याधकटुम्बिनी ॥
३२७६१ अवशेन्द्रियचित्तानां हस्तिस्नानमिव क्रिया ।
३२७६२ दुर्भगाभरणप्रायो ज्ञानं भारः क्रियां विना ॥
३२७७१ अवश्यं कोपाग्निस्तव सुतनु निर्वास्यति चिरात्स्वशोभामारूढं मुखमपि च ते हास्यति शुचम् ।
३२७७२ भवद्गोष्ठीशून्या मम तु दिवसा यान्ति य इमे न तेषामावृत्तिः पुनरपि मनो दूयत इति ॥
३२७८१ अवश्यं निधनं सर्वैर्गन्तव्यमिह मानवैः ।
३२७८२ अवश्यभाविन्यर्थे वै संतापो नेह विद्यते ॥
३२७९१ अवश्यं पितुराचारं पुत्रः समनुवर्तते ।
३२७९२ नहि केतकवृक्षस्य भवत्यामलकीफलम् ॥
३२८०१ ... ... ... ... ... ... ।
३२८०२ अवश्यं प्राणिनां प्राणा रक्षितव्या यथाबलम् ॥
३२८११ अवश्यं भाविनं नाशं भावित्वाद्विध्युपस्थितम् ।
३२८१२ अयमेव हि ते कालः पूर्वमासीदनागतः ॥
३२८२१ अवश्यं भाविनो भावा भवन्ति महातमपि ।
३२८२२ नग्नत्वं नीलकण्ठस्य महाहिशयनं हरेः ॥
३२८३१ अवश्यंभाविभावानां प्रतीकारो भवेद्यद ।
३२८३२ तदा दुःखैर्न बाध्यन्ते नलरामयुधिष्ठिराः ॥
३२८४१ अवश्यं यातारश्चिरतरमुषित्वापि विषया वियोगे को भेदस्त्यजति न जनो यत्स्वममून् ।
३२८४२ व्रजन्तः स्वातन्त्र्यादतुलपरितापाय मनसः स्वयं त्यक्ता ह्येते शमसुखमनन्तं विदधति ॥
३२८५१ अवश्यं लभते कर्ता फलं पापस्य कर्मणः ।
३२८५२ घोरं पर्यागते काले द्रुमः पुष्पमिवार्तवम् ॥
३२८६१ अवश्यकारणैः प्राणान् धारयत्येव चातकः ।
३२८६२ प्रार्थनाभङ्गभीतोऽपि शक्रादपि न याचते ॥
३२८७१ अवश्यगत्वरैः प्राणैर्मृत्युकाले महात्मनाम् ।
३२८७२ परोपकारश्चेत्कश्चित्सिध्येत्तदमृतं मृतम् ॥
३२८८१ अवश्यनिष्पत्तिमहाफलाढ्यामदीर्घसूत्रां परिणामकल्याम् ।
३२८८२ कामं व्ययायासकरीमुपेयान्न त्वेव जातु क्षयदोषयुक्ताम् ॥
३२८९१ अवश्यभव्येष्वनवग्रहग्रहा यया दिशा धावति वेधसः स्पृहा ।
३२८९२ तृणेन वात्येव तयानुगम्यते जनस्य चित्तेन भृशावशात्मना ॥
३२९०१ अवश्यमायान्ति वशं विपश्चितामुपायसंदंशबलेन संपदः ।
३२९०२ भवत्युदारं विधिवत्प्रयोजिते फलं हि राज्ञां क्वचिदर्थसिद्धये ॥
३२९११ अवश्यमिन्द्रियैस्तात वर्तितव्यं स्वगोचरे ।
३२९१२ चण्डरागस्तु यस्तत्र तं बुधः परिवर्जयेत् ॥
३२९२१ अवश्यमेव भोक्तव्यं कर्मणां त्वक्षयं फलम् ।
३२९२२ नाभुक्तं क्षीयते कर्म कल्पकोटिशतैरपि ॥
३२९३१ अवश्यमेव भोक्तव्यं कृतं कर्म शुभाशुभम् ।
३२९३२ कृतकर्मक्षयो नास्ति कल्पकोटिशतैरपि ॥
३२९४१ अवश्यायकणैः प्राणान् संधारयति तित्तिरिः ।
३२९४२ याच्ञाभङ्गभयाद्भीतो न दैवमपि याचते ॥
३२९५१ अवसरपठितं सर्वं सुभाषितत्वं प्रयाति यत्किंचित् ।
३२९५२ चाषः प्रयाणसमये खरनिनदो मङ्गलो भवति ॥
३२९६१ अवसरपठितं सर्वं सुभाषितत्वं प्रयात्यसूक्तमपि ।
३२९६२ क्षुधि कदशनमपि नितरां भोक्तुः संपद्यते स्वादु ॥
३२९७१ अवसरपठिता वाणी गुणगणरहितापि शोभते पुंसाम् ।
३२९७२ रतिसमये रमणीनां भूषणहानिस्तु भूषणं भवति ॥
३२९८१ अवसरमधिगम्य तं हरन्त्यो हृदयमयत्नकृतोज्ज्वलस्वरूपाः ।
३२९८२ अवनिषु पदमङ्गनास्तदानीं न्यदधत विभ्रमसंपदोऽङ्गनासु ॥
३२९९१ अवसितं हसितं प्रसितं मुदा विलसितं ह्रसितं स्मरभासितम् ।
३२९९२ न समदाः प्रमदा हतसंमदाः पुरहितं विहितं न समीहितम् ॥
३३००१ अवस्कन्दप्रदानस्य सर्वे कालाः प्रकीर्तिताः ।
३३००२ व्यसने वर्तमानस्य शत्रोच्छिद्रान्वितस्य च ॥
३३०११ अवस्कन्दभयाद्राजा प्रजागरकृतश्रमम् ।
३३०१२ दिवासुप्तं सदा हन्यान्निद्राव्याकुलसैनिकम् ॥
३३०२१ अवस्था पूज्यते राजन्न शरीरं शरीरिणाम् ।
३३०२२ तदा वनचरो राम इदानीं नृपतां गतः ॥
३३०३१ अवाकिरन् वयोवृद्धास्तं लाजैः पौरयोषितः ।
३३०३२ पृषतैर्मन्दरोद्धूतैः क्षीरोर्मय इवाच्युतम् ॥
३३०४१ अवाक्षिरास्तमस्यन्धे किल्बिषी नरकं पतेत् ।
३३०४२ यः प्रश्नं वितथं ब्रूयात्पृष्टः सन् धर्मनिश्चये ॥
३३०५१ अवाच्यवादांश्च बहून् वदिष्यन्ति तवाहिताः ।
३३०५२ निन्दन्तस्तव सामर्थ्यं ततो दुःखतरं नु किम् ॥
३३०६१ अवाप सापत्रपतां स भूपतिर्जितेन्द्रियाणां धुरि कीर्तितस्थितिः ।
३३०६२ असंवरे शम्बरवैरिविक्रमे क्रमेण तत्र स्फुटतामुपेयुषि ॥
३३०७१ अवापुस्तापमत्यर्थं शफर्यः पल्वलोदके ।
३३०७२ पुत्रक्षेत्रादिसक्तेन ममत्वेन यथा गृही ॥
३३०८१ अवाप्तः प्रागल्भ्यं परिणतरुचः शैलतनये कलङ्को नैवायं विलसति शशाङ्कस्य वपुषि ।
३३०८२ अमुष्येयं मन्ये विगलदमृतस्यन्दशिशिरे रतिश्रान्ता शेते रजनिरमणी गाढमुरसि ॥
३३०९१ अवाप्तैर्द्राघिम्णा परिचयमुदन्वत्तटभुवामसौ भाति श्यामद्युतिभिरुदकैर्मेखलभुवः ।
३३०९२ अगस्त्यस्याकार्षीद्वचनमिति कोपादुदधिना गृहीतः केशेषु प्रसभमिव विन्ध्यक्षितिधरः ॥
३३१०१ अवाप्यते वा किमियद्भवत्या चित्तैकपद्यामपि विद्यते यः ।
३३१०२ यत्रान्धकारः किल चेतसोऽपि जिह्मेतरैर्ब्रह्म तदप्यवाप्यम् ॥
३३१११ अवाप्यान् कामयस्वार्थान्नानवाप्यान् कदाचन ।
३३११२ प्रत्युत्पन्नाननुभवन्मा शुचस्त्वमनागतान् ॥
३३१२१ अवामभागेन यदा वलित्वा श्वा पृष्ठकण्डूतिमपाकरोति ।
३३१२२ तदह्नि तत्रैव कृतान्तगेहे रोगाभिभूतो नियतं प्रयाति ॥
३३१३१ अवालुकाश्लक्ष्णमृदा पूरिते गर्तशोधनम् ।
३३१३२ कोदण्डार्धमिते खाते जलसिक्ते वपेत्तरुम् ।
३३१३३ कदलीक्षीरिणौ रोप्यौ मूले दत्त्वा तु गोमयम् ॥
३३१४१ अवाहिता विनश्यन्ति सर्वकर्मक्षमा अपि ।
३३१४२ कृशा व्याधिपरीताङ्गा जायन्तेऽत्यन्तवाहनात् ॥
३३१५१ अविकारिणमपि सज्जनमनिशमनार्यः प्रबाधतेऽत्यर्थम् ।
३३१५२ कमलिन्या किमिह कृतं हिमस्य यत्तां सदा दहति ॥
३३१६१ अविकृतकृतभौमरवा सुस्थानस्था सुचेष्टिता वामे ।
३३१६२ यात्रासु दृष्टमात्रा दुर्गा दुर्गाणि तारयति ॥
३३१७१ अविक्रियां चैव समाश्रिताः समं हरन्ति जालं मम पक्षिणो ह्यमी ।
३३१७२ विवादमेष्यन्ति परस्परं यदा समागमिष्यन्ति च मद्वशं तदा ॥
३३१८१ अविक्रेयं लवणं पक्वमन्नं दधि क्षीरं मधु तैलं घृतं च ।
३३१८२ तिला मांसं मूलफलानि शाकं रक्तं वासः सर्वगन्धा गुडश्च ॥
३३१९१ अविग्रहस्याप्यतुलेन हेतुना समेतभिन्नद्वयमूर्ति तिष्ठतः ।
३३१९२ तवैव नान्यस्य जगत्सु दृश्यते विरुद्धवेषाभरणस्य कान्तता ॥
३३२०१ अविचारयतो युक्तिकथनं तुषखण्डनम् ।
३३२०२ नीचेषूपकृतं राजन् बालुकास्विव मूत्रितम् ॥
३३२११ अविचारेण यत्कर्म कृतं तन्मर्मकृन्तनम् ।
३३२१२ प्रसह्य सीताहरणादतीता रावणश्रियः ॥
३३२२१ अविजित्य य आत्मानममात्यान् विजिगीषते ।
३३२२२ अमित्रान् वाजितामात्यः सोऽवशः परिहीयते ॥
३३२३१ अविज्ञातप्रबन्धस्य वचो वाचस्पतेरपि ।
३३२३२ व्रजत्यफलतामेव नयद्रुह इवेहितम् ॥
३३२४१ अविज्ञातप्रयुक्तेन धर्षिता मम वाससा ।
३३२४२ संवृता शरदभ्रेण चन्द्रलेखेव शोभते ॥
३३२५१ अविज्ञातविशेषस्य सर्वतेजोऽपहारिणः ।
३३२५२ स्वामिनो निर्विवेकस्य तमसश्च किमन्तरम् ॥
३३२६१ अविज्ञातस्य विज्ञानं विज्ञातस्य च निश्चयः ।
३३२६२ आरम्भः कर्मणां शश्वदारब्धस्यान्तदर्शनम् ॥
३३२७१ अविज्ञातस्य विज्ञानं विज्ञातस्य विनिश्चयः ।
३३२७२ अर्थद्वैधस्य संदेहच्छेदनं शेषदर्शनम् ॥
३३२८१ अविज्ञातावसक्तेन दूषिता मम वाससा ।
३३२८२ छादिता शरदभ्रेण चन्द्रलेखेव दृश्यते ॥
३३२९१ अविज्ञाते परे तत्त्वे शास्त्राधीतिस्तु निष्फला ।
३३२९२ विज्ञातेऽपि परे तत्त्वे शास्त्राधीतिस्तु निष्फला ॥
३३३०१ अविज्ञातो धृतः खङ्गः शुभसंपत्तिनाशकः ।
३३३०२ विज्ञातः सकलैश्वर्यदायको भवति प्रभोः ।
३३३०३ तस्मात्तेषां गुणान् वक्ष्ये यथोक्तं मुनिपुंगवैः ॥
३३३११ अविज्ञानाद्राज्ञो भवति मतिहीनः परिजनस्ततस्तत्प्राधान्याद्भवति न समीपे बुधजनः ।
३३३१२ बुधैस्त्यक्ते राज्ये भवति हि न नीतिर्गुणवती प्रनष्टायां नीतौ सनृपमवशं नश्यति कुलम् ॥
३३३२१ अविज्ञाय फलं यो हि कर्म त्वेवानुधावति ।
३३३२२ स शोचेत्फलवेलायां यथा किंशुकसेचकः ॥
३३३३१ अविज्ञायान्यसामर्थ्यं स्वसामर्थ्यं प्रदर्शयेत् ।
३३३३२ उपहासमवाप्नोति तथैवायमिहाचलः ॥
३३३४१ अवितथमनोरथपथ प्रथनेषु प्रगुणगरिमगीतश्रीः ।
३३३४२ सुरतरुसदृशः स भवानभिलषणीयः क्षितीश्वर न कस्य ॥
३३३५१ अवितृप्ततया तथापि मे हृदयं निर्णयमेव धावति ।
३३३५२ अवसाययितुं क्षमाः सुखं न विधेयेषु विशेषसंपदः ॥
३३३६१ अविदग्धः पतिः स्त्रीणां प्रौढाणां नायको गुणी ।
३३३६२ गुणिनां त्यागिनां स्तोको विभवश्चेति दुःखकृत् ॥
३३३७१ अविदग्धः श्रमकठिनो दुर्लभयोषिद्युवा जडो विप्रः ।
३३३७२ अपमृत्युरुपक्रान्तः कामिव्याजेन मे रात्रौ ॥
३३३८१ अविदितगुणान्तराणां नो दोषः प्राप्तदेशवासानाम् ।
३३३८२ स्वाधीनकुङ्कुमा अपि यद्विदधति बहुमतिं नीले ॥
३३३९१ अविदितगुणापि सत्कवि भणितिः कर्णेषु वमति मधुधाराम् ।
३३३९२ अनधिगतपरिमलापि हि हरति दृशं मालतीमाला ॥
३३४०१ अविदितपरमानन्दो वदति जनो विषयमेव रमणीयम् ।
३३४०२ तिलतैलमेव मिष्टं येन न दृष्टं घृतं क्वापि ॥
३३४११ अविदितपरवेदनो मनोभूर्ध्रुवमयमेवमनङ्ग एव नित्यम् ।
३३४१२ यदि पुनरभविष्यदस्य चाङ्गं न खलु तदा व्यथयिष्यदन्यदेहम् ॥
३३४२१ अविदितशषसविशेषा वाणी निःसरति वक्त्रतो येषाम् ।
३३४२२ गुदवदनविवरभेदो रदनैरनुमीयते तेषाम् ॥
३३४३१ अविदितसुखदुःखं निर्गुणं वस्तु किंचिज्जडमतिरिह कश्चिन्मोक्ष इत्याचचक्षे ।
३३४३२ मम तु मतमनङ्गस्मेरतारुण्यघूर्णन्मदकलमदिराक्षीनीविमोक्षो हि मोक्षः ॥
३३४४१ अविदित्वात्मनः शक्तिं परस्य न समुत्सुकः ।
३३४४२ गच्छन्नभिमुखो वह्नौ नाशं याति पतङ्गवत् ॥
३३४५१ अविद्यं जीवनं शून्यं दिक्शून्या चेदबान्धवा ।
३३४५२ पुत्रहीनं गृहं शून्यं सर्वशून्या दरिद्रता ॥
३३४६१ अविद्यः पुरुषः शोच्यः शोच्यं मिथुनमप्रजम् ।
३३४६२ निराहाराः प्रजाः शोच्याः शोच्यं राष्ट्रमराजकम् ॥
३३४७१ अविद्याकामकर्मादिपाशबन्धं विमोचितुम् ।
३३४७२ कः शक्नुयाद्विनात्मानं कल्पकोटिशतैरपि ॥
३३४८१ अविद्यानाशिनी विद्या भावना भवनाशिनी ।
३३४८२ दारिद्र्यनाशनं दानं शीलं दुर्गतिनाशनम् ॥
३३४९१ अविद्याबीजविध्वंसादयमार्षेण चक्षुषा ।
३३४९२ कालौ भूतभविष्यन्तौ वर्तमानमवीविशत् ॥
३३५०१ अविद्वांश्चैव विद्वांश्च ब्राह्मणो दैवतं महत् ।
३३५०२ प्रणीतश्चाप्रणीतश्च यथाग्निर्दैवतं महत् ॥
३३५११ अविद्वांसमलं लोके विद्वांसमपि वा पुनः ।
३३५१२ प्रमदा ह्युत्पथं नेतुं कामक्रोधवशानुगम् ॥
३३५२१ अविद्वानपि भूपालो विद्यावृद्धोपसेवया ।
३३५२२ परां श्रियमवाप्नोतिजलासन्नतरुर्यथा ॥
३३५३१ अविधेये जने पुंसां कोपः किमुपजायते ।
३३५३२ विधेयेऽपि च कः कोपस्तन्निवेशितजीविते ॥
३३५४१ अविधेयो भृत्यजनः शठानि मित्राण्यदायकः स्वामी ।
३३५४२ विनयरहिता च भार्या मस्तकशूलानि चत्वारि ॥
३३५५१ अविनयभुवामज्ञानानां शमाय भवन्नपि प्रकृतिकुटिलाद्विद्याभ्यासः खलत्वविवृद्धये ।
३३५५२ फणिभयभृतामस्तूच्छेदक्षमस्तमसामसौ विषधरफणारत्नालोको भयं तु भृशायते ॥
३३५६१ अविनयरतमादरादृते वशमवशं हि नयन्ति विद्विषः ।
३३५६२ श्रुतविनयनिधिं समाश्रितस्तनुरपि नैति पराभवं क्वचित् ॥
३३५७१ अविनाशि तु तद्विद्धि येन सर्वमिदं ततम् ।
३३५७२ विनाशमव्ययस्यास्य न कश्चित्कर्तुमर्हति ॥
३३५८१ अविनाशिनमग्राम्यमकरोत्सातवाहनः ।
३३५८२ विशुद्धजातिभिः कोशं रत्नैरिव सुभाषितैः ॥
३३५९१ अविनीतः सुतो जातः कथं न दहनात्मकः ।
३३५९२ विनीतस्तु सुतो जातः कथं न पुरुषोत्तमः ॥
३३६०१ अविनीतस्य या विद्या सा चिरं नैव तिष्ठति ।
३३६०२ मर्कटस्य गले बद्धा मणीनां मालिका यथा ॥
३३६११ अविनीतो भृत्यजनो नृपतिरदाता शठानि मित्राणि ।
३३६१२ अविनयवती च भार्या मस्तकशूलानि चत्वारि ॥
३३६२१ अविभावितेषुविषयः प्रथमं मदनोऽपि नूनमभवत्तमसा ।
३३६२२ उदिते दिशः प्रकटयत्यमुना यदधर्मधाम्नि धनुराचकृषे ॥
३३६३१ अविभाव्यतारकमदृष्टहिम द्युतिबिम्बमस्तमितभानु नभः ।
३३६३२ अवसन्नतापमतमिस्रमभादपदोषतैव विगुणस्य गुणः ॥
३३६४१ अविभ्रमालोकनदुर्भगाणि प्रव्यक्तवक्त्रस्तनमण्डलानि ।
३३६४२ अङ्गानि रे पामरकामिनीनामपुण्यतारुण्य किमाश्रितानि ॥
३३६५१ अविमृष्यमेतदभिलष्यति स द्विषतां वधेन विषयाभिरतिम् ।
३३६५२ भववीतये नहि तथा स विधिः क्व शरासनं क्व च विमुक्तिपथः ॥
३३६६१ अविरतं परकार्यकृतां सतां मधुरिमातिशयेन वचोऽमृतम् ।
३३६६२ अपि च मानसमम्बुनिधिर्यशो विमलशारदचन्दिरचन्द्रिका ॥
३३६७१ अविरतकुसुमावचायखेदान्निहितभुजालतयैकयोपकण्ठम् ।
३३६७२ विपुलतरनिरन्तरावलग्न स्तनपिहितप्रियवक्षसा ललम्बे ॥
३३६८१ अविरततरुणीसहस्रमध्य स्थितिविगलत्पुरुषव्रता इवैते ।
३३६८२ प्रतिपदमतिकातराः क्षितीशाः परिकलयन्ति भयं समन्ततोऽपि ॥
३३६९१ अविरतमक्लममुद्धृत धरातलं सुस्मितोल्लसद्वदनम् ।
३३६९२ जगदानन्दविधायिनमुपैमि शरणं प्रभुं शेषम् ॥
३३७०१ अविरतमधुपानागारमिन्दिन्दिराणामभिसरणनिकुञ्जं राजहंसीकुलस्य ।
३३७०२ प्रविततबहुशालं सद्म पद्मालयाया वितरति रतिमक्ष्णोरेष लीलातडागः ॥
३३७११ अविरतमिदमम्भः स्वेच्छयोच्चालयन्त्या विकचकमलकान्तोत्तानपाणिद्वयेन ।
३३७१२ परिकलित इवार्घ्यः कामबाणातिथिभ्यः सलिलमिव वितीर्णं बाललीलासुखानाम् ॥
३३७२१ अविरतरतलीलायासजातश्रमाणामुपशममुपयान्तं निःसहेऽङ्गेऽङ्गनानाम् ।
३३७२२ पुनरुषसि विविक्तैर्मातरिश्वावचूर्ण्य ज्वलयति मदनाग्निं मालतीनां रजोभिः ॥
३३७३१ अविरतविरुतकपोतीमर्पितरसमावृणोति घनवलनः ।
३३७३२ नवलतिकामतिकातर तरलितमदिरद्वयीं मुदिरः ॥
३३७४१ अविरताम्बुजसंगतिसंगलद्बहलकेसरसंवलितेव या ।
३३७४२ ललितवस्तुविधानसुखोल्लसत्तनुरुहा तनुरात्मभुवोऽवतात् ॥
३३७५१ अविरलकमलविकासः सकलालिमदश्च कोकिलानन्दः ।
३३७५२ रम्योऽयमेति संप्रति लोकोत्कण्ठाकरः कालः ॥
३३७६१ अविरलकरवालकम्पनैर्भ्रुकुटीतर्जनगर्जनैर्मुहुः ।
३३७६२ ददृशे तव वैरिणां मदः स गतः क्वापि तवेक्षणे क्षणात् ॥
३३७७१ अविरलधारानिकरं जलदैर्जलमुत्सृजद्भिरतिमात्रम् ।
३३७७२ मानिवधूहृदयेभ्यः कालुष्यमशेषतो मृष्टम् ॥
३३७८१ अविरलपतद्बाष्पोत्पीडप्रसिक्तकपोलया वचनविषयः संदेशोऽन्यस्तया विहितो न ते ।
३३७८२ मनसि किमपि ध्यायन्त्या तु क्षणं तव कान्तया पथिक निहिता दृष्टिः कष्टं नवे करुणाङ्कुरे ॥
३३७९१ अविरलपरागसैकत मकरन्दतरङ्गिणीमनुवनान्तम् ।
३३७९२ पिकयुवतिजानुदघ्नीं गाहन्ते मधुपयोषितस्तृषिताः ॥
३३८०१ अविरलपरिवाहैरश्रुणः सारणीनां स्मरदहनशिखोष्णश्वासपूरैश्च तस्याः ।
३३८०२ सुभग बत कृशाङ्ग्याः स्पर्धयान्योन्यमेभिः क्रियत इव पुरो भूः पङ्किला पांसुला च ॥
३३८११ अविरलपुलकः सह व्रजन्त्याः प्रतिपदमेकतरः स्तनस्तरुण्याः ।
३३८१२ घटितविघटितः प्रियस्य वक्षस्तटमुवि कन्दुकविभ्रमं बभार ॥
३३८२१ अविरलफलिनीवनप्रसूनः कुसुमितकुन्दसुगन्धिगन्धवाहः ।
३३८२२ गुणमसमयजं चिराय लेभे विरलतुषारकणस्तुषारकालः ॥
३३८३१ अविरलमदजलनिवहं भ्रमरकुलानीकसेवितकपोलम् ।
३३८३२ अभिमतफलदातारं कामेशं गणपतिं वन्दे ॥
३३८४१ अविरलमदधाराधौतकुम्भः शरण्यः फणिवरवृतगात्रः सिद्धसाध्यादिवन्द्यः ।
३३८४२ त्रिभुवनजनविघ्नध्वान्तविध्वंसदक्षो वितरतु गजवक्त्रः संततं मङ्गलं वः ॥
३३८५१ अविरलमिव दाम्ना पौण्डरीकेण नद्धः स्नपित इव च दुग्धस्रोतसा निर्भरेण ।
३३८५२ कवलित इव कृत्स्नश्चक्षुषा स्फारितेन प्रसभममृतमेघेनेव सान्द्रेण सिक्तः ॥
३३८६१ अविरलविगलन्मदजल कपोलपालीनिलीनमधुपकुलः ।
३३८६२ उद्भिन्ननवश्मश्रु श्रेणिरिव द्विपमुखो जयति ॥
३३८७१ अविरलविलोलजलदः कुटजार्जुननीपसुरभिवनवातः ।
३३८७२ अयमायातः कालो हन्त मृताः पथिकगेहिन्यः ॥
३३८८१ अविरुद्धं सुखस्थं यो दुःखमार्गे नियोजयेत् ।
३३८८२ जन्मजन्मान्तरे दुःखी स नरः स्यादसंशयम् ॥
३३८९१ अविलम्बि सुवृत्तं च उदरं चातिपूजितम् ।
३३८९२ नातिदीर्घं समं पृष्ठं किंचिच्च विनतं शुभम् ॥
३३९०१ अविलम्बे कृत्यसिद्धौ मान्त्रिकैराप्यते यशः ।
३३९०२ विलम्बे कर्मबाहुल्यं विख्याप्यावाप्यते धनम् ॥
३३९११ अविविक्तावतिस्तब्धौ स्तनावाढ्याविवादृतौ ।
३३९१२ विविक्तावानतावेव दरिद्राविव गर्हितौ ॥
३३९२१ अविवेकमतिर्नृपतिर्मन्त्री गुणवत्सु वक्रितग्रीवः ।
३३९२२ यत्र खलाश्च प्रबलास्तत्र कथं सज्जनावसरः ॥
३३९३१ अविवेकवृथाश्रमाविवार्थं क्षयलोभाविव संश्रितानुरागम् ।
३३९३२ विजिगीषुमिवानयप्रमादाववसादं विशिखौ विनिन्यतुस्तम् ॥
३३९४१ अविवेकि कुचद्वंद्वं हन्तु नाम जगत्त्रयम् ।
३३९४२ श्रुतिप्रणयिनोरक्ष्णोरयुक्तं जनमारणम् ॥
३३९५१ अविवेकिनि भूपाले नश्यन्ति गुणिनां गुणाः ।
३३९५२ प्रवासरसिके कान्ते यथा साध्व्याः स्तनोन्नतिः ॥
३३९६१ अविवेकिनि भूपे यः करोत्याशां समृद्धये ।
३३९६२ यास्याम्यहमनेनेति करोत्याशां स मृद्धये ॥
३३९७१ अविवेको हि सर्वेषामापदां परमं पदम् ।
३३९७२ विवेकरहितो लोके पशुरेव न संशयः ॥
३३९८१ अविशदचलं नेत्रप्रान्तावलोकनमस्फुटं चकितचकिता वाचः स्पर्शः क्वचिज्जनसंकुले ।
३३९८२ इति तव मया प्रेमारम्भे य एव निरीक्षिताः कठिनमनसो दृष्टा भावास्त एव विरज्यतः ॥
३३९९१ अविशीर्णकान्तपात्रे नव्यदशे सुमुखि संभृतस्नेहे ।
३३९९२ मद्गेहदीपकलिके कथमुपयातासि निर्वाणम् ॥
३४००१ अविशुद्धकुलोत्पन्ना देहार्पणजीविका शठाचरणा ।
३४००२ क्वाहं रूपाजीवा क्व भवन्तः श्लाघनीयजन्मगुणाः ॥
३४०११ अविश्रान्तो वातो दहन इव सोयं जनयति प्रसक्तं सातत्याद्दलयति कुलाद्रीनपि जलम् ।
३४०१२ प्रसूते कृत्येषु व्यवसितिरनिर्व्यूढसुदृढा फलावाप्तिं लोके प्रतिकलमसंभाव्यविभवाम् ॥
३४०२१ अविश्रामं वहेद्भारं शीतोष्णं च न विन्दति ।
३४०२२ ससंतोषस्तथा नित्यं त्रीणि शिक्षेत गर्दभात् ॥
३४०३१ अविश्राममपाथेयमनालम्भमदेशकम् ।
३४०३२ तमःकान्तारमध्वानं कथमेको गमिष्यसि ॥
३४०४१ अविश्वसन् धूर्तधुरंधरोऽपि नरः पुरंध्रीपुरतोऽन्ध एव ।
३४०४२ अशेषशिक्षाकुशलोऽपि काकः प्रतार्यते किं न पिकाङ्गनाभिः ॥
३४०५१ अविश्वस्ता स्त्रियः सर्वा अधमोत्तममध्यमाः ।
३४०५२ यः कश्चिद्विश्वसेत्तासां पश्चात्तापैः स दह्यते ॥
३४०६१ अविश्वासं सदा तिष्ठेत्संधिना विग्रहेण च ।
३४०६२ द्वैधीभावं समाश्रित्य पापे शत्रौ बलीयसि ॥
३४०७१ अविश्वासविधानाय महापातकहेतवे ।
३४०७२ पितापुत्रविरोधाय हिरण्याय नमोऽस्तु ते ॥
३४०८१ अविषं विषमित्याहुर्ब्रह्मस्वं विषमुच्यते ।
३४०८२ विषं हन्ति किलैकं च ब्रह्मस्वं पुत्रपौत्रकम् ॥
३४०९१ अविसंवादको दक्षः कृतज्ञो मतिमानृजुः ।
३४०९२ अपि संक्षीणकोशोऽपि लभते परिवारणम् ॥
३४१०१ अविसंवादनं दानं समयस्याव्यतिक्रमः ।
३४१०२ आवर्तयन्ति भूतानि सम्यक्प्रणिहिता च वाक् ॥
३४१११ अविसृष्टोऽपि सन् प्राज्ञः सर्वेण च समं व्रजेत् ।
३४११२ प्रविशेदप्यनाहूतस्त्वन्यदा भर्त्तुराज्ञया ॥
३४१२१ अविस्मृतोपकारः स्यान्न कुर्वीत कृतघ्नताम् ।
३४१२२ हत्वोपकारिणं विप्रो नाडीजङ्घमधश्च्युतः ॥
३४१३१ अवीरोऽपि चमूवीरसाहाय्येन द्विषो जयेत् ।
३४१३२ चमूसाहाय्यशून्यानां जयश्रीर्व्याकुलायते ॥
३४१४१ अवृत्तिं विनयो हन्ति हन्त्यनर्थं पराक्रमः ।
३४१४२ हन्ति नितय्ं क्षमा क्रोधमाचारो हन्त्यलक्षणम् ॥
३४१५१ अवृत्तिकं त्यजेद्देशं वृत्तिं सोपद्रवां त्यजेत् ।
३४१५२ त्यजेन्मायाविनं मित्रं धनं प्राणहरं त्यजेत् ॥
३४१६१ अवृत्तिकं प्रभुं भृत्या अपुष्पं भ्रमरास्तरुम् ।
३४१६२ अजलं च सरो हंसा मुञ्चन्त्यपि चिरोषितम् ॥
३४१७१ अवृत्तिर्भयमन्त्यानां मध्यानां मरणाद्भयम् ।
३४१७२ उत्तमानां तु मर्त्यानामवमानात्परं भयम् ॥
३४१८१ अवृत्तिव्याधिशोकार्ताननुवर्तेत शक्तितः ।
३४१८२ आत्मवत्सततं पश्येदपि कीटपिपीलकाः ॥
३४१९१ अवेक्श्य स्वात्मानं विगुणमपरानिच्छति तथा फलत्येतन्नो चेद्विलपति न सन्तीह गुणिनः ।
३४१९२ निमार्ष्टुं शप्तुं वा परिभवितुमुद्यच्छति ततोऽप्यहो नीचे रम्या सगुणविजिगीषा विधिकृता ॥
३४२०१ अवेमव्यापाराकलनमतुरीस्पर्शमचिरादनुन्मीलत्तन्तुप्रकरघटनायासमसकृत् ।
३४२०२ विषीदत्पाञ्चालीविपदपनयैकप्रणयिनः पटानां निर्माणं पतगपतिकेतोरवतु नः ॥
३४२११ अवैति तत्त्वं सदसत्त्वलक्षणं विना विशेषं विपरीतरोचनः ।
३४२१२ यदृच्छया मत्तवदस्तचेतनो जनो जिनानां वचनात्पराङ्मुखः ॥
३४२२१ अवैतु शास्त्राणि नरो विशेषतः करोतु चित्राणि तपांसि भावतः ।
३४२२२ अतत्त्वसंसक्तमनास्तथापि नो विमुक्तिसौख्यं गतबाधमश्नुते ॥
३४२३१ अवैमि चैनामनघेति किं तु लोकापवादो बलवान्मतो मे ।
३४२३२ छाया हि भूमेः शशिनो मलत्वे नारोपिता शुद्धिमतः प्रजाभिः ॥
३४२४१ अवैमि ते सारमतः खलु त्वां कार्ये गुरुण्यात्मसमं नियोक्ष्ये ।
३४२४२ व्यादिश्यते भूधरतामवेक्ष्य कृष्णेन देहोद्वहनाय शेषः ॥
३४२५१ अवैमि पूतमात्मानं द्वयेनैव द्विजोत्तमाः ।
३४२५२ मूर्ध्नि गङ्गाप्रपातेन धौतपादाम्भसा च वः ॥
३४२६१ अवैमि सौभाग्यमदेन वञ्चितं तव प्रियं यश्चतुरावलोकिनः ।
३४२६२ करोति लक्ष्यं चिरमस्य चक्षुषो न वक्त्रमात्मीयमरालपक्ष्मणः ॥
३४२७१ अवैमि हंसावलयो वलक्षास्त्वत्कान्तिकीर्तेश्चपलाः पुलाकाः ।
३४२७२ उड्डीय युक्तं पतिताः स्रवन्ती वेशन्तपूरं परितः प्लवन्ते ॥
३४२८१ अवैष्णवो हतो विप्रो हतं श्राद्धमदक्षिणम् ।
३४२८२ अब्रह्मण्यं हतं क्षेत्रमनाचारं कुलं हतम् ॥
३४२९१ अव्यक्तमक्षरमुपास्य बभूव कश्चित्स्वं लब्धवर्णमवगत्य कृतार्थमानी ।
३४२९२ सद्यस्त्रिभङ्गललितस्फुरणादमन्द नन्दोत्थया जडतयैव वयं कृतार्थाः ॥
३४३०१ अव्यक्तादीनि भूतानि व्यक्तमध्यानि भारत ।
३४३०२ अव्यक्तनिधनान्येव तत्र का परिदेवना ॥
३४३११ अव्ययवतोऽपि धनिनः स्वजनसहस्रं भवेत्पदस्थस्य ।
३४३१२ भ्रष्टधनस्य हि सततं बन्धुरपि मुखं न दर्शयति ॥
३४३२१ अव्यये व्ययमायाति व्यये याति सुविस्तरम् ।
३४३२२ अपुर्वः कोऽपि भाण्डारस्तव भारति दृश्यते ॥
३४३३१ अव्यवसायिनमलसं दैवपरं सहसाच्च परिहीणम् ।
३४३३२ प्रमदेव हि वृद्धपतिं नेच्छत्यवगूहितुं लक्ष्मीः ॥
३४३४१ अव्यवस्थितचित्तस्य प्रसादोऽपि भयंकरः ।
३४३४२ व्यवस्थितप्रसन्नात्मा कुपितोऽप्यभयंकरः ॥
३४३५१ अव्यवस्थितवृत्तानामभिन्नश्रुतिचक्षुषाम् ।
३४३५२ अधर्मार्जितभोगानामाशीरप्यहितोचिता ॥
३४३६१ ... ... ... ... ... ... ।
३४३६२ अव्यवस्थौ हि दृश्येते युद्धे जयपराजयौ ॥
३४३७१ अव्याकरणमधीतं भिन्नद्रोण्या तरङ्गिणीतरणम् ।
३४३७२ भेषजमपथ्यसहितं त्रयमिदमकृतं वरं न कृतम् ॥
३४३८१ ... ... ... ... ... ... ।
३४३८२ अन्याक्षेपो भविष्यन्त्याः कार्यसिद्धेर्हि लक्षणम् ॥
३४३९१ अव्याख्येयां वितरति परां प्रीतिमन्तर्निमग्ना कण्ठे लग्ना हरति नितरां यान्तरध्वान्तजालम् ।
३४३९२ तां द्राक्षाद्यैरपि बहुमतां माधुरीमुद्गिरन्तीं कृष्णेत्याख्यां कथय रसने यद्यसि त्वं रसज्ञा ॥
३४४०१ अव्याजसुन्दरमनुत्तरमप्रमेयमप्राकृतं परममङ्गलमङ्घ्रिपद्मम् ।
३४४०२ संदर्शयेदपि सकृद्भवती दयार्द्रा द्रष्टास्मि केन तदहं तु विलोचनेन ॥
३४४११ अव्याजसुन्दरीं तां विज्ञानेन ललितेन योजयता ।
३४४१२ परिकल्पितो विधात्रा बाणः कामस्य विषदिग्धः ॥
३४४२१ अव्यात्स वो यस्य निसर्गवक्रः स्पृशत्यधिज्यस्मरचापलीलाम् ।
३४४२२ जटापिनद्धोरगराजरत्न मरीचिलीढोभयकोटिरिन्दुः ॥
३४४३१ अव्यात्स्वर्लोकचूडामणिपटलशिखाश्रेणिशोणीकृताङ्घ्रिः क्षोणीभारं विनेतुं जठरजुषि जगद्बान्धवे देवकी वः ।
३४४३२ राज्ञामुद्दामदोष्णां रणशिरसि रणत्कीकसच्छेदभीमाः शस्त्राणां खण्णकाराः प्रतिहतिगुरवो यच्छ्रुतेर्दोहदोऽभूत् ॥
३४४४१ अव्याद्वो वज्रसारस्फुरदुरुनखरक्रूरचक्रक्रमाग्र प्रोद्भिन्नेन्द्रारिवक्षःस्थलगलदसृगासारकाश्मीरगौरः ।
३४४४२ प्रस्फूर्जत्केशराग्रग्रथितजलधरश्रेणिनीलाब्जमाल्यः सूर्याचन्द्रावतंसो नरहरिरसमाबद्धशृङ्गारलीलः ॥
३४४५१ अव्याद्वो वलिताङ्घ्रिपातविचलद्भूगोलहेलोन्मुख भ्राम्यद्दिक्करिकल्पितानुकरणो नृत्यन् गणग्रामणीः ।
३४४५२ यस्योद्दण्डितशुण्डपुष्करमरुद्व्याकृष्टसृष्टं मुहुस्ताराचक्रमुदक्तशीकरपृषल्लीलामिवाभ्यस्यति ॥
३४४६१ अव्याद्वो वामनो यस्य कौस्तुभप्रतिबिम्बिता ।
३४४६२ कौतुकालोकिनी जाता जाठरीव जगत्त्रयी ॥
३४४७१ अव्याधिगात्रमनुकूलतरं कलत्रं वेश्म प्रसिद्धविभवं निशिता च विद्या ।
३४४७२ श्लाघ्यं कुलं चरमकालगतिः समर्थो मातुः कटाक्षपरिणामविभूतयस्ते ॥
३४४८१ अव्याधिजं कटुकं शीर्षरोगं पापानुबन्धं परुषं तीक्ष्णमुग्रम् ।
३४४८२ सतां पेयं यन्न पिबन्त्यसन्तो मन्युं महाराज पिब प्रशाम्य ॥
३४४९१ अव्याधिना शरीरेण मनसा च निराधिना ।
३४४९२ पूरयन्नर्थिनामाशां त्वं जीव शरदां शतम् ॥
३४५०१ अव्यापरेषु व्यापारं यो नरः कर्तुमिच्छति ।
३४५०२ स एव निधनं याति कीलोत्पटीव वानरः ॥
३४५११ अव्यापाररता वसन्तसमये ग्रीष्मे व्यवायप्रियाः सक्ताः प्रमृषि पल्वलाम्भसि नवे कूपोदकद्वेषिणः ।
३४५१२ कट्वम्लोष्णरताः शरद्यधिभुजो हेमन्तनिद्रालसाः स्वैर्दोषैरपचीयमानवपुषो नश्यन्तु ते शत्रवः ॥
३४५२१ अव्याहति न शक्या गौर्विना दण्डेन रक्षितुम् ।
३४५२२ इति प्रत्येति मुग्धोऽपि वल्लवः किमु राजकम् ॥
३४५३१ अव्याहृतं व्याहृताच्छ्रेय आहुः सत्यं वदेद्व्याहृतं तद्द्वितीयम् ।
३४५३२ प्रियं वदेद्व्याहृतं तत्तृतीयं धर्म्यं वदेद्व्याहृतं तच्चतुर्थम् ॥
३४५४१ अव्युत्पन्नस्वभावानां नारीणमिव सांप्रतम् ।
३४५४२ सीत्काराचार्यकं कर्तुमयं प्राप्तो हिमागमः ॥
३४५५१ अव्युत्पन्ने श्रोतरि वक्तृत्वमनर्थकं पुंसाम् ।
३४५५२ नेत्रविहीने भर्तरि लावण्यमनर्थकं स्त्रीणाम् ॥
३४५६१ अव्रतस्यापि ते धर्मः कार्य एवान्तरान्तरा ।
३४५६२ मेधीभूतोऽपि हि भ्राम्यन् घासग्रासं करोति गौः ॥
३४५७१ अशक्तः सततं साधुः कुरूपा च पतिव्रता ।
३४५७२ व्याधितो देवभक्तश्च निर्धना ब्रह्मचारिणः ॥
३४५८१ अशक्तस्तस्करः साधुः कुरूपा चेत्पतिव्रता ।
३४५८२ रोगी च देवताभक्तो वृद्धा वेश्या तपस्विनी ॥
३४५९१ अशक्तस्तु भवेत्साधुर्ब्रह्मचारी व निर्धनः ।
३४५९२ व्याधितो देवभक्तश्च वृद्धा नारी पतिव्रता ॥
३४६०१ अशक्ताः शक्तिमात्मीयां श्लाघन्ते ये च दुर्जनाः ।
३४६०२ ते भवन्त्युपहासाय महतामेव संनिधौ ॥
३४६११ अशक्ते रौद्रतातैक्ष्ण्यं तीव्रपापेषु धीरता ।
३४६१२ छद्मधीर्वाचि पारुष्यं नीचानां शौर्यमीदृशम् ॥
३४६२१ अशक्तैर्बलिनः शत्रोः कर्तव्यं प्रपलायनम् ।
३४६२२ संश्रितव्योऽथवा दुर्गो नान्या तेषां गतिर्भवेत् ॥
३४६३१ अशक्तो यः क्षान्तिं सततमपकारिण्यपि जने विधत्ते सोऽवश्यं भुजग इव दंष्ट्राविरहितः ।
३४६३२ प्रभुः सत्यां शक्तौ क्षमत इह यस्मात्सुचरितः स तेजस्वी लोकद्वितयविजिगीषुर्विजयते ॥
३४६४१ अशक्नुवन् सोढुमधीरलोचनः सहस्ररश्मेरिव यस्य दर्शनम् ।
३४६४२ प्रविश्य हेमाद्रिगुहागृहान्तरं निनाय बिभ्यद्दिवसानि कौशिकः ॥
३४६५१ अशक्यं नारभेत्प्राज्ञः अकार्यं नैव कारयेत् ।
३४६५२ असत्यं नैव वक्तव्यमालस्यं नैव कारयेत् ॥
३४६६१ अशक्यं नारभेत्प्राज्ञो अकार्यं नैव कारयेत् ।
३४६६२ यथादेशगतं धर्मं यथाकालं च जीवयेत् ॥
३४६७१ अशक्यः सहसा राजन् भावो वेत्तुं परस्य वै ।
३४६७२ अन्तःस्वभावैर्गीतैस्तैर्नैपुण्यं पश्यता भृशम् ॥
३४६८१ अशक्यारम्भवृत्तीनां कुतः क्लेशादृते फलम् ।
३४६८२ आकाशमास्वादयतः कुतस्तु कवलग्रहः ॥
३४६९१ अशङ्कितमतिः स्वस्थो न शठः परिसर्पति ।
३४६९२ न चास्य दुष्टा वाक्चापि तस्मान्नास्तीह संशयः ॥
३४७०१ अशङ्कितेभ्यः शङ्केत शङ्कितेभ्यश्च सर्वशः ।
३४७०२ अशङ्क्याद्भयमुत्पन्नमपि मूलं निकृन्तति ॥
३४७११ अशङ्क्यमपि शङ्केत नित्यं शङ्केत शङ्कितात् ।
३४७१२ भयं हि शङ्किताज्जातं समूलमपि कृन्तति ॥
३४७२१ अशठमलोलमजिह्मं त्यागिनमनुरागिणं विशेषज्ञम् ।
३४७२२ यदि नाश्रयति नरं श्रीः श्रीरेव हि वञ्चिता तत्र ॥
३४७३१ अशठहृदयः कृतज्ञः सानुक्रोशः स्थितः सतां मार्गे ।
३४७३२ अपरापवादकर्मा शुचिकर्मरतः स खल्वार्यः ॥
३४७४१ अशनं मे वसनं मे जाया मे बन्धुवर्गो मे ।
३४७४२ इति मे मे कुर्वाणं कालवृको हन्ति पुरुषाजम् ॥
३४७५१ अशनं वसनं वासो यस्य काश्याममार्गतः ।
३४७५२ कीकटेन समा काशी गङ्गाप्यङ्गारवाहिनी ॥
३४७६१ अशनमात्रकृतज्ञतया गुरोर्न पिशुनोऽपि शुनो लभते तुलाम् ।
३४७६२ अपि बहूपकृते सखिता खले न खलु खेलति खे लतिका यथा ॥
३४७७१ अशनादिन्द्रियाणीव स्युः कार्याण्यखिलान्यपि ।
३४७७२ एतस्मात्कारणाद्वित्तं सर्वसाधनमुच्यते ॥
३४७८१ अशनैरशनैर्बाल्ये यौवने घस्मरात्स्मरात् ।
३४७८२ कल्यवैकल्यतः शेषे स्फुटं नष्टं वयो नृणाम् ॥
३४७९१ अशरणशरणप्रमोदभूतैर्वनतरुभिः क्रियमाणचारुकर्म ।
३४७९२ हृदयमिव दुरात्मनामगुप्तं नवमिव राज्यमनिर्जितोपभोग्यम् ॥
३४८०१ अशर्मदहनज्वलत्कटुकटाक्षरूक्षेक्षण क्षणक्षपितशात्रवे जयति सिन्धुराधीश्वरे ।
३४८०२ वयं न बहु मन्महे निजभुजानमद्गाण्डिव च्युतास्त्रशिखिताण्डवज्वलितखाण्डवं पाण्डवम् ॥
३४८११ अशस्त्रं पुरुषं हत्वा नरः संजायते खरः ।
३४८१२ कृमिः स्त्रीवधकर्त्ता च बालहन्ता च जायते ॥
३४८२१ अशस्त्रपूतमव्याजं पुरुषाङ्गोपकल्पितम् ।
३४८२२ विक्रीयते महामांसं गृह्यतां गृह्यतामिदम् ॥
३४८३१ अशान्तहुतभुक्शिखाकवलितं जगन्मन्दिरं सुखं विषमवातभुग्नसनवच्चलं कामजम् ।
३४८३२ जलस्थशशिचञ्चला भुवि विलोक्य लोकस्थितिं विमुञ्चत जनाः सदा विषयमूर्छनां तत्त्वतः ॥
३४८४१ अशान्तान्तस्तृष्णा धनलवणवारिव्यतिकरैर्गतच्छायः कायश्चिरविरसरूक्षाशनतया ।
३४८४२ अनिद्रा मन्दोऽग्निर्नृपसलिलचौरानलभयात्कदर्याणां कष्टं स्फुटमधनकष्टादपि परम् ॥
३४८५१ अशाश्वतमिदं सर्वं चिन्त्यमानं हि भारत ।
३४८५२ कदलीसंनिभो लोकः समो ह्यस्य न विद्यते ॥
३४८६१ अशासंस्तस्करान् यस्तु बलिं गृह्णाति पार्थिवः ।
३४८६२ तस्य प्रक्षुभ्यते राष्ट्रं स्वर्गाच्च परिहीयते ॥
३४८७१ अशास्त्रचक्षुनृपतिरन्ध इत्यभिधीयते ।
३४८७२ वरमन्धो न चक्षुष्मान्मदादाक्षिप्तसत्पथः ॥
३४८८१ अशास्त्रविदुषां तेषां न कार्यमहितं वचः ।
३४८८२ अर्थशास्त्रानभिज्ञानां विपुलां श्रियमिच्छताम् ॥
३४८९१ अशिक्षितानां काव्येषु शास्त्राभ्यासो निरर्थकः ।
३४८९२ किमस्त्यनुपनीतस्य वाजपेयादिभिर्मखैः ॥
३४९०१ अशिथिलपरिस्पन्दः कुन्दे तथैव मधुव्रतो नयनसुहृदो वृक्षाश्चैते न कुड्मलशालिनः ।
३४९०२ दलति कलिका चौती नास्मिंस्तथा मृगचक्षुषामथ च हृदये मानग्रन्थिः स्वयं शिथिलायते ॥
३४९११ अशिथिलमपरावसज्य कण्ठे दृढपरिरब्धबृहद्बहिः स्तनेन ।
३४९१२ हृषिततनुरुहा भुजेन भर्तुर्मृदुममृदु व्यतिविद्धमेकबाहुम् ॥
३४९२१ अशिराः पुरुषः कार्यो ललाटे ब्रह्मघातिनः ।
३४९२२ असम्भाष्यश्च कर्तव्यस्तन्मनोरनुशासनम् ॥
३४९३१ राजा स्तेनेन गन्तव्यो मुक्तकेशेन धावता ।
३४९३२ आचक्षाणेन तत्स्तेयमेवंकर्मास्मि शाधि माम् ॥
३४९४१ अशिष्यं शास्ति यो राजन् यश्च शून्यमुपासते ।
३४९४२ कदर्यं भजते यश्च तमाहुर्मूढचेतसम् ॥
३४९५१ अशीतास्तरणो माघे फाल्गुने पशुपक्षिणौ ।
३४९५२ चैत्रे जलचराः सर्वे वैशाखे नरवानरौ ॥
३४९६१ अशीतेनाम्भसा स्नानं पयःपानं वराः स्त्रियः ।
३४९६२ एतद्वो मानुषाः पथ्यं स्निग्धमुष्णं च भोजनम् ॥
३४९७१ अशीमहि वयं भिक्षामाशावासो वसीमहि ।
३४९७२ शयीमहि महीपृष्ठे कुर्वीमहि किमीश्वरैः ॥
३४९८१ अशीला भिन्नमर्यादा नित्यसंकीर्णमैथुनाः ।
३४९८२ अल्पायुषो भवन्तीह तथा निरयगामिनः ॥
३४९९१ अशुचितानिलयं प्रलयं श्रियामयशसां विभवं प्रभवं रुजाम् ।
३४९९२ सुकृतनिर्दलनं चलनं धृतेः परिहरेत्परवल्लभया रतम् ॥
३५००१ अशुचिर्वचनाद्यस्यशुचिर्भवति पूरुषः ।
३५००२ शुचिश्चैवाशुचिः सद्यः कथं राजा न दैवतम् ॥
३५०११ अशुचीक्षणेऽश्रुपाते कलहे श्वासकासयोः ।
३५०१२ रथ्याप्रसर्पणेऽभ्यङ्गे क्षुते नर्मण्युपस्पृशेत् ॥
३५०२१ अशुद्धप्रकृतौ राज्ञि जनता नानुरज्यते ।
३५०२२ यथा गृध्रसमासन्नः कलहंसः समाचरेत् ॥
३५०३१ अशुद्धा तु भवेन्नारी यावच्छल्यं न मुञ्चति ।
३५०३२ निःसृते तु ततः शल्ये रजसा शुध्यते ततः ॥
३५०४१ अशुद्धीनां तु सर्वासामालयाः कुत्सिताः स्त्रियः ।
३५०४२ सदा शौचं न कुर्वन्ति भुञ्जतेऽन्नं तथाविधाः ॥
३५०५१ अशुभपुषि कलावप्यप्रमत्ताः स्वधर्मादनुदिनमुपकारानाचरन्ते बुधानाम् ।
३५०५२ बहुजनपरिपुष्टा बद्धदीक्षास्त एते तनुसुखमपि हित्वा तन्वते राजसेवाम् ॥
३५०६१ अशुभोदये जनानां नश्यति बुद्धिर्न विद्यते रक्षा ।
३५०६२ सुहृदोऽपि सन्ति रिपवो विषमविषं जायतेऽप्यमृतम् ॥
३५०७१ अशृण्वन्नपि बोद्धव्यो मन्त्रिभिः पृथिवीपतिः ।
३५०७२ यथा स्वदोषनाशाय विदुरेणाम्बिकासुतः ॥
३५०८१ अशेषचक्षुःश्रवणं प्रतिकूलो भवन्नपि ।
३५०८२ विनतानन्दहेतुर्यः स पुमानाप्तनन्दनः ॥
३५०९१ अशेषदोषापगमप्रकाश मित्रागमोत्साहमहोत्सवार्हम् ।
३५०९२ विकासशोभां जनयत्यजस्रं धनं जनानां दिनमम्बुजानाम् ॥
३५१०१ अशेषलङ्कापतिसैन्यहन्ता श्रीरामसेवाचरणैककर्ता ।
३५१०२ अनेकदुःखाहतलोकगोप्ता त्वसौ हनूमांस्तव सौख्यकर्ता ॥
३५१११ अशेषविघ्नप्रतिषेधदक्ष मन्त्राक्षतानामिव दिङ्मुखेषु ।
३५११२ विक्षेपलीला करशीकराणां करोतु वः प्रीतिमिभाननस्य ॥
३५१२१ अशोकनिर्भर्त्सितपद्मरागमाकृष्टहेमद्युतिकर्णिकारम् ।
३५१२२ मुक्ताकलापीकृतसिन्दुवारं वसन्तपुष्पाभरणं वहन्ती ॥
३५१३१ अशोके शोकार्तः किमसि बकुलेऽप्याकुलमना निरानन्दः कुन्दे सह च सहकारैर्न रमसे ।
३५१३२ कुसुम्भे विश्रम्भं यदिह भजसे कण्टकशतैरसंदिग्धं दग्धभ्रमर भवितासि क्षतवपुः ॥
३५१४१ अशोच्यः शोचते शोच्यं किं वा शोच्यो न शोच्यते ।
३५१४२ कश्च कस्येह शोच्योऽस्ति देहेऽस्मिन् बुद्बुदोपमे ॥
३५१५१ अशोच्यानन्वशोचस्त्वं प्रज्ञावादांश्च भाषसे ।
३५१५२ गतासूनगतासूंश्च नानुशोचन्ति पण्डिताः ॥
३५१६१ अशोच्यानीह भूतानि यो मूढस्तानि शोचति ।
३५१६२ तद्दुःखाल्लभते दुःखं द्वावनर्थौ निषेवते ॥
३५१७१ अशोच्यो निर्धनः प्राज्ञोऽशोच्यः पण्डितबान्धवः ।
३५१७२ अशोच्या विधवा नारी पुत्रपौत्रप्रतिष्ठिता ॥
३५१८१ अश्नाति यः संस्कुरुते निहन्ति ददाति गृह्णात्यनुमन्यते च ।
३५१८२ एते षडप्यत्र विनिन्दनीया भ्रमन्ति संसारवने निरन्तम् ॥
३५१९१ अश्नाति यो मांसमसौ विधत्ते वधानुमोदं त्रसदेहभाजाम् ।
३५१९२ गृह्णाति रेपांसि ततस्तपस्वी तेभ्यो दुरन्तं भवमेति जन्तुः ॥
३५२०१ अश्नाभ्याच्छादयामीति प्रापश्यन् पापपूरुषः ।
३५२०२ नामर्षं कुरुते यस्तु पुरुषः सोऽधमः स्मृतः ॥
३५२११ अश्नीत पिबत खादत जाग्रत संविशत तिष्ठत वा ।
३५२१२ सकृदपि चिन्तयताह्नः सावधिको देहबन्ध इति ॥
३५२२१ अश्मना साधयेल्लोहं लोहेनाश्मानमेव च ।
३५२२२ बिल्बानिव करे बिल्वैर्म्लेच्छान्म्लेच्छैः प्रसाधयेत् ॥
३५२३१ अश्मातकस्य वामे बदरी वा दृश्यतेऽहिनिलयो वा ।
३५२३२ षड्भिरुदग्वास्य करैः सार्धे पुरुषत्रये तोयम् ॥
३५२४१ अश्मानमप्युपायेन लोहं वा जरयेन्नरः ।
३५२४२ न तु कश्चिदुपायोऽस्ति ब्रह्मस्वं येन जीर्यते ॥
३५२५१ अश्माप्यहृदयो यस्य गुणसारं परीक्षते ।
३५२५२ उचितैव सुवर्णस्य तस्याग्निपतने रुचिः ॥
३५२६१ अश्रद्धया हुतं दत्तं तपस्तप्तं कृतं च यत् ।
३५२६२ असदित्युच्यते पार्थ न च तत्प्रेत्य नो इह ॥
३५२७१ अश्रद्धादर्शनं भान्तिर्दुःखं च त्रिविधं ततः ।
३५२७२ दौर्मनस्यमयोग्येषु विषयेषु च योगता ॥
३५२८१ अश्रद्धेयं न वक्तव्यं प्रत्यक्षमपि यद्भवेत् ।
३५२८२ यथा वानरसंगीतं तथैव प्लवते शिला ॥
३५२९१ अश्रान्तं दृढयन्त्रणेन कुचयोरत्यक्तकाठिन्ययोराबद्धस्फुटमण्डलोन्नतिमिलच्चोलं विमुच्योरसः ।
३५२९२ नीवीविच्छुरितं विधाय तममुं वामस्तनालम्बिनीं वेणीं पाणिनखाञ्चलैः शिथिलयत्याक्रम्य पीठं पदा ॥
३५३०१ अश्रान्तविश्राणितयज्ञयूप स्तम्भावलीर्द्रागवलम्बमानः ।
३५३०२ यस्य स्वभावाद्भुवि संचचार कालक्रमादेकपदोऽपि धर्मः ॥
३५३११ अश्रान्तश्रुतिपाठपूतरसनाविर्भूतभूरिस्तवा जिह्मब्रह्ममुखौघविघ्नितनवस्वर्गक्रियाकेलिना ।
३५३१२ पूर्वं गाधिसुतेन सामिघटिता मुक्ता नु मन्दाकिनी यत्प्रासाददुकूलवल्लिरनिलान्दोलैरखेलद्दिवि ॥
३५३२१ अश्रान्तिर्बन्धुतां धत्ते कष्टं नष्टस्य नश्वरः ।
३५३२२ स्कन्धेन पङ्गुना पङ्गुर्नहि वर्त्मनि नीयते ॥
३५३३१ अश्रावि भूमिपतिभिः क्षणवीतनिद्रैरश्नन् पुरो हरितकं मुदमादधानः ।
३५३३२ ग्रीवाग्रलोलकलकिङ्किणिकानिनाद मिश्रं दधद्दशनचर्चुरशब्दमश्वः ॥
३५३४१ अश्रुच्छलेन सुदृशो हुतपावकधूमकलुषाक्ष्याः ।
३५३४२ अप्राप्य मानमङ्गे विगलति लावण्यवारिपूर इव ॥
३५३५१ अश्रुतमिव खलजल्पितमदृष्टमिव गुरुमुखेन्दुमालिन्यम् ।
३५३५२ अगणितनिजापमानं भामिनि भवदर्थमच्युतः सहते ॥
३५३६१ अश्रुतश्च समुन्नद्धो दरिद्रश्च महामनाः ।
३५३६२ अर्थाश्चाकर्मणा प्रेप्सुर्मूढ इत्युच्यते बुधैः ॥
३५३७१ अश्रुभिः पाद्यमाकल्प्य प्रणीय हृदयासनम् ।
३५३७२ उपेते दयिते कान्ता परिष्वङ्गमुपानयत् ॥
३५३८१ अश्वं नैव गजं नैव व्याघ्रं नैव च नैव च ।
३५३८२ अजापुत्रं बलिं दद्याद्देवो दुर्बलघातकः ॥
३५३९१ अश्वं स्नातं गजं मत्तं वृषभं काममोहितम् ।
३५३९२ शूद्रमक्षरसंयुक्तं दूरतः परिवर्जयेत् ॥
३५४०१ अश्वः शस्त्रं शास्त्रं वीणा वाणी नरश्च नारी च ।
३५४०२ पुरुषविशेषं प्राप्ता भवन्त्ययोग्याश्च योग्याश्च ॥
३५४११ अश्वः सुप्तो गजो मत्तो गावः प्रथमसूतिकाः ।
३५४१२ अन्तःपुरगतो राजा दूरतः परिवर्जयेत् ॥
३५४२१ अश्वगन्धापलं त्रिंशच्चूर्णयित्वा विचक्षणः ।
३५४२२ वृद्धदारुकचूर्णेन समभागं च कारयेत् ॥
३५४३१ अश्वत्थचलपत्राग्रलीनतोयकणोपमे ।
३५४३२ स्थिराशा जीविते यस्य तत्समो नास्त्यचेतनः ॥
३५४४१ अश्वत्थमेकं पिचुमन्दमेकं न्यग्रोधमेकं दश चिञ्चिणीकाः ।
३५४४२ कपित्थबिल्वामलकत्रयं च पञ्चाम्रवापी नरकं न पश्येत् ॥
३५४५१ अश्वत्थस्य महत्त्वं को ननु वक्तुं नरः प्रभवेत् ।
३५४५२ सवितरि यत्रालक्ष्मीर्मन्दे लक्ष्मीरमन्दास्ते ॥
३५४६१ अश्वत्थामा बलिर्व्यासो हनूमांश्च विभीषणः ।
३५४६२ कृपः परशुरामश्च सप्तैते चिरजीविनः ॥
३५४७१ अश्वत्थामा हत इति युधि गिरमनृतां युधिष्ठिरोऽवादीत् ।
३५४७२ पुनरनुतापमवापत्पापं कृत्वानुतप्येत ॥
३५४८१ अश्वपृष्ठं गजस्कन्धो नारीणां च पयोधरः ।
३५४८२ दन्तधावनशस्त्रं च यथा स्थूलं तथा सुखम् ॥
३५४९१ अश्वप्रशंसा विख्याता धनुर्वेदस्ततःपरम् ।
३५४९२ गान्धर्वशास्त्रमपरं वृक्षायुर्वेद एव च ॥
३५५०१ अश्वप्लुतं वासवगर्जितं च स्त्रीणां च चित्तं पुरुषस्य भाग्यम् ।
३५५०२ अवर्षणं चाप्यतिवर्षणं च देवो न जानाति कृतो मनुष्यः ॥
३५५११ अश्वमध्ये कृतरवा शिवा युद्धप्रपञ्चकृत् ।
३५५१२ शिवा सप्तस्वरा ग्राह्या बहुशब्दाश्च निष्फलाः ॥
३५५२१ अश्वमेधसहस्रं च सत्यं च तुलया धृतम् ।
३५५२२ अत्यरिच्यत सत्यं च इति वेदविदो विदुः ॥
३५५३१ अश्वमेधसहस्रं च सत्यं च तुलया धृतम् ।
३५५३२ अश्वमेधसहस्राद्धि सत्यमेव विशिष्यते ॥
३५५४१ अश्वमेधसहस्रं च सत्यं च तुलया धृतम् ।
३५५४२ तुलयित्वा तु पश्यामि सत्यमेवातिरिच्यते ॥
३५५५१ अश्वमेधसहस्रं च सत्यं च तुलया धृतम् ।
३५५५२ नाभिजानामि यद्यस्य सत्यस्यार्धमवाप्नुयात् ॥
३५५६१ अश्वमेधसहस्रस्य फलं सत्यं तुलान्तरे ।
३५५६२ धृत्वा संलोड्यते राजन् सत्ये भवति गौरवम् ॥
३५५७१ अश्वमेधसहस्राणां सहस्रं यः समाचरेत् ।
३५५७२ नासौ पदमवाप्नोति मद्भक्तैर्यदवाप्यते ॥
३५५८१ अश्वयानं गजं मत्तं गावश्चैव प्रसूतिकाः ।
३५५८२ तथा चान्तःपुरे दासीं दूरतः परिवर्जयेत् ॥
३५५९१ अश्वशालां समासाद्य यदान्तर्मधुमक्षिकाः ।
३५५९२ मधुजालं प्रबध्नन्ति म्रियन्तेऽश्वास्तदा ध्रुवम् ॥
३५६०१ अश्वस्य लक्षणं वेगो मदो मातङ्गलक्षणम् ।
३५६०२ चातुर्यं लक्षणं नार्या उद्योगः पुरुषलक्षणम् ॥
३५६११ अश्वानां च पताकानां बालानां पण्ययोषिताम् ।
३५६१२ विदूषकपटानां च चापल्यमतिमण्डनम् ॥
३५६२१ अश्वा नागाः स्यन्दनानां च सङ्घा मन्त्राः सिद्धा दैवतं चानुकूलम् ।
३५६२२ एतान्याहुः साधनानि स्म राज्ञां येभ्यश्चेयं बुद्धिरुत्कृष्यते मे ॥
३५६३१ अश्वा यस्य जयस्तस्य यस्याश्वास्तस्य मेदिनी ।
३५६३२ अश्वा यस्य यशस्तस्य यस्याश्वास्तस्य काञ्चनम् ॥
३५६४१ अश्वारूढं पयःपानं गजारूढं तु मैथुनम् ।
३५६४२ शिबिकीमर्दनं चैव पादचारी तु भोजनम् ॥
३५६५१ अश्वारूढं यतिं दृष्ट्वा खट्वारूढां रजस्वलाम् ।
३५६५२ सकेशां विधवां दृष्ट्वा सचैलं स्नानमाचरेत् ॥
३५६६१ अश्वाश्चतुष्कोटिमिता लक्षाण्येकादशैव च ।
३५६६२ सप्तत्रिंशत्सहस्राणि तथा शतचतुष्टयम् ॥
३५६७१ सप्ततिश्चैव संख्याताः प्रोच्यन्ते पत्तयस्ततः ।
३५६७२ षट्कोट्योऽशीतिलक्षाणि पञ्चाधिकमितानि च ॥
३५६८१ द्विषष्टि च सहस्राणि तथा शतचतुष्टयम् ।
३५६८२ पञ्चाशदिति संख्याता महाक्षौहिनिका बुधैः ॥
३५६९१ अश्विनीमैत्ररेवत्यो मृगो मूलं पुनर्वसुः ।
३५६९२ पुष्यो ज्येष्ठा तथा हस्तः प्रस्थाने श्रेष्ठ उच्यते ॥
३५७०१ अश्विनी सूयते वत्सं कामधेनुस्तुरंगमम् ।
३५७०२ तथैव सागरो वह्निं यथा राजा तथा प्रजा ॥
३५७११ अश्वीये यमवाहनस्य नकुलस्याशीविषाणां कुले मार्जारस्य च मूषकेषु घटते या प्रीतिरात्यन्तिकी ।
३५७१२ क्षीणेऽर्थे विधुरेषु बन्धुषु दृढे लोकापवादे शनैर्ज्ञेया कामिजनेषु सैव गणिकावर्गस्य नैसर्गिकी ॥
३५७२१ अश्वे जवो वृषे धौर्यं मणौ कान्तिः क्षमा नृपे ।
३५७२२ हावभावौ च वेश्यायां गायके मधुरस्वरः ॥
३५७३१ दातृत्वं धनिके शौर्यं सैनिके बहुदुग्धता ।
३५७३२ गोषु दमस्तपस्विषु विद्वत्सु वावदूकता ॥
३५७४१ सभ्येष्वपक्षपातस्तु तथा साक्षिषु सत्यवाक् ।
३५७४२ अनन्यभक्तिर्भृत्येषु सुहितोक्तिश्च मन्त्रिषु ॥
३५७५१ मौनं मूर्खेषु च स्त्रीषु पातिव्रत्यं सुभूषणम् ।
३५७५२ महादुर्भूषणं चैतद्विपरीतममीषु च ॥
३५७६१ अश्वैर्यानं यानं स्त्रीभिर्लीलैव प्रोच्यते लीला ।
३५७६२ मांसां भुक्तं भुक्तं चान्यदयानमलीलाभुक्तम् ॥
३५७७१ अष्टकुलाचलसप्तसमुद्रा ब्रह्मपुरंदरदिनकररुद्राः ।
३५७७२ न त्वं नाहं नायं लोकस्तदपि किमर्थं क्रियते शोकः ॥
३५७८१ अष्टधा देवतायोनिस्तिर्यग्योनिश्च पञ्चधा ।
३५७८२ एकधा मानुषी योनिरिमे भूताश्चतुर्दश ॥
३५७९१ अष्टपादश्चतुष्कर्णो द्विमुखी द्विमुखस्तथा ।
३५७९२ राजद्वारे पठेद्घोरो न च देवो न राक्षसः ॥
३५८०१ अष्टमं ब्रह्मरन्ध्रं स्यात्परं निर्वाणसूचकम् । तद्ध्यात्वा सूचिकाग्राभं धूमाकारं विमुच्यते ।
३५८०२ तच्च जालंधरं ज्ञेयं मोक्षदं लीनचेतसाम् ॥ अष्टमी च अमावास्या वर्जनीया चतुर्दशी ।
३५८१२ पूर्णिमार्धदिनं यावन्निषिद्धा सर्वकर्मसु ॥
३५८२१ अष्टमी हन्त्युपाध्यायं शिष्यं हन्ति चतुर्दशी ।
३५८२२ आमावास्योऽभयं हन्ति प्रतिपत्पाठनाशिनी ॥
३५८३१ अष्टमे द्वादशे वापि शाकं यः पचते गृहे ।
३५८३२ कुमित्राण्यनपाश्रित्य किं वै सुखतरं ततः ॥
३५८४१ अष्टाङ्गयोगपरिशीलनकीलनेन दुःसाधसिद्धिसविधं विदधद्विदूरे ।
३५८४२ आसादयन्नभिमतामधुना विवेक ख्यातिं समाधिधनमौलिमणिर्विमुक्तः ॥
३५८५१ अष्टाङ्गुलस्य कथितो वायोर्मानो विचक्षणैः ।
३५८५२ चतुरङ्गुलमानं च तेजस्तत्त्वं निगद्यते ॥
३५८६१ अष्टादश तथा मध्ये हीने चैव चतुर्दश ।
३५८६२ सप्ताङ्गुलः खुरः प्रोक्त उत्तमाश्वस्य पण्डितैः ॥
३५८७१ अष्टादशपुराणेषु व्यासस्य वचनद्वयम् ।
३५८७२ परोपकारः पुण्याय पापाय परपीडनम् ॥
३५८८१ अष्टादशापि स्मृतयो वदन्ति यस्यापराधः खलु तस्य दण्डः ।
३५८८२ स्वस्यापराधः खलु नाभिमूले शिरः कुतो मुण्डयते मृगाक्षि ॥
३५८९१ अष्टानां लोकपालानां संभवत्यंशतो नृपः ।
३५८९२ तस्मादभिभवत्येष सर्वभूतानि तेजसा ॥
३५९०१ अष्टाभिः किल दण्डनीतिनिपुणैः सत्प्राड्विवाकैः समं मध्येसौधमनुत्तमासनगतः कार्याणि कुर्वन्नृणाम् ।
३५९०२ विष्णुर्भूपवपुर्विधाय किमसौ दिक्पालयुक्पालयत्येवं भ्रान्तिमतो मनाङ्न कुरुते कास्कानयं माधवः ॥
३५९११ अष्टावङ्गानि योगस्य यमो नियम आसनम् ।
३५९१२ प्राणायामः प्रत्याहारो धारणा ध्यानतन्मयः ॥
३५९२१ अष्टाविमानि हर्षस्य नवनीतानि भारत ।
३५९२२ वर्तमानानि दृश्यन्ते तान्येव सुसुखान्यपि ॥
३५९३१ समागमश्च सखिभिर्महांश्चैव धनागमः ।
३५९३२ पुत्रेण च परिष्वङ्गः संनिपातश्च मैथुने ॥
३५९४१ समये च प्रियालापः स्वयूथेषु च संनतिः ।
३५९४२ अभिप्रेतस्य लाभश्च पूजा च जनसंसदि ॥
३५९५१ अष्टोत्तरशतं श्लोकं चाणक्येन यथोदितम् ।
३५९५२ यस्य विज्ञानमात्रेण न् णां प्रज्ञा प्रवर्धते ॥
३५९६१ अष्टौ गुणाः पुरुषं दीपयन्ति प्रज्ञा च कौल्यं च दमः श्रुतं च ।
३५९६२ पराक्रमश्चाबहुभाषिता च दानं यथाशक्ति कृतज्ञता च ॥
३५९७१ अष्टौ तान्यव्रतघ्नानि आपो मूलं फलं पयः ।
३५९७२ हविर्भ्राह्मणकाम्या च गुरोर्वचनमौषधम् ॥
३५९८१ अष्टौ नृपेमानि मनुष्यलोके स्वर्गस्य लोकस्य निदर्शनानि ।
३५९८२ चत्वार्येषामन्ववेतानि सद्भिश्चत्वार्येषामन्ववयन्ति सन्तः ॥
३५९९१ यज्ञो दानमध्ययनं तपश्च चत्वार्येतान्यन्ववेतानि सद्भिः ।
३५९९२ दमः सत्यमार्जवमानृशंस्यं चत्वार्येतान्यन्ववयन्ति सन्तः ॥
३६००१ अष्टौ पूर्वनिमित्तानि नरस्य विनशिष्यतः ।
३६००२ ब्राह्मणान् प्रथमं द्वेष्टि ब्राह्मणैश्च विरुध्यते ॥
३६०११ ब्राह्मणस्वानि चादत्ते ब्राह्मणांश्च जिघांसति ।
३६०१२ रमते निन्दया चैषां प्रशंसां नाभिनन्दति ॥
३६०२१ नैतान् स्मरति कृत्येषु याचितश्चाभ्यसूयति ।
३६०२२ एतान् दोषान्नरः प्राज्ञो बुद्ध्या बुद्ध्वा विवर्जयेत् ॥
३६०३१ अष्टौ मासान् यथादित्यस्तोयं हरति रश्मिभिः ।
३६०३२ तथा हरेत्करं राष्ट्रान्नित्यमर्कव्रतं हि तत् ॥
३६०४१ अष्टौ यदा तु दृश्यन्ते समन्ताद्देवयोनयः ।
३६०४२ उपसर्गं तमित्याहुर्दैवमुन्मत्तवद्बुधाः ॥
३६०५१ अष्टौ यस्य दिशो दलानि विपुलः कोशः सुवर्णाचलः कान्तं केसरजालमर्ककिरणा भृङ्गाः पयोदावली ।
३६०५२ नालं शेषमहोरगः प्रविततं वारांनिधेर्लीलया तद्वः पातु समुद्धरन् कुवलयं क्रोडाकृतिः केशवः ॥
३६०६१ अष्टौ हाटककोटयस्त्रिनवतिर्मुक्ताफलानां तुलाः पञ्चाशन्मधुगन्धमत्तमधुपाः क्रोधोद्धताः सिन्धुराः ।
३६०६२ अश्वानामयुतं प्रपञ्चचतुरं वाराङ्गनानां शतं दत्तं पाण्ड्यनृपेण यौतकमिदं वैतालिकायार्प्यताम् ॥
३६०७१ असंकल्पाज्जयेत्कामं क्रोधं कामविवर्जनात् ।
३६०७२ अर्थानर्थेक्षया लोभं भयं तत्त्वावमर्शनात् ॥
३६०८१ असंकल्पितमेवेह यदकस्मात्प्रवर्तते ।
३६०८२ निवर्त्यारम्भमारब्धं ननु दैवस्य कर्म तत् ॥
३६०९१ असंख्यपुष्पोऽपि मनोभवस्य पञ्चैव बाणार्थमयं ददाति ।
३६०९२ एवं कदर्यत्वमिवावधार्य सर्वस्वमग्राहि मधोर्वधूभिः ॥
३६१०१ असंख्याः परदोषज्ञा गुणज्ञा अपि केचन ।
३६१०२ स्वयमेव स्वदोषज्ञा विद्यन्ते यदि पञ्चषाः ॥
३६१११ असंगतेनोन्नतिमागतेन चलेन वक्रेण मलीमसेन ।
३६११२ सा दुर्जनेनेव समस्तमेतं प्रबाधते भ्रूयुगलेन लोकम् ॥
३६१२१ असंगृहीतस्य पुनर्मन्त्रस्य शृणु यत्फलम् ।
३६१२२ अहीनं धर्मकामाभ्यामर्थं प्राप्नोति केवलम् ॥
३६१३१ असंचयादपूर्वस्य क्षयात्पूर्वार्जितस्य च ।
३६१३२ कर्मणो बन्धमाप्नोति शारीरं न पुनः पुनः ॥
३६१४१ असंतुष्टस्य विप्रस्य तेजो विद्या तपो यशः ।
३६१४२ स्रवन्तीन्द्रियलौल्येन ज्ञानं चैवावकीर्यते ॥
३६१५१ असंतुष्टा द्विजा नष्टाः संतुष्टाश्च महीभृतः ।
३६१५२ सलज्जा गणिका नष्टा निर्लज्जाश्च कुलाङ्गना ॥
३६१६१ असंतुष्टाश्च्युताः स्थानान्मानात्प्रत्यवरोपिताः ।
३६१६२ स्वयं चोपहृता भृत्या ये चाप्युपहताः परैः ॥
३६१७१ असंतुष्टोऽसकृल्लोकानाप्नोत्यपि सुरेश्वरः ।
३६१७२ अकिंचनोऽपि संतुष्टः शेते सर्वाङ्गविज्वरः ॥
३६१८१ असंतोषः परं दुःखं संतोषः परमं सुखम् ।
३६१८२ सुखार्थी पुरुषस्तस्मात्संतुष्टः सततः भवेत् ॥
३६१९१ असंतोषः परं पापमित्याह भगवान् हरिः ।
३६१९२ लोभः पापस्य बीजोऽयं मोहो मूलं च तस्य वै ।
३६१९३ असत्यं तस्य हि स्कन्धो महाशाखा सुविस्तरा ॥
३६२०१ असंतोषपरा मूढाः संतोषं यान्ति पण्डिताः ।
३६२०२ असन्तोषस्य नास्त्यन्तस्तुष्टिस्तु परमं सुखम् ॥
३६२११ असंतोषोऽसुखायैव लोभादिन्द्रियविभ्रमः ।
३६२१२ ततोऽस्य नश्यति प्रज्ञा विद्येवाभ्यासवर्जिता ॥
३६२२१ असंत्यागात्पापकृतामपापांस्तुल्यो दण्डः स्पृशते मिश्रभावात् ।
३६२२२ शुष्केणार्द्रं दह्यते मिश्रभावात्तस्मात्पापैः सह संधिं न कुर्यात् ॥
३६२३१ असंदधानो मानान्धः समेनापि हतो भृशम् ।
३६२३२ आमकुम्भमिवाभित्त्वा नावतिष्ठेत शक्तिमान् ॥
३६२४१ असंदिग्धमना भूत्वा वदेदिक्षुरसो यथा ।
३६२४२ विक्षुब्धो वचसा यो हि वाक्यशल्येन हन्यते ॥
३६२५१ असंपत्तौ परो लाभो गुह्यस्य कथनं तथा ।
३६२५२ आपद्विमोक्षणं चैव मित्रस्यैतत्फलत्रयम् ॥
३६२६१ असंपन्नः कथं बन्धुरसहिष्णुः कथं प्रभुः ।
३६२६२ अनात्मवित्कथं विद्वानसंतुष्टः कथं सुखी ॥
३६२७१ असंपादयतः कंचिदर्थं जातिक्रियागुणैः ।
३६२७२ यदृच्छाशब्दवत्पुंसः संज्ञायै जन्म केवलम् ॥
३६२८१ असंप्राप्तरजा गौरी प्राप्ते रजसि रोहिणी ।
३६२८२ अव्यञ्जना भवेत्कन्या कुचहीना च नग्निका ॥
३६२९१ असंभवं हेममृगस्य जन्म तथापि रामो लुलुभे मृगाय ।
३६२९२ प्रायः समापन्नविपत्तिकाले धियोऽपि पुंसां मलिना भवन्ति ॥
३६३०१ असंभवगुणस्तुत्या जायते स्वात्मनस्त्रपा ।
३६३०२ कर्णिकारं सुगन्धीति वदन् को नोपहस्यते ॥
३६३११ असंभाव्यं न वक्तव्यं प्रत्यक्षमपि दृश्यते ।
३६३१२ शिला तरति पानीयं गीतं गायति वानरः ॥
३६३२१ असंभाष्यं न भाषेत भाषसे यदि तत्तथा ।
३६३२२ परेषां हि समुद्वेगे नात्मनश्च शुभं फलम् ॥
३६३३१ असंभृतं मण्डनमङ्गयष्टेरनासवाख्यं करणं मदस्य ।
३६३३२ कामस्य पुष्पव्यतिरिक्तमस्त्रं बाल्यात्परं साथ वयः प्रपेदे ॥
३६३४१ असंभेद्यः शुचिर्दक्षः कृतान्नस्य परीक्षकः ।
३६३४२ सूदानां च विशेषज्ञः सूदाध्यक्षो विधीयते ॥
३६३५१ असंभोगेन सामान्यं कृपणस्य धनं परैः ।
३६३५२ अस्येदमिति संबन्धो हानौ दुःखेन गम्यते ॥
३६३६१ असंभ्रमो विलज्जत्वमवज्ञा प्रतिवादिनि ।
३६३६२ हासो राज्ञः स्तवश्चेति पञ्चैते जयहेतवः ॥
३६३७१ असंमतः कस्तव मुक्तिमार्गं पुनर्भवक्लेशभयात्प्रपन्नः ।
३६३७२ बद्धश्चिरं तिष्ठतु सुन्दरीणामारेचितभ्रूचतुरैः कटाक्षैः ॥
३६३८१ असंमाने तपोवृद्धिः संम्मानाच्च तपःक्षयः ।
३६३८२ पूजया पुण्यहानिः स्यान्निन्दया सद्गतिर्भवेत् ॥
३६३९१ असंमुखालोकनमाभिमुख्यं निषेध एवानुमतिप्रकारः ।
३६३९२ प्रत्युत्तरं मुद्रणमेव वाचां नवाङ्गनानां नव एव पन्थाः ॥
३६४०१ असंविभागी दुष्टात्मा कृतघ्नो निरपत्रपः ।
३६४०२ तादृङ्नराधमो लोके वर्जनीयो नराधिप ॥
३६४११ असंवृतस्य कार्याणि प्राप्तान्यपि विशेषतः ।
३६४१२ निःसंशयं विपद्यन्ते भिन्नप्लव इवोदधौ ॥
३६४२१ असंवृताकारतया भिन्नमन्त्रस्य भूपतेः ।
३६४२२ सकृच्छिद्रघटस्येव न तिष्ठत्युदयोदकम् ॥
३६४३१ असंशयं क्षत्रपरिग्रहक्षमा यदार्यमस्यामभिलाषि मे मनः ।
३६४३२ सतां हि संदेहपदेषु वस्तुषु प्रमाणमन्तःकरणप्रवृत्तयः ॥
३६४४१ असंशयं न्यस्तमुपान्तरक्ततां यदेव रोद्धुं रामणीभिरञ्जनम् ।
३६४४२ हृतेऽपि तस्मिन् सलिलेन शुक्लतां निरास रागो नयनेषु न श्रियम् ॥
३६४५१ असंशयं महाबाहो मनो दुर्निग्रहं चलम् ।
३६४५२ अभ्यासेन तु कौन्तेय वैराग्येण च गृह्यते ॥
३६४६१ असंशयं विजानीहि काले सर्वं फलिष्यति ।
३६४६२ धृतिं धारय विस्रब्धं भवेत्सर्वं समञ्जसम् ॥
३६४७१ असकलकलिकाकुलीकृतालि स्खलनविकीर्णविकासिकेशराणाम् ।
३६४७२ मरुदवनिरुहां रजो वधूभ्यः समुपहरन् विचकार कोरकाणि ॥
३६४८१ असकलनयनावलोकनेन स्मितपरिहासमनोहरैर्वचोभिः ।
३६४८२ कमलमुखि मुरारिरेवमेवं कथय कियन्ति दिनानि वञ्चनीयः ॥
३६४९१ असकलनयनेक्षितानि लज्जा गतमलसं परिपाण्डुता विषादः ।
३६४९२ इति विविधमियाय तासु भूषां प्रभवति मण्डयितुं वधूरनङ्गः ॥
३६५०१ असकृदसकृन्नष्टां नष्टां मृगो मृगतृष्णिकां श्रमपरिगतोऽप्युत्पक्ष्माक्षः परैति पुनः पुनः ।
३६५०२ गणयति न तन्मायातोयं हतः सलिलाशया भवति हि मतिस्तृष्णान्धानां विवेकपराङ्मुखी ॥
३६५११ असकृन्न नेऽति सावधि निषेधबोधिश्रुतिर्मया कलिता ।
३६५१२ गमयति परमनवरतं या तमखण्डार्थरूपमानन्दम् ॥
३६५२१ असकृदेकरथेन तरस्विना हरिहयाग्रसरेण धनुर्भृता ।
३६५२२ दिनकराभिमुखा रणरेणवो रुरुधिरे रुधिरेण सुरद्विषाम् ॥
३६५३१ असकृद्युधि विजितादपि भीतो बार्हद्रथाज्जले दुर्गम् ।
३६५३२ कृत्वा हरिर्न्यवात्सीद्विजितोऽप्याशङ्कनीयोऽरिः ॥
३६५४१ असकृन्न वदेदाशां प्रार्थयेद्देवतां सकृत् ।
३६५४२ नालायनी पञ्च पतीन् प्रापोच्चार्य पुनः पुनः ॥
३६५५१ असक्तमाराधयतो यथायथं विभज्य भक्त्या समपक्षपातया ।
३६५५२ गुणानुरागादिव सख्यमीयिवान्न बाधतेऽस्य त्रिगणः परस्परम् ॥
३६५६१ असङ्गसंगदोषेण सत्याश्च मतिविभ्रमः ।
३६५६२ एकरात्रप्रसङ्गेन काष्ठघण्टाविडम्बना ॥
३६५७१ असज्जनः सज्जनसङ्गिसङ्गात्करोति दुःसाध्यमपीह साध्यम् ।
३६५७२ पुष्पाश्रयाच्छंभुशिरोऽधिरूढा पिपीलिका चुम्बति चन्द्रबिम्बम् ॥
३६५८१ असज्जनायाशु वरं न दद्यात्प्रीतितो नृपः ।
३६५८२ वरं भस्मासुरायेशः दत्त्वा नीलिफलं गतः ॥
३६५९१ असज्जनाश्चेन्मधुरैर्वचोभिः शक्यन्त एव प्रतिकर्तुमार्यैः ।
३६५९२ तत्केतकीरेणुभिरम्बुराशेर्बन्धक्रियायामपि कः प्रयासः ॥
३६६०१ असज्जनेन संपर्कादनयं यान्ति साधवः ।
३६६०२ मधुरं शीतलं तोयं पावकं प्राप्य तप्यते ॥
३६६११ असतः श्रीमदान्धस्य दारिद्र्यं परमाञ्जनम् ।
३६६१२ आत्मौपम्येन भूतानि दरिद्रः परमीक्षते ॥
३६६२१ असतां च परिक्षेपः सतां च परिगूहनम् ।
३६६२२ अभूतानां च हिंसानामधर्माणां च वर्जनम् ॥
३६६३१ असतां धर्मबुद्धिश्चेत्सतां संतापकारणम् ।
३६६३२ उपोषितस्य व्याघ्रस्य पारणं पशुमारणम् ॥
३६६४१ असतां प्रग्रहः कामः कोपश्चावग्रहः सताम् ।
३६६४२ व्यसनं दोषबाहुल्यादत्यन्तमुभयं मतम् ॥
३६६५१ असतां बत सत्तापि न न्यायानुगता यदा ।
३६६५२ ततस्तेभ्योर्थपूर्त्त्याशा सुधालिप्सेव भोगिनः ॥
३६६६१ असतां सङ्गदोषेण सती याति मतिर्भ्रमम् ।
३६६६२ एकरात्रिप्रवासेन काष्ठं मुञ्जे प्रलम्बितम् ॥
३६६७१ असतां सङ्गदोषेण साधवो यान्ति विक्रियाम् ।
३६६७२ दुर्योधनप्रसङ्गेन भीष्मो गोहरणे गतः ॥
३६६८१ असतां सङ्गमुत्सृज्य सत्सु सङ्गं समाचरेत् ।
३६६८२ असतां सङ्गदोषेण माण्डव्यः शूलमाप्तवान् ॥
३६६९१ असतां सहजो भावश्छन्नः केनापि हेतुना ।
३६६९२ संस्कार इव बीजानां फलेन सह जायते ॥
३६७०१ असतामुपभोगाय दुर्जनानां विभूतयः ।
३६७०२ पिचुमन्दः फलाढ्योऽपि काकैरेवोपभुज्यते ॥
३६७११ असता सह सङ्गेन को न यात्यधमां गतिम् ।
३६७१२ पयोऽपि शौण्डनीहस्ते मद्यमित्यभिधीयते ॥
३६७२१ असतीचरितं तद्वद्वसन्तादेश्चवर्णनम् ।
३६७२२ ग्रीष्मादेर्वर्णनं तद्वद्वर्षादेरपि वर्णनम् ॥
३६७३१ असती भवति सलज्जा क्षारं नीरं च शीतलं भवति ।
३६७३२ दम्भी भवति विवेकी प्रियवक्ता भवति धूर्तजनः ॥
३६७४१ असतोऽपि भवति गुणवान् सद्भ्योऽपि परं भवन्त्यसद्वृत्ताः ।
३६७४२ पङ्कादुदेति कमलं क्रिमयः कमलादपि भवन्ति ॥
३६७५१ असतो वा सतो वापि स्वयं स्वान् वर्णयन् गुणान् ।
३६७५२ हास्यतां याति शक्रोऽपि किं पुनः प्राकृतो जनः ॥
३६७६१ असत्कार्यरतोऽधीर आरम्भी विषयी च यः ।
३६७६२ स राजसो मनुष्येषु मृतो जन्माधिगच्छति ॥
३६७७१ असत्प्रतिग्रहीता च नरके यात्यधोमुखे ।
३६७७२ एको मिष्टान्नभुग्यः स याति पूयवहं नरः ॥
३६७८१ असत्प्रलापं पारुष्यं पैशुन्यमनृतं तथा ।
३६७८२ चत्वारि वाचा राजेन्द्र न जल्पेन्नानुचिन्तयेत् ॥
३६७९१ असत्यः सर्वलोकेऽस्मिन् सततं सत्कृताः प्रियैः ।
३६७९२ भर्तारं नानुमन्यंते विनिपातगतं स्त्रियः ॥
३६८०१ असत्यता निष्ठुरताकृतज्ञता भयं प्रमादोऽलसता विषादिता ।
३६८०२ वृथाभिमानोऽपि च दीर्घसूत्रता तथाङ्गनाक्षादि विनाशनं श्रियः ॥
३६८११ असत्यमप्रत्ययमूलकारणं कुवासनासद्मसमृद्धिवारणम् ।
३६८१२ विपन्निदानं परवञ्चनोर्जितं कृतापराधं कृतिभिर्विवर्जितम् ॥
३६८२१ असत्यमेतद्विदितं समस्तमकार्यकारीति मृषा प्रपञ्चः ।
३६८२२ कुचापलापक्रममेव कर्तुमाच्छादनं ते हृदयस्य शश्वत् ॥
३६८३१ असत्यशीला विकृता दुर्ग्राह्यहृदयाः सदा ।
३६८३२ युवत्यः पापसंकल्पाः क्षणमात्राद्विरागिणः ॥
३६८४१ असत्यसंधस्य सतश्चलस्यास्थिरचेतसः ।
३६८४२ नैव देवा न पितरः प्रतीच्छन्तीति नः श्रुतम् ॥
३६८५१ असत्यस्य वणिग्मूलं शाखास्तस्य वराङ्गनाः ।
३६८५२ कायस्थाः पत्रपुष्पाणि फलानि द्यूतकारिणः ॥
३६८६१ असत्याः सत्यसंकाशाः सत्याश्चासत्यरूपिणः ।
३६८६२ दृश्यन्ते विविधा भावास्तस्माद्युक्तं परीक्षणम् ॥
३६८७१ असत्या च हता वाणी तथा पैशुन्यवादिनी ।
३६८७२ संदिग्धोऽपि हतो मन्त्रो व्यग्रचित्तो हतो जपः ॥
३६८८१ असत्यात्मगुणे शस्त्रं हस्ताभ्यां विनिवार्यते ।
३६८८२ एषापि न गतिः क्षेम्या न चान्या विद्यते क्वचित् ॥
३६८९१ असत्येनैव जीवन्ति वेश्याः सत्यविवर्जिताः ।
३६८९२ एताः सत्येन नश्यन्ति मद्येनेव कुलाङ्गनाः ॥
३६९०१ असत्संपर्कदोषेण अधस्ताद्यान्ति साधवः ।
३६९०२ मार्गस्तिमिरदोषेण समोऽपि विषमायते ॥
३६९११ असत्सङ्गाद्गुणज्ञोऽपि विषयासक्तमानसः ।
३६९१२ अकस्मात्प्रलयं याति गीतरक्तो यथा मृगः ॥
३६९२१ असदृशजनेषु याच्ञा महतां नहि लाघवाय सुहृदर्थे ।
३६९२२ हरिरपि पाण्डुसुतेभ्यः स्वयमर्थी धार्तराष्ट्रेषु ॥
३६९३१ असद्धर्मस्त्वयं स्त्रीणामस्माकं भवति प्रभो ।
३६९३२ पापीयसो नरान् यद्वै लज्जां त्यक्त्वा भजामहे ॥
३६९४१ असद्भिः सेवितो राजा स्वयं सन्नपि दूष्यते ।
३६९४२ किं सेव्यो भोगिसंवीतो गन्धवानपि चन्दनः ॥
३६९५१ असद्भिरसतामेव भुज्यन्ते धनसंपदः ।
३६९५२ फलं किम्पाकवृक्षस्य ध्वाङ्क्षा भक्षन्ति नेतरे ॥
३६९६१ असद्वृत्तो नायं न च सखि गुणैरेष रहितः प्रियो मुक्ताहारस्तव चरणमूले निपतितः ।
३६९६२ गृहाणैनं मुग्धे व्रजतु तव कण्ठप्रणयितामुपायो नास्त्यन्यो हृदयपरितापोपशमने ॥
३६९७१ असन्तोऽभ्यर्थिताः सद्भिः किंचित्कार्यं कदाचन ।
३६९७२ मन्यन्ते सन्तमात्मानमसन्तमपि वितश्रुम् ॥
३६९८१ असन्तो ये निवर्तन्ते वेदेभ्य इव नास्तिकाः ।
३६९८२ नरकं भजमानास्ते प्रतिपद्यन्ति किल्बिषम् ॥
३६९९१ असन्थितपदा सुविह्वलाङ्गी मदस्खलितचेष्टितैर्मनोज्ञा ।
३६९९२ क्व यास्यसि वरोरु सुरतकाले विषमा किं वानवासिका त्वम् ॥
३७००१ असभ्यः पिशुनश्चैव कृतघ्नो दीर्घवैरिणः ।
३७००२ चत्वारः कर्मचण्डालाः जातिचण्डालपञ्चमाः ॥
३७०११ असमग्रविलोकितेन किं ते दयितं पश्य वरोरु निर्विशङ्कम् ।
३७०१२ नहि जातु कुशाग्रपीतमम्भः सुचिरेणापि करोत्यपेततृष्णम् ॥
३७०२१ असमञ्जसमसमञ्जस मसञ्जसमेतदापतितम् ।
३७०२२ वल्लवकुमारबुद्ध्या हरि हरि हरिरीक्षतः कुतुकात् ॥
३७०३१ असमर्थं परित्यज्य समर्थाः परिभुञ्जते ।
३७०३२ नृपाणां नास्ति दायाद्यं वीरभोग्या वसुन्धरा ॥
३७०४१ असमये मतिरुन्मिषति ध्रुवं करगतैव गता यदियं कुहूः ।
३७०४२ पुनरुपैति निरुध्य निवास्यते सखि मुखं न विधोः पुनरीक्ष्यते ॥
३७०५१ असमर्थाः प्रकुर्वन्ति मुनयोऽप्यर्थसंचयम् ।
३७०५२ किं न कुर्वन्ति भूपाला येषां कोशवशाः प्रजाः ॥
३७०६१ असमर्थो भवेत्साधुर्निर्धनो ब्रह्मचार्यपि ।
३७०६२ व्याधिमान् देवपूजी च कुरूपा च पतिव्रता ॥
३७०७१ असमसमरसम्पल्लम्पटानां भटानामवधिरवधि युद्धे येन हम्पीरवीरः ।
३७०७२ स किल सकलदृप्तक्षत्रनक्षत्रलक्ष्मी हरणकिरणमाली कस्य न स्यान्नमस्यः ॥
३७०८१ असमसाहससुव्यवसायिनः सकललोकचमत्कृतिकारिणः ।
३७०८२ यदि भवन्ति न वाञ्छितसिद्धयो हतविधेरयशो न मनस्विनः ॥
३७०९१ असमाने समानत्वं भविता कलहे मम ।
३७०९२ इति मत्वा ध्रुवं मानी मृगात्सिंहः पलायते ॥
३७१०१ असमापितकृत्यसंपदां हतवेगं विनयेन तावता ।
३७१०२ प्रभवन्त्यभिमानशालिनां मदमुत्तम्भयितुं विभूतयः ॥
३७१११ असमाप्तजिगीषस्य स्त्रीचिन्ता का मनस्विनः ।
३७११२ अनाक्रम्य जगत्कृत्स्नं नो संध्यां भजते रविः ॥
३७१२१ असमैः समीयमानः समैश्च परिहीयमाणसत्कारः ।
३७१२२ अधुरि विनियुज्यमानस्त्रिभिरर्थपतिं त्यजति भृत्यः ॥
३७१३१ असम्यगुपयुक्तं हि ज्ञानं सुकुशलैरपि ।
३७१३२ उपलभ्याप्यविदितं विदितं चाप्यनुष्ठितम् ॥
३७१४१ असहायः पुमानेकः कार्यान्तं नाधिगच्छति ।
३७१४२ तुषेणापि विनिर्मुक्तस्तण्डुलो न प्ररोहति ॥
३७१५१ असहायः समर्थोऽपि तेजस्वी किं करिष्यति ।
३७१५२ रामः सुग्रीवसाहाय्यात्लङ्कां निर्दग्धवान् पुरा ॥
३७१६१ असहायः समर्थोऽपि तेजस्व्यपि करोति किम् ।
३७१६२ निवाते पतितो वह्निः स्वयमेवोपशाम्यति ॥
३७१७१ असहायः समर्थोऽपि न कार्यं कर्तुमर्हति ।
३७१७२ तुषेणापि परित्यक्ता न प्ररोहन्ति तण्डुलाः ॥
३७१८१ असहायः सहायार्थी मामनुध्यातवान् ध्रुवम् ।
३७१८२ पीड्यमानः शरैस्तीक्ष्णैर्द्रोणद्रौणिकृपादिभिः ॥
३७१९१ असहायस्य कार्याणि सिद्धिं नायान्ति कानिचित् ।
३७१९२ तस्मात्समस्तकार्येषु सहायो भूपतेर्गतिः ॥
३७२०१ असहायोऽसमर्थो वा तेजस्वी किं करिष्यति ।
३७२०२ अतृणे पतितो वह्निः स्वयमेवोपशाम्यते ॥
३७२११ असहाश्चैव विज्ञेयाः प्रभावन्तो विदेहजाः ।
३७२१२ अङ्गदेशोद्भवास्तीक्ष्णाः सुहस्ताः सुदृढास्तथा ॥
३७२२१ असह्यवातोद्धतरेणुमण्डला प्रचण्डसूर्यातपतापिता मही ।
३७२२२ न शक्यते द्रष्टुमपि प्रवासिभिः प्रियावियोगानलदग्धमानसैः ॥
३७२३१ असह्यान्यपि सोढानि गदितान्यप्रियाण्यपि ।
३७२३२ स्थितः परगृहद्वारि तृष्णे निवृत्तिमाप्नुहि ॥
३७२४१ असाधना वित्तहीना बुद्धिमन्तः सुहृन्मताः ।
३७२४२ साधयन्त्याशु कार्याणि काककूर्ममृगाखुवत् ॥
३७२५१ असाधुः साधुर्वा भवति खलु जात्यैव पुरुषो न सङ्गाद्दौर्जन्यं न हि सुजनता कस्यचिदपि ।
३७२५२ प्ररूढे संसर्गे मणिभुजगयोर्जन्मजनिते मणिर्नाहेर्दोषान् स्पृशति न तु सर्पो मणिगुणान् ॥
३७२६१ असाधु परिगन्तव्यं न च साधु च संवलम् ।
३७२६२ संवलं कुरु यत्नेन मरणं ध्रुवनिश्चयम् ॥
३७२७१ असाध्यं नारभेत्प्राज्ञः अकार्यं नैव कारयेत् ।
३७२७२ अनृतं नैव जल्पेत अभक्ष्यं नैव भक्षयेत् ॥
३७२८१ असाध्यं शत्रुमालोक्य दायादं तस्य भेदयेत् ।
३७२८२ राज्यकामं समर्थं च यथा रामो विभीषणम् ॥
३७२९१ असाध्यं साधुमन्त्राणां तीव्रं वाग्विषमुत्सृजत् ।
३७२९२ द्विजिह्वं वदनं धत्ते दुष्टो दुर्जनपन्नगः ॥
३७३०१ असाध्यमन्यथा दोषं परिच्छिद्य शरीरिणाम् ।
३७३०२ यथा वैद्यस्तथा राजा शस्त्रपाणिर्विषह्यति ॥
३७३११ असाध्यायाः सुखं सिद्धिः सिद्धायाश्चानुरञ्जनम् ।
३७३१२ रक्तायाश्च रतिः सम्यक्कामशास्त्रप्रयोजनम् ॥
३७३२१ असामान्योल्लेखं विरसहतहेवाकिनमलं विधिं वन्दे निन्दाम्युत बत न जाने किमुचितम् ।
३७३२२ अनर्घं निर्माणं ललिततनु यस्येह भवती न यः कृत्वापि त्वां परिहरति सर्गव्यसनिताम् ॥
३७३३१ असारं संसारं परिमुषितरत्नं त्रिभुवनं निरालोकं लोकं मरणशरणं बान्धवजनम् ।
३७३३२ अदर्पं कन्दर्पं जननयननिर्माणमफलं जगज्जीर्णारण्यं कथमसि विधातुं व्यवसितः ॥
३७३४१ असारः संसारः सरसकदलीसारसदृशो लसद्विद्युल्लेखाचकितचपलं जीवितमिदम् ।
३७३४२ यदेतत्तारुण्यं नगगतनदीवेगसदृशमहो धार्ष्ट्यं पुंसां तदपि विषयान् धावति मनः ॥
३७३५१ असारः सर्वतः सारो वाचा सारसमुच्चयः ।
३७३५२ वाचा सा चलिता येन सुकृतं तेन हारितम् ॥
३७३६१ असारभूते संसारे सारं सारङ्गलोचना ।
३७३६२ तदर्थं धनमिच्छन्ति तत्त्यागे च धनेन किम् ॥
३७३७१ असारभूते संसारे सारभूता नितम्बिनी ।
३७३७२ इति संचिन्त्य वै शंभुरर्धाङ्गे कामिनीं दधौ ॥
३७३८१ असाराः सन्त्येते विरतिविरसा वाथ विषया जुगुप्सन्तां यद्वा ननु सकलदोषास्पदमिति ।
३७३८२ तथाप्यन्तस्तत्त्वप्रणिहितधियामप्यतिबलस्तदीयोऽनाख्येयः स्फुरति हृदये कोऽपि महिमा ॥
३७३९१ असारे खलु संसारे सारं श्वशुरमन्दिरम् ।
३७३९२ क्षीराब्धौ च हरिः शेते शिवः शेते हिमालये ॥
३७४०१ असारे खलु संसारे सारं श्वशुरमन्दिरम् ।
३७४०२ हरो हिमालये शेते विष्णुः शेते महोदधौ ॥
३७४११ असारे खलु संसारे सारमेतच्चतुष्टयम् ।
३७४१२ काश्यां वासः सतां सङ्गो गङ्गाम्भः शंभुसेवनम् ॥
३७४२१ असारे खलु संसारे सुखभ्रान्तिः शरीरिणाम् ।
३७४२२ लालापानमिवाङ्गुष्ठे बालानां स्तन्यविभ्रमः ॥
३७४३१ असारे बत संसारे कर्मतन्त्रः शरीरिणाम् ।
३७४३२ जायन्ते प्रियसंयोगा वियोगे हृदयच्छिदः ॥
३७४४१ असारे संसारे विषमविषपाके नृपसुखे कृतान्तेनाचान्ते प्रकृतिचपले जीवितबले ।
३७४४२ ध्रुवापाये काये विषयमृगतृष्णाहतहृदः क्षरप्राणैः प्राणानहह परिमुष्णन्ति कुधियः ॥
३७४५१ असारे संसारे सुमतिशरणे काव्यकरणे यथेष्टं चेष्टन्ते कति न कवयः स्वस्वरुचयः ।
३७४५२ परं दुग्धस्निग्धं मधुररचनं यस्तु वचनं प्रसूते ब्रूते वा भवति विरलः कोऽपि सरलः ॥
३७४६१ असारो निर्गुणो वक्रश्चित्ररूपतयान्वितः ।
३७४६२ अवाप न चिराद्भ्रंशं शक्रचापः खलो यथा ॥
३७४७१ असावधाने पाण्डित्यं क्रयक्रीतं च मैथुनम् ।
३७४७२ भोजनं च पराधीनं तिस्रः पुंसां विडम्बनाः ॥
३७४८१ असावनास्थापरयावधीरितः सरोरुहिण्या शिरसा नमन्नपि ।
३७४८२ उपैति शुष्यन् कलमः सहाम्भसा मनोभुवा तप्त इवाभिपाण्डुताम् ॥
३७४९१ असावनुपनीतोऽपि वेदानधिजगे गुरोः ।
३७४९२ स्वभावशुद्धः स्फटिको न संस्कारमपेक्षते ॥
३७५०१ असावन्तश्चञ्चद्विकचनवलीलाब्जयुगल स्तलस्फूर्जत्कम्बुर्विलसदलिसंघात उपरि ।
३७५०२ विना दोषासङ्गं सततपरिपूर्णाखिलकलः कुतः प्राप्तश्चन्द्रो विगलितकलङ्कः सुमुखि ते ॥
३७५११ असावहं लोहमयी स यस्याः क्रूरः सखि प्रस्तर एष कान्तः ।
३७५१२ आकर्षकद्रावकचुम्बकेषु नैकोऽप्यसौ भ्रामक इत्यवैहि ॥
३७५२१ असावुदयमारूढः कान्तिमान् रक्तमण्डलः ।
३७५२२ राजा हरति लोकस्य हृदयं मृदुभिः करैः ॥
३७५३१ असावुद्वेललावण्यरत्नाकरसमुद्भवः ।
३७५३२ जगद्विजयमाङ्गल्यशङ्खः कुसुमधन्वनः ॥
३७५४१ असावेकद्वित्रिप्रभृतिपरिपाट्या प्रकटयन् कलाः स्वैरं स्वैरं नवकमलकन्दाङ्कुररुचः ।
३७५४२ पुरन्ध्रीणां प्रेयोविरहदहनोद्दीपितदृशां कटाक्षेभ्यो बिभ्यन्निभृतमिव चन्द्रोऽभ्युदयते ॥
३७५५१ असिः शरा वर्म धनुश्च नोच्चकैर्विविच्य किं प्रार्थितमीश्वरेण ते ।
३७५५२ अथास्ति शक्तिः कृतमेव याच्ञया न दूषितः शक्तिमतां स्वयंग्रहः ॥
३७५६१ असिजीवी मषीजीवी देवलो ग्रामयाजकः ।
३७५६२ धावकः पाचकश्चैव षड्विप्राः शूद्रजातयः ॥
३७५७१ असितखुरचतुष्कः श्यामलग्रन्थिपादः स्रवति करसमीपे मूत्रधारां सवेगाम् ।
३७५७२ दशनचलखलीनः कुक्कुटस्कन्धबन्धः किटिवरकठिनोरुर्दूरगः स्यात्तुरुङ्गः ॥
३७५८१ असितगिरिसमं स्यात्कज्जलं सिन्धुपात्रे सुरतरुवरशाखा लेखनी पत्रमुर्वी ।
३७५८२ लिखति यदि गृहीत्वा शारदा सर्वकालं तदपि तव गुणानामीश पारं न याति ॥
३७५९१ असितनयनलक्ष्मीं लक्षयित्वोत्पलेषु क्वणितकनककाञ्चीं मत्तहंसस्वनेषु ।
३७५९२ अधररुचिरशोभां बन्धुजीवे प्रियाणां पथिकजन इदानीं रोदिति भ्रान्तचित्तः ॥
३७६०१ असितभुजगभीषणासिपत्रो रुहरुहिकाहितचित्ततूर्णचारः ।
३७६०२ पुलकिततनुरुत्कपोलकान्तिः प्रतिभटविक्रमदर्शनेऽयमासीत् ॥
३७६११ असितभुजगशिशुवेष्टितमभिनवमाभाति केतकीकुसुमम् ।
३७६१२ आयसवलयालंकृत विषाणमिव दन्तिनः पतितम् ॥
३७६२१ असितमेकसुराशितमप्यमून्न पुनरेष विधुर्विशदं विषम् ।
३७६२२ अपि निपीय सुरैर्जनितक्षयं स्वयमुदेति पुनर्नवमार्णवम् ॥
३७६३१ असितवसनस्रग्संवीता घनागुरुसारवन्मृगमदमषीस्नाता जातां त्वमेव तमस्विनी ।
३७६३२ अभिसर सुखं दन्तोद्द्योतं न तन्वि विकासयेः श्वसितमथवा मुञ्चेश्चञ्चद्द्विरेफघनोद्गमम् ॥
३७६४१ असितात्मा सुसंनद्धः समाविष्कृतचापलः ।
३७६४२ भुजंगकुटिलस्तस्या भ्रूविक्षेपः खलायते ॥
३७६५१ असिद्धसाधनं सद्भिः शासनं दण्ड उच्यते ।
३७६५२ तं युक्त्यैव नयेद्दण्डं युक्तदण्डः प्रशस्यते ॥
३७६६१ असिधारां विषं वह्निं समत्वे यः प्रपश्यति ।
३७६६२ मालासुधातुषाराणां स योगी कथ्यते बुधैः ॥
३७६७१ असिधाराक्रमक्रीता वरमेकापि काकिणी ।
३७६७२ न परभ्रूविनिर्दिष्टा सागरान्तापि मेदिनी ॥
३७६८१ असिधारापथे नाथ शत्रुशोणितपिच्छिले ।
३७६८२ आजगाम कथं लक्ष्मीर्निर्जगाम कथं यशः ॥
३७६९१ असिधेनुरियं विभाति ते जितसर्वक्षितिपालमण्डला ।
३७६९२ प्रलये जगतीमिवाशितुं स्फुरती कालकरालजिह्वका ॥
३७७०१ असिन्दूरेण सीमन्तो मा भून्नो योषितामिति ।
३७७०२ अतः परिहरन्त्याजावसिं दूरेण तेऽरयः ॥
३७७११ असिमात्रसहायस्य प्रभूतारिपराभवे ।
३७७१२ अन्यतुच्छजनस्येव न स्मयोऽस्य महाधृतेः ॥
३७७२१ असीव्यद्देहे स्वे पशुपतिरुमाङ्कं समघनो विगुप्तो गोपीभिर्दुहितरमयात्सा कमलभूः ।
३७७२२ यदादेशादेतज्जगदपि मृगीदृक्परवशं स वश्यः कस्य स्यादहह विषमो मन्मथभरः ॥
३७७३१ असुखमथ सुखं वा कर्मणां पक्तिवेलास्वहह नियतमेते भुञ्जते देहभाजः ।
३७७३२ तदिह पुरत एव प्राह मौहुर्तिकश्चेत्कथय फलममीषामन्ततः किं ततः स्यात् ॥
३७७४१ असुखैश्च विनालापो गुह्यस्य कथनं तथा ।
३७७४२ विपद्विमोक्षणं चैव मित्रतायाः फलत्रयम् ॥
३७७५१ असुभिरशुभं त्यक्त्वा देहं निजं किल योगविद्विशति विशदं ज्ञानालोकात्परस्य कलेवरम् ।
३७७५२ नयनविवरैः सूक्ष्मैः साक्षादहो तव नैपुणं विशसि हृदयं द्रष्टुं स्पष्टं बहिश्च विचेष्टसे ॥
३७७६१ असुभृतां वधमाचरति क्षमाद्वदति वाक्यमसह्यमसूनृतम् ।
३७७६२ परकलत्रधनान्यपि वाञ्छति न कुरुते किमु मद्यमदाकुलः ॥
३७७७१ असुररचितप्रयत्नाद्विज्ञाता दिविरवञ्चना येन ।
३७७७२ संरक्षिता मतिमता रत्नवती वसुमती तेन ॥
३७७८१ असुरसमरदक्षैर्वज्रसंधृष्टचापैरनुपमबलवीर्यैः स्वैः कुलैस्तुल्यवीर्यः ।
३७७८२ रघुरिव स नरेन्द्रो यज्ञविश्रान्तकोशो भव जगति गुणानां भाजनं भ्राजितानाम् ॥
३७७९१ असुरसुरनरेशां यो न भोगेषु तृप्तः कथमिह मनुजानां तस्य भोगेषु तृप्तिः ।
३७७९२ जलनिधिजलपाने यो न जातो वितृष्णस्तृणशिखरगताम्भम्भःपानतः किं स तृप्येत् ॥
३७८०१ असुरहितमप्यादित्योत्थं विपत्तिमुपागतं दितिसुतगुरुः प्राणैर्योक्तुं न किं कचवत्तमः ।
३७८०२ पठति लुठतीं कण्ठे विद्यामयं मृतजीवनीं यदि न वहते संध्यामौनव्रतव्ययभीरुताम् ॥
३७८११ असुरो हितमुपदिष्टः प्रह्लादो नारदेन गर्भस्थः ।
३७८१२ तत्त्वविदुषां वरोऽभूद्धितोपदेशं सदा शृणुयात् ॥
३७८२१ असुलभा सकलेन्दुमुखी च सा किमपि चेदमनङ्गविचेष्टितम् ।
३७८२२ अभिमुखीष्विव वाञ्छितसिद्धिषु व्रजति निर्वृतिमेकपदे मनः ॥
३७८३१ असुहृत्ससुहृच्चापि सशत्रुर्मित्रवानपि ।
३७८३२ सप्रज्ञः प्रज्ञया हीनो दैवेन लभते सुखम् ॥
३७८४१ असूचिभेद्यामासाद्य बालां प्रौढाभिलापिणीम् ।
३७८४२ हा कष्टं मुषितोऽस्मीति प्रभाते वक्ति कामुकः ॥
३७८५१ असूचीसंचारे तमसि नभसि प्रौढजलद ध्वनिप्राज्ञंमन्ये पतति पृषतानां निचये ।
३७८५२ इदं सौदामिन्याः कनककमनीयं विलसितं मुदं च म्लानिं च प्रथयति पथि स्वैरसुदृशाम् ॥
३७८६१ असूत सद्यः कुसुमान्यशोकः स्कन्धात्प्रभृत्येव सपल्लवानि ।
३७८६२ पादेन नापैक्षत सुन्दरीणां संपर्कमाशिञ्जितनूपुरेण ॥
३७८७१ असूत सा नागवधूपभोग्यं मैनाकमम्भोनिधिबद्धसख्यम् ।
३७८७२ क्रुद्धेऽपि पक्षच्छिदि वृत्रशत्राववेदनाज्ञं कुलिशक्षतानाम् ॥
३७८८१ असूयको दन्दशूको निष्ठुरो वैरकृन्नरः ।
३७८८२ स कृच्छ्रं महदाप्नोति नचिरात्पापमाचरन् ॥
३७८९१ असूयया हतेनैव पूर्वोपायोद्यमैरपि ।
३७८९२ कर्त्णां गृह्यते संपत्सुहृद्भिर्मन्त्रिभिस्तथा ॥
३७९०१ असूयाविष्टे मनसि यदि संपत्प्रवर्तते ।
३७९०२ तुषाग्निं वायुसम्योगमिव जानीहि सुव्रत ॥
३७९११ असूयैकपदं मृत्युरतिवादः श्रियो वधः ।
३७९१२ अशुश्रूषा त्वरा श्लाघा विद्यायाः शत्रवस्त्रयः ॥
३७९२१ असेकतोऽत्यन्तनिषेकतश्च शाखाविशोषं फलिनो निरूप्य ।
३७९२२ सप्ताहमात्रं शृतमेव सर्पिर्विडङ्गदुग्धाम्बु निषेचनीयम् ॥
३७९३१ असेवके चानुरक्तिर्दानं सप्रियभाषणम् ।
३७९३२ अनुरक्तस्य चिह्नानि दोषेऽपि गुणसंग्रहः ॥
३७९४१ असेवितेश्वरद्वारमदृष्टविरहव्यथम् ।
३७९४२ अनुक्तक्लीबवचनं धन्यं कस्यापि जीवितम् ॥
३७९५१ असोढा तत्कालोल्लसदसहभावस्य तपसः कथानां विश्रम्भेष्वथ च रसिकः शैलदुहितुः ।
३७९५२ प्रमोदं वो दिश्यात्कपटबटुवेषापनयने त्वराशथिल्याभ्यां युगपदभियुक्तः स्मरहरः ॥
३७९६१ असौ गतः सौगत एव यस्मात्कुर्यान्निरालम्बनतां ममैव ।
३७९६२ सखि प्रियस्ते क्षणिकः किमन्यन्निरात्मकः शून्यतमः स वन्द्यः ॥
३७९७१ असौ गिरेः शीतलकन्दरस्थः पारावतो मन्मथचाटुदक्षः ।
३७९७२ धर्मालसाङ्गीं मधुराणि कूजन् संवीजते पक्षपुटेन कान्ताम् ॥
३७९८१ असौजन्यञ्चेतोभवसमुचितं भावयति तद्वृथा संसारेऽस्मिन्नहह समयं किं गमयसि ।
३७९८२ चिराद्भूयो भूयः कलयसि सखेदो भवसुखं ततो मन्ये त्यागात्प्रभवति परा निर्वृतिरिति ॥
३७९९१ असौ नास्तीवेन्दुः क्वचिदपि रविः प्रोषित इव ग्रहोडूनां चक्रं नभसि लिखितप्रोञ्छितमिव ।
३७९९२ अहर्वा रात्रिर्वा द्वयमपि प्रलुप्तप्रविचयं घनैर्बद्धव्यूहैः किमिदमतिघोरं व्यवसितम् ॥
३८००१ असौ बिभ्रत्ताम्रत्विषमुदयशैलस्य शिरसि स्खलन् प्रालेयांशुर्यदि भवति मत्तो हलधरः ।
३८००२ तदानीमेतत्तु प्रतिनवतमालद्युतिहरं तमोऽपि व्यालोलं विगलति तदीयं निवसनम् ॥
३८०११ असौभाग्यं धत्ते परमसुखभोगास्पदमयं विचित्रं तद्गेहं भवति पृथुकार्तस्वरमयम् ।
३८०१२ निविष्टः पल्यङ्के कलयति स कान्तारतरणं प्रसादं कोपं वा जननि भवती यत्र तनुते ॥
३८०२१ असौ मरुच्चुम्बितचारुकेसरः प्रसन्नताराधिपमण्डलाग्रणीः ।
३८०२२ वियुक्तरामातुरदृष्टिवीक्षितो वसन्तकालो हनुमानिवागतः ॥
३८०३१ असौ महाकालनिकेतनस्य वसन्नदूरे किल चन्द्रमौलेः ।
३८०३२ तमिस्रपक्षेऽपि सह प्रियाभिर्जोत्स्नावतो निर्विशति प्रदोषान् ॥
३८०४१ असौ महेन्द्रद्विपदानगन्धिस्त्रिमार्गगावीचिविमर्दशीतः ।
३८०४२ आकाशवायुर्दिनयौवनोत्थानाचामति स्वेदलवान्मुखे ते ॥
३८०५१ असौ महेन्द्राद्रिसमानसारः पतिर्महेन्द्रस्य महोदधेश्च ।
३८०५२ यस्य क्षरत्सैन्यगजच्छलेन यात्रासु यातीव पुरो महेन्द्रः ॥
३८०६१ असौ रसौचित्यगुणोज्ज्वलोऽपि गुम्फो न काव्यव्यपदेशयोग्यः ।
३८०६२ धत्ते खलस्यापि न दुर्विषह्य द्वेषग्रहोत्सारणमन्त्रतां यः ॥
३८०७१ असौ विद्याशाली शिशुरपि विनिर्गत्य भवनादिहायातः संप्रत्यविकलशरच्चन्द्रवदनः ।
३८०७२ यदालोकस्थाने भवति पुरमुन्मादतरलैः कटाक्षैर्नारीणां कुवलयितवातायनमिव ॥
३८०८१ असौ समरसाहसं वितनुतेऽग्रिमश्रेयसे मुकुन्दममुमात्मनि स्थिरयितुं न किं वाञ्छति ।
३८०८२ अतः परतरं कुतः प्रतरणाय वारांनिधेर्निदानमिह संसृतेः सुखसृतेश्च किं कारणम् ॥
३८०९१ असौ समालोकितकाननान्तरे विकीर्णविस्पष्टमरीचिकेसरः ।
३८०९२ विनिर्गतः सिंह इवोदयाचलाद्गृहीतनिष्पन्दमृगो निशाकरः ॥
३८१०१ असौ हि दत्त्वा तिमिरावकाशमस्तं व्रजत्युन्नतकोटिरिन्दुः ।
३८१०२ जलावगाढस्य वनद्विपस्य तीक्ष्णं विषाणाग्रमिवावशिष्टम् ॥
३८१११ असौ हि रामा रतिविग्रहप्रिया रहःप्रगल्भा रमणं रहोगतम् ।
३८११२ रतेन शत्रौ रमयेत्परेन वा नो चेदुदेष्यत्यरुणः पुरो रिपुः ॥
३८१२१ असौ हि संकेतसमुत्सुकाभिर्विलासिनीभिर्मदनातुराभिः ।
३८१२२ सरोषदृष्टः स्फुरिताधराभिर्द्रुतं रविर्भीत इवास्तमेति ॥
३८१३१ अस्तंगतभारविरवि कालवशात्कालिदासविधुविधुरम् ।
३८१३२ निर्वाणबाणदीपं जगदिदमद्योति रत्नेन ॥
३८१४१ अस्तं गतवति सवितरि पायसपिण्डं सुधाकरं प्राची ।
३८१४२ व्यरचयदम्बरकुशभुवि चरति कलङ्कस्तदन्तरे काकः ॥
३८१५१ अस्तं गतवति सवितरि भर्तरि मधुपं निवेश्य कोशान्ते ।
३८१५२ कमलिन्योऽपि रमन्ते किमत्र चित्रं मृगाक्षीणाम् ॥
३८१६१ अस्तंगते दिवानाथे नलिनी मधुपच्छलात् ।
३८१६२ गिलन्ति स्वविनाशाय गुटिकां कालकूटजाम् ॥
३८१७१ अस्तंगते निजरिपावपि कुम्भयोनौ संकोचमाप जलधिर्न तु माद्यति स्म ।
३८१७२ गम्भीरतागुणचमत्कृतविष्टपानां शत्रुक्षयेऽपि महतामुचितं ह्यदः स्यात् ॥
३८१८१ अस्तंगते भास्वति नान्धकारान् शनैश्चरो हन्ति विधौ बुधश्च ।
३८१८२ पितुर्गुणैर्न प्रतिभाति पुत्रो गुणान्वितो यः स गुणेन भाति ॥
३८१९१ अस्तंगतोऽयमरविन्दवनैकबन्धुर्भास्वान्न लङ्घयति कोऽपि विधिप्रणीतम् ।
३८१९२ हे चक्र धैर्यमवलम्ब्य विमुञ्च शोकं धीरास्तरन्ति विपदं न तु दीनचित्ताः ॥
३८२०१ अस्तं भास्वति लोकलोचनकलालोके गते भर्तरि स्त्रीलोकोचितमाचरन्ति सुकृतं वह्नौ विलीय त्विषः ।
३८२०२ अप्येतास्तु चिकीर्षयेव तपसां ताराक्षमाला दिशो मन्ये खञ्जनकण्ठकोमलतमःकृष्णाजिनं बिभ्रति ॥
३८२११ अस्तं मुक्तिरुपैतु यत्र न तनूसाध्या हरेर्भक्तयस्तन्नः संसृतिरेधतां निरवधिर्यस्याः प्रसादोदयात् ।
३८२१२ मूर्ध्नि श्रीपुरुषोत्तमप्रणतयः श्रीरामनामानने हृद्देशे यदुनन्दनस्य जलदश्यामाभिरामाकृतिः ॥
३८२२१ अस्तं यतापि किल मस्तकवर्तिनासावस्ताचलोऽहिमरुचा रुचिमप्यलम्भि ।
३८२२२ प्रायः परोपकृतये कृतिनोऽनेपेक्ष्य स्वार्थं विपत्कवलिता अपि भावयन्ति ॥
३८२३१ अस्तं यातस्तिमिरपटलीदत्तभङ्गः पतंगः प्राप्तो नैवोदयगिरिशिरोमूलमेणावचूलः ।
३८२३२ तत्ते कालं कतिपलमयं भाति खद्योतपोत द्योतं द्योतं पुनरपि पुनर्द्योततां को विलम्बः ॥
३८२४१ अस्तं शशी याति शशाङ्कवदने मानं विमुञ्चाधुना किं मानेन मुधा नतभ्रु गगनाद्भ्रश्यन्त्यमूस्तारकाः ।
३८२४२ इत्थं त्वामनुशिक्षयन् क्षितितलादुन्नम्य पादं शनैः क्षीणां वीक्ष्य निशां निसर्गसुभगं गायत्यसौ कुक्कुटः ॥
३८२५१ अस्तग्रस्तगभस्तिमत्करततिन्यङ्नीतचञ्चूपुटी पाटीराद्रिमथो हिमाचलमधः प्रक्षिप्य पक्षद्वयम् ।
३८२५२ पश्चादुन्नतपुच्छपुञ्जमुदयत्प्राचीप्रकाशच्छलादण्डं मण्डलमैन्दवं जनयति व्यक्तं बकोटीवियत् ॥
३८२६१ अस्तप्रत्युपकारगन्धमकृतस्वप्रार्थनापेक्षम प्यम्भोभिर्भुवमार्द्रयन्ति जलदा जीवन्त्यमी जन्तवः ।
३८२६२ दैवज्ञः पुनरस्ति वृष्टिरिति वागेका मयोक्तेति यद्विश्वं क्रीतमिवाधिगच्छति तदेवाघूर्णते मर्मणि ॥
३८२७१ अस्तब्धः पूजयेन्मान्यान् गुरून् सेवेदमायया ।
३८२७२ अर्चेद्देवान्नदम्भेन श्रियमिच्छेदकुत्सिताम् ॥
३८२८१ अस्तब्धतामचापल्यं वैराणां चाप्यकर्तृताम् ।
३८२८२ प्रत्यक्षतो विजानीयाद्भद्रतां क्षुद्रतामपि ॥
३८२९१ अस्तब्धमक्लीबमदीर्घसूत्रं सानुक्रोशं श्लक्ष्णमहार्यमन्यैः ।
३८२९२ अरोगजातीयमुदारवाक्यं दूतं वदन्त्यष्टगुणोपपन्नम् ॥
३८३०१ अस्तमस्तकपर्यस्तसमस्तार्कांशुसंस्तरा ।
३८३०२ पीनस्तनस्थिताताम्रकम्रवस्त्रेव वारुणी ॥
३८३११ अस्तमितविषयसङ्गा मुकुलितनयनोत्पला मृदुश्वसिता ।
३८३१२ ध्यायति किमप्यलक्ष्यं नित्यं योगाभियुक्तेव ॥
३८३२१ अस्तमीयुषि निशाकरे सती रागतोऽतिविधुरा कुमुद्वती ।
३८३२२ षट्पदं गरलमग्रहीन्मुखे संमुखेऽपि खगशब्दवारिता ॥
३८३३१ अस्तव्यस्तमितस्ततः पथि पतन्मद्यं महादुद्वमन् हस्ताभ्यां मुखमक्षिकाः परिणुदन् गालीर्गदन् गद्गदन् ।
३८३३२ उत्तालैः शिशुभिर्भृशं वलयितो बीभत्समूर्तिर्महान्मत्तो दक्षिणतः क्षणं क्षिप दृशं मत्तोऽयमागच्छति ॥
३८३४१ अस्तव्यस्तसमीरकम्पिततया दृष्टेस्तिरस्कारिणीं हस्तेनालकवल्लरीमकुटिलामानीय कर्णान्तिकम् ।
३८३४२ उद्वीक्ष्य प्रियमार्गमध्वगवधूरस्तं गते भास्वति छिन्नाशा स्वनिवेशमेति शनकैः स्वप्नेक्षणाशंसिनी ॥
३८३५१ अस्तव्यस्तान् क्रमततगतीन् पत्रिमालातरङ्गान् वेणीदण्डानिव धृतवती मुक्तसंध्याङ्गरागा ।
३८३५२ ध्वान्तम्लानांशुकपरिचयच्छन्नलावण्यशोच्या द्यौः प्रत्यग्रद्युमणिविरहाद्वान्तमक्ष्णोर्न याति ॥
३८३६१ अस्ताद्रिपार्श्वमुपजग्मुषि तिग्मभासि जानीत शीतकिरणोऽभ्युदितो न वेति ।
३८३६२ चारा इवाथ रजनीतिमिरप्रयुक्ताश्चेरुश्चिरं चरणभूमिषु चञ्चरीकाः ॥
३८३७१ अस्ताद्रिशिरोविनिहित रविमण्डलसरसयावघट्टाङ्कम् ।
३८३७२ नयतीव कालकौलः क्वापि नभःसैरिभं सिद्ध्यै ॥
३८३८१ अस्ताभिमुखे सूर्ये उदिते संपूर्णमण्डले चन्द्रे ।
३८३८२ गमनं बुधस्य लग्ने उदितास्तमिते च केतौ ॥
३८३९१ अस्तावलम्बिरविबिम्बतयोदयाद्रि चूडोन्मिषत्सकलचन्द्रतया च सायम् ।
३८३९२ संध्याप्रनृत्तहरहस्तगृहीतकांस्य तालद्वयेव समलक्ष्यत नाकलक्ष्मीः ॥
३८४०१ अस्ताविलरूक्षाक्ष्यो मूषकनयनाश्च न शुभदा गावः ।
३८४०२ प्रचलच्चिपिटविषाणा करटाः खरसदृशवर्णाश्च ॥
३८४११ अस्ति कारणमव्यक्तं सर्वव्यापि परापरम् ।
३८४१२ सांनिध्यादपि दुर्ग्राह्यं विश्वमूर्त्योपलक्षितम् ॥
३८४२१ अस्ति कोऽपि तिमिरस्तनंधयः किंचिदञ्चितपदं स गायति ।
३८४२२ यन्मनागपि निशम्य का वधूर्नावधूतहृदयोपजायते ॥
३८४३१ अस्ति ग्रीवा शिरो नास्ति द्वौ भुजौ करवर्जितौ ।
३८४३२ सीताहरणसामर्थ्यो न रामो न च रावणः ॥
३८४४१ अस्ति जलं जलराशौ क्षारं तत्किं विधीयते तेन ।
३८४४२ लघुरपि वरं स कूपो यत्राकण्ठं जनः पिबति ॥
३८४५१ अस्ति पुत्रो वशे यस्य भृत्यो भार्या तथैव च ।
३८४५२ अभावे सति संतोषः स्वर्गस्थोऽसौ महीतले ॥
३८४६१ अस्ति भयमस्ति कौतुकमस्ति च मन्दाक्षमस्ति चोत्कण्ठा ।
३८४६२ बालानां प्रणयिजने भावः कोऽप्येष नैकरसः ॥
३८४७१ अस्ति यद्यपि सर्वत्र नीरं नीरजराजितम् ।
३८४७२ मोदते न तु हंसस्य मानसं मानसं विना ॥
३८४८१ अस्ति श्रीस्तनपत्रभङ्गमकरीमुद्राङ्कितोरःस्थलो देवः सर्वजगत्पतिर्मधुवधूवक्त्राब्जचन्द्रोदयः ।
३८४८२ क्रीडाक्रोडतनोर्नवेन्दुविशदे दंष्ट्राङ्कुरे यस्य भूर्भाति स्म प्रलयाब्धिपल्वलतलोत्खातैकमुस्ताकृतिः ॥
३८४९१ अस्ति स्वर्णमयोऽद्रिरस्ति विषयः क्षुत्तृड्भरावर्जितः सन्ति क्षीरघृताकरा जलधयः सन्ति द्रुमाः कामदाः ।
३८४९२ किं नस्तच्चरिताद्भुतश्रवणतः साध्यं क्षुधा ताम्यतां दृष्टं यत्सविधे विधेहि सुमते तत्रैव सर्वं श्रमम् ॥
३८५०१ अस्ति स्वादुफलं किमस्ति किमथाघ्रातुं क्षमः कोरकस्तद्विश्राम्यतु नाम भोक्तुमुचितं पत्रं किमस्त्यन्ततः ।
३८५०२ सेव्यो हन्त यदीदृशोऽपि मनुजैर्वृक्षाधमः पिप्पलो दुःस्वातन्त्र्यमिदं विधेः कथय तत्कस्याग्रतो रुद्यताम् ॥
३८५११ अस्तीत्येव कृषिं कुर्यातस्ति नास्तीति वाणिजम् ।
३८५१२ नास्तीत्येव ऋणं दद्यात्नाहमस्मीति साहसम् ॥
३८५२१ अस्तु तावदगस्त्येन जह्नोर्महिमनिह्नवः ।
३८५२२ का कथा तस्य बालस्य विश्वग्रासेऽप्यतृप्यतः ॥
३८५३१ अस्तु स्वस्त्ययनाय दिग्धनपते कैलासशैलाश्रय श्रीकण्ठाभरणेन्दुविभ्रमदिवानक्तंभ्रमत्कौमुदी ।
३८५३२ यत्रालं नलकूबराभिसरणारम्भाय रम्भास्फुरत्पाण्डिम्नैव तनोस्तनोति विरहव्यग्रापि वेशग्रहम् ॥
३८५४१ अस्ते शिवा पश्चिमायां परचक्रभयाय सा ।
३८५४२ शुभा कुबेरदिश्यस्ते ग्रामान्तः शून्यकारिणी ॥
३८५५१ अस्तोकविस्मयमपस्मृतपूर्ववृत्तमुद्भूतनूतनभयज्वरजर्जरं नः ।
३८५५२ एकक्षणत्रुटितसंघटितप्रमोहमानन्दशोकशबलत्वमुपैति चेतः ॥
३८५६१ अस्तोदयाचलविलम्बिरवीन्दुबिम्ब व्याजात्क्षणं श्रवणयोर्निहितारविन्दा ।
३८५६२ ताराच्छलेन कुसुमानि समुत्क्षिपन्ती संध्येयमागतवती प्रमदेव काचित् ॥
३८५७१ अस्तोदयाद्रिगतमर्कशशाङ्कबिम्बमह्नोऽतिवार्धकदशामवलम्बितस्य ।
३८५७२ ताराक्षराणि पठितुं तपनीयशैल नासावसक्तमुपनेत्रमिवाबभासे ॥
३८५८१ अस्तोपधानविनिहित रविबिम्बशिरोनिकुञ्चितदिगङ्गः ।
३८५८२ वस्तेऽन्धकारकम्बलमम्बरशयने दिनाध्वन्यः ॥
३८५९१ अस्त्यत्रैव किलार्णवे तदमृतं तत्रैव हालाहलः सन्त्यस्मिन्मलये पटीरतरवस्तत्रैव वाताशनाः ।
३८५९२ यद्यद्वस्त्वभिजातमस्ति सविधे तत्तद्दुरापं नृणां प्राप्तव्यं रसनाञ्चले करतले भाले च वेधा न्यधात् ॥
३८६०१ अस्त्यद्यापि चतुःसमुद्रपरिखापर्यन्तमुर्वीतलं वर्तन्तेऽपि च तत्र तत्र रसिका गोष्ठीषु सक्ता नृपाः ।
३८६०२ एकस्तत्र निरादरो भवति चेदन्यो भवेत्सादरो वाग्देवी वदनाम्बुजे वसति चेत्को नाम दीनो जनः ॥
३८६११ अस्त्यप्रतिसमाधेयं स्तनद्वन्द्वस्य दूषणम् ।
३८६१२ स्फुटतां कञ्चुकानां यन्नायात्यावरणीयताम् ॥
३८६२१ अस्त्युत्तरस्यां दिशि देवतात्मा हिमालयो नाम नगाधिराजः ।
३८६२२ पूर्वापरौ तोयनिधी वगाह्य स्थितः पृथिव्या इव मानदण्डः ॥
३८६३१ अस्त्येकं भुवनं सूक्ष्मं क्षमध्वे यत्र वीक्षितुम् ।
३८६३२ विषयांश्चित्रविद्यायाश्चित्राणां चलतां तथा ॥
३८६४१ नाटकाख्यायिकानां च शक्यान् सर्वविधानपि ।
३८६४२ स्फुरणा जायते प्रायस्तत एव कलाकृताम् ॥
३८६५१ अस्त्येव भूभृतां मूर्ध्नि दिवि वा द्योततेऽम्बुदः ।
३८६५२ मरुद्भिर्भज्यमानोऽपि स किमेति रसातलम् ॥
३८६६१ अस्त्येवोद्दामदावानलविकलतरं काननं यत्र तत्र प्रौढोत्तापाभिभूतं जगदपि सकलं निर्जला एव नद्यः ।
३८६६२ किं रे निर्लज्ज गर्जं कलयसि बहुशस्तर्जयन् पान्थबालाः पर्जन्य त्वाममी किं क्वचिदपि गणयन्त्यम्बुदत्वेन लोकाः ॥
३८६७१ अस्त्रं विमुच्य सकलं प्रथमप्रयोगे भूयोऽपि हन्तुमबलां विहितोद्यमस्य ।
३८६७२ पुष्पायुधस्य वपुरेव तदीयमेकं लक्ष्यं च हन्त शरधिश्च तदा बभूव ॥
३८६८१ अस्त्रं स्त्री वामनो मर्त्यः पशुरेभ्योऽथवेतरः ।
३८६८२ विधियोगाद्भवेत्कामं पौरुषं न परित्यजेत् ॥
३८६९१ अस्त्रज्वालावलीढप्रतिबलजलधेरन्तरौर्वायमाणे सेनानाथे स्थितेऽस्मिन्मम पितरि गुरौ सर्वधन्वीश्वराणाम् ।
३८६९२ कर्णालं संभ्रमेण व्रज कृप समरं मुञ्च हार्दिक्यशङ्कां ताते चापद्वितीये वहति रणधुरं को भयस्यावकाशः ॥
३८७०१ अस्त्रप्रयोगखुरलीकलहे गणानां सैन्यैर्वृतोऽपि जित एव मया कुमारः ।
३८७०२ एतावतापि परिरभ्य कृतप्रसादः प्रादादिमं प्रियगुणो भगवान् गुरुर्मे ॥
३८७११ अस्त्रव्यस्तशिरस्त्रशस्त्रकषणैः कृत्तोत्तमाङ्गे क्षणं व्यूढासृक्सरिति स्वनत्प्रहरणे वर्मोद्वमद्वाह्निनि ।
३८७१२ आहूयाजिमुखे स कोसलपतिर्भग्ने प्रधाने बले एकेनैव रुमण्वता शरशतैर्मत्तद्विपस्थो हतः ॥
३८७२१ अस्त्राणि प्लवगाधिपेन विहिताः पौलस्त्यवक्षःस्थली संघट्टानलदत्तदावविपदः सीदन्ति भूमीरुहाः ।
३८७२२ उत्पाट्य प्रहितश्च शैलशिखरो लङ्केन्द्रहस्तावली निष्पिष्टो निजकुञ्जनिर्झरजलैर्जम्बालपिण्डायते ॥
३८७३१ अस्त्रामास तृणं प्रियाद्रुहि तृणामास स्मरारेर्धनुर्दारामास मुनेः शिलापि नृवरामास स्वयं पादुका ।
३८७३२ कुल्यामास महार्णवोऽपि कपयो योधांबभूवुस्तदा पौलस्त्यो मशकीबभूव भगवंस्त्वं मानुषामासिथाः ॥
३८७४१ अस्त्रौघप्रसरेण रावणिरसौ यं दुर्यशोभागिनं चक्रे गौतमशापयन्त्रितभुजस्थेमानमाखण्डलम् ।
३८७४२ कच्छावर्तकुलीरतां गमयता वीर त्वया रावणं तत्संमृष्टमहो विशल्यकरणी जागर्ति सत्पुत्रता ॥
३८७५१ अस्त्वक्षरग्रहविधिर्जनुषां सहस्रैरापाततो भवतु वापि ततोऽर्थबोधः ।
३८७५२ दुर्वादिकल्पितविकल्पतरङ्गसान्द्रान् दुष्पूर्वपक्षजलधीन् कथमुत्तरेयुः ॥
३८७६१ अस्थानगामिभिरलंकरणैरुपेता भूयः पदस्खलननिह्नुतिरप्रसन्ना ।
३८७६२ वाणीव कापि कुकवेर्जनहस्यमाना द्राङ्निर्गता निजगृहाद्वनिता मदान्धा ॥
३८७७१ अस्थानाभिनिवेशिता रतिपतेरौचित्यभङ्गो रतेर्वैयर्थ्यं नवयौवनस्य किमपि प्रेम्णः कलङ्काङ्कुरः ।
३८७७२ सौभाग्यस्य विमानना विगुणता सौन्दर्यसारश्रियः शृङ्गारस्य विडम्बना किमपरं वेश्यारताडम्बरः ॥
३८७८१ अस्थानाभिनिवेशी प्रायो जड एव भवति नो विद्वान् ।
३८७८२ बालादन्यः कोऽम्भसि जिघृक्षतीन्दोः स्फुरद्बिम्बम् ॥
३८७९१ अस्थाने गमिता लयं हतधियां वाग्देवता कल्पते धिक्काराय पराभवाय महते तापाय पापाय वा ।
३८७९२ स्थाने तु व्ययिता सतां प्रभवति प्रख्यातये भूतये चेतोनिर्वृतये परोपकृतये प्रान्ते शिवावाप्तये ॥
३८८०१ अस्थाने जनसंकटे मयि मनाक्काञ्चीं समास्कन्दति व्यालोले रशनांशुके विगलिते नीते च नाभेरधः ।
३८८०२ धन्योऽयं स करः कुरङ्गकदृशा तस्मिन्नवस्थान्तरे कम्पातङ्ककरंबिताङ्गलतया यस्यावकाशः कृतः ॥
३८८११ अस्थाने ताडितो वाजी बहून् दोषानवाप्नुयात् ।
३८८१२ तावद्भवन्ति ते दोषा यावज्जीवत्यसौ हयः ॥
३८८२१ अस्थानेऽभिनिविष्टान्मूर्खानस्थान एव संतुष्टान् ।
३८८२२ अनुवर्तन्ते धीराः पितर इव क्रीडतो बालान् ॥
३८८३१ अस्थाने ह्यपि च स्थाने सततं चानुगामिनि ।
३८८३२ क्रुद्धो दण्डान् प्रणयति विविधांस्तेजसा वृतः ॥
३८८४१ अस्थिक्षोदवतीव कुन्दमुकुलैः फुल्लैः पलाशद्रुमैः साङ्गारप्रकरेव धूमकलुषेवोत्पातिभिः षट्पदैः ।
३८८४२ रक्ताक्षद्युतिभिः सशेषदहनालातेव पुंस्कोकिलैर्दृष्टा प्राणसमाचितेव पथिकैराराद्वनान्तस्थली ॥
३८८५१ अस्थि नास्ति शिरो नास्ति बाहुरस्ति निरङ्गुलिः ।
३८८५२ नास्ति पादद्वयं गाढमङ्गमालिङ्गति स्वयम् ॥
३८८६१ अस्थिरं जीवितं लोके यौवनं धनमस्थिरम् ।
३८८६२ अस्थिरं पुत्रदारादि धर्मः कीर्तिर्द्वयं स्थिरम् ॥
३८८७१ अस्थिरः कुलसंबन्धः सदा विद्या विवादिनी ।
३८८७२ मदो मोहाय मिथ्यैव मुहूर्तनिधनं धनम् ॥
३८८८१ अस्थिरमनेकरागं गुणरहितं नित्यवक्रदुष्प्रापम् ।
३८८८२ प्रावृषि सुरेन्द्रचापं विभाव्यते युवतिचित्तमिव ॥
३८८९१ अस्थिरेण शरीरेण स्थिरं कर्म समाचरेत् ।
३८८९२ अवश्यमेव यास्यन्ति प्राणाः प्राघूर्णका इव ॥
३८९०१ अस्थिवद्दधिवच्चैव शङ्खवद्बकवत्तथा ।
३८९०२ राजंस्तव यशो भाति पुनः संन्यासिदन्तवत् ॥
३८९११ अस्थिष्वर्थाः सुखं मांसे त्वचि भोगाः स्त्रियोऽक्षिषु ।
३८९१२ गतौ यानं स्वरे चाज्ञा सर्वं सत्त्वे प्रतिष्ठितम् ॥
३८९२१ अस्थिस्थूणं स्नायुयुतं मांसशोणितलेपनम् ।
३८९२२ चर्मावनद्धं दुर्गन्धि पूर्णं मूत्रपुरीषयोः ॥
३८९३१ जराशोकसमाविष्टं रोगायतनमातुरम् ।
३८९३२ रजस्वलमनित्यं च भूतावासमिमं त्यजेत् ॥
३८९४१ नदीकूलं यथा वृक्षं वृक्षं वा शकुनिर्यथा ।
३८९४२ तथा त्यजन्निमं देहं कृच्छ्राद्ग्राहाद्विमुच्यते ॥
३८९५१ अस्थीनि मज्जा शुक्लं च पितुरंशास्त्रयो मताः ।
३८९५२ रक्तं रोमाणि पललमंशा मातुरमी मता ॥
३८९६१ अस्थीन्यस्थीन्यजिनमजिनं भस्म भस्मेन्दुरिन्दुर्गङ्गा गङ्गोरग उरग इत्याकुलाः संभ्रमेण ।
३८९६२ भूषावेषोपकरणगणप्रापणव्यापृतानां नृत्तारम्भप्रणयिनि शिवे पान्तु वाचो गणानाम् ॥
३८९७१ अस्नाताशी मलं भुङ्क्ते अजपी पूयभक्षणम् ।
३८९७२ अहुताशी विषं भुङ्क्ते अदाता विषमश्नुते ॥
३८९८१ अस्पृश्यसंगतिमिह प्रविधाय सोढा दण्डाहतीः पटह बन्धमपि प्रपद्य ।
३८९८२ दोषं प्रकाशयसि यत्प्रतिरथ्यमेव लोकस्य तद्विमुखतां प्रकटीकरोषि ॥
३८९९१ अस्पृश्योऽस्तु मलीमसोऽस्त्वनियताहारोऽस्त्वतोऽप्युद्भटैर्दोषैरस्तु परःशतैः परिवृतः काकस्ततः का क्षतिः ।
३८९९२ भुङ्क्ते भोज्यमुपस्थितं समुपहूयैव स्वयं बान्धवान् यः सीदन् क्षुधया विचिन्तय ततो धन्यश्च पुण्यश्च कः ॥
३९००१ अस्पृष्टे राहुभीत्याहनि निशि च समे कल्मषच्छाययोने हासत्रासाद्विदूरे समुपचितविभावैभवे हृद्यगन्धे ।
३९००२ पाथोदाच्छादहीने धरणितलगतादुर्लभे सर्वलोका ह्लादं चाप्यादधाने सुमुखि तव मुखौपम्यलेशः सुधांशौ ॥
३९०११ अस्मत्पूर्वैः सुरपतिहृतं द्रष्टुकामैस्तुरङ्गं भित्त्वा क्षोणीमगणितबलैः सागरो वर्धितात्मा ।
३९०१२ सत्कारार्थं तव यदि गिरीनादिशेद्गुप्तपक्षा न श्रान्तोऽपि प्रणयमुचितं नैव बन्धोर्विहन्याः ॥
३९०२१ अस्मत्प्रयाणसमये कुरु मङ्गलानि किं रोदिषि प्रियतमे वद कारणं मे ।
३९०२२ भोः प्राणनाथ विरहानलतीव्रताप धूमेन वारि गलितं मम लोचनानाम् ॥
३९०३१ अस्मदीश्वरविश्वासप्रमाणेन प्रभोः कृपा ।
३९०३२ विधातुं प्रभवेत्कार्यं साहाय्यं च तथैव नः ॥
३९०४१ अस्मद्रिपूणामनिलाशनानां दत्तो निवासः खलु चन्दनेन ।
३९०४२ इतीव रोषाद्व्यजनस्य वायुर्व्यशोषयच्चन्दनमङ्गसंस्थम् ॥
३९०५१ अस्मद्वैरी शशभृदमुना जीयते ह्यन्धकारः सारङ्गाक्ष्या मुखमनुगतः केशपाशच्छलेन ।
३९०५२ तं संश्रुत्य प्रगलितमहाः शीतरश्मिस्तदैव प्राप्तः सेवाघटनविधये मालतीदामभङ्ग्या ॥
३९०६१ अस्माकं जलजीविनां जलमिदं सद्वाजिराजिव्रजैः पातव्यं पररक्तरक्तमनसां तृप्तिः पतीनां क्षयः ।
३९०६२ मत्वैवं किल राजराज नृपते त्वज्जैत्रयात्रोत्सवे मत्सी रोदिति मक्षिका च हसति ध्यायन्ति वैरिस्त्रियः ॥
३९०७१ अस्माकं परमन्दिरस्य चरितं यद्यप्यवाच्यं भवेत्स्वामी त्वं कथयामि तेन भवतः किंचित्प्रियादूषणम् ।
३९०७२ श्रीमद्राम नृप त्वया रणमुखे पाणिग्रहः सादरं यस्याः सासिलता परस्य हृदये दृष्टा लुठन्ती मया ॥
३९०८१ अस्माकं बत मण्डले प्रथमतः पत्या करः पात्यते काञ्चीकुन्तलमध्यदेशविषयान् संत्यज्य भूरिश्रियः ।
३९०८२ इत्यालोक्य कुचौ पयोरुहदृशां जातौ सुनीलाननौ नो नीचोऽपि पराभवं विषहते किं तादृशावुन्नतौ ॥
३९०९१ अस्माकं वदरीचक्रं बदरी च तवाङ्गणे ।
३९०९२ वादरायणसम्बन्धाद्यूयं यूयं वयं वयम् ॥
३९१०१ अस्माकं व्रतमेतदेव यदयं कुञ्जोदरे जागरः शुश्रूषा मदनस्य वक्त्रमधुभिः संतर्पणीयोऽतिथिः ।
३९१०२ निस्त्रिंशाः शतशः पतन्तु शिरसश्छेदोऽथवा जायतामात्मीयं कुलवर्त्म पुत्रि न मनागुल्लङ्घनीयं त्वया ॥
३९१११ अस्माकं सखि वाससी न रुचिरे ग्रैवेयकं नोज्ज्वलं नो वक्रा गतिरुद्धतं न हसितं नैवास्ति कश्चिन्मदः ।
३९११२ किन्त्वन्येऽपि जना वदन्ति सुभगोऽप्यस्याः प्रियो नान्यतो दृष्टिं निक्षिपतीति विश्वमियता मन्यामहे दुःस्थितम् ॥
३९१२१ अस्माकमङ्गमङ्गं पण्योपनतं महाधननिधानम् ।
३९१२२ दासीसुताः किमेते स्वादन्ति विटाः प्रसङ्गेन ॥
३९१३१ अस्माकमध्यासितमेतदन्तस्तावद्भवत्या हृदयं चिराय ।
३९१३२ बहिस्त्वयालंक्रियातमिदानी मुरो मुरं विद्विषतः श्रियेव ॥
३९१४१ अस्माकमात्मभूर्भूत्वा हन्तास्मानेव हंसि यत् ।
३९१४२ रे रे कन्दर्प तन्नित्यमनङ्गत्वं सदास्तु ते ॥
३९१५१ अस्माकमेकपद एव मरुद्विकीर्ण जीमूतजालरसितानुकृतिर्निनादः ।
३९१५२ गम्भीरमङ्गलमृदङ्गसहस्रजन्मा शब्दान्तरग्रहणशक्तिमपाकरोति ॥
३९१६१ अस्मात्परं बत यथाश्रुति संभृतानि को नः कुले निवपनानि नियच्छतीति ।
३९१६२ नूनं प्रसूतिविकलेन मया प्रसिक्तं धौताश्रुशेषमुदकं पितरः पिबन्ति ॥
३९१७१ अस्मादृशां नूनमपुण्यभाजां न स्वोपयोगी न परोपयोगी ।
३९१७२ सन्नप्यसद्रूपतयैव वेद्यो दारिद्र्यमुद्रो गुणरत्नकोषः ॥
३९१८१ अस्मानवेहि कलमानलमाहतानां येषां प्रचण्डमुसलैरवदाततैव ।
३९१८२ स्नेहं विमुच्य सहसा खलतां प्रयान्ति ये स्वल्पपीडनवशान्न वयं तिलास्ते ॥
३९१९१ अस्मान्मा भज कालकूटभगिनि स्वप्नेऽपि पद्मालये व्याधीभूय कदर्थयन्ति बहुशो मातर्विकारा इमे ।
३९१९२ यच्चक्षुर्न निरीक्षतेच्छविषयं नैवं शृणोति श्रुतिः प्राणा एव वरं प्रयान्ति न पुनर्निर्यान्ति वाचो बहिः ॥
३९२०१ अस्मान् विचित्रवपुषश्चिरपृष्ठलग्नान् को वा विमुञ्चति सखे यदि वा विमुञ्च ।
३९२०२ हा हन्त केकिवर हानिरियं तवैव भूपालमूर्धनि पुनर्भविता स्थितिर्नः ॥
३९२११ अस्मान् साधु विचिन्त्य संयमधनानुच्चैः कुलं चात्मनस्त्वय्यस्याः कथमप्यबान्धवकृतां स्नेहप्रवृत्तिं च ताम् ।
३९२१२ सामान्यप्रतिपत्तिपूर्वकमियं दारेषु दृश्या त्वया भाग्यायत्तमतःपरं न खलु तद्वाच्यं वधूबन्धुभिः ॥
३९२२१ अस्माभिः कलितं पुरा न भवती भुक्ता नृभिः कैरपि प्रौढा मानवशालिनीति चलितं चेतः सकामं त्वयि ।
३९२२२ धिक्त्वां संप्रति सद्भुजङ्गजनतासंश्लेषमातन्वती गम्या सर्वजनस्य वारवनितेवोत्क्षेपणीयासि नः ॥
३९२३१ अस्माभिः स्मयलोलमौलिफलकैर्मुक्ताविसाराधिपं वेदोद्धारपरः करस्तव परं दानाम्बुपूतः स्तुतः ।
३९२३२ किन्तु क्ष्मातिलक क्षमस्व कविभिः किं नाम नालोक्यते दृष्टः स्पष्टतरं तवापि निभृतः पाणौ स वैसारिणः ॥
३९२४१ अस्माभिश्चतुरम्बुराशिरशनावच्छेदिनीं मेदिनीं भ्राम्यद्भिर्न स कोऽपि निस्तुषगुणो दृष्टो विशिष्टो जनः ।
३९२४२ यस्याग्रे चिरसंचितानि हृदये दुःखानि सौख्यानि वा संजल्प्य क्षणमेकमर्धमथवा निःश्वस्य विश्राम्यते ॥
३९२५१ अस्माल्लोकादूर्ध्वममुष्य चाधो महत्तमस्तिष्ठति ह्यन्धकारम् ।
३९२५२ तद्वै महामोहनमिन्द्रियाणां बुध्यस्व मा त्वां प्रलभेत राजन् ॥
३९२६१ अस्मिंश्चन्द्रमसि प्रसन्नमहसि व्याकोषकुन्दत्विषि प्राचीनं खमुपेयुषि त्वयि मनाग्दूरं गते प्रेयसि ।
३९२६२ श्वासः कैरवकोरकीयति मुखं तस्याः सरोजीयति क्षीरोदीयति मन्मथो दृगपि च द्राक्चन्द्रकान्तीयति ॥
३९२७१ अस्मिंस्ते शिरसि तदा कान्ते वैदूर्यस्फटिकसुवर्णाढ्ये ।
३९२७२ शोभां स्वां न वहति तां बद्धा सुश्लिष्टा कुवलयमालेयम् ॥
३९२८१ अस्मिञ्जगति महत्यपि किमपि न तद्वस्तु वेधसा विहितम् ।
३९२८२ अनिमित्तवत्सलाया भवति यतो मातुरुपकारः ॥
३९२९१ अस्मिञ्जडे जगति को नु बृहत्प्रमाण कर्णः करी ननु भवेद्दुरितस्य पात्रम् ।
३९२९२ इत्यागतं तमपि योऽलिनमुन्ममाथ मातङ्ग एव किमतःपरमुच्यतेऽसौ ॥
३९३०१ अस्मिञ्जरामरणमृत्युमहातरङ्ग मिश्रोदधौ महति संपरिवर्तमानः ।
३९३०२ पुण्यप्लवेन सुकृतेन नरास्तरन्तः संप्राप्य तीरमभयं सुखमाप्नुवन्ति ॥
३९३११ अस्मिन् कः प्रभवेद्योगो ह्यसंधार्येऽमितात्मनि ।
३९३१२ लङ्घने कः समर्थः स्यादृते देवं महेश्वरम् ॥
३९३२१ अस्मिन् करीन्द्रकरनिर्गलितारविन्द कन्दानुकारिणि चिरं रुचिचक्रवाले ।
३९३२२ कस्मै फलाय कुलटाकुलकोटिहोमं हंहो मृगाङ्क कुरुषे करुणामपास्य ॥
३९३३१ अस्मिन् काले तु यद्युक्तं तदिदानीं विधीयताम् ।
३९३३२ गतं तु नानुशोचन्ति गतं तु गतमेव हि ॥
३९३४१ अस्मिन् कुञ्जे विनापि प्रचलति पवनं वर्तते कोऽपि नूनं पश्यामः किं न गत्वेत्यनुसरति गणे भीतभीतेऽर्भकाणाम् ।
३९३४२ तस्मिन् राधासखो वः सुखयतु विलसन् क्रीडया कैटभारिर्व्यातन्वानो मृगारिप्रबलवुरघुरारावरौद्रोच्चनादान् ॥
३९३५१ अस्मिन् कुटिलकल्लोलदोलाविक्षोभितेऽम्भसि ।
३९३५२ हास्यहेतुः कथं सेतुः सिकतामुष्टिभिर्भवेत् ॥
३९३६१ अस्मिन् केलिवने सुगन्धपवने क्रीडत्पुरंध्रीजने गुञ्जद्भृङ्गकुले विशालबकुले कूजत्पिकीसंकुले ।
३९३६२ उन्मीलन्नवपाटलापरिमले मल्लीप्रसूनाकुले यद्येकापि न मालती विकसिता तत्किं न रम्यो मधुः ॥
३९३७१ अस्मिन् दिग्विजयोद्यते पतिरयं मे स्तादिति ध्यायति कम्पं सात्त्विकभावञ्चति रिपुक्षोणीन्द्रदारा धरा ।
३९३७२ अस्यैवाभिमुखं निपत्य समरे यास्यद्भिरूर्ध्वं निजः पन्था भास्वति दृश्यते बिलमयः प्रत्यर्थिभिः पार्थिवैः ॥
३९३८१ अस्मिन्नक्तमहर्विवेकविकले कालाधमे नीरदैः संनद्धैरभितो निरुद्धगगनाभोगासु दिग्भित्तिषु ।
३९३८२ भानोर्न प्रसरन्तु नाम किरणाः किं त्वस्य तेजस्विनः सत्तामात्रपरिग्रहेण विकसन्त्यद्यापि पद्माकराः ॥
३९३९१ अस्मिन्नगृह्यत पिनाकभृता सलीलमाबद्धवेपथुरधीरविलोचनायाः ।
३९३९२ विन्यस्तमङ्गलमहौषधिरीश्वरायाः स्रस्तोरगप्रतिसरेण करेण पाणिः ॥
३९४०१ अस्मिन्नभ्युदिते जगत्त्रयदिशामुल्लासहेतौ दिशामास्यम्लानिहरे सुधारसनिधौ देवे निशास्वामिनि ।
३९४०२ वक्त्रं मुद्रितमम्बुजन्म भवता चेत्किं ततः शाश्वतं नैतस्येश्वरमौलिमण्डनमणेर्गायन्ति विश्वे यशः ॥
३९४११ अस्मिन्न निर्गुणं गोत्रे अपत्यमुपजायते ।
३९४१२ आकरे पद्मरागाणां जन्म काचमणेः कुतः ॥
३९४२१ अस्मिन्नम्भोदवृन्दध्वनिजनितरुषि प्रेक्षमाणेऽन्तरिक्षं मा काक व्याकुलो भूस्तरुशिरसि शवक्रव्यलेशानशान ।
३९४२२ धत्ते मत्तेभकुम्भव्यतिकरकरजग्रामवज्राग्रजाग्रद्ग्रासव्यासक्तमुक्ताधवलितकवलो न स्पृहामत्र सिंहः ॥
३९४३१ अस्मिन्नीषद्वलितविततस्तोकविच्छिन्नभुग्नः किंचिल्लीलोपचितविभवः पुञ्जितश्चोत्थितश्च ।
३९४३२ धूमोद्गारस्तरुणमहिषस्कन्धनीलो दवाग्नेः स्वैरं सर्पन् सृजति गगने गत्वरान् पत्रभङ्गान् ॥
३९४४१ अस्मिन् परस्परद्वेषपरुषे पुरुषायुषे ।
३९४४२ केवलं मधुरा वाणी ददात्यानीय सौहृदम् ॥
३९४५१ अस्मिन् प्रकीर्णपटवासकृतान्धकारे दृष्टो मनाङ्मणिविभूषणरश्मिजालैः ।
३९४५२ पातालमुद्यतफणाकृतिशृङ्गकोऽयं मामद्य संस्मरयतीव भुजङ्गलोकः ॥
३९४६१ अस्मिन् प्रकृतिमनोज्ञे लग्ना प्रायेण मान्मथी दृष्टिः ।
३९४६२ सुन्दरि यतो भवत्याः प्रतिक्षणं क्षीयते मध्यः ॥
३९४७१ अस्मिन् भूवलये जनस्य महिमा भाग्येन संजायते नो तत्रास्ति हि कारणं प्रयतता नैवाथ कश्चिद्गुणः ।
३९४७२ काकायाशुचिभोजिने हि वितरत्युच्चैस्तु लोको बलिं मुक्ताहारपरायणाय शुचये नो हन्त हंसाय यत् ॥
३९४८१ अस्मिन्मरौ किमपरं वचसामवाच्यं मा मुञ्च पान्थ मुहुराश्रितवत्सलो भूः ।
३९४८२ एतत्त्वया जललवामिषलालसेन दृष्टं ज्वलत्परिकरं सिकतावितानम् ॥
३९४९१ अस्मिन्महत्यनवधौ किल कालचक्रे धन्यास्तु ये कतिपये शुकयोगिमुख्याः ।
३९४९२ लीनास्त्वदङ्घ्रियुगले परिशुद्धसत्त्वास्तानात्मनस्तव नखानवधारयामः ॥
३९५०१ अस्मिन्महामोहमये कटाहे सूर्याग्निना रात्रिदिनेन्धनेन ।
३९५०२ मासर्तुदर्वीपरिघट्टनेन भूतानि कालः पचतीति वार्ता ॥
३९५११ अस्मिन् वर्षमहे न वर्तत इदं यत्कामदेवोत्सवे स्थेयं पुत्रि निरन्नया तदधुना किंचिन्मुखे दीयताम् ।
३९५१२ इत्युक्ते जरतीजनेन कथमप्यध्वन्यवध्वा ततः पर्यस्तेऽहनि कल्पितश्च कवलो धौतश्च धाराश्रुभिः ॥
३९५२१ अस्मिन् वसन्ते न नराः सहन्ते वधूवियोगं च बलासरोगम् ।
३९५२२ कुरङ्गनाभिद्रवलेपभाभिर्भजन्तु दृप्ताः प्रमदाः प्रलिप्ताः ॥
३९५३१ अस्मिन् सखे ननु मणित्वमहासुभिक्षे चिन्तामणे त्वमुपलो भव मा मणिर्भूः ।
३९५३२ अद्येदृशा हि मणयः प्रभवन्ति लोके येषां तृणग्रहणकौशलमेव भूषा ॥
३९५४१ अस्मिन् स्थिते विपदभूदिति संचिन्त्य वर्ज्यते ।
३९५४२ मूढैः परिवृढैरापत्सेवको मङ्गलेच्छुभिः ॥
३९५५१ अस्मि वीरजननीति जनन्यामस्मि वीररमणीति रमण्याम् ।
३९५५२ संमदं व्यदधदुत्सुकचेतास्तारतूर्यतरलश्चलितोऽन्यः ॥
३९५६१ अस्मि वीरतनया वरवीर प्रेयसी च कुरु वीरसवित्रीम् ।
३९५६२ अद्य हृद्यसमरैरिति माता काचिदाह तिलकाक्षतपूर्वम् ॥
३९५७१ अस्मै करं प्रवितरन्तु नृपा न कस्मादस्यैव तत्र यदभूत्प्रतिभूः कृपाणः ।
३९५७२ दैवाद्यदा प्रवितरन्ति न ते तदैव नेदंकृपा निजकृपाणकरग्रहाय ॥
३९५८१ अस्य क्षोणिपतेः परार्धपरया लक्षीकृताः संख्यया प्रज्ञाचक्षुरवेक्ष्यमाणतिमिरप्रख्याः किलाकीर्त्तयः ।
३९५८२ गीयन्ते स्वरमष्टमं कलयता जातेन वन्ध्योदरान्मूकानां प्रकरेण कूर्मरमणीदुग्धोदधेः रोधसि ॥
३९५९१ अस्यत्युच्चैः शकलितवपुश्चन्दनो नात्मगन्धं नेक्षुर्यन्त्रैरपि मधुरतां पीड्यमानो जहाति ।
३९५९२ यद्वत्स्वर्णं न चलति हितं छिन्नघृष्टोपतप्तं तद्वत्साधुः कुजननिहतोऽप्यन्यथात्वं न याति ॥
३९६०१ अस्य दग्धोदरस्यार्थे किं न कुर्वन्ति पण्डिताः ।
३९६०२ वानरीमिव वाग्देवीं नर्तयन्ति गृहे गृहे ॥
३९६११ अस्य प्रचण्डभुजदण्डभवः कृशानुश्चण्डांशुचण्डकरजित्सुमहाप्रतापः ।
३९६१२ प्रत्यर्थिभूपतिपलाशवनं विदह्य प्रौढासु दिक्षु बहुदाहमुरीकरोति ॥
३९६२१ अस्य प्रयाणेषु समग्रशक्तेरग्रेसरैर्वाजिभिरुत्थितानि ।
३९६२२ कुर्वन्ति सामन्तशिखामणीनां प्रभाप्ररोहास्तमयं रजांसि ॥
३९६३१ अस्य श्रीभोजराजस्य द्वयमेव सुदुर्लभम् ।
३९६३२ शत्रूणां शृङ्खलैर्लोहं ताम्रं शासनपत्रकैः ॥
३९६४१ अस्य स्निग्धस्य वर्णस्य विपत्तिर्दारुणा कथम् ।
३९६४२ इदं च मुखमाधुर्यं कथं दूषितमग्निना ॥
३९६५१ अस्यां नेत्रपथं मन्ये गतायां लोलचक्षुषि ।
३९६५२ भवन्ति पञ्चबाणस्य स्वबाणा एव वैरिणः ॥
३९६६१ अस्यां प्रावृषि चातकैर्जलकणा लब्धा न चेत्किं ततो भाविप्रावृषि दास्यते द्विगुणमित्यभ्र त्वया गम्यते ।
३९६६२ एतेऽद्यैव लयं व्रजन्ति पृथुकैरेतत्कुलीनो न चेदेकः प्राणिति तावतैव कृतमस्त्यत्रैव नः संशयः ॥
३९६७१ अस्यां मुनीनामपि मोहमूहे भृगुर्महान् यत्कुचशैलशीली ।
३९६७२ नानारदाह्लादि मुखं श्रितोरुर्व्यासो महाभारतसर्गयोग्यः ॥
३९६८१ अस्यां वपुर्व्यूहविधानविद्यां किं द्योतयामास नवां स कामः ।
३९६८२ प्रत्यङ्गसङ्गस्फुटलब्धभूमा लावण्यसीमा यदिमामुपास्ते ॥
३९६९१ अस्यां सखे बधिरलोकनिवासभूमौ किं कूजितेन खलु कोकिल कोमलेन ।
३९६९२ एते हि दैवहतकास्तदभिन्नवर्णं त्वां काकमेव कलयन्ति कलानभिज्ञाः ॥
३९७०१ अस्याः कचानां शिखिनश्च किंनु विधिं कलापौ विमतेरगाताम् ।
३९७०२ तेनायमेभिः किमपूजि पुष्पैरभर्त्सि दत्त्वा स किमर्धचन्द्रम् ॥
३९७११ अस्याः कररुहखण्डित काण्डपटप्रकटनिर्गता दृष्टिः ।
३९७१२ पटविगलितनिष्कलुषा स्वदते पीयूषधारेव ॥
३९७२१ अस्याः करस्पर्धनगर्धनर्द्धिर्बालत्वमापत्खलु पल्लवो यः ।
३९७२२ भूयोऽपि नामाधरसाम्यगर्वं कुर्वन् कथं वास्तु न स प्रवालः ॥
३९७३१ अस्याः कर्णावतंसेन जितं सर्वं विभूषणम् ।
३९७३२ तथैव शोभतेऽत्यर्थमस्याः श्रवणकुण्डलम् ॥
३९७४१ अस्याः कान्तस्य रूपस्य सवौपम्यातिशायिनः ।
३९७४२ एकैव गच्छेत्सादृश्यं स्वच्छाया दर्पणाश्रिता ॥
३९७५१ अस्याः कामनिवासरम्यभवनं वक्त्रं विलोक्यादरान्निश्चित्येव सुधाकरं प्रियतमं भूमीगतं शोभनम् ।
३९७५२ नासामौक्तिककैतवेन रुचिरा तारापि सा रोहिणी मन्ये तद्विरहासहिष्णुहृदया तत्संनिधिं सेवते ॥
३९७६१ अस्याः कुशेशयदृशः शशिशुभ्रशुभ्रं नासाग्रवर्ति नवमौक्तिकमाचकास्ति ।
३९७६२ कैलासमानससरोवरराजहंस्या निःक्षिप्तमण्डमिव जाग्रति पुण्डरीके ॥
३९७७१ अस्याः खलु ग्रन्थिनिबद्धकेश मल्लीकदम्बप्रतिबिम्बवेषात् ।
३९७७२ स्मरप्रशस्ती रजताक्षरेयं पृष्ठस्थलीहाटकपट्टिकायाम् ॥
३९७८१ अस्याः पदौ चारुतया महन्तावपेक्ष्य सौक्ष्म्याल्लवभावभाजः ।
३९७८२ जाता प्रवालस्य महीरुहाणां जानीमहे पल्लवशब्दलब्धिः ॥
३९७९१ अस्याः पाटलपाणिजाङ्कितमुरो निद्राकषाये दृशौ निर्धौतोऽधरशोणिमा विलुलितस्रस्तस्रजो मूर्धजाः ।
३९७९२ काञ्चीदाम दरश्लथाञ्चलमिति प्रातर्निखातैर्दृशोरेभिः कामशरैस्तदद्भुतमभूद्यन्मे मनः कीलितम् ॥
३९८०१ अस्याः पीठोपविष्टाया अभ्यङ्गं वितनोत्यसौ ।
३९८०२ लसच्छ्रोणि चलद्वेणि नटद्गुरुपयोधरम् ॥
३९८११ अस्याः पीनस्तनव्याप्ते हृदयेऽस्मासु निर्दये ।
३९८१२ अवकाशलवोऽप्यस्ति नात्र कुत्र बिभर्तु नः ॥
३९८२१ अस्याः संयमवान् कचो मधुकरैरभ्यर्थ्यमानो मुहुर्भृङ्गीगोपनजाभिशापमचिरादुन्मार्ष्टुकामो निजम् ।
३९८२२ सीमन्तेन करेण कोमलरुचा सिन्दूरबिन्दुच्छलादातप्तायसपिण्डमण्डलमसावादातुमाकाङ्क्षति ॥
३९८३१ अस्याः स चारुर्मधुरेव कारुः श्वासं वितेने मलयानिलेन ।
३९८३२ अमूनि सूनैर्विदधेऽङ्गकानि चकार वाचं पिकपञ्चमेन ॥
३९८४१ अस्याः सपक्षैकविधोः कचौघः स्थाने मुखस्योपरि वासमाप ।
३९८४२ पक्षस्थतावद्बहुचन्द्रकोऽपि कलापिनां येन जितः कलापः ॥
३९८५१ अस्याः सर्गविधौ प्रजापतिरभूच्चन्द्रो नु कान्तप्रभः शृङ्गारैकरसः स्वयं नु मदनो मासो नु पुष्पाकरः ।
३९८५२ वेदाभ्यासजडः कथं नु विषयव्यावृत्तकौतूहलो निर्मातुं प्रभवेन्मनोहरमिदं रूपं पुराणो मुनिः ॥
३९८६१ अस्याः सर्गविधौ प्रजापतिरहो चन्द्रो न संभाव्यते नो देवः कुसुमायुधो न च मधुर्दूरे विरिञ्चः प्रभुः ।
३९८६२ एतन्मे मतमुत्थितेयममृतात्काचित्स्वयं सिन्धुना या मन्थाचललोडितेन हरये दत्त्वा श्रियं रक्षिता ॥
३९८७१ अस्याः सुगन्धिनवकुङ्कुमपङ्कदत्तो मुग्धश्चकास्ति तिलको मदिरेक्षणायाः ।
३९८७२ आविष्टरागमभिराममुखारविन्द निष्यन्दलग्नमिव मे हृदयं द्वितीयम् ॥
३९८८१ अस्याः स्वेदाम्बुबिन्दुच्युततिलकतया व्यक्तवक्त्रेन्दुकान्तेर्वारंवारेण वेगप्रहणनगणनाकेलिवाचालितायाः ।
३९८८२ तत्पातोत्पाततालक्रमनमितदृशस्ताण्डवोत्तालताली लालित्याल्लोभिताः स्मः प्रतिपदममुना कन्दुकक्रीडितेन ॥
३९८९१ अस्याङ्के कषपट्टभासिचपला श्रीः स्वर्णरेखायते धारासारघनं सुदर्शनमदश्चक्रं जगत्पश्यति ।
३९८९२ प्रोदञ्चद्वनमालमञ्जनरुचा देहेन पीताम्बरं दूरोन्नीतशिखण्डमण्डलमिदं रूपं हरेरम्बुदः ॥
३९९०१ अस्या धामसरोवरे भुजबिसे वक्त्रारविन्दे भ्रमन्नेत्रभ्रूभ्रमरे सुयौवनजले कस्तूरिकापङ्किले ।
३९९०२ वक्षोजप्रतिकुम्भिकुम्भदलनक्रोधादुपेत्य द्रुतं मग्नश्चित्तमतंगजः कथमसावुत्थाय निर्यास्यति ॥
३९९११ अस्याननस्य भवतः खलु कोटिरेषा कण्टारिका यदि भवेदविशीर्णपर्णा ।
३९९१२ योग्या क्व ते करभ कल्पतरोर्लतायास्ते पल्लवा विमलविद्रुमभङ्गभाजः ॥
३९९२१ अस्याभ्यासाद्ग्रन्थवर्यस्य शिष्यः सर्वज्ञः स्याद्विस्फुरच्चारुबुद्धिः ।
३९९२२ अर्थं कामं वेत्ति धर्मं च मोक्षं निःसंदेहं शीलितुं पण्डितोऽपि ॥
३९९३१ अस्या मनोहराकारकबरीभारतर्जिताः ।
३९९३२ लज्जयेव वने वासं चक्रुश्चमरबर्हिणः ॥
३९९४१ अस्यामपूर्व इव कोऽपि कलङ्करिक्तश्चन्द्रोऽपरः किमुत तन्मकरध्वजेन ।
३९९४२ रोमावलीगुणमिलत्कुचमन्दरेण निर्मथ्य नाभिजलधिं ध्रुवमुद्धृतः स्यात् ॥
३९९५१ अस्या मुखं हिमरुचिर्ननु यद्विधात्रा संपूर्य सर्वमवशेषतयात्र मुक्तः ।
३९९५२ आश्यानतामुपगतोऽस्य रुचा चकास्ति नासाग्रमौक्तिकमिषादमृतस्य बिन्दुः ॥
३९९६१ अस्या मुखश्रीप्रतिबिम्बमेव जलाच्च तातान्मुकुराच्च मित्रात् ।
३९९६२ अभ्यर्थ्य धत्तः खलु पद्मचन्द्रौ विभूषणं याचितकं कदाचित् ॥
३९९७१ अस्या मुखस्यास्तु न पूर्णमास्यं पूर्णस्य जित्वा महिमा हिमांशुम् ।
३९९७२ भ्रूलक्ष्मखण्डं दधदर्धमिन्दुर्भालस्तृतीयः खलु यस्य भागः ॥
३९९८१ अस्या मुखेन लोकानां हृतपङ्कजकान्तिना ।
३९९८२ निशासु नाशिता निद्रा कुमुदानामिवेन्दुना ॥
३९९९१ अस्या मुखेनैव विजित्य नित्य स्पर्धी मिलत्कुङ्कुमरोषभासा ।
३९९९२ प्रसह्य चन्द्रः खलु नह्यमानः स्यादेव तिष्ठत्परिवेषपाशः ॥
४०००१ अस्या मुखेन्दावधरः सुधाभूर्बिम्बस्य युक्तः प्रतिबिम्ब एषः ।
४०००२ तस्याथवा श्रीर्द्रुमभाजि देशे संभाव्यमानास्य तु विद्रुमे सा ॥
४००११ अस्यामोषधयो ज्वलन्तु दधतु ज्योतींषि कीटा अपि प्रोन्मीलन्तु भुजङ्गमौलिमणयः क्रीडन्तु दीपाङ्कुराः ।
४००१२ प्रष्टव्याः खलु यूयमेव यदि कोऽप्यस्तं गते भास्वति प्रौड्ःध्वान्तपयोधिमग्नजगतीहस्तावलम्बक्षमः ॥
४००२१ अस्या यदष्टादश संविभज्य विद्याः श्रुती दध्रतुरर्धमर्धम् ।
४००२२ कर्णान्तरुत्कीर्णगभीररेखः किं तस्य संख्यैव नवा नवाङ्कः ॥
४००३१ अस्या यदास्येन पुरस्तिरश्च तिरस्कृतं शीतरुचान्धकारम् ।
४००३२ स्फुटस्फुरद्भङ्गिकचच्छलेन तदेव पश्चादिदमस्ति बद्धम् ॥
४००४१ अस्यारिप्रकरः शरश्च नृपतेः संख्ये पतन्तावुभौ सीत्कारं च न संमुखौ रचयतः कम्पं च न प्राप्नुतः ।
४००४२ तद्युक्तं न पुनर्निवृत्तिरुभयोर्जागर्ति यन्मुक्तयोरेकस्तत्र भिनत्ति मित्रमपरश्चामित्रमित्यद्भुतम् ॥
४००५१ अस्या ललाटे रचिता सखीभिर्विभाव्यते चन्दनपत्रलेखा ।
४००५२ आपाण्डुरक्षामकपोलभित्तावनङ्गबाणव्रणपट्टिकेव ॥
४००६१ अस्या वपुषि तारुण्यं शैशवं वा कृतास्पदम् ।
४००६२ जातिः कापालिकस्येव न केनाप्यवधार्यते ॥
४००७१ अस्या वपुषि तुलायां शैशवगुञ्जां च यौवनं हेम ।
४००७२ तुलयति कुतुकिनि कामे न नमति मध्यान्मनःसूची ॥
४००८१ अस्याश्चेदलकावली कृतमलिश्रेणीभिरेणीदृशः सौन्दर्यं यदि चक्षुषोस्तरलयोः किं मन्मथस्यायुधैः ।
४००८२ का प्रीतिः कनकारविन्दमुकुले पीनौ स्तनौ चेदतो मन्ये काचिदियं मनोभवकृता माया जगन्मोहिनी ॥
४००९१ अस्याश्चेद्गतिसौकुमार्यमधुना हंसस्य गर्वैरलं संलापो यदि धार्यतां परभृतैर्वाचंयमत्वव्रतम् ।
४००९२ अङ्गानामकठोरता यदि दृषत्प्रायैव सा मालती कान्तिश्चेत्कमला किमत्र बहुना काषायमालम्बताम् ॥
४०१०१ अस्यासिर्भुजगः स्वकोशसुषिराकृष्टः स्फुरत्कृष्णिमा कम्पोन्मीलदराललीलवलनस्तेषां भिये भूभुजाम् ।
४०१०२ संग्रामेषु निजाङ्गुलीमयमहासिद्धौषधीवीरुधः पर्वास्ये विनिवेश्य जाङ्गुलिकता यैर्नाम नालम्बिता ॥
४०१११ अस्यास्तनिमा मध्ये प्रथिमा कुचयोर्दृशोश्च चाञ्चल्यम् ।
४०११२ ऊर्वोः क्रमेण वृत्तो न्नाहश्च तुल्यतां दधति ॥
४०१२१ अस्यास्तनुस्यन्दनसंस्मितो वै स मीनकेतुर्जगतीं विजेतुम् ।
४०१२२ सकुङ्कुमालेखमिषेण वीरो व्यमोचयच्चारुतरां पताकाम् ॥
४०१३१ अस्यास्तनौ विरहताण्डवरङ्गभूमौ स्वेदोदबिन्दुकुसुमाञ्जलिमाविकीर्य ।
४०१३२ नान्दीं पपाठ पृथुवेपथुवेपमान काञ्चीलताकलरवैः स्मरसूत्रधारः ॥
४०१४१ अस्यास्तुङ्गमिव स्तनद्वयमिदं निम्नेव नाभिः स्थिता दृश्यन्ते विषमोन्नताश्च वलयो भित्तौ समायामपि ।
४०१४२ अङ्गे च प्रतिभाति मार्दवमिदं स्निग्धस्वभावश्चिरं प्रेम्णा मन्मुखचन्द्रमीक्षत इव स्मेरेव वक्तीति च ॥
४०१५१ अस्यास्त्राणमहो वियोगदुरितादस्मासु कृत्वा कृती स्वैरं गच्छसि तत्तु किं विमृशसि त्रासावहं हन्त नः ।
४०१५२ वाचालेषु दिनेषु कोकिलरुतैरुत्पञ्चमप्रक्रमैः सज्योत्स्नासु च यामिनीष्वशरणाः किं नाम कुर्मो वयम् ॥
४०१६१ अस्यैकस्यापि कायस्य सहजा अस्थिखण्डकाः ।
४०१६२ पृथक्पृथग्गमिष्यन्ति किमुतान्यः प्रियो जनः ॥
४०१७१ अस्यैव रम्भोरु तावननस्य दृशैव संजीवितमन्मथस्य ।
४०१७२ वनं विधाता ननु नीरजानां नीराजनार्थं किमु निर्मिमीते ॥
४०१८१ अस्यैव सर्गाय भवत्करस्य सरोजसृष्टिर्मम हस्तलेखः ।
४०१८२ इत्याह धाता हरिणेक्षणायां किं हस्तलेखीकृतया तयास्याम् ॥
४०१९१ अस्योदरस्य प्रतितुल्यशोभं नास्तीति धात्रा भुवनत्रयेऽपि ।
४०१९२ संख्यानरेखा इव संप्रयुक्तास्तिस्रो विरेजुर्वलयः सुदत्याः ॥
४०२०१ अस्योर्वीरमणस्य पार्वणविधुद्वैराज्यसज्जं यशः सर्वाङ्गोज्ज्वलशर्वपर्वतसितश्रीगर्वनिर्वासि यत् ।
४०२०२ तत्कम्बुप्रतिबिम्बितं किमु शरत्पर्जन्यराजिश्रियः पर्यायः किमु दुग्धसिन्धुपयसां सर्वानुवादः किमु ॥
४०२११ अस्रं लोचनकोण एव कृपणद्रव्यायते सर्वदा कण्ठे काकुवचः प्रसुप्तकमलक्रोडस्थभृङ्गायते ।
४०२१२ हा रावो हृदये वियोगिकुलजाकामाभिलाषायते वैदेहीविरहज्वरो रघुपतेरापाकतापायते ॥
४०२२१ अस्रमजस्रं मोक्तुं धिङ्नः कर्णायते नयने ।
४०२२२ द्रष्टव्यं परिदृष्टं तत्कैशोरं व्रजस्त्रीभिः ॥
४०२३१ अस्रस्रोतस्तरङ्गभ्रमिषु तरलिता मांसपङ्के लुठन्तः स्थूलास्थिग्रन्थिभङ्गैर्धवलबिसलताग्रासमाकल्पयन्तः ।
४०२३२ मायासिंहस्य शौरेः स्फुरदरुणहृदम्भोजसंश्लेषभाजः पायासुर्दैत्यवक्षःस्थलकुहरसरोराजहंसा नखा वः ॥
४०२४१ अस्राक्षीन्नवनीलनीरजदलोपान्तातिसूक्ष्मायत त्वङ्मात्रान्तरितामिषं यदि वपुर्नैतत्प्रजानां पतिः ।
४०२४२ प्रत्यग्रक्षरदस्रविस्रपिशितग्रासग्रहं गृह्णतो गृध्रध्वाङ्क्षवृकांस्तनौ निपततः को वा कथं वारयेत् ॥
४०२५१ अस्वतन्त्राः स्त्रियः कार्याः पुरुषैः स्वैर्दिवानिशम् ।
४०२५२ विषयेषु च सज्जन्त्यः संस्थाप्य ह्यात्मनो वशे ॥
४०२६१ अस्वाध्यायः पिकानां मदनमखसमारम्भणस्याधिमासो निद्राया जन्मलग्नं किमपि मधुलिहां कोऽपि दुर्भिक्षकालः ।
४०२६२ ऋष्टिर्यात्रोत्सुकानां मलयजमरुतां पान्थकान्ताकृतान्तः प्रालेयोन्मूलमूलं समजनि समयः कश्चिदौत्पातिकोऽयम् ॥
४०२७१ अहंकार क्वापि व्रज वृजिन हे मा त्वमिह भूरभूमिर्दर्पाणामहमपसर त्वं पिशुन हे ।
४०२७२ अरे क्रोध स्थानान्तरमनुसरानन्यमनसां त्रिलोकीनाथो नः स्फुरति हृदि देवो हरिरसौ ॥
४०२८१ अहंकारो धियं ब्रूते मैनं सुप्तं प्रबोधय ।
४०२८२ उत्थिते परमानन्दे न त्वं नाहं न वै जगत् ॥
४०२९१ अहं किमम्बा किमभीष्टतापदे तवेति मातुर्धुरि तातपृच्छया ।
४०२९२ प्रलोभ्यतुल्यं प्रवदन्तमर्भकं मुदा हसञ्जिघ्रति मूर्ध्नि पुण्यभाक् ॥
४०३०१ अहंकृतेः परिच्छेदानविद्यामचितिं तथा ।
४०३०२ जहि येनोपलब्धिस्ते कापि स्यान्निस्तुलाद्भुता ॥
४०३११ अहं च त्वं च राजेन्द्र लोकनाथावुभावपि ।
४०३१२ बहुव्रीहिरहं राजन् षष्ठीतत्पुरुषो भवान् ॥
४०३२१ अहं च देवनन्दी च कुशाग्रीयधियावुभौ ।
४०३२२ नैव शब्दाम्बुधेः पारं किमन्ये जडबुद्धयः ॥
४०३३१ अहं तनीयानतिकोमलश्च स्तनद्वयं वोढुमलं न तावत् ।
४०३३२ इतीव तत्संवहनार्थमस्या वलित्रयं पुष्यति मध्यभागः ॥
४०३४१ अहं तावन्महाराजे पितृत्वं नोपलक्षये ।
४०३४२ भ्राता भर्ता च बन्धुश्च पिता च मम राघवः ॥
४०३५१ अहं तेनाहूता किमपि कथयामीति विजने समीपे चासीना सरलहृदयत्वादवहिता ।
४०३५२ ततः कर्णोपान्ते किमपि वदताघ्राय वदनं गृहीत्वा धम्मिल्लं मम सखि निपीतोऽधररसः ॥
४०३६१ अहं न चेत्स्यां मयि दुष्टभावनामिमे व्रजेयुर्न निराश्रया जनाः ।
४०३६२ तदेनसा योजयतः परान् स्वयं ममैव युक्ता खलु नन्वपत्रपा ॥
४०३७१ अहं नयनजं वारि निरोढुमपि न क्षमः ।
४०३७२ रामः सीतावियोगार्तो बबन्ध सरितां पतिम् ॥
४०३८१ अहं नश्यामि मानेन मानेन कलहं कृथाः ।
४०३८२ विरोधमेत्य कान्तेन कान्ते न परितप्यते ॥
४०३९१ अहंभावात्ययो जातु सुकरो न कथंचन ।
४०३९२ चेतनायामहम्भावो भौतिक्यां विजितः सकृत् ।
४०३९३ आध्यात्मिक्यां पुनश्चैष स्फीतः स्फुरति नोऽग्रतः ॥
४०४०१ अहं ममेत्येव भवस्य बीजं न मे न चाहं भवबीजशान्तिः ।
४०४०२ बीजे प्रनष्टे कुत एव जन्म निरिन्धनो वह्निरुपैति शान्तिम् ॥
४०४११ अहं महानसायातः कल्पितो नरकस्तव ।
४०४१२ मया मांसादिकं भुक्तं भीमं जानीहि मां बक ॥
४०४२१ अहंयुवरवर्णिनीजनमदायतोदव्रत स्फुरच्चतुरपञ्चमस्वरजितान्यपक्षिव्रजः ।
४०४२२ रसालतरुणा कृतामसमतुल्यतामात्मनो विहन्तुमिह कोकिलः फलिनमन्यमुद्वीक्षते ॥
४०४३१ अहं रथाङ्गनामेव प्रिया सहचरीव मे ।
४०४३२ अननुज्ञातसंपर्का धारिणी रजनीव नौ ॥
४०४४१ अहं वो रक्षितेत्युक्त्वा यो न रक्षति भूमिपः ।
४०४४२ स संहत्य निहन्तव्यः श्वेव सोन्माद आतुरः ॥
४०४५१ अहं सदा प्राणसमं महीभुजामयं तु मां वेत्ति नृपस्तृणोपमम् ।
४०४५२ इतीव कर्णेषु सुवर्णमर्थिनां स्वखेदमाख्यातुमभूत्कृतास्पदम् ॥
४०४६१ अहं हि संमतो राज्ञो य एवं मन्यते कुधीः ।
४०४६२ बलीवर्दः स विज्ञेयो विषाणपरिवर्जितः ॥
४०४७१ अहन्यहनि बोद्धव्यं किमद्य सुकृतं कृतम् ।
४०४७२ दत्तं वा दापितं वापि वाक्साह्यमपि वाक्कृतम् ॥
४०४८१ अहन्यहनि भूतानि गच्छन्ति चरमालयम् ।
४०४८२ शेषाः स्थावरमिच्छन्ति किमाश्चर्यमतःपरम् ॥
४०४९१ अहन्यहनि भूतानि सृजत्येव प्रजापतिः ।
४०४९२ अद्यापि न सृजत्येकं योऽर्थिनं नावमन्यते ॥
४०५०१ अहन्यहनि याचन्तं कोऽवमन्येद्गुरुं यथा ।
४०५०२ मार्जनं दर्पणस्येव यः करोति दिने दिने ॥
४०५११ अहन्यहन्यात्मन एव तावज्ज्ञातुं प्रमादस्खलितं न शक्यम् ।
४०५१२ प्रजासु कः केन पथा प्रयातीत्यशेषतो वेदितुमस्ति शक्तिः ॥
४०५२१ अहमपि परेऽपि कवयस्तथापि महदन्तरं परिज्ञेयम् ।
४०५२२ ऐक्यं रलयोर्यद्यपि तत्किं करभायते कलभः ॥
४०५३१ अहमस्मि नीलकण्ठस्तव खलु तुष्यामि शब्दमात्रेण ।
४०५३२ नाहं जलधर भवतश्चातक इव जीवनं याचे ॥
४०५४१ अहमहमिकाबद्धोत्साहं रतोत्सवशंसिनि प्रसरति मुहुः प्रौढस्त्रीणां कथामृतदुर्दिने ।
४०५४२ कलितपुलका सद्यः स्तोकोद्गतस्तनकोरके वलयति शनैर्बाला वक्षःस्थले तरलां दृशम् ॥
४०५५१ अहमिव दिनलक्ष्मीः प्रोषितप्राणनाथा त्वमिव पथिक पन्था मुक्तपान्थानुबन्धः ।
४०५५२ अयमपि परदेशः सोऽपि यत्रासि गन्ता मदनमधुरमूर्ते किं वृथा सत्वरोऽसि ॥
४०५६१ अहमिव शून्यमरण्यं वयमिव तनुतां गतानि तोयानि ।
४०५६२ अस्माकमिवोच्छ्वासा दिवसा दीर्घाश्च तप्ताश्च ॥
४०५७१ अहमिह कृतविद्यो वेदिता सत्कलानां धनपतिरहमेको रूपलावण्ययुक्तः ।
४०५७२ इति कृतगुरुगर्वः खिद्यते किं जनोऽयं कतिपयदिनमध्ये सर्वमेतन्न किंचित् ॥
४०५८१ अहमिह स्थितवत्यपि तावकी त्वमपि तत्र वसन्नपि मामकः ।
४०५८२ न तनुसंगतमार्य सुसंगतं हृदयसंगतमेव सुसंगतम् ॥
४०५९१ अहमेको न मे कश्चिन्नाहमन्यस्य कस्यचित् ।
४०५९२ न तं पश्यामि यस्याहं न हि सोऽस्ति न यो मम ॥
४०६०१ अहमेत्य पतङ्गवर्त्मना पुनरङ्काश्रयणी भवामि ते ।
४०६०२ चतुरैः सुरकामिनीजनैः प्रिय यावन्न विलोभ्यसे दिवि ॥
४०६११ अहमेव गुरुः सुदारुणानामिति हालाहल तात मा स्म दृप्यः ।
४०६१२ ननु सन्ति भवादृशानि भूयो भुवनेऽस्मिन् वचनानि दुर्जनानाम् ॥
४०६२१ अहमेव बली न चापर इति बुद्धिः प्रलयंकरी नृणाम् ।
४०६२२ नहि सन्ति महीतले कति प्रबलैर्ये विजिता बलोद्धताः ॥
४०६३१ अहमेव मतो महीपतेरिति सर्वः प्रकृतिष्वचिन्तयत् ।
४०६३२ उदधेरिव निम्नगाशतेष्वभवन्नास्य विमानना क्वचित् ॥
४०६४१ अहरन् कस्यचिद्द्रव्यं यो नरः सुखमावसेत् ।
४०६४२ सर्वतः शङ्कितः स्तेनो मृगोग्राममिवागतः ॥
४०६५१ अहर्निशं जागरणोद्यतो जनः श्रमं विधत्ते विषयेच्छया यथा ।
४०६५२ तपःश्रमं चेत्कुरुते तथा क्षणं किमश्नुतेऽनन्तसुखं न पावनम् ॥
४०६६१ अहर्निशा वेति रताय पृच्छति क्रमोष्णशीतान्नकरार्पणाद्विटे ।
४०६६२ ह्रिया विदग्धा किल तन्निषेधिनी न्यधत्त संध्यामधुरेऽधरेऽङ्गुलिम् ॥
४०६७१ अहल्याकेलिकालेऽभूत्कन्दर्पाणां शतद्वयम् ।
४०६७२ तत्पञ्चबाणभिन्नाक्षः सहस्राक्षोऽन्धतां गतः ॥
४०६८१ अहस्तानि सहस्तानामपदानि चतुष्पदाम् ।
४०६८२ फल्गूनि तत्र महतां जीवो जीवस्य जीवनम् ॥
४०६९१ अहह कर्मकरीयति भूपतिं नरपतीयति कर्मकरं नरः ।
४०६९२ जलनिधीयति कूपमपां निधिं गतजलीयति मद्यमदाकुलः ॥
४०७०१ अहह किमधुना मुधैव बध्नास्यनुचितकारिणि कर्णदन्तपत्रम् ।
४०७०२ ननु तव चटुलभ्रु कर्णपालिर्भुवनविलोचनकालसारपाशः ॥
४०७११ अहह गृही क्व नु कुशली बद्धः संसारसागरे क्षिप्तः ।
४०७१२ कथमपि लभते पोतं तेनापि निमज्जति नितान्तम् ॥
४०७२१ अहह चण्ड समीरण दारुणं किमिदमाचरितं चरितं त्वया ।
४०७२२ यदिह चातकचञ्चुपुटोदरे पतति वारि तदेव निवारितम् ॥
४०७३१ अहह नयने मिथ्यादृग्वत्सदीक्षणवर्जिते श्रवणयुगलं दुष्पुत्रो वा श्र्णोति न भाषितम् ।
४०७३२ स्खलति चरणद्वन्द्वं मार्गे मदाकुललोकवद्वपुषि जरसा जीर्णे वर्णो व्यपैति कलत्रवत् ॥
४०७४१ अहह सहजमोहा देहगेहप्रपञ्चे नवरतमतिमग्ना कामिनीविग्रहाप्तिः ।
४०७४२ तदहमिह विहर्तुं संततामोदमुग्धा स्वहितमहितकृत्यं हन्त नान्तः स्मरामि ॥
४०७५१ अहान्यस्तमयान्तानि उदयान्ता च शर्वरी ।
४०७५२ सुखस्यान्तः सदा दुःखं दुःखस्यान्तः सदा सुखम् ॥
४०७६१ अहापयन्नृपः कालं भृत्यानामनुवर्तिनाम् ।
४०७६२ कर्मणामानुरूप्येण वृत्तिं समनुकल्पयेत् ॥
४०७७१ अहार्यः सर्वमध्यस्थः काञ्चनद्युतिमुद्वहन् ।
४०७७२ सत्प्रदक्षिणयोग्यत्वमुपयाति महोन्नतः ॥
४०७८१ अहार्येण कदाप्यन्यैरसंहार्येण केनचित् ।
४०७८२ तितिक्षाकवचेनैव सर्वं जयति संवृतः ॥
४०७९१ अहिं नृपं च शार्दूलं वृद्धं च बालकं तथा ।
४०७९२ परश्वानं च मूर्खं च सप्त सुप्तान्न बोधयेत् ॥
४०८०१ अहिंसयैव भूतानां कार्यं श्रेयोऽमुशासनम् ।
४०८०२ वाक्चैव मधुरा श्लक्ष्णा प्रयोज्या धर्ममिच्छता ॥
४०८११ अहिंसा धाम धर्मस्य दुःखस्यायतनं स्पृहा ।
४०८१२ सङ्गत्यागः पदं मुक्तेर्योगाभ्यासः पदं शुचः ॥
४०८२१ अहिंसा परमो धर्मः अहिंसा परमा गतिः ।
४०८२२ अहिंसा परमा प्रीतिस्त्वहिंसा परमं पदम् ॥
४०८३१ अहिंसा परमो धर्मस्तथाहिंसा परो दमः ।
४०८३२ अहिंसा परमं दानमहिंसा परमं तपः ॥
४०८४१ अहिंसा परमो यज्ञस्तथाहिंसा परं बलम् ।
४०८४२ अहिंसा परमं मित्रमहिंसा परमं सुखम् ।
४०८४३ अहिंसा परमं सत्यमहिंसा परमं श्रुतम् ॥
४०८५१ अहिंसा परमो धर्मो ह्यहिंसैव परं तपः ।
४०८५२ अहिंसा परमं दानमित्याहुर्मुनयः सदा ॥
४०८६१ अहिंसापूर्वको धर्मो यस्मात्सर्वहिते रतः ।
४०८६२ यूकामत्कुणदंशादींस्तस्मात्तानपि रक्षयेत् ॥
४०८७१ अहिंसा प्रथमं पुष्पं द्वितीयेन्द्रियनिग्रहम् ।
४०८७२ तृतीयं तु दया पुष्पं तुरीयं दानपुष्पकम् ॥
४०८८१ अहिंसा सत्यमस्तेयं त्यागो मैथुनवर्जनम् ।
४०८८२ पञ्चस्वेतेषु वाक्येषु सर्वे धर्माः प्रतिष्ठिताः ॥
४०८९१ अहिंसा सत्यमस्तेयं ब्रह्मचर्यपरिग्रहः ।
४०८९२ इष्टानिष्टपरा चिन्ता यम एष प्रकीर्तितः ॥
४०९०१ अहिंसा सत्यमस्तेयं शौचमिन्द्रियनिग्रहः ।
४०९०२ एतं सामासिकं धर्मं चातुर्वर्ण्येऽब्रवीन्मनुः ॥
४०९११ अहिंसा सत्यमस्तेयं शौचमिन्द्रियनिग्रहः ।
४०९१२ दानं दमो दया क्षान्तिः सर्वेषां धर्मसाधनम् ॥
४०९२१ अहिंसा सत्यवचनं सर्वभूतानुकम्पनम् ।
४०९२२ शमो दानं यथाशक्ति गार्हस्थ्यो धर्म उत्तमः ॥
४०९३१ अहिंसा सत्यवचनं सर्वभूतेषु चार्जवम् ।
४०९३२ क्षमा चैवाप्रमादश्च यस्यैते स सुखी भवेत् ॥
४०९४१ अहिंसा सत्यवचनमानृशंस्यं दमो घृणा ।
४०९४२ एतत्तपो विदुर्धीरा न शरीरस्य शोषणम् ॥
४०९५१ अहिंसा सूनृता वाणी सत्यं शौचं दया क्षमा ।
४०९५२ वर्णिनां लिङ्गिनां चैव सामान्यो धर्म उच्यते ॥
४०९६१ अहिंसासूनृतास्तेयब्रह्माकिंचनतारतम् ।
४०९६२ सुपात्रं मुनिभिः प्रोक्तं राजद्वेषविवर्जितम् ॥
४०९७१ अहिंस्रस्य तपोऽक्षय्यमहिंस्रो यजते सदा ।
४०९७२ अहिंस्रः सर्वभूतानां यथा माता यथा पिता ॥
४०९८१ अहितं च हिताकारं धार्ष्ट्याज्जल्पन्ति ये नराः ।
४०९८२ अवेक्ष्य मन्त्रबाह्यास्ते कर्तव्याः कृत्यदूषणाः ॥
४०९९१ अहितहितविचारशून्यबुद्धेः श्रुतिसमयैर्बहुभिर्बहिष्कृतस्य ।
४०९९२ उदरभरणमात्रकेवलेच्छोः पुरुषपशोश्च पशोश्च को विशेषः ॥
४१००१ अहितात्प्रतिषेधश्च हिते चानुप्रवर्तनम् ।
४१००२ व्यसने चापरित्यागस्त्रिविधं मित्रलक्षणम् ॥
४१०११ अहितादनपत्रपस्त्रसन्नतिमात्रोज्झितभीरनास्तिकः ।
४१०१२ विनयोपहितस्त्वया कुतः सदृशोऽन्यो गुणवानविस्मयः ॥
४१०२१ अहितुण्डिकदृष्टीनामशेषा भोगिनः पदम् ।
४१०२२ न संवर्ताग्निसारथ्ये स्थाता यन्मुखमारुतः ॥
४१०३१ अहिते प्रतिषेधश्च हिते चानुप्रवर्तनम् ।
४१०३२ व्यसने चापरित्यागस्त्रिविधं मित्रलक्षणम् ॥
४१०४१ अहिते हितबुद्धिरल्पधीरवमन्येत मतानि मन्त्रिणाम् ।
४१०४२ चपलः सहसैव संपतन्नरिखङ्गाभिहतः प्रबुध्यते ॥
४१०५१ अहिते हितमिच्छन्ति निसर्गात्सरसास्तु ये ।
४१०५२ पीडितोऽपीक्षुदण्डो हि रसमेव ददात्यरम् ॥
४१०६१ अहिभवनविधानान्यायुधीकृत्य शैलानमरजयिनि सैन्ये रक्षसामात्तकक्ष्ये ।
४१०६२ कथमिव रणभूमौ वर्तते वानराणामुपवनतरुवल्लीपल्लवोन्माथि यूथम् ॥
४१०७१ अहिभूषणोऽप्यभयदः सुकलितहालाहलोऽपि यो नित्यः ।
४१०७२ दिग्वसनोऽप्यखिलेशस्तं शशधरशेखरं वन्दे ॥
४१०८१ अहिरण्यमदासीकं गृहं गोरसवर्जितम् ।
४१०८२ प्रतिकूलकलत्रं च नरकस्यापरो विधिः ॥
४१०९१ अहिरहिरिति संभ्रमपदमितरजनः किमपि कातरो भवतु ।
४१०९२ विहगपतेराहारः स तु सरलमृणालदलरुचिरः ॥
४११०१ अहिराजः पुरुषेऽस्मिन् धूम्रा धात्री कुलत्थवर्णोऽश्मा ।
४११०२ माहेन्द्री वहति शिरा भवति सफेनं सदा तोयम् ॥
४११११ अहिरिपुपतिकान्तातातसंबद्धकान्ता हरतनयनिहन्तृप्राणदातृध्वजस्य ।
४१११२ सखिसुतसुतकान्तातातसम्पूज्यकान्ता पितृशिरसि पतन्ती जाह्नवी नः पुनातु ॥
४११२१ अहिरिव जनयोगं सर्वदा वर्जयेद्यः कुणमिव वसु नारीं त्यक्तकामो विरागी ।
४११२२ विषमिव विषयार्थान्मन्यमानो दुरन्ताञ्जयति परमहंसो मुक्तिभावं समेति ॥
४११३१ अहिर्बिडालो जामाता एडका च सपुत्रिणी ।
४११३२ आत्मभाग्यं न पश्यन्ति भागिनेयस्तु पञ्चमः ॥
४११४१ अहीनकालं राजार्थं स्वार्थं प्रियहितैः सह ।
४११४२ परार्थं देशकाले च ब्रूयाद्धर्मार्थसंहितम् ॥
४११५१ अहीनभुजगाधीशवपुर्वलयकङ्कणम् ।
४११५२ शैलादिनन्दिचरितं क्षतकन्दर्पदर्पकम् ॥
४११६१ वृषपुंगवलक्ष्माणं शिखिपावकलोचनम् ।
४११६२ ससर्वमङ्गलं नौमि पार्वतीसखमीश्वरम् ॥
४११७१ अहीन्द्रान् पातालाद्विषमिव निमज्ज्योद्धरति यः य आरुह्य स्वर्गं कवलयति सेन्द्रान् सुरगणान् ।
४११७२ महीं भ्रान्त्वा भ्रान्त्वा रघुनलनृपा येन विजिताः स मृत्युः कालं न क्षमत इति मा कार्ष्ट मनसि ॥
४११८१ अहृतहृदयाः सन्तः सत्यं ब्रवीमि निशम्यतां विपिनमधुना गत्वा वासो मृगैः सह कल्प्यताम् ।
४११८२ सुजनचरितध्वंसिन्यस्मिन् खलोदयशालिनि प्रभवति कलौ नायं कालो गृहेषु भवादृशाम् ॥
४११९१ अहेतुः पक्षपातो यस्तस्य नास्ति प्रतिक्रिया ।
४११९२ स हि स्नेहात्मकस्तन्तुरन्तर्भूतानि सीव्यति ॥
४१२०१ अहेतु भ्रूकुटिं नैव सदा कुर्वीत पार्थिवः ।
४१२०२ विना दोषेण यो भृत्यान् राजा धर्मेण पालयेत् ॥
४१२११ अहेरिव गुणाद्भीतो मिष्टान्नाद्या विषादिव ।
४१२१२ राक्षसीभ्य इव स्त्रीभ्यः स विद्यामधिगच्छति ॥
४१२२१ अहो अनौचितीयं ते हृदि शुद्धेऽप्यशुद्धवत् ।
४१२२२ अङ्कः खलैरिवाकल्पि नखैस्तीक्ष्णमुखैर्मम ॥
४१२३१ अहो अहं नमो मह्यं यदहं वीक्षितोऽनया ।
४१२३२ बालया त्रस्तसारङ्गचपलायतनेत्रया ॥
४१२४१ अहो अहीनामपि लेहनं स्याद्दुःखानि नूनं नृपसेवनानि ।
४१२४२ एकोऽहिना दष्टमुपैति मृत्युं क्ष्मापेन दष्टस्तु सगोत्रमित्रः ॥
४१२५१ अहो अहोभिर्न कलेर्विदूयते सुधासुधारामधुरं पदे पदे ।
४१२५२ दिने दिने चन्दनचन्द्रशीतलं यशो यशो दातनयस्य गीयते ॥
४१२६१ अहो अहोभिर्महिमा हिमागमेऽप्यभिप्रपेदे प्रति तां स्मरार्दिताम् ।
४१२६२ तपर्तुपूर्तावपि मेदसां भरा विभावरीभिर्विभरांबभूविरे ॥
४१२७१ अहो ऐश्वर्यमत्तानां मत्तानामिव मानिनाम् ।
४१२७२ असंबद्धा गिरो रूक्षाः कः सहेतानुशासिता ॥
४१२८१ अहो कथमसीमेदं हिमनाम विजृम्भते ।
४१२८२ चरत्येव सहस्रांशौ धवलं तिमिरान्तरम् ॥
४१२९१ अहो कनकमाहात्म्यं वक्तुं केनापि शक्यते ।
४१२९२ नामसाम्यादहो चित्रं धत्तूरोऽपि मदप्रदः ॥
४१३०१ अहो कालस्य सूक्ष्मोऽयं कोऽप्यलक्ष्यक्रमः क्रमः ।
४१३०२ यत्पाकपरिणामेन सर्वं यात्यन्यरूपताम् ॥
४१३११ अहो किमपि ते शुद्धं यशःकुसुममुद्गतम् ।
४१३१२ यस्यायममृतस्यन्दी बालेन्दुर्बाह्यपल्लवः ॥
४१३२१ अहो कुटिलबुद्धीनां दुर्ग्राह्यमसतां मनः ।
४१३२२ अन्यद्वचसि कण्ठेऽन्यदन्यदोष्ठपुटे स्थितम् ॥
४१३३१ अहो केनेदृशी बुद्धिर्दारुणा तव निर्मिता ।
४१३३२ त्रिगुणा श्रूयते बुद्धिर्न तु दारुमयी क्वचित् ॥
४१३४१ अहो खलभुजंगस्य विचित्रोऽयं वधक्रमः ।
४१३४२ अन्यस्य दशति श्रोत्रमन्यः प्राणैर्वियुज्यते ॥
४१३५१ अहो खलभुजंगस्य विपरीतो वधक्रमः ।
४१३५२ कर्णे लगति चान्यस्य प्राणैरन्यो वियुज्यते ॥
४१३६१ अहो गुणाः सौम्यता च विद्वत्ता जन्म सत्कुले ।
४१३६२ दारिद्र्याम्बुधिमग्नस्य सर्वमेतन्न शोभते ॥
४१३७१ अहो गुणानां प्राप्त्यर्थं यतन्ते बहुधा नरः ।
४१३७२ मुक्ता यदर्थं भग्नास्या इतरेषां च का कथा ॥
४१३८१ अहो तम इवेदं स्यान्न प्रज्ञायेत किंचन ।
४१३८२ राजा चेन्न भवेल्लोके विभजन् साध्वसाधुनी ॥
४१३९१ अहोऽतिनिर्मोहि जनस्य चित्रं परं चरित्रं गदितुं न योग्यम् ।
४१३९२ मुखे हि चान्यद्धृदि भावमन्यत्देवो न जानाति कुतो मनुष्यः ॥
४१४०१ अहोऽतिबलवद्दैवं विना तेन महात्मना ।
४१४०२ यदसामर्थ्ययुक्तेऽपि नीचवर्गे जयप्रदम् ॥
४१४११ अहो तृष्णावेश्या सकलजनतामोहनकरी विदग्धा मुग्धानां हरति विवशानां शमधनम् ।
४१४१२ विपद्दीक्षादक्षासहतरलतारैः प्रणयिनी कटाक्षैः कूटाक्षैः कपटकुटिलैः कामकितवः ॥
४१४२१ अहो दानमहो वीर्यमहो धैर्यमखण्डितम् ।
४१४२२ उदारवीरधीराणां हरिश्चन्द्रो निदर्शनम् ॥
४१४३१ अहो दिव्यं चक्षुर्वहसि तव सापि प्रणयिनी पराक्ष्णामग्राह्यं युवतिषु वपुः संक्रमयति ।
४१४३२ समानाभिज्ञानं कथमितरथा पश्यति पुरो भवानेकस्तस्याः प्रतिकृतिमयीरेव रमणीः ॥
४१४४१ अहो दुःखमहोदुःखमहो दुःखं दरिद्रता ।
४१४४२ तत्रापि पुत्रभार्याणां बाहुल्यमतिदुःखदम् ॥
४१४५१ अहो दुरन्ता जगतो विमूढता विलोक्यतां संसृतिदुःखदायिनी ।
४१४५२ सुसाध्यमप्यन्नविधानतस्तपो यतो जनो दुःखकरोऽवमन्यते ॥
४१४६१ अहो दुरन्ता संसारे भोगतृष्णा यया हृताः ।
४१४६२ अनौचित्यादकीर्तेश्च देवा अपि न बिभ्यति ॥
४१४७१ अहो दुर्जसंसर्गान्मानहानिः पदे पदे ।
४१४७२ पावको लोहसङ्गेन मुद्गरैरभिहन्यते ॥
४१४८१ अहो दुर्जनसर्पस्य सर्पस्य महदन्तरम् ।
४१४८२ कर्णमन्यस्य दशति अन्यः प्राणैर्वियुज्यते ॥
४१४९१ अहो दैन्यमहो कष्टं पारक्यैः क्षणभङ्गुरैः ।
४१४९२ यन्नोपकुर्यादस्वार्थैर्मर्त्यः स्वज्ञातिविग्रहैः ॥
४१५०१ अहो धनमदान्धस्तु पश्यन्नपि न पश्यति ।
४१५०२ यदि पश्यत्यात्महितं स पश्यति न संशयः ॥
४१५११ अहो धनानां महती विदग्धता सुखोषितानां कृपणस्य वेश्मनि ।
४१५१२ व्रजन्ति न त्यागदशां न भोग्यतां परां च कांचित्प्रथयन्ति निर्वृतिम् ॥
४१५२१ अहो धनुषि नैपुण्यं मन्मथस्य महात्मनः ।
४१५२२ शरीरमक्षतं कृत्वा भिनत्त्यन्तर्गतं मनः ॥
४१५३१ अहो धात्रा पुरः सृष्टं साहसं तदनु स्त्रियः ।
४१५३२ नैतासां दुष्करं किंचिन्निसर्गादिह विद्यते ॥
४१५४१ अहो धार्ष्ट्यमसाधूनां निन्दतामनघाः स्त्रियः ।
४१५४२ मुष्णतामिव चौराणां तिष्ठ चौरेति जल्पताम् ॥
४१५५१ अहो नक्षत्रराजस्य साभिमानं विचेष्टितम् ।
४१५५२ परिक्षीणस्य वक्रत्वं संपूर्णस्य सुवृत्तता ॥
४१५६१ अहो नु कष्टं सततं प्रवासं ततोऽतिकष्टः परगेहवासः ।
४१५६२ कष्टाधिका नीचजनस्य सेवा ततोऽतिकष्टा धनहीनता च ॥
४१५७१ अहो नु चित्रं पद्मोत्थैर्बद्धास्तन्तुभिरद्रयः ।
४१५७२ अविद्यमाना याविद्या तया सर्वे वशीकृताः ॥
४१५८१ अहो पूर्णं सरः स्पष्टमसि नात्र विचारणा ।
४१५८२ लुठन्तस्त्वयि यत्सर्वे स्नान्ति जातु कथंचन ॥
४१५९१ अहो प्रकृतिसादृश्यं श्लेष्मणो दुर्जनस्य च ।
४१५९२ मधुरैः कोपमायाति कटुकैरुपशाम्यति ॥
४१६०१ अहो प्रच्छादिताकार्यनैपुण्यं परमं खले ।
४१६०२ यत्तुषाग्निरिवानर्चिर्दहन्नपि न लक्ष्यते ॥
४१६११ अहो प्रभावो वाग्देव्या यन्मातंगदिवाकरः ।
४१६१२ श्रीहर्षस्याभवत्सभ्यः समो बाणमयूरयोः ॥
४१६२१ अहो प्रमादी भगवान् प्रजापतिः कृशातिमध्या घटिता मृगेक्षणा ।
४१६२२ यदि प्रमादादनिलेन भज्यते कथं पुनः शक्ष्यति कर्तुमीदृशम् ॥
४१६३१ अहो बत खलः पुण्यैर्मूर्खोऽप्यश्रुतपण्डितः ।
४१६३२ स्वगुणोदीरणे शेषः परनिन्दासु वाक्पतिः ॥
४१६४१ अहो बत महत्कष्टं विपरीतमिदं जगत् ।
४१६४२ येनापत्रपते साधुरसाधुस्तेन तुष्यति ॥
४१६५१ अहो बत विचित्राणि चरितानि महात्मनाम् ।
४१६५२ लक्ष्मीं तृणाय मन्यन्ते तद्भारेण नमन्ति च ॥
४१६६१ अहो बत सभा सभ्यैरियं मौनादधः कृता ।
४१६६२ सन्तो वदन्ति यत्सत्यं सभां न प्रविशन्ति वा ॥
४१६७१ अहो बत सरित्पतेरिदमनार्यरूपं परं यदुज्ज्वलरुचीन्मणीन् सुचिरचर्चितास्थागुणान् ।
४१६७२ जडैरनुपयोगिभिः परत एत्य लब्धास्पदैः क्षपत्यनिशमूर्जितैर्झगिति तन्मयत्वं गतः ॥
४१६८१ अहो बाणस्य संधानं शरदि स्मरभूपतेः ।
४१६८२ अपि सोऽयं त्विषामीशः कन्याराशिमुपागतः ॥
४१६९१ अहो ब्रह्मण्यदेवस्य दृष्टा ब्रह्मण्यता मया ।
४१६९२ यद्दरिद्रतमो लक्ष्मीमाश्लिष्टो बिभ्रतोरसि ॥
४१७०१ अहो भवति सादृश्यं मृदङ्गस्य च खलस्य च ।
४१७०२ यावन्मुखगतौ तौ हि तावन्मधुरभाषिणौ ॥
४१७११ अहो भार्या अहो पुत्रः अहो आत्मा अहो सुखम् ।
४१७१२ अहो माता अहो भ्राता पश्य मायाविमोहितम् ॥
४१७२१ अहो भुवः सप्तसमुद्रवत्या द्वीपेषु वर्षेष्वधिपुण्यमेतत् ।
४१७२२ गायन्ति यत्रत्यजना मुरारेः कर्माणि भद्राण्यवतारवन्ति ॥
४१७३१ अहो मदावलेपोऽयमसाराणां दुरात्मनाम् ।
४१७३२ कौरवाणां महीपत्वमस्माकं किल कालजम् ॥
४१७४१ अहो महच्चित्रमिदं कालगत्या दुरत्यया ।
४१७४२ आरुरुक्षत्युपानद्वै शिरो मुकुटसेवितम् ॥
४१७५१ अहो महत्त्वं महतामपूर्वं विपत्तिकालेऽपि परोपकारः ।
४१७५२ यथास्यमध्ये पतितोऽपि राहोः कलानिधिः पुण्यचयं ददाति ॥
४१७६१ अहो महीयसां पुंसामुपर्युपरि पौरुषम् ।
४१७६२ रामेणाजगवं शंभोर्भग्नमम्भोजनालवत् ॥
४१७७१ अहो मायाजालं हृदयहरिणो यत्र पतितः समुत्थातुं भूयः प्रभवति न किंचित्कथमपि ।
४१७७२ न चेत्तस्य च्छेत्ता परमगुरुवाक्योपनमितो निजात्मज्ञानाखुर्विविधदृढसद्युक्तिदशनैः ॥
४१७८१ अहो मायाबलं विष्णोः स्नेहबद्धमिदं जगत् ॥
४१७९१ क्व देहो भौतिकोऽनात्मा क्व चात्मा प्रकृतेः परः ।
४१७९२ कस्य के पतिपुत्राद्या मोह एव हि कारणम् ॥
४१८०१ अहो मे सौभाग्यं मम च भवभूतेश्च भणितं घटायामारोप्य प्रतिफलति तस्यां लघिमनि ।
४१८०२ गिरां देवी सद्यः श्रुतिकलितकल्हारकलिका मधूलीमाधुर्यं क्षिपति परिपूर्त्यै भगवती ॥
४१८११ अहो मोहः पुंसामिह जगति जातिः किल शुभा जरामृत्युव्याधीनपि जयति या निष्प्रभतया ।
४१८१२ परस्माज्जातानां व्यसनशतमेतेऽपि दधति स्वयं सुत्वा तेभ्यो विदिशति सुतान् सा विशसितुम् ॥
४१८२१ अहो मोहो वराकस्य काकस्य यदसौ पुरः ।
४१८२२ सरीसर्ति नरीनर्ति यदयं शिखिहंसयोः ॥
४१८३१ अहो येषां वरं जन्म सर्वप्राण्युपजीवनम् ।
४१८३२ सुजनस्येव येषां वै विमुखा यान्ति नार्थिनः ॥
४१८४१ अहो रघुशिरोमणेरभिनवप्रतापावलि प्रचण्डकिरणप्रथाप्रसरसाध्वसादाश्वयम् ।
४१८४२ सुराधिपतिरम्बुदान् कमलमिन्दिरा सेवते हिमांशुरपि चन्द्रमाः सततमम्भुधौ मज्जति ॥
४१८५१ अहोरात्रमये लोके जरारूपेण संचरन् ।
४१८५२ मृत्युर्ग्रसति भूतानि पवनं पन्नगो यथा ॥
४१८६१ अहोरात्राणि गच्छन्ति सर्वेषां प्राणिनामिह ।
४१८६२ आयूंषि क्षपयन्त्याशु ग्रीष्मे जलमिवांशवः ॥
४१८७१ अहोरात्रे विभजते सूर्यो मानुषदैविके ।
४१८७२ रात्रिः स्वप्नाय भूतानां चेष्टायै कर्मणामहः ॥
४१८८१ अहो रूपमहो रूपमहो मुखमहो मुखम् ।
४१८८२ अहो मध्यमहो मध्यमस्याः सारङ्गचक्षुषः ॥
४१८९१ अहो विधातस्त्वमतीव बालिशो यस्त्वात्मसृष्ट्यप्रतिरूपमीहसे ।
४१८९२ परेऽनुजीवत्यपरस्य या मृतिर्विपर्ययश्चेत्त्वमसि ध्रुवः परः ॥
४१९०१ न हि क्रमश्चेदिह मृत्युजन्मनोः शरीरिणामस्तु तदात्मकर्मभिः ।
४१९०२ यः स्नेहपाशो निजसर्गवृद्धये स्वयं कृतस्ते तमिमं विवृश्चसि ॥
४१९११ अहो विधात्रा हतकेन नार्थात्कृतो वियोगोऽपि वियोगिनां नः ।
४१९१२ रथाङ्गनाम्नामिव येन सीमा न विद्यते नापि सपक्षवत्त्वम् ॥
४१९२१ अहो विशालं भूपाल भुवनत्रितयोदरम् ।
४१९२२ माति मातुमशक्योऽपि यशोराशिर्यदत्र ते ॥
४१९३१ अहो विषादप्यधिकाः स्त्रियो रक्तविमानिताः ।
४१९३२ अहो असेव्याः साधूनां राजानोऽतत्त्वदर्शिनः ॥
४१९४१ अहो वैचित्र्यमेतस्य संसारस्य किमुच्यते ।
४१९४२ गुणोऽपि क्लेशहेतुः स्याद्विश्रान्तः कण्ठकन्दले ॥
४१९५१ अहो संसारवैरस्यं वैरस्यकारणं स्त्रियः ।
४१९५२ दोलालोला च कमला रोगाभोगगेहं देहम् ॥
४१९६१ अहो संसृतिवेश्येयं रागाद्युद्दीपनोद्यता ।
४१९६२ रसमुत्पाद्य सर्वेषामन्ते वैरस्यकारिणी ॥
४१९७१ अहो सत्संगतिर्लोके किं पापं न विनाशयेत् ।
४१९७२ न ददाति सुखं किं वा नराणां पुण्यकर्मणाम् ॥
४१९८१ अहो समुद्रगम्भीरधीरचित्तमनस्विनः ।
४१९८२ कृत्वाप्यनन्यसामान्यमुल्लेखं नोद्गिरन्ति ये ॥
४१९९१ अहो साहजिकं प्रेम दूरादपि विराजते ।
४१९९२ चकोरनयनद्वन्द्वमाह्लादयति चन्द्रमाः ॥
४२००१ अहो सुसदृशी वृत्तिस्तुलाकोटेः खलस्य च ।
४२००२ स्तोकेनोन्नतिमायाति स्तोकेनायात्यधोगतिम् ॥
४२०११ अहो स्त्रीप्रेरणा नाम रजसालङ्घितात्मनाम् ।
४२०१२ पुंसां वात्येव सरसामाशयक्षोभकारिणी ॥
४२०२१ अहो स्थिरः कोऽपि तवेप्सितो युवा चिराय कर्णोत्पलशून्यतां गते ।
४२०२२ उपेक्षते यः श्लथबन्धलम्बिनीर्जटाः कपोले कलमाग्रपिङ्गलाः ॥
४२०३१ अहो स्थैर्यं तेषां प्रकृतिनियमेभ्यः सुकृतिनां प्रतिज्ञातत्यागो नहि भवति कृच्छ्रेऽपि महति ।
४२०३२ तथा हि त्वत्सेनाभरनमितधात्रीभरदलत्कटाहोऽपि स्वाङ्गं किमु कमठनाथश्चलयति ॥
४२०४१ अहो हि मे बह्वपराद्धमायुषा यदप्रियं वाच्यमिदं मयेदृशम् ।
४२०४२ त एव धन्याः सुहृदः पराभवं जगत्यदृष्ट्वैव हि ये क्षयं गताः ॥
४२०५१ अहौ वा हारे वा बलवति रिपौ वा सुहृदि वा मणौ वा लोष्टे वा कुसुमशयने वा दृषदि वा ।
४२०५२ तृणे वा स्त्रैणे वा मम समदृशो यान्तु दिवसाः क्वचित्पुण्येऽरण्ये शिव शिव शिवेति प्रलपतः ॥
४२०६१ अह्नस्त्रिश्चतुरम्बुभिः स्नपयसि स्वं पुष्करावर्जितैर्भुङ्क्षे मेध्यतराणि भद्र तरुणान्यश्वत्थपत्राणि च ।
४२०६२ पुण्यारण्यचरोऽसि न प्रविशसि ग्रामं सकृत्कुञ्जर ज्ञानं चेत्कियदप्युदेति न समा ब्रह्मर्षयोऽपि त्वया ॥
४२०७१ अह्नि भास्करमिच्छन्ति रात्रावमृततेजसम् ।
४२०७२ अह्नि रात्रौ च राजानमिच्छन्ति गुणिनं प्रजाः ॥
४२०८१ अह्नि रविर्दहति त्वचि वृद्धः पुष्पधनुर्दहति प्रबलोढम् ।
४२०८२ रात्रिदिनं पुनरन्तरमन्तः संवृतिरस्ति रवेर्न तु कन्तोः ॥
४२०९१ आं ज्ञातं नृपते त्वमेव निखिलां नित्यं बिभर्षि क्षितिं शैलेन्द्राः स्वयमेव दुर्भरभरास्तैः प्रत्युताधो व्रजेत् ।
४२०९२ अस्याश्चोद्धरणे क्षमोऽपि न परस्त्वत्तो वराहादिकः पश्वादेर्भरणक्रियानिपुणता नैव प्रभागोचरः ॥
४२१०१ आः कष्टं वनवासिसाम्यकृतया सिद्धाश्रमश्रद्धया पल्लीं बालकुरङ्ग संप्रति कुतः प्राप्तोऽसि मृत्योर्मुखम् ।
४२१०२ यत्रानेककुरङ्गकोटिकदनक्रीडोल्लसल्लोहित स्रोतोभिः परिपूरयन्ति परिखामुड्डामराः पामराः ॥
४२१११ आः कष्टं सुविवेकशून्यहृदयैः संसर्गमाप्तं च तैर्विक्रीतं बदरैः समं क्षितितले कुग्रामसीम्नि स्फुटम् ।
४२११२ संविष्टंशठगाढमूढवदने धूत्कारदूरीकृतं किं जानात्यगुणो जनो गुणमतो मुक्ताफलं रोदिति ॥
४२१२१ आः कष्टमप्रःृष्टाः शिष्टा अपि वित्तचापलाविष्टाः ।
४२१२२ अध्यापयन्ति वेदानादाय चिराय मासि मासि भृतिम् ॥
४२१३१ आः किमर्थमिदं चेतः सतामम्भोधिदुर्भरम् ।
४२१३२ इति क्रुधेव दुर्वेधाः परदुःखैरपूरयत् ॥
४२१४१ आः पाकं न करोषि पापिनि कथं पापी त्वदीयः पिता रण्डे जल्पसि किं तवैव जननी रण्डा त्वदीया स्वसा ।
४२१४२ निर्गच्छ त्वरितं गृहाद्बहिरितो नेदं त्वदीयं गृहं हा हा नाथ ममाद्य देहि मरणं जारस्य भाग्योदयः ॥
४२१५१ आः पात्री स्यामकृतकघनप्रेमविस्फारितानां सव्रीडानां सकलकरणानन्दनाडिंधमानाम् ।
४२१५२ तेषां तेषां हृदयनिहिताकूतनिष्यन्दिनेत्र व्यापाराणां पुनरपि तथा सुभ्रुवो विभ्रमाणाम् ॥
४२१६१ आः सर्वतः स्फुरतु कैरवमापिबन्तु ज्योत्स्नाकरम्भमुदरंभरयश्चकोराः ।
४२१६२ यातो यदेष चरमाचलमूलचुम्बी पङ्केरुहप्रकरजागरणप्रदीपः ॥
४२१७१ आः सीते पतिगर्वविभ्रमभरभ्रान्तभ्रमद्बान्धव प्रध्वंसस्मितकान्तिमत्तव तदा जातं यदेतन्मुखम् ।
४२१७२ संप्रत्येव हठात्तदेष कुरुते केशोच्चयाकर्षण त्रासोत्तानितलोललोचनपतद्बाष्पप्लुतं रावणः ॥
४२१८१ आकण्ठदृष्टशिरसाप्यविभाव्यपार्श्व पृष्ठोदरेण चिरमृग्भिरुपास्यमानः ।
४२१८२ नाभीसरोरुहजुषा चतुराननेन शेते किलात्र भगवानरविन्दनाभः ॥
४२१९१ आकण्ठार्पितकञ्चुकाञ्चलमुरो हस्ताङ्गुलीमुद्रणा मात्रासूत्रितहास्यमास्यमलसाः पञ्चालिकाकेलयः ।
४२१९२ तिर्यग्लोचनचेष्टितानि वचसां च्छेकोक्तिसंक्रान्तयस्तस्याःसीदति शैशवे प्रतिकलं कोऽप्येष केलिक्रमः ॥
४२२०१ आकम्पयन् फलभरानतशालिजालमानर्तयंस्तरुवरान् कुसुमावनम्रान् ।
४२२०२ उत्फुल्लपङ्कजवनां नलिनीं विधुन्वन् यूनां मनश्चलयति प्रसभं नभस्वान् ॥
४२२११ आकम्पितक्षितिभृता महता निकामं हेलाभिभूतजलधित्रितयेन यस्य ।
४२२१२ वीर्येण संहतिभिदा विहतोन्नतेन कल्पान्तकालविसृतः पवनोऽनुचक्रे ॥
४२२२१ आकम्पितानि हृदयानि मनस्विनीनां वातैः प्रफुल्लसहकारकृताधिवासैः ।
४२२२२ संबाधितं परभृतस्य मदाकुलस्य श्रोत्रप्रियैर्मधुकरस्य च गीतनादैः ॥
४२२३१ आकरः कारणं जन्तोर्दौर्जन्यस्य न जायते ।
४२२३२ कालकूटः सुधासिन्धोः प्राणिनां प्राणहारकः ॥
४२२४१ आकरः सर्वशास्त्राणां रत्नानामिव सागरः ।
४२२४२ गुणैर्न परितुष्यामो यस्य मत्सरिणो वयम् ॥
४२२५१ आकरप्रभवः कोशः कोशाद्दण्डः प्रजायते ।
४२२५२ पृथिवी कोशदण्डाभ्यां प्राप्यते कोशभूषणा ॥
४२२६१ आकर्णपलितः श्यामो वयसाशीतिपञ्चकः ।
४२२६२ रणे पर्यचरद्द्रोणो वृद्धः षोडशवर्षवत् ॥
४२२७१ आकर्णमुल्लसति मातरपाङ्गदेशे कालाञ्जनेन घटिता तव भाति रेखा ।
४२२७२ शैवालपङ्क्तिरिव संततनिर्जिहान कारुण्यपूरपदवी कलितानुबन्धा ॥
४२२८१ आ कर्णमूलमपकृत्य धनुः सबाणं मय्येव किं प्रहरसि स्मर बद्धकोपः ।
४२२८२ तस्यां मुहुः क्षिप शरान् हरिणेक्षणायां तन्मन्मथोऽपि भव मन्मथ एव मा भूः ॥
४२२९१ आकर्णय त्वमिममभ्युपगम्य वादं जानातु कोऽपि यदि वा हृदयं श्रुतीनाम् ।
४२२९२ तस्याप्यसंख्यभवबन्धशतार्जितोऽयं द्वैतभ्रमो गलतु जन्मशतैः कियद्भिः ॥
४२३०१ आकर्णय सरोजाक्षि वचनीयमिदं भुवि ।
४२३०२ शशाङ्कस्तव वक्त्रेण पामरैरुपमीयते ॥
४२३११ आकर्णान्तविसर्पिणः कुवलयच्छायामुषश्चक्षुषः क्षेपा एव तवाहरन्ति हृदयं किं संभ्रमेणामुना ।
४२३१२ मुग्धे केवलमेतदाहितनखोत्खाताङ्कमुत्पांशुलं बाह्वोर्मूलमलीकमुक्तकबरीबन्धच्छलाद्दर्शितम् ॥
४२३२१ आकर्णितानि रसितानि यया प्रसर्पत्प्रद्युम्नराजरथनिःस्वनसोदराणि ।
४२३२२ उच्चै रणच्चरणनूपुरया पुरन्ध्र्या क्षिप्रं प्रियं कुपितयापि तयाभिसस्रे ॥
४२३३१ आकर्ण्य गर्जितं घोरं जलदानां समागमे ।
४२३३२ बाला विधूतलज्जेव सत्रासं श्लिष्यति प्रियम् ॥
४२३४१ आकर्ण्य गर्जितरवं घनगर्जितुल्यं सिंहस्य यान्ति वनमन्यदिभा भयार्ताः ।
४२३४२ तत्रैव पौरुषनिधिः स्वकुलेन सार्धं दर्पोद्धुरो वसति वीतभयो वराहः ॥
४२३५१ आकर्ण्य जयदेवस्य गोविन्दानन्दिनीर्गिरः ।
४२३५२ बालिशाः कालिदासाय स्पृहयन्तु वयं तु न ॥
४२३६१ आकर्ण्यन्ते तपनतनयग्रामसंलापघोषा मन्दं मन्दं ग्रसति नियतः कालपाशोऽपि कण्ठे ।
४२३६२ आपृच्छ्यन्ते कृतजिगमिषासंभ्रमाः प्राणवाता नैवेदानीमपि विषयवैमुख्यमभ्येति चेतः ॥
४२३७१ आकर्ण्य भूपाल यशस्त्वदीयं विधूनयन्तीह न के शिरांसि ।
४२३७२ विश्वंभराभङ्गभयेन धात्रा नाकारि कर्णौ भुजगेश्वरस्य ॥
४२३८१ आकर्ण्य मामवादीद्धन्यास्ता युवतयः सखि कठोराः ।
४२३८२ या विषहन्ते दीर्घ प्रियतमविरहानलासारम् ॥
४२३९१ आकर्ण्य वाणीः पौराणीर्मयैतदवधारितम् ।
४२३९२ तिष्ठन्तु देवा देव्योऽपि सेव्यो नारायणः परः ॥
४२४०१ आकर्ण्य वारवनितापठितं सभायां संपूरणं सपदि पादमुदारभावः ।
४२४०२ यः कालिदासमरणं हृदि निश्चिकाय भोजः स एव परमं भुवि भावबोद्धा ॥
४२४११ आकर्ण्य संगरमहार्णवचेष्टितानि गोष्ठीरसाहृतजनस्य मनोविकारः ।
४२४१२ अङ्गे करोति पुलकं नयने विकाशं कान्तिं च कामपि मुखे स्फुरणं च बाह्वोः ॥
४२४२१ आकर्ण्य स्मरयौवराज्यपटहं जीमूतनूत्नध्वनिं नृत्यत्केकिकुटुम्बकस्य दधतं मन्द्रां मृदङ्गक्रियाम् ।
४२४२२ उन्मीलन्नवनीलकन्दलदलव्याजेन रोमाञ्चिता हर्षेणेव समुच्छ्रितान् वसुमती दध्रे शिलीन्ध्रध्वजान् ॥
४२४३१ आकर्ण्याम्रफलस्तुतिं जलमभूत्तन्नारिकेलान्तरं प्रायः कण्टकितं तथैव पनसं जातं द्विधोर्वारुकम् ।
४२४३२ आस्तेऽधोमुखमेव कादलफलं द्राक्षाफलं क्षुद्रतां श्यामत्वं बत जाम्बवं गतमहो मात्सर्यदोषादिह ॥
४२४४१ आकर्षतेवोर्ध्वमतिक्रशीयानत्युन्नतत्वात्कुचमण्डलेन ।
४२४४२ ननाम मध्योऽतिगुरुत्वभाजा नितान्तमाक्रान्त इवाङ्गनानाम् ॥
४२४५१ आकर्षन्ति न केषामन्तःकरणं प्रवालशालिन्यः ।
४२४५२ ललना इवात्र लतिकाः कुसुमेषु शिलीमुखैर्निचिताः ॥
४२४६१ आकर्षन्निव गां वमन्निव खुरान् पश्चार्धमुज्झन्निव स्वीकुर्वन्निव खं पिबन्निव दिशश्छायाममर्षन्निव ।
४२४६२ साङ्गारप्रकरां स्पृशन्निव धरां वातं समश्नन्निव श्रीमन्नाथ स वाजिराट्तव कथं मादृग्गिरां गोचरः ॥
४२४७१ आकर्षेत्कैशिकव्याये न शिखां चालयेत्ततः ।
४२४७२ पूर्वापरौ समौ कार्यौ समांसौ निश्चलौ करौ ॥
४२४८१ आकलितोरुक्रमपद पद्मालंकृत्यनल्पपुण्यभवम् ।
४२४८२ निजगुणगुरुस्वरूपं काव्यञ्जयति प्रसन्नमतिमधुरम् ॥
४२४९१ आकल्पं मुरजिन्मुखेन्दुमधुरोन्मीलन्मरुन्माधुरी धीरोदात्तमनोहरः सुखयतु त्वां पाञ्चजन्यध्वनिः ।
४२४९२ लीलालङ्घितमेघनादविभवो यः कुम्भकर्णव्यथा दायी दानवदन्तिनां दशमुखं दिक्चक्रमाक्रामति ॥
४२५०१ आकल्पं यदि वर्षसि प्रतिदिनं धारासहस्रैस्तथाप्यम्भोधौ कलयत्यगाधजठरे कस्तावकीनं श्रमम् ।
४२५०२ अम्भोद क्षणमात्रमुज्झसि पयः पृष्ठे यदि क्ष्माभृतां तत्किं न प्रसरन्ति निर्झरसरिद्व्याजेन ते कीर्तयः ॥
४२५११ आकाल्प्य तल्पं शशिकान्तिकल्पमुद्ग्रथ्य वीटीः सुरपुष्पगर्भाः ।
४२५१२ द्वारे दृगन्तान् परिकल्पयन्ती मनो मनोजस्य चमच्चकार ॥
४२५२१ आ कल्यादा निशीथाच्च कुक्ष्यर्थं व्याप्रियामहे ।
४२५२२ न च निर्वृणुमो जातु शान्तास्तु सुखमासते ॥
४२५३१ आकस्मिकस्मितमुखीषु सखीषु विज्ञा विज्ञास्वपि प्रणयनिह्नवमाचरन्ती ।
४२५३२ तत्रैव रङ्कुनयना नयनारविन्दमस्पन्दमाहितवती दयिते गतेऽपि ॥
४२५४१ आकाङ्क्षिणं क्ष्मापतिमन्दिराणि प्रविश्य पातालसहोदराणि ।
४२५४२ अधोगतेर्नान्यदुपार्जयन्ति फलं भुजङ्गा इव वायुभक्ष्याः ॥
४२५५१ आकाङ्क्षोच्चपदेऽहमात्मकमतिः कार्ये मनोधारणा इत्येवंविधभावजातमुचितं धर्तुं न चित्तान्तरे ।
४२५५२ वैषम्यस्य निवारणाय मृगयेस्तत्कारणं नापरे स्वात्मन्येव गवेषयेत्यतितरां श्रेयस्करं ते सदा ॥
४२५६१ आकारं विनिगूहतां रिपुबलं जेतुं समुत्तिष्ठतां तन्त्रं चिन्तयतां कृताकृतशतव्यापारशाखाकुलम् ।
४२५६२ मन्त्रिप्रोक्तनिषेविणां क्षितिभुजामाशङ्किनां सर्वतो दुःखाम्भोनिधिवर्तिनां सुखलवः कान्तासमालिङ्गनम् ॥
४२५७१ आकारः कमनीयताकुलगृहं लीलालसा सा गतिः संपर्कः कमलाकरैः कलतया लोकोत्तरं कूजितम् ।
४२५७२ यस्येयं गुणसंपदस्ति महती तस्यापि भव्यस्य ते संरब्धत्वमसद्गुमद्गुकलहे नाहं सहे हंस हे ॥
४२५८१ आकारः स मनोहरः स महिमा तद्वैभवं तद्वयः सा कान्तिः स च विश्वविस्मयकरः सौभाग्यभाग्योदयः ।
४२५८२ एकैकस्य विशेषवर्णनविधौ तस्याः स एव क्षमो यस्यास्मिन्नुरगप्रभोरिव भवेज्जिह्वासहस्रद्वयम् ॥
४२५९१ आकारणाय मान्त्रिकमागतदूतस्य वचनमादाय ।
४२५९२ कृत्वा प्रमाणमादावभिमन्त्र्य च तत्र मन्त्रण ॥
४२६०१ आकारदारुणोऽयं भयमस्मादित्यनिश्चयोऽयमपि ।
४२६०२ भवति महाभैरवमपि शिवस्य रूपं शिवायैव ॥
४२६११ आकारपरिवृत्तिस्तु बुद्धेः परिभवः पुनः ।
४२६१२ आशाहानिरिवार्थित्वं परासुत्वमिवापरम् ॥
४२६२१ आकारमात्रविज्ञानसंपादितमनोरथाः ।
४२६२२ धन्यास्ते ये न शृण्वन्ति दीनाः क्वाप्यर्थिनां गिरः ॥
४२६३१ आकारवेषसौभाग्यैः कन्दर्पप्रतिमोऽपि सन् ।
४२६३२ यासां संगममासाद्य प्राप्तः को वा न वञ्चनाम् ॥
४२६४१ आकारश्छाद्यमानोऽपि न शक्यो विनिगूहितुम् ।
४२६४२ बलाद्धि विवृणोत्येव भावमन्तर्गतं नृणाम् ॥
४२६५१ आकारसंवृतिः कार्या सुरक्तेनापि कामिना ।
४२६५२ रक्तः परिभवं याति परिभूतः कथं प्रियः ॥
४२६६१ आकारसदृशप्रज्ञः प्रज्ञया सदृशागमः ।
४२६६२ आगमैः सदृशारम्भ आरम्भसदृशोऽदयः ॥
४२६७१ आकारालापसंभोगैर्यदीयैर्लज्जते जनः ।
४२६७२ अहो वक्रोद्धुरग्रीवस्तैरेव करभोऽधमः ॥
४२६८१ आकाराहीनकान्तिर्निधनविरहितो योगदोल्लासभागी विक्रान्तो विश्वतुल्यः कमलकलितदृग्विभ्रमोत्कृष्टमूर्तिः ।
४२६८२ नानाशापूर्णकीर्तिः सुखरसमयितो वारणाक्रान्तदेहो यादृग्देव त्वमेवं भवतु रिपुगणोऽप्यादिवर्णप्रलोपात् ॥
४२६९१ आकारेण तथा गत्या चेष्टया भाषितैरपि ।
४२६९२ नेत्रवक्त्रविकाराभ्यां ज्ञायतेऽन्तर्हितं मनः ॥
४२७०१ आकारेण नरेण वानरयुवा वाहेन वालेयको व्याघ्रेणैवरथो (?) गवापि गवयः सिंहेन कौलेयकः ।
४२७०२ श्यामाङ्गेन पिकेन काक इति [च] स्पर्धानुबद्धादरा यद्यप्यत्र तथापि तद्गुणगणस्यांशं लभन्ते न ते ॥
४२७११ आकारेण शशी गिरा परभृतः पारावतश्चुम्बने हंसश्चङ्क्रमणे समं दयितया रत्या विमर्दे गजः ।
४२७१२ इत्थं भर्तरि मे समस्तयुवतिश्लाघ्यैर्गुणैः सेविते क्षुण्णं नास्ति विवाहितः पतिरिति स्यान्नैष दोषो यदि ॥
४२७२१ आकारेणैव चतुरास्तर्कयन्ति परेङ्गितम् ।
४२७२२ गर्भस्थं केतकीपुष्पमामोदेनेव षट्पदाः ॥
४२७३१ आकारे मदनः सुकाव्यरचनाचातुर्ययुक्तौ गुरुः षड्भाषास्वपि दृश्यते व्यसनिता तं दृष्टवत्यः स्त्रियः ।
४२७३२ स्वप्राणेश्वरसङ्गमं सुखकरं हित्वा न जीवन्त्यहो तस्यान्ते क्रियतेऽनया तनययाभ्यासः कलानां कथम् ॥
४२७४१ आकारैरिङ्गितैर्गत्या चेष्टया भाषितेन च ।
४२७४२ नेत्रवक्त्रविकारैश्च गृह्यतेऽन्तर्गतं मनः ॥
४२७५१ आकारैर्न विदन्ति वक्रफणितीर्बोद्धुं न मेधाविनः शब्दाख्येयनिजाशयं कुलवधूवर्गस्य नैतद्व्रतम् ।
४२७५२ ग्रामेऽस्मिनृजुवाच्यवाचकहतात्मानो युवानो जडास्तत्त्वज्ञोपगताध्वगावधिरयं कामज्वरः सह्यताम् ॥
४२७६१ आकारो न मनोहरः श्रवणयोः शल्योपमं कूजितं वक्त्रं विड्विकृतं कृतान्तसमयालम्बीदमालोकितम् ।
४२७६२ क्रीडासंवनने पृथग्जनचिते वासस्तरौ कुत्सिते तत्केनास्तु वराक काक कनकागारे तवावेशनम् ॥
४२७७१ आकाशकुण्डे सतडिद्धुताशे करोति होमं झषकेतुदेवः ।
४२७७२ उच्चाटनायेव वियोगिनीनां यद्गर्जितं सैष हि मन्त्रपाठः ॥
४२७८१ आकाशतः पतितमेत्य नदादिमध्यं तत्रापि धावनसमुत्थमलावलिप्तम् ।
४२७८२ नानाविधावनिगताशुचिपूर्णमर्णो यत्तेन शुद्धिमुपयाति कथं शरीरम् ॥
४२७९१ आकाशदेशात्परिपातुकानि लङ्केशशीर्षाणि सकुन्तलानि ।
४२७९२ क्षणं नभः प्रांशुमहीरुहस्य शिक्याश्रितानीव फलानि रेजुः ॥
४२८०१ आकाशधारणां कुर्वन्मृत्युं जयति निश्चितम् ।
४२८०२ यत्र तत्र स्थितो वापि सुखमत्यन्तमश्नुते ॥
४२८११ आकाश प्रसर प्रसर्पत दिशस्त्वं पृथ्वि पृथ्वी भव प्रत्यक्षीकृतमादिराजयशसां युष्माभिरुज्जृम्भितम् ।
४२८१२ श्रीमुद्दाफरशाहपार्थिवयशोराशेः समुज्जृम्भणाद्बीजोच्छ्वासविदीर्णदाडिमदशां ब्रह्माण्डमारोक्ष्यति ॥
४२८२१ आकाशमानसविगाहनराजहंसं नारीजनग्रहिलतानलिनीमहेभम् ।
४२८२२ आघ्रायमानरतिनायकसंप्रदाय दीक्षागुरुं दृशि निवेशय सुन्दरीन्दुम् ॥
४२८३१ आकाशमुत्पततु गच्छतु वा दिगन्तमम्भोनिधिं विशतु तिष्ठतु वा यथेच्छम् ।
४२८३२ जन्मान्तरार्जितशुभाशुभकृन्नराणां छायेव न त्यजति कर्मफलानुबन्धः ॥
४२८४१ आकाशयानतटकोटिकृतैकपादास्तद्धेमदण्डयुगलान्यवलम्ब्य हस्तैः ।
४२८४२ कौतूहलात्तव तरङ्गविघट्टितानि पश्यन्ति देवि मनुजाः स्वकलेवराणि ॥
४२८५१ आकाशवापीसितपुण्डरीकं शाणोपलं मन्मथसायकानाम् ।
४२८५२ पश्योदितं शारदमुत्पलाक्षि संध्याङ्गनाकन्दुकमिन्दुबिंबम् ॥
४२८६१ आकाशश्यामिमानं जलधरघटनां वा दधानं सुधांशुं नूनं मन्ये प्रियास्यं शिरसि शिरसिजैराहितापूर्वशोभम् ।
४२८६२ यद्दृष्ट्वा हन्त हर्षं मनसि कलयसे ज्ञानशान्त्यादिभव्या रामोर्वीजच्छिदायै निशिततरमसिं तं महान्तो ब्रुवन्ति ॥
४२८७१ आकाशसौधमधिरुह्य दिगङ्गनानामङ्गेषु निक्षिपति काम्यमिवाङ्गरागम् ।
४२८७२ तारावरोधवलितो ललितात्मजश्रीर्ज्योत्स्नाच्छलेन मुदिताखिललोक इन्दुः ॥
४२८८१ आकाशसौधे शशिसंपटस्थं तमालनीलं शिवलिङ्गमुच्चैः ।
४२८८२ सिद्धाङ्गनेयं रजनी सकामा नक्षत्ररत्नैः परिपूजतीव ॥
४२८९१ आकाशात्पतितं तोयं यथा गच्छति सागरम् ।
४२८९२ सर्वदेवनमस्कारः केशवं प्रति गच्छति ॥
४२९०१ आकाशात्पतितं पुनर्जलनिधौ मध्ये चिरं संस्थितं पश्चाद्दुःसहदेहरन्ध्रजनितक्लेशान्वितं मौक्तिकम् ।
४२९०२ बाले बालकुरङ्गलोचनयुगे घोरं तपः संचरन्नासाभूषणतामुपैति सखि ते बिम्बाधरापेक्षया ॥
४२९११ आकाशे नटनं सरोरुहयुगे मञ्जीरमञ्जुध्वनिः शीतांशौ कलकूजितं किसलये पीयूषपानोत्सवः ।
४२९१२ स्वर्गक्षोणिधरे नखात्परिभवो ध्वान्ते कराकर्षणं रम्भायां रसनारवस्तरुणयोः पुण्यानि मन्यामहे ॥
४२९२१ आकाशे पश्य नेमा निबिडघनघटाः संभृताग्नेयचूर्णा मञ्जूषा भान्ति तासामुपरि सुरधनुः कैतवात्केतवोऽमी ।
४२९२२ विद्युन्नो नालयन्त्रश्रुतिमुखनिपतद्दीप्तवर्त्तिप्रकाशः सैन्यं मारस्य मन्ये स्फुरति विमथितुं मानिनी मानदुर्गम् ॥
४२९३१ आकिंचन्यं च राज्यं च तुलया समतोलयम् ।
४२९३२ अत्यरिच्यत दारिद्र्यं राज्यादपि गुणाधिकम् ॥
४२९४१ आकिंचन्यं सुखं लोके पथ्यं शिवमनामयम् ।
४२९४२ अनमित्रमथो ह्येतद्दुर्लभं सुलभं सताम् ॥
४२९५१ आकिंचन्यं सुसंतोषो निराशीष्ट्वमचापलम् ।
४२९५२ एतदाहुः परं श्रेय आत्मज्ञस्य जितात्मनः ॥
४२९६१ आकिंचन्यादतिपरिचयाज्जाययोपेक्ष्यमाणो भूपालानामननुसरणाद्बिभ्यदेवाखिलेभ्यः ।
४२९६२ गेहे तिष्ठन् कुमतिरलसः कूपकूर्मैः सधर्मा किं जानीते भुवनचरितं किं सुखं चोपभुङ्क्ते ॥
४२९७१ आकिंचन्ये च राज्ये च विशेषः सुमहानयम् ।
४२९७२ नित्योद्विग्नो हि धनवान्मृत्योरास्यगतो यथा ॥
४२९८१ आकीर्णः शोभते राजा न विविक्तः कदाचन ।
४२९८२ ये तं विविक्तमिच्छन्ति ते तस्य रिपवः स्मृताः ॥
४२९९१ आकुञ्चिताग्राङ्गुलिना ततोऽन्यः किंचित्समावर्जितनेत्रशोभः ।
४२९९२ तिर्यग्विसंसर्पिनखप्रभेण पादेन हैमं विलिलेख पीठम् ॥
४३००१ आकुञ्चितैकजङ्घं दरावृतोर्ध्वोरु गोपितार्धोरु ।
४३००२ सुतनोः श्वसितक्रमनमदृ उदरस्फुटनाभि शयनमिदम् ॥
४३०११ आकुञ्चितोरू द्वौ यत्र जानुभ्यां धरणिं गतौ ।
४३०१२ दर्दुरक्रममित्याहुः स्थानकं दृढभेदने ॥
४३०२१ आकुञ्च्य पाणिमशुचिं मम मूर्ध्नि वेश्या मन्त्राम्भसां प्रतिपदं पृषतैः पवित्रे ।
४३०२२ तारस्वनं प्रथितथूत्कमदात्प्रहारं हाहा हतोऽहमिति रोदिति विष्णुशर्मा ॥
४३०३१ आकुञ्च्याग्रं नखविलिखने पश्यति भ्रूविभङ्ग्या गाढाश्लेषे वदति च ह हा मुञ्च मुञ्चेति वाचम् ।
४३०३२ केशाकृष्टावरुणनयना ताडने साश्रुनेत्रा नानाभावं श्रयति तरुणी नाटके मन्मथस्य ॥
४३०४१ आकुब्जीकृतपृष्ठमुन्नतवलद्वक्त्राग्रपुच्छं भयादन्तर्वेश्मनिवेशितैकनयनं निष्कम्पकर्णद्वयम् ।
४३०४२ लालाकीर्णविदीर्णसृक्कविकचद्दंष्ट्राकरालाननः श्वा निःश्वासनिरोधपीवरगलो मार्जारमास्कन्दति ॥
४३०५१ आकुमारमुपदेष्टुमिच्छवः संनिवृत्तिमपथान्महापदः ।
४३०५२ योगशक्तिजितजन्ममृत्यवः शीलयन्ति यतयः सुशीलताम् ॥
४३०६१ आकुलश्चलपतत्रिकुलानामारवैरनुदितौषसरागः ।
४३०६२ आययावहरिदश्वविपाण्डुस्तुल्यतां दिनमुखेन दिनान्तः ॥
४३०७१ आकृतिप्रेमसरसा विलासालसगामिनी ।
४३०७२ विसारे हन्त संसारे सारं सारङ्गलोचना ॥
४३०८१ आकृतेः किंचिदुल्लेखो विभावयति लक्षणम् ।
४३०८२ महतोपप्लवेनेव पीडितं चन्द्रमण्डलम् ॥
४३०९१ आकृष्टः शिखया नखैर्विलिखितः स्पृष्टः कपोलस्थले मौलौ दामभिराहतः प्रतिदिशं क्रामन् सलीलं पथि ।
४३०९२ इत्थं वारविलासिनीकृतपरीहासस्य दैत्याध्वरे विष्णोर्वामनवेषविभ्रमभृतो हासोर्मयः पान्तु वः ॥
४३१०१ आकृष्टकरवालोऽसौ संपराये परिभ्रमन् ।
४३१०२ प्रत्यर्थिसेनया दृष्टः कृतान्तेन समः प्रभुः ॥
४३१११ आकृष्टप्रतनुवपुर्लतैस्तरद्भिस्तस्याम्भस्तदथ सरोमहार्णवस्य ।
४३११२ अक्षोभि प्रसृतविलोलबाहुपक्षैर्योषाणामुरुभिरुरोजगण्डशैलैः ॥
४३१२१ आकृष्टश्चक्रवाकैर्नयनकलनया बन्धकीभिर्निरस्तो नास्तं द्रागेति भानुर्निवसति नलिनीबोधनिद्रान्तराले ।
४३१२२ सन्ध्यादीपप्ररोहं बहुलतिलरसव्याप्तपत्रान्तरालं वासागारे दिशन्ती हसति नववधूक्रोधदृष्टा भुजिष्या ॥
४३१३१ आकृष्टिः कृतचेतसां सुमहतामुच्चाटनं चांहसामाचण्डालममूकलोकसुलभो वश्यश्च मोक्षश्रियः ।
४३१३२ नो दीक्षां न च दक्षिणां न च पुरश्चर्यां मनागीक्षते मन्त्रोऽयं रसानास्पृगेव फलति श्रीकृष्णनामात्मकः ॥
४३१४१ आकृष्टिभग्नकटकं केन तव प्रकृतिकोमलं सुभगे ।
४३१४२ धन्येन भुजमृणालं ग्राह्यं मदनस्य राज्यमिव ॥
४३१५१ आकृष्टे कवचादहीन्द्ररसनाकल्पे कृपाणे त्वया श्रीमन्नायक रामचन्द्र भवतः प्रत्यर्थिनां वेश्मसु ।
४३१५२ गाहन्ते सहसा लुलायचमरीशार्दूलशाखाचरी यक्षोरक्षशृगालकोलशलभृद्भल्लूकभिल्लादयः ॥
४३१६१ आकृष्टे युधि कार्मुके रघुपतेर्वामोऽब्रवीद्दक्षिणं दानादानसुभोजनेषु पुरतो युक्तं किमित्थं तव ।
४३१६२ कामान्यः पुनरब्रवीन्मम न भीः प्रष्टुं जगत्स्वामिनं छेत्तुं रावणवक्त्रपंक्तिमिति यो दद्यात्स वो मंगलम् ॥
४३१७१ आकृष्टे युधि कार्मुके समवदद्वामः करो दक्षिणं रे रे दक्षिणहस्त भोजनमहादानादि ते कुर्वतः ।
४३१७२ पश्चाद्गंन्तुमयुक्तमित्यथ पुनः सोऽप्यब्रवीदद्रवं प्रष्टुं राघवमाशुरावणशिरोवृन्दानि भिन्दानि किम् ॥
४३१८१ आकृष्टे वसनाञ्चले कुवलयश्यामा त्रपाधःकृता दृष्टिः संवलिता रुचा कुचयुगे स्वर्णप्रभे श्रीमति ।
४३१८२ बालः कश्चन चूतपल्लव इति प्रान्तस्मितास्यश्रियं श्लिष्यंस्तामथ रुक्मिणीं नतमुखीं कृष्णः स पुष्णातु नः ॥
४३१९१ आकृष्यन्ते करिणः पङ्कनिमग्ना महद्विपैरेव ।
४३१९२ प्राप्तापदो महान्त उद्धरणीया महापुंभिः ॥
४३२०१ आकृष्यादावमन्दग्रहमलकचयं वक्त्रमासज्य वक्त्रे कण्ठे लग्नः सुकण्ठः पुनरपि कुचयोर्दत्तगाढाङ्गसङ्गः ।
४३२०२ बद्धासक्तिर्नितम्बे पतति चरणयोर्यः स तादृक्प्रियो मे बाले लज्जा प्रणष्टा नहि नहि कुटिले चोलकः किं त्रपाकृत् ॥
४३२११ आ केशग्रहणान्मित्रमकार्यात्संनिवर्तयन् ।
४३२१२ अवाच्यः कस्यचिद्भवति कृतयत्नो यथाबलम् ॥
४३२२१ आकोपितोऽपि कुलजो न वदत्यवाच्यं निष्पीडितो मधुरमेव वमेत्किलेक्षुः ।
४३२२२ नीचो जनो गुणशतैरपि सेव्यमानो हास्येषु यद्वदति तत्कलहेष्ववाच्यम् ॥
४३२३१ आकौमारं समरजयिना कुर्वतोर्वीमवीरामेतेनामी कथमिव दिशामीशितारो विमुक्ताः ।
४३२३२ अन्तर्ज्ञातं वपुषि कलया तस्य तेऽष्टौ प्रविष्टाः प्रह्वीभूते प्रभवति नहि क्षत्रियाणां कृपाणः ॥
४३२४१ आ कौमाराद्गुरुचरणशुश्रूषया ब्रह्मविद्या स्वास्थायास्थामहह, महतीमर्जितं कौशलं यत् ।
४३२४२ निद्राहेतोर्निशि निशि कथाः शृण्वतां पार्थिवानां कालक्षेपौपयिकमिदमप्याः कथं पर्यणंसीत् ॥
४३२५१ आक्रन्दाः स्तनितैर्विलोचनजलान्यश्रान्तधाराम्बुभिस्तद्विच्छेदभुवश्च शोकशिखिनस्तुल्यास्तडिद्विभ्रमैः ।
४३२५२ अन्तर्मे दयितामुखं तव शशी वृत्तिः समैवावयोस्तत्किं मामनिशं सखे जलधर त्वं दग्धुमेवोद्यतः ॥
४३२६१ आक्रन्दितं रुदितमाहतमानने वा कस्यार्द्रमस्तु हृदयं किमतः फलं वा ।
४३२६२ यस्या मनो द्रवति या जगतां स्वतन्त्रा तस्यास्तवाम्ब पुरतः कथयामि खेदम् ॥
४३२७१ आक्रम्य यद्द्विजैर्भुक्तं परिक्षीणैश्च बान्धवैः ।
४३२७२ गोभिश्च नृपशार्दूल राजसूयाद्विशिष्यते ॥
४३२८१ आक्रम्य यस्य दोर्दण्डमरिचक्रं प्रकाशते ।
४३२८२ प्राप्नोति पुरुषो लोके स वैकुण्ठ इति प्रथाम् ॥
४३२९१ आक्रम्य सर्वः कालेन परलोकं च नीयते ।
४३२९२ कर्मपाशवशो जन्तुस्तत्र का परिदेवना ॥
४३३०१ आक्रम्याक्रम्य साधूनां दारांश्चैव धनानि च ।
४३३०२ भोक्ष्यन्ति निरनुक्रोशा रुदतामपि भारत ॥
४३३११ आक्रम्याजेरग्रिमस्कन्धमुच्चैरास्थायाथो वीतशङ्कं शिरश्च ।
४३३१२ हेलालोला वर्त्म गत्वातिमर्त्यं द्यामारोहन्मानभाजः सुखेन ॥
४३३२१ आक्रम्यैकामग्रपादेन जङ्घामन्यामुच्चैराददानः करेण ।
४३३२२ सास्थिस्वानं दारुवद्दारुणात्मा कंचिन्मध्यात्पाटयामास दन्ती ॥
४३३३१ आक्रम्योच्चैः शिरसि वसतिर्भूभृतामुन्नतानां तोयादानं तदपि जलधेर्लोकसंतापशान्त्यै ।
४३३३२ दीर्घा छाया प्रकृतिमहति व्योम्नि चाभोगबन्धो हे हे मेघ स्पृहयति न ते कः किलेत्थं व्रताय ॥
४३३४१ आक्रान्तं वलिभिः प्रसह्य पलितैरत्यन्तमास्कन्दितं वार्धक्यं श्लथसंधिबन्धनतया निःस्थाम निर्धाम च ।
४३३४२ एतन्मे वपुरस्थिकेवलजरत्कङ्कालमालोकय   स्थूलशिराकरालपरुषत्वङ्मात्रपात्रीकृतम् ॥
४३३५१ आक्रान्तपूर्वा रभसेन सैनिकैर्दिगङ्गनाव्योमरजोऽभिदूषिता ।
४३३५२ भेरीरवाणां प्रतिशब्दितैर्घनैर्जगर्ज गाढं गुरुमत्सरादिव ॥
४३३६१ आक्रान्तमन्तररिभिर्मदमत्सराद्यैर्गात्रं वलीपलितरोगशतानुविद्धम् ।
४३३६२ दारैः सुतैश्च गृहमावृतमुत्तमर्णैर्मातः कथं भवतु मे मनसः प्रसादः ॥
४३३७१ आक्रान्तासु वसुन्धरासु यवनैरासेतुहेमाचलं विद्राणे क्षितिभृद्गणे विकरुणे निद्राति नारायणे ।
४३३७२ निर्विघ्नप्रसरे कलावपि बलान्निष्कण्टकं वैदिकं पन्थानं किल तत्र तत्र परिपात्येको हि लोकोत्तरः ॥
४३३८१ आक्रान्तेव महोपलेन मुनिना शप्तेव दुर्वाससा सातत्यं बत मुद्रितेव जतुना नीतेव मूर्च्छां विषैः ।
४३३८२ बद्धेवातनुरज्जुभिः परगुणान् वक्तुं न शक्ता सती जिह्वा लोहशलाकया खलमुखे विद्धेव संलक्ष्यते ॥
४३३९१ आक्रान्ते शैशवेऽस्मिन्नभिनववयसा शासनान्मीनकेतोर्बालाया नेत्रयुग्मं श्रुतियुगमविशद्भ्रूयुगेनापि सार्धम् ।
४३३९२ वक्षोजद्वन्द्वमुच्चैर्बहिरिह निरगाच्छ्रोणबिम्बेन साकं मध्यः संगृह्य बद्धस्त्रिवलिभिरभितः कार्श्यमङ्गीकरोति ॥
४३४०१ आक्रामन्तु तमेव चूतमपि च क्रोशन्तु रेफोत्तरं डिम्भोऽस्माकमपीति वाभिदधतां काका वराकाः स्वयम् ।
४३४०२ गन्तव्यं क्व ततोऽन्यतः परभृत क्षन्तव्यमेतावदप्यग्रे कस्य निवेद्यतामिदमतिक्रान्तो वसन्तोऽधुना ॥
४३४११ आक्रुश्यमानो नाक्रोशेन्मन्युरेव तितिक्षतः ।
४३४१२ आक्रोष्टारं निर्दहति सुकृतं चास्य विन्दति ॥
४३४२१ आक्रुष्टोऽपि व्रजति न रुषं भाषते नापभाष्यं नोत्कृष्टोऽपि प्रवहति मदं शौर्यधैर्यादिधर्मैः ।
४३४२२ यो यातोऽपि व्यसनमनिशं कातरत्वं न याति सन्तः प्राहुस्तमिह सुजनं तत्त्वबुद्ध्या विवेच्य ॥
४३४३१ आक्रोशकसमो लोके सुहृदन्यो न विद्यते ।
४३४३२ यस्तु दुष्कृतमादाय सुकृतं स्वं प्रयच्छति ॥
४३४४१ आक्रोशन्नाह्वयन्नन्यानाधावन्मण्डलं रुदन् ।
४३४४२ गाः कालयति दण्डेन डिम्भः सस्यावतारिणीः ॥
४३४५१ आक्रोशपरिवादाभ्यां विहिंसन्त्यबुधा बुधान् ।
४३४५२ वक्ता पापमुपादत्ते क्षममाणो विमुच्यते ॥
४३४६१ आक्रोशेन न दूयते न च पटुः प्रोक्तः समानन्द्यते दुर्गन्धेन न बाध्यते न च समं मोदेन संजीयते ।
४३४६२ स्त्रीरत्नेन न रज्यते न च मृतस्नानेन विद्वेष्यते माध्यस्थेन विराजितो विजयते कोऽप्येष योगीश्वरः ॥
४३४७१ आक्षिपन्त्यरविन्दानि मुग्धे तव मुखश्रियम् ।
४३४७२ कोषदण्डसमग्राणां किमेषामस्ति दुष्करम् ॥
४३४८१ आक्षिपसि कर्णमक्ष्णा बलिरपि बद्धस्त्वया त्रिधा मध्ये ।
४३४८२ इति जितसकलवदान्ये तनुदाने लज्जसे सुतनु ॥
४३४९१ आक्षिप्तसंपातमपेतशोभमुद्वह्नि धूमाकुलदिग्विभागम् ।
४३४९२ वृतं नभो भोगिकुलैरवस्थां परोपरुद्धस्य पुरस्य भेजे ॥
४३५०१ आक्षिप्ता चामरश्रीः प्रसभमपहृतः पौण्डरीको विलासः प्रच्छन्नो वीरकम्बुः समजनि विहितः कण्ठभाराय हारः ।
४३५०२ लुप्तो हासप्रकाशः कमपि परिभवं प्रापितः पुष्पराशिश्चन्द्राभैर्यद्यशोभिः प्रतिधरणिभुजां निह्नुता किं च कीर्तिः ॥
४३५११ आक्षिप्तैः प्रतिपक्षभूमिपतिभिः क्रुद्धेन देव त्वया वित्रस्तैर्न महायुधानि विविधान्याविष्क्रियन्ते युधि ।
४३५१२ दूरावर्जितमौलयस्तव पुरस्तन्वन्ति ते केवलं नानाकारकिरीटरत्ननिकरैरिन्द्रायुधानि क्षितौ ॥
४३५२१ आक्षेपचरणलङ्घन केशग्रहकेलिकुतुकतरलेन ।
४३५२२ स्त्रीणां पतिरपि गुरुरिति धर्मं न श्राविता सुतनुः ॥
४३५३१ आक्षेपवचनं तस्य न वक्तव्यं कदाचन ।
४३५३२ अनुकूलं प्रियं चास्य वक्तव्यं जनसंसदि ॥
४३५४१ आखुः कैलासशैलं तुलयति करटस्तार्क्ष्यमांसाभिलाषी बभ्रुर्लाङ्गूलमूलं चलयति चपलस्तक्षकाहिं जिघांसुः ।
४३५४२ भेकः पारं यियासुर्भुजगमपि महाघस्मरस्याम्बुराशेः प्रायेणासन्नपातः स्मरति समुचितं कर्म न क्षुद्रकर्मा ॥
४३५५१ आखुना भक्षितस्याथ नामोच्चार्य समुद्धरेत् ।
४३५५२ मार्गधूलिं क्षिपेद्दूरं तस्य शीघ्रं सुखं भवेत् ॥
४३५६१ आखुभ्यः किं खलैर्ज्ञातं खलेभ्यश्च किमाखुभिः ।
४३५६२ अन्यत्परगृहोत्खातात्कर्म येषां न विद्यते ॥
४३५७१ आखुर्वाञ्छति भस्मसूत्रहरणं व्यालस्तथा मूषकं व्यालं बर्हिरयं हरिश्च वृषभं गङ्गा तथा चन्द्रकम् ।
४३५७२ इत्थं दुःखमहर्निशं शृणु विभो सोढव्यमेतत्कथं शंभोरात्मदशानिबोधनपरं त्वां पातु दीनं वचः ॥
४३५८१ आखेटकं वृथाक्लेशं मूर्खं व्यसनसंस्थितम् ।
४३५८२ समालापेन यो युङ्क्ते स गच्छति पराभवम् ॥
४३५९१ आखेटकस्य धर्मेण विभवाः स्युर्वशे नृणाम् ।
४३५९२ नृप्रजाः प्रेरयत्येको हन्त्यन्योऽत्र मृगानिव ॥
४३६०१ आख्यातनामरचनाचतुरस्रसंधि सद्धात्वलंकृतिगुणं सरसं सुवृत्तम् ।
४३६०२ आसेदुषामपि दिवं कविपुंगवानां तिष्ठत्यखण्डमिह काव्यमयं शरीरम् ॥
४३६११ आख्याते हसितं पितामह इति त्रस्तं कपालीति च व्यावृत्तं गुरुरित्यसौ दहन इत्याविष्कृता भीरुता ।
४३६१२ पौलोमीपतिरित्यसूयितमथ व्रीडावनम्रं श्रिया पायाद्वः पुरुषोत्तमोऽयमिति च न्यस्तः स पुष्पाञ्जलिः ॥
४३६२१ आख्यायिकानुरागी व्रजति सदा पुण्यपुस्तकं श्रोतुम् ।
४३६२२ दष्ट इव कृष्णसर्पैः पलायते दानधर्मेभ्यः ॥
४३६३१ आख्यास्तदीया रुचिरार्थपोषा गायन्ति कोशाधिकृताः सतोषाः ।
४३६३२ परंतु पुण्यैरिह हर्षधाम प्राप्तं त्वया संप्रति चूतनाम ॥
४३६४१ आगच्छतां च तुच्छानामतुच्छानां च गच्छताम् ।
४३६४२ यदध्वनि न संघट्टो घटानां तद्वृथा सरः ॥
४३६५१ आगच्छतानवेक्षित पृष्ठेनार्थी वराटकेनेव ।
४३६५२ मुषितास्मि तेन जघनां शुकमपि वोढुं नशक्तेन ॥
४३६६१ आगच्छदुत्सवो भाति यथैव न तथा गतः ।
४३६६२ हिमांशोरुदयः सायं चकास्ति न तथोषसि ॥
४३६७१ आगच्छदुर्वीन्द्रचमूसमुत्थैर्भूरेणुभिः पाण्डुरिता मुखश्रीः ।
४३६७२ विस्पष्टमाचष्ट हरिद्वधूनां रूपं पतित्यागदशानुरूपम् ॥
४३६८१ आगच्छन्त्यवगुण्ठयन्त्यथ पुनः पश्यन्ति जिघ्रन्ति च स्वारब्धं मधुमक्षिकां न कणमप्यस्य स्वयं भुञ्जते ।
४३६८२ धन्यस्त्वन्य उपेत्य निर्भयममूरुत्सारयन् दूरतः स्वादंस्वादमिदं स्वसंभृतमिव स्वच्छन्दमानन्दति ॥
४३६९१ आगच्छन् सूचितो येन येनानीतो गृहं प्रति ।
४३६९२ प्रथमं सखि कः पूज्यः किं काकः किं क्रमेलकः ॥
४३७०१ आगच्छागच्छ सज्जं कुरु वरतुरगं संनिधेहि द्रुतं मे खङ्गः क्वासौ कृपाणीमुपनय धनुषा किं किमङ्ग प्रविष्टम् ।
४३७०२ संरम्भोन्निद्रितानां क्षितिभृति गहनेऽन्योऽन्यमेवं प्रतीच्छन् वादः स्वप्नाभिदृष्टे त्वयि चकितदृशां विद्विषामाविरासीत् ॥
४३७११ आगच्छामि झटित्यहं प्रियतमे कार्यं विधायाल्पकं गत्वेतस्त्वमिहैव तिष्ठ विजने तावद्गृहे सुन्दरे ।
४३७१२ इत्युक्त्वा सखि वञ्चकः स तु गतस्तत्र स्थिता या निशा सर्वा सा हि गता ममातिकुटिलो नो वै तथाप्यागतः ॥
४३७२१ आगतं विग्रहं विद्वानुपायैः प्रशमं नयेत् ।
४३७२२ विजयस्य ह्यनित्यत्वाद्रभसेन न संपतेत् ॥
४३७३१ आगतः पतिरितीरितं जनैः शृण्वती चकितमेत्य देहलीम् ।
४३७३२ कौमुदीव शिशिरीकरिष्यते लोचने मम कदा मृगेक्षणा ॥
४३७४१ आगतः पाण्डवाः सर्वे दुर्योधनसमीहया ।
४३७४२ तस्मै गां च सुवर्णं च रत्नानि विविधानि च ॥
४३७५१ आगतव्ययशीलस्य कृशत्वमतिशोभते ।
४३७५२ द्वितीयश्चन्द्रमा वन्द्यो न वन्द्यः पूर्णचन्द्रमाः ॥
४३७६१ आगतश्च गतश्चैव गत्वा यः पुनरागतः ।
४३७६२ अकर्णहृदयो मूर्खस्तत्रैव निधनं गतः ॥
४३७७१ आगतानगणितप्रतियातान् वल्लभानभिसिसारयिषूणाम् ।
४३७७२ प्रापि चेतसि सविप्रतिसारे सुभ्रुवामवसरः सरकेण ॥
४३७८१ आगतानामपूर्णानां पूर्णानामपि गच्छताम् ।
४३७८२ यदध्वनि न संघट्टो घटानां तत्सरोऽवरम् ॥
४३७९१ आगते कुसुमधन्विनि तन्व्या मानसाद्बहिरभूत्कुचकोकः ।
४३७९२ तिष्ठतास्य सरसीरुहचक्षुः खञ्जनेन चकितं सहसैव ॥
४३८०१ आगत्य प्रणिपातसान्त्वितसखीदत्तान्तरे सागसि स्वैरं कुर्वति तल्पपार्श्वनिभृते धूर्तेऽङ्गसंवाहनम् ।
४३८०२ ज्ञात्वा स्पर्शवशात्तया किल सखीभ्रान्त्या स्ववक्षः शनैः खिन्नासीत्यभिधाय मीलितदृशा सानन्दमारोपितः ॥
४३८११ आगत्य संप्रति वियोगविसंष्ठुलाङ्गीमम्भोजिनीं क्वचिदपि क्षपितत्रियामः ।
४३८१२ एतां प्रसादयति पश्य शनैः प्रभाते तन्वङ्गि पादपतनेन सहस्ररश्मिः ॥
४३८२१ आगत्य सम्प्रति शरत्समयः प्रसादादीषद्विहस्य विकसत्कुमुदच्छलेन ।
४३८२२ उत्सार्य रोषमिव वारिधरोपरोधमेष प्रसादयति दिग्वनितामुखानि ॥
४३८३१ आगत्य सत्वरमसी रविरम्बरान्तमुल्लास्य पादपतनैः स्फुटसांध्यरागः ।
४३८३२ पश्य प्रसादयति रागवतीं प्रतीची दिक्कामिनीं प्रकुपितामिव मन्यमानः ॥
४३८४१ आगत्यैव कुतश्चिदेव गगनाभोगं च कृत्वात्मसात्भावाभावविलोकनास्पदममून्नीत्वेन्दुमुख्यानपि ।
४३८४२ जाज्वल्यं जगतो विधाय किमपि प्राप्तः प्रियोऽह्नां पतिर्यात्वस्तं प्रविशत्वथाब्धिमथवा मेरौ परिभ्राम्यतु ॥
४३८५१ आगन्तौ जाङ्घिके चैव सर्वे काकाः समाः स्मृताः ।
४३८५२ क्षेत्रजे शकुने ग्राह्यः काकोलस्तेषु सर्वदा ॥
४३८६१ आगमं निर्गमं स्थानं तथा वृद्धिक्षयावुभौ ।
४३८६२ विचार्य सर्वपण्यानां कारयेत्क्रयविक्रयौ ॥
४३८७१ आगमरूपविचारिण्यधिकरणसहस्रशिक्षितविपक्षे ।
४३८७२ स्वामिनिजैमिनियोगिन्युपरज्यति हृदयमस्मदीयमिदम् ॥
४३८८१ आगमादेव नरकाः श्रूयन्ते रौरवादयः ।
४३८८२ विषयित्वं दरिद्राणां प्रत्यक्षं नरकं विदुः ॥
४३८९१ आगमार्थं हि यतते रक्षणार्थं हि सर्वदा ।
४३८९२ कुटुम्बपोषणे स्वामी तदन्ये तस्करा इव ॥
४३९०१ आगमिष्यन्ति ते भावा ये भावा मयि भाविनः ।
४३९०२ अहं तैरनुसर्तव्यो न तेषामन्यतो गतिः ॥
४३९११ आगमेन च युक्त्या च योऽर्थः समभिगम्यते ।
४३९१२ परीक्ष्य हेमवद्ग्राह्यः पक्षपातग्रहेण किम् ॥
४३९२१ आगमे यस्य चत्वारि निर्गमे सार्धपञ्च च ।
४३९२२ अतिविस्तारविस्तीर्णाश्चिरं तिष्ठन्ति नो श्रियः ॥
४३९३१ आगमोऽभ्यधिको भोगाद्विना पूर्वक्रमागतात् ।
४३९३२ आगमेऽपि बलं नैव भुक्तिः स्तोकापि यत्र नो ॥
४३९४१ आगर्जद्गिरिकुञ्जकुञ्जरघटानिस्तीर्णकर्णज्वरं ज्यानिर्घोषममन्ददुन्दुभिरवैराध्मातमुत्तम्भयन् ।
४३९४२ वेल्लद्भैरवरुण्डमुण्डनिकरैर्वीरो विधत्ते भुवं तृप्यत्कालकरालवक्त्रविघसव्याकीर्यमाणामिव ॥
४३९५१ आगर्भमाबद्धममर्षशीलः पितुः स्मरन् क्षत्रकृतापराधम् ।
४३९५२ परश्वधेनैव भृगुप्रवीरः प्राणैर्वियोज्यापि रिपूंश्छिनत्ति ॥
४३९६१ आ गर्भादा कुलपरिवृढादा चतुर्वक्त्रतोऽपि त्वत्पादाब्जप्रपदनपरान् वेत्सि नश्चन्द्रमौले ।
४३९६२ मायायाश्च प्रपदनपरेष्वप्रवृत्तिं त्वमात्थ स्वामिन्नेवं सति यदुचितं तत्र देवः प्रमाणम् ॥
४३९७१ आगस्कारिणि कैटभप्रमथने तत्ताडनार्थं रुषा नाभीपङ्कजमस्त्रतां गमयितुं जाते प्रयत्ने श्रियः ।
४३९७२ स्वावासोन्मथनोपपादितभयभ्रान्तात्मनस्तत्क्षणाद अब्रह्मण्यपराः पुरातनमुनेर्वाग्वृत्तयः पान्तु वः ॥
४३९८१ आगारदाही मित्रघ्नः शाकुनिर्ग्रामयाजकः ।
४३९८२ रुधिरान्धे पतन्त्येते सोमं विक्रीणते च ये ॥
४३९९१ आगुल्फमालम्बितवल्गुवेणी विभाति बाला कनकाङ्गयष्टिः ।
४३९९२ उत्तीर्णमौर्वीव वशीकृतोर्वी मनोभुवश्चम्पकचापवल्ली ॥
४४००१ आग्नेयास्त्रप्रवीणप्रबलमृगभटाः शत्रुसंक्षोभदक्षा यस्य प्रौढप्रतापानलबहलशिखास्विन्धनत्वं प्रयान्ति ।
४४००२ सोऽयं प्राचीपयोधिप्रहितकरततीतूर्णसंपूर्णकोपो बाङ्गालक्षोणिपालस्त्रिभुवनजनतागीतकीर्ति प्ररोहः ॥
४४०११ आग्नेयीमेति शीतादिव दिशमरुणो वासराः संकुचन्ती वासंस्तर्षेऽपि तोयाद्वहति तनुशिखी शीतपीडां प्रमार्ष्टि (?) ।
४४०१२ तल्पेऽनल्पप्रकोपप्रविदलितदृढालिङ्गनग्रन्थिबन्धे लब्ध्वा संधानरन्ध्रं निबिडयति जडो दम्पती मातरिश्वा ॥
४४०२१ आग्नेये यदि कोणे ग्रामस्य पुरस्य वा भवति कूपः ।
४४०२२ नित्यं स करोति भयं दाहं च समानुषं प्रायः ॥
४४०३१ आग्नेय्यामनलाजी विकयुवतिप्रवरधातुलाभश्च ।
४४०३२ याम्ये माषकुलत्थं भोज्यं गान्धर्विकैर्योगः ॥
४४०४१ आघट्टयति मन्त्राणि ब्रुवन् हास्यं प्रपद्यते ।
४४०४२ संभावयति दोषेण वृत्तिच्छेदं करोति च ॥
४४०५१ आघातं नीयमानस्य वध्यस्येव पदे पदे ।
४४०५२ आसन्नतरतां याति मृत्युर्जन्तोर्दिने दिने ॥
४४०६१ आघूर्णद्वपुषः स्खलन्मृदुगिरः किञ्चिल्लसद्वाससो रेवत्यां सनिषण्णनिःसहभुजस्याताम्रनेत्रद्युतेः ।
४४०६२ श्वासामोदमदान्धषट्पदकुलव्यादष्टकण्ठस्रजः पायासुः परिमन्थराणि हलिनो मत्तस्य यातानि वः ॥
४४०७१ आघूर्णितं पक्ष्मलमक्षिपद्मं प्रान्तद्युतिश्वैत्यजितामृतांशु ।
४४०७२ अस्या इवास्याश्चलदिन्द्रनील गोलामलश्यामलतारतारम् ॥
४४०८१ आघ्राणश्रवणावलोकनरसास्वादादयश्चुम्बन श्रद्धा वाग्विषवर्षणं च शिरसो दोषा इमे यैर्जनः ।
४४०८२ मूढो लङ्घितसत्पथोऽयमिति संक्रुद्धः शठानां हठाद्यः शीर्षाणि कृपाणपाणिरलुनात्तस्मै नमः कल्किने ॥
४४०९१ आघ्रातं कमलं प्रियेण सुदृशा स्मित्वापनीतं मुखं दत्तं विभ्रमकन्दुके नखपदं सीत्कृत्य गूढौ स्तनौ ।
४४०९२ दत्ता चम्पकमालिकोरसि भुजानिर्भिन्नरोमाञ्चया मीलल्लोचनया स्थितं प्रणयिनोर्दूरेऽपि पूर्णो रसः ॥
४४१०१ आघ्रातं परिलीढमुग्रनखरैः क्षुण्णं च यच्चर्वितं क्षिप्तं यद्भुवि नीरसत्वकुपितेनेति व्यथां मा कृथाः ।
४४१०२ हे माणिक्य तवैतदेव कुशलं यद्वानरेणाग्रहादन्तःसत्त्वनिरूपणाय सहसा चूर्णीकृतं नाश्मना ॥
४४१११ आघ्रातं मरणेन जन्म जरया यात्युज्ज्वलं यौवनं संतोषो धनलिप्सया शमसुखं प्रौढाङ्गनाविभ्रमैः ।
४४११२ लोकैर्मत्सरिभिर्गुणा वनभुवो व्यालैर्नृपा दुर्जनैरस्थैर्येण विभूतिरप्यपहृता ग्रस्तं न किं केन वा ॥
४४१२१ आघ्रातक्षोणिपीठः खुरशिखरसमाकृष्टरेणुस्तुरङ्गः पुञ्जीकृत्याखिलाङ्घ्रीन् क्रमवशविनमज्जानुरुन्मुक्तकायः ।
४४१२२ पृष्ठान्तःपार्श्वकण्डूव्यपनयनर साद्द्विस्त्रिरुद्वर्तिताङ्गः प्रोत्थाय द्राङ्निरीहः क्षणमथ वपुरास्यानुपूर्व्यां धुनोति ॥
४४१३१ आघ्राय पुस्तकं धन्याः सर्वं विद्म इति स्थिताः ।
४४१३२ शतकृत्वोऽपि शृण्वन्तो हा न विद्मो जडा वयम् ॥
४४१४१ आघ्राय श्रमजमनिन्द्यगन्धबन्धुं निश्वासश्वसनमसक्तमङ्गनानाम् ।
४४१४२ आरण्याः सुमनस ईषिरे न भृङ्गैरौचित्यं गणयति को विशेषकामः ॥
४४१५१ आघ्रायाघ्राय गन्धं विकृतमुखपुटो दर्शयन् दन्तपङ्क्तिं धावन्नुन्मुक्तनादो मुहुरपि रभसाकृष्टया पृष्ठलग्नः ।
४४१५२ गर्दभ्याः पादघातद्विगुणितसुरतप्रीतिराकृष्टशिश्नो वेगादारुह्यमुह्यन्नवतरति खरः खण्डितेच्छश्चिराय ॥
४४१६१ आचक्ष्महे बत किमद्यतनीमवस्थां तस्याद्य विन्ध्यशिखरस्य महोन्नतस्य ।
४४१६२ यत्रैव सप्त मुनयस्तपसा निषेदुः सोऽयं किलाद्य वसतिह्पिशिताशनानाम् ॥
४४१७१ आचम्याधरसिन्धुवारि कबरीसंभारसंमार्जिते स्वेदाम्भःस्नपिते कपोलविगलत्काश्मीरपङ्कोज्ज्वले ।
४४१७२ काञ्चीमन्त्ररुतेन निर्भरगलन्मुक्ताकलापस्रजा धन्यस्योरसि घूर्णमाननयना पञ्चेषुमभ्यर्चति ॥
४४१८१ आचरति दुर्जनो यत्सहसा मनसोऽप्यगोचरानर्थान् ।
४४१८२ तन्न न जाने जाने स्पृशति मनः किं तु नैव निष्ठुरताम् ॥
४४१९१ आचरन् बहुभिर्वैरमल्पकैरपि नश्यति ।
४४१९२ जनैः प्रत्यायितोऽमात्यं प्रेतमित्यत्यजन्नृपः ॥
४४१९ १ आचरेच्च सकलां रतिचर्यां कामसूत्रविहितामनवद्याम् ।
४४१९ २ देशकालबलशक्त्यनुरोधाद्वैद्यतन्त्रसमयोक्त्यविरुद्धाम् ॥
४४२०१ आचान्तकान्तिरुन्निद्रैर्मयूखैरहिमत्विषः ।
४४२०२ धूसरापि कला चान्द्री किं न बध्नाति लोचनम् ॥
४४२११ आचारं भजते त्यजत्यपि मदं वैराग्यमालम्बते कर्तुं वाञ्छति सङ्गभङ्गगलितोत्तुङ्गाभिमानं तपः ।
४४२१२ दैवन्यस्तविपर्ययैः सुखशिखाभ्रष्टः प्रणष्टो जनः प्रायस्तापविलीनलोहसदृशीमायाति कर्मण्यताम् ॥
४४२२१ आचारः कुलमाख्याति देशमाख्याति भाषणम् ।
४४२२२ संभ्रमः स्नेहमाख्याति वपुराख्याति भोजनम् ॥
४४२३१ आचारः कुलमाख्याति वपुराख्याति भोजनम् ।
४४२३२ वचनं श्रुतमाख्याति स्नेहमाख्याति लोचनम् ॥
४४२४१ आचारः खलु कर्तव्यः प्राणैः कण्ठगतैरपि ।
४४२४२ आचारैः शुध्यते देहो वस्त्रं क्षारोदकैरिव ॥
४४२५१ आचारः परमो धर्म आचारः परमं तपः ।
४४२५२ आचारः परमं ज्ञानमाचारात्किं न साध्यते ॥
४४२६१ आचारः परमो धर्मः श्रुत्युक्तः स्मार्त एव च ।
४४२६२ तस्मादस्मिन् सदा युक्तो नित्यं स्यादात्मवान् द्विजः ॥
४४२७१ आचारः परमो धर्मः सर्वेषामिति निश्चयः ।
४४२७२ हीनाचारपरीतात्मा प्रेत्य चेह च नश्यति ॥
४४२८१ आचारः प्रथमो धर्मो नृणां श्रेयस्करो महान् ।
४४२८२ इहलोके परा कीर्तिः परत्र परमं सुखम् ॥
४४२९१ आचार इत्यवहितेन मया गृहीता या वेत्रयष्टिरवरोधगृहेषु राज्ञः ।
४४२९२ काले गते बहुतिथे मम सैव जाता प्रस्थानविक्लवगतेरवलम्बनाय ॥
४४३०१ आचारधाराधवलीकृतानां राधाधवाराधनमानसानाम् ।
४४३०२ विद्याविवेकोन्नतिभूषितानां भवादृशानामिह का प्रशंसा ॥
४४३११ आचारप्रभवो धर्मो नृणां श्रेयस्करो महान् ।
४४३१२ इहलोके परा कीर्तिः परत्र परमं सुखम् ॥
४४३२१ आचारप्रेरको राजा ह्येतत्कालस्य कारणम् ।
४४३२२ यदि कालह्प्रमाणं हि कस्माद्धर्मोऽस्ति कर्तृषु ॥
४४३३१ आचारमाचर चिरादालस्यमपास्य जात्युचितम् ।
४४३३२ लोकानुरागसाधनमाराधनमेतदेव हरेः ॥
४३३४१ आचारसंभवो धर्मो धर्माद्वेदाः समुत्थिताः ।
४३३४२ वेदैर्यज्ञाः समुत्पन्ना यज्ञैर्देवाः प्रतिष्ठिताः ॥
४४३५१ आचारहीनं न पुनन्ति वेदा यद्यप्यधीता सह षड्भिरङ्गैः ।
४४३५२ छन्दांस्येनं मृत्युकाले त्यजन्ति नीडं शकुन्ता इव जातपक्षाः ॥
४४३६१ आचारहीनस्य तु ब्राह्मणस्य वेदाः षडङ्गास्त्वखिलाः सयज्ञाः ।
४४३६२ कां प्रीतिमुत्पादयितुं समर्था अन्धस्य दारा इव दर्शनीयाः ॥
४४३७१ आचारात्फलते धर्म आचारात्फलते धनम् ।
४४३७२ आचाराच्छ्रियमाप्नोति आचारो हन्त्यलक्षणम् ॥
४४३८१ आचाराद्विच्युतो विप्रो न वेदफलमश्नुते ।
४४३८२ आचारेण तु संयुक्तः संपूर्णफलभाक्स्मृतः ॥
४४३९१ आचाराल्लभते धर्ममाचाराल्लभते धनम् ।
४४३९२ आचाराच्छ्रियमाप्नोति आचारो हन्त्यलक्षणम् ॥
४४४०१ आचाराल्लभते ह्यायुराचारादीप्सितां प्रजाम् ।
४४४०२ आचाराद्धनमक्षय्यमाचारो हन्त्यलक्षणम् ॥
४४४११ आचाराल्लभते ह्यायुराचाराल्लभते श्रियम् ।
४४४१२ आचारात्कीर्तिमाप्नोति पुरुषः प्रेत्य चेह च ॥
४४४३१ आचारो ग्रामवासान्तो गृहान्ता प्रभुता स्त्रियः ।
४४४३२ नृपश्रीर्ब्रह्मशापान्ता फलान्तं ब्रह्मवर्चसम् ॥
४४४४१ आचार्यः सप्तयुद्धः स्याच्चतुर्युद्धस्तु भार्गवः ।
४४४४२ द्वाभ्यां चैव भवेद्योध एकेन गणको भवेत् ॥
४४४५१ आचार्यः सर्वचेष्टासु लोक एव हि धीमतः ।
४४४५२ अनुकुर्यात्तमेवातो लौकिकार्थे परीक्षकः ॥
४४४६१ आचार्यमानीय शुभेऽह्नि कार्यं पैष्टं श्वयुग्मं शुचिरर्चयित्वा ।
४४४६२ क्षीरेण भोज्यं भषणस्य तुष्ट्यै दद्यात्कुमारीशिशुबान्धवेभ्यः ॥
४४४७१ आचार्यश्च पिता चैव माता भ्राता च पूर्वजः ।
४४४७२ नार्तेनाप्यवमन्तव्या ब्राह्मणेन विशेषतः ॥
४४४८१ आचार्या नरपतयश्च तुल्यशीला न ह्येषां परिचितिरस्ति सौहृदं वा ।
४४४८२ शुश्रूषां चिरमपि सम्चितां प्रयत्नात्संक्रुद्धा रज इव नाशयन्ति मेघाः ॥
४४४९१ आचार्येण धनुर्देयं ब्राह्मणे सुपरीक्षिते ।
४४४९२ लुब्धे धूर्ते कृतघ्ने च मन्दबुद्धौ न दीयते ॥
४४५०१ आचार्योपासनं वेदशास्त्रार्थेषु विवेकिता ।
४४५०२ तत्कर्मणामनुष्ठानं सङ्गः सद्भिर्गिरः शुभाः ॥
४४५११ स्त्र्यालोकालम्भविगमः सर्वभूतात्मदर्शनम् ।
४४५१२ त्यागः परिग्रहाणां च जीर्णकाषायधारणम् ॥
४४५२१ विषयेन्द्रियसंरोधस्तन्द्रालस्यविवर्जनम् ।
४४५२२ शरीरपरिसंख्यानं प्रवृत्तिष्वघदर्शनम् ॥
४४५३१ नीरजस्तमसा सत्त्वशुद्धिर्निःस्पृहता शमः ।
४४५३२ एतैरुपायैः संशुद्धः स हि योग्यमृतीभवेत् ॥
४४५४१ आचार्यो ब्रह्मणो मूर्तिः पिता मूर्तिः प्रजापतेः ।
४४५४२ भ्राता मरुत्पतेमूर्तिर्माता साक्षात्क्षितेस्तनुः ॥
४४५५१ दयाया भगिनी मूर्तिर्धर्मस्यात्मातिथिः स्वयम् ।
४४५५२ अग्नेरभ्यागतो मूर्तिः सर्वभूतानि चात्मनः ॥
४४५६१ आचार्यो ब्रह्मणो मूर्तिः पिता मूर्तिः प्रजापतेः ।
४४५६२ माता पृथिव्या मूर्तिश्च भ्राता स्वो मूर्तिरात्मनः ॥
४४५७१ आचार्यो ब्रह्मलोकेशः प्राजापत्ये पिता प्रभुः ।
४४५७२ अतिथिस्त्विन्द्रलोकेशो देवलोकस्य चर्त्विजः ॥
४४५८१ आचार्यौ द्वारिहेतौ (?) शरकलशभरौ (?) द्रोणभूस्तत्समानो भीष्मस्तातस्य तातो धनुषि न सदृशाः कर्णदुर्योधनाद्याः ।
४४५८२ इत्थं हन्तव्यचिन्ताकुलहृदयतला कौरवाणां पुरस्ताद्दीव्यद्दोःस्तम्भशाली समिति विजयते पाण्डवह्खाण्डवारिः ॥
४४५९१ आचिन्वानमहन्यहन्यहनि साकारान् विहारक्रमानारुन्धानमरुन्धतीहृदयमप्यार्द्रस्मितार्द्रश्रिया ।
४४५९२ आतन्वानमनन्यजन्मनयनश्लाघ्यामनर्घ्यां दशामानन्दं व्रजसुन्दरीस्तनतटीसाम्राज्यमुज्जृम्भते ॥
४४६०१ आचीर्णमशुभं कर्म द्विजा भोगाय कल्पते ।
४४६०२ अवेष्टितगलो नागः किमदष्ट्वा हि गच्छति ॥
४४६११ आचुम्बितं कामिवरेण हर्षात्सकामवामाचिबुकं मनोज्ञम् ।
४४६१२ शृङ्गारसत्संपुटपद्ममध्ये भृङ्गाभिधः (?) कोरकवद्विभाति ॥
४४६२१ आचुम्ब्य बिम्बाधरमङ्गवल्लीमालिङ्ग्य संस्पृश्य कपोलपालिम् ।
४४६२२ श्रीखण्डमादाय करेण कान्तः संत्रासयामास सरोरुहाक्षीम् ॥
४४६३१ आचूडमाचरणमम्ब तवानुवारमन्तःस्मरन् भुवनमङ्गलमङ्गमङ्गम् ।
४४६३२ आनन्दसागरतरङ्गपरम्पराभिरान्दोलितो न गणयामि गतान्यहानि ॥
४४६४१ आच्छन्ने क्षितितेजसी मनसिजव्यापारमेयं मनः स्वात्मा च द्वयमेतदस्ति दशमं द्रव्यं परेषां तमः ।
४४६४२ कालाकाशदिशां निरस्तमधुना नामापि वर्षागमे द्रव्यं वारि गुणश्च वारिदरवः कर्मापि वारिक्रिया ॥
४४६५१ आच्छादयसि किं मुग्धे वस्त्रेणाधरपल्लवम् ।
४४६५२ खण्डिता एव शोभन्ते वीराधरपयोधराः ॥
४४६६१ आच्छादितायतदिगम्बरमुच्चकैर्गामाक्रम्य संस्थितमुदग्रविशालशृङ्गम् ।
४४६६२ मूर्ध्निस्खलत्तुहिनदीधितिकोटिमेनमुद्वीक्ष्य को भुवि न विस्मयते नगेशम् ॥
४४६७१ आच्छाद्य पुष्पपटमेष महान्तमन्त रावर्तिभिर्गृहकपोतशिरोधराभैः ।
४४६७२ स्वाङ्गानि धूमरुचिमागुरवीं दधानैर्धूपायतीव पटलैर्नवनीरदानाम् ॥
४४६८१ आच्छिद्य प्रियतः कदम्बकुसुमं यस्यारिदारैर्नवं यात्राभङ्गविधायिनो जलमुचां कालस्य चिह्नं महत् ।
४४६८२ हृष्यद्भिः परिचुम्बितं नयनयोर्न्यस्तं हृदि स्थापितं सीमन्ते निहितं कथंचन ततः कर्णावतंसीकृतम् ॥
४४६९१ आच्छिद्य लक्ष्मीमित एव पूर्वमत्रैव विस्रम्भसुखप्रसुप्तः ।
४४६९२ एकः परं वेद स कैटभारिर्महाशयत्वं मकरालयस्य ॥
४४७०१ आच्छिद्योरगमण्डलीकबलनाकाङ्क्षारसं पत्रिणां भर्तुर्येन शरीरदानविधिना मन्ये जगद्रक्षितम् ।
४४७०२ नो चेत्तेन गरुत्मता कबलिते शेषे निरालम्बना क्व क्षोणी क्व पयोधराः क्व गिरयः क्वैते दिशां नायकाः ॥
४४७११ आजगाम यदा लक्ष्मीर्नारिकेलफलाम्बुवत् ।
४४७१२ निर्जगाम यदा लक्ष्मीर्गजभुक्तकपित्थवत् ॥
४४७२१ आजननादामरणा दभ्यस्यतु वायसस्तपस्यतु वा ।
४४७२२ एकामपि काकलिकां कोकिलकान्तेव नाकलयेत् ॥
४४७३१ आजननादामरणा दभ्यस्यतु वायसस्तपस्यतु वा ।
४४७३२ केकिवदेकां केकां कोकिलवत्पञ्चमं च किं कुरुते ॥
४४७४१ आजन्मकल्पतरुकाननकामचारी यत्कौतुकादुपगतः कुटजं मिलिन्दः ।
४४७४२ तत्कर्मणः सुसदृशं फलमेतदेव यत्प्राप्य साम्यमधुना मधुमक्षिकाभिः ॥
४४७५१ आ जन्मनः कुशलमण्वपि रे कुजन्मन् पांसो त्वया यदि कृतं वद तत्त्वमेतत् ।
४४७५२ उत्थापितोऽस्यनलसारथिना यदर्थं दुष्टेन तत्कुरु कलङ्कय विश्वमेतत् ॥
४४७६१ आ जन्मनः प्रतिमुहूर्तविशेषरम्याण्याचेष्टितानि तव संप्रति तानि तानि ।
४४७६२ चाटूनि चारुमधुराणि च संस्मृतानि देहं दहन्ति हृदयं च विदारयन्ति ॥
४४७७१ आ जन्मनः शाठ्यमशिक्षितो यस्तस्याप्रमाणं वचनं जनस्य ।
४४७७२ परातिसम्धानमधीयते यैर्विद्येति ते सन्तु किलाप्तवाचः ॥
४४७८१ आ जन्मनः सहजतुल्यर्विवर्तमान दौर्गत्यतोऽस्ति परमो न सुहृन्ममान्यः ।
४४७८२ येनात्मनोऽपरिगणय्य विनाशमाशु देव त्वदाश्रयणपुण्यधनः कृतोऽस्मि ॥
४४७९१ आ जन्मनः सह निवासितया मयैव मातुः पयोधरपयोऽपि समं निपीय ।
४४७९२ त्वं पुण्डरीकमुख बन्धुतया निरस्तमेको निवापसलिलं पिबसीत्ययुक्तम् ॥
४४८०१ आ जन्मनो विहितभक्तिरनन्यनाथः सारथ्यकर्मणि च दक्षतया नियुक्तः ।
४४८०२ नाद्याप्यवाप चरणावरुणोऽपि सूर्यात्पुण्यैर्विना नहि भवन्ति मनीषितानि ॥
४४८११ आजन्मब्रह्मचारी पृथुलभुजशिलास्तम्भविभ्राजमान ज्याघातश्रेणिसम्ज्ञान्तरितवसुमती चक्रजैत्रप्रशस्तिः ।
४४८१२ वक्षः पीठे घनास्त्रव्रणकिणकठिने संक्ष्णुवानः पृषत्कान् प्राप्तो राजन्यगोष्ठीवनगजमृगया कौतुकी जामदग्न्यः ॥
४४८२१ आजन्मब्रह्मचारी सकलरिपुकुलानल्पकालाग्निकल्पः कल्पान्तः कल्पकर्ता कपिशतनुरुचिः कामगः कामदाता ।
४४८२२ कान्तः कामारिबन्धुः कपिकुलतिलकः कोपनः कोमलाङ्गः कौशल्यासूनुदूतः कलयतु कुशलं वायुपुत्रश्चिरं वः ॥
४४८३१ आजन्मविषसंभोगात्कन्या विषमयी कृता ।
४४८३२ स्पर्शोच्छ्वासादिभिर्हन्ति तस्यास्त्वेतत्परीक्षणम् ॥
४४८४१ आजन्मव्यवसायिना क्रतुशतैराराध्य पुष्पायुधं केनाकारि पुरा तनूदरि तनुत्यागः प्रयागभ्रमे ।
४४८४२ यस्यार्थे सखि लोलनेत्रनलिनीनालायमानस्खलद्बष्पाम्भःपतनान्तरालवलितग्रीवं पथः पश्यसि ॥
४४८५१ आजन्मसिद्धं कौटिल्यं खलस्य च हलस्य च ।
४४८५२ सोढुं तयोर्मूखाक्षेपमलमेकैव सा क्षमा ॥
४४८६१ आजन्मसेवितं दानैर्मानैश्च परिपोषितम् ।
४४८६२ तीक्ष्णवाक्यान्मित्रमपि तत्कालं याति शत्रुताम् ।
४४८६३ वक्रोक्तिशल्यमुद्धर्तुं न शक्यं मानसं यतः ॥
४४८७१ आजन्मस्थितयो महीरुह इमे कूले समुन्मूलिताः कल्लोलाः क्षणभङ्गुराः पुनरमी नीताः परामुन्नतिम् ।
४४८७२ अन्तः प्रस्तरसंग्रहो बहिरपि भ्रश्यन्ति गन्धद्रुमा भ्रातः शोण न सोऽस्तियो न हसति त्वत्संपदां विप्लवे ॥
४४८८१ आजन्मानुगतेऽप्यस्मिन्नाले विमुखमम्बुजम् ।
४४८८२ प्रायेण गुणपूर्णेषु रीतिर्लक्ष्मीवतामियम् ॥
४४८९१ आजन्मैव तमः सुहृत्कुटिलता वक्त्रे गिरां निर्गमो ग्रामोत्सादकरः श्मशानविटपी प्रायेण यस्याश्रयः ।
४४८९२ धिग्धातः ससृजे स एव मलिनः क्रूरः कथं कौशिकः सृष्टो वा किमकल्प्यतास्य भवता कल्पान्तमायुः स्थिरम् ॥
४४९०१ आजानुलम्बिबाहुः कम्बुग्रीवो बली चतुर्दंष्ट्रः ।
४४९०२ भाग्यनिधिः पृथुवक्षा लघुमधुराशी च पद्माक्षः ॥
४४९११ आजावसौ चोडनृपस्य सेना महावनस्याश्वमृगाकुलस्य ।
४४९१२ मत्तेभसारद्रुमपूर्णितस्य दावानलोऽभूच्चलमूर्तिचण्डः ॥
४४९२१ आजीवः कपटानुरागकलया दोषो न दुःशीलता वैधव्यं न च बाधते सदसतोः संभावनाव्यत्ययात् ।
४४९२२ यत्किंचित्करणे परस्वहरण व्रीडा न पीडाकरी नो वा राजभयं च ही बत सुखं जीवन्ति वारस्त्रियः ॥
४४९३१ आ जीवनास्तात्प्रणयाः कोपास्तत्क्षणभङ्गुराः ।
४४९३२ परित्यागाश्च निःसङ्गा भवन्ति हि महात्मनाम् ॥
४४९४१ आजीवितान्ताः प्रणयाः कोपाश्च क्षणभङ्गुराः ।
४४९४२ परित्यागाश्च निःसङ्गा न भवन्ति महात्मनाम् ॥
४४९५१ आजीवोच्छित्तये यासां प्रीतिद्वेषावुभौ हि तौ ।
४४९५२ कथं नु खलु तौ तासां स्यातामुपरि कस्यचित् ॥
४४९६१ आजीव्यः सर्वभूतानां राजा पर्जन्यवद्भवेत् ।
४४९६२ निराजीव्यं त्यजन्त्येनं शुष्कं सर इवाण्डजाः ॥
४४९७१ आजीव्यैकतरं भावं यस्त्वन्यमुपजीवति ।
४४९७२ न तस्माद्विन्दते क्षेमं जारान्नार्यसती यथा ॥
४४९८१ आजौ त्वद्वाजिराजिप्रखरखुरतरन्यासलीलाभिरुर्व्यां दीर्णायां देव निर्यन्नविरलमवनीपाल पातालवह्निः ।
४४९८२ अश्नीयाद्विश्वमेव प्रतिनृपतिवधूनेत्रधाराम्बुधारा वारा यद्येनमारादरिकुलदमन द्राङ्न निर्वापयेयुः ॥
४४९९१ आज्ञां मन्मथचक्रवर्तिनृपतेरादाय निःशङ्कधीर्भ्राम्यद्भृङ्गमहाजनान् पिकगिरा साकूतमाकारयन् ।
४४९९२ कुञ्जाटे च्युतपत्रसंस्तरवति श्रीमान् वसन्ताभिधो व्यापारी सुमनोमरन्दवसुभिर्वाणिज्यमालम्बते ॥
४५००१ आज्ञाकरश्च ताडन परिभवसहनश्च सत्यमहमस्याः ।
४५००२ न तु शीलशीतलेयं प्रियेतरद्वक्तुमपि वेद ॥
४५०११ आज्ञा काकुर्याच्ञा क्षेपो हसितं च शुष्करुदितं च ।
४५०१२ इति निधुवनपाण्डित्यं ध्यायंस्तस्या न तृप्यामि ॥
४५०२१ आज्ञा कीर्तिः पालनं ब्राह्मणानां दानं भोगो मित्रसंरक्षणं च ।
४५०२२ येषामेते षड्गुणा न प्रवृत्ताः कोऽर्थस्तेषां पार्थिवोपाश्रयेण ॥
४५०३१ आज्ञा तेजः पार्थिवानां सा च वाचि प्रतिष्ठिता ।
४५०३२ यत्ते ब्रूयुरसत्सद्वा स धर्मो व्यवहारिणाम् ॥
४५०४१ आज्ञापयिष्यसि पदं दास्यसि दयितस्य शिरसि किं त्वरसे ।
४५०४२ असमयमानिनि मुग्धे मा कुरु भग्नाङ्कुरं प्रेम ॥
४५०५१ आज्ञाभङ्गकरान् राजा न क्षमेत सुतानपि ।
४५०५२ विशेषः को नु राज्ञश्च राज्ञश्चित्रगतस्य च ॥
४५०६१ आज्ञाभङ्गो नरेन्द्राणां ब्राह्मणानामनादरः ।
४५०६२ पृथक्शय्या च नारीणामशस्त्रविहितो वधः ॥
४५०७१ आज्ञामवाप्य महतीं द्विषतां निखातान्निर्वर्त्य तां सपदि लब्धमुखप्रसादः ।
४५०७२ उच्चैः प्रमोदमनुमोदितदर्शनः सन् धन्यो नमस्यति पदाम्बुरुहं प्रभूणाम् ॥
४५०८१ आज्ञामात्रफलं राज्यं ब्रह्मचर्यफलं तपः ।
४५०८२ ज्ञानमात्रफला विद्या दत्तभुक्तफलं धनम् ॥
४५०९१ आज्ञामेव मुनेर्निधाय शिरसा विन्ध्याचल स्थीयतामत्युच्चैः पदमिच्छता पुनरियं नो लङ्घनीया त्वया ।
४५०९२ मैनाकादिमहीध्रलब्धवसतिं यः पीतवानम्बुधिं तस्य त्वां गिलतः कपोलमिलनक्लेशोऽपि किं जायते ॥
४५१०१ आज्ञा मौलिषु भूभुजां भयरुजा चित्तेषु दुर्मेधसां प्रीतिः सत्सु दिशासु कीर्तिरतुला येनार्पिता सर्वतः ।
४५१०२ सर्वं राज्यमकण्टकं च विहितं ध्वस्ता द्विषां संपदः सोऽसौ संमतवैभवो विजयते श्रीराजनारायणः ॥
४५१११ आज्ञारूपेण या शक्तिः सर्वेषां मूर्धनि स्थिता ।
४५११२ प्रभुशक्तिर्हि सा ज्ञेया प्रभावमहितोदया ॥
४५१२१ आज्ञा शक्रशिखामणिप्रणयिनी शास्त्राणि चक्षुर्नवं भक्तिर्भूतपतौ पिनाकिनि पदं लङ्केति दिव्या पुरी ।
४५१२२ उत्पत्तिर्द्रुहिणान्वये च तदहो नेदृग्वरो लभ्यते स्याच्चेदेष न रावणः क्व नु पुनः सर्वत्र सर्वे गुणाः ॥
४५१३१ आज्ञासंपादिनीं दक्षां वीरसूं प्रियवादिनीम् ।
४५१३२ योऽदृष्टदोषां त्यजति सोऽक्षयं नरकं व्रजेत् ॥
४५१४१ आज्ञेव शम्बररिपोरवलङ्घनीया वाञ्छेव विग्रहवती वशगा दृशोर्मे ।
४५१४२ अन्यार्थमेव किमुतापणमभ्युपैति संदेशमानयति सा किमु सारसाक्ष्याः ॥
४५१५१ आञ्जस्यं व्यवहाराणामार्जवं परमं धियाम् ।
४५१५२ स्वातन्त्र्यमपि तन्त्रेषु सूते काव्यपरिश्रमः ॥
४५१६१ आटीकसेऽङ्गकरिघोटीपदातिजुषि वाटीभुवि क्षितिभुजां चेटी भवंस्तदपि शाटीनते वपुषि वीटीनवाधिवदनम् ।
४५१६२ कोटीररत्नपरिपाटी भृशारुणितजूटीविधुन्तनुलसन् पाटीरलिप्तिमिभधाटीजुषं सुरवधूटीनुतां भज शिवम् ॥
४५१७१ आटोपेन पटीयसा यदपि सा वाणी कवेरामुखे खेलन्ती प्रथते तथापि कुरुते नो सन्मनोरञ्जनम् ।
४५१७२ न स्याद्यावदमन्दसुन्दरगुणालंकारझंकारितः सप्रस्यन्दिलसद्रसायनरसासारानुसारी रसः ॥
४५१८१ आढ्यराजकृतोत्साहैर्हृदयस्थैः स्मृतैरपि ।
४५१८२ जिह्वान्तःकृष्यमाणेव न कवित्वे प्रवर्तते ॥
४५१९१ आढ्यस्य किं च दानेन सुहितस्याशनेन किम् ।
४५१९२ किं शशाङ्केन शीतालोः किं घनेन हिमागमे ॥
४५२०१ आढ्यानां मांसपरमं मध्यानां गोरसोत्तरम् ।
४५२०२ तैलप्रायं दरिद्राणां भोजनं भरतर्षभ ॥
४५२११ आढ्यान्निवापलम्भो निकेतगामी च पिच्छिलः पन्थाः ।
४५२१२ द्वयमाकुलयति चेतः स्कन्धावारद्विजातीनाम् ॥
४५२२१ आढ्यो वापि दरिद्रो वा दुःखितः सुखितोऽपि वा ।
४५२२२ निर्दोषो वा सदोषो वा वयस्यः परमा गतिः ॥
४५२३१ आततायिनमायान्तं हन्यादेवाविचारयन् ।
४५२३२ हननादेव निस्तारो नरकात्तस्य दुष्कृतेः ॥
४५२४१ आततायिनमायान्तमपि वेदान्तपारगम् ।
४५२४२ जिघांसन्तं जिघांसीयान्न तेन ब्रह्महा भवेत् ॥
४५२५१ आतन्वद्भिर्दिक्षु पत्राग्रनादं प्राप्तैर्दूरादाशु तीक्ष्णैर्मुखाग्रैः ।
४५२५२ आदौ रक्तं सैनिकानामजीवैर्जीवैः पश्चात्पत्रिपूगैरपायि ॥
४५२६१ आतपत्यविदुषाममृतांशुमंशुमन्तमपि रश्मिसहस्रे ।
४५२६२ रागिणां भवति लक्षणमिन्दोरिन्द्रनीलशकलच्छविलक्ष्म ॥
४५२७१ आतपासहनः पाण्डुः शाखाहीनो मुहुर्यदि ।
४५२७२ अकालफलपाकी स्याच्छाखी पित्तात्मकः कृशः ॥
४५२८१ आतपे धृतिमता सह वध्वा यामिनीविरहिणा विहगेन ।
४५२८२ सेहिरे न किरणा हिमरश्मेर्दुःखिते मनसि सर्वमसह्यम् ॥
४५२९१ आतरलाघवहेतोर्मुरहर तरिं तवावलम्बे ।
४५२९२ अपणं पणमिह कुरुषे नाविकपुरुषे न विश्वासः ॥
४५३०१ आताम्रतामपनयामि विवर्ण एष लाक्षाकृतां चरणयोस्तव देवि मूर्ध्ना ।
४५३०२ कोपोपरागजनितां तु मुखेन्दुबिम्बे हर्तुं क्षमो यदि परं करुणामयि स्यात् ॥
४५३११ आताम्राः किरणा रवेर्नवदलत्वक्पल्लवाः पादपाः वल्ल्यस्तारकतुल्यकान्तिसुमनःसौरभ्यसंभाविताः ।
४५३१२ वात्यस्मिन्मधुमत्तषट्पदपदव्याधूतचूतद्रुम प्राग्भारप्रपतत्परागपटलामोदी मरुद्दाक्षिणः ॥
४५३२१ आताम्राभा रोषभाजः कटान्तादाशूत्खाते मार्गणे धूर्गतेन ।
४५३२२ निश्च्योतन्ती नागराजस्य जज्ञे दानस्याहो लोहितस्येव धारा ॥
४५३३१ आताम्रायतलोचनांशुलहरीलीलासुधाप्यायितैः गीताम्रेडितदिव्यकेलिभरितैः स्फीतं व्रजस्त्रीजनैः ।
४५३३२ स्वेदाम्भःकणभूषितेन किमपि स्मेरेण वक्त्रेन्दुना पादाम्भोजमृदुप्रचारसुभगं पश्यामि दृश्यं महः ॥
४५३४१ आताम्रे नयने स्फुरन् कुचभरः श्वासो न विश्राम्यति स्वेदाम्भःकणदन्तुरं तव मुखं हेतुस्तु नो लक्ष्यते ।
४५३४२ धिक्को वेद मनः स्त्रिया इति गिरा रुष्टां प्रियां भीषयंस्तस्यास्तत्क्षणकातरेक्षणपरिस्पृष्टो हरिः पातु वः ॥
४५३५१ आताम्रौ पूजितावोष्ठौ लेलिहानौ मृदुत्वचौ ।
४५३५२ जिह्वा रक्ता च तन्वी च तालु रक्तं प्रशस्यते ॥
४५३६१ आतारुण्योद्भेदात्कान्ते दृष्टिर्यथा न्यस्ता ।
४५३६२ सामाजिकमध्यस्था कथमन्या समुपयाति परभागम् ॥
४५३७१ आतिथ्यं ब्राह्मणानां तु कुर्यात्प्रतिदिनं गृहे ।
४५३७२ आतिथ्ये रन्तिदेवस्य मधुपर्कं गवां शतम् ॥
४५३८१ आतिथ्ये श्राद्धयज्ञेषु देवयात्रोत्सवेषु च ।
४५३८२ महाजने च सिद्धार्थो न गच्छेद्योगवित्क्वचित् ॥
४५३९१ आतुरस्य कुतो निद्रा त्रस्तस्यामर्षितस्य च ।
४५३९२ अर्थं चिन्तयतो वापि कामयानस्य वा पुनः ॥
४५४०१ आतुराद्वित्तहरणं मृताच्च प्रपलायनम् ।
४५४०२ एतद्वैद्यस्य वैद्यत्वं न वैद्यः प्रभुरायुषः ॥
४५४११ आतुरे च पिता वैद्यः स्वस्थीभूते च बान्धवः ।
४५४१२ गते रोगे कृते स्वास्थ्ये वैद्यो भवति पालकः ॥
४५४२१ आतुरे नियमो नास्ति बाले वृद्धे तथैव च ।
४५४२२ पराचाररते चैव एष धर्मः सनातनः ॥
४५४३१ आत्तमात्तमधिकान्तमुक्षितुं कातरा शफरशङ्किनी जहौ ।
४५४३२ अञ्जलौ जलमधीरलोचना लोचनप्रतिशरीरलाञ्छितम् ॥
४५४४१ आत्ते वाससि रोद्धुमक्षमतया दोःकन्दलीभ्यां स्तनौ तस्योरःस्थलमुत्तरीयविषये सद्यो मया सञ्जितम् ।
४५४४२ श्रोणीं तस्य करेऽधिरोहति पुनर्व्रीडाम्बुधौ मामथो मज्जन्तीमुदतारयन्मनसिजो देवः स मूर्च्छागुरुः ॥
४५४५१ आत्ते सीमन्तरत्ने मरकतिनि हृते हेमताटङ्कपत्रे लुप्तायां मेखलायां झटिति मणितुलाकोटियुग्मे गृहीते ।
४५४५२ शोणं बिम्बोष्ठकान्त्या त्वदरिमृगदृशामित्वरीणामरण्ये राजन् गुञ्जाफलानां स्रज इति शबरा नैव हारं हरन्ति ॥
४५४६१ आत्मकार्यं महाकार्यं परकार्यं न केवलम् ।
४५४६२ आत्मकार्यस्य दोषेण कूपे पतति मानवः ॥
४५४७१ आत्मच्छन्देन वर्तन्ते नार्यो मन्मथचोदिताः ।
४५४७२ न च दह्यन्ति गच्छन्त्यः सुतप्तैरपि पांसुभिः ॥
४५४८१ आत्मच्छिद्रं न जानाति परच्छिद्राणि पश्यति ।
४५४८२ श्वच्छिद्रं यदि जानाति परच्छिद्रं न पश्यति ॥
४५४९१ आत्मजन्मास्पदं वंशं कामं दहन वार्यसे ।
४५४९२ किं तु संनिहितानेताणप्यग्ने किं दहस्यहो ॥
४५५०१ आत्मजादिपरिक्लेशमात्मन्यारोप्य मूढधीः ।
४५५०२ प्रतिकर्तुमशक्तोऽपि वार्द्धक्ये शोचते परम् ॥
४५५११ आत्मज्ञः शौचवान् दान्तस्तपस्वी विजितेन्द्रियः ।
४५५१२ धर्मकृद्वेदविद्यावित्सात्त्विको देवयोनिताम् ॥
४५५२१ आत्मज्ञानं समारम्भस्तितिक्षा धर्मनित्यता ।
४५५२२ यमर्थान्नापकर्षन्ति स वै पण्डित उच्यते ॥
४५५३१ आत्मज्ञानमनायासस्तितिक्षा धर्मनित्यता ।
४५५३२ वाक्चैव गुप्ता दानं च नैतान्यन्त्येषु भारत ॥
४५५४१ आत्मज्ञानी यतो धन्यो मध्यः पितृपितामहैः ।
४५५४२ मातृपक्षेण मात्रा च ख्यातिं याति नराधमः ॥
४५५५१ आत्मतत्त्वं न जानाति करोति बहुविस्तरम् ।
४५५५२ स एव निधनं याति नालिकेरोदकं यथा ॥
४५५६१ आत्मदेहस्य मांसानि भोक्तुं ब्रह्मन्न शक्यते ।
४५५६२ देहिनां वद यद्योग्यं संतुष्टिर्जायते यतः ॥
४५५७१ आत्मदोषैर्नियच्छन्ति सर्वे दुःखमुखे जनाः ।
४५५७२ मन्ये दुश्चरितं तेऽस्ति तस्येयं निष्कृतिः कृता ॥
४५५८१ आत्मद्वेषाद्भवेन्मृत्युः परद्वेषाद्धनक्षयः ।
४५५८२ राजद्वेषाद्भवेन्नाशो ब्रह्मद्वेषात्कुलक्षयः ॥
४५५९१ आत्मनः प्रतिकूलानि परेभ्यो यदि नेच्छसि ।
४५५९२ परेषां प्रतिकूलेभ्यो निवर्तय ततो मनः ॥
४५६०१ आत्मनः प्रीयते नात्मा परतः स्वत एव वा ।
४५६०२ लक्षयेऽलब्धकामं त्वां चिन्तया शबलं मुखम् ॥
४५६११ आत्मनः शक्तिमुद्वीक्ष्य मानोत्साहौ तु यो व्रजेत् ।
४५६१२ शत्रूनेकोऽपि हन्याच्च क्षत्रियान् भार्गवो यथा ॥
४५६२१ आत्मनश्च परित्राणे दक्षिणानां च संगरे ।
४५६२२ स्त्रीविप्राभ्युपपत्तौ च घ्नन् धर्मेण न दुष्यति ॥
४५६३१ आत्मनश्च परेषां च प्रतापस्तव कीर्तिनुत् ।
४५६३२ भयकृद्भूपतेर्बाहुर्द्विषां च सुहृदां च ते ॥
४५६४१ आत्मनश्च परेषां च यः समीक्ष्य बलाबलम् ।
४५६४२ अन्तरं नैव जानाति स तिरस्क्रियतेऽरिभिः ॥
४५६५१ आत्मनश्चपलो नास्ति कुतोऽन्येषां भविष्यति ।
४५६५२ तस्मात्सर्वाणि कार्याणि चपलो हन्त्यसंशयम् ॥
४५६६१ आत्मनश्च प्रजायाश्च दोषदर्श्युत्तमो नृपः ।
४५६६२ विनियच्छति चात्मानमादौ भृत्यांस्ततः प्रजाः ॥
४५६७१ आत्मनात्मानमन्विच्छेन्मनोबुद्धीन्द्रियैर्यतैः ।
४५६७२ आत्मैव ह्यात्मनो बन्धुरात्मैव रिपुरात्मनः ॥
४५६८१ आत्मनानर्थयुक्तेन पापे निविशते मनः ।
४५६८२ स कर्म कलुषं कृत्वा क्लेशे महति धीयते ॥
४५६९१ आत्मनाम गुरोर्नाम नामातिकृपणस्य च ।
४५६९२ आयुष्कामो न गृह्णीयात्ज्येष्ठापत्यकलत्रयोः ॥
४५७०१ आत्मना विहितं दुःखमात्मना विहितं सुखम् ।
४५७०२ गर्भशय्यामुपादाय भुज्यते पौर्वदेहिकम् ॥
४५७११ आत्मनाशाय नोन्नत्यै छिद्रेण परिपूर्णता ।
४५७१२ भूयो भूयो घटीपात्रं निमज्जत्किं न पश्यसि ॥
४५७२१ आत्मना संगृहीतेन शत्रुणा शत्रुमुद्धरेत् ।
४५७२२ पदलग्नं करस्थेन कण्टकेनैव कण्टकम् ॥
४५७३१ आत्मनिन्दात्मपूजा च परनिन्दा परस्तवः ।
४५७३२ अनाचरितमार्याणां वृत्तमेतच्चतुर्विधम् ॥
४५७४१ आत्मनीनमुपतिष्ठते गुणाः संभवन्ति विरमन्ति चापदः ।
४५७४२ इत्यनेकफलभाजि मा स्म भूदर्थिता कथमिवार्यसंगमे ॥
४५७५१ आत्मनैव गुणदोषकोविदः किं न वेत्सि करणीयवस्तुषु ।
४५७५२ यत्तथापि न गुरून्न पृच्छसि त्वं क्रमोऽयमिति तत्र कारणम् ॥
४५७६१ आत्मनो गुरुरात्मैव पुरुषस्य विशेषतः ।
४५७६२ यत्प्रत्यक्षानुमानाभ्यां श्रेयोऽसावनुविन्दते ॥
४५७७१ आत्मनो न सहायार्थं पिता माता च तिष्ठति ।
४५७७२ न पुत्रदारा न ज्ञातिर्धर्मस्तिष्ठति केवलम् ॥
४५७८१ आत्मनो बलमज्ञात्वा धर्मार्थपरिवर्जितम् ।
४५७८२ अलभ्यमिच्छन्नैष्कर्म्यान्मूढबुद्धिरिहोच्यते ॥
४५७९१ आत्मनोऽभ्युदयाकाङ्क्षी पीड्यमानः परेण वा ।
४५७९२ देशकालबलोपेतः प्रारभेतैव विग्रहम् ॥
४५८०१ आत्मनो मुखदोषेण बध्यन्ते शुकसारिकाः ।
४५८०२ बकास्तत्र न बध्यन्ते मौनं सर्वार्थसाधनम् ॥
४५८११ आत्मनोऽर्धमिति श्रौतं सा रक्षति धनं प्रजा ।
४५८१२ शरीरं लोकयात्रां वै धर्मं स्वर्गमृषीन् पित्न् ॥
४५८२१ आत्मनो वधमाहर्ता क्वासौ विहगतस्करः ।
४५८२२ येन तत्प्रथमं स्तेयं गोप्तुरेव गृहे कृतम् ॥
४५८३१ आत्मनो विक्रियमिव कुर्वन् दद्यात्समीहितम् ।
४५८३२ जलवत्पर्वताञ्छत्रून् भिन्द्यादनुपलक्षितः ॥
४५८४१ आत्मन्निच्छसि हन्त शाश्वतपुरीमार्गे विहर्तुं यदि भ्रातः संयमवर्मणा कुरु तदा रक्षाविधिं सर्वतः ।
४५८४२ नो चेदिन्द्रियतस्करैस्तव हठात्तीक्ष्णाग्रभूरिस्फुरच्चिन्ताभल्लशतैर्विभिद्य मनसो ग्राह्यो विवेको मणिः ॥
४५८५१ आत्मन्यपि न विश्वासस्तावान् भवति सत्सु यः ।
४५८५२ तस्मात्सत्सु विशेषेण सर्वः प्रणयमिच्छति ॥
४५८६१ आत्मन्यस्य समुच्छ्रितीकृतगुणस्याहोतरामौचिती यद्गात्रान्तरवर्जनादजनयद्भूजानिरेष द्विषाम् ।
४५८६२ भूयोऽहंक्रियते स्म येन च हृदा स्कन्धो न यश्चानमत्तन्मर्माणि दलं दलं समिदलंकर्मीणबाणव्रजः ॥
४५८७१ आत्मपक्षक्षयायैव परपक्षोदयाय च ।
४५८७२ मन्त्रद्वैधममात्यानां तन्न स्यादिह भूतये ॥
४५८८१ आत्मपक्षपरित्यागात्परपक्षेषु यो रतः ।
४५८८२ स परैर्हन्यते मूढो नीलवर्णशृगालवत् ॥
४५८९१ आत्मपितृभ्रातरश्च तत्स्त्रीपुत्राश्च शत्रवः ।
४५८९२ स्नुषा श्वश्रूः सपत्नी च ननान्दा यातरस्तथा ॥
४५९०१ आत्मपितृमातृगुणैः प्रख्यातश्चोत्तमोत्तमः ।
४५९०२ गुणैरात्मभवैः ख्यातः पैतृकैर्मातृकैः पृथक् ॥
४५९११ आत्मप्रतीतिर्दृढता विरक्तिरिति त्रयं स्वात्मनि यो दधाति ।
४५९१२ नेता स एवास्ति समस्तशिष्ट गुणाश्रयत्वान्निखिलप्रजानाम् ॥
४५९२१ आत्मप्रशंसा मरणं परनिन्दा च तादृशी ।
४५९२२ तथापि वक्ष्ये काकुत्स्थ नास्ति मत्सदृशः कपिः ॥
४५९३१ आत्मप्रशंसिनं दुष्टं धृष्टं विपरिधावकम् ।
४५९३२ सर्वत्रोत्सृष्टदण्डं च लोकः सत्कुरुते नरम् ॥
४५९४१ आत्मबुद्धिः सुखं चैव गुरुबुद्धिर्विशेषतः ।
४५९४२ परबुद्धिरर्विनाशाय स्त्रीबुद्धिः प्रलयंकरी ॥
४५९५१ आत्मबुद्ध्या सुखी भूयात्गुरुबुद्ध्या विशेषतः ।
४५९५२ बहुबुद्ध्या विनाशः स्यात्स्त्रीबुद्ध्या प्रलयो भवेत् ॥
४५९६१ आत्मभाग्यक्षतद्रव्यः स्त्रीद्रव्येणानुकम्पितः ।
४५९६२ अर्थतः पुरुषो नारी या नारी सार्थतः पुमान् ॥
४५९७१ आत्मरक्षा हि सततं पूर्वं कार्या विजानता ।
४५९७२ अग्नाविव हि संप्रोक्ता वृत्ती राजोपजीविनाम् ॥
४५९८१ एकदेशंदहेदग्निः शरीरं वा परं गतः ।
४५९८२ सपुत्रदारं राजा तु घातयेदर्धयेत वा ॥
४५९९१ आत्मरक्षिततन्त्राणां सुपरीक्षितकारिणाम् ।
४५९९२ आपदो नोपपद्यन्ते पुरुषाणां स्वदोषजाः ॥
४६००१ आत्मरतिः परशाठ्यं सज्जनबन्धुवर्जनम् ।
४६००२ रिपौ श्रद्धा स्त्रियां भक्तिः तस्य निन्दा भवेद्ध्रुवम् ॥
४६०११ आत्मरुतादपि विरुतं कुर्वाणाः स्पर्धया सह मयूरैः ।
४६०१२ किं जानन्ति वराकाः काकाः केकारवान् कर्तुम् ॥
४६०२१ आत्मवत्सततं पश्येदपि कीटपिपीलिकम् ।
४६०२२ आत्मनः प्रतिकूलानि परेषां न समाचरेत् ॥
४६०३१ आत्मवत्सर्वभूतानि परद्रव्याणि लोष्टवत् ।
४६०३२ मातृवत्परदारांश्च यः पश्यति स पश्यति ॥
४६०४१ आत्मवत्सर्वभूतानि पश्यतां शान्तचेतसाम् ।
४६०४२ अभिन्नमात्मनः सर्वं को दाता दीयते च किम् ॥
४६०५१ आत्मवर्गं परित्यज्य परवर्गं समाश्रयेत् ।
४६०५२ स्वयमेव लयं याति यथा राजान्यधर्मतः ॥
४६०६१ आत्मवर्गं परित्यज्य परवर्गेषु ये रताः ।
४६०६२ वानवन्नहं रोदिमि आत्मानं नैव रोद्यते ॥
४६०७१ आत्मवर्गं परित्यज्य परवर्गेषु ये रताः ।
४६०७२ सर्वे तेऽपि विनश्यन्ति यथा राजा कुकर्दमः ॥
४६०८१ आत्मवांस्त्वल्पदेशोऽपि युक्तः प्रकृतिसंपदा ।
४६०८२ नयज्ञः पृथिवीं कृत्स्नां जयत्येव न हीयते ॥
४६०९१ आत्मविक्रयिणि क्लीबे सदा शङ्कितचेतसि ।
४६०९२ नित्यमिष्टवियोगार्ते किं सेवकपशौ सुखम् ॥
४६१०१ आत्मवित्सह तया दिवानिशं भोगभागपि न पापमाप सः ।
४६१०२ आहृता हि विषयैकतानता ज्ञानधौतमनसं न लिम्पति ॥
४६१११ आत्मसंपद्गुणैः सम्यक्संयुक्तं युक्तकारिणम् ।
४६११२ महेन्द्रमिव राजानं प्राप्य लोको विवर्धते ॥
४६१२१ आत्मसंभाविताः स्तब्धा धनमानमदान्विताः ।
४६१२२ यजन्ते नामयज्ञैस्ते दम्भेनाविधिपूर्वकम् ॥
४६१३१ आत्मस्त्रीधनगुह्यानां गोप्ता बन्धुस्तु मित्रवत् ।
४६१३२ धनदस्तु कुबेरः स्याद्यमः स्याच्च सुदण्डकृत् ॥
४६१४१ आत्मस्त्रीधनगुह्यानां शरणं समये सुहृत् ।
४६१४२ प्रोक्तोत्तमोऽयमन्यश्च त्रिद्व्येकपदमित्रकः ॥
४६१५१ आत्महेतोः परार्थे वा नर्महास्याश्रयात्तथा ।
४६१५२ ये मृषा न वदन्तीह ते नराः स्वर्गगामिनः ॥
४६१६१ आत्मा कायश्च द्वावेतौ मित्ररूपावुभावपि ।
४६१६२ कायं मित्रं परित्यज्य आत्मा याति सुनिश्चितम् ॥
४६१७१ आत्मा जन्मशतैर्धनार्जनधिया मिथ्या किमायास्यते पङ्गोः श्रीर्गृहमेति लङ्घितभुवो दैवेच्छया निर्धनाः ।
४६१७२ इत्येताः पुरुषार्थमूलहतयः कैश्चित्समुत्सारिता मुग्धानामलसोत्कटाः प्रतिपदं कुर्वन्ति चित्तभ्रमम् ॥
४६१८१ आत्मा जेयः सदा राज्ञा ततो जेयाश्च शत्रवः ।
४६१८२ अजितात्मा नरपतिर्विजयेत कथं रिपून् ॥
४६१९१ आत्मात्मनैव जनितः पुत्र इत्युच्यते बुधैः ।
४६१९२ तस्माद्भार्यां नरः पश्येन्मातृवत्पुत्रमातरम् ॥
४६२०१ आत्माधीनशरीराणां स्वपतां निद्रया स्वया ।
४६२०२ कदन्नमपि मर्त्यानाममृतत्वाय कल्पते ॥
४६२११ आत्मानं कुपथेन निर्गमयितुं यः सूकलाश्वायते कृत्याकृत्यविवेकजीवितहतौ यः कृष्णसर्पायते ।
४६२१२ यः पुण्यद्रुमखण्डखण्डनविधौ स्फूर्जत्कुठारायते तं लुप्तव्रतमुद्रमिन्द्रियगणं जित्वा शुभंयुर्भव ॥
४६२२१ आत्मानं च जगत्सर्वं दृशा नित्याविभिन्नया ।
४६२२२ चिदाकाशमयं ध्यायन् योगी याति परां गतिम् ॥
४६२३१ आत्मानं च परं चैव त्रायते महतो भयात् ।
४६२३२ क्रुध्यन्तमप्रतिक्रुध्यन् द्वयोरेष चिकित्सकः ॥
४६२४१ आत्मानं च परं चैव पलायन् हन्ति संयुगे ।
४६२४२ द्रव्यनाशो व्ययोऽकीर्तिरयशश्च पलायने ॥
४६२५१ आत्मानं च परं चैव वीक्ष्य धीरः समुत्पतेत् ।
४६२५२ एतदेव हि विज्ञानं यदात्मपरवेदनम् ॥
४६२६१ आत्मानं धर्मकृत्यं च पुत्रदारांश्च पीडयन् ।
४६२६२ देवतातिथिभृत्यांश्च स कदर्य इति स्मृतः ॥
४६२७१ आत्मानं नावमन्येत पूर्वाभिरसमृद्धिभिः ।
४६२७२ आमृत्योः श्रियमन्विच्छेन्नैनां मन्येत दुर्लभाम् ॥
४६२८१ आत्मानं नियमैस्तैस्तैः कर्षयित्वा प्रयत्नतः ।
४६२८२ प्राप्यते निपुणैर्धर्मो न सुखाल्लभ्यते सुखम् ॥
४६२९१ आत्मानं परमं प्रमाणनिकरैरप्राप्यमव्याहतं ज्ञेयं यद्गुरुवीक्षणादपि जना मूढास्तु मुक्त्वैव तत् ।
४६२९२ कोशेषु प्रमितेषु पञ्चसु परिज्ञातुं समुद्युञ्जते नष्टेभाः कलशान्तरेष्वपि करं कृत्वा विचिन्वन्ति हि ॥
४६३०१ आत्मानं प्रथमं राजा विनयेनोपपादयेत् ।
४६३०२ ततः पुत्रांस्ततोऽमात्यांस्ततो भृत्यांस्ततः प्रजाम् ॥
४६३११ आत्मानं प्रथमं राजा विनयेनोपपादयेत् ।
४६३१२ ततोऽमात्यांस्ततो भृत्यांस्ततः पुत्रांस्ततः प्रजाः ॥
४६३२१ आत्मानं भावयेन्नित्यं ज्ञानेन विनयेन च ।
४६३२२ न पुनर्म्रियमाणस्य पश्चात्तापो भविष्यति ॥
४६३३१ आत्मानं मन्त्रिणं दूतममात्यवचनं क्रमम् ।
४६३३२ आकारं ब्रुवते षष्ठमेतावान्मन्त्रनिश्चयः ॥
४६३४१ आत्मानं मन्त्रिदूतं च च्छन्नं त्रिषवणक्रमम् ।
४६३४२ आकारं ब्रुवते षष्ठमेतावान्मन्त्रनिश्चयः ॥
४६३५१ आत्मानं सततं रक्षेद्दारैरपि धनैरपि ।
४६३५२ पुनर्दाराः पुनर्वित्तं न शरीरं पुनः पुनः ॥
४६३६१ आत्मानं सर्वथा रक्षेद्राजा रक्षेच्च मेदिनीम् ।
४६३६२ आत्ममूलमिदं सर्वमाहुर्हिविदुषो जनाः ॥
४६३७१ आत्मानं सुस्थिरं लक्ष्यं चैव स्थिरं बुधः ।
४६३७२ वेधयेत्त्रिप्रकारं तु स्थिरवेधी स उच्यते ॥
४६३८१ आत्मा नदी भारत पुण्यतीर्था सत्योदका धृतिकूला दमोर्मिः ।
४६३८२ तस्यां स्नातः पूयते पुण्यकर्मा पुण्यो ह्यात्मा नित्यमम्भोऽम्भ एव ॥
४६३९१ आत्मा नदी संयमपुण्यतीर्था सत्योदका शीलसमाधियुक्ता ।
४६३९२ तस्यां स्नातः पुण्यकर्मा पुनाति न वारिणा शुद्ध्यति चान्तरात्मा ॥
४६४०१ आत्मानन्दरसज्ञानामलं शास्त्रावलोकनम् ।
४६४०२ भक्षितव्या ह्यपूपाः किं गण्यानि सुषिराणि किम् ॥
४६४११ आत्मानमनुशोच त्वं किमन्यमनुशोचसि ।
४६४१२ आयुस्ते हीयते यस्य स्थितस्य च गतस्य च ॥
४६४२१ आत्मानमन्यमथ हन्ति जहाति धर्मं पापं समाचरति युक्तमपाकरोति ।
४६४२२ पूज्यं न पूजयति वक्ति विनिन्द्यवाक्यं किं किं करोति न नरः खलु कोपयुक्तः ॥
४६४३१ आत्मानमम्भोनिधिरेतु शोषं ब्रह्माण्डमासिञ्चतु वा तरङ्गैः ।
४६४३२ नास्ति क्षतिर्नोपचितः कदापि पयोदवृत्तेः खलु चातकस्य ॥
४६४३ १ आत्मानमाख्याति हि कर्मभिर्नरः स्वशीलचारित्रकृतैः शुभाशुभैः ।
४६४३ २ प्रनष्टमप्यात्मकुलं तथा नरः पुनः प्रकाशं कुरुते स्वकर्मभिः ॥
४६४४१ आत्मानमात्मना वेत्सि सृजस्यात्मानमात्मना ।
४६४४२ आत्मना कृतिना च त्वमात्मन्येव प्रलीयसे ॥
४६४५१ आत्मानमालोक्य च शोभमानमादर्शबिम्बे स्तिमितायताक्षी ।
४६४५२ हरोपयाने त्वरिता बभूव स्त्रीणां प्रियालोकफलो हि वेषः ॥
४६४६१ आत्मानमेव प्रथमं देशरूपेण यो जयेत् ।
४६४६२ ततोऽमात्यानमित्रांश्च न मोघं विजिगीषते ॥
४६४७१ आत्मानमेव प्रथममिच्छेद्गुणसमन्वितम् ।
४६४७२ कुर्वीत गुणसंपन्नस्ततः शेषपरीक्षणम् ॥
४६४९१ आत्मापि चायं न मम सर्वा वा पृथिवी मम ।
४६४९२ यथा मम तथान्येषामिति बुद्ध्या न मे व्यथा ॥
४६५०१ आत्मा प्रयत्नादर्थेभ्यो मनः समधितिष्ठति ।
४६५०२ संयोगादात्ममनसोः प्रवृत्तिरुपजायते ॥
४६५११ आत्माभिधं सुखमनन्तमखण्डमेकं यज्ञादिकर्मजनितेन सुखेन तुल्यम् ।
४६५१२ मा ब्रूहि कर्म सुखदं तदपीति बुद्ध्या रत्नाकरस्य सदृशं नु कुलालकुण्डम् ॥
४६५२१ आत्मा मनश्च तद्विद्यैरन्तःकरणमुच्यते ।
४६५२२ ताभ्यां तु सप्रयत्नाभ्यां संकल्प उपजायते ॥
४६५३१ आत्मा बुद्धीन्द्रियाण्यर्था बहिष्करणमुच्यते ।
४६५३२ संकल्पाध्यवसायाभ्यां सिद्धिरस्य प्रकीर्त्तिता ॥
४६५४१ उभे एते हि करणे यत्नानन्तर्यके स्मृते ।
४६५४२ तस्मात्प्रयत्नसंरोधाद्भावयेन्निर्मनस्कताम् ॥
४६५५१ आत्मायत्ते गुणग्रामे नैर्गुण्यं वचनीयता ।
४६५५२ दैवायत्तेषु वित्तेषु पुंसां का नाम वाच्यता ॥
४६५६१ आत्मायमात्मनि गतो हृदयेऽतिसूक्ष्मो ग्राह्योऽचलेन मनसा सतताभियोगात् ।
४६५६२ यो यं विचिन्तयति याति स तन्मयत्वं यस्मादतः सुभगमेव गता युवत्यः ॥
४६५७१ आत्मा यस्य वशे नास्ति कुतस्तस्य परे जनाः ।
४६५७२ आत्मानं वशमानीय त्रैलोक्यं वर्तते वशे ॥
४६५८१ आत्मा रक्ष्यः प्रयत्नेन युद्धसिद्धिर्हि चञ्चला ।
४६५८२ ते स्वामिवचनं सर्वे प्रतिगृह्य महौजसः ॥
४६५९१ आत्मारामा विहितरतयो निर्विकल्पे समाधौ ज्ञानोद्रेकाद्विघटिततमोग्रन्थयः सत्त्वनिष्ठाः ।
४६५९२ यं वीक्षन्ते कमपि तमसां ज्योतिषां वा परस्तात्तं मोहान्धः कथमयममुं वेत्तु देवं पुराणम् ॥
४६६०१ आत्मार्थं जीवलोकेऽस्मिन् को न जीवति मानवः ।
४६६०२ परं परोपकारार्थं यो जीवति स जीवति ॥
४६६११ आत्मार्थं यः पशून् हन्यात्सोऽवश्यं नरकं व्रजेत् ।
४६६१२ देवान् पित्न् समभ्यर्च्य खादन्मांसं न दोषभाक् ॥
४६६२१ आत्मार्थं युक्तवित्तानां मित्रमण्डलभेदिनाम् ।
४६६२२ अतिलङ्घितलोकानां न बन्धः केनचित्क्वचित् ॥
४६६३१ आत्मार्थत्वेन हि प्रेयान् विषयो न स्वतः प्रियः ।
४६६३२ स्वत एव हि सर्वेषामात्मा प्रियतमो यतः ।
४६६३३ तत आत्मा सदानन्दो नास्य दुःखं कदाचन ॥
४६६४१ आत्मार्थे संततिस्त्याज्या राज्यं रत्नं धनं तथा ।
४६६४२ अपि सर्वस्वमुत्सृज्य रक्षेदात्मानमात्मना ॥
४६६५१ ... ... ... ... ... ... ।
४६६५२ आत्मा वै यमितो येन स यमस्तु विशिष्यते ॥
४६६६१ आत्मा समस्तजगतां भवतीति सम्यग्विज्ञाय यद्वितनुते त्वयि भावबन्धम् ।
४६६६२ सा भक्तिरित्यभिमतं यदि सिद्धमिष्टं व्यर्थं विशेष्यमलमस्तु विशेषणं नः ॥
४६६७१ आत्मा सहैति मनसा मन इन्द्रियेण स्वार्थेन चेन्द्रियमिति क्रम एष शीघ्रः ।
४६६७२ योगोऽयमेव मनसः किमगम्यमस्ति यस्मिन्मनो व्रजति तत्र गतोऽयमात्मा ॥
४६६८१ आत्मास्ति सर्वजगतामाधारः पूर्वमिति विचिन्त्यैव ।
४६६८२ पश्चात्तत्त्वविचारः कुड्ये सत्येव चित्रकर्म स्यात् ॥
४६६९१ आत्मा हि दाराः सर्वेषां दारसंग्रहवर्तिनाम् ।
४६६९२ ... ... ... ... ... ... ॥
४६७०१ आत्मीयं चरणं दधाति पुरतो निम्नोन्नतायां भुवि स्वीयेनैव करेण कर्षति तरोः पुष्पं श्रमाशङ्कया ।
४६७०२ तल्पे किं च मृगत्वचा विरचिते निद्राति भागैर्निजैरन्तःप्रेमभरालसां प्रियतमामङ्गे दधानो हरः ॥
४६७११ आत्मैव तातस्य चतुर्भुजस्य जातश्चतुर्दोरुचितः स्मरोऽपि ।
४६७१२ तच्चापयोः कर्णलते भ्रुवोर्ज्ये वंशत्वगंशौ चिपिटे किमस्याः ॥
४६७२१ आत्मैव देवताः सर्वाः सर्वमात्मन्यवस्थितम् ।
४६७२२ आत्मा हि जनयत्येषां कर्मयोगं शरीरिणाम् ॥
४६७३१ आत्मैव भार इति तं त्वयि यो निधत्ते सोऽङ्गानि कानि कलयत्वलसः प्रपत्तेः ।
४६७३२ विश्वत्र सात्र सविलक्षणलक्षणाया विस्रम्भसंपदियमेव समस्तमङ्गि ॥
४६७४१ आत्मैव यदि नात्मानमहितेभ्यो निवारयेत् ।
४६७४२ कोऽन्यो हितकरस्तस्मादात्मानं वारयिष्यति ॥
४६७५१ आत्मैव ह्यात्मनः साक्षी गतिरात्मा तथात्मनः ।
४६७५२ मावमंस्थाः स्वमात्मानं नृणां साक्षिणमुत्तमम् ॥
४६७६१ आत्मैव ह्यात्मनो बन्धुरात्मैव रिपुरात्मनः ।
४६७६२ आत्मैव चात्मनः साक्षी कृतस्याप्यकृतस्य च ॥
४६७७१ अत्मोदयः परज्यानिर्द्वयं नीतिरितीयती ।
४६७७२ तदूरीकृत्य कृतिभिर्वाचस्पत्यं प्रतीयते ॥
४६७८१ आत्मोपकारचतुरा नरा न गणयन्ति गुरुकुलक्लेशम् ।
४६७८२ वेधव्यथैव कियती श्रवसो ह्यवतंसभूषणीयस्य ॥
४६७९१ आत्मोपमश्च भूतेषु यो वै भवति पूरुषः ।
४६७९२ न्यस्तदण्डो जितक्रोधः स प्रेत्य सुखमेधते ॥
४६८०१ आत्मौपम्येन यो वेत्ति दुर्जनं सत्यवादिनम् ।
४६८०२ स एव वञ्च्यते तेन ब्राह्मणाश्छागतो यथा ॥
४६८११ आत्म्यौपम्येन सर्वत्र समं पश्यति योऽर्जुन ।
४६८१२ सुखं वा यदि वा दुःखं स योगी परमो मतः ॥
४६८२१ आददानः प्रतिदिनं कलाः सम्यङ्महीपतिः ।
४६८२२ शुक्लपक्षे प्रविचरन् शशाङ्क इव वर्द्धते ॥
४६८३१ आदरं राजसदसि धनेन लभते नरः ।
४६८३२ सुभटः शत्रुसंग्रामे विक्रमेण यथा जयम् ॥
४६८४१ आदरणीयगुणा सखि महता निहितासि तेन शिरसि त्वम् ।
४६८४२ तव लाघवदोषोऽयं सौधपताकेव यच्चलसि ॥
४६८५१ आदरेण यथा स्तौति धनवन्तं धनेच्छया ।
४६८५२ तथा चेद्विश्वकर्तारं को न मुच्येत बन्धनात् ॥
४६८६१ आदरेणार्जवेनैव शौर्याद्दानेन विद्यया ।
४६८६२ प्रत्युत्थानाभिगमनैरानन्दस्मितभाषणैः ।
४६८६३ उपकारैः स्वाशयेन वशीकुर्याज्जगत्सदा ॥
४६८७१ आ दर्शनात्प्रविष्टा सा मे सुरलोकसुन्दरी हृदयम् ।
४६८७२ बाणेन मकरकेतोः कृतमार्गमवन्ध्यपातेन ॥
४६८८१ आदर्शाय शशाङ्कमण्डलमिदं हर्म्याय हेमाचलं दीपाय द्युमणिं महीमिव कथं नो भिक्षवे दत्तवान् ।
४६८८२ दित्सापल्लवितप्रमोदसलिलव्याकीर्णनेत्राम्बुजो जानीमो भृगुनन्दनस्तदखिलं न प्रायशो दृष्टवान् ॥
४६८९१ आदातव्यं न दातव्यं प्रियं ब्रूयन्निरर्थकम् ।
४६८९२ आशां कालवतीं कुर्यात्कालं विघ्नेन योजयेत् ॥
४६९०१ आदातुं सकृदीक्षितेऽपि कुसुमे हस्ताग्रमालोहितं लाक्षारञ्जनवार्तयापि सहसा रक्तं तलं पादयोः ।
४६९०२ अङ्गानामनुलेपनस्मरणमप्यत्यन्तखेदावहं हन्ताधीरदृशः किमन्यदलकामोदोऽपि भारायते ॥
४६९११ आदानं चैव तूणीरात्संधानं कर्षणं तथा ।
४६९१२ क्षेपणं च त्वरायुक्तो बाणस्य कुरुते तु यः ।
४६९१३ नित्याभ्यासवशात्तस्य शीघ्रसंधानता भवेत् ॥
४६९२१ आदानपानलेपैः काश्चिद्गरलोपतापहारिण्यः ।
४६९२२ सदसि स्थितैव सिद्धौ षधिवल्ली कापि जीवयति ॥
४६९३१ आदानमप्रियकरं दानं च प्रियकारकम् ।
४६९३२ अभीप्सितानामर्थानां काले युक्तं प्रशस्यते ॥
४६९४१ आदाय करमाढ्येभ्यः कीकटेष्वपि वर्षसि ।
४६९४२ प्रपीय वारि सिन्धुभ्यः स्थलेष्विव घनाघनः ॥
४६९५१ आदाय चापमचलं कृत्वाहीनं गुणं विषमदृष्टिः ।
४६९५२ यश्चित्रमच्युतशरो लक्ष्यमभाङ्क्षीन्नमस्तस्मै ॥
४६९६१ आदाय दण्डं सकलासु दिक्षु योऽयं परिभ्राम्यति भानुभिक्षुः ।
४६९६२ अब्धौ निमज्जन्निव तापसोऽयं संध्याभ्रकाषायमधत्त सायम् ॥
४६९७१ आदाय धनमनल्पं ददानया सुभग तावकं वासः ।
४६९७२ मुग्धा रजकगृहिण्या कृता दिनैः कतिपयैर्निःस्वा ॥
४६९८१ आदाय पत्रं त्वरितं यदि श्वा दूर्वां नवां वा नवगोमयं वा ।
४६९८२ प्रयाति यातुः परतस्तदानीं राजप्रसादं नियतं ब्रवीति ॥
४६९९१ आदाय प्रतिपक्षकीर्तिनिवहान् ब्रह्माण्डमूषान्तरे निर्विघ्नं धमता नितान्तमुदितैः स्वैरेव तेजोऽग्निभिः ।
४६९९२ तत्तादृक्पुटपाकशोधितमिव प्राप्तं गुणोत्कर्षिणां पिण्डस्थं च महत्तरं च भवता निःक्षारतारं यशः ॥
४७००१ आदाय मांसमखिलं स्तनवर्जमङ्गान्मां मुञ्च वागुरिक यामि कुरु प्रसादम् ।
४७००२ सीदन्ति शष्पकवलग्रहणानभिज्ञा मन्मार्गवीक्षणपराः शिशवो मदीयाः ॥
४७०११ आदाय वकुलगन्धानन्धीकुर्वन् पदे पदे भ्रमरान् ।
४७०१२ अयमेति मन्दमन्दं कावेरीवारिपावनः पवनः ॥
४७०२१ आदाय वारि परितः सरितां मुखेभ्यः किं तावदर्जितमनेन दुरर्णवेन ।
४७०२२ क्षारीकृतं च वडवादहने हुतं च पातालकुक्षिकुहरे विनिवेशितं च ॥
४७०३१ आदाय वारि यत एव जहाति भूयस्तत्रैव यः स जलदः प्रथमो जडानाम् ।
४७०३२ वान्तं प्रतीप्सति तदेव तदेव यस्तु स्रोतःपतिः स निरपत्रपसार्थवाहः ॥
४७०४१ आदाय विप्रस्वमपि नाशयेद्राज्यघातिनः ।
४७०४२ आदायास्थि दधीचेस्तु शक्रो दैत्यान् जघान हि ॥
४७०५१ आदायादाय मुक्तास्तदनु शिखिधियादाय माणिक्यवर्गं धूमभ्रान्तिं वहन्त्यः स्ववदनकमलामोदलुब्धालिवृन्दे ।
४७०५२ पक्तुं भिल्ल्यः प्रवृत्ताः सरभसमसकृद्यद्द्विषत्पत्तनेषु ब्रूमः किं कीर्तिपूरं धवलितवसुधं मल्लशाहस्य तस्य ॥
४७०६१ आदायामृतपूर्णमर्कचषकं शोणारविन्दप्रभे पाणाविन्द्रवधूर्विलोक्य च पुनस्तस्मिन्नभःश्यामिकाम् ।
४७०६२ चिक्षेपोपरि कोपतः परिजनेऽसंशोध्य दत्ता सुधेत्येनं तं शशिनं प्रशंसति जनस्तत्पाणिमुक्तार्जुनम् ॥
४७०७१ आदावघटितं कार्यं मध्ये सुघटितं मम ।
४७०७२ भूयो विघटितं भूयो भूयाद्घटयितुं प्रभुः ॥
४७०८१ आदावङ्कुरितं पुनः प्रतिपदं पत्रावृतं त्वां मुदा सौरभ्यस्फुरितप्रसूनकलितं दृष्ट्वाथ हृष्टोऽस्म्यहम् ।
४७०८२ किं ब्रूमः फलिते त्वयि द्रुततरं हा हन्त किम्पाक हे भूयो व्याकुलयन्ति कण्टकभराः सर्वत्र तत्किं ब्रुवे ॥
४७०९१ आदावञ्जनपुञ्जलिप्तवपुषां श्वासानिलोल्लासित प्रोत्सर्पद्विरहानलेन च ततः संतापितानां दृशाम् ।
४७०९२ संप्रत्येव निषेकमश्रुपयसा देवस्य चेतोभुवो भल्लीनामिव पानकर्म कुरुते कामं कुरङ्गेक्षणा ॥
४७१०१ आदावप्युपचारचाटुविनयालंकारशोभान्वितं मध्ये चापि विचित्रवाक्यकुसुमैरभ्यर्चितं निष्फलैः ।
४७१०२ पैशुन्याविनयावमानमलिनं बीभत्समन्ते च यद्दूरे वोऽस्त्वकुलीनसंगतमसद्धर्मार्थमुत्पादितम् ॥
४७१११ आदावादिपितामहस्य नियमव्यापारपात्रे जलं पश्चात्पन्नगशायिनो भगवतः पादोदकं पावनम् ।
४७११२ भूयः शम्भुजटाविभूषणमणिर्जह्नोर्महर्षेरियं कन्या कल्मषनाशिनी भगवती भागीरथी दृश्यते ॥
४७१२१ आदावायुः परीक्षेत पश्चाल्लक्षणमुत्तमम् ।
४७१२२ आयुर्हीननराणां च लक्षणैः किं प्रयोजनम् ॥
४७१३१ आदावुत्सृज्य कार्याणि पश्चाच्च प्रार्थयन्ति ये ।
४७१३२ ते लोके हास्यतां यान्ति पलाण्डुहरणादिव ॥
४७१४१ आदावेव गजेन्द्रमौलिविलसद्दण्डा पताकावली पश्चाद्वारणराजधोरणिरतिप्रोद्दामयोधाश्रिता ।
४७१४२ उद्दण्डध्वजलाञ्छिताप्यथ घनीभूता रथानां ततिस्तत्पश्चात्तुरगावली विजयते योधैः समं सर्वतः ॥
४७१५१ आदावेव मनुष्येण वर्तितव्यं यथा क्षमम् ।
४७१५२ यथा नातीतमर्थं वै पश्चात्तापेन युज्यते ॥
४७१६१ आदिकवी चतुरास्यौ कमलजवल्मीकजौ वन्दे ।
४७१६२ लोकश्लोकविधात्रोर्ययोर्भिदा लेशमात्रेण ॥
४७१७१ आदितामजननाय देहिनामन्ततां च दधतेऽनपायिने ।
४७१७२ बिभ्रते भुवमधः सदाथ च ब्रह्मणोऽप्युपरि तिष्ठते नमः ॥
४७१८१ आदितालो जयन्तः स्याच्छृङ्गाररससंयुतः ।
४७१८२ रुद्रसंख्याक्षरपदैरायुर्वृद्धिकरः परः ।
४७१८३ एक एव लघुर्यस्मिन्नादितालः स कथ्यते ॥
४७१९१ आदित्यचन्द्रहरिशंकरवासवाद्याः शक्ता न जेतुमतिदुःखकराणि यानि ।
४७१९२ तानीन्द्रियाणि बलवन्ति सुदुर्जयानि ये निर्जयन्ति भुवने बलिनस्त एके ॥
४७२०१ आदित्यचन्द्रावनिजज्ञजीवः शुक्रार्कपुत्रा अपि राहुकेतू ।
४७२०२ कुर्वन्तु नित्यं धनधान्यसौष्ठ्यं दीर्घायुरारोग्यशुभान्यमी वः ॥
४७२११ आदित्यचन्द्रावनिलानलौ च द्यौर्भूमिरापो हृदयं यमश्च ।
४७२१२ अहश्च रात्रिश्च उभे च सन्ध्ये धर्मश्च जानाति नरस्य वृत्तम् ॥
४७२२१ आदित्यस्य गतागतैरहरहः संक्षीयते जीवितं व्यापारैर्बहुकार्यभारगुरुभिः कालो न विज्ञायते ।
४७२२२ दृष्ट्वा जन्मजराविपत्तिमरणं त्रासश्च नोत्पद्यते पीत्वा मोहमयीं प्रमादमदिरामुन्मत्तभूतं जगत् ॥
४७२३१ आदित्यस्य नमस्कारं ये कुर्वन्ति दिने दिने ।
४७२३२ जन्मान्तरसहस्रेषु दारिद्र्यं नोपजायते ॥
४७२४१ आदित्यस्योदयो गानं ताम्बूलं भारतीकथा ।
४७२४२ इष्टा भार्या सुमित्रं च अपूर्वाणि दिने दिने ॥
४७२५१ आदित्याः किं दशैते प्रलयभयकृतः स्वीकृताकाशदेशाः किं वोल्कामण्डलानि त्रिभुवनदहनायोद्यतानीति भीतैः ।
४७२५२ पायासुर्नारसिंहं वपुरमरगणैर्बिभ्रतः शार्ङ्गपाणेर्दृष्टा दृप्तासुरोरस्तलदरणगलद्रक्तरक्ता नखा वः ॥
४७२६१ आदित्यादपि नित्यदीप्तममृतप्रस्यन्दि चन्द्रादपि त्रैलोक्याभरणं मणेरपि तमःकाषं हुताशादपि ।
४७२६२ विश्वालोकि विलोचनादपि परब्रह्मस्वरूपादपि स्वान्तानन्दनमस्तु धाम जगतस्तोषाय सारस्वतम् ॥
४७२७१ आदित्यादिग्रहाः सर्वे नक्षत्राणि च राशयः ।
४७२७२ आयुः कुर्वन्तु ते नित्यं यस्यैषा जन्मपत्रिका ॥
४७२८१ आदित्याद्या ग्रहाः सर्वे यथा तुष्यन्ति दानतः ।
४७२८२ सर्वस्वेऽपि न तुष्येत जामाता दशमो ग्रहः ॥
४७२८ १ आदित्याय तमः सृष्टं मेघाय ग्रीष्मशोषणम् ।
४७२८ २ मार्गश्रमस्तु वृक्षाय दुःखिनस्तूपकारिणे ॥
४७२९१ आदित्योऽयं स्थितो मूढाः स्नेहं कुरुत मा भयम् ।
४७२९२ बहुरूपो मुहूर्तश्च जीवेतापि कदाचन ॥
४७३०१ आदिमत्स्यः स जयताद्यः श्वासोच्छ्वासितैर्जलैः ।
४७३०२ गगने विदधेऽम्भोधिं गगनं च महोदधौ ॥
४७३११ आदिमध्यनिधनेषु सौहृदं सज्जने भवति नेतरे जने ।
४७३१२ छेदतापननिघर्षताडनैर्नान्यभावमुपयाति काञ्चनम् ॥
४७३२१ आदिमध्यान्तरहितं दशाहीनं पुरातनम् ।
४७३२२ अद्वितीयमहं वन्दे मद्वस्त्रसदृशं हरिम् ॥
४७३३१ आदिमध्यावसाने च नैव गच्छति विक्रियाम् ।
४७३३२ अत एव कुलीनानां नृपाः कुर्वन्ति संग्रहम् ॥
४७३४१ आदिराजयशोबिम्बमादर्शं प्राप्य वाङ्मयम् ।
४७३४२ तेषामसंनिधानेऽपि न स्वयं पश्य नश्यति ॥
४७३५१ आदीप्तवह्निसदृशैर्मरुतावधूतैः सर्वत्र किंशुकवनैः कुसुमावनम्रैः ।
४७३५२ सद्यो वसन्तसमयेन समागतेयं रक्तांशुका नववधूरिव भाति भूमिः ॥
४७३६१ आदीर्घेण चलेन वक्रगतिना तेजस्विना योगिना नीलाब्जद्युतिनाहिना वरमहं दृश्यो न तच्चक्षुषा ।
४७३६२ दष्टे सन्ति चिकित्सका दिशि दिशि प्रायेण धर्मार्थिनो मुग्धाक्षीक्षणवीक्षितस्य नहि मे वैद्यो न चाप्यौषधम् ॥
४७३७१ आदूरात्प्रतिपान्थमाहितदृशः प्रत्याशयोन्मीलति ध्वान्ते स्वान्तमहर्व्ययेऽपि न परावृत्तं कुरङ्गीदृशः ।
४७३७२ तस्या निःसहबाहुवल्लिविगलद्धम्मिल्लवद्भङ्गुर ग्रीवं दीर्घमजीववत्प्रियसखीवर्गेण नीतं वपुः ॥
४७३८१ आदृतकुपितभवानी कृतकरमालादिबन्धनव्यसनः ।
४७३८२ केलिकलाकलहादौ देवो वः शंकरः पायात् ॥
४७३९१ आदृता नखपदैः परिरम्भाश्चुम्बितानि घनदन्तनिपातैः ।
४७३९२ सौकुमार्यगुणसंभृतकीर्तिर्वाम एव सुरतेष्वपि कामः ॥
४७४०१ आ दृष्टिप्रसरात्प्रियस्य पदवीमुद्वीक्ष्य निर्विण्णया विश्रान्तेषु पथिष्वहःपरिणतौ ध्वान्ते समुत्सर्पति ।
४७४०२ गत्वैकं सशुचा गृहं प्रति पदं पान्थस्त्रियास्मिन् क्षणे मा भूदागत इत्यमन्दवलितग्रीवं पुनर्वीक्षितम् ॥
४७४११ आदेयस्य प्रदेयस्य कर्तव्यस्य च कर्मणः ।
४७४१२ क्षिप्रमक्रियमाणस्य कालः पिबति तद्रसम् ॥
४७४२१ आदेहदाहं कुसुमायुधस्य विधाय सौन्दर्यकथादरिद्रम् ।
४७४२२ त्वदङ्गशिल्पात्पुनरीश्वरेण चिरेण जाने जगदन्वकम्पि ॥
४७४३१ आदौ कुलं परीक्षेत ततो विद्यां ततो वयः ।
४७४३२ शीलं धनं ततो रूपं देशं पश्चात्विवाहयेत् ॥
४७४४१ आदौ गृहीतपाणिः पश्चादारूढजघनकटिभागा ।
४७४४२ नखमुखलालनसुखदा सा किं रामास्ति नैव भोः पामा ॥
४७४५१ आदौ चित्ते ततः काये सतां संजायते जरा ।
४७४५२ असतां च पुनः काये नैव चित्ते कदाचन ॥
४७४६१ आदौ छायातिदीर्घापि प्राच्यामल्पतरा ततः ।
४७४६२ तथा मैत्र्यसतामादौ दीर्घाप्यल्पतरा भवेत् ॥
४७४७१ आदौ तद्धितकृत्स्नेहं कार्यं स्नेहमनन्तरम् ।
४७४७२ कृत्वा सधर्मवादं च मध्यस्थः साधयेद्धितम् ॥
४७४८१ आदौ तन्व्यो बृहन्मध्या विस्तारिण्यः पदे पदे ।
४७४८२ यायिन्यो न निवर्तन्ते सतां मैत्र्यः सरित्समाः ॥
४७४९१ आदौ तातो वरं पश्येत्ततो वित्तं ततः कुलम् ।
४७४९२ यदि कश्चिद्वरे दोषः किं धनेन कुलेन किम् ॥
४७५०१ आदौ तावद्व्यापारस्था यमवरुणधनदसदृशा भवन्त्यतिगर्विता मानोन्मत्ता दर्पोत्सिक्ताः परिभवहरणनिरता भवन्त्यतिदारुणाः ।
४७५०२ भ्रष्टास्तेभ्यो व्यापारेभ्यो हतिनिगडनियतचरणास्तथा लगुडार्दिता लम्बैः कूर्चैर्दीनैर्वक्त्रैर्मुनय इव शमदमरता भवन्त्यतिभद्रकाः ॥
४७५११ आदौ तु मन्दमन्दानि मध्ये समरसानि च ।
४७५१२ अन्ते स्नेहायमानानि संगतान्युत्तमैः सह ॥
४७५२१ आदौ तु रमणीयानि मध्ये तु विरसानि च ।
४७५२२ अन्ते वैरायमाणानि संगतानि खलैः सह ॥
४७५३१ आदौ दर्शयति नतिं यान्ती यान्ती समुन्नतिं धत्ते ।
४७५३२ अनुकूलापि वराही चिरेण तुच्छं फलं धत्ते ॥
४७५४१ आदौ धर्मे प्रमाणं विविधविधिभिदाशेषतां च प्रयुक्तिं पौर्वापर्याधिकारौ तदनु बहुविधं चातिदेशं तथोहम् ।
४७५४२ बाधं तन्त्रं प्रसङ्गं नयमनयशतैः सम्यगालोचयद्भ्यो भिन्ना मीमांसकेभ्यो विदधति भुवि के सादरं वेदरक्षाम् ॥
४७५५१ आदौ नमस्कृतिः पश्चादाशंसावचनानि च ।
४७५५२ सुभाषितप्रशंसा च कविकाव्यस्तुतिस्ततः ॥
४७५६१ आदौ नम्रस्ततह्स्तब्धः कार्यकाले च निष्ठुरः ।
४७५६२ कृते कार्ये पुनर्नम्रः शिश्नतुल्यो वणिग्जनः ॥
४७५७१ आदौ नम्राः पुनर्वक्राः स्वीयकार्येषु तत्पराः ।
४७५७२ कार्यान्ते च पुनर्वक्राः काण्वास्तु प्राणघातकाः ॥
४७५८१ आदौ न वाप्रणयिनां प्रणयो विधेयो दत्तोऽथवा प्रतिदिनं परिपोषणीयः ।
४७५८२ उत्क्षिप्य यत्क्षिपति तत्प्रकरोति लज्जां भूमौ स्थितस्य पतनाद्भयमेव नास्ति ॥
४७५९१ आदौ नेच्छति नोज्झति स्मरकथां व्रीडाविमिश्रालसा मध्ये ह्रीपरिवर्जिताभ्युपरमे लज्जाविनम्रानना ।
४७५९२ भावैर्नैकविधैः करोत्यभिनयं भूयश्च या सादरा बुद्ध्वा पुंप्रकृतिं यानुचरति ग्लानेतरैश्चेष्टितैः ॥
४७६०१ आदौ पत्रविचित्रितः पुनरसौ मुग्धप्रसूनाङ्कितः पश्चात्स्निग्धफलोद्गमे घनरसैः सिक्तो मया सर्वतः ।
४७६०२ दानोन्मत्तदुरन्तवारणकटीसंघट्टनैः केवलं सोऽयं घूर्णित एव दैववशतो माकन्दभूमीरुहः ॥
४७६११ आदौ प्रेमकषायिता हरमुखव्यापारलोला शनैर्व्रीडाभारविधूर्णिता मुकुलिता धूमोद्गमव्याजतः ।
४७६१२ पत्युः संमिलिता दृशा सरभसव्यावर्तनव्याकुला पार्वत्याः परिणीतिमङ्गलविधौ दृष्टिः शिवायास्तु वः ॥
४७६२१ आदौ बुध्येत पणितः पणमानश्च कारणम् ।
४७६२२ ततो वितर्क्योभयतो मतः श्रेयस्ततो व्रजेत् ॥
४७६३१ आदौ मज्जनचीरहारतिलकं नेत्राञ्जनं कुण्डलं नासामौक्तिकमालतीविकरणं झंकारकं नूपुरम् ।
४७६३२ अङ्गे चन्दनचर्चितं मणिगणः क्षुद्रावलिर्घण्टिका ताम्बूलं करकङ्कणं चतुरता शृङ्गारकाः षोडश ॥
४७६४१ आदौ माता गुरोः पत्नी ब्रह्मणी राजपत्निका ।
४७६४२ धेनुर्धात्री तथा पृथ्वी सप्तैता मातरः स्मृताः ॥
४७६५१ आदौ मानपरिग्रहेण गुरुणा दूरं समारोपिता पश्चात्तापभरेण तानवकृता नीता परं लाघवम् ।
४७६५२ उत्सङ्गान्तरवर्तिनामनुगमात्संपीडिता गामिमां सर्वाङ्गप्रणयप्रियामिव तरुच्छाया समालम्बते ॥
४७६६१ आदौ यादोनिवासोक्तिः पारावारवरोक्तयः ।
४७६६२ क्षीरनीरनिधेरुक्तिर्नद्युक्तिर्जाह्नव्युक्तयः ॥
४७६७१ आदौ रक्तं पुना रक्तं मध्य उज्ज्वलभास्वरम् ।
४७६७२ दुर्निरीक्ष्यप्रभावं तं दृश्यं द्रष्टारमाश्रये ॥
४७६८१ आदौ राजेत्यधीराक्षि पार्थिवः कोऽपि गीयते ।
४७६८२ सनातनश्च नैवासौ राजा नापि सनातनः ॥
४७६९१ आदौ रूपविनाशिनी कृशकरी कामस्य विध्वंसिनी प्रज्ञामान्द्यकरी तपःक्षयकरी धर्मस्य निर्मूलिनी ।
४७६९२ पुत्रभ्रातृकलत्रभेदनकरी लज्जाङ्कुरच्छेदिनी सा मां पीडति सर्वदोषजननी प्राणापहन्त्री क्षुधा ॥
४७७०१ आदौ रूपविनाशिनी कृशकरी कामाङ्कुरच्छेदिनी पुत्रामित्रकलत्रभेदनकरी गर्वाङ्कुरच्छेदिनी ।
४७७०२ कामं मन्दकरी तपःक्षयकरी धर्मस्य निर्मूलनी सा मां संप्रति सर्वरोगजननी प्राणापहन्त्री क्षुधा ॥
४७७११ आदौ लज्जयति कृतं मध्ये परिभवति रिक्तमवसाने ।
४७७१२ खलसंगतस्य कथयत यदि सुस्थितमस्ति किंचिदपि ॥
४७७२१ आदौ वरं निर्धनत्वं धनिकत्वमनन्तरम् ।
४७७२२ तथादौ पादगमनं यानगत्वमनन्तरम् ।
४७७२३ सुखाय कल्पते नित्यं दुःखाय विपरीतकम् ॥
४७७३१ आदौ वितत्य चरणौ विनमय्य कण्ठमुत्थाप्य वक्त्रमभिहत्य मुहुश्च वत्साः ।
४७७३२ मात्रा विवर्तितमुखं मुखलिह्यमान पश्चार्धसुस्थमनसः स्तनमुत्पिबन्ति ॥
४७७४१ आदौ विस्मयनिस्तरङ्गमनु च प्रेङ्खोलितं साध्वसैर्व्रीडानम्रमथ क्षणं प्रविकसत्तारं दिदृक्षारसैः ।
४७७४२ आकृष्टं सहजाभिजात्यकलनात्प्रेम्णा पुरह्प्रेरितं चक्षुर्भूरि कथंकथंचिदगमत्प्रेयांसमेणीदृशः ॥
४७७५१ आदौ वेश्या पुनर्दासी पश्चाद्भवति कुट्टिनी ।
४७७५२ सर्वोपायपरिक्षीणा वृद्धा नारी पतिव्रता ॥
४७७६१ आदौ हालाहलहुतभुजा दत्तहस्तावलम्बो बाल्ये शंभोर्निटिलमहसा बद्धमैत्रीनिरूढः ।
४७७६२ प्रौढो राहोरपि मुखविषेणान्तरङ्गीकृतो यः सोऽयं चन्द्रस्तपति किरणैर्मामिति प्राप्तमेतम् ॥
४७७७१ आद्यः कोपस्तदनु मदनस्त्वद्वियोगस्तृतीयः शान्त्यै दूतीवचनमपरः पञ्चमः शीतभानुः ।
४७७७२ इत्थं बाला निरवधि परं त्वां फलं प्रार्थयन्ती हा हा पञ्चज्वलनमधुना सेवते योगिनीव ॥
४७७८१ आद्यः प्रवेशसमयः स कलेर्युगस्य प्राप्तस्तिरस्कृतबहूदकहंससार्थः ।
४७७८२ आहूय सादरतया तपसोऽन्ति मेऽह्नि काणो द्विजः प्रतिगृहं बत यत्र पूज्यः ॥
४७७९१ आद्यकालिकया बुद्ध्या दूरे श्व इति निर्भयाः ।
४७७९२ सर्वभक्षा न पश्यन्ति कर्मभूमिं विचेतसः ॥
४७८०१ आद्यन्तौ च तदाद्यन्तौ तदाद्यन्तौ च मध्यमौ ।
४७८०२ वह्नीन्दुवायुवरुणपुत्रौ पितृसमप्रभौ ॥
४७८११ आद्याद्यस्य गुणं तेषामवाप्नोति परः परः ।
४७८१२ यो यो यावतिथश्चैषां स स तावद्गुणः स्मृतः ॥
४७८२१ आद्यूनस्तमसां चकोररमणीरागाब्धिमन्थाचलो जीवातुर्जलजस्य वासवदिशाशैलेन्द्रचूडामणिः ।
४७८२२ आदेष्टा श्रुतिकर्मणां कुमुदिनीशोकाग्निपूर्णाहुतिर्देवः सोमरसायनं विजयते विश्वस्य बीजं रविः ॥
४७८३१ आद्ये जग्मुषि ताम्रचूडरटिते श्रोत्रं प्रबुद्धा जवात्किंचिद्वासवदिङ्मुखं प्रविकसद्दृष्ट्वा गवाक्षाध्वना ।
४७८३२ संत्रासेन समीरिता प्रियतमप्रेम्णा च रुद्धा शनैरुत्थानोपनिवेशनानि कुरुते तल्पे मुहुः पांसुला ॥
४७८४१ आद्येन हीना जलधावदृश्यं मध्येन हीनं भुवि वर्णनीयम् ।
४७८४२ अन्तेन हीनं ध्वनते शरीरं हेमाभिधः स श्रियमातनोतु ॥
४७८५१ आद्ये बद्धा विरहदिवसे या शिखा दाम हित्वा शापस्यान्ते विगलितशुचा या मयोद्वेष्टनीया ।
४७८५२ स्पर्शक्लिष्टामयमितनखेनासकृत्सारयन्तीं गण्डाभोगात्कठिनविषयामेकवेणीं करेण ॥
४७८६१ आद्ये यामे तु शङ्खः स्यान्महाशङ्खो द्वितीयके ।
४७८६२ पद्मस्तृतीयके यामे महापद्मश्चतुर्थके ॥
४७८७१ आद्यैर्मद्विहितैः पद्यैः कियद्भिरपरैरपि ।
४७८७२ युता पद्धतिरेषास्तु सज्जनानन्ददायिनी ॥
४७८८१ आद्योऽध्रुवस्ततो मण्ठः प्रतिमण्ठो निसारुकः ।
४७८८२ अडतालस्ततो राग एकताली च संमता ॥
४७८९१ आद्योऽन्तस्थोऽप्यनन्तं दिशति फलमसावद्वितीयं द्वितीयस्तार्तीयीकः पवर्गप्रकृतिरपि बलेनापवर्गं प्रसूते ।
४७८९२ तुर्यश्चातुर्यभाजां विसृजति चतुरः श्रोत्रपान्थः पुमर्थान् राम त्वन्नामवर्णा जगति कतिपयं कौतुकं तन्वते न ॥
४७९०१ आ द्वीपात्परतोऽप्यमी नृपतयः सर्वे समभ्यागताः कन्येयं कलधौतकोमलरुचिः कीर्तेश्च लाभः परः ।
४७९०२ नाकृष्टं न च टङ्कितं न नमितं नोत्थापितं स्थानतः केनापीदमहो महद्धनुरिदं निर्वीरमुर्वीतलम् ॥
४७९११ आधत्ते दनुसूनुसूदनभुजाकेयूरवज्राङ्कुर व्यूहोल्लेखपदावलीवलिमयैरङ्गैर्मुदं मन्दरः ।
४७९१२ आधारीकृतकूर्मपृष्ठकषणप्रक्षीणमूलोऽधुना जानीमः परतः पयोधिमथनादुच्चैस्तरोऽयं गिरिः ॥
४७९२१ आधर्मिकः कदर्यो गुणविमुखः परुषवागनेकमतिः ।
४७९२२ भुङ्क्ते संपदमीदृग्ब्रूत नृकारः किमस्ति दैवं वा ॥
४७९३१ आधातुं विनयं निरागसि नरे कुप्यन्तु नामेश्वरास्तेन स्वाशयशुद्धिरेव सुकरा प्रायः प्रभूणां पुरः ।
४७९३२ मिथ्यामानिनि मन्यसे यदि तदा नित्यं मनोवर्तिनी ध्याता तामरसाक्षि चित्रपटके का वा त्वदन्या मया ॥
४७९४१ आधातुर्भुवनं तदेतदखिलं चक्षुष्मदाकीटकाद्दिव्यं चक्षुरनन्यलभ्यमुभयत्रास्ते परं दुःसहम् ।
४७९४२ फाले भूतपतेर्मनोभवमुखक्षुद्रक्षयोज्जागरं बाणे च प्रतिराजदर्पदलनं बल्लालपृथ्वीपतेः ॥
४७९५१ आधाय कोमलकराम्बुजकेलिनालीमालीसमाजमधिकृत्य समालपन्ती ।
४७९५२ मन्दस्मितेन मयि साचिविलोकितेन चेतश्चकोरनयना चुलुकीचकार ॥
४७९६१ आधाय दुग्धकलशे मन्थानं श्रान्तदोर्लता गोपी ।
४७९६२ अप्राप्तपारिजाता दैवे दोषं निवेशयति ॥
४७९७१ आधाय द्रुतमाकृतेरुपशमाद्विश्वासनं संनिधौ एकैकं शफरं बकोटकपटाचार्यो जिघृक्षन्मुहुः ।
४७९७२ औदासीन्यनिवेदनाय निदधद्दिक्षु क्षणं चक्षुषी चञ्च्वा किञ्च परामृशन् वपुरयं गाम्भीर्यमभ्यस्यति ॥
४७९८१ आधाय मूर्धनि वृथैव भरं महान्तं मूर्खा निमज्जथ कथं भवसागरेऽस्मिन् ।
४७९८२ विन्यस्य भारमखिलं पदयोर्जनन्या विस्रब्धमुत्तरत पल्वलतुल्यमेनम् ॥
४७९९१ आधारः कन्दमित्युक्तं स्वाधिष्ठानं च जन्मभूः ।
४७९९२ नाभिस्तु मणिपूराख्यं हृदयं विद्ध्यनाहतम् ॥
४८००१ आधारजन्मभूतानि हृत्कण्ठस्तालुनासिके ।
४८००२ भ्रूमध्ये मस्तकद्वारं दशस्थानेषु धारणा ॥
४८०११ आधाराय धरावकाशविधयेऽप्याकाशमालोकने भास्वानात्ममहत्त्वसाधनविधावन्ये गुणाः केचन ।
४८०१२ इत्यस्मिन्नुपकारकारिणि सदा वर्गे परं दुस्त्यजे दैन्यव्रीडकलङ्कमुज्झतु कथं चेतो महाचेतसाम् ॥
४८०२१ आधारे हृदये शिखापरिसरे संधाय मेधामयि त्रेधा बीजतनूमनूनकरुणापीयूषकल्लोलिनीम् ।
४८०२२ त्वां मातर्जपतो निरङ्कुशनिजाद्वैतामृतास्वादन प्रज्ञाम्भश्चुलुकैः स्फुरन्तु पुलकैरङ्गानि तुङ्गानि मे ॥
४८०३१ आधिक्यादधरसुधा स्खलेदिति प्राप्तशङ्कया विधिना ।
४८०३२ रचितं तदुपष्टम्भे चिबुकं पाटीरमादधता ॥
४८०४१ आधिक्षामां विरहशयने संनिकीर्णैकपार्श्वां प्राचीमूले तनुमिव कलामात्रशेषां हिमांशोः ।
४८०४२ नीता रात्रिः क्षण इव मया सार्धमिच्छारतैर्या तामेवोष्णैर्विरहमहतीमश्रुभिर्यापयन्तीम् ॥
४८०५१ आधिव्याधिपरीताय अद्य श्वो वा विनाशिने ।
४८०५२ को हि नाम शरीराय धर्मापेतं समाचरेत् ॥
४८०६१ आधिव्याधिशतैर्वयस्यतितरामारोग्यमुन्मूल्यते लक्ष्मीर्यत्र पतत्रिवच्च विवृतद्वारा इव व्यापदः ।
४८०६२ जातं जातमवश्यमाशु विवशं मृत्युः करोत्यात्मसात्तत्किं नाम निरङ्कुशेन विधिना यन्निर्मितं सुस्थिरम् ॥
४८०७१ आधूतकेसरो हस्ती तीक्ष्णशृङ्गस्तुरङ्गमः ।
४८०७२ गुरुसारोऽयमेरण्डो निःसारः खदिरद्रुमः ॥
४८०८१ आधूतसस्वेदकरोत्पलायाः स्मितावगूढप्रतिकूलवाचः ।
४८०८२ प्रियो विहायाधरमायताक्ष्याः पपौ चिराय प्रतिषेधमेव ॥
४८०९१ आ धूमाद्विनिवर्तन्ते सुहृदो बान्धवैः सह ।
४८०९२ येन तत्सह गन्तव्यं तत्कर्म सुकृतं कुरु ॥
४८१०१ आधोरणाङ्कुशभयात्करिकुम्भयुग्मं जातं पयोधरयुगं हृदयेऽङ्गनानाम् ।
४८१०२ तत्रापि वल्लभनखक्षतभेदभिन्नं नैवान्यथा भवति यल्लिखितं विधात्रा ॥
४८१११ आधोरणानां गजसंनिपाते शिरांसि चक्रैर्निशितैः क्षुराग्रैः ।
४८११२ हृतान्यपि श्येननखाग्रकोटि व्यासक्तकेशानि चिरेण पेतुः ॥
४८१२१ आध्मातोद्धतदाववह्निसुहृदः कीर्णोष्णरेणूत्कराः संतप्ताध्वगमुक्तखेदविषमश्वासोष्मसंवादिनः ।
४८१२२ तृष्णार्ताजगरायतास्यकुहरक्षिप्रप्रवेशोत्कटाः भ्रूभङ्गैरिव तर्जयन्ति पवनाः प्लुष्टस्थलीकज्जलैः ॥
४८१३१ आननं मृगशावाक्ष्या वीक्ष्य लोलालकावृतम् ।
४८१३२ भ्रमद्भ्रमरसंभारं स्मरामि सरसीरुहम् ॥
४८१४१ आननर्त पुरा शंभुर्गोविन्दो रासकृत्तथा ।
४८१४२ ब्रह्मा पशुत्वमापन्नः स्त्रीभिः को न विडम्बितः ॥
४८१५१ आननस्य मम चेदनौचिती निर्दयं दशनदंशदायिनः ।
४८१५२ शोध्यते सुदति वैरमस्य तत्किं त्वया वद विदश्य नाधरम् ॥
४८१६१ आननानि हरिणीनयनानामद्भुतानि च समीक्ष्य जगत्याम् ।
४८१६२ लज्जयेव घनमण्डललीनो मन्दमन्दमहहेन्दुरुदेति ॥
४८१७१ आननेन्दुशशलक्ष्म कपोले सादरं विरचितं तिलकं यत् ।
४८१७२ तत्प्रिये विरचितावधिभङ्गे धौतमीक्षणजलैस्तरलाक्ष्याः ॥
४८१८१ आननैर्विचकसे हृषिताभिर्वल्लभानभि तनूभिरभावि ।
४८१८२ आर्द्रतां हृदयमाप च रोषो लोलति स्म वचनेषु वधूनाम् ॥
४८१९१ आनन्दं कुमुदादीनामिन्दुः कन्दलयन्नयम् ।
४८१९२ लङ्घयत्यम्बराभोगं हनूमानिव सागरम् ॥
४८२०१ आनन्दं कृतमेव कैरवकुलं प्रोल्लासितो वारिधिः संतापं तपनोपलस्य शमितः कान्त्या दिशोऽलंकृताः ।
४८२०२ एतेनाभ्युदयेन चन्द्र भवता त्रैलोक्यमाप्यायितं कैवल्यं कमलस्य दैवघटितं नात्रापि निन्द्यो भवान् ॥
४८२११ आनन्दं दधति मुखे करोदकेन श्यामाया दयिततमेन सिच्यमाने ।
४८२१२ ईर्ष्यन्त्या वदनमसिक्तमप्यनल्प स्वेदाम्बुस्नपितमजायतेतरस्याः ॥
४८२२१ आनन्दं विदुषां तनोति तनुते कर्णज्वरं विद्विषां श्रीमानादिवराहपादसरसीजन्म प्रणामं मुहुः ।
४८२२२ सद्बन्धुर्गुणसिन्धुरन्धलगुडो धर्मस्य वर्त्मावनेः श्रीमल्लक्ष्मणसेनदक्षिणभुजादण्डोऽपि दण्डे कटुः ॥
४८२३१ आनन्दं सदनं सुताश्च सुधियः कान्ता न दुर्भाषिणी सन्मित्रं सुधनं स्वयोषिति रतिश्चाज्ञापराः सेवकाः ।
४८२३२ आतिथ्यं शिवपूजनं प्रतिदिनं मिष्टान्नपानं गृहे साधोः सङ्गमुपासते च सततं धन्यो गृहस्थाश्रमः ॥
४८२४१ आनन्दकन्दमकरन्दकरम्बितानि पङ्केरुहाणि परिहृत्य समागतस्त्वम् ।
४८२४२ सौरभ्यसारि सहकारि तथा विधेयं येनोपहासविषयो न भवेद्द्विरेफः ॥
४८२५१ आनन्दकन्दमखिलश्रुतिसारमेकमध्यात्मदीपमतिदुस्तरमञ्जनाभम् ।
४८२५२ आकृष्य सान्द्रकुचयोः परिरभ्य कामं संप्राप्य गोपवनिता बत पुण्यपुञ्जाः ॥
४८२६१ आनन्दकारि मदनज्वरदर्पहारि पीयूषपङ्कपरिहासरसानुकारि ।
४८२६२ प्रेमप्रसारि परमाभ्युदयानुकारि वामभ्रुवां हरति किं न मनो विकारि ॥
४८२७१ आनन्द क्वचिदञ्च मुञ्च हृदयं चातुर्य धैर्य त्वया स्थेयं क्वेति विचार्यतां रसिकते निर्याहि पर्याकुला ।
४८२७२ रक्ताम्भोजपरीतषट्पदनदत्पक्षोपमानक्षम क्षुभ्यत्पक्ष्मचलाचलेक्षणयुगं पश्यामि तस्या मुखम् ॥
४८२८१ आनन्दजः शोकजमश्रु बाष्पस्तयोरशीतं शिशिरो बिभेद ।
४८२८२ गङ्गासरय्वोर्जलमुष्णतप्तं हिमाद्रिनिस्यन्द इवावतीर्णः ॥
४८२९१ आनन्दताण्डवपुरे द्रविडस्य गेहे चित्रं वसिष्ठवनितासममाज्यपात्रम् ।
४८२९२ विद्युल्लतेव परिनृत्यति तत्र दर्वी धारां विलोकयति योगबलेन सिद्धः ॥
४८३०१ आनन्दधामनि चिदेकरसेऽद्वितीये तस्मिन् पदेऽस्तु मम चित्तमगोचरेऽपि ।
४८३०२ यत्सद्व्रजस्थितिजुषां सुहृदां कुमारा दीनामधीनमिव गोचरतामुपैति ॥
४८३११ आनन्दबाष्परोमाञ्चौ यस्य स्वेच्छावशंवदौ ।
४८३१२ किं तस्य साधनैरन्यैः किंकराः सर्वपार्थिवाः ॥
४८३२१ आनन्दममन्दमिमं कुवलयदललोचने ददासि त्वम् ।
४८३२२ विरहस्त्वयैव जनितस्तापयतितरां शरीरं मे ॥
४८३३१ आनन्दमात्रमकरन्दमनन्तगन्धं योगीन्द्रसुस्थिरमिलिन्दमपास्तबन्धम् ।
४८३३२ वेदान्तसूर्यकिरणैकविकासशीलं हेरम्बपादशरदम्बुजमानतोऽस्मि ॥
४८३४१ आनन्दमादधतमायतलोचनानामानीलमावलितकन्धरमात्तवंशम् ।
४८३४२ आपादमा मुकुटमाकलितामृतौघमाकारमाकलयताममुमन्तरं नः ॥
४८३५१ आनन्दमिश्रमदनज्वरदीपनानि गाढानुरागरसवन्ति तदा तदा च ।
४८३५२ स्नेहाङ्कनानि मम मुग्धदृशश्च कण्ठे कष्टं स्मरामि तव तानि गतागतानि ॥
४८३६१ आनन्दमुग्धनयनां श्रियमङ्कभित्तौ बिभ्रत्पुनातु भवतो भगवान्नृसिंहः ।
४८३६२ यस्यावलोकनविलासवशादिवासीदुत्सन्नलाञ्छनमृगः कमलामुखेन्दुः ॥
४८३७१ आनन्दमृगदावाग्निः शीलशाखिमदद्विपः ।
४८३७२ ज्ञानदीपमहावायुरयं खलसमागमः ॥
४८३८१ आनन्दयति कोऽत्यर्थं सज्जनानेव भूतले ।
४८३८२ प्रबोधयति पद्मानि तमांसि च निहन्ति कः ॥
४८३९१ आनन्दयति सत्त्वानि यो हि मङ्गलमञ्जुवाक् ।
४८३९२ निन्दामेष्यति लोके सः परवाक्यनिगूहकः ॥
४८४०१ आनन्दयन्तमरविन्दवनानि धूपैरुद्वेजयन्तमसकृन्नवकैरवाणि ।
४८४०२ प्रक्षालयन्तमभितो भुवनानि धाम्ना भास्वन्तमन्तकमहं विपदां भजामि ॥
४८४११ आनन्दयन्ति मदयन्ति विषादयन्ति यूनां मनांसि तव यानि विलोकनानि ।
४८४१२ किं मन्त्रमावहसि तादृशमौषधं वा किं वा कृशोदरि दृशोरियमेव रीतिः ॥
४८४२१ आनन्दयन्ति युक्त्या ताः सेविता घ्नन्ति चान्यथा ।
४८४२२ दुर्विज्ञेयाः प्रकृत्यैव तस्माद्वेश्या विषोपमाः ॥
४८४३१ आनन्दसिन्धुरतिचापलशालिचित्त संदाननैकसदनं क्षणमप्यमुक्ता ।
४८४३२ या सर्वदैव भवता तदुदन्तचिन्ता तान्तिं तनोति तव संप्रति धिग्धिगस्मान् ॥
४८४४१ आनन्दसुन्दरपुरन्दरमुक्तमाल्यं मौलौ हठेन निहितं महिषासुरस्य ।
४८४४२ पादाम्बुजं भवतु मे विजयाय मञ्जु मञ्जीरशिञ्जितमनोहरमम्बिकायाः ॥
४८४५१ आनन्दस्तिमिताः समाधिषु मुखे गौर्या विलासालसाः संभ्रान्ताः क्षणमद्भुताः क्षणमथ स्मेरा निजे वैकृते ।
४८४५२ क्रूराः कृष्टशरासने मनसिजे दग्धे घृणाकूणितास्तत्कान्तारुदितेश्रुपूरतरलाः शंभोर्दृशः पान्तु वः ॥
४८४६१ आनन्दस्रुतिरात्मनो नयनयोरन्तःसुधाभ्यञ्जनं प्रस्तारः प्रणयस्य मन्मथतरोः पुष्पं प्रसादो रतेः ।
४८४६२ आलानं हृदयद्विपस्य विषयारण्येषु संचारिणो दंपत्योरिह लभ्यते सुकृततः संसारसारः सुतः ॥
४८४७१ आनन्दानतमीलिताक्षियुगलं किं त्वं मुधा तिष्ठसि ज्ञातोऽसि प्रकटप्रकम्पपुलकैरङ्गैः स्थितं मुग्धया ।
४८४७२ मुञ्चैनां जड किं न पश्यसि गलद्वाष्पाम्बुधौताननां सख्यैवं गदिते विमुच्य रभसात्कण्ठे विलग्नो मया ॥
४८४८१ आनन्दाय च विस्मयाय च मया दृष्टोऽसि दुःखाय वा वैतृष्ण्यं तु ममापि संप्रति कुतस्त्वद्दर्शने चक्षुषः ।
४८४८२ त्वत्सांगत्यसुखस्य नास्मि विषयस्तत्किं वृथा व्याहृतैरस्मिन् विश्रुतजामदग्न्यदमने पाणौ धनुर्जृम्भताम् ॥
४८४९१ आनन्दाय सतां भूयात्सुभाषितमिदं मम ।
४८४९२ पृथक्पद्धतिसंमिश्रपरिच्छेदैर्मनोरमम् ॥
४८५०१ आनन्दाश्रु प्रवृत्तं मे कथं दृष्ट्वैव कन्यकाम् ।
४८५०२ अक्षि मे पुष्परजसा वातोद्धूतेन दूषितम् ॥
४८५११ आनन्दिनी रोदिति वा निकामं या दुःखिता हास्यरसं विधत्ते ।
४८५१२ रक्ता विरक्ता विरता रता च दुर्लक्ष्यचित्ता खलु वाणिनी या ॥
४८५२१ आनन्देन यशोदया समदनं गोपाङ्गनाभिश्चिरं साशङ्कं बलविद्विषा सकुसुमं सिद्धैः पृथिव्याकुलम् ।
४८५२२ सेर्ष्यं गोपकुमारकैः सकरुणं पौरैः सुरैः सस्मितं यो दृष्टः स पुनातु वो मधुरिपुः प्रोत्क्षिप्तगोवर्धनः ॥
४८५३१ आनन्दोद्गतबाष्पपूरपिहितं चक्षुः क्षमं नेक्षितुं बाहू स्वेदितयैव कम्पविधुरौ शक्तौ न कण्ठग्रहे ।
४८५३२ वाणी साध्वसगद्गदाक्षरपदा संक्षोभलोलं मनः सत्यं यत्प्रियसंगमोऽपि सुचिराज्जातो वियोगायते ॥
४८५४१ आनन्दोर्मिव्यतिकरदरस्मेरसंसक्तपक्ष्म प्रेमोद्गारप्रवणमसृणारेचितस्निग्धतारम् ।
४८५४२ अन्तश्चिन्ताभरपरिचयाकुञ्चितभ्रूलतान्तं चक्षुश्चेतो हरति हरिणीलोचनायाः तदेतत् ॥
४८५५१ आनम्राः स्तबकभरेण पल्लविन्यः शोभन्ते कति न लताः परागपूर्णाः ।
४८५५२ आमोदे मधुनि च मार्दवे च तासां यो भेदः स खलु मधुव्रतैकवेद्यः ॥
४८५६१ आनम्रास्याः पिहितवदना चित्तमध्ये निरीक्ष्ये मानारम्भः सुमुखि सफलो मामकीनः कथं स्यात् ।
४८५६२ यस्यां यस्यां दिशि दिशि मुखं मानतोऽहं नयामि तस्यां तस्यां सजलजलदश्यामलो नन्दसूनुः ॥
४८५७१ आनयति पथिकतरुणं हरिण इह प्रापयन्निवात्मानम् ।
४८५७२ उपकलमगोऽपि कोमल कलमावलिकवलनोत्तरलः ॥
४८५८१ आ नाभेः सरसि नतभ्रुवावगाढे चापल्यादथ पयसस्तरङ्गहस्तैः ।
४८५८२ उच्छ्रायि स्तनयुगमध्यरोहि लब्ध स्पर्शानां भवति कुतोऽथवा व्यवस्था ॥
४८५९१ आनाम्य फलिनीं शाखां पक्वं पक्वं प्रशातयेत् ।
४८५९२ फलार्थोऽयं समारम्भो लोके पुंसां विपश्चिताम् ॥
४८६०१ आनायमिव मत्स्यानां पञ्जरं शकुनेरिव ।
४८६०२ समस्तपाशं मूढस्य बन्धनं वामलोचना ॥
४८६११ आनीता नटवन्मया तव पुरः श्रीराम या भूमिका व्योमाकाशखखांबराब्धिवसवस्त्वत्प्रीतयेऽद्यावधि ।
४८६१२ प्रीतो यर्हि निरीक्षणात्त्वमधुना यत्प्रार्थितं देहि मे नो चेद्ब्रूहि कदापि मानय पुनर्मामीदृशीं भूमिकाम् ॥
४८६२१ आनीता शयनाङ्गने प्रियसखीवृन्दैः कथंचिच्छलाच्चित्राक्रान्तकुरङ्गिकेव विगलन्नेत्राम्बुधाराततिः ।
४८६२२ बाष्पोद्वासमुखी विधूनितकरा निक्षेपिताङ्घ्रिद्वया विष्वग्वेल्लितकुन्तला नववधूर्भाग्येन संभुज्यते ॥
४८६३१ आनीतैरिषुकार कारणमिह श्लाघ्यैः किमेभिः शरैः प्रख्यातामपि किं न पामरपुरीमेतां पुरः पश्यसि ।
४८६३२ दात्रं पात्रमिति ब्रवीति कुरुते स्तोत्राणि तोत्रे रसं धत्ते यत्र हले कुतूहलमपि ग्रामीणकग्रामणीः ॥
४८६४१ आनीतो मलयाचलान्मलयजो रत्नस्थले रोपितः पीयूषेण परिप्लुतः प्रतिदिनं यत्नेन संवर्द्धितः ।
४८६४२ आरब्धं यदि तेन सौरभभरैर्भूमण्डलं वासितुं तस्मिन्नेव दिने विधातृवशतो वज्रेण चूर्णीकृतः ॥
४८६५१ आनीयते शरीरेण क्षीणोऽपि विभवः पुनः ।
४८६५२ विभवः पुनरानेतुं शरीरं क्षीणमक्षमः ॥
४८६६१ आनीलचूचुकशिलीमुखमुद्गतैक रोमावलीविपुलनालमिदं प्रियायाः ।
४८६६२ उत्तुङ्गसंगतपयोधरपद्मयुग्मं नाभेरधः कथयतीव महानिधानम् ॥
४८६७१ आनीलां करपल्लवैरपनयन्नच्छां तमःकञ्चुकीमाशां संप्रति वासवीमनुसरन्नक्षीणरागः शशी ।
४८६७२ अस्याश्च स्तनसङ्गिनीमिव वहन्नङ्गेन कस्तूरिकामालिङ्गत्ययमादरेण रजनीमर्धोन्मिषत्तारकाम् ॥
४८६८१ आनुकूल्येन दैवस्य वर्तितव्यं सुखार्थिना ।
४८६८२ दुस्तरं प्रतिकूलं हि प्रतिस्रोत इवाम्भसः ॥
४८६९१ आनृशंस्यं क्षमा सत्यमहिंसा दम आर्जवम् ।
४८६९२ प्रीतिः प्रसादो माधुर्यं मार्दवं च यमा दश ॥
४८७०१ आनृशंस्यं परो धर्मः क्षमा च परमं बलम् ।
४८७०२ आत्मज्ञानं परं ज्ञानं न सत्याद्विद्यते परम् ॥
४८७११ आनृशंस्यं परो धर्मः सर्वप्राणभृतां मतः ।
४८७१२ तस्माद्राजानृशंस्येन पालयेत्कृपणं जनम् ॥
४८७२१ आनृशंस्यमनुक्रोशः श्रुतं शीलं दमः शमः ।
४८७२२ राघवं शोभयन्त्येते षड्गुणाः पुरुषोत्तमम् ॥
४८७३१ आनेतुं न गता किमु प्रियसखी भीतो भुजङ्गात्किमु क्रुद्धो वा प्रतिषेधवाचि किमसौ प्राणेश्वरो वर्तते ।
४८७३२ इत्थं कर्णसुवर्णकेतकरजःपातोपघातच्छलादक्ष्णोः कापि नवोढनीरजमुखी बाष्पोदकं मुञ्चति ॥
४८७४१ आन्तरमपि बहिरिव हि व्यञ्जयितुं रसमशेषतः सततम् ।
४८७४२ असती सत्कविसूक्तिः काचघटीति त्रयं वेद ॥
४८७५१ आन्तरे चैव बाह्ये च राजा यश्चैव सर्वदा ।
४८७५२ आदिष्टो नैव कम्पेत स राजवसतिं वसेत् ॥
४८७६१ आन्तरेभ्यः परान् रक्षेत्परेभ्यः पुनरान्तरान् ।
४८७६२ परान् परेभ्यः स्वान् स्वेभ्यः सर्वान् रक्षेत सर्वदा ॥
४८७७१ आन्दोलनैर्मद्वपुषा लगन्तीं स्मरामि वेणीं पुरुषायितायाः ।
४८७७२ समाचरन्त्याः सुरतोपदेशं तस्याः कशावल्लिमिव प्रियायाः ॥
४८७८१ आन्दोलयन् गिरिनिकुञ्जकरञ्जराजीर्नाजीगणः कलभ कंचन पौरुषेण ।
४८७८२ ईषत्समुन्मिषितलोचनकोण एव कण्ठीरवे किमिति जीवितमुज्जहासि ॥
४८७९१ आन्दोलयन्ती वपुरायताक्षी हिन्दोलिकायां कनकाङ्गयष्टिः ।
४८७९२ अतर्कि लोकैर्गगनान्तरस्था स्वर्देवतेवाखिलरूपरम्या ॥
४८८०१ आन्दोलयस्यविरतं गगनार्कमङ्के तारागणं च शशिनं च तथेतराणि ।
४८८०२ तेजांसि भासुरतडित्प्रभृतीनि साधो चित्रं तथापि न जहासि यदान्ध्यमन्तः ॥
४८८११ आन्दोललोलकेशीं चलकाञ्चीकिङ्किणीगणक्वणिताम् ।
४८८१२ स्मरसि पुरुषायितां तां स्मरचामरचिह्नयष्टिमिव ॥
४८८२१ आन्ध्रत्वमान्ध्रभाषा च प्राभाकरपरिश्रमः ।
४८८२२ तत्रापि याजुषी शाखा नाल्पस्य तपसः फलम् ॥
४८८३१ आन्ध्री प्रीतिनिबन्धनैकनिपुणा लाटी विदग्धप्रिया कर्णाटी सुरतोपचारचतुरा नारी शुचिश्चोलिका ।
४८८३२ आभीरी पुरुषायितप्रियरता लज्जान्विता गूर्जरी काश्मीरी रतिलालसा निधुवने धृष्टा महाराष्ट्रकी ॥
४८८४१ आन्वीक्षिकीं त्रयीं वार्तां दण्डनीतिं च पार्थिवः ।
४८८४२ तद्विद्यैस्तत्क्रियोपेतैश्चिन्तयेद्विनयान्वितः ॥
४८८५१ आन्वीक्षिकी त्रयी वार्ता दण्डनीतिश्च शाश्वती ।
४८८५२ विद्याश्चतस्र एवैता लोकसंस्थितिहेतवः ॥ ...
४८८६१ आन्वीक्षिक्यात्मविज्ञानं धर्माधर्मौ त्रयीस्थितौ ।
४८८६२ अर्थानर्थौ तु वार्तायां दण्डनीत्यां नयेतरौ ॥
४८८७१ आन्वीक्षिकीत्रयीवार्ताः सतीर्विद्याः प्रचक्षते ।
४८८७२ सत्योऽपि हि न सत्यस्ता दण्डनीतेस्तु विप्लवे ॥
४८८८१ दण्डनीतिर्यदा सम्यङ्नेतारमधितिष्ठति ।
४८८८२ तदा विद्याविदः शेषा विद्याः सम्यगुपासते ॥ ...
४८८९१ आन्वीक्षिक्यात्मविद्या स्यादीक्षणात्सुखदुःखयोः ।
४८८९२ ईक्षमाणस्तया तत्त्वं हर्षशोकौ व्युदस्यति ॥
४८९०१ आन्वीक्षिकी त्रयी वार्ता दण्डनीतिश्च शाश्वती ।
४८९०२ विद्याश्चतस्र एवैता अभ्यसेद्नृपतिः सदा ॥
४८९११ आन्वीक्षिक्यां तर्कशास्त्रं वेदान्ताद्यं प्रतिष्ठितम् ।
४८९१२ त्रय्यां धर्मो ह्यधर्मश्च कामोऽकामः प्रतिष्ठितः ॥
४८९२१ आन्वीक्षिक्यात्मविज्ञानाधर्षशोकौ व्युदस्यति ।
४८९२२ उभौ लोकाववाप्नोति त्रय्यां तिष्ठन् यथाविधि ॥
४८९३१ आपह्पवित्रं प्रथमं पृथिव्यामपां पवित्रं परमं च मन्त्राः ।
४८९३२ तेषां च सामर्ग्यजुषां पवित्रं महर्षयो व्याकरणं निराहुः ॥
४८९४१ आपज्जलनिमग्नानां ह्रियतां व्यसनोर्मिभिः ।
४८९४२ वृद्धवाक्यैर्विना नूनं नैवोत्तारं कथंचन ॥
४८९५१ आपत्काले तु संप्राप्ते यन्मित्रं मित्रमेव तत् ।
४८९५२ वृद्धिकाले तु संप्राप्ते दुर्जनोऽपि सुहृद्भवेत् ॥
४८९६१ आपत्काले नृणां नूनं मरणं नैव लभ्यते ।
४८९६२ ... ... ... ... ... ... ॥
४८९७१ आपत्कालोपयुक्तासु कलासु स्यात्कृतश्रमः ।
४८९७२ नृत्यवृत्तिर्विराटस्य किरीटी भवनेऽभवत् ॥
४८९८१ आपत्तुला सहायानामात्मनः पौरुषस्य च ।
४८९८२ अनापदि सुहृत्सर्वः स्वयं च पुरुषायते ॥
४८९९१ आपत्तौ पतितानां येषां वृद्धा न सन्ति शास्तारः ।
४८९९२ ते शोच्या बन्धूनां जीवन्तोऽपीह मृततुल्याः ॥
४९००१ आपत्समुद्धरणधीरधियः परेषां जाता महत्यपि कुले न भवन्ति सर्वे ।
४९००२ विन्ध्याटवीषु विरलाः खलु पादपास्ते ये दन्तिदन्तमुसलोल्लिखनं सहन्ते ॥
४९०११ आपत्सु किं विषादेन संपत्तौ विस्मयेन किम् ।
४९०१२ भवितव्यं भवत्येव कर्मणामेष निश्चयः ॥
४९०२१ आपत्सु च न मुह्यन्ति नराः पण्दितबुद्धयः ।
४९०२२ मनोदेहसमुत्थाभ्यां दुःखाभ्यामर्पितं जगत् ॥
४९०३१ आपत्सु मित्रं जानीयाद्रणे शूरं रहः शुचिम् ।
४९०३२ भार्यां च विभवे क्षीणे दुर्भिक्षे च प्रियातिथिम् ॥
४९०४१ आपत्स्वमूढो धृतिमान् यह्सम्यक्प्रतिपद्यते ।
४९०४२ कर्मण्यवश्यकार्याणि तमाहुः पण्डितं बुधाः ॥
४९०५१ आपत्स्वेव हि महतां शक्तिरभिव्यज्यते न संपत्सु ।
४९०५२ अगुरोस्तथा न गन्धः प्रागस्ति यथाग्निपतितस्य ॥
४९०६१ आपदं प्रतरिष्यामो यूयं युक्त्या वदिष्यथ ।
४९०६२ भवन्तो मम मित्राणि भवत्सु नास्ति भृत्यता ॥
४९०७१ आपदं प्राप्नुयात्स्वामी यस्य भृत्यस्य पश्यतः ।
४९०७२ प्राणेषु विद्यमानेषु स भृत्यो नरकं व्रजेत् ॥
४९०८१ आपदः क्षणमायान्ति संपदः क्षणमेव च ।
४९०८२ क्षणं जन्माथ मरणं मुने किमिव न क्षणम् ॥
४९०९१ आपदः सन्ति महतां महतामेव संपदः ।
४९०९२ इतरेषां मनुष्याणं नापदो न च संपदः ॥
४९१०१ आपदर्थे धनं रक्षेच्श्रीमतां कुत आपदः ।
४९१०२ कदाचिच्चलते लक्ष्मीः संचितं च विनश्यति ॥
४९१११ आपदर्थे धनं रक्षेद्दारान् रक्षेद्धनैरपि ।
४९११२ आत्मानं सततं रक्षेद्दारैरपि धनैरपि ॥
४९१२१ आपदां कथितः पन्था इन्द्रियाणामसंयमः ।
४९१२२ तज्जयः संपदां मार्गो येनेष्टं तेन गम्यताम् ॥
४९१३१ आपदामथ काले तु कुर्वीत न विचालयेत् ।
४९१३२ अशक्नुवंश्च युद्धाय निष्पतेत्सह मन्त्रिभिः ॥
४९१४१ आपदामपहर्तारं दातारं सर्वसंपदाम् ।
४९१४२ लोकाभिरामं श्रीरामं भूयो भूयो नमाम्यहम् ॥
४९१५१ आपदामागमं दृष्ट्वा न विषण्णो भवेद्वशी ।
४९१५२ संपदं च सुविस्तीर्णां प्राप्य नोऽधृतिमान् भवेत् ॥
४९१६१ आपदामापतन्तीनां हितोऽप्यायाति हेतुताम् ।
४९१६२ मातृजङ्घा हि वत्सस्य स्तम्भीभवति बन्धने ॥
४९१७१ आपदास्थितपन्थानामिन्द्रियाणामसंयमात् ।
४९१७२ त्यज्यते संपदां मार्गो यो नेष्टस्तेन पश्यत ॥
४९१८१ आपदि मित्रपरीक्षा शूरपरीक्षा रणाङ्गणे भवति ।
४९१८२ विनये वंशपरीक्षा स्त्रियः परीक्षा तु निर्धने पुंसि ॥
४९१९१ आपदि येनोपकृतं येन च हसितं दशासु विषमासु ।
४९१९२ उपकृत्य तयोरुभयोः पुनरपि जातं नरं मन्ये ॥
४९२०१ आपदो महतामेव महतामेव संपदः ।
४९२०२ क्षीयते वर्धते चन्द्रः कदाचिन्नैव तारकाः ॥
४९२११ आपद्गतं हससि किं द्रविणान्ध मूढ लक्ष्मीः स्थिरा न भवतीति किमत्र चित्रम् ।
४९२१२ किं त्वं न पश्यसि न घटीर्जलयन्त्रचक्रे रिक्ता भवन्ति भरिताः पुनरेव रिक्ताः ॥
४९२२१ आपद्गतः खलु महाशयचक्रवर्ती विस्तारयत्यकृतपूर्वमुदारभावम् ।
४९२२२ कालागुरुर्दहनमध्यगतः समन्ताल्लोकोत्तरं परिमलं प्रकटीकरोति ॥
४९२३१ आपद्ग्राहगृहीतानां वृद्धाः सन्ति न पण्डिताः ।
४९२३२ येषां मोक्षयितारो वै तेषां शान्तिर्न विद्यते ॥
४९२४१ आपद्भुजङ्गदष्टस्य मन्त्रहीनस्य सर्वदा ।
४९२४२ वृद्धवाक्यौषधा नूनं कुर्वन्ति किल निर्विषम् ॥
४९२५१ आपद्यपि दुरन्तायां नैव गन्तव्यमक्रमे ।
४९२५२ राहुरप्यक्रमेणैव पिबन्नप्यमृतं मृतः ॥
४९२६१ आपद्युन्मार्गगमने कार्यकालात्ययेषु च ।
४९२६२ अपृष्टोऽपि हितान्वेषी ब्रूयात्कल्याणभाषितम् ॥
४९२७१ आपन्नमहितं दृष्ट्वा न दूयेत कदाचन ।
४९२७२ तदुन्मूलनकालोऽयं विधिना ननु सूचितः ॥
४९२८१ आपन्नया सन्नगिरा वेपमानोरुमूलया ।
४९२८२ जातो मे जरया सार्धं नववध्वेव संगमः ॥
४९२९१ आपन्नवत्सल जगज्जनतैकबन्धो विद्वन्मरालकमलाकर रामचन्द्र ।
४९२९२ जन्मादिकर्मविधुरैः सुमनश्चकोरैराचम्यतां तव यशः शरदां सहस्रम् ॥
४९३०१ आपन्नाशाय विबुधैः कर्तव्याः सुहृदोऽमलाः ।
४९३०२ न तरत्यापदं कश्चिद्योऽत्र मित्रविवर्जितः ॥
४९३११ आपन्नोऽस्मि शरण्योऽस्मि सर्वावस्थासु सर्वदा ।
४९३१२ भगवंस्त्वां प्रपन्नोऽस्मि रक्ष मां शरणागतम् ॥
४९३२१ आपन्मूलं खलु युवतयस्तन्निमित्तोऽवमानस्तासां यावत्सलिललहरीभङ्गुरः पक्षपातः ।
४९३२२ अप्येवं भो परिणतशरच्चन्द्रबिम्बाभिरामं दूरीकर्तुं वदनकमलं नालमस्मत्प्रियायाः ॥
४९३३१ आ परितोषाद्विदुषां न साधु मन्ये प्रयोगविज्ञानम् ।
४९३३२ बलवदपि शिक्षितानामात्मन्यप्रत्ययं चेतः ॥
४९३४१ आपस्काराल्लूनगात्रस्य भूमिं निःसाधारं गच्छतोऽवाङ्मुखस्य ।
४९३४२ लब्धायामं दन्तयोर्युग्ममेव स्वं नागस्य प्रापदुत्तम्भनत्वम् ॥
४९३५१ आपाटलाधरमधीरविलोलनेत्रमामोदनिर्भरितमद्भुतकान्तिपूरम् ।
४९३५२ आविस्मितामृतमनुस्मृतिलोभनीयमामुद्रिताननमहो मधुरं मुरारेः ॥
४९३६१ आपाटलैः प्रथममङ्कुरितैर्मयूखैरह्नां पतिः प्रथमशैलविहारिणीनाम् ।
४९३६२ सोऽयं करोति सुरपुङ्गवसुन्दरीणां कर्णेषु कल्पतरुपल्लवभङ्गलक्ष्मीम् ॥
४९३७१ आपाणिग्रहणादतिप्रणयिनी कण्ठस्थिताहं विभोः सर्वैरेव हरिप्रियेति कमला सोऽप्युच्यते माधवः ।
४९३७२ नो तेनापि दुनोमि मत्सुतगणाः पद्मासुतस्यानुगा वाण्येत्याधिनिवारणाय सततं संगीयते वीणया ॥
४९३८१ आपाण्डु पीनकठिनं वर्तुलं सुमनोहरम् ।
४९३८२ करैराकृष्यतेऽत्यर्थं किं वृद्धैरपि सस्पृहम् ॥
४९३९१ आपाण्डुराः शिरसिजास्त्रिवली कपोले दन्तावली विगलिता न च मे विषादः ।
४९३९२ एणीदृशो युवतयः पथि मां विलोक्य तातेति भाषणपराः खलु वज्रपातः ॥
४९४०१ आपाण्डुरा च मृत्स्ना गोरसवर्णश्च भवति पाषाणः ।
४९४०२ पुरुषार्धे कुमुदनिभो दृष्टिपथं मूषको याति ॥
४९४११ आपातमात्ररमणीयमतृप्तिहेतुं किम्पाकपाकफलतुल्यमथो विपाके ।
४९४१२ नो शाश्वतं प्रचुरदोषकरं विदित्वा पञ्चेन्द्रियार्थसुखमर्थधियस्त्यजन्ति ॥
४९४२१ आपातमात्ररसिके सरसीरुहस्य किं बीजमर्पयितुमिच्छसि वापिकायाम् ।
४९४२२ कालः कलिर्जगदिदं न कृतज्ञमज्ञे स्थित्वा हनिष्यति तवैव मुखस्य शोभाम् ॥
४९४३१ आपातमात्रसौन्दर्यं कुत्र नाम न विद्यते ।
४९४३२ अत्यन्तप्रतिपत्त्या तु दुर्लभोऽलंकृतो जनः ॥
४९४४१ आपातरमणीयानां संयोगानां प्रियैः सह ।
४९४४२ अपथ्यानामिवान्नानां परिणामो हि दारुणः ॥
४९४५१ आपातालगभीरे मज्जति नीरे निदाघसंतप्तः ।
४९४५२ न स्पृशति पल्वलाम्भः पञ्जरशेषोऽपि कुञ्जरः क्वापि ॥
४९४६१ आपीनप्रविसारितोरुविकटैः पश्चार्धभागैर्गुरुर्वेल्लत्पीवरकम्बलालसरसद्गम्भीरघण्टाकुलः ।
४९४६२ ग्रामान्तेषु नवीनसस्यहरितेषूद्दामचन्द्रातप स्मेरासु क्षणदासु धेनुधवलीवर्गः परिक्रामति ॥
४९४७१ आपीनभारोद्वहनप्रयत्नाद्गृष्टिर्गुरुत्वाद्वपुषो नरेन्द्रः ।
४९४७२ उभावलंचक्रतुरञ्चिताभ्यां तपोवनावृत्तिपथं गताभ्याम् ॥
४९४८१ आपीयमानमसकृद्भ्रमरायमाणैरम्भोधरैः स्फुरितवीचिसहस्रपत्रम् ।
४९४८२ क्षीराम्बुराशिमवलोकय शेषनालमेकं जगत्त्रयसरः पृथुपुण्डरीकम् ॥
४९४९१ आपुङ्खाग्रममी शरा मनसि मे मग्नाः समं पञ्च ते निर्दग्धं विरहाग्निना वपुरिदं तैरेव सार्धं मम ।
४९४९२ कष्टं काम निरायुधोऽसि भवता जेतुं न शक्यो जनो दुःखी स्यामहमेक एव सकलो लोकः सुखं जीवतु ॥
४९५०१ आ पुष्पप्रसवान्मनोहरतया विश्वास्य विश्वं जनं हंहो दाडिम तावदेव सहसे वृद्धिं स्वकीयामिह ।
४९५०२ यावन्नैति परोपभोगसहतामेषा ततस्तां तथा ज्ञात्वा ते हृदयं द्विधा दलति यत्तेनैव वन्द्यो भवान् ॥
४९५११ आपूजितैवास्तु गिरीन्द्रकन्या किं पक्षपातेन मनोभवस्य ।
४९५१२ यद्यस्ति दूती सरसोक्तिदक्षा नाथः पतेत्पादतले वधूनाम् ॥
४९५२१ आपूपयुग्मं मदनस्स्य धात्रा विनिर्मितं वल्युपहारहेतोः ।
४९५२२ गल्लद्वयं कान्तरसातिरम्यं तस्या महास्नेहभृतं विभाति ॥
४९५३१ आपूरितमिदं श्यामतमसंतमसैरलम् ।
४९५३२ ब्रह्माण्डमण्डलं भाति सकज्जलकरण्डवत् ॥
४९५४१ आपूर्णश्च कलाभिरिन्दुरमलो यातश्च राहोर्मुखं संजातश्च घनाघनो जलधरः शीर्णश्च वायोर्जवात् ।
४९५४२ निर्वृत्तश्च फलेग्रहिर्द्रुमवरो दग्धश्च दावाग्निना त्वं चूडामणितां गतश्च जगतः प्राप्तश्च मृत्योर्वशम् ॥
४९५५१ आपूर्यमाणपलितं सुभगत्वकामः सार्धं प्रयाति दयिता पलिताधिकेन ।
४९५५२ पुष्पेक्षणत्वमपि शश्वदपोह्य पाकं याति प्रियो निकटमेव विलोचनेन (?) ॥
४९५६१ आपूर्यमाणमचलप्रतिष्ठं समुद्रमापः प्रविशन्ति यद्वत् ।
४९५६२ तद्वत्कामा यं प्रविशन्ति सर्वे स शान्तिमाप्नोति न कामकामी ॥
४९५७१ आपूर्येत पुनः स्फुरच्छफरिकासारोर्मिभिर्वारिभिर्भूयोऽपि प्रविभज्यमाननलिनं पश्येम तोयाशयम् ।
४९५७२ इत्याशाशततन्तुबद्धहृदयो नक्तंदिनं दीनधीः शुष्यत्यातपशोषितस्य सरसस्तीरे जरत्सारसः ॥
४९५८१ आ पूर्वस्माद्विडौजःकरिवमथुपयःसिक्तसानोर्गिरीन्द्रादा च प्रत्यक्पयोधेर्वरुणवरवधूनाभिनिष्पीतवारः ।
४९५८२ आ मेरोरा च सेतोरवनितलमिलन्मौलिविस्रंसमान स्रग्दामानो यदीयं चरणमशरणाः पर्युपासन्नरेन्द्राः ॥
४९५९१ आपृच्छन्ते मलयजतरूनाश्वसन्त्येत्य वल्लीराभाषन्ते चिरपरिचितान्मालयान्निर्झरौघान् ।
४९५९२ अद्य स्थित्वा द्रविडमहिलामन्दिरे श्वः प्रभाते प्रस्थातारो मलयमरुतः कुर्वते संविधानम् ॥
४९६०१ आपृच्छस्व सखीं नमस्कुरु गुरून्नन्दस्व बन्धुस्त्रियः कावेरीतटसंनिविष्टनयने मुग्धे किमुत्ताम्यसि ।
४९६०२ आस्ते सुभ्रु समीप एव भवनादेलालतालिङ्गित न्यञ्चत्तीरतमालदन्तुरदरी तत्रापि गोदावरी ॥
४९६११ आपृष्टासि विनिर्गतोऽध्वगजनस्तन्वङ्गि गच्छाम्यहं स्वल्पैरेव दिनैः समागम इति ज्ञात्वा शुचं मा कृथाः ।
४९६१२ इत्याकर्ण्य वचः प्रियस्य सहसा तन्मुग्धया चेष्टितं येनाकाण्डसमाप्ततीव्रविरहक्लेशः कृतो वल्लभः ॥
४९६२१ आपृष्टासि व्यथयति मनो दुर्बला वासरश्रीरेह्यालिङ्ग क्षपय रजनीमेकिका चक्रवाकि ।
४९६२२ नान्यासक्तो न खलु कुपितो नानुरागच्युतो वा दैवायत्तस्तदिह भवतीमस्वतन्त्रस्त्यजामि ॥
४९६३१ आपेदिरेऽम्बरपथं परितः पतङ्गा भृङ्गा रसालमुकुलानि समाश्रयन्ति ।
४९६३२ संकोचमञ्चति सरस्त्वयि दीनदीनो मीनो नु हन्त कतमां गतिमभ्युपैतु ॥
४९६४१ आपो वस्त्रं तिलास्तैलं गन्धो वा सयवा तथा ।
४९६४२ पुष्पाणामधिवासेन तथा संसर्गजा गुणाः ॥
४९६५१ आपो विमुक्ताः क्वचिदाप एव क्वचिन्न किंचिद्गरलं क्वचिच्च ।
४९६५२ यस्मिन् विमुक्ताः प्रभवन्ति मुक्ताः पयोद तस्मिन् विमुखः कुतस्त्वम् ॥
४९६६१ आपोशनं चासनं च तैलाभ्यङ्गं तथैव च ।
४९६६२ स्वयं करकृतं चैव आयुःश्रीपुत्रनाशनम् ॥
४९६७१ आपोशनमकृत्वा तु यश्चान्नं परिमर्दयेत् ।
४९६७२ मर्दितं चापि तच्चान्नममेध्यं मनुरब्रवीत् ॥
४९६८१ आप्तवाक्यमनादृत्य दर्पेणाचरितं यदि ।
४९६८२ फलितं विपरीतं तत्का तत्र परिदेवना ॥
४९६९१ आप्तस्य चाप्तस्तस्यातस्तस्याप्याप्तोऽस्ति कश्चन ।
४९६९२ सुगुप्तमपि मन्त्रं हि भिनत्त्याप्तपरंपरा ॥
४९७०१ आप्ताप्तसंततेर्मन्त्रं संरक्षेत्तत्परस्तु सः ।
४९७०२ अरक्ष्यमाणं मन्त्रं हि भिनत्त्याप्तपरंपरा ॥
४९७११ आप्त्वाप्यात्मविनाशं गणयति न खलः परव्यसनकष्टम् ।
४९७१२ प्रायः सहस्रनाशे समरमुखे नृत्यति कबन्धः ॥
४९७२१ आ प्रपदमा शिरस्कं चान्तः कलिमलमलीमसे वपुषि ।
४९७२२ विफलं गङ्गाजलमपि मद्यघटे दर्भमुष्टिरिव ॥
४९७३१ आ प्रातर्घनतृष्णया कवलितं प्रोद्दण्डचण्डातपैर्दग्धं जीवनहानितः कलुषितं चिन्ताभरैः कीलितम् ।
४९७३२ प्रस्निग्धामृतधारया प्रतिदिनं संप्लावयंश्चातकं त्वत्तः कोऽपि न वारिवाह भुवने जागर्ति जानीमहे ॥
४९७४१ आबद्धकृत्रिमसटाजटिलांसभित्तिरारोपितो यदि पदं मृगवैरिणः श्वा ।
४९७४२ मत्तेभकुम्भतटपाटनलम्पटस्य नादं करिष्यति कथं हरिणाधिपस्य ॥
४९७५१ आबद्धपद्ममुकुलाञ्जलि याचितो मामुत्सृज्य संप्रति गतः कथमंशुमाली ।
४९७५२ अन्तर्निरुद्धमधुपक्वणितैरितीव स्वप्नायते स्म नलिनी निशि लब्धनिद्रा ॥
४९७६१ आबद्धभीमभृकुटीस्थपुटं ललाटं बिभ्रत्पराङ्मुखरिपोर्विधुताधरोष्ठः ।
४९७६२ आत्मैव संगरमुखे निजमण्डलाग्र च्छायाछलादभिमुखस्तव देव जातः ॥
४९७७१ आबद्धातिकठोरै रश्मिभरैः पीडिताश्मचयैः ।
४९७७२ आमर्दितापि चरणैः परमिह मधुरैव चूर्णितापि सिता ॥
४९७८१ आबद्धा मानुषाः सर्वे निर्बन्धाः कर्मणोर्द्वयोः ।
४९७८२ दैवे परुषकारे च परं ताभ्यां न विद्यते ॥
४९७९१ आबद्ध्य बाहुयुगलं भवनान्तरालाद्दूरीकृतोऽपि परिसुप्तजने निशीथे ।
४९७९२ आगत्य मन्दमनुगृह्य पदौ व्यलोकि धृष्टो मयाप्यतिभयात्सुरते सहासः ॥
४९८०१ आबध्नत्परिवेषमण्डलमलं वक्त्रेन्दुबिम्बाद्बहिः कुर्वच्चम्पकजृम्भमाणकलिकाकर्णावतंसक्रियाम् ।
४९८०२ तन्वङ्ग्याः परिनृत्यतीव हसतीवोत्सर्पतीवोल्बणं लावण्यं ललतीव काञ्चनशिलाकान्ते कपोलस्थले ॥
४९८११ आबाल्यं पतिरेष मे जगदिदं जानाति तत्त्वं पुनर्भूमध्ये समुपागता तदपि ते विख्यायते यः पतिः ।
४९८१२ वृद्धा नास्य गृहे वसामि सुचिरं तिष्ठन् स्थिरात्रेति तन्मात्सर्यादिव राम भूप भवतः कीर्तिर्दिगन्तं गता ॥
४९८२१ आ बाल्यं भवता समीर कतिधा सार्धं मृणालीदलं भुक्तं केलिकथामृतैरपि तथा नीतं रहः सादरम् ।
४९८२२ चित्तान्दोलनलालनैर्मृगदृशां वक्षःस्थलास्फालनैर्भूयः सप्रति मां विना तव मनो रन्तुं कथं मोदते ॥
४९८३१ आ बाल्यादपि यो विदारितमदोन्मत्तेभकुम्भस्थली स्थालीमध्यकवोष्णरक्तरसवन्मुक्तापुलाकप्रियः ।
४९८३२ हस्तस्तस्य कथं प्रसर्पतु पुरः कृच्छ्रेऽप्यवस्थान्तरे गर्तावर्तविवर्तमानशशकप्राणापहारे हरेः ॥
४९८४१ आ बाल्याद्देवबालाः सुरवरसदने किंनरीगीयमानं यन्नामाकर्ण्य कर्णेऽमरगुरुवचनोद्गीतगाथानिबद्धम् ।
४९८४२ दानौदार्याढ्यशौर्याद्वयविमलगुणं सर्वभोगैकसारं भर्तारं कामयन्त्यो हरिहरगृहिणीपादमाराधयन्ति ॥
४९८५१ आबाल्याधिगमान्मयैव गमितः कोटिं परामुन्नतेरस्मत्संकथयैव पार्थिवसुतः संप्रत्यसौ लज्जते ।
४९८५२ इत्थं खिन्न इवात्मजेन यशसा दत्तावलम्बोऽम्बुधेर्यातस्तीरतपोवनानि भवतो वृद्धो गुणानां गणः ॥
४९८६१ आबाहूद्गतमण्डलाग्ररुचयः संनद्धवक्षःस्थलाः सोष्माणो व्रणिनो विपक्षहृदयप्रोन्माथिनः कर्कशाः ।
४९८६२ उत्सृष्टाम्बरदृष्टविग्रहभरा यस्य स्मराग्रेसरा मारा मारवधूस्तनाश्च न दधुः क्षोभं स वोऽव्याज्जिनः ॥
४९८७१ आब्रह्मकीटान्तमिदं निबद्धं पुंस्त्रीप्रयोगेन जगत्समस्तम् ।
४९८७२ व्रीडात्र का यत्र चतुर्मुखत्वमीशोऽपि लोभाद्गमितो युवत्याः ॥
४९८८१ आभङ्गुराग्रबहुगुण दीर्घास्वादप्रदा प्रियादृष्टिः ।
४९८८२ कर्षति मनो मदीयं ह्रदमीनं बडिशरज्जुरिव ॥
४९८९१ आभरणस्याभरणं प्रसाधनविधेः प्रसाधनविशेषः ।
४९८९२ उपमानस्यापि सखे प्रत्युपमानं वपुस्तस्याः ॥
४९९०१ आभाति चन्द्ररहिता न कदापि रात्रिश्चन्द्रोऽपि रात्रिरहितो गतकान्तिरेव ।
४९९०२ किं कारणं यदनयोः प्रतिमासमेको जातो निरन्तरतया परिरम्भयोगः ॥
४९९११ आभाति धूसरतरं तिमिरं पुरस्तादन्तःस्फुरद्विरलतारकभारमेतत् ।
४९९१२ दग्धुं वियोगिविपिनं सितरश्मिवह्नेर्धूमो ज्वलिष्यत इवानुगतस्फुलिङ्गः ॥
४९९२१ आभाति बालिकेयं पाणिस्पर्शेन पुलकितावयवा ।
४९९२२ अभिनववसन्तसङ्गादाविर्मुकुलेव बालचूतलता ॥
४९९३१ आभाति रोमराजिश्चलदलिकुलकोमला विशालाक्ष्याः ।
४९९३२ नाभीविवरान्तर्गत मदनानलधूमलेखेव ॥
४९९४१ आभाति शोभातिशयप्रपञ्चादेणीदृशोऽस्या रमणीयशोभा ।
४९९४२ वेणी लसत्कुन्तलधोरणीनां श्रेणीव किं चारुहरिन्मणीनाम् ॥
४९९५१ आभात्येतद्द्विचन्द्रं वियदपि निखिलं हन्तिनस्तु त्रिदन्ता गङ्गापूरश्चतुर्धा प्रविलसति लसत्पञ्चदन्तः करीन्द्रः ।
४९९५२ षड्वक्त्रः (सप्तवक्त्रः) परिणमति तथा षङ्गुणाः सप्तसंख्याः शङ्के त्वत्कीर्तिमूर्त्या नवमिव जगदालक्ष्यते क्षोणिपाल ॥
४९९६१ आभिचारिकहोमैस्तु मन्त्रैः षट्कर्मसाधकः ।
४९९६२ यन्त्रलेखनकैरुग्रैरुपांशुजपनादिभिः ॥
४९९७१ आभिमुख्यदशामात्रादादर्श इव सज्जनः ।
४९९७२ शीघ्रं रक्तमरक्तं वा गृह्णाति स्वप्रसादतः ॥
४९९८१ आभीरदारकमुदञ्चितकिंकिणीकमाताम्रपाणिचरणं पुरुषं पुराणम् ।
४९९८२ मञ्जीरमञ्जुमरुणाधरमम्बुजाक्षमद्वैतचिन्मयमनादिमनन्तमीडे ॥
४९९९१ आभीरनार्याः करमादधानो  न शङ्कसे माधव किं ब्रवीषि ।
४९९९२ पल्लीपतिर्बल्लववल्लभायाः  करग्रहे किं विदधीत शङ्काम् ॥
५०००१ आभीरादिगिरः काव्येष्वप्रभ्रंश इति स्मृताः ।
५०००२ शास्त्रेषु संस्कृतादन्यदपभ्रंशतयोदितम् ॥
५००११ आभुग्नाङ्गुलिपल्लवौ कचभरे व्यापारयन्ती करौ  बन्धोत्कर्षनिबद्धमानसतया शून्यां दधाना दृशम् ।
५००१२ बाहूत्क्षेपसमुन्नते स्तनतटेपर्यस्तचीनांशुका  ह्रीसङ्कोचितबाहुमूलसुभगं बध्नाति जूटिं वधूः ॥
५००२१ आभुज्येन्द्रदिशं कुबेरककुभं स्वाश्लिष्य गाढं करैर् आचुम्ब्याम्बुजिनीं समं कुमुदिनीमुल्लास्य तां दक्षिणाम् ।
५००२२ एषोऽद्यापि परारुचिर्विजयते रात्रीश्वरो द्रागिति  क्रोधादेव लयं जगाम चतुरस्तारागणः सर्वतः ॥
५००३१ आभोगः स्तनयोर्महत्यतिमहान्मुक्तास्रजं भासुरो  माहात्म्यावहितप्रभूतसुमनोबाणोऽपि तेऽन्तः स्थितः ।
५००३२ भालं स्वच्छविरोचनं बलिरसावप्यास्त एवोदरे  रोम्णां विक्रियया युवत्वभवया विन्ध्यावली वर्तते ॥
५००४१ आभोगभूषणवती कुचकुम्भसंपद् अन्तर्विकारमधुराणि विलोकितानि ।
५००४२ अङ्गान्यनङ्गपिशुनानि कुलाङ्गनानां  धीरात्मनामपि मनः परितापयन्ति ॥
५००५१ आभोगश्चैकखण्डः स्याद्द्वितीयं चोच्चखण्डकम् ।
५००५२ तुल्यनामाङ्कितं चैतदिति मध्यमलक्षणम् ॥
५००६१ आभोगिनः किमपि सम्प्रति वासरान्ते  संपन्नशालिखलपल्लवितोपशल्याः ।
५००६२ ग्रामास्तुषारभरबन्धुरगोमयाग्नि  धूमावलीवलयमेखलिनो हरन्ति ॥
५००७१ आभोगिनेत्रपरिवर्तनविभ्रमेण  मूर्त्या नितम्बवलनाकुलतां वहन्त्या ।
५००७२ यस्याशनैरविरलोत्कलिकाकलाप  पर्याकुलं हृदयमम्बुनिधिर्ममन्थ ॥
५००८१ आभोगिनौ मण्डलिनौ तत्क्षणोन्मुक्तकञ्चुकौ ।
५००८२ वरमाशीविषौ स्पृष्टौ न तु तन्व्याः पयोधरौ ॥
५००९१ आभोगे च पदैकं स्यात्किंचिदुच्चं द्वितीयकम् ।
५००९२ प्रभुनामाङ्कितं चैतत्कनिष्ठस्येति लक्षणम् ॥
५०१०१ आभ्यन्तराद्भयं रक्षन् सुरक्षेद्बाह्यतो भयम् ।
५०१०२ आभ्यन्तराद्भयं जातं सद्यो मूलं निकृन्तति ॥
५०१११ आभ्यां कुचाभ्यामिभकुम्भयोः श्रीर् आदीयतेऽसावनयोर्न ताभ्याम् ।
५०११२ भयेन गोपायितमौक्तिकौ तौ  प्रव्यक्तमुक्ताभरणाविमौ यत् ॥
५०१२१ आमं विपच्यमानं च सम्यक्पक्वं च यो भिषक् ।
५०१२२ जानीयात्स भवेद्वैद्यः शेषस्तस्करवृत्तयः ॥
५०१३१ आमत्तभ्रमरकुलाकुलानि धुन्वन्न्  उद्धूतग्रथितरजांसि पङ्कजानि ।
५०१३२ कान्तानां गगननदीतरङ्गशीतः  संतापं विरमयति स्म मातरिश्वा ॥
५०१४१ आमत्तानां श्रवणसुभगैः कूजितैः कोकिलानां  सानुक्रोशं मनसिजरुजः सह्यतां पृच्छतेव ।
५०१४२ अङ्गे चूतप्रसवसुरभिर्दक्षिणो मारुतो मे  सान्द्रस्पर्शः करतल इव व्यापृतो माधवेन ॥
५०१५१ आ मध्याह्नं नदीवासः समाजे देवतार्चनम् ।
५०१५२ सततं शुचिवेषश्चेत्येतद्दम्भस्य जीवितम् ॥
५०१६१ आमन्त्रणजयशब्दैः  प्रतिपदहुंकारघर्घरारावैः ।
५०१६२ स्वयमुक्तसाधुवादैर् अन्तरयति गायनो गीतम् ॥
५०१७१ आमन्त्रणा सुरभिणा मरुता कृतादौ  दत्तं फलं च पुरतः कटुकण्टकाख्यम् ।
५०१७२ भग्नं मुखं विमुखता च ततः शुकानां  राज्ञां पुरः पनस कीर्तिरियं तवैव ॥
५०१८१ आमन्त्रणोत्सवा विप्रा गावो नवतृणोत्सवाः ।
५०१८२ पत्युत्साहयुता नार्यः अहं कृष्ण रणोत्सवः ॥
५०१९१ आमन्त्र्य तेन देव त्वां तद्वैयर्थ्यं समर्थये ।
५०१९२ शपथः कर्कशोदर्कः सत्यं सत्योऽपि दैवतः ॥
५०२०१ आमन्थिनीकलश एष सदुग्धसिन्धुर् वेत्रं च वासुकिरयं गिरिरेष मन्थः ।
५०२०२ संप्रत्युपोढमदमन्थरबाहुदण्ड  कण्डूयनावसर एव सुरासुराणाम् ॥
५०२११ आमयार्तिरिपुत्रास क्षुदादौ दृष्टवैकृतान् ।
५०२१२ लब्धोदया ह्रीभयेन क्ष्मापा घ्नन्त्यनुयायिनः ॥
५०२२१ आ मरणादपि विरुतं  कुर्वाणाः स्पर्धया सह मयूरैः ।
५०२२२ किं जानन्ति वराकाः  काकाः केकारवं कर्तुम् ॥
५०२३१ आमर्दयति पाणिभ्यां कान्ते कमलकोरके ।
५०२३२ सिन्दूरतिलके बाला कस्तूरीतिलकं व्यधात् ॥
५०२४१ आमर्द्य वक्षोजयुगं निपीय  बिम्बाधरं मे कबरीं व्युदस्य ।
५०२४२ नीवीसमासन्नकरो निरुद्धः  स्वप्ने वयस्योऽद्य रहस्यचेष्टः ॥
५०२५१ आमर्षान्मदनः सद्यो दीप्तश्चेतसि जायते ।
५०२५२ स वृद्धिं नीयते कामं तस्मिन् द्वेष्येऽपि योषिताम् ॥
५०२६१ आमाशयस्थो हत्वाग्निं सामो मार्गान् पिधापयन् ।
५०२६२ विदधाति ज्वरं दोषस्तस्माल्लङ्घनमाचरेत् ॥
५०२७१ आमीलन्नवनीलनीरजतुलामालम्बते लोचनं  शैथिल्यं नवमल्लिकासहचरैरङ्गैरपि स्वीकृतम् ।
५०२७२ आलापादधरः स्फुरत्कलयति प्रेङ्खत्प्रवालोपमाम्  आनन्दप्रभवाश्च बाष्पकणिका मुक्ताश्रियं बिभ्रति ॥
५०२८१ आमीलितनयनानां  यत्सुरतरसोऽनुसंविदं कुरुते ।
५०२८२ मिथुनैर्मिथोऽवधारितम्  अर्चितमिदमेव कामनिर्वहणम् ॥
५०२९१ आमीलितालसविवर्तिततारकाक्षीम्  उत्कण्ठबन्धनदरश्लथबाहुवल्लीम् ।
५०२९२ प्रस्वेदवारिकणिकाचितगण्डबिम्बां  संस्मृत्य तामनिशमेति न शान्तिमन्तः ॥
५०३०१ आमुक्तं हृदि मौक्तिकं मृगदृशां भिल्लै रदोप्याददे  लुण्टाकैः करटेऽवलुण्ठि पिशितं रक्तं न नक्तंचरैः ।
५०३०२ हे पारीन्द्र करीन्द्रकुम्भदलने भूतो भवानग्रणीः  अन्यत्रैव फलोपधानमखिलं हस्ते यशस्ते परम् ॥
५०३११ आमुक्तपुष्पसुरभीकृतकेशपाशा  मुक्तालताप्रहसितस्तनभारखिन्नाः ।
५०३१२ पुण्येन कान्तधवलायतपक्ष्मलाक्ष्यो  दास्यो नृणामुपनमन्ति बलात्तरुण्यः ॥
५०३२१ आमुष्मिकैहिकसुखेच्छुभिरर्चनीयं  लिङ्गद्वयं पुररिपोरधिनाभितीर्थम् ।
५०३२२ प्रेयःकराग्ररुहभावितचन्द्ररेखं  मोदाय कस्य कृतिनो न चिराय लोके ॥
५०३३१ आमूलं क्वचिदुद्धृता क्वचिदपि च्छिन्ना स्थली बर्हिषाम्  आनम्रा कुसुमोच्चयाच्च सदयाकृष्टाग्रशाखा लता ।
५०३३२ एते पूर्वविलूनवल्कलतया रूढव्रणाः शाखिनः  सद्यच्छेदममी वहन्ति समिधां प्रस्यन्दिनः पादपाः ॥
५०३४१ आमूलकण्टकितकोमलबाहुनालम्  आर्द्राङ्गुलीदलमनङ्गनिदाघतप्तः ।
५०३४२ अस्याः करेण करमाकलयामि कान्तम्  आरक्तपङ्कजमिव द्विरदः सरस्याः ॥
५०३५१ आ मूलतो वलितकुन्तलचारुचूड  चूर्णालकप्रकरलाञ्छितभालभागः ।
५०३५२ कक्षानिवेशनिविडीकृतनीविरेष  वेषश्चिरं जयति कुन्तलकामिनीनाम् ॥
५०३६१ आ मूलतो विद्रुमरागताम्रं  सपल्लवाः पुष्पचयं दधानाः ।
५०३६२ कुर्वन्त्यशोका हृदयं सशोकं  निरीक्ष्यमाणा नवयौवनानाम् ॥
५०३७१ आमूलाग्रं सकलभुवनश्लाघ्यसौरभ्यलीला  खेलः कालागरुतरुवर क्वास्ति धन्यस्त्वदन्यः ।
५०३७२ दूयेऽप्येवं त्वयि विरचितं वीक्ष्य सङ्गं भुजङ्गैः  प्रत्यासीदत्पथिकजनताप्राणघातैकतानैः ॥
५०३८१ आमूलाग्रनिबद्धकण्टकतनुर्निर्गन्धपुष्पोद्गमश् छाया न श्रमहारिणी न च फलं क्षुत्क्षामसंतर्पणम् ।
५०३८२ बुर्बूरद्रुम साधुसङ्गरहितस्तत्तावदास्तामहो  अन्येषामपि शाखिनां फलवतां गुप्त्यै वृतिर्जायसे ॥
५०३८ १ आ मूलाद्रत्नसानोर्मलयवलयितादा च कूलात्पयोधेर् यावन्तः सन्ति काव्यप्रणयनपटवस्ते विशङ्कं वदन्तु ।
५०३८ २ मृद्वीकामध्यनिर्यन्मसृणरसझरीमाधुरीभाग्यभाजां  वाचामाचार्यतायाः पदमनुभवितुं कोऽस्ति धन्यो मदन्यः ॥
५०३९१ आमूलान्तात्सायकेनायतेन  स्यूते बाहौ मण्डुकश्लिष्टमुष्टेः ।
५०३९२ प्राप्यासह्यां वेदनामस्तधैर्याद् अप्यभ्रश्यच्चर्म नान्यस्य पाणेः ॥
५०४०१ आ मृत्युतो नैव मनोरथानां  अन्तोऽस्ति विज्ञातमिदं मयाद्य ।
५०४०२ मनोरथासक्तिपरस्य चित्तं  न जायते वै परमार्थसङ्गि ॥
५०४११ आमृद्गन्तस्तम इव सरःसीम्नि संभूय पङ्कं  तारासार्थैरिव पतिशुचा फेनकैः श्लिष्टपादाः ।
५०४१२ भ्रान्त्यादष्टस्फुटबिसलताचुञ्चुभिश्चञ्चु चक्रैश् चक्रा बन्दीकृतविरहकृच्चन्द्रलेखा इवैते ॥
५०४२१ आमृद्यन्ते श्वसितमरुतो यत्कुचोत्सेधकम्पैर् अन्तर्ध्यानात्त्रुटति च दृशोर्यद्बहिर्लक्ष्यलाभः ।
५०४२२ पक्ष्मोत्क्षेपव्यतिकरहतो यच्च बाष्पस्तदेते  भावाश्चण्डि त्रुटितहृदयं मन्युमावदेयन्ति ॥
५०४३१ आमृशद्भिरभितो वलिवीचीर् लोलमानवितताङ्गुलिहस्तैः
५०४३२ सुभ्रुवामनुभवात्प्रतिपेदे  मुष्टिमेयमिति मध्यमभीष्टैः ॥
५०४४१ आमृश्य स्तनमण्डलं प्रतिमुहुः संचुम्ब्य गण्डस्थलीं  ग्रीवां प्रत्यवलम्ब्य संभ्रमबलैराहन्यमानः करैः ।
५०४४२ सुप्तस्याद्रिनदीनिकुञ्जगहने मत्तः पयोदानिलैः  कर्णान्ते मशकः किमप्यरिवधूसार्थस्य ते जल्पति ॥
५०४५१ आमेरुमलयमुर्वी  वलयमलङ्कृत्य कीर्तिकर्पूरैः ।
५०४५२ मङ्गलमाप्नुहि नित्यं  गुणमय जय जीव यावदादित्यम् ॥
५०४५ १ आमोदं कुमुदाकरेषु विपदं पद्मेषु कालानलं  पञ्चेषोर्विशिखेषु सान्द्रशिशिरक्षारं शशिग्रावसु ।
५०४५ २ म्लानिं मानवतीमुखेषु विनयं चेतःसु वामभ्रुवां  वृद्धिं वार्धिषु निक्षिपन्नुदयते देवस्तमीकामुकः ॥
५०४६१ आमोदवासितचलाधरपल्लवेषु  निद्राकषायितविपाटललोचनेषु ।
५०४६२ व्यामृष्टपत्रतिलकेषु विलासिनीनां  शोभां बबन्ध वदनेषु मदावशेषः ॥
५०४७१ आमोदाहृतभृङ्गपक्षपवनप्रेङ्खद्रजःपिञ्जरे  पद्म श्रीर्वसतीति नाद्भुतमिदं रम्यं प्रकृत्यैव तत् ।
५०४७२ तच्चित्रं यदरातिकण्ठरुधिरप्रक्लिन्नतीक्ष्णस्फुरद् धारेऽसौ भवतश्चिरं निवसति स्त्रीत्वेऽपि हृष्टा सती ॥
५०४८१ आमोदिना समधुना परिधूसरेण  सव्याकुलभ्रमवता पतता पुरस्तात् ।
५०४८२ आयासितास्मि सखि तेन दिवावसाने  मत्तेन किं प्रणयिना न हि केसरेण ॥
५०४९१ आमोदीनि सुमेदुराणि च मृदुस्वादूनि च क्ष्मारुहाम्  उद्यानेषु वनेषु लब्धजनुषां सन्तीतरेषामपि ।
५०४९२ किंतु श्रीफलता तवैव जयिनी मालूर दिङ्मण्डले  यस्यैतानि फलानि यौवनवतीवक्षोजलक्ष्मीगृहाः ॥
५०५०१ आमोदेन कदम्बकन्दलभुवा लिम्पन्नशेषं नभः  प्रीतिस्फीतमयूरवृन्दनटनप्रस्तावनापण्डितः ।
५०५०२ अम्भोदप्रथमोदबिन्दुरचनानिर्मृष्टघर्मः शनैर् वायुर्वाति भयंकरः प्रवसतां मेघंकराडम्बरः ॥
५०५११ आमोदैर्मरुतो मृगाः किसलयोल्लासैस्त्वचा तापसाः  पुष्पैः षट्चरणाः फलैः शकुनयो घर्मार्दिताश्छायया ।
५०५१२ स्कन्धैर्गन्धगजास्त्वयैव विहिताः सर्वे कृतार्थास्ततस् त्वं विश्वोपकृतिक्षमोऽसि भवता भग्नापदोऽन्ये द्रुमाः ॥
५०५२१ आमोदैस्ते दिशि दिशि गतैर्दूरमाकृष्यमाणाः  साक्षाल्लक्ष्मीं तव मलयज द्रष्टुमभ्यागताः स्मः ।
५०५२२ किं पश्यामः सुभग भवतः क्रीडति क्रोड एव  व्यालस्तुभ्यं भवतु कुशलं मुञ्च नः साधयामः ॥
५०५३१ आम्नायानामाहान्त्या वाग्गीतीरीतीः प्रीतीर्भीतीः ।
५०५३२ भोगो रोगो मोदो मोहो ध्येये ध्येच्छे देशे क्षेमे ॥
५०५४१ आम्नायाभ्यसनान्यरण्यरुदितं कृच्छ्रव्रतान्यन्वहं  मेदश्छेदपदानि पूर्तविधयः सर्वे हुतं भस्मनि ।
५०५४२ तीर्थानामवगाहनानि च गजस्नानं विना यत्पद  द्वन्द्वाम्भोरुहसंस्तुतिं विजयते देवः स नारायणः ॥
५०५५१ अम्नाये स्मृतितन्त्रे च लोकाचारे च सूरिभिः ।
५०५५२ शरीरार्धं स्मृता जाया पुण्यापुण्यफले समा ॥
५०५६१ आम्रं छित्त्वा कुठारेण निम्बं परिचरेत्तु यः ।
५०५६२ यश्चैनं पयसा सिञ्चेन्नैवास्य मधुरो भवेत् ॥
५०५७१ आम्र यद्यपि गता दिवसास्ते  पुष्पसौरभफलप्रचुरा ये ।
५०५७२ हन्त संप्रति तथापि जनानां  छाययैव दलयस्यतितापम् ॥
५०५८१ आम्राः किं फलभारनम्रशिरसो रम्याः किमूष्मच्छिदः  सच्छायाः कदलीद्रुमाः सुरभयः किं पुष्पिताश्चम्पकाः ।
५०५८२ एतास्ता निरवग्रहोग्रकरभोल्लीढार्धरूढाः पुनः  शम्यो भ्राम्यसि मूढ निर्मरुति किं मिथ्यैव मर्तुं मरौ ॥
५०५९१ आम्राङ्कुरोऽयमरुण  श्यामलरुचिरस्थिनिर्गतः सुतनु ।
५०५९२ नवकमठकर्परपुटान्  मूर्धेवोर्ध्वं गतः स्फुरति ॥
५०६०१ आम्रीमञ्जुलमञ्जरीवरशरः सत्किंशुकं यद्धनुर् ज्या यस्यालिकुलं कलङ्करहितं छत्रं सितांशुः सितम् ।
५०६०२ मत्तेभो मलयानिलः परभृतो यद्वन्दिनो लोकजित् सोऽयं वो वितरीतरीतु वितनुर्भद्रं वसन्तान्वितः ॥
५०६११ आम्रे पल्लविते स्थित्वा कोकिला मधुरस्वरम् ।
५०६१२ चुकूज कामिनां चित्तमाकर्षन्तीव दूतिका ॥
५०६२१ आम्रैः क्षेमं भल्ला  तकैर्भयं पीलुभिस्तथारोग्यम् ।
५०६२२ खदिरशमीभ्यां दुर्भि  क्षमर्जुनैः शोभना वृष्टिः ॥
५०६३१ आम्लेन ताम्रशुद्धिः स्याच्छुद्धिः कांस्यस्यभस्मना ।
५०६३२ संशुद्धी रजसा नार्यास्तटिन्या वेगतः शुचिः ॥
५०६४१ आयं पश्यन् व्ययं कुर्यातायादल्पतरं व्ययम् ।
५०६४२ आयाभावे व्ययं कुर्वन् कुबेरोऽपि विनश्यति ॥
५०६५१ आयताग्रसितरश्मिनिबद्धं  लाञ्छनच्छविमषीरसदिग्धम् ।
५०६५२ चन्द्रकैतवमरुत्पटचक्रं  क्रीडयोत्सृजति किं स्मरबालः ॥
५०६६१ आयताङ्गुलिरभूदतिरिक्तः  सुभ्रुवां क्रशिमशालिनि मध्ये ।
५०६६२ श्रोणिषु प्रियकरः पृथुलासु  स्पर्शमाप सकलेन तलेन ॥
५०६७१ आयतिं सर्वकार्याणां तदात्वं च विचारयेत् ।
५०६७२ अतीतानां च सर्वेषां गुणदोषौ च तत्त्वतः ॥
५०६८१ आयतीमिव विध्वस्तामाज्ञां प्रतिहतामिव ।
५०६८२ दीप्तामिव दिशं काले पूजामपहतामिव ॥
५०६९१ आयत्यां गुणदोषज्ञस्तदात्वे क्षिप्रनिश्चयः ।
५०६९२ अतीते कार्यशेषज्ञः शत्रुभिर्नाभिभूयते ॥
५०७०१ आयत्यां च तदात्वे च यत्स्यादास्वादपेशलम् ।
५०७०२ तदेव तस्य कुर्वीत न लोकद्विष्टमाचरेत् ॥
५०७११ आयत्यां प्रतिकारज्ञस्तदात्वे दृढनिश्चयः ।
५०७१२ अतीते कार्यशेषज्ञो नरोऽर्थैर्न प्रहीयते ॥
५०७२१ आयत्या च जयेदाशामर्थं सङ्गविवर्जनात् ।
५०७२२ अनित्यत्वेन च स्नेहं क्षुधं योगेन पण्डितः ॥
५०७३१ आयद्वारेषु सर्वेषु कुर्यादाप्तान् परीक्षितान् ।
५०७३२ आददीत धनं तैस्तु भास्वानुस्रैरिवोदकम् ॥
५०७४१ आयव्ययं सदानुष्णं छेदनं संशयस्य च ।
५०७४२ अनिशं तस्य च ज्ञानं मन्त्रिणां त्रिविधं फलम् ॥
५०७५१ आयव्ययेऽन्नसंस्कारे गृहोपस्काररक्षणे ।
५०७५२ शौचेऽग्निकार्ये संयोज्याः रक्षा स्त्रीणामियं स्मृता ॥
५०७५ १ आयव्ययौ यस्य च संविभक्तौ  छन्नश्च चारो निभृतश्च मन्त्रः ।
५०७५ २ न चाप्रियं मन्त्रिषु यो ब्रवीति  सा सागरान्तां पृथिवीं प्रशास्ति ॥
५०७६१ आयस्ता कलहं पुरेव कुरुते न स्रंसने वाससो  भुग्नभ्रूरतिखण्ड्यमानमधरं धत्ते न केशग्रहे ।
५०७६२ अङ्गान्यर्पयति स्वयं भवति नो वामा हठालिङ्गने  तन्व्या शिक्षित एष संप्रति पुनः कोपप्रकारोऽपरः ॥
५०७७१ आयस्य तावदपि कर्म करोतु कश्चित् तेनापि मातरधिकं किमिहानुभाव्यम् ।
५०७७२ आस्ते सुखं य इह भारतवर्षसीमन्य् आस्ते स किंचिदित उत्तरतोऽपसृत्य ॥
५०७८१ आयस्य तुर्यभागेन व्ययकर्म प्रवर्तयन् ।
५०७८२ अन्यूनतैलदीपोऽपि चिरं भद्राणि पश्यति ॥
५०७९१ आयाच्चतुर्थभागेन व्ययकर्म प्रवर्तयेत् ।
५०७९२ प्रभूततैलदीपो हि चिरं भद्राणि पश्यति ॥
५०८०१ आयातं मामपरिचितया वेलया मन्दिरं ते  चोरो दण्ड्यस्त्वमिति मधुरं व्याहरन्त्या भवत्या ।
५०८०२ मन्दे दीपे मधुलवमुचां मालया मल्लिकानां  बद्धं चेतो दृढतरमिदं बाहुबन्धच्छलेन ॥
५०८११ आयातं सखि दयितं चिरात्प्रवासात् क्षामाङ्गं तव विरहानलेन तप्तम् ।
५०८१२ सद्योऽमुं निजमृदुलाङ्गसङ्गदानात् संतृप्तिं नय भव संमुखी किमेवम् ॥
५०८२१ आयातः कुमुदेश्वरो विजयते सर्वेश्वरो मारुतो  भृङ्गः स्फूर्जति भैरवो न निकटं प्राणेश्वरो मुञ्चति ।
५०८२२ एते सिद्धरसाः प्रसूनविशिखो वैद्योऽनवद्योत्सवो  मानव्याधिरयं कृशोदरि कथं त्वच्चेतसि स्थास्यति ॥
५०८३१ आयातस्ते समीपं तव गुणविमलान् पण्डितो वादकर्ता  काव्ये भव्ये हि रेवाभवविगतरसे रुग्युगे रोगहर्ता ।
५०८३२ नाहं जाने चिकित्सां सकलगुणनिधे दुर्दरिद्रत्वरोगे  श्रीमद्राजार्जुनेन्द्रप्रबलमपि यते कल्पिता सा चिकित्सा ॥
५०८४१ आयाताः सखि वर्षा  वर्षादपि यासु वासरो दीर्घः ।
५०८४२ दिशि दिशि नीरतरङ्गो  नीरतरङ्गो ममापि हृदयेशः ॥
५०८५१ आयाता जलदावली सरभसं विद्युत्समालिङ्गिता  शैलानां परितः सशब्दमहिभुक्श्रेणी नरीनृत्यति ।
५०८५२ एवं सत्यपि हन्त संप्रति पतिर्देशान्तरं प्रस्थितस् तद्दुःखं विनिवेद्यतां सखि कथं कस्याधुनाग्रे मया ॥
५०८६१ आयाता मधुयामिनी यदि पुनर्नायात एव प्रभुः  प्राणा यान्तु विभावसौ यदि पुनर्जन्मग्रहं प्रार्थये ।
५०८६२ व्याधः कोकिलबन्धने विधुपरिध्वंसे च राहुग्रहः  कन्दर्पे हरनेत्रदीधितिरहं प्राणेश्वरे मन्मथः ॥
५०८७१ आयाता मधुरजनी  मधुरजनीगीतिहृद्येयम् ।
५०८७२ अङ्कुरितः स्मरविटपी  स्मर विट पीनस्तनीमबलाम् ॥
५०८८१ आयाता रजनी भविष्यति महाविश्लेषदावानलो  नोद्वेगः सहसा कृशाङ्गि मनसा कार्यो रथाङ्गाह्वयः ।
५०८८२ इत्थं बाष्पनिरुद्धगद्गदतया संभाष्य कोकीं चिरं  चिन्तापूर्णमना विनोदविमुखो हंहो विधिं निन्दति ॥
५०८९१ आयाता रतिनायकस्य विपिनं श्रीराधिकाभ्यागतो  दैवादेव हरिश्च तत्र चतुरश्चेटोऽपि तत्रागमत् ।
५०८९२ शीघ्रं पर्वतकन्दरोदरगतं लास्यं शिखीनां पुरः  पंश्यामीति हरिं निगद्य शनकैर्गेहं समभ्यागमत् ॥
५०९०१ आयातासि विमुञ्च वेपथुभरं दृष्टासि किं केनचिन्  नीलं चोलममुं विमुञ्च हरतु स्वेदं निशीथानिलः ।
५०९०२ इत्यन्तर्भयसन्नकण्ठमसकृद्यामीति तल्पातिथिर् त्रस्यन्ती परिरभ्यते सुकृतिना स्वैरं नवस्वैरिणी ॥
५०९११ आयाति फुल्लकुसुमः कुसुमागमोऽयम्  एषा शशाङ्कतिलका शरदागतेति ।
५०९१२ बाढं प्रहृष्यति जनो न पुनर्ममैतद् आयुःप्रहीणमिति याति मनोविषादम् ॥
५०९२१ आयाति याति खेदं  करोति मधु हरति मधुकरीवान्या ।
५०९२२ अधिदेवता त्वमेव  श्रीरिव कमलस्य मम मनसः ॥
५०९३१ आयाति याति पुनरेव जलं प्रयाति  पद्माङ्कुराणि विधुनोति धुनोति पक्षौ ।
५०९३२ उन्मत्तवद्भ्रमति कूजति मन्दमन्दं  कान्तावियोगविधुरो निशि चक्रवाकः ॥
५०९४१ आयाति श्रियमञ्जसा नयनयोरम्भोरुहप्रेयसी  संनाहः स्तनयोरयं कलयते संभोगयोग्यां दशाम् ।
५०९४२ वैदग्ध्येन सहासिकां वितनुते वाचामियं प्रक्रिया  मुग्धायाः पुनरैन्दवीं न सहते मुख्यामभिख्यां मुखम् ॥
५०९५१ आयाति स्खलितैः पादैर्मुखवैवर्ण्यसंयुतः ।
५०९५२ ललाटस्वेदभाग्भूरिगद्गदं भाषते वचः ॥
५०९६१ कम्पमानमधोऽवेक्षी पापं प्राप्तः सदा नरः ।
५०९६२ तस्माद्यत्नात्परिज्ञेयश्चिह्नैरेतैर्विचक्षणैः ॥
५०९७१ आयाति हृष्टोऽभिमुखो यदि श्वा  क्रीडां प्रकुर्वन् विलुथंस्तथाग्रे ।
५०९७२ शीघ्रं तदानीं ध्रुवमध्वगानां  भवेत्प्रभूतो धनधान्यलाभः ॥
५०९८१ आयातु यातु खेदं  करोतु मधु हरतु चाप्यन्या ।
५०९८२ अधिदेवता त्वमेव  श्रीरिव कमलस्य मम मनसः ॥
५०९९१ आयाते च तिरोहितो यदि पुनर्दृष्टोऽन्यकार्ये रतो  वाचि स्मेरमुखो विषण्णवदनः स्वक्लेशवादे मुहुः ।
५०९९२ अन्तर्वेश्मनि वासमिच्छति भृशं व्याधीति यो भाषते  भृत्यानामपराधकीर्तनपरस्तन्मन्दिरं न व्रजेत् ॥
५१००१ आयाते दयिते मनोरथशतैर्नीत्वा कथंचिद्दिनं  गत्वा वासगृहं जडे परिजने दीर्घां कथां कुर्वति ।
५१००२ दष्टास्मीत्यभिधाय सत्वरपदं व्याधूय चीनांशुकं  तन्वङ्ग्या रतिकातरेण मनसा नीतः प्रदीपः शमम् ॥
५१०११ आयाते दयिते मरुस्थलभुवामुल्लङ्घ्य दुर्लङ्घ्यतां  गेहिन्या परितोषबाष्पतरलामासज्य दृष्टिं मुखे ।
५१०१२ दत्वा पीलुशमीकरीरकवलान् स्वेनाञ्चलेनादराद् आमृष्टं करभस्य केशरसटाभाराबलग्नं रजः ॥
५१०२१ आयाते रभसाद्यदि प्रियतमे प्रत्युद्गता नो चिरं  नो वा मण्डलितोन्नतस्तनतटं गाढं समालिङ्गितः ।
५१०२२ आश्लिष्य स्वभुजावलम्बमथवा प्रेमार्द्रया नो गिरा  संभाव्याभिहितो हतासि सरले स्वैरेव दुश्चेष्टितैः ॥
५१०३१ आयातेऽर्थिनि गोत्रभिद्यभिमते कर्णोऽमुचत्कुण्डलं  कामास्त्रं किल भूरिलोचनयुगं तस्मिन् समासज्जताम् ।
५१०३२ नन्वेतत्कुरुनायकस्य हृदयं तस्मात्समाधीयतां  संभूतस्तपसोऽत्र यो रतिरसो मापार्थतो हीयताम् ॥
५१०४१ आयाते श्रुतिगोचरं प्रियतमप्रस्थानकाले पुरस् तल्पान्तःस्थितया तदाननमलं दृष्ट्वा चिरं मुग्धया ।
५१०४२ सोच्छ्वासं दृढमन्युनिर्भरगलद्बाष्पाम्बुधौतं तया  स्वं वक्त्रं विनिवेश्य भर्तृहृदये निःशब्दकं रुद्यते ॥
५१०५१ आयातैव निशा निशापतिकरैः कीर्णं दिशामन्तरं  भामिन्यो भवनेषु भूषणगणैरङ्गान्यलंकुर्वते ।
५१०५२ मुग्धे मानमपाकरोषि न मनागद्यापि रोषेण ते  हा हा बालमृणालतोऽप्यतितरां तन्वी तनुस्ताम्यति ॥
५१०६१ आयातैव निशा मनो मृगदृशामुन्निद्रमातन्वती  मानो मे कथमेष संप्रति निरातङ्कं हृदि स्थास्यति ।
५१०६२ ऊहापोहमिमं सरोजनयना यावद्विधत्तेतरां  तावत्कामनृपातपत्रसुषमं बिम्बं बभासे विधोः ॥
५१०७१ आयातो दयितस्तवेति सहसा न श्रद्दधे भाषितं  सद्यः संमुखतां गतेऽपि सुमुखी भ्रान्तिं निजां मन्यते ।
५१०७२ कण्ठाश्लेषिभुजेऽपि शून्यहृदया स्वप्नान्तरं शङ्कते  प्रत्यावृत्तिमियं प्रियस्य कियता प्रत्येतु शातोदरी ॥
५१०८१ आयातो भवतः पितेति सहसा मातुर्निशम्योदितं  धूलीधूसरितो विहाय शिशुभिः क्रीडारसान् प्रस्तुतान् ।
५१०८२ दूरात्स्मेरमुखः प्रसार्य ललितं बाहुद्वयं बालको  नाधन्यस्य पुरः समेति परया प्रीत्या रटद्घर्घरम् ॥
५१०९१ आयातो वनमाली  गृहपतिरालि समायातः ।
५१०९२ स्मर सखि पाणिनिसूत्रं  विप्रतिषेधे परं कार्यम् ॥
५११०१ आयात्त्रिभागतः कुर्याद्व्ययं धर्मपरो नरः ।
५११०२ एतदेव हि पाण्डित्यं यदायादल्पको व्ययः ॥
५११११ आयान्तं गुणिनं दृष्ट्वा प्रहृष्येदाद्रियेत च ।
५१११२ गुणिनो ह्यादृता भूयश्चेष्टन्ते तस्य संपदे ॥
५११२१ आयान्तं स्वपतिं दृष्ट्वा भक्षयन्ती सदाखिलम् ।
५११२२ परित्यक्ता निजैः पुत्रैर्बान्धवैः स्वजनैस्तथा ॥
५११३१ आयान्तमालोक्य हरिं प्रतोल्याम्  आल्याः पुरस्तादनुरागमेका ।
५११३२ रोमाञ्चकम्पादिभिरुच्यमानं  भामा जुगूह प्रणमन्त्यथैनम् ॥
५११४१ आयान्ति त्वरितं गभीरसरितां कूलेषु भूमीरुहां  मूलेषु व्यथिता निदाघपथिकाः कृत्यं तदेषां परम् ।
५११४२ यत्पुष्पैरधिवासनं निबिडया यच्छायया पालनं  यन्मन्दैरुपवीजनं च पवनैः कृत्यं तदुर्वीरुहाम् ॥
५११५१ आयान्ति यत्र निवसन्ति चिराय चेष्टं  निर्यान्ति चैवममिताः सरितो यतोऽमी ।
५११५२ देवैर्हृतेषु बहुलेषु मणिष्वपीभ्यो  यः पूर्ववत्स जयतादमृतैकभूमिः ॥
५११६१ आयान्ति यान्ति सततं  नीरं शिशिरं खरं न गणयन्ति ।
५११६२ विद्मो न हन्त दिवसाः  कस्य किमेते करिष्यन्ति ॥
५११७१ आयान्त्यग्रे ननु तनुभवा उत्तमर्णा इवेमे  शय्यालग्नाः फणभृत इवाभान्ति दारा इदानीम् ।
५११७२ कारागेहप्रतिममधुना मन्दिरं दृश्यते मे  तत्र स्थातुं प्रसजति मनो न क्षणं न क्षणार्धम् ॥
५११८१ आयान्त्यां निजयुवतौ वनात्सशङ्कं  बर्हाणामपरशिखण्डिनीं भरेण ।
५११८२ आलोक्य व्यवदधतं पुरो मयूरं  कामिन्यः श्रदधुरनार्जवं नरेषु ॥
५११९१ आयान्त्या दिवसश्रियः पदतलस्पर्शानुभावादिव  व्योमाशोकतरोर्नवीनकलिकागुच्छः समुज्जृम्भते ।
५११९२ आतन्वन्नवतंसविभ्रममसावाशाकुरङ्गीदृशाम्  उन्मीलत्तरुणप्रभाकरकरस्तोमः समुद्भासते ॥
५१२०१ आयामिनोस्तदक्ष्णोर् अञ्जनरेखाविधिं वितन्वन्त्याः ।
५१२०२ पाणिः प्रसाधिकायाः  प्रापदपाङ्गं चिरेण विश्रम्य ॥
५१२११ आयासः परहिंसा  वैतंसिकसारमेय तव सारः ।
५१२१२ त्वामपसार्य विभाज्यः  कुरङ्ग एषोऽधुनैवान्यैः ॥
५१२२१ आयासशतलभ्यस्य प्राणेभ्योऽपि गरीयसः ।
५१२२२ गतिरेकैव वित्तस्य दानं शेषा विपत्तयः ॥
५१२३१ आयासशोकभयदुःखमुपैति मर्त्यो  मानेन सर्वजननिन्दितवेषरूपः ।
५१२३२ विद्यादयादमयमादिगुणांश्च हन्ति  ज्ञात्वेति गर्ववशमेति न शुद्धबुद्धिः ॥
५१२४१ आयासश्लथबाहुवल्लिरधिकस्मेरै . .  लोलापाङ्गकपोलपालिरलिकस्तोमार्धलुप्तालका ।
५१२४२ न्यस्यन्ती मदयत्यनावृत इव प्रच्छादनायाञ्चलं  मुग्धा स्वेदनिपीतसूक्ष्मसिचयव्यक्तस्तनी वक्षसि ॥
५१२५१ आयासादलघुतरस्तनैः स्वनद्भिः  श्रान्तानामविकचलोचनारविन्दैः ।
५१२५२ अभ्यम्भः कथमपि योषितां समूहैस् तैरुर्वीनिहितचलत्पदं प्रचेले ॥
५१२६१ आयासानविचिन्तयन्नगणयल्लाभं ततः किंचिदप्य् अम्भो मुञ्चति कीर्तिमात्रशरणो धाराधरः सर्वतः ।
५१२६२ तद्यत्नादुपयुज्य वर्धयतु वा दातुर्यशः शाश्वतं  मौढ्यादेतदुपेक्ष्य नाशयतु वा लोकः प्रमाणं ततः ॥
५१२७१ आयास्य बहुभिर्दुग्धां पीतां वत्सेन सद्गवीम् ।
५१२७२ सुशिक्षितोऽपि गोपालः प्रयत्नेन दुहीत किम् ॥
५१२८१ आयास्यसि कदा कान्ते मदन्तकमयि प्रभे ।
५१२८२ इति प्र्ष्टेन्दुवदनाच्छादयद्वाससा मुखम् ॥
५१२९१ आयास्यस्यवधावपर्यवसिते गत्वेति संभाव्यते  संप्राप्ते त्वयि यानि तान्यपि सुखान्यद्यापरोक्षाणि नः ।
५१२९२ किंत्वज्ञातवियोगवेदनमिदं सद्यस्त्वयि प्रस्थिते  चेतः किं नु करीष्यतीत्यविदितं सम्यङ्न निश्चीयते ॥
५१३०१ आयास्यामि पुनस्तवान्तिकमहं यामे व्यतीते प्रियेत्य् उक्त्वा पङ्कजलोचना सरभसं कान्ता समाजं ययौ ।
५१३०२ जाते क्वापि च सीञ्जते किमु समायातेति मार्गं मुहुर् दर्शं दर्शमथो मया निशि मनाग्लब्धो न निद्रारसः ॥
५१३११ आयुः कर्म च वित्तं च विद्या निधनमेव च ।
५१३१२ पञ्चैतानि हि सृज्यन्ते गर्भस्थस्यैव देहिनः ॥
५१३२१ आयुः कल्लोललोलं कतिपयदिवसस्थायिनी यौवनश्रीर् अर्थाः संकल्पकल्पा घनसमयतडिद्विभ्रमा भोगपूराः ।
५१३२२ कण्ठाश्लेषोपगूढं तदपि च न चिरं यत्प्रियाभिः प्रणीतं  ब्रह्मण्यासक्तचित्ता भवत भवभयाम्भोधिपारं तरीतुम् ॥
५१३३१ आयुःप्रश्ने दीर्घमायुर्वाच्यं मौहूर्तिकैर्जनैः ।
५१३३२ जीवन्तो बहु मन्यन्ते मृताः प्रक्ष्यन्ति कं पुनः ॥
५१३४१ आयुः श्रियं यशो धर्मं लोकानाशिष एव च ।
५१३४२ हन्ति श्रेयांसि सर्वाणि पुंसो महदतिक्रमः ॥
५१३५१ आयुः श्रीः कीर्तिरैश्वर्यमाशिषः पुरुषस्य याः ।
५१३५२ भवन्त्येव हि तत्काले यथानिच्छोर्विपर्ययाः ॥
५१३६१ आयुःसत्त्वबलारोग्यसुखप्रीतिविवर्धनाः ।
५१३६२ रस्याः स्निग्धाः स्थिरा हृद्या आहाराः सात्त्विकप्रियाः ॥
५१३७१ आयुःसारं युअवनम्  ऋतुसारः कुसुमसायकवयस्यः ।
५१३७२ सुन्दरि जीवितसारो  रतिभोगरसामृतस्वादः ॥
५१३८१ आयुक्तकेभ्यश्चोरेभ्यः परेभ्यो राजवल्लभात् ।
५१३८२ पृथिवीपतिलोभाच्च प्रजानां पञ्चधा भयम् ॥
५१३९१ आयुधानां धनुः श्रेष्ठमासनानां च मेदिनी ।
५१३९२ फलानां चाम्रवृक्षस्य देवानां च महेश्वरः ॥
५१४०१ आयुर्घृते गुडे रोगा नित्यं मृत्युर्विदाहिषु ।
५१४०२ आरोग्यं कटुतिक्तेषु बलं माषे पयस्तु च ॥
५१४११ आयुर्दानमहोत्सवस्य विनतक्षोणीभृतां मूर्तिमान्  विश्वासो नयनोत्सवो मृगदृशां कीर्तेः प्रकाशः परः ।
५१४१२ आनन्दः कलिताकृतिः सुमनसां वीरश्रियो जीवितं  धर्मस्यैव निकेतनं विजयते वीरः कलिङ्गेश्वरः ॥
५१४२१ आयुर्दीर्घतरं वपुर्वरतरं गोत्रं गरीयस्तरं  वित्तं भूरितरं बलं बहुतरं स्वामित्वमुच्चैस्तरम् ।
५१४२२ आरोग्यं विगतान्तरं त्रिजगति श्लाघ्यत्वमल्पेतरं  संसाराम्बुनिधिं करोति सुतरं चेतः कृपार्द्रान्तरम् ॥
५१४३१ आयुर्नश्यति पश्यतां प्रतिदिनं याति क्षयं यौवनं  प्रत्यायान्ति गताः पुनर्न दिवसाः कालो जगद्भक्षकः ।
५१४३२ लक्ष्मीस्तोयतरङ्गभङ्गचपला विद्युच्चलं जीवितं  यस्मान्मां शरणागतं शरणद त्वं रक्ष रक्षाधुना ॥
५१४४१ आयुर्नीरतरङ्गभङ्गुरमिति ज्ञात्वा सुखेनासितं  लक्ष्मीः स्वप्नविनश्वरीति सततं भोगेषु बद्धा रुचिः ।
५१४४२ अभ्रस्तम्बविडम्बि यौवनमिति प्रेम्णावगूढाः स्त्रियो  यैरेवात्र विमुच्यते भवरसात्तैरेव बद्धो जनः ॥
५१४५१ आयुर्बलं विपुलमस्तु सुखित्वमस्तु  कल्याणमस्तु विपुला तव कीर्तिरस्तु ।
५१४५२ श्रीरस्तु धर्ममतिरस्तु रिपुक्षयोऽस्तु  संतानवृद्धिरभिवाञ्छितसिद्धिरस्तु ॥
५१४६१ आयुर्यशो बलं वित्तमाकाङ्क्षद्भिः प्रियाणि च ।
५१४६२ पितैवाराधनीयोऽग्रे दैवतं हि पिता महत् ॥
५१४७१ आयुर्लेखा पवनचलनाश्लिष्टदीपोपमेया  संपच्चैषा मदवशचलत्कामिनीदृष्टिलोला ।
५१४७२ तीव्रश्चान्तर्दहति हृदयं विप्रयोगः प्रियेभ्यस् तस्मादेतत्सततममलं ब्रह्म शान्तं प्रपन्नाः ॥
५१४८१ आयुर्वर्षशतं नृणां परिमितं रात्रौ तदर्धं गतं  तस्यार्धस्य परस्य चार्धमपरं बालत्ववृद्धत्वयोः ।
५१४८२ शेषं व्याधिवियोगदुःखसहितं सेवादिभिर्नीयते  जीवे वारितरङ्गचञ्चलतरे सौख्यं कुतः प्राणिनाम् ॥
५१४९१ आयुर्वर्षशतं नृणां परिमितं रात्रौ तदर्धं हृतं  तस्यार्धस्य च किंचिदेव जरया बाल्येन किंचिधृतम् ।
५१४९२ किंचिद्व्याधिवियोगदुःखमरणैर्भूपालसेवारसैर् नष्टं शिष्टमतस्तरङ्गतरलं पुंसां सुखं क्व क्षणे ॥
५१५०१ आयुर्वायुचलं सुरेश्वरधनुर्लोलं बलं यौवनं  विद्युद्वच्चपलं धनं गिरिनदीकल्लोलवच्चञ्चलम् ।
५१५०२ तारुण्यं करिकर्णतालतरलं देहं च रोगाकुलं  ज्ञात्वा सर्वमिदं कुरुध्वममलं धर्मं सदा निश्चलम् ॥
५१५११ आयुर्वायुव्यथितनलिनीपत्रमित्रं किमन्यत् संपच्छम्पाद्युतिसहचरी स्वैरचारी कृतान्तः ।
५१५१२ कस्मादस्मिन् भ्रमसि तमसि त्वं प्रयाहि प्रयागं  पौनःपुन्यं भुवि भगवती स्वर्धुनी ते धुनीते ॥
५१५२१ आयुर्वासरमासवत्सरगणे गच्छत्यदूरं पथैर् आक्रामन्ति कृतान्तकासरखुरक्षुण्णा रजोराजयः ।
५१५२२ ईषल्लङ्घितशैशवा इति वयःसंधिं दधाना इति  व्यक्ता वर्जितयौवना इति तथा नन्दन्ति तन्द्रालवः ॥
५१५३१ आयुर्वित्तं गृहच्छिद्रं मन्त्रमैथुनभेषजम् ।
५१५३२ अपमानं तपो दानं नव गोप्यानि यत्नतः ॥
५१५४१ आयुर्वित्तं गृहच्छिद्रं मन्त्रमैथुनभेषजम् ।
५१५४२ दानमानापमानं च नवैतानि सुगोपयेत् ॥
५१५५१ आयुर्वृद्धिक्षयोत्कर्षहेतुं कालविनिर्गतम् ।
५१५५२ वाञ्छतां धनिनामिष्टं जीवितात्परमं धनम् ॥
५१५६१ आयुर्वेदकृताभ्यासः सर्वेषां प्रियदर्शनः ।
५१५६२ आर्यशीलगुणोपेत एष वैद्यो विधीयते ॥
५१५७१ आयुर्वेदमधीयानाः केवलं सपरिग्रहम् ।
५१५७२ दृश्यन्ते बहवो वैद्या व्याधिभिः समभिप्लुताः ॥
५१५८१ आयुषः क्षण एकोऽपि न लभ्यः स्वर्णकोटिभिः ।
५१५८२ स चेन्निरर्थकं नीतः का नु हानिस्ततोऽधिका ॥
५१५९१ आयुषः क्षण एकोऽपि न लभ्यः स्वर्णकोटिभिः ।
५१५९२ स वृथा नीयते येन तस्मै नृपशवे नमः ॥
५१६०१ आयुषः क्षण एकोऽपि सर्वरत्नैर्न लभ्यते ।
५१६०२ नीयते यद्वृथा सोऽपि प्रमादः सुमहानयम् ॥
५१६११ आयुष्मान् प्राङ्मुखो भुञ्जात्धनवान् दक्षिणामुखः ।
५१६१२ पश्चिमे तु यशस्वी स्यान्न कदाचिदुदङ्मुखः ॥
५१६२१ आयुष्यं सर्वथा रक्ष्यं प्राणिनामिह धीमता ।
५१६२२ अप्यल्पगुणसंपन्नो जीवन् भद्राणि पश्यति ॥
५१६३१ आयुस्तडिच्चलमपायि शरीरमेतन्  मृत्युर्ग्रसिष्यति कदेति न कोऽपि वेद ।
५१६३२ अद्यैव तद्भजत मुक्तिपथं द्विजेन्द्रा  ज्येष्ठागमावधि हि तिष्ठति किं न दर्शः ॥
५१६४१ आयुस्ते कियदस्ति तत्र च कियत्तारुण्यमत्रापि वाप्य् अर्धं निर्गिलितं निशात्मकतया यत्रास्ति सङ्गो न ते ।
५१६४२ शेषाः सन्ति कति क्षणाः प्रणयजस्तत्रापि कोपो यदि  व्यर्थं निश्चिनु चक्रवाकि जननं कस्ते हितं वक्ष्यति ॥
५१६५१ आयुस्ते नरवीर वर्धतु सदा हेमन्तरात्रिर्यथा  लोकानां प्रियवर्धनो भव सदा हेमन्तसूर्यो यथा ।
५१६५२ लोकानां भयवर्धनो भव सदा हेमन्ततोयं यथा  नाशं यान्तु तवारयोऽपि सततं हेमन्तपद्मं यथा ॥
५१६६१ आयूंषि क्षणिकानि यौवनमपि प्रायो जराध्यासितं  संयोगा विरहावसानविरसा भोगाः क्षणध्वंसिनः ।
५१६६२ जानन्तोऽपि यथाव्यवस्थितमिदं लोकाः समस्तं जगच् चित्रं यद्गुरुगर्वभावितधियः क्रुध्यन्ति माद्यन्ति च ॥
५१६७१ आयूरेखां चकारास्याः करे द्राघीयसीं विधिः ।
५१६७२ शौण्डीर्यगर्वनिर्वाहप्रत्याशां च मनोभुवः ॥
५१६८१ आये व्यये तथा नित्यं त्यक्तलज्जस्तु वै भवेत् ।
५१६८२ न कुञ्चितेन गूढेन नित्यं प्रावरणादिभिः ॥
५१६९१ आयोधने कृष्णगतिं सहायम्  अवाप्य यः क्षत्रियकालरात्रिम् ।
५१६९२ धारां शितां रामपरश्वधस्य  संभावयत्युत्पलपत्रसाराम् ॥
५१७०१ आरक्ततामेति मुखं जिह्वा वा श्यामतां यदा ।
५१७०२ तदा प्राज्ञो विजानीयान्मृत्युमासन्नमात्मनः ॥
५१७११ आरक्तदीर्घनयनो नयनाभिरामः  कन्दर्पकोटिललितं वपुरादधानः ।
५१७१२ भूयात्स मेऽद्य हृदयाम्बुरुहाधिवर्ती  वृन्दाटवीनगरनागरचक्रवर्ती ॥
५१७२१ आरक्तराजिभिरियं  कुसुमैर्नवकन्दली सलिलगर्भैः ।
५१७२२ कोपादन्तर्बाष्पे  स्मरयति मां लोचने तस्याः ॥
५१७३१ आरक्ताङ्कुरदन्तुरा कमलिनी नायामिनी यामिनी  स्तोकोन्मुक्ततुषारमम्बरमणेरीषत्प्रगल्भं महः ।
५१७३२ अप्येते सहकारसौरभमुचो वाचालिताः कोकिलैर् आयान्ति प्रियविप्रयुक्तयुवतीमर्मच्छिदो वासराः ॥
५१७४१ आरक्तानां नवमधु शनैरापिबन् पद्मिनीनां  कालोन्निद्रे कुवलयवने घूर्णमानः सलीलम् ।
५१७४२ स्विन्नो दानैर्विपिनकरिणां सौम्य सेविष्यते त्वाम्  आमोदानामहमहमिकामादिशन् गन्धवाहः ॥
५१७५१ आरक्तायतपुष्पबाणनयने स्निग्धाञ्जनश्यामिकां  काश्मीरारुणकर्णिकारकुसुमोत्तंसे महानीलताम् ।
५१७५२ उन्मीलत्तिलकान्तरे मृगमदक्षोदार्द्रबिन्दूपमां  धत्ते मुग्धतमालकान्तिमधुपीवृन्दं वसन्तश्रियः ॥
५१७६१ आरक्तैर्नवपल्लवैर्विटपिनो नेत्रोत्सवं तन्वते  तान् धुन्वन्नयमभ्युपैति मधुरामोदो मरुद्दक्षिणः ।
५१७६२ तेनालिङ्गितमात्र एव विधिवत्प्रादुर्भवन्निर्भर  क्रीडाकूतकषायितेन मनसा लोकोऽयमुन्माद्यते ॥
५१७७१ आरण्यास्तु स्वकैः कुर्युः सार्थिकाः सार्थिकैः सह ।
५१७७२ सैनिकाः सैनिकैरेव ग्रामेऽप्युभयवासिभिः ॥
५१७८१ आरब्धमब्धिमथनं  स्वहस्तयित्वा द्विजिह्वममरैर्यत् ।
५१७८२ उचितस्तत्परिणामो  विषमं विषमेव यज्जातम् ॥
५१७९१ आरब्धा किमु केतकीकिसलयैर्माला किमायामिनी  कर्पूरस्य परंपरा मलयजक्षोदस्य लेखाथवा ।
५१७९२ धारा वैबुधसैन्धवी नु विसयत्याहो हिमानीमयी  वृष्टिः पञ्चशरस्य तावकदृशोर्भङ्गी कथं गीयते ॥
५१८०१ आरब्धा मकरध्वजस्य धनुषैतस्यास्तनुर्वेधसा  त्वद्विश्लेषविशेषदुर्बलतया जाता न तावद्धनुः ।
५१८०२ तत्संप्रत्यपि रे प्रसीद किमपि प्रेमामृतस्यन्दिनीं  दृष्टिं नाथ विधेहि सा रतिपतेः शिञ्जापि सम्जायताम् ॥
५१८११ आरब्धे दयितामुखप्रतिसमे निर्मातुमस्मिन्नपि  व्यक्तं जन्मसमानकालमिलितामंशुच्छटां वर्षति ।
५१८१२ आत्मद्रोहिणि रोहिणीपरिवृढे पर्यङ्कपङ्केरुहः  संकोचादतिदुःस्थितस्य न विधेस्तच्छिल्पमुन्मीलितम् ॥
५१८२१ आरब्धे पटहे स्थिते गुरुजने भद्रासने लङ्घिते  स्कन्धोच्चारणनम्यमानवदनप्रच्योतितोये घटे ।
५१८२२ राज्ञाहूय विसर्जिते मयि जनो धैर्येण मे विस्मितः  स्वः पुत्रः कुरुते पितुर्यदि वचः कस्तत्र भो विस्मयः ॥
८१८३१ आरभन्तेऽल्पमेवाज्ञाः कामं व्यग्रा भवन्ति च ।
८१८३२ महारम्भाः कृतधियस्तिष्ठन्ति च निराकुलाः ॥
५१८४१ आरभेत नरः कर्म स्वपौरुषमहापयन् ।
५१८४२ निष्पत्तिः कर्मणो दैवे पौरुषे च व्यवस्थिता ॥
५१८५१ आरभेतैव कर्माणि श्रान्तः श्रान्तः पुनः पुनः ।
५१८५२ कर्माण्यारभमाणं हि पुरुषं श्रीर्निषेवते ॥
५१८६१ आरभ्यते महत्कार्यं यैः क्षुद्रैरपि पार्थिवैः ।
५१८६२ ते चक्रवर्तिनो भूत्वा जायन्ते भद्रभाजनम् ॥
५१८७१ आरम्भगुर्वी क्षयिणी क्रमेण  लघ्वी पुरा वृद्धिमती च पश्चात् ।
५१८७२ दिनस्य पूर्वार्धपरार्धभिन्ना  छायेव मैत्री खलसज्जनानाम् ॥
५१८८१ आरम्भरतिताऽधैर्यमसत्कार्यपरिग्रहः ।
५१८८२ विषयोपसेवा चाजस्रं राजसं गुणलक्षणम् ॥
५१८९१ आरम्भरमणीयानि विमर्दे विरसानि च ।
५१८९२ प्रायो वैरावसानानि संगतानि खलैः सह ॥
५१९०१ आरात्कारीषवह्नेः प्रविरचिततृणप्रस्तरान्तर्निषण्णैः  संशीर्णग्रन्थिकन्थाविवरवशविशच्छीतवाताभिभूतैः ।
५१९०२ नीताः कृच्छ्रेण पान्थैः श्वभिरिव निविडं जानुसंकोचकुब्जैर् अन्तर्दुर्वारदुःखद्विगुणतरकृतायामयामास्त्रि यामाः ॥
५१९११ आरादसौ तरुवरस्तव कुन्तलानाम्  आकल्पमात्मकुसुमैरभियाचमानः ।
५१९१२ भूयः समाह्वयति या कलकण्ठनादैर् आरोहभारमृदुगामिनि तत्र यामः ॥
५१९२१ आराद्धं किमु दैवतं कुवलयैस्तेपे तपश्चन्द्रमाः  किं नामायमिदं च काञ्चनरुचां किं भाग्यमुज्जृम्भते ।
५१९२२ दैवं वाद्य किमानुकूलिकमभूद्बालप्रवालश्रियाम्  अस्याः स्मेरदृशो दधत्यवयवौपम्यं यदेतान्यपि ॥
५१९३१ आराद्धो मूर्द्धभिर्यत्तुहिनकरकलालंकृतिर्विशतिर्यद् दोष्णामुष्णांशुमित्रं भुवनपरिभवी यत्प्रतापप्ररोहः ।
५१९३२ यत्तत्कैलासशैलोद्धरणमपि मृषा तत्समस्तं तवाभूत् बिभ्रल्लुण्टाकलीलां यदपहरसि नः पङ्कजाक्षीं परोक्षे ॥
५१९४१ आराधयति यं देवं तमुत्कृष्टतरं वदेत् ।
५१९४२ तन्न्यूनतां नैव कुर्याज्जोषयेत्तस्य सेवनम् ॥
५१९५१ आराधयितुः प्रेम  प्रतीक्षणार्थं स्पृहा परं यासाम् ।
५१९५२ ता ननु सौभगदेव्यो  गणिकाः कृतिनां समाराध्याः ॥
५१९६१ आराधिता हि राजानो देववच्चोपसेविताः ।
५१९६२ अनुग्रहैर्योजयन्ति भक्तान् घ्नन्ति विपर्यये ॥
५१९७१ आराधिता हि शीलेन प्रयत्नैश्चोपसेविताः ।
५१९७२ राजानः संप्रसीदन्ति प्रकुप्यन्ति विपर्यये ॥
५१९८१ आराधितो वाप्यपराधितो वा  खलः करोत्येव सदापकारम् ।
५१९८२ मूर्ध्ना धृतो पादतले स्थितो वा  दशत्यवश्यं खलु दन्दशूकः ॥
५१९९१ आराध्यः पतिरेव तस्य च पदद्वन्द्वानुवृत्तिर्व्रतं  केनैताः सखि शिक्षितासि विपथप्रस्थानदुर्वासनाः ।
५१९९२ किं रूपेण न यत्र मज्जति मनो यूनां किमाचार्यकैर् गूढानङ्गरहस्ययुक्तिषु फलं येषां न दीर्घं यशः ॥
५२००१ आराध्य दुग्धजलधिः सुधयैव देवान्  देवाय हन्त महते गरलं दिदेश ।
५२००२ येषां ध्रुवं प्रकृतिरेव जलाशयानां  नीचेषु सन्मतिरसन्मतिरुत्तमेषु ॥
५२०११ आराध्य भूपतिमवाप्य ततो धनानि  भोक्ष्यामहे किल वयं सततं सुखानि ।
५२०१२ इत्याशया कलिविमोहितमानसानां  कालः प्रयाति मरणावधिरेव पुंसाम् ॥
५२०२१ आराध्यमानो नृपतिः प्रयत्नाद् आराध्यते नाम किमत्र चित्रम् ।
५२०२२ अयं त्वपूर्वः प्रतिमाविशेषो  यः सेव्यमानो रिपुतामुपैति ॥
५२०३१ आरामाधिपतिर्विवेकविकलो नूनं रसा नीरसा  वात्याभिः परुषीकृता दश दिशश्चण्डातपो दुःसहः ।
५२०३२ एवं धन्वनि चम्पकस्य सकले सम्हारहेतावपि  त्वं सिञ्चन्नमृतेन तोयद कुतोऽप्याविष्कृतो वेधसा ॥
५२०४१ आरामाभरणस्य पल्लवचयैरापीततिग्मत्विषः  पाथोद प्रशमं नयागुरुतरोरेतस्य दावज्वरम् ।
५२०४२ ब्रूमस्त्वामुपकारकातर गतप्रायाः पयःसंपदो  दग्धोऽप्येष तरुर्दिशः परिमलैरापूर्य निर्वास्यति ॥
५२०५१ आरामुखं क्षुरप्रं च गोपुच्छं चार्धचन्द्रकम् ।
५२०५२ सूचीमुखं च भल्लं च वत्सदन्तं द्विभल्लकम् ॥
५२०६१ कर्णिकं काकतुण्डं च तयान्यान्यप्यनेकशः ।
५२०६२ फलानि देशदेशेषु भवन्ति बहुरूपतः ॥
५२०७१ आरामुखेन वै चर्म क्षुरप्रेण च कार्मुकम् ।
५२०७२ सूचीमुखेन कवचमर्धचन्द्रेण मस्तकम् ॥
५२०८१ भल्लेन हृदयं वेध्यं द्विभल्लेन गुणः शरः ।
५२०८२ लोहं च काकतुण्डेन लक्ष्यं गोपुच्छकेन च ॥
५२०९१ आरामैः सदनैर्हयैर्गजवरैर्गानैः परिक्रीडनैर् वाद्यैर्यौवनगर्वमञ्जुलतरैर्वृन्दैश्च वामभ्रुवाम् ।
५२०९२ मुक्तिः स्याद्यदि तद्विहाय सकलं चैतत्प्रवीणा नराः  कर्तुं हन्त तपस्तु मुक्तिसुखदं कस्मादरण्यं गताः ॥
५२१०१ आरामोऽयमनर्गलेन बलिना भग्नः समग्रो मयेत्य् अन्तःसंभृतहर्षवर्धितमदोदग्रः किमुन्माद्यसि ।
५२१०२ मातङ्ग प्रतिवर्शमेव भवतो भावी निदाघज्वरस् तत्रापि प्रतिकारमर्हसि सखे सम्यक्समालोचितुम् ॥
५२१११ आरिप्सुना मन्त्रबलान्वितेन  प्रागेव कार्यो निपुणं विचारः ।
५२११२ दोष्णां बलान्मन्त्रबलं गरीयः  शक्रोऽसुरान्मन्त्रबलाद्विजिग्ये ॥
५२१२१ आरिराधयिषुः सम्यगनुजीवी महीपतिम् ।
५२१२२ विद्याविनयशिल्पाद्यैरात्मानमुपपादयेत् ॥
५२१३१ आरुरुक्षोर्मुनेर्योगं कर्म कारणमुच्यते ।
५२१३२ योगारूढस्य तस्यैव शमः कारणमुच्यते ॥
५२१४१ आरुह्य दूरमगणित  रौद्रक्लेशा प्रकाशयन्ती स्वम् ।
५२१४२ वातप्रतीच्छनपटी  वहित्रमिव हरसि मां सुतनु ॥
५२१५१ आरुह्य नृपतिः पूर्वमिन्द्रियाश्वान् यशीकृतान् ।
५२१५२ कामक्रोधादिकाञ्जित्वा रिपूनाभ्यन्तरांश्च तान् ।
५२१६१ जयेदात्मानमेवादौ विजयायान्यविद्विषाम् ।
५२१६२ अजितात्मा हि विवशो वशीकुर्यात्कथं परान् ॥
५२१७१ आरुह्य शैलशिखरं  त्वद्वदनापहृतकान्तिसर्वस्वः ।
५२१७२ प्रतिकर्तुमिवोर्ध्वकरः  स्थितः पुरस्तान्निशानाथः ॥
५२१८१ आरुह्याक्रीदशैलस्य चन्द्रकान्तस्थलीमिमाम् ।
५२१८२ नृत्यत्येष लसच्चारुचन्द्रकान्तः शिखावलः ॥
५२१९१ आरूढः पतित इति स्वसंभवोऽपि  स्वच्छानां परिहरणीयतामुपैति ।
५२१९२ कर्णेभ्यश्च्युतमसितोत्पलं वधूनां  वीचीभिस्तटमनु यन्निरासुरापः ॥
५२२०१ आरूढक्षितिपालभालविगलत्स्वेदाम्बुसेकोद्धता  भेरीझांकृतिचापटंकृतिचमत्कारोल्लसन्मानसा ।
५२२०२ क्षुभ्यत्क्षोणितलंस्फुरत्खुरपुटं चञ्चच्चलत्केशरं  मन्दभ्रान्तविलोचन प्रतिदिशं नृत्यन्ति वाजिव्रजाः ॥
५२२११ आरूढवेणुतरुणाधरविभ्रमेण  माधुर्यशालिवदनाम्बुजमुद्वहन्ती ।
५२२१२ आलोक्यतां किमनया वनदेवता वः  कैशोरके वयसि कापि च कान्तियष्टिः ॥
५२२२१ आरूढस्य चितां कृतानुमरणोद्योगप्रियालिङ्गनं  पुण्ड्रेक्षुद्रवपानमुल्बणमहामोहप्रलुप्तस्मृते ः ।
५२२२२ वीतासोरवतंसमाल्यवलयामोदश्च यादृग्भवेद् भावानां सुभगः स्वभावमहिमा निश्चेतसस्तादृशः ॥
५२२३१ आरूढस्वामिकोऽश्वः स्याद्वित्तचिन्तितसिद्धये ।
५२२३२ सर्वेषां सुरतक्रीडा दृष्टादौ भोगलब्धये ॥
५२२४१ आरूढान्तरयौवनस्य परितो गोष्ठीरनुभ्राम्यतस् तत्तत्तासु मनोगतं सुनिभृतं संव्याचिकीर्षोर्हरेः ।
५२२४२ वेगादुच्छलितास्फुटाक्षरदशागर्भास्त्रपागौरवात् प्रत्यञ्चो वलिता भवन्तु भवतां कृत्याय वागूर्मयः ॥
५२२५१ आरूढो मलयानिलद्विपवरं युक्तो विलासानुगैः  पीतः पुष्पविलोचनैर्नवलतापौराङ्गनानां गणैः ।
५२२५२ अभ्राम्यद्वनपत्तने मधुमहीपालः स्फुरत्कोकिला  लीलालापमिलद्भ्रमद्भ्रमरिकाझांकारभेरीरवैः ॥
५२२६१ आरूढो वासयष्टिं गृहवलभितले दुष्टमार्जारकेण  क्रूरास्यं ग्रस्यमानः सकृदपि शनकैर्यद्विचुक्रोश कीरः ।
५२२६२ गङ्गेति स्वामिनीं स्वामयममरपतेर्लब्धवानासनार्धं  यस्तु त्रैस्रोतसाम्भः स्पृशति मृशति वा तत्कथां के विदन्तु ॥
५२२७१ आरोग्यं चिरमश्विनी नरपते तोषं शिवः केशवः  कल्याणं तव सर्वदा शशिरवी प्रोद्दीपनं देवताः ।
५२२७२ ब्रह्माद्याः सकलाः सुभद्रमवनं गौर्यादयो मातरः  कुर्वाते कुरुते करोति कुरुतः कुर्वन्ति कुर्वन्तु च ॥
५२२८१ आरोग्यं परमानन्दः सुखमुत्साह एव च ।
५२२८२ ऐश्वर्यं प्रियसंभोगं विना सर्वं निरर्थकम् ॥
५२२९१ आरोग्यं भास्करादिच्छेच्श्रियमिच्छेधुताशनात् ।
५२२९२ ज्ञानं महेश्वरादिच्छेन्मोक्षमिच्छेज्जनार्दनात् ॥
५२३०१ आरोग्यं भास्करादिच्छेद्धनमिच्छेधुताशनात् ।
५२३०२ महेश्वराज्ज्ञानमिच्छेन्मुक्तिमिच्छेज्जनार्दनात् ॥
५२३११ आरोग्यं विद्वत्ता  सज्जनमैत्री महाकुले जन्म ।
५२३१२ स्वाधीनता च पुंसां  महदैश्वर्यं विनाप्यर्थैः ॥
५२३२१ आरोग्यं सौभाग्यं  धनाढ्यता नायकत्वमानन्दः ।
५२३२२ कृतपुण्यस्य स्यादिह  सदा जयो वाञ्छितावाप्तिः ॥
५२३३१ आरोग्यबुद्धिविनयोद्यमशास्त्ररागाः  पञ्चान्तराः पठनसिद्धिगुणा भवन्ति ।
५२३३२ आचार्यपुस्तकनिवाससहायकर्णा  बाह्यास्तु पञ्च पठनं परिवर्धयन्ति ॥
५२३४१ आरोग्यमानृण्यमविप्रवासः  सद्भिर्मनुष्यैः सह संप्रयोगः ।
५२३४२ स्वप्रत्यया वृत्तिरभीतवासः  षड्जीवलोकस्य सुखानि राजन् ॥
५२३५१ आरोग्यलक्ष्मीरुपयाति पित्त  ज्वरातुरं रेणुकषायभाजम् ।
५२३५२ मा त्वं यथा रत्नकले स्मरार्ता  कृतप्रकोपप्रशमा सखीभिः ॥
५२३६१ आरोढुं वरमौपवाह्यमपहर्तुं सुन्दरी कन्यका  भोक्तुं भोगमुपस्थितं सुखमलंकर्तुं च रत्नैस्तनुम् ।
५२३६२ सन्नह्यन्त्यमृतान्धसो हि शमिते येनैव हालाहले  स स्वामी मम दैवतं तदितरो नाम्नापि न म्नायते ॥
५२३७१ आरोपयसि मुधा किं  नाहमभिज्ञा किल त्वदङ्कस्य ।
५२३७२ दिव्यं वर्षसहस्रं  स्थित्वेति न युक्तमभिधातुम् ॥
५२३८१ आरोपितः पृथुनितम्बतटे तरुण्या  कण्ठे च बाहुलतया निविडं गृहीतः ।
५२३८२ उत्तुङ्गपीनकुचनिर्भरपीडितोऽयं  कुम्भः करीषदहनस्य फलानि भुङ्क्ते ॥
५२३९१ आरोपिता अपि प्राज्या गुणा लोकेषु पूजितैः ।
५२३९२ पूजयन्तीह दृष्टान्तः प्रतिमा द्युःसदां ननु ॥
५२४०१ आरोपिता शिलायाम्  अश्मेव त्वं भवेति मन्त्रेण ।
५२४०२ मग्नापि परिणयापदि  जारमुखं वीक्ष्य हसितैव ॥
५२४११ आरोप्यतेऽश्मा शैलाग्रं यथा यत्नेन भूयसा ।
५२४१२ निपात्यते सुखेनाधस्तथात्मा गुणदोषयोः ॥
५२४२१ आरोहणं गोवृषकुञ्जराणां  प्रासादशैलाग्रवनस्पतीनाम् ।
५२४२२ विष्ठानुलेपो रुधिरं मृतं च  स्वप्नेष्वगम्यागमनं च धन्यम् ॥
५२४३१ आरोहणाय तव सज्ज इवास्ति तत्र  सोपानशोभिवपुरश्मवलिच्छटाभिः ।
५२४३२ भोगीन्द्रवेष्टशतघृष्टिकृताभिरब्धि  क्षुब्धाचलः कनककेतकगोत्रगात्रि ॥
५२४४१ आरोहतु गिरिशिखरं  समुद्रमुल्लङ्घ्य यातु पातालम् ।
५२४४२ विधिलिखिताक्षरमालं  फलति कपालं न भूपालः ॥
५२४५१ आरोहत्यवनीरुहः प्रविशति श्वभ्रं नगैः स्पर्धते  खं व्यालेधि विचेष्टते क्षितितले कुञ्जोदरे लीय ।
५२४५२ अन्तर्भ्राम्यति कोटरस्य विरसत्यालम्बते वीरुधः  किं तद्यन्न करोति मारुतवशं यातह्कृशानुर्वने ॥
५२४६१ आरोहन्ति सुखासनान्यपटवो नागान् हयांस्तज्जुषस् ताम्बूलाद्युपभुञ्जते नटविटाः खादन्ति हस्त्यादयः ।
५२४६२ प्रासादे चटकादयोऽपि निवसन्त्येते न पात्रं स्तुतेः  स स्तुत्यो भुवने प्रयच्छति कृती लोकाय यह्कामिताम् ॥
५२४७१ आरोहवल्लीभिरिवाम्बुधारा  राजीभिराभूमिविलम्बिनीभिः ।
५२४७२ संलक्ष्यते व्योम वटद्रुमाभम्  अम्भोधरश्यामदलप्रकाशम् ॥
५२४८१ आर्जवं चानृशंस्यं च दमश्चेन्द्रियनिग्रहः ।
५२४८२ एष साधारणो धर्मश्चातुर्वर्ण्येऽब्रवीन्मनुः ॥
५२४९१ आर्जवं प्रतिपद्यस्व पुत्रेषु सततं विभो ।
५२४९२ इह कीर्तिं परां प्राप्य प्रेत्य स्वर्गमवाप्स्यसि ॥
५२५०१ आर्जवत्वं चतुर्थं च पञ्चमं धर्ममेव हि ।
५२५०२ मधुरत्वं ततः प्रोक्तं षष्ठमेव वरानने ॥
५२५११ आर्जवममलकराणां  विनयो वररत्नमुकुटानाम् ।
५२५१२ द्यूतं दुर्व्यसनानां  स्त्रीजितता मरुतटीपिशाचानाम् ॥
५२५२१ आर्जवेन धृता दीक्षा या नो दैवं परं प्रति ।
५२५२२ अत्यन्तमानुषीयाभ्यः पीडाभ्यस्तद्विमोचनम् ॥
५२५३१ आर्जवेन नरं युक्तमार्जवात्सव्य्पत्रपम् ।
५२५३२ अशक्तिमन्तं मन्यन्तो धर्षयन्ति कुबुद्धयः ॥
५२५४१ आर्तत्राणपरायणेन करिणा दाहादिमूलेति यद् वाक्यं चक्रधरेण नक्रमुखतो हाकाररोरीकृतम् ।
५२५४२ यः स्तम्भे करताडनध्वनिरभूत्कर्णे सुरस्याप्यहो  हा कृष्णेति यदक्षयं स भगवान् पायादपायाज्जगत् ॥
५२५५१ आर्तदुःख्यपरित्राणदुर्गतादि यथाक्रमम् ।
५२५५२ पात्रमाहुर्दयालूनामलाभे गुणवानिति ॥
५२५६१ आर्तद्रुतस्वरज्ञा  विभिन्नदीनप्रभिन्नलघुरौद्राः ।
५२५६२ निन्द्याः शुभास्तु शब्दाः  प्रमुदितपरिपूर्णदृढशान्ताः ॥
५२५७१ आर्तस्य मे प्रणमतो जगदन्तरात्मन्  पश्यन्न पश्यसि विभो न शृणोषि शृण्वन् ।
५२५७२ दुर्दैवकुम्भजनुषा ननु सांप्रतं मे  पीतस्तदीयकरुणावरुणालयोऽपि ॥
५२५८१ आर्ता देवान्नमस्यन्ति तपः कुर्वन्ति रोगिणः ।
५२५८२ निर्धना दानमिच्छन्ति वृद्धा नारी पतिव्रता ॥
५२५९१ आर्तानामार्तिसंबन्धं प्रीतिविश्रामकारणम् ।
५२५९२ केन रत्नमिदं सृष्टं मित्रमित्यक्षरद्वयम् ॥
५२६०१ आर्तानामिह जन्तूनामार्तिच्छेदं करोति यः ।
५२६०२ शङ्खचक्रगदाहीनो द्विभुजः परमेश्वरः ॥
५२६११ आर्तार्ते मुदिते हृष्टा प्रोषिते मलिना कृशा ।
५२६१२ मृते म्रियेत या पत्यौ सा स्त्री ज्ञेया पतिव्रता ॥
५२६२१ आर्तेषु दीयते दानं शून्यलिङ्गस्य पूजनम् ।
५२६२२ अनाथप्रेतसंस्कारमश्वमेधफलं लभेत् ॥
५२६३१ आर्तेषु विप्रेषु दयान्वितश्च  यच्छ्रद्धया स्वल्पमुपैति दानम् ।
५२६३२ अनन्तपारं समुपैति राजन्  यद्दीयते तन्न लभेद्द्विजेभ्यः ॥
५२६४१ आर्तो मत्सदृशो नान्यस्त्वत्तो नान्यः कृपापरः ।
५२६४२ तुल्य एवावयोर्योगः कथं नाथ न पासि माम् ॥
५२६५१ आर्तो वा यदि वा त्रस्तः परेषां शरणागतः ।
५२६५२ अरिः प्राणान् परित्यज्य रक्षितव्यः कृतात्मना ॥
५२६६१ आर्द्रकीकसमुखः पुरतश्चेद् दृश्यते भवति तच्छुभदः श्वा ।
५२६६२ चर्म शुष्कमथवास्थि विशुष्कं  बिभ्रदेष मरणं विदधाति ॥
५२६७१ आर्द्रमपि स्तनजघनान्  निरस्य सुतनु त्वयैतदुन्मुक्तम् ।
५२६७२ खस्थमवाप्तुमिव त्वां  तपनांशूनंशुकं पिबति ॥
५२६८१ आर्द्रां कण्ठे मुखाब्जस्रजमवनमयत्यम्बिका जानुलम्बां  स्थाने कृत्वेन्दुलेखां निबिडयति जटाः पन्नगेन्द्रेण नन्दी ।
५२६८२ कालः कृत्तिं निबध्नात्युपनयति करे कालरात्रिः कपालं  शंभोर्नृत्यावतारे परिषदिति पृथग्व्यापृता वः पुनातु ॥
५२६९१ आर्द्रालक्तकमस्याश् चरणं मुखमारुतेन वीजयितुम् ।
५२६९२ प्रतिपन्नः प्रथमतरः  संप्रति सेवावकाशो मे ॥
५२७०१ आर्यकर्मणि रज्यन्ते भूतिकर्माणि कुर्वते ।
५२७०२ हितं च नाभ्यसूयन्ति पण्डिता भरतर्षभ ॥
५२७११ आर्यजननिन्दितानां  पापैकरसप्रकाशनारीणाम् ।
५२७१२ एतावानेव गुणो  यदभीष्टसमागमो निरावरणः ॥
५२७२१ आर्यजुष्टमिदं वृत्तमिति विज्ञाय शाश्वतम् ।
५२७२२ सन्तः परार्थं कुर्वाणा नावेक्षन्ते प्रतिक्रियाम् ॥
५२७३१ आर्यता पुरुषज्ञानं शौर्यं करुणवेदिता ।
५२७३२ स्थौललक्ष्यं च सततमुदासीनगुणोदयः ॥
५२७४१ आर्यत्वं च चतुर्थं च पञ्चमं धर्ममेव हि ।
५२७४२ षष्ठं सतीत्वं दृढता सप्तमं साहसोऽष्टमम् ॥
५२७५१ आर्यदेशकुलरूपबलायुर् बुद्धिबन्धुरमवाप्य नरत्वम् ।
५२७५२ धर्मकर्म न करोति जडो यः  पोतमुज्झति पयोधिगतः सः ॥
५२७६१ आर्यपुत्र पिता माता भ्राता पुत्रस्तथा स्नुषा ।
५२७६२ स्वानि पुण्यानि भुञ्जानाः स्वं स्वं भाग्यमुपासते ॥
५२७६३ भर्तुर्भाग्यं तु भार्यैका प्राप्नोति पुरुषर्षभ ॥
५२७७१ आर्यानङ्ग महाव्रतं विदधता विन्ध्यानिलैः पारणां  कृत्वा साङ्गमकारि केन मुरलाकूले कठोरं तपः ।
५२७७२ येनास्या रतिखेदमेदुरमृदुश्वासाधिवासस्पृशः  पीयन्तेऽधरसीधवो विहसितज्योत्स्नोपदंशं रहः ॥
५२७८१ आर्या मुखे तु चपला  तथापि चर्या न मे यतः सा तु ।
५२७८२ दक्षा गृहकृत्येषु त  था दुःखे भवति दुःखार्ता ॥
५२७९१ आर्ये कर्मणि युञ्जानः पापे वा पुनरीश्वरः ।
५२७९२ व्याप्य भूतानि चरते न चायमिति लक्ष्यते ॥
५२८०१ आर्येण सुकरं ह्याहुर्यार्यकर्म धनंजय ।
५२८०२ अनार्यकर्म त्वार्येण सुदुष्करतरं भुवि ॥
५२८११ आलक्ष्य दन्तमुकुलाननिमित्तहासैर् अव्यक्तवर्णरमणीयवचः प्रवृत्तीन् ।
५२८१२ अङ्काश्रयप्रणयिनस्तनयान् वहन्तो  धन्यास्तदङ्गरजसा मलिनीभवन्ति ॥
५२८२१ आ लङ्कानाथनारीस्तनतरलपयोवीचिमुद्रात्समुद्राद् आ स्वर्गङ्गातरङ्गावलिविरलशिलादुस्तरादुत्तराद्रेः ।
५२८२२ आ प्राक्शैलासुरस्त्रीसुरतगतिविदो मग्नभास्वन्मृगाङ्काद् आ च प्राचेतसाब्धेर्भवतु मम पुरः कोऽपि यद्यस्ति वीरः ॥
५२८३१ आलपति पिकवधूरिव  पश्यति हरिणीव चलति हंसीव ।
५२८३२ स्फुरति तडिल्लतिकेव  स्वदते तुहिनांशुलेखेव ॥
५२८४१ आलप यथा यथेच्छसि  युक्तं तव कितव किमपवारयसि ।
५२८४२ स्त्रीजातिलाञ्छनमसौ  जीवितरङ्का सखी सुभग ॥
५२८५१ आलम्बिहेमरशनाह्स्तनसक्तहाराः  कन्दर्पदर्पशिथिलीकृतगात्रयष्ट्यः ।
५२८५२ मासे मधौ मधुरकोकिलभृङ्गनादैर् नार्यो हरन्ति हृदयं प्रसभं नराणाम् ॥
५२८६१ आलम्बे जगदालम्बे हेरम्बचरणाम्बुजे ।
५२८६२ शुष्यन्ति यद्रजः स्पर्शात्सद्यः प्रत्यूहवार्धयः ॥
५२८७१ आलम्ब्याङ्गणवाटिकापरिसरे स्वेच्छानतां शाखिकां  केयूरीभवदल्पशेषवलया बाला समस्तं दिनम् ।
५२८७२ सा दैवोपहृतस्य मूढमनसो भग्नावधेरद्य मे  पन्थानं विवृताश्रुणा वदनकेनालोक्य किं वक्ष्यति ॥
५२८८१ आलम्भ्याङ्गणवापिकापरिसरे चूतद्रुमे मञ्जरीं  सर्पत्सान्द्रपरागलम्पटरणद्भृङ्गाङ्गनाशोभिनीम् ।
५२८८२ मन्ये स्वां तनुमुत्तरीयशकलेनाच्छाद्य बाला स्फुरत् कण्ठध्वाननिरोधकम्पितकुचश्वासोद्गमा रोदिति ॥
५२८९१ आलवाले स्थितं तोयं शोषं न भजते यदा ।
५२८९२ अजीर्णं तद्विजानीयान्न देयं तादृशे जलम् ॥
५२९०१ आलस्यं कुरु पापकर्मणि भव क्रूरः क्रुधस्ताडने  नैष्ठुर्यं भज लोभमोहविषये निद्रां समाधौ हरेः ।
५२९०२ जाड्यं गच्छ परापवादकथने द्रोहं विधेहि स्मरे  दोषा एव गुणत्वमेवमखिला यास्यन्ति चेतस्तव ॥
५२९११ आलस्यं प्रथमं पश्चाद्व्याधिपीडा प्रजायते ।
५२९१२ प्रमादः संशयस्थाने चित्तस्येहानवस्थितिः ॥
५२९२१ आलस्यं मदमोहौ च चापलं गोष्ठिरेव च ।
५२९२२ स्तब्धता चाभिमानित्वं तथात्यागित्वमेव च ।
५२९२३ एते वै सप्त दोषास्तु सदा विद्यार्थिनां मताः ॥
५२९३१ आलस्यं यदि न भवेज्जगत्यनर्थः  को न स्याद्बहुधनको बहुश्रुतो वा ।
५२९३२ आलस्यादियमवनिः ससागरान्ता  संपूर्णा नरपशुभिश्च निर्धनैश्च ॥
५२९४१ आलस्यं स्त्रीसेवा  सरोगता जन्मभूमिवात्सल्यम् ।
५२९४२ संतोषो भीरुत्वं  षड्व्याघाता महत्त्वस्य ॥
५२९५१ आलस्यं स्थिरतामुपैति भजते चापल्यमुद्योगितां  मूकत्वं मितभाषितां वितनुते मौग्ध्यं भवेदार्जवम् ।
५२९५२ पात्रापात्रविचारभावविरहो यच्छत्युदारात्मतां  मातर्लक्ष्मि तव प्रसादवशतो दोषा अपि स्युर्गुणाः ॥
५२९६१ आलस्यं हरति प्रज्ञां धनमायुर्यशो बलम् ।
५२९६२ यस्मिन्नास्ते तदालस्यं सर्वदोषाकरस्तु सः ॥
५२९७१ आलस्यं हि मनुष्याणां शरीरस्थो महान् रिपुः ।
५२९७२ नास्त्युद्यमसमो बन्धुः कृत्वा यं नावसीदति ॥
५२९८१ आलस्यमपि पारीन्द्रं प्रतिपद्य विजृम्भते ।
५२९८२ हतभागं प्रयत्नोऽपि प्रतिहन्यत एव हा ॥
५२९९१ आलस्यात्सुसहायोऽपि न गच्छत्युदयं जनः ।
५२९९२ हस्ताग्रास्फालितो भूमौ तोयार्द्र इव कन्दुकः ॥
५३००१ आलस्येन हता विद्या परहस्तगताः स्त्रियः ।
५३००२ अल्पबीजं हतं क्षेत्रं हतं सैन्यमनायकम् ॥
५३०११ आलानं जयकुञ्जरस्य दृषदां सेतुर्विपद्वारिधेः  पूर्वाद्रिः करवालचण्डमहसो लीलोपधानं श्रियः ।
५३०१२ संग्रामामृतसागरप्रमथनक्रीडाविधौ मन्दरो  राजन् राजति वीरवैरिवनितावैधव्यदस्ते भुजः ॥
५३०२१ आलानत्वरुषेवैता दन्तिभिर्वृक्षपङ्क्तयः ।
५३०२२ स्फुरत्कटकटारावं पात्यन्ते कृतचित्कृतैः ॥
५३०३१ आलानमुन्मूल्य सुखाभिधानं  तारुण्यनागे गमनोद्यतेऽस्मिन् ।
५३०३२ पलायिते कामिगणेऽङ्गनानां  विमर्दभीत्येव कुचाः पतन्ति ॥
५३०४१ आलाने गृह्यते हस्ती वाजी वल्गासु गृह्यते ।
५३०४२ हृदये गृह्यते नारी यदीदं नास्ति गम्यताम् ॥
५३०५१ आलापं कलकण्ठिका न कुरुते कीरा न धीरध्वनिं  व्याहारं कलयन्ति कोमलगिरः कूजन्ति नो बर्हिणः ।
५३०५२ नीराडम्बरदुर्दिनाम्बरतले दूरे द्विरेफध्वनिः  काकाः केवलमेव केङ्कृतरवैः कुर्वन्ति कर्णज्वरम् ॥
५३०६१ आलापः स्मितकौमुदीसहचरो दृष्टिः प्रहर्षोज्ज्वला  भ्रूर्नृत्याध्वरदीक्षिता चरणयोर्न्यासः समे भङ्गुरः ।
५३०६२ वेशेषु क्षणिकस्पृहा मदविधेर्बन्धो न वादाश्रयस् तन्व्या नैकविकारभूर्मधुमदप्रायो मदः स्फूर्जति ॥
५३०७१ आलापमालिनिकरस्य निशम्य भीता  मुग्धा विलोक्य वदनं मुकुरं जहाति ।
५३०७२ मन्दं न निश्वसिति मन्मथवेदनार्ता  कीरेन्दु मारुत भयात्किमु मन्न भूप ॥
५३०८१ आलापयत्यकार्याणि किंचिदाख्याति वा स्वयम् ।
५३०८२ या न प्रयाति शयनं साप्यनुत्पन्नसस्पृहा ॥
५३०९१ आलापाद्गात्रसंस्पर्शात्संसर्गात्सहभोजनात् ।
५३०९२ आसनाच्शयनाद्यानात्पापं संक्रमते नृणाम् ॥
५३१०१ आलापान् भ्रूविलासो विरलयति लसद्बाहुविक्षिप्तियातं  नीविग्रन्थिं प्रथिम्ना प्रतनयति मनाङ्मध्यनिम्नो नितम्बः ।
५३१०२ उत्पुष्यत्पार्श्वमूर्च्छत्कुचशिखरमुरो नूनमन्तःस्मरेण  स्पृष्टा कोदण्डकोट्या हरिणशिशुदृशो दृश्यतेयौवनश्रीः ॥
५३१११ आलापैर्मधुरैश्च काश्चिदपरानालोकितैः सस्मितैर् अन्यान् विभ्रमकल्पनाभिरितरानङ्गैरनङ्गोज्ज्वलैः ।
५३११२ आचारैश्चतुरैः परानभिनवैरन्यान् भ्रुवः कम्पनैर् इत्थं काश्चन रञ्जयन्ति सुदृशो मन्ये मनस्त्वन्यथा ॥
५३१२१ आलि कपालिनि जटिले  पत्यावत्याग्रहैस्तवालमिति ।
५३१२२ हरगतमिति दुःसहमपि  मुहुरपि मुखरान्निगादयति गौरी ॥
५३१३१ आलि कल्पय पुरः करदीपं  चन्द्रमण्डलमिति प्रथितेन ।
५३१३२ नन्वनेन पिहितं मम चक्षुर् मङ्क्षु पाण्दुरतमोगुलकेन ॥
५३१४१ आलिङ्गत्यन्यमन्यं रमयति वचसा लीलया वीक्षतेऽन्यं  रोदित्यन्यस्य हेतोः कलयति शपथैरन्यमन्यं वृणोति ।
५३१४२ शेते चान्येन सार्धं शमनमुपगता चिन्तयत्यन्यमन्यं  स्त्रीमाया दुश्चरित्रा जगदहितकरी केन कष्टेन सृष्टा ॥
५३१५१ आलिङ्गदाप्य गोपीं  तद्बाहुं सहरिरंसयाधाय ।
५३१५२ श्रुत्वेति निश्चिनोम्यहम्  अङ्गिषु दुर्वारतामनङ्गस्य ॥
५३१६१ आलिङ्गनाधरसुधारसपानवक्षो  निष्पीडनादिविधिरस्तु विदूरतस्ते ।
५३१६२ यत्त्वं विलोकयसि चञ्चलदृङ्निपातैर् एतावतैव हरिणाक्षि वयं कृतार्थाः ॥
५३१७१ आलिङ्गन्ते मलयजतरूनास्वजन्ते वनान्तान्  आपृच्छन्ते चिरपरिचितान्मालयान्निर्झरौघान् ।
५३१७२ अद्य स्थित्वा द्रविडमहिलाभ्यन्तरे श्वः प्रभाते  प्रस्थातारो मलयमरुतः कुर्वते संनिधानम् ॥
५३१८१ आलिङ्गन्तो वसुधां  निजखुरदलितामिवानुनेतुममी ।
५३१८२ वदनविगतचरणा इव  संलक्ष्यन्ते जवादश्वाः ॥
५३१९१ आलिङ्गन्नतिसौरभानवयवान् बिम्बाधरं पाटलं  चुम्बन्नाकलयन् पयोधरतटीं शृण्वन् रुतं हांसकम् ।
५३१९२ पश्यन् वानिशमायतां दृशमुपस्कुर्वंल्लवङ्गीरसं  बालायां सकलर्तुसंगमसुखं धन्यः परं मन्यते ॥
५३२०१ आलिङ्गन् भृशमङ्गकानि सुदृशामास्यानि चुम्बं नयन्  वक्षोजोरुनितम्बकण्ठनखरश्रीचित्रभावं नयन् ।
५३२०२ बिम्बोष्ठामृतमापिबञ्छिथिलयन्नीवीं करक्रीडना  सङ्गेनातिसहासकेलिपरमः स्वैरं विचिक्रीड ना ॥
५३२११ आलिङ्गयत्यनुनयत्यवचुम्बयत्या   लोकयत्यनुमृजत्यवगूहते च ।
५३२१२ पार्श्वं विलोकयति मन्मथभावभिन्ना  शून्यान्तरा स्मरति केलिकृतं समस्तम् ॥
५३२२१ आलिङ्गसे चारुलतां लवङ्गीम्  आचुम्बसे चाम्बुजिनीं क्रमेण ।
५३२२२ तां चूतवल्लीं मधुप प्रकामं  संताडयस्येव पदैः किमेतत् ॥
५३२३१ आलिङ्गितस्तत्र भवान् सांपराये जयश्रिया ।
५३२३२ आशीःपरंपरां वन्द्यां कर्णे कृत्वा कृपां कुरु ॥
५३२४१ आलिङ्गिताः परैर्यान्ति प्रस्खलन्ति समे पथि ।
५३२४२ अव्यक्तानि च भाषन्ते धनिनो मद्यपा इव ॥
५३२५१ आलिङ्ग्य पूर्वामनुगृह्य याम्यां  सौम्यां समालोक्य सहस्रभानुः ।
५३२५२ सम्ध्याश्रितोऽप्याप निपातमब्धौ  तद्वारुणीसङ्गफलं चकास्ति ॥
५३२६१ आलिङ्ग्य मधुरहुंकृतिम्  अलसोन्मिषदीक्षणां रहः कान्ताम् ।
५३२६२ यद्बोधयन्ति सुप्तां  जन्मनि यूनां तदेव फलम् ॥
५३२७१ आलिङ्ग्य मन्दिरे रम्ये सदानन्दविधायिनि ।
५३२७२ कान्ता कान्तं कुरङ्गाक्षी कुम्भिकुम्भपयोधरा ॥
५३२८१ आलि पालिललितौ तव भातः  कर्णिकारसखकर्णि कपोलौ ।
५३२८२ पद्मजेन रतिपञ्चबाणयोर् दर्पणाविव सुवर्णनिर्मितौ ॥
५३२९१ आलि बालिशतया बलिरस्मै  दीयतां बलिभुजे न कदापि ।
५३२९२ केवलं हि कलकण्ठशिशूनाम्  एष एव कुशलेषु निदानम् ॥
५३३०१ आलिर्दिव्यौषधी प्रोक्ता सूक्ष्मकण्टकसंवृता ।
५३३०२ विमुच्यते विषैः प्राणी पीत्वा तोयेन तज्जटाम् ॥
५३३११ आलीचालितपद्मिनीदलचलत्सर्वाङ्गमङ्गीकृत  स्वाङ्गालिङ्गनमर्मरीकृतनवाम्भोजालिशय्या चिरात् ।
५३३१२ चैतन्यं कथमप्युपेत्य शनकैरुन्मील्य नेत्राञ्चलं  बाला केवलमेव शून्यहृदया शून्यं जगत्पश्यति ॥
५३३२१ आलीभिः शपथैरनेककपटैः कुञ्जोदरं नीतया  शून्यं तच्च निरीक्ष्य विक्षुभितया न प्रस्थितं न स्थितम् ।
५३३२२ न्यस्ताः किंतु नवोढनीरजदृशा कुञ्जोपकण्ठे रुषा  तादृग्भृङ्गकदम्बडम्बरचमत्कारस्पृशो दृष्टयः ॥
५३३३१ आलीभिः सह भाषितं किमपि तद्वर्त्मापि संवीक्षितं  पञ्चेषुः कुसुमैरपूजि कथमप्याधाय चित्ते मनाक् ।
५३३३२ तेनापि प्रिय चेत्तथा मयि कृपाकार्पण्यमालम्बसे  प्राणेश प्रबलं तदत्र निखिलं तत्प्रातिकूल्यं विधेः ॥
५३३४१ आलीषु केलीरभसेन बाला  मुहुर्ममालापमुपालपन्ती ।
५३३४२ आरादुपाकर्ण्य गिरं मदीयां  सौदामिनीयां सुषमामयासीत् ॥
५३३५१ आलेख्यं गगने लिखामि बिसिनीसूत्रैर्वयाम्यम्बरं  स्वप्नालोकितमानयामि कनकं ग्रथ्नामि वप्रं हिमैः ।
५३३५२ इत्याद्युक्तमपि स्फुटं जडमतिर्जानाति सत्यं नृपो  यस्तादृक्त्रपया न वक्ति स गतप्रौढिः परं वञ्च्यते ॥
५३३६१ आलेख्यं निजमुल्लिलेख विजने सोल्लेखया रेखया  संकल्पानकरोद्विकल्पबहुलाकल्पाननल्पानपि ।
५३३६२ अद्राक्षीदपरप्रजापतिमतं चक्रे च तीव्रं व्रतं  त्वन्निर्माणविधौ कियन्न विदधे बद्धावधानो विधिः ॥
५३३७१ आलोक एव विमुखी  क्वचिदपि दिवसे न दक्षिणा भवसि ।
५३३७२ छायेव तदपि तापं  त्वमेव मे हरसि मानवति ॥
५३३८१ आलोकत्रस्तनारीकृतसभयमहानादधावज्जनौघ  व्याप्तद्वारप्रदेशप्रचुरकलकलाकर्णनस्तब्धचक्षुः ।
५३३८२ काष्ठं दण्डं गृहाणेत्यतिमुखरमुखैस्ताडितो लोष्टघातैर् भीतः सर्पो गृहस्यानधिगतविवरः कोणतः कोणमेति ॥
५३३९१ आलोकदानाच्चक्षुष्मान् प्रभायुक्तो भवेन्नरः ।
५३३९२ तान् दत्त्वा नोपहिंसेत न हरेन्नोपनाशयेत् ॥
५३४०१ दीपहर्ता भवेदन्धस्तमोगतिरसुप्रभः ।
५३४०२ दीपप्रदः स्वर्गलोके दीपमाली विराजते ॥
५३४११ आलोकमार्गं सहसा व्रजन्त्या  कयाचिदुद्वेष्टनवान्तमाल्यः ।
५३४१२ बद्धुं न संभावित एव तावत् करेण रुद्धोऽपि च केशपाशः ॥
५३४२१ आलोकयति पन्थानं दास्यतीत्यागतः किल ।
५३४२२ रचयत्यादराद्वेणीं यदि नान्यैर्वशीकृता ॥
५३४३१ आलोकयति पयोधरम्  उपमन्दिरमभिनवाम्बुभरनीलम् ।
५३४३२ दयितारचितचितानल  धूमोद्गमशङ्कया पथिकः ॥
५३४४१ आलोकयेद्बुद्धिगुणोपपन्नैश् चरैश्च दूतैश्च परप्रचारम् ।
५३४४२ एतैर्वियुक्तो भवति क्षितीन्द्रो  जनैरनेत्रैश्च समानधर्मा ॥
५३४५१ अलोकवन्तः सन्त्येव भूयांसो भास्करादयः ।
५३४५२ कलावानेव तु ग्रावद्रावकर्मणि कर्मठः ॥
५३४६१ आलोकविशाला मे  सहसा तिमिरप्रवेशविच्छिन्ना ।
५३४६२ उन्मीलितापि दृष्टिर् निमीलितेवान्धकारेण ॥
५३४७१ आ लोकान्तात्प्रतिहततमोवृत्तिरासां प्रजानां  तुल्योद्योगस्तव दिनकृतश्चाधिकारो मतो नः ।
५३४७२ तिष्ठत्येष क्षणमधिपतिर्ज्योतिषां व्योममध्ये  षष्ठे भागे त्वमपि दिवसस्यात्मनश्छन्दवर्ती ॥
५३४८१ आलोकावधि यद्वशेन सुगतिं विन्दन्ति भूतान्यसौ  दृष्टिस्नेहवशेन सा वितनुते वंशे भुजङ्गभ्रमम् ।
५३४८२ दक्षा भोगिषु केषुचिद्विषमितां दृष्टिं निहन्तुं क्षणात् तानप्याशु विनाशयेत्क्षणरुचिः काचित्क्षणस्फूर्जथुः ॥
५३४९१ आलोकितं गृहशिखण्डिभिरुत्कलापैर् हंसैर्यियासुभिरपाकृतमुन्मनस्कैः ।
५३४९२ आकालिकं सपदि दुर्दिनमन्तरिक्षम्  उत्कण्ठितस्य हृदयं च समं रुणद्धि ॥
५३५०१ आलोकैरतिपाटलैरचरमां विस्तारयद्भिर्दिशं  नक्षत्रद्युतिमाक्षिपद्भिरचिरादाशङ्क्य सूर्योदयम् ।
५३५०२ पुञ्जीभूय भयादिवान्धतमसं मन्ये द्विरेफच्छलान्  मीलन्नीलसरोरुहोदरकुटीकोणान्तरे लीयते ॥
५३५११ आलोक्य कोमलकपोलतलाभिषिक्त  व्यक्तानुरागसुभगामभिराममूर्तिम् ।
५३५१२ पश्यैष बाल्यमतिवृत्य विवर्तमानः  शृङ्गारसीमनि तरङ्गितमातनोति ॥
५३५२१ आलोक्य चन्द्रमसमभ्युदितं समन्ताद् उद्वेल्लदूर्मिविचलत्कलशाम्बुराशेः ।
५३५२२ विष्वग्विसारिपरमाणुपरंपरैव  ज्योत्स्नात्मना जगदिदं धवलीकरोति ॥
५३५३१ आलोक्य चिकुरनिकरं  सततं सुमनोऽधिवासयोग्यं ते ।
५३५३२ कामो निजं निषङ्गं  परिवृत्यामृशति साशङ्कः ॥
५३५४१ आलोक्य पाणी सुविमृज्य नेत्रे  तल्पात्समुत्थाय विधाय भूषाम् ।
५३५४२ आचुम्ब्य कान्तं परिधाय वासो  यान्ती सलज्जा हृदयं दुनोति ॥
५३५५१ आलोक्य प्रियतममंशुके विनीवौ  यत्तस्थे नमितमुखेन्दु मानवत्या ।
५३५५२ तन्नूनं पदमवलोकयांबभूवे  मानस्य द्रुतमपयानमास्थितस्य ॥
५३५६१ आलोक्य सुन्दरि मुखं तव मन्दहासं  नन्दन्त्य्मन्दमरविन्दधिया मिलिन्दाः ।
५३५६२ किं चासिताक्षि मृगलाञ्छनसंभ्रमेण  चञ्चूपुटं चटुलयन्ति चिरं चकोराः ॥
५३५७१ आलोचनं च वचनं च निगूहनं च  यासां स्मरन्नमृतवत्सरसं कृशस्त्वम् ।
५३५७२ तासां किमङ्ग पिशितास्रपुरीषपात्रं  गात्रं स्मरन्मृगदृशां न निराकुलोऽसि ॥
५३५८१ आलोच्य वाक्यं स्वयमन्तरात्मा  हृष्टः परानन्दमिव प्रविष्टः ।
५३५८२ प्रायेण भावीनि भवन्ति वस्तून्य् आलोच्यमानानि मनोहराणि ॥
५३५९१ आलोड्य सर्वशास्त्राणि पुराणान्युत्तमोत्तमाः ।
५३५९२ विचिन्त्य सर्वभूतेषु दयां कुर्वन्ति साधवः ॥
५३६०१ आलोड्य सर्वशास्त्राणि विचार्यैवं पुनः पुनः ।
५३६०२ इदमेकं सुनिष्पन्नं ध्येयो नारायणः सदा ॥
५३६११ आलोलामलकावलीं विलुलितां बिभ्रच्चलत्कुण्डलं  किंचिन्मृष्टविशेषकं तनुतरैः स्वेदाम्भसां जालकैः ।
५३६१२ तन्व्या यत्सुरतान्ततान्तनयनं वक्त्रं रतिव्यत्यये  तत्त्वां पातु चिराय किं हरिहरब्रह्मादिभिर्देवतैः ॥
५३६२१ आलोलैरुपगम्यते मधुकरैः केशेषु माल्यग्रहः  कान्तिः कापि कपोलयोः प्रथयते ताम्बूलमन्तर्गतम् ।
५३६२२ अङ्गानामनुलेपनं परिमलैरालेपनप्रक्रिया  वेषः कोऽपि सरोजसुन्दरदृशः सूते सुखं चक्षुषोः ॥
५३६३१ आलोहितमाकलयन्  कन्दलमुत्कम्पितं मधुकरेण ।
५३६३२ संस्मरति पथिषु पथिको  दयिताङ्गुलितर्जनाललितम् ॥
५३६४१ आवक्त्रेन्दु तदङ्गमेव सृजतः स्रष्टुः समग्रस्त्विषां  कोषः शोषमगादगाधजगतीशिल्पेऽपि नाल्पायितः ।
५३६४२ निःशेषद्युतिमण्डलव्ययवशादीषल्लभैस्तत्तनू  शेषः केशमयः किमन्धतमसस्तोमैरभून्निर्मितः ॥
५३६५१ आवत्सरमहिभीतिर् न स्यादस्य प्रभावेण ।
५३६५२ शुकनासां च पिबेद्यो  जलपिष्टां तस्य भीर्नास्ति ॥
५३६६१ आवयोर्योधमुख्याभ्यां मदर्थः साध्यतामिति ।
५३६६२ यस्मिन् पणः प्रक्रियते स संधिः पुरुषान्तरः ॥
५३६७१ आवर्जित इव विनयाद् ईषन्मधुरस्मिताननसरोजः ।
५३६७२ अङ्कार्पितकरयुगलः  कलयति विज्ञप्तिमीक्षितो नृपतेः ॥
५३६८१ आवर्जिता किंचिदिव स्तनाभ्यां  वासो वसाना तरुणार्करागम् ।
५३६८२ पर्याप्तपुष्पस्तबकावनम्रा  संचारिणी पल्लविनी लतेव ॥
५३६९१ आवर्जितालकालि  श्वासोत्कम्पस्तनार्पितैकभुजम् ।
५३६९२ शयनं रतिविवशतनोः  स्मरामि शिथिलांशुकं तस्याः ॥
५३७०१ आवर्तः ककुदे यस्य ककुदी स उदाहृतः ।
५३७०२ मुष्केणैकेन युक्तस्तु हयस्त्वेकाण्डसंज्ञितः ॥
५३७११ आवर्तः संशयानामविनयभवनं पत्तनं साहसानां  दोषाणां संनिधानं कपटशतमयं क्षेत्रमप्रत्ययानाम् ।
५३७१२ स्वर्गद्वारस्य विघ्नं नरकपुरमुखं सर्वमायाकरण्डं  स्त्रीयन्त्रं केन सृष्टं विषममृतमयं प्राणिलोकस्य पाशः ॥
५३७२१ आवर्त इव तोयस्य ज्ञानावर्तो यदाकुलः ।
५३७२२ चित्तमास कृतावर्तमुपसर्गः स उच्यते ॥
५३७३१ आवर्त एव नाभिस्ते नेत्रे नीलसरोरुहे ।
५३७३२ तरङ्गा वलयस्तेन त्वं लावण्याम्बुवापिका ॥
५३७४१ आवर्तशोभा नतनाभिकान्तेर् भङ्ग्यो भ्रुवां द्वन्द्वचराः स्तनानाम् ।
५३७४२ जातानि रूपावयवोपमानान्य् अदूरवर्तीनि विलासिनीनाम् ॥
५३७५१ आवर्तिनः शुभफलप्रदशुक्तियुक्ताः  संपन्नदेवमणयो भृतरन्ध्रभागाः ।
५३७५२ अश्वाः प्यधुर्वसुमतीमतिरोचमानास् तूर्णं पयोधय इवोर्मिभिरापतन्तः ॥
५३७६१ आवर्तैरातर्पण  शोभां डिण्डीरपाण्डुरैर्दधती ।
५३७६२ गायति मुखरितसलिला  प्रियसंगममङ्गलं सुरसा ॥
५३७७१ आवर्त्य कण्ठं सिचयेन सम्यग् आबद्ध्य वक्षोरुहकुम्भयुग्मम् ।
५३७७२ कासौ करालम्बिततैलपात्रा  मन्दं समासीदति सुन्दरीं ताम् ॥
५३७८१ आवर्त्य यो मुहुर्मन्त्रं धारयेच्च प्रयत्नतः ।
५३७८२ अप्रयत्नधृतो मन्त्रः प्रचलन्नग्निवद्दहेत् ॥
५३७९१ आवाचां व्यक्ततायाः कविपदविषयेष्वाचचष्टे समन्यो  मुक्तास्माभिर्न कोऽपि स्मरपदमवनौ संस्तुतः सत्यमेतत् ।
५३७९२ मिथ्यैतद्भोः कथं रे ननु शतमकृथाः कुन्तलेन्द्रस्य तत्तत् काव्यस्तोत्राणि धिक्त्वां जडमय न मनोरेव मूर्तिप्रभेदः ॥
५३८०१ आवाति स्फुटितप्रियङ्गुसुरभिर्नीहारवारिच्छलात् स्वच्छन्दं कमलाकरेषु विकिरन् प्रच्छन्नवह्निच्छटाः ।
५३८०२ प्रातः कुन्दसमृद्धिदर्शनरसप्रीतिप्रकर्षोल्लसन्  मालाकारवधूकपोलपुलकस्थैर्यक्षमो मारुतः ॥
५३८११ आवासः किलकिञ्चितस्य दयिताः पार्श्वे विलासालसाः  कर्णे कोकिलकामिनीकलरवः स्मेरो लतामण्डपः ।
५३८१२ गोष्ठी सत्कविभिः समं कतिपयैर्मुग्धाः सितांशोः कराः  केषांचित्सुखयन्ति चात्र हृदयं चैत्रे विचित्राः स्रजः ॥
५३८२१ आवासः क्रियतां गाङ्गे पापवारिणि वारिणि ।
५३८२२ स्तनमध्ये तरुण्या वा मनोहारिणि हारिणि ॥
५३८३१ आवासेऽस्मिन् विदग्धाः क्वचिदपि न विभो नापि निद्रोपभोग  योग्यत्वं स्रस्तरास्था विलयमुपगता संमुखे विद्युदेषा ।
५३८३२ प्रोद्यंश्चायं पयोभृत्तदिति यदि रुचिर्नैशवासेतदास्स्वेत्य् उक्तः पान्थः सुदत्या हतमदनभयस्तत्र मुग्धोऽतिमुग्धः ॥
५३८४१ आवासोत्सुकपक्षिणः कलरुतं क्रामन्ति वृक्षालयान्  कान्ताभाविवियोगभीरुरधिकं क्रन्दत्ययं कातरः ।
५३८४२ चक्राह्वो मधुपाः सरोजगहनं धावन्त्युलूको मुदं  धत्ते चारुणतांगतो रविरसावस्ताचलं चुम्बति ॥
५३८५१ आवासो विपिनायते प्रियसखीमालापि जालायते  तापोऽपि श्वसितेन दावदहनज्वालाकलापायते ।
५३८५२ सापि त्वद्विरहेण हन्त हरिणीरूपायते हा कथं  कन्दर्पोऽपि यमायते विरचयञ्शार्दूलविक्रीडितम् ॥
५३८६१ आ विन्ध्यादा हिमाद्रर्विरचितविजयस्तीर्थयात्राप्रसङ्गाद् उद्ग्रीवेषु प्रहर्ता नृपतिषु विनमत्कन्धरेषु प्रसन्नः ।
५३८६२ आर्यावर्तं यथार्थं पुनरपि कृतवान्म्लेच्छविच्छेदनाभिर् देवः शाकंभरीन्द्रो जगति विजयते बीसलः क्षोणिपालः ॥
५३८७१ आविर्भवति नारीणां वयः पर्यस्तशैशवम् ।
५३८७२ सहैव विविधैः पुंसामङ्गजोन्मादविभ्रमैः ॥
५३८८१ आविर्भवन्ती प्रथमं प्रियायाः  सोच्छ्वासमन्तःकरणं करोति ।
५३८८२ संतापदग्धस्य शिखण्डियूनो  वृष्टेः पुरस्तादचिरप्रभेव ॥
५३८९१ आविर्भावदिने न येन गणितो हेतुस्तनीयानपि  क्षीयेतापि न चापराधविधिना नत्या न यो वर्धते ।
५३८९२ पीयूषप्रतिवेदिनस्त्रिजगतीदुःखद्रुहः सांप्रतं  प्रेम्णस्तस्य गुरोः कथं नु करवै वाङ्निष्ठतालाघवम् ॥
५३९०१ आविर्भूतं चतुर्धा यः कपिभिः परिवारितः ।
५३९०२ हतवान् राक्षसानीकं रामं दाशरथिं भजे ॥
५३९११ आविर्भूतज्योतिषां ब्राह्मणानां  ये व्याहारास्तेषु मा संशयो भूत् ।
५३९१२ भद्रा ह्येषां वाचि लक्ष्मीर्निषिक्ता  नैते वाचं विप्लुतार्थां वदन्ति ॥
५३९२१ आविर्भूतविपाण्डुरच्छवि मुखं क्षामा कपोलस्थली  सव्यापारपरिश्लथे च नयनेऽनुत्साहमुग्धं वपुः ।
५३९२२ श्यामीभूतमुखं पयोधरयुगं मध्यः स्वभावोच्छ्रितो  जातान्यैव मनोहराकृतिरहो गर्भोदये सुभ्रुवः ॥
५३९३१ आविर्भूतानुरागाः क्षणमुदयगिरेरुज्जिहानस्य भानोः  पर्णच्छायैः पुरस्तादुपवनतरवो दूरमाश्वेव गत्वा ।
५३९३२ एते तस्मिन्निवृत्ताः पुनरपरगिरिप्रान्तपर्यस्तबिम्बे  प्रायो भृत्यास्त्यजन्ति प्रचलितविभवं स्वामिनं सेवमानाः ॥
५३९४१ आविर्भूते शशिनि तमसा मुच्यमानेव रात्रिर् नैशस्यार्चिर्हुतभुज इव छिन्नभूयिष्ठधूमा ।
५३९४२ मोहेनान्तर्वरतनुरियं लक्ष्यते मुक्तकल्पा  गङ्गा रोधःपतनकलुषा गृह्णतीव प्रसादम् ॥
५३९५१ आविर्भूतो जगति सुषमारूपतो भौतिकेऽस्मिन्  ज्ञानात्मासौ लसति भगवान् विष्टपे मानसीये ।
५३९५२ प्राणानां वा ज्वलति भुवने प्रस्फुटः शक्तिमूर्त्या  प्रेमद्वारा प्रकटिततनुर्भासते चैत्यलोके ॥
५३९६१ आविलपयोधराग्रं  लवलीदलपाण्डुराननच्छायम् ।
५३९६२ तानि दिनानि वपुरभूत् केवलमलसेक्षणं तस्याः ॥
५३९७१ आ विवाहसमयाद्गृहे वने  शैशवे तदनु यौवने पुनः ।
५३९७२ स्वापहेतुरनुपाश्रितोऽन्यया  रामबाहुरुपधानमेष ते ॥
५३९८१ आविशद्भिरुटजाङ्गणं मृगैर् मूलसेकसरसैश्च वृक्षकैः ।
५३९८२ आश्रमाः प्रविशदग्निधेनवो  बिभ्रति श्रियमुदीरिताग्नयः ॥
५३९९१ आविष्करोति न स्नेहं रागं बध्नाति नो रते ।
५३९९२ अभियुक्ता तु मन्देच्छा सान्यकामा तु कामिनी ॥
५४००१ आविष्कुर्वन्निव नवनवेनादरेणानुरागं  सर्वाङ्गीणं सुचिरविरहोन्मूर्च्छितायां नलिन्याम् ।
५४००२ त्रैलोक्यान्धीकरणतिमिरद्वेषरोषारुणत्वं  व्याकुर्वन् वा किमयमुदयत्यम्बरे तिग्मरोचिः ॥
५४०११ आविष्कृतान् परगुणान् कलयन्ति तूष्णीं  दुश्चेतसो बत विदूषयितुं न रागात् ।
५४०१२ आकर्णयन्ति किल कोकिलकूजितानि  संधातुमेव किल सप्तनलीं किराताः ॥
५४०२१ आविष्ट इव दुःखेन तद्गतेन गरीयसा ।
५४०२२ समन्वितः करुणया परया दीनमुद्धरेत् ॥
५४०३१ आवृणोति यदि सा मृगीदृशी  स्वाञ्चले कुचकाञ्चनाचलम् ।
५४०३२ भूय एव बहिरेति गौरवाद् उन्नतो न सहते तिरस्क्रियाम् ॥
५४०४१ आवृण्वतो लोचनमार्गमाजौ  रजोऽन्धकारस्य विजृम्भितस्य ।
५४०४२ शस्त्रक्षताश्वद्विपवीरजन्मा  बालारुणोऽभूद्रुधिरप्रवाहः ॥
५४०५१ आवृण्वाना झगिति जघनं मद्दुकूलाञ्चलेन  प्रेङ्खत्क्रीडाकुलितकबरीबन्धनव्यग्रपाणिः ।
५४०५२ अर्धोच्छ्वासस्फुटनखपदालंकृताभ्यां स्तनाभ्यां  दृष्टा धार्ष्ट्यस्मृतिनतमुखी मोहनान्ते मया सा ॥
५४०६१ आवृतं ज्ञानमेतेन ज्ञानिनो नित्यवैरिणा ।
५४०६२ कामरूपेण कौन्तेय दुष्पूरेणानलेन च ॥
५४०७१ आवृतान्यपि निरन्तरमुच्चैर् योषितामुरसिजद्वितयेन ।
५४०७२ रागिणामित इतो विमृशद्भिः  पाणिभिर्जगृहिरे हृदयानि ॥
५४०८१ आवृत्य श्रीमदेनान्धानन्योन्यकृतसंविदः ।
५४०८२ स्वैरं हसन्ति पार्श्वस्था बालोन्मत्तपिशाचवत् ॥
५४०९१ आवेदयितुमस्माकं कृतज्ञत्वं प्रभुं प्रति ।
५४०९२ पन्थाः श्रेयस्करो नान्यः तूष्णीं तोषेण वर्तनात् ॥
५४१०१ आवेद्यतामविदितं किमथाप्यनुक्तं  वक्तव्यमान्तररुजोपशमाय नालम् ।
५४१०२ इत्युच्यते किमपि तच्छ्रवणे निधातुं  मातः प्रसीद मलयध्वजपाण्ड्यकन्ये ॥
५४१११ आवेपते भ्रमति सर्पति मोहमेति  कान्तं विलोकयति कूजति दीनदीनम् ।
५४११२ अस्तं हि भानुमति गच्छति चक्रवाकी  हा जीवितेऽपि मरणं प्रियविप्रयोगः ॥
५४१२१ आशङ्क्य प्रणतिं पटान्तपिहितौ पादौ करोत्यादराद् व्याजेनागतमावृणोति हसितं न स्पष्टमुद्वीक्षते ।
५४१२२ मय्यालापवति प्रतीपवचना सख्या समं भाषते  तन्व्यास्तिष्ठतु निर्भरप्रणयिता मानोऽपि रम्योदयः ॥
५४१३१ आशया कृतदासो यः स दासः सर्वदेहिनाम् ।
५४१३२ आशा दासीकृता येन तस्य दासायते जगत् ॥
५४१५१ आशां कालवतीं कुर्यात्कालं विघ्नेन योजयेत् ।
५४१५२ विग्नं निमित्ततो ब्रूयान्निमित्तं चापि हेतुतः ॥
५४१६१ आशाः काञ्चनपुष्पकुड्मलकुलच्छन्ना न काः क्ष्मातले  सौजन्यामृतवर्षिभिस्तिलकितं सेव्यैर्न किं मण्डलम् ।
५४१६२ पन्थानः सुचिरोपचाररुचिरैर्व्याप्ता न कैः संस्तुतैस् तेषामत्र वसन्ति निह्नुतगुणाः कालेन ये मोहिताः ॥
५४१७१ आशाः खर्वय गर्वयातिमुखरानुन्नादिनो बर्हिणः  सर्वांस्त्रासय गर्जितैः कलगिरो हंसान् समुत्सारय ।
५४१७२ द्रागास्कन्दय मित्रमण्डलमलं सद्वर्त्म संदूषय  श्रीमन्नब्द नयत्ययं न पवनो यावद्दशां कामपि ॥
५४१८१ आशाः पूरयति श्रियं वितरति त्रैलोक्यतापं हरत्य् अव्याजामृतसेचनं विदधति प्रीतिं परां तन्वति ।
५४१८२ एतेन प्रसभं चिरं जलमुचा कालेन दूरीकृते  पूर्णे राजनि जातमुल्बणतमस्तोमावशेषं जगत् ॥
५४१९१ आशाः प्रकाशयति यस्तिमिराणि भङ्क्त्वा  बोधं दृशां दिशति भूरिगुणेष्वभीष्टः ।
५४१९२ खेदाय यस्य न परोपकृतिष्वटाट्या  धीमान्नमस्यति न कस्तमिनं प्रशस्यम् ॥
५४२०१ आशाः प्रसादयतु पुष्यतु वा चकोरान्  कामं तनोतु कुमुदेषु मुदं सुधांशुः ।
५४२०२ एकः स एव परमुत्कटराहुदन्त  पत्रप्रवेशसमदुःखसुखः कुरङ्गः ॥
५४२११ आशाः संतमसोपलेपमलिनाः पीयूषगौरैः करैर् आलिम्पन्नयमुद्गतैर्दिवमिमां कर्पूरपूरं सृजन् ।
५४२१२ चन्द्रश्चन्द्रशिलैककुट्टिममयं क्षोणीतलं कल्पयन्  पश्योद्गच्छति पाकपाण्डुरशरच्छायोपमेयच्छविः ॥
५४२२१ आशाखनिरगाधेयं दुष्पूरा केन पूर्यते ।
५४२२२ या महद्भिरपि क्षिप्तैः पूरकैरेव खन्यते ॥
५४२३१ आशाखनिरगाधेयमधःकृतजगत्त्रया ।
५४२३२ उद्धृत्योद्धृत्य तत्रस्थानहो सद्भिः समीकृता ॥
५४२४१ आशागर्तः प्रतिप्राणि यस्मिन् विश्वमणूपमम् ।
५४२४२ कस्य किं कियदायाति वृथा या विषयैषिता ॥
५४२५१ आशागृहीता विकला भवन्ति  हतत्रपा न्यस्तगुणाभिमानाः ।
५४२५२ भ्राम्यन्ति मत्ता इव नष्टसंज्ञा  देहीतिवाचस्तरलस्वभावाः ॥
५४२६१ आशातुरगमारुह्य नित्यं धावति याचकः ।
५४२६२ न चार्तिः न श्रमो ह्यस्य न गतौ नापि मन्दता ॥
५४२७१ आशा धृतिं हन्ति समृद्धिमन्तकः  क्रोधः श्रियं हन्ति यशः कदर्यता ।
५४२७२ अपालनं हन्ति पशूंश्च राजन्न्  एकः क्रुद्धो ब्राह्मणो हन्ति राष्ट्रम् ॥
५४२८१ आशा नाम नदी मनोरथजला तृष्णातरङ्गाकुला  रागग्राहवती वितर्कविहगा धैर्यद्रुमध्वंसिनी ।
५४२८२ मोहावर्तसुदुस्तरातिगहना प्रोत्तुङ्गचिन्तातटी  तस्याः पारगता विशुद्धमनसो नन्दन्तु योगीश्वराः ॥
५४२९१ आशा नाम मनुष्याणां काश्चिदाश्चर्यशृङ्खला ।
५४२९२ यया बद्धाःप्रधावन्ति मुक्तास्तिष्ठन्ति कुत्रचित् ॥
५४३०१ आशा निष्ठा प्रतिष्ठा मम किल महिलास्तासु सौख्यं कदा स्याद् या प्रान्त्या सा विदध्यादिह किमपि तथा मध्यमा सा परत्र ।
५४३०२ आद्या सा नोभयत्राप्यहह तदपि किं सक्ततां यामि तस्यां  या प्रौढ्यादप्रगल्भे प्रतिदिवसमुभे ते कदर्थीकरोति ॥
५४३११ आशापाशनिबद्धो  नृत्यति किं वा नरो न धनिकपुरः ।
५४३१२ हतशैलूषस्य विधेः  कुत्र विधेयः सुखमुपैति ॥
५४३२१ आशापाशविमुक्तिनिश्चलसुखा स्वायत्तचित्तस्थितिः  स्नेहद्वेषविषादलोभविरतिः संतोषतृप्तं मनः ।
५४३२२ चिन्ता नित्यमनित्यतापरिचये सङ्गेऽपि निःसङ्गता  संवित्सेकविवेकपूतमनसामित्येष मोक्षक्रमः ॥
५४३३१ आशापाशशतैर्बद्धाः कामक्रोधपरायणाः ।
५४३३२ ईहन्ते कामभोगार्थमन्यायेनार्थसंचयान् ॥
५४३४१ आशापाशशतैर्बद्धा वासनाभरवाहिनः ।
५४३४२ कायात्कायमुपायान्ति वृक्षाद्वृक्षमिवाण्डजाः ॥
५४३५१ आशापाशैः परीताङ्गा ये भवन्ति नरोऽर्दिताः ।
५४३५२ ते रात्रौ शेरते नैव तदप्राप्तिविचिन्तया ॥
५४३६१ आशापिशाचिका मां  भ्रमयति परितो दशस्वपि दिशासु ।
५४३६२ स्वीये पिशाचवर्गे  सेवायै किं न योजयसि ॥
५४३७१ आशापिशाचिकाविष्टः पुरतो यस्य कस्यचित् ।
५४३७२ वन्दते निन्दति स्तौति रोदिति प्रहसत्यपि ॥
५४३८१ आशा बलवती कष्टा नैराश्यं परमं सुखम् ।
५४३८२ आशां निराशां कृत्वा तु सुखं स्वपिति पिङ्गला ॥
५४३९१ आशा बलवती राजन् विपरीता हि शृङ्खला ।
५४३९२ यया बद्धाः प्रधावन्ति मुक्तास्तिष्ठन्ति पङ्गुवत् ॥
५४४०१ आशा भङ्गकरी पुंसामजेयारातिसंनिभा ।
५४४०२ तस्मादाशां त्यजेत्प्राज्ञो यदीच्छेच्शाश्वतं सुखम् ॥
५४४११ आशाभरेण निखिलाशासु धावनमथाशातकुम्भगिरि वा  क्लेशावहं विविधदेशाटनं द्रविणलेशायनापि ववृते ।
५४४१२ आशातिदामवितुमाशास्व पाणिधृतपाशामनेकजगताम्  ईशामुपासितगिरीशामिहाङ्गदिगधीशार्चिताङ्घ्रिनलिनाम् ॥
५४४२१ आशाभिभूता ये मर्त्या महामोहा महोद्धताः ।
५४४२२ अवमानादिकं दुःखं न जानन्ति कदाप्यहो ॥
५४४३१ आशामुत्पाद्य चाकृष्य वञ्चयेद्रिपुमन्त्रिणम् ।
५४४३२ असुरेभ्यो हृतौ दत्वा शाण्डामर्कौ ग्रहं सुरैः ॥
५४४४१ आशायाः खलु ये दासास्ते दासाः सर्वदेहिनाम् ।
५४४४२ आशा दासीकृता येन तस्य दासायते जगत् ॥
५४४५१ आशाया ये दासास् ते दासाः सर्वलोकस्य ।
५४४५२ आशा येषां दासी  तेषां दासायते लोकः ॥
५४४६१ आशायास्तनया माया क्रोधोऽसूयासुतः स्मृतः ।
५४४६२ हिंसायास्तनयः पापः कृतघ्नो नार्हति प्रजाम् ॥
५४४७१ आशालतावलयितं बद्धमूलमविद्यया ।
५४४७२ को हि तापयितुं शक्तः मुखेन भवपादपम् ॥
५४४८१ आशावलम्बोपचिता न कस्य  तृष्णालतानर्थफलं प्रसूते ।
५४४८२ दिने दिने लब्धरुचिर्विवस्वान्  मीनं च मेषं च वृषं च भुङ्क्ते ॥
५४४९१ आशाविप्लुतचेतसोऽभिलषिताल्लाभादलाभो वरस् तस्यालाभनिराकृता हि तनुतामापद्यते प्रार्थना ।
५४४९२ इष्टावाप्तिसमुद्भवस्तु सुतरां हर्षः प्रमाथी धृतेः  सेतोर्भङ्ग इवाम्भसां विवशतां वेगेन विस्तार्यते ॥
५४५०१ आशासरसीं शोषय तपसा  तन्मध्यस्थः पोषय मनसा ।
५४५०२ कायक्लेशं शोधय परुषं  शिथिलय परमब्रह्मणि कलुषम् ॥
५४५११ आशासानो न वै भृत्यः स्वामिन्याशिष आत्मनः ।
५४५१२ न स्वामी भृत्यतः स्वाम्यमिच्छन् यो राति चाशिषः ॥
५४५२१ आशासु राशीभवदङ्गवल्ली  भासैव दासीकृतदुग्धसिन्धुम् ।
५४५२२ मन्दस्मितैर्निन्दितशारदेन्दुं  वन्देऽरविन्दासनसुन्दरि त्वाम् ॥
५४५२ १ आशास्यमन्यत्पुनरुक्तभूतं  श्रेयांसि सर्वाण्यधिजग्मुषस्ते ।
५४५२ २ पुत्रं लभस्वात्मगुणानुरूपं  भवन्तमीड्यं भवतः पितेव ॥
५४५३१ आशा हि परमं दुःखं निराशा परमं सुखम् ।
५४५३२ आशापाशं परित्यज्य सुखं स्वपिति पिङ्गला ॥
५४५४१ आशा हि परमं दुःखं नैराश्यं परमं सुखम् ।
५४५४२ यथा सञ्छिद्य कान्ताशां सुखं सुष्वाप पिङ्गला ॥
५४५५१ आशिषं च तिलकं च जनन्या  मन्यते स्म कवचाधिकमन्यः ।
५४५५२ येन संयति हि सर्वभटानां  विक्रमैकवचतां (?) प्रतिपेदे ॥
५४५६१ आशीर्वादमुखा स्त्री  मन्त्रमुखो ब्राह्मणः प्रियवाक् ।
५४५६२ कुशलं पृच्छन्नतिथिः  प्रियसुहृदानन्दपरिपूर्णः ॥
५४५७१ आशीविषमिव क्रुद्धं प्रभुं प्राणधनेश्वरम् ।
५४५७२ यत्नेनोपचरेन्नित्यं नाहमस्मीति मानवः ॥
५४५८१ आशीविषेण रदनच्छददंशदानम्  एतेन ते पुनरनर्थतया न गण्यम् ।
५४५८२ बाधां विधातुमधरे हि न तावकीने  पीयूषसारघटिते घटतेऽस्य शक्तिः ॥
५४५९१ आशु कान्तमभिसारितवत्या  योषितः पुलकरुद्धकपोलम् ।
५४५९२ निर्जिगाय मुखमिन्दुमखण्डं  खण्डपत्रतिलकाकृति कान्त्या ॥
५४६०१ आशु लङ्घितवतीष्टकराग्रे  नीविमर्धमुकुलीकृतदृष्ट्या ।
५४६०२ रक्तवैणिकहताधरतन्त्री  मण्डलक्वणितचारु चुकूजे ॥
५४६११ आशैकतन्तुमवलम्ब्य विलम्बमाना  रक्षामि जीवमवधिर्नियतो यदि स्यात् ।
५४६१२ नो चेद्विधिः सकललोकहितैककारी  यत्कालकूटमसृजत्तदिदं किमर्थम् ॥
५४६२१ आ शैलेन्द्राच्शिलान्तःस्खलितसुरधुनीशीकरासारशीताद् आ तीरान्नैकरागस्फुरितमणिरुचो दक्षिणस्यार्णवस्य ।
५४६२२ आगत्यागत्य भीतिप्रणतनृपशतैः शश्वदेव क्रियन्ते  चूडारत्नांशुगर्भास्तव चरणयुगस्याङ्गुलीरन्ध्रभागाः ॥
५४६३१ आशैव राक्षसी पुंसामाशैव विषमञ्जरी ।
५४६३२ आशैव जीर्णमदिरा धिगाशा सर्वदोषभूः ॥
५४६४१ आ शैशवान्ममतया कलितस्त्वयासौ  आनृण्यमम्ब तव लब्धुमना मृगाङ्कः ।
५४६४२ स्वात्मानमेव नियतं बहुधा विभज्य  त्वत्पादयोर्विनिदधे नखरापदेशात् ॥
५४६५१ आश्चर्यं कथयामि कस्य पुरतः कुर्वे किमेमि क्व वा  काचित्काञ्चनवल्लरी गृहशिरोरूढा समुज्जृम्भते ।
५४६५२ अस्यां किं च सखे दधन्ति सुषमां नारङ्गबिम्बोपमां  दृष्ट्वा पक्वफलानि मेमृदु मनो मोहं समुत्पद्यते ॥
५४६६१ आश्चर्यं पाणिपाशस्य गिरीन्द्रतनये तव ।
५४६६२ जगद्बन्धनहा शंभुर्येन बन्धं समिच्छति ॥
५४६७१ आश्चर्यं वडवानलः स भगवानाश्चर्यमम्भोनिधिर् यत्कर्मातिशयं विचिन्त्य हृदये कम्पः समुत्पद्यते ।
५४६७२ एकस्याश्रयघस्मरस्य पिबतस्तृप्तिर्न जाता जलैर् अन्यस्यापि महात्मनो न वपुषि स्वल्पोऽपि तोयव्ययः ॥
५४६८१ आश्चर्यं समराम्बरे रिपुयशश्चन्द्रप्रतापार्कयोः  सर्वग्रासमयं सहैव तनुते त्वत्खङ्गराहुः कथम् ।
५४६८२ किं चान्यत्परलोकनिर्भय भवांस्तस्मिन्महत्युत्सवे  गृह्णाति त्यजतामकम्पहृदयो राज्ञां समस्ता भुवः ॥
५४६९१ आश्चर्यधामभिरतीव गुणैः किमेतज् जालं त्वया विरचितं यदपूर्वमेव ।
५४६९२ चेतांसि मूर्तिरहितान्यपि चञ्चलानि  बध्नाति यच्छ्रुतिगतं तदपूर्वमेव ॥
५४७०१ आश्चर्यमुत्पलदृशो वदनामलेन्दु  सांनिध्यतो मम मुहुर्जदिमानमेत्य ।
५४७०२ जात्येन चन्द्रमणिनेव महीधरस्य  संधार्यते द्रवमयो मनसा विकारः ॥
५४७११ आश्चर्यमूर्जितमिदं किमु किं मदीयश् चित्तभ्रमो यदयमिन्दुरनम्बरेऽपि ।
५४७१२ तत्रापि कापि ननु चित्रपरंपरेयम्  उज्जृम्भितं कुवलयद्वितयं यदत्र ॥
५४७२१ आश्चर्यस्तिमिताः क्षणं क्षणमथ प्रीतिप्रमीलत्पुटा  वातान्दोलितपङ्कजातसुमनःपीयूषधारामुचः ।
५४७२२ एताः कस्य हरन्ति हन्त न मनः किंचित्त्रपामञ्जुल  प्रेमप्रेरणमत्र मुग्धमुरचत्तारोत्तरा (?) दृष्टयः ॥
५४७३१ आश्चर्यैकनिधिः स दुग्धजलधिर्मन्ये किमन्यद्यतो  लेभे जन्म स लोकलोचनसुधासारस्तुषारद्युतिः ।
५४७३२ देवीकेलिकचग्रहेण ललिते गङ्गातरङ्गाङ्किते  निःशङ्कं निरटङ्कि शंकरजटाजूटेऽपि येन स्थितिः ॥
५४७४१ आ श्मशानान्निवर्तन्ते ज्ञातयः सह बान्धवैः ।
५४७४२ त्वयैकेनैव गन्तव्यं तत्कर्म सुकृतं कुरु ॥
५४७५१ आश्यानैर्गलितं दलैर्बत कथाशेषाः प्रसूनश्रियो  नोद्भेदोऽपि फलं प्रति प्रतिदिशं याता निराशाः खगाः ।
५४७५२ आपातालविशुष्कमूलकुहरोन्मीलज्जटासंततिस् तूष्णीमस्ति तथाप्यकालजलदं ध्यायन्मरुक्ष्मारुहः ॥
५४७६१ आश्रमादाश्रमं गत्वा हुतहोमो जितेन्द्रियः ।
५४७६२ भिक्षाबलिपरिश्रान्तः प्रव्रजन् प्रेत्य वर्धते ॥
५४७७१ आश्रमी यदि वा वर्णी पूज्यो वाथ गुरुर्महान् ।
५४७७२ नादण्ड्यो नाम राज्ञोऽस्ति यः स्वधर्मेण तिष्ठति ॥
५४७८१ आश्रमेषु द्विजातीनां कार्ये विवदतां मिथः ।
५४७८२ न विब्रूयान्नृपो धर्मं चिकीर्षन् हितमात्मनः ॥
५४७९१ आश्रयः कियतामेष तरुः सन्मार्गमाश्रितः ।
५४७९२ पाथोद सिच्यतां काले नोपेक्ष्यो दूरभावतः ॥
५४८०१ आश्रयः सर्वभूतानां निवासः सर्वपक्षिणाम् ।
५४८०२ ददाति सदृशा भागं सजलस्य पयोमुचः ॥
५४८११ आश्रयमाश्रयलिप्सुस् तुङ्गं सेवेत दुरधिरोहमपि ।
५४८१२ विनिपतति यदि स तस्मात् तथाप्युपर्येव नीचानाम् ॥
५४८२१ आश्रयवशेन सततं  गुरुता लघुता च जायते जन्तोः ।
५४८२२ विन्ध्ये विन्ध्यसमानाः  करिणो बत दर्पणे लघवः ॥
५४८३१ आश्रयाशः कृष्णवर्त्मा दहनश्चैष दुर्जनः ।
५४८३२ अग्निरेव तथाप्यस्मिन् स्याद्भस्मनि हुतं हुतम् ॥
५४८४१ आश्रयितव्यो नरपतिर् अर्जयितव्यानि भूरि वित्तानि ।
५४८४२ आरब्धव्यं वितरणम्  आनेतव्यं यशोऽपि दशदिग्भ्यः ॥
५४८५१ आश्रयेणैव शोभन्ते पण्डिता वनिता लताः ।
५४८५२ बहुमूल्यं हि माणिक्यं जटितं हेम्नि राजते ॥
५४८६१ आश्रितस्याप्रदानेन दत्तस्य हरणेन च ।
५४८६२ जन्मप्रभृति यद्दत्तं सर्वं नश्यति भारत ॥
५४८७१ आश्रितानां भृतौ स्वामिसेवायां धर्मसेवने ।
५४८७२ पुत्रस्योत्पादने चैव न सन्ति प्रतिहस्तकाः ॥
५४८८१ आश्रिताश्चैव लोकेन समृद्धिं यान्ति विद्विषः ।
५४८८२ समृद्धाश्च विनाशाय तस्मान्नोद्वेजयेत्प्रजाः ॥
५४८९१ आश्रित्य नूनममृतद्युतयः पदं ते  देहक्षयोपनतदिव्यपदाभिमुख्याः ।
५४८९२ लावण्यपुण्यनिचयं सुहृदि त्वदास्ये  विन्यस्य यान्ति मिहिरं प्रतिमासभिन्नाः ॥
५४९०१ आश्लिष्टभूमिं रसितारमुच्चैर् लोलद्भुजाकारबृहत्तरङ्गम् ।
५४९०२ फेनायमानं पतिमापगानाम्  असावपस्मारिणमाशशङ्के ॥
५४९११ आश्लिष्टापि करोति सा मम तनुं कण्ठग्रहोत्कण्ठितां  दृष्टापि प्रियदर्शना नियमयत्यक्ष्णोर्दिदृक्षां पुनः ।
५४९१२ अन्तश्चेतसि संस्थितापि हृदयं भूयो विशत्येव मे  रूढप्रेमसमागमापि नवतां धत्ते प्रिया प्रत्यहम् ॥
५४९२१ आश्लिष्टा रभसाद्विलीयत इवाक्रान्ताप्यनङ्गेन या  यस्याः कृत्रिमचण्डवस्तुकरणाकूतेषु खिन्नं मनः ।
५४९२२ कोऽयं काहमिति प्रवृत्तसुरता जानाति या नान्तरं  रन्तुः सा रमणी स एव रमणः शेषौ तु जायापती ॥
५४९३१ आश्लिष्य वा पादरतां पिनष्टु माम्  अदर्शनान्मर्महतां करोतु वा ।
५४९३२ यथा तथा वा विदधातु नागरो  मत्प्राणनाथस्तु स एव नापरः ॥
५४९४१ आश्लेषचुम्बनरतोत्सवकौतुकानि  क्रीडादुरोदरपणः प्रतिभूरनङ्गः ।
५४९४२ भोगः स यद्यपि जये च पराजये च  यूनोर्मनस्तदपि वाञ्छति जेतुमेव ॥
५४९५१ आश्लेषशेषा रतिरङ्गनानाम्  आमोदशेषा कुचकुङ्कुमश्रीः ।
५४९५२ तूणीरशेषः कुसुमायुधोऽपि  प्रभातशेषा रजनी बभूव ॥
५४९६१ आश्लेषादनु चुम्बनादनु नखोल्लेखादनु स्वान्तज  प्रोद्बोधादनु संभ्रमादनु रतारम्भादनु प्रीतयोः ।
५४९६२ अन्यार्थं गतयोर्भ्रमान्मिलितयोः संभाषणैर्जानतोर् दम्पत्योरिह को न को न तमसि व्रीडाविमिश्रो रसः ॥
५४९७१ आश्लेषाधरबिम्बचुम्बनसुखालापस्मितान्यासतां  दूरे तावदिदं मिथो न सुलभं जातं मुखालोकनम् ।
५४९७२ इत्थं व्यर्थकृतैकदेहघटनाविन्यासयोरावयोः  केयं प्रीतिविदम्बनेत्यवतु वः स्मेरोऽर्धनारीश्वरः ॥
५४९८१ आश्लेषेण पयोधरप्रणयिनीं प्रत्यादिशन्त्या दृशं  दृष्ट्वा चाधरबद्धतृष्णमधरं निर्भर्त्सयन्त्या मुखम् ।
५४९८२ ऊर्वोर्गाढनिपीडनेन जघने पाणिं च रुद्ध्वानया  पत्युः प्रेम न खण्डितं निपुणया मानोऽपि नैवोज्झितः ॥
५४९९१ आश्लेषे प्रथमं क्रमादपहृते हृद्येऽधरस्यार्पणे  केलिद्यूतविधौ पणं प्रियतमे कान्तां पुनः पृच्छति ।
५४९९२ अन्तर्गूढविगाढसंभ्रमरसस्फारीभवद्गण्डया  तूष्णीं शारिविसारणाय निहितः स्वेदाम्बुगर्भः करः ॥
५५००१ आश्लेषे सर्वदा पत्युः सतृष्णेवान्तरात्मना ।
५५००२ अर्धनारीश्वरतनौ गौरीवृत्तं समीहते ॥
५५०११ संभोगायोग्यकालेषु सार्धं कान्तेन कामिनी ।
५५०१२ वापीसौधे गृहोद्याने यात्रासङ्गेन तिष्ठति ॥
५५०२१ अन्यच्छायावलोकेऽपि परालापे मनागपि ।
५५०२२ पत्ये क्रुद्ध्यत्यनर्थादौ स्वयं चापि निमज्जति ॥
५५०३१ अपरोपगमारम्भमुन्नाटयति वल्लभम् ।
५५०३२ दरिद्रजरतीवार्ता शिशिरे सायमातपम् ॥
५५०४१ पत्युः शय्यापरावृत्तिं वियोगमिव मन्यते ।
५५०४२ देवागारप्रयाणं च प्रवासमिव पश्यति ॥
५५०५१ अतिस्नेहस्य निस्यन्दादतिप्रेम्णः प्रवृत्तिभिः ।
५५०५२ छायेवानुचरेत्कान्तं यान्तं तिष्ठन्तमङ्गना ॥
५५०६१ आश्लेषे सुन्दरीणां स्थितवति सहसा सर्वसंतृप्तिहेतौ  व्यर्थः पीयूषमाप्तुं जलनिधिमथने यत्न इत्याकलय्य ।
५५०६२ तस्मादेते विरक्ता जगति सुमनसो यत्समस्तास्तदद्धा  स्वर्गस्थानामिवैषां न कथमितरथा लाघवं स्यात्प्रतीतम् ॥
५५०७१ आश्वपेहि मम सीधुभाजनाद् यावदग्रदशनैर्न दृश्यसे ।
५५०७२ चन्द्र मद्दशनमण्डलाङ्कितः  खं न यास्यसि हि रोहिणीभयात् ॥
५५०८१ आश्वसिहि महाबाहो प्राणिनां सर्वमापदः ।
५५०८२ स्पृशन्त्यनिलवल्लोके क्षणेन प्रतियान्ति च ॥
५५०९१ आश्वासयति काकोऽपि दुःखितां पथिकाङ्गनाम् ।
५५०९२ त्वं चन्द्रामृतजन्मापि दहसीति किमुच्यताम् ॥
५५१०१ आश्वासयेच्चापि परं सान्त्वधर्मार्थवृत्तिभिः ।
५५१०२ अथास्य प्रहरेत्काले यदा विचलिते पथि ॥
५५१११ आश्वासस्नेहभक्तीनामेकमायतनं महत् ।
५५११२ प्रकृष्टस्येव धर्मस्य प्रसादो मूर्तिसुन्दरः ॥
५५१२१ आश्वासितस्य मम नाम सुतोपलब्ध्या  सद्यस्त्वया सह कृशोदरि विप्रयोगः ।
५५१२२ व्यावर्तितातपरुजः प्रथमाभ्रवृष्ट्या  वृक्षस्य वैद्युत इवाग्निरुपस्थितोऽयम् ॥
५५१३१ आश्वास्य पर्वतकुलं तपनोष्णतप्तम्  उद्दामदावविधुराणि च काननानि ।
५५१३२ नानानदीनदशतानि च पूरयित्वा  रिक्तोऽसि यज्जलद सैव तवोत्तमश्रीः ॥
५५१४१ आश्विने कृष्णपक्षे च षष्ठ्यां भौमोऽथ रोहिणी ।
५५१४२ व्यतीपातस्तदा षष्ठी कपिलानन्तपुण्यदा ॥
५५१५१ आषाढशुक्लपक्षे  भानोर्दिवसे शिरीषवृक्षस्य ।
५५१५२ मूलं जलेन पिष्ट्वा  पिबेन्न भीस्तस्य सर्पोत्था ॥
५५१६१ आषाढी कार्त्तिकी माघी वचा शुण्ठी हरीतकी ।
५५१६२ गयायां पिण्डदानेन पुण्या श्लेष्महरानृणी ॥
५५१७१ आषाढे शशका दृष्टा स्थानास्थने सुभिक्षदाः ।
५५१७२ चतुष्पदादिनाशाय तल्लब्ध्यै शशदर्शनम् ॥
५५१८१ आषाढे श्रावणे मासि बीजावपनरोपणे ।
५५१८२ ग्रीष्मादन्यत्र वल्लीनां केचिदिच्छन्ति रोपणम् ॥
५५१९१ आ संप्रवृद्धेरपि वृद्धिकामः  समेन संधानमिहोपगच्छेत् ।
५५१९२ अपक्वयोर्वा घटयोरवश्यम्  अन्योऽन्यभेदी समसंनिपातः ॥
५५२०१ आसंसारं त्रिभुवनमिदं चिन्वतां तात तादृङ् नैवास्माकं नयनपदवीं श्रोत्रवर्त्मागतो वा ।
५५२०२ योऽयं धत्ते विषयकरिणीगाढरूढाभिभान  क्षीबस्यान्तःकरणकरिणः संयमालानलीलाम् ॥
५५२११ आसक्ताः प्रतिकोटरं विषधरा भानोः करा मूर्धनि  ज्वालाजालकरालदावदहनः प्रत्यङ्गमालिङ्गति ।
५५२१२ सर्वानन्दनचारुचन्दनतरोरेतस्य जीवातवे  रे जीमूत विमुञ्च वारि बहुशो युष्मद्यशो जृम्भताम् ॥
५५२२१ आसज्य स्वयमेव चुम्बनविधिं याच्ञा विनालिङ्गनं  तल्पान्ते जघनेन वेपथुमता पर्यर्पितं जानुनोः ।
५५२२२ क्रोधोत्कम्पममर्षयत्यनुनयत्यस्याः स्मरक्रीडया  प्रौढैकाभिरतिः प्रियस्य हृदयं हेलाबलात्कर्षति ॥
५५२३१ आसते शतमधिक्षिति भूपास् तोयराशिरसि ते खलु कूपाः ।
५५२३२ किं ग्रहा दिवि न जाग्रति ते ते  भास्करस्य कतमस्तुलयास्ते ॥
५५२४१ आसत्यलोकमखिलं भुवनं जलेषु  निर्मज्जयेत्प्रकुपितो जलधिर्जवेन ।
५५२४२ किंतु स्वमन्तयितुमुद्यतमौर्वमग्निम्  अन्तर्वसन्तमपि हन्तुमसौ न शक्तः ॥
५५२५१ आ सत्यलोकादा भूमेः स्वैरचारकृतश्रमाः ।
५५२५२ तेनुरिन्दुकराः स्वेदं द्रुतनीहारभूमिकम् ॥
५५२६१ आसनं चैव यानं च संधाय च विगृह्य च ।
५५२६२ कार्यं वीक्ष्य प्रयुञ्जीत द्वैधं संश्रयमेव च ॥
५५२७१ आसनं प्राणसंरोधः प्रत्याहारश्च धारणा ।
५५२७२ ध्यानं समाधिरेतानि योगाङ्गानि स्मृतानि षट् ॥
५५२८१ आसनं प्राणसंरोधो ध्यानं चैव समाधिकः ।
५५२८२ एतच्चटुष्टयं विद्धि सर्वयोगेषु संमतम् ॥
५५२९१ आसनाच्शयनाद्यानात्संगतेश्चापि भोजनात् ।
५५२९२ कृते संचरते पापं तैलबिन्दुरिवाम्भसि ॥
५५३०१ आसनादेकशय्यायां संभाषात्सहभोजनात् ।
५५३०२ पुंसां संक्रमते पापं घटाद्घटमिवोदकम् ॥
५५३११ आसनावसथौ शय्यामनुव्रज्यामुपासनम् ।
५५३१२ उत्तमेषूत्तमं कुर्याधीने हीनं समे समम् ॥
५५३२१ आसनाशनशय्याभिरद्भिर्मूलफलेन वा ।
५५३२२ नास्य कश्चिद्वसेद्गेहे शक्तितोऽनर्चितोऽतिथिः ॥
५५३३१ आसने पादमारोप्य यो भुङ्क्ते स द्विजाधमः ।
५५३३२ मुखेन धमते चान्नं तुल्यं गोमांसभक्षणम् ॥
५५३४१ आसने लालयेद्बालां तरुणीं शयने तथा ।
५५३४२ उत्सङ्गे पतिरूढां च लालनं त्रिविधं विदुः ॥
५५३५१ आसने शयने याने पानभोजनवस्तुषु ।
५५३५२ दृष्ट्वान्तरं प्रमत्तेषु प्रहरन्त्यरयोऽरिषु ॥
५५३६१ आसने शयने याने भावा लक्ष्या विशेषतः ।
५५३६२ पुरुषाणां प्रदुष्टानां स्वभावो वलवत्तरः ॥
५५३७१ आसन् क्षीणानि यावन्ति चातकाश्रूणि तेऽम्बुद ।
५५३७२ तावन्तोऽपि त्वयोदार न मुक्ता जलबिन्दवः ॥
५५३८१ आसन्नतरतामेति मृत्युर्जन्तोर्दिने दिने ।
५५३८२ आघातं नीयमानस्य वध्यस्येव पदे पदे ॥
५५३९१ आसन्ननाशं सलिलं तटाके  कूपादिकानामतियत्नलभ्यम् ।
५५३९२ नदि त्वमग्र्यासि जलाश्रयाणां  यस्यां युगस्थायि सुलम्भमम्भः ॥
५५४०१ आसन्नमार्गमतिलङ्घ्य नतेन मूर्ध्ना  पश्चात्प्रसङ्गवलितेन मुखेन यान्त्या ।
५५४०२ आरोपिताः कतिपये मयि पङ्कजाक्ष्या  साकूतहासमनतिप्रकटाः कटाक्षाः ॥
५५४११ आसन्नमित्रागमसूच्यमान  समागमे वासरवल्लभस्य ।
५५४१२ निर्यान्ति दीपा इव रात्रिभोग्याः  पश्य प्रभाते गणिकागृहेभ्यः ॥
५५४२१ आसन्नमेव नृपतिर्भजते मनुष्यं  विद्याविहीनमकुलीनमसंस्तुतं वा ।
५५४२२ प्रायेण भूमिपतयः प्रमदा लताश्च  यः पार्श्वतो वसति तं परिवेष्टयन्ति ॥
५५४३१ आसन्नयौवनस्त्वं  दुहितुर्मे यौवनं त्वया प्रायः ।
५५४३२ क्षपितमलक्ष्यं स्त्रीणां  गलति हि सहसैव तारुण्यम् ॥
५५४४१ आसन्नसेवां नृपतेः क्रीडाशस्त्राहिपावकैः ।
५५४४२ कौशलेनातिमहता विनीतः सानुरुध्यते (?) ॥
५५४५१ आसन्नाः कण्टकिनो  रिपुभयदाः क्षीरिणोऽर्थनाशाय ।
५५४५२ फलिनः प्रजाक्षयकरा  दारूण्यपि वर्जयेत्तेषाम् ॥
५५४६१ आसन्नान् पुरतो भोगान् दर्शयित्वा पुनः पुनः ।
५५४६२ छागो हरितमुष्ट्येव दूरं नीतोऽस्मि तृष्णया ॥
५५४७१ आसन्नाभ्रजलस्य दावविगमे विद्युद्भयं शाखिनो  नक्रास्याद्गलतश्च मज्जनमयी शङ्का भवेद्वारिधौ ।
५५४७२ भोक्तव्यस्य विधिः शुभस्य रभसात्स्वादुत्वनिष्पत्तये  जन्तोः संतनुते निराकृतभियो भीत्यन्तरोत्पादनम् ॥
५५४८१ आसन्नामवलम्ब्य केसरलतामेकेन पुष्पोज्ज्वलां  सव्यं निःसहया नितम्बफलके कृत्वा कराम्भोरुहम् ।
५५४८२ आमीलन्नयनान्तवान्तसलिलं श्लाघ्यस्य निन्द्यस्य वा  कस्येदं दृढसौहृदं प्रतिदिनं दीनं त्वया स्मर्यते ॥
५५४९१ आसन्नामवलम्ब्य केसरलतामेकेन पुष्पोज्ज्वलां  सव्यं निःसहया नितम्बफलके कृत्वा कराम्भोरुहम् ।
५५४९२ उद्ग्रीवं वद दुर्दिनेऽद्य चरणावुन्नम्य मार्गस्त्वया  बालोद्भ्रान्तमृगेक्षणे सुकृतिनः कस्यायमालोक्यते ॥
५५५०१ आसन्नाय सुदूराय सुप्ताय प्रकटात्मने ।
५५५०२ सुलभायातिदुर्गाय नमश्चित्राय शंभवे ॥
५५५११ आसन्ने फलमासन्नं दूरगे दूरगं फलम् ।
५५५१२ मिश्रं तु मिश्रे शकुने फलमाहुर्मनीषिणः ॥
५५५२१ आसन्नो मधुरागतं वनभुवः साम्राज्यमित्यद्भुताः  श्रूयन्ते गिर एष तत्त्वमिह न ज्ञातुं विधातुः क्षमः ।
५५५२२ यत्पर्णैस्त्रुटितं तदप्युपरतं पुष्पोद्गमैः शाखिनां  यद्ग्लानं विटपैरिदं पुनरिह प्रत्यक्षमालक्ष्यते ॥
५५५३१ आसन्नो वल्मीको  दक्षिणपार्श्वे विभीतस्य ।
५५५३२ अध्यर्धे भवति शिरा  पुरुषे ज्ञेया दिशि प्राच्याम् ॥
५५५४१ आसन् यावन्ति याच्ञासु चातकाश्रूणि चाम्बुद ।
५५५४२ तावन्तोऽपि त्वया मेघ न मुक्ता वारिबिन्दवः ॥
५५५५१ आ सप्ततेर्यस्य विवाहपङ्क्तिर् विच्छिद्यते नूनमपण्डितोऽसौ ।
५५५५२ जीवन्ति ताः कर्तनकुट्टनाभ्यां  गोभ्यः किमुक्षा यवसं ददाति ॥
५५५६१ आसप्तमं कुलं हन्ति शिरोऽभ्यङ्गे चतुर्दशी ।
५५५६२ मांसाशने पञ्चदशी कामधर्मे तथाष्टमी ॥
५५५७१ आ समन्ताच्चतुर्दिक्षु सन्निकृष्टाश्च ये नृपाः ।
५५५७२ तत्परास्तत्परा येऽन्ये क्रमाधीनबलारयः ॥
५५५८१ आसमस्ताक्षिविक्षेपसमर्पितमनोभुवाम् ।
५५५८२ मन्मथोद्दीपनं तासां विटवृत्तं विधास्यते ॥
५५५९१ आ सर्गात्प्रतिवासरं रसशतैर्या बोधिता पोषिता  कल्पान्तावसरेऽथ सैव पृथिवी स्वैरेव दग्धा करैः ।
५५५९२ कृत्वेत्थं किमपि स्वकर्म नियतेः पूर्वापरोपप्लुतं  कष्टं सोऽपि दिनान्तवीतकिरणस्तिग्मांशुरस्तं गतः ॥
५५६०१ आसवरतिरतिबहुभुक् कट्वम्लाशी च कर्मठः पिशुनः ।
५५६०२ स्थूलः कृशोऽतिदीर्घः  खर्वो वा कृष्णपीतो वा ॥
५५६११ आससाद मुनिरात्मनस्ततः  शिष्यवर्गपरिकल्पितार्हणम् ।
५५६१२ बद्धपल्लवपुटाञ्जलिद्रुमं  दर्शनोन्मुखमृगं तपोवनम् ॥
५५६२१ आसां जलास्फालनतत्पराणां  मुक्ताफलस्पर्धिषु शीकरेषु ।
५५६२२ पयोधरोत्सर्पिषु शीर्यमाणः  संलक्ष्यते न च्छिदुरोऽपि हारः ॥
५५६३१ आसां व्रतमतीवाक्ष्णोर्यत्पुरः परिसर्पणम् ।
५५६३२ सह यातं मनस्तत्र त्यक्त्वा भूयो निवर्तनम् ॥
५५६४१ आसादितप्रकटनिर्मलचन्द्रहासः  प्राप्तः शरत्समय एष विशुद्धकान्तः ।
५५६४२ उत्खाय गाढतमसं घनकालमुग्रं  रामो दशास्यमिव संभृतबन्धुजीवः ॥
५५६५१ आसादितव्योऽस्ति करालकेशः  सखेदयार्हः समयोऽपकारी ।
५५६५२ तदुत्तमश्लोककथानुबन्धस् तावद्यथा स्यात्प्रयते तथाहम् ॥
५५६६१ आसादितस्य तमसा नियतेर्नियोगाद् आकाङ्क्षतः पुनरपक्रमणेन कालम् ।
५५६६२ पत्युस्त्विषामिह महौषधयः कलत्र  स्थानं परैरनभिभूतममूर्वहन्ति ॥
५५६७१ आसाद्य कृष्णपक्षान्  अत्रसतः सर्वदाऽभीकान् ।
५५६७२ परयात्मनि रतचित्तान्  विभाव्य तत्कर्म कुर्वतः क्व भयम् ॥
५५६८१ आसाद्यते कथं वा  शौर्याश्रयणेन गौरवध्वंसः ।
५५६८२ तत्तत्र दत्तचित्तश् चित्तजसंतापभाजनं न जनः ॥
५५६९१ आसाद्य दक्षिणां दिशम्  अविलम्बं त्यजति चोत्तरां तरणिः ।
५५६९२ पुरुषं हरन्ति कान्ताः  प्रायेण हि दक्षिणा एव ॥
५५७०१ आसाद्य भङ्गमनया  द्यूते विहिताभिरुचितकेलिपणे ।
५५७०२ निःसारयताक्षानिति  कपटरुषोत्सारिताः सख्यः ॥
५५७११ आसाद्य मन्दरागोऽपि भुजङ्गेनातिसंगतिम् ।
५५७१२ तद्भोगात्तु भ्रमन् कष्टं प्राप्नोति विषमन्ततः ॥
५५७२१ आसाद्य सोमभुवमास्वहि यत्र नित्यं  मङ्क्तुं प्रलोभयति सैकतमंशुकाभम् ।
५५७२२ तत्तत्र निर्वहति संप्रति नित्यकृत्यम्  एतस्य विस्मृतगृहस्य परानुभूत्या ॥
५५७३१ आसाद्यापि महोदधिं न वितृषो जातो जलैर्वाडवो  मेघं प्राप्य न चातकोऽपि चरणौ भानुं न लेभेऽरुणः ।
५५७३२ चन्द्रः शंकरशेखरेऽपि निवसन् पक्षक्षये क्षीयते  प्रायः सज्जनसंगतोऽपि लभते दैवानुरूपं फलम् ॥
५५७४१ आसाद्याम्रवनीमिमां प्रति नवामास्वाद्य तन्मञ्जरीं  मैवं पञ्चममञ्च नन्दनवनभ्रान्त्या तया कोकिल ।
५५७४२ एषा वायसमण्डली घनशिरःशूलाहतिव्याकुला  कुध्वानैर्बधिरीकरिष्यति वृथा श्रोत्राणि सत्पत्रिणाम् ॥
५५७५१ आसामुपरि दद्याच्च पानीयस्य विचक्षणः ।
५५७५२ एवं यामद्वयं कुर्यात्ततस्त्वासां न दापयेत् ॥
५५७६१ आसायं सलिलभरे  सवितारमुपास्य सादरं तपसा ।
५५७६२ अधुनाब्जेन मनाक्तव  मानिनि तुलना मुखस्याप्ता ॥
५५७७१ आसारान्तमृदुप्रवृत्तमरुतो मेघोपलिप्ताम्बरा  विद्युत्पातमुहूर्तदृष्टककुभः सुप्तेन्दुताराग्रहाः ।
५५७७२ धाराक्लिन्नकदम्बसंभृतसुरामोदोद्वहाः प्रोषितैर् निःसंपातविसारिदर्दुररवा नीताः कथं रात्रयः ॥
५५७८१ आसारेण न हर्म्यतः प्रियतमैर्यातुं बहिः शक्यते  शीतोत्कम्पनिमित्तमायतदृशा गाढं समालिङ्ग्यते ।
५५७८२ जालैः शीकरशीतलाश्च मरुतो रत्यन्तखेदच्छिदो  धन्यानां बत दुर्दिनं सुदिनतां याति प्रियासंगमे ॥
५५७९१ आसारोपरमे प्रगाढतिमिराः किर्मीरयन्त्यो निशाः  पान्थस्त्रीमनसां स्मरानलकणासन्तानशङ्कास्पृशः ।
५५७९२ पिष्टानां प्रसभं घनाघनघटासंघट्टतो विद्युतां  चूर्णाभाः परितः पतन्ति तरलाः खद्योतकश्रेणयः ॥
५५८०१ आसितानि हसितानि कृतानि  प्रेक्षितानि गदितानि गतानि ।
५५८०२ प्रायशोऽनुकुरुते ललिताङ्गी  नर्तकीव चतुरं दयितस्य ॥
५५८११ आसित्वा विजने विमुक्तविषयासङ्गं मनो निश्चलं  कृत्वा हृज्जलजान्तरे प्रियतमारूपं परं दैवतम् ।
५५८१२ ध्यात्वा हारलतामयाक्षवलयं हस्तेन धृत्वा मया  तत्सायुज्यफलाप्तये प्रतिदिनं तन्नाम संजप्यते ॥
५५८२१ आसिष्ये सुखितो गृहीति विहितो मोहेन दारग्रहस् तत्सङ्गात्सुतदासबान्धवसुहृत्संबन्धिनामुद्भवः ।
५५८२२ तन्निर्वाहकदर्थनापरिभवानौचित्यचिन्ताजुषः  किं सौख्यं कतमा गृहस्थितिरतोऽनर्थो मया स्वीकृतः ॥
५५८३१ आसीज्जनः कृतघ्नः  क्रियमाणघ्नश्च सांप्रतं जातः ।
५५८३२ इति मे मनसि वितर्को  भविता लोकः कथं भविता ॥
५५८४१ आसीता मरणात्क्षान्ता नियता ब्रह्मचारिणी ।
५५८४२ यो धर्म एकपत्नीनां काङ्क्षन्ती तमनुत्तमम् ॥
५५८५१ आसीत्कल्पमुदन्वदम्बुनि चिरं भेजे च भालानलं  भर्गस्य प्रतिमासकर्महुतभुक्कुण्डेऽप्यहौषीद्वपुः ।
५५८५२ तीव्रैरेव तपोभिरिन्दुरकरोदित्थं जनुर्यापनं  किं कुर्याद्विधुरो न वाञ्छति विधिस्तल्लाञ्छनप्रोञ्छनम् ॥
५५८६१ आसीत्ताम्रमयं शरीरमधुना सौवर्णवर्णं गतं  मुक्ताहारलताश्रुबिन्दुनिवहैर्निःस्वस्य मे कल्पिता ।
५५८६२ स्वल्पं स्वल्पमनल्पकल्पमधुना दीर्घं वयः कल्पितं  स्वामिन् दुःख भवत्प्रसादवशतः किं किं न लब्धं मया ॥
५५८७१ आसीत्पूर्वं विमलजलधौ मण्डनं भूपतीनां  नारीणां च प्रबलमुकुटे काञ्चनेन प्रसङ्गात् ।
५५८७२ तन्त्रीबद्धः कथमिदमहो काचखण्डेन सार्धं  भिल्लीकण्ठे मरकतमणे कामवस्थां गतोऽसि ॥
५५८८१ आसीत्सत्ययुगे बलिस्तदनु च त्रेतायुगे भार्गवो  रामः सत्यपराक्रमोऽथ भगवान् धर्मस्तथा द्वापरे ।
५५८८२ दाता कोऽपि न चास्ति संप्रति कलौ जीवन्ति केनार्थिनश् चेत्येवं कृतनिश्चयेन विधिना व्यापारिणो निर्मिताः ॥
५५८९१ आसीदञ्जनमत्रेति पश्यामि तव लोचने ।
५५८९२ भाविभूषणसंभारां साक्षात्कुर्वे तवाकृतिम् ॥
५५९०१ आसीददभ्रशरदभ्रमिषाद्यशस्ते  नाके भ्रमन्नृप यदभ्रमुकान्तशुभ्रम् ।
५५९०२ तत्पुष्पवर्षणमिवाप्सरसां द्युलोके  व्याप्नोत्यमादिव भुवं तुहिनच्छलेन ॥
५५९११ आसीदासीमभूमीवलयमलयजालेपनेपथ्यकीर्ति ः  सप्ताकूपारपारीसदनजनघनोद्गीतचापप्रतापः ।
५५९१२ वीरादस्मात्परः कः पदयुगयुगपत्पातिभूपातिभूयश् चूडारत्नोडुपत्नीकरपरिचरणामन्दनन्दन्नखेन्दुः ॥
५५९२१ आसीदुप्तं यदेतद्रणभुवि भवता वैरिमातङ्गकुम्भान्  मुक्ताबीजं तदेतत्त्रिजगति जनयामास कीर्तिद्रुमं ते ।
५५९२२ शेषो मूलं प्रकाण्डं हिमगिरिरुदधिर्दुग्धपूरालवालं  ज्योत्स्ना शाखाप्रतानः कुसुममुडुचयो यस्य चन्द्रः फलं च ॥
५५९३१ आसीदेव यदार्द्रः  किमपि तदा किमयमाहतोऽप्याह ।
५५९३२ निष्ठुरभावादधुना  कटूनि सखि रटति पटह इव ॥
५५९४१ आसीद्गङ्गाधरस्तस्य भ्राता गङ्गाधरोपमः ।
५५९४२ एकान् बबन्ध यो व्यालान्मुमोचैकान् यदृच्छया ॥
५५९५१ आसीद्गङ्गान्वयायक्षितिपतितिलको राजराजक्षितीशः  क्ष्मापालप्रौढमौलिप्रकरमणिरुचिप्रस्फुरत्पादपीठः ।
५५९५२ योऽरातिक्षत्रचक्रक्रथनकरभुजापालिताशेषपृथ्वी  चक्रश्चक्रायुधाभोऽदधदुरसि रमां वाचि वाचामधीशः ॥
५५९६१ आसीद्यस्तव पुत्रकस्त्रिचतुरैः पत्राङ्कुरैरावृतो  मेघोन्मुक्तजलैकजीवनविधिः सन्मार्गलब्धास्पदः ।
५५९६२ सोऽयं संप्रति वासरैः कतिपयैरध्वन्यपुण्योच्चयैः  संपन्नः फलनम्रपल्लवततिच्छायोपलिप्तावनिः ॥
५५९७१ आसीद्वरः कण्टकितप्रकोष्ठः  स्विन्नाङ्गुलिः संववृते कुमारी ।
५५९७२ तस्मिन् द्वये तत्क्षणमात्मवृत्तिः  समं विभक्तेव मनोभवेन ॥
५५९८१ आसीनः शयितः स्थितः प्रचलितः स्वप्नायितो जागृतः  पश्यन्मीलितलोचनो व्यवहरन्मौनं प्रपन्नोऽथवा ।
५५९८२ तां प्रेमाकुलवीक्षितां स्मितमुखीं सव्रीडमन्दागमां  श्लिष्यन्तीं प्रणयार्द्रमुग्धलपितां पश्यामि नक्तंदिवम् ॥
५५९९१ आसीनः सुखमापणे यदि वणिक्श्रद्धालुभिः प्रार्थितः  किंचिच्शंसति पञ्चकं शतकमित्येतन्न तस्याद्भुतम् ।
५५९९२ आपातालविघूर्णिताम्भसि चलत्यौत्पातिके मारुते  मज्जन्त्यामपि नावि मुञ्चति न यस्तामेव मूल्यस्थितिम् ॥
५६००१ असीनः स्वामिनः पार्श्वे तन्मुखेक्षी कृताञ्जलिः ।
५६००२ स्वभावं चास्य विज्ञाय दक्षः कार्याणि साधयेत् ॥
५६०११ आसीना तटभुवि सस्मितेन भर्त्रा  रम्भोरूरवतरितुं सरस्यनिच्छुः ।
५६०१२ धुन्वाना करयुगमीक्षितुं विलासाञ् शीतालुः सलिलगतेन सिच्यते स्म ॥
५६०२१ आसीने पूष्णि तूष्णीं व्यसनिनि शशिनि व्योम्नि कृष्णे सतृष्णे  दैत्येन्द्रे जातनिद्रे द्रवति मघवति क्लान्तकान्तौ कृतान्ते ।
५६०२२ अब्रह्मण्यं ब्रुवाणे कमलपुटकुटीश्रोत्रिये शान्त्युपाये  पायाद्वः कालकूटं झटिति कवलयंल्लीलया नीलकण्ठः ॥
५६०३१ आसीने लालयेद्बालां तरुणीं शयने तथा ।
५६०३२ उत्थितेऽप्यधिरूढां च लालनं त्रिविधं विदुः ॥
५६०४१ आसीनैः स्वं विमानं कृतपरिवृतिभिः सुन्दरीसंगतैस्तैर् देवैः सिद्धैश्च यक्षैरनिमिषनयनैर्दृश्यमानः सतृष्णम् ।
५६०४२ मध्येमघ्ये पयोदैर्मुरजसदृशतां बोधयद्भिः सुमन्द  मम्भः संपात्य पुष्पैरिव ननु महितस्ताण्डवः श्रेयसे स्तात् ॥
५६०५१ आसीन्नाथ पितामही तव मही माता ततोऽनन्तरं  संप्रत्येव हि साम्बुराशिरशना जाया जयोद्भूतये ।
५६०५२ पूर्णे वर्षशते भविष्यति पुनः सैवानवद्या स्नुषा  युक्तं नाम समस्तशास्त्रविदुषां लोकेश्वराणामिदम् ॥
५६०६१ आसीन्मे मनसि हृता न सा मृता सा  या दृष्टेर्व्रजति न गोचरं प्रिया मे ।
५६०६२ ज्योत्स्ना हि स्फुटधवलापि कौमुदीन्दोर् अन्धानां बहलतमोमलीमसैव ॥
५६०७१ आसीमा कालिका यस्य क्षुद्राङ्गं कुण्डलीकृतम् ।
५६०७२ क्षुद्रवज्रकनामानं प्राह नागार्जुनो मुनिः ॥
५६०८१ आसीमान्तान्निवर्तन्ते सुहृदः सह बन्धुभिः ।
५६०८२ सुकृतं दुष्कृतं वापि गच्छन्तमनुगच्छति ॥
५६०९१ आसीस्त्वं निशिराजरक्तहृदयेतीर्ष्यालुना वज्रिणा  प्रातः शङ्कितयेव दिव्यपदवीं गत्वात्मनः शुद्धये ।
५६०९२ और्वोत्तापितवार्धितापकतलादादाय मुक्तो बहिः  प्राच्यासौ दिवि तप्तमाषक इव प्रद्योतनो द्योतते ॥
५६१०१ आसुरं कुलमनादरणीयं  चित्तमेतदमलीकरणीयम् ।
५६१०२ रामधाम शरणीकरणीयं  लीलया भवजलं तरणीयम् ॥
५६१११ आसे चेत्स्वगृहे कुटुम्बभरणं कर्तुं न शक्तोऽस्म्यहं  सेवे चेत्सुखसाधनं मुनिवनं मुष्णन्ति मां तस्कराः ।
५६११२ श्वभ्रे चेत्स्वतनुं त्यजामि नरकाद्भीरात्महत्यावशान्  नो जाने करवाणि दैव किमहं मर्तुं न वा जीवितुम् ॥
५६१२१ आसेव्यते मुखं सर्वैर्विद्यानां योषितामपि ।
५६१२२ हृदयग्राहिणस्तासां द्वित्राः सन्ति न सन्ति वा ॥
५६१३१ आस्कन्दन् कथमपि योषितो न यावद् भीमत्यः प्रियकरधार्यमाणहस्ताः ।
५६१३२ औत्सुक्यात्त्वरितममूस्तदम्बु तावत् संक्रान्तप्रतिमतया दधाविवान्तः ॥
५६१४१ आस्कन्दितो भुजलताचलिताग्रशाखाम्  आलिङ्गितो युवतिभिः कलिकार्थिनीभिः ।
५६१४२ धन्योऽसि चम्पकतरो कुसुमानुरूपैर् आसां घनस्तनफलैः फलितोऽसि यच्च ॥
५६१५१ आस्कन्धावधि कण्ठकाण्डविपिने द्राक्चन्द्रहासासिना  छेत्तुं प्रक्रमिते मयैव तरसा त्रुट्यच्छिरासंततौ ।
५६१५२ अस्मेरं गलिताश्रुगद्गदपदं भिन्नभ्रुवा यद्यभूद् वक्त्रेष्वेकमपि स्वयं स भगवांस्तन्मे प्रमाणं शिवः ॥
५६१६१ आ स्तन्यपानाज्जननी पशूनाम्  आ दारलाभाच्च नराधमानाम् ।
५६१६२ आगेहकर्मावधि मध्यमानाम्  आ जीवितात्तीर्थमिवोत्तमानाम् ॥
५६१७१ आस्त भावमधिगच्छतोस्तयोः  संमदेषु करजक्षतार्पणा ।
५६१७२ फाणितेषु मरिचावचूर्णना  सा स्फुटं कटुरपि स्पृहावहा ॥
५६१८१ आस्तां किं बहुभिः परोपकृतयः संसारसारं फलं  सिद्धं तत्प्रतिकूलवर्तिनि विधौ न स्तोकमप्यत्र नः ।
५६१८२ एते स्मः किल मानुषा वयमपि व्यर्थं व्यपेतायुषो  येषां स्वोदरपूर्तिरेव हि किमप्यष्टौ महासिद्धयः ॥
५६१९१ आस्तां क्लमापहरणं जलधेर्जलेन  दूरे दवाग्नि परिदीपितमानसानाम् ।
५६१९२ एतावदस्तु यदि तोयकणैर्न जिह्वा  दन्दह्यते द्विगुणतां च न याति तृष्णा ॥
५६२०१ आस्तां गाढतरानुशीलनविधिः संस्पर्शनं दूरतः  संश्लेषे विषयीकृतोऽसि न मनागक्ष्णोः पदं प्रापितः ।
५६२०२ किं ब्रूमः सहकार तावकगुणानन्यादृशैर्दुर्लभान्  सौरभ्येण यदध्वगानपि मुहुः प्रीणासि दूरादपि ॥
५६२११ आस्तां चक्षुरिदं तिरोऽञ्चति कियच्चेतोऽपि यद्वैभवैर् निष्प्रत्याशमयं मुने जलनिधिर्गण्डूषितः सत्तपः ।
५६२१२ एतेनैव विरन्तुमर्हसि न ते गण्डूषपानाधिका  काचित्ख्यातिरतःपरं परमसौ पर्जन्यनीवीव्ययः ॥
५६२२१ आस्तां तत्करकानिपातकृतभीमण्डूकनिर्मज्जन  क्षेमैकक्षमवारि पल्वलशतं सिन्धुं तमेव स्तुमः ।
५६२२२ कुप्यच्छक्रकरस्वरुप्रहरणक्षुण्णाखिलाङ्गक्षरत् कीलालेन गिरिव्रजेन शरणं यद्गर्भवासः कृतः ॥
५६२३१ आस्तां तावत्किमन्येन दौरात्म्येनेह योषिताम् ।
५६२३२ विधृतं स्वोदरेणापि घ्नन्ति पुत्रमपि स्वकम् ॥
५६२४१ आस्तां तावदकीर्तिर्मे त्वया तथ्यं तु कथ्यताम् ।
५६२४२ चित्तं कथमिवासीत्ते हरिवंशीरवश्रुतौ ॥
५६२५१ आस्तां तावदसीमपौरुषजुषः संमानितात्यद्भुत  प्रारम्भाभ्यधिकक्रियस्य स खलु प्राच्यः प्रचारो हरेः ।
५६२५२ जीर्णस्यापि च विन्ध्यकन्दरदरीद्वारावताराक्षमैर् अङ्गैरङ्गभृतो दलन्ति दरतो गन्धेन गन्धद्विपाः ॥
५६२६१ आस्तां तावदहो समुद्रमहिमा दूरेऽपि कर्णप्रियस् तीरे यस्य पिपासयैव मरणं प्राप्नोति शीघ्रं जनः ।
५६२६२ तस्मादम्बुनिधेर्वरं लघुसरः कूपोऽथवा वापिका  यत्र स्वात्मकरद्वयेन सलिलं पेपीयते स्वेच्छया ॥
५६२७१ आस्तां तावद्दिगन्तप्रथितसुयशसां संगमः सज्जनानां  तैः साकं वैरयोगोऽप्यतिशयमहितामुन्नतिं संनिधत्ते ।
५६२७२ लोके कस्यागमिष्यच्छ्रुतिपथमवपुर्वक्त्रशेषोऽपि राहुस् त्रैलोक्यख्यातधाम्नोर्यदि रविशशिनोर्वैरितां नाकरिष्यत् ॥
५६२८१ आस्तां तावद्वचनरचनाभाजनत्वं विदूरे  दूरे चास्तां तव तनुपरीरम्भसंभावनापि ।
५६२८२ भूयो भूयः प्रणतिभिरिदं किं तु याचे विधेया  स्मारं स्मारं स्वजनगणने कापि रेखा ममापि ॥
५६२९१ आस्तां ते गुणिनस्तावद्भूषिताशेषभूतलाः ।
५६२९२ येषां गुणरुचिर्भूयः सांप्रतं तेऽपि दुर्लभाः ॥
५६३०१ आस्तां दूरतया तदीयवदनाम्भोजामृतास्वादनं  नोदेत्येव मनोरथोऽपि हृदये तत्संगमाशां प्रति ।
५६३०२ उत्कण्ठाशिथिलीकृताङ्गलतिकं वीक्षेत मामेकदा  सस्नेहं यदि सा सरोजवदना धन्योऽस्म्यहं तावता ॥
५६३११ आस्तां दूरेण विश्लेषः प्रियामालिङ्गतो मम ।
५६३१२ स्वेदः किं न सरिन्नाथो रोमाञ्चः किं न पर्वतः ॥
५६३२१ आस्तां भवान्तरविधौ सुविपर्ययोऽयम्  अत्रैव जन्मनि नृणामधरोच्चभावः ।
५६३२२ अल्पः पृथुः पृथुरपि क्षणतोऽल्प एव  स्वामी भवत्यनुचरः स च तत्पदार्हः ॥
५६३३१ आस्तां मण्डलमैन्दवं वरतनोर्वक्त्रश्रियश्चेत्कथा  कोणे कुत्रचिदासतां कुवलयान्यक्ष्णोः प्रसङ्गो यदि ।
५६३३२ दूरे तिष्ठतु वल्लकीकलरवः प्रस्तावना चेद्गिरां  वार्त्ता चेदवलग्नकस्य यशसां व्योम्नः प्रथायै नमः ॥
५६३४१ आस्तां महाबोधबलेन साध्यो  मोक्षो विबाधामलसौख्ययुक्तः ।
५६३४२ धर्मार्थकामा अपि नो भवन्ति  ज्ञानं विना तेन तदर्चनीयम् ॥
५६३५१ आस्तां माद्य भवे शुभे सखि लता न्यस्ता त्वया माधवी  कान्ते तन्मम संप्रयच्छ कुसुमं किं वामुना मे फलम् ।
५६३५२ नाल्पं निर्मलयामि मौक्तिकमिदं न्यस्तं त्वया दह्यताम्  इत्थं विभ्रमसंभ्रमो मदयति प्रेयांसमेणीदृशः ॥
५६३६१ आस्तां मानः कथनं  सखीषु वा मयि निवेद्यदुर्विनये ।
५६३६२ शिथिलितरतिगुणगर्वा  ममापि सा लज्जिता सुतनुः ॥
५६३७१ आस्तां वरमवकेशी  मा दोहदमस्य रचय पूगतरोः ।
५६३७२ एतस्मात्फलितादपि  केवलमुद्वेगमधिगच्छ ॥
५६३८१ आस्तां विश्वसनं सखीषु विदिताभिप्रायसारे जने  तत्राप्यर्पयितुं दृशं सलिलतां शक्नोमि न व्रीडया ।
५६३८२ लोको ह्येष परोपहासचतुरः सूक्ष्मेङ्गितज्ञोऽप्यलं  मातः कं शरणं व्रजामि हृदये जीर्णोऽनुरागानलः ॥
५६३९१ आस्तां सकण्टकमिदं वसुधाधिपत्यं  त्रैलोक्यराज्यमपि देव तृणाय मन्ये ।
५६३९२ निःशङ्कसुप्तहरिणीकुलसंकुलासु  चेतः परं वलति शैलवनस्थलीषु ॥
५६४०१ आस्तामनङ्गीकरणाद्भवेन  दृश्यः स्मरो नेति पुराणवाणी ।
५६४०२ तवैव देहं श्रितया श्रियेति  नवस्तु वस्तु प्रतिभाति वादः ॥
५६४११ आस्तामन्यत्सुजनाः  परोपकारैककरणदुर्ललिताः ।
५६४१२ संतापितपिशुनेषु  स्वगुणेष्वपि हन्त खिद्यन्ते ॥
५६४२१ आस्तामपरो लोकः  क्रीडापेक्षापरो यदि प्रीतिः ।
५६४२२ ब्यसनान्तरे पतन्ती  न वारिता परिजनेनापि ॥
५६४३१ आस्तामेव सरोवरेण्य भवतो दुग्धोदलब्धामृत  स्वादस्पर्धि सरोजवृन्दखचितं हंसावतंसं पयः ।
५६४३२ स्फारोल्लोलसुशीतशीकरचयासारप्रसिक्तानिल  स्पर्शैरेव मनोहरैरपगताः संतापशोषक्लमाः ॥
५६४४१ आस्तिक्यं चेद्धनमखिलमप्यर्थिसात्कर्तुमर्हं  नास्तिक्यं चेत्तदपि सुतरां भोगहेतोरपास्यम् ।
५६४४२ अस्पृष्ट्वापि स्वयमतिरहःस्थाप्यते यत्तदन्तस् तस्मिन् हेतुः क इति निभृतं तर्कयामो न विद्मः ॥
५६४५१ आस्तीकवचनं स्मृत्वा यः सर्पो न निवर्तते ।
५६४५२ शतधा भिद्यते मूर्ध्नि शिंशवृक्षफलं यथा ॥
५६४६१ आस्तीर्यन्तामुपान्ते वनवृतिनिपुणैर्जालिकैर्जालबन्धा  मुच्यन्तां शृङ्खलाभ्यः श्वगणभिरटवीगह्वरे सारमेयाः ।
५६४६२ आकीर्यन्तां स्थलानि श्रमशिथिलहयैः सादिभिः पाशहस्तैर् व्याधूयन्तां कृतान्तैरिव महिषचरैर्दण्डिभिः काननानि ॥
५६४७१ आस्तृतेऽभिनवपल्लवपुष्पैर् अप्यनारतरताभिरताभ्यः ।
५६४७२ दीयते स्म शयितुं शयनीये  न क्षणः क्षणदयापि वधूभ्यः ॥
५६४८१ आस्ते कश्चन भिक्षुः  संगृह्णन्नव्ययानि दश ।
५६४८२ न ममेत्यव्यययुगलं  याचामस्तं किमस्त्यन्यत् ॥
५६४९१ आस्तेऽत्रैव सरस्यहो बत कियान् संतोषपक्षग्रहो  हंसस्यास्य मनाङ्न धावति मतिः श्रीधाम्नि पद्मे क्वचित् ।
५६४९२ सुप्तोऽद्यापि विबुध्यते न तदितस्तावत्प्रतीक्षामहे  वेलामित्युषसि प्रिया मधुलिहः सोढुं त एव क्षमाः ॥
५६५०१ आस्ते दामोदरीयामियमुदरदरीं यावलम्ब्य त्रिलोकी  संमातुं शक्नुवन्ति प्रथिमभरवशादत्र नैतद्यशांसि ।
५६५०२ तामेतां पूरयित्वा निरगुरिव मधुध्वंसिनः पाण्डुपद्म  च्छद्मापन्नानि तानि द्विपदशनसनाभीनि नाभीपथेन ॥
५६५११ आस्ते द्वारि वधूर्विधातृरचनावैदुष्यविक्रान्तिभूर् भूरेतस्य बलादहारि भवता भीता नतारातिना ।
५६५१२ किं नामापरमत्र कार्यमधुना साध्यं समाशास्यते  तत्पाणिग्रहमङ्गलाय मनुजाधीशास्तु यत्नो महान् ॥
५६५२१ आस्ते नो सुषमा न चापि कुसुमामोदो हि नो वा मनाक् चातुर्यं मकरन्ददानविषये किं चातुरीयं पुनः ।
५६५२२ यत्त्वं चित्रगतं कुशेशयदलं पुष्णासि गुञ्जारवैर् माहात्म्यं क इव ब्रवीमि तदहो हे चञ्चरीकाधुना ॥
५६५३१ आस्ते रोहत्कनककमले केलिपात्रे मृडान्याः  खेलन् हेलोन्मदमधुकरीमानसे मानसे यः ।
५६५३२ भेकोद्रेकप्रणयिनि वलद्बालजम्बालजाले  स स्यादुत्कः परिमितजले पल्वले किं मरालः ॥
५६५४१ आस्ते विधुः परमनिर्वृत एव मौलौ  शंभोरिति त्रिजगतीजनचित्तवृत्तिः ।
५६५४२ अन्तर्निगूढनयनानलदाहदुःखं  जानाति कः परमृते बत शीतरश्मेः ॥
५६५५१ आस्त्रीशिशु प्रथितयैष पिपासितेभ्यः  संरक्ष्यतेऽम्बुधिरपेयतयैव दूरात् ।
५६५५२ दंष्ट्राकरालमकरालिकरालिताभिः  किं भाययत्यपरमूर्मिपरंपराभिः ॥
५६५६१ आस्थामालम्ब्य नीतेषु वशं क्षुद्रेष्वरातिषु ।
५६५६२ व्यक्तिमायाति महतां माहात्म्यमनुकम्पया ॥
५६५७१ आस्थाय दारुणतरं कमपि स्वभावम्  अत्यन्तदुष्कृतकृतामपि शिक्षणाय ।
५६५७२ गृह्णासि सायकपदे कुसुमान्यमूनि  मातः सुतेषु महती किल रूक्षतेयम् ॥
५६५८१ आस्थितः स्थगितवारिदपङ्क्त्या  संध्यया गगनपश्चिमभागः ।
५६५८२ सोर्मिविद्रुमवितानविभासा  रञ्जितस्य जलधेः श्रियमूहे ॥
५६५९१ आस्फालितं यत्प्रमदाकराग्रैर् मृदङ्गधीरध्वनिमन्वगच्छत् ।
५६५९२ वन्यैरिदानीं महिषैस्तदम्भः  शृङ्गाहतं क्रोशति दीर्घिकाणाम् ॥
५६६०१ आस्फालितैर्जलधिरूर्मिपरंपराणां  दूरीकरोति यदि रत्नमवस्तुबुद्ध्या ।
५६६०२ रत्नाकरत्वमपि तस्य भवेद्विनष्टं  रत्नं तु हन्त भविता महदङ्गधार्यम् ॥
५६६११ आस्माकी युवतिदृशामसौ तनोति  च्छायैव श्रियमनपायिनीं किमेभिः ।
५६६१२ मत्वैवं स्वगुणपिधानसाभ्यसूयैः  पानीयैरिति विदधाविरेऽञ्जनानि ॥
५६६२१ आस्यं निरस्य रसितैः सुचिरं विहस्य  गात्रान्तरेषु घन वर्षसि चातकस्य ।
५६६२२ तच्चञ्चुकोटिकुटिलायतकंधरस्य  प्राणात्ययोऽस्य भवतः परिहासमात्रम् ॥
५६६३१ आस्यं पिधाय सकलं  विरलाङ्गुलिना करेण सघ्राणम् ।
५६६३२ अयमुच्चरद्दकारं  मनोहरं ज्योत्करोति शिशुः ॥
५६६४१ आस्यं यद्यपि हास्यवर्जितमिदं लास्येन वीतं वचो  नेत्रे शोणसरोजकान्ति तदपि क्वापि क्षणं स्थीयते ।
५६६४२ मालायाः करणोद्यमे मकरिकारम्भः कुचाम्भोजयोर् धूपाः कुन्तलधोरणीषु सुदृशः सायंतनो दृश्यते ॥
५६६५१ आस्यं यस्याः सुधांशुं कलयति नयनाभ्यां जितः पुंसमूहः  कान्त्या विद्युत्कुचाभ्यां जलकनकधरे निर्जिते हन्त मोहः ।
५६६५२ कुष्ठं दुर्गन्धियुक्तं लघुकृमिविकृतं पूयमज्जास्रवाहि  व्याप्तं तन्मक्षिकाभिर्गतिरिति वपुषः कुत्सिता नास्ति लोके ॥
५६६६१ आस्यं सहास्यं नयनं सलास्यं  सिन्दूरबिन्दूदयशोभि भालम् ।
५६६६२ नवा च वेणी हरिणीदृशश्चेद् अन्यैरगण्यैरपि भूषणैः किम् ॥
५६६७१ आस्यप्रोञ्छितपार्वणेन्दुयशसं नेत्रावधूतोत्पल  श्रीगर्वां दशनच्छदव्यवहिताशोकप्रवालद्युतिम् ।
५६६७२ एतां दृष्टिसुधाप्रपां त्रिजगतः शिल्पी विधाय स्वयं  मन्ये हर्षवशादजायत निजस्तोत्रप्रचण्डः कविः ॥
५६६८१ आस्यश्रीजितजर्जरेन्दुमलिनं कृत्वा करे कन्दुकं  क्रीडाकौतुकमिश्रभावमनया ताम्रं वहन्त्याननम् ।
५६६८२ भृङ्गाग्रग्रहकृष्णकेतकदलस्पर्धावतीनां दृशा  दीर्घापाङ्गतरङ्गितैकसुहृदामेषोऽस्मि पात्रीकृतः ॥
५६६९१ आस्यश्रीर्द्विजराजबाधनकरी दृष्टिः श्रुतेर्लङ्घिनी  मूर्धन्यावलिगामिनी कुटिलता बद्धाश्च मुक्ता गुणैः ।
५६६९२ यत्ते सुन्दरि दुर्विनीतिरियती दृष्टाबलाया मया  तन्मन्ये मकरध्वजो भवजयी जातस्त्वदग्रेसरः ॥
५६७०१ आस्येन्दोः परिवेषवद्रतिपतेश्चाम्पेयकोदण्डवद् धम्मिल्लाम्बुमुचः क्षणद्युतिवदासज्जौ क्षिपन्ती भुजौ ।
५६७०२ विश्लिष्यद्वलि लक्ष्यनाभि विगलन्नीव्युन्नमन्मध्यमं  किंचित्किंचिदुदञ्चदञ्चलमहो कुम्भस्तनी जृम्भते ॥
५६७११ आस्ये पूर्णसुधानिधिश्चरणयोः काल्पद्रुमं वैभवं  देहे काञ्चनकान्तता त्वचि पुनर्हैयङ्गवीनं स्वयम् ।
५६७१२ यस्या लोचनयोर्निरूपधि सदोदीतानुकम्पाततिः  सा माता जगतां प्रसादपदवी साक्षान्मुदे स्तादुमा ॥
५६७२१ आस्रावयेच्चोपचितान् विपर्यस्येच्च कर्मसु ।
५६७२२ यथा न भक्षयन्त्यर्थं भक्षितं निर्वमन्ति वा ॥
५६७३१ आस्रावयेदुपचितान् साधु दुष्टव्रणानिव ।
५६७३२ आयुक्तास्ते च वर्तेरन्नग्नाविव महीपतौ ॥
५६७४१ आ स्वर्लोकादुरगनगरं नूतनालोकलक्ष्मीम्  आतन्वद्भिः किमिव सिततां चेष्टितैस्ते न नीतम् ।
५६७४२ अप्येतासां रमणविरहे विद्विषत्कामिनीनां  यैरानीता नखपदमयी मण्डना पाण्डिमानम् ॥
५६७५१ आस्वादितं स्वादुमरन्दबिन्दु  स्वच्छन्दमिन्दीवरसुन्दरीभिः ।
५६७५२ माकन्दपुष्पं प्रमदाजनस्य  प्रमोदमामोदभरैरकार्षीत् ॥
५६७६१ आस्वादितदयिताधर  सुधारसस्येव सूक्तयो मधुराः ।
५६७६२ अकलितरसालमुकुलो  न कोकिलः कलमुदञ्चयति ॥
५६७७१ आस्वादितद्विरदशोणितशोणशोभां  संध्यारुणामिव कलां शशलाञ्छनस्य ।
५६७७२ जृम्भाविदारितमुखस्य मुखात्स्फुरन्तीं  को हर्तुमिच्छति हरेः परिभूय दंष्ट्राम् ॥
५६७८१ आस्वादितोन्मुक्तमिवार्द्धबिम्बं  तमोमुखाधन्त सुधाकरस्य ।
५६७८२ सीमन्तसीमान्तमुदाररूपम्  इदं ललाटं ननु पङ्कजाक्ष्याः ॥
५६७९१ आस्वादितोऽसि मोहाद् बत विदिता वदनमाधुरी भवतः ।
५६७९२ मधुलिप्तक्षुर रसनाच् छेदाय परं विजानासि ॥
५६८०१ आस्वाद्यं प्रमदारदच्छद इव श्रव्यं नवं जल्पितं  बालाया इव दृश्यमुत्तमवधूलावण्यलक्ष्मीरिव ।
५६८०२ प्रोद्घोष्यं चिरविप्रयुक्तवनितासन्देशवाणीव मे  नैवेद्यं चरितं च रूपमनिशं श्रीकृष्ण नामास्तु ते ॥
५६८११ आस्वाद्य निर्विशेषं  विरहिवधूनां मृदूनि मांसानि ।
५६८१२ करकामिषेण मन्ये  निःष्ठीवति नीरदोऽस्थीनि ॥
५६८२१ आस्वाद्य स्वयमेव वच्मि महतीर्मर्मच्छिदो वेदना  मा भूत्कस्यचिदप्ययं परिभवो याच्ञेति संसारिणः ।
५६८२२ पश्य भ्रातरियं हि गौरवजराधिक्कारकेलिस्थली  मानम्लानिमसी गुणव्यतिकरप्रागल्भ्यगर्भच्युतिः ॥
५६८३१ आस्वाद्यात्र मधूनि षट्पद मदं मा गाः कषायाङ्कुरैर् माकन्दस्य पिकान् प्रतारितवतो मूर्धानमध्यासितः ।
५६८३२ प्रत्यासन्नतमे पिकेऽपि भवते येनार्पिता तादृशी  माध्वी तस्य विवेकविच्युतिरियं साद्गुण्यमेतन्न ते ॥
५६८४१ आस्वाद्यैष कषायमङ्कुरमुरुप्रेमानुबद्धाशयो  माकन्दस्य यशांसि कोकिलयुवा निर्माति दिग्भित्तिषु ।
५६८४२ माध्वीकानि निपीय तस्य मधुपास्तत्रैव गुञ्जन्त्यमी  को ब्रूतामसतां सतां च वचसां वर्त्मातिगं चेष्टितम् ॥
५६८५१ आहतं कुचतटेन तरुण्याः  साधु सोढममुनेति पपात ।
५६८५२ त्रुट्यतः प्रियतमोरसि हारात् पुष्पवृष्टिरिव मौक्तिकवृष्टिः ॥
५६८६१ आहते यत्र खड्गे स्याद्ध्वनिः काकस्वरोपमः ।
५६८६२ अमाकारध्वनिर्वा स्यात्स वर्ज्यो नरपुंगवैः ॥
५६८७१ आहते यत्र मधुरो ध्वनिः समुपजायते ।
५६८७२ पूज्यः स खड्गो नृपतेः शत्रुसंचयनाशनः ॥
५६८८१ आहत्य चिनुमः स्वर्गमपवर्गमनुक्रमात् ।
५६८८२ अनुकूले हि दाम्पत्ये प्रतिकूलं न किंचन ॥
५६८९१ आहत्याहत्य मूर्ध्ना द्रुतमनुपिबतः प्रस्नुतं मातुरूधः  किंचित्कुब्जैकजानोरनवरतचलच्चारुपुच्छस्य धेनुः ।
५६८९२ उत्कर्णं तर्णकस्य प्रियतनयतया दत्तहुंकारमुद्रा  विस्रंसत्क्षीरधारालवशबलमुखस्याङ्गमातृप्ति लेढि ॥
५६९०१ आह नाथवदनस्य चुम्बतः  सा स्म शीतकरतामनक्षरम् ।
५६९०२ सीत्कृतानि सुदती वितन्वती  सत्त्वदत्तपृथुवेपथुस्तदा ॥
५६९११ आहरन्नपि न स्वस्थो विनिद्रो न प्रबुध्यति ।
५६९१२ वक्ति न स्वेच्छया किंचित्सेवकोऽपीह जीवति ॥
५६९२१ आहरेज्ज्ञानमर्थांश्च पुमानमरवत्सदा ।
५६९२२ गृहीत इव केशेषु मृत्युना धर्ममाचरेत् ॥
५६९३१ आहवे जगदुद्दण्डराजमण्डलराहवे ।
५६९३२ श्रीनृसिंह महीपाल स्वस्त्यस्तु तव बाहवे ॥
५६९४१ आहवेषु च ये शूराः स्वाम्यर्थे त्यक्तजीविताः ।
५६९४२ भर्तृभक्ताः कृतज्ञाश्च ते नराः स्वर्गगामिनः ॥
५६९५१ आहवेषु मिथोऽन्योन्यं जिघांसन्तो महीक्षितः ।
५६९५२ युध्यमानाः परं शक्त्या स्वर्गं यान्त्यपराङ्मुखाः ॥
५६९६१ आह स्मैषा नलादन्यं न जुषे मनसेति यत् ।
५६९६२ यौवनानुमितेनास्यास्तन्मृषाभून्मनोभुवा ॥
५६९७१ आहारं प्रति यत्कथापि शमिता यन्मौनमुद्रा मुखे  यच्चक्षुर्विनिमीलनं तनुलता यत्तानवे वर्तते ।
५६९७२ एकान्ते यदवस्थितिर्यदपि च ध्यानैकतानं मनस् तन्मन्ये सुभग त्वदर्थमनया तप्येत तीव्रं तपः ॥
५६९८१ आहारः फलमूलमात्मरुचितं शय्या मही वल्कलं  संवीताय परिच्छदः कुशसमित्पुष्पाणि पुत्रा मृगाः ।
५६९८२ वस्त्रान्नाश्रयदानभोगविभवा निर्यन्त्रणाः शाखिनो  मित्राणीत्यधिकं गृहेषु गृहिणां किं नाम दुःखादृते ॥
५६९९१ आहारदोषाय च काकदीति  स्यादाकुटानि ध्वनितं रणाय ।
५६९९२ केकेध्वनिष्ठा कुवती किकी च  त्रयं त्विदं स्यात्पुरदूषणाय ॥
५७००१ आहारनिद्राभयमैथुनानि  सामान्यमेतत्पशुभिर्नराणाम् ।
५७००२ ज्ञानं नराणामधिको विशेषो  ज्ञानेन हीनाः पशुभिः समानाः ॥
५७०११ आहारनिर्हारविहारयोगाः  सुसंवृता धर्मविदा तु कार्याः ।
५७०१२ वाग्बुद्धिकार्याणि तपस्तथैव  धनायुषी गुप्ततमे तु कार्ये ॥
५७०२१ आहारपानताम्बूलगन्धमाल्यफलादयः ।
५७०२२ भुज्यन्ते यत्स भोगश्च तन्मतः साधुसत्तमैः ॥
५७०३१ आहारभोजी कुरुतेऽनुमोदं  नरो वधे स्थावरजङ्गमानाम् ।
५७०३२ तस्यापि तस्माद्दुरितानुषङ्गम्  इत्याह यस्तं प्रति वच्मि किंचित् ॥
५७०४१ आहारवर्गे सुलभे विचित्रे  विमुक्तपापे भुवि विद्यमाने ।
५७०४२ प्रारम्भदुःखं विविधं प्रपोष्य  चेदस्ति गृद्धिर्न किमत्ति मांसम् ॥
५७०५१ आहाराज्जायते व्याधिर्गर्भात्क्रूरश्च जायते ।
५७०५२ अलक्ष्मीकश्च शय्यायां स्वपाठादायुषः क्षयः ॥
५७०६१ आहारार्थं कर्म कुर्यादनिन्द्यं  कुर्यात्तं च प्राणसंधारणार्थम् ।
५७०६२ प्राणा धार्यास्तत्त्वविज्ञानहेतोस् तत्त्वं ज्ञेयं येन भूयो न जन्म ॥
५७०७१ आहारे च भवेद्रोगी नष्टो गर्भश्च मैथुने ।
५७०७२ निद्रायां ह्रियते लक्ष्मीश्चिन्तायां मरणं ध्रुवम् ॥
५७०८१ आहारे बडवानलश्च शयने यः कुम्भकर्णायते  संदेशे बधिरः पलायनविधौ सिंहः शृगालो रणे ।
५७०८२ अन्धो वस्तुनिरीक्षणेऽथ गमने खञ्जः पटुः क्रन्दने  भाग्येनैव हि लभ्यते पुनरसौ सर्वोत्तमः सेवकः ॥
५७०९१ आहारे विरतिः समस्तविषयग्रामे निवृत्तिः परा  नासाग्रे नयनं यदेतदपरं यच्चैकतानं मनः ।
५७०९२ मौनं चेदमिदं च शून्यमखिलं यद्विश्वमाभाति ते  तद्ब्रूयाः सखि योगिनी किमसि भोः किं वा वियोगिन्यसि ॥
५७१०१ आहारे व्यवहारे च त्यक्तलज्जः सुखी भवेत् ।
५७१०२ धनं मैत्रीकरं दाने चादाने शत्रुकारणम् ॥
५७१११ आहारे शुचिता ध्वनौ मधुरता नीडे पराधीनता  बन्धौ निर्ममता वने रसिकता वाचालता माधवे ।
५७११२ यसैते गुणराशयः पिकवरं त्यक्त्वा किमेते जना  वन्दन्ते खलु खञ्जनं कृमिभुजं चित्रा गतिः कर्मणाम् ॥
५७१२१ आहारो गरलं तृतीयमलिके चक्षुः कपालं करे  वासः कुञ्जरचर्म भस्मनि रतिर्भूषा भुजङ्गाधिपः ।
५७१२२ जन्मालक्ष्यमसाक्षिकं कुलमविज्ञाता च जातिः कथं  सेव्योऽस्माभिरसौ पिशाचपरिषद्भर्ता हताः स्मो वयम् ॥
५७१३१ आहारो गरलायते प्रतिदिनं हारोऽपि भारायते  चन्द्रश्चण्डकरायते मृदुगतिर्वातोऽपि वज्रायते ।
५७१३२ आवासो विपिनायते मलयजालेपः स्फुलिङ्गायते  हा हन्त प्रियविप्रयोगसमयः संहारकालायते ॥
५१७४१ आहारो द्विगुणः स्त्रीणां बुद्धिस्तासां चतुर्गुणा ।
५१७४२ षड्गुणो व्यवसायश्च कामाश्चाष्टगुणः स्मृतः ॥
५७१५१ आहितमुक्ताहार्यः  सम्यक्सकलप्रयोगसम्पत्त्या ।
५७१५२ भावविहीनोऽपि नटः  सामाजिकचित्तरञ्जनं कुरुते ॥
५७१६१ आहिते तव निःशाने स्फुटितं रिपुहृद्घटैः ।
५७१६२ गलिते तत्प्रियानेत्रे राजंश्चित्रमिदं महत् ॥
५७१७१ आहिते नु मधुना मधुरत्वे  चेष्टितस्य गमिते नु विकासम् ।
५७१७२ आबभौ नव इवोद्धतरागः  कामिनीष्ववसरः कुसुमेषोः ॥
५७१८१ आहुः सत्यं हि परमं धर्मं धर्मविदो जनाः ।
५७१८२ ... ... ... ... ... ... ॥
५७१९१ आहुः सूक्ष्मतरं किंचिदमात्यपरिरक्षणम् ।
५७१९२ सूक्ष्मात्सूक्ष्मतरं तेभ्यो यदात्मपरिरक्षणम् ॥
५७२०१ आहुत्याप्यायते सूर्यः सूर्याद्वृष्टिरथौषधिः ।
५७२०२ तदन्नं रसरूपेण शुक्रत्वमधिगच्छति ॥
५७२११ आहूतः परितो दिगन्तगतिभिः शाखाभराडम्बरैः  किं रे जाल्म जवेन शाल्मलिफलप्रत्याशया धावसि ।
५७२१२ तस्मिन्नेकपदे भिदेलिमफलव्यालोलतूलोत्करैर् अध्वानोऽपि निमीलिताक्षमटता न प्रेक्षणीयाः पुरः ॥
५७२२१ आहूतस्याभिषेकाय निसृष्टस्य वनाय च ।
५७२२२ न मया लक्षितस्तस्य स्वल्पोऽप्याकारविभ्रमः ॥
५७२३१ आहूताद्य मयोत्सवे निशि गृहं शून्यं विमुच्यागता  क्षीबः प्रेष्यजनः कथं कुलबधूरेकाकिनी यास्यति ।
५७२३२ वत्स त्वं तदिमां नयालयमिति श्रुत्वा यशोदागिरो  राधामाधवयोर्जयन्ति मधुरस्मेरालसा दृष्टयः ॥
५७२४१ आहूतेषु विहंगमेषु मशको नायान् पुरो वार्यते  मध्येवारिधि वा वसंस्तृणमणिर्धत्ते मणीनां रुचम् ।
५७२४२ खद्योतोऽपि न कम्पते प्रचलितुं मध्येऽपि तेजस्विनां  धिक्सामान्यमचेतनं प्रभुमिवानामृष्टतत्त्वान्तरम् ॥
५७२५१ आहूतोऽपि सहायैर् एमीत्युक्त्वा विमुक्तनिद्रोऽपि ।
५७२५२ आगन्तुकोऽपि पथिकः  शैथिल्यं नैव विजहाति ॥
५७२६१ आहूतो मलयाचलात्प्रचलितो मौहुर्तिको मारुतो  नेदिष्ठाः पथि सन्ति कोकिलगणा गीते प्रतिष्ठाभृतः ।
५७२६२ आप्ताभिः प्रतिवेशिनीभिरभितः संत्यज्य कुन्दालयं  सोष्यन्ती सहकारसंततिरलिश्रेणीभिरावेष्ट्यते ॥
५७२७१ आहूतो वाप्यनाहूतो यो राज्ञां द्वारि तिष्ठति ।
५७२७२ स वै राज्यश्रियं भुङ्क्ते नावमानी कदाचन ॥
५७२८१ आहूतो हालिकेनाश्रुतमिव वचनं तस्य कृत्वा क्षणैकं  तिष्ठासुस्तब्धरोमा कथमपि विटपं निःसमीरं विहाय ।
५७२८२ दोर्भ्यामावृत्य वक्षःस्थलमलसगतिर्दीनपादप्रचारः  शीत्कारोत्कम्पभिन्नस्फुटदधरपुटः पामरः क्षेत्रमेति ॥
५७२९१ आहृताभ्युद्यतां भिक्षां पुरस्तादप्रचोदिताम् ।
५७२९२ मेने प्रजापतिर्ग्राह्यामपि दुष्कृतकर्मणः ॥
५७३०१ आहृत्य परित्यक्ता  जनयन्त्यर्थाः सुखाभासम् ।
५७३०२ अत्यन्तपरित्यक्ताः  परमानन्दाय कल्पन्ते ॥
५७३११ आहृत्य रक्ष्यमाणापि यत्नेनान्तर्विरागिणी ।
५७३१२ असन्मैत्री च वेश्या च श्रीश्च कस्य कदा स्थिरा ॥
५७३२१ आह्निकोत्तापदग्धानां त्रयाणां जगतां बत ।
५७३२२ तपनार्चिषि शान्ते तद्भस्मेदं तिमिरं तु न ॥
५७३३१ आह्लादयत्वेष खरैर्नखाग्रैर् दैतेयवक्षःखनिमुत्खनन् वः ।
५७३३२ प्रह्लादहृद्यं हृदये द्वितीयम्  अन्वेष्टुमिच्छन्निव सूनुरत्नम् ॥
५७३४१ आह्लादहेतुनिरवद्यशरीरयष्टि  लावण्यकान्तिकलुषीकरणेन तासाम् ।
५७३४२ आसीत्कुशेशयदृशामयथार्थतैव  पर्यस्तभास्वररुचामपि भूषणानाम् ॥
५७३५१ आह्वानं किं भवति हि तरोः कस्यचित्प्रश्नविज्ञाः  प्रायः कार्यं किमपि न कलौ कुर्वते के परेषाम् ।
५७३५२ पूर्णं चन्द्रं वहति ननु का पृच्छति म्लानचक्षुः  केनोदन्याजनितमसमं कष्टमाप्नोति लोकः ॥
५७३६१ इक्षुक्षीरगुडादीनां माधुर्यस्यान्तरं महत् ।
५७३६२ तथापि न तदाख्यातुं सरस्वत्यापि शक्यते ॥
५७३७१ इक्षुत्वक्क्षोदसाराः शकटसरणयो धीरधूलीपताकाः  पाकस्वीकारनम्रे शिरसि निविशते शूकशालेः शुकाली ।
५७३७२ केदारेभ्यः प्रणालैः प्रविशति शफरीपङ्क्तिराधारमाराद् अच्छः कच्छेषु पङ्कः सुखयति सरितामातपादुक्षपालम् ॥
५७३८१ इक्षुदण्दास्तिलाः शूद्राः कान्ता हेम च मेदिनी ।
५७३८२ चन्दनं दधि ताम्बूलं मर्दनं गुणवर्धनम् ॥
५७३९१ इक्षुरापः पयो मूलं ताम्बूलं फलमौषधम् ।
५७३९२ भक्षयित्वापि कर्तव्याः स्नानदानादिकाः क्रियाः ॥
५७४०१ इक्षुर्धन्व शराः प्रसूनविततिर्भृङ्गावली सिञ्जिनी  यस्याज्ञावशवर्तिनः प्रमनसो निर्विष्टराष्ट्रादयः ।
५७४०२ यद्बाणाभिहता विरञ्चिमुरजिन्मृत्युंजयेन्द्रादयो  व्याप्ताशेषमुखा इव त्रिभुवनं पायादजेयः स्मरः ॥
५७४११ इक्षुर्नदीप्रवाहो  द्यूतं मानग्रहश्च हे सुतनु ।
५७४१२ भ्रूलतिका च तवेयं  भङ्गे रसमधिकमावहति ॥
५७४२१ इक्षोरग्रात्क्रमशः  पर्वणि पर्वणि यथा रसविशेषः ।
५७४२२ तद्वत्सज्जनमैत्री  विपरीतानां तु विपरीता ॥
५७४२ १ इक्षो रसं यथादाय कूर्चकस्त्यज्यते जनैः ।
५७४२ २ धर्मसारं तथादाय देहं त्यजति पण्डितः ॥
५७४३१ इक्षोर्विकारा मतयः कवीनां  गवां रसो बालकचेष्टितानि ।
५७४३२ ताम्बूलमग्र्यं युवतेः कटाक्षा  एतान्यहो शक्र न सन्ति नाके ॥
५७४४१ इङ्गालसप्तार्चिरिव ज्वलित्वा  सर्वं दिनं चण्डरुचिः शशाम ।
५७४४२ तदीयभस्मेव नभोहसन्ती  विभ्राजमानं तुहिनांशुबिम्बम् ॥
५७४५१ इङ्गितज्ञास्तु मगधाः प्रेक्षितज्ञास्तु कोसलाः ।
५७४५२ अर्धोक्ताः कुरुपाञ्चालाः सर्वोक्ता दक्षिणापथाः ॥
५७४६१ इङ्गिताकारचेष्टाभिः परचित्तप्रवेदिनः ।
५७४६२ आप्ताः सुशीघ्रगा दूता वाग्मिनो मितभाषिणः ॥
५७४७१ इङ्गिताकारतत्त्वज्ञ ऊहापोहविशारदः ।
५७४७२ शूरश्च कृतविद्यश्च न च मानी विमत्सरः ॥
५७४८१ इङ्गिताकारतत्त्वज्ञो बलवान् प्रियदर्शनः ।
५७४८२ अप्रमादी सदा दक्षः प्रतीहारः स उच्यते ॥
५७४९१ इङ्गितेन निजरागनीरधिं  संविभाव्य चटुभिर्गुणज्ञताम् ।
५७४९२ भक्ततां च परिचर्ययानिशं  साधिकाधिकवशं व्यधत्त तम् ॥
५७५०१ इच्छतां सह वधूभिरभेदं  यामिनीविरहिणां विहगानाम् ।
५७५०२ आपुरेव मिथुनानि वियोगं  लङ्घ्यते न खलु कालनियोगः ॥
५७५११ इच्छति मानी मरणं  न च गच्छति वैरिणः शरणम् ।
५७५१२ मानक्षरणं मरणं  मानप्राणस्य केवलं कृतिनः ॥
५७५२१ इच्छति शती सहस्रं  ससहस्रः कोटिमीहते कर्तुम् ।
५७५२२ कोटियुतोऽपि नृपत्वं  नृपोऽपि बत चक्रवर्तित्वम् ॥
५७५३१ इच्छति शती सहस्रं सहस्री लक्षमीहते ।
५७५३२ लक्षाधिपस्ततो राज्यं राज्याच्च स्वर्गमीहते ॥
५७५४१ इच्छन्ति केचिन्नरकेषु वासं  नेच्छन्ति केचिन्नरकेषु वासम् ।
५७५४२ श्रेयो हि तस्मान्नरकं विशिष्टं  न गर्भवासात्परमं हि दुःखम् ॥
५७५५१ इच्छन्त्यभीक्ष्णं क्षयमात्मनोऽपि  न ज्ञातयस्तुल्यकुलस्य लक्ष्मीम् ।
५७५५२ नमन्ति शत्रून्न च बन्धुवृद्धिं  संतप्यमानैर्हृदयैः सहन्ते ॥
५७५६१ इच्छां सुन्दरपाण्ड्य उन्नतिमतिं बिभ्रत्स्वया संज्ञया  निष्पाद्याभ्यवहारवारयुगलं निष्कम्पसंपत्तिकम् ।
५७५६२ संपूर्णं विदधे गभीरमुदरं रङ्गेशितुः शार्ङ्गिणो  यस्याभूद्भुवनैश्चतुर्दशभिरप्यापूरणं दुर्लभम् ॥
५७५७१ इच्छेच्चेद्विपुलां मैत्रीं त्रीणि तत्र न कारयेत् ।
५७५७२ वाग्वादमर्थसंबन्धं तत्पत्नीपरिभाषणम् ॥
५७५८१ इच्छेत्परमनुसर्तुं  प्रतिमासंदर्शनेन विशदरुचिः ।
५७५८२ अनवाप्य येनयोगं  भवतो हृदयेपरं निधीयेत ॥
५७५९१ इच्छेद्यस्तु सुखं निवस्तुमवनौ गच्छेत्स राज्ञः सभां  कल्याणीं गिरमेव संसदि वदेत्कार्यं विदध्यात्कृती ।
५७५९२ अक्लेशाद्धनमर्जयेदधिपतेरावर्जयेद्वल्लभान्  कुर्वीतोपकृतिं जनस्य जनयेत्कस्यापि नापक्रियाम् ॥
५७६०१ इज्याचारदमाहिंसादानस्वाध्यायकर्मणाम् ।
५७६०२ अयं तु परमो धर्मो यद्योगेनात्मदर्शनम् ॥
५७६११ इज्याध्ययनदानानि तपः सत्यं धृतिः क्षमा ।
५७६१२ अलोभ इति मार्गोऽयं धर्मस्याष्टविधः स्मृतः ॥
५७६२१ तत्र पूर्वश्चतुर्वर्गो दम्भार्थमपि सेव्यते ।
५७६२२ उत्तरस्तु चतुर्वर्गो महात्मन्येव तिष्ठति ॥
५७६३१ इडया संचरन् वायुः सौम्ये कार्ये शुभः स्मृतः ।
५७६३२ पिङ्गलायां तथा दीप्ते द्वयोः क्वापि न शोभनः ॥
५७६४१ इडा च पिङ्गला चैव सुषुम्णा च सरस्वती ।
५७६४२ गान्धारी हस्तिजिह्वा च पूषा चैव निगद्यते ॥
५७६५१ अलम्बुषा कुहूश्चैव शङ्खिनी दशमी मता ।
५७६५२ एताः प्राणवहा ज्ञेयाः प्रधाना दश नाडिकाः ॥
५७६६१ इडा नासापुटे वामे पिङ्गला दक्षिणे भवेत् ।
५७६६२ सुषुम्णा तालु भित्त्वैव ब्रह्मद्वारं प्रवर्तिता ॥
५७६७१ इडायां यदि भूम्यम्बुतत्त्वे प्रवहतस्तदा ।
५७६७२ स्थिरसौम्यादिकार्याणामारम्भः सिद्धिकृद्भवेत् ॥
५७६८१ इडा सोमस्य नाडी स्यात्पिङ्गला सूर्यनाडिका ।
५७६८२ इडा सौम्या भवेत्वामा पिङ्गलोग्रा च दक्षिणा ॥
५७६९१ इतः काकानीकं प्रतिभयमितः कौशिकरुताद् इतो गृध्रव्यूहः कुलमिदमितः कङ्कवयसाम् ।
५७६९२ श्मशानावस्थेऽस्मिन्नखिलगुणवन्ध्ये हतमराव् अपि द्वित्राः केचिन्न खलु कलवाचः शकुनयः ॥
५७७०१ इतः केकी नादैस्तुदति शतकोटिप्रतिभटैर् इतः कामः कामं कठिनतरबाणैः प्रहरति ।
५७७०२ इतो गर्जत्युच्चैर्जलधरगणो भीमनिनदैर् विना नाथं जाने न सखि भविता किं ननु मम ॥
५७७११ इतः क्रोधो गृध्रः प्रकटयति पक्षं निजमितः  सृगाली तृष्णेयं विवृतवदना धावति पुरः ।
५७७१२ इतः क्रूरः कामो विचरति पिशाचश्चिरमहो  श्मशानं संसारः क इह पतितः स्थास्यति सुखम् ॥
५७७२१ इतः परानर्भकहार्यशस्त्रान्  वैदर्भि पश्यानुमता मयासि ।
५७७२२ एवंविधेनाहवचेष्टितेन  त्वं प्रार्थ्यसे हस्तगता ममैभिः ॥
५७७३१ इतः पौरस्त्यायां ककुभि विवृणोति क्रमदलत् तमिस्रामर्माणं किरणकणिकामम्बरमणिः ।
५७७३२ इतो निष्क्रामन्ती नवरतिगुरोः प्रोञ्छति वधूः  स्वकस्तूरीपत्राङ्कुरमकरिकामुद्रितमुरः ॥
५७७४१ इतः प्रत्यादेशात्स्वजनमनुगन्तुं व्यवसिता  मुहुस्तिष्ठेत्युच्चैर्वदति गुरुशिष्ये गुरुसमे ।
५७७४२ पुनर्दृष्टिं बाष्पप्रसरकलुषामर्पितवती  मयि क्रूरे यत्तत्सविषमिव शल्यं दहति माम् ॥
५७७५१ इतः प्रालेयांशुः प्रलयमकरोत्कैरवकुल  क्लमच्छेदोत्सेकैः किरणनिकरैरेष तमसाम् ।
५७७५२ इतोऽप्याज्ञावज्ञां सखि न सहते दुःसहतर  प्रतापः पञ्चेषुस्तदिह शरणं साहसरसः ॥
५७७६१ इतः शुक्ला चन्द्रद्युतिभिरिह रक्तारुणकरैस् तमिस्रैरप्यन्तःस्खलितगतिभिर्मेचकरुचिः ।
५७७६२ प्रभातश्रीरेषा विलसति पुरस्था सुकृतिनां  मिमङ्क्षूणां जह्नुद्युमणिविधिजासंगम इव ॥
५७७७१ इतः शोचिः प्राच्यां दिशि दिशति भानोररुणताम्  इतो भृङ्गः कूजन्नभिकमलिनीं प्रोच्चलति च ।
५७७७२ इतो निर्यान्त्युच्चैर्विहितसुरतक्लान्तिशिथिल  स्खलत्पादन्यासक्षणरणितमञ्जीरमबलाः ॥
५७७८१ इतः स दैत्यः प्राप्तश्रीर्नेत एवार्हति क्षयम् ।
५७७८२ विषवृक्षोऽपि संवर्ध्य स्वयं छेत्तुमसांप्रतम् ॥
५७७९१ इतः स्वपिति केशवः कुलमितस्तदीयद्विषाम्  इतश्च शरणार्थिनः शिखरिपत्रिणः शेरते ।
५७७९२ इतोऽपि वडवानलः सह समस्तसंवर्तकैर् अहो विततमूर्जितं भरसहं च सिन्धोर्वपुः ॥
५७८०१ इतरदेव बहिर्मुखमुच्यते  हृदि तु यत्स्फुरतीतरदेव तत् ।
५७८०२ चरितमेतदधीरवितारकं  धुरि पयःप्रतिबिम्बमिवासताम् ॥
५७८११ इतरपापफलानि यथेच्छया  वितर तानि सहे चतुरानन ।
५७८१२ अरसिकेषु कवित्वनिवेदनं  शिरसि मा लिख मा लिख मा लिख ॥
५७८२१ इतरभजनघनरसतः  फलनिष्पत्तिर्नवा भवेदिति न ।
५७८२२ मुक्ताः परं तु लोके  स्वातिघनरसं विना न जायेरन् ॥
५७८३१ इतराण्यपि रक्षांसि पेतुर्वानरकोटिषु ।
५७८३२ रजांसि समरोत्थानि तच्छोणितनदीष्विव ॥
५७८४१ इतराश्चार्थमिच्छन्ति रूपमिच्छन्ति दारिकाः ।
५७८४२ ज्ञातयः कुलमिच्छन्ति स्वर्गमिच्छन्ति तापसाः ॥
५७८५१ इतरेतरयन्त्रितोरुयुग्मं  कठिनोरुस्तनपीडिताभिरामम् ।
५७८५२ भुजमूलशयानुगण्डमूलं  मिथुनं स्यूतमिवाभवन्निशायाम् ॥
५७८६१ इतरोपायदुःसाध्ये चण्डदण्डो महीपतिः ।
५७८६२ अदुष्टायत्यसौ नीतेरश्नाति विपुलं फलम् ॥
५७८७१ इतश्चञ्चच्चूतच्युतमधुचया वान्ति चतुराः  समीराः संतोषं दिशि दिशि दिशन्तो मधुलिहाम् ।
५७८७२ निशान्ते कान्तानां स्मरसमरकेलिश्रममुषो  विजृम्भन्ते जृम्भाकलितकमलामोदसुहृदः ॥
५७८८१ इतश्चन्द्रः सान्द्रः स्मरमयवयःसंधिमधुरः  स्फुरन्मुग्धाकेलिस्मितमिव मयूखैः सुखयति ।
५७८८२ चकोराणां चक्रं कुमुदसमुदायोऽपि च शरन्  निशारम्भेऽमुष्मिन् समसमयमन्तर्विकसति ॥
५७८९१ इतश्चेतश्चाद्भिर्विघटिततटः सेतुरुदरे  धरित्री दुर्लङ्घ्या बहुलहिमपङ्को गिरिरयम् ।
५७८९२ इदानीं निर्वृत्ते करितुरगनीराजनविधौ  न जाने यातारस्तव च रिपवः केन च पथा ॥
५७९०१ इतस्ततश्चङ्क्रमणो रजोभिः  क्रीडन्मनोमत्तमतङ्गजोऽयम् ।
५७९०२ यः सर्वदा पिप्पलभोगतुष्टस् तच्छान्तये त्वं हरिमाश्रयस्व ॥
५७९११ इतस्ततो भषन् भूरि न पतेत्पिशुनः शुनः ।
५७९१२ अवदाततया किं च न भेदो हंसतः सतः ॥
५७९२१ इतस्ततो वातविधूतिचञ्चलैर् नीरन्ध्रिताशागगनैर्ध्वजांशुकैः ।
५७९२२ लक्षैः क्वणत्काञ्चनकिङ्किणीकुलैर् अमज्जि धूलीजलधौ नभोगते ॥
५७९३१ इतस्ततो वान्ति विशिष्य यस्यां  वाताः शकृद्वेश्मविहारविस्राः ।
५७९३२ सा वर्ण्यते रौरवराजधानी  केन प्रतोली मनसाप्यगम्या ॥
५७९४१ इतस्ततोऽस्मिन् विलसन्ति मेरोः  समानवप्रे मणिसानुरागाः ।
५७९४२ स्त्रियश्च पत्यौ सुरसुन्दरीभिः  समा नवप्रेमणि सानुरागाः ॥
५७९५१ इतस्तावन्नेत्रे वलय मलयाद्रे निधिरपाम्  अपारस्त्वत्पादप्रणयपरतन्त्रो निवसति ।
५७९५२ अथात्मानं किं न स्मरसि कुलशैलं किमयशः  पताका सर्पौघैः प्रतिशिखरिशाखासु वहसि ॥
५७९६१ इतस्त्रसद्विद्रुतभूभृदुज्झिता  प्रियाथ दृष्टा वनमानवीजनैः ।
५७९६२ शशंस पृष्टाद्भुतमात्मदेशजं  शशित्विषः शीतलशीलतां किल ॥
५७९७१ इति कृतवचनायाः कश्चिदभ्येत्य बिभ्यद् गलितनयनवारेर्याति पादावनामम् ।
५७९७२ करुणमपि समर्थं मानिनां मानभेदे  रुदितमुदितमस्त्रं योषितां विग्रहेषु ॥
५७९८१ इति क्षितीशो नवतिं नवाधिकां  महाक्रतूनां महनीयशासनः ।
५७९८२ समारुरुक्षुर्दिवमायुषः क्षये  ततान सोपानपरंपरामिव ॥
५७९९१ इति गदन्तमनन्तरमङ्गना  भुजयुगोन्नमनोच्चतरस्तनी ।
५७९९२ प्रणयिनं रभसादुदरश्रिया  वलिभयालिभयादिव सस्वजे ॥
५८००१ इति गदितवती रुषा जघान  स्फुरितमनोरमपक्ष्मकेशरेण ।
५८००२ श्रवणनियमितेन कान्तमन्या  सममसिताम्बुरुहेण चक्षुषा च ॥
५८०११ इति गन्तुमिच्छुमभिधाय पुरः  क्षणदृष्टिपातविकसद्वदनाम् ।
५८०१२ स्वकरावलम्बनविमुक्तगलत् कलकाञ्चि कांचिदरुणत्तरुणः ॥
५८०२१ इति गुह्यतमं शास्त्रमिदमुक्तं मयानघ ।
५८०२२ एतद्बुद्ध्वा बुद्धिमान् स्यात्कृतकृत्यश्च भारत ॥
५८०३१ इति जगति न रक्षितुं समर्थः  क्वचिदपि कश्चिदपि प्रसह्य नारीम् ।
५८०३२ अवति तु सततं विशुद्ध एकः  कुलयुवतीं निजसत्त्वपाशबन्धः ॥
५८०४१ एवं चेर्ष्या नाम दुःखैकहेतुर् मोघः पुंसां द्वेषदायी परेषाम् ।
५८०४२ योऽयं मा भूद्रक्षणायाङ्गनानाम्  अत्यौत्सुक्यं प्रत्युतासां तनोति ॥
५८०५१ इति तत्त्वधियः परिचिन्त्य बुधाः  सकलस्य जनस्य विनश्वरताम् ।
५८०५२ न मनागपि चेतसि संदधते  शुचमङ्गयशःसुखनाशकराम् ॥
५८०६१ इति देव भवत्युदारसत्त्वो  दृढभक्तश्च विलासिनीजनोऽपि ।
५८०६२ अवरोधसमो महीपतीनां  किमुतान्यः कुलजः पुरन्ध्रिलोकः ॥
५८०७१ इति देव सदैव हास्यभावं  परिभावे च जनस्य निन्द्यतां च ।
५८०७२ विपदास्पदतां च यान्ति मूढा  इह सन्तस्तु भवन्ति पूजनीयाः ॥
५८०८१ इति द्विकृत्वः शुचिमृष्टभोजिनां  दिनानि तेषां कतिचिन्मुदा ययुः ।
५८०८२ द्विरष्टसंवत्सरवारसुन्दरी  परीष्टिभिस्तुष्टिमुपेयुषां निशि ॥
५८०९१ इति धर्मतरोर्मूलमशुद्धं यस्य मानसम् ।
५८०९२ शुद्धं यस्य च तद्रूपं फलं तस्य न संशयः ॥
५८१०१ इति निखिलमुदारमर्थसार्थ  प्रणिहितमेकमिहेव खड्गशास्त्रे ।
५८१०२ गिरिशमतमिदं निषेव्य चक्रे  क्षितिपतिमन्त्रिसमूहचक्रवर्ती ॥
५८१११ इति नेत्रादिविकारैर् वशमुपनीतं प्रलीनधैर्याङ्गम् ।
५८११२ मारग्रहाभिभूतं  परिमृष्टप्राङ्निराकृतिस्मरणम् ॥
५८१२१ प्रादुर्भूतरिरंसं  क्षणे क्षणे जघनदेशगतदृष्टिम् ।
५८१२२ पक्वाम्रमिव विमोक्ष्यसि  पूर्ववदाचूष्य निःशेषम् ॥
५८१३१ इति पथि विनिवेशितात्मनो  रिपुरपि गच्छति साधु मित्रताम् ।
५८१३२ तदवनिपतिमत्सरादृते  विनयगुणेन जगद्वशं नयेत् ॥
५८१४१ इति परिगणितार्थः शास्त्रमार्गानुसारी  नियमयति यतात्मा यः प्रजा दण्डनीत्या ।
५८१४२ अपुनरपगमाय प्राप्तमार्गप्रचारा  सरित इव समुद्रं संपदस्तं विशन्ति ॥
५८१५१ इति परिणयमित्थं यानमेकत्र याने  दरचकितकटाक्षप्रेक्षणं चानयोस्ततत् ।
५८१५२ दिवि दिविषदधीशाः कौतुकेनावलोक्य  प्रणिदधुरिव गन्तुं नाकमानन्दसान्द्राः ॥
५८१६१ इति पूर्वकर्मनियतं  भवितव्यं जगति यस्य जन्तोर्यत् ।
५८१६२ तदयत्नेन स पुरतः  पतितं प्राप्नोत्यसाध्यमपि ॥
५८१७१ इति प्रकुपितोरगप्रमुखभङ्गुरां सर्वदा  निधाय निजचेतसि प्रबलदुःखदां संसृतिम् ।
५८१७२ विमुञ्चत परिग्रहग्रहमनार्जवं सज्जना  यदीच्छत सुखामृतं रसितुमस्तसर्वाशुभम् ॥
५८१८१ इति प्रवीरे सुभगे च सत्यतो  विवेकिनीनामपि देव योषिताम् ।
५८१८२ चलं मनो धावति यत्र कुत्रचिद् विशुद्धसत्त्वा विरलाः पुनः स्त्रियः ॥
५८१९१ इति प्रिये पृच्छति मानविह्वला  कथंचिदन्तर्धृतबाष्पगद्गदम् ।
५८१९२ न किंचिदित्येव जगाद यद्वधूः  कियन्न तेनैव तयास्य वर्णितम् ॥
५८२०१ इति बहुभिरुपायैः कुट्टनी कामुकानां  कृतसुकृतविहीना वञ्चनां सा कृतघ्ना (?) ।
५८२०२ वनभुवि मृगबन्धं हन्त पश्यन्ति नित्यं  तदपि हरिणशावाः कूटपाशं विशन्ति ॥
५८२११ इति मदमदनाभ्यां रागिणः स्पष्टरागान्  अनवरतरतश्रीसङ्गिनस्तानवेक्ष्य ।
५८२१२ अभजत परिवृत्तिं साथ पर्यस्तहस्ता  रजनिरवनतेन्दुर्लज्जयाधोमुखीव ॥
५८२२१ इति मुषितधियः श्रिया प्रयान्त्या  रभसवशादविचिन्त्य दग्धभूपाः ।
५८२२२ बलभरबहुमानतः पतङ्ग  व्रतमुपयान्ति परप्रतापदीपे ॥
५८२३१ इति यस्मादुभौ लोकौ धारयत्यात्मवान्नृपः ।
५८२३२ प्रजानां च ततः सम्यग्दण्डं दण्डीव धारयेत् ॥
५८२४१ इति रतिसमयोपदेशयुक्त्या  रतगुरुदर्शितया पुरंध्रिलोकः ।
५८२४२ निजपरपरभागवृत्तिमौज्झीत् स्मरपरमाद्वयभूमिकानिलीनः ॥
५८२५१ इति राजगुणानेतान् यथोक्तान् योऽनुतिष्ठति ।
५८२५२ अनुभूयेह भद्राणि प्रेत्य स्वर्गे महीयते ॥
५८२६१ इति राज्यकलत्रमित्रपुत्रान्  गृहधामं च तृणाय मन्यमानः ।
५८२६२ गुरुसत्त्वरजस्तमः कलङ्कां  प्रकृतिं हातुमगाद्वनं नरेन्द्रः ॥
५८२७१ इति वचनं भूमिपतेः  श्रुत्वा मन्त्री विहस्य सासूयः ।
५८२७२ तमुवाच कस्य राजन्  वेश्याचरितेऽस्ति विश्वासः ॥
५८२८१ इति वदति सखीजने निमीलद् द्विगुणितसान्द्रतराक्षिपक्ष्ममाला ।
५८२८२ अपतदलिभयेन भर्तुरङ्कं  भवति हि विक्लवता गुणोऽङ्गनानाम् ॥
५८२९१ इति वदति सखीजनेऽनुरागाद् दयिततमामपरश्चिरं प्रतीक्ष्य ।
५८२९२ तदनुगमवशादनायतानि  न्यधित मिमान इवावनीं पदानि ॥
५८३०१ इति विरचितबन्धा पद्धतिर्या मयेयं  सकलगुणिगणानां प्रीतये सास्तु नित्यम् ।
५८३०२ विपुलविमलदीव्यत्सत्कलानां निधानं  तरुणतरणिरुद्धा विद्विषत्कौशिकानाम् ॥
५८३११ इति विस्मृतान्यकरणीयमात्मनः  सचिवावलम्बितधुरं धराधिपम् ।
५८३१२ परिवृद्धरागमनुबन्धसेवया  मृगया जहार चतुरेव कामिनी ॥
५८३२१ इति शासति सेनान्यां गच्छतस्ताननेकधा ।
५८३२२ निषिध्य हसता किंचित्तस्थे तत्रान्धकारिणा ॥
५८३३१ इति संसारदुःखार्कतापतापितचेतसाम् ।
५८३३२ विमुक्तिपादपच्छायामृते कुत्र सुखं नृणाम् ॥
५८३४१ इति सशरीरया क्षणमिव क्षणदाः क्षपयन्  सह विशरीरया दयितया विरसान् दिवसान् ।
५८३४२ दिनरजनीविहारविपरीतमहं चरितै  रथचरणाह्वयस्य चरितानि विडम्बितवान् ॥
५८३५१ इति स्त्रियो देवि महाकुलोद्गताः  विशुद्धधीरैश्चरितैरुपासते ।
५८३५२ सदैव भर्तारमनन्यमानसाः  पतिः सतीनां परमं हि दैवतभ् ॥
५८३६१ इति स्फुटं तद्वचसस्तयादरात् सुरस्पृहारोपविडम्बनादपि ।
५८३६२ कराङ्कसुप्तैककपोलकर्णया  श्रुतं च तद्भाषितमश्रुतं च तत् ॥
५८३७१ इति स्मरः शीघ्रमतिश्चकार तं  वधूं च रोमाञ्चभरेण कर्कशौ ।
५८३७२ स्खलिष्यति स्निग्धतनुः प्रियादियं  म्रदीयसी पीडनभीरुदोर्युगात् ॥
५८३८१ इति स्म राजा नयवर्त्मना व्रजन्  समुद्यमी मण्डलशुद्धिमाचरेत् ।
५८३८२ विराजते साधु विशुद्धमण्डलः  शरच्छशीव प्रतिरञ्जयन् प्रजाः ॥
५८३९१ इति स्म राजा विनयं नयान्वितो  निषेवमाणो नरदेवसेवितम् ।
५८३९२ पदं समाक्रामति भास्वरं श्रियः  शिरो महारत्नगिरेरिवोन्नतम् ॥
५८४०१ इतिहासपुराणानि शृणुयात्तदनन्तरम् ।
५८४०२ भुक्तवान् विहरेच्चैव स्त्रीभिरन्तःपुरे सह ॥
५८४० १ ईतिहासपुराणाभ्यां वेदं समुपबृंहयेत् ।
५८४० २ बिभेत्यल्पश्रुताद्वेदो मामयं प्रचरिष्यति ॥
५८४११ इतिहासोत्तमादस्माज्जायन्ते कविबुद्धयः ।
५८४१२ पञ्चभ्य इव भूतेभ्यो लोकसंविधयस्त्रयः ॥
५८४२१ इतीरयित्वा विरतां स तां पुनर् गिरानुजग्राहतरां नराधिपः ।
५८४२२ विरुत्य विश्रान्तवतीं तपात्यये  घनाघनश्चातकमण्डलीमिव ॥
५८४३१ इतीष्टमप्यनिष्टाय जायतेऽविधिना कृतम् ।
५८४३२ तस्मान्न विधिमुत्सृज्य प्राज्ञः कुर्वीत किंचन ।
५८४३३ अप्रेक्षापूर्वकारी च निन्द्यतेऽवद्यकृत्क्षणात् ॥
५८४४१ इतो गङ्गाभङ्गा घटिततटभङ्गा पुनरितो  दवज्वाला ज्वालाज्वलिततरुमाला वनभुवः ।
५८४४२ सरंहः सिंहोऽग्रे ध्वनति मम हंहो न हि गतिर् विना दैवं दैवं हरिणशिशुरेवं प्रलपति ॥
५८४५१ इतो दावज्वालः स्थलभुव इतो जालजटिला  इतो व्याधो धावत्ययमनुपदं वक्रितधनुः ।
५८४५२ इतोऽप्यग्रे तिष्ठत्ययमजगरो विस्तृतमुखः  क्व यायात्किं कुर्यान्मृगशिशुरयं दैववशगः ॥
५८४६१ इतो न किंचित्परतो न किंचिद् यतो यतो यामि ततो न किंचित् ।
५८४६२ विचार्यमाणं हि जगन्न किंचित् स्वात्मावबोधादधिकं न किंचित् ॥
५८४७१ इतो भ्रष्टस्ततो भ्रष्टः परमेकान्तिवेषभाक् ।
५८४७२ न सम्सारसुखं तस्य नैव मुक्तिसुखं भवेत् ॥
५८४८१ इतो मृत्युरितो व्याधिरितो विपदितो जरा ।
५८४८२ चतुरङ्गा तुल्यबला हन्ति लोकमनित्यता ॥
५८४९१ इतो विद्युत्पुञ्जस्फुरितमसकृद्भावयतु माम्  इतः केकानेका हरतु हृदयं निर्दयमिदम् ।
५८४९२ इतः कामो वामः प्रहरतु मुहुः पुङ्खितशरो  गतासि त्वं दूरे चपलनयने प्रेयसि यतः ॥
५८५०१ इतो विद्युद्वल्लीविलसितमितः केतकतरु  स्फुरद्गन्धः प्रोद्यज्जलदनिनदस्फूर्जितमितः ।
५८५०२ इतः केकिक्रीडाकलकलरवः पक्ष्मलदृशां  कथं यास्यन्त्येते विरहदिवसाः संभृतरसाः ॥
५८५११ इतो विपिनपङ्क्तयस्तिलकिता रसालाङ्कुरैर् मरुन्मलयभूरितः कलमितः पिकीनां रुतम् ।
५८५१२ इतश्च नवचम्पकैः सुरभिताः समन्ताद्दिशस् तदद्य मयि तां विना भजतु घस्मरत्वं स्मरः ॥
५८५२१ इतो हास्यतरं लोके किंचिदन्यन्न विद्यते ।
५८५२२ यत्तु दुर्जन इत्याह सज्जनं दुर्जनः स्वयम् ॥
५८५३१ इत्थं कविकुटुम्बस्य वचांसि विचिनोति यः ।
५८५३२ अनिद्धवचनस्यापि तस्य वश्या सरस्वती ॥
५८५४१ इत्थं केलिततीर्विहृत्य यमुनाकूले समं राधया  तद्रोमावलिमौक्तिकावलियुगे वेणीभ्रमं बिभ्रति ।
५८५४२ तत्राह्लादिकुचप्रयागफलयोर्लिप्सावतोर्हस्तयोर् व्यापाराः पुरुषोत्तमस्य ददतु स्फीतं मुदां संपदम् ॥
५८५५१ इत्थं क्रियासु निवसन्त्यपि यासु तासु  पुंसां श्रियः प्रबलसत्त्वबहिष्कृतासु ।
५८५५२ एवं च साहसधनेष्वथ बुद्धिमत्सु  संतुष्य दाननिरताः क्षितिपा भवन्ति ॥
५८५६१ इत्यैहिकेन च पुरा विहितेन चापि  स्वेनैव कर्मविभवेन शुभाशुभेन ।
५८५६२ शश्वद्भवेत्तदनुरूपविचित्रभोगः  सर्वो हि नाम ससुरासुर एष सर्गः ॥
५८५७१ इत्थं चोपार्जितो यत्नाद्गुणोऽपि विधुरे विधौ ।
५८५७२ संपत्तये न न परं जायते तु विपत्तये ॥
५८५८१ मूले ह्यविकृते सदा सिक्ते प्रज्ञानवारिणा ।
५८५८२ नयालवालः फलति प्रायः पौरुषपादपः ॥
५८५९१ इत्थं तल्पतलाधिरोहणमियं पर्णार्पणप्रक्रिया  शय्याया वचनक्रमस्य दयितस्यैवंविधाराधना ।
५८५९२ एवं केलिगृहोपदेहलि बलादानीयमाना मुहुश् चाटूक्तिप्रकरैश्चिरं नववधूरालीभिरध्याप्यते ॥
५८५९ १ इत्थं तेन निरीक्षितं न च मयाप्येवं समालोकितस् तेनोक्तं सुभगेन तत्र न मया दत्तं वचो मन्दया ।
५८५९ २ तत्सत्यं कथयालि किं स सुभगः कुप्येन्न मह्यं गत  इत्युक्त्वा सुदृशा कयापि वलितग्रीवं दृशौ स्फारिते ॥
५८६०१ इत्थं दुरवधार्यैव स्त्रीचित्तस्य गतिः किल ।
५८६०२ अन्यासक्तिं च कुर्वन्ति म्रियन्ते च पतिं विना ॥
५८६११ इत्थं धर्मार्जिता लक्ष्मीरासंतत्यनपायिनी ।
५८६१२ इतरा तु जलापाततुषारकणनश्वरी ॥
५८६२१ अतो यतेत धर्मेण धनमर्जयितुं पुमान् ।
५८६२२ राजा तु सुतरां येन मूलं राज्यतरोर्धनम् ॥
५८६३१ इत्थं वृढतरवामित  मनसां पुंसामसांप्रतं पुरतः ।
५८६३२ वेशविलासवतीनाम्  अशरीरशरव्यथाकथनम् ॥
५८६४१ इत्थं नारीर्घटयितुमलं कामिभिः काममासन्  प्रालेयांशोः सपदि रुचयः शान्तमानान्तरायाः ।
५८६४२ आचार्यत्वं रतिषु विलसन्मन्ममथश्रीविलासा  ह्रीप्रत्यूहप्रशमकुशलाः शीधवश्चक्रुरासाम् ॥
५८६५१ इत्थं पशुपतिपेशल  पाशकलीलाप्रयुक्तवक्रोक्तेः ।
५८६५२ हर्षवशतरलतारकम्  आननमव्याद्भवान्या वः ॥
५८६६१ इत्थं प्रज्ञैव नामेह प्रधानं लोकवर्तनम् ।
५८६६२ जीवत्यर्थदरिद्रोऽपि धीदरिद्रो न जीवति ॥
५८६७१ इत्थं फलति शुद्धेन सिक्तं संकल्पवारिणा ।
५८६७२ पुण्यबीजमपि स्वल्पं पुंसां कृषिकृतामिव ॥
५८६८१ तदेव दूषितं देवि दुष्टसंकल्पपाथसा ।
५८६८२ फलत्यनिष्टम् ... ... ... ... ॥
५८६९१ इत्थं मधूत्थं रसमुद्गिरन्ती  तदोष्ठबन्दूकधनुर्विसृष्टा ।
५८६९२ कर्णात्प्रसूनाशुगपञ्चबाणी  वाणीमिषेणास्य मनो विवेश ॥
५८७०१ इत्थं युक्तिमुपायानां कुर्वाणस्य चतुष्टयीम् ।
५८७०२ व्रजतीन्दुप्रभागौरं परैरक्षय्यतां यशः ॥
५८७११ इत्थं विहृत्य वनिताभिरुदस्यमानं  पीनस्तनोरुजघनस्थलशालिनीभिः ।
५८७१२ उत्सर्पितोर्मिचयलङ्घिततीरदेशम्  औत्सुक्यनुन्नमिव वारि पुरः प्रतस्थे ॥
५८७२१ इत्थं सभापतिर्भूत्वा यः काव्यानि परीक्षते ।
५८७२२ यशस्तस्य जगद्व्यापि स सुखी तत्र तत्र च ॥
५८७३१ इत्थं समुत्थविरहानलतीव्रताप  संतापिताङ्ग करिपुङ्गव मुञ्च शोकम् ।
५८७३२ धात्रा स्वहस्तलिखितानि ललाटपट्टे  को वाक्षराणि परिमार्जयितुं समर्थः ॥
५८७४१ इत्थं सुबुद्धिरल्पेन देव यत्नेन बोध्यते ।
५८७४२ न कृच्छ्रेणापि महता निर्विचारमतिः पुनः ॥
५८७५१ इत्थं स्वदुर्नयविपाकवशेन दिव्याः  शापच्युता ह्यवतरन्ति मनुष्यलोके ।
५८७५२ भुक्त्वा फलं तदुचितं च निजां गतिं ते  पूर्वार्जितेन सुकृतेन पुनः प्रयान्ति ॥
५८७६१ इत्थमाराध्यमानोऽपि क्लिश्नाति भुवनत्रयम् ।
५८७६२ शाम्येत्प्रत्यपकारेण नोपकारेण दुर्जनः ॥
५८७७१ इत्यगुह्यं निगूहन्ते गुह्यं प्रकटयन्ति च ।
५८७७२ मौर्ख्याभिमानेनादातुं मूर्खाः प्रत्ययमात्मनि ॥
५८७८१ इत्यङ्गैः संयुतः सर्वैर्देहिनो बालकाकृतिः ।
५८७८२ मातुराहाररसतो देहे गर्भोऽभिवर्धते ॥
५८७९१ इत्यज्ञानतमश्छन्नाः स्वदोषोन्मार्गगामिनः ।
५८७९२ अपुरस्कृतसच्छास्त्रदीपा भ्रश्यन्ति निश्चितम् ॥
५८८०१ इत्यनर्थाय शब्दैकपरो तात्पर्यविज्जडः ।
५८८०२ ... ... ... ... ... ... ॥
५८८११ इत्यनुद्वेगशीला ये भव्या धैर्यावलम्बनाः ।
५८८१२ दूरभ्रष्टामपि निजां भूमिं संप्राप्नुवन्ति ते ॥
५८८२१ इत्यन्यदुपचारेण मित्रमन्यत्तु सत्यतः ।
५८८२२ तुल्येऽपि स्निग्धतायोगे तैलं तैलं घृतं घृतम् ॥
५८८३१ इत्यन्यरक्तचित्ता स्त्रीभुजङ्गी हन्त्यसंशयम् ।
५८८३२ ... ... ... ... ... ... ॥
५८८४१ इत्यबुद्धिधनाधाननिधानैर्विविधोदयैः ।
५८८४२ कूटपण्यैरसामान्यैस्तारुण्यमतिवाह्यते ॥
५८८५१ इत्यर्थलोभान्मिथ्यैव विज्ञानख्यापनेच्छवः ।
५८८५२ मूर्खाः पुत्रमपि घ्नन्ति न रज्येत्तेषु बुद्धिमान् ॥
५८८६१ इत्याख्याते पवनतनयं मैथिलीवोन्मुखी सा  त्वामुत्कण्ठोच्छ्वसितहृदया वीक्ष्य संभाव्य चैव ।
५८८६२ श्रोष्यत्यस्मात्परमवहिता सौम्य सीमन्तिनीनां  कान्तोदन्तः सुहृदुपनतः संगमात्किंचिदूनः ॥
५८८७१ इत्यादिगुणसंपन्ने लोकयात्राविदि स्थिरे ।
५८८७२ निर्वृतः पितरीवास्ते यत्र लोकः स पार्थिवः ॥
५८८८१ इत्यादि दूष्यान् संदूष्य प्रजानामभिवृद्धये ।
५८८८२ विनयञ्श्रियमुत्कर्षं राजा शल्यं समुद्धरेत् ॥
५८८९१ इत्युक्तवत्या यदलोपि लज्जा  सानौचिती चेतसि नश्चकास्तु ।
५८८९२ स्मरस्तु साक्षी तददोषतायाम्  उन्माद्य यस्तत्तदवीवदत्ताम् ॥
५८९०१ इत्युद्गते शशिनि पेशलकान्तदूती  संलापसंचलितलोचनमानसाभिः ।
५८९०२ अग्राहि मण्डनविधिर्विपरीतभूषा  विन्यासहासितसखीजनमङ्गनाभिः ॥
५८९११ इत्येतत्तपसो देवा महाभाग्यं प्रचक्षते ।
५८९१२ सर्वस्यास्य प्रपश्यन्तस्तपसः पुण्यमुद्भवम् ॥
५८९२१ इत्येताः कुटिलतराः  क्रूराचारा गतत्रपाश्चपलाः ।
५८९२२ यो नाम वेत्ति रामाः  स स्त्रीभिर्णैव वञ्च्यते मतिमान् ॥
५८९३१ इत्येवं बहुहृदया  बहुजिह्वा बहुकराश्च बहुमायाः ।
५८९३२ तत्त्वेन सत्यरहिताः  को जानाति स्फुटं वेश्याः ॥
५८९४१ इत्येवं योषितो राजन् भेदस्य व्यसनस्य च ।
५८९४२ पराभवस्य च पदं सेवेताशङ्कितोऽथ ताः ॥
५८९५१ इदं कविवरैर्नित्यमाख्यानमुपजीव्यते ।
५८९५२ उदयप्रेप्सुभिर्भृत्यैरभिजात इवेश्वरः ॥
५८९६१ इदं किं ते न्यस्तं वलयिनि करे वक्त्रकमलं  न युक्तः कोपोऽयं प्रणयिनि निरागस्यपि जने ।
५८९६२ ब्रुवाणे मय्येवं श्वसनविषमोत्कम्पितकुचं  मृगाक्ष्यास्तत्कालं नयनजलमेवोत्तरमभूत् ॥
५८९७१ इदं किलाव्याजमनोहरं वपुस् तपःक्षमं साधयितुं य इच्छति ।
५८९७२ ध्रुवं स नीलोत्पलपत्रधारया  समिल्लतां छेत्तुमृषिर्व्यवस्यति ॥
५८९८१ इदं कृतमिदं कार्यमिदमन्यत्कृताकृतम् ।
५८९८२ एवमीहासुखासक्तं कृतान्तः कुरुते वशे ॥
५८९९१ इदं कृष्णं कृष्णं प्रियतम ननु श्वेतमथ किं  गमिष्यामो यामो भवतु गमनेनाथ भवतु ।
५८९९२ पुरा येनैवं मे चिरमनुसृता चित्तपदवी  स एवान्यो जातः सखि परिचिताः कस्य पुरुषाः ॥
५९००१ इदं च त्वां सर्वपरं ब्रवीमि  पुण्यं पदं तात महाविशिष्टम् ।
५९००२ न जातु कामान्न भयान्न लोभाद् धर्मं त्यजेज्जीवितस्यापि हेतोः ॥
५९०११ इदं ज्ञेयमिदं ज्ञेयमिति यस्तृषितश्चरेत् ।
५९०१२ अपि कल्पसहस्रेषु नैव ज्ञेयमवाप्नुयात् ॥
५९०२१ इदं तत्कालिन्दीतटमिह हि कंसासुरभिदो  यशः शृण्वद्वक्त्रं स्खलितकवलं गोकुलमभूत् ।
५९०२२ भ्रमाद्वेणुक्वाणप्रणयमसृणोत्तारमधुर  स्वराभिर्गोपीभिर्दिशि दिशि समुद्गीर्णमनिशम् ॥
५९०३१ इदं तत्स्नेहसर्वस्वं सममाढ्यदरिद्रयोः ।
५९०३२ अचन्दनमनौशीरं हृदयस्यानुलेपनम् ॥
५९०४१ इदं तावच्चित्रं यदवनितले पार्वणशशी  कलङ्कादुन्मुक्तः किमपि च तदन्तर्विलसति ।
५९०४२ प्रवालं माणिक्यं कुवलयदलं मन्मथधनुर् मनोवीणावादध्वनिरिति महच्चित्रमधरम् ॥
५९०५१ इदं ते केनोक्तं कथय कमलातङ्कवदने  यदेतस्मिन् हेम्नः कटकमिति धत्से खलु धियम् ।
५९०५२ इदं तद्दुःसाधाक्रमणपरमास्त्रं स्मृतिभुवा  तव प्रीत्या चक्रं करकमलमूले विनिहितम् ॥
५९०६१ इदं त्विहोत्पातयुगं प्र्थिव्यां  महाभयं शाकुनिका वदन्ति ।
५९०६२ यद्वायसो मैथुनसंनिविष्टो  दृश्येत यद्वा धवलः कदाचित् ॥
५९०७१ इदं दूर्वाकाण्डद्युतिमुषि कपोले कतिपयैः  श्रमाम्भोभिः कीर्णं सहजबकुलामोदसुभगम् ।
५९०७२ समाकाङ्क्षे ताम्राधरमनुमनुष्व प्रियतमे  मनोज्ञं ते पातुं मुखकमलमाघ्रातुमथवा ॥
५९०८१ इदं नभसि भीषणभ्रमदुलूककोलाहले  निशाचरविलासिनीनिवहदत्तनेत्रोत्सवे ।
५९०८२ परिस्फुरति निर्भरप्रचुरपङ्कमग्नोल्लसद् वराहकुलमांसलं प्रबलबन्दमन्धं तमः ॥
५९०९१ इदं नासीन्न चोत्पन्नं न चासीन्न भविष्यति ।
५९०९२ तत्तद्ब्रह्मैव सद्रूपमिदमित्थमवस्थितम् ॥
५९१०१ इदं नृपप्रार्थिभिरुज्झितोऽर्थिभिर् मणिप्ररोहेण विवृध्य रोहणः ।
५९१०२ कियद्दिनैरम्बरमावरिष्यते  मुधा मुनिर्विन्ध्यमरुन्ध भूधरम् ॥
५९१११ इदं परमसुन्दरं तनुपुरं कुरङ्गीदृशां  निवार्य खलु शैशवं स्वयमनेन नीतं बलात् ।
५९११२ तदागमनशङ्कया मकरकेतुना किं कृतं  पयोधरधराधरौ त्रिवलिवाहिनीदुस्तरौ ॥
५९१२१ इदं प्रकृत्या विषयैर्वशीकृतं  परस्परस्त्रीधनलोलुपं जगत् ।
५९१२२ सनातने वर्त्मनि साधुसेविते  प्रतिष्ठते दण्डभयोपपीडितम् ॥
५९१३१ इदं प्रायो लोके न परिचितपूर्वं नयनयोर् न याच्ञा यत्पुंसः सुगुणपरिमाणं लघयति ।
५९१३२ विशद्भिर्विश्वात्मा स्ववपुषि बलिप्रार्थनकृते  त्रपालीनैरङ्गैर्यदयमभवद्वामनतनुः ॥
५९१४१ इदं मघोनः कुलिशं धारासंनिहितानलम् ।
५९१४२ स्मरणं यस्य दैत्यस्त्रीगर्भपाताय कल्पते ॥
५९१५१ इदं मदं चन्द्रमसः समन्ताद् अस्मत्सपत्नस्य हरिष्यतीति ।
५९१५२ यस्मिन् पुरन्ध्रीवदनस्यलक्ष्मीं  निजां व्यधुः प्राभृतमम्बुजानि ॥
५९१६१ इदं युगसहस्रेषु भविष्यदभवद्दिनम् ।
५९१६२ तदप्यद्यत्वमापन्नं का कथा मरणावधेः ॥
५९१७१ इदं लब्धमिदं नष्टमिदं लप्स्ये मनोरथम् ।
५९१७२ इदं चिन्तयतामेव जीर्णमायुः शरीरिणाम् ॥
५९१८१ इदं वक्त्रं साक्षाद्विरहितकलङ्कः शशधरः  सुधाधाराधारश्चिरपरिणतं बिम्बमधरः ।
५९१८२ इमे नेत्रे रात्रिंदिवमधिकशोभे कुवलये  तनुर्लावण्यानां जलधिरवगाहे सुखतरः ॥
५९१९१ इदं विश्वं कुटुम्बो न इति येषां सुनिश्चयः ।
५९१९२ ते शान्ताः परमोदाराः केषां वन्द्या न साधवः ॥
५९२०१ इदं विश्वं पाल्यं विधिवदभियुक्तेन मनसा  प्रियाशोको जीवं कुसुममिव घर्मो ग्लपयति ।
५९२०२ स्वयं कृत्वा त्यागं विलपनविनोदोऽप्यसुलभस् तदद्याप्युच्छ्वासो भवति ननु लाभो हि रुदितम् ॥
५९२११ इदं व्योमसरोमध्ये भाति चन्द्रसितोत्पलम् ।
५९२१२ मलिनोऽन्तर्गतो यत्र कलङ्को भ्रमरायते ॥
५९२२१ इदं शरीरं पुरुषस्य मोहजं  यथा पृथग्भौतिकमीयते गृहम् ।
५९२२२ यथौदकैः पार्थिवतैजसैर्जनः  कालेन जातो विकृतो विनश्यति ॥
५९२३१ यथानलो दारुषु भिन्न ईयते  यथानिलो देहगतः पृथक्स्थितः ।
५९२३२ यथा नभः सर्वगतं न सज्जते  तथा पुमान् सर्वगुणाश्रयः परः ॥
५९२४१ इदं शरीरं श्लथसंधि जर्जरं  पतत्यवश्यं परिणामदुर्वहम् ।
५९२४२ किमौषधं पृच्छसि मूढ दुर्मते  निरामयं कृष्णरसायनं पिब ॥
५९२५१ इदं शीतं पाथः पिबत पथिका मुञ्चत मनाक् पथः श्रान्तिं कान्तास्मृतिजनितचिन्ताद्विगुणिताम् ।
५९२५२ इति स्फीतापाङ्गं मृदुमधुरवाग्भङ्गिहसितं  प्रपापालीमाला हरति तरुणानां पथि गतिम् ॥
५९२६१ इदं स्वजनदेहजातनयमातृभार्यामयं  विचित्रमिह केनचिद्रचितमिन्द्रजालं ननु ।
५९२६२ क्व कस्य कथमत्र को भवति तत्त्वतो देहिनः  स्वकर्मवशवर्तिनस्त्रिभुवने निजो वा परः ॥
५९२७१ इदं स्वस्त्ययनं श्रेष्ठमिदं बुद्धिविवर्धनम् ।
५९२७२ इदं यशस्यं सततमिदं निःश्रेयसं परम् ॥
५९२८१ इदं हि पुंसस्तपसः श्रुतस्य वा  स्विष्टस्य सूक्तस्य च बुद्धदत्तयोः ।
५९२८२ अविच्युतोऽर्थः कविभिर्निरूपितो  यदुत्तमश्लोकगुणानुवर्णनम् ॥
५९२९१ इदं हि प्राणयशसं क्रयविक्रयपत्तनम् ।
५९२९२ स्वामिसत्कारशल्यानामत्रैवोद्धरणी क्रिया ॥
५९३०१ इदं हि माहात्म्यविशेषसूचकं  वदन्ति चिह्नं महतां मनीषिणः ।
५९३०२ मनो यदेषां सुखदुःखसंभवे  प्रयाति नो हर्षविषादवश्यताम् ॥
५९३११ इदं हि वैदग्ध्यरहस्यमुत्तमं  पठेन्न सूक्तिं कविमानिनः पुरः ।
५९३१२ न केवलं तां न विभावयत्यसौ  स्वकाव्यबन्धेन विनाशयत्यपि ॥
५९३२१ इदमनन्यपरायणमन्यथा  हृदयसंनिहिते हृदयं मम ।
५९३२२ यदि समर्थयसे मदिरेक्षणे  मदनबाणहतोऽस्मि हतः पुनः ॥
५९३३१ इदमनुचितमक्रमश्च पुंसां  यदिह जरस्यपि मान्मथो विकारः ।
५९३३२ यदपि च न कृतं नितम्बिनीनां  स्तनपतनावधि जीवितं रतं वा ॥
५९३४१ इदमनुदितहोतुः कोऽपि होमावसान  ज्वलदनलमवादीत्कुण्डमाखण्डलस्य ।
५९३४२ मणिघटमभिषेके प्रातरस्योचुरेके  कलितकिरणतोयं मण्डलं चण्डभासः ॥
५९३५१ इदमन्तरमुपकृतये  प्रकृतिचला यावदर्थिसंपदियम् ।
५९३५२ विपदि नियतोदयायां  पुनरुपकर्तुं कुतोऽवसरः ॥
५९३६१ इदमन्धं तमः कृत्स्नं जायेत भुवनत्रयम् ।
५९३६२ यदि शब्दाह्वयं ज्योतिरा संसारान्न दीप्यते ॥
५९३७१ इदमन्यच्च देवर्षे रहस्यं सर्वयोषिताम् ।
५९३७२ दृष्ट्वैव पुरुषं हृद्यं योनिः प्रक्लिद्यते स्त्रियाः ॥
५९३८१ इदमपटु कपाटं जर्जरः पञ्जरोऽयं  विरमति न गृहेऽस्मिन् क्रूरमार्जारयात्रा ।
५९३८२ शुक मुकुलितजिह्वं स्थीयतां किं वचोभिस् तव वचनविनोदे नादरः पामराणाम् ॥
५९३९१ इदमपरमद्भुततमं  युवतिसहस्रैर्विलुप्यमानस्य ।
५९३९२ वृद्धिर्भवति न हानिर् यत्तव सौभाग्यकोषस्य ॥
५९४०१ इदमपास्य विरागि परागिणीर् अलिकदम्बकमम्बुरुहां ततीः ।
५९४०२ स्तनभरेण जितस्तबकानमन्  नवलते वलतेऽभिमुखं तव ॥
५९४११ इदमप्रतिमं पश्य सरः सरसिजैर्वृतम् ।
५९४१२ सखे मा जल्प नारीणां नयनानि दहन्ति माम् ॥
५९४२१ इदममृतममेयं सेयमानन्दसिन्धुर् मधुमधुरमपीदं किंचिदन्तर्धुनोति ।
५९४२२ यदयमुदयलीलीलालसानां वधूनां  रतिविनिमयभाजां केलिभिर्याति कालः ॥
५९४३१ इदमम्लानमानाया लग्नं स्तनतटे तव ।
५९४३२ छाद्यतामुत्तरीयेण नवं नखपदं सखि ॥
५९४४१ इदमयुक्तमहो महदेव यद् वरतनोः स्मरयत्यनिलोऽन्यदा ।
५९४४२ स्मृतसयौवनसोष्मपयोधरान्  सतुहिनस्तु हिनस्तु वियोगिनः ॥
५९४५१ इदमशिशिरैरन्तस्तापाद्विवर्णमणीकृतं  निशि निशि भुजन्यस्तापाङ्गप्रसारिभिरश्रुभिः ।
५९४५२ अनभिलुलितज्याघाताङ्कं मुहुर्मणिबन्धनात् कनकवलयं स्रस्तं स्रस्तं मया प्रतिसार्यते ॥
५९४६१ इदमसुलभवस्तुप्रार्थनादुर्निवारं  प्रथममपि मनो मे पञ्चबाणः क्षिणोति ।
५९४६२ किमुत मलयवातोन्मूलितापाण्डुपत्रैर् उपवनसहकारैर्दर्शितेष्वङ्कुरेषु ॥
५९४७१ इदमस्खलितं धारय  वारय परुषाक्षरा वाचः ।
५९४७२ एकः सकलजनानां  जगति रिपुः परुषवाक्पुरुषः ॥
५९४८१ इदमहं करुणामृतसागरं  शशिकिशोरशिरोमणिमर्थये ।
५९४८२ व्रजतु जन्मनि जन्मनि मे वपुर् भवदुपासनसाधनतामिति ॥
५९४९१ इदमाभाति गगने भिन्दानं संततं तमः ।
५९४९२ अमन्दनयनानन्दकरं मण्डलमैन्दवम् ॥
५९५०१ इदमिदमिति भूरुहां प्रसूनैर् मुहुरतिलोभयता पुरःपुरोऽन्या ।
५९५०२ अनुरहसमनायि नायकेन  त्वरयति रन्तुमहो जनं मनोभूः ॥
५९५११ इदमिदमिति सम्यक्कर्मणा योजनीयं  नियतमिति विचिन्त्य प्रापयेदीहमानः ।
५९५१२ सुनयपिहितरन्ध्रः प्राकृतो यस्य वर्गः  क्षितिपतिरुपभुङ्क्ते स त्रिवर्गं चिराय ॥
५९५२१ इदमुच्छ्वसितालकं मुखं  तव विश्रान्तकथं दुनोति माम् ।
५९५२२ निशि सुप्तमिवैकपङ्कजं  विरताभ्यन्तरषट्पदस्वनम् ॥
५९५३१ इदमुद्दिश्य वयस्याः  स्वसमीहितदैवतं नमत ।
५९५३२ यमुनैव जानुदघ्नी  भवतु न वा नाविकोऽस्त्वपरः ॥
५९५४१ इदमुपहितसूक्ष्मग्रन्थिना स्कन्धदेशे  स्तनयुगपरिणाहाच्छादिना वल्कलेन ।
५९५४२ वपुरभिनवमस्याः पुष्यति स्वां न शोभां  कुसुममिव पिनद्धं पाण्दुपत्रोदरेण ॥
५९५५१ इदमुभयभित्तिसंतत  हारगुणान्तर्गतैककुचमुकुलम् ।
५९५५२ गुटिकाधनुरिव बाला  वपुः स्मरः श्रयति कुतुतेन ॥
५९५६१ इदमेतत्करिष्यामि तत एतद्भविष्यति ।
५९५६२ संकल्पः क्रियते योऽयं न तं मृत्युः प्रतीक्षते ॥
५९५७१ इदमेव कलेरस्य मदविस्फूर्जितं महत् ।
५९५७२ यन्मे मनोरथावाप्तिः न रामभजनादपि ॥
५९५८१ इदमेव नरेन्द्राणां स्वर्गद्वारमनर्गलम् ।
५९५८२ यदात्मनः प्रतिज्ञा च प्रजा च परिपाल्यते ॥
५९५९१ इदमेव परं मौर्ख्यमुपायैस्त्रिभिरुज्झितम् ।
५९५९२ पराक्रमन्ते युद्धेषु सममेवोभये भटाः ॥
५९६०१ इदमेव महद्धैर्यं धीराणां सुतपस्विनाम् ।
५९६०२ विघ्नवन्त्यपि संप्राप्य यद्विघ्नैर्न विहन्यते ॥
५९६११ इदमेव हि जन्मफलं  जीवितफलमेतदेव यत्पुंसाम् ।
५९६१२ लटहनितम्बवतीजन  संभोगसुखेन याति तारुण्यम् ॥
५९६२१ इदमेव हि निर्णीतं पैशुन्याद्दुःखसंगमः ।
५९६२२ अन्यार्थं खनतो गर्तं कूपे पातः सुनिश्चितः ॥
५९६३१ इदमेव हि पाण्डित्यं चातुर्यमिदमेव हि ।
५९६३२ इदमेव सुबुद्धित्वमायादल्पतरो व्ययः ॥
५९६४१ इदमेव हि पाण्डित्यमियमेव कुलीनता ।
५९६४२ अयमेव परो धर्म आयादल्पतरो व्ययः ॥
५९६५१ इदानीं तीव्राभिर्दहन इव भाभिः परिगतो  ममाश्चर्यं सूर्यः किमु सखि रजन्यामुदयते ।
५९६५२ अयं मुग्धे चन्द्रः किमिति मयि तापं प्रकटयत्य् अनाथानां बाले किमिह विपरीतं न भवति ॥
५९६६१ इदानीं तु मया ज्ञातं त्यागान्नास्ति परं सुखम् ।
५९६६२ नास्ति विद्यासमं चक्षुर्नास्ति चक्षुःसमं बलम् ॥
५९६७१ इदानीं प्लक्षाणां जठरदलविश्लेषचतुरः  शिखानामाबन्धः स्फुरति शुकचञ्चूपुटनिभः ।
५९६७२ ततः स्त्रीणां हन्त क्षममधरकान्तिं कलयितुं  समन्तान्निर्याति स्फुटसुभगरागं किसलयम् ॥
५९६८१ इदानीं वंशीनां शबरमिथुनोच्छृङ्खलरहः  क्रियासख्येनालं गिरिवनसरिद्ग्रामसुहृदाम् ।
५९६८२ स्फुरल्लोमश्यामच्छगलशिशुकर्णप्रतिसम  च्छदाग्राभिस्त्वग्भिर्वलयितकरीरास्तटभुवः ॥
५९६९१ इदानीं सन्तु काव्यानि बहूनि जगतीतले ।
५९६९२ यदादर्शमयं काव्यमाद्यं तत्तु तदेव हा ॥
५९७०१ इदानीमङ्गमक्षालि रचितं चानुलेपनम् ।
५९७०२ इदानीमेव ते कृष्ण धूलीधूसरितं वपुः ॥
५९७११ इदानीमर्घन्ति प्रथमकलमच्छेदमुदिता  नवाग्रान्नस्थालीपरिमलमुचो हालिकगृहाः ।
५९७१२ उदञ्चद्दोर्वल्लीरणितवलयाभिर्युवतिभिर् गृहीतप्रोत्क्षिप्तभ्रमितमसृणोद्गीर्णमुशलाः ॥
५९७२१ इनः स एव सेव्यो यः स्वालोकेन सुधामुचा ।
५९७२२ द्विजेन्द्रमण्डलं क्षीणं समग्रयति संपदा ॥
५९७३१ इन्दिन्दिरैर्निर्भरगर्भमीषद् उन्मेषवच्चम्पकपुष्पमासीत् ।
५९७३२ हिरण्मयं शासनलेखहेतोः  सज्जं मषीभाण्डमिव स्मरस्य ॥
५९७४१ इन्दिन्दिरो मरन्दे  विमुखो यदि किं नु मधुनि माहात्म्यम् ।
५९७४२ रसिको वाञ्छति नो चेत् रागाधरबिम्बमस्य को भूमा (?) ॥
५९७५१ इन्दीवरं लोचनयोस्तुलायै  निर्माय यत्नेन विधिः कदाचित् ।
५९७५२ अतुल्यतां वीक्ष्य ततो रजांसि  निक्षिप्य चिक्षेप स पङ्कमध्ये ॥
५९७६१ इन्दीवरदलश्याममिन्दिरानन्दकन्दलम् ।
५९७६२ वन्दारुजनमन्दारं वन्देऽहं यदुनन्दनम् ॥
५९७७१ इन्दीवरश्यामतनुर्नृपोऽसौ  त्वं रोचनागौरशरीरयष्टिः ।
५९७७२ अन्योन्यशोभापरिवृद्धये वां  योगस्तडित्तोयदयोरिवास्तु ॥
५९७८१ इन्दीवरस्यान्तरमेतदस्या  नेत्रोत्पलस्यापि यतो हिमांशोः ।
५९७८२ त्विषोऽपि नैकं सहते मुखाख्यम्  आक्रम्य तस्थावपरं शशाङ्कम् ॥
५९७९१ इन्दीवराक्षि तव तीव्रकटाक्षबाण  पातव्रणे द्वितयमौषधमेव मन्ये ।
५९७९२ एकं तवाधरसुधारसपानमन्यद् उत्तुङ्गपीनकुचकुङ्कुमपङ्कलेपः ॥
५९८०१ इन्दीवराक्ष्याः स्फुटविद्रुमोष्ठ्याः  संकेतमुद्दिश्य वने चरन्त्याः ।
५९८०२ चौरैः समस्ताभरणानि हृत्वा  नासामणिर्नोऽपहृतः किमेतत् ॥
५९८११ इन्दीवरेण नयनं मुखमम्बुजेन  कुन्देन दन्तमधरं नवपल्लवेन ।
५९८१२ अङ्गानि चम्पकदलैः स विधाय वेधाः  कान्ते कथं घटितवानुपलेन चेतः ॥
५९८२१ इन्दीवरोदरसहोदरमेदुरश्रीर् वासो द्रवत्कनकवृन्दनिभं दधानः ।
५९८२२ आमुक्तमौक्तिकमनोहरहारवक्षाः  कोऽयं युवा जगदनङ्गमयं करोति ॥
५९८३१ इन्दुं कैरविणीव कोकपटलीवाम्भोजिनीवल्लभं  मेघं चातकमण्डलीव मधुपश्रेणीव पुष्पव्रजम् ।
५९८३२ माकन्दं पिकसुन्दरीव रमणीवात्मेश्वरं प्रोषितं  चेतोवृत्तिरियं सदा नृपवर त्वां द्रष्टुमुत्कण्ठते ॥
५९८४१ इन्दुं तण्डुलखण्डमण्डलरुचिं नित्योदितं जातुचिद् दर्शे मेघघरट्टघट्टनगलद्देहं विधत्ते विधिः ।
५९८४२ नूनं लोकहितेच्छया किरति यत्संतर्पणं सर्वतः  शुभ्रादभ्रविशिष्टपिष्टरुचिरंभूमौ तुषारं दिवः ॥
५९८५१ इन्दुं निन्दति चक्रवाकयुगलं भासां निधिं कौशिकः  स्वादुक्षीरमरोचकी सुकृतिनं पापी जडः पण्डितम् ।
५९८५२ त्यक्तं सर्वजनैः खलः कटुवचा ग्राम्यः पुमान्नागरं  कः पैतामहगोलकेऽत्र निखिलैः संमानितो वर्तते ॥
५९८६१ इन्दुं निन्दति चन्दनं न सहते मल्लीस्रजं नेक्षते  हारं द्वेष्टि सिताब्जमुज्झति बिसस्तोमं निगृह्णाति च ।
५९८६२ श्रीभूपाल महीधरेषु विपिनेष्वम्भोधितीरेषु च  त्वत्कीर्तिस्त्वदरिप्रिया च विलसत्युच्चैः स्फुरत्पाण्डिमा ॥
५९८७१ इन्दुं निन्दति चन्दनं न सहते विद्वेष्टि पङ्केरुहं  हारं भारमवैति नैव कुरुते कर्पूरपूरे मनः ।
५९८७२ स्वर्गङ्गामवगाहते हिमगिरिं गाढं समालिङ्गते  यत्कीर्तिर्विरहातुरेव न मनागेकत्र विश्राम्यति ॥
५९८८१ इन्दुं निन्दति तस्करो गृहपतिं जारो सुशीलं खलः  साध्वीमप्यसती कुलीनमकुलो जह्याज्जरन्तं युवा ।
५९८८२ विद्यावन्तमनक्षरो धनपतिं नीचश्च रूपोज्ज्वलं  वैरूप्येण हतः प्रबुद्धमबुधोत्कृष्टं निकृष्टो जनः ॥
५९८९१ इन्दुं निन्दति पद्मखण्डकदलीतल्पं न वा मन्यते  कर्पूरं किरति प्रयाति न रतिं प्रालेयधारागृहे ।
५९८९२ किं वान्यत्तव विप्रयोगशिखिना सा दह्यमाना मुहुस् त्वामन्तर्हृदयस्थितं दवभयान्नेत्राम्बुभिः सिञ्चति ॥
५९९०१ इन्दुं निन्दतु नाम वाथ नलिनीं निन्दन्तु चक्राह्वया  नैवानेन सुधाकरस्य सुषमाहानिर्न वा दुर्यशः ।
५९९०२ एतेनैव कृतार्थतास्य जनता यन्मोदमालम्बते  यज्ज्योत्स्नासु चिरं चकोरपरिषच्चञ्चूपुटं न्यस्यति ॥
५९९११ इन्दुं मुखाद्बहुतृणं तव यद्गृणन्ति  नैनं मृगस्त्यजति तन्मृगतृष्णयैव ।
५९९१२ अत्येति मोहमहिमा न हिमांशुबिम्ब  लक्ष्मीविडम्बिमुखि वित्तिषु पाशवीषु ॥
५९९२१ इन्दुं वेत्ति दिवाकरं मलयजं दावानलं मन्यते  जानात्यम्बुजमुल्मुकं कलयति प्रालेयतल्पं चिताम् ।
५९९२२ हाराङ्गारकदर्थितेन मनसा सृष्टिं समस्तामिमां  संप्रत्यग्निमयी न वेत्ति सुभगा त्यक्ता वराकी त्वया ॥
५९९३१ इन्दुः किं क्व कलङ्कः  सरसिजमेतत्किमम्बु कुत्र गतम् ।
५९९३२ ललितसविलासवचनैर् मुखमिति हरिणाक्षि निश्चितं परतः ॥
५९९४१ इन्दुः प्रयास्यति विनङ्क्ष्यति तारकश्रीः  स्थास्यन्ति लीढतिमिरा न मणिप्रदीपाः ।
५९९४२ अन्धं समग्रमपि कीटमणे भविष्यत्य् उन्मेषमेष्यति भवानपि दुरमेतत् ॥
५९९५१ इन्दुप्रभारसविदं विहगं विहाय  कीरानने स्फुरसि भारति का रतिस्ते ।
५९९५२ आद्यं यदि श्रयसि जल्पतु कौमुदीनां  गोविन्दराजवचसां च विशेषमेषः ॥
५९९६१ इन्दुबिम्बादिवोत्कीर्णं पद्मगर्भादिवोद्धृतम् ।
५९९६२ वदनं तव तन्वङ्गि विमृशद्भिर्विभाव्यते ॥
५९९६ १ इन्दुभास्करयोर्यत्र नभःसंचारखिन्नयोः ।
५९९६ २ पताकाः पवनाधूताः भजन्ते तालवृन्तताम् ॥
५९९७१ इन्दुमिन्दुमुखि लोकय लोकं  भानुभानुभिरमुं परितप्तम् ।
५९९७२ वीजितुं रजनिहस्तगृहीतं  तालवृन्तमिव नालविहीनम् ॥
५९९८१ इन्दुमिन्द्रदिगसूत सरस्वान्  उत्तरङ्गभुजराजिरनृत्यत् ।
५९९८२ उज्जहर्ष झषकेतुरवापुः  षट्पदाः कुमुदबन्धनमोक्षम् ॥
५९९९१ इन्दुमुखी कुमुदाक्षी  रम्भोरू कमलचारुकरचरणा ।
५९९९२ अमृतद्रवलावण्या  हृदयगता देवि किं दहसि ॥
६०००१ इन्दुरिन्दुरिति किं दुराशया  बिन्दुरेष पयसो विलोक्यते ।
६०००२ नन्विदं विजयते मृगीदृशः  श्यामकोमलकपोलमाननम् ॥
६००११ इन्दुर्मूर्ध्नि शिवस्य शैलदुहितुर्वक्रो नखाङ्कः स्तने  देयाद्वोऽभ्युदयं द्वयं तदुपमामालम्बमानं मिथः ।
६००१२ सम्वादः प्रणवेन यस्य दलता कायैकतायां तयोर् ऊर्ध्वद्वारविचिन्तितेन च हृदि ध्यातस्वरूपेण च ॥
६००२१ इन्दुर्यत्र न निन्द्यते न मधुरं दूतीवचः श्रूयते  नालापा निपतन्ति बाष्पकलुषा नोपैति कार्श्यं तनुः ।
६००२२ स्वाधीनामनुकूलिनीं स्वगृहिणीमालिङ्ग्य यत्सुप्यते  तत्किं प्रेम गृहाश्रमव्रतमिदं कष्टं समाचर्यते ॥
६००३१ इन्दुर्यद्युदयाद्रिमूर्ध्नि न भवत्यद्यापि तन्मा स्म भून्  नासीरेऽपि तमःसमुच्चयममूरुन्मूलयन्ति त्विषः ।
६००३२ अप्यक्ष्णोर्मुदमुद्गिरन्ति कुमुदैरामोदयन्ते दिशः  संप्रत्यूर्ध्वमसौ तु लाञ्छनमभिव्यङ्क्तुं प्रकाशिष्यते ॥
६००४१ इन्दुर्लिप्त इवाञ्जनेन जडिता दृष्टिर्मृगीणामिव  प्रम्लानारुणिमेव विद्रुमदलं श्यामेव हेमप्रभा ।
६००४२ कार्कश्यं कलया च कोकिलवधूकण्ठेष्विव प्रस्तुतं  सुन्दर्याः पुरतश्च हन्त शिखिनां बर्हाः सगर्हा इव ॥
६००५१ इन्दुव्रतसहस्रं तु चरेद्यः कायशोधनम् ।
६००५२ पिबेद्यश्चापि गङ्गाम्भः समौ स्यातां न वा समौ ॥
६००६१ इन्दुस्त्वद्यशसा जितोऽवनिपते भासांनिधिस्तेजसा  कन्दर्पो वपुषा सुधाजलनिधिर्वाचो विलासेन च ।
६००६२ तथ्यं ते जयशीलमेतदधुना त्वद्दानमद्दैन्ययोर् मध्ये कं नु विजेष्यतीति विषये दोलायते मे मनः ॥
६००७१ इन्दूदयश्चन्दनमिन्दुवक्त्रश् चैत्रस्तथा यस्य महाय संपत् ।
६००७२ वपुश्च शृङ्गारमयं स मन्ये  संतापकस्त्वं हरवह्नियोगात् ॥
६००८१ इन्दोः कलाकलापेन पङ्क्तिक्रमनिवेशिना ।
६००८२ सर्वदुःखापनोदाय बालकानां कृता भुजाः ॥
६००९१ इन्दोः कान्तिं जडतरकरान्मत्तनागाद्गतिं वा  त्रस्तान्नेत्रे हरसि हरिणात्तत्र किं नाम चित्रम् ।
६००९२ एतच्चित्रं पुनरिह जगज्जैत्रकन्दर्पचाप  श्रीसर्वस्वं यदपहरसि प्रेयसि भ्रूविलासैः ॥
६०१०१ इन्दोः किं द्रुहिणस्य वा सुरपतेः किं वा कृतान्तस्य वा  किं भूतेश दिशास्थि भूषणगणेश्वाकृष्य देयं मया ।
६०१०२ इत्थं मण्डनमन्दिरोदरचरव्याहारतो भीकरात् भीता यस्य सुराः प्रसाधनविधौ पायात्स वः शंकरः ॥
६०१११ इन्दोः संक्षयरक्षिणाक्षतसुधा किं वेधसा निर्मिता  किं धैर्यापहरा हरस्य विहिता कामेन कान्ता तनुः ।
६०११२ किं तारुण्यवसन्तकान्तिललिता शृङ्गारसिक्ता लता  किं लावण्यतरङ्गिणी पुनरियं जन्मान्तराप्ता रतिः ॥
६०१२१ इन्दोरगतयः पद्मे सूर्यस्य कुमुदेंऽशवः ।
६०१२२ गुणास्तस्य विपक्षेऽपि गुणिनो लेभिरेऽन्तरम् ॥
६०१३१ इन्दोरस्य त्रियामायुवतिकुचतटीचन्दनस्थासकस्य  व्योमश्रीचामरस्य त्रिपुरहरजटावल्लरीकोरकस्य ।
६०१३२ कंदर्पक्षोणिपालस्फटिकमणिगृहस्यैतदाख ण्डलाशा  नासामुक्ताफलस्य स्थगयति जगतीं कोऽपि भासां विलासः ॥
६०१४१ इन्दोरिवास्य पुरतो  यद्विमुखी सापवारणा भ्रमसि ।
६०१४२ तत्कथय किं नु दुरितं  सखि त्वया छाययेव कृतम् ॥
६०१५१ इन्दोरेककलाया  रुद्रेणोद्धृत्य मूर्धनि धृतायाः ।
६०१५२ स्थानमिव तुच्छमेतत् कलङ्करूपेण परिणमति ॥
६०१६१ इन्दोर्लक्ष्म त्रिपुरजयिनः कण्ठमूलं मुरारिर् दिङ्नागानां मदजलमसीभाञ्जि गण्डस्थलानि ।
६०१६२ अद्याप्युर्वीवलयतिलक श्यामलिम्नावलिप्तान्य् आभासन्ते वद धवलितं किं यशोभिस्त्वदीयैः ॥
६०१७१ इन्दोश्चन्दनबिन्दुनैव दशनच्छायं तदीयं मुखं  चक्रं लोचनभल्लमार्जनविधौ शाणस्य तत्कुण्डलम् ।
६०१७ २ भिन्नानां कुचकन्दरा स्मितसुधाकुल्येव मुक्तावली  पादाब्जे ध्वनदिन्द्रनीलवलयं रोलम्बमालैव सा ॥
६०१७ १ इन्दौ निन्द्या चकोरैरसमयति निशाजागरः पुण्डरीकैः  भृङ्गैः शीधुन्यसङ्गः शरदि समधिका ग्लानिरिन्दीवरैश्च ।
६०१७२ भ्रूभङ्गे यस्य वैराकरयुवतिदृशामेकमेवोपमानं  पश्याम्यश्रान्तबाष्पप्रकरमयझरीगूढचाराश्चमर्यः ॥
६०१८१ इन्द्रं द्व्यक्षधरं त्वमन्थमुदधिं पञ्चाननं पद्मजं  सिन्धुं स्वादुजलं शिवं सितगलं कामं च सद्विग्रहम् ।
६०१८२ शैलान् पक्षधरांस्तथैव च हयांल्लक्ष्मीपतिं पिङ्गलं  दृष्टं सर्वमिदं क्वचिन्न रघुराड्दत्तं स्वयं हारितम् ॥
६०१९१ इन्द्रं वै षण्ढमाहुर्मलिनमुडुपतिं माधवं गोपसूनुं  व्यासं मत्सीतनूजं गतरसमुदधिं पावकं सर्वभक्षम् ।
६०१९२ वेश्यापुत्रं वसिष्ठं जनपदवचनैः पाण्डवाश्चान्यजाता  इत्थं संचिन्त्य मह्यं कथय नरपते कस्य दोषा न सन्ति ॥
६०२०१ इन्द्रः प्रक्षुब्धचित्तो दिशि दिशि सकलान् दिक्पतीन् सावधानान्  कुर्वन् वज्रास्त्रपाणिः सुरवरवलितां देवसेनां निगृह्य ।
६०२०२ स्वर्गद्वारे यदीयोद्धतबलिनिहतप्रौढढक्कानिनादं  श्रुत्वातिष्ठत्प्रकम्पत्कुचकलशतटीकिन्नरीगीयमानः ॥
६०२११ इन्द्रः प्रधानं दिवि दैवतेषु  विप्रो मनुष्येषु नदीषु गङ्गा ।
६०२१२ गावः पशुष्वेषु धनेषु धान्यं  सर्वत्र गात्रस्य शिरः प्रधानम् ॥
६०२१ १ इन्द्रगोपकपरम्परा भृशं  काननेषु शुशुभे विसर्पिणी ।
६०२१ २ प्रावृषः सरभसागमाच्च्युता  पद्मरागघटितेव कर्णिका ॥
६०२२१ इन्द्रगोपैर्बभौ भूमिर्निचितैव प्रवासिनाम् ।
६०२२२ अनङ्गबाणैर्हृद्भेदस्रुतलोहितबिन्दुभिः ॥
६०२३१ इन्द्रजिच्चण्डवीर्योऽसि नाम्नैव बलवानसि ।
६०२३२ धिक्धिक्प्रच्छन्नरूपेण युध्यसेऽस्मद्भयाकुलः ॥
६०२४१ इन्द्रनीलशुकपक्षकोमला  शङ्खकुन्दकुमुदेन्दुसंनिभा ।
६०२४२ तप्तकाञ्चनविकासिचम्पक  स्पर्धिनी वसुमती प्रशस्यते ॥
६०२५१ इन्द्रस्त्वं नृप सुन्दरी तव शची पुत्रो जयन्तोपमो  गेहं भाति च वैजयन्तसदृशं नागोऽभ्रमोर्वल्लभः ।
६०२५२ इत्थं बोधकरैरसत्यवचनैः स्वैरं स्तुतः स्वं हरिं  वेत्ति प्रस्फुटविक्रमं स महिमा ज्ञेयो हरेर्मायिनः ॥
६०२६१ इन्द्रस्य वज्रेण हतो वृत्रासुरमहायशाः ।
६०२६२ मेदसा सर्वविच्छिन्नं तदर्थमुपलेपनम् ॥
६०२७१ इन्द्रस्यार्कस्य वायोश्च यमस्य वरुणस्य च ।
६०२७२ चन्द्रस्य च पृथिव्याश्च नृपः सप्तगुणो भवेत् ॥
६०२८१ इन्द्रात्प्रभुत्वं ज्वलनात्प्रतापं  क्रोधो यमाद्वैश्रवणाच्च वित्तम् ।
६०२८२ पराक्रमं रामजनार्दनाभ्याम्  आदाय राज्ञः क्रियते शरीरम् ॥
६०२९१ इन्द्राद्या लोकपाला हरिविधुतपना नागविद्याधराद्या  द्वेष्याः सर्वेऽपि देवाः प्रिय तव वरदः कोऽस्ति वन्द्यो गरीयान् ।
६०२९२ श्रुत्वा वाचं प्रियाया इति दशमुखतः प्राह वाक्यं दशास्यः  शूली शंभुः पिनाकी शिवभवपशुपः शर्व ईशश्च भर्गः ॥
६०३०१ इन्द्राद्यैः किं प्रदत्तं प्रदिशसि धवलं धाम धन्यं यदेभ्यो  मह्यं यन्नापि धत्से तृणघटितकुटीं किं मया तेऽपराद्धम् ।
६०३०२ विश्वेभ्यो विश्वमातर्वितरसि यदि वा शर्म कर्मानुसारि  प्रोत्तुङ्गायाः कृपायास्तव तुहिनगिरेः पुत्रि कुत्रोपयोगः ॥
६०३११ इन्द्रानिलयमार्काणामग्नेश्च वरुणस्य च ।
६०३१२ चन्द्रवित्तेशयोश्चापि मात्रा निर्हृत्य शाश्वतीः ॥
६०३२१ इन्द्राभ्यर्थनया पूर्वं भरताय चतुर्मुखः ।
६०३२२ प्रमोदाय महेन्द्रस्य नाट्यं समुपदिष्टवान् ॥
६०३३१ इन्द्राय वीक्षमाणस् तन्मुखमास्वादयन्ननन्ताय ।
६०३३२ स्पृहयामि चाद्य दयिताम्  आलिङ्गन् कार्तवीर्याय ॥
६०३४१ इन्द्रियं विजितं येन तेनैव भुवनं जितम् ।
६०३४२ यश्चेन्द्रियैः पराभूतः स सर्वत्र पराजितः ॥
६०३५१ इन्द्रियस्येन्द्रियस्यार्थे रागद्वेषौ व्यवस्थितौ ।
६०३५२ तयोर्न वशमागच्छेत्तौ ह्यस्य परिपन्थिनौ ॥
६०३६१ इन्द्रियाणां जये योगं समातिष्ठेद्दिवानिशम् ।
६०३६२ जितेन्द्रियो हि शक्नोति वशे स्थापयितुं प्रजाः ॥
६०३७१ इन्द्रियाणां जये शूरो धर्मं चरति पण्डितः ।
६०३७२ सत्यवादी भवेद्वक्ता दाता भवति वा न वा ॥
६०३८१ इन्द्रियाणां तु सर्वेषां यद्येकं क्षरतीन्द्रियम् ।
६०३८२ ततोऽस्य क्षरति प्रज्ञा दृतेः पादादिवोदकम् ॥
६०३९१ इन्द्रियाणां निरोधेन रागद्वेषक्षयेण च ।
६०३९२ अहिंसया च भूतानाममृतत्वाय कल्पते ॥
६०४०१ इन्द्रियाणां प्रसङ्गेन दोषमृच्छत्यसंशयम् ।
६०४०२ संनियम्य तु तान्येव ततः सिद्धिं नियच्छति ॥
६०४११ इन्द्रियाणां प्रसङ्गेन धर्मस्यासेवनेन च ।
६०४१२ पापान् संयान्ति संसारानविद्वांसो नराधमाः ॥
६०४२१ इन्द्रियाणां प्रसृष्टानां हयानामिव वर्त्मसु ।
६०४२२ धृतिं कुर्वीत सारथ्ये धृत्या तानि जयेद्ध्रुवम् ॥
६०४३१ इन्द्रियाणां विचरतां विषयेष्वपहारिषु ।
६०४३२ संयमे यत्नमातिष्ठेद्विद्वान् यन्तेव वाजिनाम् ॥
६०४४१ इन्द्रियाणां हि चरतां यन्मनोऽनुविधीयते ।
६०४४२ तदस्य हरति प्रज्ञां वायुर्नावमिवाम्भसि ॥
६०४५१ इन्द्रियाणामधिष्ठात्री भूतानां चाखिलेषु या ।
६०४५२ भूतेषु सततं तस्यै व्याप्त्यै देव्यै नमो नमः ॥
६०४६१ इन्द्रियाणामनुत्सर्गो मृत्युना न विशिष्यते ।
६०४६२ अत्यर्थं पुनरुत्सर्गः सादयेद्दैवतान्यपि ॥
६०४७१ इन्द्रियाणि च संयम्य रागद्वेषविवर्जितः ।
६०४७२ समदुःखसुखः शान्तः तत्त्वज्ञः साधुरुच्यते ॥
६०४८१ इन्द्रियाणि पराण्याहुरिन्द्रियेभ्यः परं मनः ।
६०४८२ मनसस्तु परा बुद्धिर्यो बुद्धेः परतस्तु सः ॥
६०४९१ इन्द्रियाणि पशून् कृत्वा वेदीं कृत्वा तपोमयीम् ।
६०४९२ अहिंसामाहुतिं कृत्वा आत्मयज्ञं यजाम्यहम् ॥
६०५०१ इन्द्रियाणि पुरा जित्वा जितं त्रिभुवनं त्वया ।
६०५०२ स्मरद्भरिव तैद्वैरमिन्द्रियैरेव निर्जितः ॥
६०५११ ... ... ... ... ... ... ।
६०५१२ इन्द्रियाणि प्रमाथीनि हरन्त्यपि यतेर्मनः ॥
६०५२१ इन्द्रियाणि मनः प्राणो ज्ञानमायुः सुखं धृतिः ।
६०५२२ धारणा प्रेरणं दुःखमिच्छाहङ्कार एव च ॥
६०५३१ प्रयत्न आकृतिर्वर्णः स्वरद्वेषौ भवाभवौ ।
६०५३२ तस्यैतदात्मजं सर्वमनादेरादिमिच्छतः ॥
६०५४१ इन्द्रियाणि मनो बुद्धिरस्याधिष्ठानमुच्यते ।
६०५४२ एतैर्विमोहयत्येष ज्ञानमावृत्य देहिनम् ॥
६०५५१ इन्द्रियाणि महत्प्रेप्सुर्नियच्छेदर्थधर्मयोः ।
६०५५२ इन्द्रियैर्नियतैर्बुद्धिर्वर्धतेऽग्निरिवेन्धनैः ॥
६०५६१ इन्द्रियाणीन्द्रियार्थेभ्यः प्राणादीन्मन एव च ।
६०५६२ निगृह्य समवायेन प्रत्याहारमुपक्रमेत् ॥
६०५७१ इन्द्रियाण्यनुपक्लेश्य लभ्यं श्रेयो गृहाश्रमे ।
६०५७२ अतस्तुर्याश्रमं प्राहुरबाधन्यायबाधितम् ॥
६०५८१ इन्द्रियाण्यन्तरङ्गाणि पातयन्ति यथा जनान् ।
६०५८२ अभ्यन्तरास्तथा राष्ट्रे भृत्याः स्वार्थपरायणाः ॥
६०५९१ इन्द्रियाण्येव तत्सर्वं यत्स्वर्गनरकावुभौ ।
६०५९२ निगृहीतविसृष्टानि स्वर्गाय नरकाय च ॥
६०६०१ इन्द्रियार्थेषु सर्वेषु न प्रसज्येत कामतः ।
६०६०२ अतिप्रसक्तिं चैतेषां मनसा संनिवर्तयेत् ॥
६०६११ इन्द्रियैरिन्द्रचन्द्राद्या ह्रेपिता यैः सुरा अपि ।
६०६१२ अपरिम्लानमानत्वं तैर्मर्त्यस्याथवा कथम् ॥
६०६२१ इन्द्रियैरिन्द्रियार्थेषु वर्तमानैरनिग्रहैः ।
६०६२२ तैरयं ताप्यते लोको नक्षत्राणि ग्रहैरिव ॥
६०६३१ इन्द्रो निन्दति वाहमाह दिनकृत्त्वर्व्वाचमेवार्वतश् चञ्चूर्न्यञ्चति किं न पन्नगरिपोरन्तस्त्रपोद्रेकतः ।
६०६३२ वातः खञ्जति पङ्गुपुञ्जति मनोराजिर्ब्भवद्वाजिषु  द्बेषादाजिषु वैरिणामभिमुखं धावत्सु यावत्सुखम् ॥
६०६४१ इन्द्रो यच्छतमन्युरस्ति दहनो यत्पावकोऽप्यन्तकः  कीनाशो धनदो विमाननिरतः पाशी जलानां पतिः ।
६०६४२ ईशः कामहरश्चलो यदनिलो यन्नैरृतो राक्षसस् तन्नान्योऽवनिलोकपाल भवतः कश्चित्समः स्याद्गुणैः ॥
६०६५१ इन्द्रो यमोऽसि वरुणोऽसि हुताशनोऽसि  ब्रह्मा हरो हरिरसीत्यसकृद्यदुक्तिः ।
६०६५२ भूपालमौलिमणिरञ्जितपादपीठ  तस्यानृतस्य फलमिन्धनमुद्वहामि ॥
६०६६१ इभकुम्भतुङ्गकठिनेतरेतर  स्तनभारदूरविनिवारितोदराः ।
६०६६२ परिफुल्लगण्डफलकाः परस्परं  परिरेभिरे कुकुरकौरवस्त्रियः ॥
६०६७१ इभ्या यदि नृपद्वारे संमन्यन्ते किमद्भुतम् ।
६०६७२ इदानीं विबुधद्वारे तेषामेव पुरस्क्रिया ॥
६०६८१ इमं कनकवर्णाभं भूषणैः समलंकृतम् ।
६०६८२ गृध्रवाक्यात्कथं पुत्रं त्यजध्वं पितृपिण्डदम् ॥
६०६९१ इमं तिलसुमायितं युवतिनासिकासंपुटं  विभाव्य सुमनोजनो मनसि मोदमापद्यते ।
६०६९२ सखे भुजगमुत्फणं सविषफूत्कृताहंकृतं  विभावय न तत्स्पृहां कुरु जहीहि तद्दृश्यताम् ॥
६०७०१ इमं परित्यज्य परं रणादरिः  स्वमेव भग्नः शरणं बुधाविशत् ।
६०७०२ न वेत्ति यत्त्रातुमितः कृतस्मयो  न दुर्गया शैलभुवापि शक्यते ॥
६०७११ इमं लोकं मातृभक्त्या पितृभक्त्या तु मध्यमम् ।
६०७१२ गुरुशुश्रूषया त्वेव ब्रह्मलोकं समश्नुते ॥
६०७२१ इमां च विन्द्यादनुरक्तचेष्टां  प्रियाणि वक्ति स्वधनं ददाति ।
६०७२२ विलोक्य संहृष्यति वीतरोषा  प्रमार्ष्टि दोषान् गुणकीर्तनेन ॥
६०७३१ इमां परीप्सुर्दुर्जाते पराभिभवकातराम् ।
६०७३२ भर्तृप्रियः प्रियैर्भर्तुरानृण्यमसुभिर्गतः ॥
६०७४१ इमां विधातुं भुजवल्लिमुज्ज्वलां  गृहीतसारं विधिना नतभ्रुवः ।
६०७४२ कठोरभावप्रियमेव केवलं  मृणालमन्तस्तरलं कुतोऽन्यथा ॥
६०७५१ इमां सागरपर्यन्तां हिमवद्विन्ध्यकुण्डलाम् ।
६०७५२ महीमेकातपत्राङ्कां राजसिंहः प्रशास्तु नः ॥
६०७६१ इमानि प्रायशस्तानि वेश्यास्वेवं प्रदापयेत् ।
६०७६२ सा मुञ्चत्यचिरात्सर्वमुपभोगं तदात्मनः ॥
६०७७१ इमा यदि भवन्ति नो गलितयौवना नीरुचस् तदा कमललोचनास्तरुणमानिनीर्मा मुचत् ।
६०७७२ विलासमदविभ्रमान् भ्रमति लुण्ठयत्री जरा  यतो भुवि वधुस्ततो भवति निःस्पृहस्तन्मुखे ॥
६०७८१ इमा रूपस्थानस्वजनतनयद्रव्यवनिता  सुतालक्ष्मीकीर्तिद्युतिरतिमतिप्रीतिधृतयः ।
६०७८२ मदान्धस्त्रीनेत्रप्रकृतिचपलाः सर्वभविनाम्  अहो कष्टं मर्त्यस्तदपि विषयान् सेवितुमनाः ॥
६०७९१ इमास्ताः कस्तूरीप्रखरखुरटङ्कक्षततटास् तटिन्योऽरण्यानीमनु कमलिनीच्छन्नसलिलाः ।
६०७९२ जले यासां हंसा बिसकिसलयग्रासरसिकाः  सलीलं लीयन्ते युवतिगतिविद्यैकगुरवः ॥
६०८०१ इमास्ता विन्ध्याद्रेः शुकहरितवंशीवनघना  भुवः क्रीडालोलद्विरददशनाभुग्नतरवः ।
६०८०२ लताकुञ्जे यासामुपनदि रतक्लान्तशबरी  कपोलस्वेदाम्भःकणचयनुदो वान्ति मरुतः ॥
६०८११ इमा हिन्दोलासु भ्रमितमहसः कुङ्कुमरुचा  त्रपारूपाकारास्तरलतरहाराश्चलदृशः ।
६०८१२ उदञ्चत्काञ्चीनां बहलतरघोषैर्मनसिज  त्रिलोकीसम्राजो दधति जयघण्टालिनिनदम् ॥
६०८२१ इमे तारुण्यश्रीनवपरिमलाः प्रौढसुरत  प्रतापप्रारम्भाः स्मरविजयदानप्रतिभुवः ।
६०८२२ चिरं चेतश्चौरा अभिनवविकारैकगुरवो  विलासव्यापाराः किमपि विजयन्ते मृगदृशाम् ॥
६०८३१ इमे पद्मे नाम्भः पुलिनतटमेतन्न तटिनी  खमेतन्न व्याप्तिः स्तबकयुगमेतन्न लतिका ।
६०८३२ प्रवालोऽयं नाब्धिः शिशिरकिरणोऽयं न रजनी  घनोऽयं न प्रावृट्शिव शिव विधेः शिल्परचना ॥
६०८४१ इमे मम धनाङ्गजस्वजनवल्लभादेहजा  सुहृज्जनकमातुलप्रभृतयो भृशं वल्लभाः ।
६०८४२ मुधेति हतचेतनो भववने चिरं खिद्यते  यतो भवति कस्य को जगति वालुकामुष्टिवत् ॥
६०८५१ इमे हि दैन्येन निमीलितेक्षणा  मुहुः स्खलन्तो विवशास्तुरङ्गमाः ।
६०८५२ गजाश्च सप्तच्छददानगन्धिनो  निवेदयन्तीव रणे निवर्तनम् ॥
६०८६१ इमौ रम्भास्तम्भौ द्विरदपतिकुम्भद्वयमिदं  तदेतल्लीलाब्जं शरदमृतरश्मिः स्फुटमयम् ।
६०८६२ किमङ्गे तन्वङ्ग्याः कलयति जगत्कान्तमधिकं  यदेतस्यां शश्वत्परवशमिवोन्मत्तमिव च ॥
६०८७१ इयं कलाविलासिनी कलावती समीपगा  धृतारविन्दलोचना मनोजशोकमोचना ।
६०८७२ नवीननीरदच्छटासमानकेशभूषिता  न कस्यचिज्जनस्य चित्तवृत्तितापखण्डिता ॥
६०८८१ इयं कियच्चारुकुचेति पश्यते  पयःप्रदाया हृदयं समावृतम् ।
६०८८२ ध्रुवं मनोज्ञा व्यतरद्यदुत्तरं  मिषेण भृङ्गारधृतेः करद्वयी ॥
६०८९१ इयं गेहे लक्ष्मीरियममृतवर्तिर्नयनयोर् असावस्याः स्पर्शो वपुषि बहुलश्चन्दनरसः ।
६०८९२ अयं बाहुः कण्ठे शिशिरमसृणो मौक्तिकसरः  किमस्या न प्रेयो यदि परमसह्यस्तु विरहः ॥
६०९०१ इयं गौरुद्दामा तव निबिडबन्धापि हि कथं  न वैदर्भादन्यत्स्पृशति सुलभत्वेऽपि हि कथम् ।
६०९०२ अवन्ध्या च ख्याता भुवि कथमगम्या कविवृषैः  कथं वा पीयूषं स्रवति बहु दुग्धापि बहुभिः ॥
६०९११ इयं गौरेका नः क्वचिदपि न संयोजनविधाव् अमुष्याः पश्यामो रसभरमुचं कांचिदपराम् ।
६०९१२ गले बद्धा दध्मो यदि न धृतिरुद्दामविधृतौ  भयं गोचोरेभ्यस्तदिह क उपायः प्रभवतु ॥
६०९२१ इयं घटी मत्तगजेन्द्रगामिनी  विचित्रसिंहासनसंस्थिता सदा ।
६०९२२ अनेकरामाजनलालिता परं  विधेर्वशात्सैव सती प्रजार्थिनी ॥
६०९३१ इयं चिद्रूपापि प्रकटजडरूपा भगवती  यदीयाम्भोबिन्दुर्वितरति हि शंभोरपि पदम् ।
६०९३२ पुनाना धुन्वाना निखिलमपि नानाविधमघं  जगत्कृत्स्नं पायादनुदिनमपायात्सुरधुनी ॥
६०९४१ इयं तावल्लीला यदधिरुरुहे वृद्धवृषभो  यदुन्नेहे रुण्डं यदिह चितिभस्मापि लिलिपे ।
६०९४२ अयं को व्यापारो यदतिलकि भाले हुतवहो  यदग्रैवि व्यालो यदकवलि हालाहलमपि ॥
६०९५१ इयं ते जननी प्राप्ता त्वदालोकनतत्परा ।
६०९५२ स्नेहप्रस्नवनिर्भिन्नमुद्वहन्ती स्तनद्वयम् ॥
६०९६१ इयं त्रियामा शतयामधारिणी  सुधाकरादग्निरुदेति सर्वतः ।
६०९६२ तनोति तापं मृदुचन्दनानिलो  विधौ विरुद्धे हि विपत्पदे पदे ॥
६०९७१ इयं त्वभिन्नमर्यादैः स्वनुशिष्टैः कृतात्मभिः ।
६०९७२ सर्वंसहैरुपायज्ञैरमूढैरेव धार्यते ॥
६०९८१ इयं धत्ते धीरे मलयजसमीरे न च मुदं  न पद्मानां वृन्दे ललितमकरन्देऽपि रमते ।
६०९८२ न वा सा सानन्दा भवति नवकुन्दावलिकुले  तदेतस्या बाधाहरमपि समाधानमिह किम् ॥
६०९९१ इयं पल्ली भिल्लैरनुचितसमारम्भरसिकैः  समन्तादाकीर्णा विषविषमबाणप्रणयिभिः ।
६०९९२ तरोरस्य स्कन्धे गमय समयं कीर निभृतं  न वाणी कल्याणी तदिह मुखमुद्रैव शरणम् ॥
६१००१ इयं प्रीतिर्वल्लीहृदयभुवि दैवात्समुदिता  तथा यत्नाद्रक्ष्या प्रकृतिमृदुलापायबहुला ।
६१००२ यथा नैनां स्फीतां पिशुनजनदुर्वाक्यदहनो  दहत्यन्तः शोषं व्रजति न पुनः सौहृदनिधेः ॥
६१०११ इयं बाला नवोद्वाहा सत्यं श्रुत्वा व्यथां व्रजेत् ।
६१०१२ कामं धीरस्वभावेयं स्त्रीस्वभावस्तु कातरः ॥
६१०२१ इयं बाला मां प्रत्यनवरतमिन्दीवरदल  प्रभाचौरं चक्षुः क्षिपति किमभिप्रेतमनया ।
६१०२२ गतो मोहोऽस्माकं स्मरसमरबाणव्यतिकर  ज्वरज्वाला शान्ता तदपि न वराकी विरमति ॥
६१०३१ इयं बाला वल्ली मृदुकिसलयं तापविलयं  घनच्छायं शालं नवमतिविशालं परिगता ।
६१०३२ परंत्वस्याभ्यन्तर्गरललवभस्मीकृतवनं  भुजंगं प्रोत्तुङ्गं कथमिव वराकी कलयतु ॥
६१०४१ इयं भुजगिनीश्रिता लसदनेकपुष्पान्विता  द्विरेफततिसेविता प्रमदखञ्जनालंकृता ।
६१०४२ फलद्वयभरानता विलसिता नवैः पल्लवैर् विलोचनपथं गता भवति कापि हैमी लता ॥
६१०५१ इयं मयि प्रोषित एव संगता  हिमत्विषाभूत्कृतमण्डना सती ।
६१०५२ इतीर्ष्ययेव द्रुतमच्छिनद्रुषा  विचित्रताराभरणानि भास्करः ॥
६१०६१ इयं महेन्द्रप्रभृतीनधिश्रियश् चतुर्दिगीशानवमत्य मानिनी ।
६१०६२ अरूपहार्यं मदनस्य निग्रहात् पिनाकपाणिं पतिमाप्तुमिच्छति ॥
६१०७१ इयं मुखाम्भोरुहसंनिधाने  विलम्बिधम्मिल्लततिच्छलेन ।
६१०७२ समागतां सादरमेव बाला  द्विरेफमालामुत वा दधाति ॥
६१०८१ इयं यशांसि द्विषतः सुधारुचः  किमङ्कमेतद्द्विषतः किमाननम् ।
६१०८२ यशोभिरस्याखिललोकधाविभिर् विभीषिता धावति तामसी मसी ॥
६१०९१ इयं रङ्गप्रवेशेन कलानां चोपशिक्षया ।
६१०९२ वञ्चनापण्डितत्वेन स्वरनैपुण्यमाश्रिता ॥
६११०१ इयं विलासद्रुमदोहदश्रीर् इयं सुधा यौवनदुग्धसिन्धोः ।
६११०२ लावण्यमाणिक्यरुचिच्छटेयम्  इयं मनःकार्मणचूर्णमुष्टिः ॥
६११११ इयं व्याधायते बाला भ्रूरस्याः कार्मुकायते ।
६१११२ कटाक्षाश्च शरायन्ते मनो मे हरिणायते ॥
६११२१ इयं सम्ध्या दूरादहमुपगतो हन्त मलयात् तदेकां त्वद्गेहे करुणवति नेष्यामि रजनीम् ।
६११२२ समीरेणैवोक्ता नवकुसुमिता चूतलतिका  धुनाना मुर्द्धानं नहि नहि नहीत्येव कुरुते ॥
६११३१ इयं सा कालिन्दी कुवलयदलस्निग्धमधुरा  मदान्धव्याकूजत्तरुणजलरंकुप्रणयिनी ।
६११३२ पुरा यस्यास्तीरे सरभससतृष्णं मुरभिदो  गताः प्रायो गोपीनिधुवनविनोदेन दिवसाः ॥
६११४१ इयं सा लोलाक्षी त्रिभुवनललामैकवसतिः  स चायं दुष्टात्मा स्वसुरपकृतं येन मम तत् ।
६११४२ इतस्तीव्रः कामो गुरुरयमितः क्रोधदहनः  कृतो वेषश्चायं कथमिदमिति भ्राम्यति मनः ॥
६११५१ इयं सुनयना दासीकृततामरसश्रिया ।
६११५२ आननेनाकलङ्केन जयन्तीन्दुं कलङ्कितम् ॥
६११६१ इयं सुरतरङ्गिणी न पुनरत्र नौसंगमो  भवेत्तरणिमज्जनं पथिक नैव पान्थागमः ।
६११६२ निधाय हृदये सदा विपुलचारुकुम्भद्वयं  सखे घनघनागमे घनरसस्य पारं व्रज ॥
६११७१ इयं सुस्तनी मस्तकन्यस्तकुम्भा  कुसुम्भारुणं चारु वासो वसाना ।
६११७२ समस्तस्य लोकस्य चेतःप्रवृत्तिं  गृहीत्वा घटे न्यस्य यातीव भाति ॥
६११८१ इयं सृष्टा चञ्चत्कनकलतिका पङ्कजभुवा  निषिक्ता लावण्यामृतरसभरेणानुदिवसम् ।
६११८२ अकस्माद्रोमालीमधुपपटलीह स्फुरति यत् ततः शङ्के पुष्पोद्गमसमयमायातमधुना ॥
६११९१ इयं स्वर्गाधिनाथस्य लक्ष्मीः किं यक्षकन्यका ।
६११९२ अथवा विपिनस्यैव देवता किमु पार्वति ॥
६१२०१ इयं हि निद्रा नयनावलम्बिनी  ललाटदेशादुपसर्पतीव माम् ।
६१२०२ अदृश्यरूपा चपला जरेव या  मनुष्यसत्त्वं परिभूय वर्धते ॥
६१२११ इयं हि योनिः प्रथमा यां प्राप्य जगतीपते ।
६१२१२ आत्मा वै शक्यते त्रातुं कर्मभिः शुभलक्षणैः ॥
६१२२१ इयं हि लोकव्यतिरेकवर्तिनी  स्वभावतः पार्थिवता समुद्धता ।
६१२२२ बलात्तदेनां विनयेन योजयेन्  नयस्य सिद्धौ विनयः पुरःसरः ॥
६१२३१ इयता वयसा न साधितं यत् परतः किं नु करिष्यतीति वेधाः ।
६१२३२ तिलतण्डुलितास्य रोमरेखा  च्छलतः कज्जलचूर्णमालिलिम्प ॥
६१२३१ इयतीं सुभगावस्थां  गतोऽसि यस्याः कृते स्मरातङ्कात् ।
६१२३२ मूर्च्छां हरामि सा तव  गतपुण्या नयनसलिलेन ॥
६१२४१ इयती जगती कियती भविता  नमिताननतामिति याति हयः ।
६१२४२ वियदङ्गणरिङ्गणरङ्गविधौ  परिनर्तितुमुत्क्रमतीव नभः ॥
६१२५१ इयत्पृथ्वीमात्रं तदनु च नभोमण्डलमिय  दियान् पातालान्तो जलमपि पृथिव्यामियदिति ।
६१२५२ इति ज्ञात्वा कूपे विदितविषयो नायमपरः  परं मुग्धो भेकः प्रबलतररावं प्रकुरुते ॥
६१२६१ इयत्यप्येतस्मिन्निरवधिमहत्यध्वनि गुणास् त एवामी द्वित्रा जरठजरठा यान्ति गणनाम् ।
६१२६२ अहो ग्राम्यो लोकः स न परममीभिः कृतधृतिः  स्मयस्तब्धो यावत्कलयति समग्रं तृणमिदम् ॥
६१२७१ इयत्यां संपत्तावपि च सलिलानां त्वमधुना  न तृष्णामार्तानां हरसि यदि कासार सहसा ।
६१२७२ निदाघे चण्डांशौ किरति परितोऽङ्गारनिकरान्  कृशीभूतः केषामहह परिहर्तासि खलु ताम् ॥
६१२८१ इयत्यामपि सामग्र्यां सुकृतं न कृतं त्वया ।
६१२८२ इतीव कुपितो दन्तानन्तकः पातयत्यलम् ॥
६१२९१ इयत्येतस्मिन् वा निरवधिचमत्कृत्यतिशयो  वराहो वा राहुः प्रभवति चमत्कारविषयः ।
६१२९२ महीमेको मग्नां यदयमवहद्दन्तशललैः  शिरःशेषः शत्रुं निगिलति परं संत्यजति च ॥
६१३०१ इयमत्र कयापि दिशा  नीतिदृशां दर्शिता पदवी ।
६१३०२ चाणक्याद्यभिधानाज् ज्ञेयनिधानादथान्यदुन्नेयम् ॥
३१३११ इयमत्र सतामलौकिकी  महती कापि कठोरचित्तता ।
३१३१२ उपकृत्य भवन्ति दूरतः  परतः प्रत्युपकारभीरवः ॥
६१३२१ इयमप्रतिबोधशायिनीं  रशना त्वां प्रथमा रहःसखी ।
६१३२२ गतिविभ्रमसादनीरवा  न शुचा नानुमृतेव लक्ष्यते ॥
६१३३१ इयमवयवैः पाण्डुक्षामैरलंकृतमण्डना  कलितकुसुमा बालेवान्तर्लता परिशोषिणी ।
६१३३२ वहति च वरारोहा रम्यां विवाहमहोत्सव  श्रियमुदयिनीमुद्गाढां च व्यनक्ति मनोरुजम् ॥
६१३४१ इयमसौ तरलायतलोचना  गुरुसमुन्नतपीनपयोधरा ।
६१३४२ पृथुनितम्बभरालसगामिनी  प्रियतमा मम जीवितहारिणी ॥
६१३५१ इयमानन्दलतिका न ग्रीवा हरिणीदृशः ।
६१३५२ यतोऽस्यां विलुठन्त्येते मुक्ताः शुद्धगुणान्तराः ॥
६१३६१ इयमियं मयदानवनन्दिनी  त्रिदशनाथजितः प्रसवस्थली ।
६१३६२ किमपरं दशकंधरगेहिनी  त्वयि करोति करद्वययोजनम् ॥
६१३७१ इयमिष्टगुणाय रोचतां  रुचिरार्था भवतेऽपि भारती ।
६१३७२ ननु वक्तृविशेषनिःस्पृहा  गुणगृह्या वचने विपश्चितः ॥
६१३८१ इयमुदरदरी दुरन्तपूरा  यदि न भवेदभिमानभङ्गभूमिः ।
६१३८२ क्षणमपि न सहे भवादृशानां  कुटिलकटाक्षनिरीक्षणं नृपाणाम् ॥
६१३९१ इयमुद्गतिं हरन्ती  नेत्रनिकोचं च विदधती पुरतः ।
६१३९२ न विजानीमः किं तव  वदति सपत्नीव दिननिद्रा ॥
६१४०१ इयेष सा कर्तुमवन्ध्यरूपतां  समाधिमास्थाय तपोभिरात्मनः ।
६१४०२ अवाप्यते वा कथमन्यथा द्वयं  तथाविधं प्रेम पतिश्च तादृशः ॥
६१४११ इलातलभराक्रान्तग्रीवं मा शेष वक्रय ।
६१४१२ त्वयि दुःखिनि चैकस्मिञ्जीवलोकः सदा सुखी ॥
६१४२१ इलिका भ्रमरीध्यानं ध्यायन्ती भ्रमरी भवेत् ।
६१४२२ वीतरागपदं ध्यायन् वीतरागो भवेद्ध्रुवम् ॥
६१४३१ इषुत्रयेणैव जगत्त्रयस्य  विनिर्जयात्पुष्पमयाशुगेन ।
६१४३२ शेषा द्विबाणी सफलीकृतेयं  प्रियादृगम्भोजपदेऽभिषिच्य ॥
६१४४१ इष्टं ददाति गृह्णाति कार्यमाख्याति पृच्छति ।
६१४४२ भुङ्क्ते भोजयते चैव षड्विधं मित्रलक्षणम् ॥
६१४५१ इष्टकचिते समन्तात् पुरुषनिखातेऽवटे तरुर्जातः ।
६१४५२ वामन एव हि धत्ते  फलकुसुमं सर्वकालमिति ॥
६१४६१ इष्टां भार्यां प्रियं मित्रं पुत्रं चापि कनीयसम् ।
६१४६२ रिक्तपाणिर्न पश्येत तथा नैमित्तिकं प्रभुम् ॥
६१४७१ इष्टानि चाप्यपत्यानि द्रव्याणि सुहृदः प्रियाः ।
६१४७२ आपद्धर्मविमोक्षाय भार्या चापि सतां मतम् ॥
६१४८१ इष्टान् भोगान् हि वो देवा दास्यन्ते यज्ञभाविताः ।
६१४८२ तैर्दत्तानप्रदायैभ्यो यो भुङ्क्ते स्तेन एव सः ॥
६१४९१ इष्टापूर्तानि कलयेत्जगत्ख्यातो वसेद्दिवि ।
६१४९२ अकूपारोक्तवृत्तोऽगादिन्द्रद्युम्नो दिवं पुनः ॥
६१५०१ इष्टा बालकचेष्टा  यौवनदर्पोऽथ वृद्धवैराग्यम् ।
६१५०२ सापि गता सोऽपि गतस् तदपि गतं स्वप्नमायेयम् ॥
६१५११ इष्टा मखा द्विजवराश्च मयि प्रसन्नाः  प्रज्ञापिता भयरसं समदा नरेन्द्राः ।
६१५१२ एवंविधस्य च न मेऽस्ति मनःप्रहर्षः  कन्यापितुर्हि सततं बहु चिन्तनीयम् ॥
६१५२१ इष्टेषु विसृजत्यर्थान् कुबेर इव कामदः ।
६१५२२ नमस्येयुश्च तं भक्त्या शिष्या इव गुरुं सदा ॥
६१५३१ इष्टो वा बहुसुकृतोपलालितो वा  श्लिष्टो वा व्यसनशताभिरक्षितो वा ।
६१५३२ दौःशील्याज्जनयति नैव जात्वसाधुर् विस्रम्भं भुजग इवाङ्कमध्यसुप्तः ॥
६१५४१ इष्ट्वा संग्रामयज्ञेन नानाप्रहरणाम्भसा ।
६१५४२ अस्मिन्नवभृथे स्नातः कथं पत्न्या मया विना ॥
६१५५१ इह कपटकुतुकतरलित  दृशि विश्वासं कुरङ्ग किं कुरुषे ।
६१५५२ तव रभसतरलितेयं  व्याधवधूर्वालधौ वलते ॥
६१५६१ इह किं कुरङ्गशावक  केदारे कलममञ्जरीं त्यजसि ।
६१५६२ तृणबाणस्तृणधन्वा  तृणघटितः कपटपुरुषोऽयम् ॥
६१५७१ इह किं प्रतिस्फुरति मे तवाग्रतो  नयशास्त्रनीरनिधिपारदृश्वनः ।
६१५७२ अवलीढविश्वतमसः पुरो रवेर् नहि जातु दीपकशिखा प्रकाशते ॥
६१५८१ इह खलु विषमः पुरा कृतानां  विलसति जन्तुषु कर्मणां विपाकः ।
६१५८२ हरशिरसि शिरांसि यानि रेजुः  शिव शिव तानि लुठन्ति गृध्रपादैः ॥
६१५९१ इह गमिष्यति वैद्यमतिः श्रमं  प्रथममेव पुरस्तु महासुखम् ।
६१५९२ प्रियतमस्य मृगाक्षि समागमे  नवकरग्रहणा गृहिणी यथा ॥
६१६०१ इह गुरुजलभारपूर्णगर्भाः  प्रदरदरीभ्रमभूरिभीमवेगाः ।
६१६०२ तटकटकनियुध्यमानवेणी  द्विगुणमहारवभैरवास्तटिन्यः ॥
६१६११ इह चत्वारि दानानि प्रोक्तानि परमर्षिभिः ।
६१६१२ विचार्य नानाशास्त्राणि शर्मणेऽत्र परत्र च ॥
६१६२१ भीतेभ्यश्चाभयं देयं व्याधितेभ्यस्तथौषधम् ।
६१६२२ देया विद्यार्थिनां विद्या देयमन्नं क्षुधातुरे ॥
६१६३१ इह चैव स्त्रियो धन्याः शीलस्य परिरक्षणात् ।
६१६३२ शीलभङ्गे च नारीणां यमलोकः सुदारुणः ॥
६१६४१ शीलं रक्ष्यं सदा स्त्रीभिर्दुष्टसंगविवर्जनात् ।
६१६४२ शीलेन हि परः स्वर्गः स्त्रीणां वैश्य न संशयः ॥
६१६५१ इह जगति जनस्य कस्य चित्ते  न वसति सौख्यविधानमुख्यवार्ता ।
६१६५२ खलु भवति तदेव तस्य सर्वं  भुवनपतिस्तु यदीश्वरः करोति ॥
६१६६१ इह जगति रतीशप्रक्रियाकौशलिन्यः  कति कति न निशीथे सुभ्रुवः संचरन्ति ।
६१६६२ मम तु विधिहताया जायमानस्मितायाः  सहचरि परिपन्थी हन्त दन्तांशुरेव ॥
६१६७१ इह तव देव निपतता  करकमलकुशोदकेन जायन्ते ।
६१६७२ तत्तद्दूरदरिद्र  द्वारि द्विपदानवारिभिः सरितः ॥
६१६८१ इह तुरगशतैः प्रयान्तु मूर्खा  धनरहिता विबुधाः प्रयान्तु पद्भ्याम् ।
६१६८२ गिरिशिखरगतापि काकपङ्क्तिः  पुलिनगतैर्न समत्वमेति हंसैः ॥
६१६९१ इह दुःखं नृपादिभ्यः परत्र नरकादितः ।
६१६९२ प्राप्नोति स्तेयतस्तेन स्तेयं त्याज्यं सदा बुधैः ॥
६१७०१ इह दुःखं लयः प्रोक्तो दुःखं हर्तुं लयः क्षमः ।
६१७०२ दुःखे शुभे लयो दुःखं दुःखं किं तस्य कथ्यते ॥
६१७२१ इह धर्मार्थकामानामवाप्तिफलमिष्यते ।
६१७२२ तत्रार्थः सह कामेन निरीक्ष्यो धर्मचक्षुषा ॥
६१७२३ परित्यज्य हि यो धर्ममर्थमर्थाय पश्यति ।
६१७२४ कामं वा कामलाभाय न स बुद्धेषु बुद्धिमान् ॥
६१७३१ इह नगरे प्रतिरथ्यं  भुजंगसंबाधरुचिरसंचारे ।
६१७३२ सुन्दरि मम मतमेतन्  नकुलप्रतिपालनं श्रेयः ॥
६१७४१ इह निचुलनिकुञ्जे मध्यमध्येऽस्य रन्तुर् विजनमजनि शय्या कस्य बालप्रवालैः ।
६१७४२ इति कथयति वृन्दे योषितां पान्तु युष्मान्  स्मितशबलितराधामाधवालोकितानि ॥
६१७५१ इह निचुलनिकुञ्जे वंशसंभारभाजि  स्वपिमि यदि मुहूर्तं पश्यसि क्षेत्रमेतत् ।
६१७५२ इति पथिकमकस्मान्मार्ग एवोपविष्टं  वदति तरुणकान्तं गोपिका साङ्गभङ्गम् ॥
६१७६१ इह निभृतनिपातमूकपादं  वलयितकार्मुकवल्लयः किराताः ।
६१७६२ भवदलसविलोकनानभिज्ञा  मृगगृहिणि प्रहरन्ति गच्छ दूरम् ॥
६१७७१ इह निवसति मेरुः शेखरो भूधराणाम्  इह हि निहितभाराः सागराः सप्त चैव ।
६१७७२ इदमतुलमनन्तं भूतलं भूरिभूतोद् भवधरणसमर्थं स्थानमस्मद्विधानाम् ॥
६१७८१ इह निशि निबिडनिरन्तर  कुचकुम्भद्वितयदत्तहृदयभरा ।
६१७८२ रमणगुणकृष्यमाणा  संतरति तमस्तरङ्गिणीं कापि ॥
६१७९१ इह परिचिता जात्यन्धानामियं न तवोन्नतिर् गुणपरिचये चक्षुष्मन्तो त्वयातिविडम्बिताः ।
६१७९२ कृपणवणिजामल्पीकर्तुं गुणांस्तव केवलं  मरकत मृषा दोषोद्गारः करिष्यति दुर्यशः ॥
६१८०१ इह परिमलो यत्र व्यक्तो न तत्र मधुश्रियो  मधु समधिकं यस्मिंस्तस्मिन्न गन्धसमृद्धयः ।
६१८०२ इति मरुवकं निन्दन् कुन्दादपेतकुतूहलः  कमलमधिकं स्मारं स्मारं विषीदति षट्पदः ॥
६१८११ इह पुरोऽनिलकम्पितविग्रहा  मिलति का न वनस्पतिना लता ।
६१८१२ स्मरसि किं सखि कान्तरतोत्सवं  न हि घनागमरीतिरुदाहृता ॥
६१८२१ इह बहलितमिन्दोर्दीधितीनां प्रभाभिर् मदविकलचकोरीचञ्चुमुद्राङ्किताभिः ।
६१८२२ रतिभरपरिखेदस्रस्तरार्थं वधूनां  करकिसलयलीलाभञ्जनव्यञ्जिकाभिः ॥
६१८३१ इह भुवि कलयति लघुरपि  महतां सङ्गेन कमपि महिमानम् ।
६१८३२ लङ्घयति चन्द्रलीनो  नभस्तलं हेलया हरिणः ॥
६१८४१ इह भोगं यशः प्रीतिं सभासु बहुमान्यताम् ।
६१८४२ दद्यात्परत्र सुगतिं विद्याधनमनुत्तमम् ॥
६१८५१ इह मधुपवधूनां पीतमल्लीमधूनां  विलसति कमनीयः काकलीसंप्रदायः ।
६१८५२ इह नटति सलीलं मञ्जरी वञ्जुलस्य  प्रतिपदमुपदिष्टा दक्षिणेनानिलेन ॥
६१८६१ इह महिषविषाणव्यस्तपाषाणपीठ  स्खलनसुलभरोहिद्गर्भिणीभ्रूणहत्याः ।
६१८६२ कुहरविहरमाणप्रौढभल्लूकहिक्का  चयचकितकिरातस्रस्तशस्त्रा वनान्ताः ॥
६१८७१ इह मुहुर्मुदितैः कलभै रवः  प्रतिदिशं क्रियते कलभैरवः ।
६१८७२ स्फुरति चानुवनं चमरीचयः  कनकरत्नभुवां च मरीचयः ॥
६१८८१ इह यत्क्रियते कर्म तत्परत्रोपभुजुयते ।
६१८८२ सिक्तमूलस्य वृक्षस्य फलं शाखासु दृश्यते ॥
६१८९१ इह यत्क्रियते कर्म फलं तत्रैव भुज्यते ।
६१८९२ कर्मभूमिरियं राजन् फलभूमिश्च सा स्मृता ॥
६१९०१ इह यादववंशकृष्णवर्त्मा  नुगतिः साङ्गतया मयान्वभावि ।
६१९०२ अधुना तदवाप्तिचेतसे मे  मधुराकामधुरापि रोचते किम् ॥
६१९११ इह रूपमात्रसारे  चित्रकृते कमलकह्लारे ।
६१९१२ न रसो नापि च गन्धो  मधुकर बन्धो मुधा भ्रमसि ॥
६१९२१ इह रे बहला लासे बाला राहुमलीमसा ।
६१९२२ सालका रसलीला सा तुङ्गालालि कलारत ॥
६१९३१ इहलोके च पितृभिर्या स्त्री यस्य महामते ।
६१९३२ अद्भिर्दत्ता स्वर्धर्मेण प्रेत्यभावेऽपि तस्य सा ॥
६१९४१ इह लोके हि धनिनः परोऽपि स्वजनायते ।
६१९४२ स्वजनस्तु दरिद्राणां जीवतामेव नश्यति ॥
६१९५१ इह लोके हि धनिनां परोऽपि स्वजनायते ।
६१९५२ स्वजनोऽपि दरिद्राणां तत्क्षणाद्दुर्जनायते ॥
६१९६१ इह लोको हतो न् णां दारिद्र्येण यथा नृप ।
६१९६२ मनुष्याणां तथा जन्म माघस्नानं विना हतम् ॥
६१९७१ इह वटवृक्षे यक्षः  प्रतिवसति दिवापि यत्र भयशङ्का ।
६१९७२ तस्मिन्नभिनववध्वा  नीता वीतोदयाः क्षणदाः ॥
६१९८१ इह वत्सान् समचारयद् इह नः स्वामी जगौ वंशीम् ।
६१९८२ इति सास्रं गदतो मे  यमुनातीरे दिनं यायात् ॥
६१९९१ इह वहति बहुमहोदधि  विभूषणा मानगर्वमियमुर्वी ।
६१९९२ देवस्य कमठमूर्तेर् न पृष्ठमपि निखिलमाप्नोति ॥
६२००१ इह वा तारयेद्दुर्गादुत वा प्रेत्य तारयेत् ।
६२००२ सर्वथा तारयेत्पुत्रः पुत्र इत्युच्यते बुधैः ॥
६२०११ इह विकसदशोकास्तोकपुष्पोपकारैर् अयमतिशयरक्तः सक्तसुस्निग्धभावः ।
६२०१२ त्रिभुवनजयसज्जः प्राज्यसा म्राज्यभाजः  प्रथयति पृथुमैत्रीं पुष्पचापस्य चैत्रः ॥
६२०२१ इह विचरन्ति किरातास् त्वादृक्स्वच्छन्दतानिहन्तारः ।
६२०२२ तदमीषां गानादौ  मा धाः श्रवणे कुरङ्गशाव त्वम् ॥
६२०३१ इह विजयिनि वंशे कीर्तिधाराकलाप  स्नपितसकललोकः श्रीयशोविग्रहोऽभूत् ।
६२०३२ जलघट इव युद्धोत्तालभूपालदर्प  ज्वलनशमनलीलाकोविदः कोऽपि वीरः ॥
६२०४१ इह विधिविषमः पुराकृतानां  भवति हि जन्तुषु कर्मणां विपाकः ।
६२०४२ क्व जनकतनया क्व रामरामा  क्व च दशकन्धरमन्दिरे निवासः ॥
६२०५१ इह विरचयन् साध्वीं शिष्यः क्रियां न निवार्यते  त्यजति तु यदा मार्गं मोहात्तदा गुरुरङ्कुशः ।
६२०५२ विनयरुचयस्तस्मात्सन्तः सदैव निरङ्कुशाः  परतरमतः स्वातन्त्र्येभ्यो वयं हि पराङ्मुखाः ॥
६२०६१ इह विश्वम्भरापीडे चन्दनं कस्य न प्रियम् ।
६२०६२ अनुस्वारं विलिप्यापि ओकारस्य प्रयोजनात् ॥
६२०७१ इह वैकस्य नामुत्र अमुत्रैकस्य नो इह ।
६२०७२ इह चामुत्र वैकस्य नामुत्रैकस्य नो इह ॥
६२०८१ इह व्याधव्यूहः पटुघटितयन्त्रप्रहरणो  मृगेन्द्राणां वल्गत्प्रखरनखराणां कुलमिह ।
६२०८२ इहालङ्घ्यः शैलो बहलतरपङ्का सरिदिह  प्रदीप्तोऽग्निर्मध्येवनमहह कष्टं करिपतेः ॥
६२०९१ इह शय्यागतेनापि बन्धुमध्यस्थितेन वा ।
६२०९२ मयैवैकेन सोढव्या मर्मच्छेदादिवेदना ॥
६२१०१ इह शिखरकरालक्षोणिभिद्गण्डशैल  स्खलनदलनगर्जत्फेनिलो बुद्बुदौघः ।
६२१०२ पवनधृतशिरीषश्रेणिरेणुप्रणाली  सुरभिसलिलदृप्ता द्वीपवत्यो वहन्ति ॥
६२१११ इह शिष्टानुशिष्टानां शिष्टानामपि सर्वथा ।
६२११२ वाचामेव प्रसादेन लोकयात्रा प्रवर्तते ॥
६२१२१ इह संतमसे घनागमे  सुखितं भानवमैन्दवं वपुः ।
६२१२२ तडिदुज्ज्वलदीपलेखया  हरितोऽमूः परितो विचिन्वति ॥
६२१३१ इह समदशकुन्ताक्रान्तवानीरवीरुत् प्रसवसुरभिशीतस्वच्छतोया वहन्ति ।
६२१३२ फलभरपरिणामश्यामजम्बूनिकुञ्ज  स्खलनमुखरभूरिस्रोतसो निर्झरिण्यः ॥
६२१४१ इह सरसि सलीलं चारुपत्रे विधुन्वन्  दरतरलिततिर्यक्चञ्चुकण्डूयिताङ्गः ।
६२१४२ अनुसरति सरागः प्रेयसीमग्रयाताम्  अनुपदसमुदञ्चत्कण्ठनालो मरालः ॥
६२१५१ इह सरसि सहर्षं मञ्जुगुञ्जाभिरामं  मधुकर कुरु केलिं सार्धमम्भोजिनीभिः ।
६२१५२ अनुपममकरन्दामोददत्तप्रमोदा  त्यजति बत न निद्रां मालती यावदेषा ॥
६२१६१ इह सर्वस्वफलिनः कुलपुत्रमहाद्रुमाः ।
६२१६२ निष्फलत्वमलं यान्ति वेश्याविहगभक्षिताः ॥
६२१७१ इह सामान्यानुगमं  समुपदिशन्तः स्थलेष्वनेकेषु ।
६२१७२ लिङ्गपरामर्शपरा  नवीननैयायिका यान्ति ॥
६२१८१ इह स्फुटं तिष्ठति नाथ कण्टकः  शनैः शनैः कर्ष नखाग्रलीलया ।
६२१८२ इति च्छलात्काचिदलग्नकण्टकं  पदं तदुत्सङ्गतले न्यवेशयत् ॥
६२१९१ इह हि नववसन्ते मञ्जरीपुञ्जरेणु  च्छुरणधवलदेहा बद्धहेलं सरन्ति ।
६२१९२ तरलमलिसमूहा हारिहुंकारकण्ठा  बहुलपरिमलालीसुन्दरं सिन्दुवारम् ॥
६२२०१ इह हि मधुरगीतं रूपमेतद्रसोऽयं  स्फुरति परिमलोऽसौ स्पर्श एष स्तनानाम् ।
६२२०२ इति हृतपरमार्थैरिद्रियैर्भ्राम्यमाणः  स्वहितकरणधूर्तैः पञ्चभिर्वञ्चितोऽस्मि ॥
६२२११ इहानेके सत्यं वृषमहिषमेषाः सुतुरगा  गृहाणि क्षुद्राणां कतिपयतृणैरेव सुखिनः ।
६२२१२ गजानामास्थानं मदसलिलजम्बालितभुवां  तदेको विन्ध्याद्रेर्विपिनमथवा भूपसदनम् ॥
६२२२१ इहानेके सन्तः सततमुपकारिण्युपकृतिं  कृतज्ञाः कुर्वन्तो जगति निवसन्तोऽपि सुधियः ।
६२२२२ कियन्तस्ते सन्तः सुकृतपरिपाकप्रणयिनो  विना स्वार्थं येषां भवति परकृत्यव्यसनिता ॥
६२२३१ इहाविशद्येन पथातिवक्रः  शास्त्रौघनिष्यन्दसुधाप्रवाहः ।
६२२३२ सोऽस्याः श्रवःपत्रयुगे प्रणाली  रेखेव धावत्यभिकर्णकूपम् ॥
६२२४१ इहैकश्चूडालोऽभ्यजनि कलशाद्यस्य सकलैः  पिपासोरम्भोभिश्चुलुकमपि नो भर्तुमशकः ।
६२२४२ स्वमाहात्म्यश्लाघागुरुगहनगर्जाभिरमितः  कुषित्वा क्लिश्नासि श्रुतिकुहरमब्धे किमिति नः ॥
६२२५१ इहैव नरकव्याधेश्चिकित्सां न करोति यः ।
६२२५२ गत्वा निरौषधस्थानं स रोगी किं करिष्यति ॥
६२२६१ इहैव भुवने जातं सत्त्वसंस्थापनं क्षमम् ।
६२२६२ गृह्यते किमपि स्वस्थैरन्यत्किमपि जिह्मगैः ॥
६२२७१ इहोद्याने सम्प्रत्यहह परिशिष्टाः क्रमवशाद् अमी वल्मीकास्ते भुजगकुललीलावसतयः ।
६२२७२ गतास्ते विस्तीर्णस्तबकभरसौरभ्यलहरी  परीतव्योमानः प्रकृतिगुरवः केऽपि तरवः ॥
६२२८१ इहोपपत्तिर्मम केन कर्मणा  क्व वा प्रयातव्यमितो भवेदिति ।
६२२८२ विचारणा यस्य न विद्यते स्मृतौ  कथं स धर्मप्रवणो भविष्यति ॥
६२२९१ ईक्षणध्यानसंस्पर्शैर्मत्स्यकूर्मविहङ्गमाः ।
६२२९२ पोषयन्ति स्वकान् पुत्रान् तद्वत्पण्डितवृत्तयः ॥
६२३०१ ईक्षितोपदिशतीव नर्तितुं  तत्क्षणोदितमुदं मनोभुवम् ।
६२३०२ कान्तदन्तपरिपीडिताधरा  पाणिधूननमियं वितन्वती ॥
६२३११ ईदृशं कारयेन्न्यासं येन श्रेयो भविष्यति ।
६२३१२ अन्येऽपि दुष्टमन्त्रेण न हिंसन्ति कदाचन ॥
६२३२१ ईदृशं निगदति प्रिये दृशं  संमदात्कियदियं न्यमीलयत् ।
६२३२२ प्रातरालपति कोकिले कलं  जागरादिव निशः कुमुद्वती ॥
६२३३१ ईदृशं व्यसनं प्राप्तं भ्रातरं यः परित्यजेत् ।
६२३३२ को नाम स भवेत्तस्य यमेष न परित्यजेत् ॥
६२३४१ ईदृशस्य भवतः कथमेतल् लाघवं मुहुरतीव रतेषु ।
६२३४२ क्षिप्तमायतमदर्शयदुर्व्यां  काञ्चिदाम जघनस्य महत्त्वम् ॥
६२३५१ ईदृशे व्यवहाराग्नौ मन्त्रिभिः परिपातिताः ।
६२३५२ स्थाने खलु महीपाला गच्छन्ति कृपणां दशाम् ॥
६२३६१ ईदृशैः श्वेतकाकीयै राज्ञः शासनदूषकैः ।
६२३६२ अपापानां सहस्राणि हन्यन्ते च हतानि च ॥
६२३७१ ईप्सितं मनसः सर्वं कस्य संपद्यते सुखम् ।
६२३७२ दैवायत्तं यतः सर्वं तस्मात्संतोषमाश्रयेत् ॥
६२३८१ ईर्ष्यया रक्षतो नारीर्धिक्कुलस्थितिदाम्भिकान् ।
६२३८२ स्मरान्धत्वाविशेषेऽपि तथा नरमरक्षतः ॥
६२३९१ ईर्ष्ययैव समुद्विग्नाः पुरुषाद्दुष्टचेतसः ।
६२३९२ अतिसक्ताः पलायन्ते श्रीधृतिस्मृतिकीर्तयः ॥
६२४०१ ईर्ष्या कलहमूलं स्यात्क्षमा मूलं हि संपदाम् ।
६२४०२ ईर्ष्यादोषाद्विप्रशापमवाप जनमेजयः ॥
६२४११ ईर्ष्या कुलस्त्रीषु न नायकस्य  निःशङ्ककेलिर्न पराङ्गनासु ।
६२४१२ वेश्यासु चैतद्द्वितयं प्ररूढं  सर्वस्वमेतास्तदहो स्मरस्य ॥
६२४२१ ईर्ष्याधि कुप्यते वेश्या प्रसङ्गाच्च विरज्यते ।
६२४२२ स्तब्धातिगमनाच्चापि दानादपि विलुप्यते ॥
६२४३१ ईर्ष्याप्रस्फुरिताधरोष्ठरुचिरं वक्त्रं न मे दर्शितं  साधिक्षेपपदा मनागपि गिरो न श्राविता मुग्धया ।
६२४३२ मद्दोषैः सरसैः प्रतापितमनोवृत्त्यापि कोपोऽनया  काञ्च्या गाढतरावबद्धवसनग्रन्थ्या समावेदितः ॥
६२४४१ ईर्ष्याभयक्रोधसमन्वितेन  लुब्धेन रुग्दैन्यनिपीडितेन ।
६२४४२ विद्वेषयुक्तेन च सेव्यमानम्  अन्नं न सम्यक्परिपाकमेति ॥
६२४५१ ... ... ... ... ... ... ॥
६२४५२ ईर्ष्यामलं खलेष्वास्ते विषमाशीविषेष्विव ॥
६२४६१ ईर्ष्यारोषज्वलितो  निजपतिसङ्गं विचिन्तयंस्तस्याः ।
६२४६२ च्युतवसनजघनभावन  सान्द्रानन्देन निर्वामि ॥
६२४७१ ईर्ष्या लोभो मदः प्रीतिः क्रोधो भीतिश्च साहसम् ।
६२४७२ प्रवृत्तिच्छिद्रहेतूनि कार्ये सप्त बुधा जगुः ॥
६२४८१ ईर्ष्यी घृणी त्वसंतुष्टः क्रोधनो नित्यशङ्कितः ।
६२४८२ परभाग्योपजीवी च षडेते नित्यदुःखिताः ॥
६२४९१ ईशः करस्थीकृतकाञ्चनाद्रिः  कुबेरमित्रं रजताचलस्थः ।
६२४९२ तथापि भिक्षाटनमस्य जातं  विधौ शिरःस्थे कुटिले कुतः श्रीः ॥
६२५०१ ईशानोत्थैः शकुनैश् चोरा ग्रामं प्रविश्य न लभन्ते ।
६२५०२ न च रोगार्तो जीवति  स्वस्थोऽप्यस्वास्थ्यमाप्नोति ॥
६२५११ ईशानोत्थैः शकुनैर् विशेषतः शूरमण्डलाक्रान्तैः ।
६२५१२ रिपुवेष्टित इव दूरं  त्यक्त्वा स्थानं पलायेत ॥
६२५२१ ईशे पदप्रणयभाजि मुहूर्तमात्रं  प्राणप्रियेऽपि कुरु मानिनि मा प्रसादम् ।
६२५२२ जानातु मत्पतिरसौ पदयोर्नतानाम्  अस्मादृशामपि मनोरथभङ्गदुःखम् ॥
६२५३१ ईशो दण्डस्य वरुणो राज्ञां दण्डधरो हि सः ।
६२५३२ ईशः सर्वस्य जगतो ब्राह्मणो वेदपारगः ॥
६२५४१ ईशो दुरत्ययः काल इति सत्यवती श्रुतिः ।
६२५४२ वृद्धानामपि यद्बुद्धिर्बालवाक्यैर्विभिद्यते ॥
६२५५१ ईश्वरः स जगत्पूज्यः स वाग्मी चतुराननः ।
६२५५२ यस्यास्ति द्रविणं लोके स एव पुरुषोत्तमः ॥
६२५६१ स एवाहृदयो राहुरलसः स शनैश्चरः ।
६२५६२ वक्रः कुजन्मा सततं वित्तं यस्य न विद्यते ॥
६२५७१ ईश्वरः सर्वभूतानां हृद्देशेऽर्जुन तिष्ठति ।
६२५७२ भ्रामयन् सर्वभूतानि यन्त्रारूढानि मायया ॥
६२५८१ ईश्वरगृहमिदमत्र हि  विषं च वृषभश्च भस्म चाद्रियते ।
६२५८२ यस्तु न विषं न वृषभो  न भस्म तस्यात्र का गणना ॥
६२५९१ ईश्वरपरिग्रहोचित  मोहोऽस्यां मधुप किं मुधा पतसि ।
६२५९२ कनकाभिधानसारा  वीतरसा कितवकलिकेयम् ॥
६२६०१ ईश्वरमाराधयतो  विगलितमानस्य लब्धमैश्वर्यम् ।
६२६०२ स्फुटमेव भवति लघिमा  गरिमापि कथं न जानीमः ॥
६२६११ ईश्वरसेवा सुलभ  न्यक्कारा दुर्लभोत्कर्षा ।
६२६१२ चिरपरिचर्या विफला  निर्माल्या निष्क्रमोऽपि निरयाय ॥
६२६२१ ईश्वरस्य जगत्कृत्स्नं सृष्टिमाकुलयन्निमाम् ।
६२६२२ अस्ति योऽस्त्रीकृतस्त्रीकस्तस्य वैरं स्मरन्निव ॥
६२६३१ ईश्वराः पिशुनाञ्शश्वद्बिभ्रतीति किमद्भुतम् ।
६२६३२ प्रायो निधय एवाहीन् द्विजिह्वान् दधतेतराम् ॥
६२६४१ ईश्वराणां वचः सत्यं तथैवाचरितं क्वचित् ।
६२६४२ तेषां यत्स्ववचोयुक्तं बुद्धिमांस्तत्समाचरेत् ॥
६२६५१ ईश्वराणामिदं तन्त्रं प्रायेणौत्सुक्यमावहेत् ।
६२६५२ यतस्तिरश्चां चरितैर्नीतिमार्गः प्रदर्श्यते ॥
६२६६१ ईश्वरात्समभूद्रुद्रो ज्योतिर्मय उमापतिः ।
६२६६२ रुद्राद्विष्णुरभूदाद्यस्त्रैलोक्यपरिपालकः ॥
६२६७१ ईश्वरानुगृहीतो हि कश्चिद्बालोऽपि शाम्यति ।
६२६७२ वृद्धोऽपि न शमं याति कश्चित्कापुरुषः पुनः ॥
६२६८१ ईश्वरा भूरिदानेन यल्लभन्ते फलं किल ।
६२६८२ दरिद्रस्तच्च काकिण्या प्राप्नुयादिति न श्रुतिः ॥
६२६९१ ईश्वरेण समं प्रीतिर्न मे लक्ष्मण रोचते ।
६२६९२ गतस्य गौरवं नास्ति आगतस्य धनक्षयः ॥
६२७०१ ईश्वरोक्ताद्धनुर्वेदाद्व्यासस्यापि सुभाषितात् ।
६२७०२ पदान्याकृष्य रचितो ग्रन्थः संक्षेपतो मया ॥
६२७११ ईषत्कम्पपयोधरं गुरुकटीप्रौढप्रहाराद्भुतं  स्विद्यद्भालमनेकहास्यसरसं संकथ्यपादव्यथम् ।
६२७१२ वारंवारमुरःप्रपातसुभगं संदश्यमानाधरं  किंचिद्दत्तनितम्बदेशनखरं धन्यो रतं सेवते ॥
६२७२१ ईषत्तुषारैः कृतशीतहर्म्यः  सुवासितं चारुशिरः सचम्पकैः ।
६२७२२ कुर्वन्ति नार्योऽपि वसन्तकाले  स्तनं सहारं कुसुमैर्मनोहरैः ॥
६२७३१ ईषत्प्रकटितो मन्दस्तीक्ष्णस्तु पुलकादिभिः ।
६२७३२ स तु तीक्ष्णतरः श्वासशोषितावयवोऽत्र यः ॥
६२७४१ ईषदवशिष्टजडिमा  शिशिरे गतमात्र एव चिरमङ्गैः ।
६२७४२ नवयौवनेव तन्वी  निषेव्यते निर्भरं वापी ॥
६२७५१ ईषदायच्छमानोऽपि सिंहो मत्तानपि द्विपान् ।
६२७५२ निहन्ति बलवांस्तस्मात्संधेयः शिवमिच्छता ॥
६२७६१ ईषद्वक्रितपक्ष्मपङ्क्तिभिरनाकूतस्मितैर्वीक्षितैः  एतैरेव तवाद्य सुन्दरि करक्रोडे जगद्वर्तते ।
६२७६२ अन्तः पांसुलहेमकेतकिदलद्रोणीदुरापश्रियो  दोर्मूलस्य निवेदनादिह पुनः क्रूरे किमाकाङ्क्षसि ॥
६२७७१ ईषन्नासानिकोचः खरमुखरसुखप्रेक्षणं हासलेशः  स्वाबोधादप्रसादध्वननमसदवद्योक्तिहेलावहेला ।
६२७७२ मौनव्यासङ्गवार्तान्तरपररुचिरश्लोकपाठाद यस्ते  सोढव्याः के कियन्तः शिव शिव कविते कुच्छला मत्सराणाम् ॥
६२७८१ ईषन्मीलितदृष्टि मुग्धविलसत्सीत्कारधारावशाद् अव्यक्ताकुलकेलिकाकुविकसद्दन्तांशुधौताधरम् ।
६२७८२ शान्तस्तब्धपयोधरं भृशपरिष्वङ्गात्कुरङ्गीदृशो  हर्षोत्कर्षविमुक्तनिःसहतनोर्धन्यो धयत्याननम् ॥
६२७९१ ईषन्मीलितलोचना श्लथसमस्ताङ्गा श्रमोद्वेजिता  निश्वासप्रथमा विरत्नरसना संत्यक्तकण्ठस्वना ।
६२७९२ प्रोद्यत्कामजला कलासु कुशला निर्लज्जया कामिनी  कान्ता कालवशात्प्रियस्य वशगा जाता रतान्ते क्षणम् ॥
६२८०१ ईषन्मीलितलोललोचनयुगं व्यावर्तितभ्रूयुगं  संदष्टाधरवेदनाप्रणयिनं मा मेति मन्दाक्षरम् ।
६२८०२ तन्वङ्ग्याः सुरतावसानसमये दृष्टं मया यन्मुखं  स्वेदार्द्रीकृतपाण्डुगण्डयुगलं तत्केन विस्मर्यते ॥
६२८११ ईषल्लब्धप्रवेशोऽपि स्नेहविच्छेदकारकः ।
६२८१२ कृतक्षोभो नरीनर्ति खलो मन्थानदण्डवत् ॥
६२८२१ ईषल्लोमशभावभाञ्जि कपिशश्यामानुबन्धच्छवी  लिप्तत्वञ्चि चकोरकीरहरितोन्मेषीणि माषीलताः ।
६२८२२ एतास्तर्कय बालवानरवधूहस्ताङ्गुलीलब्ध्रिम  स्पर्धावन्ति फलानि बिभ्रति परीणामाभिरामश्रियः ॥
६२८३१ ईहमानः समारम्भान् यदि नासादयेद्धनम् ।
६२८३२ उग्रं तपः समारोहेन्न ह्यनुप्तं प्ररोहति ॥
६२८४१ दानेन भोगी भवति मेधावी वृद्धसेवया ।
६२८४२ अहिंसया च दीर्घायुरिति प्राहुर्मनीषिणः ॥
६२८५१ ईहा धनस्य न सुखा लब्ध्वा चिन्ता च भूयसी ।
६२८५२ लभ्दनाशो यथा मृत्युर्लभ्दं भवति वा न वा ॥
६२८६१ उक्तं च वक्ष्यमानं च भर्त्सनं तिर्यगीक्षणम् ।
६२८६२ क्वचिद्यथार्थकथनं व्याख्या तन्त्रस्य षड्विधाः ॥
६२८७१ उक्तं दुर्वचनं मया न सुभगे हास्येऽपि दुःखप्रदं  त्यक्त्वा त्वामपि भाषितैरपि मया नान्या गना लालिता ।
६२८७२ त्वामेकामनवद्यभूषणभरैः संभावयामि त्वया  हे निष्कारणकोपने वद कृतः कोपः किमर्थं मयि ॥
६२८८१ उक्तं परस्यामिषतामनुक्तं यात्यदृश्यताम् ।
६२८८२ हृदये शल्यतां धत्ते निधने धनिनां धनम् ॥
६२८९१ उक्तं यत्कृपणं वचो विरचितो भूयान् वसूनां व्ययः  सोढाः किं च वियोगवज्रततयो दूती मुहुः प्रेषिता ।
६२८९२ बद्धोऽयं प्रणयाञ्जलिर्विनिहिते बाष्पाम्बुधौते दृशौ  निष्पीयाधरपल्लवं मृगदृशः सर्वे सखे विस्मृतम् ॥
६२९०१ उक्तस्(उत्तस्) ते रुधिरेणाहं स्पृष्टं ते मस्तकं मया ।
६२९०२ इत्येताञ्शपथान् कृत्वा सा वै गम्या पुनः पुनः ॥
६२९११ उक्ता गच्छति लज्जिता विरमति प्रेम्णा मनागिक्षते  केशांल्लुञ्चति जृम्भणं रचयति प्रस्तौति गाथां मुहुः ।
६२९१२ आलि गत्यपरां विरौति परुषं चुम्बत्यसौ बालकं  गात्रं भञ्जति जृम्भते विहसति प्रत्युत्तरं याचते ॥
६२९२१ दोर्मूलं खलु दर्शयेत्स्तनयुगे वस्त्रं समालम्बते  अ गुष्ठेन लिखेन्महीं स्मितमुखी व्रीडां विधत्ते मृषा ।
६२९२२ दन्तेनाधरपल्लवं विदशति व्यक्तं तथा भाषते  भावैरेभिरिह स्फुटं मृगदृशां ज्ञेयोऽभिलाषः सदा ॥
६२९३१ उक्ता ब्रवीषि सुरतं न मया निशायास् त्वं दौष्टवेन गजगामिनि लज्जया वा ।
६२९३२ ताम्बूलकज्जलकुचामयचिह्नचित्रं  तत्संनिवेदयति मां रमणोत्तरीयम् ॥
६२९४१ उक्तिर्नान्या स्फुरति नियतं ध्यानमन्यन्न चास्ते  पश्यत्यन्यं न खलु नयनं न श्रवोऽपि शृणोति ।
६२९४२ श्यामं श्यामं पथिषु चकितं रीतिरेतादृशी नो  वृन्दारण्ये चिरपरिचिताः के न जीवन्ति नार्यः ॥
६२९५१ उक्तेन बहुना किं वा किं कृतैः शपथैर्घनैः ।
६२९५२ वदामि सत्यमेवैतत्त्वमेव मम मानसे ॥
६२९६१ उक्त्वानृतं भवेद्यत्र प्राणिनां प्राण्रक्षणम् ।
६२९६२ अनृतं तत्र सत्यं स्यात्सत्यमप्यनृतं भवेत् ॥
६२९७१ कामिनीषु विवाहेषु गवां मुक्तौ तथैव च ।
६२९७२ ब्राह्मणानां विपत्तौ च शपथैर्नास्ति पातकम् ॥
६२९८१ उग्रग्राहमुदन्वतो जलमतिक्रामत्यनालम्बने  व्योम्नि भ्राम्यति दुर्गमं क्षितिभृतां प्राग्भारमारोहति ।
६२९८२ कीर्णं याति विषाकुलैरहिकुलैः पातालमेकाकिनी  कीर्तिस्ते नयनाभिराम कृतकं मन्ये भयं योषिताम् ॥
६२९९१ उग्रत्वं च मृदुत्वं च समयं वीक्ष्य संश्रयेत् ।
६२९९२ अन्धकारमसंहृत्य नोग्रो भवति भास्करः ॥
६३००१ उग्ररूपं कुचद्वन्द्वं हारग गाधरं तव ।
६३००२ चन्द्रचूडं करिष्यामि कुरु तावद्दिगम्बरम् ॥
६३०११ उग्राभिष गमनुष गि परस्य दुःखं  हन्ताश्लथं व्यथयति प्रसभार्द्रभावम् ।
६३०१२ बद्धः सरोजकुहरे विरहार्तनादैश् चक्राभिधस्य मधुपोऽधिकमेति दैन्यम् ॥
६३०२१ उग्रावग्राहमग्ना कुशधुवनधुताधोरणास्फालिता गैः  प्रत्यग्रोद्दण्डशुण्डोड्डमरणसमरत्रस्तदि ना गचक्रैः ।
६३०२२ आलोक्यालोक्य शैलानुरुचरणरणच्छृ खलाघट्टयद्भिर् यस्याशाभित्तिजेतुर्मदकलकरिभिः क्वापि न प्रापि र गः ॥
६३०३१ उग्रैः शापैरुपहतिभिया रक्षसा दूरमुक्ताः  दग्धुं योग्या हुतवहमपि त्वत्प्रियावर्णशुद्धाः ।
६३०३२ उत्पश्यन्त्यो जनकतनयातेजसैव स्वरक्षां  रोधं यस्यामनुविदधते लोकपालावरोधाः ॥
६३०४१ उचितं गोपनमनयोः  कुचयोः कनकाद्रिकान्तितस्करयोः ।
६३०४२ अवधीरितविधुमण्डल  मुखमण्डलगोपनं किमिति ॥
६३०५१ उचितं नाम नार ग्यां केतक्यामपि कण्टकाः ।
६३०५२ रसगन्धोज्झिते किं ते कण्टकाः कण्टकारिके ॥
६३०६१ उचितं बन्धनमनयोः  कुचयुगयोः केवलं तन्वि ।
६३०६२ युवजनमानसहाटक  चौरविधौ पश्यतोहरयोः ॥
६३०७१ उचितः प्रणयो वरं विहन्तं  बहवः खण्डनहेतवो हि दृष्टाः ।
६३०७२ उपचारविधिर्मनस्विनीनां  न तु पूर्वाभ्यधिकोऽपि भावशून्यः ॥
६३०८१ उचितकर्म तनोति न संपदाम्  इतरदप्यसदेव विवेकिनाम् ।
६३०८२ इति निरस्तसमस्तसुखान्वयः  कथमतो न विषीदतु पण्डितः ॥
६३०९१ उचितगुणोत्क्षिप्ता अपि  पुरतोऽपि निवेशिते सुवर्णलवे ।
६३०९२ झगिति पतन्ति मुखेन  प्रकटप्रमदा यथा च तुलाः ॥
६३०९ १ उचितव्ययशीलस्य कृशत्वमपि शोभते ।
६३०९ २ द्वितीयश्चन्द्रमा वन्द्यो न वन्द्यः पूर्णचन्द्रमाः ॥
६३१०१ उचितामुपास्य रुचिताम्  अभिधेहि गिरं निरन्तरावहितः ।
६३१०२ अप्यायतिमति पुरुषे  प्रभुणा कलुषेण भूयते कथिते ॥
६३१११ उचितेन विचारेण चारुतां यान्ति सूक्तयः ।
६३११२ वेद्यतत्त्वावबोधेन विद्या इव मनीषिणाम् ॥
६३१२१ उच्चं प्रदेशं भषणोऽधिरुह्य  भषत्यभीक्ष्णं रविमीक्षमाणः ।
६३१२२ यदा तदानीमचिरेण वृष्टिर् अम्भोदमुक्ता भवति प्रभूता ॥
६३१३१ उच्चः सत्फलदो यथायमहमप्येतादृगेतावता  स्पर्धां मन्द मदोद्धतः स्वजनकेनार्केण मा मा कृथाः ।
६३१३२ दूरादेव भवादृशोऽस्य महसा ध्वस्ताः समस्ताः स्वयं  नैवेच्छत्ययमत्ययं गुणिसखः कस्यापि तेजोनिधिः ॥
६३१४१ उच्चकुचकुम्भनिहितो  हृदयं चालयति जघनलग्नाग्रः ।
६३१४२ अतिनिम्नमध्यसंक्रम  दारुनिभस्तरुणि तव हारः ॥
६३१५१ उच्चात्प्रदेशादवतीर्य निम्नं  यो याति वामोऽथ सुखप्रदोऽसौ ।
६३१५२ निम्नप्रदेशात्पुनरुच्चदेशं  यक्षो व्रजन् दक्षिणगोऽपि शस्तः ॥
६३१६१ उच्चारणज्ञोऽथ गिरां दधानम्  उच्चा रणत्पक्षिगणास्तटीस्तम् ।
६३१६२ उत्कं धरं द्रष्टुमवेक्ष्य शौरिम्  उत्कं धरं दारुक इत्युवाच ॥
६३१६ १ उच्चारूढैर्नरैरात्मा रक्षणीयोऽतियत्नतः ।
६३१६ २ दूरारोहपरिभ्रंशविनिपातः सुदुःसहः ॥
६३१७१ उच्चावचं जगद्दौःस्थ्यमेक एव निषेधति ।
६३१७२ प्रविष्टमात्रो नृपतिः प्रपञ्चमिव नः श्रुतिः ॥
६३१८१ उच्चावचं न कुरुत स्वनितं पत गास् तूर्णं मुखानि पशवो मुकुलीकुरुध्वम् ।
६३१८२ कर्णं प्रदाय रसिकाः कलयन्तु हर्षं  तारं तनोति रणितं तरुणः पिकोऽयम् ॥
६३१९१ उच्चावचकरान्याय्याः पूर्वराज्ञां युधिष्ठिर ।
६३१९२ यथा यथा न हीयेरंस्तथा कुर्यान्महीमतिः ॥
६३२०१ उच्चावचानि जननानि भवन्ति यावत् कर्माणि तावदखिलानि लयं न यान्ति ।
६३२०२ तत्कर्ममूलहननाय यतध्वमार्या  यावच्छिरो न विरमेज्जलबन्धरोगः ॥
६३२११ उच्चासनगतो नीचः नीच एव न चोत्तमः ।
६३२१२ प्रसादशिखरस्थोऽपि काकः किं गरुडायते ॥
६३२२१ उच्चित्यं प्रथममधः स्थितं मृगाक्षी  पुष्पौघं श्रितविटपं ग्रहीतुकामा ।
६३२२२ आरोढुं चरणमदादशोकयष्टेर् आमूलं पुनरपि तेन पुष्पितोऽसौ ॥
६३२३१ उच्चीकृतग्रीवमहो मुधैव  किं याचसे चातकपोत मेघम् ।
६३२३२ अत्यूर्ज्जितं गर्ज्जितमात्रमस्मिन्न्  अम्भोधरे बिन्दुलवस्तु दूरे ॥
६३२४१ उच्चीयन्ते स्म वेश्मन्यशनविरहिते यत्नतः श्रोत्रियाणां  यत्र श्यामाकबीजान्यपि चटकवधूचञ्चुकोटिच्युतानि ।
६३२४२ यस्मिन् दातर्यकस्माच्चटुलवटुकराकृष्टमुक्तावचूल  भ्रष्टास्तत्रैव दृष्टा युवतिभिरलसं घूर्णिता मुक्तिकौघाः ॥
६३२५१ उच्चैः कल्याणवाही करजितवसुधः सर्वदा पूर्णकामो  विख्यातः कर्णवृत्त्या न च वचसि कटुश्चित्रपाकानुभावी ।
६३२५२ कोषापेक्षी परस्मादुचितबहुकथस्तत्परः पुण्यलोके  चित्रं राजाधिराज त्वमिव तव रिपुस्तत्र कम्पं प्रतीमः ॥
६३२६१ उच्चैः कुम्भः कपिशदशनो बन्धुरस्कन्धसंधिः  स्निग्धाताम्रद्युतिनखमणिर्लम्बवृत्तोरुहस्तः ।
६३२६२ शूरः सप्तच्छदपरिमलस्पर्धिदानोदकोऽयं  भद्रः सान्द्रद्रुमगिरिसरित्तीरचारी करीन्द्रः ॥
६३२७१ उच्चैः पदमधितिष्ठंल् लोकस्तत्त्वेषु मुह्यति प्रायः ।
६३२७२ विषयमपि पश्यति समं  पर्वतशिखराग्रमारूढः ॥
६३२८१ उच्चैः प्रकथनं हासः ष्ठीवनं कुत्सनं तथा ।
६३२८२ जृम्भणं गात्रभ गं च पर्वस्फोटं च वर्जयेत् ॥
६३२९१ उच्चैः ष्ठीवनमुत्कटप्रहसितं शय्यासनोत्सर्पणं  गात्रास्फोटनजृम्भणानि सुलभद्रव्यार्थसंप्रार्थनम् ।
६३२९२ बालालि गनचुम्बनान्यभिमुखे सख्याः समालोकनं  दृक्पातश्च परा मुखो गुणकथा कर्णस्य कण्डूयनम् ॥
६३३०१ उच्चैः स्थानकृतोदयैर्बहुविधैर्ज्योतिर्भिरुद्यत्प्रभैः  शुक्राद्यैः किममीभिरत्र वितथां प्रौढिं दधानैरपि ।
६३३०२ यावल्लोकतमोपहेन भवता लक्ष्मीर्न विस्तार्यते  तावच्चन्द्र कथं प्रयाति परमां वृद्धिं स रत्नाकरः ॥
६३३११ उच्चैःस्थितीनां विदुषां पदमारोढुमिच्छवः ।
६३३१२ सत्सुभाषितसोपानसेविनः सन्तु साधवः ॥
६३३२१ उच्चैरध्ययनं चिरंतनकथाः स्त्रीभिः सहालापनं  तासामर्भकलालने रतिरथो तत्पाकमिथ्यास्तुतिः ।
६३३२२ पुत्रभ्रातृजनाशिषः सुभगतायोग्यत्वसंकीर्तनं  स्वानुष्ठानकथाभिवादनविधिर्भिक्षोगुणा द्वादश ॥
६३३३१ उच्चैरध्ययनं पुरातनकथाः स्त्रीभिः सहालापनं  तासामर्भकलालनं पतिनुतिस्तत्पाकमिथ्यास्तुतिः ।
६३३३२ आदेशस्य करावलम्बनविधिः पाण्डित्यलेखक्रिया  होरागारुडमन्त्रतन्त्रकविधिर्भिक्षोगुणा द्वादश ॥
६३३४१ उच्चैरुच्चरतु चिरं  चीरी वर्त्मनि तरुं समारुह्य ।
६३३४२ दिग्व्यापिनि शब्दगुणे  श खः संभावना भूमिः ॥
६३३४ १ उच्चैरुच्चरितव्यं  यत्किंचिदजानतापि पुरुषेण ।
६३३४ २ मूर्खा बहु मन्यन्ते  विदुषामपि संशयो भवति ॥
६३३५१ उच्चैरुच्चैःश्रवास्तेन हयरत्नमहारि च ।
६३३५२ देहबद्धमिवेन्द्रस्य चिरकालार्जितं यशः ॥
६३३६१ उच्चैरुच्चैस्तरामिच्छन् पदान्यायच्छते महान् ।
६३३६२ नीचो नीचैस्तरां याति निपातभयश कया ॥
६३३७१ उच्चैरुड्डीयमाना  नतिमन्ते वहति या तु गच्छन्ती ।
६३३७२ यच्चिरलभ्यमथाल्पं  तत्सा बहु यच्छति त्वरितम् ॥
६३३८१ उच्चैरुत्तालखेलद्भुजवनपवनोद्धूतशैलौघपात  स्फारोदञ्चत्पयोधिप्रकटितमकुटस्वर्धुनीसंगमानि ।
६३३८२ जीयासुस्ताण्डवानि स्फुटविकटजटाकोटिसंघट्टभूरि  भ्रश्यन्नक्षत्रचक्रव्यवहितसुमनोवृष्टिपातानि शंभोः ॥
६३३९१ उच्चैरुत्तालगण्डस्थलबहुलगलद्दानपानप्रमत्त  स्फीतालिव्रातगीतिश्रुतिविधृतिकलोन्मीलितार्धाक्षि पक्ष्मा ।
६३३९२ भक्तप्रत्यूहपृथ्वीरुहनिवहसमुन्मूलनोच्चैरुदञ्चच् छुण्डादण्डाग्र उग्रार्भक इभवदनो वः स पायादपायात् ॥
६३४०१ उच्चैरुद्घोष्य जेतव्यं मध्यस्थश्चेदपण्डितः ।
६३४०२ पण्डितो यदि तत्रैव पक्षपातोऽधिरोप्यताम् ॥
६३४११ उच्चैरुन्मथितस्य तेन बलिना दैवेन धिक्कर्मणा  लक्ष्मीमस्य निरस्यतो जलनिधेर्जातं किमेतावता ।
६३४१२ गाम्भीर्यं किमयं जहाति किमयं पुष्णाति नाम्भोधरान्  मर्यादां किमयं भिनत्ति किमयं न त्रायते वाडवम् ॥
६३४२१ उच्चैरेष तरुः फलं च पृथुलं दृष्ट्वैव हृष्टः शुकः  पक्वं शालिवनं विहाय जडधीस्तां नालिकेरीं गतः ।
६३४२२ तामारुह्य बुभुक्षितेन मनसा बुद्धिः कृता भेदने  आशा तस्य न केवलं विगलिता चञ्चूर्गता चूर्णताम् ॥
६३४३१ उच्चैर्दैवादिह पशुपतौ भूषणीभूय तिष्ठन्  कालव्याल प्रथयसि फणां भीषणां तावदेव ।
६३४३२ देवे दूरादविनयभयाद्यावदेवं गरुत्मान्  कोपाटोपं कथमपि तिरोभावयन्मौनमास्ते ॥
६३४४१ उच्चैर्निषादगान्धारौ नीचैरृषभधैवतौ ।
६३४४२ शेषास्तु स्वरिता ज्ञेयाः षड्जमध्यमपञ्चमाः ॥
६३४५१ उच्चैर्ब्रह्माण्डखण्डद्वितयसहचरं कुम्भयुग्मं दधानः  प्रे खन्नागारिपक्षप्रतिभटविकटश्रोत्रतालाभिरा मः ।
६३४५२ देवः शंबोरपत्यं भुजगपतितनुस्पर्द्धिवर्द्धिष्णुहस्तस् त्रैलोक्याश्चर्यमूर्तिः स जयति जगतामीश्वरः कुञ्जरास्यः ॥
६३४६१ उच्चैर्महारजतराजिविराजितासौ  दुर्वर्णभित्तिरिह सान्द्रसुधासवर्णा ।
६३४६२ अभ्येति भस्मपरिपाण्डुरितस्मरारेर् उद्वह्निलोचनललामललाटलीलाम् ॥
६३४७१ उच्चैर्यद्यस्ति मनः  किं विपदा संपदा गन्त्री ।
६३४७२ पुरुषस्य मनसि भग्ने  मग्नेवापत्सु लक्ष्यते लक्ष्मीः ॥
६३४८१ उच्चैर्यो मधुपानलुब्धमनसां भृ गा गनानां गणैर् उद्गीतो रचितालयः खगकुलैर्देशान्तरादागतैः ।
६३४८२ आसीद्यश्च निषेवितोऽध्वगशतैर्ग्रीष्मोष्मतान्तिच्छिदे  सोऽयं संप्रति दुर्मदेन दलितश्छायातरुर्दन्तिना ॥
६३४९१ उच्चैस्तनन्तमभिगम्य घनं तवाहम्  अभ्यागतोऽस्म्यतिथिरेष पयोधरार्थी ।
६३४९२ वक्तुं त्रपा तदपि वच्मि विदूरबन्धोः  काठिन्यमस्ति च पयोधरयोर्ममापि ॥
६३५०१ उच्चैस्तरां मत्सरिणोऽपि लोकाः  कुर्वन्ति संसत्सु पुरः प्रशंसाम् ।
६३५०२ न पण्डितर्विश्वसितव्यमत्र  तत्सौहृदं यत्क्रियते परोक्षम् ॥
६३५११ उच्चैस्तरादम्बरशैलमौलेश् च्युतो रविर्गैरिकगण्डशैलः ।
६३५१२ तस्यैव पातेन विचूर्णितस्य  संध्यारजोराजिरिहोज्जिहीते ॥
६३५२१ उच्चौ कुचौ कृशतरा च कटिर्गभीरो  नाभिः समुन्नततरं च नितम्बबिम्बम् ।
६३५२२ निम्नोन्नतेति सुदृशः सुभगे शरीरे  मग्नं मनो मम न मां पुनरभ्युपैति ॥
६३५३१ उच्छन्नेव कलौ वृषस्य चरणश्रेणी नवीनां पुनस् तां निर्माय कृतस्त्वया पुनरपि न्यस्तः पदस्यन्दनः ।
६३५३२ भिन्दानैस्तरणिं त्वदस्त्रनियतैरेतत्किलोदीरितं  श्रुत्वानूरुरसौ विहाय मिहिरं त्वां देव सेविष्यते ॥
६३५४१ उच्छलन्मत्स्यपुच्छाग्रदण्डपातहतार्णसि ।
६३५४२ जगदुद्यानमम्भोधावुन्ममज्ज ममज्ज च ॥
६३५५१ उच्छास्त्रपदविन्यासः सहसैवाभिसंपतः ।
६३५५२ शत्रुख गमुखग्रासमगत्वा न निवर्तते ॥
६३५६१ उच्छिद्यते धर्मवृत्तमधर्मो वर्तते महान् ।
६३५६२ भयमाहुर्दिवारात्रं यदा पापो न वार्यते ॥
६३५७१ उच्छिद्राणि दिगम्बरस्य वसनान्यर्धा गिनस्स्वामिनो  रत्नालंकृतिभिर्विशोषितवपुःशोभाशतं सुभ्रुवः ।
६३५७२ पौराढ्याश्च पुरीः श्मशानवसतेर्भिक्षाभुजोऽप्यक्षमा  लक्ष्मीं न व्यतनोद्दरिद्रभरणेष्वज्ञो हि सेनान्वयः ॥
६३५८१ उच्छिन्नाश्रयकातरेव कुलटा गोत्रान्तरं श्रीर्गता  तामेवानुगता गतानुगतिकास्त्यक्तानुरागाः प्रजाः ।
६३५८२ आप्तैरप्यनवाप्तपौरुषफलैः कार्यस्य धूरुज्झिता  किं कुर्वन्त्वथवोत्तमा गरहितैर गैरिव स्थीयते ॥
६३५९१ उच्छिष्टं करखर्परं पथि गतं मूर्खैर्जडैर्धिक्कृतं  विप्रैस्तत्त्वविचिन्तकैर्मनसि तं स्वात्मप्रबोधे कृतम् ।
६३५९२ नृत्यन्तं च दिगम्बरं च जटिलं बालैश्च मुक्तं जडं  डिम्भश्चोपहसन्ति चत्वरपथे दत्त्वा मुहुस्तालिकाः ॥
६३६०१ उच्छिष्टं शिवनिर्माल्यं वमनं शवकर्पटम् ।
६३६०२ काकविष्ठासमुत्पन्नाः पञ्चैतेऽतिपवित्रकाः ॥
६३६११ उच्छिष्टो न स्पृशेत्ख गं निशिकुर्यान्न शीर्षके ।
६३६१२ दिवा च पूजयेदेनं गन्धमाल्यादिसंपदा ॥
६३६२१ उच्छीर्षे पदकं कृत्वा यदि शेते शुनस्तदा ।
६३६२२ आगच्छद्वल्लभं वक्ति तद्वेश्मन्यचिरादपि ॥
६३६३१ उच्छूनारुणमश्रुणिर्गमवशाच्चक्षुर्मना मन्थरं  सोष्मश्वासकदर्थिताधररुचिर्व्यस्तालका भ्रूभुवः ।
६३६३२ आपाण्डुः करपल्लवे च निभृतं शेते कपोलस्थली  मुग्धे कस्य तपःफलं परिणतं यस्मै तवेयं दशा ॥
६३६४१ उच्छृ कलेन निरपेक्षतयोन्मदेन  येनाकुलीकृतमिदं करिणा बभूव ।
६३६४२ दत्त्वा पदं शिरसि हस्तिपकार्भकेण  मन्दः कथं गमित एष वशं प्रसह्य ॥
६३६५१ उच्छेदनं चापचयः पीडनं कर्शनं तथा ।
६३६५२ इति विद्याविदः प्राहुः शत्रौ वृत्तं चतुर्विधम् ॥
६३६६१ उच्छेद्यमपि विद्वांसो वर्धयन्त्यरिमेकदा ।
६३६६२ गुडेन वर्धितः श्लेष्मा यतो निःशेषतां व्रजेत् ॥
६३६७१ उच्छ्मश्रुर्व्यात्तवक्त्रः प्रविततरसनापल्लवालीढसृक्का  पि गोग्रभ्रान्तनेत्रः पुलकिततरलोत्तानला गूलनालः ।
६३६७२ कुत्राप्यक्लान्तिगामी क्वचिदतिपिहितः क्वापि तु गाग्रमात्रश् चित्रव्याघ्रोऽयमाप्तुं प्रमदवनमृगीतर्णकांस्तूर्णमेति ॥
६३६८१ उच्छ्रायो जनभीति हेतुरधिकं वैकृत्यमुद्ग्रीवता  सर्वत्र प्रतिपर्वविक्रमभवः क्रूरो मरुर्जन्मभूः ।
६३६८२ यस्योच्चैः कटुकण्टकप्रणयिता धिक्कष्टमुष्ट्रे पशौ  तस्मिन् राजपरिग्रहः स च महाशब्दद्वयीभाजनम् ॥
६३६९१ उच्छ्वसन्मण्दलप्रान्तरेखमाबद्धकुड्मलम् ।
६३६९२ अपर्याप्तमुरो वृद्धेः शंसत्यस्याः स्तनद्वयम् ॥
६३७०१ उच्छ्वासः खण्डखण्डस्तरलितहृदये मूकतां भूषणानाम्  उक्तिप्रत्युक्तिबन्धोऽप्यभिनयविहितः पांसुला भूः सुशय्या ।
६३७०२ तूष्णीमेव प्रसादानुनयनकलहाश्चुम्बनं शब्दशून्यं  यत्रैतत्स्वस्ति तस्मै निभृतनिधुवनायेति नान्दी नमोऽस्तु ॥
६३७११ उच्छ्वासयन्त्यः श्लथबन्धनानि  गात्राणि कन्दर्पसमाकुलानि ।
६३७१२ समीपवर्तिष्वधुना प्रियेषु  समुत्सुका एव भवन्ति नार्यः ॥
६३७२१ उच्छ्वासहिक्काशयना गभ ग  विष्ठावमिश्वासविजृम्भणानि ।
६३७२२ वक्त्रं शुनोऽर्धोन्मिषितां च दृष्टिं  द्युते प्रशंसन्ति च वामचेष्टम् ॥
६३७३१ उच्छ्वासावधयः प्राणाः स चोच्छ्वासः समीरणः ।
६३७३२ समीरणाच्चलं नास्ति यत्प्राणिति तदद्भुतम् ॥
६३७४१ उच्छ्वासोऽपि न निर्याति बाणे हृदयवर्तिनि ।
६३७४२ किं पुनर्विकटाटोप पदबन्धा सरस्वती ॥
६३७५१ उच्यतां स वचनीयमशेषं  नेश्वरे परुषता सखि साध्वी ।
६३७५२ आनयैनमनुनीय, कथं वा  विप्रियाणि जनयन्ननुनेयः ॥
६३७६१ उच्यमानोऽवलम्बेत परमर्मणि मूकताम् ।
६३७६२ स्वकर्मणि तु बाधिर्यस्थैर्यमाधुर्यसोष्मवान् ॥
६३७७१ उज्जागरितभ्रामित  दन्तुरदलरुद्धमधुकरप्रकरे ।
६३७७२ काञ्चनकेतकि मा तव  विकसतु सौरभ्यसंभारः ॥
६३७८१ उज्जाडिते यदा ग्रामे गच्छतां दक्षिणस्वराः ।
६३७८२ श्र्गालास्तं पुनः स्थानं कथयन्ति करस्थितम् ॥
६३७९१ उज्जृम्भते कुमुदिनीसुकृतं मृगा को  विष्वग्विकीर्णपरिपाटलरश्मिदण्डः ।
६३७९२ उत्सूतविद्रुमकुलो जलधेस्तर गाद् उत्क्षिप्यमाण इव कश्चन राजकम्बुः ॥
६३८०१ उज्जृम्भाननमुल्लसत्कुचतटं लोलद्भ्रमद्भ्रूलतं  स्वेदाम्भःस्नपिता गयष्टि विगलद्व्रीडं सरोमाञ्चया ।
६३८०२ धन्यः कोऽपि युवा स यस्य वदने व्यापारिताः सांप्रतं  मुग्धे दुग्धमहाब्धिफेनपटलप्रख्याः कटाक्षच्छटाः ॥
६३८११ उज्ज्वलं सरलं चैव वक्रमारक्तमेव च ।
६३८१२ नेत्रं चतुर्विधं प्रोक्तं तस्य भावाः पृथक्पृथक् ॥
६३८२१ उज्ज्वलं मित्रसंयोगे सरलं पुत्रदर्शने ।
६३८२२ वक्रं च कामिनीभोगे आरक्तं शत्रुदर्शने ॥
६३८३१ उज्ज्वलगुणमभ्युदितं  क्षुद्रो द्रष्टुं न कथमपि क्षमते ।
६३८३२ दग्ध्वा तनुमपि शलभो  दीप्रं दीपार्चिषं हरति ॥
६३८४१ उज्ज्वलचम्पकमुकुला  श कितया यः प्रदीपकं स्पृशति ।
६३८४२ कज्जलकल कदाहं  मुक्त्वान्यत्तस्य किं घटताम् ॥
६३८५१ उज्ज्वलालोकया स्निग्धा त्वया त्यक्ता न राजते ।
६३८५२ मलीमसमुखी वर्तिः प्रदीपशिखया यथा ॥
६३८६१ उज्झती शुचिमिवाशु तमिस्राम्  अन्तिकं व्रजति तारकराजे ।
६३८६२ दिक्प्रसादगुणमण्डनमूहे  रश्मिहासविशदं मुखमैन्द्री ॥
६३८७१ उज्झन्त्यः स्वर्णकाञ्चीर्झणिति रशनया चम्पकन्यासमय्या  तन्वत्यस्तारहारान् विचकिलकलिकापंक्तिमुद्रावलीभिः ।
६३८७२ किं चाशोकप्रवालैररुणमणिमयान् संत्यजन्त्योऽवतंसान्  उत्कीर्णाः कामबाणैरिव हृदि सुहृदो वल्लभानां बभूवुः ॥
६३८८१ उज्झितवृषयोगा अपि  रतिसमये नरविशेषनिरपेक्षाः ।
६३८८२ कृष्णौकाभिरता अपि  हिरण्यकशिपुप्रियाः सततम् ॥
६३८९१ उज्झितसौभाग्यमद  स्फुटयाच्ञान गभीतयोर्यूनोः ।
६३८९२ अकलितमनसोरेका  दृष्टिर्दूती निसृष्टार्थी ॥
६३९०१ उज्झिताहमिति वत्स न दूये  राघवेण कुलदूषणभीत्या ।
६३९०२ का त्वमित्यभिहिते बत वन्यान्  श्रावये किमिति मुह्यति चेतः ॥
६३९११ उज्झित्वा दिशमम्बरं वरतरं वासो वसानश्चिरं  हित्वा वासरसं पुनः पितृवने कैलासहर्म्याश्रयः ।
६३९१२ त्यक्त्वा भस्म कृता गरागनिचयः श्रीखण्डसारद्रवैर् देवः पातु हिमाद्रिजापरिणयं कृत्वा गृहस्थः शिवः ॥
६३९२१ उडुगणपरिवारो नायकोऽप्यौषधीनाम्  अयममृतशरीरः कान्तियुक्तोऽपि चन्द्रः ।
६३९२२ भवति विगतरश्मिर्मण्डलं प्राप्य भानोः  परसदननिविष्टः को लघुत्वं न याति ॥
६३९३१ उडुपरिवृढः पत्या मुक्तामयं यदपीडयद् यदपि बिसिनीं भानोर्जायां जहास कुमुद्वती ।
६३९३२ तदुभय मतः श के स कोचितं निजश कया  प्रसरति नवार्के कर्कन्धूफलारुणरोचषि ॥
६३९४१ उडुपरिषदः किं नार्हत्वं निशः किमु नौचिती  पतिरिह न यद्दृष्टस्ताभ्यां गणेयरुचीगणः ।
६३९४२ स्फुटमुडुपतेराश्मं वक्षः स्फुरन्मलिनाश्मन  च्छवि यदनयोर्विच्छेदेऽपि द्रुतं बत न द्रुतम् ॥
६३९५१ उडुराजमुखी मृगराजकटिर् गजराजविराजितमन्दगतिः ।
६३९५२ यदि सा वनिता हृदये निहिता  क्व जपः क्व तपः क्व समाधिरतिः ॥
६३९६१ उड्डायितः पूर्वदिशा क्रमेण  प्रकाशर गः पृथुलः पतण्गः ।
६३९६२ पारे वियद्विच्युतरश्मिरर्वाक् पतन्निदानीं क्षपितोऽस्तशैले ॥
६३९७१ उड्डीनं विहगैर्मृतं जलचरैः क्ष्मान्तर्गतं कच्छपैः  पाठीनैः पृथुप कपीठलुठनाद्यस्मिन्मुहुर्मूर्च्छितम् ।
६३९७२ तस्मिन्नेव सरस्यकालजलदेनागत्य तच्चेष्टितं  येनाकुम्भनिमग्नवन्यकरिणां यूथैः पयः पीयते ॥
६३९८१ उड्डीना गुणपत्रिणः सुखफलान्याराद्विकीर्णान्यधः  पर्यस्ताः परितो यशस्तबकिताः संपल्लतापल्लवाः ।
६३९८२ प्रागेवापसृतः प्रमोदहरिणश्च्छाया कथान्तं गता  दैवारण्यमत गजेन बलिना भग्नेऽभिमानद्रुमे ॥
६३९९१ उड्डीनानामेषां  प्रासादात्तरुणि पक्षिणां प क्तिः ।
६३९९२ विस्फुरति वैजयन्ती  पवनच्छिन्नापविद्धेव ॥
६४००१ उड्डीयागतमिन्दुमण्डलमिदं किं खञ्जरीटद्वयं  हित्वा कोरकतां विकस्वरतरे याते किमिन्दीवरे ।
६४००२ इन्दोर्बिम्बमवाप्य जातरभसौ किं वा चकोराविमाव् आं ज्ञातं शफरीविलासपटुनी नेत्रे कुर गीदृशः ॥
६४०११ उड्डीयाणं तु सहजं कथितं गुरुणा सदा ।
६४०१२ अभ्यसेदस्ततन्द्रस्तु वृद्धोऽपि तरुणो भवेत् ॥
६४०२१ उड्डीयोर्ध्वं गमने  निपत्यवचना वधोन्मुखी शकुनिः ।
६४०२२ वामे यातुर्निधनं  दिशति विपक्षे विपक्षस्य ॥
६४०२ १ उत वा तृणवान्मार्गः समो गम्यः प्रशस्यते ।
६४०२ २ सुशोध्यस्त्रिविधो मार्गः षड्विधं च स्वकं बलम् ॥
६४०३१ उत्कटकण्टककोटी  घर्षणघृष्टानि हृदि न चिन्तयति ।
६४०३२ असदृशरसविवशमतिर् विशत्यलिः केतकीकुसुमम् ॥
६४०४१ उत्कण्ठयति मेघानां माला वृन्दं कलापिनाम् ।
६४०४२ यूनां चोत्कण्ठयत्येष मानसं मकरध्वजः ॥
६४०५१ उत्कण्ठाकुलचक्रवाकयुवतीनिःश्वासदण्डाहतः  पीयूषद्युतिरच्छदर्पणतुलामारोहति प्रस्थितः ।
६४०५२ कोकानां कृपयेव कुक्कुटरवैराहूयमाने रवौ  दिग्जाता नवधौतविद्रुममणिच्छाया च सौत्रामणी ॥
६४०६१ उत्कण्ठाकुलमस्तु कण्टककुले संजायतां ते मनः  सानन्दं पिचुमन्दकन्दलदलास्वादेषु का वा क्षतिः ।
६४०६२ एतत्किं तु तव क्रमेलक कथंकारं सहे दुःसहं  तस्मिन् पुण्ड्रककन्दलीकिसलये येनासि निन्दापरः ॥
६४०७१ उत्कण्ठित मनो बाला सुदूरस्था नवं वयः ।
६४०७२ विधिर्वामो रिपुः कामो हा हा दुःखपरम्परा ॥
६४०८१ उत्कण्ठितस्य हृदयानुगुणा वयस्या  संकेतके चिरयति प्रवरो विनोदः ।
६४०८२ संस्थापना प्रियतमा विरहातुराणां  रक्तस्य रागपरिवृद्धिकरः प्रमोदः ॥
६४०९१ उत्कण्ठितस्य हृदयानुगता सखीव  संकीर्णदोषरहिता विषयेषु गोष्ठी ।
६४०९२ क्रीडारसेषु मदनव्यसनेषु कान्ता  स्त्रीणां तु कान्तरतिविघ्नकरी सपत्नी ॥
६४१०१ उत्कम्पघर्मपिच्छिल  दोःसाधिकहस्तविच्युतश्चौरः ।
६४१०२ शिवमाशास्ते सुतनु  स्तनयोस्तव पञ्चलाञ्चलयोः ॥
६४१११ उत्कम्पिनी भयपरिस्खलितांशुकान्ता  ते लोचने प्रतिदिशं विधुरे क्षिपन्ती ।
६४११२ क्रूरेण दारुणतया सहसैव दग्धा  धूमान्धितेन दहनेन न वीक्षितासि ॥
६४१२१ उत्कम्पोऽपि सकम्प एव हृदये चिन्तापि चिन्तान्विता  निःश्वासा अपि निःश्वसन्त्यनिभृतं बाष्पोऽपि बाष्पायते ।
६४१२२ कान्तां संस्मरतो विदेशवसतेर्नक्तं दिवं कामिनः  प्रारोहा इव निष्पतन्ति मनसो दुःखानि दुःखान्वितात् ॥
६४१३१ उत्कम्पो हृदये स्खलन्ति वचनान्यावेगलोलं मनो  गात्रं सीदति चक्षुरश्रुकलुषं चिन्ता मुखं शुष्यति ।
६४१३२ यस्यैषा सखि पूर्वर गरचना मानः स मुक्तो मया  वन्स्यास्ता अपि योषितः क्षितितले यासामयं संमतः ॥
६४१४१ उत्कर्णं करिणां गणेन विकसन्मोदं चिराद्बर्हिभिः  क्रीडाकेशरिभिश्च पञ्जरगतैः कोपस्फुरल्लोचनम् ।
६४१४२ कुञ्जोत्स गभुवि प्रकम्पतरलं सीमन्तिनीभिः क्षणात् पीतः श्रोत्रपुटेन देव परितः प्रातर्मृद गध्वनिः ॥
६४१५१ उत्कर्णोऽयमकाण्डचण्डिमपटुः स्फारस्फुरत्केसरः  क्रूराकारकरालवक्रविकटस्तब्धोर्ध्वला गूलभृत् ।
६४१५२ चित्रेणापि न शक्यतेऽभिलिखितुं सर्वा गसंकोचनाच् चीत्कुर्वद्गिरिकुञ्जकुञ्जरशिरः कुम्भस्थलस्थो हरिः ॥
६४१६१ उत्कर्तितुं समर्थोऽपि गन्तुं चैव सपक्षकः ।
६४१६२ द्विरेफो गन्धलोभेन कमले याति बन्धनम् ॥
६४१७१ उत्कर्षवान्निजगुणो  यथा यथा याति कर्णमन्यस्य ।
६४१७२ धनुरिव सुवंशजन्मा  तथा तथा सज्जनो नमति ॥
६४१८१ उत्कर्षो नैव नित्यः स्यान्नापकर्षस्तथैव च ।
६४१८२ प्राक्कर्मवशतो नित्यं सधनो निर्धनो भवेत् ॥
६४१९१ उत्कलिकाबाहुल्यं  तत्तत्स्वाभाविकं द्रवत्वं च ।
६४१९२ स च निरुपाधिस्नेहस् तेनेशस्य प्रिया ग गा ॥
६४२०१ उत्कल्लोलस्य लक्ष्मीं लवणजलनिधिर्लम्भितः क्षीरसिन्धोः  को विन्ध्यः कश्च गौरीगुरुरिति मरुतामभ्युदस्तो विवेकः ।
६४२०२ नीताः कर्कत्वमर्कप्रवहणहरयो हारितोत्स गलक्ष्मा  राजन्नुद्दामगौरैरजनि च रजनीवल्लभस्त्वद्यशोभिः ॥
६४२११ उत्कामुन्मनयन्त्येते बालां तदलकत्विषः ।
६४२१२ अम्भोधरास्तडित्वन्तो गम्भीराः स्तनयित्नवः ॥
६४२२१ उत्कीर्णा इव वासयष्टिषु निशानिद्रालसा बर्हिणो  धूपैर्जालविनिःसृतैर्वलभयः संदिग्धपारावताः ।
६४२२२ आचारप्रयतः सपुष्पबलिषु स्थानेषु चार्चिष्मतीः  संध्याम गलदीपिका विभजते शुद्धान्तवृद्धो जनः ॥
६४२३१ उत्कूजति भ्रमति रोदिति रारटीति  पद्मानि चोत्क्षिपति चञ्चुपुटेन दूरम् ।
६४२३२ तोये निमज्जति शशा कमुदीक्षते च  कष्टं प्रियाविरहितो निशि चक्रवाकः ॥
६४२४१ उत्कूजति श्वसिति मुह्यति याति तीरं  तीरात्तरुं तरुतलात्पुनरेति वापीम् ।
६४२४२ वाप्यां न तिष्ठति न चाति मृणालखण्डं  चक्रः क्षपासु विरहे खलु चक्रवाक्याः ॥
६४२५१ उत्कूजन्तु वटे वटे बत बकाः काका वराका अपि  क्रांकुर्वन्तु सदा निनादपटवस्ते पिप्पले पिप्पले ।
६४२५२ सोऽन्यः कोऽपि रसालपल्लवलवग्रासोल्लसत्पाटव  क्रीडत्कोकिलकण्ठकूजनकलालीलाविलासक्रमः ॥
६४२६१ उत्कृत्य ज्वलितात्शवात्कथमपि प्रेताशनः पैशितीं  पेशीमग्निमयीं निगीर्य सहसा दन्दह्यमानोदरः ।
६४२६२ धावत्युत्प्लवते मुहुर्निपतति प्रोत्तिष्ठति प्रेक्षते  विष्वक्क्रोशति संपिनष्टि जठरं मुष्ट्या हते मस्तकम् ॥
६४२७१ उत्कृत्योत्कृत्य कृत्तिं प्रथममथ पृथूच्छोफभूयांसि मांसान्य  अंसस्फिक्पृष्ठपिण्डाद्यवयवसुलभान्युग्रपूतीनि जग्ध्वा ।
६४२७२ आत्तस्नाय्वन्त्रनेत्रः प्रकटितदशनः प्रेतर कः कर काद् अ कस्थादस्थिसंस्थं स्थपुटगतमपि क्रव्यमव्यग्रमत्ति ॥
६४२८१ उत्कृत्योत्कृत्य गर्भानपि शकलयतः क्षत्रसंतानरोषाद् उद्दामस्यैकविंशत्यवधि विधसतः सर्वतो राजवंश्यान् ।
६४२८२ पित्र्यं तद्रक्तपूर्णह्रदसवनमहानन्दमन्दायमान  क्रोधाग्नेः कुर्वतो मे न खलु न विदितः सर्वभूतैः स्वभावः ॥
६४२९१ उत्कृष्टबलवीर्यस्य विजिगीषोर्जयैषिणः ।
६४२९२ गुणानुरक्तप्रकृतेर्यात्रा यानमिति स्मृतम् ॥
६४३०१ उत्कृष्टमध्यमनिकृष्टजनेषु मैत्री  यद्वच्छिलासु सिकतासु जलेषु रेखा ।
६४३०२ वैरं क्रमादधममध्यमसज्जनेषु  यद्वच्छिलासु सिकतासु जलेषु रेखा ॥
६४३११ उत्कोचं प्रीतिदानं च द्यूतद्रव्यं सुभाषितम् ।
६४३१२ कामिनीं प्रथमावस्थां सद्यो गृह्णाति बुद्धिमान् ॥
६४३२१ उत्कोचकाश्चौपधिका वञ्चकाः कितवास्तथा ।
६४३२२ म गलादेशवृत्ताश्च भद्रप्रेक्षणिकैः सह ॥
६४३३१ असम्यक्कारिणश्चैव महामात्राश्चिकित्सकाः ।
६४३३२ शिल्पोपचारयुक्ताश्च निपुणाः पुण्ययोषितः ॥
६४३४१ एवमाद्यान् विजानीयात्प्रकाशांल्लोककण्टकान् ।
६४३४२ विगूढचारिणश्चान्याननार्यानार्यलि गिनः ॥
६४३५१ उत्कोचपारितोषक  भाटसुभाषिततरार्थचौर्यांशाः ।
६४३५२ तत्क्षणमेव ग्राह्याः  षडन्यकाले न लभ्यन्ते ॥
६४३६१ उत्क्रान्तं गिरिकूटल घनसहं ते वज्रसारा नखास् तत्तेजश्च तदूर्जितं स च नगोन्माथी निनादो महान् ।
६४३६२ आलस्यादविमुञ्चता गिरिगुहां सिंहेन निद्रालुना  सर्वं विश्वजयैकसाधनमिदं लब्धं न किंचित्कृतम् ॥
६४३७१ उत्क्रान्तानामामिषायोपरिष्टाद् अध्याकाशं बभ्रुमुः पत्रवाहाः ।
६४३७२ मूर्ताः प्राणा नूनमद्याप्यवेक्षा  मासुः कायं त्याजिता दारुणास्त्रैः ॥
६४३८१ उत्क्रामद्भिश्च यः प्राणैः प्रयतः शिष्टसंमतः ।
६४३८२ चिन्तयेन्मनसा ग गां स गतिं परमां लभेत् ॥
६४३९१ उत्क्षिप्तं करक कणद्वयमिदं बद्धा दृढं मेखला  यत्नेन प्रतिपादिता मुखरयोर्मञ्जीरयोर्मूकता ।
६४३९२ आरब्धे रभसान्मया प्रियसखि क्रीडाभिसारोत्सवे  चण्डालस्तिमिरावगुण्ठनपटक्षेपं विधत्ते विधुः ॥
६४४०१ उत्क्षिप्तं सखि वर्तिपूरितमुखं मूकीकृतं नूपुरं  काञ्चीदाम निवृत्तघर्घररवं क्षिप्तं दुकूलान्तरे ।
६४४०२ सुप्ताः पञ्जरसारिकाः परिजनोऽप्याघूर्णितो निद्रया  शून्यो राजपथस्तमांसि निविडान्येह्येहि निर्गम्यताम् ॥
६४४११ उत्क्षिप्तं सह कौशिकस्य पुलकैः साकं मुखैर्नामितं  भूपानां जनकस्य संशयधिया सार्धं समास्फालितम् ।
६४४१२ वैदेहीमनसा समं च सहसा कृष्टं ततो भार्गव  प्रौढाहंकृतिकन्दलेन च समं भग्नं तदैशं धनुः ॥
६४४२१ उत्क्षिप्तबाहुदर्शित  भुजमूलं चूतमुकुल मम सख्या ।
६४४२२ आकृष्यमाण राजति  भवतः परमुच्चपदलाभः ॥
६४४३१ उत्क्षिप्तमुच्छ्रितसितांशुकरावलम्बैर् उत्तम्भितोडुभिरतीवतरां शिरोभिः ।
६४४३२ श्रद्धेयनिर्झरजलव्यपदेशमस्य  विष्वक्तटेषु पतति स्फुटमन्तरीक्षम् ॥
६४४४१ उत्क्षिप्ता अपि दन्तीद्रैः कोपनैः पत्तयः परम् ।
६४४४२ तदसूनहरन् खड्गघातैः स्वस्य पुरः प्रभोः ॥
६४४५१ उत्क्षिप्य करिभिर्दूरान्मुक्तानां योधिनां दिवि ।
६४४५२ प्रापि जीवात्मभिर्दिव्या गतिर्वा विग्रहैर्मही ॥
६४४६१ उत्क्षिप्य टिट्टिभः पादावास्ते भ गभयाद्दिवः ।
६४४६२ स्वचित्तकल्पितो गर्वः कस्य नात्रापि विद्यते ॥
६४४७१ उत्क्षिप्यालकमालिकां विलुलितामापाण्डुगण्डस्थलाद् विश्लिष्यद्वलयप्रपातभयतः प्रोल्लास्य किंचित्करौ ।
६४४७२ द्वारस्तम्भनिषण्णगात्रलतिका केनापि पुण्यात्मना  मार्गालोकनदत्तदृष्टिरबला तत्कालमालि ग्यते ॥
६४४८१ उत्क्षिप्योच्चैः प्रस्फुरन्तं रदाभ्याम्  ईषादन्तः कुञ्जरं शात्रवीयम् ।
६४४८२ शृ गप्रोतप्रावृषेण्याम्बुदस्य  स्पष्टं प्रापत्साम्यमुर्वीधरस्य ॥
६४४९१ उत्खातं निधिश कया क्षितितलं ध्माता गिरेर्धातवो  निस्तीर्णः सरितांपतिर्नृपतयो यत्नेन संसेविताः ।
६४४९२ मन्त्राराधनतत्परेण मनसा नीताः श्मशाने निशाः  प्राप्तः काणवराटकोऽपि न मया तृष्णेऽधुना मा भव ॥
६४५०१ उत्खातच्छिन्नसंध्यारुणकमलवनो व्योमकासारमध्यं  मन्ये मत्तो निशीथाह्वयवनमहिषो म क्ष्वविक्षन्मिम क्षुः ।
६४५०२ तत्कालोद्भिद्यमानः सह तनुपृथुभिस्तारकाबुद्बुदौघैस् तस्मादेवोज्जिहीते कलुषितभुवनं भीषणो ध्वान्तप कः ॥
६४५११ उत्खातदैवतमिवायतनं पुरारेर् अस्ताचलान्तरितसूर्यमिवान्तरिक्षम् ।
६४५१२ हम्मीरभूभुजि गते सुरवेश्म विश्वं  पश्यामि हारमिव नायकरत्नशून्यम् ॥
६४५२१ उत्खातान् प्रतिरोपयन् कुसुमितांश्चिन्वंल्लघून् वर्धयन्  अत्युच्चान्नमयन् पृथून् विदलयन् विश्लेषयन् संहतान् ।
६४५२२ तीक्ष्नान् कण्टकिनो बहिर्नियमयन् स्वारोपितान् पालयन्  मालाकार इव प्रयोगकुशलो राज्ये चिरं तिष्ठति ॥
६४५३१ उत्खाय चित्तोपवनात्सुमेधो  माला कृता पुस्तकनिष्कुटेषु ।
६४५३२ काव्यद्रुमाणामधिरोपितानां  फलं परां निर्वृतिमुन्नयामः ॥
६४५४१ उत्खेलत्त्रिवलीतर गतरला रोमावलीशैवल  स्त्रग्वल्लिर्युवती ध्रुवं जनमनोनिर्वाणवाराणसी ।
६४५४२ एतस्या यदुरस्तटीपरिसरे यद्बाल्यचापल्ययोः  स्थाने यौवनशिल्पिकल्पितचिताचैत्यद्वयं दृश्यते ॥
६४५५१ उत्तंसः केकिपिच्छैर्मरकतवलयश्यामले दोःप्रकाण्डे  हारः सान्द्रेन्द्रनीलैर्मृगमदरचितो वक्त्रपत्रप्रपञ्चः ।
६४५५२ नीलाब्जैः शेखरश्रीरसितवसनता चेत्यभीकाभिसारे  संप्रत्येणेक्षणानां तिमिरभरसखी वर्तते वेषलीला ॥
६४५६१ उत्तंसकौतुकरसेन विलासिनीनां  लूनानि यस्य न नखैरपि पल्लवानि ।
६४५६२ उद्यानमण्डनतरो सहकार स त्वम्  अ गारकारकरगोचरतां गतोऽसि ॥
६४५७१ उत्तंसितं भाति मुखप्रभाभिर् न किंचिदब्जं यदहो तदस्याः ।
६४५७२ युक्तं दृशावेव विधिर्विधिज्ञः  कर्णद्वयालंकरणं चकार ॥
६४५८१ उत्तंसीकृतचन्द्रमाः सभुजगान् वीचीन् परावर्तयन्  ज्योत्स्नाभस्मविलेपने निरवधिस्फीते महिम्नि स्थितः ।
६४५८२ प्रे कच्छ करोटिकोटिहननैः स्वःसिन्धुमुद्घोषयन्न्  अत्यन्तं पथि गर्जिताट्टहसितो रुद्रं हसत्यर्णवः ॥
६४५९१ उत्तंसेषु ननर्त न क्षितिभुजां न प्रेक्षकैर्लक्षितः  साका क्षं लुठितो न च स्तनतटे लीलावतीनां क्वचित् ।
६४५९२ कष्टं भोश्चिरमन्तरेव जलधेर्दैवाद्विशीर्णोऽभवत् खेलद्व्यालकुला गघर्षणपरिक्षीणप्रमाणो मणिः ॥
६४६०१ उत्तप्तोऽयमुरंगमः शिखितलच्छायां समालम्बते  वैरं साहजिकं विहाय च शिखी मूलं तरोर्गच्छति ।
६४६०२ याचन्ते च जलं निकुञ्जभवने तृष्णातुराः सारिकास् तप्ते वारिणि प कजानि मधुपास्त्यक्त्वा श्रयन्ते लताः ॥
६४६११ उत्तमं पुष्करक्षेत्रं ताराक्षेत्रं न मध्यमम् ।
६४६१२ अधमं च कुरुक्षेत्रं प्रभासं त्वधमाधमम् ॥
६४६२१ उत्तमं प्रणिपातेन शूरं भेदेन योजयेत् । नीचमल्पप्रदानेन समशक्तिं पराक्रमैः ॥
६४६३१ उत्तमं सुचिरं नैव विपदोऽभिभवन्त्यलम् ।
६४६३२ राहुग्रसनसंभूतिः क्षणं विच्छाययेद्विधुम् ॥
६४६४१ उत्तमं स्वार्जितं वित्तं मध्यमं पितुरर्जितम् ।
६४६४२ अधमं भ्रातृवित्तं च स्त्रीवित्तमधमाधमम् ॥
६४६५१ उत्तमः क्लेशविक्षोभं क्षमः सोढुं न हीतरः ।
६४६५२ मणिरेव महाशाणघर्षणं न तु मृत्कणः ॥
६४६६१ उत्तमः षट्पदः प्रोक्तो मध्यमः पञ्चभिस्तथा ।
६४६६२ कनिष्ठस्तु चतुर्भिः स्यादेवं स्युर्ध्रुवकास्त्रिधा ॥
६४६७१ उत्तमकुलेऽपि जातः  सेवां विदधाति नीचलोकस्य ।
६४६७२ वदति च वाचं नीचाम्  उदरेश्वरपीडितो मर्त्यः ॥
६४६८१ उत्तमतरुणप्रकृतिः  पुलकादिकसूचितान्यतनुसक्तिः ।
६४६८२ स्फुटसंनिहितविभावो  निवार्यते केन शृ गारः ॥
६४६९१ उत्तमपदार्थरसिकाः  सुलभा लोके भवन्ति सर्वेऽपि ।
६४६९२ दूषितपदार्थरसिकस् त्वमिव मतस्त्वं पुनः करट ॥
६४७०१ उत्तमभुजंगसंगम  निस्पन्दनितम्बचापलस्तस्याः ।
६४७०२ मन्दरगिरिरिव विबुधैर् इतस्ततः कृष्यते कायः ॥
६४७११ उत्तमर्णधनदानश कया  पावकोत्थशिखया हृदिस्थया ।
६४७१२ देव दग्धवसना सरस्वती  नास्यतो बहिरुपैति लज्जया ॥
६४७२१ उत्तमर्णमुखं पश्यन्नधमर्णो ह्रिया नमन् ।
६४७२२ मृत्युजीवितयोर्युद्धसंभ्रमं परिलोकते ॥
६४७३१ उत्तमवनितैकगतिः  करीव सरसीपयः सखीधैर्यम् ।
६४७३२ आस्कन्दितोरुणा त्वं  हस्तेनैव स्पृशन् हरसि ॥
६४७४१ उत्तमश्चिन्तितं कुर्यात्प्रोक्तकारी तु मध्यमः ।
६४७४२ अधमोऽश्रद्धया कुर्यादकर्तोच्चरितं पितुः ॥
६४७५१ उत्तमस्तोषमायाति तद गं पोष्यते यदि ।
६४७५२ वृक्षः प्रसीदति प्रायः पादाभ्य गेन न स्वयम् ॥
६४७६१ उत्तमस्य क्षणं कोपो मध्यस्य प्रहरद्वयम् ।
६४७६२ अधमस्य त्वहोरात्रं पापिष्ठो नैव मुच्यते ॥
६४७७१ उत्तमस्यापि वर्णस्य नीचोऽपि गृहमागतः ।
६४७७२ पूजनीयो यथायोग्यं सर्वदेवमयोऽतिथिः ॥
६४७८१ उत्तमस्यापि वर्णस्य नीचोऽपि गृहमागतः ।
६४७८२ बालो वा यदि वा वृद्धः सर्वस्याभ्यागतो गुरुः ॥
६४७९१ उत्तमाः स्वगुणैः ख्याता मध्यमाश्च पितुर्गुणैः ।
६४७९२ अधमा मातुलस्यापि श्वशुरस्याधमाधमाः ॥
६४८०१ उत्तमाः स्वार्जितैर्द्रव्यैः पितुर्वित्तेन मध्यमाः ।
६४८०२ अधमा मातृवित्तेन स्त्रीवित्तेनाधमाधमाः ॥
६४८११ उत्तमा आत्मनः ख्याताः पितुः ख्याताश्च मध्यमाः ।
६४८१२ अधमा मातुलात्ख्याताः श्वशुराच्चाधमाधमः ॥
६४८२१ उत्तमा गोद्भवाज्ज्यैष्ठ्याद्ब्रह्मणश्चैव धारणात् ।
६४८२२ सर्वस्यैवास्य सर्गस्य धर्मतो ब्राह्मणः प्रभुः ॥
६४८३१ उत्तमाधममध्यानां श्रोतव्यं वचनं बुधैः ।
६४८३२ तत्र चात्महितं ग्राह्यं वस्तवाक्यं यथा नृपः ॥
६४८४१ उत्तमाधममध्यानि बुद्ध्वा कार्याणि पार्थिवः ।
६४८४२ उत्तमाधममध्येषु पुरुषेषु नियोजयेत् ॥
६४८५१ उत्तमाधमसंसक्तौ जानन् सदृशवृत्तिताम् ।
६४८५२ नारीणां शुचिबाह्यानाम गनाख्यां व्यधाद्विधिः ॥
६४८६१ उत्तमानां स्वभावोऽयं परदुःखासहिष्णुता ।
६४८६२ स्वयं दुःखं च संप्राप्तं मन्यतेऽन्यस्य वार्यते ॥
६४८७१ उत्तमानामपि स्त्रीणां विश्वासो नैव विद्यते ।
६४८७२ राजप्रियाः कैरविण्यो रमन्ते मधुपैः सह ॥
६४८८१ उत्तमानुत्तमानेव गच्छन् हीनांश्च वर्जयन् ।
६४८८२ ब्राह्मणः श्रेष्ठतामेति प्रत्यवायेन शूद्रताम् ॥
६४८९१ उत्तमानेव सेवेत प्राप्ते काले तु मध्यमान् ।
६४८९२ अधमांस्तु न सेवेत य इच्छेच्श्रेय आत्मनः ॥
६४९०१ उत्तमाभिजनोपेतान्न नीचैः सह वर्धयेत् ।
६४९०२ कृशोऽपि हि विवेकज्ञो याति संश्रयणीयताम् ॥
६४९११ उत्तमाश्चात्मना ख्याताः पित्रा ख्याताश्च मध्यमाः ।
६४९१२ अधमा मातुलैः ख्याताः श्वशुरैश्चाधमाधमाः ॥
६४९२१ उत्तमास्ताजिकाः प्रोक्ताः पारसीकाः समुद्रजाः ।
६४९२२ कोक्काणाखतलाणाश्च तथा सौराष्ट्रजा हयाः ॥
६४९३१ उत्तमे तु क्षणं कोपो मध्यमे घटिकाद्वयम् ।
६४९३२ अधमे स्यादहोरात्रं चाण्डाले मरणान्तिकः ॥
६४९४१ उत्तमेनोत्तमं सर्वं मनुष्याणां प्रयत्नतः ।
६४९४२ अदृष्टमीक्ष्य सर्वेषां वक्तव्यं सुविचक्षणैः ॥
६४९५१ उत्तमे विघ्नवत्तास्ति अधमो दुःखभाजनम् ।
६४९५२ तस्मात्सर्वत्र योग्यत्वाच्श्रेष्ठो वै मध्यमः स्मृतः ॥
६४९६१ उत्तमैः सह स गेन को न याति समुन्नतिम् ।
६४९६२ मूर्ध्ना तृणानि धार्यन्ते ग्रथितैः कुसुमैः सह ॥
६४९७१ उत्तमैः सह सांगत्यं पण्डितैः सह संकथाम् ।
६४९७२ अलुब्धैः सह मित्रत्वं कुर्वाणो नावसीदति ॥
६४९८१ उत्तमैः सह सांगत्यं यत्प्राज्ञैः सत्यवादिभिः ।
६४९८२ बन्धनस्थोऽपि तिष्ठेत न तु राज्ये नराधमैः ॥
६४९९१ उत्तमैः स्वीकृतो नीचो नीच एव न चोत्तमः ।
६४९९२ भैरवाधिष्ठितः श्वा तु कदाचिन्नैव केसरी ॥
६५००१ उत्तमैरननुज्ञातं कार्यं नेच्छेच्च तैः सह ।
६५००२ देवैः साकं सुधापानाद्राहोश्छिन्नं शिरो यतः ॥
६५०११ उत्तमैरुत्तमैर्नित्यं संबन्धानाचरेत्सह ।
६५०१२ निनीषुः कुलमुत्कर्षमधमानधमांस्त्यजेत् ॥
६५०२१ उत्तमो नातिवक्ता स्यादधमो बहुभाषकः ।
६५०२२ न हि स्वर्णे ध्वनिस्तादृग्यादृक्कांस्ये प्रजायते ॥
६५०३१ उत्तमोऽपि कुलजोऽपि मनुष्यः  सर्वलोकमहितोऽपि बुधोऽपि ।
६५०३२ दासतां भजति यां भजमानस् तां भजन्ति गणिकां किमु सन्तः ॥
६५०४१ उत्तमोऽप्यधमस्य स्याद्याच्ञानम्रकरः क्वचित् ।
६५०४२ कौस्तुभादीनि रत्नानि ययाचे हरिरम्बुधिम् ॥
६५०५१ उत्तमोऽप्रार्थितो दत्ते मध्यमः प्रार्थितः पुनः ।
६५०५२ याचकैर्याच्यमानोऽपि दत्ते न त्वधमाधमः ॥
६५०६१ उत्तमो मध्यमो नीचोऽधमो भ्रातृगुणैर्नरः ।
६५०६२ कन्यास्त्रीभगिनीभाग्यो नरोऽधमतमो मतः ॥
६५०७१ उत्तमो रसवादश्च धातुवादश्च मध्यमः ।
६५०७२ अधमो मन्त्रवादश्च मिथ्यावादोऽधमाधमः ॥
६५०८१ उत्तर गय कुर गलोचने  लोचने कमलगर्वमोचने ।
६५०८२ अस्तु सुन्दरि कलिन्दनन्दिनी  वीचिडम्बरगभीरमम्बरम् ॥
६५०९१ उत्तरतश्च मधूकाद् अहिनिलयः पश्चिमोत्तरे तोयम् ।
६५०९२ परिहृत्य पञ्चहस्तान्  अर्धाष्टमपौरुषं वाच्यम् ॥
६५१०१ उत्तरन्ति विनिकीर्य पल्वलं  गाढप कमतिवाहितातपाः ।
६५१०२ दंष्ट्रिणो वनवराहयूथपा  दष्टभ गुरबिसा कुरा इव ॥
६५१११ उत्तरादुत्तरं वाक्यमुत्तरादेव जायते ।
६५११२ सुवृष्टिगुणसंपन्नाद्बीजाद्बीजमिवापरम् ॥
६५१२१ उत्तरापथकान्तानां किं ब्रूमो रामणीयकम् ।
६५१२२ यासां तुषारसंभेदे न म्लायति मुखाम्बुजम् ॥
६५१३१ उत्तरीयविनयात्त्रपमाणा  रुन्धती किल तदीक्षणमार्गम् ।
६५१३२ आवरिष्ट विकटेन विवोढुर् वक्षसैव कुचमण्डलमन्या ॥
६५१४१ उत्तरेण किमात्मैव पञ्चबाणाग्निसाक्षिकम् ।
६५१४२ तव सख्यै मया दत्तो न सेव्यः सेविता रहः ॥
६५१५१ उत्तरेण सदा कार्यं प्राणस्य न विरोधकम् ।
६५१५२ संग्रामेण विना कार्यं न लक्ष्यं दक्षिणामुखम् ॥
६५१६१ उत्तानफललुब्धानां वरं राजोपजीविनः ।
६५१६२ न तु तत्स्वामिनस्तीव्रपरिक्लेशैः फलन्ति ये ॥
६५१७१ उत्तानाः कति वेल्लिताः कति रयादाभुग्नमध्याः कति  क्षिप्तोत्क्षिप्तविकुञ्चिताः कति भुजास्तौर्यत्रिकानुक्रमात् ।
६५१७२ कल्पान्तेषु महानटस्य झटिति प्रक्रान्तचक्रभ्रमि  भ्रान्तौ केवलमग्निहासगरलैर्लेखात्रयं पातु वः ॥
६५१८१ उत्तानामुपधाय बाहुलतिकामेकामपा गश्रिताम्  अन्यामप्यलसां निधाय विपुलाभोगे नितम्बस्थले ।
६५१८२ नीवीं किंचिदवश्लथां विदधती निश्वासलोलालका  तल्पोत्पीडनतिर्यगुन्नतकुचं निद्राति शातोदरी ॥
६५१९१ उत्तानोच्छूनमण्डूकपाटितोदरसंनिभे ।
६५१९२ क्लेदिनि स्त्रीव्रणे सक्तिरकृमेः कस्य जायते ॥
६५२०१ उत्तानोल्लपितप्रतारितनवश्रोत्रैः कथं भाव्यतां  वाक्प्रत्यंशनिवेशिताखिलजगत्तत्त्वा कवीनां कला ।
६५२०२ रथ्यागर्तविगाहनाद्भुतकृतैर्गाह्यः क्व रत्नाकरो  यस्यान्तःशफराधमाननतटीमज्जद्गिरीन्द्राः श्रियः ॥
६५२११ उत्तानौ चरणौ कृत्वा ऊरुसंस्थौ प्रयत्नतः ।
६५२१२ ऊरुमध्ये तथोत्तानौ पाणी पद्मासनं त्विदम् ॥
६५२२१ उत्तारकमतिस्निग्धं भ्रूक्षेपवशवर्ति च ।
६५२२२ सदा मुखस्थं मित्रं चेन्नेत्रेण चपलेन किम् ॥
६५२३१ उत्तारयति विपत्ताव् इति धनवत्तामपेक्षते क्षितिपः ।
६५२३२ चेन्नेह तदुपयोगस् तं नियतं वित्तसंचयो रोगः ॥
६५२४१ उत्तालताटकोत्पातदर्शनेऽप्यप्रकम्पितः ।
६५२४२ नियुक्तस्तत्प्रमाथाय स्त्रैणेन विचिकित्सति ॥
६५२५१ उत्तालतालीवनसंप्रवृत्त  समीरसीमन्तितकेतकीकाः ।
६५२५२ आसेदिरे लावणसैन्धवीनां  चमूचरैः कच्छभुवां प्रदेशाः ॥
६५२६१ उत्तालापीतहालारसविवशमनोवृत्तिताला कसीर  प्रोत्खाताकृष्टकालागुरुरुचिररुचिः स्त्रोतसोन्मादशीला ।
६५२६२ अच्छण्डीद्वीपवन्दीभवदखिलचलत्कान्दिशीकोग्रनक्रा  कालिन्दी वोऽस्तु संदीपितसुकृतचयोद्रेकम्न्दीकृतैनाः ॥
६५२७१ उत्तालालकभञ्जनानि कबरीपाशेषु शिक्षारसो  दन्तानां परिकर्म नीविनहनं भ्रूलास्ययोग्याग्रहः ।
६५२७२ तिर्यग्लोचनचेष्टितानि वचसां छेकोक्तिसंक्रान्तयः  स्त्रीणां म्लायति शैशवे प्रतिकलं कोऽप्येष केलिक्रमः ॥
६५२८१ उत्तिष्ठ क्षणमेकमुद्वह सखे दारिद्र्यभारं गुरुं  श्रान्तस्तावदहं चिरान्मरणजं सेवे त्वदीयं सुखम् ।
६५२८२ इत्युक्तो धनवर्जितेन विदुषा गत्वा श्मशानं शवो  दारिद्र्यान्मरणं वरं सुखमिति ज्ञात्वा स तूष्णीं स्थितः ॥
६५२९१ उत्तिष्ठति नमति वणिक् पृच्छति कुशलं ददाति च स्थानम् ।
६५२९२ निक्षेपपाणिमाप्तं  दृष्ट्वा धर्म्यां कथां कुरुते ॥
६५३०१ उत्तिष्ठ दूति यामो  यामो यातस्तथापि नायातः ।
६५३०२ यातः परमपि जीवेज् जीवितनाथो भवेत्तस्याः ॥
६५३११ उत्तिष्ठन्त्या रतान्ते भरमुरगपतौ पाणिनैकेन कृत्वा  धृत्वा चान्येन वासो विगलितकबरीभारमंसे वहन्त्याः ।
६५३१२ भूयस्तत्कालकान्तिद्विगुणितसुरतप्रीतिना शौरिणा वः  शय्यामालि ग्य नीतं वपुरलसलसद्बाहु लक्ष्म्याः पुनातु ॥
६५३२१ उत्तिष्ठमानस्तु परो नोपेक्ष्यः पथ्यमिच्छता ।
६५३२२ समौ हि शिष्टैराम्नातौ वर्त्स्यन्तावामयः स च ॥
६५३३१ उत्तिष्ठ यदि जीवन्तीं मामिच्छसि तमानय ।
६५३३२ अहं नेतुमशक्यापि सुदूरमिदमन्तरम् ॥
६५३४१ उत्तिष्ठ वत्सेत्यमृतायमानं  वचो निशम्योत्थितमुत्थितः सन् ।
६५३४२ ददर्श राजा जननीमिव स्वां  गामग्रतः प्रस्रविणीं न सिंहम् ॥
६५३५१ उत्तिष्ठारात्तरौ मे तरुणिमम तरोः शक्तिरारोहण का  साक्षादाख्यामि मुग्धे तरणिमिह रवेराख्यया का रतिर्मे ।
६५३५२ वार्तेयं नौप्रस गे कथमपि भविता नावयोः संगमार्था  वार्तापीति स्मितास्यं जितगिरमजितं राधयाराधयामि ॥
६५३६१ उत्तिष्ठोत्तिष्ठ किं शेषे प्राप्ते परिभवे नवे ।
६५३६२ अद्य वै निर्भया ल कां प्रविष्टाः सूर्यरश्मयः ॥
६५३७१ उत्तीर्णभारलघुनाप्यलघूलपौघ  सौहित्यनिःसहतरेण तरोरधस्तात् ।
६५३७२ रोमन्थमन्थरचलद्गुरुसास्नमासां  चक्रे निमीलदलसेक्षणमौक्षकेण ॥
६५३८१ उत्तीर्य दक्षिणे पूर्वं पश्चाद्वामेऽतिनिन्दिताः ।
६५३८२ कैश्चित्कृष्णो मृगश्चैकः कैश्चित्सर्वेऽपि नादृताः ॥
६५३९१ उत्तीर्य पृष्ठतो याति वेष्टनं वाकरोति चेत् ।
६५३९२ स्वस्थस्य वेष्टनप्राप्तिः सभयस्य भयं हरेत् ॥
६५४०१ उत्तु गपीवरकुचद्वयपीडिता गम्  आलि गितः पुलकितेन भुजेन रत्या ।
६५४०२ श्रीमञ्जगन्ति मदयन्नयनाभिरामः  कामोऽयमेति मदघूर्णितनेत्रपद्मः ॥
६५४११ उत्तु गमत्तमात गमस्तकन्यस्तलोचनः ।
६५४१२ आसन्न्ऽएपि च सार गे न वाञ्च्छां कुरुते हरिः ॥
६५४२१ उत्तु गवातायनगोपुराणि  गृहाणि वित्तानि दुरर्जितानि ।
६५४२२ क्षणादधःपातकराणि हन्त  चितातिथेरस्य निरर्थकानि ॥
६५४३१ उत्तु गशैलशिखरस्थितपादपस्य  काकः कृशोऽपि फलमालभते सपक्षः ।
६५४३२ सिंहः प्रचण्डगजकुम्भविदारकोऽपि  उच्छिष्टमेव लभते खलु पक्षहीनः ॥
६५४४१ उत्तु गशैलशिखराश्रयणेन केचिद् उद्दामवीचिवलिताः सरितो भवन्ति ।
६५४४२ अन्ये पुणर्जलकनास्तृणलोष्टपाताद् अम्भोमुचां पयसि न क्षयमाप्नुवन्ति ॥
६५४५१ उत्तु गशैलशिखरे ननु पादपस्य  काकोऽपि पक्वफलमालभते सपक्षः ।
६५४५२ सिंहो बली गजविदारणदारुणोऽपि  सीदत्यहो तरुतले निजपक्षहीनः ॥
६५४६१ उत्तु गस्तनपर्वतादवतरद्ग गेव हारावली  रोमाली नवनीलनीरजरुचिः सेयं कलिन्दात्मजा ।
६५४६२ जातं तीर्थमिदं सुपुण्यजनकं यत्रानयोः संगमश् चन्द्रो मज्जति लाञ्छनापहृतये नूनं नखांकच्छलात् ॥
६५४७१ उत्तु गस्तनपर्वतैस्तनुरुहै रोमावलीभूरुहैः  काञ्चीक कणनूपुरध्वनिपरैर्हारावलीवागुरैः ।
६५४७२ भ्रूचापेन कटाक्षविस्तरशरैः कन्दर्पदावानलैर् बाला खेलति पारधं निजगुणैः कामीमृगो बध्यते ॥
६५४८१ उत्तु गस्तनभरतान्ततान्तमध्यं  विश्लिष्यद्घनकचवान्तवान्तसूनम् ।
६५४८२ वक्राब्जभ्रमदलिभीतभीतनेत्रं  मुग्धाक्षी मम धुरि मन्दमन्दमेति ॥
६५४९१ उत्तु गस्तनभार एश तरले नेत्रे चले भ्रूलते  रागान्धेषु तदोष्ठपल्लवमिदं कुर्वन्तु नाम व्यथाम् ।
६५४९२ सौभाग्याक्षरप क्तिरेव लिखिता पुष्पायुधेन स्वयं  मध्यस्थापि करोति तापमधिकं रोमावली केन सा ॥
६५५०१ उत्तु गस्तनमण्डलादवतरद्ग गेव हारावली  रोमाली नवनालनीरदरुचिः सेयं कलिन्दात्मजा ।
६५५०२ जातं तीर्थमिदं सुपुण्यजनकं यत्रावयोः संगमश् चन्द्रो मज्जति लाञ्छनापहृदये नूनं नखांकच्छलात् ॥
६५५११ उत्तु गस्तनमण्डलोपरिलसत्प्रालम्बमुक्तामणेर् अन्तर्बिम्बितमिन्द्रनीलनिकरच्छायानुकारिद्युति ।
६५५१२ लज्जाव्याजमुपेत्य नम्रवदना स्पष्टं मुरारेर्वपुः  पश्यन्ती मुदिता मुदेऽस्तु भवतां लक्ष्मीर्विवाहोत्सवे ॥
६५५२१ उत्तु गस्तनशैलदुस्तरमुरो निम्नातिनाभिस्थली  भीमं देहवनं स्फुरद्भुजलतं रोमालिजालाकुलम् ।
६५५२२ व्याधः पञ्चशरः किरत्यतितरांस्तीक्ष्णान् कटाक्षाशुगांस् तन्मे ब्रूहि मनःकुर ग शरणं कं सांप्रतं यास्यसि ॥
६५५३१ उत्तु गादनिलचलांशुकास्तटान्ताच् चेतोभिः सह भयदर्शिनां प्रियाणाम् ।
६५५३२ श्रोणीभिर्गुरुभिरतूर्णमुत्पतन्त्यस् तोयेषु द्रुततरम गना निपेतुः ॥
६५५४१ उत्तु गे कृतसंश्रयस्य शिखरिण्युच्चावचग्रावणि  न्यग्रोधस्य किम ग तस्य वचसा श्लाघासु पर्याप्यते ।
६५५४२ बन्दुर्वा स पुराकृतः किमथवा सत्कर्मणां संचयो  मार्गे रूक्षविपत्रशाखिनि जनो यं प्राप्य विश्राम्यति ॥
६५५५१ उत्तु गे विभवद्रुमस्य शिखरे भुक्त्वा फलं स्वेच्छया  तस्मात्प्रस्खलितः पदाद्विधिवशाद्भ्रष्टो निरालम्बनः ।
६५५५२ पातालोदरभीषणे बहुविधक्लेशोरगाध्यासिते  दौर्गत्यावटगर्भके निपतितश्चित्रं यदि प्राणिति ॥
६५५६१ उत्तु गैस्तरुभिः किमेभिरफलैराकाशसंस्पर्शिभिर् धन्योऽसौ नितरामुलूपविटपो नद्यास्तटे तिष्ठति ।
६५५६२ एवं यः कृतबुद्धिरुत्थितजलव्यालोलवीचीवशान्  मज्जन्तं जनमुद्धरामि यदि वा तेनैव मज्जाम्यहम् ॥
६५५८१ उत्थातव्यं जागृतव्यं योक्तव्यं भूतिकर्मसु ।
६५५८२ भविष्यतीत्येव मनः कृत्वा सततमव्यथैः ॥
६५५९१ उत्थानं तु मनुष्याणां दक्षाणां दैववर्जितम् ।
६५५९२ अफलं दृश्यते लोके सम्यगप्युपपादितम् ॥
६५६०१ उत्थानं संयमो दाक्ष्यमप्रमादो धृतिः स्मृतिः ।
६५६०२ समीक्ष्य च समारम्भो विद्धि मूलं भवस्य तत् ॥
६५६११ उत्थानं हि नरेन्द्राणां बृहस्पतिरभाषत ।
६५६१२ राजधर्मस्य यन्मूलं ... ... ... ॥
६५६२१ उत्थानधीरः पुरुषो वाग्धीरानधितिष्ठति ।
६५६२२ उत्थानधीरं वाग्धीरा रमयन्त उपासते ॥
६५६३१ उत्थानमभिजानन्ति सर्वभूतानि भारत ।
६५६३२ प्रत्यक्षं फलमश्नन्ति कर्मणां लोकसाक्षिकम् ॥
६५६४१ उत्थानयुक्तः सततं परेषामन्तरैषणे ।
६५६४२ आनृण्यमाप्नोति नरः परस्यात्मन एव च ॥
६५६५१ उत्थानहीनो राजा हि बुद्धिमानपि नित्यशः ।
६५६५२ धर्षणीयो रिपूणां स्याद्भुजंग इव निर्विषः ॥
६५६६१ उत्थानेनामृतं लब्धमुत्थानेनासुरा हताः ।
६५६६२ उत्थानेन महेन्द्रेण श्रैष्ठ्यं प्राप्तं दिवीह च ॥
६५६७१ उत्थानेनैधयेत्सत्त्वमिन्धनेनेव पावकम् ।
६५६७२ श्रियो हि सततोत्थायी दुर्बलोऽपि समश्नुते ॥
६५६८१ उत्थाने सभ्यानाम्  उत्तिष्ठति याति तेषु यातेषु ।
६५६८२ मतमन्तरापि राज्ञो  विज्ञायाशीःप्रदो बहिरुपैति ॥
६५६८१ उत्थापितः संयति रेणुरश्वैः  सान्द्रीकृतः स्यन्दनवंशचक्रैः ।
६५६८२ विस्तारितः कुञ्जरकर्णतालैर् नेत्रक्रमेणोपरुरोध सूर्यम् ॥
६५६९१ उत्थाप्य भुजगीं शक्तिं मूलवातैरधःस्थिताम् ।
६५६९२ सुषुम्नान्तर्गतां पञ्चचक्राणां भेदिनीं शिवाम् ॥
६५७०१ उत्थाय पश्चिमे यामे कृतशौचः समाहितः ।
६५७०२ हुत्वाग्निं ब्राह्मणांश्चार्य प्रविशेच्च शुभां सभाम् ॥
६५७११ उत्थायोत्थाय पापेष्वभिरमति मतिर्मन्दबुद्धेर्यदा ते  नैवेद्वेगो न शान्तिर्न च भवति घृणा कुर्वतः कर्म निन्द्यम् ।
६५७१२ तत्किं नैव प्रभाते ज्वलदनलसमा रौरवी नाम रौद्री  तीक्ष्णायःकीलचक्रक्रकचपटुरवा राजधानी यमस्य ॥
६५७२१ उत्थायोत्थाय बोद्धव्यं किमद्य सुकृतं कृतम् ।
६५७२२ आयुषः खण्डमादाय रविरस्तं गमिष्यति ॥
६५७३१ उत्थायोत्थाय बोद्धव्यं किमद्य सुकृतं कृतम् ।
६५७३२ दत्तं वा दापितं वापि वाक्सत्या वापि भाषिता ॥
६५७४१ उत्थायोत्थाय बोद्धव्यं महद्भयमुपस्थितम् ।
६५७४२ मरणव्याधिशोकानां किमद्य निपतिष्यति ॥
६५७५१ उत्थायोत्थाय लीयन्ते दरिद्राणां मनोरथाः ।
६५७५२ बालवैधव्यदग्धानां कुलस्त्रीणां कुचा इव ॥
६५७६१ उत्थायोन्नतवासयष्टिशिखरे विस्तारिताकुञ्चितं  बिभ्रत्पादमुदस्तकेसरसटः किंचिद्विनिद्रेक्षणः ।
६५७६२ दूरादञ्चितकन्धरः शमवशाद्व्याधूय पक्षद्वयं  मानम्लानिकरः कुर गकदृशां कोकूयते कुक्कुटः ॥
६५७७१ उत्थिता एव पूज्यन्ते जनाः कार्यार्थिभिर्नरैः ।
६५७७२ शत्रुवत्पतितं को नु वन्दते मानवं पुनः ॥
६५७७ १ उत्थिताग्रचरणा पृथुस्तनी  पुष्पजालमपचिन्वती तरौ ।
६५७७ २ मध्यभञ्जनभयापदेशतो  निस्त्रपा दयितकण्ठमग्रहीत् ॥
६५७८१ उत्थितो निशि कलानिधिर्भवेद् एतदीयमुखतुल्यताप्तये ।
६५७८२ प्रापितो मलिनभावमेतया  लज्जया नभसि यात्यदृश्यताम् ॥
६५७९१ उत्पक्ष्मणोर्नयनयोरुपरुद्धवृत्तिं  बाष्पं कुरु स्थिरतया विरतानुबन्धम् ।
६५७९२ अस्मिन्नलक्षितनतोन्नतभूमिभागे  मार्गे पदानि खलु ते विषमीभवन्ति ॥
६५८०१ उत्पततोऽप्यन्तरिक्षं गच्छतोऽपि महीतलम् ।
६५८०२ धावतः पृथिवीं सर्वां नादत्तमुपतिष्ठति ॥
६५८११ उत्पतन्ति यदाकाशे निपतन्ति महीतले ।
६५८१२ पक्षिणस्तदपि प्राप्त्या नादत्तमुपतिष्ठते ॥
६५८२१ उत्पतन्ती भ्रमन्ती सा नमन्ती नलिनेक्षना ।
६५८२२ शम्पाशतं वितन्वाना भ्रमरीव भ्रमं व्यधात् ॥
६५८३१ उत्पतन्त्वन्तरिक्षं वा पातालं प्रविशन्तु वा ।
६५८३२ चरन्तु वा दिशः सर्वा ह्यदत्तं नोपलभ्यते ॥
६५८५१ उत्पतेत्सरुजाद्देशाद्व्याधिदुर्भिक्षपीडितात् ।
६५८५२ अन्यत्र वस्तुं गच्छेद्वा वसेद्वा नित्यमानितः ॥
६५८६१ उत्पत्तिः पयसां निधेर्वपुरपि ख्यातं सुधामन्दिरं  स्पर्धन्ते विशदा लताभसरला हारावलीमंशवः ।
६५८६२ कान्ता कैरविणी तव प्रियसखः शृ गारसारः स्मरो  हं हो चन्द्र किमत्र तापजननं तापाय यन्मे भवान् ॥
६५८७१ उत्पत्तिपरिपूरितायाः किमस्याः पावनान्तरैः ।
६५८७२ तीर्थोदकं च वह्निश्च नान्यतः शुद्धिमर्हतः ॥
६५८८१ उत्पत्तिरेव विप्रस्य मूर्तिर्धर्मस्य शाश्वती ।
६५८८२ स हि धर्मार्थमुत्पन्नो ब्रह्मभूयाय कल्पते ॥
६५८८ १ उत्पत्तिर्जमदग्नितः स भगवान् देवः पिनाकी गुरुः  शौर्यं यत्तु न तद्गिरां पथि ननु व्यक्तं हि तत्कर्मभिः ।
६५८८ २ त्यागः सप्तसमुद्रमुद्रितमहीनिर्व्याजदानावधिः  क्षत्त्रब्रह्मतपोनिधेर्भगवतः किं वा न लोकोत्तरम् ॥
६५८९१ उत्पत्तिर्देवयजनाद्ब्रह्मवादी नृपः पिता ।
६५८९२ सुप्रसन्नोज्ज्वला मूर्तिरस्यां स्नेहं करोति मे ॥
६५९०१ उत्पत्तिर्मरुतां प्रभोर्युगदिने प्रख्याप्य विश्वोत्सवे  पूण्याहश्रुतिषु प्रसिद्धिरधिका पूर्णं वयः पौरुषम् ।
६५९०२ काकुत्स्थेन समं सपत्नकलहो दैवज्ञता तादृशी  काकस्तेन गुणेन काञ्चनमये व्यापारितः पञ्जरे ॥
६५९११ उत्पत्तिर्मलये समुद्रनिलये पन्था वृतो राक्षसैस् तत्रत्यानपि हन्त चन्दनतरूंश्छिन्दन्ति सांयात्रिकाः ।
६५९१२ वर्तन्ते सविधस्थिताश्च सुखिनः शाखोटमुख्यद्रुमास् तन्मन्ये कृतिनस्तु ते तरुकुले ये नोपयोगक्षमाः ॥
६५९२१ उत्पत्त्युत्पन्नशिष्टा विविधगुणगणा यत्र यान्ति प्रटिष्ठां  बाधेन प्राक्तनानां न च नियमविधिर्नापि संख्यार्थदाने ।
६५९२२ ऊहः सर्वत्र यस्य स्फुरति च सकलः सत्य एवार्थवादो  मीमांसाभावमञ्चत्यभिनवमधुना मूर्तिरेषा त्वदीया ॥
६५९३१ उत्पत्रेव दृशोऽर्चिषा कुसुमितेवेन्दोः करैर्भोगिभिः  सारोहेव जटाटवी फलतु वः श्रेयो भवानीपतेः ।
६५९३२ यत्पर्यन्तविवर्तिनः सुरसरित्पूरस्य भूरिस्फुरत् फेनोण्डूकविलासमञ्चति विधेर्जीर्णा कपालावली ॥
६५९४१ उत्पथा दुर्नदाः केचिद्बहुभ गभ्रमाविलाः ।
६५९४२ तटस्थानपि निघ्नन्ति तरसा भिन्नसेतवः ॥
६५९५१ उत्पथेन क्वचिद्याति क्वचिन्मार्गेण गच्छति ।
६५९५२ मुहुरुष्णो मुहुः शीतश्चपलश्चपलायते ॥
६५९६१ उत्पद्यन्ते विपद्यन्ते मद्विधाः क्षुद्रजन्तवः ।
६५९६२ परार्थबद्धकक्ष्याणां तादृशामुद्भवः कुतः ॥
६५९७१ उत्पन्नं सुधियां कुले यदखिलैस्त्यक्तं बुधैर्न क्षणं  यन्नो विस्मृतमेकदापि सुजनैर्यद्यन्न युक्तं खलैः ।
६५९७२ दौर्गत्यस्य तथाविधस्य महतस्तस्यापि केनापि नो  यद्दानाम्बुसरित्प्रवाहपतितस्याकारि हस्तार्पणम् ॥
६५९८१ उत्पन्नपरितापस्य बुद्धिर्भवति यादृशी ।
६५९८२ तादृशी यदि पूर्वं स्यात्कस्य न स्यान्महोदयः ॥
६५९९१ उत्पन्नपुत्रमात्रस्य पुंसः स्वर्गो भवेद्ध्रृवम् ।
६५९९२ टिट्टिभोत्पादनादेव मन्दपालो दिवं ययौ ॥
६६००१ उत्पन्नमिह लोके वै जन्मप्रभृति मानवम् ।
६६००२ विविधान्युपवर्तन्ते दुःखानि च सुखानि च ॥
६६०११ तयोरेकतरे मार्गे यद्येनमभिसंनयेत् ।
६६०१२ न सुखं प्राप्य संहृष्येत्न दुःखं प्राप्य संज्वरेत् ॥
६६०२१ उत्पन्नस्य रुरोः शृ गं वर्धमानस्य वर्धते ।
६६०२२ प्रार्थना पुरुषस्येव तस्य मात्रा न विद्यते ॥
६६०३१ उत्पन्नाः सरितां ह्रदेषु सुचिरं तत्रैव पुष्टास्ततः  प्राप्ताः प्रावृषि सागरं जलचरास्तासां मुखादेव ये ।
६६०३२ द्वित्रैरेव दिनैस्तिमिंगिलकुलस्यासाद्य कूटस्थतां  मृष्यन्त्यद्य न ते रहस्यपि कृतां नादेयतासंकथाम् ॥
६६०४१ उत्पन्ना बहवस्तलेषु सरसामम्भोरुहाणां चया  ये यामिन्यधिपानुकारिरमणीवक्त्रोपमानं गताः ।
६६०४२ नाभौ भौमरिपोरजायत महापद्मः स कोऽप्येकको  यस्त्रैलोक्यसमुद्भवप्रभवितुर्जन्मावनित्वं गतः ॥
६६०५१ उत्पन्नामापदं यस्तु समाधत्ते स बुद्धिमान् ।
६६०५२ वणिजो भार्यया जारः प्रत्यक्षे निह्नुतो यथा ॥
६६०६१ उत्पन्नेषु च कार्येषु मतिर्यस्य न हीयते ।
६६०६२ स निस्तरति दुर्गाणि गोपी जारद्वयं यथा ॥
६६०७१ उत्पन्नो घट चक्रवर्त्यसि पुनर्वह्निं प्रविश्य त्वया  प्रातः स्नानपरिश्रमेण पयसां पानेन तप्तं तपः ।
६६०७२ आक्रम्योन्नतजानु यन्मृगदृशां तिष्ठन्नितम्बस्थले  कण्ठालम्बितबाहुवल्लिकुचयोः सीमानमास्कन्दसि ॥
६६०८१ उत्पलस्य च पद्मस्य मत्स्यस्य कुमुदस्य च ।
६६०८२ एकजातिप्रसूतानां रूपं गन्धः पृथक्पृथक् ॥
६६०९१ उत्पलस्य हि रक्तिमा साधोः परोपकारिता ।
६६०९२ असाधोः करुणाभावः स्वभावास्त्रिविधा यथा ॥
६६१०१ उत्पल्लव इव किरणैः  कुसुमित इव तारकाभिरयमिन्दुः ।
६६१०२ उदयत्युदयतटान्ते  सुरतरुरिव शीतलच्छायः ॥
६६१११ उत्पश्यामि द्रुतमपि सखे मत्प्रियार्थं यियासोः  कालक्षेपं ककुभसुरभौ पर्वते पर्वते ते ।
६६११२ शुक्लापान्गैः सजलनयनैः स्वागतीकृत्य केकाः  प्रत्युद्यातः कथमपि भवान् गन्तुमाशु व्यवस्येत् ॥
६६१२१ उत्पातकं तदिह देव विचारणीयं  नारायणो यदि पतेदथवा सुभद्रा ।
६६१२२ कादम्बरीमदविघूर्णितलोचनस्य  युक्तं हि ला गलधृतः पतनं पृथिव्याम् ॥
६६१३१ उत्पातकेतुरिव मन्मथनायकस्य  वज्रप्रहार इव केलिलतावनस्य ।
६६१३२ संहारकाल इव पान्थवधूजनस्य  ग्रीष्मस्य भाति दिवसः सखि दूरिताशः ॥
६६१४१ उत्पातजं छिद्रमसौ विवस्वान्  व्यादाय वक्त्राकृति लोकभीष्यम् ।
६६१४२ अत्तुं जनान् धूसररश्मिराशिः  सिंहो यथा कीर्णसटोऽभ्युदेति ॥
६६१५१ उत्पाताय च काव्ये  दुरुपश्रुतिरभिनये च नाट्यानाम् ।
६६१५२ स्वस्थानामपि यद्वद् ध्वस्ता धारा धरित्रीति ॥
६६१६१ उत्पादकब्रह्मदात्रोर्गरीयान् ब्रह्मदः पिता ।
६६१६२ ब्रह्मजन्म हि विप्रस्य प्रेत्य चेह च शाश्वतम् ॥
६६१७१ उत्पादनमपत्यस्य जातस्य परिपालनम् ।
६६१७२ प्रत्यर्थं लोकयात्रायाः प्रत्यक्षं स्त्रीनिबन्धनम् ॥
६६१८१ उत्पादयति लोकस्य प्रीतिं मलयमारुतः ।
६६१८२ ननु दाक्षिण्यसंपन्नः सर्वस्य भवति प्रियः ॥
६६१९१ उत्पादयत्यलमिदं मनसो विषादं  सीदत्सरोरुहनिभं वदनं त्वदीयम् ।
६६१९२ ज्ञात्वा निदानमहमत्र समानदुःखा  प्राणैरपि प्रियतमे भवितुं समीहे ॥
६६२०१ उत्पादयन्तो सुरतस्य विघ्नं  परस्परालापसुखं हरन्ती ।
६६२०२ संरागिणः कामिजनस्य गाढम्  अक्ष्णोर्ललम्बे सहसैव निद्रा ॥
६६२११ उत्पादिता स्वयमियं यदि तत्तनूजा  तातेन वा यदि तदा भगिनी खलु श्रीः ।
६६२१२ यद्यन्यसंगमवती च तदा परस्त्री  तत्त्यागबद्धमनसः सुधियो भवन्ति ॥
६६२२१ उत्पाद्य कृत्रिमान् दोषान् धनी सर्वत्र बाध्यते ।
६६२२२ कृतदोषसहस्रोऽपि निर्धनः परमेश्वरः ॥
६६२३१ उत्पाद्य पुत्राननृणांश्च कृत्वा  वृत्तिं च तेभ्योऽनुविधाय कांचित् ।
६६२३२ स्थाने कुमारीः प्रतिपाद्य सर्वा  अरण्यसंस्थो मुनिवद्बुभूषेत् ॥
६६२४१ उत्पाद्य यत्स्वयमपि प्रबलानुराग  भाजस्तथानुसरतोऽपि दिवाकरस्य ।
६६२४२ छाया प्रसर्पति सुदूरमनेन मन्ये  क्लृप्तं तया सदृशमेव कुलीनतायाः ॥
६६२५१ उत्पुच्छः प्रमदोच्छ्वसद्वपुरधोविस्रंसिपक्षद्वयः  स्वैरोत्फालगतिक्रमेण परितो भ्रान्त्वा सलीलं मुहुः ।
६६२५२ उत्कण्ठालसकूजितः कलरुतां भूयो रिरंसारस  न्यग्भूतां चटकः प्रियामभिसरत्युद्वेपमानः क्षणम् ॥
६६२६१ उत्पुच्छानतधूतपक्षततयो झात्कारिणो विभ्रमैर् उद्वाच्यास्ततचञ्चवो लयवशादुत्क्षिप्तपादा मुहुः ।
६६२६२ पश्यन्तो निजकण्ठकाण्डमलिनां कादम्बिनीमुन्नत  ग्रीवाभ्यर्णमिलत्कलापविटपा नृत्यन्ति केकाभृतः ॥
६६२७१ उत्प्रवालान्यरण्यानि वाप्यः संफुल्लप कजाः ।
६६२७२ चन्द्रः पूर्णश्च कामेन पान्थदृष्टेर्विषं कृतम् ॥
६६२८१ उत्प्लुत्य दूरं परिधूय पक्षा  वधो निरीक्ष्य क्षणबद्धलक्ष्यः ।
६६२८२ मध्येजलं बुड्डति दत्तझम्पः  समत्स्यमुत्सर्पति मत्स्यर कः ॥
६६२९१ उत्प्लुत्य यः शिखरिणं मदकुम्भिकुम्भम्  उद्भिद्य सानुशतमायतमुल्लल घे ।
६६२९२ पञ्चाननो नियतया जरयाभिभूतः  सोऽयं करौ लिहति बृंहितलोहिताक्षः ॥
६६३०१ उत्प्लुत्या गृहकोणतः प्रचलिताः स्तोकाग्रज घं ततो  वक्रस्वैरपदक्रमैरुपगताः किंचिच्चलन्तो गले ।
६६३०२ भेकाः पूतिनिपातिनो मिचिमिचीत्युन्मीलितार्धेक्षणा  नक्राकारविदारिताननपुटैर्निर्मक्षिकं कुर्वते ॥
६६३११ उत्प्लुत्यारादर्धचन्द्रेण लूने  वक्त्रेऽन्यस्य क्रोधदष्टोष्ठदन्ते ।
६६३१२ सैन्यैः कण्ठच्छेदलीने कबन्धाद् भूयो बिभ्ये वल्गतः सासिपाणेः ॥
६६३२१ उत्फालं हेलयैव द्रुतमभिपततः पूर्वपृथ्वीधराग्राद् उच्चैरर्चिश्चपेटाहतिभिरिव हरेर्ध्वान्तदन्ती विदीर्णः ।
६६३२२ रक्ताः कुम्भैर्विमुक्ता इव सकलदृशां विस्मयं संदधानाः  संध्याशोणत्विषस्ताः सपदि निपतितास्तारकास्ताः समस्ताः ॥
६६३३१ उत्फुल्लकमलकेसर  परागगौरद्युते मम हि गौरि ।
६६३३२ अभिवाञ्छितं प्रसिद्ध्यतु  भगवति युष्मत्प्रसादेन ॥
६६३४१ उत्फुल्लगल्लपरिफुल्लमुखारविन्द  सौगन्ध्यलुब्धमधुपाकुलया रतांते ।
६६३४२ संभुग्नपीनकुचचूचुकयातिगाढ  मालि गितो गिरिजया गिरिशः पुनातु ॥
६६३५१ उत्फुल्लगल्लैरालापाः क्रियन्ते दुर्मुखैः सुखम् ।
६६३५२ जानाति हि पुनः सम्यक्कविरेव कवेः श्रमम् ॥
६६३६१ उत्फुल्लतापिच्छमनोरमश्रीर् मातुः स्तनन्यस्तमुखारविन्दः ।
६६३६२ संचालयन् पादसरोरुहाग्रं  कृष्णः कदा यास्यति दृक्पथं मे ॥
६६३७१ उत्फुल्लप कजनिषक्तलसद्द्विरेफः  किंचिद्विनिद्रकुमुदोत्करसंभृतश्रीः ।
६६३७२ आमूलनद्धविविधाद्भुतमाल्यमालश् चित्रं न कस्य तनुते ललितस्तमालः ॥
६६३७ १ उत्फुल्लप कजवनं ददर्श विमलं सरः ।
६६३७ २ स्फाटिकं वनदेवीनामिव विभ्रमदर्पणम् ॥
६६३८१ उत्फुल्लपद्मवदनां दलत्कुवलयेक्षणाम् ।
६६३८२ बन्धूककमनीयौष्ठां मन्दारस्तबकस्तनीम् ॥
६६३९१ शिरीषसुकुमारा गीं पञ्चपुष्पमयीमिव ।
६६३९२ एकमेव जगज्जैत्रीं स्मरेण विहितामिषुम् ॥
६६४०१ उत्फुल्लमानसरसीरुहचारुमध्य  निर्यन्मधुव्रतभरद्युतिहारिणीभिः ।
६६४०२ राधाविलोचनकटाक्षपरम्पराभिर् दृष्टो हरिस्तव सुखानि तनोतु कामम् ॥
६६४११ उत्फुल्लरम्य सहकार रसालबन्धो  कूजत्पिकावलिनिवास तथा विधेहि ।
६६४१२ गुञ्जद्भ्रमद्भ्रमरकस्त्वयि बद्धतृष्णो  नान्यान् प्रयाति पिचुमन्दकरीरवृक्षान् ॥
६६४२१ उत्फुल्लस्थलनलिनीवनादमुष्माद् उद्धूतः सरसिजसंभवह्परागः ।
६६४२२ वात्याभिर्वियति विवर्तितः समन्ताद् आधत्ते कनकमयातपत्रलक्ष्मीम् ॥
६६४३१ उत्फुल्ला नवमालिका मदयति घ्राणेन्द्रियाह्लादिनी  जातं धूसरमेव किंशुकतरोराश्यामलं जालकम् ।
६६४३२ आचिन्वन्ति कदम्बकानि मधुनः पाण्डूनि मत्तालयः  स्त्रीणां पीनघनस्तनेषु कणवान् स्वेदः करोत्यास्पदम् ॥
६६४४१ उत्फुल्लामलकोमलोत्पलदलश्यामाय रामामनः  कामाय प्रथमाननिर्मलगुणग्रामाय रामात्मने ।
६६४४२ योगारूढमुनीन्द्रमानससरोहंसाय संसारवि  ध्वंसाय स्फुरदोजसे रघुकुलोत्तंसाय पुंसे नमः ॥
६६४५१ उत्फुल्लार्जुनसर्जवासितवहत्पौरस्त्यझंझामरुत् प्रे खोलस्खलितेन्द्रनीलशकलस्निग्धाम्बुदश्रेणयः ।
६६४५२ धारासिक्तवसुंधरासुरभयः प्राप्तास्त एवाधुना  घर्माम्भोविगमागमव्यतिकरश्रीवाहिनो वासराः ॥
६६४६१ उत्फुल्लैर्बकुलैर्लव गमुकुलैः शेफालिकाकुड्मलैर् नीलाम्भोजकुलैस्तथा विचिकिलैः क्रान्तं च कान्तं च यत् ।
६६४६२ तस्मिन् सौरभधाम्नि दाम्नि किमिदं सौगन्धवन्ध्यं मुधा  मध्ये मुग्ध कुसुम्भमुम्भसि भवेन्नैवैष युक्तः क्रमः ॥
६६४७१ उत्स गे वा मलिनवसने सौम्य निक्षिप्य वीणां  मद्गोत्रा कं विरचितपदं गेयमुद्गातुकामा ।
६६४७२ तन्त्रीरार्द्रा नयनसलिलैः सारयित्वा कथंचिद् भूयोभूयः स्वयमपि कृतां मूर्च्छनां विस्मरन्ती ॥
६६४८१ उत्स गैः सैकतानां शकुनिशतपदन्यासरेखा कितानां  जम्बूषण्डानि नद्यो दधति परिणमल्लम्बिलम्बालकानि ।
६६४८२ यत्तोयान्दोलदोलः पुलकयति तनुं तीरकस्तूरिकैण  प्रक्रान्तग्रन्थिपर्णग्रसनपरिमलोत्कन्धरो गन्धवाहः ॥
६६४९१ उत्सन्नच्छदिरुच्छ्वसद्वृति गलद्भित्ति स्खलन्मण्डलि  भ्राम्यत्कुण्डलि हिण्डदाखु खुरलिप्रक्रीडिभेकावलि ।
६६४९२ पञ्चच्चर्मचटौघपक्षतिपुटप्रारब्धभांभांकृति  श्रीमत्सेनकुलावतंस भवतः शत्रोरिवास्मद्गृहम् ॥
६६५०१ उत्सन्नमापणममुं  द्रक्ष्यामो निर्मलैः कदा नयनैः ।
६६५०२ चिन्तामणिकाचकणौ  विपरीतगुणागुणौ यत्र ॥
६६५११ उत्सन्नो मधुरस्ति कोकिलरवैरुत्सन्नमस्त्येतदप्य् उत्सन्नं मलयानिलैरिदमपि प्रागेव जानीमहे ।
६६५१२ पान्थास्तुष्यथ तावतैव किमिति भ्रान्ता यदि प्राणिति  स्तोकेनापि मनोभवो विगलतु प्राणेषु शुष्को ग्रहः ॥
६६५२१ उत्सर गकलितोरुकटारी  भाजिरा उत भयंकरभालाः ।
६६५२२ सन्तु पायकगणा जय तैस्त्वं  गामगोहरमिलाप इलावी ॥
६६५३१ उत्सर्पद्धूमलेखात्विषि तमसि मनाग्विस्फुलि गायमानैर् उद्भेदैस्तारकाणां वियति परिगते पश्चिमाशामुपेता ।
६६५३२ खेदेनेवानतासु स्खलदलिरसनास्वब्जिनीप्रेयसीषु  प्रायः संध्यातपाग्निं विशति दिनपतौ दह्यते वासरश्रीः ॥
६६५४१ उत्सवादपि नीचानां कलहोऽपि सुखायते ।
६६५४२ कपर्दकार्धलाभेन कुशलो बहु मन्यते ॥
६६५५१ उत्सवादुत्सवं यान्ति स्वर्गात्स्वर्गं सुखात्सुखम् ।
६६५५२ श्रद्धधानाश्च दान्ताश्च धनाढ्याः शुभकारिणः ॥
६६५६१ उत्सवे व्यसने प्राप्ते दुर्भिक्षे शत्रुसंकटे ।
६६५६२ राजद्वारे श्मशाने च यस्तिष्ठति स बान्धवः ॥
६६५७१ उत्सारणप्रियतया परिरुद्धसर्व  द्वारे गृहे निरनुरोधतया वसन्तः ।
६६५७२ संपल्लघूकृतधियोऽप्रतिघप्रवृत्तेर् धिग्जानते न रभसान्नियतेर्निपातम् ॥
६६५८१ उत्सारितो हसितदीधितिभिः कपोलाद् एकावलीभिरवधूत इव स्तनेभ्यः ।
६६५८२ अ गेष्वलब्धपरिभोगसुखोऽन्धकारो  गृह्णाति केशरचनासु रुषेव नारीः ॥
६६५९१ उत्सार्य कुन्तलमपास्य दुकूलकूलम्  उन्नाम्य बाहुलतिकामलसास्तरुण्यः ।
६६५९२ स्वेदाम्बुसिक्ततनवः स्पृहयन्ति यस्मै  तस्मै नमः सुकृतिने मलयानिलाय ॥
६६६०१ उत्साहः स्याद्रसे हास्ये ताले कन्दुकसंज्ञके ।
६६६०२ वंशाभिवृद्धिकृत्पादस्त्रयोदशमिताक्षरः ।
६६६०३ लघुद्वयं विरामान्तं ताले कन्दुकसंज्ञके ॥
६६६११ उत्साहकारकसखीवचनैर्विधाय  भूषाविधिं कनकगौरतरा गकेषु ।
६६६१२ प्राणेश्वरस्य सदनाय कृतप्रयाणा  मुग्धा तथापि हृदि कम्पभरं बिभर्ति ॥
६६६२१ उत्साहप्रभुशक्तिभ्यां मन्त्रशक्त्या च भारत ।
६६६२२ उपपन्नो नृपो यायाद्विपरीतमतोऽन्यथा ॥
६६६३१ उत्साहवन्तः पुरुषा दुर्बला बलिनं रिपुम् ।
६६६३२ हनिष्यन्ति हि संयाता तथैते पञ्च कुञ्जरम् ॥
६६६४१ उत्साहवन्तो हि नरा न लोके
६६६४२ सीदन्ति कर्मस्वतिदुष्करेषु ॥
६६६४२ ... ...
६६६५१ उत्साहशक्तियुतविक्रमधैर्यराशिर्यो वेत्ति गोष्पदमिवाल्पतरं समुद्रम् ।
६६६५२ वल्मीकशृ गसदृशं च सदा नगेन्द्रं लक्ष्मीः स्वयं तमुपयाति न दीनसत्त्वम् ॥
६६६६१ उत्साहशक्तिहीनत्वाद्वृद्धो दीर्घामयस्तथा ।
६६६६२ स्वैरेव परिभूयेते द्वावप्येतावसंशयम् ॥
६६६७१ उत्साहसंपन्नमदीर्घसूत्रं  क्रियाविधिज्ञं व्यसनेष्वसक्तम् ।
६६६७२ शूरं कृतज्ञं दृढसौहृदं च  लक्ष्मीः स्वयं वाञ्छति वासहेतोः ॥
६६६८१ उत्साहस्य प्रभोर्मन्त्रस्यैवं शक्तित्रयं जगुः ।
६६६८२ आत्मनः सुहृदश्चैव तन्मित्रस्योदयास्त्रयः ॥
६६६९१ उत्साहातिशयं वत्स तव बाल्यं च पश्यतः ।
६६६९२ मम हर्षविषादाभ्यामाक्रन्तं युगपन्मनः ॥
६६७०१ उत्साहिता सकलशीधुमदेन वक्तुम्  अर्धोदिते नववधूरवलम्बितह्रीः ।
६६७०२ आलीजनेष्वनुपसंहृतवाक्यशेषा  भर्तुश्चकार सविशेषकुतूहलत्वम् ॥
६६७११ उत्साहोञ्झितमनसां  राज्ञां परिमोषिणां जिगीषूणाम् ।
६६७१२ निरुपायोद्विग्नानां  साधुश्चरके सदा शकुनः ॥
६६७२१ उत्साहोद्धतविभ्रमभ्रमरकव्यावृत्तहारान्तर  त्रुट्यत्सूत्रविमुक्तमौक्तिकभरः सक्तः स्तनोत्स गयोः ।
६६७२२ वक्त्रेन्दुच्युतसंततामृतकणाकारश्चकार क्षणं  तस्या नृत्तरसश्रमोदितघनस्वेदाम्बुबिम्बश्रियम् ॥
६६७३१ उत्साहो बलवानार्य नास्त्युत्साहात्परं बलम् ।
६६७३२ उत्साहारम्भमात्रेण जायन्ते सर्वसंपदः ॥
६६७४१ उत्साहो बलवानार्य नास्त्युत्साहात्परं बलम् ।
६६७४२ सोत्साहस्य हि लोकेषु न किंचिदपि दुर्लभम् ॥
६६७५१ उत्साहो रिपुवन्मित्रमालस्यं मित्रवद्रिपुः ।
६६७५२ अमृतं विषवद्विद्याऽमृतवद्विषम गना ॥
६६७६१ उत्सिक्तः कुसुमासवैः कुमुदिनीं राजप्रियां पुष्पिणीम्  आलि गन्निशि निर्भयं परिचयं कुर्वन् पुनः पल्लवैः ।
६६७६२ यावत्प कज्सौरभस्वमखिलं गृह्णंल्लघु प्रस्थितस् तावत्कल्य उपस्थिते मरुदयं विष्वग्भयाद्धावति ॥
६६७७१ उत्सिक्तस्य तपःपराक्रमनिधेरस्यागमादेकतः  सत्स गप्रियता च वीररभसोन्मादश्च मां कर्षतः ।
६६७७२ वैदेहीपरिरम्भ एष च मुहुश्चैतन्यमामीलयन्न्  आनन्दी हरिचन्दनेन्दुशिशिरस्निग्धो रुणद्ध्यन्यतः ॥
६६७८१ उत्सीदेरन् प्रजाः सर्वा न कुर्युः कर्म चेद्यदि ।
६६७८२ तथा ह्येता न वर्धेरन् कर्म चेदफलं भवेद् ॥
६६७९१ उत्सृज्य कुसुमशयनं  नलिनीदलकल्पितस्तनावरणम् ।
६६७९२ कथमातपे गमिष्यसि  परिबाधापेलवैर गैः ॥
६६८०१ उत्सृज्य गीतमसमाप्य विलासलास्यम्  अ कादपास्य सहसा मणिवल्लकीं च ।
६६८०२ अत्युन्मनास्तदवलोकनकौतुकेन  वातायनान्यधिरुरोह पुरन्ध्रिलोकः ॥
६६८० १ उत्सृज्य जलसर्वस्वं विमलाः सितमूर्तयः ।
६६८० २ तत्यजुश्चाम्बरं मेघा विग्रहं योगिनो यथा ॥
६६८११ उत्सृज्य विनिवर्तन्ते ज्ञातयः सुहृदः सुताः ।
६६८१२ अपुष्पानफलान् वृक्षान् यथा तात पतत्रिणः ॥
६६८२१ उत्सृज्य साधुवृत्तं  कुटिलधिया वञ्चितः परो येन ।
६६८२२ आत्मैव मूढमतिना  कृतसुकृतो वञ्चितस्तेन ॥
६६८३१ उत्सृज्याम्बुधिजामुखाम्बुजसुखालोकव्रतं यश्चिराद् देवः सेवितवान् सरोजनयनो निद्रां समुद्राम्भसि ।
६६८३२ सोऽप्युत्तु गभुज गभोगशयनाज्जागर्ति यस्योत्सवे  सोऽयं शारदशीतरोचिषि चमत्कारः कथं कथ्यताम् ॥
६६८४१ उत्सृष्टमम्बुजदृशामिव मानरत्नम्  आदाय षट्पदतिलान्मधुवारिपूरान् ।
६६८४२ पुंस्कोकिलस्य कलकूजितकैतवेन  संकल्पवाक्यमयमातनुते रसालः ॥
६६८५१ उदकं चाग्निसंसृष्टकुम्भस गाद्यथैव हि ।
६६८५२ उद्वेगोद्वर्तनादौष्ण्यं भजते तद्वदेव हि ॥
६६८६१ अ गस गात्तथा जीवो भजते प्राकृतान् गुणान् ।
६६८६२ अह काराभिभूतः सन् भिन्नस्तेभ्योऽपि सोऽव्ययः ॥
६६८७१ उदकानलचौरेभ्यो मूषकेभ्यो विशेषतः ।
६६८७२ कष्टेन लिखितं शास्त्रं यत्नेन परिपालयेत् ॥
६६८८१ उदके सर्वबीजानि सर्वदेवा निजेश्वरे ।
६६८८२ कलत्रे सर्वसौख्यानि सर्वे धर्मा दयामयाः ॥
६६८९१ उदके सर्वबीजानि सर्वे देवा हुताशने ।
६६८९२ कलत्रे सर्वसौख्यानि सर्वदानानि ब्राह्मणे ॥
६६९०१ उदक्यापतितम्लेच्छचाण्डालाद्यभिभाषणे ।
६६९०२ मार्जारमूषकस्पर्शे विण्मूत्रोत्सर्गदर्शने ॥
६६९११ उदग्रगोतावतगोत्रगौरवो  महारजः पूतभटोत्कटच्छटः ।
६६९१२ स्वरूपसम्पत्तिपरास्तमन्मथः  स लक्ष्मणो लक्षितलक्षणोज्ज्वलः ॥
६६९२१ उद मुखो वक्ति भषन्निशीथे  द्विजोपपीडां मरणं गवां च ।
६६९२२ कुमारिकादूषणगर्भपात  वह्नीन्निशान्ते शिवदि मुखः स्यात् ॥
६६९३१ उदञ्चत्कावेरीलहरिषु परिष्व गर गे लुठन्तः  कुहूकण्ठीकण्ठीरवरवलवत्रासितप्रोषितेभाः ।
६६९३२ अमी चैत्रे मैत्रावरुणि तरुणीकेलिक केल्लिमल्ली  चलद्वल्लीहल्लीसकसुरभयश्चण्डि चञ्चन्ति वाताः ॥
६६९४१ उदञ्चत्क्वणद्धुंकृतिक्वाणचञ्चन्  मणीमेखलादामदृप्यन्नितम्बा ।
६६९४२ कृपापा गमा गल्यपट्टाभिषेकैर् जगन्म गलं ज्वालपा नः सहायः ॥
६६९५१ उदञ्चद्घर्मांशुद्युतिपरिचयोन्निद्रबिसिनी  घनामोदाहूतभ्रमरभरझ कारमधुराम् ।
६६९५२ अपश्यत्कासारश्रियममृतवर्तिप्रणयिनीं  सुखं जीवत्यन्धूदरविवरवर्ति प्लवकुलम् ॥
६६९६१ उदञ्चद्वक्षोजद्वयतटभरक्षोभितकटि  स्फुरद्दृग्भ्यां मन्दीकृतविलसदिन्दीवरयुगम् ।
६६९६२ समुद्यद्भ्रूभ गं प्रविहितधनुर्भ गमनिशं  वयस्तत्पद्माक्ष्याः कथमिव मनो न व्यथयतु ॥
६६९७१ उदञ्चन्तां वाचो मधुरिमधुरीणाः खलु न मे  न चाप्युज्जृम्भन्तां नवभणितयो भ गिसुभगाः ।
६६९७२ क्षणं स्तोत्रव्याजादपि यदि भवन्तं हृदि नये  तदात्मा पावित्र्यं नियतमियतैवाञ्चति मम ॥
६६९८१ उदञ्चन्मञ्जीरध्वनिमिलितकाञ्चीकलरवं  मिलिन्दालीगुञ्जारवसुभगशिञ्जानवलयम् ।
६६९८२ गलन्मुक्तादामस्तनविनिहितस्वेदकणिकं  रतं धन्यं मन्ये चलदलकमिन्दीवरदृशः ॥
६६९९१ उदञ्चय दृगञ्चलं चलतु चञ्चरीकोच्चयः  प्रपञ्चय वचःसुधा श्रवणपालिमालि गतु ।
६६९९२ भ्रुवं नटय नागरि त्यजतु मन्मथः कार्मुकं  मुखं च कुरु संमुखं व्रजतु लाघवं चन्द्रमाः ॥
६७००१ उदञ्चय दृगञ्चलं रचय म गलं सर्वतश् चिराय समुपागतः पुरत एष ते वल्लभः ।
६७००२ इति प्रियगिरा श्रुतीपुलकदन्तुरे कुर्वती  प्रकशयति नो दृशौ प्रियसखी मृषाश कया ॥
६७०११ उदधिरवधिरुर्व्यास्तं हनूमांस्ततार  निरवधि गगनं चेत्त्वाण्डकोशे विलीनम् ।
६७०१२ इति परिमितिमन्तो भान्ति सर्वेऽपि भावाः  स तु निरवधिरेकः सज्जनानां विवेकः ॥
६७०२१ उदधेरिव रत्नानि तेजांसीव विवस्वतः ।
६७०२२ स्तुतिभ्यो व्यतिरिच्यन्ते दूराणि चरितानि ते ॥
६७०३१ उदन्वच्छिन्ना भूः स च निधिरपां योजनशतं  सदा पान्थः पूषा गगनपरिमाणं कलयति ।
६७०३२ इति प्रायो भावाः स्फुरदवधिमुद्रामुकुलिताः  सतां प्रज्ञोन्मेषः पुनरयमसीमा विजयते ॥
६७०४१ उदन्वानिव योऽक्षोभ्यो ज्ञायते संश्रितैः प्रभुः ।
६७०४२ का ह्रीस्ततोऽन्या सोऽन्यैर्यत्तेषामग्रेऽभिभूयते ॥
६७०५१ उदमज्जि कैटभजितः शयनाद् अपनिद्रपाण्डुरसरोजरुचा ।
६७०५२ प्रथमप्रबुद्धनदराजसुता  वदनेन्दुनेव तुहिनद्युतिना ॥
६७०६१ उदयं प्राप्य तीक्ष्णत्वाद्दुष्प्रेक्ष्यत्वमुपेयुषः ।
६७०६२ पादान्तिके वसुमतो न हि मानी निषीदति ॥
६७०७१ उदयं संहता एव संहता एव च क्षयम् ।
६७०७२ प्रयान्तः स्पृहणीयत्वं तन्त्रिणः कस्य नागमन् ॥
६७०८१ उदयगिरिगतायां प्राक्प्रभापाण्डुतायाम्  अनुसरति निशीथे शृ गमस्ताचलस्य ।
६७०८२ जयति किमपि तेजः सांप्रतं व्योममध्ये  सलिलमिव विभिन्नं जाह्नवं यामुनं च ॥
६७०९१ उदयगिरितटस्थः पद्मिनीर्बोधयित्वा  मृदुतरकिरणाग्रैस्ताः स्वयं चोपभुज्य ।
६७०९२ मलिनमधुपस गात्तासु संजातकोपः  कृतरुधिरविरोचिर्भानुरस्तं प्रयातः ॥
६७१०१ उदयगिरिशिरःस्थो निद्रया मूढमेतज् जगदगदमशेषं निर्मिमीतेऽनिशं यः ।
६७१०२ अमिततमितमिस्रोद्दामदारिद्र्यहारि  प्रसृमरकिरणौघः स्यान्मुदे वः स देवः ॥
६७१११ उदयगूढशशा कमरीचिभिस् तमसि दूरमितः प्रतिसारिते ।
६७११२ अलकसंयमनादिव लोचने  हरति मे हरिवाहनदि मुखम् ॥
६७१२१ उदयतटान्तरितमियं  प्राची सूचयति दि  निशानाथम् ।
६७१२२ परिपाण्डुना मुखेन  प्रियमिव हृदयस्थितं रमणी ॥
६७१३१ उदयति कलमन्द्रैः कण्ठतालैरलीनां  कुमुदमुकुलकेषु व्यञ्जयन्न गहारान् ।
६७१३२ मदमुखरचकोरीतोयकर्मान्तिकोऽयं  तुहिनरुचिरधामा दक्षिणं लोकचक्षुः ॥
६७१४१ उदयति तडिच्चित्रं मित्रं रतेः कमलद्वयी  कुसुमितनवस्तम्भे रम्भे विधाय तनोरधः ।
६७१४२ तडिति वलति व्योम व्योमाश्रयं च गिरिद्वयं  गिरिपरिसरे कम्बुः कम्बौ कलानिधिमण्डलम् ॥
६७१५१ उदयति तपनेऽपि चेत्तमिस्रं  वद कुत एव दिनक्षपाविवेकः ।
६७१५२ भगवति यदि कर्म दुर्निवार्यं  तव चरणस्मरणेन साध्यते किम् ॥
६७१६१ उदयति तरुणिमतरणी  शैशवशशिनि प्रशान्तिमायाते ।
६७१६२ कुचचक्रवाकयुगलं  तरुणितटिन्यां मिथो मिलति ॥
६७१७१ उदयति नवनीतपिण्डपाण्डुः  कुमुदवनान्यवघट्टयन् कराग्रैः ।
६७१७२ उदयगिरितटस्फुटाट्टहासो  रजनिवधूमुखदर्पणः शशा कः ॥
६७१८१ उदयति यदि भानुः पश्चिमे दिग्विभागे  प्रचलति यदि मेरुः शीततां याति वह्निः ।
६७१८२ विकसति यदि पद्मं पर्वताग्रे शिलायां  न भवति पुनरुक्तं भाषितं सज्जनानाम् ॥
६७१९१ उदयति विततोर्ध्वरश्मिरज्जा  वहिमरुचौ हिमधाम्नि याति चास्तम् ।
६७१९२ वहति गिरिरयं विलम्बिघण्टा  द्वयपरिवारितवारणेन्द्रलीलाम् ॥
६७२०१ उदयति हि शशा कः कामिनीगण्डपाण्डुर् ग्रहगणपरिवारो राजमार्गप्रदीपः ।
६७२०२ तिमिरनिकरमध्ये रश्मयो यस्य गौराः  स्रुतजल इव प के क्षीरधाराः पतन्ति ॥
६७२११ उदयति हृदि यस्य नैव लज्जा  न च करुणा न च कोऽपि भीतिलेशः ।
६७२१२ बकुलमुकुलकोशकोमलां मां  पुनरपि तस्य करे न पातयेथाः ॥
६७२२१ उदयदुदयदीक्षणाय पत्युश् चपलदृशस्त्रपया निरुध्यमानम् ।
६७२२२ मन इव कृपणस्य दानकाले  कति न ततान गतागतानि चक्षुः ॥
६७२३१ उदयन्तु नाम मेघा  भवतु निशा वर्षमविरतं पततु ।
६७२३२ गणयामि नैव सर्वं  दयिताभिमुखेन हृदयेन ॥
६७२४१ उदयन्नेष सविता पद्मेष्वर्पयति श्रियम् ।
६७२४२ विभावयितुमृद्धीनां फलं सुहृदनुग्रहम् ॥
६७२५१ उदयप्रभसूरीन्द्रः प्रथितः प्रतिभोदयः ।
६७२५२ नानादिव्यप्रबन्धानां निर्मातायं विराजते ॥
६७२६१ उदयप्रभसूरीन्द्रे प्रकाशयति भूतलम् ।
६७२६२ अपरे विबुधाः सर्वे निष्प्रभा इव सर्वतः ॥
६७२७१ उदयमयते दि मालिन्यं निराकुरुतेतरां  नयति निधनं निद्रामुद्रां प्रवर्तयति क्रियाः ।
६७२७२ रचयतितरां स्वैराचारप्रवर्तनकर्तनं  बत बत लसत्तेजःपुञ्जो विभाति विभाकरः ॥
६७२८१ उदयमुदितदीप्तिर्याति यः संगतौ मे  पतति न वरमिन्दुः सोऽपरामेष गत्वा ।
६७२८२ स्मितरुचिरिव सद्यः साभ्यसूयं प्रभेति  स्फुरति विशदमेषा पूर्वकाष्ठा गनायाः ॥
६७२९१ उदयशिखरिशृ गप्रा गणेष्वेष रि गन्  सकमलमुखहासं वीक्षितः पद्मिनीभिः ।
६७२९२ विततमृदुकराग्रः शब्दयन्त्या वयोभिः  परिपतति दिवोऽ के हेलया बालसूर्यः ॥
६७३०१ उदयसिंह धराधिपतौ त्वयि  स्फुरति किं रविणा विधुनापि वा ।
६७३०२ स्वमहसा हि विकाशयसे जगत् स्वयशसा च सुशीतलयस्यपि ॥
६७३११ उदयस्थः सहस्रांशुर्दृष्टेरायाति गम्यताम् ।
६७३१२ अतिरिक्तं कदा कं वा ल घयन्ति न योषितः ॥
६७३२१ उदयाद्रेरुड्डीनो  दिनं भ्रमित्वा पत गोऽयम् ।
६७३२२ अद्य प्रदोषसमये  वडवाज्वलने जुहोति देहं स्वम् ॥
६७३३१ उदयास्तौ मूलाख्यौ  उत्तरयाम्यौ ध्रुवनिवासनामानौ ।
६७३३२ नैरृतवायव्यौ च  प्रयाणचरकाह्वयौ तेषाम् ॥
६७३४१ उदये सवितारक्तो रक्तश्चास्तमये तथा ।
६७३४२ संपत्तौ च विपत्तौ च महतामेकरूपता ॥
६७३५१ उदरं नतमध्यपृष्ठता  स्फुटद गुष्ठपदेन मुष्टिना ।
६७३५२ चतुर गुलमध्यनिर्गत  त्रिवलिभ्राजि कृतं दमस्वसुः ॥
६७३६१ उदरं परिमाति मुष्टिना  कुतुकी कोऽपि दमस्वसुः किमु ।
६७३६२ धृततच्चतुर गुलीव यद् वलिभिर्भाति सहेमकाञ्चिभिः ॥
६७३७१ उदर एव धृतः किमुदन्वता  न विषमो वडवानलवद्विधुः ।
६७३७२ विषवदुज्झितमप्यमुना न स  स्मरहरः किममुं बुभुजे विभुः ॥
६७३८१ उदरदरीयं गहना  यद्गतमखिलं विलीयते क्वचन ।
६७३८२ एका तत्र च भुजगी  विलापयति कं न सा दुष्टा ॥
६७३९१ उदरद्वयभरणभयादर्धा गाहितदारः ।
६७३९२ यदि नैवं तस्य सुतः कथमद्यापि कुमारः ॥
६७४०१ उदरम्भरिता लोके  तवैव नान्यस्य दुःशका दृष्टा ।
६७४०२ उत्सृष्टपुरीषमपि  स्वादूकुर्वन् वराह यद्भु क्षे ॥
६७४११ उदरस्येदमणुत्वं  सहजगुरुत्वं यदि नेदं हृदयस्य ।
६७४१२ स्वार्थे कथमलसत्वं  कथमनुसत्वं हितकरणे मतिरस्य ॥
६७४२१ उदरार्थं न यत्किंचिन्निषेवेत कदाचन ।
६७४२२ न हंसो वर्णसाम्येऽपि बकवन्मत्स्यभुग्यतः ॥
६७४३१ उदर्कभूतिमिच्छद्भिः सद्भिः खलु न दृश्यते ।
६७४३२ चतुर्थीचन्द्रलेखेव परस्त्रीभालपट्टिका ॥
६७४४१ उदस्य धैर्यं दयितेन सादरं  प्रसादितायाः करवारिवारितम् ।
६७४४२ मुखं निमीलन्नयनं नतभ्रुवः  श्रियं सपत्नीवदनादिवाददे ॥
६७४५१ उदस्योच्चैः पुच्छं शिरसि निहितं जीर्णजटिले  यदृच्छाव्यापन्नद्विपपिशितलेशाः कवलिताः ।
६७४५२ गुहागर्भे शून्ये सुचिरमुषितं जम्बुक सखे  तदेतत्किं कुर्मो यदसि न गतः सिंहसमताम् ॥
६७४६१ उदायुधो यावदहं तावदन्यैः किमायुधैः ।
६७४६२ यद्वा न सिद्धमस्त्रेण मम तत्केन सेत्स्यति ॥
६७४७१ उदारचरितात्त्यागी याचितः कृपणोऽधिकः ।
६७४७२ एको धनं ततः प्राणानन्यः प्राणांस्ततो धनम् ॥
६७४८१ उदारस्य तृणं वित्तं शूरस्य मरणं त्र्णम् ।
६७४८२ विरक्तस्य तृणं भार्या निःस्पृहस्य तृणं जगत् ॥
६७४९१ उदारांस्त्वदृते नान्यान् प्रपश्याम्ययि पार्वति ।
६७४९२ श्रीरामभक्तिमाणिक्यमदेयमपि देहि मे ॥
६७५०१ उदारैर्मन्दारै रचितशिखरं चन्द्रशिखरं  समभ्यर्च्य प्रेम्णा विपुलपुलकालंकृततनुः ।
६७५०२ कदा गन्धाबन्धप्रमदमुदितोद्दाममधुप  स्फुरद्गुञ्जागर्भैर्विभुमभिभजेयं नुतिपदैः ॥
६७५११ उदासीनालीनामपि वचसि लीनातनुलसत् त्रपाधीना दीनालपनपदवीनायकधृता ।
६७५१२ कवीनामासीना हृदि कुमुदिनीनाथवदना  नवीना मीनाक्षी व्यथयति मुनीनामपि मनः ॥
६७५२१ उदासीनो देवो मदनमथनः सज्जनकुले  कलिक्रीडासक्तः कृतपरिजनः प्राकृतजनः ।
६७५२२ इयं म्लेच्छाक्रान्ता त्रिदशतटिनी चोभयतटे  कथं भ्रातः स्थाता कथय सुकृतिन् कुत्र विभयः ॥
६७५३१ उदाहरणमाशीःषु प्रथमे ते मनस्विनाम् ।
६७५३२ शुष्केऽशनिरिवामर्षो यैररातिषु पात्यते ॥
६७५४१ उदितं प्रियां प्रति सहार्दमिति  श्रदधीयत प्रियतमेन वचः ।
६७५४२ विदिते गिते हि पुर एव जने  सपदीरिताः खलु लगन्ति गिरः ॥
६७५५१ उदितं मण्डलमिन्दो  रुदितं सद्यो वियोगिवर्गेण ।
६७५५२ मुदितं च सकलललना  चूडामणिशासनेन मदनेन ॥
६७५६१ उदितः समयः श्रयतेऽस्तमयं  कृतकं सकलं लभते विलयम् ।
६७५६२ सकलानि फलानि पतन्ति तरोः  सकला जलधिं समुपैति नदी ॥
६७५७१ उदितमुदितो हन्ति ध्वान्तं सहस्रकरः करैर् निहतनिहितं भूयो भूयस्तमः परिजृम्भते ।
६७५७२ विरमति तमो नेदं नायं निषीदति भानुमान्  न खलु विकसद्वैरा धीराः कथंचिदुदासते ॥
६७५८१ उदितवति द्विजराजे  कस्य न हृदये मुदः पदं दधति ।
६७५८२ संकुचसि कमल यदयं  हर हर वामो विधिर्भवतः ॥
६७५९१ उदितवति परस्मिन् प्रत्यये शास्त्रयोनौ  गतवति विलयं च प्राकृतेऽतिप्रपञ्चे ।
६७५९२ सपदि पदमुदीतं केवलः प्रत्ययो यस् तदियदिति च वक्तुं कः क्षमः पण्डितोऽपि ॥
६७६०१ उदिते दृष्टिसुखे त्वयि  शशिनीव भवन्ति चन्द्रकान्तानि ।
६७६०२ वदनान्यरिनारीणाम्  अविरलजलबिन्दुवर्षीणि ॥
६७६११ उदितेऽपि तवावनीन्द्र तेजस् तपने स्फारगभस्तिभारभाजि ।
६७६१२ तव वैरिनृपायशस्तमांसि  स्फुरदुज्जृम्भितमाचरन्ति चित्रम् ॥
६७६२१ उदिते भास्करे लक्ष्यं पश्चिमायां निवेशयेत् ।
६७६२२ अपराह्णे च कर्तव्यं लक्ष्यं पूर्वदिगाश्रितम् ॥
६७६३१ उदितैरन्यपुष्टानामारुतैर्मे हतं मनः ।
६७६३२ उदितैरपि ते दूति मारुतैरपि दक्षिणैः ॥
६७६४१ उदितोऽपि तुहिनगहने  गगनप्रान्ते न दीप्यते तपनः ।
६७६४२ कठिनघृतपूरपूर्णे  शरावशिरसि प्रदीप इव ॥
६७६५१ उदितोरुसादमतिवेपथुमत् सुदृशोऽभिभर्तृ विधुरं त्रपया ।
६७६५२ वपुरादरातिशयशंसि पुनः  प्रतिपत्तिमूढमपि बाढमभूत् ॥
६७६६१ उदीच्यां सस्यनिष्पत्तिर्याम्यां निष्पत्तिनाशनम् ।
६७६६२ गृहान्निर्गच्छतां वमे शुभं क्षेत्रे च दक्षिणम् ॥
६७६७१ उदीरितोऽर्थः पशुनापि गृह्यते  हयाश्च नागाश्च वहन्ति चोदिताः ।
६७६७२ अनुक्तमप्यूहति पण्डितो जनः  परे गितज्ञान फला हि बुद्धयः ॥
६७६८१ उदीर्णमनसो योध वाहनानि च भारत ।
६७६८२ यस्यां भवन्ति सेनायां ध्रुवं तस्यां जयो भवेत् ॥
६७६९१ उदीर्यमाणेऽपि च सान्त्ववादे  मानापनोदो नहि राधिकायाः ।
६७६९२ मानोऽस्तु ते यद्यपराधिकः स्यां  स्वप्नेऽपि नैवास्म्यपराधिकोऽहम् ॥
६७७०१ उदुम्बरद्रुमानष्टौ रोपयेत्स्वयमेव यः ।
६७७०२ प्रेरयेद्रोपणायापि चन्द्रलोके स मोदते ॥
६७७११ उदुम्बरफलानीव ब्रह्माण्डान्यत्ति यः सदा ।
६७७१२ सर्वगर्वापहः कालस्तस्य के मशका वयम् ॥
६७७२१ उदेति घनमण्डली नटति नीलकण्ठावली  तडिद्वलति सर्वतो वहति केतकीमारुतः ।
६७७२२ तथापि यदि नागतः स सखि तत्र मन्येऽधुना  दधाति मकरध्वजस्त्रुटितशिञ्जिनीकं धनुः ॥
६७७३१ उदेति पूर्वं कुसुमं ततः फलं  घनोदयः प्राक्तदनन्तरं पयः ।
६७७३२ निमित्तनैमित्तिकयोरयं क्रमस् तव प्रसादस्य पुरस्तु संपदः ॥
६७७४१ उदेति यस्यां न निशाकरो रिपुस् तिथिर्नु का पुण्यवतीभिराप्यते ।
६७७४२ इतीव दुष्ट्या परिदेविते मुहुः  कुहूकुहूरित्यलमाह कोकिलः ॥
६७७५१ उदेति सविता ताम्रस्ताम्र एवास्तमेति च ।
६७७५२ संपत्तौ च विपत्तौ च महतामेकरूपता ॥
६७७६१ उदेतुमत्यजन्नीहां राजसु द्वादशस्वपि ।
६७७६२ जिगीषुरेको दिनकृदादित्येष्विव कल्पते ॥
६७७७१ उदेष्यत्पीयूषद्युतिरुचिकणार्द्राः शशिमणि  स्थलीनां पन्थानो घनचरणलाक्षालिपिभृतः ।
६७७७२ चकोरैरुड्डीनैर्झटिति कृतश काः प्रतिपदं  पराञ्चः संचारानविनयवतीनां विवृणुते ॥
६७७८१ उद्गच्छत्यलिझ कृतिः स्मरधनुर्ज्यामञ्जुगुञ्जारवैर् निर्याता विषलिप्तभल्लिविषमाः कंकेल्लिफुल्लच्छटाः ।
६७७८२ रे संप्रत्यपवित्रमत्र पथिकाः सारम्भमुज्जृम्भते  चूतो दूत इवान्तकस्य कलिकाजालस्फुरत्पल्लवः ॥
६७७९१ उद्गता मथनक्षोभात्फेनराजिः पयोदधेः ।
६७७९२ तारकावलिरित्यज्ञैरियं सखि निवेद्यते ॥
६७८०१ उद्गतेन्दुमविभिन्नतमिस्रां  पश्यति स्म रजनीमवितृप्तः ।
६७८०२ व्यंशुकस्फुटमुखीमतिजिह्मां  व्रीडया नववधूमिव लोकः ॥
६७८११ उद्गमनोपनिवेशन  शयनपरावृत्तिवलनचलनेषु ।
६७८१२ अनिशं स मोहयति मां  हृल्लग्नः श्वास इव दयितः ॥
६७८२१ उद्गर्जज्जलकुञ्जरेन्द्ररभसास्फालानुबन्धोद्धतः  सर्वाः पर्वतकन्दरोदरभुवः कुर्वन् प्रतिध्वानिनीः ।
६७८२२ उच्चैरुच्चरति ध्वनिः श्रुतिपथोन्माथी यथायं तथा  प्रायः प्रे खदसंख्यश खवलया वेलेयमागच्छति ॥
६७८३१ उद्गर्जन् कुटिलस्तटाश्रयतरुप्रोन्मूलनोड्डामरो  मा गर्वीः सरितः प्रवाह जलधिं प्रक्षोभयामीति भोः ।
६७८३२ स्वां सत्तां यदि वाञ्छसि भ्रम मरुष्वेवास्स्व तत्रैव वा  दूरे वाडववह्निरत्र तु महासत्त्वैर्विशन् पीयते ॥
६७८४१ उद्गर्भहूणतरुणीरमणोपमर्द  भुग्नोन्नतिस्तननिवेशनिभं हिमांशोः ।
६७८४२ बिम्बं कठोरबिसकाण्डकडारगौरैर् विष्णोः पदं प्रथममग्रकरैर्व्यनक्ति ॥
६७८५१ उद्गृह्य वीटीग्रथनं नतभ्रूर् आच्छाद्य वक्षःस्थलमञ्चलेन ।
६७८५२ उत्तारयन्ती निविडं निचोलं  मनोभवस्यापि मनो मिनोति ॥
६७८६१ उद्ग्राहश्चान्यधातुः स्याद्ध्रुवकश्चान्यधातुकः ।
६७८६२ मेलापकोऽन्यधातुः स्यादाभोगश्चान्यधातुकः ।
६७८६३ चतुर्धातुकमेतद्धि रूपकं कीर्त्यते बुधैः ॥
६७८७१ उद्ग्राहस्याद्यखण्डे च न्यासः स ध्रुवको मतः ।
६७८७२ एवं हि षट्पदः प्रोक्त उत्तमो ध्रुवको बुधैः ॥
६७८८१ उद्ग्राहो ध्रुपदश्च स्यादाभोगस्तदनन्तरम् ।
६७८८२ नियमस्त्रिविधो ज्ञेयो मण्ठकस्य विचक्षणैः ॥
६७८९१ उद्ग्रीवं खलु वीक्षितं वपुरिदं लज्जालसं यत्तदा  गच्छन्त्याः सखिसंनिधौ किमपि यन्निर्वर्णकं भाषितम् ।
६७८९२ हे प्राणा विरहेण यात किमिदं नैर्घृण्यमालम्बितं  तत्स्मृत्वा यदि युक्तमासितुमहो यूयं प्रमाणं मम ॥
६७९०१ उद्ग्रीवस्तिमितेक्षनस्तत इतः पश्यन्निलीय स्थितं  पादोद्घृष्टिपरस्परप्रतिभयभ्रान्तं चलत्पक्षतिः ।
६७९०२ द्राक्त्रोटीपुरकोटिकुण्ठितरयं प्राक्तिर्यगूर्ध्वीकृतं  गर्भान्तःप्रणयीचकार शफरं कासारचारी बकः ॥
६७९११ उद्ग्रीवा विवृतारुणास्यकुहरास्तृष्णाचलत्तालवः  पक्षासंभववेपमानतनवः प्रोड्डीय किंचिद्भुवः ।
६७९१२ अन्योन्याक्रमिणः शरारिशिशवः प्रातर्नदीरोधसि  प्रालेयाम्बु पिबन्ति वीरणदलद्रोणीप्रणालस्रुतम् ॥
६७९२१ उद्घातयेद्दक्षिणमक्षि यक्षो  हस्तेन मृद्नात्यथ दक्षिणेन ।
६७९२२ यस्याभिषेके स भवेत्स्वशक्त्या  क्षितीशलक्षेक्षितपादपद्मः ॥
६७९३१ उद्घाटितनवद्वारे पञ्जरे विहगोऽनिलः ।
६७९३२ यत्तिष्ठति तदाश्चार्यं प्रयाणे विस्मयः कुतः ॥
६७९४१ उद्घाट्य चेद्दक्षिणमक्षि लीढे  नाभिं स्वकीयामथवाधिरूढः ।
६७९४२ शेते गृहस्योपरि जागरूकस् तदाम्बुदोऽम्बु क्षिपति प्रभूतम् ॥
६७९५१ उद्घाट्य योगकलया हृदयाब्जकोशं  धन्यैश्चिरादपि यथारुचि गृह्यमाणः ।
६७९५२ यः प्रस्फुरत्यविरतं परिपूर्णरूपः  श्रेयः स मे दिशतु शाश्वतिकं मुकुन्दः ॥
६७९६१ उद्दण्डकोकनदकोमलकोशकान्तिः  कान्ताकचग्रहणकण्टकितप्रकोष्ठः ।
६७९६२ मित्रद्विजातिरिपुवर्गविलासिनीनां  संमानदानभयभोगकरः करस्ते ॥
६७९७१ उद्दण्डे भुजदण्डे  तव कोदण्डे परिस्फुरति ।
६७९७२ अरिमण्डलरविमण्डल  रम्भाकुचमण्डलानि वेपन्ते ॥
६७९८१ उद्दामज्वलदंशुमालिकिरणव्यर्थातिरेकादिव  च्छायाः संप्रति यान्ति पिण्डपदवीं मूलेषु भूमीरुहाम् ।
६७९८२ किं चैतद्दनुजाधिराजयुवतीवर्गावगाहोत्सरत् क्षोभोड्डीनविहंगमण्डलकृतालीकातपत्रं सरः ॥
६७९९१ उद्दामदक्षिणमरुद्भरचालिताभिः  शाखाभिराकुलतरं रुतवारणाय ।
६७९९२ मा मेति कोकिलकुलं वदतीव वृक्षः  स्त्रैणं वियोगविधुरं कृपया विलोक्य ॥
६८००१ उद्दामदन्तरुचिपल्लवितार्धचन्द्र  ज्योत्स्नानिपीततिमिरप्रसरोपरोधः ।
६८००२ श्रेयांसि वो दिशतु ताण्डवितस्य शम्भोर् अम्भोधरावलिघनध्वनिरट्टहासः ॥
६८०११ उद्दामदानद्विपवृन्दबृंहितैर् नितान्तमुत्तु गतुरंगहेषितैः ।
६८०१२ चलद्घनस्यन्दननेमिनिःस्वनैर् अभून्निरुच्छ्वासमिवाकुलं जगत् ॥
६८०२१ उद्दामदिग्द्विरदचञ्चलकर्णपूर  गण्डस्थलोच्चलदलिस्तबकाकृतीनि ।
६८०२२ मीलन्नभांसि मृगनाभिसमानभांसि  दिक्कन्दरेषु विलसन्तितमां तमांसि ॥
६८०३१ उद्दामद्युमणिद्युतिव्यतिकरप्रक्रीडदर्कोपल  ज्वालाजालजटालजा गलतटीनिष्कूजकोयष्टयः ।
६८०३२ भौमोष्मप्लवमानसूरकिरणक्रूरप्रकाशा दृशोर् आयुःकर्म समापयन्ति धिगमूर्मध्येऽह्नि शून्या दिशः ॥
६८०४१ उद्दामद्रुमभ गभीमदशनो येनाभ्यघानि द्विपः  सोऽयं वञ्चकचेष्टितैस्त्यजति किं पञ्चाननः काननम् ।
६८०४२ तत्प्रीतिर्न्न कृतिः समं न समरं क्षान्तिर्मनोग्लानये  श्रेयानित्ययमस्य माननिधिनो यत्काननोपक्रमः ॥
६८०५१ उद्दामद्विरदावलूनबिसिनीसौरभ्यसंभावित  व्योमानः कलहंसकम्पितगरुत्पालीमरुन्मांसलाः ।
६८०५२ दूरोत्तानतर गल घनकलाज घालगर्वस्पृशः  कर्पूरद्रवशीकरैरिव दिशो लिम्पन्ति पम्पानिलाः ॥
६८०६१ उद्दामभ्रमिवेगविस्तृतजटावल्लीप्रणालीपतत् स्वर्ग गाजलदण्डिकावलयितं निर्माय तत्पञ्जरम् ।
६८०६२ संभ्राम्यद्भुजदण्डपक्षपटलद्वन्द्वेन हंसायितस् त्रैलोक्यव्ययनाटिकानयनटः स्वामी जगत्त्रायताम् ॥
६८०७१ उद्दामाम्बुदगर्हितान्धतमसप्रध्वस्तदि मण्डले  काले यामिकजाग्रदुग्रसुभटव्याकीर्णकोलाहले ।
६८०७२ कर्णस्यासुहृदर्णवाम्बुवडवावह्नेर्यदन्तःपुराद् आयातासि तदम्बुजाक्षि कृतकं मन्ये भयं योषिताम् ॥
६८०८१ उद्दामाम्बुदवर्ध मानशिखिनीकेकातिरेकाकुले  संप्राप्यं सलिलं स्थलेष्वपि सदा निस्तर्षवर्षागमे ।
६८०८२ भीष्मग्रीष्मभटे परस्परभयादालोच्यमानं मुहुर् दीनं मीनकुलं न पालयसि चेत्कासार का सारता ॥
६८०९१ उद्दामार्कमरीचिमूर्छितदृशां येनाध्वगानामयं  वेलालम्बनजागरूकमनसामारम्भि कर्णज्वरः ।
६८०९२ क्लेशोच्छृ खलचेतसः प्रविशतो गण्डूषगर्भं मुनेर् लीनः कुत्र महार्णवस्य स पुनः कल्लोलकोलाहलः ॥
६८१०१ उद्दामार्कांशुदीप्यद्दिनमणिमणिभिर्भस्मितान्ते समन्ताद् वायुव्याधूयमानज्वलनकणगणाकीर्णधूलिप्रकीर्णे ।
६८१०२ कान्तारेऽस्मिन्नृपार्ते पथि पथिक भवे क्वापि पाथोदसेना  सूच्यग्रे कूपषट्कं तदुपरि नगरी तत्र ग गाप्रवाहः ॥
६८१११ उद्दामोत्कलिकां विपाण्डुररुचं प्रारब्धजृम्भां क्षणाद् आयासं श्वसनोद्गमैरविरतैरातन्वतीमात्मनः ।
६८११२ अद्योद्यानलतामिमां समदनां नारीमिवान्यां ध्रुवं  पश्यन् कोपविपाटलद्युति मुखं देव्याः करिष्याम्यहम् ॥
६८१२१ उद्दिश्य निःसरन्तीं  सखीमियं कपटकोपकुटिलभ्रूः ।
६८१२२ एवमवतंसमाक्षिपद् आहतदीपो यथा पतति ॥
६८१३१ उद्दिष्टं वस्तु रागादौ किंचिदाधिक्यचिन्तितम् ।
६८१३२ तद्धातुमातुनिष्पन्नं प्रत्यन्तरमितीरितम् ॥
६८१४१ उद्दीपितोऽपि कनकद्युतिमञ्जुलोऽपि  स्नेहान्वितोऽपि सुदृशोऽपि सुवर्तितोऽपि ।
६८१४२ कान्ताकरान्तरकुचच्छविमण्डितोऽपि  स्वाभाविकीं मलिनतां न जहाति दीपः ॥
६८१५१ उद्दीप्ताग्निरसौ मुनिर्विजयते यस्योदरे जीर्यतः  पाथोधेरवशिष्टमम्बु कथमप्युद्गीर्णमन्यार्णवम् ।
६८१५२ किं चास्माज्जठरानलादिव नवस्तत्कालवान्तिक्रमान्  निर्यातः स पुनर्यमाय पयसामन्तर्गतो वाडवः ॥
६८१६१ उद्देशोऽयं कनकसिकताकोमलैकान्तकान्ता  लीलावासीकृततरुतलः कामिभिर्नर्मदायाः ।
६८१६२ किंचैतस्मिन् सुरतसचिवास्तन्वि ते वान्ति वाता  येषामग्रे सरति कलिताकण्ठकोपो मनोभूः ॥
६८१७१ उद्देशोऽयं सरसकदलीश्रेणिशोभातिशायी  कुञ्जोत्कर्षा कुरितरमणीविभ्रमो नर्मदायाः ।
६८१७२ किं चैतस्मिन् सुरतसुहृदस्तन्वि ते वान्ति वाता  येषामग्रे सरति कलिताकाण्डकोपो मनोभूः ॥
६८१८१ उद्धता अलमुद्धर्तुमौद्धत्यं दुरितात्मनाम् ।
६८१८२ क्षाराणामेव सामर्थ्यं मलनाशाय वाससाम् ॥
६८१९१ उद्धतैरिव परस्परस गाद् ईरितान्युभयतः कुचकुम्भैः ।
६८१९२ योषितामतिमदेन जुघूर्णुर् विभ्रमातिशयपुंषि वपूंषि ॥
६८२०१ उद्धतैर्निभृतमेकमनेकैश् छेदवन्मृगदृशामविरामैः ।
६८२०२ श्रूयते स्म मणितं कलकाञ्ची  नूपुरध्वनिभिरक्षतमेव ॥
६८२११ उद्धरेदात्मनात्मानं नात्मानमवसादयेत् ।
६८२१२ आत्मैव ह्यात्मनो बन्धुरात्मैव रिपुरात्मनः ॥
६८२२१ उद्धर्तुं किल शैलकेलिरभसस्रस्तानि पाथोनिधेर् अन्तर्भूषणमौक्तिकानि दिविजस्त्रीभिः समुत्कण्ठया ।
६८२२२ गाढं तत्र निमज्जितेन रविणा बद्ध्वा दृढं रश्मिभिः  प्रोत्क्षिप्तानि निपत्य तानि गगने तारापदेशं दधुः ॥
६८२३१ उद्धर्तुं धरणीं निशाकररवी क्षेप्तुं मरुन्मार्गतो  वातं स्तम्भयितुं पयोनिधिजलं पातुं गिरिं चूर्णितुम् ।
६८२३२ शक्ता यत्र विशन्ति मृत्युवदने कान्यस्य तत्र स्थितिर् यस्मिन् याति गिरिर्बिले सह वनैः कात्र व्यवस्था ह्यणोः ॥
६८२४१ उद्धव माधवसविधे  विनिवेद्यं सर्वथा भवता ।
६८२४२ अपि बहुमूल्यं भवनं  यमुनाकुञ्जोपमं न स्यात् ॥
६८२५१ उद्धूतकामानलतापतप्ता  विहाय दोषाधिकजां तु चिन्ताम् ।
६८२५२ वनादिरागावयवप्रभेदं  नरेति मत्वा वनिता रमन्ते ॥
६८२५ १ उद्धूतपांसुपटलानुमितप्रबन्ध  धावत्खुराग्रचयचुम्बितभूमिभागाः ।
६८२५ २ निर्मथ्यमानजलधिध्वनिघोरघोषम्  एते रथं गगनसीम्नि वहन्ति वाहाः ॥
६८२६१ उद्धूता धूमधारा विरहिजनमनोमाथिनो मन्मथाग्नेः  कस्तूरीपत्रमाला तिमिरततिरहो दिक्पुरन्ध्रीमुखानाम् ।
६८२६२ निर्वाणा गारलेखा दिवसहुतभुजः संचरच्चञ्चरीक  श्रेणीयं भाति भास्वत्करलुलितनभःकन्दरेन्दीवरस्य ॥
६८२७१ उद्धूय धूलीर्धवला रसातलाद् वात्या लगन्ती गगने व्यवर्तत ।
६८२७२ फूत्कारयन्त्येव भुवोद्धृता भुजा  निदाघतापाकुलया तपात्यये ॥
६८२८१ उद्धूयेत तनूलतेति नलिनीपत्रेण नो वीज्यते  स्फोटः स्यादिति ना गकं मलयजक्षोदाम्भसा सिच्यते ।
६८२८२ स्यादस्यातिभरात्पराभव इति प्रायो न वा पल्लवा  रोपो वक्षसि तत्कथं कृशतनोराधिः समाधीयताम् ॥
६८२९१ उद्धूयेत नतभ्रूः  पक्ष्मनिपातोद्भवैः पवनैः ।
६८२९२ इति निर्निमेषमस्या  विरहवयस्या विलोकते वदनम् ॥
६८३०१ उद्धृतेष्वपि शस्त्रेषु दूतो वदति नान्यथा ।
६८३०२ ते वै यथोक्तवक्तारो न वध्याः पृथिवीभुजा ॥
६८३११ उद्धृतेष्वपि शस्त्रेषु बन्धुवर्गवधेष्वपि ।
६८३१२ परुषाण्यपि जल्पन्तो वध्या दूता न भूभुजा ॥
६८३२१ उद्ध्रियमानेन्दुकरैर् उन्मज्जत्यन्धकारवारिनिधेः ।
६८३२२ क्वापि क्वापि विलग्न  च्छायाजम्बालधोरणी धरणी ॥
६८३३१ उद्बद्धेभ्यः सुदूरं घनरजनितमःपूरितेषु द्रुमेषु  प्रोद्ग्रीवं पश्य पादद्वितयधृतभुवः श्रेणयः फेरवाणाम् ।
६८३३२ उल्कालोकैः स्फुरद्भिर्निजवदनगुहोत्सर्पिभिर्वीक्षितेभ्यश् च्योतत्सान्द्रं वसाम्भः क्वथितशववपुर्मण्डलेभ्यः पिबन्ति ॥
६८३४१ उद्बन्धनं दृढं गाढं सिंहोऽपि सहते यदि ।
६८३४२ कथं करटिनस्तर्हि नृपचिह्नानि बिभ्रति ॥
६८३५१ उद्भर्तृगामिनी पुरुष  भाषिणी कामचिह्नकृतवेशा ।
६८३५२ या नातिमांसयुक्ता  सुराप्रिया सर्वतश्चपला ॥
६८३६१ उद्भाव्यमानो नलिनीपलाशैः  समीरणस्तद्धृदयास्पदस्य ।
६८३६२ करोति दाहस्य निवारणं नु  संधुक्षणं वा स्मरपावकस्य ॥
६८३७१ उद्भासिताखिलखलस्य विशृ खलस्य  प्राग्जातविस्मृतनिजाधमकर्मवृत्तेः ।
६८३७२ दैवादवाप्तविभवस्य गुणद्विषोऽस्य  नीचस्य गोचरगतैः सुखमास्यते कैः ॥
६८३८१ उद्भासितेऽन्धतमसव्रज एति नाशं  सूने प्रयान्त्युभयतोऽतिमरन्दमुग्धाः ।
६८३८२ सिंहा निहत्य रुधिरं बहु भक्षितं यद् दीपा कुरे मधुकराः करिणं वमन्ति ॥
६८३९१ उद्भिदुरं स्तनवदनं  लोचनमलिगर्वमोचनं सुदृशः ।
६८३९२ दृष्ट्वा विगतविचारं  धातारं निन्दति स्थविरः ॥
६८४०१ उद्भिन्नं किमिदं मनोभवनृपक्रीडारविन्दद्वयं  सूते तत्कथमेकतः किल लसद्रोमावलीनालतः ।
६८४०२ चक्रद्वन्द्वमिदं क्षमं तदपि न स्थातुं मुखेन्दोः पुरो  लावण्याम्बुनिमग्नयौवनगजस्यावैमि कुम्भद्वयम् ॥
६८४११ उद्भिन्नयौवनमनोहररूपशोभा  संभाविताभिनवभोगमनोभवानाम् ।
६८४१२ एणीदृशां त्वदुपदेशविवर्जितानां  मातर्भवन्ति नहि नाम समीहितार्थाः ॥
६८४२१ उद्भिन्नसात्त्विकविकारपरिप्लवानि  सद्यस्तिरस्कृतमनोभववेदनानि ।
६८४२२ तन्वि त्वद गपरिरम्भसुखामृतानि  प्रादुर्भवन्तु पुनरागतजीवितानि ॥
६८४३१ उद्भिन्नस्तनकुड्मलद्वयमुरः किंचित्कपोलस्थलीं  लिम्पत्येव मधूककान्तिरधरः संमुग्धलक्ष्मीमयः ।
६८४३२ प्रत्यासीदति यौवने मृगदृशः किं चान्यदाविर्भवल् लावण्यामृतप कलेपलडहच्छायं वपुर्वर्तते ॥
६८४४१ उद्भिन्नस्तबकावतंससुभगाः प्रे खन्मरुन्नर्तिताः  पुष्पोद्गीर्णपरागपांशुललसत्पत्रप्रकाण्ड त्विषः ।
६८४४२ गम्भीरक्रमपञ्चमोन्मदपिकध्वानोच्छलद्गीतयः  प्रत्युज्जीवितमन्मथोत्सव इव क्रीडन्त्यमू भूरुहः ॥
६८४५१ उद्भिन्ना कलकण्ठकण्ठकुहरात्कर्णामृतस्यन्दिनी  हृद्या यद्यपि मार्दवैकवसतिः सा काकलीहुंकृतिः ।
६८४५२ अन्यस्तन्वि तथापि ते त्रिणयनप्लुष्टस्य जीवार्पणः  पञ्चेषोरुचितप्रपञ्चितरसः पाकाञ्चितः पञ्चमः ॥
६८४७१ उद्भेदं प्रतिपद्य पक्वबदरीभावं समेत्य क्रमात् पुंनागाकृतिमाप्य पूगपदवीमारुह्य बिल्वश्रियम् ।
६८४७२ लब्ध्वा तालफलोपमां च ललितामासाद्य भूयोऽधुना  चञ्चत्काञ्चनकुम्भजृम्भणमिभावस्याः स्तनौ बिभ्रतः ॥
६८४८१ उद्भ्रान्तभेककुलकीर्णजले तडागे  कोऽप्यस्ति नाम यदि नान्यगतिर्बकोटः ।
६८४८२ उत्फुल्लपद्मसुरभीणि सरांसि हित्वा  न स्थातुमर्हति भवानिह राजहंस ॥
६८४९१ उद्यच्छता धुरमकापुरुषानुरूपां  गन्तव्यमाजिनिधनेन पितुः पथा वा ।
६८४९२ आच्छिद्य वा स्वजननीजनलोचनेभ्यो  नेयो मया रिपुवधूनयनानि बाष्पः ॥
६८५०१ उद्यज्ज्वालावलीभिर्वरमिह भुवनप्लोषके हव्यवाहे  र गद्वीचौ प्रविष्टं जलनिधिपयसि ग्राहनक्राकुले वा ।
६८५०२ संग्रामे वारिरौद्रे विविधशरहतानेकयोधप्रधाने  नो नारीसौख्यमध्ये भवशतजनितानन्तदुःखप्रवीणे ॥
६८५११ उद्यञ्छशी तरुणभास्करकान्तिचौरः  स्पर्शेन शीतकरलालितया प्रदोषे ।
६८५१२ ज्ञातोऽर्धसुप्तनलिनीप्रियया सलज्जः  पाण्डुत्वमाप रभसादिव मन्मथार्तः ॥
६८५२१ उद्यतं शस्त्रमालोक्य विषादं याति विह्वलः ।
६८५२२ जीवनं प्रति संत्रास्तो नास्ति मृत्युसमं भयम् ॥
६८५३१ उद्यतमेकहस्तचरणं द्वितीयकररेचितं सुविनतं  वंशमृद गवाद्यमधुरं विचित्रकरणान्वितं बहु विधम् ।
६८५३२ मद्रकमेतदद्य सुभगैर्विदग्धगतिचेष्टितैः सुललितैर् नृत्यसि विभ्रमाकुलपदं विविक्तरसभावितं शशिमुखि ॥
६८५४१ उद्यतस्य परं हन्तुं स्तब्धस्य विवरैषिणः ।
६८५४२ पतनं जायतेऽवश्यं कृच्छ्रेण पुनरुन्नतिः ॥
६८५५१ उद्यतस्य हि कामस्य प्रतिवादो न शस्यते ।
६८५५२ अपि निर्मुक्तस गस्य कामरक्तस्य किं पुनः ॥
६८५६१ उद्यतासिर्नृपो यत्र तत्रैव धनरक्षणम् ।
६८५६२ कण्टकाकुलशाख्यायां लग्नं गृह्णाति नो फलम् ॥
६८५७१ उद्यतेत यथाशक्ति न प्रसज्येत जातुचित् ।
६८५७२ साध्यानां सिद्ध्यसिद्धी यन्नियत्या नियते कृते ॥
६८५८१ उद्यतेष्वपि शस्त्रेषु दूतो वदति नान्यथा ।
६८५८२ सदैवावध्यभावेन यथार्थस्य हि वाचकः ॥
६८५९१ उद्यतेष्वपि शस्त्रेषु यथोक्तं शासनं वदेत् ।
६८५९२ रागापरागौ जानीयाद्दृष्टिवक्त्रविचेष्टितैः ॥
६८६०१ उद्यत्करकरवालः  शकतिमिरध्वंसने महानिपुणः ।
६८६०२ कल्किहरिर्वः पायाद् अपायतः कलिनिशान्तोत्थः ॥
६८६११ उद्यत्ताराधिनाथद्युतिहृतिपटवः सान्द्रसिन्दूरशोणाः  श्रीमद्वेतण्डतुण्डप्रतिभटबटवः पद्मरागातिरागाः ।
६८६१२ दूरादानम्रकम्रच्छविरविकिरणश्रेणिकिर्मीरितान्ता  गुञ्जापुञ्जानुरागद्विगुणितमहसः पान्तु कृष्णा घ्रिभासः ॥
६८६२१ उद्यत्तारुण्यवारुण्यतिशयितमदोच्छ्वासचारुण्यती व  प्रोदञ्चत्पञ्चबाणप्रचुररुचिरदृक्चञ्चरीकप्रपञ्चे ।
६८६२२ मन्दश्रीश्चन्द्रमास्ते सति सुतनु मुखे प्रोच्छ्वसत्तन्द्रमास्ते  हीनं शोभाभिरम्भोरुहमपि रजनौ नैति रम्भोरु हासम् ॥
६८६३१ उद्यत्सौरभगर्भनिर्भरमिलद्वाला कुरश्रीमृतो  माकन्दानवलोक्य यः प्रतिदिशं सानन्दमुत्कूजितः ।
६८६३२ तानेवाद्य फलाशया परिरटल्लुण्ठाककाकावली  वाचालानुपलभ्य कोकिलयुवा जातः स वाचंयमः ॥
६८६४१ उद्यद्गन्धप्रबन्धां परमसुखरसां कोकिलालापजल्पां  पुष्पस्रक्सौकुमार्यां कुसुमशरवधूं रूपतो निर्जयन्तीम् ।
६८६४२ सौख्यं सर्वेन्द्रियाणामभिमतमभितः कुर्वतीं मानसेष्टां  सत्सौभाग्याल्लभन्ते कृतसुकृतवशाः कामिनीं मर्त्यमुख्याः ॥
६८६५१ उद्यद्दुःसहवित्ततानवतया बद्धावधाने मनस्य् उन्मार्गभ्रमणेऽवशस्य रभसाच्छ्वभ्रे परिभ्राम्यतः ।
६८६५२ अन्योऽपाहितकोशपृष्ठलुठनात्संदर्शिता गक्षतेर् जन्तोर्हन्त तनोति दुर्गतिशमं रम्यानुलोम्यो विधिः ॥
६८६६१ उद्यद्बर्हिषि दर्दुरारवपुषि प्र्क्षीणपान्थायुषि  श्च्योतद्विप्रुषि चन्द्ररु मुषि सखे हंसद्विषि प्रावृषि ।
६८६६२ मा मुञ्चोच्चकुचाग्रसन्ततपतद्बाष्पाकुलां बालिकां  काले कालकरालनीलजलदव्यालुप्तभास्वत्त्विषि ॥
६८६७१ उद्यद्बाला कुरश्रीर्दिशि दिशि दशनैरेभिराशागजानां  रोहन्मूला सुगौरैरुरगपतिफणैरत्र पातालकुक्षौ ।
६८६७२ अस्मिन्नाकाशदेशे विकसितकुसुमा राशिभिस्तारकाणां  नाथ त्वत्कीर्तिवल्ली फलति फलमिदं बिम्बमिन्दोः सुधार्द्रम् ॥
६८६८१ उद्यद्विद्रुमकान्तिभिः किसलयैस्ताम्रां त्विषं बिभ्रतो  भृ गालीविरुतैः कलैरविशदव्याहारलीलाभृतः ।
६८६८२ घूर्णन्तो मलयानिलाहतिचलैः शाखासमूहैर्मुहुर् भ्रान्तिं प्राप्य मधुप्रस गमधुना मत्ता इवामी द्रुमाः ॥
६८६९१ उद्यद्विलोचनहुताशतडिद्विकाश  व्यासंगिनी सुरधुनीपयसा सगर्भा ।
६८६९२ भ्राजत्कलानिधिबलाकविशोभमाना  पायाज्जटाघनघटा वृषभध्वजस्य ॥
६८७०१ उद्यद्विवेकतपनप्रफुल्ले हृदयाम्बुज ।
६८७०२ विशते भगवद्भक्तिररविन्द इवेन्दिरा ॥
६८७११ उद्यन्तु नाम सुबहूनि महामहांसि  चन्द्रोऽप्यलं भुवनमण्डलमण्डनाय ।
६८७१२ सूर्यादृते न तदुदेति न चास्तमेति  येनोदितेन दिनमस्तमितेन रात्रिः ॥
६८७२१ उद्यन्तु शतमादित्या उद्यन्तु शतमिन्दवः ।
६८७२२ न विना विदुषां वाक्यैर्नश्यत्याभ्यन्तरं तमः ॥
६८७३१ उद्यन्नादं धन्विभिर्निष्ठुराणि  स्थूलान्युच्चैर्मण्डलत्वं दधन्ति ।
६८७३२ आस्फाल्यन्ते कार्मुकाणि स्म कामं  हस्त्यारोहैः कुञ्जराणां शिरांसि ॥
६८७४१ उद्यन्नित्यं त्वरितस् तमोऽपगमयति करैः समाकृष्य ।
६८७४२ महितस्तदसि स्थाने  मित्र पुमांस्त्वं परे क्लीबाः ॥
६८७५१ उद्यन्नेव जगद्विसृत्वरघनध्वान्तौघमध्वंसयः  पादन्यासमशेषभूधरशिरः पीठीतटेषु न्यधाः ।
६८७५२ धिक्कृत्येन्दुमपि श्रियं व्यतनुथाः पद्माप्तपद्मोत्करे  जीवेद्वासरमेव वा त्वमिव यस्तज्जीवनं जीवनम् ॥
६८७६१ उद्यन्महानिलवशोत्थविचित्रवीचि  विक्षिप्तनक्रमकरादिनितान्तभीतिम् ।
६८७६२ अम्भोधिमध्यमुपयाति विवृद्धवेलं  लोभाकुलो मरणदोषममन्यमानः ॥
६८७७१ उद्यन्महीपालमरीचिमाली  शिलीमुखश्रेणिकरावलीभिः ।
६८७७२ उदारभूदारघनान्धकार  संभारमुच्छिन्नतरं चकार ॥
६८७८१ उद्यमं कुरुते जन्तुर्दैवं सर्वत्र कारणम् ।
६८७८२ समुद्रमन्थनाल्लेभे हरिर्लक्ष्मीं हरो विषम् ॥
६८७९१ उद्यमं कुर्वतां पुंसां फलं भाग्यानुसारतः ।
६८७९२ समुद्रमन्थनाल्लेभे हरिर्लक्ष्मीं हरो विषम् ॥
६८८०१ उद्यमं कुर्वतां पुंसां फलं मार्जारकर्मवत् ।
६८८०२ जन्मप्रभृति गौर्नास्ति पयः पिबति नित्यशः ॥
६८८११ उद्यमः कलहः कण्डूर्द्यूतमद्यपरस्त्रियः ।
६८८१२ निद्रा मैथुनमालस्यं सेवनात्तु विवर्धते ॥
६८८२१ उद्यमः साहसं धैर्यं बलं बुधिः पराक्रमः ।
६८८२२ षडेते यस्य तिष्ठन्ति तस्य देवोऽपि श कितः ॥
६८८३१ उद्यमस्य प्रसादेन दृश्यन्ते विविधाः कलाः ।
६८८३२ कातरा एव जल्पन्ति यद्भाव्यं तद्भविष्यति ॥
६८८४१ उद्यमाख्यानमपरं प्रकीर्णाख्यानकं तथा ।
६८८४२ समस्याख्यानमपरं प्रहेल्यादिप्रशंसनम् ॥
६८८५१ उद्यमी लभते सिद्धिमयोग्योऽपि सुनिश्चितम् ।
६८८५२ अनूरुर्गगनस्यान्तं प्रयात्येव दिने दिने ॥
६८८५ १ उद्यमी सिद्धिमाप्नोति सहाय्यविकलोऽपि चेत् ।
६८८५ २ एकचक्ररथोऽनूरुसूतोऽर्को व्योम गाहते ॥
६८८६१ उद्यमेन विना राजन्न सिध्यन्ति मनोरथाः ।
६८८६२ कातरा इति जल्पन्ति यद्भाव्यं तद्भविष्यति ॥
६८८७१ उद्यमेन विना राजन्न सिध्यन्ति मनोरथाः ।
६८८७२ नहि सुप्तस्य सिंहस्य प्रविशन्ति मुखे मृगाः ॥
६८८८१ उद्यमेन हि सिध्यन्ति कार्याणि न मनोरथैः ।
६८८८२ नहि सुप्तस्य सिंहस्य प्रविशन्ति मुखे मृगाः ॥
६८८९१ उद्यमे नास्ति दारिद्र्यं जप्यतो नास्ति पातकम् ।
६८८९२ मौनेन कलहो नास्ति नास्ति जागरतो भयम् ॥
६८९०१ उद्यमेनैव कार्याणि सिध्यन्ति न मनोरथैः ।
६८९०२ नहि सुप्तस्य सिंहस्य विशन्ति वदने मृगाः ॥
६८९११ उद्ययौ दीर्घिकागर्भान्मुकुलं मेचकोत्पलम् ।
६८९१२ नारीलोचनचातुर्यश कासंकुचितं यथा ॥
६८९२१ उद्यल्लावण्यलक्ष्मीवलयितवपुषां स्वर्गवारा गनानाम्  आश्लेषे यः प्रमोदः स्फुरति च गरिमा योऽमृते माधुरीणाम् ।
६८९२२ सौरभ्यं कु कुमे यत्पयसि विमलता याप्यहो तत्समस्तं  मित्रैकत्रेक्षितुं चेदभिलषसि तदा पश्य कृष्णस्य काव्यम् ॥
६८९३१ उद्यात्येव सुहृत्कुलं प्रतिबलं यात्येव नीचैस्तराम्  आयान्त्येव यशःश्रियः प्रतिदिशं यान्त्येव सत्कीर्तयः ।
६८९३२ येनैकेन मुखाग्रपाटिततनूभूतार्द्रकोटिश्रिया  सर्वाश्चर्यमयः स एव जयति त्वत्खड्गधारापथः ॥
६८९४१ उद्यानं कौमुदी गीतं कान्ता केलिः सुहृत्कथा ।
६८९४२ कृतिनां सुकृतक्रीतः स्वर्गभोगो भुवि स्थितः ॥
६८९५१ उद्यानं वनभूमयः कुसुमितैरुद्गन्धयः पादपैः  शैला निर्झरहासिनो जलधरश्यामा गिरिः कृत्रिमः ।
६८९५२ नद्यः सारसमूर्च्छितोर्मिवलया घर्माभिषेकास्पदं  शीताः शीकरसंगमात्सुरभयो मित्रं सरोजानिलाः ॥
६८९६१ उद्यानपाल कलशाम्बुनिषेचनानाम्  एतस्य चम्पकतरोरयमेव कालः ।
६८९६२ तस्मिन्निदाघनिहते घनवारिणा वा  संवर्धिते तव वृथोभयथोपयोगः ॥
६८९७१ उद्यानमारुतोद्धूताश्चूतचम्पकरेणवः ।
६८९७२ उदश्रयन्ति पान्थानामस्पृशन्तोऽपि लोचने ॥
६८९८१ उद्यानसहकाराणामनुद्भिन्ना न मञ्जरी ।
६८९८२ देयः पथिकनारीणां सतिलः सलिलाञ्जलिः ॥
६८९९१ उद्यानानि न सर्वदा परिभवत्रासादिवाध्यासते  भूमौ नोपविशन्ति ये खलु रजःसंपर्कतर्कादिव ।
६८९९२ तेषामप्यतिपूजनीयवपुषां नूनं पिकानामियं  धिक्कष्टं परपुष्टतेति किमपि प्राचां फलं कर्मणाम् ॥
६९००१ उद्यानेषु विचित्रभ्होजनविधिस्तीव्रातितीव्रं तपः  कौपीनावरणं सुवस्त्रमभितं भिक्षाटनं मण्डनम् ।
६९००२ आसन्नं मरणं च म गलसमं सत्यं समुत्पद्यते  तां काशीं परिहृत्य हन्त विबुधैरन्यत्र किं स्थीयते ॥
६९०११ उद्याने सहकारकोरकरसप्रत्याशया कोकिलः  स्थातुं वाञ्छति चित्तजन्मनृपतेर्मित्रं च मन्त्री यतः ।
६९०१२ किंतु ध्वा क्षविजृम्भितेषु च पिकप्रारब्धगानेषु च  क्रेंकारेषु च पञ्चमध्वनिषु च श्रोता न वेत्त्यन्तरम् ॥
६९०३१ उद्योगः क्षयमेति हन्त सहसा जाड्यं समुज्जृम्भते  मित्रस्यापि च दर्शनं भवति नो किं वान्यदाचक्ष्महे ।
६९०३२ यल्लोकस्पृहणीयतां गतमभूत्तज्जीवनं व्यर्थतां  प्राप्तं येन दुनोति तन्मम मनो दुर्दैववद्दुर्दिनम् ॥
६९०४१ उद्योगः शत्रुवन्मित्रमालस्यं मित्रवद्विषम् ।
६९०४२ विषवच्चामृतं विद्या सुधावद्विषम गना ॥
६९०५१ उद्योगः साहसं धैर्यं बुद्धिः शक्तिः पराक्रमः ।
६९०५२ उत्साहः षड्विधो यस्य तस्य देवोऽपि श कते ॥
६९०६१ उद्योगमेधाधृतिसत्त्वसत्य  त्यागानुरागस्थितिगौरवाणि ।
६९०६२ जितेन्द्रियत्वं प्रसहिष्णुता ह्रीः  प्रागल्भ्यमित्यात्मगुणप्रवेकः ॥
६९०७१ उद्योगादनिवृत्तस्य सुसहायस्य धीमतः ।
६९०७२ छायेवानुगता तस्य नित्यं श्रीः सहचारिणी ॥
६९०७ १ उद्योगानुसारी लक्ष्मीः कीर्तिस्त्यागानुसारिणी ।
६९०७ २ अभ्यासानुसारी विद्या बुद्धिः कर्मानुसारिणी ॥
६९०८१ उद्योगिनं पुरुषसिंहमुपैति लक्ष्मीर् दैवेन देयमिति कापुरुषा वदन्ति ।
६९०८२ दैवं निहत्य कुरु पौरुषमात्मशक्त्या  यत्ने कृते यदि न सिध्यति कोऽत्र दोषः ॥
६९०९१ उद्योगिनः करालम्बं करोति कमलालया ।
६९०९२ अनुद्योगिकरालम्बं करोति कमलाग्रजा ॥
६९१०१ उद्योगेन कृते कार्ये सिद्धिर्यस्य न विद्यते ।
६९१०२ दैवं तस्य प्रमाणं हि कर्तव्यं पौरुषं सदा ॥
६९१११ उद्योगेन विना नैव कार्यं किमपि सिध्यति ।
६९११२ नहि सुप्तस्य सिंहस्य प्रविशन्ति मुखे मृगाः ॥
६९१३१ उद्वर्तयन्त्या हृदये निपत्य  नृपस्य दृष्टिर्न्यवृतद्द्रुतैव ।
६९१३२ वियोगिवैरात्कुचयोर्नखा कैर् अर्धेन्दुलीलैर्गलहस्तितेव ॥
६९१४१ उद्वर्तितमपि बहुधा  नुलिप्तमपि चन्दनागुरुरसाद्यैः ।
६९१४२ भजति तथापि शरीरं  दौर्गन्ध्यं तत्र को हेतुः ॥
६९१५१ उद्वासयितुं वेश्मनि  सरघाः कुर्वन्ति यन्मधुच्छत्त्रम् ।
६९१५२ दुर्गा करोति नीडं  कुर्युर्वल्मीकमुपदीकाः ॥
६९१६१ उद्वाहारोपितार्द्रक्षतनिजपदयोः संगतामिन्दुमौला  वानम्रे यां सुधांशोर्व्यधित किल कलां तूर्णमेवान्नपूर्णाम् ।
६९१६२ सक्तानामक्षतानाममृतदृगनलोपाधितः पक्वभावान्  नानार्थैरन्नपूर्णा प्रणतजनततेः पूर्णतामातनोतु ॥
६९१७१ उद्विजन्ते यथा सर्पान्नरादनृतवादिनः ।
६९१७२ धर्मः सत्यं परो लोके मूलं स्वर्गस्य चोच्यते ॥
६९१८१ उद्वीक्ष्य प्रियकरकुड्मलापविद्धैर् वक्षोजद्वयमभिषिक्तमन्यनार्याः ।
६९१८२ अम्भोभिर्मुहुरसिचद्वधूरमर्षाद् आत्मीयं पृथुतरनेत्रयुग्ममुक्तैः ॥
६९१९१ उद्वृत्तदैत्यपृतनापतिकण्ठपीठ  च्छेदोच्छलद्बहलशोणितशोणधारम् ।
६९१९२ चक्रं क्रियादभिमतानि हरेरुदार  दिग्दाहदारुणनभः श्रियमुद्वहद्वः ॥
६९२०१ उद्वृत्तस्तनभार एष तरले नेत्रे चले भ्रूलते  रागाधिक्यतमोष्ठपल्लवदलं कुर्वन्तु नाम व्यथाम् ।
६९२०२ सौभाग्याक्षरप क्तिकेव लिखिता पुष्पायुधेन स्वयं  मध्यस्था हि करोति तापमधिकं रोमावली केन सा ॥
६९२११ उद्वृत्तस्तनभारभ गुरमुरो नोत्कञ्चुकं कारिता  संयोगस्तु यथा तथेति सकला नीवी न विस्रंसिता ।
६९२१२ भूयः संगम आवयोः क्व नु भवेदेवं च नोल्लापिता  संभ्रान्तत्वरितेन भीतसुरतेनैवं वयं वञ्चिताः ॥
६९२२१ उद्वेगं जनयन्ति संचितवृषव्याप्ताजिरोपान्तकाः  प्रातः शीर्णकुटीरपुञ्जतलताशिम्बीतुषारावि लाः ।
६९२२२ ग्रामा गोमयधूमसंततिपरिक्लिष्टारुणश्मश्रुभिर् वृद्धैः कुड्यनिवातलीननिभृतैरभ्यर्थ्यमानातपाः ॥
६९२२ १ उद्वेगस्य निवारणाय दुरितच्छेदाय पुण्याप्तये  पानाय श्रवणामृतस्य धृतये कस्मैचिदार्तिच्छिदे ।
६९२२ २ उच्छ्वासं पुरुषोत्तमाच्युत हरे गोविन्द नारायण  श्रीवत्सा क मुकुन्द कृष्ण कमलाकान्तेति वाच्यं मुहुः ॥
६९२३१ उद्वेजनीयो भूतानां नृशंसः पापकर्मकृत् ।
६९२३२ त्रयाणामपि लोकानामीश्वरोऽपि न तिष्ठति ॥
६९२४१ उद्वेजयति तीक्ष्णेन मृदुना परिभूयते ।
६९२४२ तस्माद्यथार्हतो दण्डं नयेत्पक्षमनाश्रितः ॥
६९२५१ उद्वेजयति तीक्ष्णेन मृदुना परिभूयते ।
६९२५२ दण्डेन नृपतिस्तस्माद्युक्तदण्डः प्रशस्यते ॥
६९२६१ उद्वेजयति दरिद्रं  परमुद्राया झणत्कारः ।
६९२६२ गृहपतिरतिमिलितायाः  क कणरावो यथा जारम् ॥
६९२७१ उद्वेजयति भूतानि दण्डपारुष्यवान्नृपः ।
६९२७२ भूतान्युद्वेज्यमानानि द्विषतां यान्ति संश्रयम् ॥
६९२८१ उद्वेजयति भूतानि यस्य राज्ञः कुशासनम् ।
६९२८२ सिंहासनवियुक्तस्य तस्य क्षिप्रं कुशासनम् ॥
६९२९१ उद्वेजयत्य गुलिपार्ष्णिभागान्  मार्गे शिलीभूतहिमेऽपि यत्र ।
६९२९२ न दुर्वहश्रोणिपयोधरार्ता  भिन्दन्ति मन्दां गतिमश्वमुख्यः ॥
६९३०१ उद्वेष्ट्य स्वयमेव लेखमुदितप्रस्वेदकम्पा गुलिस् तस्मिन् सेकविलुप्तशेषशिथिलं दृष्ट्वा लिपिप्रक्रमम् ।
६९३०२ एतत्किन्नु हतास्मि संप्रति दशा तस्यैवमासीदयं  बाष्पो हन्त करस्य कम्पितमिदं हन्तेति सा रोदिति ॥
६९३११ उद्वोढुं कनकविभूषणान्यशक्तः  सध्रीचा वलयितपद्मनालसूत्रः ।
६९३१२ आरूढप्रतिवनिताकटाक्षभारः  साधीयो गुरुरभवद्भुजस्तरुण्याः ॥
६९३२१ उन्नतं पदमवाप्य यो लघुर् हेलयैव स पतेदिति ब्रुवन् ।
६९३२२ शैलशेखरगतो दृषत्कणश् चारुमारुतधुतः पतत्यधः ॥
६९३३१ उन्नतं मानसं यस्य भाग्यं तस्य समुन्नतम् ।
६९३३२ नोन्नतं मानसं यस्य भाग्यं तस्यासमुन्नतम् ॥
६९३४१ उन्नतं सदनमुच्चकैर्हयो  माक्षिकं दधि सशर्करं पयः ।
६९३४२ यामिनी शशिकला सुकोमला  लभ्यते कथमनर्चिते शिवे ॥
६९३५१ उन्नतः प्रोल्लसद्धारः कालागुरुमलीमसः ।
६९३५२ पयोधरभरस्तन्व्याः कं न चक्रेऽभिलाषिणम् ॥
६९३६१ उन्नतघनमध्यगतं  निर्गुणमपि सुरधनुः शोभाम् ।
६९३६२ तेन महद्भिः साकं  संवासः प्रार्थ्यते विज्ञैः ॥
६९३७१ उन्नतदक्षिणपक्षा  भक्ष्यमुखी विहितपार्थिवनिनादा ।
६९३७२ तारा तरुमधिगच्छति  तद्यच्छति वाञ्छितादधिकम् ॥
६९३८१ उन्नतानां सुवंशानां द्वैधं तावन्न जायते ।
६९३८२ यावत्कुठारधारेव योषिद्विशति नान्तरम् ॥
६९३९१ उन्नतावनतभाववत्तया  चन्द्रिका सतिमिरा गिरेरियम् ।
६९३९२ भक्तिभिर्बहुविधाभिरर्पिता  भाति भूतिरिव मत्तदन्तिनः ॥
६९४०१ उन्नतेषु शशिनः प्रभा स्थिता  निम्नसंश्रयपरं निशातमः ।
६९४०२ नूनमात्मसदृशी प्रकल्पिता  वेधसैव गुणदोषयोर्गतिः ॥
६९४११ उन्नतोऽपि विशदोऽपि कोमलोऽप्य् अद्य जाड्यहरणक्षमोऽपि च ।
६९४१२ अन्तरुज्ज्वलगुणोऽपि निर्धनस् तूलराशिरिव याति लाघवम् ॥
६९४२१ उन्नत्यै नमति प्रभुं प्रभुगृहान् द्रष्टुं बहिस्तिष्ठति  स्वद्रव्यव्ययमातनोति जडधीरागामिवित्ताशया ।
६९४२२ प्राणान् प्राणितुमेव मुञ्चति रणे क्लिश्नाति भोगेच्छया  सर्वं तद्विपरीतमेव कुरुते तृष्णान्धदृक्सेवकः ॥
६९४३१ उन्नमय्य सकचग्रहमास्यं  चुम्बति प्रियतमे हठवृत्त्या ।
६९४३२ हुं हु मुञ्च मम मेति च मन्दं  जल्पितं जयति मानधनायाः ॥
६९४४१ उन्नमितैकभ्रूलतम्  आननमस्याः पदानि रचयन्त्याः ।
६९४४२ कण्टकितेन प्रथयति  मय्यनुरागं कपोलेन ॥
६९४५१ उन्नम्य दूरं मुहुरानमन्त्यः  कान्ताः श्लथीभूतनितम्बजाड्याः ।
६९४५२ दोलाविलासेन जितश्रमत्वात् प्रकर्षमापुः पुरुषायितेषु ॥
६९४६१ उन्नम्योन्नम्य तत्रैव दरिद्राणां मनोरथाः ।
६९४६२ पतन्ति हृदये व्यर्था विधवास्त्रीस्तना इव ॥
६९४७१ उन्नम्रस्वपयोधरान्तरपयोधाराभिरानन्दि सः  चञ्चद्बालकलापकान् कलगिरो मुग्धान्नवा घ्रिक्रमान् ।
६९४७२ त्वय्याधाय शिखण्डिनः शिव शिव प्रावृट्समाप्तिं गता  तेषु त्वं तु शरच्छरारुचलिता जातासि धौतासिवत् ॥
६९४८१ उन्नयति नाभिनिम्नान्  मुक्तावलिपाशि रोमराजिनलम् ।
६९४८२ स्मरशबरः स्तनभूधर  निपतत्तरुनाक्षिपक्षिबन्धाय ॥
६९४९१ उन्निद्रकन्दलदलान्तरलीयमान  गुञ्जन्मदान्धमधुपे नवमेघकाले ।
६९४९२ स्वप्नेऽपि यः प्रवसति प्रविहाय कान्तां  तस्मै विषाणरहिताय नमो वृषाय ॥
६९५०१ उन्निद्रकोकनदरेणुपिश गिता गा  गायन्ति मञ्जु मधुपा गृहदीर्घिकासु ।
६९५०२ एतच्चकास्ति च रवेर्नवबन्धुजीव  पुष्पच्छदाभमुदयाचलचुम्बि बिम्बम् ॥
६९५११ उन्निद्रता मत्स्यसगन्धिता च  प्रवालहानिः सपिपीलिकात्वम् ।
६९५१२ त्वग्भ्रंशनाद्वारिकृतादजीर्णात् तरोर्भवेत्तत्र चिकित्सनीयम् ॥
६९५२१ उन्निद्रप्रियकमनोरमं रमण्याः  संरेजे सरसि वपुः प्रकाशमेव ।
६९५२२ युक्तानां विमलतया तिरस्क्रियायै  नाक्रामन्नपि हि भवत्यलं जलौघः ॥
६९५३१ उन्निद्रेण मयाद्य चिन्तितमभूद्यत्रावतारा हरेर् आख्याता दश कीर्तितोऽसि न कथं तत्र त्वमेकादशः ।
६९५३२ त्विच्चारित्रमगोचरं कविगिरां जानन्नपि क्ष्मापते  न प्रस्तौमि भयेन भारतकवेः कस्तादृशं वक्ष्यति ॥
६९५४१ उन्नीतो भवभूतिना प्रतिदिनं बाणे गते यः पुरा  यश्चीर्णः कमलायुधेन सुचिरं येनागमत्केशटः ।
६९५४२ यः श्रीवाक्पतिराजपादरजसां संपर्कपूतश्चिरं  दिष्ट्या श्लाघ्यगुणस्य कस्यचिदसौ मार्गः समुन्मीलति ॥
६९५५१ उन्मग्नचञ्चलवनानि वनापगानाम्  आश्यानसैकततर गपरंपराणि ।
६९५५२ निम्नावशिष्टसलिलानि मनो हरन्ति  रोधांसि हंसपदमुद्रितकर्दमानि ॥
६९५६१ उन्मज्जन्मकर इवामरापगाया  वेगेन प्रतिमुखमेत्य बाणनद्याः ।
६९५६२ गाण्डीवी कनकशिलानिभं भुजाभ्याम्  आजघ्ने विषमविलोचनस्य वक्षः ॥
६९५७१ उन्मत्त कण्टकिफलप्रतियोगिबुद्ध्या  वैरं वृथैव कुरुषे पनसेन सार्धम् ।
६९५७२ सन्तो हसन्ति न भजन्ति भजन्ति चेत्त्वां  भ्रान्ता भवन्ति सहसा न पुनर्भजन्ति ॥
६९५८१ उन्मत्त धूर्त तरुणेन्दुनिवासयोग्ये  स्थाने पिशाचपतिना विनिवेशितोऽसि ।
६९५८२ किं कैरवाणि विकसन्ति तमः प्रयाति  चन्द्रोपलो द्रवति वार्धिरुपैति वृद्धिम् ॥
६९५९१ उन्मत्तप्रेमसंरम्भादारभन्ते यद गनाः ।
६९५९२ तत्र प्रत्यूहमाधातुं ब्रह्मापि खलु कातरः ॥
६९६०१ उन्मत्तमासाद्य हरः स्मरश्च  द्वावप्यसीमां मुदमुद्वहेते ।
६९६०२ पूर्वं परस्पर्धितया प्रसूनं  नूनं द्वितीयो विरहाधिदूनम् ॥
६९६११ उन्मत्तानां च या गाथाः शिशूनां यच्च भाषितम् ।
६९६१२ स्त्रियो यच्च प्रभाषन्ते तस्य नास्ति व्यतिक्रमः ॥
६९६२१ उन्मत्तानां भुज गानां मद्यपानां च दन्तिनाम् ।
६९६२२ स्त्रीणां राजकुलानां च विश्वसन्ति गतायुषः ॥
६९६३१ उन्मत्तानां भुज गानां शृ गिणां शस्त्रपाणिनाम् ।
६९६३२ विश्वासो नैव कर्तव्यः स्त्रीषु राजकुलेषु च ॥
६९६४१ उन्मदतया कयाचित् कदाचिदपथप्रवृत्तमपि पुरुषम् ।
६९६४२ सद्यः सुहृदुपदेशः  सृणिरिव करिणं निवर्त्तयति ॥
६९६५१ उन्मादगद्गदगिरो मदविह्वलाक्षा  भ्रश्यन्निजप्रकृतयः कृतमस्मरन्तः ।
६९६५२ ऐश्वर्यसीधुरसपानविघूर्णमानाः  के नाम न प्रतिपदं पुरुषाः स्खलन्ति ॥
६९६६१ उन्मादमेके पुष्यन्ति यान्त्यन्ये द्विषतां वशम् ।
६९६६२ दास्यमेके च गच्छन्ति परेषामर्थहेतुना ॥
६९६७१ उन्मीलत्त्रिवलीतर गवलया प्रोत्तु गपीनस्तन  द्वन्द्वेनोद्यतचक्रवाकमिथुना वक्त्राम्बुजोद्भासिनी ।
६९६७२ कान्ताकारधरा नदीयमभितः क्रूराशया नेष्यते  संसारार्णवमज्जनं यदि ततो दूरेण संत्यज्यताम् ॥
६९६८१ उन्मीलत्पुलकं विलोलदलकं स्विद्यत्कपोलस्थलं  भ्राम्यत्कुण्डलमाकुलाकुललसत्सीत्कारमुद्यत्करम् ।
६९६८२ किंचित्कुञ्चदुदञ्चितभ्रु विलसच्चोलं गलन्नीविकं  स्याद्भूयोऽपि कदा मदाकुलदृशोर्बिम्बाधरास्वादनम् ॥
६९६९१ उन्मीलत्पुलका कुरेण निविडाश्लेषे निमेषेण च  क्रीडाकूतविलोकितेऽधरसुधापाने मुधा नर्मभिः ।
६९६९२ आनन्दाभिगमेन मन्मथकलायुद्धेऽपि यस्मिन्नभूत् प्रत्यूहो न तयोर्बभूव सुरतारम्भः प्रियंभावुकः ॥
६९७०१ उन्मीलत्युरसा गुणालिनिचिता निर्दूषणा भूषणा  सोल्लासोषसि लोलया सुमनसा सूक्त्या मनोहारिणी ।
६९७०२ शय्यामेत्य मृदुं मदीयकवितेवाम्भोजिनीनायिका  कस्याप्युन्नतपूर्वपुण्यतपसः कण्ठं समालि गति ॥
६९७११ उन्मीलत्गुडपाकतन्तुलतया रज्ज्वा भ्रमीरर्जयन्  दानान्तःश्रुतशर्कराचलमथः स्वेनामृतान्धाः स्मरः ।
६९७१२ नव्यामिक्षुरसोदधेर्यदि सुधामुत्थापयेत्सा भवज् जिह्वायाः कृतिमाह्वयेत परमां मत्कर्णयोः पारणाम् ॥
६९७२१ उन्मीलद्यौवनासि प्रियसखि विषमाः श्रेणयो नागराणां  तस्मात्कोऽपि त्वयाद्यप्रभृति न सहसा संमुखं वीक्षणीयः ।
६९७२२ यावच्चन्द्रार्कमेकः पतिरतिशयितश्रद्धया सेवितव्यः  कर्तव्या रूपरक्षा वचसि न हृदयं देयमस्मद्विधानाम् ॥
६९७३१ उन्मीलद्रसबिन्दुगन्धकुसुमावल्ल्यो वसन्तोदये  कान्ताः कोमलपल्लवाः कति कति क्रीडावने सन्ति न ।
६९७३२ सौभाग्यैकनिधे रसाल तदपि श्रीमञ्जरीशालिनस् त्वत्तोऽन्यत्र च कुत्रचिन्मधुकरश्रेणी न विश्राम्यति ॥
६९७४१ उन्मीलद्वदनेन्दुकान्तिविसरैर्दूरं समुत्सारितं  भग्नं पीनकुचस्थलस्य च रुचा हस्तप्रभाभिर्हतम् ।
६९७४२ एतस्याः कलविंककण्ठकदलीकल्पं मिलत्कौतुकाद् अप्राप्ताभिमुखं रुषेव सहसा केशेषु लग्नं तमः ॥
६९७५१ उन्मीलन्ति कियन्ति वा न कुसुमान्युष्णद्युतेरुद्गमे  तत्त्वेतावति बन्धुरित्यतिसखीत्यादित्यकान्तेति च ।
६९७५२ कीर्तिं दत्तवतां त्रिलोकविदितामेवं कवीनामृणं  किं कृत्वेयमपाकरोतु जनुषां कोट्यापि नालीकिनी ॥
६९७६१ उन्मीलन्ति नखैर्लुनीहि वहति क्षौमाञ्चलेनावृणु  क्रीडाकाननमाविशन्ति वलयक्वाणैः समुत्त्रासय ।
६९७६२ इत्थं वञ्जुलदक्षिणानिलकुहूकण्ठीषु संकेतिक  व्याहाराः सुभग त्वदीयविरहे तस्याः सखीनां मिथः ॥
६९७७१ उन्मीलन्ति निशानिशाचरवधूत्प्रोच्चाटनामान्त्रिकाः  सायं सालससुप्तप कजवनप्रोद्बोधवैतालिकाः ।
६९७७२ फुल्लत्प कजकोशगर्भकुहरप्रोद्भूतभृ गावली  झ कारप्रणवोपदेशगुरवस्तीव्रद्युतेरंशवः ॥
६९७८१ उन्मीलन्ति मृणालकोमलरुचो राजीवसंवर्तिका  संवर्तव्रतवृत्तयः कतिपये पीयूषभानोः कराः ।
६९७८२ अप्युस्रैर्धवलीभवत्सु गिरिषु क्षुब्धोऽयमुन्मज्जता  विश्वेनेव तमोमयो निधिरपामह्नाय फेनायते ॥
६९७९१ उन्मीलन्नयनान्तकान्तिलहरीनिष्पीतयोः केवलाद् आमोदादवधारणीयवपुषोः कान्तासखेन क्षणम् ।
६९७९२ यत्कर्णोत्पलयोः स्थितेन भवता किंचित्समुद्गुञ्जितं  भ्रातस्तिष्ठति कुत्र तत्कथय मे कान्तं प्रियाया मुखम् ॥
६९८०१ उन्मीलन्मणिरश्मिजालजटिलच्छायं रणत्क कणं  बिभ्राणस्तव देव वैरिकदनक्रीडाकठोरः करः ।
६९८०२ त्यक्त्वा संयति जीवितानि रिपवो ये स्वर्गमार्गे गतास् तानाक्रष्टुमिवाविवेश रभसाच्चण्डद्युतेर्मण्डलम् ॥
६९८११ उन्मीलन्मधुगन्धलुब्धमधुपव्याधूतचूता कुर  क्रीडत्कोकिलकाकलीकलरवैरुद्गीर्णकर्णज्वराः ।
६९८१२ नीयन्ते पथिकैः कथं कथमपि ध्यानावधानक्षण  प्राप्तप्राणसमासमागमरसोल्लासैरमी वासराः ॥
६९८२१ उन्मीलन्मुकुलकरालकुन्दकोश  प्रश्च्योतद्घनमकरन्दगन्धबन्धो ।
६९८२२ तामीषत्प्रचलविलोचनां नता गीम्  आलिन् गन् पवन मम स्पृशा गम गम् ॥
६९८३१ उन्मीलयन्ति कुसुमानि मनोरमाणि  के नाम नात्र तरवः समयोचितानि ।
६९८३२ कस्येदृशं कथय दोहदमस्ति तस्य  यादृक्विनिर्मितमशोकमहीरुहस्य ॥
६९८४१ उन्मीलल्लीलनीलोत्पलदलदलनामोदमेदस्विपूर  क्रोडक्रीडद्विजालीगरुदुदितमरुत्स्फालवाचालवीचि ः ।
६९८४२ एतेनाखानि शाखानिवहनवहरित्पर्णपूर्णद्रुमाली  व्यालीढोपान्तशान्तव्यथपथिकदृशां दत्तरागस्तडागः ॥
६९८५१ उन्मीलितं तूलिकयेव चित्रं  सूर्यांशुभिर्भिन्नमिवारविन्दम् ।
६९८५२ बभूव तस्याश्चतुरश्रशोभि  वपुर्विभक्तं नवयौवनेन ॥
६९८६१ उन्मील्याक्षि सखीर्न पश्यसि न चाप्युक्ता ददास्युत्तरं  नो वेत्सीदृशमत्र नेदृशमिमां शून्यामवस्थां गता ।
६९८६२ तल्पादृश्यकर कपञ्जरमिदं जीवेन लिप्तं मना   मुञ्चन्ती किमु कर्तुमिच्छसि कुरु प्रेमान्यदेशागते ॥
६९८७१ उन्मुकुलिताधरपुटे  भूतिकणत्रासमीलितार्धाक्षि ।
६९८७२ धूमोऽपि नेह विरम  भ्रमरोऽयं श्वसितमनुसरति ॥
६९८८१ उन्मुक्तकञ्चुकतयेयमुदारकान्तिः  शस्त्रीव शम्बररिपोरपनीतकोशा ।
६९८८२ रक्तावकुण्ठनपटीरचितापिधाना  संध्याम्बुवाहकलितेव शशा करेखा ॥
६९८९१ उन्मुक्तक्रमहारिमेरुशिखरात्क्रामन्तमन्यो धरः  कोऽत्र त्वां शरभीकिशोरपरिषद्धौरेय धर्तुं क्षमः ।
६९८९२ तस्माद्दुर्गमशृ गल घनकलादुर्लालितात्मन् व्रज  त्वद्वासाय स एव कीर्णकनकज्योत्स्नो गिरीणां पतिः ॥
६९९०१ उन्मुक्तमानकलहा रमध्वं दयितान्विताः ।
६९९०२ इतीव मधुरालापाः कोकिला जगदुर्जनान् ॥
६९९११ उन्मुक्ताभिर्दिवसमधुना सर्वतस्ताभिरेव  स्वच्छायाभिर्निचुलितमिव प्रेक्ष्यते विश्वमेतत् ।
६९९१२ पर्यन्तेषु ज्वलति जलधौ रत्नसानौ च मध्ये  चित्रा गीयं रमयति तमःस्तोमलीला धरित्री ॥
६९९२१ उन्मुच्य स्वजनानुपेक्ष्य तृणवत्प्राणानपि प्रेयसस् तीर्त्वा दुस्तरमर्णवं च वणिजः प्राप्ताः पटीराशया ।
६९९२२ श्वासैस्ते विनिवर्तिताः प्रतिभयैः स्वस्थो भवातःपरं  त्वं वा केवलम गम गमुरग व्यालिम्प गन्धद्रवैः ॥
६९९३१ उन्मुद्रीकृतविश्वविस्मयभरैस्तत्तन्महार्घैर्गुणैर् दुर्गाधे हृदयाम्बुधौ तव भवेन्नः सूक्तिग गा यदि ।
६९९३२ विश्वश्वित्रमत गिनीघनरसस्यन्दिन्यमन्दध्वनिर् ग गासागरसंगमः पुनरिवापूर्वः समुन्मीलति ॥
६९९४१ उन्मूलितालानविलाभनाभिश् छिन्नस्खलच्छृ खलरोमराजिः ।
६९९४२ मत्तस्य सेयं मदनद्विपस्य  प्रस्वापवप्रोच्चकुचास्तु वास्तु ॥
६९९५१ उन्मूल्य सितकेशांस्तु मूले मुले च तत्क्षिपेत् ।
६९९५२ ततः केशाः प्रजायन्ते कृष्णाः कौतुककारिणः ।
६९९५३ युक्त्या पूर्वोक्तया युञ्ज्यान्मेषशृ गीपयः सुधीः ॥
६९९६१ उन्मूल्यालानभूमीरुहमतितरसोत्खण्डिताण्डूवितानान्य् आकर्षन्नेष पादैर्मदजलकलुषः क्षिप्तनक्षत्रमालः ।
६९९६२ शुण्डादण्डाभिघातैर्नभसि विदलयन् पुष्करावर्तकादीन्  धावत्याधूतमूर्धा हरिमभिरभसाद्देवपुत्रः करीन्द्रः ॥
६९९७१ उन्मृष्टं कुचसीम्नि पत्रमकरं दृष्ट्वा हठालि गनात् कोपो मास्तु पुनर्लिखाम्यमुमिति स्मेरे रघूणां वरे ।
६९९७२ कोपेणारुणितोऽश्रुपातदलितः प्रेम्णा च विस्तारितो  दत्तो मैथिलकन्यया दिशतु नः क्षेमं कटाक्षा कुरः ॥
६९९८१ उन्मृष्टपत्रा लुलितालकान्ताः  कण्ठेषु लग्ना जघनं स्पृशन्तः ।
६९९८२ कुचस्थलीष्वाहतिमादधाना  गता वधूनां प्रियतां जलौघाः ॥
६९९९१ उन्मेषं यो मम न सहते जातिवैरी निशायाम्  इन्दोरिन्दीवरदलदृशा तस्य सौन्दर्यदर्पः ।
६९९९२ नीतः शान्तिं प्रसभमनया वक्त्रकान्त्येति हर्षाल् लग्ना मन्ये ललिततनु ते पादयोः पद्मलक्ष्मीः ॥
७०००१ उपकरोत्यपकृतो ह्युत्तमोऽप्यन्यथाधमः ।
७०००२ मध्यमः साम्यमन्विच्छेदपरः स्वार्थतत्परः ॥
७००११ उपकर्ताधिकाराढ्यः स्वापराधं न मन्यते ।
७००१२ उपकारं ध्वजीकृत्य सर्वमेव विलुम्पति ॥
७००२१ उपकर्तुं प्रियं वक्तुं कर्तुं स्नेहमनुत्तमम् ।
७००२२ सज्जनानां स्वभावोऽयं केनेन्दुः शिशिरीकृतः ॥
७००३१ उपकर्तुं यथा स्वल्पः समर्थो न तथा महान् ।
७००३२ प्रायः कूपस्तृषां हन्ति सततं न तु वारिधिः ॥
७००४१ उपकर्तुः कृतघ्नस्याप्युभयोरियती भिदा ।
७००४२ सद्यो हि विस्मरत्याद्यः कृतं पश्चात्तु पश्चिमः ॥
७००५१ उपकर्तुः स्थिरं द्रव्यं यत्नस्तत्कालसंभवः ।
७००५२ किमस्ति तालवृन्तस्य मन्दमारुतसंग्रहः ॥
७००६१ उपकर्तुमनुपकर्तुः  प्रियाणि कर्तुं कृतान्यनुस्मर्तुम् ।
७००६२ विनिपतितांश्चोद्धर्तुं  कुलान्वितानामुचितमेतत् ॥
७००७१ उपकर्तुमप्रकाशं  क्षन्तुं न्यूनेष्वयाचितं दातुम् ।
७००७२ अभिसंधातुं च गुणैः  शतेषु केचिद्विजानन्ति ॥
७००८१ उपकर्त्रारिणा संधिर्न मित्रेणापकारिणा ।
७००८२ उपकारापकारौ हि लक्ष्यं लक्षणमेतयोः ॥
७००९१ उपकारं सुहृद्वर्गे योऽपकारं च शत्रुषु ।
७००९२ नृमेघो वर्षति प्राज्ञस्तस्येच्छन्ति सदोन्नतिम् ॥
७०१०१ उपकारं स्मरन्तस्तु कृतज्ञत्ववशंवदाः ।
७०१०२ पदवीमुपकर्त्णां यान्ति निश्चेतना अपि ॥
७०१११ निर्वाणमनु निर्वाति तपनं तपनोपलः ।
७०११२ इन्दुमिन्दुमणिः किं च शुष्यन्तमनु शुष्यति ॥
७०१२१ उपकारः परो धर्मः परोऽर्थः कर्मनैपुणम् ।
७०१२२ पात्रे दानं परः कामः परो मोक्षो वितृष्णता ॥
७०१३१ उपकारकमायतेर्भृशं  प्रसवः कर्मफलस्य भूरिणः ।
७०१३२ अनपायि निबर्हणं द्विषां  न तितिक्षासममस्ति साधनम् ॥
७०१४१ उपकारगृहीतेन शत्रुणा शत्रुमुद्धरेत् ।
७०१४२ पादलग्नं करस्थेन कण्टकेनेव कण्टकम् ॥
७०१५१ उपकारपरः प्रवरः  प्रत्युपकारं करोति मध्यस्थः ।
७०१५२ नीचस्तदपि न कुरुते  उपकार्वशाद्भवति शत्रुः सः ॥
७०१६१ उपकारपरः स्वभावत  सततं सर्वजनस्य सज्जनः ।
७०१६२ असतामनिशं तथाप्यहो  गुरुहृद्रोगकरी तदुन्नतिः ॥
७०१७१ उपकारप्रधानः स्यादपकारपरेऽप्यरौ ।
७०१७२ संपद्विपत्स्वेकमना हेतावीर्ष्येत्फले न तु ॥
७०१८१ उपकारफलं मित्रमपकारोऽरिलक्षणम् ।
७०१८२ ... ... ... ... ... ... ... ... ... ... ॥
७०१९१ उपकारमेव तनुते  विपद्गतः सद्गुणो नितराम् ।
७०१९२ मूर्च्छां गतो मृतो वा  निदर्शनं पारदोऽत्र रसः ॥
७०२०१ उपकारशतेनापि गृह्यते केन दुर्जनः ।
७०२०२ साधुः संमानमात्रेण भवत्येवात्मविक्रयी ॥
७०२११ उपकारशतेनापि दानैश्चापि सुविस्तरैः ।
७०२१२ लालनात्प्रीतिपूर्वाच्च न ग्राह्यो भगिनीसुतः ॥
७०२२१ उपकारश्चापकारो यस्य व्रजति विस्मृतिम् ।
७०२२२ पाषाणहृदयस्यास्य जीवतीत्यभिधा मुधा ॥
७०२३१ उपकाराच्च लोकानां निमित्तान्मृगपक्षिणाम् ।
७०२३२ भयाल्लोभाच्च मूर्खाणां मैत्री स्याद्दर्शनात्सताम् ॥
७०२४१ उपकारादृतेऽप्याशु मित्रं श्रेयसि तिष्ठति ।
७०२४२ मित्रवान् साधयत्यर्थान् दुःसाध्यानप्यनादरात् ॥
७०२५१ उपकाराय न जातः  सपदि सुजातः क्व जातवैरेऽपि ।
७०२५२ ग्रासयति ग्रस्तोऽपि  द्रोहिणममृतानि रोहिणीरमणः ॥
७०२६१ उपकाराय या पुंसां न परस्य न चात्मनः ।
७०२६२ पत्रसंचयसंभारैः किं तया भारविद्यया ॥
७०२७१ उपकारिणमपि पूज्यं  हन्ति महान्तं खलोऽत्रपोऽवसरे ।
७०२७२ धृष्टद्युम्नो मध्ये  वीरं हतवान् गुरुं शान्तम् ॥
७०२८१ उपकारिणि विक्षीणे शनैः केदारवारिणि ।
७०२८२ सानुक्रोशतया शालिरभूत्पाण्डुरवा मुखः ॥
७०२९१ उपकारिणि विश्रब्धे  शुद्धमतौ यः समाचरति पापम् ।
७०२९२ तं जनमसत्यसंधं  भगवति वसुधे कथं वहसि ॥
७०३०१ उपकारिणि वीतमत्सरे वा  सदयत्वं यदि तत्र कोऽतिरेकः ।
७०३०२ अहिते सहसापराद्धलब्धे  सघृणं यस्य मनः सतां स धुर्यः ॥
७०३११ उपकारिषु यः साधुः साधुत्वे तस्य को गुणः ।
७०३१२ अपकारिषु यः साधुः स साधुः सद्भिरुच्यते ॥
७०३२१ उपकारे कृतज्ञत्वमपकारे कृतघ्नता ।
७०३२२ विषयस्य गुणावेतौ कर्तुः स्यातां विपर्ययौ ॥
७०३३१ उपकारेण दूयन्ते न सहन्तेऽनुकम्पिताम् ।
७०३३२ आपत्स्वपि दुराराध्या नित्यदुःखा मनस्विनः ॥
७०३४१ उपकारेण नीचानामपकारो हि जायते ।
७०३४२ पयःपानं भुजंगानां केवलं विषवर्धनम् ॥
७०३५१ उपकारेण वीरस्तु प्रतिकारेण युज्यते ।
७०३५२ अकृतज्ञोऽप्रतिकृतो हन्ति सत्त्ववतां मनः ॥
७०३६१ उपकार्योपकारित्वं दूरे चेत्सा हि मित्रता ।
७०३६२ पुष्पवन्तौ किमासन्नौ पश्य कैरवपद्मयोः ॥
७०३७१ उपकृतं बहु तत्र किमुच्यते  सुजनता प्रथिता भवता परम् ।
७०३७२ विदधदीदृशमेव सदा सखे  सुखितमास्स्व ततः शरदां शतम् ॥
७०३८१ उपकृतमनेन सुतराम्  इत्यसतामस्ति न क्वचिदपेक्षा ।
७०३८२ होतुः स्वहस्तमाश्रित  उद्वहतोऽग्निर्दहत्येव ॥
७०३९१ उपकृतवताप्यनार्ये  नाश्वसितव्यं कृतिप्रियोऽस्मीति ।
७०३९२ पयसापि सिक्तमूलो  भवति हि मधुरो न पिचुमन्दः ॥
७०४०१ उपकृतवता श्रीरत्नाभ्यां हरेः शशिलेखया  मनसिजरिपोः पीयूषेणाप्यशेषदिवौकसाम् ।
७०४०२ कथमितरथा तेन स्थेयं यशोभरमन्थरं  यदि न मथनायासं धीरः सहेत पयोनिधिः ॥
७०४११ उपकृतिरेव खलानां  दोषस्य गरीयसो भवति हेतुः ।
७०४१२ अनुकूलाचरणेन हि  कुप्यन्ति व्याधयोऽत्यर्थम् ॥
७०४२१ उपकृतिसाहसिकतया  क्षतिमपि गणयन्ति नो गुणिनः ।
७०४२२ जनयन्ति हि प्रकाशं  दीपशिखाः स्वा गदाहेन ॥
७०४३१ उपकृत्य भवन्ति दूरतः  परतः प्रत्युपकारश कया ।
७०४३२ इयमेव हि सत्त्वशालिनां  महतां कापि कठोरचित्तता ॥
७०४४१ उपक्रमं वाञ्छितमाशु कुर्याद् दूतोपयानात्क्रियमाणसंधिः ।
७०४४२ स चेद्विसंधिः स तु तत्र चैकः  कृतो भवत्यात्मसमुच्छ्रयश्च ॥
७०४५१ उपगूढवेलमलघूर्मिभुजैः  सरितामचुक्षुभदधीशमपि ।
७०४५२ रजनीकरः किमिव चित्रमदो  यदुरागिणां गणमन गलघुम् ॥
७०४६१ उपगूहति दवदहने  त्रिभुवनधन्यामरण्यानीम् ।
७०४६२ मूर्ता इवान्धकाराः  प्रतिदिशमपयान्ति कासरावलयः ॥
७०४७१ उपचरिताप्यतिमात्रं  पण्यवधूः क्षीणसंपदः पुंसः ।
७०४७२ पातयति दृशं व्रजतः  स्पृहया परिधानमात्रेऽपि ॥
७०४८१ उपचरिता हरिणदृशः  सज्जनगोष्ठीषु मिश्रिता वाचः ।
७०४८२ चरितं क्लमनमदवनं  न विधेः कुटिलादपि त्रासः ॥
७०४९१ उपचारः कर्तव्यो  यावदनुत्पन्नसौहृदाः पुरुषाः ।
७०४९२ उत्पन्नसौहृदानाम्  उपचारः कैतवं भवति ॥
७०५०१ उपचारविधिज्ञोऽपि निर्धनः किं करिष्यति ।
७०५०२ निर कुश इवारूढो मत्तद्विरदमूर्धनि ॥
७०५११ उपचारानुनयास्ते  कितवस्योपेक्षिताः सखीवचसा ।
७०५१२ अधुना निष्ठुरमपि यदि  स वदति कलिकैतवाद्यामि ॥
७०५२१ उपचितावयवा शुचिभिः कणैर् अलिकदम्बकयोगमुपेयुषी ।
७०५२२ सदृशकान्तिरलक्ष्यत मञ्जरी  तिलकजालकजालकमौक्तिकैः ॥
७०५३१ उपचितेषु परेष्वसमर्थतां  व्रजति कालवशाद्बलवानपि ।
७०५३२ तपसि मन्दगभस्तिरभीषुमान्  नहि महाहिमहानिकरोऽभवत् ॥
७०५४१ उपच्छन्द्यापि दातव्यं बलिने शान्तिमिच्छता ।
७०५४२ समूलमेव गान्धारिरप्रयच्छन् गतः क्षयम् ॥
७०५५१ उपजप्यानुपजपेद्बुध्येतैव च तत्कृतम् ।
७०५५२ युक्ते च दैवे युध्येत जयप्रेप्सुरपेतभीः ॥
७०५६१ उपजापः कृतस्तेन तानाकोपवतस्त्वयि ।
७०५६२ आशु दीपयिताल्पोऽपि साग्नीनेधानिवानिलः ॥
७०५७१ उपजापश्चिरारोधोऽवस्कन्दस्तीव्रपौरुषम् ।
७०५७२ दुर्गस्य ल घनोपायाश्चत्वारः कथिता इमे ॥
७०५८१ उपजापसहान् विल घयन्  स विधाता नृपतीन्महोद्धतः ।
७०५८२ सहते न जनोऽप्यधःक्रियां  किमु लोकाधिकधाम राजकम् ॥
७०५९१ उपजापहृतस्वामिस्नेहसीम्नि पराश्रयम् ।
७०५९२ मौले वाञ्छति मेदिन्याः पत्युः पातो न संशयः ॥
७०६०१ उपजीवति स्म सततं दधतः  परिमुग्धतां वणिगिवोडुपतेः ।
७०६०२ घनवीथिवीथिमवतीर्णवतो  निधिरम्भसामुपचयाय कलाः ॥
७०६११ उपजीव्या हता कन्या स्वार्थे पाकक्रिया हता ।
७०६१२ शूद्रभिक्षाहतो यागः कृपणस्य हतं धनम् ॥
७०६२१ उपताप्यमानमलघूष्णिमभिः  श्वसितैः सितेतरसरोजदृशः ।
७०६२२ द्रवतां न नेतुमधरं क्षमते  नवनागवल्लिदलरागरसः ॥
७०६३१ उपदिशति लोकवृत्तं  वितरति वित्तं विनोदयति चित्तम् ।
७०६३२ उत्तम्भयति महत्त्वं  विद्या हृद्या सुराजसेवेव ॥
७०६४१ उपदेशं विदुः शुद्धं सन्तस्तमुपदेशिनः ।
७०६४२ श्यामायते न युष्मासु यः काञ्चनमिवाग्निषु ॥
७०६५१ उपदेशप्रदात्णां नराणां हितमिच्छताम् ।
७०६५२ परस्मिन्निहलोके च व्यसनं नोपपद्यते ॥
७०६६१ उपदेशो न दातव्यो यादृशे तादृशे नरे ।
७०६६२ पश्य वानरमूर्खेण सुगृही निर्गृहीकृता ॥
७०६७१ उपदेशो हि मूर्खाणां क्रोधायैव शमाय न ।
७०६७२ पयःपानं भुज गानां विषायैवामृताय न ॥
७०६८१ उपदेशो हि मूर्खाणां प्रकोपाय न शान्तये ।
७०६८२ पयःपानं भुज गानां केवलं विषवर्धनम् ॥
७०६९१ उपद्रष्टानुमन्ता च भर्ता भोक्ता महेश्वरः ।
७०६९२ परमात्मेति चाप्युक्तो देहेऽस्मिन् पुरुषः परः ॥
७०७०१ उपधाशोधिताः सम्यगीहमानाः फलोदयम् ।
७०७०२ तेऽस्य सर्वं परीक्षेरन् सानुरागाः कृताकृतम् ॥
७०७११ उपेत्य धीयते यस्मादुपधेति ततः स्मृता ।
७०७१२ उपाय उपधा ज्ञेया तयामात्यान् परीक्षयेत् ॥
७०७२१ ... ... ... ।
७०७२२ उपधित्रयशुद्धितोऽस्य किं कनकस्येव परं परीक्षणम् ॥
७०७३१ उपधिवसतिपिण्डान् गृह्णते नो विरुद्धांस् तनुवचनमनोभिः सर्वथा ये मुनीन्द्राः ।
७०७३२ व्रतसमितिसमेता ध्वस्तमोहप्रपञ्चा  ददतु मम विमुक्तिं ते हतक्रोधयोधाः ॥
७०७४१ उपनतभये यो यो मार्गो हितार्थकरो भवेत् स स निपुणया बुद्ध्या सेव्यो महान् कृपणोऽपि वा ।
७०७४२ करिकरनिभौ ज्याघाता कौ महास्त्रविशारदौ  वलयरचितौ स्त्रीवद्बाहू कृतौ न किरीटिना ॥
७०७५१ उपनतमतिपुण्यचयैः  संपूर्णं रक्षितं च यत्नेन ।
७०७५२ संपदि विपदि त्राणं  भवति निधानं च मित्रं च ॥
७०७६१ उपनदिपुलिने महापलाशः  पवनसमुच्छलदेकपत्त्रपाणिः ।
७०७६२ दवदहनविनष्टजीवितानां  सलिलमिवैष ददाति पादपानाम् ॥
७०७७१ उपनयति कपोले लोलकर्णप्रवाल  क्षणमुकुलनिवेशान्दोलनव्यापृतानाम् ।
७०७७२ परिमलितहरिद्रान् संप्रति द्वाविडीनां  नवनखपदतिक्तानातपः स्वेदबिन्दून् ॥
७०७८१ उपनयनविवाहावुत्सवैकप्रधानौ  कलिविभवत एषां कालभेदानभिज्ञाः ।
७०७८२ विजहति न कदाचिद्वेदपाठैकयोग्ये  वयसि च यवनानीवाचनाभ्यासमेते ॥
७०७९१ उपनयति मसिं पत्त्रं चेदं लिखामि किमत्र वा  त्वमिति विनयभ्रंशो यूयं त्विति प्रणयक्षतिः ।
७०७९२ सुहृदिति मृषा नाथेत्यूनं नृपेति तटस्थता  कथमिति ततः संदेष्टव्यो मया यदुनन्दनः ॥
७०८०१ उपनिषदः परिपीता  गीतापि न हन्त मतिपथं नीता ।
७०८०२ तदपि न हा विधुवदना  मानससदनाद्बहिर्याति ॥
७०८११ उपनिहितहलीषासार्गलद्वारमारात् परिचकितपुरन्ध्रीसारिताभ्यर्णभाण्डम् ।
७०८१२ पवनरयतिरश्चीर्वारिधाराः प्रतीच्छन्  विशति वलितशृ गः पामरागारमुक्षा ॥
७०८२१ उपनीतनीतिनौकः  संसारविकारवारिवन्यासु ।
७०८२२ सत्पुरुषकर्णधारस् तारयति जनान् बहूनेकः ॥
७०८३१ उपनीय कलमकुडवं  कथयति सभयश्चिकित्सके हलिकः ।
७०८३२ शोणं सोमार्धनिभं  वधूस्तने व्याधिमुपजातम् ॥
७०८४१ उपनीय प्रियमसमय  विदं च मे दग्धमानमपनीय ।
७०८४२ नर्मोपक्रम एव  क्षणदे दूतीव चलितासि ॥
७०८५१ उपनीय यन्नितम्बे  भुजंगमुच्चैरलम्बि विबुधैः श्रीः ।
७०८५२ एकः स मन्दरगिरिः  सखि गरिमाणं समुद्वहतु ॥
७०८६१ उपनेतुमुन्नतिमतेव दिवं  कुचयोर्युगेन तरसा कलिताम् ।
७०८६२ रभसोत्थितामुपगतः सहसा  परिरभ्य कश्चन वधूमरुधत् ॥
७०८७१ उपपत्तिभिरम्लाना नोपदेशैः कदर्थिताः ।
७०८७२ स्वसंवेदनसंवेद्यसाराः सहृदयोक्तयः ॥
७०८८१ उपपन्नं ननु शिवं सप्तस्वङ्गेषुयस्य मे ।
७०८८२ दैवीनां मानुषीणां च प्रतिहर्ता त्वमापदाम् ॥
७०८९१ उपपरिसरं गोदावर्याः परित्यजताध्वगाः  सरणिमपरो मार्गस्तावद्भवद्भिरिहेक्ष्यताम् ।
७०८९२ इह हि विहितो रक्ताशोकः कयापि हताशया  चरणनलिनन्यासोदञ्चन्नवाङ्कुरकञ्चुकः ॥
७०९०१ उपप्रदानं सान्त्वं वा भेदं काले च विक्रमम् ।
७०९०२ योगं च रक्षसां श्रेष्ठ तावुभौ च नयानयौ ॥
७०९११ उपप्राकाराग्रं प्रहिणु नयने तर्कय मनाग् अनाकाशे कोऽयं गलितहरिणः शीतकिरणः ।
७०९१२ सुधाबद्धग्रासैरुपवनचकोरैरनुसृतां  किरञ्ज्योत्स्नामच्छां नवलवलपाकप्रणयिनीम् ॥
७०९२१ उपप्लवोऽसौ किमु राजपुत्री  ज्योत्स्नाद्रवोऽसावुत वज्रपातः ।
७०९२२ अलं तया सैव हि जीवितं मे  धिङ्मामहं वा चरितार्थ एकः ॥
७०९३१ उपप्लुतं पातुमदो मदोद्धतैस् त्वमेव विश्वंभर विश्वमीशिषे ।
७०९३२ ऋते रवेः क्षालयितुं क्षमेत कः  क्षपातमस्काण्डमलीमसं नभः ॥
७०९४१ उपबर्हमम्बुजदृशो निजं भुजं  विरचय्य वक्त्रमपि गण्डमण्डले ।
७०९४२ निजसक्थि सक्थिनि निधाय सादरं  स्वपिति स्तनार्पितकराम्बुजो युवा ॥
७०९५१ उपभुक्तं यथा वासः स्रजो वा मृदिता यथा ।
७०९५२ एवं राज्यात्परिभ्रष्टः समर्थोऽपि निरर्थकः ॥
७०९६१ उपभुक्तखदिरवीटक  जनिताधररागभङ्गभयात् ।
७०९६२ पितरि मृतेऽपि न वेश्या  रोदिति हा तात तातेति ॥
७०९७१ उपभुक्ताशेषवृषं  धावन्तं मृगशिरेशभोगाय ।
७०९७२ कः खेचरकेसरिणं  पश्यतु भास्वन्तमन्तकप्रतिमम् ॥
७०९८१ उपभोक्तुं न जानाति कदापि कृपणो जनः ।
७०९८२ आकण्ठजलमग्नोऽपि कुक्कुरो लेढि जिह्वया ॥
७०९९१ उपभोगकातराणां  पुरुषाणामर्थसंचयपराणाम् ।
७०९९२ कन्यामणिरिव सदने  तिष्ठत्यर्थः परस्यार्थे ॥
७१००१ उपभोगादृते तस्य नाश एव न विद्यते ।
७१००२ प्राक्तनं बन्धनं कर्म कोऽन्यथा कर्तुमर्हति ॥
७१०११ उपभोगाय च धनं जीवितं येन रक्षितम् ।
७१०१२ न रक्षिता तु भूर्येन किं तस्य धनजीवितैः ॥
७१०२१ उपभोगेन पुण्यानां प्राक्तनानां तथांहसाम् ।
७१०२२ कर्तव्यमिति नित्यानामकामकरणात्तथा ॥
७१०३१ उपभोगैरपि त्यक्तं नात्मानमवसादयेत् ।
७१०३२ चण्डालत्वेऽपि मानुष्यं सर्वथा तात दुर्लभम् ॥
७१०४१ उपमा कालिदासस्य भारवेरर्थगौरवम् ।
७१०४२ दण्डिनः पदलालित्यं माघे सन्ति त्रयो गुणाः ॥
७१०५१ उपमानमभूद्विलासिनां  करणं यत्तव कान्तिमत्तया ।
७१०५२ तदिदं गतमीदृशीं दशां  न विदीर्ये कठिनाः खलु स्त्रियः ॥
७१०६१ उपययौ तनुतां मधुखण्डिता  हिमकरोदयपाण्डुमुखच्छविः ।
७१०६२ सदृशमिष्टसमागमनिर्वृतिं  वनितयानितया रजनीवधूः ॥
७१०७१ उपरि कबरीबन्धग्रन्थेरथ ग्रथिताङ्गुली  निजभुजलते तिर्यक्तन्व्या वितत्य विवृत्तया ।
७१०७२ विवृतविलसद्वामापाङ्गस्तनार्धकपोलया  कुवलयदलस्रक्संदिग्धश्रियः प्रहिता दृशः ॥
७१०८१ उपरि करवालधारा  काराः क्रूरा भुजङ्गमपुङ्गवात् ।
७१०८२ अन्तः साक्षाद्द्राक्षा  दीक्षागुरवो जयन्ति केऽपि जनाः ॥
७१०९१ उपरिगतं हि सवर्णं  हृत्वा करतो ददासि रन्तुं मे ।
७१०९२ धन्यः सरोजयुगलं  त्वक्त्वा स्तनयुगमथास्पृशत्कृष्णः ॥
७११०१ उपरि घनं घनपटलं  तिर्यग्गिरयोऽपि नर्तितमयूराः ।
७११०२ क्षितिरपि कन्दलधवला  दृष्टिं पथिकः क्व पातयतु ॥
७११११ उपरि घनं घनरटितं  दूरे दयिता किमेतदापतितम् ।
७१११२ हिमवति दिव्यौषधयः  शीर्षे सर्पः समाविष्टः ॥
७११२१ उपरिजतरुजानि याजमानां  कुशलतया परिरम्भलोलुपोऽन्यः ।
७११२२ प्रथितपृथुपयोधरां गृहाण  स्वयमिति मुग्धवधूमुदास दोर्भ्याम् ॥
७११३१ उपरि तमालतरोः सखि  परिणतशरदिन्दुमण्डलः कोऽपि ।
७११३२ तत्र च मुरलीखुरली  कुलमर्यादामधो नयति ॥
७११४१ उपरितलनिपातितेष्टकोऽयं  शिरसि तनुर्विपुलश्च मध्यदेशे ।
७११४२ असदृशजनसंप्रयोगभीरोर् हृदयमिव स्फुटितं महागृहस्य ॥
७११५१ उपरि परिप्लवते मम  बालेयं गृहिणि हंसमालेव ।
७११५२ सरस इव नलिननाला  त्वमाशयं प्राप्य वससि पुनः ॥
७११६१ उपरि पीनपयोधरपातिता  पटकुटीव मनोभवभूपतेः ।
७११६२ विजयिनस्त्रिपुरारिजिगीषया  तव विराजति भामिनि कञ्चुकी ॥
७११७१ उपरि मिहिरः क्रूरः क्रूरास्तलेऽचलभूमयो  वहति पवनः पांशूत्कर्षी कृशः सरसो रसः ।
७११७२ अहह न जहत्येते प्राणांस्तदैव किमध्वगा  यदि न भवतः पत्रच्छत्रं विशन्ति महीरुहः ॥
७११८१ उपरि विधृतशारिप्रौढधन्विप्रसाराद् इह पयसि नदीनां गाहितुं नैव शक्ताः ।
७११८२ तटनिकटनिरूढाः प्रस्थितौ यस्य चण्डाः  सरलितकरदण्डाः कुम्भिनोऽम्भः पिबन्ति ॥
७११९१ उपरिष्ठा यदा नारी रमते कामुकं नरम् ।
७११९२ विपरीतं रतं ज्ञेयं सर्वकामिजनप्रियम् ॥
७१२०१ उपरिस्था भक्तिरन्तर्निर्मूला तारयेत्कथम् ।
७१२०२ नहि भारक्षमा दृष्टा वारां सान्द्रापि नीलिका ॥
७१२११ उपरुन्धन्ति श्वासान्  मुनयो नाश्नन्ति न पिबन्ति ।
७१२१२ स्तूयन्ते सुजनैः किं  कण्ठे कुर्वन्ति कनकपाशमिमे ॥
७१२२१ उपर्यंशुमतः सिद्धाश्चरन्तो यस्य सानुषु ।
७१२२२ छत्राण्यातपसंत्रासादवाचीनानि बिभ्रति ॥
७१२३१ उपर्यष्टौ शतान्याहुस्तथा भूयश्च सप्ततिः ।
७१२३२ गजानां तु परीमाणमेतदेव विनिर्दिशेत् ॥
७१२४१ उपर्युपरि लोकस्य सर्वो गन्तुं समीहते ।
७१२४२ यतते च यथाशक्ति न च तद्वर्तते तथा ॥
७१२५१ उपलक्ष्य वर्णसंकर  मपगतगुणयोगमुज्झितस्थैर्यम् ।
७१२५२ पथिकाः समुद्विजन्ते  कुदेशमिव वीक्ष्य शक्रधनुः ॥
७१२६१ उपलनिकषं सुवर्णं  पुरुषो व्यवहारनिकष उद्दिष्टः ।
७१२६२ धूर्निकषो गोवृषभः  स्त्रीणां तु न विद्यते निकषः ॥
७१२७१ उपलशकलमेतद्भेदकं गोमयानां  वटुभिरुपहृतानां बर्हिषां स्तूपमेतत् ।
७१२७२ शरणमपि समिद्भिः शुष्यमाणाभिराभिर् विनमितपटलान्तं दृश्यते जीर्णकुड्यम् ॥
७१२८१ उपवनतरुनृत्याध्यापने लब्धवर्णो  विरचितजलकेलिः पद्मिनीकामिनीभिः ।
७१२८२ प्रियसुहृदसमेषोराययौ योगियोग  स्थितिविदलनदक्षो दक्षिणो गन्धवाहः ॥
७१२९१ उपवननवमालिकाप्रसूनैः  स्रजमपि या परिखिद्यते सृजन्ती ।
७१२९२ परिजनवनितोचितानि कर्माण्य् अपरिचितानि कथं विधास्यसि त्वम् ॥
७१३०१ उपवनपवनानुपातदक्षैर् अलिभिरलाभि यदङ्गनाजनस्य ।
७१३०२ परिमलविषयस्तदुन्नतानाम्  अनुगमने खलु संपदोऽग्रतःस्थाः ॥
७१३११ उपवनमिव वारिमध्यमग्नं  विमलतया प्रतिबिंबितं दधाना ।
७१३१२ शशिकरनिकरेण पूरितेव  क्वचिदुपनेयपयाः सुखाय वापी ॥
७१३२१ उपवनसलिलानां बालपद्मैर् भ्रमरपरभृतानां कण्ठनादैः ।
७१३२२ समदगतिविलासैः कामिनीनां  कथयति पटुवृत्तं मधुमासः ॥
७१३३१ उपविशति नृपनियुक्तः  केनचिदन्येन वा जनेनोक्तः ।
७१३३२ निजवेशजातिसमुचितम्  आसनमालोक्य सेवते सुमतिः ॥
७१३४१ उपविष्टः सभामध्ये यो न वक्ति स्फुटं वचः ।
७१३४२ तस्माद्दूरेण स त्याज्यो न यो वा कीर्तयेदृतम् ॥
७१३५१ उपवीणयन्ति परमप्सरसो  नृपमानसिंह तव दानयशः ।
७१३५२ सुरशाखिमौलिकुसुमस्पृहया  नमनाय तस्य यतमानतमाः ॥
७१३६१ उपशमफलाद्विद्याबीजात्फलं धनमिच्छतां  भवति विफलः प्रारम्भो यत्तदत्र किमद्भुतम् ।
७१३६२ नियतविषयाः सर्वे भावा न यान्ति हि विक्रियां  जनयितुमलं शालेर्बीजं न जातु यवाङ्कुरम् ॥
७१३७१ उपशमितमेघनादं  प्रज्वलितदशाननं रमितरामम् ।
७१३७२ रामायणमिव सुभगं  दीपदिनं हरतु वो दुरितम् ॥
७१३८१ उपशोभैव सहायाः  सिद्धिर्वीरस्य साहसे वसति ।
७१३८२ दलयति कुलानि करिणां  किल हरिणपरिग्रहः सिंहः ॥
७१३९१ उपसंध्यमास्त तनु सानुमतः  शिखरेषु तत्क्षणमशीतरुचः ।
७१३९२ करजालमस्तसमयेऽपि सताम्  उचितं खलूच्चतरमेव पदम् ॥
७१४०१ उपसर्गाः क्रियायोगे पाणिनेरिति संमतम् ।
७१४०२ निष्क्रियोऽपि तवारातिः सोपसर्गः सदा कथम् ॥
७१४११ उपसर्गाः प्रवर्तन्ते दृष्टेऽप्यात्मनि योगिनः ।
७१४१२ ये तांस्ते संप्रवक्ष्यामि समासेन निबोध मे ॥
७१४२१ उपसर्गेऽन्यचक्रे च दुर्भिक्षे च भयावहे ।
७१४२२ असाधुजनसंपर्के यः पलायेत्स जीवति ॥
७१४३१ उपसर्गैर्जितैरेभिरुपसर्गास्ततः पुनः ।
७१४३२ योगिनः संप्रवर्तन्ते सात्त्वराजसतामसाः ॥
७१४४१ उपस्थितः प्राकृतपुण्यपाकात् पुरःस्थितो दक्षिणपाणिना स्वम् ।
७१४४२ शिरः स्पृशेद्दक्षिणचेष्टितो वा  यो मण्डलो मण्डललाभदोऽसौ ॥
७१४५१ उपस्थितस्य कामस्य प्रतिवादो न विद्यते ।
७१४५२ अपि निर्मुक्तदेहस्य कामरक्तस्य किं पुनः ॥
७१४६१ उपस्थितायां विपदि घोरायां स्वीयरक्षणे ।
७१४६२ धीमद्भिः पुरुषैर्युक्तं वस्त्रं त्यक्त्वा पलायनम् ॥
७१४७१ उपस्थिते प्राणहरे कृतान्ते  किमाशु कार्यं सुधिया प्रयत्नात् ।
७१४७२ वाक्कायचित्तैः सुखदं यमघ्नं  मुरारिपादाम्बुजमेव चिन्त्यम् ॥
७१४८१ उपस्थिते विप्लव एव पुंसां  समस्तभावः परिमीयतेऽन्तः ।
७१४८२ अवाति वायौ नहि तूलराशेर् गिरेश्च कश्चित्प्रतिभाति भेदः ॥
७१४९१ उपस्थिते विवाहे च दाने यज्ञे तथा विभो ।
७१४९२ समाचरति यो विघ्नं स मृत्वा जायते कृमिः ॥
७१५०१ उपहरणं विभवानां  संहरणं सकलदुरितजालस्य ।
७१५०२ उद्धरणं संसाराच् चरणं वः श्रेयसेऽस्तु विश्वपतेः ॥
७१५११ उपहासादिकं दूत्या नायिकायास्ततः परम् ।
७१५१२ अथ संभोगशृङ्गारे परस्परविलोकनम् ॥
७१५२१ उपहितं शिशिरापगमश्रिया  मुकुलजालमशोभत किंशुके ।
७१५२२ प्रणयिनीव नखक्षतमण्डनं  प्रमदया मदयापितलज्जया ॥
७१५३१ उपंशुक्रीडितोऽमात्यः स्वयं राजायते यतः ।
७१५३२ अवज्ञा क्रियते तेन सदा परिचयाद्ध्रुवम् ॥
७१५३१ उपाकृताया नवयौवनेन  यान्त्या गलत्साञ्जनबाष्पपूरम् ।
७१५३२ बाल्यश्रियः किं पदवी विरेजे  रोमावली खञ्जनलोचनायाः ॥
७१५४१ उपाददे तस्य सहस्ररश्मिस् त्वष्ट्रा नवं निर्मितमातपत्रम् ।
७१५४२ स तद्दुकूलादविदूरमौलिर् बभौ पतद्गङ्ग इवोत्तमाङ्गे ॥
७१५५१ उपादाता यावन्न भवति भवादृग्गुणवताम्  असत्कल्पास्तावत्त्रिभुवनमहार्हा अपि गुणाः ।
७१५५२ अपि प्राग्दैत्यारेर्हृदयवसतेः कौस्तुभमणिः  स किं नासीदब्धौ श्रुतिरपि किमस्य क्वचिदभूत् ॥
७१५६१ उपाधिभिः सततसंगतोऽपि  नहि स्वभावं विजहाति भावः ।
७१५६२ आजन्म यो मज्जति दुग्धसिन्धौ  तथापि काकः किल कृष्ण एव ॥
७१५७१ उपाध्यायं पितरं मातरं च  येऽभिद्रुह्यन्ति मनसा कर्मणा वा ।
७१५७२ तेषां पापं भ्रूणहत्याविशिष्टं  तस्मान्नान्यः पापकृदस्ति लोके ॥
७१५८१ उपाध्यायश्च वैद्यश्च प्रतिभूर्भुक्तनायिका ।
७१५८२ सूतिका दूतिकाश्चैव सिद्धे कार्ये तृणोपमाः ॥
७१५९१ उपाध्यायान् दशाचार्य आचार्याणां शतं पिता ।
७१५९२ सहस्रं तु पित्न्माता गौरवेणातिरिच्यते ॥
७१६०१ उपाध्वं तत्पान्थाः पुनरपि सरो मार्गतिलकं  यदासाद्य स्वच्छं विलसथ विनीतक्लमभराः ।
७१६०२ इतस्तु क्षाराब्धेर्जरठमकरक्षुण्णपयसो  निवृत्तिः कल्याणी न पुनरवतारः कथमपि ॥
७१६११ उपानहौ च यो दद्यात्पात्रभूते द्विजोत्तमे ।
७१६१२ सोऽपि लोकानवाप्नोति दैवतैरभिपूजितान् ॥
७१६२१ उपानीतं दूरात्परिमलमुपाघ्राय मरुता  समायासीदस्मिन्मधुरमधुलोभान्मधुकरः ।
७१६२२ परो दूरे लाभः कुपितफणिनश्चन्दनतरोः  पुनर्जीवन् यायाद्यदि तदिह लाभोऽयमतुलः ॥
७१६३१ उपान्तप्रोन्मीलद्विटपिजटिलां कौतुकवती  कदाचिद्गन्तासि प्रियसखि न शिप्रातटभुवम् ।
७१६३२ यदस्यां मुक्तास्रग्विहितसितभोगिभ्रमतया  वयोरूढः केकी लिखति नखरेण स्तनतटम् ॥
७१६४१ उपायं चिन्तयेत्प्राज्ञो ह्यपायमपि चिन्तयेत् ।
७१६४२ पश्यतो बकमूर्खस्य नकुलैर्भक्षिताः सुताः ॥
७१६५१ उपायं यं पुरस्कृत्य सेवते सेवकः प्रभुम् ।
७१६५२ अनन्तरज्ञस्तत्रैव योग्यं तं किल मन्यते ॥
७१६६१ उपायकुशलं वैद्यं भृत्यसंदूषणे रतम् ।
७१६६२ शूरमैश्वर्यकामं च यो न हन्ति स वध्यते ॥
७१६७१ उपायज्ञश्च योगज्ञस्तत्त्वज्ञः प्रतिभानवान् ।
७१६७२ स्वधर्मनिरतो नित्यं परस्त्रीषु पराङ्मुखः ।
७१६७३ वक्तोहवांश्चित्रकथः स्यादकुण्ठितवाक्सदा ॥
७१६८१ उपायनीकृतं यत्तु सुहृत्सम्बन्धिबन्धुषु ।
७१६८२ विवाहादिषु चाचारदत्तं ह्रीदत्तमेव तत् ॥
७१६९१ उपायपूर्वं लिप्सेत कालं वीक्ष्य समुत्पतेत् ।
७१६९२ पश्चात्तापाय भवति विक्रमैकरसज्ञता ॥
७१७०१ उपायमास्थितस्यापि नश्यन्त्यर्थाः प्रमाद्यतः ।
७१७०२ हन्ति नोपशयस्थोऽपि शयालुर्मृगयुर्मृगान् ॥
७१७११ उपायानां च सर्वेषामुपायः पण्यसंभवः ।
७१७१२ धनार्थं शस्यते ह्येकस्तदन्यः संशयात्मकः ॥
७१७२१ उपाया युक्तयो मायाः कालयापनमुच्यते ।
७१७२२ निरपायो जयस्तूर्णमेक एव पराक्रमः ॥
७१७३१ उपायेन जयो यादृग्रिपोस्तादृङ्न हेतिभिः ।
७१७३२ उपायज्ञोऽल्पकायोऽपि न शूरैः परिभूयते ॥
७१७४१ उपायेन हि यच्छक्यं न तच्छक्यं पराक्रमैः ।
७१७४२ काकी कनकसूत्रेण कृष्णसर्पमघातयत् ॥
७१७५१ उपायेन हि यच्छक्यं न तच्छक्यं पराक्रमैः ।
७१७५२ शृगालेन हतो हस्ती गच्छता पङ्कवर्त्मना ॥
७१७६१ उपायैरप्यशक्यास्ते जाने जेतुं नरेश्वराः ।
७१७६२ उपेक्षिता भविष्यन्ति संकल्पेऽप्यथ दुर्जयाः ॥
७१७७१ उपायैरिव तैः काले चतुर्भिः सुप्रयोजितैः ।
७१७७२ मैलुगिक्षोणिपालस्य राज्यं जातं सदोन्नतम् ॥
७१७८१ उपार्जितानामर्थानां त्याग एव हि रक्षणम् ।
७१७८२ तडागोदरसंस्थानां परीवाह इवाम्भसाम् ॥
७१७९१ उपालभ्यो नायं सकलभुवनाश्चर्यमहिमा  हरेर्नाभीपद्मः प्रभवति हि सर्वत्र नियतिः ।
७१७९२ यदत्रैव ब्रह्मा पिबति निजमायुर्मधु पुनर् विलुम्पन्ति स्वेदाधिकममृतहृद्यं मधुलिहः ॥
७१८०१ उपासते यथा बाला मातरं क्षुधयार्दिताः ।
७१८०२ श्रेयस्कामास्तथा गङ्गामुपासन्तीह देहिनः ॥
७१८११ उपास्यमानाविव शिक्षितुं ततो  मृदुत्वमप्रौढमृणालनालया ।
७१८१२ रराजतुर्माङ्गलिकेन संगतौ  भुजौ सुदत्या वलयेन कम्बुनः ॥
७१८२१ उपेक्षणीयैव परस्य वृद्धिः  प्रनष्टनीतेरजितेन्द्रियस्य ।
७१८२२ मदादियुक्तस्य विरागहेतुः  समूलघातं विनिहन्ति चान्ते ॥
७१८३१ उपेक्षितः क्षीणबलोऽपि शत्रुः  प्रमाददोषात्पुरुषैर्मदान्धैः ।
७१८३२ साध्योऽपि भूत्वा प्रथमं ततोऽसाव् असाध्यतां व्याधिरिव प्रयाति ॥
७१८४१ उपेक्षितानां मन्दानां धीरसत्त्वैरवज्ञया ।
७१८४२ अत्रासितानां क्रोधान्धैर्भवत्येषा विकत्थना ॥
७१८५१ उपेक्षेत प्रनष्टं यत्प्राप्तं यत्तदुपाहरेत् ।
७१८५२ न बालं न स्त्रियं चातिलालयेत्ताडयेन्न च ।
७१८५३ विद्याभ्यासे गृह्यकृत्ये तावुभौ योजयेत्क्रमात् ॥
७१८६१ उपेक्षेत समर्थः सन् धर्मस्य परिपन्थिनः ।
७१८६२ स एव सर्वनाशाय हेतुभूतो न संशयः ॥
७१८७१ उपेक्ष्यपक्षे भूपानां मानः स्वार्थस्य सिद्धये ।
७१८७२ स तु प्राणानुपेक्ष्यापि ग्राह्यपक्षे मनस्विनाम् ॥
७१८७ १ उपेक्ष्य लोष्टक्षेप्तारं लोष्टं दशति मण्डलः ।
७१८७ २ सिंहस्तु शरमपेक्ष्य शरक्षेप्तारमीक्षते ॥
७१८८१ उपेतः कोशदण्डाभ्यां सामात्यः सह मन्त्रिभिः ।
७१८८२ दुर्गस्थश्चिन्तयेत्साधु मण्डलं मण्डलाधिपः ॥
७१८८ १ उपेत्य तां दृढपरिरम्भलालसश् चिरादभूः प्रमुषितचारुचन्दनः ।
७१८८ २ धृताञ्जनः सपदि तदक्षिचुम्बनाद् इहैव ते प्रिय विदिता कृतार्थता ॥
७१८९१ उपैति क्षाराब्धिं सहति बहुवातव्यतिकरं  पुरो नानाभङ्गाननुभवति पश्यैष जलदः ।
७१८९२ कथंचिल्लब्धानि प्रवितरति तोयानि जगते  गुणं वा दोषं वा गणयति न दानव्यसनिता ॥
७१९०१ उपैति सस्यं परिणामरम्यतां  नदीरनौद्धत्यमपङ्कतां मही ।
७१९०२ नवैर्गुणैः संप्रति संस्तवस्थिरं  तिरोहितं प्रेम घनागमश्रियः ॥
७१९११ उपोढरागाप्यबला मदेन सा  मदेनसा मन्युरसेन योजिता ।
७१९१२ न योजितात्मानमनङ्गतापितां  गतापि तापाय ममाद्य नेयते ॥
७१९२१ उपोढरागेण विलोलतारकं  तथा गृहीतं शशिना निशामुखम् ।
७१९२२ यथा समस्तं तिमिरांशुकं तया  पुरोऽपि रागाद्गलितं न लक्षितम् ॥
७१९३१ उपोदकी समायाति तिन्तिडीमन्त्रिणा सह ।
७१९३२ पलायध्वं पलायध्वं रे रे शाकविडम्बकाः ॥
७१९४१ उपोष्यैकादशीः सर्वास्तथा कृष्णाश्चतुर्दशीः ।
७१९४२ ध्यात्वा हरिहरं देवं प्राप्नोति परमं पदम् ॥
७१९५१ उप्ता कीर्तिलता गुणैस्तव विभो सिक्ता च दानोदकैर् मेरुस्तम्भमवाप्य दिक्षु वितता प्राप्ता नभोमण्डलम् ।
७१९५२ धूपैस्त्वत्प्रतिपक्षलक्षवनितानिःश्वासजैर्धूपिता  ऋक्षैः कोरकितेन्दुना कुसुमिता श्रीरामचन्द्र प्रभो ॥
७१९६१ उप्यन्ते विषवल्लिबीजविषमाः क्लेषाः प्रियाख्या नरैस् तेभ्यः स्नेहमया भवन्ति नचिराद्वज्राग्निगर्भाङ्कुराः ।
७१९६२ येभ्योऽमी शतशः कुकूलहुतभुग्दाहं दहन्तः शनैर् देहं दीप्रशिखासहस्रशिखरा रोहन्ति शोकद्रुमाः ॥
७१९७१ उप्यमानं मुहुः क्षेत्रं स्वयं निर्वीर्यतामियात् ।
७१९७२ न कल्पते पुनः सूत्या उप्तं बीजं च नश्यति ॥
७१९८१ एवं कामाशयं चित्तं कामानामतिसेवया ।
७१९८२ विरज्यते यथा राजन्नाग्निवत्कामबिन्दुभिः ॥
७१९९१ उभयमेव वदन्ति मनीषिणः  समयवर्षितया कृतकर्मणाम् ।
७१९९२ बलनिषूदनमर्थपतिं च तं  श्रमनुदं मनुदण्डधरान्वयम् ॥
७२००१ उभयी प्रकृतिः कामे सज्जेदिति मुनेर्मतम् ।
७२००२ अपवर्गे तृतीयेति भणतः पाणिनेरपि ॥
७२०११ उभयोरपि निस्तर्तुं शक्तः साधुस्तथापदम् ।
७२०१२ शत्रोः स्वस्य च निस्तीर्णौ गजग्राहौ यथापदम् ॥
७२०२१ उभयोर्न स्वभोगेच्छा परार्थं धनसंचयम् ।
७२०२२ कृपणोदारयोः पश्य तथापि महदन्तरम् ॥
७२०३१ उभयोर्मेलने प्रीतिर्यदि स्यान्मेलनं तदा ।
७२०३२ एकेन न हि हस्तेन जायते तालवादनम् ॥
७२०४१ उभाभ्यां गतिरेकैव गर्भस्थस्य ऋणस्य च ।
७२०४२ हसन्ती धारयेद्गर्भं रुदन्ती प्रतिमुञ्चति ॥
७२०५१ उभाभ्यांेव पक्षाभ्यां यथा खे पक्षिणां गतिः ।
७२०५२ तथा दैवेन युक्तं तु पौरुषं फलसाधकम् ॥
७२०६१ उभाभ्यांेव पक्षाभ्यां यथा खे पक्षिणं गतिः ।
७२०६२ तथैव ज्ञानकर्मभ्यां जायते परमं पदम् ॥
७२०७१ उभावेव चलौ यत्र लक्ष्यं चापि धनुर्धरः ।
७२०७२ तद्विज्ञेयं द्वयाचलं श्रमेणैव हि साध्यते ॥
७२०८१ उभौ यदि व्योम्नि पृथक्प्रवाहाव् आकाशगङ्गापयसः पतेताम् ।
७२०८२ तेनोपमीयेत तमालनीलम्  आमुक्तमुक्तालतमस्य वक्षः ॥
७२०९१ उभौ रम्भास्तम्भावुपरि विपरीतौ कमलयोस् तदूर्ध्वं रत्नाश्मस्थलमथ दुरूहं किमपि तत् ।
७२०९२ ततः कुम्भौ पश्चाद्बिसकिसलये कन्दलमथो  तदन्विन्दाविन्दीवरमधुकराः किं पुनरिदम् ॥
७२१०१ उभौ लोकावभिप्रेक्ष्य राजानमृषयः स्वयम् ।
७२१०२ असृजन् सुमहद्भूतमयं धर्मो भविष्यति ॥
७२१११ उभौ श्वेतौ पक्षौ चरति गगनेऽवारितगतिः  सदा मीनं भुङ्क्ते वसति सकलः स्थाणुशिरसि ।
७२११२ बके चान्द्रः सर्वो गुणसमुदयः किंचिदधिको  गुणाः स्थाने मान्या नरवर न तु स्थानरहिताः ॥
७२१२१ उमाकोमलहस्ताब्जसम्भावितललाटिकम् ।
७२१२२ हिरण्यकुण्डलं वन्दे कुमारं पुष्करस्रजम् ॥
७२१३१ उमातनूजेन गदाधरेण  प्रत्युत्सवं सेवितशंकरेण ।
७२१३२ गौरीशपुत्रेण रसज्ञहेतोर् विरच्यते कश्चन काव्यबन्धः ॥
७२१४१ उमा तिलकताले तु द्रुतौ लघुगुरू स्मृतौ ।
७२१४२ चाराख्यस्त्वडतालः स्याद्विद्वद्भिस्तेन गीयते ॥
७२१५१ उमामिमां समुद्वीक्ष्य शीतदीधितिशेखराम् ।
७२१५२ एषा तु भारती भानुं मत्तं स्वीकृत्य नृत्यति ॥
७२१६१ उमारूपेण यूयं ते संयमस्तिमितं मनः ।
७२१६२ शंभोर्यतध्वमाक्रष्टुमयस्कान्तेन लोहवत् ॥
७२१७१ उभे एव क्षमे वोढुमुभयोर्बीजमाहितम् ।
७२१७२ सा वा शंभोस्तदीया वा मूर्तिर्जलमयी मम ॥
७२१८१ उमा वधूर्भवान् दाता याचितार इमे वयम् ।
७२१८२ वरः शंभुरलं ह्येष त्वत्कुलोद्भूतये विधिः ॥
७२१९१ उमावृषाङ्कौ शरजन्मना यथा  यथा जयन्तेन शचीपुरंदरौ ।
७२१९२ तथा नृपः सा च सुतेन मागधी  ननन्दतुस्तत्सदृशेन तत्समौ ॥
७२२०१ उरः कृत्वावेध्यं मणिफलकगाढस्थितकुचं  भुजावालम्ब्यैहीत्यमरवनिता व्योमगृहगाः ।
७२२०२ अपद्वारेणैव त्वरितपदमाभाष्य सहसा  हतं हस्तालम्बैर्हरति सुरलोकं रणमुखात् ॥
७२२११ उरः पृष्ठं कटिश्चैव मुखतुल्यं समादिशेत् ।
७२२१२ कर्णौ सप्ताङ्गुलौ प्रोक्तौ तालुकं च षडङ्गुलम् ॥
७२२२१ उरःस्थलं कोऽत्र विना पयोधरं  बिभर्ति संबोधय मारुताशनम् ।
७२२२२ वदन्ति कं पत्तनसंभवं जनाः  फलं च किं गोपबधूकुचोपमभ् ॥
७२२३१ उरगी शिशवे बुभुक्षवे स्वाम्  अदिशत्फूत्कृतिमाननानिलेन ।
७२२३२ मरुदागमवार्तयापि शून्ये  समये जाग्रति संप्रवृद्ध एव ॥
७२२४१ उरसि निपतितानां स्रस्तधम्मिल्लकानां  मुकुलितनयनानां किंचिदुन्मीलितानाम् ।
७२२४२ उपरिसुरतखेदस्विन्नगण्डस्थलीनाम्  अधरमधु वधूनां भाग्यवन्तः पिबन्ति ॥
७२२५१ उरसि निहितस्तारो हारः कृता जघने घने  कलकलवती काञ्ची पादौ रणन्मणिनूपुरौ ।
७२२५२ प्रियमभिसरस्येवं मुग्धे त्वमाहतडिण्डिमा  यदि किमधिकत्रासोत्कम्पा दिशः समुदीक्षसे ॥
७२२६१ उरसि फणिपतिः शिखी ललाटे  शिरसि विधुः सुरवाहिनी जटायाम् ।
७२२६२ प्रियसखि कथयामि किं रहस्यं  पुरमथनस्य रहोऽपि संसदेव ॥
७२२७१ उरसि मुरभिदः का गाढमालिङ्गितास्ते  सरसिजमकरन्दामोदिता नन्दने का ।
७२२७२ गिरिसमलघुवर्णैरर्णवाख्यातिसंख्यैर् गुरुभिरपि कृता का छन्दसां वृत्तिरस्ति ॥
७२२८१ उरस्तव पयोधराङ्कितमिदं कुतो मे क्षमा  ततो मयि विधीयतां वसु पुरा यदङ्गीकृतम् ।
७२२८२ इति प्रचलचेतसः प्रियतमस्य वारस्त्रिया  क्वणत्कनककङ्कणं करतलात्समाकृष्यते ॥
७२२९१ उरस्यस्य भ्रश्यत्कबरभरनिर्यत्सुमनसः  पतन्ति स्वर्बालाः स्मरपरवशा दीनमनसः ।
७२२९२ सुरास्तं गायन्ति स्फुरिततनुगङ्गाधरमुखास् तवायं दृक्पातो यदुपरि कृपातो विलसति ॥
७२३०१ उरुगुं द्युगुरुं युत्सु चुकुशुस्तुष्टुवुः पुरु ।
७२३०२ लुलुभुः पुपुषुर्मुत्सु मुमुहुर्नु मुहुर्मुहुः ॥
७२३११ उरोजवच्चक्रमनोज्ञरूपा  केशावलीव भ्रमराजिता वा ।
७२३१२ संगीतवत्सत्पुटभेदहृद्या  विद्येत नाभीसरसी मृगाक्ष्याः ॥
७२३२१ उरोजाताश्च कीराश्च तुरुष्कारट्टजाश्च ये ।
७२३२२ टक्कजाः सैन्धवा मध्याः स्थलजातास्तथा हयाः ॥
७२३३१ उरोभावोत्सेदं भवदपि विलासैरभिनवैर् मृगाक्ष्यास्तारुण्यं त्रिभुवनमिदं व्याकुलयति ।
७२३३२ स्तनाभोगस्फीतं यदि किल भवेत्का खलु कथा  भवित्री किं चान्यद्विजितमखिलं पुष्पधनुषा ॥
७२३४१ उरोभुवा कुम्भयुगेन जृम्भितं  नवोपहारेण वयस्कृतेन किम् ।
७२३४२ त्रपासरिद्दुर्गमपि प्रतीर्य सा  नलस्य तन्वी हृदयं विवेश यत् ॥
७२३५१ उरोभुवि न तुङ्गिमा न च गतागते चङ्गिमा  न वा वचसि वक्रिमा तरलिमा न तादृग्भ्रुवोः ।
७२३५२ तथापि हरिणीदृशो वपुषि कापि कान्तिच्छटा  पटावृतमहामणिद्युतिरिवान्तरा लक्ष्यते ॥
७२३६१ उरो मासद्वये जाते त्रिभिर्मासैस्तथोदरम् ।
७२३६२ चतुर्मासैर्नितम्बं च हस्तपादाविव स्थितः ॥
७२३७१ उरोरुहादुद्गमितैः पयोभिर् आपूर्य केल्या निजमास्यगर्भम् ।
७२३७२ फूत्कृत्य मातुर्वदने हसन्तं  तनूभवं पश्यति कोऽपि धन्यः ॥
७२३८१ उरोरुहाम्भोरुहदर्शनाय  विमुञ्चतः कञ्चुकबन्धनानि ।
७२३८२ आनन्दनीराकुललोचनस्य  प्रियस्य जातो विफलः प्रयासः ॥
७२३९१ उरो विशालं शस्तं च कक्षे दीर्घोन्नते शुभे ।
७२३९२ ऊरू वृत्तौ समौ बाहू गूढं जानु प्रशस्यते ॥
७२४०१ उर्वशी यदि रूपेण रम्भा यदि तिलोत्तमा ।
७२४०२ गोपाली मेनका चैव वर्जनीयाः परस्त्रियः ॥
७२४११ उर्वीं गुर्वीं वहति सततं नृत्यतो भूतभर्तुर् भूत्वा हारो भवति शयनं किं च विश्वंभरस्य ।
७२४१२ एतत्कर्म त्रिजगति परं शेषनागैकशक्यं  भेकानन्ये विपुलवपुषो भोगिनो भक्षयन्तु ॥
७२४२१ उर्वीं मौर्वीकिणभृति भवद्दोष्णि बिभ्रत्यशेषां  शान्तक्लान्तिः किमपि कुरुते नर्मणा कर्म कूर्मः ।
७२४२२ कृत्वा वेलापुलिनलवलीपल्लवग्रासगोष्ठीं  दिङ्मातङ्गाः सममथ सरिन्नाथपाथः पिबन्ति ॥
७२४३१ उर्वीङ्गुर्वीतिमुर्वीधर लघय शरैर्वैरिघैर्वीर्यगुर्वी  स्वर्वीथीर्वीतदर्वीकरनिकरमदैर्वीरकुर्वीति गुर्वीः ।
७२४३२ खर्वी कुर्वीत कोऽन्यस्त्वमिव रिपुचमूर्वीजितैर्वैजयन्त्याः  कुर्वन् दुर्वीक्ष्यमोजो निजमितरधनुर्वारणैर्वीतिहोत्रम् ॥
७२४४१ उर्वीपतेश्च स्फटिकाश्मनश्च  शीलोज्झितस्त्रीहृदस्य चान्तः ।
७२४४२ असंनिधानात्सततस्थितीनाम्  अन्योपरागः कुरुते प्रवेशम् ॥
७२४५१ उर्वीमुद्दामसस्यां जनयतु विसृजन् वासवो वृष्टिमिष्टाम्  इष्टैस्त्रैविष्टपानां विदधतु विधिवत्प्रीणनं विप्रमुख्याः ।
७२४५२ आकल्पान्तं च भूयात्स्थिरसमुपचिता संगतिः सज्जनानां  निःशेषं यान्तु शान्तिं पिशुनजनगिरो दुःसहा वज्रलेपाः ॥
७२४६१ उर्व्यसावत्र तर्वाली मर्वन्ते चार्ववस्थितिः ।
७२४६२ नात्रर्जु युज्यते गन्तुं शिरो नमय तन्मनाक् ॥
७२४७१ उर्व्यां कोऽपि महीधरो लघुतरो दोर्भ्यां धृतो लीलया  तेन त्वं दिवि भूतले च सततं गोवर्धनो गीयसे ।
७२४७२ त्वां त्रैलोक्यधरं वहामि कुचयोरग्रे न तद्गण्यते  किं वा केशव भाषणेन बहुना पुण्यैर्यशो लभ्यते ॥
७२४८१ उलूखलं यथा मध्ये तैलयन्त्रे दृढं स्थितम् ।
७२४८२ सर्वाधारस्तथा मेरुर्मध्ये भूमण्डले स्थितम् ॥
७२४९१ उल्बेन संवृतस्तस्मिन्नार्द्रैश्च बहिरावृतः ।
७२४९२ आस्ते कृत्वा शिरः कुक्षौ भुग्नपृष्ठशिरोधरः ॥
७२५०१ उल्लङ्घ्य जङ्घामवलम्बमाना  वेणी स्फुरत्यायतलोचनायाः ।
७२५०२ जित्वा जगच्चन्दनशाखिकायां  न्यस्तासिवल्लीव मनोभवेन ॥
७२५११ उल्लङ्घ्य सरिदरण्य  ग्रामगिरीन् कामकातरा यान्तु ।
७२५१२ अभिसारिण्य इवान्तस् तृष्णां निगदन्ति न स्वयं सुधियः ॥
७२५२१ उल्लङ्घ्यापि सखीवचः समुचितामुत्सृज्य लज्जामलं  हित्वा भीतिभरं निरस्य च निजं सौभाग्यगर्वं मनाक् ।
७२५२२ आज्ञां केवलमेव मन्मथगुरोरादाय नूनं मया  त्वं निःशेषविलासिवर्गगणनाचूडामणिः संश्रितः ॥
७२५३१ उल्लसत्सौरभैः पुष्पैर्बिभ्रन्मालां सुगुम्फिताम् ।
७२५३२ पर्य्यन्तस्थायिनोऽप्यन्यानामोदयति भूपतिः ॥
७२५४१ उल्लसितभ्रूः किमति  क्रान्तं चिन्तयसि निस्तरङ्गाक्षि ।
७२५४२ क्षुद्रापचारविरसः  पाकः प्रेम्णो गुडस्येव ॥
७२५५१ उल्लसितभ्रूधनुषा  तवपृथुना लोचनेन रुचिराङ्गि ।
७२५५२ अचला अपि न महान्तः  के चञ्चलभावमानीताः ॥
७२५६१ उल्लसितलाञ्छनोऽयं  ज्योत्स्नावर्षी सुधाकरः स्फुरति ।
७२५६२ आसक्तकृष्णचरणः  शकट इव प्रकटितक्षीरः ॥
७२५७१ उल्लसितशीतदीधिति  कलोपकण्ठे स्फुरन्ति तारौघाः ।
७२५७२ कुसुमायुधविधृतधनुर् निर्गतमकरन्दबिन्दुनिभाः ॥
७२५८१ उल्लापयन्त्या दयितस्य दूतीं  वध्वा विभूषां च निवेशयन्त्याः ।
७२५८२ प्रसन्नता कापि मुखस्य जज्ञे  वेषश्रिया नु प्रियवार्तया नु ॥
७२५९१ उल्लासोऽधरपल्लवस्य तनुते पर्याप्तमस्याः स्मिते  विन्यासो नयनाञ्चलस्य गमयत्युत्साहवत्साहसम् ।
७२५९२ रत्यागारपथामुखीनगमकं वैजात्यकक्षावधिः  पर्यङ्के पदरोपणं पुनरपर्यन्ता विपर्यस्तता ॥
७२६०१ उल्लासो विरुतेन मङ्गलबलिग्रासेन विश्वासनं  संचारेण कृतो विलोचनयुगे बाष्पोद्गमावग्रहः ।
७२६०२ यातोऽस्तं रविरेष संप्रति पुरः स्वस्त्यस्तु ते गम्यताम्  एते त्वामनुयान्तु संप्रति मम प्राणाः प्रियान्वेषिणः ॥
७२६११ उल्लास्य कालकरवालमहाम्बुवाहं  देवेन येन जरठोर्जितगर्जितेन ।
७२६१२ निर्वापितः सकल एव रणे रिपूणां  धारा जलैस्त्रिजगति ज्वलितः प्रतापः ॥
७२६२१ उल्लास्यतां स्पृष्टनलाङ्गमङ्गं  तासां नलच्छायपिबापि दृष्टिः ।
७२६२२ अश्मैव रत्यास्तदनर्ति पत्या  छेदेऽप्यबोधं यदहर्षि लोम ॥
७२६३१ उल्लेखं निजमीक्षते भणितिषु प्रौढिं परां शिक्षते  संधत्ते पदसंपदः परिचयं धत्ते ध्वनेरध्वनि ।
७२६३२ वैचित्र्यं वितनोति वाचकविधौ वाचस्पतेरन्तिके  देव त्वद्गुणवर्णनाय कुरुते किं किं न वाग्देवता ॥
७२६४१ उवाच धात्र्या प्रथमोदितं वचो  ययौ तदीयामवलम्ब्य चाङ्गुलिम् ।
७२६४२ अभूच्च नम्रः प्रणिपातशिक्षया  पितुर्मुदं तेन ततान सोऽर्भकः ॥
७२६५१ उशना वेद यच्छास्त्रं यच्च वेद बृहस्पतिः ।
७२६५२ स्त्रीबुद्ध्या न विशिष्येते ताः स्म रक्ष्याः कथं नरैः ॥
७२६६१ उषःकालश्च गर्गश्च शकुनं च बृहस्पतिः ।
७२६६२ अङ्गिराश्च मनोत्साहो विप्रवाक्यं जनार्दनः ॥
७२६७१ उषः शशंस गार्ग्यस्तु शकुनं तु बृहस्पतिः ।
७२६७२ मनोजयं तु माण्डव्यो विप्रवाक्यं जनार्दनः ॥
७२६८१ उषसि गुरुसमक्षं लज्जमाना मृगाक्षी  रतिरुतमनुकर्तुं राजकीरे प्रवृत्ते ।
७२६८२ तिरयति शिशुलीलानर्तनच्छद्मताल  प्रचलवलयमालास्फालकोलाहलेन ॥
७२६९१ उषसि गुरुसमीपे वाससा सावधाना  प्रियलिखितनखाङ्कं गोपयन्ती समन्तात् ।
७२६९२ किमिदमिति सखीभिः सादरं पृच्छ्यमाना  हरि हरि हरिणाक्षी ह्रीसमुद्रे निमग्ना ॥
७२७०१ उषसि निबिडयन्त्याः कुण्डलं केलिपर्या  विलविगलितमन्तः कर्णपालि प्रियायाः ।
७२७०२ सरसहसिततिर्यग्भङ्गुरापाङ्गरीतिः  सुकृतिभिरवलीढा लोचनाभ्यां मुखश्रीः ॥
७२७११ उषसि परिवर्तयन्त्या  मुक्तादामोपवीततां नीतम् ।
७२७१२ पुरुषायितवैदग्ध्यं  व्रीडावति कैर्न कलितं ते ॥
७२७२१ उषसि भ्रमरयुवानः  स्वप्ने दृष्ट्वा सरोजसाम्राज्यम् ।
७२७२२ गतकल्पकुन्दतल्पाः  सरसीसलिलानि जिघ्रन्ति ॥
७२७३१ उषसि मलयवासी जालमार्गप्रविष्टो  विकचकमलरेणुं व्याकिरन्मोहचूर्णम् ।
७२७३२ सपदि शमितदीपो वायुचोरो वधूनां  हरति सुरतखेदस्वेदमुक्ताफलानि ॥
७२७४१ उषस्येव भ्रान्तं हतजठरहेतोस्तत इतः  स्वयं च स्वं बिभ्रद्विचरति कुटुम्बं दिशि दिशि ।
७२७४२ बतास्माभिः काकैरिव कवलमात्रैकमुदितैर् न चायुर्दुर्गत्योरवधिरिह लब्धः कथमपि ॥
७२७५१ उषापतिमुखाम्भोजे नरीनर्ति सरस्वती ।
७२७५२ ऋतुराजकवेरेव गायन्ती गुणगौरवम् ॥
७२७६१ उष्ट्राणां च विवाहेषु गीतं गायन्ति गर्दभाः ।
७२७६२ परस्परं प्रशंसन्ति अहो रूपमहो अहो ध्वनिः ॥
७२७७१ उष्णं जलं क्षिपेत्तत्र मात्रा नास्तीह कस्यचित् ।
७२७७२ पक्षैकं स्थापिते भाण्डे कोष्णस्थाने मनीषिणा ।
७२७७३ कुणपस्तु भवेदेव तरूणां पुष्टिकारकः ॥
७२७८१ उष्णकाले जलं दद्याच्शीतकाले हुताशनम् ।
७२७८२ प्रावृट्काले गृहं देयं सर्वकाले च भोजनम् ॥
७२७९१ उष्णमन्नं घृतं मद्यं तरुणी क्षीरभोजनम् ।
७२७९२ वापीकपवटच्छाया षड्कं तत्बलवर्धनम् ॥
७२८०१ उष्णालुः शिशिरे निषीदति तरोर्मूलालवाले शिखी  निर्भिद्योपरि कर्णिकारमुकुलान्यालीयते षट्पदः ।
७२८०२ तप्तं वारि विहाय तीरनलिनीं कारण्डवः सेवते  क्रीडावेश्मनि चैष पञ्जरशुकः क्लान्तो जलं याचते ॥
७२८११ उष्णालु क्वचिदर्कधामनि मनाङ्निद्रालु शीतानिले  हालानां गृहयालु चुम्बदसकृल्लज्जालु जायामुखम् ।
७२८१२ नित्यं निष्पतयालु तिर्यगवनीशय्याशयालु क्षणं  गीतेभ्यः स्पृहयालु धाम धवलं दीने दयालु श्रये ॥
७२८२१ उष्णीषवान् यथा वस्त्रैस्त्रिभिर्भवति संवृतः ।
७२८२२ संवृतोऽयं तथा देही सत्त्वराजसतामसैः ॥
७२८३१ उष्मायमाणस्तनमण्डलीभिर् वाराङ्गनाभिः स्फुटविभ्रमाभिः ।
७२८३२ आलिङ्गिता रात्रिषु शैशिरीषु  ते शेरते यैः प्रणतो शशाङ्कः ॥
७२८४१ ऊचिवानुचितमक्षरमेनं  पाशपाणिरपि पाणिमुदस्य ।
७२८४२ कीर्तिरेव भवतां प्रियदारा  दाननीरझरमौक्तिकहारा ॥
७२८४ १ ऊढा खड्गलता श्यामा त्वया मातङ्गदारिका ।
७२८४ २ अत एव भवान्मन्ये दूरं परिहृतः परैः ॥
७२८५१ ऊढापि द्युतरङ्गिणि त्रिजगतीवन्द्येन तेनाप्यहो  मौलौ बालकुरङ्गकेतनकलालीलावतंसाङ्किते ।
७२८५२ तारक्षारकरं करालमकरं सश्वभ्रमभ्रंकषं  मुग्धे जाड्यनिधिं मुधा जलनिधिं यातासि चित्राः स्त्रियः ॥
७२८६१ ऊढामुनातिवाहय  पृष्ठे लग्नापि कालमचलापि ।
७२८६२ सर्वंसहे कठोर  त्वचः किमङ्केन कमठस्य ॥
७२८७१ ऊढा येन महाधुराः सुविषमे मार्गे सदैकाकिना  सोढो येन कदाचिदेव न निजे गोष्ठेऽन्यशौण्डध्वनिः ।
७२८७२ आसीद्यस्तु गवां गणस्य तिलकस्तस्यैद संप्रत्यहो  धिक्कष्टं धवलस्य जातजरसो गोः पण्यमुद्घोष्यते ॥
७२८८१ ऊधश्छिन्द्याद्धि यो धेन्वाः क्षीरार्थी न लभेत्पयः ।
७२८८२ एवं राष्ट्रमयोगेन पीडितं न विवर्धते ॥
७२८९१ ऊनषोडशवर्षायामप्राप्तः पञ्चविंशतिम् ।
७२८९२ यद्याधत्ते पुमान् गर्भः कुक्षिस्थः स विपद्यते ॥
७२९०१ ऊने दद्याद्गुरूनेव यावत्सर्वलघुर्भवेत् ।
७२९०२ प्रस्तारोऽयं समाख्यातश्छन्दोविचितिवेदिभिः ॥
७२९११ ऊनेनापि हि तुच्छेन वैरिणापि कथंचन ।
७२९१२ मैत्री बुद्धिमता कार्या आपद्यपि निवर्तते ॥
७२९२१ ऊरीकर्तुं तुहिनकिरणप्रीतिधारामुदारां  दूरीकर्तुं दिनकरकरक्लेशबाधामगाधाम् ।
७२९२२ यस्याः पुण्ये पयसि विशति स्नातुकामा त्रियामा  प्रायस्तस्यास्तिमिरततिभिः श्यामलं नीरमस्याः ॥
७२९३१ ऊरुः कुरङ्गदृशश् चञ्चलचेलाञ्चलो भाति ।
७२९३२ सपताकः कनकमयो  विजयस्तम्भः स्मरस्येव ॥
७२९४१ ऊरुद्वन्द्वमनिन्दितं प्रथयता श्रोणीं समातन्वता  रोमालीं सृजता समागमयता नाभिं गभीरश्रिया ।
७२९४२ मध्यं क्षामयता स्तनौ घनयता कान्त्या मुखं लिम्पता  तन्वङ्ग्या नवयौवनेन किमपि प्रत्यङ्गमुन्मीलितम् ॥
७२९५१ ऊरुद्वयं कदलकन्दलयोः सवंशं  श्रोणिः शिलाफलकसोदरसन्निवेशा ।
७२९५२ वक्षः स्तनद्वितयताडितकुम्भशोभं  सब्रह्मचारि शशिनश्च मुखं मृगाक्ष्याः ॥
७२९६१ ऊरुद्वयं मृगदृशः कदलस्य काण्डौ  मध्यं च वेदिरतुलं स्तनयुग्ममस्याः ।
७२९६२ लावण्यवारिपरिपूरितशातकुम्भ  कुम्भौ मनोजनृपतेरभिषेचनाय ॥
७२९७१ ऊरुप्रकाण्डद्वितयेन तन्व्याः  करः पराजीयत वारणीयः ।
७२९७२ युक्तं ह्रिया कुण्डलनच्छलेन  गोपायति स्वं मुखपुष्करं सः ॥
७२९८१ ऊरुमूलगतनेत्रयुगस्य  प्रेयसो रभसवेल्लितकेशी ।
७२९८२ चुम्बति स्म रतिकेलिविदग्धा  हावहारि वदनं दयितस्य ॥
७२९९१ ऊरुमूलचपलेक्षणमघ्नन्  यैर्वतंसकुमुमैः प्रियमेताः ।
७२९९२ चक्रिरे सपदि तानि यथार्थं  मन्मथस्य कुसुमायुधनाम ॥
७३००१ ऊरू रम्भा दृगपि कमलं शेवलं केशपाशो  वक्त्रं चन्द्रो लपितममृतं मध्यदेशो मृणालम् ।
७३००२ नाभिः कूपो वलिरपि सरित्पल्लवः किं च पाणिर् यस्याः सा चेदुरसि न कथं हन्त तापस्य शान्तिः ॥
७३०११ ऊरू रम्भे बाहू  लते विधात्रा कुचौ पुनः कमले ।
७३०१२ यौवनमुपवनमस्यां  मदनविलासाय किं रचितम् ॥
७३०२१ ऊरौ शिरस्तव निवेश्य दयावितीर्ण  संयानपल्लवसमीरविनीतखेदम् ।
७३०२२ अत्रैव जन्मनि विभोः परमोपदेशम्  आकर्णयेयमपि किं मणिकर्णिकायाम् ॥
७३०३१ ऊर्जितं सज्जनं दृष्ट्वा द्वेष्टि नीचः पुनः पुनः ।
७३०३२ कवलीकुरुते स्वस्थं विधुं दिवि विधुंतुदः ॥
७३०४१ ऊर्णां नैव ददाति नैव विषयो वाहस्य दोहस्य वा  तृप्तिर्नास्ति महोदरस्य बहुभिर्घासैः पलाशैरपि ।
७३०४२ हा कष्टं कथमस्य पृष्ठशिखरे गोणी समारोप्यते  को गृह्णाति कपर्दकैरलमिति ग्राम्यैर्गजो हस्यते ॥
७३०५१ ऊर्ध्वं गच्छन्ति यं त्यक्त्वा यं गृहीत्वा पतन्त्यधः ।
७३०५२ तस्य गौरवमर्थस्य तावतैवानुमीयताम् ॥
७३०६१ ऊर्ध्वं गच्छन्ति सत्त्वस्था मध्ये तिष्ठन्ति राजसाः ।
७३०६२ जघन्यगुणवृत्तस्था अधो गच्छन्ति तामसाः ॥
७३०७१ ऊर्ध्वं न क्षीरविच्छेदात्पयो धेनोरवाप्यते ।
७३०७२ एवं राष्ट्रादयोगेन पीडितान्नाप्यते बलिः ॥
७३०८१ ऊर्ध्वं नीरदवृन्दमैन्दवमिदं बिम्बं त्वधो निर्मितं  व्योम्नः पल्वलचित्रितस्य निहितौ शैलावुपर्युन्नतौ ।
७३०८२ किं चाधः पुलिनोच्चयस्य कदलीकाण्डाववारोपितौ  तन्मन्ये चतुरस्य पुष्पधनुषः सर्गोऽयमन्यादृशः ॥
७३०९१ ऊर्ध्वं प्राणा ह्युत्क्रामन्ति यूनः स्थविर आयति ।
७३०९२ प्रत्युत्थानाभिवादाभ्यां पुनस्तान् प्रतिपद्यते ॥
७३१०१ ऊर्ध्वं याति चापमुष्टिर्गुणमुष्टिरधो भवेत् ।
७३१०२ स मुक्तो मार्गणो लक्ष्याद्दूरं याति न संशयः ॥
७३१११ ऊर्ध्वंव्रीहित्रयं मानमङ्गुलस्य निगद्यते ।
७३११२ हस्तोऽपि हि समाख्यातश्चतुर्विशद्भिरङ्गुलैः ॥
७३१२१ ऊर्ध्वं श्वसंस्ततः प्राणो यात्यलब्धस्थितिस्तनोः ।
७३१२२ तं यान्तमनुयात्येव जीवः कालप्रणोदितः ॥
७३१३१ ऊर्ध्वगं कपिलाभासमङ्गं यस्मिन् प्रतीयते ।
७३१३२ नकुलाङ्गं तु तं विद्यात्स्पर्शस्तस्याहिनाशनः ॥
७३१४१ ऊर्ध्वबाहुर्विरौम्येष न च कश्चिच्श्र्णोति मे ।
७३१४२ धर्मादर्थश्च कामश्च स किमर्थं न सेव्यते ॥
७३१५१ ऊर्ध्ववेधी भवेज्ज्येष्ठो नाभिवेदी च मध्यमः ।
७३१५२ यः पादवेधी लक्ष्यस्य स कनिष्ठो मतो मया ॥
७३१६१ ऊर्ध्वशक्तिनिपातेन अधःशक्तेर्निकुञ्चनात् ।
७३१६२ मध्यशक्तिप्रबोधेन जायते परमं सुखम् ॥
७३१७१ ऊर्ध्वानना भास्करसंमुखीनाः  श्वानो रुवन्तो महते भयाय ।
७३१७२ एवं हि संध्यासमयेऽन्यदा तु  निर्वासकाः स्युर्नगरस्य तस्य ॥
७३१८१ ऊर्ध्वारोहे य आलम्बहेतुर्भूभृच्छिनत्ति तम् ।
७३१८२ कुठारिकस्तरुस्कन्धमिवाधोगमनोन्मुखः ॥
७३१९१ ऊर्ध्वार्धे लक्षणं यस्य नाधोऽर्धे लक्षणं भवेत् ।
७३१९२ तं खड्गं मध्यमं प्राहुः प्रवीणमतयो बुधाः ॥
७३२०१ ऊर्ध्वीकृतग्रीवमहो मुधैव  किं याचसे चातकपोत मेघम् ।
७३२०२ अत्यूर्जितं गर्जितमात्रमस्मिन्न्  अम्भोधरे बिन्दुलवस्तु दूरम् ॥
७३२११ ऊर्ध्वीकृतास्या रविदत्तदृष्टयः  समेत्य सर्वे सुरविद्विषः पुरः ।
७३२१२ श्वानः स्वरेण श्रवणान्तशातिना  मिथो रुदन्तः करुणेन निर्ययुः ॥
७३२२१ ऊषरं कर्मसस्यानां क्षेत्रं वाराणसी पुरी ।
७३२२२ यत्र संलभ्यते मोक्षः समं चण्डालपण्डितैः ॥
७३२३१ ऊषरेषु च क्षेत्रेषु यथा बीजं हि निष्फलम् ।
७३२३२ उपकारोऽपि नीचानां कृतो भवति तादृशः ॥
७३२४१ ऊषरेषु विवरेषु चाम्भसां  वीचयोऽपि भवता विनिर्मिताः ।
७३२४२ क्षेत्रसीम्नि निहितास्तु बिन्दवो  वारिवाह भवतो नवो नयः ॥
७३२५१ ऊषरे सरिति शाल्मलीवने  दावपावकचितेऽपि चन्दने ।
७३२५२ तुल्यमर्पयति वारि वारिदे  कीर्तिरस्तु गुणगौरवैर्गतम् ॥
७३२६१ ऊष्मव्यपेता रहिताश्च वृद्ध्या  संयोगहीना लघवोऽपि चान्तः ।
७३२६२ श्लोकस्य वर्णा इव विद्विषस्ते  पादान्तमागम्य गुरूभवन्ति ॥
७३२७१ ऊष्मा यस्यां धात्र्यां  धूमो वा तत्र वारि नरयुगले ।
७३२७२ निर्देष्टव्या च शिरा  महता वारिप्रवाहेण ॥
७३२८१ ऊष्मा हि वित्तजो वृद्धिं तेजो नयति देहिनाम् ।
७३२८२ किं पुनस्तस्य संभोगस्त्यागधर्मसमन्वितः ॥
७३२९१ ऋक्षस्य क्रोडसंधिप्रहितमुखतया मण्डलीभूतमूर्तेर् आरात्सुप्तस्य वीर त्वदरिवरपुरद्वारि नीहारकाले ।
७३२९२ प्रातर्निद्राविनोदक्रमजनितसुखोन्मीलितं चक्षुरेकं  व्याधाः पालालभस्मस्थितदहनकणाकारमालोकयन्ति ॥
७३३०१ ऋक्षाणां भूरिधाम्नां श्रितमधिपतिना प्रस्फुरद्भीमतारं  स्फारं नेत्रानलेन प्रसभनियमितोच्चापमीनध्वजेन ।
७३३०२ रामायत्तं पुरारेः कुमुदशुचि लसन्नीलसुग्रीवमङ्गं  प्लावङ्गं सैन्यमन्यद्दशवदनशिरच्छेदहेतु श्रियै वः ॥
७३३११ ऋक्षैर्वृतो हरिपदे निवसन् समीर  संतानशैत्यजनकः कुमुदप्रमोदी ।
७३३१२ निघ्नन्निशाचरतमः पृथुनीललक्ष्मा  तारापतिः स्फुरति चित्रमनङ्गदोऽयम् ॥
७३३२१ ऋग्यजुःसामनामानस्त्रयो वेदास्त्रयी स्मृता ।
७३३२२ उभौ लोकाववाप्नोति त्रय्यां तिष्ठन् यथाविधि ॥
७३३३१ ऋजुतां नयतः स्मरामि ते  शरमुत्सङ्गनिषण्णधन्वनः ।
७३३३२ मधुना सह सस्मितां कथां  नयनोपान्तविलोकितं च यत् ॥
७३३३ १ ऋजुता धन्वगुणयोरस्तु वस्तुस्वरूपतः ।
७३३३ २ कार्यसिद्धौ प्रशस्येत वक्रतैव तयोः पुनः ॥
७३३४१ ऋजुत्वं च परित्यज्य कलां दर्शयतोऽर्चना ।
७३३४२ द्विजराजोऽनृजुत्वेन महेशेनापि मह्यते ॥
७३३५१ ऋजुत्वं त्यागिता शौर्यं सामान्यं सुखदुःखयोः ।
७३३५२ दाक्षिण्यं चानुरिक्तश्च सत्यता च सुहृद्गुणाः ॥
७३३६१ ऋजुत्वमौनश्रुतिपारगामिता  यदीयमेतत्परमेव हिंसितुम् ।
७३३६२ अतीव विश्वासविधायि चेष्टितं  बहुर्महानस्य स दाम्भिकः शरः ॥
७३३७१ ऋजुदृशः कथयन्ति पुराविदो  मधुभिदं किल राहुशिरश्छिदम् ।
७३३७२ विरहिमूर्धभिदं निगदन्ति न  क्व नु शशी यदि तज्जठरानलः ॥
७३३८१ ऋजुनयननिपातः कामतन्त्राभिघातस् तनुरपि तरलाक्ष्याः कस्य न स्यात्कटाक्षः ।
७३३८२ इति नमितमुखेन्दुं पश्यति प्राणनाथं  जनसदसि विदग्धा पक्ष्मणामन्तरेण ॥
७३३९१ ऋजुना निधेहि चरणौ  परिहर सखि निखिलनागराचारम् ।
७३३९२ इह डाकिनीति पल्ली  पतिः कटाक्षेऽपि दण्डयति ॥
७३४०१ ऋजु पश्यति यः सर्वं चक्षुषानुपिबन्निव ।
७३४०२ आसीनमपि तूष्णीकमनुरज्यन्ति तं प्रजाः ॥
७३४११ ऋजुरेष पक्षवानिति  काण्डे प्रीतिं खले च मा कार्षीः ।
७३४१२ प्रायेण त्यक्तगुणः  फलेन हृदयं विदारयति ॥
७३४२१ ऋज्वायतां च विरलां च नतोन्नतां च  सप्तर्षिवंशकुटिलां च निवर्तनेषु ।
७३४२२ निर्मुच्यमानभुजगोदरनिर्मलस्य  सीमामिवाम्बरतलस्य विभज्यमानाम् ॥
७३४३१ ऋज्वायतां हि मुखतोरणलोलमालां  भ्रष्टां क्षितौ त्वमवगच्छसि मूर्ख सर्पम् ।
७३४३२ मन्दानिलेन निशि या परिवर्तमाना  किंचित्करोति भुजगस्य विचेष्टितानि ॥
७३४४१ ऋज्वी दृष्टिरनुल्बणं विहसितं मन्दं परिस्पन्दितं  द्वेषो नर्मणि दूरतीर्थगमने यत्नो रतिर्लिङ्गिषु ।
७३४४२ यस्यास्त्यक्तसुखस्पृहं किल वपुः पीनाल्पलम्बस्तनी  सक्षीरा विटचेटकैकमहिषी रण्डा शिवायास्तु वः ॥
७३४५१ ऋज्वी स्थिरा सुवृत्ता  पाणिग्रहणोज्ज्वला सुवंशोत्था ।
७३४५२ संधारयति पतन्तं  संप्रति गृहणीव यष्टिर्माम् ॥
७३४६१ ऋणं कृतं त्वदत्तं चेद्बाधतेऽत्र परत्र च ।
७३४६२ न नश्येद्दुष्कृतं तद्वद्भुक्तिं वा निष्कृतिं विना ॥
७३४७१ ऋणं मित्रान्न कर्तव्यं न देयं चापि मित्रके ।
७३४७२ प्रीतिच्छेदकरी ज्ञेया यस्माद्वै ऋणकर्तरी ॥
७३४८१ ऋणं याच्ञा च वृद्धत्वं जारचोरदरिद्रताः ।
७३४८२ रोगश्च भुक्तशेषश्चाप्यष्ट कष्टाः प्रकीर्तिताः ॥
७३४९१ ऋणकर्ता पिता शत्रुर्माता च व्यभिचारिणी ।
७३४९२ भार्या रूपवती शत्रुः पुत्रः शत्रुरपण्डितः ॥
७३५०१ ऋणत्रयं द्विजातीनां जन्मनः प्रभृति स्थितम् ।
७३५०२ ऋणान्तरभृतां पुंसां जीवनं जीवनं विना ॥
७३५११ ऋणत्रयं निराकारि नूत्नं चाकारि येन नो ।
७३५१२ स एकः सुकृती लोकः सर्वत्र सुखमेधते ॥
७३५२१ ऋणत्रयमपाकर्तुं शास्त्राज्ञाभङ्गभीः पुरः ।
७३५२२ चतुर्थर्णनिराकारे प्रत्यक्षं नृपतेर्भयम् ॥
७३५३१ ऋणदाता च दैवज्ञः श्रोत्रियः सुजला नदी ।
७३५३२ यत्र ह्येते न विद्यन्ते न तत्र दिवसं वसेत् ॥
७३५४१ ऋणदैः स्वजनैः पुत्रैर्लब्धक्षामप्रतिग्रहः ।
७३५४२ नित्यमायास्यते येन कलिदानेन तेन किम् ॥
७३५५१ ऋणपापसमुद्धारादृणोद्धारो वरः स्मृतः ।
७३५५२ परलोके दहेत्पापमृणाग्निरिह तत्र च ॥
७३५६१ ऋणप्रदाता वैद्यस्तु श्रोत्रियः सजला नदी ।
७३५६२ राजा यत्र न विद्यन्ते न कुर्यात्तत्र संस्थितिम् ॥
७३५७१ ऋणमाद्यं निराकृत्य निराकर्तुमृणान्तरम् ।
७३५७२ प्रतिष्ठा राजते यस्य गृहस्थाश्रम एव सः ॥
७३५८१ ऋणवच्चिरसंशोध्यं वचसा प्रतिपादितम् ।
७३५८२ यन्नित्ययाचनद्वेषं याच्यदानेन तेन किम् ॥
७३५९१ ऋणशेषं रोगशेषं शत्रुशेषं न रक्षयेत् ।
७३५९२ याचकाद्यैः प्रार्थितः सन्न तीक्ष्णं चोत्तरं वदेत् ।
७३५९३ तत्कार्यं तु समर्थश्चेत्कुर्याद्वा कारयीत च ॥
७३६०१ ऋणशेषोऽग्निशेषश्च व्याधिशेषस्तथैव च ।
७३६०२ पुनश्च वर्धते यस्मात्तस्माच्छेषं च कारयेत् ॥
७३६११ ऋणशेषोऽग्निशेषश्च शत्रुशेषस्तथैव च ।
७३६१२ पुनः पुनर्विवर्धेत स्वल्पोऽप्यनिवारितः ॥
७३६२१ ऋणसंबन्धिनः सर्वे पुत्रदारं पशुस्तथा ।
७३६२२ ऋणक्षये क्षयं यान्ति का तत्र परिदेवना ॥
७३६३१ ऋणानि त्रीण्यपाकृत्य मनो मोक्षे निवेशयेत् ।
७३६३२ अनपाकृत्य मोक्षं तु सेवमानो व्रजत्यधः ॥
७३६४१ ऋणानुबन्धरूपेण पशुपत्नीसुतालयाः ।
७३६४२ ऋणक्षये क्षयं यान्ति का तत्र परिदेवना ॥
७३६५१ ऋणिकैः कलहैर्नित्यमच्छिन्नगणनागतेः ।
७३६५२ दानद्विषोऽनपत्यस्य मन्दाग्नेश्च धनेन किम् ॥
७३६६१ ऋणीकृता किं हरिणीभिरासीद् अस्याः सकाशान्नयनद्वयश्रीः ।
७३६६२ भूयोगुणेयं सकला बलाद्यत् ताभ्योऽनयालभ्यत बिभ्यतीभ्यः ॥
७३६७१ ऋतुमत्यां तु तिष्ठन्त्यां स्वेच्छादानं विधीयते ।
७३६७२ तस्मादुद्वाहयेन्नग्नां मनुः स्वायंभुवोऽब्रवीत् ॥
७३६८१ ऋतुर्मासद्वयेनैव षण्मासैरयनं स्मृतम् ।
७३६८२ अयनद्वितयं वर्षो देवानां वासरो निशा ॥
७३६९१ ऋतुर्व्यतीतः परिवर्तते पुनः  क्षयं प्रयातः पुनरेति चन्द्रमाः ।
७३६९२ गतं गतं नैव तु संनिवर्तते  जलं नदीनां च नृणां च यौवनम् ॥
७३७०१ ऋतुस्नातां तु यो भार्यां नैव गच्छति मूढधीः ।
७३७०२ घोरायां भ्रूणहत्यायां युज्यते नात्र संशयः ॥
७३७११ ऋतुस्नाता पिबेन्नारी श्वेतकण्टारिकाजटाम् ।
७३७१२ पयसा पुत्रसंभूतिस्तस्याः संजायते ध्रुवम् ॥
७३७२१ ऋतेन जीवेदनृतेन जीवेन्  मितेन जीवेत्प्रमितेन जीवेत् ।
७३७२२ सत्यानृताभ्यामथवापि जीवेत् श्ववृत्तिमेकां परिवर्जयेत्तु ॥
७३७३१ ऋते नियोगात्सामर्थ्यमवबोद्धुं न शक्यते ।
७३७३२ सहसा विनियोगो हि दोषवान् प्रतिभाति मे ॥
७३७४१ ऋते यदर्थं प्रणयाद्रक्ष्यते यच्च रक्षति ।
७३७४२ पूर्वोपचितसंबन्धं तन्मित्रं नित्यमुच्यते ॥
७३७५१ ऋते सेनाप्रणेतारं पृतना सुमहत्यपि ।
७३७५२ दीर्यते युद्धमासाद्य पिपीलिकपुटं यथा ॥
७३७६१ ऋत्विक्पुरोहिताचार्याः शिष्याः संबन्धिबान्धवाः ।
७३७६२ सर्वे पूज्याश्च मान्याश्च श्रुतवृत्तोपसंहिताः ॥
७३७७१ ऋद्धिमान् राक्षसो मूढश्चित्रं नासौ यदुद्धतः ।
७३७७२ को वा हेतुरनार्याणां धर्म्ये वर्त्मनि वर्तितुम् ॥
७३७८१ ... ... ... ... ... ... ।
७३७८२ ऋद्धियुक्ता हि पुरुषा न सहन्ते परस्तवम् ॥
७३७९१ ऋषभोऽत्र गीयत इति  श्रुत्वा स्वरपारगा वयं प्राप्ताः ।
७३७९२ को वेद गोष्ठमेतद् गोशान्तौ विहितबहुमानम् ॥
७३८०१ ऋषयश्चैव देवाश्च सत्यमेव हि मेनिरे ।
७३८०२ सत्यवादी हि लोकेऽस्मिन् परमं गच्छति क्षयम् ॥
७३८११ ऋषयोऽप्युग्रतपसो दैवेनाभिप्रपीडिताः ।
७३८१२ उत्सृज्य नियमांस्तीव्रान् भ्रश्यन्ते काममन्युभिः ॥
७३८२१ ऋषयो मनवो देवा मनुपुत्रा महौजसः ।
७३८२२ कलाः सर्वे हरेरेव सप्रजापतयस्तथा ॥
७३८३१ ऋषयो राक्षसीमाहुर्वाचमुन्मत्तदृप्तयोः ।
७३८३२ सा योनिः सर्ववैराणां सा हि लोकस्य निरृतिः ॥
७३८४१ ऋषिरयमतिथिश्चेद्विष्टरः पाद्यमर्घ्यं  तदनु च मधुपर्कः कल्प्यतां श्रोत्रियाय ।
७३८४२ अथ तु रिपुरकस्माद्द्वेष्टि नः पुत्रभाण्डं  तदिह नयविहीने कार्मुकस्याधिकारः ॥
७३८५१ ऋषिसेना विना वेदमप्रिया सहगामिनी ।
७३८५२ देवसेना विना दात्नविष्णुः पृथिवीपतिः ॥
७३८६१ ऋषींश्च देवांश्च महासुरांश्च  त्रैविद्यवृद्धांश्च वने मुनींश्च ।
७३८६२ कानापदो नोपनमन्ति लोके  परावरज्ञास्तु न संभ्रमन्ति ॥
७३८७१ ऋषीणां च नदीनां च कुलानां च महात्मनाम् ।
७३८७२ प्रभवो नाधिगन्तव्यः स्त्रीणां दुश्चरितस्य च ॥
७३८८१ ऋषीणां परमं गुह्यमिदं भरतसत्तम ।
७३८८२ तीर्थाभिगमनं पुण्यं यज्ञैरपि विशिष्यते ॥
७३८९१ ऋषेरस्याश्रमे पुण्ये शापसंत्रस्तमानसः ।
७३८९२ मुद्बोधतोऽपि प्रायोऽयं मृगात्सिंहः पलायते ॥
७३९०१ एकं काञ्चनभूधरं सुवलयं वासः सुधावारिधिं  तारं तारकराजमण्डलमिदं संप्राप्य सत्कुण्डलम् ।
७३९०२ दूरस्थापि च तेन तेन सदृशं त्वां भूषणं चापरं  स्त्री मानग्रहिलेव याचतितरां श्रीराम कीर्तिस्तव ॥
७३९११ एकं चक्षुर्विवेको हि द्वितीयं सत्समागमः ।
७३९१२ तौ न स्तो यस्य स क्षिप्रं मोहकूपे पतेद्ध्रुवम् ॥
७३९२१ एकं चित्रमतीव दृष्टमिह यन्नालोकितं न श्रुतं  किं कस्मै कथयामि कस्य मनसि स्याद्वा मम प्रत्ययः ।
७३९२२ एकस्मिन् कनकस्य दाम्नि सरसीमैलिन्दमत्तद्विप  ज्योत्स्नाचन्द्रचकोरचक्रचमरीवालाश्चमत्कुर्वते ॥
७३९३१ एकं जीवनमूलं  चञ्चलमपि तापयन्तमपि सततम् ।
७३९३२ अन्तर्वहति वराकी  सा त्वां नासेव निःश्वासम् ॥
७३९४१ एकं दन्तच्छदस्य स्फुरति जपवशादर्धमन्यत्प्रकोपाद् एकः पाणिः प्रणन्तुं शिरसि कृतपदः क्षेप्तुमन्यस्तमेव ।
७३९४२ एकं ध्यानान्निमीलत्यपरमविषहं वीक्षितुं चक्षुरित्थं  तुल्यानिच्छापि वामा तनुरवतु स वो यस्य संध्यावसाने ॥
७३९५१ एकं दृष्ट्वा शतं दृष्ट्वा दृष्ट्वा पञ्चशतान्यपि ।
७३९५२ अतिलोभो न कर्तव्यश्चक्रं भ्रमति मस्तके ॥
७३९५ १ एकं द्विजं च स्पृहणीयवाचं   मत्तद्विरेफं च मधुः पुपोष ।
७३९५ २ सतो गुणानप्यसतोऽपि दोषान्  जात्या विहीनो न विवेक्तुमीष्टे ॥
७३९६१ एकं धाम शमीषु लीनमपरं सूर्योपलज्योतिषां  व्याजादद्रिषु गूढमन्यदुदधौ संगुप्तमौर्वायते ।
७३९६२ त्वत्तेजस्तपनांशुमांसलसमुत्तापेन दुर्गं भयाद् वार्क्षं पार्वतमौदकं यदि ययुस्तेजांसि किं पार्थिवाः ॥
७३९७१ एकं ध्याननिमीलनान्मुकुलितप्रायं द्वितीयं पुनः  पार्वत्या वदनाम्बुजस्तनभरे शृङ्गारभावालसम् ।
७३९७२ अन्यद्दूरविकृष्टचापमदनक्रोधानलोद्दीपितं  शंभोर्भिन्नरसं समाधिसमये नेत्रत्रयं पातु वः ॥
७३९८१ एकं नाम जडात्मकस्य मुषितं लावण्यमिन्दोस्तया  नेत्राभ्यामसितोत्पलस्य च रुचिः प्रायेण तन्नो मृषा ।
७३९८२ नो जानाति हृतामसौ पदगतिं मत्तो वराकः करी  तन्वङ्ग्या विदतोऽपि यन्मम हृतं चेतस्तदत्यद्भुतम् ॥
७३९९१ एकं भूमिपतिः करोति सचिवं राज्ये प्रमाणं यदा  तं मोहाच्श्रयते मदः स च मदालस्येन निर्विद्यते ।
७३९९२ निर्विण्णस्य पदं करोति हृदये तस्य स्वतन्त्रस्पृहा  स्वातन्त्र्यस्पृहया ततः स नृपतेः प्राणानभिद्रुह्यति ॥
७४००१ एकं महिषशिरःस्थितम्  अपरं सानन्दसुरगणप्रणतम् ।
७४००२ गिरिदुहितुः पदयुगलं  शोणितमणिरागरञ्जितं जयति ॥
७४०११ एकं मित्रं भजते  मासेनेन्दुः स्वयं क्षयं गच्छन् ।
७४०१२ मित्रशतानि भजंस्त्वं  प्रतिक्षणं वृद्धिमुपयासि ॥
७४०२१ एकं मित्रं भूपतिर्वा यतिर्वा  एका भार्या सुन्दरी वा दरी वा ।
७४०२२ एकं शास्त्रं वेदमध्यात्मकं वा  एको देवः केशवो वा जिनो वा ॥
७४०३१ एकं लिङ्गं प्रमदा  हृदयं विदधाति जर्जरं सहसा ।
७४०३२ तेषां षट्कं येषां  अन्तर्गूढं न ते कथं पशवः ॥
७४०४१ एकं वदति मनो मम  यामि न यामीति हृदयमपरं मे ।
७४०४२ हृदयद्वयमुचितं तव  सुन्दरि हृतकान्तचित्तायाः ॥
७४०५१ एकं वस्तु द्विधा कर्तुं बहवः सन्ति धन्विनः ।
७४०५२ धन्वी स मार एवैको द्वयोरैक्यं करोति यः ॥
७४०६१ एकं वस्तु यदस्ति विश्वजनतानन्दप्रमोदात्मकं  सत्यं तत्त्वमसीति वाक्यमखिलं त्वय्येव विश्राम्यति ।
७४०६२ त्वामाकर्ण्य न किंचिदन्यदवनीशृङ्गार भो मन्यते  त्वय्याप्ते जनकादिकीर्तिजनके किं ज्ञानमीमांसया ॥
७४०७१ एकं वा कुपितप्रियाप्रणयिनीं कृत्वा मनोनिर्वृतिं  तिष्ठामो निजचारुपीवरकुचक्रीडारसास्वादने ।
७४०७२ अन्यद्वा सुरसिन्धुसैकततटीदर्भाष्टकस्रस्तर  स्थाने ब्रह्मपदं समाहितधियो ध्यायन्त एवास्महे ॥
७४०८१ एकं विषरसो हन्ति शस्त्रेणैकश्च वध्यते ।
७४०८२ सराष्ट्रं सप्रजं हन्ति राजानं मन्त्रविस्रवः ॥
७४०९१ एकं वै सेवते नित्यमन्यं चेतसि रोचते ।
७४०९२ पुरुषाणामलाभेन नारी चैव पतिव्रता ॥
७४१०१ एकं संदिग्धयोस्तावद्भावि तत्रेष्टजन्मनि ।
७४१०२ हेतुमाहुः स्वमन्त्रादीनसङ्गानन्यथा विटाः ॥
७४१११ एकं सागरतीरनीरनिकरस्फाराञ्जलिक्षालितैः  पुष्पैरच्युतपूजनं निजकरव्यापारसंपादितैः ।
७४११२ नो चेन्मञ्जुलमालतीदललसत्खट्वार्चिते मन्दिरे  कान्तातुङ्गनितम्बबिम्बसुरतक्रीडारसैः स्थीयते ॥
७४१२१ एकं सुते मृगारिणी बहून् सूते वृकी सुतान् ।
७४१२२ उत्तारः प्रलयं यान्ति नाद्यमानाः कथंचन ॥
७४१३१ एकं हन्यान्न वा हन्यादिषुः क्षिप्तो धनुष्मता ।
७४१३२ प्राज्ञेन तु मतिः क्षिप्ता हन्याद्गर्भगतानपि ॥
७४१४१ एकं हन्यान्न वा हन्यादिषुर्मुक्तो धनुष्मता ।
७४१४२ बुद्धिर्बुद्धिमतोत्सृष्टा हन्याद्राष्ट्रं सराजकम् ॥
७४१५१ एकं हन्यान्न वा हन्यादिषुर्मुक्तो धनुष्मता ।
७४१५२ सराष्ट्रं सप्रजं हन्ति राजानं मन्त्रिनिश्चयः ॥
७४१६१ एकं हि चक्षुरमलं सहजो विवेको  विद्वद्भिरेव सह संवसतिर्द्वितीयम् ।
७४१६२ एतद्द्वयं भुवि न यस्य स तत्त्वतोऽन्धस् तस्यापमार्गचलने वद कोऽपराधः ॥
७४१७१ एकः कर्णमहीपतिः प्रतिदिनं लक्षाधिका याचकाः  कस्मै किं वितरिष्यतीति मनसा चिन्तां वृथा मा कृथाः ।
७४१७२ आस्ते किं प्रतियाचकं सुरतरुः प्रत्यम्बुजं किं रविश् चन्द्रः किं प्रतिकैरवं प्रतिलतागुल्मं किमम्भोधरः ॥
७४१८१ एकः कापुरुषो दीर्णो दारयेन्महतीं चमूम् ।
७४१८२ तं दीर्णमनु दीर्यन्ते योधाः शूरतमा अपि ॥
७४१९१ एकः कोऽपि महीधरो लघुतरो दोर्भ्यां धृतो लीलया  तेन त्वं दिवि भूतले च विदितो गोवर्द्धनोद्धारकः ।
७४१९२ त्वां त्रैलोक्यवहं वहामि कुचयोरग्रे सदा पुष्पवत् तत्किं केशव जल्पितेन बहुना पुण्यैर्यशो लभ्यते ॥
७४२०१ एकः क्षमावतं दोषो द्वितीयो नोपलभ्यते ।
७४२०२ यदेनं क्षमया युक्तमशक्तं मन्यते जनः ॥
७४२११ सोऽस्य दोषो न मन्तव्यः क्षमा हि परमं बलम् ।
७४२१२ क्षमा गुणो ह्यशक्तानां शक्तानां भूषणं क्षमा ॥
७४२२१ एकः खलोऽपि यदि नाम भवेत्सभायां  व्यर्थीकरोति विदुषामखिलं प्रयासम् ।
७४२२२ एकापि पूर्णमुदरं मधुरैः पदार्थैर् आलोड्य रेचयति हन्त न मक्षिका किम् ॥
७४२३१ एकः पञ्चत्वमासाद्य जायते पुनरष्टधा ।
७४२३२ अहो वाणिज्यसंपत्तिः काशीपुरनिवासिनाम् ॥
७४२४१ एकः पथा न गन्तव्यं न सुप्तिं बाह्यमन्दिरे ।
७४२४२ जनवाक्यं न कर्तव्यं स्त्रीणामालोचनं विना ॥
७४२५१ एकः पापानि कुरुते फलं भुङ्क्ते महाजनः ।
७४२५२ भोक्तारो विप्रमुच्यन्ते कर्ता दोषेण लिप्यते ॥
७४२६१ एकः पालयते लोकमेकः पालयते कुलम् ।
७४२६२ मज्जत्येको हि निरय एकः स्वर्गे महीयते ॥
७४२७१ एकः पुत्रो वरं विद्वान् बहुभिर्निर्गुणैस्तु किम् ।
७४२७२ एकस्तारयते वंशमन्ये संतापकारकाः ॥
७४२८१ एकः प्रजायते जन्तुरेक एव प्रलीयते ।
७४२८२ एकोऽनुभुङ्क्ते सुकृतमेक एव च दुष्कृतम् ॥
७४२९१ एकः प्रयात्युपरमं द्रविणं तदीयं  हृत्वापरः प्रसभमुद्वहति प्रमोदम् ।
७४२९२ नो वेत्ति तत्स्वनिधने परकोशगामि  धिग्वासनामसममोहकृतान्धकाराम् ॥
७४३०१ एकः शतं योधयति प्राकारस्थो धनुर्धरः ।
७४३०२ शतं दशसहस्राणि तस्माद्दुर्गं विधीयते ॥
७४३११ एकः शत्रुर्न द्वितीयोऽस्ति शत्रुर् अज्ञानतुल्यः पुरुषस्य राजन् ।
७४३१२ येनावृतः कुरुते संप्रयुक्तो  घोराणि कर्माणि सुदारुणानि ॥
७४३२१ एकः संग्रामरिङ्गत्तुरगखुररजोराजिभिर्नष्टदृष्टिर् दिग्यात्राजैत्रमत्तद्विरदभरनमद्भूमिभग्नस्तथान्यः ।
७४३२२ वीराः के नाम तस्मात्त्रिजगति न ययुः क्षीणतां काणकुब्ज  न्यायादेतेन मुक्तावभयमभजतां वासवो वासुकिश्च ॥
७४३३१ एकः संपन्नमश्नाति वस्ते वासश्च शोभनम् ।
७४३३२ योऽसंविभज्य भृत्येभ्यः को नृशंसतरस्ततः ॥
७४३४१ एकः संप्रति पाकशासनपुरीपीयूषसत्त्री पुरः  पारक्यं तमसामसौ कुमुदिनीचैतन्यचिन्तामणिः ।
७४३४२ मानोच्चाटनकार्मणं मृगदृशां देवो नभोऽम्भोनिधौ  पश्योदञ्चति पञ्चबाणवणिजो यात्रावहित्रं शशी ॥
७४३५१ एकः स एव जीवति  स्वहृदयशून्योऽपि सहृदयो राहुः ।
७४३५२ यः सकललघिमकारणम्  उदरं न बिभर्ति दुष्पूरम् ॥
७४३६१ एकः स एव तेजस्वी सैहिकेयः सुरद्विषाम् ।
७४३६२ शिरोमात्रावशेषेण जीयन्ते येन शत्रवः ॥
७४३७१ एकः स एव परिपालयताज्जगन्ति  गौरीगिरीशचरितानुकृतिं दधानः ।
७४३७२ आभाति यो दशनशून्यमुखैकदेश  देहार्धहारितवधूक इवैकदन्तः ॥
७४३८१ एकः सकलजनानां  हृदयेषु कृतास्पदो मदः शत्रुः ।
७४३८२ येनाविष्टशरीरो  न शृणोति न पश्यति स्तब्धः ॥
७४३९१ एकः सखा प्रियो भूय उपकारी गुणान्वितः ।
७४३९२ हन्तव्यः स्त्रीनिमित्तेन कष्टमापतितं मम ॥
७४४०१ एकः स व्यसनी पुमानचरमैर्निःश्वासवातैः समं  हा मे सा दयितेति यस्य वदतः प्राणाः समं निर्गताः ।
७४४०२ अन्ये तु व्यसनं क्षिपन्ति पशवः कान्तावियोगोद्भवैश् चिन्ताग्लानिविषाददैन्यजनितैर्बाष्पैरनाहारिणः ॥
७४४११ एकः सुधांशुर्न कथंचन स्यात् तृप्तिक्षमस्त्वन्नयनद्वयस्य ।
७४४१२ त्वल्लोचनासेचनकस्तदस्तु  नलास्यशीतद्युतिसद्वितीयः ॥
७४४२१ एकः स्तनस्तुङ्गतरः परस्य  वार्तामिव प्रष्टुमगान्मुखाग्रम् ।
७४४२२ यस्याः प्रियार्धस्थितिमुद्वहन्त्याः  सा पातु वः पर्वतराजपुत्री ॥
७४४३१ एकः स्थितोऽन्तः प्राप्तोऽन्यः परस्याद्यैव दुर्ग्रहः ।
७४४३२ किं करोमीति जननीं पृच्छन्तीष्वपरासु च ॥
७४४४१ एकः स्वादु न भुञ्जीत एकश्चार्थान्न चिन्तयेत् ।
७४४४२ एको न गच्छेदध्वानं नैकः सुप्तेषु जागृयात् ॥
७४४५१ एक एव खगो मानी वने वसति चातकः ।
७४४५२ पिपासितो वा म्रियते याचते वा पुरंदरम् ॥
७४४६१ एक एव खगो मानी सुखं जीवति चातकः ।
७४४६२ अर्थित्वं याति शक्रस्य न नीचमुपसर्पति ॥
७४४७१ एक एव चरेद्धर्मं नास्ति धर्मे सहायता ।
७४४७२ केवलं विधिमासाद्य सहायः किं करिष्यति ॥
७४४८१ एक एव दमे दोषो द्वितीयो नोपपद्यते ।
७४४८२ यदेनं क्षमया युक्तमशक्तं मन्यते जनः ॥
७४४९१ एतस्य तु महाप्राज्ञ दोषस्य सुमहान् गुणः ।
७४४९२ क्षमायां विपुला लोकाः सुलभा हि सहिष्णुना ॥
७४५०१ एक एव न भुञ्जीयाद्यदिच्छेच्शुभमात्मनः ।
७४५०२ द्वित्रिभिर्बन्धुभिः सार्धं भोजनं कारयेन्नरः ॥
७४५११ एक एव पदार्थस्तु त्रिधा भवति वीक्षितः ।
७४५१२ कुणपं कमिनी मांसं योगिभिः कामिभिः श्वभिः ॥
७४५२१ एक एव परो ह्यात्मा सर्वेषामपि देहिनाम् ।
७४५२२ नानेव गृह्यते मूढैर्यथा ज्योतिर्यथा नभः ॥
७४५३१ एक एव महान् दोषो भवतां विमले कुले ।
७४५३२ लुम्पन्ति पूर्वजां कीर्तिं जाता जाता गुणाधिकाः ॥
७४५४१ एक एव लघुर्यत्र आदितालः स कथ्यते ।
७४५४२ विनोदे रासकस्तेन श्रोत्णां च सुखावहः ॥
७४५५१ एक एव सुहृद्धर्मो निधनेऽप्यनुयाति यः ।
७४५५२ शरीरेण समं नाशं सर्वमन्यधि गच्छति ॥
७४५६१ एक एव हितार्थाय तेजस्वी पार्थिवो भुवः ।
७४५६२ युगान्त इव भास्वन्तो बहवोऽत्र विपत्तये ॥
७४५७१ एक एव हि भूतात्मा भूते भूते व्यवस्थितः ।
७४५७२ एकधा बहुधा चैव दृश्यते जलचन्द्रवत् ॥
७४५८१ एक एव हि वन्ध्यायाः शोको भवति मानसः ।
७४५८२ अप्रजास्मीति संतापो न ह्यन्यः पुत्र विद्यते ॥
७४५९१ एक एवोपहारस्तु संधिरेतन्मतं हि नः ।
७४५९२ उपहारस्य भेदास्तु सर्वेऽन्ये मैत्रवर्जिताः ॥
७४६०१ एककार्यनियोगेऽपि नानयोस्तुल्यशीलता ।
७४६०२ विवाहे च चितायां च यथा हुतभुजोर्द्वयोः ॥
७४६११ एकक्षितिभृदुत्पन्नाः सच्छिद्राः कण्टकोल्बणाः ।
७४६१२ मिथः संघर्षणाद्वंशा दह्यन्ते साधुशाखिभिः ॥
७४६२१ एकगर्भोषिताः स्निग्धा मूर्ध्ना सत्कृत्य धारिताः ।
७४६२२ केशा अपि विरज्यन्ते जरया किमुताङ्गनाः ॥
७४६३१ एकगुणा भवति तिथिश् चतुर्गुणं भवति नक्षत्रम् ।
७४६३२ चतुःषष्टिगुणं लग्नम्  एष ज्योतिषतन्त्रसिद्धान्तः ॥
७४६४१ एकचक्रो रथो यन्ता विकलो विषमा हयाः ।
७४६४२ आक्रामत्येव तेजस्वी तथाप्यर्को नभस्तलम् ॥
७४६५१ एकचक्षुर्न काकोऽयं बिलमिच्छन्न पन्नगः ।
७४६५२ क्षीयते वर्धते चैव न समुद्रो न चन्द्रमाः ॥
७४६६१ एकचित्तो लभेत्सिद्धिं द्विधाचित्तो विनश्यति ।
७४६६२ स्कन्धावारं हि गच्छन्तमिषुकारो न पश्यति ॥
७४६७१ एकच्छत्त्रं क्षितितलमिदं भुञ्जते यन्नरेन्द्राः  स्वर्गास्थाने मुदितमनसो यद्रमन्ते मुनीन्द्राः ।
७४६७२ यन्निर्वाणे निरुपमसुखं मर्त्यमुख्या लभन्ते  दानस्यायं स्फुरति महिमा केवलस्यामलस्य ॥
७४६८१ एकच्छागं द्विरावेयं त्रिगवं पञ्चमाहिषम् ।
७४६८२ षडश्वं सप्तमातङ्गं शक्रस्यापि श्रियं हरेत् ॥
७४६९१ एकतः क्रतवः सर्वे समग्रवरदक्षिणाः ।
७४६९२ एकतो भयभीतस्य प्राणिनः प्राणरक्षणम् ॥
७४७०१ एकतः प्रणयपीडनं मुधा  मानधारणरसादरोऽन्यतः ।
७४७०२ रक्षती द्वयमिदं मनस्विनी  निर्वृणोतु कथमत्र जन्मनि ॥
७४७११ एकतः सकला विद्या चातुर्यं पुनरेकतः ।
७४७१२ चातुर्येण विनाकृत्य सकला विकला कला ॥
७४७२१ एकतः सर्वपापानि मद्यपानं तथैकतः ।
७४७२२ एकतः सर्वदानानि ब्रह्मचर्यं तथैकतः ॥
७४७३१ एकतश्चतुरो वेदाः साङ्गोपाङ्गाः सविस्तराः ।
७४७३२ स्वाधीनास्ते नरश्रेष्ठ सत्यमेकं किलैकतः ॥
७४७४१ एकतश्चतुरो वेदा ब्रह्मचर्यं तथैकतः ।
७४७४२ एकतः सर्वपापानि मद्यपानं तथैकतः ॥
७४७५१ एकतश्च सुरसुन्दरीजनः  श्रीः प्रतीच्छति युयुत्सुमन्यतः ।
७४७५२ पाप्मना सह पलायतोऽयशश् चैकतः कुलकलङ्ककारणम् ॥
७४७६१ एकतामिव गतस्य विवेकः  कस्यचिन्न महतोऽप्युपलेभे ।
७४७६२ भास्वता निदधिरे भुवनानाम्  आत्मनीव पतितेन विशेषाः ॥
७४७७१ एकतो दिवसान् बाला गणयत्येकतोऽन्तकः ।
७४७७२ न विद्मः प्रथमं कस्य यास्यामो वयमन्तिकम् ॥
७४७८१ एकतोऽपरितोषश्चेदन्यमन्यं महीभुजम् ।
७४७८२ निदाघपान्थवच्छायामन्यामन्यामुपाश्रयेत् ॥
७४७८ १ एकतोऽपि भुवि भूरिशोऽभवन्  दीपकादहह पश्य दीपकाः ।
७४७८ २ अन्धकारनिधनाय भानुमन्  मुक्तदिव्यविशिखादिवेषवः ॥
७४७९१ एकतोऽभ्युदितमिन्दुमण्डलं  स्मेरमास्यमसितभ्रुवोऽन्यतः ।
७४७९२ चञ्चुकोरकपुटीं चकोरिका  चालयत्युभयतोऽपि धावति ॥
७४८०१ एकतो मातृवात्सल्यं परतो गुणकोटयः ।
७४८०२ अनयोः समतां वक्तुं नालं ब्रह्मादयः सुराः ॥
७४८११ एकतो वा कुलं कृत्स्नमात्मा वा कुलवर्धन ।
७४८१२ न समं सर्वमेवेति बुधानामेष निश्चयः ॥
७४८२१ एकतोव्याधिदुर्भिक्षप्रमुखा विपदोऽखिलाः ।
७४८२२ प्रजानामेकतस्त्वेका लुब्धता वसुधापतेः ॥
७४८३१ एकत्र कौलव्रतभङ्गशङ्का  विदग्धताभङ्गभयं परत्र ।
७४८३२ इत्याकुलानां कुलकामिनीनां  गतागतैरेव गता त्रियामा ॥
७४८४१ एकत्र नास्य रतिरित्यवधूयमानः  कोपादिव श्वसनकम्पविघूर्णितायाः ।
७४८४२ रक्तच्छदं मधुसुगन्धि सरोरुहिण्या  भृङ्गश्चुचुम्ब कमलाननमादरेण ॥
७४८५१ एकत्र प्रपठन्ति साम च यजुश्चान्यत्र वेदान्तरं  हिंस्राश्चापि मृगायिताश्च परतो यागोत्थधूमः शिवः ।
७४८५२ आतिथ्यादिविधिः परत्र विधिवत्पाद्यादिनापाद्यते  नानाशास्त्रविवेचनं च वटुभिः संतन्यते सङ्गतैः ॥
७४८६१ एकत्र प्राकृतैः साम्यमन्यत्र परतन्त्रता ।
७४८६२ शुकस्य परितोषाय न वनं न च पत्तनम् ॥
७४८७१ एकत्र मधुनो बिन्दौ भक्षतेऽसंख्यदेहिनः ।
७४८७२ यो हि न स्यात्कृपा तस्य तस्मान्मधु न भक्षयेत् ॥
७४८८१ एकत्र वासादवसानभाजस् ताम्बूललक्ष्म्या इव संस्मरन्ती ।
७४८८२ वक्त्रेषु यद्वैरिविलासिनीनां  हासप्रभा तानवमाससाद ॥
७४८९१ एकत्र सार्थे व्रजतां बहूनां  तुल्येऽपि जाते शकुने फलानि ।
७४८९२ नानाप्रकाराणि भवन्ति येन  तं हंसचारं प्रविचारयामः ॥
७४९०१ एकत्र स्फटिकतटांशुभिन्ननीरा  नीलाश्मद्युतिभिदुराम्भसोऽपरत्र ।
७४९०२ कालिन्दीजलजनितश्रियः श्रयन्ते  वैदग्धीमिह सरितः सुरापगायाः ॥
७४९११ एकत्राददते जलं जलधरव्यूहाः परत्राप्यमी  दीप्यद्दिक्करिणः परत्र वडवावक्त्रोद्गता वह्नयः ।
७४९१२ एतावत्सततव्ययेऽपि सुतरामाश्चर्यमम्भोनिधेस् ता एव स्थितयः स एव महिमा सैवास्य गम्भीरता ॥
७४९२१ एकत्रापि हते जन्तौ पापं भवति दारुणम् ।
७४९२२ न सूक्ष्मानेकजन्तूनां घातिनो मधुपस्य किम् ॥
७४९३१ एकत्रासनसङ्गतिः परिहृता प्रत्युद्गमाद्दूरतस् ताम्बूलानयनच्छलेन रभसाश्लेषोऽपि संविघ्नितः ।
७४९३२ आलापोऽपि न मिश्रितः परिजनं व्यापारयन्त्यान्तिके  कान्तं प्रत्युपचारतश्चतुरया कोपः कृतार्थीकृतः ॥
७४९४१ एकत्रासनसङ्गते प्रियतमे पश्चादुपेत्यादराद् एकस्या नयने पिधाय महतः क्रीडानुबन्धच्छलात् ।
७४९४२ तिर्यग्वक्रितकन्धरः सपुलकस्वेदोद्गमानन्दिनीम्  अन्तर्हासलसत्कपोलफलकां धूर्तोऽपरां चुम्बति ॥
७४९६१ एकत्वं न रसैः कयोः समजनि स्त्रीपुंसयोः प्रावृषि  प्राप्तौ यद्रसनिर्भराविह धराकाशौ चिरादेकताम् ।
७४९६२ योषित्सङ्गमगूढसर्वतरुणः कालोऽयमालोक्यते  छन्नः क्वापि दिवा युवापि निशया क्रोडीकृतः क्रीडति ॥
७४९७१ एकदन्तं त्रिनयनं ज्वालानलसमप्रभम् ।
७४९७२ गणाध्यक्षं गजमुखं प्रणमामि विनायकम् ॥
७४९८१ एकदन्तद्युतिसितः शंभोः सूनुः श्रियेऽस्तु वः ।
७४९८२ विद्याकन्द इवोद्भिन्ननवाङ्कुरमनोहरः ॥
७४९९१ एकदा न विगृह्णीयाद्बहून् राजाभिघातिनः ।
७४९९२ सदर्पोऽप्युरगः कीटैर्बहुभिर्नाश्यते ध्रुवम् ॥
७५००१ एकदेशमुपाध्याय ऋत्विग्यज्ञकृदुच्यते ।
७५००२ एते मान्या यथापूर्वमेभ्यो माता गरीयसी ॥
७५०११ एकद्विकरणे हेतू महापातकपञ्चके ।
७५०१२ न तृणे मन्यते कोपकामौ यः पञ्च कारयन् ॥
७५०२१ एकद्वित्रिकलाक्रमेण शशिनं गृह्णन्विमुञ्चन्नयं  यच्चण्डद्युतिरातनोति भगवानद्यापि चान्द्रायणम् ।
७५०२२ देवैतद्भवदीयभास्वरभुजस्तम्भप्रतापानल  स्पर्धायै क्रमभुक्तलाञ्छनपशोर्नैतत्पुनः सेत्स्यति ॥
७५०३१ एकद्विप्रभृतिक्रमेण गणनामेषामिवास्तं यतां  कुर्वाणा समकोचयद्दशशतान्यम्भोजसंवर्तिकाः ।
७५०३२ भूयोऽपि क्रमशः प्रसारयति ताः संप्रत्यमूनुद्यतः  संख्यातुं सकुतूहलेव नलिनी भानोः सहस्रं करान् ॥
७५०४१ एकद्वेषु रसालशाखिषु मनागुन्मीलितं कुड्मलैः  कर्णाकर्णिकया मिथः कथममी घूर्णन्ति विश्वेऽध्वगाः ।
७५०४२ द्वित्रैः क्वापि किल श्रुताश्रुतमपि स्पष्टान्यपुष्टारुतं  विष्वङ्मूर्छति दुःसहो विरहिणीगेहेषु हाहारवः ॥
७५०५१ एकद्वैः किमभावि सूरिभिरथ द्वित्राणि मित्राणि किं  व्यापन्नानि गताश्च किं त्रिचतुरा घोरा महाव्याधयः ।
७५०५२ सप्ताष्टैरलमिष्टमेतदपि नश्चेतः क्षणान् पञ्चषान्  स्वात्मन्येव रमस्व तेजसि गते कालेऽथवा सर्वतः ॥
७५०६१ एकद्वैर्दिवसैर्भविष्यति मनाग्दोरन्तरं दन्तुरं  द्वित्रैरेव दिनैश्च लोचनपथं रोमावली यास्यति ।
७५०६२ किं चाभूदिव वासरैस्त्रिचतुरैश्चाञ्चल्यमस्या दृशोस् तज्जेतुं जगतीमनङ्ग किमतीवायासमालंबसे ॥
७५०७१ एकद्वैर्मधुबिन्दुभिर्मधुलिहः स्यादेव कुक्षिम्भरिः  कस्मिन् वा कुसुमे भवन्ति सुलभा तेऽमी पुनः पञ्चषाः ।
७५०७२ कालः कोऽपि स तादृशः परिणतो येनैकतृष्णाकुलो  यद्यत्पुष्पमुपागमत्कृपणवत्तेनास्य मा कुञ्चितम् ॥
७५०८१ एकधातुर्द्विखण्डः स्याद्यत्रोद्ग्राहस्ततः परम् ।
७५०८२ तृतीयं किंचिदुच्चं स्यात्खण्डं गमकशोभनम् ॥
७५०९१ एकनिभा यत्र मही  तृणतरुवल्मीकगुल्मपरिहीना ।
७५०९२ तस्यां यत्र विकारो  भवति धरित्र्यां जलं तत्र ॥
७५१०१ एकन्तु लोकवेदेभ्यः सारमाकृष्य कथ्यते ।
७५१०२ प्राणात्ययेऽपि न त्याज्यो न्याय्यो धर्मश्लथः पथः ॥
७५१११ एकपङ्क्त्युपविष्टानां विप्राणां सहभोजने ।
७५११२ यद्येकोऽपि त्यजेदन्नं सर्वैरुच्छिष्टभोजनम् ॥
७५१२१ एकपत्नीसमासक्तैर्भवद्भिः संहतैर्मिथः ।
७५१२२ स्थातव्यमप्रसादेन भेदमूलं हि योषितः ॥
७५१३१ एकपुंसा न गन्तव्यं काकसर्पस्य कारणात् ।
७५१३२ कर्कटस्य प्रसादेन ब्राह्मणो जीवितो यथा ॥
७५१४१ एकपुच्छश्चतुष्पादः ककुद्मान् लम्बकम्बलः ।
७५१४२ गोरपत्यं बलीवर्दो घासमत्ति सुखेन सः ॥
७५१५१ एकप्रियाचरणपद्मपरीष्टिजात  क्लेशस्य मे हृदयमुत्तरलीचकार ।
७५१५२ उद्भिन्ननिर्भरमनोभवभावमुग्ध  नानाङ्गनावदनचन्द्रमसां दिदृक्षा ॥
७५१६१ एकभवे रिपुपन्नगदुःखं  जन्मशतेषु मनोभवदुःखम् ।
७५१६२ चारुधियेति विचिन्त्य महान्तः  कामरिपुं क्षणतः क्षपयन्ति ॥
७५१६ १ एकभुक्तं सदारोग्यं द्विभुक्तं बलवर्द्धनम् ।
७५१६ २ त्रिभुक्तेर्व्याधिपीडा स्याच्चतुर्भुक्तेर्मृतिर्ध्रुवम् ॥
७५१७१ एकमपि क्षणं लब्ध्वा सम्यक्त्वं यो विमुञ्चति ।
७५१७२ संसारार्णवमुत्तीर्य लभते सोऽपि निर्वृतिम् ॥
७५१८१ एकमपि सतां सुकृतं  विकसति तैलं यथा जले न्यस्तम् ।
७५१८२ असतामुपकारशतं  संकुचति सुशीतले घृतवत् ॥
७५१९१ एकमप्यक्षरं यस्तु गुरुः शिष्यं प्रबोधयेत् ।
७५१९२ पृथिव्यां नास्ति तद्द्रव्यं यद्दत्वा सोऽनृणी भवेत् ॥
७५२०१ एकमप्यत्र यो बिन्दुं भक्षयेन्मधुनो नरः ।
७५२०२ सोऽपि दुःखवृषाकीर्णे पतते भवसागरे ॥
७५२११ एकमस्य परमेकमुद्यमं  निस्त्रपत्वमपरस्य वस्तुनः ।
७५२१२ नित्यमुष्णमहसा निरस्यते  नित्यमन्धतमसं प्रधावति ॥
७५२२१ एकमात्रो लघुः प्रोक्तो द्विमात्रश्च गुरुः स्मृतः ।
७५२२२ प्लुतस्त्रिमात्रको ज्ञेयो द्रुतः स्यादर्धमात्रकः ॥
७५२३१ एकमाशीविषो हन्ति शस्त्रेणैकश्च वध्यते ।
७५२३२ हन्ति विप्रः सराष्ट्राणि पुराण्यपि हि कोपितः ॥
७५२४१ एकमुत्कण्ठया व्याप्तमन्यद्दयितया हृतम् ।
७५२४२ चैतन्यमपरं धत्ते कियन्ति हृदयानि मे ॥
७५२५१ एकमेव गुणं प्राप्य नम्रतामगमद्धनुः ।
७५२५२ तवाशेषगुणा राज्ञः स्तब्धतेति सुविस्मयः ॥
७५२६१ एकमेव तु शूद्रस्य प्रभुः कर्म समादिशत् ।
७५२६२ एतेषामेव वर्णानां शुश्रूषामनसूयया ॥
७५२७१ एकमेव दहत्यग्निर्नरं दुरुपसर्पिणम् ।
७५२७२ कुलं दहति राजाग्निः सपशुद्रव्यसंचयम् ॥
७५२८१ एकमेव पुरस्कृत्य दश जीवन्ति मानवाः ।
७५२८२ विना तेन न शोभन्ते यथा संख्याङ्कबिन्दवः ॥
७५२९१ एकमेव बलिं बद्ध्वा जगाम हरिरुन्नतिम् ।
७५२९२ अस्यास्त्रिबलिबन्धेन सैव मध्यस्य नम्रता ॥
७५३०१ एकमेव हि दारिद्र्यं क्लिश्नाति सकलं जगत् ।
७५३०२ तमहं शाब्दिकं वन्दे यश्चकार नपुंसकम् ॥
७५३११ एकमेवाक्षि वामाक्षि रञ्जयाञ्जनलेखया ।
७५३१२ जायतामैन्दवे बिम्बे खञ्जनाम्बुजसंगमः ॥
७५३२१ एकमेवाद्वितीयं तद्यद्राजन्नावबुध्यसे ।
७५३२२ सत्यं स्वर्गस्य सोपानं पारावारस्य नौरिव ॥
७५३३१ एकया द्वे विनिश्चित्य त्रींश्चतुर्भिर्वशे कुरु ।
७५३३२ पञ्च जित्वा विदित्वा षट्सप्त हित्वा सुखी भव ॥
७५३४१ एकयापि कलया विशुद्धया  योऽपि कोऽपि भजते गिरीशताम् ।
७५३४२ भूयसीरपि कलाः कलङ्किताः  प्राप्य कश्चिदपचीयते शनैः ॥
७५३५१ एकयैव गुरोर्दृष्ट्या द्वाभ्यां वापि लभेत यत् ।
७५३५२ न तत्तिसृभिरष्टाभिः सहस्रेणापि कस्यचित् ॥
७५३६१ एकरद द्वैमातुर  निस्त्रिगुण चतुर्भुजोऽपि पञ्चकर ।
७५३६२ जय षण्मुखनुत सप्त  च्छदगन्धिमदाष्टतनुतनय ॥
७५३७१ एकवर्णं यथा दुग्धं बहुवर्णासु धेनुषु ।
७५३७२ तथा धर्मस्य वैचित्र्ये तत्त्वमेकं परं पुनः ॥
७५३८१ एकवर्णमिदं पूर्वं विश्वमासीद्युधिष्ठिर ।
७५३८२ कर्मक्रियाविभेदेन चातुर्वर्ण्यं प्रतिष्ठितम् ॥
७५३९१ एकवर्णो भवेद्यस्तु लक्षणैकेन संयुतः ।
७५३९२ स खड्गराजो नृपतेर्विज्ञेयः शुभकारकः ॥
७५४०१ एकवापीजलं पश्य इक्षौ मधुरतां व्रजेत् ।
७५४०२ निम्बे कटुकतां याति पात्रापात्राय भोजनम् ॥
७५४११ एकवापीभवं तोयं पात्रापात्रविशेषतः ।
७५४१२ आम्रे मधुरतामेति निम्बे कटुकतामपि ॥
७५४२१ एकविंशतिरादिष्टाः नरकाः शास्त्रपारगैः ।
७५४२२ गर्भवाससमीपे ते कलां नार्हन्ति षोडशीम् ॥
७५४३१ एकविंशतिवर्णाङ्घ्रिर्भवेच्शृङ्गारके रसे ।
७५४३२ कामदोऽभीष्टदः पुसां ताले तुरगलीलके ॥
७५४३३ ... ... ... ... ... ... ॥
७५४४१ एकविंशतिवारेण कुक्कुटस्यासृजोक्षितम् ।
७५४४२ तत्क्षणाद्दाडिमीबीजं वर्धते फलति ध्रुवम् ॥
७५४५१ एकविंशतिसंजप्तं जलं मन्त्रेण पाययेत् ।
७५४५२ यदा वान्तिस्तदा मृत्युर्न वान्तिर्जीवति ध्रुवम् ॥
७५४६१ एकविद्याप्रधानोऽपि बहुज्ञानी भवेन्नरः ।
७५४६२ सुभाषितानि शिक्षेत यानि शास्त्रोद्धृतानि वै ॥
७५४७१ एकवृक्षसमारूढा नानावर्णा विहंगमाः ।
७५४७२ प्रातर्दश दिशो यान्ति का तत्र परिदेवना ॥
७५४८१ एकवृक्षे यथा रात्रौ नानापक्षिसमागमः ।
७५४८२ प्रातर्दश दिशो यान्ति तद्वद्भूतसमागमः ॥
७५४९१ एकवेशाश्रयाज्जातेर्वर्णस्यापि प्रगोपनम् ।
७५४९२ यथा हस्तिपदेऽन्येषां लीयन्ते चरणा अपि ॥
७५५०१ एकशक्तिप्रहारेण म्रियतेऽश्वो नरोऽपि हि ।
७५५०२ सहेन्महाप्रहाराणां शतं युद्धेषु वारणः ॥
७५५११ एकशीलवयोविद्याजातिव्यसनवृत्तयः ।
७५५१२ साहचर्ये भवेन्मित्रमेभिर्यदि तु सार्जवैः ॥
७५५२१ एकश्चेत्पूर्वपुरुषः कुले यश्च बहुश्रुतः ।
७५५२२ अपरः पापकृन्मूर्खः कुलं कस्यानुवर्तते ॥
७५५३१ एकसार्थप्रयातानां सर्वेषां तत्र गामिनाम् ।
७५५३२ यस्य कालः प्रयात्यग्रे तत्र का परिदेवना ॥
७५५४१ एकसुकृतेन दुष्कृत  शतानि ये नाशयन्ति ते सेव्याः ।
७५५४२ न त्वेकदोषजनितो  येषां कोपः कृतशतघ्नः ॥
७५५५१ एकस्तपो द्विरध्यायी त्रिभिर्गीतं चतुः पथम् ।
७५५५२ सप्त पञ्च कृषीणां च सङ्ग्रामो बहुभिर्जनैः ॥
७५५७१ एकस्त्रिधा हृदि सदा वससि स्म चित्रं  यो विद्विषां च विदुषां च मृगीदृशां च ।
७५५७२ तापं च संमदरसं च रतिं च तन्वन्  शौर्योष्मणा च विनयेन च लीलया च ॥
७५५७ १ एकस्त्रेधा नयसुनिपुणैर्योगिभिः सेवकैर्वा  निर्बाधं यः सपदि विदितो भाति सर्वस्वरूपः ।
७५५७ २ सोऽयं नन्दव्रजमुपगतः साकमाभीरवृन्दैर् वृन्दारण्ये विहरति परानन्दभूतिर्मुकुन्दः ॥
७५५८१ एकस्त्वं गहनेऽस्मिन्  कोकिल न कलं कदाचिदपि कुर्याः ।
७५५८२ साजात्यशङ्कयामी  न त्वां निघ्नन्ति निर्दयाः काकाः ॥
७५५९१ एकस्त्वं मरुभूरुहेन्द्र विततैः शाखाशतैरञ्चितः  पुष्प्यत्पुष्पफलान्वितैरमृदितैर्जीव्याः सहस्रं समाः ।
७५५९२ अश्रान्तं श्रमरुग्णपान्थजनतासर्वार्थनिर्वाहणं  कस्त्वां सात्त्विकमन्तरेण भुवनं निर्मातु धर्माशयः ॥
७५६०१ एकस्त्वमावहसि जन्मनि संक्षये च  भोक्तुं स्वयं स्वकृतकर्मफलानुबन्धम् ।
७५६०२ अन्यो न जातु सुखदुःखविधौ सहायः  स्वाजीवनाय मिलितं विटपेटकं ते ॥
७५६११ एकस्थं जीवितेशे त्वयि सकलजगत्सारमालोकयामः  श्यामे चक्षुस्तवास्मिन् वपुषि निविशते नाल्पपुण्यस्य पुंसः ।
७५६१२ कस्यान्यत्रामृतेऽस्मिन् रतिरतिविपुला दृष्टिरेवामृतं ते  दैत्यैरित्युच्यमानो मुनिभिरपि हरिः स्त्रैणरूपोऽवताद्वः ॥
७५६२१ एकस्माद्वृक्षाद्यज्ञपात्राणि राजन्  स्रुक्च द्रोणी वोढनी पीडनी च ।
७५६२२ एतद्राजन् ब्रुवतो मे निबोध  एकस्मात्पुरुषाज्जायतेऽसच्च सच्च ॥
७५६३१ एकस्मिञ्जनिरावयोः समजनि स्वच्छे सरोवारिणि  भ्रातः काचिदिहैव कानिचिदहान्यत्र व्यतीतानि नौ ।
७५६३२ लब्धं तामरस त्वया मृगदृशां लीलावतंसास्पदं  शैवालं विलुठामि पामरवधूपादाहते पाथसि ॥
७५६४१ एकस्मिञ्शयने पराङ्गुखतया वीतोत्तरं ताम्यतोर् अन्योन्यस्य हृदि स्थितेऽप्यनुनये संरक्षतोर्गौरवम् ।
७५६४२ दम्पत्योः शनकैरपाङ्गवलनान्मिश्रीभवच्चक्षुषोर् भग्नो मानकलिः सहासरभसव्यावृत्तकण्ठग्रहः ॥
७५६५१ एकस्मिञ्शयने विपक्षरमणीनामग्रहे मुग्धया  सद्यःकोपपराङ्मुखग्लपितया चाटूनि कुर्वन्नपि ।
७५६५२ आवेगादवधीरितः प्रियतमस्तूष्णीं स्थितस्तत्क्षणं  मा भूत्सुप्त इवेत्यमन्दवलितग्रीवं पुनर्वीक्षितः ॥
७५६६१ एकस्मिञ्शयने सरोरुहदृशोर्विज्ञाय निद्रां तयोर् एकां पल्लवितावगुण्ठनपटामुत्कन्धरो दृष्टवान् ।
७५६६२ अन्यस्याः सविधं समेत्य निभृतव्यालोलहस्ताङ्गुलि  व्यापारैर्वसनाञ्चलं चपलयन् स्वापच्युतिं क्लिप्तवान् ॥
७५६७१ एकस्मिन् दिवसे मया विचरता प्राप्तः कथंचिन्मणिर् मूल्यं यस्य न विद्यते भवति चेत्पृथ्वी समस्ता ततः ।
७५६७२ सोऽयं दैववशादभूदतितरां काचोपमः साम्प्रतं  किं कुर्मः कमुपास्महे क्व स सुहृद्यस्यैतदावेद्यते ॥
७५६८१ एकस्मिन्नप्यतिक्रान्ते दिने धर्मविवर्जिते ।
७५६८२ दस्युभिर्मुषितस्येव हृदयं दह्यते चिरम् ॥
७५६९१ एकस्मिन्नयने भृशं तपति यः काले स दाहक्रमो  येनातन्यत यत्प्रकाशसमये नैशं पदं दुर्लभम् ।
७५६९२ सव्योमावयवस्य यस्य विदिता लोके प्रकाशस्थितिः  श्रीसूर्यः क्षणसेवितोऽपि हि महादेवः स नस्त्रायताम् ॥
७५७०१ एकस्मिन्नेव जायेते कुले क्लीबमहारथौ ।
७५७०२ फलाफलवती शाखे यथैकस्मिन् वनस्पतौ ॥
७५७११ एकस्मिन्मलयाचले बहुविधैः किं तैरकिंचित्करैः  काकोलूककपोतकोकिलकुलैरेकोऽपि पार्श्वस्थितः ।
७५७१२ केकी कूजति चेत्तदा विघटितव्यालावलीबन्धनः  सेव्यः स्यादिह सर्वलोकमनसामानन्दनश्चन्दनः ॥
७५७२१ एकस्मिन् यत्र निधनं प्रापिते दुष्टकारिणि ।
७५७२२ बहूनां भवति क्षेमं तस्य पुण्यप्रदो वधः ॥
७५७३१ एकस्मिन् विजिते चित्ते विजितं सकलं जगत् ।
७५७३२ अजिते तु पुनस्तस्मिन्न पुत्रोऽपि विनिर्जितः ॥
७५७४१ एकस्मिन् विनिपातितेऽपि शिरसि क्रोधोपशान्तिः कुतः  किंतु स्वानुनयाय मूर्धनिधनं दृष्टं न यत्रारिणा ।
७५७४२ त्वत्तो मूर्धबहुत्वतः फलमिदं सम्यङ्मया लभ्यते  छिन्नं छिन्नमवेक्ष्य राक्षसपते स्वं दुर्नयं ज्ञास्यसि ॥
७५७५१ एकस्मै पूर्णमन्यस्मै कृशं तुल्यगुणोदये ।
७५७५२ भेदाद्यदर्पितं रागद्वेषदानेन तेन किम् ॥
७५७६१ एकस्य कर्म संवीक्ष्य करोत्यन्योऽपि गर्हितम् ।
७५७६२ गतानुगतिको लोको न लोकः पारमार्थिकः ॥
७५७७१ एकस्य जन्मनोऽर्थे  मूढाः कुर्वन्ति यानि पापानि ।
७५७७२ जनयन्ति तानि दुःखं  तेषां जन्मान्तरसहस्रम् ॥
७५७८१ एकस्य तस्य मन्ये  धन्यामभ्युन्नतिं जलधरस्य ।
७५७८२ विश्वं सशैलकाननम्  आननमालोकते यस्य ॥
७५७९१ एकस्य दुःखस्य न यावदन्तं  गच्छाम्यहं पारमिवार्णवस्य ।
७५७९२ तावद्द्वितीयं समुपस्थितं मे  छिद्रेष्वनर्था बहुलीभवन्ति ॥
७५८०१ एकस्य विश्वपापेन तापेऽनन्ते निमज्जतः ।
७५८०२ कः श्रौतस्यात्मनो भीरो भारः स्याद्दुरितेन ते ॥
७५८११ एकस्य सृष्टिः परमेश्वरस्य  भिन्ना चतुर्धा विनियोगकाले ।
७५८१२ भोगे भवानी समरेषु दुर्गा  कोपेषु काली पुरुषेषु विष्णुः ॥
७५८२१ एकस्य हि प्रसादेन कृत्स्नो लोकः प्रसीदति ।
७५८२२ व्याकुलेनाकुलः सर्वो भवतीति विनिश्चयः ॥
७५८३१ एकस्यापि न यः शक्तो मनसः सन्निबर्हणे ।
७५८३२ महीं सागरपर्यन्तां कथं नु स विजेष्यते ॥
७५८४१ एकस्यापि मनोभुवस्तदबलापाङ्गैर्जगन्निर्जये  कामं निह्नुतसर्वविस्मयरसव्यक्तिप्रकारा वयम् ।
७५८४२ यस्त्वेनं सबलं च जेतुमभितस्तत्कम्पमात्रं भ्रुवोर् नारेभे सुगतस्तु तद्गुणकथा स्तम्भाय नः केवलम् ॥
७५८५१ एकस्याप्यतिथेरन्नं यः प्रदातुं न शक्तिमान् ।
७५८५२ तस्यानेकपरिक्लेशे गृहे किं वसतः फलम् ॥
७५८६१ एकस्यायमुदेति मूर्धनि गिरेरन्यस्य चैव क्रमाद् अस्तं याति कलानिधिस्तदुभयोरस्तः प्रशस्तोऽचलः ।
७५८६२ को नामोदयिनं करोति न शिरोमाणिक्यमस्तं पुनर् यातं यः कुरुते भवानिव स दुष्प्रापोऽयमुच्चैःशिराः ॥
७५८७१ एकस्यार्थाय यो हन्यादात्मनो वा परस्य वा ।
७५८७२ बहून् वै प्राणिनोऽथैकं भवेत्तस्येह पातकम् ॥
७५८८१ सुखमेधन्ति बहवो यस्मिंस्तु निहते सति ।
७५८८२ तस्मिन् हते नास्ति भद्रे पातकं नोपपातकम् ॥
७५८९१ एकस्यास्तपनकरैः करालिताया  बिभ्राणः सपदि सितोष्णवारणत्वम् ।
७५८९२ सेवायै वदनसरोजनिर्जितश्रीर् आगत्य प्रियमिव चन्द्रमाश्चकार ॥
७५९०१ एकस्यैव न पर्याप्तमस्ति यद्ब्रह्मकोशजम् ।
७५९०२ आशया वर्द्धितस्यास्ति तस्याल्पमपि पूर्तिकृत् ॥
७५९११ एकां कृत्वा तनुमनुपमां चन्द्रचूडेन सार्धं  यस्त्यक्तोऽर्धः सततविरहक्लेशभागी भवान्या ।
७५९१२ तेनाङ्गानां रचितमुचितं संविभक्तेन कर्तुं  नूनं दूनां तनुतनुलतां निर्ममे तां विरिञ्चिः ॥
७५९२१ एकाकिना तपो द्वाभ्यां पठनं गायनं त्रिभिः ।
७५९२२ चतुर्भिर्गमनं क्षेत्रं पञ्चभिर्बहुभी रणः ॥
७५९३१ एकाकिना न गन्तव्यं यदि कार्यशतं भवेत् ।
७५९३२ एककुक्कुटमात्रेण ब्राह्मणः परिरक्षितः ॥
७५९४१ एकाकिना न गन्तव्यं यदि कार्यशतान्यपि ।
७५९४२ कर्कटीजन्तुमात्रेण कालसर्पो निपातितः ॥
७५९५१ एकाकिनि वनवासिन्य् अराजलक्ष्मण्यनीतिशास्त्रज्ञे ।
७५९५२ सत्त्वोच्छ्रिते मृगपतौ  राजेति गिरः परिणमन्ति ॥
७५९६१ एकाकिनीं रहः क्षीबां लब्ध्वा दुर्लभयोषितम् ।
७५९६२ अप्रौढोऽनुपभुज्यान्यदिने दूत्यार्थयेत यः ॥
७५९७१ विभूतिं रभसावाप्तां यश्च संत्यज्य तत्क्षणम् ।
७५९७२ नीत्या कामयतेऽन्येद्युः शोच्यस्ताभ्यां परोऽस्ति कः ॥
७५९८१ एकाकिनी यदबला तरुणी तथाहम्  अस्मिन् गृहे गृहपतिश्च गतो विदेशम् ।
७५९८२ किं याचसे तदिह वासमियं वराकी  श्वश्रूर्ममान्धबधिरा ननु मूढ पान्थ ॥
७५९९१ एकाकिन्या मम गृहमिदं यामिको मामकोऽन्धः  का मे नोदेत्यहह मनसस्तस्करेणात्र भीतिः ।
७५९९२ दैवेनैवं यदि न सुखितः स्याः श्रमेण प्रसुप्तः  पान्थ ब्रूमः किमिह सदृशो नैष नैशो निवासः ॥
७६००१ एकाकी गृहसंत्यक्तः पाणिपात्रो दिगम्बरः ।
७६००२ सोऽपि संबाध्यते लोके तृष्णया पश्य कौतुकम् ॥
७६०११ एकाकी चिन्तयेन्नित्यं विविक्ते हितमात्मनः ।
७६०१२ एकाकी चिन्तयानो हि परं श्रेयोऽधिगच्छति ॥
७६०२१ एकाकी निःस्पृहः शान्तः पाणिपात्रो दिगम्बरः ।
७६०२२ कदा शंभो भविष्यामि कर्मनिर्मूलनक्षमः ॥
७६०३१ एकाक्षरप्रदातारं यो गुरुं नैव मन्यते ।
७६०३२ श्वानयोनिशतं गत्वा चाण्डालेष्वभिजायते ॥
७६०४१ एका गङ्गा प्रयागे मलयपरिसरे चन्दनं मौक्तिकाली  कान्ताकण्ठे हिमांशुर्वियति सरसि श्वेतमब्जं तथास्याः ।
७६०४२ कालिन्दी कालसर्पा मरकततरलो लाञ्छनं भृङ्गमालेत्य् एवं ते यत्र कीर्तिः परिणमति युता यत्र शत्रोरकीर्त्या ॥
७६०५१ एकाग्निकर्म हवनं त्रेतायां यच्च हूयते ।
७६०५२ अन्तर्वेद्यां च यद्दानमिष्टं तदभिधीयते ॥
७६०६१ एकाग्रः स्यादविवृतो नित्यं विवरदर्शकः ।
७६०६२ राजन् राज्यं सपत्नेषु नित्योद्विग्नः समाचरेत् ॥
७६०७१ एकाग्रताथ संकल्पः स्नायुवद्वर्द्धनक्षमौ ।
७६०७२ नित्याभ्यासप्रयोगाभ्यामधिकाधिकमृध्यतः ॥
७६०८१ एकाङ्घ्रिं विनिधाय कान्तचरणे तज्जानुदेशे परं  लीलोदञ्चितमध्यमा करयुगेणावर्ज्य तत्कन्धराम् ।
७६०८२ वक्षस्तस्य घनोन्नतस्तनभरेणापीड्य गाढं रसाद् आस्यं धन्यतमस्य पूर्णपुलका चन्द्रानना चुम्बति ॥
७६०९१ एकातपत्रं जगतः प्रभुत्वं  नवं वयः कान्तमिदं वपुश्च ।
७६०९२ अल्पस्य हेतोर्बहु हातुमिच्छन्  विचारमूढः प्रतिभासि मे त्वम् ॥
७६१०१ एकादशरुद्राणाम्  एका गौरीत्यनौचितीं मत्वा ।
७६१०२ राघव नृप तव यशसा  दशापि गौरीकृता हरितः ॥
७६१११ एकादशस्थे गोविन्दे सर्वेऽप्येकादशे स्थिताः ।
७६११२ किं कुर्वन्ति ग्रहाः सर्वे शनिरङ्गारको रविः ॥
७६१२१ एकादशाक्षरात्पादादेकैकाक्षरवर्धितैः ।
७६१२२ खण्डैर्ध्रुवाः षोडश स्युः षड्विंशत्यक्षरावधि ॥
७६१३१ एकानपाङ्गैरपरांस्तरङ्गैर् भ्रुवोर्विलासैरितरं च हासैः ।
७६१३२ विमोहयन्त्यन्यमहो रहोभिः  को वा कलां वेद कलावतीनाम् ॥
७६१४१ एकान्तमन्दिरगतं मदनोपमेयं  तल्पोपविष्टमतुलं रतिरूपरम्या ।
७६१४२ बाला चकोरनयना नयनातिथिं तं  कृत्वा नमद्वदनपङ्कजमाननाम ॥
७६१५१ एकान्तशान्तमेकं  मन्यन्ते मानवा निवासाख्यम् ।
७६१५२ उग्रस्य च शीतस्य च  नाशकरं कार्ययुग्मस्य ॥
७६१६१ एकान्तशीलस्य दृढव्रतस्य  सर्वेन्द्रियप्रीतिनिवर्तकस्य ।
७६१६२ अध्यात्मयोगे गतमानसस्य  मोक्षो ध्रुवं नित्यमहिंसकस्य ॥
७६१७१ एकान्तसुन्दरविधानजडः क्व वेधाः  सर्वाङ्गकान्तिचतुरं क्व च रूपमस्याः ।
७६१७२ मन्ये महेश्वरभयान्मकरध्वजेन  प्राणार्थिना युवतिरूपमिदं गृहीतम् ॥
७६१८१ एकान्तेन हि सर्वेषां न शक्यं तात रोचितुम् ।
७६१८२ मित्रामित्रमथो मध्यं सर्वभूतेषु भारत ॥
७६१९१ एकान्ते वनतो गृहं शशिमुखोऽप्यन्यादृशो दृश्यते  क्षिप्रं साधय यातु पुत्रि सुदिने भुक्त्वान्यमावासकम् ।
७६१९२ श्वश्र्वा संभ्रमिता किलेति बहुशः संप्रेरयन्त्या वधूः  पान्थं वीक्ष्य बभञ्ज सस्मितमुखी सैवार्धसिद्धौदनम् ॥
७६२०१ एकान्ते विजने देशे पवित्रे निरुपद्रवे ।
७६२०२ कम्बलाजिनवस्त्राणामुपर्यासनमभ्यसेत् ॥
७६२११ एकान्ते विजने रम्ये पवित्रे निरुपद्रवे ।
७६२१२ सुखासने समाधिः स्याद्वस्त्राजिनकुशोत्तरे ॥
७६२२१ एकान्ते सुखमास्यता परतरे चेतः समाधीयतां  प्राणात्मा सुसमीक्ष्यतां जगदिदं तद्व्यापितं दृश्यताम् ।
७६२२२ प्राक्कर्म प्रविलोप्यतां चितिबलान्नाप्युत्तरे श्लिष्यतां  प्रारब्धं त्विह भुज्यतामथ परब्रह्मात्मनास्थीयताम् ॥
७६२३१ एकापवर्गसमये जगतोऽपवर्गः  सर्वापवर्गसमये पुनरस्तशङ्कः ।
७६२३२ ईदृग्विधं कमपि पक्षमिहावलम्ब्य  स्थातुं सुखं क्षममनेन पथा प्रवृत्तैः ॥
७६२४१ एकापि पञ्चशान्ता  तारा वाञ्छाप्तये शुभासीना ।
७६२४२ लाभ उभाभ्यामधिकस् तिस्रो राज्याय यात्रायाम् ॥
७६२५१ एका प्रसूयते माता द्वितीया वाक्प्रसूयते ।
७६२५२ वाग्जातमधिकं प्रोचुः सोदर्यादपि बान्धवात् ॥
७६२६१ एका भार्या त्रयः पुत्रा द्वौ हलौ दश धेनवः ।
७६२६२ कल्पकालावसानेऽपि न ते यास्यन्ति विक्रियाम् ॥
७६२७१ एका भार्या त्रयः पुत्रा द्वौ हलौ दश धेनवः ।
७६२७२ ग्रामेवासः पुरासत्रैः स्वर्गादपि मनोहरः ॥
७६२८१ एका भार्या प्रकृतिमुखरा चञ्चला च द्वितीया  पुत्रस्त्वेको भुवनविजयी मन्मथो दुर्निवारः ।
७६२८२ शेषः शय्या शयनमुदधौ वाहनं पन्नगारिः  स्मारं स्मारं स्वगृहचरितं दारुभूतो मुरारिः ॥
७६२९१ एकाभूत्कुसुमायुधेषुधिरिव प्रव्यक्तपुङ्खावली  जेतुर्मङ्गलपालिकेव पुलकैरन्या कपोलस्थली ।
७६२९२ लोलाक्षीं क्षणमात्रभाविविरहक्लेशासहां पश्यतो  द्रागाकर्णयतश्च वीर भवतः प्रौढाहवाडम्बरम् ॥
७६३०१ एका भूरुभयोरैक्यमुभयोर्दलकाण्डयोः ।
७६३०२ शालिश्यामाकयोर्भेदः फलेन परिचीयते ॥
७६३११ एकामधीत्य विद्यां  बिभेति बहुविद्यपरिषदं प्राप्तः ।
७६३१२ क्वासन्नशस्त्रनिकरः  कुत्रैकशरः पुनः पुरुषः ॥
७६३२१ एकामिषप्रभवमेव सहोदराणाम्  उज्जृम्भते जगति वैरमिति प्रसिद्धम् ।
७६३२२ पृथ्वीनिमित्तमभवत्कुरुपाण्डवानां  तीव्रस्तथा हि भुवनक्षयकृद्विरोधः ॥
७६३३१ एकामिषाभिलाषो हि बीजं वैरमहातरोः ।
७६३३२ तिलोत्तमाभिलाषो हि यथा सुन्दोपसुन्दयोः ॥
७६३४१ एकाम्भोधीकृतायां भुवि जगदखिलं निर्जनीकृत्य खेलन्  देवः कालीसहायः प्रसभविहरणोन्मुक्तलीलाट्टहासः ।
७६३४२ सद्यो दंष्ट्रांशुभिन्ने तमसि निजवपुर्बिम्बमालोक्य कस्त्वं  कस्त्वं ब्रूहीति कोपादभिदधदभयं भैरवश्चेष्टतां वः ॥
७६३५१ एकारिमित्रयोश्चेत् परस्परं भूपयोर्भेदः ।
७६३५२ तदुपरि परिणतनीतिः  सुखमभियोगं करोतु गतभीतिः ॥
७६३६१ एकारौकारयुक्ता हरिहरिजहराः पञ्च बाणाः स्मरस्य  ख्याता लक्ष्याण्यमीषां हृदयकुचदृशो मूर्ध्नि गुह्ये क्रमेण ।
७६३६२ मर्मस्वेतेषु भूयो निजनयनधनुःप्रेरितैस्तैः पतद्भिः  स्यन्दन्ते सुन्दरीणां ज्वलदनलनिभैर्बिन्दवः कामवाराम् ॥
७६३७१ एकार्थां सम्यगुद्दिश्य यात्रां यत्र हि गच्छतः ।
७६३७२ य संहतप्रयाणस्तु सन्धिः संयोग उच्यते ॥
७६३८१ एकार्थाभिनिवेशित्वमरिलक्षणमुच्यते ।
७६३८२ दारुणस्तु स्मृतः शत्रुर्विजिगीषुगुणान्वितः ॥
७६३९१ एकावलीकलितमौक्तिककैतवेन  कस्याश्चिदुन्नतपयोधरयुग्मसेवाम् ।
७६३९२ चक्रुर्मनांसि यमिनामतिनिर्मलानि  कंदर्पमुक्तशरपातकृतान्तराणि ॥
७६४०१ एकावस्थितिरस्तु वः पुरमुरप्रद्वेषिणोर्देवयोः  प्रालेयाञ्जनशैलशृङ्गसुभगच्छायाङ्गयोः श्रेयसे ।
७६४०२ तार्क्ष्यत्रासविहस्तपन्नगफटा यस्यां जटापालयो  बालेन्दुद्युतिकोशसुप्तजलजो यस्यां च नाभीह्रदः ॥
७६४११ एका वा दुग्धिका तुम्बी शङ्खपुष्पी जटा धृता ।
७६४१२ कण्ठदन्तोद्भवा भूतवेदनाहरणक्षमा ॥
७६४२१ एकासनस्था जलवायुभक्षा  मुमुक्षवस्त्यक्तपरिग्रहाश्च ।
७६४२२ पृच्छन्ति तेऽप्यम्बरचारिचारं  दैवज्ञमन्ये किमुतार्थचित्ताः ॥
७६४३१ एकाहं जपहीनस्तु सन्ध्याहीनो दिनत्रयम् ।
७६४३२ द्वादशाहमनग्निस्तु शूद्र एव न संशयः ॥
७६४४१ एकाहनिष्पन्नमहाप्रबन्धः  श्रीसिद्धराजप्रतिपन्नबन्धुः ।
७६४४२ श्रीपालनामा कविचक्रवर्त्ती  प्रशस्तिमेतामकरोत्प्रशस्ताम् ॥
७६४५१ एकाहमपि कौन्तेय भूयिष्ठमुदकं कुरु ।
७६४५२ कुलं तारयते तात सप्त सप्त च सप्त च ॥
७६४६१ एकाहारेण संतुष्टः षट्कर्मनिरतः सदा ।
७६४६२ ऋतुकालाभिगामी च स विप्रो द्विज उच्यते ॥
७६४७१ एकिकेव निजवृन्दमध्यगाप्य् उच्चुकूज सभयं सितच्छदी ।
७६४७२ दन्तमूलमसकृच्च संशयाद् आममर्श करिणः करेणुका ॥
७६४८१ एकीकृतस्त्वचि निषिक्त इवावपीड्य  निर्भुग्नपीनकुचकुड्मलयानया मे ।
७६४८२ कर्पूरहारहरिचन्दनचन्द्रकान्त  निष्यन्दशैवलमृणालहिमादिवर्गः ॥
७६४९१ एकीकृत्य किमोषधीपतिरसैराकाशभाण्डोदरे  फुल्लत्पङ्कजिनीजनाम्बुजमुखध्मातैः समन्तान्मुहुः ।
७६४९२ काष्ठोत्थारुणदीप्तिवह्निपटलैराताप्य सम्यग्भृशं  तारापारदमारणं वितनुते वैद्योऽनवद्यो रविः ॥
७६५०१ एकीभावं गतयोर् जलपयसोर्मित्रचेतसोश्चैव ।
७६५०२ व्यतिरेककृतौ शक्तिर् हंसानां दुर्जनानां च ॥
७६५११ एकीभूय स्फुटमिव किमप्याचरद्भिः प्रलीनैर् एभिर्भूतैः स्मर कति कृताः स्वान्त ते विप्रलम्भाः ।
७६५१२ तस्मादेषां त्यज परिचयं चिन्तय स्वव्यवस्थाम्  आभाषस्ते किमु न विदितः खण्डितः पण्डितः स्यात् ॥
७६५२१ एके कुटीरकोणेऽपि न लक्ष्यन्ते स्थिताः क्वचित् ।
७६५२२ अन्येषां विभवस्यैतद्ब्रह्माण्डमपि संकटम् ॥
७६५३१ एके केचित्यतिकरगताः पात्रसंज्ञां लभन्ते  गायन्त्यन्ये सरसमधुरं वीणया संप्रयुक्ताः ।
७६५३२ एके तेषां सहगतिवशाद्दुस्तरं तारयन्ति  केचित्तेषां ज्वलितहृदया रक्तमेवापिबन्ति ॥
७६५४१ एके तुम्बा व्रतिकरगताः पात्रतामानयन्ति  गायन्त्यन्ये सरसमधुरं शुद्धवंशे विलग्नाः ।
७६५४२ एके तावद्ग्रथितसगुणा दुस्तरं तारयन्ति  तेषां मध्ये ज्वलितहृदया रक्तमेके पिबन्ति ॥
७६५५१ एकेऽद्य प्रातरपरे पश्चादन्ये पुनः परे ।
७६५५२ सर्वे निःसीम्नि संसारे यान्ति कः केन शोच्यते ॥
७६५६१ एकेन केनचिदनर्घमणिप्रभेण  काव्यं चमत्कृतिपदेन विना सुवर्णम् ।
७६५६२ निर्दोषलेशमपि रोहति कस्य चित्ते  लावण्यहीनमिव यौवनमङ्गनानाम् ॥
७६५७१ एकेन केनापि गुणेन नीचोऽप्य् उच्चैः प्रतिष्ठां लभते जगत्सु ।
७६५७२ दृष्टान्तमग्रे मृदुताप्रसिद्धो  दोषाकरोऽप्युच्चपदं प्रपन्नः ॥
७६५८१ एकेन चुलुकेनाब्धिर्निपीतः कुम्भयोनिना ।
७६५८२ तस्योदयेऽतः कालुष्यं त्यजन्त्यापो भयादिव ॥
७६५९१ एकेन चूर्णकुन्तलम्  अपरेण करेण चिबुकमुन्नमयन् ।
७६५९२ पश्यामि बाष्पधौत  श्रुति नगरद्वारि तद्वदनम् ॥
७६६०१ एकेन चेत्परिहृतोऽसि महेश्वरेण  किं खेदमावहसि केतक निर्गुणोऽसौ ।
७६६०२ अन्ये न किं जगति सन्ति परं गुणज्ञा  ये त्वां वहन्ति शिरसा नरदेवदेवाः ॥
७६६११ एकेन तिष्ठताधस्तादन्येनोपरि तिष्ठता ।
७६६१२ दातृयाचकयोर्भेदः कराभ्यामेव सूचितः ॥
७६६२१ एकेन प्रियसाक्षिणा जितवती वीणां वचोभिर्निजैर् गत्या मन्दिर एव विश्वगमनं हंसं जिगायाचिरात् ।
७६६२२ वक्त्रेणाद्वयमोदिनेन्दुमजयत्सर्वप्रमोदप्रदं  दृष्ट्या लक्ष्यपदाग्रयेव दलयत्यम्भोरुहाणां मदम् ॥
७६६३१ एकेन राजहंसेन या शोभा सरसोऽभवत् ।
७६६३२ न सा बकसहस्रेण परितस्तीरवासिना ॥
७६६४१ एकेन रोमनालेन जातं पङ्केरुहद्वयम् ।
७६६४२ ज्ञात्वाधो धनमस्यास्ति खनन्ति निशि रागिणः ॥
७६६५१ एकेन शुष्कवृक्षेण दह्यमानेन वह्निना ।
७६६५२ दह्यते तद्वनं सर्वं कुपुत्रेण कुलं यथा ॥
७६६६१ एकेन संधिः कलहोऽपरेण  कार्योऽभितो वा प्रसमीक्ष्य वृद्धिम् ।
७६६६२ एवं प्रयुञ्जीत जिगीषुरेता  नीतीर्विजानन्नहितात्मसारम् ॥
७६६७१ एकेन स्मितपाटलाधररुचो जल्पन्त्यनल्पाक्षरं  वीक्षन्तेऽन्यमितः स्फुटत्कुमुदिनीफुल्लोल्लसल्लोचनाः ।
७६६७२ दूरोदारचरित्रचित्रविभवं ध्यायन्ति चान्यं धिया  केनेत्थं परमार्थतोऽर्थवदिव प्रेमास्ति वामभ्रुवाम् ॥
७६६८१ एकेनांशेन धर्मार्थः कर्तव्यो भूतिमिच्छता ।
७६६८२ एकेनांशेन कामार्थ एकमंशं विवर्धयेत् ॥
७६६९१ एकेनाक्ष्णा परिततरुषा वीक्षते व्योमसंस्थं  भानोर्बिम्बं सजललुलितेनापरेणात्मकान्तम् ।
७६६९२ अह्नश्छेदे दयितविरहा शङ्किनी चक्रवाकी  द्वौ संकीर्णौ रचयति रसौ नर्तकीव प्रगल्भा ॥
७६७०१ एकेनापाति लत्ता पतिवपुषि परेणापि पीतः पिता ते  भ्रातान्येनापि शप्तस्त्रिभुवनतलतोऽन्येन निर्वासितासि ।
७६७०२ सद्यः श्रीवीरभूपस्तृणमिव मनुते त्वां सरोजालये यन्  मातस्तज्जातिमात्रप्रणयिनि मयि तन्मा स्म कोपं विदध्याः ॥
७६७११ एकेनापाति लत्ता पतिवपुषि परेणापि पीतोऽस्ति तातो  भ्राता शप्तः परेण त्रिभुवनतलतोऽन्येन निष्कासितासि ।
७६७१२ छन्नं गेहं परेणाऽकलि च तदपरेणास्ति सापत्न्यशीला  तस्मान्नित्यं द्विजेभ्यो मधुरिपुमहिले त्वं वियुक्तासि मन्ये ॥
७६७२१ एकेनापि गुणवता  जातिविशुद्धेन चारुकृत्येन ।
७६७२२ स्वकुलमलंकृतमखिलं  मुकुटं मुक्ताफलेनेव ॥
७६७३१ एकेनापि गुणवता विद्यायुक्तेन साधुना ।
७६७३२ कुलं पुरुषसिंहेन चन्द्रेणेव प्रकाश्यते ॥
७६७४१ एकेनापि गुणेनर्द्धो लभते स्पृहणीयताम् ।
७६७४२ काकल्यैव पिको लोकैर्मोद्यते मलिनोऽप्यसौ ॥
७६७५१ एकेनापि गुणेनाहो स्पृहणीयो नरो भवेत् ।
७६७५२ कलाभृत्त्येन रुचिरश्चन्द्रो दोषाकरोऽपि सन् ॥
७६७६१ एकेनापि पयोधिना जलमुचस्ते पूरिताः कोटिशो  जातो नास्य कुशाग्रलीनतुहिनश्लक्ष्णोऽपि तोयव्ययः ।
७६७६२ आहो शुष्यति दैवदृष्टिवलनादम्भोभिरम्भोमुचः  संभूयापि विधातुमस्य रजसि स्तैमित्यमप्यक्षमाः ॥
७६७७१ एकेनापि विनीतेन सुतेनोद्ध्रियते कुलम् ।
७६७७२ गङ्गावतारणापारप्रथं पश्य भगीरथम् ॥
७६७८१ एकेनापि सुधीरेण सोत्साहेन रणं प्रति ।
७६७८२ सोत्साहं जायते सैन्यं भग्ने भङ्गमवाप्नुयात् ॥
७६७९१ अत एव हि वाञ्छन्ति भूपा योधान्महाबलान् ।
७६७९२ शूरान् धीरान् कृतोत्साहान् वर्जयन्ति च कातरान् ॥
७६८०१ एकेनापि सुपुत्रेण जायमानेन सत्कुलम् ।
७६८०२ शशिना चैव गगनं सर्वदैवोज्ज्वलीकृतम् ॥
७६८११ एकेनापि सुपुत्रेण विद्यायुक्तेन साधुना ।
७६८१२ आह्लादितं कुलं सर्वं यथा चन्द्रेण शर्वरी ॥
७६८२१ एकेनापि सुपुत्रेण विद्यायुक्तेन साधुना ।
७६८२२ कुलमुज्ज्वलतां याति चन्द्रेण गगनं यथा ॥
७६८३१ एकेनापि सुपुत्रेण सिंही स्वपिति निर्भयम् ।
७६८३२ सहैव दशभिः पुत्रैर्भारं वहति गर्दभी ॥
७६८४१ एकेनापि सुवृक्षेण पुष्पितेन सुगन्धिना ।
७६८४२ वासितं तद्वनं सर्वं सुपुत्रेण कुलं यथा ॥
७६८५१ एकेनापि हि शूरेण पादाक्रान्तं महीतलम् ।
७६८५२ क्रियते भास्करेणेव स्फारस्फुरिततेजसा ॥
७६८६१ एकेनैव चिराय कृष्ण भवता गोवर्धनोऽयं धृतः  श्रान्तोऽसि क्षणमास्स्व सांप्रतममी सर्वे वयं दध्महे ।
७६८६२ इत्युल्लासितदोष्णि गोपनिवहे किंचिद्भुजाकुण्चन  न्यञ्चच्छैलभरार्दिते विरमति स्मेरो हरिः पातु वः ॥
७६८७१ एकेनैव हि कश्चिद् गुणेन जगति प्रसिद्धिमुपयाति ।
७६८७२ एकेन करेण गजः  करी न सूर्यः सहस्रेण ॥
७६८८१ एकेनोद्धृत्य खङ्गं हृदि पतितमिषुं पाणिनैकेन भञ्जन्  भ्रूभेदालंकृतास्यः सरभसनयनः स्पष्टदष्टाधरोष्ठः ।
७६८८२ भीतैः क्रव्यादवृन्दैरनुपहततनुः कुञ्जरेन्द्रोपधानः  शेते योधप्रधानो यदि मरणमिदं लभ्यते किं जयेन ॥
७६८९१ एकेयं रसना न शब्दमभजद्भेजेऽनुवारं परा  नेत्रं किंचिदनूरुसङ्गमभवज्जातोरुसङ्गं परम् ।
७६८९२ रागः कश्चन निर्जगाम हृदयात्तस्थौ तथैवापरो  बाह्ये सत्पुलकोऽन्तरे विपुलको जातोऽङ्कभूसंभ्रमः ॥
७६९०१ एके वारिनिधौ प्रवेशमपरे लोकान्तरालोकनं  केचित्पावकयोगितां निजगदुः क्षीणेऽह्नि चण्डार्चिषः ।
७६९०२ मिथ्या चैतदसाक्षिकं प्रियसखि प्रत्यक्षतीव्रातपं  मन्येऽहं पुनरध्वनीनरमणीचेतोऽधिशेते रविः ॥
७६९११ एकेषां वाचि शुकवदन्येषां हृदि मूकवत् ।
७६९१२ हृदि वाचि तथान्येषां वल्गु वल्गन्ति सूक्तयः ॥
७६९२१ एके सत्पुरुषाः परार्थघटकाः स्वार्थं परित्यज्य ये  सामान्यास्तु परार्थमुद्यमभृतः स्वार्थाविरोधेन ये ।
७६९२२ तेऽमी मानुषराक्षसाः परहितं स्वार्थाय निघ्नन्ति ये  ये तु घ्नन्ति निरर्थकं परहितं ते के न जामीमहे ॥
७६९३१ एकैकमक्षविषयं भजताममीषां  संपद्यते यदि कृतान्तगृहातिथित्वम् ।
७६९३२ पञ्चाक्षगोचररतस्य किमस्ति वाच्यम्  अक्षार्थमित्यमलधीरधियस्त्यजन्ति ॥
७६९४१ एकैकशोऽपि निघ्नन्ति विषया विषसंनिभाः ।
७६९४२ क्षेमी तु स कथं नु स्याद्यः समं पञ्च सेवते ॥
७६९५१ एकैकशो युवजनं  विलङ्घमानाक्षनिकरमिव तरला ।
७६९५२ विश्राम्यति सुभग त्वाम्  अङ्गुलिरासाद्य मेरुमिव ॥
७६९६१ एकैकशो विनिघ्नन्ति विषया विषसंनिभाः ।
७६९६२ किं पुनः पञ्च मिलिताः न कथं नाशयन्ति हि ॥
७६९७१ एकैकस्य यदादाय पुष्पस्य मधु संचितम् ।
७६९७२ किंचिन्मधुकरीवर्गैस्तदप्यश्नन्ति निर्घृणाः ॥
७६९८१ एकैकस्य शरस्यैव चतुष्पक्षाणि योजयेत् ।
७६९८२ षडङ्गुलप्रमाणेन पक्षच्छेदं च कारयेत् ॥
७६९९१ एकैकस्योपकारस्य प्राणान् दास्यामि ते कपे ।
७६९९२ प्रत्यहं क्रियमाणस्य शेषस्य ऋणिनो वयम् ॥
७७००१ एकैकातिशयालवः परगुणज्ञानैकवैज्ञानिकाः  सन्त्येते धनिकाः कलासु सकलास्वाचार्यचर्याचणाः ।
७७००२ अप्येते सुमनोगिरां निशमनाद्बिभ्यत्यहो श्लाघया  धूते मूर्धनि कुण्डले कषणतः क्षीणे भवेतामिति ॥
७७०११ एकैकोऽसंख्यजीवानां घाततो मधुनः कणः ।
७७०१२ निष्पद्यते यतस्तेन मध्वश्नाति कथं बुधः ॥
७७०२१ एकैव कविता पुंसां ग्रामायाश्वाय हस्तिने ।
७७०२२ अन्ततोऽन्नाय वस्त्राय ताम्बूलाय च कल्पते ॥
७७०३१ एकैव काचिन्महतामवस्था  सूक्ष्माणि वस्त्राण्यथवा च कन्था ।
७७०३२ कराग्रलग्नाभिनवा च बाला  गङ्गातरङ्गेष्वथवाक्षमाला ॥
७७०४१ एकैव दण्डनीतिस्तु विद्येत्यौशनसाः स्थिताः ।
७७०४२ तस्यां हि सर्वविद्यानामारम्भाः संप्रतिष्ठिताः ॥
७७०५१ एकैव संगमे बाला वियोगे तन्मयं जगत् ।
७७०५२ कृतोपकार एवायं वियोगः केन निन्द्यते ॥
७७०६१ एकैव सामृतमयी सुतरामनर्घ्या  काप्यस्त्यसौ हिमकरस्य कला ययैव ।
७७०६२ आरोपितो गुणविदा परमेश्वरेण  चूडामणौ न गणितोऽस्य कलङ्कदोषः ॥
७७०७१ एकैव सार्थका चिन्ता धर्मस्यार्थे विचिन्त्यते ।
७७०७२ द्वितीया सार्थका चिन्ता योगिनां धर्मनन्दिनी ॥
७७०८१ एकैश्वर्ये स्थितोऽपि प्रणतबहुफले यः स्वयं कृत्तिवासाः  कान्तासंमिश्रदेहोऽप्यविषयमनसां यः परस्ताद्यतीनाम् ।
७७०८२ अष्टाभिर्यस्य कृत्स्नं जगदपि तनुभिर्बिभ्रतो नाभिमानः  सन्मार्गालोकनाय व्यपनयतु स वस्तामसीं वृत्तिमीशः ॥
७७०९१ एको गिरिशः स्वामी  गणता तुल्यैव वल्लभत्वं च ।
७७०९२ किं कुर्मः कर्मगतौ  शुष्यति भृङ्गी विनायकः पीनः ॥
७७१०१ एको गोत्रे पुमान् प्रोक्तः प्राक्तनैः स्वकुटुम्बभृत् ।
७७१०२ एकोऽप्यनेकः पुरुषः परेषां भरणक्षमः ॥
७७१११ एको जयति सद्वृत्तः किं पुनर्द्वौ सुसंहतौ ।
७७११२ किं चित्रं यदि तन्वङ्ग्याः स्तनाभ्यां निर्जितं जगत् ॥
७७१२१ एको जीवो बहवो देहा  एकं तत्त्वं बहवो मोहाः ।
७७१२२ एका विद्या बहुपाषण्डा  विबुधैः क्रियते किमिति वितण्डा ॥
७७१३१ एकोदरसमुद्भूता एकनक्षत्रजातकाः ।
७७१३२ न भवन्ति समाः शीले यथा बदरकण्टकाः ॥
७७१४१ एकोदराः पृथग्ग्रीवा अन्यान्यफलभक्षिणः ।
७७१४२ असंहता विनश्यन्ति भारुण्डा इव पक्षिणः ॥
७७१५१ एको दाशरथिः कामं यातुधानाः सहस्रशः ।
७७१५२ ते तु यावन्त एवाजौ तावांश्च ददृशे स तैः ॥
७७१६१ एको देवः केशवो वा शिवो वा  एकं मित्रं भूपतिर्वा यतिर्वा ।
७७१६२ एको वासः पत्तने वा वने वा  एका भार्या सुन्दरी वा दरी वा ॥
७७१७१ एको धर्मः परं श्रेयः क्षमैका शान्तिरुत्तमा ।
७७१७२ विद्यैका परमा दृष्टिरहिंसैका सुखावहा ॥
७७१८१ एको न रोपितो यावदुत्पन्नोऽयं व्रणोऽपरः ।
७७१८२ सत्यः प्रवादो यच्छिद्रेष्वनर्था यान्ति भूरिताम् ॥
७७१९१ एकोना विंशतिः स्त्रीणां स्नानार्थं सरयूं गता ।
७७१९२ विंशतिः पुनरायाता एको व्याघ्रेण भक्षितः ॥
७७२०१ एकोना विंशतिर्नार्यः क्रीडां कर्तुं वने गताः ।
७७२०२ विंशतिर्गृहमायाताः शेषो व्याघ्रेण भक्षितः ॥
७७२११ एको नेता क्षत्रियो वा द्विजो वा  चैका विद्यान्वीक्षिकी वा त्रयी वा ।
७७२१२ एका भार्या वंशजा वा प्रिया वाप्य् एकं मित्रं भूपतिर्वा यतिर्वा ॥
७७२२१ एकोऽन्ते द्विसमस्त्रिलोचन इति ख्यातश्चतुर्भिः स्तुतो  वेदैः पञ्चमुखः षडाननपिता सप्तर्षिभिर्वन्दितः ।
७७२२२ अष्टाङ्गो नवतुल्य आमरगणे वासो दशाशा दधत् स्वश्चैकादश सोऽवतान्न विजितो यो द्वादशात्मांशुभिः ॥
७७२३१ एकोऽपि कृष्णस्य कृतः प्रणामो  दशाश्वमेधावभृथेन तुल्यः ।
७७२३२ दशाश्वमेधी पुनरेति जन्म  कृष्णप्रणामी न पुनर्भवाय ॥
७७२४१ एकोऽपि कोऽपि सेव्यो यः क्षीणं क्षीणं पुनर्नवम् ।
७७२४२ अनुद्विग्नं करोत्येव सूर्यश्चन्द्रमसं यथा ॥
७७२५१ एकोऽपि गुणवान् पुत्रो निर्गुणेन शतेन किम् ।
७७२५२ एकश्चन्द्रस्तमो हन्ति न च ताराः सहस्रशः ॥
७७२६१ एकोऽपि गुणवान् पुत्रो निर्गुणैः किं शतैरपि ।
७७२६२ एकश्चन्द्रो जगन्नेत्रं नक्षत्रैः किं प्रयोजनम् ॥
७७२७१ एकोऽपि गुणवान् पुत्रो मा निर्गुणशतं भवेत् ।
७७२७२ एकश्चन्द्रस्तमो हन्ति न च ताराः सहस्रशः ॥
७७२८१ एकोऽपि जीयते हन्त कालिदासो न केनचित् ।
७७२८२ शृङ्गारे ललितोद्गारे कालिदासत्रयी किमु ॥
७७२९१ एकोऽपि त्रय इव भाति कन्दुकोऽयं  कान्तायाः करतलरागरक्तरक्तः ।
७७२९२ भूमौ तच्चरणनखांशुगौरगौरः  स्वःस्थः सन्नयनमरीचिनीलनीलः ॥
७७३०१ एकोऽपि यः सकलकार्यविधौ समर्थः  सत्त्वाधिको भवतु किं बहुभिः प्रसूतैः ।
७७३०२ चन्द्रः प्रकाशयति दिङ्मुखमण्डलानि  तारागणः समुदितोऽप्यसमर्थ एव ॥
७७३११ एकोऽपि यत्र नगरे प्रसिद्धः स्याद्धनुर्घरः ।
७७३१२ ततो यान्त्यरयो दूरं मृगाः सिंहगृहादिव ॥
७७३२१ एकोऽपि वारणपतिर्द्विषतामनीकं  युक्तं निहन्ति मदसत्त्वगुणोपपन्नः ।
७७३२२ नागेषु हि क्षितिभृतां विजयो निबद्धस् तस्माद्गजाधिकबलो नृपतिः सदा स्यात् ॥
७७३३१ एकोऽपि सिंहः साहस्रं यूथं मथ्नाति दन्तिनाम् ।
७७३३२ तस्मात्सिंहमिवोदारमात्मानं वीक्ष्य संपतेत् ॥
७७३४१ एकोऽप्यमात्यो मेधावी शूरो दक्षो विचक्षणः ।
७७३४२ राजानं राजमात्रं वा प्रापयेन्महतीं श्रियम् ॥
७७३५१ एको बटुर्दर्भकुशाग्रपाणिर् वने वनैः सिञ्चति बालचूतान् ।
७७३५२ आम्राश्च सिक्ताः पितरश्च तृप्ता  एका क्रिया द्व्यर्थकरी प्रसिद्धा ॥
७७३६१ एको बहूनां मूर्खाणां मध्ये निपतितो बुधः ।
७७३६२ पद्मः पाथस्तरङ्गाणामिव विप्लवते ध्रुवम् ॥
७७३७१ एको बाणः स्फुरति वलितालोकनं कामिनीनां  कामस्यान्यो मलयपवनः कामिनां मर्मभेदी ।
७७३७२ वीणावेणुक्वणितमपरश्चूतपुष्पं तुरीयः  सर्वोत्कण्ठप्रथमसचिवः पञ्चमः पञ्चमोऽपि ॥
७७३८१ एको भवान्मम समं दश वा नमन्ति  ज्याघोषपूरितवियन्ति शरासनानि ।
७७३८२ तल्लोकपालसहितः सह लक्ष्मणेन  चापं गृहाण सदृशं क्षणमस्तु युद्धम् ॥
७७३९१ एको भावः सदा शस्तो यतीनां भावितात्मनाम् ।
७७३९२ श्रीलुब्धानां न लोकानां विशेषेण महीभुजाम् ॥
७७४०१ एकोऽभूत्पुलिनात्ततस्तु नलिनाच्चान्योऽपि नाकोरभूत् प्राच्यास्ते त्रय एव दिव्यकवयो दीव्यन्तु देव्या गिरा ।
७७४०२ अर्वाञ्चो यदि गद्यपद्यरचनाचातुर्यवागुद्धतास् तान् सर्वानतिशय्य खेलतितरां शाकल्लमल्लः कविः ॥
७७४११ एकोऽभून्नलिनात्ततश्च पुलिनाद्वल्मीकतश्चापरस् ते सर्वे कवयो भवन्ति गुरवस्तेभ्यो नमस्कुर्महे ।
७७४१२ अर्वाञ्चो यदि गद्यपद्यरचनैश्चेतश्चमत्कुर्वते  तेषां मूर्ध्नि ददामि वामचरणं कर्णाटराजप्रिया ॥
७७४२१ एको भेकः परममुदितः प्राप्य गोष्पादनीरं  को मे को मे रटति सततं स्पर्द्धया वाक्यमुच्चैः ।
७७४२२ गङ्गादीनां सकलसरितां प्राप्य तोयं समुद्रः  किंचिद्गर्वं न वहति महान् प्रायशो भूरि रत्नैः ॥
७७४३१ एको मे शाश्वतात्मा सुखमसुखभुजो ज्ञानदृष्टिस्वभावो  नान्यत्किंचिन्निजं मे तनुधनकरणभ्रातृभार्यासुखादि ।
७७४३२ कर्मोद्भूतं समस्तं चपलमसुखदं तत्र मोहो मुधा मे  पर्यालोच्येति जीव स्वहितमवितथं मुक्तिमार्गं श्रय त्वम् ॥
७७४४१ एकोऽम्बुधिर्जगति जीवति येन तानि  तावन्ति हन्त सलिलानि समुच्चितानि ।
७७४४२ येभ्यः कथंचिदपि किंचिदमी पयोदाः  पीत्वा चिराय धरणीमपि तर्पयन्ति ॥
७७४५१ एको रविरतितेजा  अतिशूरः केसरी वने वासी ।
७७४५२ अतिविपुलं खं शून्यं  ह्यतिगम्भीरोऽम्बुधिः क्षारः ॥
७७४६१ एको रसः करुण एव निमित्त भेदाद् भिन्नः पृथक्पृथगिवाश्रयते विवर्तान् ।
७७४६२ आवर्तबुद्बुदतरङ्गमयान् विकारान्  अम्भो यथा सलिलमेव हि तत्समस्तम् ॥
७७४७१ एको रागिषु राजते प्रियतमादेहार्धहारी हरो  नीरागेषु जिनो विमुक्तललनासङ्गो न यस्मात्परः ।
७७४७२ दुर्वारस्मरबाणपन्नगविषव्यासङ्गमुग्धो जनः  शेषः कामविडम्बितो हि विषयान् भोक्तुं न मोक्तुं क्षमः ॥
७७४८१ एकोऽर्थं विमृशेदेको धर्मे प्रकुरुते मनः ।
७७४८२ एकः कार्याणि कुरुते तमाहुर्मध्यमं नरम् ॥
७७४९१ एको ललाटे द्वौ मूर्ध्नि द्वौ द्वौ पार्श्वोपपार्श्वयोः ।
७७४९२ द्वौ च वक्षसि विज्ञेयौ प्रयाणे चैक एव तु ॥
७७५०१ एको लोभो महाग्राहो लोभात्पापं प्रवर्तते ।
७७५०२ ततः पापादधर्माप्तिस्ततो दुःखं प्रवर्तते ॥
७७५११ एको वित्तवतः सूनुः पितृहीनः सुयौवने ।
७७५१२ मुग्धे भूभुजि कायस्थः कामिस्पर्धी वणिक्सुतः ॥
७७५२१ नित्यातुरामात्यवैद्यप्रसिद्धस्य गुरोः सुतः ।
७७५२२ ... ... प्रच्छन्नकामो जटाधरः ॥
७७५३१ नपुंसकप्रवादस्य प्रशमार्थी फलाशनः ।
७७५३२ मत्तो धूर्तसहायश्च राजसूनुर्निरङ्कुशः ॥
७७५४१ ग्राम्यो धातृद्विजसुतः प्राप्तलाभश्च गायनः ।
७७५४२ सद्यः सार्थपतिः प्राप्तः श्रीमान् दैवपरायणः ॥
७७५५१ गतानुगतिको मूर्खः शास्त्रोन्मादश्च पण्डितः ।
७७५५२ नित्यक्षीबश्च वेश्यानां जङ्गमाः कल्पपादपाः ॥
७७५६१ एको विश्वसतां हराम्यपघृणः प्राणानहं प्राणिनाम्  इत्येवं परिचिन्त्य मात्ममनसि व्याधानुतापं कृथाः ।
७७५६२ भूपानां भवनेषु किं च विमलक्षेत्रेषु गूढाशयाः  साधूनामरयो वसन्ति कति न त्वत्तुल्यकक्षा नराः ॥
७७५७१ एको वैश्यश्च द्वौ शूद्रौ ब्राह्मणास्त्रय एव च ।
७७५७२ विद्योपजीविनः पञ्च न गच्छेयुः समं स्वयम् ॥
७७५७ १ एको वैश्यो द्वौ च शूद्रौ क्षत्रियाः सप्त पञ्च वा ।
७७५७ २ नव नार्यो न गच्छेयुः न गच्छेद्ब्राह्मणत्रयम् ॥
७७५८१ एकोऽहमसहायोऽहं कृशोऽहमपरिच्छदः ।
७७५८२ स्वप्नेऽप्येवंविधा चिन्ता मृगेन्द्रस्य न जायते ॥
७७५९१ एकोऽहमस्मीति च मन्यसे त्वं  न हृच्छयं वेत्सि मुनिं पुराणम् ।
७७५९२ यो वेदिता कर्मणः पापकस्य  यस्यान्तिके त्वं वृजिनं करोषि ॥
७७६०१ एकोऽहमस्मीत्यात्मानं यत्त्वं कल्याण मन्यसे ।
७७६०२ नित्यं स्थितस्ते हृद्येष पुण्यपापेक्षिता मुनिः ॥
७७६११ एको हरः प्रियाधर  गुणवेदी दिविषदोऽपरे मूढाः ।
७७६१२ विषममृतं वा सममिति  यः पश्यन् गरलमेव पपौ ॥
७७६२१ एको हि कुरुते पापं कालपाशवशं गतः ।
७७६२२ नीचेनात्मापचारेण कुलं तेन विनश्यति ॥
७७६३१ एको हि खञ्जनवरो नलिनीदलस्थो  दृष्टः करोति चतुरङ्गबलाधिपत्यम् ।
७७६३२ किं मे करिष्यति भवद्वदनारविन्दे  जानामि नो नयनखञ्जनयुग्ममेतत् ॥
७७६४१ एको हि दोषो गुणसंनिपाते  निमज्जतीत्येतदयुक्तमुक्तम् ।
७७६४२ रूपादिकान् सर्वगुणान्निहन्ति  किं मौर्ख्यमेकं न शरीरभाजाम् ॥
७७६५१ एको हि दोषो गुणसंनिपाते  निमज्जतीन्दोः किरणेष्विवाङ्कः ।
७७६५२ केनापि नूनं कविना च दृष्टं  दारिद्र्यमेकं गुणराशिनाशि ॥
७७६६१ एको ह्यमात्यो मेधावी शूरो दान्तो विचक्षणः ।
७७६६२ राजानं राजपुत्रं वा प्रापयेन्महतीं श्रियम् ॥
७७६७१ एणः क्रीडति शूकरश्च खनति द्वीपी च गर्वायते  क्रोष्टा क्रन्दति वल्गते च शशको वेगाद्रुरुर्धावति ।
७७६७२ निःशङ्कः करिपोतकस्तरुलतामुन्मोटते लीलया  हंहो सिंह विना त्वयाद्य विपिने कीदृग्दशा वर्तते ॥
७७६८१ एणश्रेणिः शशकनिकरः शल्लकीनां कदम्बं  कोलव्यूहः स्पृशति सुखितां यत्र तत्रापि कुञ्जे ।
७७६८२ को नामास्मिन् बत हतवने पादपस्तादृगुच्चैर् यस्य च्छायामयमधिवसत्युष्णरुग्णो गजेन्द्रः ॥
७७६९१ एणाक्षीस्पृहयालुता न कथमप्यास्ते विवेकोदयान्  नित्यं प्रच्युतिशङ्कया क्षणमपि स्वर्गे न मोदामहे ।
७७६९२ अप्यन्येषु विनाशिवस्तुविषयाभोगेषु तृष्णा न मे  स्वर्णद्याः पुलिने परं हरिपदध्यानं समीहामहे ॥
७७७०१ एणाद्याः पशवः किरातपरिषन्नैषा गुणग्राहिणी  संचारोऽपि न नागरस्य विषयोच्छिन्नं मुनीनां मनः ।
७७७०२ धूमेनैव सुगन्धिना प्रतिपदं दिक्चक्रमामोदयन्  आमूलं परिदह्यतेऽगुरुतरुः कस्मै किमाचक्ष्महे ॥
७७७११ एणीगणेषु गुरुगर्वनिमीलिताक्षः  किं कृष्णसार खलु खेलसि काननेऽस्मिन् ।
७७७१२ सीमामिमां कलय भिन्नकरीन्द्रकुम्भ  मुक्तामयीं हरिविहारवसुन्धरायाः ॥
७७७२१ एणीदृशः पाणिपुटे निरुद्धा  वेणी विरेजे शयनोत्थितायाः ।
७७७२२ सरोजकोशादिव निष्पतन्ती  श्रेणी घनीभूय मधुव्रतानाम् ॥
७७७३१ एणीदृशः श्रवणसीम्नि यदानयन्ति  तेनैव तस्य महिमा नवचम्पकस्य ।
७७७३२ त्वं तत्र नो विहरसे यदि भृङ्ग तेन  नैतस्य किंचिदपि तत्तु तवैव हानिः ॥
७७७४१ एणीदृशो विजयते वेणी पृष्ठावलम्बिनी ।
७७७४२ कशेव पञ्चबाणस्य युवतर्जनहेतवे ॥
७७७५१ एणी याति विलोक्य बालशलभान् शष्पाङ्कुरादित्सया  छत्रीकुड्मलकानि रक्षति चिरादण्डभ्रमाद्कुक्कुटी ।
७७७५२ धूत्वा धावति कृष्णकीटपटलश्रेणीं शिखण्डी शिरो  दूरादेव वनान्तरे विषधरग्रासाभिलाषातुरः ॥
७७७६१ एणीशाबविलोचनाभिरलसश्रोणीभरप्रौढि भिर् वेणीभूतरसक्रमाभिरभितः श्रेणीकृताभिर्वृतः ।
७७७६२ पाणी नाम विनोदयन् रतिपतेस्तूणीशयैः सायकैर् वाणीनामपदं परं व्रजजनक्षोणीपतिः पातु नः ॥
७७७७१ एणो गजः पतङ्गश्च भृङ्गो मीनस्तु पञ्चमः ।
७७७७२ शब्दस्पर्शरूपगन्धरसैरेते हताः खलु ॥
७७७८१ एतच्च तपसो मूलं तपसो मूलमेव च ।
७७७८२ सर्वदा कामविजयः संकल्पविजयस्तथा ॥
७७७९१ एतच्चतुर्गुणं तैलं तस्माच्चापि चतुर्गुणम् ।
७७७९२ कांजिकं प्रक्षिपेद्धीमांस्ततस्तैलं विपाचयेत् ॥
७७८०१ एतच्छान्तविचित्रचत्वरपथं विश्रान्तवैतालिक  श्लाघाश्लोकमगुञ्जिमञ्जुमुरजं विध्वस्तगीतध्वनि ।
७७८०२ व्यावृत्ताध्ययनं निवृत्तसुकविक्रीडासमस्यं नमद् विद्वद्वादपथं कथं पुरमिदं मौनव्रते वर्तते ॥
७७८११ एतच्छास्त्रार्थतत्त्वं तु मयाख्यातं तवानघ ।
७७८१२ अविश्वासो नरेन्द्राणामपरं गुह्यमुच्यते ॥
७७८२१ एतज्जडाजडविवेचनमेतदेव  क्षित्यादितत्त्वपरिशोधनकौशलं च ।
७७८२२ ज्ञानं च शैवमिदमागमकोटिलभ्यं  मातुर्यदङ्घ्रियुगले निहितो मयात्मा ॥
७७८३१ एतत्करालकरवालनिकृत्तकण्ठ  नालोच्चलद्बहुलफेनिलबुद्बुदौघैः ।
७७८३२ सार्धं डमड्डमरुडांकृतिहूतभूत  वर्गेण भर्गगृहिणीं रुधिरैर्धिनोमि ॥
७७८४१ एतत्कवीन्द्रमुखचन्द्रमसः कदाचित् काव्याभिधानममृतं यदि नागलिष्यत् ।
७७८४२ संसारिणां विविधदुःखसहस्रभाजां  चेतोविनोदसदनं किमिहाभविष्यत् ॥
७७८५१ एतत्कान्तमिदं कान्तमित्यावसथतृष्णया ।
७७८५२ तस्या भ्रमति सर्वाङ्गं मन्ये मूढ इव स्मरः ॥
७७८६१ एतत्कामफलं लोके यद्द्वयोरेकचित्तता ।
७७८६२ अन्यचित्तकृते कामे शवयोरिव संगमः ॥
७७८७१ एतत्कार्यममराः संश्रुतं मे  धृतिः शमः सत्यधर्मानुवृत्तिः ।
७७८७२ ग्रन्थिं विनीय हृदयस्य सर्वं  प्रियाप्रिये चात्मवशं नयीत ॥
७७८७ १ एतत्किं ननु कर्णभूषणमयं हारः सुकाञ्ची नवा  बद्धा काचिदियं त्वयाद्य तिलकः श्लाघ्यः प्रिये कल्पितः ।
७७८७ २ प्रत्यङ्गं स्पृशतेति तत्क्षणभवद्रोमाञ्चमालाञ्चिता  तन्वी मानमुपेक्षयैव शनकैर्धूर्तेन संमोचिता ॥
७७८८१ एतत्किं प्रणयिन्यपि प्रणयिनी यन्मानिनी जायते  मन्ये मानविधौ भविष्यति सुखं किंचिद्विशिष्टं रसात् ।
७७८८२ वाञ्छा तस्य सुखस्य मेऽपि हृदये जागर्ति नित्यं परं  स्वप्नेऽप्येष न मेऽपराध्यति पतिः कुप्यामि तस्मै कथम् ॥
७७८९१ एतत्किं श्रुतसदृशं  त्वद्व्रतयोग्यं कुलानुरूपं वा ।
७७८९२ कृतवानसि यत्सुमते  परिभूतगुणोदयं कर्म ॥
७७९०१ एतत्कीर्तिविवर्तधौतनिखिलत्रैलोक्यनिर्वासितैर् विश्रान्तिः कलिता कथासु जगतां श्यामैः समग्रैरपि ।
७७९०२ जज्ञे कीर्तिमयादहो भयभरैरस्मादकीर्तेः पुनः  सा यन्नास्य कथापथेऽपि मलिनच्छाया बबन्ध स्थितिम् ॥
७७९११ एतत्कुचस्पर्धितया धटस्य  ख्यातस्य शास्त्रेषु निदर्शनत्वम् ।
७७९१२ तस्माच्च शिल्पान्मणिकादिकारी  प्रसिद्धनामाजनि कुम्भकारः ॥
७७९२१ एतत्कृत्वा प्रियमनुचितप्रार्थनावर्त्मनो मे  सौहार्दाद्वा विधुर इति वा मय्यनुक्रोशबुद्ध्या ।
७७९२२ इष्टान् देशान् विचर जलद प्रावृषा संभृतश्रीर् मा भूदेवं क्षणमपि च ते विद्युता विप्रयोगः ॥
७७९३१ एतत्कोककुटुम्बिनीजनमनःशल्यं चकोराङ्गना  चञ्चूकोटिकपाटयोर्घटितयोरुद्घाटिनी कुञ्चिका ।
७७९३२ दग्धस्यापि नवाङ्कुरः स्मरतरोरार्द्रागसां प्रेयसी  मानोद्दामगजाङ्कुशो विजयते मुग्धं सुधांशोर्वपुः ॥
७७९४१ एतत्तद्दुर्जयं लोके पुत्रदारमयं विषम् ।
७७९४२ जायन्ते च म्रियन्ते च यत्पीत्वा मोहिताः प्रजाः ॥
७७९५१ एतत्तद्धृतराष्ट्रवक्त्रसदृशं मेघान्धकारं नभो  हृष्टो गर्जति चातिदर्पितबलो दुर्योधनो वा शिखी ।
७७९५२ अक्षद्यूतजितो युधिष्ठिर इवाध्वानं गतः कोकिलो  हंसाः संप्रति पाण्डवा इव वनादज्ञातचर्यां गताः ॥
७७९६१ एतत्तद्वक्त्रमत्र क्व तदधरमधु क्वायतास्ते कटाक्षाः  क्वालापाः कोमलास्ते क्व स मदनधनुर्भङ्गुरो भ्रूविलासः ।
७७९६२ इत्थं खट्वाङ्गकोटौ प्रकटितदशनं मञ्जुगुञ्जत्समीरम्  रागान्धानामिवोच्चैरुपहसितमहो मोहजालं कपालम् ॥
७७९७१ एतत्तर्कय चक्रवाकसुदृशामाश्वासनादायिनः  प्रौढध्वान्तपयोधिमग्नजगतीदत्तावलम्बोत्सवाः ।
७७९७२ दीप्तांशोर्विकसन्ति दिङ्मृगदृशां काश्मीरपङ्कोदक  व्यात्युक्षीचतुराः सरोरुहवनश्रीकेलिकाराः कराः ॥
७७९८१ एतत्तर्कय चक्रवाकहृदयाश्वासाय तारागण  ग्रासाय स्फुरदिन्दुमण्डलपरीहासाय भासां निधिः ।
७७९८२ दिक्कान्ताकुचकुम्भकुङ्कुमरजोन्यासाय पङ्केरुहो  ल्लासाय स्फुटवैरिकैरववनत्रासाय विद्योतते ॥
७७९९१ एतत्तस्य मुखात्कियत्कमलिनीपत्रे कणं वारिणो  यन्मुक्तामणिरित्यमंस्त स जडः शृण्वन् यदस्मादपि ।
७७९९२ अङ्गुल्यग्रलघुक्रियाप्रविलयिन्यादीयमाने शनैस् कुत्रोड्डीय गतो ममेत्यनुदिनं निद्राति नान्तःशुचा ॥
७८००१ एतत्तु मां दहति यद्गृहमस्मदीयं  क्षीणार्थमित्यतिथयः परिवर्जयन्ति ।
७८००२ संशुष्कसान्द्रमदलेखमिव भ्रमन्तः  कालात्यये मधुकराः करिणः कपोलम् ॥
७८०११ एतत्ते भ्रूलतोद्भासि पाटलाधरपल्लवम् ।
७८०१२ मुखं नन्दनमुद्यानमतोऽन्यत्केवलं वनम् ॥
७८०२१ एतत्ते मुखमक्षतेन्दुलडहच्छायं भवल्लोचनं  नीलेन्दीवरनिर्विशेषमधरस्ते बन्धुजीवारुणः ।
७८०२२ भ्रूवल्लिस्तव कामकार्मुकलता लीलासहाध्यायिनी  न ध्यायन्तु कथं नु देव कथय त्वामेकमेणीदृशः ॥
७८०३१ एतत्पयोधरयुगं पतितं निरीक्ष्य  खेदं वृथा वहसि किं कमलायताक्षि ।
७८०३२ स्तब्धो विवेकरहितो जनतापकारी  ह्यत्युन्नतः प्रपततीति किमत्र चित्रम् ॥
७८०४१ एतत्पुरः स्फुरति पद्मदृशां सहस्रम्  अक्षिद्वयं कथय कुत्र निवेशयामि ।
७८०४२ इत्याकलय्य नयनाम्बुरुहे निमील्य  रोमाञ्चितेन वपुषा स्थितमच्युतेन ॥
७८०५१ एतत्पूतनचक्रमक्रमकृतग्रासार्धमुक्तैर्वृकान्  उत्पुष्णत्परितो नृमांसविघसैरादर्दरं क्रन्दतः ।
७८०५२ खर्जूरद्रुमदघ्नजङ्घमसितत्वङ्नद्धविष्वक्तत  स्नायुग्रन्थिघनास्थिपञ्जरजरत्कङ्कालमालोक्यते ॥
७८०६१ एतत्प्रचण्डि समुदेत्यकलङ्कमूर्ति  कल्माषिताम्बरतलं ग्रहचक्रवालम् ।
७८०६२ सूर्येन्दुसंपुटसमुद्गकवाटकोष  विश्लेषकीर्णनवरत्नकलापकान्ति ॥
७८०७१ एतत्सर्वं परिज्ञाय वृक्षारोपं समारभेत् ।
७८०७२ धर्मार्थकाममोक्षाणां द्रुमेभ्यः साधनं यतः ॥
७८०८१ एतत्सर्वं शृणुत वचनं संग्रहादत्र सख्यः  प्राणानां नः फलमविकलं नूनमेषा सखी वः ।
७८०८२ विश्लेषेऽस्मिन् प्रचलति भृशं दीपिकेव प्रवाते  सत्यामस्यां वयमतमसः सर्वथा रक्षतैनाम् ॥
७८०९१ एतत्सर्वममात्यादि राजा नयपुरःसरः ।
७८०९२ नयत्युन्नतिमुद्युक्तो व्यसनी क्षयमेव च ॥
७८१०१ एतदत्र पथिकैकजीवितं  पश्य शुष्यतितरां महत्सरः ।
७८१०२ रे मुधाम्बुधर रुद्धसद्गतिर् वर्धिता किमिति घट्टवाहिनी ॥
७८१११ एतदनूपे वाच्यं  जाङ्गलभूमौ च पञ्चभिः पुरुषैः ।
७८११२ एतैरेव निमित्तैर् मरुभूमावष्टभिः कथयेत् ॥
७८१२१ एतदर्थं श्रुते बुद्धिं करोति द्वेषदूषितः ।
७८१२२ यद्विवादैः करिष्यामि मानम्लानिं मनीषिणाम् ॥
७८१३१ एतदर्थं हि कुर्वन्ति राजानो धनसंचयम् ।
७८१३२ रक्षयित्वा तु चात्मानं यद्धनं तद्द्विजातये ॥
७८१४१ एतदर्थं हि राज्यानि प्रशासति नरेश्वराः ।
७८१४२ यदेषां सर्वकृत्येषु मनो न प्रतिहन्यते ॥
७८१५१ एतदर्थे कुलीनानां नृपाः कुर्वन्ति संग्रहम् ।
७८१५२ आदिमध्यावसानेषु न ते गच्छन्ति विक्रियाम् ॥
७८१६१ एतदुच्छ्वसितपीतमैन्दवं  सोढुमक्षममिव प्रभारसम् ।
७८१६२ मुक्तषट्पदविरावमञ्जसा  भिद्यते कुमुदमा निबन्धनात् ॥
७८१७१ एतदेव कुलीनत्वमेतदेव गुणार्जनम् ।
७८१७२ यत्सदैव सतां सत्सु विनयावनतं शिरः ॥
७८१८१ एतदेव तु विज्ञेयं स्वार्थधर्मविघातजे ।
७८१८२ विषयध्वंसजे शत्रोर्विषयप्रतिपीडनम् ॥
७८१९१ एतदेव परं शौर्यं यत्परप्राणरक्षणम् ।
७८१९२ नहि प्राणहरः शूरः शूरः प्राणप्रदोऽर्थिनाम् ॥
७८१९ १ एतदेव मम पुण्यमगण्यं  यत्कृशोदरि दृशोरतिथिस्त्वम् ।
७८१९ २ दूरमस्तु मदघूर्णिततारं  शारदेन्दुमुखि वीक्षणमक्ष्णोः ॥
७८२०१ एतदेव महच्चित्रं प्राक्तनस्येह कर्मणः ।
७८२०२ यदनात्मवतामायुर्यच्चानतिमतां श्रियः ॥
७८२११ एतदेव हि पाण्डित्यमियमेव बहुज्ञता ।
७८२१२ अयमेव परो लाभो यत्स्वल्पाद्भूरिरक्षणम् ॥
७८२२१ एतदेव हि पाण्डित्यमेषा चैव कुलीनता ।
७८२२२ एष एव परो धर्म आयादूनतरो व्ययः ॥
७८२४१ एतदेवायुषः सारं निसर्गक्षणभङ्गिनः ।
७८२४२ स्निग्धर्मुग्धैर्विदग्धैश्च यदयन्त्रितमास्यते ॥
७८२४ १ एतदेवार्थसामर्थ्यं प्रत्यक्षेणोपलक्ष्यते ।
७८२४ २ पुत्रदारादिसंबन्धः पुंसां धननिबन्धनः ॥
७८२५१ एतदेवार्थसामर्थ्यं प्रत्यक्षेणोपलक्ष्यते ।
७८२५२ यत्स्कन्धबन्धे जीवद्भिः शवः शिबिकयोह्यते ॥
७८२६१ एतद्गन्धगजस्तृषाम्भसि भृशं कण्ठान्तमज्जत्तनुः  फेनैः पाण्डुरितः स्वदिक्करिजयक्रीडायशःस्पर्धिभिः ।
७८२६२ दन्तद्वन्द्वजलानुबिम्बनचतुर्दन्तः कराम्भोवमि  व्याजादभ्रमुवल्लभेन विरहं निर्वापयत्यम्बुधेः ॥
७८२७१ एतद्दत्तासिघातस्रवदसृगसुहृद्वंशसार्द्रेन्धनैतद् दोरुद्दामप्रतापज्वलदनलमिलद्भूमधूमभ्रमाय ।
७८२७२ एतद्दिग्जैत्रयात्रासमसमरभरं पश्यतः कस्य नासीद् एतन्नासीरवाजिव्रजखुरजरजोराजिराजिस्थलीषु ॥
७८२८१ एतद्दधाति नवयौवननर्तकस्य  कश्मीरजच्छुरिततालकयुग्मलक्ष्मीम् ।
७८२८२ मध्ये समुच्छ्वसितवृत्ति मनागुपान्ते  लब्धात्मसीम कुचकुड्मलयुग्ममस्याः ॥
७८२९१ एतद्दन्तिबलैर्विलोक्य निखिलामालिङ्गिताङ्गीं भुवं  संग्रामाङ्गणसीम्नि जङ्गमगिरिस्तोमभ्रमाधायिभिः ।
७८२९२ पृथ्वीन्द्रः पृथुरेतदुग्रसमरप्रेक्षोपनम्रामर  श्रेणीमध्यचरः पुनः क्षितिधरक्षेपाय धत्ते धियम् ॥
७८३०१ एतद्देव यशस्करं नरपतेर्यत्तस्करे निग्रहो  दीर्घं जीव यथापराधमधुरं दण्डं जगत्यावहन् ।
७८३०२ येनायं परिपन्थिपार्थिववधूसिन्दूरचौरस्त्वया  बद्धश्च प्रतिदण्डभैरवकरी क्षिप्तश्च कारागृहे ॥
७८३११ एतद्धनञ्जयो वाच्यो नित्योद्युक्तो वृकोदरः ।
७८३१२ यदर्थं क्षत्रिया सूते तस्य कालोऽयमागतः ॥
७८३२१ एतद्धि परमं नार्याः कार्यं लोके सनातनम् ।
७८३२२ प्राणानपि परित्यज्य यद्भर्तृहितमाचरेत् ॥
७८३३१ एतद्बभ्रुकचानुकारिकिरणं राजद्रुहोऽह्नः शिरश् छेदाभं वियतः प्रतीचि निपतत्यब्धौ रवेर्मण्डलम् ।
७८३३२ एषापि द्युरमा प्रियानुगमनं प्रोद्दामकाष्ठोत्थिते  संध्याग्नौ विनिधाय तारकमिषाज्जातास्थिशेषस्थितिः ॥
७८३४१ एतद्बुद्धिमशेषाणां सत्त्वमातन्य योगवित् ।
७८३४२ परित्यजति सम्प्राप्य बुद्धिसौक्ष्म्यमनुत्तमम् ॥
७८३५१ एतद्भीतारिनारी गिरिबिलविगलद्वासरा निःसरन्ती  स्वक्रीडाहंसमोहग्रहिलशिशुभृशप्रार्थि तोन्निद्रचन्द्रा ।
७८३५२ आक्रन्दद्भूरि यत्तन्नयनजलमिलच्चन्द्रहंसानुबिम्ब  प्रत्यासत्तिप्रहृष्यत्तनयविहसितैराश्वसीन्न्यश्वसीच्च ॥
७८३६१ एतद्भीमपराक्रमेण रचितं संसारसारं सरः  पाथोनाथकथापहस्तनकलावैचक्षणे दीक्षितम् ।
७८३६२ यन्माहात्म्यविलोकनाद्भुतरसाद्धूताम्बरश्री शिरः  स्रस्तं कुण्डलमम्बुबिम्बितरविव्याजेन विद्योतते ॥
७८३७१ एतद्भूषणकौशलं तव तनौ पश्येत्तदा माधवो  राधे तत्सविधे हि चेतसिचले चेद्धैर्यमाधास्यति ।
७८३७२ इत्थं जल्पति शिल्पकारिणि जने तस्याः स्मरन्त्या हरिं  सद्यः स्वेदसरिद्व्यलम्पदमलं पत्रावलीमण्डलम् ॥
७८३८१ एतद्यशःक्षीरधिपूरगाहि  पतत्यगाधे वचनं कवीनाम् ।
७८३८२ एतद्गुणानां गणनाङ्कपातः  प्रत्यर्थिकीर्तीः खटिकाः क्षिणोति ॥
७८३९१ एतद्रहस्यं परममेतच्च परमं पदम् ।
७८३९२ एषा गतिर्विरक्तानामेषोऽसौ परमः शिवः ॥
७८४०१ एतद्विदन्तो विद्वांसो ब्राह्मणा ब्रह्मवादिनः ।
७८४०२ न राज्ञः प्रतिगृह्णन्ति प्रेत्य श्रेयोऽभिकाङ्क्षिणः ॥
७८४११ एतद्विद्वान्मदुदितं ज्ञानविज्ञाननैपुणम् ।
७८४१२ न निन्दति न च स्तौति लोके चरति सूर्यवत् ॥
७८४२१ एतद्विधानमातिष्ठेदरोगः पृथिवीपतिः ।
७८४२२ अस्वस्थः सर्वमेतत्तु भृत्येषु विनियोजयेत् ॥
७८४३१ एतद्विभाति चरमाचलचूडचुम्बि  हिण्डीरपिण्डरुचिशीतमरीचिबिम्बम् ।
७८४३२ उज्ज्वालितस्य रजनीं मदनानलस्य  धूमं दधत्प्रकटलाञ्छनकैतवेन ॥
७८४४१ एतद्व्योमवनीवराहवलयं विश्वैकवीरस्मर  स्कन्धावारमदान्धसिन्धुरकुलं श्यामावधूकैशिकम् ।
७८४४२ चक्षुष्याञ्जनवस्तु घूकसदसां विश्लिष्टचक्राह्वय  स्तोमान्तर्गतधूमकेतनमहाधूम्या तमस्तार्यते ॥
७८४५१ एतन्नरेन्द्रवृषभ क्षपया व्रजन्त्या  संरोपणार्थमिव गोपितमम्बुजेषु ।
७८४५२ उद्घाटयत्ययमशीतकरः करौघैः  पद्माकरात्तिमिरबीजमिवालिवृन्दम् ॥
७८४६१ एतन्मन्दविपक्वतिन्दुकफलश्यामोदरापाण्डर  प्रान्तं हन्त पुलिन्दसुन्दरकरस्पर्शक्षमं लभ्यते ।
७८४६२ तत्पल्लीपतिपुत्रि कुञ्जरकुलं कुम्भाभयाभ्यर्थना  दीनं त्वामनुनाथते कुचयुगं पत्रावृतं मा कृथाः ॥
७८४७१ एतन्मयमिव जातं  निपतितमस्यां मनो नूनम् ।
७८४७२ नायात्यपि यदुपायात् कथमपि कायात्कुरङ्गनयनायाः ॥
७८४८१ एतन्मानिनि मानसं सुरसरो निर्लूनहेमाम्बुजं  पार्वत्या प्रियपूजनार्थममुतो गङ्गासरिन्निर्गता ।
७८४८२ अस्माच्चित्रशिखण्डिभिश्च परमे पर्वण्युपादीयते  स्नानोत्तीर्णवृषाङ्कभस्मरजसां सङ्गात्पवित्रं पयः ॥
७८४९१ एतन्मालवमण्डलं विजयते सौजन्यरत्नाङ्कुरैः  संपद्विभ्रमधामभिः किमपरं शृङ्गारसारैर्जनैः ।
७८४९२ यत्रारुह्य विचित्रचित्रवलभीर्लीलाशिलासद्मनां  नीयन्ते जलदोदयेषु दिवसाः कान्तासखैः कामिभिः ॥
७८५०१ एतन्मुखं प्रियायाः  शशिनं जित्वा कपोलयोः कान्त्या ।
७८५०२ तापानुरक्तमधुना  कमलं ध्रुवमीहते जेतुम् ॥
७८५११ एतल्लोचनमुत्पलभ्रमवशात्पद्मभ्रमादाननं  भ्रान्त्या बिम्बफलस्य चाजनि दधद्वामाधरो वेधसा ।
७८५१२ तस्याः सत्यमनङ्गविभ्रमभुवः प्रत्यङ्गमासङ्गिनी  भ्रान्तिर्विश्वसृजोऽपि यत्र कियती तत्रास्मदादेर्मतिः ॥
७८५२१ एतस्माज्जलधेर्जलस्य कणिकाः काश्चिद्गृहीत्वा ततः  पाथोदाः परिपूरयन्ति जगतीं रुद्धाम्बरा वारिभिः ।
७८५२२ अस्मान्मन्दरकूटकोटिघटनाभीतिभ्रमत्तारकां  प्राप्यैकां जलमानुषीं त्रिभुवने श्रीमानभूदच्युतः ॥
७८५३१ एतस्मात्कथमिन्द्रजालमपरं स्त्रीगर्भवासोऽस्थिरं  रेतः श्च्योतति मस्तमस्तकपदाविर्भूतनानाङ्कुरम् ।
७८५३२ पर्यायेण शिशुत्वयौवनजरावेषैरशेषैर्वृतं  पश्यत्यत्ति शृणोति जिघ्रति मुहुर्निद्राति जागर्ति च ॥
७८५४१ एतस्मात्परमानन्दाच्शुद्धचिन्मात्ररूपिणः ।
७८५४२ जीवः संजायते पूर्वं तस्माच्चित्तं ततो जगत् ॥
७८५५१ एतस्मात्सरसश्चिराय चलितं चक्रेण चेतस्वता  नीरक्षीरपरीक्षकेण सुधिया हंसेन हा निर्गतम् ।
७८५५२ निर्यातं निभृतं कलध्वनिकृता कारण्डवेन क्वचित् सार्धं केन करोतु सारसयुवा संभाषणं सव्यथः ॥
७८५६१ एतस्मादमृतं सुरैः शतमखेनोच्चैःश्रवाः सद्गुणः  कृष्णेनाद्भुतविक्रमैकवसतिर्लक्ष्मीः समासादिता ।
७८५६२ इत्यादि प्रचुराः पुरातनकथाः सर्वेभ्य एव श्रुता  अस्माभिस्तु न दृष्टमत्र जलधौ मिष्टं पयोऽपि क्वचित् ॥
७८५७१ एतस्माद्विरमेन्द्रियार्थगहनादायासकादाश्रयाच् श्रेयोमार्गमशेषदुःखशमनव्यापारदक्षं क्षणात् ।
७८५७२ शान्तं भावमुपैहि संत्यज निजां कल्लोललोलां गतिं  मा भूयो भज भङ्गुरां भवरतिं चेतः प्रसीदाधुना ॥
७८५८१ एतस्मान्मां कुशलिनमभिज्ञानदानाद्विदित्वा  मा कौलीनादसितनयने मय्यविश्वासिनी भूः ।
७८५८२ स्नेहानाहुः किमपि विरहे ह्रासिनस्ते ह्यभोगाद् इष्टे वस्तुन्युपचितरसाः प्रेमराशीभवन्ति ॥
७८५९१ एतस्मिन् कुसुमे स्वभावमहति प्रायो महीयः फलं  रम्यं स्वादु सुगन्धि शीतलमलं प्राप्तव्यमित्याशया ।
७८५९२ शाल्मल्याः परिपाककालकलनाबोधेन कीरः स्थितो  यावत्तत्पुटसंधिनिर्गतपतत्तूलं फलात्पश्यति ॥
७८६०१ एतस्मिन् घनचन्दनार्द्रवपुषो निद्राकषायेक्षणा  लीलालोलमृदूल्लसद्भुजलताव्याजृम्भमाणा मुहुः ।
७८६०२ निर्गच्छन्ति शनैरहःपरिणतौ मन्दा लतामन्दिरात् स्वेदाम्भःकणदन्तुरस्तनतटाभोगाः कुरङ्गीदृशः ॥
७८६११ एतस्मिन् घनबद्धसम्पदि वनोत्सङ्गे नवाप्तोष्मभिः  स्वच्छन्दं गमितः सुखेन कतिभिः कालो न दन्तावलैः ।
७८६१२ धिग्जातोऽसि तदात्र दग्धसमये दन्तिन्यदा नोदकं  नो वृक्षा न तृणानि केवलमयं दावानलः क्रीडति ॥
७८६२१ एतस्मिन् दाक्षिणाशानिलचलितलतालीनमत्तालिमाला  पक्षक्षोभावधूतच्युतबहलरजोह्लादिहृद्ये वसन्ते ।
७८६२२ प्रेमस्वेदार्द्रबाहुश्लथवलयरणत्प्रौढसीमन्तिनीनां  मन्दः कण्ठग्रहोऽपि ग्लपयति हृदयं किं पुनर्विप्रयोगः ॥
७८६३१ एतस्मिन् दिवसस्य मध्यसमये वातोऽपि चण्डातप  त्रासेनेव न संचरत्यहिमगोर्बिम्बे ललाटंतपे ।
७८६३२ किं चान्यत्परितप्तधूलिलुठनप्लोषासहत्वादिव  च्छाया दूरगतापि भूरुहतले व्यावर्त्य संलीयते ॥
७८६४१ एतस्मिन्नधिकपयःश्रियं वहन्त्यः  संक्षोभं पवनभुवा जवेन नीताः ।
७८६४२ वाल्मीकेररहितरामलक्ष्मणानां  साधर्म्यं दधति गिरां महासरस्यः ॥
७८६५१ एतस्मिन्नवदातकान्तिनि कुचद्वन्द्वे कुरङ्गीदृशः  संक्रान्तप्रतिबिम्बमैन्दवमिदं द्वेधा विभक्तं वपुः ।
७८६५२ आनन्दोत्तरलस्य पुष्पधनुषस्तत्कालनृत्योत्सव  प्राप्तिप्रोद्यतकांस्यतालयुगलप्रायं समालोक्यते ॥
७८६६१ एतस्मिन्मदकलमल्लिकाक्षपक्ष  व्याधूतस्फुरदुरुदण्डपुण्डरीकाः ।
७८६६२ बाष्पाम्भःपरिपतनोद्गमान्तराले  दृश्यन्तामविरहितश्रियो विभागाः ॥
७८६७१ एतस्मिन्मदजर्जरैरुपचिते कम्बूरवाडम्बरैः  स्तैमित्यं मनसो दिशत्यनिभृतं धारारवे मूर्च्छति ।
७८६७२ उत्सङ्गे ककुभो निधाय रसितैरम्भोमुचां घोरयन्  मन्ये मुद्रितचन्द्रसूर्यनयनं व्योमापि निद्रायते ॥
७८६८१ एतस्मिन्मरुमण्डले परिचलत्कल्लोलकोलाहल  क्रीडत्कङ्कमपङ्कमङ्कविलसन्निःशङ्कमत्स्यव्रजम् ।
७८६८२ केनेदं विकसत्कुशेशयकुटीकोणक्वणत्षट्पदं  श्रेणिप्रीणितपान्थमुज्ज्वलजलं चक्रे विशालं सरः ॥
७८६९१ एतस्मिन्मृगयां गतेऽपि धनुषा बाणे समारोपितेऽप्य् आकर्णान्तगतेऽपि मुष्टिविगतेऽप्येनाङ्गलग्नेऽपि च ।
७८६९२ न त्रस्तं न पलायितं न चलितं नोत्कण्ठितं नोत्प्लुतं  मृग्या यद्वशिनं करोति दयितं कामोऽयमित्याशया ॥
७८७०१ एतस्मिन् वनमार्गभूपरिसरे सौन्दर्यमुद्राङ्कितः  प्रोद्यद्भिः फलपत्रपुष्पनिवहैश्चूतः स एकः परम् ।
७८७०२ यं वीक्ष्य स्मितवक्त्रमुद्गतमहासंतोषमुल्लासित  स्फारोत्कण्ठमकुण्ठितक्रमममी धावन्ति पान्थव्रजाः ॥
७८७११ एतस्मिन् विजने वनेऽतनुतरुच्छन्नावकाशे सुखं  तिष्ठामीति तव द्विषामधिपतिर्यावद्विधत्ते मतिम् ।
७८७१२ तावत्तत्र निपातितं भुवि भवन्नामाङ्कसेल्लाहतं  दृष्ट्वा केसरिणः करङ्कमसमत्रासो मुहुर्मुर्च्छति ॥
७८७२१ एतस्मिन् विपिने मया बलवता नाज्ञापिताः के मृगाः  कस्मै वा न फलं विकीर्णमुचितं रोषस्य तोषस्य च ।
७८७२२ सोऽहं मूषकमद्य बन्धनगुणच्छेदार्थमभ्यर्थये  नास्थां सोऽपि करोति दग्धहृदयं द्वेधा न किं भिद्यते ॥
७८७३१ एतस्मिन् विपुले प्लवंगमकुले जातो गुणैरग्रणीर् एकः क्वापि कपिः स कोऽपि मरुतां वन्द्यो मरुन्नन्दनः ।
७८७३२ केलिप्राङ्गणवापिकावदभवद्यस्याम्भसां भर्तरि  द्राक्कल्लोलविकारकल्पितजगत्कम्पेऽपि झम्पारसः ॥
७८७४१ एतस्मिन् सरसि प्रसन्नपयसि प्राणत्रुटत्तालुना  किंकोलाहलडम्बरेण खलु रे मण्डूक मूकीभव ।
७८७४२ उन्मीलन्नयनावलीदलचलल्लक्ष्मीरणन्नूपुर  व्याहारप्रतिवादिनः प्रतिदिनं प्रेषन्ति हंसस्वनाः ॥
७८७५१ एतस्मिन् सहसा वसन्तसमये प्राणेश देशान्तरं  गन्तुं त्वं यतसे तथापि न भयं तापात्प्रपद्येऽधुना ।
७८७५२ यस्मात्कैरवसारसौरभमुषा साकं सरोवायुना  चान्द्री दिक्षु विजृम्भते रजनिषु स्वच्छा मयूखच्छटा ॥
७८७६१ एतस्मिन् सुतनु लतागृहेऽतिरम्यं  मालत्याः कुसुममनाचितं परेण ।
७८७६२ इत्युक्त्वा मृदुकरपल्लवं गृहीत्वा  मुग्धाक्षीं रहसि निनाय कोऽपि धूर्तः ॥
७८७७१ एतस्य कलामेकाम्  अमृतमयूखस्य पार्वतीरमणः ।
७८७७२ वर्णावलिमिव वहति  प्रतिमासं घट्यमानस्य ॥
७८७८१ एतस्य जाङ्गुलिक नार्पय मन्त्रदर्पाद् आस्ये निजाङ्गुलिमयं खलु कोऽपि सर्पः ।
७८७८२ अत्रैव यस्य विषमेण विषेण दग्धास् ते त्वादृशा निरसवः पतिताः सहस्रम् ॥
७८७९१ एतस्य रहसि वक्षसि  सरसिजपत्त्रेण ताडितस्यापि ।
७८७९२ दयितस्य वीक्ष्य हसितं  प्रियसखि हसितं ममाप्यासीत् ॥
७८८०१ एतस्य वेश्मनि कलावति हालिकस्य  दुर्द्दैववैभववशात्पतितासि तन्वि ।
७८८०२ तद्वारिकुम्भवहनाय करीषकृत्यै  चातुर्यमर्जय वशीकरणाय भर्तुः ॥
७८८११ एतस्य सावनिभुजः कुलराजधानी  काशी भवोत्तरणधर्मतरिः स्मरारेः ।
७८८१२ यामागता दुरितपूरितचेतसोऽपि  पापं निरस्य चिरजं विरजीभवन्ति ॥
७८८२१ एतस्यां रतिवल्लभक्षितिपतेः क्रीडासरस्यां शनैः  संशोषं नयतीह शैशववधूस्तारुण्यतिग्मद्युतिः ।
७८८२२ अन्तःस्थापि यथा यथा कुचतटी धत्तेऽन्तरायद्वयं  लौल्यं हन्ति तथा तथाविधजले दृक्पीनमीनावलिः ॥
७८८३१ एतस्याः करिकुम्भसंनिभकुचप्राग्भारपृष्ठे लुठद् गुञ्जागर्भगजेन्द्रमौक्तिकसरश्रेणीमनोहारिणि ।
७८८३२ दूरादेत्य तरङ्ग एष पतितो वेगाद्विलीनः कथं  को वान्योऽपि विलीयते न सरसः सीमन्तिनीसंगमे ॥
७८८४१ एतस्याः स्तनपद्मकोरकयुगं यस्याननेन्दोः सित  ज्योत्स्नाभिर्न भजत्यदो मृगदृशः शङ्के विकासं पुनः ।
७८८४२ तस्मिंल्लोचनपङ्कजं विकसितं भ्रूभृङ्गसंसेवितं  स्वान्ते संशयमातनोति सुतरामेतन्ममैवासकृत् ॥
७८८५१ एतस्याः स्तनभारभङ्गुरमुरः कीर्णा नितम्बस्थली  मध्यं मज्जति नाभिगर्तपतितं नाभ्यञ्चलं चुम्बति ।
७८८५२ धैर्यं धेहि मनःकुरङ्ग पुरतो रोमावली वागुरा  एतद्भ्रान्तिगतागतव्यसनिनः किं वा विधेयं विधे ॥
७८८६१ एतस्या विरहज्वरः करतलस्पर्शैः परीक्ष्यो न यः  स्निग्धेनापि जनेन दाहभयतः प्रस्थंपचः पाथसाम् ।
७८८६२ निःशक्तीकृतचन्दनौषधिविधावस्मिंश्चमत्कारिणो  लाजस्फोटममी स्फुटन्ति मणयो विश्वेऽपि हारस्रजाम् ॥
७८८७१ एतस्योन्नतसर्वकर्मकृतिनस्त्रैलोक्यचूडामणेः  शंभुब्रह्मपुरंदरप्रभृतयः स्तुत्यै न शक्ता यदि ।
७८८७२ देवः पन्नगनायको भगवती वाणी स्वयं चेज्जडा  सैन्दर्यस्य निरूपणे वद कथं शक्तो भवेन्मानवः ॥
७८८८१ एतां नवाम्बुधरकान्तिमुदीक्ष्य वेणीम्  एणीदृशो यदि वदन्ति वदन्तु नाम ।
७८८८२ ब्रूमो वयं मुखसुधांशुसुधाभिलाषाद् अभ्यागतां भुजगिनीं मणिमुद्वहन्तीम् ॥
७८८९१ एतां पश्य पुरःस्थलीमिह किल क्रीडाकिरातो हरः  कोदण्डेन किरीटिना सरभसं चूडान्तरे ताडितः ।
७८८९२ इत्याकर्ण्य कथाद्भुतं हिमनिधावद्रौ सुभद्रापतेर् मन्दं मन्दमकारि येन निजयोर्दोर्दण्डयोर्मण्डनम् ॥
७८९०१ एतां विलोकय तनूदरि ताम्रपर्णीम्  अम्भोनिधौ विवृतशुक्तिपुटोद्धृतानि ।
७८९०२ यस्याः पयांसि परिणाहिषु हारमूर्त्या  वामभ्रुवां परिणमन्ति पयोधरेषु ॥
७८९११ एतांश्छिनद्मि यदि तन्मम जीवितेन  शण्ढस्य किं नु यदि सन्त्वथ गोपतेः किम् ।
७८९१२ आसे प्रसार्य यदि तज्जनता हसन्ति  भारैर्गुणैश्च वृषणैश्च हला श्रमो मे ॥
७८९२१ एतांस्ते भ्रमरौघनीलकुटिलान् बध्नामि किं कुन्तलान्  किं न्यस्यामि मधूकपाण्डुमधुरे गण्डेऽत्र पत्रावलीम् ।
७८९२२ किं चास्मिन् व्यपनीय बन्धनमिदं पङ्केरुहाणां दलत् कोषश्रीमुषि सर्वचित्तहरिणस्यारोपयामि स्तने ॥
७८९३१ एताः करोत्पीडितवारिधारा  दर्पात्सखीभिर्वदनेषु सिक्ताः ।
७८९३२ वक्रेतराग्रैरलकैस्तरुण्यश् चूर्णारुणान् वारिलवान् वमन्ति ॥
७८९४१ उद्बन्धकेशश्च्युतपत्त्रलेखो  विश्लेषिमुक्ताफलपत्त्रवेष्टः ।
७८९४२ मनोज्ञ एव प्रमदामुखानाम्  अम्भोविहाराकुलितोऽपि वेषः ॥
७८९५१ एताः कानपि मण्डयन्ति पुरुषान्नानाविधैर्भूषणैर् एताः कानपि वञ्चयन्ति च जनान्मिथ्यावचोभिः पुनः ।
७८९५२ एता वै रमयन्ति कानपि वरान् भावैर्मनोजोत्कटैः  स्वान्त भ्रान्त करोषि किं बत मुधा नारीषु हार्दं हि तत् ॥
७८९६१ एताः पङ्किलकूलरूढनलदस्तम्बक्वणत्कम्बवः  क्रीडत्कर्कटचक्रवालविदलज्जम्बालतोयाविलाः ।
७८९६२ हृल्लेखं जनयन्त्यनूपसरितामुत्तुण्डगण्डूपदो  त्कीर्णक्लिन्नमृदो नदस्थपुटितप्रान्तास्तटीभूमयः ॥
७८९७१ एताः प्रफुल्लकमलोत्पलवक्त्रनेत्रा  गोपाङ्गनाः कनकचम्पकपुष्पगौराः ।
७८९७२ नानाविरागवसना मधुरप्रलापाः  क्रीडन्ति वन्यकुसुमाकुलकेशहस्ताः ॥
७८९८१ एताः शार्दूलहेलादलितमृगकुलव्यक्तरक्ताभिषिक्त  क्ष्मापीठास्वादलुब्धस्फुटतरकलहस्फारफेरण्डचण्डाः ।
७८९८२ वेल्लन्निर्मोकवल्लीवलयनिगडितानोकहक्रोडनीड  क्रीडन्निःशूकघूकव्यतिकरमुखरा भूमयो भीषयन्ति ॥
७८९९१ एताः संप्रति गर्भगौरवभराद्राज्ञोऽवरोधाङ्गनाः  कान्तारेषु पलायितुं बत कथं पद्भ्यां भवेयुः क्षमाः ।
७८९९२ इत्थं चेतसि संविभाव्य सदयं वैकुण्ठकण्ठीरव  त्वन्नादावलिभिः सखीभिरिव किं तद्गर्भपातः कृतः ॥
७९००१ एताः सत्यविहीना  धनलवलीनाः सुखक्षणाधीनाः ।
७९००२ वेश्या विशन्ति हृदयं  मुखमधुरा निर्विचाराणाम् ॥
७९०११ एताः सुतनु मुखं ते  सख्यः पश्यन्ति हेमकूटगताः ।
७९०१२ प्रत्यागतप्रसादं  चन्द्रमिवोपप्लवान्मुक्तम् ॥
७९०२१ एताःस्थानपरिग्रहेण शिवयोरत्यन्तकान्तश्रियः  प्रालेयाचलमेखलावनभुवः पुष्णन्ति नेत्रोत्सवम् ।
७९०२२ व्यावल्गद्बलवैरिवारणवरप्रत्यग्रदन्ताहति  श्वभ्रप्रस्रवदभ्रसिन्धुसवनप्रस्निग्धदेवद्रुमाः ॥
७९०३१ एताः स्वार्थपरा नार्यः केवलं स्वसुखे रताः ।
७९०३२ न तासां वल्लभो यस्मात्स्वसुतोऽपि सुखं विना ॥
७९०४१ एता गुरुश्रोणिपयोधरत्वाद् आत्मानमुद्वोढुमशक्नुवत्यः ।
७९०४२ गाढाङ्गदैर्बाहुभिरप्सु बालाः  क्लेशोत्तरं रागवशात्प्लवन्ते ॥
७९०५१ एतादृशे कलियुगेऽपि शतेषु कश्चिज् जातादरो जगति यः श्रुतिमार्ग एव ।
७९०५२ यत्किंचिदाचरतु पात्रमसौ स्तुतीनां  श्लाघ्यं मितापमपि किं न मरौ सरश्चेत् ॥
७९०६१ एतानि क्रतुपृष्ठवेदिविलुठद्विप्राणि वातप्रमी  च्छन्नोपान्ततरूणि पश्य दधते पुण्याश्रमाणि श्रियम् ।
७९०६२ यान्युत्क्षिप्य मनः पराञ्चति परं नारायणाराधन  श्रद्धामोदितमेकदैव धनिकद्वारे च दारेषु च ॥
७९०७१ एतानि तानि नवयौवनगर्हितानि  मिष्टान्नपानशयनासनलालितानि ।
७९०७२ हारार्धहारमणिमण्डितभूषणानि  भूमौ पतन्ति विलुठन्ति कलेवराणि ॥
७९०८१ एतानि तानि हरनेत्रशिखिप्रबन्ध  दग्धस्मरव्रणविनाशरसायनानि ।
७९०८२ केषां न विस्मयकराणि नितम्बिनीनां  विश्वप्रियाणि नयनार्धविलोकितानि ॥
७९०९१ एतानि तान्यापतितानि काले  भाग्यक्षयान्निष्फलमुद्यमानि ।
७९०९२ तुरङ्गमस्येव रणे निवृत्ते  नीराजनाकौतुकमङ्गलानि ॥
७९१०१ एतानि निःसहतनोरसमञ्जसानि  शून्यं मनः पिशुनयन्ति गतागतानि ।
७९१०२ एते च तीरतरवः प्रथयन्ति तापम्  आलम्बितोज्झितपरिग्लपितैः प्रवालैः ॥
७९१११ एतानि बालधवल प्रविहाय कामं  गोष्ठाङ्गणे तरलतर्णकचेष्टितानि ।
७९११२ स्कन्धं निधेहि धुरि पूर्वधुरीणमुक्तो  नेतव्यतामुपगतोऽस्ति तवैष भारः ॥
७९१२१ एतानि मम पद्यानि पठित्वा यः सभां गतः ।
७९१२२ स सदा पूज्यते राज्ञा सद्धर्मो नृगणैरिव ॥
७९१३१ एतानि विंशतिपदान्याचरिष्यति यो नरः ।
७९१३२ स जेष्यति रिपून् सर्वान् कल्याणश्च भविष्यति ॥
७९१४१ एता निषिक्तरजतद्रवसंनिकाशा  धारा जवेन पतिता जलदोदरेभ्यः ।
७९१४२ विद्युत्प्रदीपशिखया क्षणनष्टदृष्टाश् छिन्ना इवाम्बरपटस्य दशाः पतन्ति ॥
७९१५१ एतानि सर्वदा तस्य न जायन्ते ततः परम् ।
७९१५२ स्त्रीसङ्गं वर्जयेद्यत्नाद्बिन्दुं रक्षेत्प्रयत्नतः ।
७९१५३ आयुःक्षयो बिन्दुनाशादसामर्थ्यं च जायते ॥
७९१६१ एतान् गुणांस्तात महानुभावान्  एको गुणः संश्रयते प्रसह्य ।
७९१६२ राजा यदा सत्कुरुते मनुष्यं  सर्वान् गुणानेष गुणोऽतिभाति ॥
७९१७१ एतान्यनिगृहीतानि व्यापादयितुमप्यलम् ।
७९१७२ अविधेया इवादान्ता हयाः पथि कुसारथिम् ॥
७९१८१ एतान्यवन्तीश्वरपारिजात  जातानि तारापतिपाण्डुराणि ।
७९१८२ संप्रत्यहं पश्यत दिग्वधूनां  यशःप्रसूनान्यवतंसयामि ॥
७९१९१ एतान्यहानि किल चातकशावकेन  नीतानि कण्ठकुहरस्थितजीवितेन ।
७९१९२ तस्यार्थिनो जलद पूरय वाञ्छितानि  मा भूत्त्वदेकशरणस्य बत प्रमादः ॥
७९२०१ एतान्येव तु बन्धाय सप्त सूक्ष्माणि सर्वदा ।
७९२०२ भूरादीनां विरागोऽत्र संभवेद्यस्तु मुक्तये ॥
७९२११ एता याः प्रेक्षसे लक्ष्मीश्छत्त्रचामरचञ्चलाः ।
७९२१२ स्वप्न एष महाबुद्धे दिनानि त्रीणि पञ्च च ॥
७९२२१ एता रावणजीमूताद्बाणधारा विनिःसृताः ।
७९२२२ विभान्ति राममासाद्य वारिधारा वषं यथा ॥
७९२३१ एतावच्छक्यमस्माभिर्वक्तुं त्वं गुणवानिति ।
७९२३२ रत्नाकरस्य रत्नौघपरिच्छेदे तु के वयम् ॥
७९२४१ एतावज्जन्मसाफल्यं देहिनामिह देहिषु ।
७९२४२ प्राणैरर्थैर्धिया वाचा श्रेय एवाचरेत्सदा ॥
७९२५१ एतावज्जन्मसाफल्यं यदनायत्तवृत्तिता ।
७९२५२ ये पराधीनतां यातास्ते वै जीवन्ति के मृताः ॥
७९२६१ एतावता नन्वनुमेयशोभि  काञ्चीगुणस्थानमनिन्दितायाः ।
७९२६२ आरोपितं यद्गिरिशेन पश्चाद् अनन्यनारीकमनीयमङ्कम् ॥
७९२७१ एतावतैव कार्येण मन्यध्वं नो कृतार्थताम् ।
७९२७२ कर्तव्यानां परा काष्ठा नेदानीं विद्यते खलु ॥
७९२८१ एतावत्सरसि सरोरुहस्य कृत्यं  भित्त्वाम्भः सपदि बहिर्विनिर्गतं यत् ।
७९२८२ सौरभ्यं विकसनमिन्दिरानिवासस् तत्सर्वं दिनकरकृत्यमामनन्ति ॥
७९२९१ एतावदेव पर्याप्तं भिक्षोरेकान्तशायिनः ।
७९२९२ न तस्य म्रियते कश्चिन्म्रियते सोऽस्य कस्यचित् ॥
७९३०१ एतावदेव हि फलं  पर्याप्तं ज्ञानसत्त्वयुक्तस्य ।
७९३०२ यद्यापत्सु न मुह्यति  नाभ्युदये विस्मितो भवति ॥
७९३११ एतावन्तं समयमनयः केसरोत्सङ्गरङ्गी  हृद्भृङ्गीनां सततमहरस्त्वं सरःसंचरेषु ।
७९३१२ दैवादस्मिन्मधुप निपतन् कानने केतकीनाम्  एतां दीनामनुभव दशां कीलितः कण्टकेषु ॥
७९३२१ एतावानव्ययो धर्मः पुण्यश्लोकैरुपासितः ।
७९३२२ यो भूतशोकहर्षाभ्यामात्मा शोचति हृष्यति ॥
७९३३१ एतावानेव पुरुषः कृतं यस्मिन्न नश्यति ।
७९३३२ यावच्च कुर्यादन्योऽस्य कुर्याद्बहुगुणं ततः ॥
७९३४१ एतावानेव पुरुषो यज्जायात्मा प्रजेति ह ।
७९३४२ विप्राः प्राहुस्तथा चैतद्यो भर्ता सा स्मृताङ्गना ॥
७९३५१ एतावानेव पुरुषो यदमर्षी यदक्षमी ।
७९३५२ क्षमवान्निरमर्षश्च नैव स्त्री न पुनः पुनः ॥
७९३६१ एताश्चतुष्टयकला  द्वात्रिंशत्क्रमधृताः समस्ता वा ।
७९३६२ संसारवञ्चकानां  विद्या विद्यावतामेव ॥
७९३७१ एताश्चन्द्रोदयेऽस्मिन्नविरलमुशलोत्क्षेपदोलायमान  स्निग्धश्यामाग्रपीनस्तनकलसनमत्कण्ठनालाग्ररम्याः ।
७९३७२ उद्वेल्लद्बाहुवल्लीप्रचलितवलयश्रेणयः पामराणां  गेहिन्यो दीर्घगीतिध्वनिजनितसुखास्तण्डुलान् कण्डयन्ति ॥
७९३८१ एताश्चलद्वलयसंहतिमेखलोत्थ  झंकारनूपुररवाहृतराजहंस्यः ।
७९३८२ कुर्वन्ति कस्य न मनो विवशं तरुण्यो  वित्रस्तमुग्धहरिणीसदृशाक्षिपातैः ॥
७९३९१ एतासु केतकिलतासु विकासिनीषु  सौभाग्यमद्भुततरं भवती बिभर्ति ।
७९३९२ यत्कण्टकैर्व्यथितमात्मवपुर्न जानंस् त्वामेव सेवितुमुपक्रमते द्विरेफः ॥
७९४०१ एतास्ता दिवसान्तभास्करदृशो धावन्ति पौराङ्गनाः  स्कन्धप्रस्खलदंशुकाञ्चलधृतिव्यासङ्गबद्धादराः ।
७९४०२ प्रातर्यातकृषीवलागमभिया प्रोत्प्लुत्य वर्त्मच्छिदो  हट्टक्रीतपदार्थमूल्यकलनव्यग्राङ्गुलिग्रन्थयः ॥
७९४११ एतास्ता मलयोपकण्ठसरितामेणाक्षि रोधोभुवश् चापाभ्यासनिकेतनं भगवतः प्रेयो मनोजन्मनः ।
७९४१२ यासु श्यामनिशासु पीततमसो मुक्तामयीश्चन्द्रिकाः  पीयन्ते विवृतोर्ध्वचञ्चु विचलत्कण्ठं चकोराङ्गनाः ॥
७९४२१ एतास्तु निर्घृणत्वेन निर्दयत्वेन नित्यशः ।
७९४२२ विशेषाज्जाड्यकृत्येन दूषयन्ति कुलत्रयम् ॥
७९४३१ एता हसन्ति च रुदन्ति च कार्यहेतोर् विश्वासयन्ति च परं न च विश्वसन्ति ।
७९४३२ तस्मान्नरेण कुलशीलसमन्वितेन  नार्यः श्मशानघटिका इव वर्जनीयाः ॥
७९४४१ एते कर्बुरितातपास्तत इतः संजायमानाम्बुद  च्छेदैः संप्रति केतकीदलमिलद्दर्भातिथेयोदयाः ।
७९४४२ ग्रामान्तोद्गतशालिबीजयवसाश्लेषप्रहृष्यन्मनो  गोवाहायतगीतिगर्भितदिशो रम्याः सखे वासराः ॥
७९४५१ एते किं ननु सत्यमेव तरवश्चञ्चत्प्रसूनोत्कराः  किं वा काननवाटिकेयमनघायस्याममी कोकिलाः ।
७९४५२ चित्रं कुत्र तिरोहिता मरुधरा सा यत्र मे पत्तनं  नानानिर्झरवैभवं कुत इदं सद्यः समुन्मीलितम् ॥
७९४६१ एते कूर्चकचाः सकङ्कणरणत्कर्णाटसीमन्तिनी  हस्ताकर्षणलालिताः प्रतिदिनं प्राप्ताः परामुन्नतिम् ।
७९४६२ तेऽमी संप्रति पापिनापितकरभ्राम्यत्क्षुरप्रानन  क्षुण्णाः क्षोणितले पतन्ति परितः कॢप्तापराधा इव ॥
७९४७१ एते केतकधूलिधूसररुचः शीतद्युतेरंशवः  प्राप्ताः संप्रति पश्चिमस्य जलधेस्तीरं जराजर्जराः ।
७९४७२ अप्येते विकसत्सरोरुहवनीदृक्पातसंभाविताः  प्राचीरागमुदीरयन्ति तरणेस्तारुण्यभाजः कराः ॥
७९४८१ एते केतकसूचिसौरभजुषः पौरप्रगल्भाङ्गना  व्यालोलालकवल्लरीविलुलनव्याजोपभुक्ताननाः ।
७९४८२ किंचोन्निद्रकदम्बकुड्मलकुटीधूलीलुठत्षट्पद  व्यूहव्याहृतिहारिणो विरहिणः कर्षन्ति वर्षानिलाः ॥
७९४९१ एतेऽक्ष्णोर्जनयन्ति कामविरुजं सीतावियोगे घना  वाताः शीकरिणोऽपि लक्ष्मण दृढं संतापयन्त्येव माम् ।
७९४९२ इत्थं वृद्धपरंपरापरिणतैर्यस्मिन् वचोभिर्मुनीन्  अद्याप्युन्मनयन्ति काननशुकाः सोऽयं गिरिर्माल्यवान् ॥
७९५०१ एते चन्द्रशिलासमुच्चयमयाश्चन्द्रातपप्रस्फुरत् सर्वाङ्गीणपयःप्रवृत्तसरितो झात्कुर्वते पर्वताः ।
७९५०२ येषामुन्मदजागरूकशिखिनि प्रस्थे नमेरुस्थिताः  श्यामा मेघगभीरगद्गदगिरः क्रन्दन्ति कोयष्टयः ॥
७९५११ एते चांशकलाः पुंसः कृष्णस्तु भगवान् स्वयम् ।
७९५१२ इन्द्रारिव्याकुलं लोकं मृडयन्ति युगे युगे ॥
७९५२१ एते चान्ये च बहवः प्रयोगाः पारदारिकाः ।
७९५२२ देशे देशे प्रवर्तन्ते राजभिः संप्रवर्तिताः ॥
७९५२१ न त्वेवैतान् प्रयुञ्जीत राजा लोकहिते रतः ।
७९५२२ निगृहीतारिषड्वर्गस्तथा विजयते महीम् ॥
७९५४१ एते चान्ये च बहवो दोषाः प्रादुर्भवन्त्युत ।
७९५४२ नृपतौ मार्दवोपेते हर्षुले च युधिष्ठिर ॥
७९५५१ एते चापीन्द्रतुल्याः क्षितिपतितनया भीमसेनार्जुनाद्याः  शूराः सत्यप्रतिज्ञा दिनकररुचयः केशवेनोपगूढाः ।
७९५५२ ते दृष्टा पात्रहस्ता जगति कृपणवद्भैक्षचर्यानुयाताः  कः शक्तो भालपट्टे विधिकरलिखितां कर्मरेखां प्रमार्ष्टुम् ॥
७९५६१ एते चूतमहीरुहोऽप्यविरलैर्धूमायिताः षट्पदैर् एते प्रज्वलिताः स्फुटत्किसलयोद्भेदैरशोकद्रुमाः ।
७९५६२ एते किंशुकशाखिनोऽपि मलिनैरङ्गारिताः कुड्मलैः  कष्टं विश्रमयामि कुत्र नयने सर्वत्र वामो विधिः ॥
७९५७१ एते जीर्णकुलायजालजटिलाः पांसूत्कराकर्षिणः  शाखाकम्पविहस्तदुःस्थविहगानाकम्पयन्तस्तरून् ।
७९५७२ हेलान्दोलितनर्तितोज्झितहतव्याघट्टितोन्मूलित  प्रोत्क्षिप्तभ्रमितैः प्रपापटलकैः क्रीडन्ति झञ्झानिलाः ॥
७९५८१ एते ते गिरिकूटसंघटशिलासंघट्टशीर्णाम्भसः  प्रेङ्खच्चामरचारुसीकरकणस्मेरा दरीनिर्झराः ।
७९५८२ यत्पातेषु निकुञ्जकुञ्जरमुखभ्रश्यन्मृणालाङ्कुर  ग्रासोद्ग्रन्थितटं रटन्ति परितः कण्ठीरवा भैरवम् ॥
७९५९१ एते ते दिवसा वियोगिगुरवः पूरोल्लसत्सिन्धवो  विन्ध्यश्यामपयोदनीलनभसो नीपार्जुनामोदिनः ।
७९५९२ आसन्नप्रसवालसां सहचरीमालोक्य नीडार्थिनीं  चञ्चुप्रान्तकिलिञ्जसंचयपरः काकोऽपि येष्वाकुलः ॥
७९६०१ एते ते दिवसास्त एव तरवस्ताश्च प्रगल्भस्त्रियस् तच्चैवाम्रवनं सकोकिलरुतं सेयं सचन्द्रा निशा ।
७९६०२ वातः सोऽपि च दक्षिणो धृतिहरः सोऽयं वसन्तानिलो  हा तारुण्य विना त्वयाद्य सकलं पालालभारायते ॥
७९६११ एते ते दुरतिक्रमक्रममिलद्धर्मोर्मिमर्मच्छिदः  कादम्बेन रजोभरेण ककुभो रुन्धन्ति जञ्झानिलाः ।
७९६१२ गाढारम्भनिरुद्धनीरदघटासंघट्टनीलीभवद् व्योमक्रोडकटाहपातुकपयोवेणीकणग्राहिणः ॥
७९६२१ एते ते पुरतो मरुस्थलभुवः प्रोच्चण्डदावानल  ज्वालालीढकठोरसूरकिरणप्लुष्टच्छदाः शाखिनः ।
७९६२२ तानेतानवधीर्य खिन्नवपुषो दुःशीलझञ्झानिल  क्रीडाभिर्न पयोद गन्तुमुचितं वेलाभिषिक्तद्रुमान् ॥
७९६३१ एते ते मलयाद्रिकन्दरजुषस्तच्छाखिशाखावली  लीलाताण्डवसंप्रदानगुरवश्चेतोभुवो बान्धवाः ।
७९६३२ चूतोन्मत्तमधुव्रतप्रणयिनीहुङ्कारझङ्कारिणो  हा कष्टं प्रसरन्ति पान्थयुवतीजीवद्रुहो वायवः ॥
७९६४१ एते त्वद्वदनानुकारिरुचयो राकासुधांश्वादयो  नीत्वा ते स्मरणं दहन्ति बत मामन्तःस्फुरन्त्यास्तव ।
७९६४२ त्वं स्वामिन्यसि तज्जहीहि जहि वा नेदं पुनः सांप्रतं  यत्स्वस्पर्धिभिरेव मर्दयसि मामेतैर्जघन्यैः प्रिये ॥
७९६५१ एते दरिद्रशिशवस्तनुजीर्णकन्थां  स्कन्धे निधाय मलिनां पुलकाकुलाङ्गाः ।
७९६५२ सूर्यस्फुरत्करकरम्बितभित्तिदेश  लाभाय शीतसमये कलिमाचरन्ति ॥
७९६६१ एतेन बद्धबलिना  संकोचमवाप्य वृद्धदेहेन ।
७९६६२ यातं हरिणेव मया  द्वित्राणि पदानि कृच्छ्रेण ॥
७९६७१ एते नर्तितमौलयो गुणगणप्रस्तावनाभिर्मणेर् जायन्तां वणिजो वयं तु कनक त्वत्कीर्तिवैतालिकाः ।
७९६७२ ते चाम्लानमुखेन हन्त भवता दाहच्छिदा वेदनाम्  अङ्गीकृत्य नरेन्द्रशेखरसुखासीनाः क्रियन्ते यतः ॥
७९६८१ एते नीवारवप्राः पृथुकुसुमसमित्पार्वतः कन्दरोऽयं  देवीयं जह्नुपुत्री सिकतिलशयितः शान्तनिःशङ्करङ्कः ।
७९६८२ कान्तारे दर्भदूर्वाचयशुचिनि वचः स्मार्तमावर्तयन्ति  ब्रह्माणो दुर्विपाकग्रहगहनतया यामिनीजागरूकाः ॥
७९६९१ एते नूतनचूतकोरकघनग्रासातिरेकीभवत् कण्ठध्वानजुषो हरन्ति हृदयं मध्येवनं कोकिलाः ।
७९६९२ येषामक्षिनिभेन भान्ति भगवद्भूतेशनेत्रानल  ज्वालाजालकरालितासमशराङ्गारस्फुलिङ्गा इमे ॥
७९७०१ एतेनोत्कृत्तकण्ठप्रतिसुभटनटारब्धनाट्याद्भुतानां  कष्टं द्रष्टैव नाभूद्भुवि समरसमालोकिलोकास्पदेऽपि ।
७९७०२ अश्वैरस्वैरवेगैः कृतखुरखुरलीमङ्क्षुविक्षुद्यमान  क्ष्मापृष्ठोत्तिष्ठदन्धंकरणरण धुरारेणुधारान्धकारात् ॥
७९७११ एते पञ्चदशानर्था ह्यर्थमूला मता नृणाम् ।
७९७१२ तस्मादनर्थमर्थाख्यं श्रेयोऽर्थी दूरतस्त्यजेत् ॥
७९७२१ भिद्यन्ते भ्रातरो दाराः पितरः सुहृदस्तथा ।
७९७२२ एकास्निग्धाः काकिणिना सद्यः सर्वेऽरयः कृताः ॥
७९७३१ अर्थेनाल्पीयसा ह्येते संरब्धा दीप्तमन्यवः ।
७९७३२ त्यजन्त्याशुस्पृधो घ्नन्ति सहसोत्सृज्य सौहृदम् ॥
७९७४१ एते पल्लिपुरन्ध्रिनिर्भरजलक्रीडाहृताम्भःकण  क्षोदक्षालितलग्नपान्थवनितानिःश्वासतीव्रातपाः ।
७९७४२ वान्ति स्वैरविहारकुञ्जरकरच्छिद्रोदराघूर्णन  प्रारब्धोच्चमृदङ्गनादमुखरास्तापीनिकुञ्जानिलाः ॥
७९७५१ एते पल्लीपरिवृढवधूप्रौढकन्दर्पकेलि  क्लिश्यत्पीनस्तनपरिसरस्वेदसंपद्विपक्षाः ।
७९७५२ वान्ति स्वैरं सरसि सरसि क्रोडदंष्ट्राविमर्द  त्रुट्यद्गुन्द्रापरिमलगुणग्राहिणो गन्धवाहाः ॥
७९७६१ एते पाटीरवाटीनवविटपनटीलास्यशिक्षातिदक्षा  दोलाखेलत्पुरंध्रीश्रमजलकणिकाजालपातिप्रतानाः ।
७९७६२ सौरभ्यादापतद्भिर्मधुकरपटलैः पृष्ठतोऽनुप्रयाताः  कामाग्नेः स्फारधाय्याः पथिककुलवधूबद्धवैराः समीराः ॥
७९७७१ एते पुरः सुरभिकोमलहोमधूम  लेखानिपीतनवपल्लवशोणिमानः ।
७९७७२ पुण्याश्रमाः श्रुतिसमोहितसामगीति  साकूतनिश्चलकुरङ्गकुलाः स्फुरन्ति ॥
७९७८१ एते प्रशस्ततरवो दन्तधावनकर्मणि ।
७९७८२ कण्टकिक्षीरवृक्षोत्थद्वादशाङ्गुलमव्रणम् ॥
७९७९१ एते बहुविधाः शोका विलापरुदिते तथा ।
७९७९२ वर्जनीया हि धीरेण सर्वावस्थासु धीमता ॥
७९८०१ एते मेकलकन्यकाप्रणयिनः पातालमूलस्पृशः  संत्रासं जनयन्ति विन्ध्यभिदुरा वारां प्रवाहाः पुरः ।
७९८०२ लीलोन्मूलितनर्तितप्रतिहतव्यावर्तितप्रेरित  त्यक्तस्वीकृतनिह्नुतप्रचलितप्रोद्धूततीरद्रुमाः ॥
७९८११ एते लक्ष्मण जानकीविरहिणं मां खेदयन्त्यम्बुदा  मर्माणीव च घट्टयन्त्यलममी क्रूराः कदम्बानिलाः ।
७९८१२ इत्थं व्याहृतपूर्वजन्मविरहो यो राधया वीक्षितः  सेर्ष्यं शङ्कितया स वः सुखयतु स्वप्नायमानो हरिः ॥
७९८२१ एते वयं तनुधनाः कृपणेयमुर्वी  दीनाः शतं मृदु च विस्तरयन्ति वाचः ।
७९८२२ तद्भ्रातरः शकुनिफेरवसारमेया  ढौकध्वमेतदहह स्फुटतु क्षणेन ॥
७९८३१ एते वयममी दाराः कन्येयं कुलजीवितम् ।
७९८३२ ब्रूत येनात्र वः कार्यमनास्था बाह्यवस्तुषु ॥
७९८४१ एते वश्यकरोपाया दुर्जने निष्फलाः स्मृताः ।
७९८४२ तत्संनिधिं त्यजेत्प्राज्ञः शक्तस्तं दण्डतो जयेत् ।
७९८४३ छलभूतैस्तु तद्रूपैरुपायैरेभिरेव वा ॥
७९८५१ एते वामविलोचनाकुचसखैः सोढव्यशीतार्तयः  प्राप्ताः पश्चिमसैन्धवस्य मरुतः प्रेमच्छिदो वासराः ।
७९८५२ यत्रापास्य पुराणपङ्कजमयं देवः सशृङ्गारभूर् आदत्ते नवकुन्दकुड्मलशिखानिर्माणमन्यद्धनुः ॥
७९८६१ एते वारिकणान् किरन्ति पुरुषान् वर्षन्ति नाम्भोधराः  शैलाः शाद्वलमुद्वमन्ति न वमन्त्येते पुनर्नायकान् ।
७९८६२ त्रैलोक्ये तरवः फलानि सुवते नैवारभन्ते जनान्  धातः कातरमालपामि कुलटाहेतोस्त्वया किं कृतम् ॥
७९८७१ एते वैयाकरणपशवः स्वीयमायुर्वृथैव  प्राज्ञंमन्याः श्रवणकटुभिः शब्दजालैः क्षिपन्ति ।
७९८७२ शश्वत्कान्ताधरमधुरतावर्णनं कुर्वतां नस् त्वाशीर्वादैरिह सहृदयाः प्रत्यहं वर्धयन्ते ॥
७९८८१ एते व्योमनि शोषयन्ति हरिणत्रासाच्चिरं चीवरे  संध्याकर्मविधौ कमण्डलुमिमे पश्यन्ति रिक्तं भृतम् ।
७९८८२ भिक्षन्ते च फलान्यमी करपुटीपात्रेण चानोकहान्  एषामर्घविधौ च संनिधिगताः पुष्प्यन्त्यकाण्डे लताः ॥
७९८९१ एते शारदकौमुदीकुलभुवः क्षीरोदधेः सोदराः  शेषाहेः सुहृदो विनिद्रकुमुदश्रेणीमहःस्राविणः ।
७९८९२ शीतांशोः सहपांशुखेलनसखाः स्वःसिन्धुसंबन्धिनः  प्रालेयाचलबन्धवस्तव गुणाः कैर्नेह कर्णार्पिताः ॥
७९९०१ एतेषां नवचक्राणामेकैकं ध्यायतो मुनेः ।
७९९०२ सिद्धयो मुक्तिसहिताः करस्थाः स्युर्दिने दिने ॥
७९९११ एतेषामनुकूलो  दक्षिणधृष्टौ शठश्चेति ।
७९९१२ भेदचतुष्टयमेषां  वदाम्युदाहरणमेकैकम् ॥
७९९२१ एतेषु हा तरुणमारुतधूयमान  दावानलैः कवलितेषु महीरुहेषु ।
७९९२२ अम्भो न चेज्जलद मुञ्चसि मा विमुञ्च  वज्रं पुनः क्षिपसि निर्दय कस्य हेतोः ॥
७९९३१ एते संततभृज्यमानचणकामोदप्रधाना मनः  कर्ष्यन्त्यूषरसंनिवेशजरठच्छायाः स्थलीग्रामकाः ।
७९९३२ तारुण्यातिशयाग्रपामरवधूसोल्लासहस्तग्रह  भ्राम्यत्पीवरयन्त्रकघ्वनिरसद्गम्भीरगेहोदराः ॥
७९९४१ एते संप्रति वैमनस्यमनिशं निःशङ्कमातन्वते  कान्तारस्थलपद्मिनीपरिमलैरानन्दितेन्दिन्दिराः ।
७९९४२ उन्मीलत्सहकारकाननतटीवाचालपुंस्कोकिल  ध्वानाकर्णनकांदिशीकपथिकावस्कन्दिनो वासराः ॥
७९९५१ एते समुल्लसद्भासो राजन्ते कुन्दकोरकाः ।
७९९५२ शीतभीता लताकुन्दमाश्रिता इव तारकाः ॥
७९९६१ एते स्निग्धतमा इति  मा मा क्षुद्रेषु कुरुत विश्वासम् ।
७९९६२ सिद्धार्थानामेषां  स्नेहोऽप्यश्रूणि पातयति ॥
७९९७१ एते हि कामकलिताः  परिमललीनालिवलयहुंकारैः ।
७९९७२ सूचितदानाः करिणो  बध्यन्ते क्षिप्रमबलाभिः ॥
७९९८१ एते हि गुणाः पङ्कज  सन्तोऽपि न ते प्रकाशमायान्ति ।
७९९८२ यल्लक्ष्मीवसतेस्तव  मधुपैरुपभुज्यते कोशः ॥
७९९९१ एते हि जीवाश्चिद्भावा भवे भावनया हिताः ।
७९९९२ ब्रह्मणः कलिताकाराः सहस्रायुतकोटिशः ॥
८०००१ एते हि देहदाहाद् विरहा इव दुःसहा भिषजः ।
८०००२ ग्रीष्मदिवसा इवोग्रा  बहुतृष्णाः शोषयन्त्येव ॥
८००११ एते हि विद्युद्गुणबद्धकक्षा  गजा इवान्योन्यमभिद्रवन्तः ।
८००१२ शक्राज्ञया वारिधराः सधारा  गां रूप्यरज्ज्वेव समुद्धरन्ति ॥
८००२१ एते हि समुपासीना विहगा जलचारिणः ।
८००२२ नावगाहन्ति सलिलमप्रगल्भा इवाहवभ् ॥
८००३१ एतैः पिष्टतमालवर्णकनिभैरालिप्तमम्भोधरैः  संसक्तैरुपवीजितं सुरभिभिः शीतैः प्रदोषानिलैः ।
८००३२ एषाम्भोदसमागमप्रणयिनी स्वच्छन्दमभ्यागता  रक्ता कान्तमिवाम्बरं प्रियतमा विद्युत्समालिङ्गति ॥
८००४१ एतैरार्द्रतमालपत्रमलिनैरापीतसूर्यं नभो  वल्मीकाः शरताडिता इव गजाः सीदन्ति धाराहताः ।
८००४२ विद्युत्काञ्चनदीपिकेव रचिता प्रासादसंचारिणी  ज्योत्स्ना दुर्बलभर्तृकेव वनिता प्रोत्सार्य मेघैर्हृता ॥
८००५१ एतैरेव यदा गजेन्द्रमलिनैराध्मातलम्बोदरैर् गर्जद्भिः सतडिद्बलाकशबलैर्मेघैः सशल्यं मनः ।
८००५२ तत्किं प्रोषितभर्तृवध्यपटहो हा हा हृताशो बकः  प्रावृट्प्रावृडिति ब्रवीति शठधीः क्षारं क्षते प्रक्षिपन् ॥
८००६१ एतैर्जह्नुसुताजलैरयमुनाभिन्नैरलग्नाञ्जनैर् नारीणां नयनैरकर्दमलवालिप्तैर्मृणालाङ्कुरैः ।
८००६२ हारैरस्फुरदिन्द्रनीलतरलैः कुन्दैरलीनालिभिर् वेल्लद्भिर्भुवनं विभूषितमिदं शीतद्युतेरंशुभिः ॥
८००७१ एतैर्जातैः किमिह बहुभिर्भोगिभिः किं तु मन्ये  मान्यः कोऽपि प्रभवति जगत्येकशेषः स शेषः ।
८००७२ यस्मिन् गौरीपृथुकुचतटीकुङ्कुमस्थासकाङ्के  येन स्थाणोरुरसि रहितो हारवल्लीविलासः ॥
८००८१ एतैर्दक्षिणगन्धवाहवलनैः श्रीखण्ड किं सौरभं  ब्रूमस्ते परितो मधुव्रतयुवा येनायमानीयते ।
८००८२ माकन्दादपहृत्य पङ्कजवनादुद्धूय कुन्दोदराद् उद्भ्राम्यद्द्विपगण्डमण्डलतलादाकृष्य हृष्यन्मनाः ॥
८००९१ एतैर्यदि सुस्निग्धैर् वल्मीकैः परिवृतास्ततस्तोयम् ।
८००९२ हस्तैस्त्रिभिरुत्तरतश् चतुर्भिरर्धेन च नरस्य ॥
८०१०१ एतैर्यद्यद्समादिष्टं शुभं वा यदि वाशुभम् ।
८०१०२ कर्तव्यं नियतं भीतैरप्रमत्तैर्बुभूषुभिः ॥
८०१११ एतौ द्वौ दशकण्ठकण्ठकदलीकान्तारकान्तिच्छिद उ  वैदेहीकुचकुम्भकुङ्कुमरजःसान्द्रारुणाङ्काङ्कितौ ।
८०११२ लोकत्राणविधानसाधुसवनप्रारम्भयूपौ भुजौ  देयास्तामुरुविक्रमौ रघुपतेः श्रेयांसि भूयांसि वः ॥
८०१२१ एनं विहाय तुलसीविपिनोपकण्ठं  गोप्यः परत्र नयनाम्बुजमीलनानि ।
८०१२२ कुर्वन्तु किंतु तुलसीदलनीलभासं  का वा मुकुन्दमनुविन्दतु लीनमस्मिन् ॥
८०१३१ एनसानेन तिर्यक्स्यादित्यादिः का विभीषिका ।
८०१३२ राजिलोऽपि हि राजेव स्वैः सुखी सुखहेतुभिः ॥
८०१४१ एनाममन्दमकरन्दविनिद्रबिन्दु  संदोहदोहदपदं नलिनीं विमुच्य ।
८०१४२ हे मुग्ध षट्पद निरर्थकरागभाजि  जातं मनस्तव जपाकुसुमे किमत्र ॥
८०१५१ एभिर्जितैर्जितं सर्वं सरुतेन महात्मना ।
८०१५२ स्मृत्वा विवर्जयेदेतान् षड्दोषांश्च महीपतिः ॥
८०१६१ एभिर्दिनैस्तु शिष्याय गुरुः शस्त्राणि दापयेत् ।
८०१६२ संतर्प्य दानहोमाभ्यां सुरान् वेदविधानतः ॥
८०१७१ एभिर्नाशितयोगास्तु सकला देवयोनयः ।
८०१७२ उपसर्गैर्महाघोरैरावर्तन्ते पुनः पुनः ॥
८०१८१ एरण्डपत्त्रशयना  जनयन्ती स्वेदमलघुजघनतटा ।
८०१८२ धूलिपुटीव मिलन्ती  स्मरज्वरं हरति हलिकवधूः ॥
८०१९१ एरण्डबीजप्रतिममङ्गं यस्मिन् प्रतीयते ।
८०१९२ महिषाख्यः स वै खड्गो नीलमेघसमच्छविः ॥
८०२०१ एरण्डभिण्डार्कनलैः प्रभूतैरपि संभृतैः ।
८०२०२ दारुकृत्यं यथा नास्ति तथा नाज्ञैः प्रयोजनम् ॥
८०२११ एलाकरणढेकीभिर्वर्तन्या डूमडेन च ।
८०२१२ लम्भरासैकतालीभिः शुद्धसूडोऽष्टभिः स्मृतः ॥
८०२२१ एवं कदाचिन्नरकं स्वर्गं योन्यन्तराण्यपि ।
८०२२२ प्रयान्ति जीवा मोहेन मोहिता भवसंकटे ॥
८०२३१ एवं करणसामर्थ्यात्संयम्यात्मानमात्मना ।
८०२३२ नयापनयविद्राजा कुर्वीत हितमात्मनः ॥
८०२४१ एवं कर्तुं व वक्तुं च यो जानाति छलप्रियः ।
८०२४२ स करोतु स यात्वेवं कर्तुं भोक्तुं निजं हितम् ॥
८०२५१ एवं कुकर्म सर्वस्य फलत्यात्मनि सर्वदा ।
८०२५२ यो यद्वपति बीजं हि लभते सोऽपि तत्फलम् ॥
८०२६१ तस्मात्परविरुद्धेषु नोत्सहन्ते महाशयाः ।
८०२६२ एतदुत्तमसत्त्वानां विधिसिद्धं हि सद्व्रतम् ॥
८०२७१ एवं कुर्यात्समुदयं वृद्धिं चायस्य दर्शयेत् ।
८०२७२ ह्रासं व्ययस्य च प्राज्ञः साधयेच्च विपर्ययम् ॥
८०२८१ एवंगतस्य मम सांप्रतमेतदर्हम्  अत्रेदमौपयिकमित्थमिदं च साध्यम् ।
८०२८२ अस्मिन् प्रमाणमिदमित्यपि बोद्धुमम्ब  शक्तिर्न मे भुवनसाक्षिणि किं करोमि ॥
८०२९१ एवं च भाषते लोकश्चन्दनं किल शीतलम् ।
८०२९२ पुत्रगात्रस्य संस्पर्शश्चन्दनादतिरिच्यते ॥
८०३०१ एवं चेत्सरसि स्वभावमहिमा जाड्यं किमेतादृशं  यस्मादेव निसर्गतः सरलता किं ग्रन्थिमत्तेदृशी ।
८०३०२ मूलं चेच्शुचि पङ्कजश्रुतिरियं कस्माद्गुणा यद्यमी  किं छिद्राणि सखे मृणाल भवतस्तत्त्वं न मन्यामहे ॥
८०३११ एवं चेद्विधिना कृतोऽस्युपकृतौ कस्यांचिदप्यक्षमः  कामं मोपकृथास्ततस्तव मरो वाच्यं न धीरो भव ।
८०३१२ किं त्वारान्मृगतृष्णयोपजनयन्नम्भोमुचां वञ्चनां  प्रेम्णा कर्षसि तर्षमूर्छितधियोऽप्यन्यानतः शोच्यसे ॥
८०३२१ एवं चोरानचोराख्यान् वणिक्कारुकुशीलवान् ।
८०३२२ भिक्षुकान् कुहकांश्चान्यान् वारयेद्देशपीडनात् ॥
८०३३१ एवं जडेषु लोकेषु स्त्रीषु मुग्धासु का कथा ।
८०३३२ बुद्धिहीनप्रसादेन जीवामः केवलं वयम् ॥
८०३३ १ एवं जरा हन्ति च निर्विशेषं  स्मृतिं च रूपं च पराक्रमं च ।
८०३३ २ न चैव संवेगमुपैति लोकः  प्रत्यक्षतोऽपीदृशमीक्षमाणः ॥
८०३४१ एवंज्ञात्वा नरेन्द्रेण भृत्याः कार्या विचक्षणाः ।
८०३४२ कुलीनाः शौर्यसंपन्नाः शक्ता भक्ताः क्रमागताः ॥
८०३५१ एवंज्ञात्वा महाभागाः पुरुषेण विजानता ।
८०३५२ दिवा तत्कर्म कर्तव्यं येन रात्रौ सुखं स्वपेत् ॥
८०३६१ एवं दुरवधार्यैव गतिश्चित्तस्य योषिताम् ।
८०३६२ सवैरस्याविचारस्य नीचैकाभिमुखस्य च ॥
८०३७१ एवं चात्यक्तशीलानां ससत्त्वानां जितक्रुधाम् ।
८०३७२ तुष्ट्यैवाचिन्तिता एव स्वयमायान्ति संपदः ॥
८०३८१ एवं देवोपहास्यत्वं लोके गच्छन्त्यबुद्धयः ।
८०३८२ लभन्ते नार्थसंसिद्धिं पूज्यन्ते तु सुबुद्धयः ॥
८०३९१ एवं द्रव्यं द्विपवनं सेतुबन्धमथाकरान् ।
८०३९२ रक्षेत्पूर्वकृतान् राजा नवांश्चाभिप्रवर्तयेत् ॥
८०४०१ एवं नरेश वनिताहृदये कदाचित् कूटादृते वसति सत्यकथालवोऽपि ।
८०४०२ तत्सार्थसाध्यगमनासु सदैव तासु  शून्याटवीष्विव रमेत न भूतिकामः ॥
८०४११ एवं न शक्नुवन्तीह यत्तत्कर्तुमशेषतः ।
८०४१२ यथाशक्ति न तस्यांशमपि कुर्वन्त्यबुद्धयः ॥
८०४२१ एवं निश्चितमभ्येति शुभमेव शुभात्मनाम् ।
८०४२२ एवं चातिक्रमो नाम क्लेशाय महतामपि ॥
८०४३१ अविश्वासास्पदं चैव स्त्रीणां स्पृशति नाशयम् ।
८०४३२ प्राणदानोपकारोऽपि किं तासामन्यदुच्यते ॥
८०४४१ एवं निसर्गचपला ललना विवेक  वैराग्यदायिबहुदुश्चरितप्रबन्धाः ।
८०४४२ साध्वी तु काचिदपि तासु कुलं विशालं  यालंकरोत्यभिनवा खमिवेन्दुलेखा ॥
८०४५१ एवं निहत्य संग्रामे दुष्टशत्रुं मदोद्धतम् ।
८०४५२ जयतूर्यनिनादेन हर्षयन् सुभटान् स्वकान् ॥
८०४६१ ... ... ... ... ... ... ।
८०४६२ एवं नोज्झति मूढोऽर्थान् यावदर्थैः स नोज्झितः ॥
८०४७१ ... ... ... ... ... ... ।
८०४७२ एवं पशुश्च मूर्कश्च निर्विवेकमती समौ ॥
८०४८१ एवं पुत्राश्च पौत्राश्च ज्ञातयो बान्धवास्तथा ।
८०४८२ तेषु स्नेहो न कर्तव्यो विप्रयोगो हि तैर्ध्रुवम् ॥
८०४९१ एवं प्रज्ञैव परमं बलं न तु पराक्रमः ।
८०४९२ यत्प्रभावेण निहतः शशकेनापि केसरी ॥
८०५०१ एवं प्रयत्नं कुर्वीत यानशय्यासनाशने ।
८०५०२ स्थाने प्रसाधने चैव सर्वालङ्कारकेषु च ॥
८०५११ एवं फलति सर्वस्य विधिः सत्त्वानुसारतः ।
८०५१२ तत्सुसत्त्वो भवेत्सत्त्वहीनं न वृण्वते श्रियः ॥
८०५२१ ... ... ... ... ... ... ।
८०५२२ एवं बहु क्षपयति स्वल्पस्यार्थे धनान्धधीः ॥
८०५३१ एवं बहूनपि रिपून् समरप्रवृत्तान्  द्वेषाकुलानगणितस्वपरस्वरूपान् ।
८०५३२ एकोऽप्यनन्यसमपौरुषभग्नसार  दर्पज्वराञ्जयति संयुगमूर्ध्नि धीरः ॥
८०५४१ एवं बुद्धेः परं बुद्ध्वा संस्तभ्यात्मानमात्मना ।
८०५४२ जहि शत्रुं महाबाहो कामरूपं दुरासदम् ॥
८०५५१ एवं ब्रुवन्ति लोकेऽत्र धनिनां पुरतःस्थिताः ।
८०५५२ कुलीना अपि पापानां दृश्यन्ते धनलिप्सया ।
८०५५३ दरिद्रस्य मनुष्यस्य क्षितौ राज्यं प्रकुर्वतः ॥
८०५६१ एवं भवति लोकेऽस्मिन् देव सर्वस्य सर्वदा ।
८०५६२ प्राक्कर्मोपार्जितं जन्तोः सर्वमेव शुभाशुभम् ॥
८०५७१ एवं भवन्ति वेश्याः  स्वार्थैकरता व्यपेतसद्भावाः ।
८०५७२ अभिलषितविषयसिद्धेः  का हानिस्तदपि युष्माकम् ॥
८०५८१ एवं मनः कर्मवशं प्रयुङ्क्ते  अविद्ययात्मन्युपधीयमाने ।
८०५८२ प्रीतिर्न यावन्मयि वासुदेवे  न मुच्यते देहयोगेन तावत् ॥
८०५९१ ... ... ... ... ... ... ।
८०५९२ एवं मूढप्रभुर्वेत्ति निग्रहं नाप्यनुग्रहम् ॥
८०६०१ एवं मूढस्य मूढत्वं स्वार्थान्धस्यातिचित्रता ।
८०६०२ ... ... ... ... ... ... ॥
८०६११ एवं मोहप्रभवो  रागो न स्त्रीषु कस्य दुःखाय ।
८०६१२ तास्वेव विवेकभृतां  भवति विरागस्तु मोक्षाय ॥
८०६२१ एवं यथाह भवती मम सर्वदोषाः  कः स्वामिना कुवलयाक्षि सहानुबन्धः ।
८०६२२ एषोऽञ्जलिर्विरचितः कुरु निग्रहं मे  दासेऽपराधवति कोऽवसरः क्षमायाः ॥
८०६३१ एवं लेपत्रयं कुर्यात्सप्तमे सप्तमेऽहनि ।
८०६३२ ततो जन्मावधि कचाः कृष्णाः स्युर्भ्रमरप्रभाः ॥
८०६४१ एवं लोकं परं विद्यान्नश्वरं कर्मनिर्मितम् ।
८०६४२ सतुल्यातिशयध्वंसं यथा मण्डलवर्तिनाम् ॥
८०६५१ एवं वशीकृतस्वात्मा नित्यं स्मितमुखो भवेत् ।
८०६५२ त्यजेद्भ्रकुटिसंकोचं पूर्वाभाषी जगत्सुहृत् ॥
८०६६१ एवंवादिनि देवर्षौ पार्श्वे पितुरधोमुखी ।
८०६६२ लीलाकमलपत्राणि गणयामास पार्वती ॥
८०६७१ एवं विचारश्चिन्ता च सारं राज्येऽधिकं नु किम् ।
८०६७२ ... ... ... ... ... ... ॥
८०६८१ एवंविधान् गजाञ्जात्यान् वनादानीय पार्थिवः ।
८०६८२ विनये शिष्यवत्कुर्यात्पुत्रवत्परिपालयेत् ॥
८०६९१ एवंविधे भावि न वेति चित्ते  निवेश्य कार्यं भषणं विमुञ्चेत् ।
८०६९२ संभक्ष्य पिण्डं स्थिरतां गतस्य  चेष्टादिकं तस्य निरूपणीयम् ॥
८०७०१ एवं विलोक्यास्य गुणाननेकान्  समस्तपापारिनिरासदक्षान् ।
८०७०२ विशुद्धबोधा न कदाचनापि  ज्ञानस्य पूजां महतीं त्यजन्ति ॥
८०७११ एवं विषप्रयोगेण शत्रूणां क्षुद्रधातकम् ।
८०७१२ क्षीणेन क्रियते यत्तु विषदण्डः स उच्यते ॥
८०७२१ एवं विषह्य विधुरस्य विधेर्नियोगम्  आपत्सु रक्षितचरित्रधना हि साध्व्यः ।
८०७२२ गुप्ताः स्वसत्त्वविभवेन महत्तमेन  कल्याणमादधति पत्युरथात्मनश्च ॥
८०७३१ एवंवृत्तस्य राज्ञस्तु शिलोञ्छेनापि जीवतः ।
८०७३२ विस्तीर्यते यशो लोके तैलबिन्दुरिवाम्भसि ॥
८०७४१ एवं वेधत्रयं कुर्याच्शङ्खदुन्दुभिनिःस्वनैः ।
८०७४२ ततः प्रणम्य गुरवे धनुर्बाणान्निवेदयेत् ॥
८०७५१ एवं श्रमविधिं कुर्याद्यावत्सिद्धिः प्रजायते ।
८०७५२ श्रमे सिद्धे च वर्षासु नैव ग्राह्यं धनुः करे ॥
८०७६१ एवं संचिन्त्य मनसा प्रेत्य कर्मफलोदयम् ।
८०७६२ मनोवाक्कर्मभिर्नित्यं शुभं कर्म समाचरेत् ॥
८०७७१ एवं सन्त्येव देवेह भर्तृभक्ताः कुलाङ्गनाः ।
८०७७२ न पुनः सर्वथा सर्वा दुर्वृत्ता एव योषितः ॥
८०७८१ एवं सर्वं विधायेदमितिकर्तव्यमात्मनः ।
८०७८२ युक्तश्चैवाप्रमत्तश्च परिरक्षेदिमाः प्रजाः ॥
८०७९१ एवं सर्वजगद्विलोक्य कलितं दुर्वारवीर्यात्मना  निस्त्रिंशेन समस्तसत्त्वसमितिप्रध्वंसिना मृत्युना ।
८०७९२ सद्रत्नत्रयशातमार्गणगणं गृह्णन्ति तच्छित्तये  सन्तः शान्तधियो जिनेश्वरतपः साम्राज्यलक्ष्मीश्रिताः ॥
८०८०१ एवं सर्वजनानां  दुःखकरं जठरशिखिनमतिविषमम् ।
८०८०२ संतोषजलैरमलैः  शमयन्ति यतीश्वरा ये ते ॥
८०८११ एवं सर्वमिदं कृत्वा यन्मयासादितं शुभम् ।
८०८१२ तेन स्यां सर्वसत्त्वानां सर्वदुःखप्रशान्तिकृत् ॥
८०८२१ एवं सर्वमिदं राजा संमन्त्र्य सह मन्त्रिभिः ।
८०८२२ व्यायम्याप्लुत्य मध्याह्ने भोक्तुमन्तःपुरं व्रजेत् ॥
८०८३१ एवं सर्वात्मना कार्या रक्षा योगविदानिशम् ।
८०८३२ धर्मार्थकाममोक्षाणां शरीरं साधनं यतः ॥
८०८४१ एवं सर्वेषु भूतेषु भक्तिरव्यभिचारिणी ।
८०८४२ कर्तव्या पण्डितैर्ज्ञात्वा सर्वभूतमयं हरिम् ॥
८०८५१ एवं साधारणं देहमव्यक्तप्रभवाप्ययम् ।
८०८५२ को विद्वानात्मसात्कृत्वा हन्ति जन्तूनृतेऽसतः ॥
८०८६१ एवं सिद्धो भवेद्योगी वञ्चयित्वा विधानतः ।
८०८६२ कालं कलितसंसारं पौरुषेणाद्भुतेन हि ॥
८०८७१ एवं स्थापय सुभ्रु बाहुलतिकामेवं कुरु स्थानकं  नात्युच्चैर्नम कुञ्चयाग्रचरणौ मां पश्य तावत्क्षणम् ।
८०८७२ एवं नर्तयतः स्ववक्त्रमुरजेनाम्भोधरध्वानिना  शंभोर्वः परिपान्तु नर्तितलयच्छेदाहतास्तालिकाः ॥
८०८८१ ... ... ... ... ... ... ।
८०८८२ एवं स्वदोषः प्रकटोऽप्यज्ञैर्देव न बुध्यते ॥
८०८९१ एवं स्वभावं ज्ञात्वासां प्रजापतिनिसर्गजम् ।
८०८९२ परमं यत्नमातिष्ठेत्पुरुषो रक्षणं प्रति ॥
८०९०१ ... ... ... ... ... ... ।
८०९०२ एवं हि कुरुते देव योषिदीर्ष्यानियन्त्रिता ॥
८०९११ शिक्षयत्यन्यपुरुषाऽसंगमीर्ष्यैव हि स्त्रियः ।
८०९१२ तदीर्ष्यामप्रकाश्यैव रक्ष्या नारी सुबुद्धिना ॥
८०९२१ रहस्यं च न वक्तव्यं वनितासु यथा तथा ।
८०९२२ पुरुषेणेच्छता क्षेमम् ... ... ... ॥
८०९३१ एवमज्ञातहृदया मूर्खाः कृत्वा विपर्ययम् ।
८०९३२ घ्नन्ति स्वार्थं परार्थं च तादृग्ददति चोऽत्तरम् ॥
८०९४१ एवमनेकविधं विदधाति  यो जननार्णवपातनिमित्तम् ।
८०९४२ चेष्टितमङ्गजबाणविभिन्नो  नेह सुखी न परत्र सुखी सः ॥
८०९५१ एवमन्याय्यया बुद्ध्या कृतं कर्माशुभावहम् ।
८०९५२ तस्मात्तन्न्याय्यया कुर्याद्बकेनाहेः कृतं यथा ॥
८०९६१ एवमन्योन्यसंचारं षड्गुण्यं योऽनुपश्यति ।
८०९६२ स बुद्धिनिगलैर्बद्धैरिष्टं क्रीडति पार्थिवैः ॥
८०९७१ एवमपास्तमतिः क्रमतोऽत्र  पुष्पधनुर्धरवेगविधूतः ।
८०९७२ किं न जनो लभते जननिन्द्यो  दुःखमसह्यमनन्तमवाच्यम् ॥
८०९८१ एवमभ्याहते लोके कालेनाभिनिपीडिते ।
८०९८२ सुमहद्धैर्यमालम्ब्य मनो मोक्षे निवेशयेत् ॥
८०९९१ एवमल्पश्रुतो मन्त्री कल्याणाभिजनोऽप्युत ।
८०९९२ धर्मार्थकामसंयुक्तं नालं मन्त्रं परीक्षितुम् ॥
८१००१ एवमाचारतो दृष्ट्वा धर्मस्य मुनयो गतिम् ।
८१००२ सर्वस्य तपसो मूलमाचारं जगृहुः परम् ॥
८१०११ एवमाप्तवचनात्स पौरुषं  काकपक्षकधरेऽपि राघवे ।
८१०१२ श्रद्दधे त्रिदशगोपमात्रके  दाहशक्तिमिव कृष्णवर्त्मनि ॥
८१०२१ एवमालि निगृहीतसाध्वसं  शंकरो रहसि सेव्यतामिति ।
८१०२२ सा सखीभिरुपदिष्टमाकुला  नास्मरत्प्रमुखवर्तिनि प्रिये ॥
८१०३१ एवमाश्रमविरुद्धवृत्तिना  संयमः किमिति जन्मतस्त्वया ।
८१०३२ सत्त्वसंश्रयसुखोऽपि दूष्यते  कृष्णसर्पशिशुनेव चन्दनः ॥
८१०४१ एवमुत्तमजन्मानस्तिर्यञ्चोऽप्यापदि प्रिये ।
८१०४२ प्रभुं नोज्झन्ति मित्रं वा तारयन्ति ततः पुनः ॥
८१०५१ हीनजात्युद्भवा ये तु तेषां स्पृशति नाशयम् ।
८१०५२ कदाचिदपि सत्त्वं वा स्नेहो वा चञ्चलात्मनाम् ॥
८१०६१ एवमुपचीयमानं  स्तोकं स्तोकं विचिन्वतः पुण्यम् ।
८१०६२ संपद्यते विशालं  श्रुतिमप्येवं तपोऽप्येवम् ॥
८१०७१ एवमेव क्रियायुक्ता सर्वसौभाग्यदायिनी ।
८१०७२ यस्यैषा च भवेद्भार्या देवेन्द्रोऽसौ न मानुषः ॥
८१०८१ एवमेव नहि जीव्यते खलात् तत्र का नृपतिवल्लभे कथा ।
८१०८२ पूर्वमेव हि सुदुःसहोऽनलः  किं पुनः प्रबलवायुनेरितः ॥
८१०९१ एवमेव मनुष्येषु तेषु पूर्वापकारिषु ।
८१०९२ विश्वासो नोपगन्तव्यो नदी गतजला यथा ॥
८११०१ एवमेव हि योऽश्वत्थं रोपयेद्विधिना नरः ।
८११०२ यत्र कुत्रापि वा स्थाने गच्छेत्स भवनं हरेः ॥
८११११ एष एव मनस्तापः पङ्के मग्नस्य दन्तिनः ।
८१११२ पतते यत्समुद्धर्तुं ज्ञातयो निभृतस्मिताः ॥
८११२१ एष क्रीडान्तताम्यत्कुसुमपुरवधूवक्त्रसौरभ्यबन्धुर् मुग्धं निद्राजडानां रसितमनुसरोद्राघयन् सारसानाम् ।
८११२२ आवात्यङ्गानुकूलश्चलितविचकिलश्रेणिगन्धानुधावद् रोलम्बोद्घुष्यमाणस्मरजयबिरुदाडम्बरो मातरिश्वा ॥
८११३१ एष क्षुभ्नाति पङ्कं दलति कमलिनीमत्ति गुन्द्राप्ररोहान्  आरान्मुस्तास्थलानि स्थपुटयति जलान्युत्कसेतूनि याति ।
८११३२ प्राप्तः प्राप्तः प्रविष्टो वनगहनमयं याति यातीति सैन्यैः  पश्चादन्विष्यमाणः प्रविशति विषमान् काननान्तान् वराहः ॥
८११४१ एष गजोऽद्रिमस्तकतले कलभपरिवृतः  क्रीडति वृक्षगुल्मगहने कुसुमभरनते ।
८११४२ मेघरवं निशम्य मुदितः पवनजवसमः  सुन्दरि वंशपत्रपतितं पुनरपि कुरुते ॥
८११५१ एष चारुमुखि योगतारया  युज्यते तरलबिम्बया शशी ।
८११५२ साध्वसादुपगतप्रकम्पया  कन्ययेव नवदीक्षया वरः ॥
८११६१ एष तूड्डमरवीचिडम्बरः  क्षोभमात्रमगमत्पयोनिधिः ।
८११६२ विभ्रमैस्तदुदयक्रमोचितैर् उल्ललास ललनासु मन्मथः ॥
८११६ १ एष दुर्नियतिदण्डचण्डिम  प्रेरितो बत रविर्गतच्छविः ।
८११६ २ स्थास्यति स्वयमधःपतन् कियत् कालमम्बरविलम्बिभिः करैः ॥
८११७१ एष धर्मस्तु सुश्रोणि पितुर्मातुश्च वश्यता ।
८११७२ अतश्चाज्ञां व्यतिक्रम्य नाहं जीवितुमुत्सहे ॥
८११८१ एष धर्मो मयाख्यातो नारीणां परमा गतिः ।
८११८२ या नारी कुरुते चान्यत्सा याति नरकं ध्रुवम् ॥
८११९१ एष बकः सहसैव विपन्नः  शाठ्यमहो क्व नु तद्गतमस्य ।
८११९२ साधु कृतान्तक कश्चिदपि त्वां  वञ्चयितुं न कुतोऽपि समर्थः ॥
८१२०१ एष ब्रह्मा सरोजे रजनिकरकलाशेखरः शंकरोऽयं  दोर्भिर्दैत्यान्तकोऽसौ सधनुरसिगदाचक्रचिह्नैश्चतुर्भिः ।
८१२०२ एषोऽप्यैरावतस्थस्त्रिदशपतिरमी देवि देवास्तथान्ये  नृत्यन्ति व्योम्नि चैताश्चलचरणरणन्नूपुरा दिव्यनार्यः ॥
८१२११ एष भो निर्मलज्योत्स्नो राहुणा ग्रस्यते शशी ।
८१२१२ जलं कूलावपातेन प्रसन्नं कलुषायते ॥
८१२२१ एष रविस्तेजस्वी  खद्योतोऽप्येष हन्त तेजस्वी ।
८१२२२ एष रसालः शाखी  शाखी शाखोटकोऽप्येषः ॥
८१२३१ एष राज्ञां परो धर्मो ह्यार्तानामार्तिनिग्रहः ।
८१२३२ ... ... ... ... ... ... ॥
८१२४१ एष वन्ध्यासुतो याति खपुष्पकृतशेखरः ।
८१२४२ मृगतृष्णाम्भसि स्नातः शशशृङ्गधनुर्धरः ॥
८१२५१ एष विशेषः स्पष्टो  वह्नेश्च त्वत्प्रतापवह्नेश्च ।
८१२५२ अङ्कुरति तेन दग्धं  दग्धस्यानेन नोद्भवो भूयः ॥
८१२६१ एष वृक्षशिखरे कृतास्पदो  जातरूपरसगौरमण्डलः ।
८१२६२ हीयमानमहरत्ययातपं  पीवरोरु पिबतीव बर्हिणः ॥
८१२७१ एष षट्पदयुवा मदायतः  कुन्द यापयति यामिनीस्त्वयि ।
८१२७२ दुर्वहा तदपि नापचीयते  पद्मिनीविरहवेदना हृदि ॥
८१२८१ एष सान्द्रतिमिरे गगनान्ते  वारिणीव मलिने यमुनायाः ।
८१२८२ भाति पक्षपुटगोपितचञ्चू  राजहंस इव शीतमयूखः ॥
८१२९१ एष सूर्यांशुसंतप्तो मृगः कुतरुमाश्रितः ।
८१२९२ साधुर्भाग्यपरिक्षीणो नीचं प्राप्येव सीदति ॥
८१३०१ एष स्वभावो नारीणामनुभूय पुरा सुखम् ।
८१३०२ अल्पामप्यापदं प्राप्य दुष्यन्ति प्रजहत्यपि ॥
८१३११ एष स्वर्गतरङ्गिणीजलमिलद्दिग्दन्तिदन्तद्युतिर् भ्रश्यद्राजतकुम्भविभ्रमधरः शीतांशुरभ्युद्यतः ।
८१३१२ हंसीयत्यमलाम्बुजीयति लसड्डिण्डीरपिण्डीयति  स्फारस्फाटिककुण्डलीयति दिशामानन्दकन्दीयति ॥
८१३२१ एष हि प्रथमो धर्मः क्षत्रियस्याभिषेचनम् ।
८१३२२ येन शक्यं महाप्राज्ञ प्रजानां परिपालनम् ॥
८१३३१ एषां गोपवधूविलाससुहृदां राधारहःसाक्षिणां  भद्रं भद्र कलिन्दशैलतनयातीरे लताशाखिनाम् ।
८१३३२ विच्छिन्ने स्मरतल्पकल्पनविधिच्छेदाय योगेऽधुना  ते जाने जरठीभवन्ति विलसन्नीलत्विषः पल्लवैः ॥
८१३४१ एषां पल्लवमंशुकानि कुसुमं मुक्ताः फलं विद्रुमं  वैडूर्यं दलमङ्कुरो मरतकं हैमं च शाखाशतम् ।
८१३४२ एते के जगतीरुहो वनजुषाप्यज्ञातपूर्वा मया  प्रायः सारममी दिवो विटपिनः किं तैर्ममान्यो भरः ॥
८१३५१ एषा का जघनस्थली सुललिता प्रोन्मत्तकामाधिका  भ्रूभङ्गं कुटिलं त्वनङ्गधनुषः प्रख्यं प्रभाचन्द्रवत् ।
८१३५२ राकाचन्द्रकपोलपङ्कजमुखी क्षामोदरी सुन्दरी  वेणीदण्डमिदं विभाति तुलितं वेल्लद्भुजं गच्छति ॥
८१३६१ एषा का नवयौवना शशिमुखी कान्ता पथो गच्छति  निद्राव्याकुलिता विघूर्णनयना संपक्वबिम्बाधरा ।
८१३६२ केशैर्व्याकुलिता नखैर्विदलिता दन्तैश्च खण्डीकृता  केनेदं रतिराक्षसेन रमिता शार्दूलविक्रीडिता ॥
८१३७१ एषा कान्ता व्रजति ललितं वेपमाना  गुल्मच्छन्नं वनमुरुनगैः संप्रविद्धम् ।
८१३७२ हा हा कष्टं किमिदमिति नो वेद्मि मूढो  व्यक्तं क्रोधच्छरभललितं कर्तुकामा ॥
८१३८१ एषा का परिपूर्णचन्द्रवदना गौरीमृगा क्षोभिनी  लीलामत्तगजेन्द्रहंसगमना   .   .  ।
८१३८२ निःश्वासाधरगन्धशीतलमुखी वाचा मृदूल्लासिनी  स श्लाघ्यः पुरुषस्स जीवति वरो यस्य प्रिया हीदृशी ॥
८१३९१ एषा का प्रस्तुताङ्गी प्रचलितनयना हंसलीला व्रजन्ती  द्वौ हस्तौ कुङ्कुमार्द्रौ कनकविरचिता  .   .   ।
८१३९२  ऊंगांगेगता सा बहुकुसुमयुता बद्धवीणा हसन्ती  ताम्बूलं वामहस्ते मदनवशगता गूह्य शालां प्रविष्टा ॥
८१४०१ एषा का भुक्तमुक्ता प्रचलितनयना स्वेदलग्नाङ्गवस्त्रा  प्रत्यूषे याति बाला मृग इव चकिता सर्वतः शङ्कयन्ती ।
८१४०२ केनेदं वक्त्रपद्मं स्फुरदधररसं षट्पदेनैव पीतं  स्वर्गः केनाद्य भुक्तो हरनयनहतो मन्मथः कस्य तुष्टः ॥
८१४११ एषा का रतिहावभावविलसच्चन्द्राननं बिभ्रती  गात्रं चम्पकदामगौरसदृशं पीनस्तनालम्बिता ।
८१४१२ पद्भ्यां संचरति प्रगल्भहरिणी संलीलया स्वेच्छया  किं चैषा गगनाङ्गना भुवितले संपादिता ब्रह्मणा ॥
८१४२१ एषा का स्तनपीनभारकठिना मध्ये दरिद्रावती  विभ्रान्ता हरिणी विलोलनयना संत्रस्तयूथोद्गता ।
८१४२२ अंतःस्वेदगजेन्द्रगण्डगलिता संलीलया गच्छति  दृष्ट्वा रूपमिदं प्रियाङ्गगहनं वृद्धोऽपि कामायते ॥
८१४३१ एषा कुसुमनिषण्णा  तृषितापि सती भवन्तमनुरक्ता ।
८१४३२ प्रतिपालयति मधुकरी  न खलु मधु विना त्वया पिबति ॥
८१४४१ एषागतैव निबिरीसनितम्बबिम्ब  भारेण पक्ष्मलदृशः क्रियते तु विघ्नः ।
८१४४२ यान्त्या इतीव दयितान्तिकमेणदृष्टेर् अग्रे जगाम गदितुं लघुचित्तवृत्तिः ॥
८१४५१ एषा जिगीषति पृथुस्तबका लता त्वां  पर्याप्तपीननिबिडस्तनभारखिन्नाम् ।
८१४५२ अस्याः प्रिये विचिनुमः स्तबकांस्तथान्याः  कर्तुं यथा न हि कदापि लताः स्मरेयुः ॥
८१४६१ एषा ते हर का सुगात्रि कतमा मूर्ध्नि स्थिता किं जटा  हंसः किं भजते जटां नहि शशी चन्द्रो जलं सेवते ।
८१४६२ मुग्धे भूतिरियं कुतोऽत्र सलिलं भूतिस्तरङ्गायते  इत्थं यो विनिगूहते त्रिपथगां पायात्स वः शंकरः ॥
८१४७१ एषा दोषा यथार्था प्रियतम भवतो हन्त जाता वियोगे  स्त्रीहत्यापातकीति प्रथितिमुपगते लाञ्छनीति त्रिलोक्याम् ।
८१४७२ नैवं भूयोऽपराधं बत दयित कदाप्याचरिष्यामि सत्यं  त्वत्त्यक्तां मां सुतिग्मैर्मनसिजशमनः सायकैर्हन्तुमुत्कः ॥
८१४८१ एषा धर्मपताकिनी तटसुधासेवावसन्नाकिनी  शुष्यत्पातकिनी भगीरथतपःसाफल्यहेवाकिनी ।
८१४८२ प्रेमारूढपिनाकिनी गिरिसुतास्याकेकरालोकिनी  पापाडम्बरडाकिनी त्रिभुवनानन्दाय मन्दाकिनी ॥
८१४९१ एषा पुष्करिणी मराल मलिनैश्छन्ना कुवीथीजलैर् यस्यामज्ञतया विधेरकृपया चेद्वस्तुमाकाङ्क्षसे ।
८१४९२ विश्रम्भो बकमण्डलेषु विनयो भेकेषु संबन्धिता  रात्र्यन्धेषु विधीयतां कृपणता कोयष्टिकश्रेणिषु ॥
८१५०१ एषा प्रवासं कथमप्यतीत्य  याता पुनः संशयमन्यथैव ।
८१५०२ को नाम पाकाभिमुखस्य जन्तोर् द्वाराणि दैवस्य पिधातुमीष्टे ॥
८१५११ एषा फुल्लकदम्बनीपसुरभौ काले घनोद्भासिते  कान्तस्यालयमागता समदना हृष्टा जलार्द्रालका ।
८१५१२ विद्युद्वारिदगर्जितैः सचकिता त्वद्दर्शनाकाङ्क्षिणी  पादौ नूपुरलग्नकर्दमधरौ प्रक्षालयन्ती स्थिता ॥
८१५२१ एषा भविष्यति विनिद्रसरोरुहाक्षी  कामस्य कापि दयिता तनुजानुजा वा ।
८१५२२ यः पश्यति क्षणमिमां कथमन्यथासौ  कामस्तमस्तकरुणस्तरुणं हिनस्ति ॥
८१५३१ एषा मनो मे प्रसभं शरीरात् पितुः पदं मध्यममुत्पतन्ती ।
८१५३२ सुराङ्गना कर्षति खण्डिताग्रात् सूत्रं मृणालादिव राजहंसी ॥
८१५४१ एषा रङ्गप्रवेशेन कलानां चैव शिक्षया ।
८१५४२ स्वरान्तरेण दक्षा हि व्याहर्तुं तन्न मुच्यताम् ॥
८१५५१ एषा लता यदि विलासवती कथं स्याद् विद्युल्लता यदि कथं भविता धरण्याम् ।
८१५५२ वस्तुं मनोजनृपतेर्नगरी गरीयो  वक्षोजदुर्गविषमा किमकारि धात्रा ॥
८१५६१ एषा व्रजन्ती ललितं स्मयन्ती  सखीजनैः सार्धमतिप्रगल्भा ।
८१५६२ सुरीव नित्यं सुरतासुखाप्ता  विभाति भूमीधरपाठकस्त्री ॥
८१५७१ एषा सा विन्ध्यमध्यस्थलविपुलशिलोत्सङ्गरङ्गत्तरङ्गा  संभोगश्रान्ततीराश्रयशबरवधूशर्म दा नर्मदा च ।
८१५७२ यस्याः सान्द्रद्रुमालीललिततलमिलत्सुन्दरीसंनिरुद्धैः  सिद्धैः सेव्यन्त एते मृगमृदितदलत्कन्दलाः कूलकच्छाः ॥
८१५८१ एषासि वयसो दर्पात्कुलपुत्रानुसारिणी ।
८१५८२ केशेषु कुसुमाढ्येषु सेवितव्येषु कर्षिता ॥
८१५९१ एषा हि प्रकृतिः स्त्रीणामासृष्टे रघुनन्दन ।
८१५९२ समस्थमनुरज्यन्ते विषमस्थं त्यजन्ति च ॥
८१६०१ एषा हि मे रणगतस्य दृढा प्रतिज्ञा  द्रक्ष्यन्ति यन्न रिपवो जघनं हयानाम् ।
८१६०२ युद्धेषु भाग्यचपलेषु न मे प्रतिज्ञा  दैवं यदिच्छति जयं च पराजयं च ॥
८१६११ एषु स्पर्शो वरस्त्रीणां स्वान्तहारी मुनेरपि ।
८१६१२ अतोऽप्रमत्तः सेवेत विषयांस्तु यथोचितान् ॥
८१६२१ एषैव काचन विनिद्रसरोरुहाक्षी  कामस्य कापि दयिता तनुजानुजा वा ।
८१६२२ यः पश्यति क्षणमिमां कथमन्यथासौ  कामस्तमस्तकरुणं तरुणं निहन्ति ॥
८१६३१ एषैव महती लज्जा सदाचारस्य भूपतेः ।
८१६३२ यदकालभवो मृत्युस्तस्य संस्पृशति प्रजाः ॥
८१६४१ एषैव योषितां धन्या शीलं च लभते सुखम् ।
८१६४२ दिवा पतिव्रता भूयो नक्तं च कुलटा यतः ॥
८१६५१ एषोऽग्निहोत्रीति बिभर्ति गास्ता  विक्रीय दुग्धं सलिलं जुहोति ।
८१६५२ ख्यातोऽस्ति लोकेष्वृतुकालगामी  रजस्वलां याति दिवापि वेश्याम् ॥
८१६६१ एषोज्जटस्य भवतो गृहिणी त्वपर्णा  स्थाणुः स्वयं तव च सूनुरसौ विशाखः ।
८१६६२ त्वत्तः फलं क इह वाञ्छति वामदेव  जन्मक्षयः परमसौ तव दर्शनेन ॥
८१६७१ एषोत्तुङ्गतरङ्गलङ्घिततटोत्सङ्गा पतङ्गात्मजा  पूर्णेयं तरिरम्बुभिर्न हि हरेः शङ्का कलङ्कादपि ।
८१६७२ काठिन्यं भज नाद्य सुन्दरि वयं राधे प्रसादेन ते  जीवामः स्फुटमातरीकुरु गिरिद्रोणीविनोदोत्सवम् ॥
८१६८१ एषोऽम्बुदनिःस्वनतुल्यरवः  क्षीबः स्खलमानविलम्बगतिः ।
८१६८२ श्रुत्वा घनगर्जितमद्रितटे  वृक्षान् प्रति मोटयति द्विरदः ॥
८१६९१ एषोऽहमद्रितनयामुखपद्मजन्मा  प्राप्तः सुरासुरमनोरथदूरवर्ती ।
८१६९२ स्वप्नेऽनिरुद्धघटनाधिगताभिरूप  लक्ष्मीफलामसुरराजसुतां विधाय ॥
८१७०१ एष्टव्या बहवः पुत्रा गुणवन्तो बहुश्रुताः ।
८१७०२ तेषां वै समवेतानामपि कश्चिद्गयां व्रजेत् ॥
८१७११ एष्टव्या बहवः पुत्रा यद्येकोऽपि गयां व्रजेत् ।
८१७१२ यजेत वाश्वमेधेन नीलं वा वृषमुत्सृजेत् ॥
८१७२१ एष्टव्या बहवः पुत्रा यद्येकोऽपि गयां व्रजेत् ।
८१७२२ यत्रासौ प्रथितो लोकेष्वक्षय्यकरणो वटः ॥
८१७३१ एष्यति मा पुनरयमिति  गमने यदमङ्गलं मयाकारि ।
८१७३२ अधुना तदेव कारणम्  अवस्थितौ दग्धगेहपतेः ॥
८१७४१ एष्यन्ति यावद्गणनाद्दिगन्तान्  नृपाः स्मरार्ताः शरणे प्रवेष्टुम् ।
८१७४२ इमे पदाब्जे विधिनापि सृष्टास् तावत्य एकाङ्गुलयोऽत्र लेखाः ॥
८१७५१ एष्यन्त्यवश्यमधुना हृदयाधिनाथा  मुग्धा मुधा कुरुत मा विविधं विलापम् ।
८१७५२ इत्थं शशंसुरिव गर्जितकैतवेन  पाथोधराः पथिकपङ्कजलोचनाभ्यः ॥
८१७६१ एहि गच्छ पतोत्तिष्ठ वद मौनं समाचर ।
८१७६२ इति वित्रस्तसारङ्गनेत्रया को न वञ्चितः ॥
८१७७१ एहि गच्छ पतोत्तिष्ठ वद मौनं समाचर ।
८१७७२ एवमाशाग्रहग्रस्तैः क्रीडन्ति धनिनोऽर्थिभिः ॥
८१७८१ एहि तत्र चिनुवः सुकौसुमं  कौ सुमञ्जुसुमनस्तरुश्रियाम् ।
८१७८२ एकिकामिति ततान मानिनीम्  आनिनीय कपटाद्रहः क्षणम् ॥
८१७९१ एहि विश्वात्मने वत्से भिक्षा त्वं परिकल्पिता ।
८१७९२ अर्थिनो मुनयः प्राप्तं गृहमेधिफलं मया ॥
८१८०१ एहि हे रमणि पश्य कौतुकं  धूलिधूसरतनुं दिगम्बरम् ।
८१८०२ सापि तद्वदनपङ्कजं पपौ  भ्रातरुक्तमपि किं न बुघ्यते ॥
८१८११ एह्यागच्छ समाविशासनमिदं कस्माच्चिराद्दृश्यसे  का वार्त्तेति सुदुर्बलोऽसि कुशलं प्रीतोऽस्मि ते दर्शनात् ।
८१८१२ एवं ये समुपागतान् प्रणयिनः प्रत्यालपन्त्यादरात् तेषां युक्तमशङ्कितेन मनसा हर्म्याणि गन्तुं सदा ॥
८१८२१ एह्यालिङ्ग त्वरयति मनो दुर्बला वासरश्रीर् आश्लिष्टासि क्षपय रजनीमेकिका चक्रवाकि ।
८१८२२ नान्यासक्तो न खलु कुपितो नानुरागच्युतो वा  दैवाधीनः सपदि भवतीमस्वतन्त्रस्त्यजामि ॥
८१८३१ एह्येहि क्व गतासि मैथिलि मृगः प्राप्तो मया काञ्चनीम्  एतस्य त्वचमुच्चरामि कुचयोर्विन्यस्य वर्णांशुकम् ।
८१८३२ मत्सौभाग्यबुभुत्सयापि विपिनेष्वेकाकिनी मा स्म भूर् विद्विष्टा मयि संचरन्ति सरले मायाविनो राक्षसाः ॥
८१८४१ एह्येहि वत्स रघुनन्दन रामभद्र  चुम्बामि मूर्धनि चिराय परिष्वजे त्वाम् ।
८१८४२ आरोप्य वा हृदि दिवानिशमुद्वहामि  वन्देऽथवा चरणपुष्करकद्वयं ते ॥
८१८५१ एह्येहीति शिखण्डिनां पटुतरं केकाभिराक्रन्दितः  प्रोड्डीयेव बलाकया सरभसं सोत्कण्ठमालिङ्गितः ।
८१८५२ हंसैरुज्झितपङ्कजैरतितरां सोद्वेगमुद्वीक्षितः  कुर्वन्नञ्जनमेचका इव दिशो मेघः समुत्तिष्ठति ॥
८१८६१ ऐकगुण्यमनीहायामभावः कर्मणां फलम् ।
८१८६२ अथ द्वैगुण्यमीहायां फलं भवति वा न वा ॥
८१८७१ ऐकमत्यमुपागम्य शास्त्रदृष्टेन चक्षुषा ।
८१८७२ मन्त्रिणो यत्र निरतास्तमाहुर्मन्त्रमुत्तमम् ॥
८१८८१ बह्व्योऽपि मतयो गत्वा मन्त्रिणामर्थनिर्णये ।
८१८८२ पुनर्यत्रैकतां प्राप्तः स मन्त्रो मध्यमः स्मृतः ॥
८१८९१ अन्योऽन्यं मतिमास्थाय यत्र संप्रतिभाष्यते ।
८१८९२ न चैकमत्ये श्रेयोऽस्ति मन्त्रः सोऽधम उच्यते ॥
८१९०१ ऐणं चर्म पलाशवेश्म पुरतो दृष्ट्वैव कृष्णाजिनं  भिक्षार्थी क्षुधितस्तपोवनधिया किं धार्मिक भ्राम्यसि ।
८१९०२ एनां भिल्लपुरीमवैहि सुरभीशृङ्गेण यत्र स्थितैः  पीयन्ते वनवह्निदग्धमहिषीमांसोपदंशं सुराः ॥
८१९११ ऐन्दवादर्चिषः कामी शिशिरं हव्यवाहनम् ।
८१९१२ अबलाविरहक्लेशविह्वलो गणयत्ययम् ॥
८१९२१ ऐन्दवी वहति नाडिका यदा  स्वेच्छया प्रविशति प्रभञ्जनः ।
८१९२२ पोतकी व्रजति दक्षिणा यदा  स्यात्तदा सकलमीप्सितं फलम् ॥
८१९३१ ऐन्द्रं धनुः पाण्डुपयोधरेण  शरद्दधानार्द्रनखक्षताभम् ।
८१९३२ प्रसादयन्ती सकलङ्कमिन्दुं  तापं रवेरप्यधिकं चकार ॥
८१९४१ ऐन्द्रिः किल नखैस्तस्या विददार स्तनौ द्विजः ।
८१९४२ प्रियोपभोगचिह्नेषु पौरोभाग्यमिवाचरन् ॥
८१९५१ ऐन्द्र्यां दिगवलोकित  सूर्याभिमुखो गृहे गृहिणः ।
८१९५२ राजभयं चौरभयं  वधकलहः पशुभयं च स्यात् ॥
८१९६१ ऐरावणन्ति करिणः फणिनोऽप्यशेषाः  शेषन्ति हन्त विहगा अपि हंसितारः ।
८१९६२ नीलोत्पलानि कुमुदन्ति च सर्वशैलाः  कैलासितुं व्यवसिता भवतो यशोभिः ॥
८१९७१ ऐरावणाननमदाम्बुकणावपात  संसक्ततामरसरेणुपिशङ्गिताङ्गः ।
८१९७२ चण्डानिलाहततुषारविशीर्णपक्षः  क्षीणः क्षितौ मधुकरो विवशोऽत्र शेते ॥
८१९८१ ऐरावणे सुरवधूपरिगीयमान  युष्मद्यशःश्रवणनिश्चलकर्णताले ।
८१९८२ निर्विघ्नमापिबति भृङ्गकुलं मदाम्भः  कल्याणमावहति कस्य न चेष्टितं ते ॥
८१९९१ ऐशान्यां पतनं दुष्टं विदिशोऽन्याश्च शोभनाः ।
८१९९२ हर्षपुष्टिकराश्चैव सिद्धिदाः शस्त्रकर्मणि ॥
८२००१ ऐशान्यां संप्राप्तिर् घृतपूर्णानां भवेदनडुहश्च ।
८२००२ एवं फलं गृहपतेर् गृहपृष्ठसमाश्रिते भवति ॥
८२०११ ऐश्वर्यं नहुषस्य शंभुविषयश्रद्धा दशास्यस्य सा  शौर्यं श्रीरघुनायकस्य सहजं गाम्भीर्यमम्भोनिधेः ।
८२०१२ दातृत्वं बलिकर्णयोरिह जगत्येकत्र चेत्स्यात्तदा  श्रीवीरक्षितिपालमौलिनृपतेः साम्यं कथंचिद्भवेत् ॥
८२०२१ ऐश्वर्यतिमिरं चक्षुः पश्यच्चापि न पश्यति ।
८२०२२ पश्चाद्विमलतां याति दारिद्र्यगुलिकाञ्जनैः ॥
८२०३१ ऐश्वर्यधनरत्नानां प्रत्यमित्रेऽपि तिष्ठताम् ।
८२०३२ दृष्टा हि पुनरावृत्तिर्जीवतामिति नः श्रुतम् ॥
८२०४१ ऐश्वर्यमत्तः पापिष्ठो मधुपानमदादपि ।
८२०४२ ऐश्वर्यमदमत्तानां गतिरूर्ध्वा न विद्यते ॥
८२०५१ ऐश्वर्यमदपापिष्ठा मदाः पानमदादयः ।
८२०५२ एश्वर्यमदमत्तो हि नापतित्वा विबुध्यते ॥
८२०६१ ऐश्वर्यमदमत्तांश्च मत्तान्मद्यमदेन च ।
८२०६२ अप्रमत्ताः शठाः शूरा विक्रान्ताः पर्युपासते ॥
८२०७१ ऐश्वर्यमदमत्तानां क्षुधितानां च कामिनाम् ।
८२०७२ अहंकारविमूढानां विवेको नैव जायते ॥
८२०८१ ऐश्वर्यमध्रुवं प्राप्य ध्रुवधर्मे मतिं कुरु ।
८२०८२ क्षणादेव विनाशिन्यः सम्पदोऽप्यात्मना सह ॥
८२०९१ ऐश्वर्यमल्पमेत्य  प्रायेण हि दुर्जनो भवति मानी ।
८२०९२ सुमहत्प्राप्यैश्वर्यं  प्रशमं प्रतिपद्यते सुजनः ॥
८२०९ १ ऐश्वर्यमव्याहतमावहन्तु  हेरम्बपादाम्बुजपांसवो नः ।
८२०९ २ ये निर्वहन्ति श्रुतिसुन्दरीणां  सीमन्तसिन्दूरपरागलक्ष्मीम् ॥
८२१०१ ऐश्वर्यमीर्ष्या नैर्घृण्यं क्षीबत्वं निर्विवेकता ।
८२१०२ एकैकं किं न यत्कुर्यात्पञ्चाङ्गित्वे तु का कथा ॥
८२१११ ऐश्वर्यवन्तोऽपि हि निर्धनास्ते  व्यर्थश्रमा जीवितमात्रसाराः ।
८२११२ कृता न लोभोपहृतात्मभिर्यैः  सुहृत्स्वयंग्राहविभूषणा श्रीः ॥
८२१२१ ऐश्वर्यस्य परा काष्ठा यत्र नित्यं विभाव्यते ।
८२१२२ धनदः स न केषां स्यात्स्पृहणीयगुणोदयः ॥
८२१३१ ऐश्वर्यस्य विभूषणं सुजनता शौर्यस्य वाक्संयमो  ज्ञानस्योपशमः शमस्य विनयो वित्तस्य पात्रे व्ययः ।
८२१३२ अक्रोधस्तपसः क्षमा प्रभवितुर्धर्मस्य निर्व्याजता  सर्वेषामपि सर्वकारणमिदं शीलं परं भूषणम् ॥
८२१४१ ऐश्वर्यात्सह संबन्धं न कुर्याच्च कदाचन ।
८२१४२ गते च गौरवं नास्ति आगते च धनक्षयः ॥
८२१५१ ऐश्वर्यादनपेतमीश्वरमयं लोकोऽर्थतः सेवते  तं गच्छन्त्यनु ये विपत्तिषु पुनस्ते तत्प्रतिष्ठाशया ।
८२१५२ भर्तुर्ये प्रलयेऽपि पूर्वसुकृतासङ्गेन निःसङ्गया  भक्त्या कार्यधुरं वहन्ति कृतिनस्ते दुर्लभास्त्वादृशाः ॥
८२१६१ ऐश्वर्येऽपि क्षमा यस्य दारिद्र्येऽपि हितैषिता ।
८२१६२ आपत्तावपि धीरत्वं दधतो मर्त्यता कथम् ॥
८२१७१ ऐश्वर्ये वा सुविस्तीर्णे व्यसने वा सुदारुणे ।
८२१७२ रज्ज्वेव पुरुषं बद्ध्वा कृतान्तः परिकर्षति ॥
८२१८१ ऐहलौकिकपारत्र्यं कर्म पुंभिर्निषेव्यते ।
८२१८२ कर्माण्यपि तु कल्याणि लभते काममास्थितः ॥
८२१९१ ऐहलौकिकमीहन्ते मांसशोणितवर्धनम् ।
८२१९२ पारलौकिककार्येषु प्रसुप्ताभृशनास्तिकाः ॥
८२२०१ ऐहिकामुष्मिकान् कामांल्लोभमोहात्मकांश्च यान् ।
८२२०२ निरुध्यास्ते सदा योगी प्राप्तिः स्यात्सार्वकामिकी ॥
८२२११ ओंकारः पुरुषः पूर्वः व्याहृतिः प्रकृतिः स्त्रियः ।
८२२१२ उभयोः करसंयोगे वस्त्रेणाच्छादयेन्नरः ॥
८२२२१ ओंकारशब्दो विप्राणां यस्य राष्ट्रे प्रवर्तते ।
८२२२२ स राजा हि भवेद्योगी व्याधिभिश्च न पीड्यते ॥
८२२३१ ओंकाराः कुसुमायुधोपनिषदां मन्त्रानुवादः स्मर  स्वाध्यायस्य रतेः पुनर्भवविधौ गन्धाभिरामश्रुतिः ।
८२२३२ चित्ताकर्षणसाध्यसिद्धिरसतीनेत्रस्य कर्णज्वरः  पान्थानां सहकारकाननसुधासेकः पिकानां ध्वनिः ॥
८२२४१ ओंकारे सत्प्रदीपे मृगय गृहपतिं सूक्ष्ममेकान्तरस्थं  संयम्य द्वारवाहं पवनमविरतं नायकं चेन्द्रियाणाम् ।
८२२४२ वाग्जालं कस्य हेतोर्वितरसि हि गिरां दृश्यते नैव किंचिद् देहस्थं पश्य नाथं भ्रमसि किमपरे शास्त्रमोहान्धकारे ॥
८२२५१ ओंकारो मदनद्विजस्य गगनक्रोडैकदंष्ट्राङ्कुरस् तारामौक्तिकशुक्तिरन्धतमसस्तम्बेरमस्याङ्कुशः ।
८२२५२ शृङ्गारार्गलकुञ्चिका विरहिणीमानच्छिदा कर्तरी  संध्यावारवधूनखक्षतिरियं चान्द्री कला राजते ॥
८२२६१ ओंकारो यस्य कन्दः सलिलमुपनिषन्न्यायजालं मृणालं  ब्रह्माण्डं यस्य काण्डं प्रसरति परितो यस्य यागः परागः ।
८२२६२ भृङ्गध्वानः पुराणं विजनसुरधुनीतीरवासोऽधिवासो  यस्यानन्दो मरन्दः पुरहरचरणाम्भोरुहं तद्भजामः ॥
८२२७१ ओं नमः परमार्थैकरूपाय परमात्मने ।
८२२७२ स्वेच्छावभासितासत्यभेदभिन्नाय शंभवे ॥
८२२८१ ओं ह्रौं शिखास्थाने शंकराय नमः ।
८२२८२ ओं ह्रौं बाह्वोः केशवाय नमः ।
८२२८२ ओं ह्रौं नाभिमध्ये ब्रह्मणे नमः ।
८२२८३ ओं ह्रौं जङ्घयोर्गणपतये नमः ।
८२२९१ ओघवाताहृतं बीजं यस्य क्षेत्रे प्ररोहति ।
८२२९२ क्षेत्रिकस्यैव तद्बीजं न बीजी लभते फलम् ॥
८२३०१ ओजसापि खलु नूनमनूनं  नासहायमुपयाति जयश्रीः ।
८२३०२ यद्विभुः शशिमयूखसखः सन्न्  आददे विजयि चापमनङ्गः ॥
८२३११ ओजोभाजां यद्रणे संस्थितानाम्  आदत्तीव्रं सार्धमङ्गेन नूनम् ।
८२३१२ ज्वालाव्याजादुद्वमन्ती तदन्तस् तेजस्तारं दीप्तजिह्वा ववाशे ॥
८२३२१ ओमित्येतत्परं ब्रह्म श्रुतीनां मुखमक्षरम् ।
८२३२२ प्रसीदतु सतां स्वान्तेष्वेकं त्रिपुरुषीमयम् ॥
८२३३१ ओषामासे मत्सरोत्पातवाता  श्लिष्यद्दन्तक्ष्मारुहां घर्षणोत्थैः ।
८२३३२ यौगान्तैर्वा वह्निभिर्वारणानाम्  उच्चैर्मूर्धव्योम्नि नक्षत्रमाला ॥
८२३४१ ओष्ठपल्लवविदंशरुचीनां  हृद्यतामुपययौ रमणानाम् ।
८२३४२ फुल्ललोचनविनीलसरोजैर् अङ्गनास्यचषकैर्मधुवारः ॥
८२३५१ ओष्ठाग्रं स्फुरतीक्षणे विचलतः कूपोदरे मत्स्यवद् धम्मिल्लः कुसुमाञ्चितो विगलितः प्राप्नोति बन्धं पुनः ।
८२३५२ प्रच्छन्नौ व्रजतः स्तनौ प्रकटतां श्रोणीतटं दृश्यते  नीवी च स्खलति स्थितापि सुदृढं कामेङ्गितं योषिताम् ॥
८२३६१ सौभाग्यरूपपरिहासगुणानुराग  संकीर्तनेन दयितस्य च लब्धसौख्यम् ।
८२३६२ संबन्धिमित्रमुखदर्शनदत्तदूर  तोषं परोक्षमपि कामगुणेङ्गितं स्यात् ॥
८२३७१ ओष्ठे बिम्बफलाशयालमलकेषूत्पाकजम्बूधिया  कर्णालंकृतिभाजि दाडिमफलभ्रान्त्या च शोणे मणौ ।
८२३७२ निष्पत्त्या सकृदुत्पलच्छददृशामात्तक्लमानां मरौ  राजन् गूर्जरराजपञ्जरशुकैः सद्यस्तृषा मूर्च्छितम् ॥
८२३८१ औचित्यं स्तुत्यानां  गुणरागश्चन्दनादिलेपानाम् ।
८२३८२ कन्या शोककराणां  बुद्धिविहीनोऽनुकम्प्यानाम् ॥
८२३९१ औचित्यप्रच्युताचारो युक्त्या स्वार्थं न साधयेत् ।
८२३९२ व्याजबालिवधेनैव रामकीर्तिः कलङ्किता ॥
८२४०१ औचित्यमेकमेकत्र गुणानां राशिरेकतः ।
८२४०२ विषायते गुणग्राम औचित्यपरिवर्जितः ॥
८२४११ औज्झि प्रियाङ्गैर्घृणयैव रूक्षा  न वारिदुर्गात्तु वराटकस्य ।
८२४१२ न कण्टकैरावरणाच्च कान्तिर् धूलीभृता काञ्चनकेतकस्य ॥
८२४२१ औत्सुक्यगर्भा भ्रमतीव दृष्टिः  पर्याकुलं क्वापि मनः प्रयाति ।
८२४२२ वियुज्यमानस्य गुणान्वितेन  निरन्तरप्रेमवता जनेन ॥
८२४३१ औत्सुक्यमात्रमवसादयति प्रतिष्ठा  क्लिश्नाति लब्धपरिपालनवृत्तिरेव ।
८२४३२ नातिश्रमापनयनाय यथा श्रमाय  राज्यं स्वहस्तधृतदण्डमिवातपत्रम् ॥
८२४४१ औत्सुक्यहेतुं विवृणोषि न त्वं  तत्त्वावबोधैकरसो न तर्कः ।
८२४४२ तथापि रम्भोरु करोमि लक्ष्यम्  आत्मानमेषां परिदेवितानाम् ॥
८२४५१ औत्सुक्यात्परिमिलतां  त्रपया संकोचमञ्चतां च मुहुः ।
८२४५२ नवसंगमयोर्यूनोर् नयनानामुत्सवो जयति ॥
८२४६१ औत्सुक्येन कृतत्वरा सहभुवा व्यावर्तमाना ह्रिया  तैस्तैर्बन्धुवधूजनस्य वचनैर्नीताभिमुख्यं पुनः ।
८२४६२ दृष्ट्वाग्रे वरमात्तसाध्वसरसा गौरी नवे सङ्गमे  संरोहत्पुलका हरेण हसता श्लिष्टा शिवायास्तु वः ॥
८२४७१ औदार्यं दाक्षिण्यं  पापजुगुप्सा च निर्मलो बोधः ।
८२४७२ लिङ्गानि धर्मसिद्धेः  प्रायेण जनप्रियत्वं च ॥
८२४८१ औदार्यं भुवनत्रयेऽपि विदितं संभूतिरम्भोनिधेर् वासो नन्दनकानने परिमलो गीर्वाणचेतोहरः ।
८२४८२ एवं दातृगुरोर्गुणाः सुरतरोः सर्वेऽपि लोकोत्तराः  स्यादर्थिप्रवरार्थितार्पणविधावेको विवेको यदि ॥
८२४९१ औदार्यं सधने नयो गुणिजने लज्जा कुलस्त्रीजने  सत्काव्यं वदने मदो द्विरदने पुंस्कोकिलः कानने ।
८२४९२ रोलम्बः कमले नखाङ्करचना कान्ताकपोलस्थले  तन्वी तल्पतले भवानपि विभो भूमण्डले मण्डनम् ॥
८२५०१ औदासीन्यं दयालूनामर्थिनां भाग्यहीनता ।
८२५०२ नहि स्वमुखवैरूप्यं दर्पणस्यापराधतः ॥
८२५११ औदुम्बराणि पुष्पाणि श्वेतवर्णं च वायसम् ।
८२५१२ मत्स्यपादं जले पश्येन्न नारीहृदयस्थितम् ॥
८२५२१ औन्नत्यं भवतः सुमेरुशिखरोच्छ्रायोपमां गाहते  व्याप्तिस्ते गिरिराजमूलमहिमन्यायेन निर्णीयते ।
८२५२२ एकस्यापि न किंतु चातकशिशोः पूर्त्त्यै पयो वर्तते  वन्ध्यापीनपयोधरोपमतया बुद्धोऽसि पाथोधर ॥
८२५३१ औरसं मैत्रसंबद्धं तथा वंशक्रमागतम् ।
८२५३२ रक्षितं व्यसनेभ्यश्च मित्रं ज्ञेयं चतुर्विधम् ॥
८२५४१ औरसानपि पुत्रान् हि त्यजन्त्यहितकारिणः ।
८२५४२ समर्थान् संप्रगृह्णन्ति जनानपि नराधिपाः ॥
८२५५१ औरसीं भगिनीं वापि भार्यां वाप्यनुजस्य यः ।
८२५५२ प्रचरेत नरः कामात्तस्य दण्डो वधः स्मृतः ॥
८२५६१ और्वा इवातिलुब्धा  भवन्ति धनलवणवारिबहुतृष्णाः ।
८२५६२ तृणलवमिव निजदेहं  त्यजन्ति लेशं न वित्तस्य ॥
८२५७१ औषधं मूढवैद्यानां त्यजन्तु ज्वरपीडिताः ।
८२५७२ परसंसर्गसंसक्तं कलत्रमिव साधवः ॥
८२५८१ औषधानां च मन्त्राणां बुद्धेश्चैव महात्मनाम् ।
८२५८२ असाध्यं नास्ति लोकेऽत्र किंचिद्ब्रह्माण्डमध्यगम् ॥
८२५९१ औषधानि च मन्त्राणि नक्षत्रं शकुनं ग्रहाः ।
८२५९२ भाग्यकाले प्रसन्नाः स्युरभाग्ये निष्फलाश्च ते ॥
८२६०१ औषधान्यगदो विद्या दैवी च विविधा स्थितिः ।
८२६०२ तपसैव प्रसिध्यन्ति तपस्तेषां हि साधनम् ॥
८२६११ औषधायापि यो मर्त्यो मध्वस्यति विचेतनः ।
८२६१२ कुयोनौ जायते सोऽपि किं पुनस्तत्र लोलुपः ॥
८२६२१ औषसातपभयादपलीनं  वासरच्छविविरामपटीयः ।
८२६२२ संनिपत्य शनकैरथ निम्नाद् अन्धकारमुदवाप समानि ॥
८२६३१ औष्ण्यं तथा विक्रमं च सौम्यं दण्डं प्रसन्नताम् ।
८२६३२ धारयन्ति महात्मानो राजानः प्रायशो भुवि ॥
८२६३३ तस्मात्सर्वास्ववस्थासु मान्याः पूज्याश्च पार्थिवाः ॥
८२६४१ औष्मायमाणनवयौवनमुग्धभावाः  शृङ्गारसागरमनोज्ञतरङ्गलेखाः ।
८२६४२ कन्दर्पकेलिरसलब्धयशःपताकाः  पण्याङ्गनाः पुरमिमामधिवासयन्ति ॥
८२६५१ कंचन वञ्चनचतुरे  प्रपञ्चय त्वं मुरान्तके मानम् ।
८२६५२ बहुवल्लभे हि पुरुषे  दाक्षिण्यं दुःखमुद्वहति ॥
८२६६१ कंचित्कालं नय गिरिगुहागह्वरे रे मुधैव  क्रीडन् हालाहलरसलसद्दर्प मा सर्प ! सर्प ।
८२६६२ माद्यन्नुद्यत्सजलजलदव्याकुले मेघकाले  येन प्राप्तो वनविहरणोत्कण्ठया नीलकण्ठः ॥
८२६७१ कंचित्क्षणं ननु सहस्व विमुञ्च वासो  जागर्त्ययं परिजनो धिगपत्रपोऽसि ।
८२६७२ एषोऽञ्जलिः शमय दीपमिति प्रियाया  वाचो रतादपि परां मुदमावहन्ति ॥
८२६८१ कंचिदेव समयं समागतं  त्वां न विस्मरति शश्वदम्बुजम् ।
८२६८२ मानसे विहर हंस मानसे  मा विमुञ्च पुनरस्य सौहृदम् ॥
८२६९१ कंजानना कम्जपरागपुञ्ज  गुञ्जन्मिलिन्दावलिकुन्तलश्रीः ।
८२६९२ विद्वद्द्विजाक्रान्तमुखान्तराला  ज्योतिर्विदार्या तटिनीव भाति ॥
८२७०१ कं न स्पृशन्ति पुरुषं व्यसनानि काले  को वा निरन्तरसुखी य इहास्ति लोके ।
८२७०२ दुःखं सुखं च परिणामवशादुपैति  नक्षत्रचक्रमिव खे परिवर्तमानम् ॥
८२७११ कं पृच्छामः सुराः स्वर्गे निवसामो वयं भुवि ।
८२७१२ किं वा काव्यरसः स्वादुः किं वा स्वादीयसी सुधा ॥
८२७२१ कं प्रति कथयितुमीशे  संप्रति को वा प्रतीतिमायातु ।
८२७२२ गोपतितनयाकुञ्जे  गोपवधूटीविटं ब्रह्म ॥
८२७३१ कं योजयन्मनुजोऽर्थं लभेत  निपातयन्नष्टदृशं हि गर्ते ।
८२७३२ एवं नराणां विषयस्पृहा च  निपातयन्निरये त्वन्धकूपे ॥
८२७४१ कं विशेषमवलम्ब्य योषितः  प्रेयसे भजसि वर्चसे भुवम् ।
८२७४२ त्यागहेतुरपि तुल्य एव ते  सापि सापि मलमोचनस्थली ॥
८२७५१ कं संजघान कृष्णः  का शीतलवाहिनी गङ्गा ।
८२७५२ के दारपोषणरताः  कं बलवन्तं न बाधते शीतम् ॥
८२७६१ कंसं ध्वंसयते मुरं तिरयते हंसं तथा हिंसते  बाणं क्षीणयते बकं लघयते पौण्ड्रं तथा लुम्पते ।
८२७६२ भौमं क्षामयते बलाद्बलभिदो दर्पं पराकुर्वते  क्लिष्टं शिष्टगणं प्रणम्रमवते कृष्णाय तुभ्यं नमः ॥
८२७७१ कंसारातेर्वद गमनं केन स्यात् कस्मिन् दृष्टिं संलभते स्वल्पेच्छुः ।
८२७७२ कं सर्वेषां शुभकरमूचुर्धीराः  किं कुर्यास्त्वं सुजन सशोकं लोकम् ॥
८२७८१ कंसारिचरणोद्भूतसिन्धुकल्लोललालितम् ।
८२७८२ मन्ये हंस मनो नीरे कुल्यानां रमते कथम् ॥
८२७९१ कंसो रावणो रामश्च राजा दुर्योधनस्तथा ।
८२७९२ चत्वारोऽपि महामूर्खाः पञ्चमः शालिवाहनः ॥
८२८०१ कः कं शक्तो रक्षितुं मृत्युकाले  रज्जुच्छेदे के घटं धारयन्ति ।
८२८०२ एवं लोकस्तुल्यधर्मो वनानां  काले काले छिद्यते रुह्यते च ॥
८२८११ कः कः कुत्र न घुर्घुरायितघुरीघोरो घुरेत्सूकरः  कः कः कं कमलाकरं विकमलं कर्तुं करी नोद्यतः ।
८२८१२ के के कानि वनान्यरण्यमहिषा नोन्मूलयेयुर्यतः  सिंहीस्नेहविलासबद्धवसतिः पञ्चाननो वर्तते ॥
८२८२१ कः कण्टकानां प्रकरोति तैक्ष्ण्यं  विचित्रभावं मृगपक्षिणां च ।
८२८२२ माधुर्यमिक्षौ कटुतां च निम्बे  स्वभावतः सर्वमिदं हि सिद्धम् ॥
८२८३१ कः कर्णारिपिता गिरीन्द्रतनया कस्य प्रिया कस्य तुक् को जानाति परेङ्गितं विषमगुः कुत्रोदभूत्कामिनाम् ।
८२८३२ भार्या कस्य विदेहजा तुदति का भौमेऽह्नि निन्द्यश्च कस् तत्प्रत्युत्तरमध्यमाक्षरपदं सर्वार्थसंपत्करम् ॥
८२८४१ कः कस्य पुरुषो बन्धुः किमाप्यं कस्य केनचित् ।
८२८४२ यदेको जायते जन्तुरेक एव विनश्यति ॥
८२८५१ तस्मान्माता पिता चेति राम सज्जेत यो नरः ।
८२८५२ उन्मत्त इव स ज्ञेयो नास्ति कश्चिद्धि कस्यचित् ॥
८२८६१ कः कान्तारमगात्पितुर्वचनतः संश्लिष्य कण्ठस्थलीं  कामी किं कुरुते च गृध्रहठतश्छिन्नं प्ररूढं च किम् ।
८२८६२ का रक्षः कुलकालरात्रिरभवच्चन्द्रातपं द्वेष्टि को  रामश्चुम्बति रावणस्य वदनं सीतावियोगातुरः ॥
८२८७१ कः कालः कानि मित्राणि को देशः कौ व्ययागमौ ।
८२८७२ कश्चाहं का च मे शक्तिरिति चिन्त्यं मुहुर्मुहुः ॥
८२८८१ कः कुर्याद्भुवनं सर्वं कः समुन्मूलयेद्द्रुमान् ।
८२८८२ किं प्रतीके भवेन्मुख्यं कः परत्रैति पुण्यताम् ॥
८२८९१ कः कोपः कः प्रणयो  नटविटहतमस्तकासु वेश्यासु ।
८२८९२ रजकशिलातलसदृशं  यासां जघनं च वदनं च ॥
८२९०१ कः कौ के कं कौ कान्  हसति च हसतो हसन्ति हरिणाक्ष्या ।
८२९०२ अधरः पल्लवमङ्घ्री  हंसौ कुन्दस्य कोरकान् दन्ताः ॥
८२९११ कः खे गच्छति का रम्या का जप्या किं विभूषणम् ।
८२९१२ को वन्द्यः कीदृशी लङ्का वीरमर्कटकम्पिता ॥
८२९२१ कः खे चरति कः शब्दं चोरं दृष्ट्वा करोति च ।
८२९२२ कैरवाणामरिः को वा कोपानामालयश्च कः ॥
८२९३१ कः खे भाति, हतो निशाचरपतिः केनाम्बुधौ मज्जति  कः, कीदृक्तरुणीविलासगमनं, को नाम राज्ञां प्रियः ।
८२९३२ पत्रं किं नृपतेः, किमप्सु ललितं, को रामरामाहरो  मत्प्रश्नोत्तरमध्यमाक्षरपदं यत्तत्तवाशीर्वचः ॥
८२९४१ कः परेतनगरीपुरंदरः  को भवेदथ तदीयकिंकरः ।
८२९४२ कृष्णनाम जगदेकमङ्गलं  कण्ठपीठमुररीकरोति चेत् ॥
८२९५१ कः पश्यति खुरमहसः  संमुखमपि तेजसां सहस्रस्य ।
८२९५२ कलितं शशभृद्धाम्नो  यो मण्डलखण्डनं सहते ॥
८२९६१ कः पुष्पजातिं सुरभिं विधत्ते  कश्चन्दनं वै शिशिरीकरोति ।
८२९६२ कः प्रार्थयेद्भानुमिह प्रकाशे  साधुस्तथा स्वेन परोपकारी ॥
८२९७१ कः पूज्यः सद्वृत्तः  कमधममाचक्षते चलितवृत्तम् ।
८२९७२ केन जितं जगदेतत् सत्यतितिक्षावता पुंसा ॥
८२९८१ कः पूज्यः, सुजनत्वमेति कतमः, क्व स्थीयते पण्डितैः  श्रीमत्या शिवया च केन भुवने युद्धं कृतं दारुणम् ।
८२९८२ किं वाञ्छन्ति सदा जना, युवजना ध्यायन्ति किं मानसे  मत्प्रश्नोत्तरमध्यमाक्षरपदं भूयात्तवाशीर्वचः ॥
८२९८ १ कः पौरवे वसुमतीं शासति  शासितरि दुर्विनीतानाम् ।
८२९८ २ अयमाचरत्यविनयं  मुग्धासु तपस्विकन्यासु ॥
८२९९१ कः प्रसूते पूरोवातं कः प्रेरयति वारिदम् ।
८२९९२ प्राप्ते तु श्रावणे मासि भवत्येकार्णवं जगत् ॥
८३००१ कः प्राज्ञो वाञ्छति स्नेहं वेश्यासु सिकतासु च ।
८३००२ विमुच्यते वा भवता वस्तुधर्मोऽयमीदृशः ॥
८३०११ कः प्रार्थितोऽपि दास्यति  तृणतुषपरिमाणमात्रमप्यधिकम् ।
८३०१२ अन्तर्ललाटसंपुट  विकटाक्षरमालिकां मुक्त्वा ॥
८३०२१ कः प्रार्थ्यते मदनविह्वलया युवत्या  भाति क्व पुण्ड्रकमुपैति कथं बतायुः ।
८३०२२ क्वानादरो भवति, केन च राजतेऽब्जं  बाह्यास्थि किं फलमुदाहर नालिकेरम् ॥
८३०३१ कः शक्रः कतमः स्रष्टा वराकः कतमो यमः ।
८३०३२ सत्यव्रतानां भूपानां कर्तुं शासनलङ्घनम् ॥
८३०४१ कः शमः क्रियतां प्राज्ञाः प्रियाप्रीतौ परिश्रमः ।
८३०४२ भस्मीभूतस्य भूतस्य पुनरागमनं कुतः ॥
८३०५१ कः श्रद्धास्यति भूतार्थं सर्वो मां तुलयिष्यति ।
८३०५२ शङ्कनीया हि लोकेऽस्मिन्निष्प्रतापा दरिद्रता ॥
८३०६१ कः श्लाघनीयजन्मा  माघनिशीथेऽपि यस्य सौभाग्यम् ।
८३०६२ प्रालेयानिलदीर्घः  कथयति काञ्चीनिनादोऽयम् ॥
८३०७१ कः स्यादम्बुदयाचको, युवतयः कं कामयन्ते पतिं  लज्जा केन निवार्यते, निकटके दासे कथं यावनी ।
८३०७२ भाषा दर्शयतेति वस्तुषु महाराष्ट्रे कदा वा भवेद् आद्यान्ताक्षरयोर्हि लोपरचनाचातुर्यतः पूर्यताम् ॥
८३०८१ कः स्वभावगभीराणां लक्षयेद्बहिरापदम् ।
८३०८२ बालापत्येन भृत्येन यदि सा न प्रकाश्यते ॥
८३०९१ क आत्मा कः परो वात्र स्वीयः पारक्य एव वा ।
८३०९२ स्वपराभिनिवेशेन विना ज्ञानेन देहिनाम् ॥
८३१०१ क आलिप्तः प्रियः कोऽस्याः कं ध्यायति कमीक्षते ।
८३१०२ इति चिन्ता न यस्यासीत्स पूज्यः पण्ययोषिताम् ॥
८३१११ ... ...
८३११२ क ईप्सितार्थस्थिरनिश्चयं मनः
८३११३ पयश्च निम्नाभिमुखं प्रतीपयेत् ॥
८३१२१ क एकस्त्वं पुष्पायुध मम समाधिव्ययविधौ  सुपर्वाणः सर्वे यदि कुसुमशस्त्रास्तदपि किम् ।
८३१२२ इतीवैनान्नूनं य इह सुमनोस्त्रत्वमनयत् स वः शास्ता शस्त्रं दिशतु दशदिङ्मारविजयी ॥
८३१३१ ककुभकरीरावेक  त्र संयुतौ ककुभबिल्वौ वा ।
८३१३२ हस्तत्रयेऽम्बु पश्चान्  नरैर्भवत्येकविंशत्या ॥
८३१४१ ककुभस्य फलं पुष्पं लाक्षा श्रीवासगुग्गुलू ।
८३१४२ श्वेतापराजितामूलं विडङ्गान्वितसर्षपाः ॥
८३१५१ ककुभां मुखानि सहसोज्ज्वलयन्  दधदाकुलत्वमधिकं रतये ।
८३१५२ अदिदीपदिन्दुरपरो दहनः  कुसुमेषुमत्रिनयनप्रभवः ॥
८३१६१ ककुभि ककुभि ध्वान्तक्षुब्धं वितत्य विधाय च  श्रुतिपुटभिदो गर्जाः श्रेयः कृतं परमम्बुदैः ।
८३१६२ कथमितरथा जातोद्वेगः समुज्झितपल्वलः  कनककमलोत्तंसे हंसः स नन्दति मानसे ॥
८३१७१ ककुभि ककुभि भ्रान्त्वा भ्रान्त्वा विलोक्य विलोकितं  मलयजसमो दृष्टोऽस्माभिर्न कोऽपि महीरुहः ।
८३१७२ उपचितरसो दाहे च्छेदे शिलातलघर्षणे ऽप्यधिकमधिकं यत्सौरभ्यं तनोति मनोहरम् ॥
८३१८१ कक्षे किं मितपुस्तकं किमुदकं (किं) काव्यसारोदकं  दीर्घं किं यदि ताडपत्रलिखितं किं चात्र गौडाक्षरम् ।
८३१८२ गन्धः किं यदि रामरावणकथासंग्रामगन्धो महत् किं वारं बहु जल्पसे शृणु सखे नाम्ना पुराणो झषः ॥
८३१९१ कङ्कगृध्रसृगालेषु दंशेषु मशकेषु च ।
८३१९२ पन्नगेषु च जायन्ते नराः क्रोधपरायणाः ॥
८३२०१ कङ्कहंसशशादानां मत्स्यादक्रौञ्चकेकिनाम् ।
८३२०२ गृध्राणां कुक्कुटानां च पक्षा एतेषु शोभनाः ॥
८३२११ कङ्केलिरेष किमचेतन एव सत्यं  नम्नः स्वयं न कुसुमानि ददाति यस्ते ।
८३२१२ धूर्तोऽथवा नमति नायमुदस्तबाहु  व्यक्तोन्नतस्तनतटान्तदिदृक्षयेव ॥
८३२२१ कचकुचचुबुकाग्रे पाणिषु व्यापृतेषु  प्रथमजलधिपुत्रीसंगमेऽनङ्गधाम्नि ।
८३२२२ ग्रथितनिबिडनीवीबन्धनिर्मोचनार्थं  चतुरधिककराशः पातु वश्चक्रपाणिः ॥
८३२३१ कचग्रहमनुग्रहं दशनखण्डनं मण्डनं  दृगञ्जनमवञ्चनं मुखरसार्पणं तर्पणम् ।
८३२३२ नखार्दनमतर्दनं निबिडपीडनं क्रीडनं  करोति रतिसङ्गमे मकरकेतनः कामिनाम् ॥
८३२४१ कचग्रहसमुल्लसत्कमलकोषपीडाजड  द्विरेफकलकूजितानुकृतसीत्कृतालंकृताः ।
८३२४२ जयन्ति सुरतोत्सवव्यतिकरे कुरङ्गीदृशां  प्रमोदमदनिर्भरप्रणयचुम्बिनो विभ्रमाः ॥
८३२५१ कचग्रहोत्तानितमर्धकुड्मलं  त्रपाचलत्तारकमन्दलोचनम् ।
८३२५२ बलाद्गृहीताधरवेदनाकुलं  कदा पिबेयं ननु तत्प्रियामुखम् ॥
८३२६१ कचभारात्कुचभारः  कुचभाराद्भीतिमेति कचभारः ।
८३२६२ कचकुचभाराज्जघनं  कोऽयं चन्द्रानने चमत्कारः ॥
८३२७१ कचमूलबद्धपन्नग  निश्वासविषाग्निधूमहतमध्यम् ।
८३२७२ ऐशानमिव कपालं  स्फुटलक्ष्मा स्फुरति शशिबिम्बम् ॥
८३२८१ कचा यूकावासा मुखमजिनबद्धास्थिनिचयम्  कुचौ मांसग्रन्थी जठरमपि विष्ठादिधटिका ।
८३२८२ मलोत्सर्गे यन्त्रं जघनमबलायाः क्रमयुगं  तदाधारस्थूणे तदिह किमु रागाय महताम् ॥
८३२८ १ कचैरर्धच्छिन्नैः करनिहितरक्तैः कुचतटैर् नखोत्कृत्तैर्गण्डैरुपलहतिशीर्णैश्च निटिलैः ।
८३२८ २ विदीर्णैराक्रन्दाद्विकलगदितैः कण्ठविवरैर् मनस्तक्ष्णोत्यन्तःपुरपरिजनानां स्थितिरियम् ॥
८३२८ १ कच्चित्कान्तारभाजां भवति परिभवः कोऽपि शौवापदो वा  प्रत्यूहेन क्रतूनां न खलु मखभुजो भुञ्जते वा हवींषि ।
८३२८ २ कर्तुं वा कच्चिदन्तर्वसति वसुमतीदक्षिणः सप्ततन्तुर् यत्संप्राप्तोऽसि किं वा रघुकुलतपसामीदृशोऽयं विवर्तः ॥
८३२९१ कच्चित्पशव्यं निरुजं भूर्यम्बुतृणवीरुधम् ।
८३२९२ वृहद्वनं तदधुना यत्रास्से त्वं सुहृद्वृतः ॥
८३३०१ कच्चित्सहस्रान्मूर्खाणामेकमिच्छसि पण्डितम् ।
८३३०२ पण्डितो ह्यर्थकृच्छ्रेषु कुर्यान्निःश्रेयसं महत् ॥
८३३११ कच्चित्सौम्य प्रियसहचरी विद्युदालिङ्गति त्वाम्  आविर्भूतप्रणयसुमुखाश्चातका वा भजन्ते ।
८३३१२ पौरस्त्यो वा सुखयति मरुत्साधुसंवाहनाभिर् विष्वग्बिभ्रत्सुरपतिधनुर्लक्ष्म लक्ष्मीं तनोति ॥
८३३२१ कच्चित्सौम्य व्यवसितमिदं बन्धुकृत्यं त्वया मे  प्रत्यादेशान्न खलु भवतो धीरतां तर्कयामि ।
८३३२२ निःशब्दोऽपि प्रदिशसि जलं याचितश्चातकेभ्यः  प्रत्युक्तं हि प्रणयिषु सतामीप्सितार्थक्रियैव ॥
८३३३१ कच्चिदर्थेन वा धर्ममर्थं धर्मेण वा पुनः ।
८३३३२ उभौ वा प्रीतिलोभेन कामेन न विबाधसे ॥
८३३४१ कच्चिदर्थं च धर्मं च कामं च जायतां वर ।
८३३४२ विभज्य काले कालज्ञ सर्वान् भरत सेवसे ॥
८३३५१ कच्छान्ववायजलधेरमृतांशुरन्यः  प्रत्यर्थिवंशदहनः सुमना गुणज्ञः ।
८३३५२ विद्याप्रियो नयपरो मतिमान् वदान्यः  मीवारभूपतिरुदेतु यशो वितन्वन् ॥
८३३६१ कज्जलतिलककलङ्कित  मुखचन्द्रे गलितसलिलकणकेशि ।
८३३६२ नवविरहदहनतूलो  जीवयितव्यस्त्वया कतमः ॥
८३३७१ कज भज विकासमभितस् त्यज संकोचं भ्रमत्ययं भ्रमरः ।
८३३७२ यद्यपि न भवति कार्यं  तथापि तुष्टस्तनोत्ययं कीर्तिम् ॥
८३३८१ कज्जलहिमकनकरुचः  सुपर्णवृषहंसवाहनाः शं वः ।
८३३८२ जलनिधिगिरिकमलस्था  हरिहरकमलासना ददतु ॥
८३३९१ कटकत्वं पृथग्घेम्नस्तरंगत्वं पृथग्जलात् ।
८३३९२ यथा न संभवत्येवं न जगत्पृथगीश्वरात् ॥
८३४०१ कटकानि भजन्ति चारुभिर् नवमुक्ताफलभूषणैर्भुजैः ।
८३४०२ नियतं दधते च चित्रकैर् अवियोगं पृथुगण्डशैलतः ॥
८३४११ कटकिनः कटुकरसान्  करीरखदिरादिविटपतरुगुल्मान् ।
८३४१२ उपभुञ्जाना करभी  दैवादाप्नोति मधुरमधुजालम् ॥
८३४२१ कटाक्षेणापीषत्क्षणमयि निरीक्षेत यदि सा  तदानन्दः सान्द्रः स्फुरति पिहिताशेषविषयः ।
८३४२२ सरोमाञ्चोदञ्चत्कुचकलशनिर्भिन्नवसनः  परीरम्भारम्भः क इव भविताम्भोरुहदृशः ॥
८३४३१ कटाक्षैराक्षिप्तः प्रियसखि रहः केलिभवने  वने पुष्पव्याजात्कुचयुगमिदं चापि वलितम् ।
८३४३२ रतासक्तं दृष्ट्वा हरिनमिथुनं चाल्पहसितं  तथापि प्रेयान्मे न किमपि जानाति किमिति ॥
८३४४१ कटिर्मुष्टिग्राह्या द्विपुरुषभुजग्राह्यमुदरं  स्तनौ घण्टालोलौ जघनमिव गन्तुं व्यवसितौ ।
८३४४२ स्मितं भेरीनादो मुखमपि च पत्युर्भयकरं  तथाप्येषा रण्डा परिभवति संतापयति च ॥
८३४५१ कटिर्विटशतैर्घूष्टा पान्थपीतोज्झितं मुखम् ।
८३४५२ स्तनौ सहस्रमृदितौ यस्याः कस्यास्तु सा निजा ॥
८३४५ १ कटिस्थकरवैशाखस्थानकस्थनराकृतिम् ।
८३४५ २ द्रव्यैः पूर्णं स्मरेल्लोकं स्थित्युत्पत्तिव्ययात्मकैः ॥
८३४६१ कटीतटनिकुञ्जेषु संचरन् वातकुञ्जरः ।
८३४६२ एरण्डतैलसिंहस्य गन्धमाघ्राय धावति ॥
८३४७१ कटु क्वणन्तो मलदायकाः खला  स्तुदन्त्यलं बन्धनशृङ्खला इव ।
८३४७२ मनस्तु साधुध्वनिभिः पदे पदे  हरन्ति सन्तो मणिनूपुरा इव ॥
८३४८१ कटुतिक्तकषायरसैः  पवनः पित्तं कटूष्णलवणाम्लैः ।
८३४८२ स्निग्धमधुराम्ललवणैः  श्लेष्मा कोपं प्रयाति तरोः ॥
८३४९१ कटुतीक्ष्णोष्णलवणक्षाराम्लादिभिरुल्बणैः ।
८३४९२ मातृभुक्तैरुपस्पृष्टः सर्वाङ्गोत्थितवेदनः ॥
८३५०१ कटुभिरपि कठोरचक्रवाकोत् करविरहज्वरशान्तिशीतवीयैः ।
८३५०२ तिमिरहतमयं महोभिरञ्जञ् जयति जगन्नयनौघमुष्णभानुः ॥
८३५११ कटुमधुराण्यामोदैः  पर्णैरुत्कीर्णपत्रभङ्गानि ।
८३५१२ दमनकवनानि संप्रति  काण्डैरेकान्तपाण्डूनि ॥
८३५२१ कटु रटसि किमेवं कर्णयोः कुञ्जरारेर् अविदितनिजबुद्धे किं न विज्ञातमस्ति ।
८३५२२ शिलतरकरदंष्ट्राटङ्कनिर्भिन्नकुम्भं  मशक गलकरन्ध्रे हस्तियूथं ममज्ज ॥
८३५३१ कटुविशिखशिखिप्रपञ्च पञ्चा  नन धनदप्रियमित्र मित्रनेत्र ।
८३५३२ धृतसकलविकल्प कल्पशेष  प्रकटमहानट नाटय प्रसादम् ॥
८३५४१ कटूनामिह सार्थत्वात्कामं भवति संग्रहः ।
८३५४२ तथापि वृत्तिर्न तथा रसज्ञानुमतिक्षमा ॥
८३५५१ कटौ न कलमेखला न कुचमण्डले मालिका  दृशोरपि न चाञ्जनं न पुनरस्ति रागोऽधरे ।
८३५५२ प्रियेण सहचारिणा मदनतस्करस्योच्चकैस् ततस्त्वमसि लुण्ठिता निधुवने वने शोभने ॥
८३५५ १ कटुस्वरस्त्वं पिकभूत्तथापि  श्लाघ्योऽसि सम्यक्पिकपुत्रपालात् ।
८३५५ २ आह्लादनाच्चन्द्र इवात्तलक्ष्मा  कस्तूरिका गन्धभृतेव कृष्णा ॥
८३५६१ कट्वम्ललवणात्युष्णतीक्ष्णरूक्षविदाहिनः ।
८३५६२ आहारा राजसस्येष्टा दुःखशोकामयप्रदाः ॥
८३५७१ कट्वेर्वारौ यथा पक्वे मधुरः सन् रसोऽपि न ।
८३५७२ प्राप्यते ह्यात्मनि तथा नापक्वकरणे ज्ञता ॥
८३५८१ कठिनं वा मधुरं वा  प्रस्तुतवचनं मनोहारि ।
८३५८२ वामे गर्दभनादश् चित्तप्रीत्यै प्रयाणेषु ॥
८३५९१ कठिनः कृशमूलश्च दुर्लभो दक्षिणेतरः ।
८३५९२ कश्चित्कल्याणगोत्रोऽपि मनुष्यैर्नोपजीव्यते ॥
८३६०१ कठिनकुचौ तव बाले  तरलसरोजाक्षि तावकं चक्षुः ।
८३६०२ कुटिलसुकेशि कचास्ते  मिथ्या भणितं कृशाङ्गि तव मध्यम् ॥
८३६११ कठिनतरदामवेष्टन  लेखासंदेहदायिनो यस्य ।
८३६१२ राजन्ति वलिविभङ्गाः  स पातु दामोदरो भवतः ॥
८३६२१ कठिनस्यापि हृदयं गुणवानार्द्रयेद्दृशा ।
८३६२२ चन्द्रकान्तोपलं चन्द्रः स्वांशुभिर्द्रावयत्यसौ ॥
८३६३१ कठिनहृदये मुञ्च क्रोधं सुखप्रतिघातकं  लिखति दिवसं यातं यातं यमः किल मानिनि ।
८३६३२ वयसि तरुणे नैतद्युक्तं चले च समागमे  भवति कलहो यावत्तावद्वरं सुभगे रतम् ॥
८३६४१ कठिनहृदये मुञ्च भ्रान्तिं व्यलीककथाश्रयां  पिशुनवचनैर्दुःखं नेतुं न युक्तमिमं जनम् ।
८३६४२ किमिदमथ वा सत्यं मुग्धे त्वयाद्य विनिश्चितं  यदभिरुचितं तन्मे कृत्वा प्रिये सुखमास्यताम् ॥
८३६५१ कठिनास्तीक्ष्णवक्त्राश्च तीक्ष्णोदर्कास्तथैव च ।
८३६५२ गणकैः किं नु लेखन्यस्ता वा किं ते विनिर्मिताः ॥
८३६६१ कठिने दुर्गमे वासो गुप्तशक्तिप्रकाशनम् ।
८३६६२ रणे पुत्रः यथा शोच्यः कलहं वेश्यया सह ॥
८३६७१ कठोरनखराहतद्विरदकुम्भपीठस्थली  लुठद्रुधिररञ्जितोल्ललितकेसरः केसरी ।
८३६७२ गभीररवकातरातुरतरातुरव्याहृतैः  पतन् हरिणकैः समं समरभूमिकां लज्जते ॥
८३६८१ कठोरपारावतकण्ठमेचकं  वपुर्वूषस्कन्धसुबन्धुरांसकम् ।
८३६८२ प्रसन्नर्सिहस्तिमितं च वीक्षितं  ध्वनिश्च मङ्गल्यमृदङ्गमांसलः ॥
८३६९१ कठोरास्थिग्रन्थिव्यतिकररणत्कारमुखरः  खरस्नायुच्छेदक्षणविहितवेगव्युपशमः ।
८३६९२ निरातङ्कः पङ्केष्विव पिशितपिण्डेषु विलस  न्नसिर्गात्रं गात्रं सपदि लवशस्ते विकिरतु ॥
८३७०१ कण इव पुरां वह्नेर्भस्मावधूलनसङ्गतो  जयति बहलालोकस्फारावधूतनिशोदयः ।
८३७०२ स्मरहरजटाबन्धग्रन्थिर्भुजङ्गफणामणि  स्त्रिदशतटिनीपूरानीतः स्फुरन्निव तारकः ॥
८३७११ कणाचामतुषाङ्गारान् यत्नेन परिरक्षसि ।
८३७१२ मूषकापहृतं कोषे रत्नराशिं न पश्यसि ॥
८३७२१ कण्टकस्य तु भग्नस्य दन्तस्य चलितस्य च ।
८३७२२ अमात्यस्य च दुष्टस्य मूलादुद्धरणं सुखम् ॥
८३७३१ कण्टकान् कूपमग्निं च वर्जयन्ति यथा नराः ।
८३७३२ तथा नृशंसकर्माणं वर्जयन्ति नरा नरम् ॥
८३७४१ कण्टकावरणं यादृक्फलितस्य फलाप्तये ।
८३७४२ तादृग्दुर्जनसङ्गोऽपि साधुसङ्गाय बाधनम् ॥
८३७५१ कण्टकिततनुशरीरा  लज्जामुकुलायमाननयनेयम् ।
८३७५२ तव कुमुदिनीव वाञ्छति  नृचन्द्र बाला करस्पर्शम् ॥
८३७६१ कण्टकेनापि ये स्पृष्टा यान्ति कामपि विक्रियाम् ।
८३७६२ तेऽपि शस्त्रनिकृन्तस्य पशोर्मांसानि भुञ्जते ॥
८३७७१ कण्टकेनापि विद्धस्य महती वेदना भवेत् ।
८३७७२ चक्रभीषणखड्गाद्यैर्मार्यमाणस्य किं पुनः ॥
८३७८१ कण्टकैरिव विदारितपादः  पद्मिनीपरिचितैरपराद्रेः ।
८३७८२ आरुरोह सरसीरुहबन्धुः  स्कन्धमम्बुधितटीगमनाय ॥
८३७८ १ कण्टको दारुखण्डं च वितनोति गलव्यथाम् ।
८३७८ २ व्यञ्जनान्तर्निपतितस्तालु विध्यति वृश्चिकः ॥
८३७९१ कण्टक्यकण्टकानां  व्यत्यासेऽम्भस्त्रिभिः करैः पश्चात् ।
८३७९२ खात्वा पुरुषत्रितयं  त्रिभागयुक्तं धनं वा स्यात् ॥
८३८०१ कण्टारिकाया अन्योक्तिः सणान्योक्तिरुदाहृता ।
८३८०२ धत्तूरपादपान्योक्तिरवधेया तृणोक्तयः ॥
८३८११ कण्ठकोणविनिविष्टमीश ते  कालकूटमपि मे महामृतम् ।
८३८१२ अप्युपात्तममृतं भवद्वपुर् भेदवृत्ति यदि मे न रोचते ॥
८३८२१ कण्ठगतैरप्यसुभिः  कस्यात्मा नोपसर्पते जातु ।
८३८२२ मूर्खस्य विषादस्य च  गर्वस्य तथा कृतघ्नस्य ॥
८३८३१ कण्ठग्रहं न वात्येव भर्तुः क्रुद्धापि यत्नतः ।
८३८३२ कङ्कणश्रेणिकेवासौ दोषमेवावलम्बते ॥
८३८४१ उन्मत्तेव प्रमत्तेव प्रहृष्टेवातुरेव च ।
८३८४२ न शक्योपासितुं रामा प्रौढं यौवनमाश्रिता ॥
८३८५१ सुखदुःखप्रदायिन्यस्तृतीये यौवने स्थिताः ।
८३८५२ जायन्ते गहना रामाः संसारस्येव रीतयः ॥
८३८६१ कण्ठग्रहे शिथिलतां गमिते कथंचिद् यो मन्यते मरणमेव सुखाभ्युपायम् ।
८३८६२ गच्छन् स एष न बलाद्विधृतो युवाभ्याम्  इत्युज्झिते भुजलते वलयैरिवास्याः ॥
८३८७१ कण्ठच्छायमिषेण कल्परजनीमुत्तंसमन्दाकिनी  रूपेण प्रलयाब्धिमूर्ध्वनयनव्याजेन कल्पानलम् ।
८३८७२ भूषापन्नगकेलिपानकपटादेकोनपञ्चाश तं  वातानप्युपसंहरन्नवतु वः कल्पान्तशान्तौ शिवः ॥
८३८८१ कण्ठच्छेदविशीर्यमाणरुधिरप्राग्भारभग्नद्युतेर् येन स्मेरमुखेन होमशिखिनः संधुक्षणाकाङ्क्षिणा ।
८३८८२ भ्रूभङ्गः शितिकण्ठकण्ठफणिने फूत्कारहेतोः कृतः  शौटीर्यव्रततुष्टधूर्जटिरसौ किं वर्ण्यते रावणः ॥
८३८९१ कण्ठच्छेदे सुवर्णं चेत्क्षुरं यद्वद्धितं न हि ।
८३८९२ बन्धुरप्यपकारी चेत्सर्वैस्त्याज्यस्तथैव सः ॥
८३९०१ कण्ठमाकुञ्च्य हृदये स्थापयेद्दृढमिच्छया ।
८३९०२ जालंधरो बन्ध एष सुधाव्ययनिवारणः ॥
८३९११ कण्ठश्रियं कुवलयस्तबकाभिराम  दामानुकारिविकटच्छविकालकूटाम् ।
८३९१२ बिभ्रत्सुखानि दिशतादुपहारपीत  धूपोत्थधूममलिनामिव धूर्जटिर्वः ॥
८३९२१ कण्ठश्लेषं समासाद्य तस्याः प्रभ्रष्टयानया ।
८३९२२ तुल्यावस्था सखीवेयं तनुराश्वास्यते मम ॥
८३९३१ कण्ठसक्तमृदुबाहुबन्धनं  न्यस्तपादतलमग्रपादयोः ।
८३९३२ प्रार्थयन्त शयनोत्थितं प्रियास् तं निशात्ययविसर्गचुम्बनम् ॥
८३९४१ कण्ठस्तस्याः कुवलय्दृशः काञ्चनः कोऽपि कम्बुर् लावण्याम्बुस्मरनरपतेरर्घ्यमाविः करोति ।
८३९४२ तिस्रो रेखास्त्रिभुवनजयव्यञ्जिकास्तत्र तत्किं  न स्यान्मध्ये त्रिवलिरचना पौनरुक्त्याय धातुः ॥
८३९५१ कण्ठस्था या भवेद्विद्या सा प्रकाश्या सदा बुधैः ।
८३९५२ या गुरौ पुस्तके विद्या तया मूढः प्रतार्यते ॥
८३९६१ कण्ठस्य तस्याः स्तनबन्धुरस्य  मुक्ताकलापस्य च निस्तलस्य ।
८३९६२ अन्योन्यशोभाजननाद्बभूव  साधारणो भूषणभूष्यभावः ॥
८३९७१ कण्ठस्य विदधे कान्तिं मुक्ताभरणता यथा ।
८३९७२ तस्याः स्वभावरम्यस्य मुक्ताभरणता तथा ॥
८३९८१ कण्ठादूर्ध्वं विनिर्याति प्राणा याञ्चाक्षरैः सह ।
८३९८२ ददामीत्यक्षरैर्दातुः पुनः श्रोत्राद्विशन्ति ते ॥
८३९९१ कण्ठाद्रक्तं पिबति गुणिनां मद्यमांसं न भुङ्क्ते  विष्णुद्रव्यं हरति कुरुते द्वादशीषूपवासम् ।
८३९९२ सांख्यं श्रुत्वापहरति गवां ब्राह्मणानां च वृत्तिं  पापो दम्भः कलियुगसखः कस्य मित्रं नियोगी ॥
८४००१ कण्ठान्तः क्वणितं दिवाकरकरक्लान्त्या रजोविप्लवैस् तन्नेत्राञ्चलकुञ्चनं शितकुशप्रान्तक्षतैः सीत्कृतिः ।
८४००२ श्वासोर्मिप्रभवो वनेचरभिया त्वद्वैरिवामभ्रुवाम्  एवं देव मरोस्तटेऽपि सुरतक्रीडानुरूपः क्रमः ॥
८४०११ कण्ठालंकारघण्टाघणघणरणिताध्मातरोदःकटाहः  कण्ठेकालाधिरोहोचितघनसुभगं भावुकस्निन्धपृष्ठः ।
८४०१२ साक्षाद्धर्मो वपुष्मान् धवलककुदनिर्धूतकैलासकूटः  कूटस्थो वः ककुद्मान्निबिडतरतमःस्तोमतृण्यां वितृण्यात् ॥
८४०२१ कण्ठालिङ्गनमङ्गलं घनकुचाभोगोपभोगोत्सवं  श्रोणीसंगमसौभगं च सततं मत्प्रेयसीनां पुरः ।
८४०२२ प्राप्तुं कोऽयमितीर्ष्ययेव यमुनाकूले बलाद्यः स्वयं  गोपीनामहरद्दुकूलनिचयं कृष्णः स पुष्णातु नः ॥
८४०३१ कण्ठावसक्तमृदुबाहुलतास्तुरङ्गाद् राजावरोधनवधूरवतारयन्तः ।
८४०३२ आलिङ्गनान्यधिकृताः स्फुटमापुरेव  गण्डस्थलीः शुचितया न चुचुम्बुरासाम् ॥
८४०४१ कण्ठाश्लेषिणमुन्नतस्तनभरश्रोणीतटग्राहिणं  संसक्तोरुयुगं गृहीतजघनप्राकारमप्यन्ततः ।
८४०४२ द्रागेव श्लथबन्धमिन्दुवदना गाढावमर्दासहं  विज्ञायात्यजदाशु काञ्चनपटं व्रीडाकुलापि क्षणम् ॥
८४०५१ कण्ठे क एष तव वल्लभ नूपुरोऽयं  तत्पादभूषणमयं वलयस्तदानीम् ।
८४०५२ इत्यादिवाच्यमविभाव्य वचो मृगाक्ष्या  ज्ञानेऽपि तद्विहृतमुत्सुकतां तनोति ॥
८४०५ १ कण्ठे कृत्तावशेषं कनकमयमधः शृङ्खलादाम कर्षन्  क्रान्त्वा द्वाराणि हेलाचलचरणरणत्किङ्कणीचक्रवालः ।
८४०५ २ दत्तातङ्कोऽङ्गनानामनुसृतसरणिः संभ्रमादश्वपालैः  प्रभ्रष्टोऽयं प्लवङ्गः प्रविशति नृपतेर्मन्दिरं मन्दुरायाः ॥
८४०६१ कण्ठे गद्गदता स्वेदो मुखे वैवर्ण्यवेपथू ।
८४०६२ म्रियमाणस्य चिह्नानि यानि तान्येव याचतः ॥
८४०७१ कण्ठे चिन्तामणिर्ज्ञेयश्चिन्तितार्थप्रदः सदा ।
८४०७२ आवर्तः पृष्ठवंशे यः स सूर्याख्यः शुभः स्मृतः ॥
८४०८१ कण्ठे जीवितमानने तव गुणाः पाणौ कपोलस्तनौ  संतापस्त्वयि मानसं नयनयोरच्छिन्नधारं पयः ।
८४०८२ सर्वं निष्करुण त्वदीयविरहे सालम्बनं किं पुनस् तस्याः संप्रति जीविते बत सखीवर्गो निरालम्बनः ॥
८४०९१ कण्ठे मदः कोद्रवजो हृदि ताम्बूलजो मदः ।
८४०९२ लक्ष्मीमदस्तु सर्वाङ्गे पुत्रदारमुखेष्वपि ॥
८४१०१ कण्ठे मौक्तिकमालिकाः स्तनतटे कार्पूरमच्छं रजः  सान्द्रं चन्दनमङ्गके वलयिताः पाणौ मृणालीलताः ।
८४१०२ तन्वी नक्तमियं चकास्ति शुचिनी चीनांशुके बिभ्रती  शीतांशोरधिदेवतेव गलिता व्योमाग्रमारोहतः ॥
८४१११ कण्ठे रज्जुं बद्ध्वा  मृतस्य पुंसस्तु रज्जुमादाय ।
८४११२ तस्याः खण्डं कण्ठे  बद्धं गण्डस्रजं हरति ॥
८४१२१ कण्ठे वसन्ती चतुरा यदस्याः  सरस्वती वादयते विपञ्चीम् ।
८४१२२ तदेव वाग्भूय मुखे मृगाक्ष्याः  श्रोतुः श्रुतौ याति सुधारसत्वम् ॥
८४१३१ कण्ठोचितोऽपि हुंकृति  मात्रनिरस्तः पदान्तिके पतितः ।
८४१३२ यस्याश्चन्द्रशिखः स्मर  भल्लनिभो जयति सा चण्डी ॥
८४१४१ कण्डूयते दक्षिणपाणिना चेत् स सारमेयो वदनं तदानीम् ।
८४१४२ भक्तैः प्रभूतैः सह भूमिपालैर् भोज्यानि भक्ष्याणि चिरं भवन्ति ॥
८४१५१ कण्डूलद्विपगण्डपिण्डकषणाकम्पेन सम्पातिभिर् धर्मस्रंसितबन्धनैः स्वकुसुमैरर्चन्ति गोदावरीम् ।
८४१५२ छायापस्किरमाणविष्किरमुखव्याकृष्टकीटत्वचः  कूजत्क्लान्तकपीतकुक्कुटकुलाः कूले कुलायद्रुमाः ॥
८४१६१ कण्डूयमानः खलु दक्षिणेन  हस्तेन भालं भषणो ददाति ।
८४१६२ प्रभाविनम्रीकृतराजचक्रं  राज्याभिषेके वरपट्टबन्धम् ॥
८४१७१ कतरत्पुरहर परुषं  हालाहलकवलयाचनावचसोः ।
८४१७२ एकैव तव रसज्ञा  तदुभयरसतारतम्यज्ञा ॥
८४१८१ कति कति न पुनश्चरन्ति हन्ति  प्रतिशिखरं प्रतिकाननं कुरङ्गाः ।
८४१८२ तदपि जनमनोविनोदहेतुर् विलसति केष्वपि कोऽपि नाभिगन्धः ॥
८४१९१ कति कति न मदोद्धताश्चरन्ति  प्रतिशिखरि प्रतिकाननं कुरङ्गाः ।
८४१९२ क्वचिदपि पुनरुत्तमा मृगास्ते  मदयति यन्मद एव मेदिनीशान् ॥
८४२०१ कति कति न लताः कलिताः  संचरता चञ्चरीकरसिकेन ।
८४२०२ नलिनि भवन्मधु मधुरं  यत्पीतं तत्तदेव परिपीतम् ॥
८४२११ कति कति न वसन्ते वल्लयः शाखिनो वा  सुरभितसुमनोभिर्भूषिताङ्गा बभूवुः ।
८४२१२ तदपि युवजनानां प्रीतये केवलोऽभूद् अभिनवकलिकालीभारशाली रसालः ॥
८४२२१ कतिचिदुद्धतनिर्भरमत्सराः  कतिचिदात्मवचःस्तुतिशालिनः ।
८४२२२ अहह केऽपि निरक्षरकुक्षयस् तदिह संप्रति कं प्रति मे श्रमः ॥
८४२२ १ कतिचिद्दिवसानि काण्डशेषाः  पतिताशेषपुराणजीर्णपर्णाः ।
८४२२ २ तरवस्त्वचि गर्हितप्रवालाः  समवाप्यन्त न नामतो विवेक्तुम् ॥
८४२३१ कतिचिद्दिवसानि तया गमिता  नि गृहे तव सङ्गमरोचनया ।
८४२३२ कतिचिद्विपिने नलिनीशयने  वचनेन पिकीमदमोचनया ॥
८४२४१ न वनेऽपि रतिर्भवनेऽपि न यं  प्रतिरूपविनिर्ज्जितरोचनया ।
८४२४२ करुणावरुणालय किं क्रियताम्  अरुणायतपङ्कजलोचनया ॥
८४२५१ कति ते कबरीभारः  सुमनःसङ्गात्प्रियेऽतिनीलत्वात् ।
८४२५२ भवति च कलापवत्त्वान्  निजैरसेव्यः कथं न स्यात् ॥
८४२६१ कति न सन्ति जना जगतीतले  तदपि तद्विरहाकुलितं मनः ।
८४२६२ कति न सन्ति निशाकरतारकाः  कमलिनी मलिनी रविणा विना ॥
८४२७१ कति न सन्ति महीषु महीरुहः  सुरभिपुष्परसालफलालयः ।
८४२७२ सुरभयन्ति न केऽपि च भूरुहान्  इति यशोऽस्ति परं तव चन्दन ॥
८४२८१ कति नो विषया निभालिताः  कति वा भूमिभुजो न शीलिताः ।
८४२८२ धरणीधर तावकान् गुणान्  अवधार्याजगणं गुरुं लघुम् ॥
८४२९१ कतिपयदिवसस्थायिनि  मदकारिणि यौवने दुरात्मानः ।
८४२९२ विदधति तथापराधं  जन्मैव यथा वृथा भवति ॥
८४३०१ कत्तिपयदिवसस्थायी  पूरो दूरोन्नतोऽपि भविता ते ।
८४३०२ तटिनि तटद्रुमपातन  पातकमेकं चिरस्थायि ॥
८४३११ कतिपयदिवसैः क्षयं प्रयायात् कनकगिरिः कृतवासरावसानः ।
८४३१२ इति मुदमुपयाति चक्रवाकी  वितरणशालिनि वीररुद्रदेवे ॥
८४३२१ कतिपयनिमेषवर्तिनि  जन्मजरामरणविह्वले जगति ।
८४३२२ कल्पान्तकोटिबन्धुः  स्फुरति कवीनां यशःप्रसरः ॥
८४३३१ कतिपयपुरस्वामी कायव्ययैरपि दुर्ग्रहो  मितवितरिता मोहेनाहो मयानुसृतः पुरा ।
८४३३२ त्रिभुवनपतिर्बुद्ध्याराध्योऽधुना स्वपदप्रदः  पुनरधिगतस्तत्प्राचीनो दुनोति दिनव्ययः ॥
८४३४१ कतिपयसहकारपुष्परम्यस् तनुतुहिनोऽल्पविनिद्रसिन्दुवारः ।
८४३४२ सुरभिमुखहिमागमान्तशंसी  समुपययौ शिशिरः स्मरैकबन्धुः ॥
८४३५१ कति पल्लविता न पुष्पिता वा  तरवः सन्ति समन्ततो वसन्ते ।
८४३५२ जगतो विजये तु पुष्पकेतोः  सहकारी सहकार एक एव ॥
८४३६१ कतिषु न कृता सेवा के वा न वाग्विभवैः स्तुतास् तृणमपि गुणप्रीतः प्रादान्न कोऽपि विपश्चिताम् ।
८४३६२ अयमिह परं दुःखज्वालाकलापमखण्डयत् कनकपयसां धारादण्डैरकाण्डघनाघनः ॥
८४३७१ कति सन्ति नोन्नतिभृतस्तरवस् तदपि त्वमेव गुरुकीर्तिवरः ।
८४३७२ निबिडादरं नवमरन्दहरः  सहकार कारणमिह भ्रमरः ॥
८४३८१ कति सन्ति लता विपिने कुसुम  स्तवकानमिताः खलु पल्लविताः ।
८४३८२ प्रतिचम्पकचन्दननीपवनी  नवपङ्कजिनीमधुसंवलिताः ॥
८४३९१ सुचिरं कुसुमेषु परिभ्रमता  न च मालति कापि तथा मिलिता ।
८४३९२ मधुपेन पुनर्मधुपानविधौ  हृदये न यथा भवती कलिता ॥
८४४०१ कति सन्ति लवङ्गलता ललिता  नवकोरकिता धरणीसुतले ।
८४४०२ कति बन्धुरगन्धभृतस्तरवो  गुरवो निवसन्ति गिरौ मलये ॥
८४४११ कत्यक्षीणि करोटयः कति कति द्वीपिद्विपानां त्वचः  काकोलाः कति पन्नगाः कति सुधाधाम्नश्च खण्डाः कति ।
८४४१२ किं च त्वं च कति त्रिलोकजननि त्वद्वारिपूरोदरे  मज्जज्जन्तुकदम्बकं समुदयत्येकैकमादाय यत् ॥
८४४२१ कत्यश्वाः कति धेनवः कति गजाः कत्यद्भुताः पादपाः  सुन्दर्यः कति सुस्रुवः कति महारत्नान्यनर्ध्याण्यपि ।
८४४२२ जातैका किल कन्यका जलनिधेर्दातुं प्रसक्ता यदा  सर्वं तद्व्ययितं तदा परिणतौ नामैकमुच्छेषितम् ॥
८४४३१ कथंचित्कालिदासस्य कालेन बहुना मया ।
८४४३२ अवगाढेव गम्भीरमसृणौधा सरस्वती ॥
८४४४१ कथंचिदह्नि हृदये कुशलैर्विनिवेशिता ।
८४४४२ शिक्षा गौरखरेणेव राज्ञा विस्मार्यते निशि ॥
८४४५१ कथंचिन्नैदाघे दिवस इव कोपे विगलिते  प्रसत्तौ प्राप्तायां तदनु च निशायामिव शनैः ।
८४४५२ स्मितज्योत्स्नारम्भक्षपितविरहध्वान्तनिवहो  मुखेन्दुर्मानिन्याः स्फुरति कृतपुण्यस्य सुरते ॥
८४४६१ कथं ते त्यक्तसद्वृत्ताः सुखं रात्रिषु शेरते ।
८४४६२ मरणान्तरिता येषां नरकेषूपपत्तयः ॥
८४४७१ कथं त्वदुपलम्भाशाविहताविह तादृशी ।
८४४७२ अवस्था नालमारोढुमङ्गनामङ्गनाशिनी ॥
८४४७ १ कथं न रमते चित्तं धर्मेऽनेकसुखप्रदे ।
८४४७ २ जीवानां दुःखभीरूणां प्रायो मिथ्यादृशो यतः ॥
८४४८१ कथं न लज्जितस्तादृक्सविता तेजसां निधिः ।
८४४८२ ब्रह्माण्डखण्डिकां प्राप्य कुर्वन् पादप्रसारिकाम् ॥
८४४९१ कथं नाम न सेव्यन्ते यत्नतः परमेश्वराः ।
८४४९२ अचिरेणैव ये तुष्टाः पूरयन्ति मनोरथान् ॥
८४५०१ कथं नु तं बन्धुरकोमलाङ्गुलिं  करं विहायासि निमग्नमम्भसि ।
८४५०२ अचेतनं नाम गुणं न लक्षयेन्  मयैव कस्मादवधीरिता प्रिया ॥
८४५११ कथं नु पुत्राः पितरं हन्युः कस्यांचिदापदि ।
८४५१२ भ्राता वा भ्रातरं हन्यात्सौमित्रे प्राणमात्मानः ॥
८४५२१ कथं न्याय्यमनुष्ठानं मादृशः प्रतिषेधतु ।
८४५२२ कथं वाभ्यनुजानातु साहसैकरसां क्रियाम् ॥
८४५३१ कथं न्विदं कमलविशाललोचने  गृहं घनैः पिहितकरे निशाकरे ।
८४५३२ अचिन्तयन्त्यभिनववर्षविद्युतस् त्वमागता सुतनु यथा प्रभावती ॥
८४५४१ कथं चैषा तन्वी प्रकृतिसुकुमाराङ्गलतिका  प्रगल्भव्यापारं रतिकलहखेदं विषहते ।
८४५४२ नलिन्यास्तिग्मोऽपि प्रभवति सुखायैव सविता  प्रकृष्टे प्रेम्ण्येवं किमिव न सहन्ते युवतयः ॥
८४५५१ कथं प्रियाया अनुकम्पितायाः  सङ्गं रहस्यं रुचिरांश्च मन्त्रान् ।
८४५५२ सुहृत्सु च स्नेहसितः शिशूनां  कलाक्षराणामनुरक्तचित्तः ॥
८४५६१ पुत्रान् स्मरंस्ता दुहित्र्हृदस्या  भ्रात्न् स्वस्र्वा पितरौ च दीनौ ।
८४५६२ गृहान्मनोज्ञोरुपरिच्छदांश्च  वृत्तीश्च कुल्याः पशुभृत्यवर्गान् ॥
८४५७१ कथं भार्यामृते धर्ममर्थं वा पुरुषः प्रभो ।
८४५७२ प्राप्नोति काममथ वा तस्यां त्रितयमाहितम् ॥
८४५८१ तथैव भर्तारमृते भार्या धर्मादिसाधने ।
८४५८२ न समर्था त्रिवर्गोऽयं दाम्पत्यं समुपाश्रितः ॥
८४५९१ कथं ममोरसि कृतपक्षनिःस्वनः  शिलीमुखोऽपहितदिति (?) जल्पति प्रिये ।
८४५९२ निवृत्य किं किमिति ब्रुवाणयानया  ससाध्वसं कुपितममोचि कान्तया ॥
८४६०१ कथं मुग्धे कथं वक्रे कान्तायास्ते विलोचने ।
८४६०२ कथं जनानुरागाय कथं जनविपत्तये ॥
८४६११ कथं यतेत मनुजौ भिन्नैव प्रकृतिर्यतः ।
८४६१२ एकस्थानसमुत्पन्न सुधाक्ष्वेडभिदा स्मृता ॥
८४६२१ कथं राजा स्थितो धर्मे परदारान् परामृशेत् ।
८४६२२ रक्षणीया विशेषेण राजदारा महाबल ॥
८४६३१ कथं विलोकेयममुं युवानं  कुमुद्वतीबन्धुमिवोज्जिहानम् ।
८४६३२ भर्तुः स्वसा भाद्रचतुर्थिकेव  कलङ्कयत्यर्धविलोकनेऽपि ॥
८४६४१ कथं वीथीमस्मानुपदिशसि धर्मप्रणयिनीं  प्रसीद स्वां शिष्यामतिखलमुखीं शाधि मुरलीम् ।
८४६४२ हरन्ती मर्यादां शिव शिव परे पुंसि हृदयं  नयन्ती धृष्टेयं यदुवर यथा नाह्वयति नः ॥
८४६५१ कथं संबोध्यते राजा सुग्रीवस्य च का प्रिया ।
८४६५२ निर्धनाः किं च वाञ्छन्ति किं कुर्वन्ति मनीषिणः ॥
८४६६१ कथं स दन्तरहितः सूर्यः सूरिभिरुच्यते ।
८४६६२ यो मीनराशिं मुक्तैव मेषं भोक्तुं समुद्यतः ॥
८४६७१ कथनेन विनाप्याशां पूरयन्ति हि साधवः ।
८४६७२ प्रतिगेहं भासते हि विवस्वान् कथनं विना ॥
८४६८१ कथमगणितपूर्वं द्रक्ष्यते तं नरेन्द्रः  कथमपुरुषवाक्यं श्रोष्यते सिद्धवाक्यः ।
८४६८२ कथमविषयवन्घ्यं धारयिष्यत्यमर्षं  प्रणिपतति निरुद्धः सत्कृतो धर्षितो वा ॥
८४६९१ कथमद्य कथं च श्व इति जीवनचिन्तया ।
८४६९२ या कृथा हा वृथा दैन्यमायुरन्तं प्रयच्छति ॥
८४७०१ कथमपि कृतप्रत्यापत्तौ प्रिये स्खलितोत्तरे  विरहकृशया कृत्वा व्याजं प्रकल्पितमश्रुतम् ।
८४७०२ असहनसखीश्रोत्रप्राप्तिं विशङ्क्य ससंभ्रमं  विवलितदृशा शून्ये गेहे समुच्छ्वसितं पुनः ॥
८४७११ कथमपि तव वृन्दारण्यमाहात्म्यवृन्दं  न हि कथयितुमुच्चैरीश्वरोऽप्यीश्वरः स्यात् ।
८४७१२ अपि च तृणफलानां यस्य लुब्धो रसाय  प्रभुरमृतभुजामप्याश्रयद्वत्सभावम् ॥
८४७२१ कथमपि न निषिद्धो दुःखिना भीरुणा वा  द्रुपदतनयपाणिस्तेन पित्रा ममाद्य ।
८४७२२ तव भुजबलदर्पाध्यायमानस्य वामः  शिरसि चरण एष न्यस्यते वारयैनम् ॥
८४७३१ कथमपि परिचितमुद्रा  भुजभुद्रासङ्गतं स्वप्ने ।
८४७३२ उषसि निमीलतनयना  शयनान्तः कान्तमामृषति ॥
८४७४१ कथमपि सखि क्रीडाकोपाद्व्रजेति मयोदिते  कठिनहृदयस्त्यक्त्वा शय्यां बलाद्गत एव सः ।
८४७४२ इति सरभसध्वस्तप्रेम्णि व्यपेतघृणे स्पृहां  पुनरपि हतव्रीडं चेतः करोति करोमि किम् ॥
८४७५१ कथमपि हि भवन्ति क्षेत्रसद्बीजयोगाज् जगदुपकृतिहेतोर्नात्मवृत्त्यै फलन्ति ।
८४७५२ दधति फलसमृद्ध्या दूरमानम्रभावं  ननु जगति सुशूकाः साधवः शालयश्च ॥
८४७६१ कथमप्यधिगतरन्ध्रैर् अध्युषिता यदि गुहाखुभिः क्षुद्रैः ।
८४७६२ इयतैव किं मृगाधिप  निजविक्रमनिर्विदं वहसि ॥
८४७७१ कथमर्थं निषेधन्तु श्रुतयः स्मृतयोऽपि वा ।
८४७७२ यासामेकं पदमपि न चलत्यर्थतो विना ॥
८४७८१ कथमवनिप दर्पो यन्निशातासिधारा  दलनगलितमूर्ध्ना विद्विषां स्वीकृता श्रीः ।
८४७८२ ननु तव निहतारेरप्यसौ किं न नीता  त्रिदिवमपगताङ्गैर्वल्लभा कीर्तिरेभिः ॥
८४७९१ कथमसौ न भजत्यशरीरतां  हतविवेकपदो हतमन्मथः ।
८४७९२ प्रहरतः कदलीदलकोमले  भवति यस्य दया न वधूजने ॥
८४८०१ कथमसौ मदनो न नमस्यतां  स्थितविवेकपदो मकरध्वजः ।
८४८०२ मृगदृशं कदलीललितं वपुर् यदभि हन्ति शरैः कुसुमोद्भवैः ॥
८४८११ कथमियति वनान्ते कश्चिदेको न तादृग् वरवनतरुरुच्चैः पुष्पवल्लीफलाढ्यः ।
८४८१२ जगदसुखविधातुर्दग्धधातुर्नियोगा  द्धवखदिरपलाशाः केवलं वृद्धिभाजः ॥
८४८२१ कथमिव तव संमतिर्भवित्री  सममृतुभिर्मुनिनावधीरितस्य ।
८४८२२ इति विरचितमल्लिकाविकासः  स्मयत इव स्म मधुं निदाघकालः ॥
८४८३१ कथमिह मनुष्यजन्मा  संप्रविशति सदसि विबुधगमितायाम् ।
८४८३२ येन न सुभाषितामृतम्  आह्लादि निपीतमा तृप्तेः ॥
८४८४१ कथमुत्पद्यते धर्मः कथं धर्मः प्रवर्धते ।
८४८४२ कथं च स्थाप्यते धर्मः कथं धर्मो विनश्यति ॥
८४८५१ सत्येनोत्पद्यते धर्मो दयादानैर्विवर्धते ।
८४८५२ क्षमया स्थाप्यते धर्मः क्रोधलोभैर्विनश्यति ॥
८४८६१ कथमुपरि कलापिनः कलापो  विलसति तस्य तलेऽष्टमीन्दुखण्डम् ।
८४८६२ कुवलययुगलं ततो विलोलं  तिलकुसुमं तदधः प्रवालमस्मात् ॥
८४८७१ कथमेतत्कुचद्वन्द्वं पतितं तव सुन्दरि ।
८४८७२ पश्याधः खनने मूढ पतन्ति गिरयोऽपि च ॥
८४८८१ कथय कथमिवाशा जायतां जीविते मे  मलयभुजगवान्ता वान्ति वाताः कृतान्ताः ।
८४८८२ अयमपि खलु गुञ्जन्मञ्जु माकन्दमौलौ  चुलुकयति मदीयां चेतनां चञ्चरीकः ॥
८४८८ १ कथय कथमुरोजदामहेतोर् यदुपतिरेष चिनोति चम्पकानि ।
८४८८ २ भवति करतले यदस्य कम्पः  प्रियसखि मत्स्मृतिरेव मत्सपत्नी ॥
८४८९१ कथय किमपि दृष्टं स्थानमस्ति श्रुतं वा  व्रजति दिनकरोऽयं यत्र नास्तं कदाचित् ।
८४८९२ इति विहगसमूहान्नित्यमेवास्ति पृच्छन्  रजनिविरहभीतश्चक्रवाकी वराकः ॥
८४९०१ कथय किमिदं जात्या ख्यातं किमस्य वराटकैः  कतिभिरथवा लभ्यं चैतत्प्रयोजनमस्य किम् ।
८४९०२ प्रतिपदमिति ग्रामीणानां गणेन लघूकृतं  बत करतले रत्नं कृत्वा विषीदति वाणिजः ॥
८४९११ कथयत इव नेत्रे कर्णमूलं प्रयाते  सुमुखि तव कुचाभ्यां वर्त्य पश्यावनीं वा ।
८४९१२ स्खलति यदि कथंचित्ते पदाम्भोजयुग्मं  तव तनुतरमध्यं भज्यते नौ न दोषः ॥
८४९२१ कथयत कथमेषा मेनया विप्रदत्ता  शिव शिव गिरिपुत्रो वृद्धकापालिकाय ।
८४९२२ इति वदति पुरंध्रीमण्डले सिद्धिलेश  व्ययकृतवरवेषः पातु वः श्रीमहेशः ॥
८४९३१ कथय निपुणे कस्मिन् दृष्टः कथं नु कियच्चिरं  किमभिलिखितं किं तेनोक्तं कदा स इहैष्यति ।
८४९३२ इति बहुविधप्रेमोल्लासप्रकल्पितविस्तराः  प्रियतमकथाः स्वल्पेऽप्यर्थे प्रयान्ति न नष्टताम् ॥
८४९४१ कथयानिमिषोऽस्म्यहं कथं ते  वपुरालोकनमात्र एव जातः ।
८४९४२ अधरामृतपायिनां भवत्या  सुरतावाप्तिररालकेशि युक्ता ॥
८४९४ १ कथाभिर्देशानां कथमपि च कालेन बहुना  समायाते कान्ते सखि रजनिरर्धं गतवती ।
८४९४ २ ततो यावल्लीलाप्रणयकुपितास्मि प्रकुपिता  सपत्नीव प्राची दिगियमभवत्तावदरुणा ॥
८४९५१ कथासु ये लब्धरसाः कवीनां  ये नानुरज्यन्ति कथान्तरेषु ।
८४९५२ न ग्रन्थिपर्णप्रणयाश्चरन्ति  कस्तूरिकागन्धमृगास्तृणेषु ॥
८४९५ १ कथितावधिजीवितावधिर् गणयन्ती दिवसाननुक्षणम् ।
८४९५ २ दयिताश्रुभरेण जीव्यते  बत रेखा कतिचिद्विलुम्पता ॥
८४९६१ कदपत्यं वरं मन्ये सदपत्याच्छुचां पदात् ।
८४९६२ निर्विद्येत गृहान्मर्त्यो यत्क्लेशनिवहा गृहाः ॥
८४९७१ कदम्बवृक्षसारस्तु विद्युत्पातनिवारणः ।
८४९७२ विद्युत्पातस्य नो भीतिर्देवराजेऽति कीर्तनात् ॥
८४९८१ कदर्थितस्यापि हि धैर्यवृत्तेर् न शक्यते धैर्यगुणः प्रमार्ष्टुम् ।
८४९८२ अधोमुखस्यापि कृतस्य वह्नेर् नाधः शिखा यान्ति कदाचिदेव ॥
८४९९१ कदर्यमाक्रोशकमश्रुतं च  वराकसम्भूतममान्यमानिनम् ।
८४९९२ निष्ठूरिणं कृतवैरं कृतघ्नम्  एतान् भृशार्तोऽपि न जातु याचेत् ॥
८५००१ कदर्योपार्जितं वित्तं भोग्यं भाग्यवतां भवेत् ।
८५००२ दन्ता अदन्ति कष्टेन जिह्वा ग्रसति लीलया ॥
८५०११ कदली कदली करभः करभः  करिराजकरः करिराजकरः ।
८५०१२ भुवनत्रितयेऽपि बिभर्ति तुलाम्  इदमूरुयुगं न चमूरुदृशः ॥
८५०२१ कदलीकन्दवद्धर्मो न रोहति बहिर्गतः ।
८५०२२ छादितस्तु फलं चारु सूते पनसमूलवत् ॥
८५०३१ कदलीकरभसमानां  कलयति यो रूपकॢप्तिमतिरुचिराम् ।
८५०३२ सोपायाद्दृढयोगं  गमितोरसिकोपकरणविषयतया ॥
८५०४१ कदलीप्रकाण्डरुचिरोरुतरौ  जघनस्थलीपरिसरे महति ।
८५०४२ रशनाकलापकगुणेन वधूर् मकरध्वजद्विरदमाकलयत् ॥
८५०४ १ कदली बत जङ्घायाः सादृश्यं लभते कथम् ।
८५०४ २ शैत्यं हि सहजं तत्र तत्र कालानुरूपता ॥
८५०५१ कदलीवनमध्यस्थो वह्निर्मन्दपराक्रमः ।
८५०५२ अविवेकिजनस्थाने गुणवान् किं करिष्यति ॥
८५०६१ कदलीसारनिःसारे मृगतृष्णेव चञ्चले ।
८५०६२ स्थावरे जंगमे सर्वे भूतग्रामे चतुर्विधे ॥
८५०७१ कदा कान्तागारे परिमलमिलत्पुष्पशयने  शयानः कान्तायाः कुचयुगमहं वक्षसि वहन् ।
८५०७२ अये कान्ते मुग्धे कुटिलनयने चन्द्रवदने  प्रसीदेत्याति क्रोशन्निमिषमिव नेष्यामि दिवसान् ॥
८५०८१ कदा कार्योद्योगं सकलमपि संन्यस्य सहसा  स्मरन्नित्यं शान्तं हृदयवचनागोचरमहः ।
८५०८२ विभो मायातीत प्रथम परमानन्दनिबिड  प्रसीदेत्याक्रोशन्निमिषमिव नेष्यामि दिवसान् ॥
८५०९१ कदा गण्डादञ्चन्मदलुलितसिन्दूरसुभगं  नमस्कुर्वन् पद्मामलमधुरमूर्तिं गणपतिम् ।
८५०९२ गजास्य श्रीशम्भोःसुत सुमुख लम्बोदर विभो  प्रसीदेत्याक्रोशन्निमिषमिव नेष्यामि दिवसान् ॥
८५१०१ कदाचन महाकार्ये लघुरेवोपयुज्यते ।
८५१०२ किं दूरीकृत्य दीर्घादि दूर्वां क्षेमाय नादृतः ॥
८५१११ कदाचित्कवचं भेद्यं नाराचेन शरेण वा ।
८५११२ अपि वर्षशताघाते ब्राह्मणाशीर्न भिद्यते ॥
८५१२१ कदाचित्कष्टेन द्रविणमधमाराधनवशान्  मया लब्धं स्तोकं निहितमवनौ तस्करभयात् ।
८५१२२ ततो नित्ये कश्चित्क्वचिदपि तदाखुर्बिलगृहे ऽनयल्लब्धोऽप्यर्थोन भवति यदा कर्म विषमम् ॥
८५१३१ कदाचित्कालिन्दीतटविपिनसङ्गीतकरवो  मुदाभीरीनारीवदनकमलास्वादमधुपः ।
८५१३२ रमाशम्भुब्रह्मामरपतिगणेशर्चितपदो  जगन्नाथः स्वामी नयनपथगामी भवतु मे ॥
८५१४१ कदाचित्पाञ्चाली विपिनभुवि भीमेन बहुशः  कृशाङ्गि श्रान्तासि क्षणमिह निषीदेति गदिता ।
८५१४२ शनैः शीतच्छायं तटविटपिनं प्राप्य मुदिता  पुरः पत्युः कामाच्छ्वशुरमियमालिङ्गति सती ॥
८५१५१ कदाचित्साधुतामेति पुरः शिशुरसन्मतिः ।
८५१५२ प्राक्पाण्डुपत्राः कुत्रापि चोयन्ते चारुभूरुहाः ॥
८५१६१ कदाचिदपि संजातमकार्यादिष्टसाधनम् ।
८५१६२ यदनिष्टं तु सत्कार्यान्नाकार्यप्रेरकं हि तत् ॥
८५१७१ कदाचिदारोहति सौधमुन्नतं  कदाचिदायाति धरातलं पुनः ।
८५१७२ कदाचिदास्यं विनिवेश्य जालके  प्रियं नवोढा तु सलज्जमीक्षते ॥
८५१८१ कदा ते सानन्दं विततनवदूर्वाञ्चिततटी  कुटीरे तीरे वा सवनमनु मन्वादिकथितैः ।
८५१८२ कथाबन्धैरन्धङ्करणकरणग्रामनियमाद् यमादुज्झन् भीतिं भगवति भवेयं प्रमुदितः ॥
८५१९१ कदा द्रक्ष्यामि नन्दस्य बालकं नीपमालकम् ।
८५१९२ पालकं सर्वसत्त्वानां लसत्तिलकभालकम् ॥
८५२०१ कदाधरदले बाले दन्तकेसरशोभिते ।
८५२०२ भवामि त्वन्मुखाम्भोजे रसिको मधुपो यथा ॥
८५२११ कदा नु कन्यागमनप्रवादं  प्रक्षालयेयं जगति प्ररूढम् ।
८५२१२ इतीव भास्वान् परिवृद्धतापस् तुलां विशुद्ध्यर्थमिवारुरोह ॥
८५२२१ कदा नु चारुबिम्बोष्ठं तस्याः पद्ममिवाननम् ।
८५२२२ ईषदुन्नम्य पास्यामि रसायनमिवातुरः ॥
८५२३१ कदा नौ संगमो भावीत्याकीर्णे वक्तुमक्षमम् ।
८५२३२ अवेत्य कान्तमबला लीलापद्मं न्यमीलयत् ॥
८५२४१ कदापि नाश्रयेत्प्राज्ञोऽकरुणं मिष्टभाषिणम् ।
८५२४२ प्रच्छन्नमसहिष्णुं वा गुडमिश्रं विषं यथा ॥
८५२५१ कदापि नोग्रदण्डः स्यात्कटुभाषणतत्परः ।
८५२५२ भार्या पुत्रोऽप्युद्विजते कटुवाक्यात्प्रदण्डतः ॥
८५२५३ पशवोऽपि वशं यान्ति दानैश्च मृदुभाषणैः ॥
८५२५ १ कदापि वेश्या न गुणार्थिनी स्याद् रूपार्थिनी नैव हितार्थिनी च ।
८५२५ २ विद्यार्थिनी नापि न मन्यसे चेद् वार्तां शृणु त्वं कयवन्नकस्य ॥
८५२६१ कदा पुण्यक्षेत्रे करकलितरुद्राक्षवलयो  दधत्स्वान्ते शान्तेऽखिलशिवपदं श्रीशिवपदम् ।
८५२६२ महेश श्रीकण्ठ स्मरहर हर त्र्यम्बक शिव  प्रसीदेत्याक्रोशान्निमिषमिव नेष्यामि दिवसान् ॥
८५२७१ कदा ब्रह्मेशानत्रिदशपतिमुख्यैः सुरगणैः  स्तुतं विष्वक्सेनं जितदनुजसेनं हृदि भजन् ।
८५२७२ अये विष्णो जिष्णो गरुडरथ विश्वम्भर हरे  प्रसीदेत्याक्रोशन्निमिषमिव नेष्यामि दिवसान् ॥
८५२८१ कदा भागीरथ्या भवजलधिसंतारतरणेः  स्खलद्वीचीमालाचपलतलविस्तारितमुदः ।
८५२८२ तमःस्थाने कुञ्जे क्वचिदपि निविश्याहृतमना  भविष्याम्येकाकी नरकमथने ध्यानरसिकः ॥
८५२९१ कदा भिक्षाभक्तैः करकलितगङ्गाम्बुतरलैः  शरीरं मे स्थास्यत्युपरतसमस्तेन्द्रियसुखम् ।
८५२९२ कदा ब्रह्माभ्यासस्थिरतनुतयारण्यविहगाः  पतिष्यन्ति स्थाणुभ्रमहतधियः स्कन्धशिरसि ॥
८५३०१ कदा मुखं वरतनु कारणादृते  तवागतं क्षणमयि कोपपात्रताम् ।
८५३०२ अपर्वणि ग्रहकलुषेन्दुमण्डला  विभावरी कथय कथं भविष्यति ॥
८५३११ कदा वाराणस्याममरतटिनीरोधसि वसन्  वसानः कौपीनं शिरसि निदधानोऽञ्जलिपुटम् ।
८५३१२ अये गौरीनाथ त्रिपुरहर शम्भो त्रिनयन  प्रसीदेति क्रोशन्निमिषमिव नेष्यामि दिवसान् ॥
८५३२१ कदा वा साकेते विमलसरयूतीरपुलिने  चरन्तं श्रीरामं जनकतनयालक्ष्मणयुतम् ।
८५३२२ अये राम स्वामिन् जनकतनयावल्लभ विभो  प्रसीदेत्याक्रोशन्निमिषमिव नेष्यामि दिवसान् ॥
८५३३१ कदा वृन्दारण्ये नवघननिभं नन्दतनयं  परीतं गोपीभिः क्षणरुचिमनोज्ञाभिरभितः ।
८५३३२ गमिष्यामस्तोषं नयनविषयीकृत्य कृतिनो  वयं प्रेमोद्रेकस्खलितगतयो वेपथुभृतः ॥
८५३४१ कदा वृन्दारण्ये मिहिरदुहितुः सङ्गमहिते  मुहुर्भ्रामं भ्रामं चरितलहरीं गोकुलपतेः ।
८५३४२ लपन्नुच्चैरुच्चैर्नयनपयसां वेणिभिरहं  करिष्ये सोत्कण्ठो निविडमवसेकं विटपिनाम् ॥
८५३५१ कदा वृन्दारण्ये विमलयमुनातीरपुलिने  चरन्तं गोविन्दं हलधरसुदामादिसहितम् ।
८५३५२ अये कृष्ण स्वामिन्मधुरमुरलीवादन विभो  प्रसीदेत्याक्रोशन्निमिषमिव नेष्यामि दिवसान् ॥
८५३६१ कदा शयानो मणिकर्णिकायां  कर्णे जपाम्यक्षरमिन्दुमौलेः ।
८५३६२ अवाप्य मुद्रां गतमोहमुद्रां  नालोकयिष्यामि पुनः प्रपञ्चम् ॥
८५३७१ कदा श्रीमत्पङ्केरुहवनविकाशिप्रसृमर  प्रथापुञ्जं तेजः किमपि कलयन्नौपनिषदम् ।
८५३७२ ग्रहेश श्रीभानो मिहिर तरणे सूर्य सवितः  प्रसीदेत्याक्रोशन्निमिषमिव नेष्यामि दिवसान् ॥
८५३८१ कदा संसारजालान्तर्बद्धं त्रिगुणरज्जुभिः ।
८५३८२ आत्मानं मोचयिष्यामि शिवभक्तिशलाकया ॥
८५३९१ कदा सम्यग्ध्यायन्ननुपमचरित्रं मणिगण  स्फुरद्भूषाचित्रं पुररिपुकलत्रं किमपि तत् ।
८५३९२ शिवे दुर्गे कात्यायनि जननि भक्तप्रणयिनि  प्रसीदेत्याक्रोशन्निमिषमिव नेष्यामि दिवसान् ॥
८५४०१ कदा हि मूर्खो वचनेषु भीतः  खलो न कुत्रापि छलेष्वदक्षः ।
८५४०२ अन्धेन काचिद्युवती हि दृष्टा  कस्यात्र कामेषु भवेच्च लज्जा ॥
८५४११ कदा ह्यहं समेष्यामि भरतेन महात्मना ।
८५४१२ शत्रुघ्नेन च वीरेण त्वया च रघुनन्दन ॥
८५४२१ कनकं सुगन्धि तव तन्वि वपुर् मधुरो मणिश्च सखि तेऽप्यधरम् ।
८५४२२ निगडं सुखस्य करणं भवतीं  सृजतो विधेर्निरवधिर्महिमा ॥
८५४३१ कनककमलकान्तैः सद्य एवाम्बुधौतैः  श्रवणतटनिषक्तैः पाटलोपान्तनेत्रैः ।
८५४३२ उषसि वदनबिम्बैरंससंसक्तकेशैः  श्रिय इव गृहमध्ये संस्थिता योषितोऽद्य ॥
८५४४१ कनककमलकान्तैराननैः पाण्डुगण्डैर् उपरिनिहितहारैश्चन्दनार्द्रैः स्तनान्तैः ।
८५४४२ मदजनितविलासैर्दूष्टिपातैर्मुनीन्द्रान्  स्तनभरनतनार्यः कामयन्ति प्रशान्तान् ॥
८५४५१ कनककलशश्रेणी यत्र प्रभाकरचुम्बनैर् अतिखरकराघातैर्मध्यन्दिने शिथिलीकृता ।
८५४५२ द्रवति भजते दार्ढ्यं सिक्ता समीरणकम्पित  ध्वजपटसमानीतस्वर्गापगाजलबिन्दुभिः ॥
८५४६१ कनककुन्डलमण्डितभाषिणे  शकरिपुर्विषयान् दश विद्विषः ।
८५४६२ मगधकेकयकेरलकोशलान्  करिशतं च मदालसलोचनम् ॥
८५४७१ कनकक्रमुकायितं पुरस्ताद् अथ पङ्गेरुहकोरकायमाणम् ।
८५४७२ क्रमशः कलशायमानमास्ते  सुदृशो वक्षसि कस्य भागधेयम् ॥
८५४८१ कनकच्छत्रमम्बायाः कुरुते कुतुकं महत् ।
८५४८२ विशदेव दृशोरन्तर्यन्निर्गच्छति मूधैनि ॥
८५४९१ कनकद्रवकान्तिकान्तया  मिलितं राममुदीक्ष्य कान्तया ।
८५४९२ चपलायुतवारिदभ्रमान्  ननृते चातकपोतकैर्वने ॥
८५४९ १ कनकद्रवगौरमम्बरं  दधतोरुद्वितयेन सुन्दरम् ।
८५४९ २ उदयन्मणिनूपुरप्रभा  सरणिश्रेणिजटालजानुकम् ॥
८५५०१ कनकनिकषभासा सीतयालिङ्गिताङ्गो  नवकुवलयदामश्यामवर्णाभिरामः ।
८५५०२ अभिनव इव विद्युन्मण्डितो मेधखण्डः  शमयतु मम तापं सर्वतो रामचन्द्रः ॥
८५५११ कनकनिकषस्वच्छे राधापयोधरमण्डले  नवजलधरश्यामामात्मद्युतिं प्रतिबिम्बिताम् ।
८५५१२ असितसिचयप्रान्तभ्रान्त्या मुहुर्मुहुरुत्क्षिपञ् जयति जनितव्रीडानम्रप्रियाहसितो हरिः ॥
८५५२१ कनकभङ्गपिशङ्गदलैर्दधे  सरजसारुणकेशरचारुभिः ।
८५५२२ प्रियविमानितमानवतीरुषां  निरसनैरसनैरवृथार्थता ॥
८५५३१ कनकभूषणसंग्रहणोचितो  यदि मणिस्त्रपुणि प्रतिबध्यते ।
८५५३२ न स विरौति न चापि न शोभते  भवति योजयितुर्वचनीयता ॥
८५५४१ कनकमृगमुदस्य स्वां कुटीं संप्रविष्टः  क्वचिदपि न वधूटीं नोददर्शाङ्गनादौ ।
८५५४२ तदपि स रघुवीरः पर्णशालागृहान्तर् न विशति हृदयाशातन्तुनाशातिभीरुः ॥
८५५५१ कनकरसमसृणवर्तित  हयगन्धामूलमिश्रपर्युषितम् ।
८५५५२ माहिषमिह नवनीतं  गतबीजे कनकफलमध्ये
८५५६१ गोमयगाढोद्वर्तित  पूर्वं पश्चादनेन संलिप्तम् ।
८५५६२ भवति हयलिङ्गसदृशं  लिङ्गं कठिनाङ्गनादयितम् ॥
८५५७१ कनकस्य तु पञ्चाङ्गं कर्पूरं केतकीरजः ।
८५५७२ आत्मशुक्रेण संयुक्तं वश्यकृद्भक्षितं स्त्रियाः ॥
८५५८१ कनकहरिणं हत्वा रामो ययौ निजमाश्रमं  जनकतनयां प्राणेभ्योऽपि प्रियामविलोकयन् ।
८५५८२ दृढमुपगतैर्बाष्पापूरैर्निमीलितलोचनो  न विशति कुटीमाशातन्तुप्रणाशभयादसौ ॥
८५५९१ कनकाचलकान्तिचौर्यभाजोः  कुचयोः कुङ्कुमपङ्कपूजनानि ।
८५५९२ अनिबन्धनमेव बन्धनं ते  कृशताभागिनि किं नु मध्यभागे ॥
८५६०१ कनकाचलजित्वरस्तनीनां  रमणीनां खलु यत्र सन्निवेशः ।
८५६०२ मनसः परमाणुतां वदन्तः  कथमद्यापि न तार्किकास्त्रपन्ते ॥
८५६११ कनिष्ठाङ्गुलिवत्स्थूलं पूर्वार्धकृतकुञ्चितम् ।
८५६१२ अभावे दन्तकाष्ठस्य प्रतिषिद्धदिनेऽपि च ।
८५६१३ अपां द्वादशगण्डूषैर्मुखशुद्धिर्भविष्यति ॥
८५६२१ कनिष्ठेषु च सर्वेषु समत्वेनानुवर्तते ।
८५६२२ समोपभोगजीवेषु यथैव तनयेषु च ॥
८५६२ १ कनीनिकाकान्तिभिरञ्जनं दृशोः  स्मितत्विषा चन्दनचर्च्चनं हृदः ।
८५६२ २ कटाक्षभाभिर्नवमुत्पलं श्रुतेस् तदा वधूनामिति भूषणान्यभान् ॥
८५६२ १ कनीनिकेव नेत्रस्य कुसुमस्येव सौरभम् ।
८५६२ २ सम्यक्त्वमुच्यते सारं सर्वेषां धर्मकर्मणाम् ॥
८५६३१ कन्थां वहसि दुर्बुद्धे गर्दभैरपि दुर्वहाम् ।
८५६३२ शिखायज्ञोपवीताभ्यां भारः कस्ते भविष्यति ॥
८५६३ १ कन्दमूलानि ये मूढाः सूर्यदेवे जर्नादने ।
८५६३ २ भक्षयन्ति नराः पार्थ ते वै नरक गामिनः ॥
८५६४१ कन्दर्पकण्डूलकटाक्षबन्दीर् इन्दीवराक्षोरभिलष्यमाणान् ।
८५६४२ मन्दस्मिताधारमुखारविन्दान्  वन्दामहे वल्लवधूर्तपादान् ॥
८५६५१ कन्दर्पकन्दलि सलीलदृशा लुनीहि  कोपाङ्कुरं चरणयोः शरणातिथिः स्याम् ।
८५६५२ पश्य प्रसीद चरमाचलचूलचुम्बि  बिम्बं विधोर्लवलपाण्डुरमस्तमेति ॥
८५६६१ कन्दर्पज्वरसंज्वराकुलतनोराश्चर्यमस्याश्चिरं  चेतश्चन्दनचन्द्रमःकमलिनीचिन्तासु संताम्यति ।
८५६६२ किं तु क्लान्तिवशेन शीतलतरं त्वामेकमेव क्षणं  ध्यायन्ती रहसि स्थिता कथमपि क्षीणा क्षणं प्राणिति ॥
८५६७१ कन्दर्पदर्पकलिताङ्गमनोहराणां  प्रेम्णा स्वयं सुरतमन्दिरमागतानाम् ।
८५६७२ अङ्गानि कोमलतराणि मनोरमाणां  धन्या नराः सरभसं हि परिष्वजन्ते ॥
८५६८१ कन्दर्पदेवस्य विमानसृष्टिः  प्रासादमाला रसपार्थिवस्य ।
८५६८२ चैत्रस्य सर्वर्तुविशेषचिह्नं  दोलाविलासः सुदृशां रराज ॥
८५६९१ कन्दर्पप्रतिभूनिवेशितवलीरेखावलीशोभिते  लीलोदञ्चितबाहुपाशयुगलापातैश्च भोः कामुकाः ।
८५६९२ वेश्यानां विपुले नितम्बफलके शारैः कटाक्षैरितो  यद्वः क्रीडितमत्र दास्यति पुरो दारिद्र्यमेवोत्तरम् ॥
८५७०१ कन्दर्पप्रतिमल्लकान्तिविभवं कादम्बिनीबान्धवं  वृन्दारण्यविलासिनीव्यसनिनं वेषेण भूषामयम् ।
८५७०२ मन्दस्मेरमुखाम्बुजं मधुरिमव्यामृष्टबिम्बाधरं  वन्दे कन्दलितार्द्रयौवनवनं कैशोरकं शार्ङ्गिणः ॥
८५७११ कन्दर्पश्च रतिश्च कुङ्कुममृदालेपेन मूषाद्वयं  कुर्वाते रससाधनाय विधिवत्कस्तूरिकामुद्वया ।
८५७१२ अन्तर्दर्पकबाणतापितयुवप्रेमोष्मभूयस्तया  निर्याता रसबिन्दवो बहिरितो हारस्य मुक्ताच्छलात् ॥
८५७२१ कन्दर्पस्य जगत्त्रयीविजयिनः साम्राज्यदीक्षागुरुः  कान्तामानशिलोञ्छवृत्तिरखिलध्वान्ताभिचा रे कृती ।
८५७२२ देवस्त्र्यम्बकमौलिमण्डनसरित्तीरस्थलीतापसः  शृङ्गाराध्वरदीक्षितो विजयते राजा द्विजानामयम् ॥
८५७३१ कन्दर्पादपि सुन्दराकृतिरिति प्रौढोत्सलद्रागया  वृद्धत्वं वरयोषितोऽनयदिति त्रासाकुलस्वान्तया ।
८५७३२ मारस्यापि शरैरभेद्यहृदिति श्रद्धाभरप्रह्वया  पायाद्वः स्फुटबाष्पकम्पपुलकं रत्या जिनो वन्दितः ॥
८५७४१ कन्दर्पादपि सुन्दरो रविमहाः प्रत्यर्थिसीमन्तिनी  वक्त्राम्भोजसुधाकरोऽतिविभवो युद्धेषु पार्थोपमः ।
८५७४२ रक्षाकृज्जगतः स्वकीर्तिविदितो रामोऽस्तु युक्तो मुदा  दानीं शङ्करसेवको वरगुणो नीत्युत्तमः सर्वदा ॥
८५७५१ कन्दर्पे नलकूवरे कुमुदिनीकान्तेऽप्यवज्ञावतां  त्वत्सौन्दर्यकथासु तासु मरुतां वृत्तासु कौतूहलात् ।
८५७५२ प्राप्ता तानवमुर्वशी रतिरतिक्लान्ता हता रोहिणी  जाता किंच खरस्मरज्वरभरा रम्भापि रम्भातनुः ॥
८५७६१ कन्दर्पैककृपाणवल्लरि वने कस्मादकस्यादियं  हे कालागुरुबालमञ्जरि हहा मोहादिह प्रारुहः ।
८५७६२ सह्यन्तामुपजातसौरभपरिष्वङ्गैस्तदङ्गैरिमाः  कान्तैः कान्तपुरंध्रिकुन्तलभरच्छायैः कुठारच्छिदः ॥
८५७७१ कन्दलयत्यानन्दं  निन्दति मन्दानिलेन्दुचन्दनकम् ।
८५७७२ मन्दयति मन्दभावं  संधत्ते संपदोऽपि सत्सङ्गः ॥
८५७७ १ कन्दलीषु कुटजेषु मालती  जालकेषु नवकेतकीषु च ।
८५७७ २ कन्थरासु मधुना सुकेकिनां  संविभक्त इव वारिदोदयः ॥
८५७८१ कन्दाग्रात्प्रोत्थितः प्राणः सदा वहति देहिनाम् ।
८५७८२ हृद्गतं जीवमाश्वास्य बहिर्गत्वा निवर्तते ॥
८५७९१ कन्दुको भित्तिनिःक्षिप्त इव प्रतिफलन्मुहुः ।
८५७९२ आपतत्यात्मनः प्रायो दोषोऽन्यस्य चिकीर्षितः ॥
८५८०१ कन्दे सुन्दरता दले सरलता वर्णस्य संपूर्णता  स्कन्धे बन्धुरता फले सरसता कस्यापरस्येदृशी ।
८५८०२ धन्यस्त्वं सहकार खिन्नपथिकाधार स्थितः सत्पथे  दीर्घायुर्भव साधु साधु विधिना मेधाविना निर्मितः ॥
८५८११ कन्दैः कन्दलितं वनैः किशलितं वल्लीभिरुज्जृम्भितं  वृक्षैः पल्लवितं जनैः प्रमुदितं धाराधरे वर्षति ।
८५८१२ भ्रातश्चातक पातकं किमपि ते सम्यग्न जानीमहे  येनास्मिन्न पतन्ति चञ्चुपुटके द्वित्राः पयोबिन्दवः ॥
८५८२१ कन्धरां समपहाय कं धरां  प्राप्य संयति जहास कस्यचित् ।
८५८२२ मां किलानमयतः स्वपूर्तये  दुर्भरात्किमुदराद्वियोगतः ॥
८५८३१ कन्धरावनतस्योर्वी गतस्याधोमुखस्य ते ।
८५८३२ लज्जा न नाम निर्लज्जा गर्वो न गलितः कथम् ॥
८५८४१ कन्यां कामप्युदूह्य प्रविजहदुदयद्यौवनामज्ञ एनां  द्रव्याशापाशकृष्टो भ्रमति चिरतरं हन्त देशान्तरेषु ।
८५८४२ अन्योन्याश्लेषवाञ्छाविगलितवयसोरात्तमालिन्यमत्योर् दंपत्योर्व्याकृतैवं हतविधिरुभयोर्लोकयोः शोकयोगम् ॥
८५८४ १ कन्यां छत्रं फलं पक्वं दीपमन्नं महाध्वजम् ।
८५८४ २ मन्त्रं वा लभते यो हि तस्य चिन्तितसिद्धयः ॥
८५८५१ कन्यां भुङ्क्ते रजःकालेऽग्निः शशी लोमदर्शने ।
८५८५२ स्तनोद्भवेषु गन्धर्वास्तत्प्रागेव प्रदीयते ॥
८५८६१ कन्यां रूपवतीं दृष्ट्वा मोहं गच्छेन्महानपि ।
८५८६२ चण्डाल्यामप्यरुन्धत्यां वसिष्ठो मोहितोऽभवत् ॥
८५८७१ कन्याकर्तितसूत्रेण बद्धापामार्गमूलिका ।
८५८७२ ऐहाहिकज्वरं हन्ति शिखायामतिवेगतः ॥
८५८८१ कन्या काचिदिहापि कर्मणि पणः स्यादित्यसूयाचलत् सीतापाङ्गमयूखमांसलमुखज्योत्स्नाविलुप्तीं दिवम् ।
८५८८२ कुर्वाणेन रघूद्वहेन चकृषे नारायणीयं धनुः  संधायाथ शरश्च भार्गवगतिच्छेदादमोघीकृतः ॥
८५८९१ कन्या कौतुकमात्रकेण विधवा संमर्दमात्रार्थिनी  वेश्या वित्तलवेच्छया स्वगृहिणी गत्यन्तरासंभवात् ।
८५८९२ वाञ्छन्तीत्थमनेककारणवशात्पुंभिः स्त्रियः संगमं  शुद्धस्नेहनिबन्धना परवधूः पुण्यैः परैः प्राप्यते ॥
८५९०१ कन्यागते सवितरि तिष्ठन्ति पितरो गृहे ।
८५९०२ शून्यं प्रेतपुरं तत्र यावद्वृश्चिकदर्शनम् ॥
८५९० १ कन्यागोभूम्यलीकानि न्यासापहरणं तथा ।
८५९० २ कूटसाक्ष्यं च पञ्चेति स्थूलासत्यानि संत्यजेत् ॥
८५९० १ कन्यागोशङ्खभेरीदधिफलकुसुमं पावको दीप्यमानो  नागेन्द्रोऽश्वो रथो वा नृपतिरभिमुखः पूर्णकुम्भो ध्वजो वा ।
८५९० २ उत्क्षिप्ता नैव भूमिर्खलचरयुगलं सिद्धमन्नं शतायुर् वेश्यास्त्री मद्यमांसो हितमपि गदितं मङ्गलं प्रस्थितानाम् ॥
८५९११ कन्यादात्रे तु ह्यधनं दस्यवे सधनं नरम् ।
८५९१२ गुप्तं जिघांसवे नैव विज्ञातमपि दर्शयेत् ॥
८५९२१ कन्या निष्कासिता श्रेष्ठा वधूः श्रेष्ठा प्रवेशिता ।
८५९२२ अन्नं संकलितं श्रेष्ठं धर्मः श्रेष्ठो दिने दिने ॥
८५९३१ कन्याप्रसूतस्य धनुःप्रसङ्गाद् अङ्गाधिकासादितविक्रमस्य ।
८५९३२ धनंजयाधीनपराक्रमस्य  हिमस्य कर्णस्य च को विशेषः ॥
८५९४१ कन्यायाः किल पूजयन्ति पितरो जामातुराप्तं जनं  सम्बन्धे विपरीतमेव तदभूदाराधनं ते मयि ।
८५९४२ त्वं कामेन तथाविधोऽस्यपहृतः सम्बन्धबीजं च तद् घोरेऽस्मिन्मम जीवलोकनरके पापस्य धिग जीवितम् ॥
८५९५१ कन्या वरयते रूपं माता वित्तं पिता श्रुतम् ।
८५९५२ बान्धवाः कुलमिच्छन्ति मिष्टान्नमितरे जनाः ॥
८५९५ १ कन्याविक्रयिणश्चैव रसविक्रयिणस्तथा ।
८५९५ २ विषविक्रयिणश्चैव नरा निरयगामिनः ॥
८५९६१ कन्ये समालोकय कान्यकुब्जम्  अकुब्जकीर्तिं नरनाथमेनम् ।
८५९६२ ककुब्जये यस्य धरापरागैर् भवन्ति वारांनिधयः स्थलानि ॥
८५९७१ कपटं च बहुतरं न जानाति हि कश्चन ।
८५९७२ कौलिको विष्णुरूपेण भुञ्जति राजकन्यकाम् ॥
८५९८१ कपटकलितनिद्रं मन्दमालोकयन्ती  प्रियमधरमधूनि स्वेच्छया पातुमैच्छत् ।
८५९८२ मदनमदमनोज्ञा लज्जयाकृष्टचित्ता  मुकुलितमुखपद्मा चित्रसंस्थेव तस्थौ ॥
८५९९१ कपटनटनकोटेर्धूर्जटेः सन्नटस्योद् भटविकटजटाभिस्ताडिताः शैलकूटात् ।
८५९९२ खरतरकरघातैरुत्थिता दिक्स्थितास्ते  नभसि निरवलम्बं दन्तिनः संचरन्ति ॥
८६००१ कपटपटुता द्रोहे चित्तं सतां च विमानने  मतिरपनये शाठ्यं मित्रे सुतेष्वपि वञ्चना ।
८६००२ कृतकमधुरा वाक्प्रत्यक्षं परोक्षविघातिनी  कलियुगमहाराजस्यैताः स्वराज्यविभूतयः ॥
८६०११ कपटवचनभाजा केनचिद्वारयोषा  सकलरसिकगोष्ठीवञ्चिका वञ्चितासौ ।
८६०१२ इति विहसति रिङ्गद्भृङ्गविक्षिप्तचक्षुर् विकचकुसुमकान्तिच्छद्मना केलिकुञ्जः ॥
८६०२१ कपटशतनदीष्णैर्वैरिभिर्वञ्चितोऽपि  निकृतिकरणदक्षोऽप्यत्र संसारभीरुः ।
८६०२२ तनुवचनमनोभिर्वक्रतां यो न याति  गतमलमृजुमानं तस्य साधोर्वदन्ति ॥
८६०३१ कपटादपि रिपुहननं  कुर्यादिति नीतिरौशनसी ।
८६०३२ हननमृते च गुरुमते  बन्धादि विधीयते रिपोः कपटैः ॥
८६०४१ कपटेन पुनर्नैव व्यापारो यदि या कृतः ।
८६०४२ पुनर्न परिपाकार्हा हण्डिका काष्ठनिर्मिता ॥
८६०५१ कपर्दी भूतिसंपन्नो जगतीपतिरद्वयः ।
८६०५२ धिग्दैवमव्ययः सोऽपि भृङ्गी शुष्यत्यतो भृशम् ॥
८६०६१ कपाटमुद्धाटय चारुनेत्रे  कामोऽस्ति शत्रुर्मम पृष्ठलग्नः ।
८६०६२ आपूरितं तस्य शरैः शरीरं  चन्द्रानने त्वां शरणं प्रपन्नः ॥
८६०७१ कपाटमुद्धाटय लोललोचने  कन्दर्पशत्रुर्मम पृष्ठलग्नः ।
८६०७२ आकृष्य बाणं शिथिलीकरोति  चन्द्रानने त्वां शरणागतोऽस्मि ॥
८६०८१ कपाटविस्तीर्णमनोरमोरः  स्थलस्थितिश्रीललनस्य तस्य ।
८६०८२ आनन्दिताशेषजना बभूव  सर्वाङ्गसङ्गिन्यपरैव लक्ष्मीः ॥
८६०९१ कपालं वृक्षमूलानि कुचेलससहायता ।
८६०९२ समता चैव सर्वस्मिन्नेतन्मुक्तस्य लक्षणम् ॥
८६१०१ कपाल उपहारश्च संतानः संगतस्तथा ।
८६१०२ उपन्यासः प्रतीकारः संयोगः पुरुषान्तरः ॥
८६१११ अदृष्टनर आदिष्ट आत्मामिष उपग्रहः ।
८६११२ परिक्रयस्तथोच्छिन्नस्तथा च परदूषणः ॥
८६१२१ स्कन्धोपनेयः संधिश्च षोडशः परकीर्तितः ।
८६१२२ इति षोडशकं प्राहुः संधिं सन्धिविचक्षणाः ॥
८६१३१ कपालसंधिर्विज्ञेपः केवलं समसंधिकः ।
८६१३२ संप्रदानाद्भवति य उपहारः स उच्यते ॥
८६१४१ कपाले गम्भीरः कुहरिणि जटासंधिषु कृशः  समुत्तालश्चूडाभुजगफणरत्नव्यतिकरे ।
८६१४२ मृदुर्लेखाकोणे रयवशविलोलस्य शशिनः  पुनीयाद्दीर्घं वो हरशिरसि गङ्गाकलकलः ॥
८६१५१ कपाले मार्जारः पय इति करान् लेढि शशिनः  तरुच्छिद्रप्रोतान् बिसमिति करी संकलयति ।
८६१५२ रतान्ते तल्पस्थान् हरति वनिताप्यंशुकमिति  प्रभामत्तश्चन्द्रो जगदिदमहो विप्लवयति ॥
८६१६१ कपाले यद्वदापः स्युः श्वदृतौ वा यथा पयः ।
८६१६२ आश्रयस्थानदोषेण वृत्तहीने तथा श्रुतम् ॥
८६१७१ कपालैर्यो बद्धः कथमखिलविश्वप्रभुरसाव् अनार्यैरस्माभिः परमियमपूर्वैव रचना ।
८६१७२ यदिन्दोः पीयूषद्रवमयमयूखोत्करकिरः  कलङ्कोरत्नं तु प्रतिफणमनर्घं विषभृताम् ॥
८६१८१ कपिकच्छूमूलेन च  निजचरणविलेपनाद्भवति ।
८६१८२ बीजस्तम्भः पुंसो  बहुशो दृष्टः प्रयोगोऽयम् ॥
८६१९१ कपिकच्छूमूलेन च  मदविह्रलछागमूत्रपिष्टेन ।
८६१९२ मिलनं स्तब्धीकरणं  मूलेन दुरालभायाश्च ॥
८६२०१ कपिकुलनखमुखखण्डित  तरुतलफलभोजनो वरं पुरुषः ।
८६२०२ न पुनर्धनमदगर्वित  मुखभङ्गकदर्थिता वृत्तिः ॥
८६२११ कपिरपि च कापिशायन  मदमत्तो वृश्चिकेन संदष्टः ।
८६२१२ अपि च पिशाचग्रस्तः  किं ब्रूमो वैकृतं तस्य ॥
८६२२१ कपिलाक्षीरपानेन ब्राह्मणीगमनेन च ।
८६२२२ वेदाक्षरविचारेण स शूद्रो नरकं व्रजेत् ॥
८६२२ १ कपिलानां सहस्राणि यो विप्रेभ्यः प्रयच्छति ।
८६२२ २ एकस्य जीवितं दद्यान्न च तुल्यं युधिष्ठिर ॥
८६२३१ कपीनां वसयाश्वानां वह्निदाहसमुद्भवा ।
८६२३२ व्यथा विनाशमभ्येति तमः सूर्योदये यथा ॥
८६२४१ कपेर्मध्यं शिशुर्बद्ध्वा यथोन्नतपदं व्रजेत् ।
८६२४२ तद्वद्रक्षकमाश्रित्य पदमुन्नतमाश्रयेत् ॥
८६२५१ कपोलं पक्ष्मभ्यः कलयति कपोलात्कुचतटं  कुचान्मध्यं मध्यान्नवमुदितनाभीसरसिजम् ।
८६२५२ न जानीमः किं नु क्व नु कियदनेन व्यवसितं  यदस्याः प्रत्यङ्गं नयनजलबिन्दुर्विहरति ॥
८६२६१ कपोलकण्डूः करिभिर्विनेतुं  विघट्टितानां सरलद्रुमाणाम् ।
८६२६२ यत्र स्रुतक्षीरतया प्रसूतः  सानूनि गन्धः सुरभीकरोति ॥
८६२७१ कपोलपत्रान्मकरात्सकेतुर् भ्रूभ्यां जिगीषुर्धनुषां जगन्ति ।
८६२७२ इहावलभ्ब्यास्ति रतिं मनोभू  रज्यद्वयस्यो मधुनाधरेण ॥
८६२८१ कपोलपालीं तव तन्वि मन्ये  लावण्यधन्ये दिशमुत्तराख्याम् ।
८६२८२ विभाति यस्यां ललितालकायां  मनोहरा वै श्रवणस्य लक्ष्मीः ॥
८६२९१ कपोलफलकावस्याः कष्टं भूत्वा तथाविधौ ।
८६२९२ अपश्यन्ताविवान्योन्यमीदृक्षां क्षमतां गतौ ॥
८६३०१ कपोलयोरिन्दुञ्जितोरमुष्याः  प्रसर्पतोरेव मिथो जयाय ।
८६३०२ स्वयं स्वयंभूः कृतरोधमन्तर् व्यधत्त नासामिह साम्यदण्डम् ॥
८६३११ कपोलव्यालोलश्रवणनवमाकन्दकलिका  मरन्दव्यामिश्रास्तव वरतनु स्वेदपृषतः ।
८६३१२ रतिव्यत्यासस्य श्रममपलपेयुर्यदि भवेद् अभेदोपक्रान्तक्वणितरशनादाम जघनम् ॥
८६३२१ कपोलादुड्डीनैर्भयवशविलोलैर्मधुकरैर् मदाम्भःसंलोभादुपरि पतितुं बद्धपटलैः ।
८६३२२ चलद्बर्हच्छत्रश्रियमिव दधानोऽतिरुचिराम्  अविघ्नं हेरम्बो भवदघविघातं घटयतु ॥
८६३२ १ कपोलावुन्मीलत्पुलकनिकुरम्बौ मयि मनाङ् मृशत्यन्तःस्मेरस्तबकितमुखाम्भोरुहरुचः ।
८६३२ २ कथंकारं शक्याः परिगदितुमिन्दीवरदृशो  दलद्द्राक्षानिर्यद्रसभरसपक्षा भणितयः ॥
८६३३१ कपोले जानक्याः करिकलभदन्तद्युतिमुषि  स्मरस्मेरं गण्डोड्डमरपुलकं वक्त्रकमलम् ।
८६३३२ मुहुः पश्यञ्शृण्वन् रजनिचरसेनाकलकलं  जटाजूटग्रन्थिं द्रढयति रघूणां परिवृढः ॥
८६३४१ कपोले पत्रालीं पुलकिनि विधातुं व्यवसितः  स्वयं श्रीराधायाः करकलितवर्तिर्मधुरिपुः ।
८६३४२ अभूद्वक्त्रेन्दौ यन्निहितनयनः कम्पितभुजस् तदेतत्सामर्थ्यं तदभिनवरूपस्य जयति ॥
८६३५१ कपोले पत्राली करतलनिरोधेन मृदिता  निपीतो निःश्वासैरयममृतहृद्योऽधररसः ।
८६३५२ मुहुः कण्ठे लग्नस्तरलयति बाष्पः स्तनतटं  प्रियो मन्युर्जातस्तव निरनुरोधे न तु वयम् ॥
८६३६१ कपोले पाण्डुत्वं किमपि जलधारां नयनयोस् तनौ कार्श्यं दैन्यं वचसि हृदि दावानलशिखाम् ।
८६३६२ अवज्ञां प्राणेषु प्रकृतिषु विपर्यासमधुना  किमन्यद्वैराग्यं सकलविषयेष्वाकलयते ॥
८६३७१ कपोलेऽम्भोजाक्ष्याः प्रियदशनचिह्नं प्रियदृशोः  सरोजाक्षी वक्त्रच्युतभुजगवल्लीरसलवम् ।
८६३७२ सपत्नी दृष्ट्वारादुरुतरविनिश्वासतरलो  न्नतोरोजद्वन्द्वं रहसि शनकै रोदिति मुहुः ॥
८६३८१ कपोलौ लोलाक्ष्या मधुमुकुललीलाविजयिना  वुरोजौ रेजाते कनककलशाभोगसुभगौ ।
८६३८२ दृशौ वातोत्खेलत्तरलतरनीलोत्पलरुचौ  वचो नो जानीमः किममृतमयं किं विषमयम् ॥
८६३८ १ कफमूत्रमलप्रायं निर्जन्तुर्जगतीतले ।
८६३८ २ यत्नाद्यदुत्सृजेत्साधुः सोत्सर्गसमितिर्भवेत् ॥
८६३९१ कबन्धः परिघाभासो दृश्यते भास्करान्तिके ।
८६३९२ जग्रास सूर्यं स्वर्भानुरपर्वणि महाग्रहः ॥
८६४०१ कमठपृष्ठकठोरमिदं धनुर् मधुरमूर्तिरसौ रघुनन्दनः ।
८६४०२ कथमधिज्यमनेन विधीयताम्  अहह तात पणस्तव दारुणः ॥
८६४११ कमण्डलूपमोऽमात्यस्तनुत्यागी बहुग्रहः ।
८६४१२ नृपते किङ्क्षणो मूर्खो दरिद्रः किंवराटकः ॥
८६४२१ कमनीयतानिवासः  कर्णस्तस्या विचित्रमणिभूषः ।
८६४२२ सविधप्रसूतरत्नं  शङ्खनिधिं दूरतरमकरोत् ॥
८६४२ १ कमनीयतारहारा  चन्दनपरिहसितचारुनीहारा ।
८६४२ २ परिचितपाण्ड्यविहारा  कमलमुखीयं कराञ्चदुपहारा ॥
८६४३१ कमनेकतमादानं  सुरतनरजतुच्छलं तदासीनम् ।
८६४३२ अप्यतिमानं खमते  सोऽगनिकानं नरं जेतुम् ॥
८६४४१ कमलं कवलीकृतं न वा  सलिलं वा न सलीलमाहुतम् ।
८६४४२ करिणा परिणामदारुणो  ददृशे विन्ध्यवने मृगाधिपः ॥
८६४५१ कमलं तव पदकमले  विमले मम देहि चञ्चरीकत्वम् ।
८६४५२ नान्यत्किमपि च काङ्क्षे  पश्चाद्गानं किमस्ति भिक्षायाः ॥
८६४६१ कमलं भवनं रजोऽङ्गरागो  मधु पानं मधुराः प्रियाप्रलापाः ।
८६४६२ शयनं मृदु केसरोपधानं  भ्रमरस्याम्भसि का न राजलीला ॥
८६४६ १ कमलदृशोऽधिकपोलं  दशनक्षतपङ्क्तिराभाति ।
८६४६ २ यूनो वशयितुमिच्छोर् जपमालेवातनोः प्रवालमयी ॥
८६४७१ कमलनयन युष्मद्विप्रयोगातुरा सा  सरसि सरसिजान्तः स्नातुकामा ममज्ज ।
८६४७२ द्रुततरमनुयायाद्यावदूर्ध्वं कृशाङ्गी  हरि हरि हरिणाक्षी पङ्कमग्ना बभूव ॥
८६४८१ कमलनयनाकर्णाभूषे स्फुरन्मणिमञ्जुले  त्रिभुवनतले दृष्ट्वामोदं प्रयाति न को युवा ।
८६४८२ शमभटशिरश्छेत्तुं सज्जीकृते बत वेधसा  न किमु कुमते रज्जूत्क्षिप्ते विबोधसि चक्रके ॥
८६४९१ कमलपल्लववारिकणोपमं  किमिव पासि सदा निधनं धनम् ।
८६४९२ कलभकर्णचलाञ्चलचञ्चलं  स्थिरतराणि यशांसि न जीवितम् ॥
८६५०१ कमलभूतनया वदनाम्बुजे  वसतु ते कमला करपल्लवे ।
८६५०२ वपुषि ते रमतां कमलाङ्गजः  प्रतिदिनं हृदये कमलापतिः ॥
८६५११ कमलमधुनस्त्यक्त्वा पानं विहाय नवोत्पलं  प्रकृतिसुभगां गन्धोद्दामामपास्य च मालतीम् ।
८६५१२ शठमधुकराः क्लिश्यन्तीमे कटाम्बुषु दन्तिनां  सुलभमपहायैऽवं लोकः कटेषु हि रज्यते ॥
८६५२१ कमलमनम्भसि कमले  च कुवलये तानि कनकलतिकायाम् ।
८६५२२ सा च सुकुमारसुभगेत्य् उत्पातपरम्परा केयम् ॥
८६५३१ कमलमिव चारु वदनं  मृणालमिव कोमलं भुजायुगलम् ।
८६५३२ अलिमालेव च नीला  तवैव मदिरेक्षणे कबरी ॥
८६५४१ कमलमुकुलमृद्वी फुल्लराजीवगन्धः  सुरतपयसि यस्याः सौरभं दिव्यमङ्गे ।
८६५४२ चकितमृगदृशाभे प्रान्तरक्ते च नेत्रे  स्तनयुगलमनर्घ्यं श्रीफलश्रीविडम्बि ॥
८६५५१ तिलकुसुमसमानां बिभ्रती नासिकां च  द्विजगुरुसुरपूजां श्रद्दधाना सदैव ।
८६५५२ कुवलयदलकान्तिः कापि चाम्पेयगौरी  विकचकमलकोशाकारकामातपत्रा ॥
८६५६१ व्रजति मृदु सलीलं राजहंसीव तन्वी  त्रिवलिवलितमघ्या हंसवाणी सुवेषा ।
८६५६२ मृदु शुचि लघु भुङ्क्ते मानिनी गाढलज्जा  धवलकुसुमवासोवल्लभा पद्मिनी स्यात् ॥
८६५७१ कमलमुखि सर्वतोमुख  निवारणं विदधदेव भूषयति ।
८६५७२ रोधोरुद्धस्वरसास् तरङ्गिणीस्तरलनयनाश्च ॥
८६५८१ कमलवदना पीनोत्तुङ्गं घटाकृति विभ्रती  स्तनयुगमियं तन्वी श्यामा विशालदृगञ्चला ।
८६५८२ विशददशना मध्यक्षामा वृथेति जनाः श्रमं  विदधति मुधा रागादुच्चैरनीदृशवर्णने ॥
८६५९१ कमलवनचिताम्बुः पाटलामोदरम्यः  सुखसलिलनिषेकः सेव्यचन्द्रांशुहारः ।
८६५९२ व्रजतु तव निदाघः कामिनीभिः समेतो  निशि सुललितगीते हर्म्यपृष्ठे सुखेन ॥
८६६०१ कमलशरधिरम्भासैकतानुक्रमाढ्यं  कनककलशभाराक्रान्तसौदामिनीकम् ।
८६६०२ किसलयितमृणालं हारगर्भप्रवालं  कुवलयितशशाङ्कं कौशलं सा विधातुः ॥
८६६११ कमलाः पाकविनम्रा  मूलतलाघ्रातसुरभिकह्लाराः ।
८६६१२ पवनाकम्पितशिरसः  प्रायः कुर्वन्ति परिमलश्लाघाम् ॥
८६६१ १ कमलाकुचकनकाचल  जलधरमाभीरसुन्दरीमदनम् ।
८६६१ २ अधिततशेषफणावलि  कमलवनीभृङ्गमच्युतं वन्दे ॥
८६६२१ कमलाक्षि विलम्ब्यतां क्षणं  कमनीये कचभारबन्धने ।
८६६२२ दृढलग्नमिदं दृशोर्युगं  शनकैरद्य समुद्धराम्यहम् ॥
८६६३१ कमलाचिबुकोन्नायी  कृष्णस्य करः करोतु कल्याणम् ।
८६६३२ मुकुर इव नीलवृन्तो  भाति नितान्तं तदाननं येन ॥
८६६४१ कमलानि पानमधुभाजनानि नः  पिदधाति यः स विधुरेष गोचरः ।
८६६४२ इति रोषणैरिव मधुव्रतैर्धुतं  दधती मुखं सुरभिचारुमारुतम् ॥
८६६५१ कमलाभ्यां सुधासिन्धुवदनेक्षणयोस्तुलाम् ।
८६६५२ कलयन्तु परे किं तु क्वेमे पङ्केरुहे क्व ते ॥
८६६६१ कमलासनकमलेक्षण  कमलारिकिरीटकमलभृद्वाहैः ।
८६६६२ नुतपदकमला कमला  करधृतकमला करोतु मे कुशलम् ॥
८६६७१ कमलिनि मलिनीकरोषि चेतः  किमिति बकैरवहेलितानभिज्ञैः ।
८६६७२ परिणतमकरन्दमार्मिकास्ते  जगति भवन्तु चिरायुषो मिलिन्दाः ॥
८६६८१ कमलिनि विमले जले जनिस्ते  तदुचितमाचरणं न संतनोषि ।
८६६८२ मलिनमलिकुलं यतस्त्वमन्तः  शशिकिरणान् विमलान् बहिष्करोषि ॥
८६६९१ कमलिनीमलिनी दयितं विना  न सहते सह तेन निषेविताम् ।
८६६९२ तमधुना मधुना निहितं हृदि  स्मरति सा रतिसारमहर्निशम् ॥
८६७०१ कमलिनीवनकेलिकलारसी  गुणवशीकृतकैरविणीगुणः ।
८६७०२ अलिरसौ तव सौरभलोभतः  पतति केतकिकण्टकसंकटे ॥
८६७११ कमलेः समकेशं ते कमलेर्ष्याकरं मुखम् ।
८६७१२ कमलेख्यं करोषि त्वं कमलेवोन्मदिष्णुषु ॥
८६७२१ कमले कमला शेते हरः शेते हिमालये ।
८६७२२ क्षीराब्धौ च हरिः शेते मन्ये मत्कुणशङ्कया ॥
८६७३१ कमले कमले नित्यं मधूनि पिबतस्तव ।
८६७३२ भविष्यन्ति न सन्देहः कष्टं दोषाकरोदये ॥
८६७४१ कमले कमलोत्पत्तिः श्रूयते न च दृश्यते ।
८६७४२ बाले तव मुखाम्भोजे दृष्टमिन्दीवरद्वयम् ॥
८६७५१ कमले निधाय कमलं  कलयन्ती कमलवासिनं कमले ।
८६७५२ कमलयुगादुद्भूतं  कमलं कमलेन वारयति ॥
८६७६१ कमलेव मतिर्मतिरिव कमला  तनुरिव विभा विभेव तनुः ।
८६७६२ धरणीव धृतिर्धूतिरिव धरणी  सततं विभाति बत यस्य ॥
८६७६ १ कमलोदरकोमलपादतलं  गणनापरिवर्जितबाहुबलम् ।
८६७६ २ प्रणमामि जगत्त्रयबोधिकरं  गिरनारविभूषणनेमिजिनम् ॥
८६७७१ कमितुरभिसृत्वरीणां  गौराङ्गीणामिहेन्दुधवलासु ।
८६७७२ उड्डयमानानामिव  रजनिषु परमीक्ष्यते छाया ॥
८६७७ १ कम्पः स्वेदः श्रमो मूर्च्छा भ्रमिर्ग्लानिर्बलक्षयः ।
८६७७ २ राजयक्ष्मादिरोगाश्च भवेयुर्मैथुनोत्थिताः ॥
८६७७ १ कम्पक्षितीशमनिशं कथयन्ति सन्तः  सङ्गीतदुग्धजलधेरुदितं सुधांशुम् ।
८६७७ २ साहित्यमानससरोवरराजहंसं  सङ्ग्रामरङ्गनटनस्थितिसूत्रधारम् ॥
८६७८१ कम्पते गुणमुष्टिस्तु मार्गणस्य हि पृष्ठतः ।
८६७८२ संमुखी स्याद्धनुर्मुष्टिस्तदा वामे गतिर्भवेत् ॥
८६७९१ कम्पन्ते कपयो भृशं जडकृशं गोऽजाविकं ग्लायति  श्वा चुल्लीकुहरोदरं क्षणमपि क्षिप्तोऽपि नैवोज्ज्ञति ।
८६७९२ शीतार्तिव्यसनातुरः पुनरयं दीनो जनः कूर्मवत् स्वान्यङ्गानि शरीर एव हि निजे निह्नोतुमाकाङ्क्षति ॥
८६८०१ कम्पन्ते गिरयः पुरंदरभिया मैनाकमुख्याः पुनः  क्रन्दन्त्यम्बुधराः स्फुरन्ति बडवावक्त्रोद्गता वह्नयः ।
८६८०२ भोः कुम्भोद्भव मुच्यतां जलनिधिः स्वस्त्यस्तु ते सांप्रतं  निद्रालुः श्लथबाहुवल्लिकमलाश्लेषो हरिः सीदति ॥
८६८११ कम्पप्रदोऽसौ शिशिरर्तुचौरो  मुष्णाति वृक्षान् हरते किमस्मान् ।
८६८१२ इतीव भीत्वा परिपाण्डुराणि  जातानि शुष्काणि तृणानि भूमौ ॥
८६८२१ कम्पितं भीतमुद्घृष्टमव्यक्तमनुनासिकम् ।
८६८२२ काकस्वरं शिरःस्थं च तथा स्थानविवर्जितम् ॥
८६८३१ कम्पितः पतसि पादकयुग्मे  नेत्रकोणनिहतोऽपि भयार्तः ।
८६८३२ युध्यसे किमिषुभिः प्रिय भीरुं  भाषुकामिति हसंश्चलितोऽन्यः ॥
८६८४१ कम्पी कोऽभिविधौ किमव्ययमिह क्वास्ते द्रवत्वं पुनः  स्याद्रूपं प्रथमाद्वितीयवचने किं वेः खमद्याह्वय ।
८६८४२ को धातुर्गतिगन्धयोर्द्रविणिनां किं याचते भिक्षुकः  प्रश्नानां द्रुतमुत्तराणि वद रे भय्या जलेबी खवा ॥
८६८५१ कम्पोपरुद्धसर्वाङ्गैर्गलत्स्वेदोदबिन्दुभिः ।
८६८५२ त्वदारब्धैर्महीनाथ वैरिभिर्वनितायितम् ॥
८६८६१ कम्बाघातैर्वपुषि निहतैरुच्छलच्छोणितौघैः  कारागारैर्निबिडनिगडैर्लङ्घनं चुम्बनं च ।
८६८६२ एवं ज्ञात्वा विरम सुमते मा कुरु त्वं नियोगं  कर्णोपान्ते मलिनवदना लेखिनी फूत्करोति ॥
८६८७१ कम्बुकण्ठि चरणः शनैश्चरो  राहुरेष तव केशकलापः ।
८६८७२ न च्युतं तदपि यौवनमेतत् सा पयोधरगुरोरनुकम्पा ॥
८६८८१ कयापि क्रीडतु ब्रह्मा दिव्याः स्त्रीर्दीव्यत स्वयम् ।
८६८८२ कलिस्तु चरतु ब्रह्म प्रैत वातिप्रियाय वः ॥
८६८९१ कयासि कामिन् सुरतापराधात् पादानतः कोपनयावधूतः ।
८६८९२ तस्याः करिष्यामि दृढानुतापं  प्रवालशय्याशरणं शरीरम् ॥
८६९०१ करं गृहीत्वा परिमृद्य मन्दं  कटिं निपीड्यानुविमृज्य चोरुम् ।
८६९०२ नीवीमपाकृत्य विलक्षणायाः  शठो मनोजोपनिषत्पपाठ ॥
८६९११ करं प्रसार्य सूर्येण दक्षिणाशावलम्बिना ।
८६९१२ न केवलमनेनात्मा दिवसोऽपि लघूकृतः ॥
८६९२१ करकङ्कटकुट्यङ्कखङ्गसंघट्टटाङ्कृतैः ।
८६९२२ कालरात्र्या प्रनृत्यन्त्या रणवीणेव वाद्यते ॥
८६९३१ करकजलपूतभूतल  निहितपदो विहितविकृतहुंकारः ।
८६९३२ अपि वितथमन्त्रगणना  व्यग्रसमग्राङ्गुलीपर्वा ॥
८६९४१ करकम्पितखङ्गयष्टिभीमे  रणसंनाहितरामनाथवीरे ।
८६९४२ अरिभूभृदमर्त्यसुन्दरीणाम्  अचलन् दक्षिणवामलोचनानि ॥
८६९५१ करकलितदारनरके  शेरत इह ये सजन्ति भवसिन्धौ ।
८६९५२ रसिकास्त एव मान्या  मन्यन्तां धन्यमात्मानम् ॥
८६९६१ करकलितपिनाक नाकनाथ  द्बिषदुरुमानसशूल शूलपाणे ।
८६९६२ भव वृषभविमान मानशौण्ड  त्रिजगदकारणतारक प्रसीद ॥
८६९७१ करकाकृतभीकभेकलोक  प्रतिपाल्याः किमु सागरेण कुल्याः ।
८६९७२ वलभित्कुलिशप्रहारभीरु  क्षितिभृद्रक्षणदक्षिणेन तुल्याः ॥
८६९७ १ करकिशलयचाल्यमानसूर्प  क्रमनमदुन्नमदक्षिपक्ष्मपालि ।
८६९७ २ करनिहितकनीनिकं स्मिताक्ष्याः  क्षणमपि नोत्पवनं जहाति चेतः ॥
८६९८१ करकिसलयं धूत्वा धूत्वा विलम्बितमेखला  क्षिपति सुमनोमालाशेषं प्रदीपशिखां प्रति ।
८६९८२ स्थगयति मुहुः पत्युर्नेत्रे विहस्य समाकुला  सुरतविरतौ रम्यं तन्वी पुनः पुनरीक्ष्यते ॥
८६९८ १ करकिसलयमूलं धुन्वतीनां स धन्यः  श्रवणपथमनल्पं यस्य पुंसः प्रविष्टाः ।
८६९८ २ नवरतपरिरम्भे बालसीमन्तिनीनां  अहह न न न मा मा मुञ्च मुञ्चेति वाचः ॥
८६९९१ करचरणकाञ्चिहार  प्रहारमवचिन्त्य बलगृहीतकचः ।
८६९९२ प्रणयी चुम्बति दयिता  वदनं स्फुरदधरमरुणाक्षम् ॥
८७००१ करचरणकृतं वा कायजं कर्मजं वा  श्रवणनयनजं वा मानसं वापराधम् ।
८७००२ विहितमविहितं वा सर्वमेतत्क्षमस्व  जय जय करुणाब्धे श्रीमहादेव शंभो ॥
८७०११ करचरणनासमादौ  कर्णौ गृह्णाति रक्ततां गमयन् ।
८७०१२ शीतं गुरुकृतपीडं  पश्चादङ्गानि कूर्म इव ॥
८७०२१ करचरणेन प्रहरति  यथा यथाङ्गेषु कोपतरलाक्षी ।
८७०२२ रोषयति परुषवचनैस् तथा तथा प्रेयसीं रसिकः ॥
८७०३१ करचुलुकजलो महोदधिश् चरणनिबद्धमहो निजाङ्गणम् ।
८७०३२ निजसदनसमं रसातलं  भवति नृणां व्यवसायशालिनाम् ॥
८७०४१ करजदशनचिह्नं नैशमङ्गेऽन्यनारी  जनितमिति सरोषामीर्ष्यया शङ्कमानाम् ।
८७०४२ स्मरसि न खलु दत्तं मत्तयैतत्त्वयैव  स्त्रियमनुनयतीत्थं व्रीडमानां विलासी ॥
८७०५१ करजपदविभूषिता यथा त्वं  सुदति दशनविक्षताधरा च ।
८७०५२ गतिरपि चरणावलग्नमन्दा  त्वमसि मृगसमाक्षि कामदत्ता ॥
८७०६१ करजालमपूर्वचेष्टितं वस् तदभीष्टप्रदमस्तु तिग्मभासः ।
८७०६२ क्रियते भवबन्धनाद्विमुक्तिः  प्रणतानामुपसेवितेन येन ॥
८७०७१ करञ्जारग्वधारिष्टसप्तपर्णत्वचाकृतः ।
८७०७२ उपचारः क्रिमिहरो मूत्रमुस्तविडङ्गवान् ॥
८७०८१ करटिकरटे भ्रस्यद्दानप्रवाहपिपासया  परिसरसरद्भृङ्गश्रेणी करोति यदा रवम् ।
८७०८२ वदति शिरसः कम्पैर्नास्मान्निवारय वारण  वितर वितरामानं दानं चलाः किल संपदः ॥
८७०९१ करणभगणदोषं वारसंक्रान्तिदोषं  कुतिथिकुलिकदोषं यामयामार्धदोषम् ।
८७०९२ कुजशनिरविदोषं राहुकेत्वादिदोषं  हरति सकलदोषं चन्द्रमाः संमुखस्थः ॥
८७१०१ करतरलितबन्धं कञ्चुकं कुर्वतीनां  प्रतिफलितमिदानीं दैपमाताम्रमर्चिः ।
८७१०२ स्तनतटपरिणाहे भामिनीनां भविष्यन्  नखपदलिपिलीलासूत्रपातं करोति ॥
८७१११ करतलयुगपरिणद्धे  कुचकलशे कुङ्कुमारुणे तस्याः ।
८७११२ सिन्दूरिते करिपतेः  कुम्भे नक्षत्रमालेव ॥
८७१२१ करदीकरणं राज्ञां रिपूणां परिमर्दनम् ।
८७१२२ भूमेरुपार्जनं भूयो राजवृत्तं तु चाष्टधा ॥
८७१३१ करनखरविदीर्णध्वान्तकुम्भीन्द्रकुम्भात् तुहिनकणमिषेण क्षिप्तमुक्ताप्ररोहः ।
८७१३२ अयमुदयधरित्रीधारिमूर्धाविरुढो  नयनपथमुपेतो भानुमत्केसरीन्द्रः ॥
८७१४१ करपदाननलोचननामभिः  शतदलैः सुतनोर्विरहज्वरे ।
८७१४२ रविमहो बहुपीतचरं चिराद् अनिशतापमिषादुदसृज्यत ॥
८७१५१ करपातैर्दुरालोकैस्तीक्ष्णः संतापयन् प्रजाः ।
८७१५२ भानुर्न भवता तुल्यः क्षणसंरक्तमण्डलः ॥
८७१६१ करप्रचेयामुत्तुङ्गप्रभुशक्तिं प्रथीयसीम् ।
८७१६२ प्रज्ञाबलबृहन्मूलः फलत्युत्साहपादपः ॥
८७१७१ करबदरसदृशमखिलं  भुवनतलं यत्प्रसादतः कवयः ।
८७१७२ पश्यन्ति सूक्ष्ममतयः  सा जयति सरस्वती देवी ॥
८७१८१ करभ किमिदं दीर्घोच्छ्वासैः क्षिणोषि शरीरकं  विरम शठ हे कस्यात्यन्तं सखे सुखमागतम् ।
८७१८२ चर किसलयं स्वस्थः पीलोर्विमुञ्च मधुस्पृहां  पुनरपि भवान् कल्याणानां भविष्यति भाजनम् ॥
८७१९१ करभदयिते यत्तत्पीतं सुदुर्लभमेकदा  मधु वनगतं तस्यालाभे विरौषि किमुत्सुका ।
८७१९२ कुरु परिचितैः पीलोः पत्रैर्धूतिं मरुगोचरैर् जगति सकले कस्यावाप्तिः सुखस्य निरन्तरा ॥
८७२०१ करभदयिते योऽसौ पीलुस्त्वया मधुलुब्धया  व्यपगतघनच्छायस्त्यक्तो न सादरमीक्षितः ।
८७२०२ चलकिसलयः सोऽपीदानीं प्ररूढनवाङ्कुरः  करभदयितावृन्दैरन्यैः सुखं परिभुज्यते ॥
८७२११ करभ यदि कदाचित्प्रभ्रमन् दैवयोगान्  मधुकरकुलतस्त्वं प्रापयेथा मधूनि ।
८७२१२ विरम विरम तेभ्यः सन्ति शष्पाण्यरण्ये  प्रथममुखरसास्ते शोषयन्त्येव पश्चात् ॥
८७२२१ करभ रभसात्क्रोष्टुं वाञ्छस्यहो श्रवणज्वरं  शरणमथवानृज्वी दीर्घा तवैव शिरोधरा ।
८७२२२ बहुगलबिलावृत्तिश्रान्तोच्चलिष्यति वाङ्मुखात् कियति समये को जानीते भविष्यति कस्य किम् ॥
८७२३१ करमुदयमहीधरस्तनाग्रे  गलिततमःपटलांशुके निवेश्य ।
८७२३२ विकसितकुमुदेक्षणं विचुम्ब  त्ययममरेशदिशो मुखं सुधांशुः ॥
८७२४१ करयुग्मपद्ममुकुलापवर्जितैः  प्रतिवेश्म लाजकुसुमैरवाकिरन् ।
८७२४२ अवदीर्णशुक्तिपुटमुक्तमौक्तक  प्रकरैरिव प्रियरथाङ्गमङ्गनाः ॥
८७२५१ करयोः कलहायमानयोर् उभयोरेव पयोधरोपरि ।
८७२५२ वलयावलयो बलाबलं  बहुवेलं पतयालवो जगुः ॥
८७२६१ कररुद्धनीवि दयितोपगतौ  गलितं त्वराविरहितासनया ।
८७२६२ क्षणदृष्टहाटकशिलासदृश  स्फुरदूरुभित्ति वसनं ववसे ॥
८७२७१ कररुहशिखानिखात  भ्रान्त्वा विश्रान्त रजनिदुरवाप ।
८७२७२ रविरिव यन्त्रोल्लिखितः  कृशोऽपि लोकस्य हरसि दृशम् ॥
८७२८१ करलालितोऽपि दहति  ज्वलति व्यजनेन वीज्यमानोऽपि ।
८७२८२ दहन इवानिर्वाणं  न विमुञ्चत्युष्णतां पिशुनः ॥
८७२९१ करवारिरुहेण संधुनाने  तरवार्रि नृपतौ मुकुन्ददेवे ।
८७२९२ रचयन्त्यमरावतीतरुण्यः  प्रथमं काञ्चनपारिजातमालाः ॥
८७३०१ करवालकरालवारिधारा  यमुना दिव्यतरङ्गिणी च कीर्तिः ।
८७३०२ तव कामद तीर्थराज दूराद् अनुबध्नाति सरस्वती कवीनाम् ॥
८७३११ करशीकरशीतलं वितन्वन्  वनभूभागमुदग्रदावदग्धम् ।
८७३१२ पुरतोऽञ्चति चेन्न यूथनाथः  कलभानां सुलभस्तदा न पन्थाः ॥
८७३२१ करसादोऽम्बरत्यागस्तेजोहानिः सरागता ।
८७३२२ वारुणीसङ्गजावस्था भानुनाप्यनुभूयते ॥
८७३२ १ करस्थमप्येवममी कृषीवलाः  क्षिपन्ति बौजं पृथुपङ्कसङ्कटे ।
८७३२ २ वयस्य केनापि कथं विलोकितः  समस्ति नास्तीत्यथवा फलोदयः ॥
८७३३१ करस्थमुदकं त्यक्त्वा घनस्थमभिवाञ्छति ।
८७३३२ सिद्धमन्नं परित्यज्य भिक्षामटति दुर्मतिः ॥
८७३४१ करस्पर्शारम्भात्पुलकितपृथूरोजकलशो  श्रमाम्भो वामार्धे वमति मदनाकूतिसुलभम् ।
८७३४२ विभोर्वारं वारं कृतसमधिकोद्धूलनविधेस् तनौ भस्मस्नानं कथमपि समाप्तं विजयते ॥
८७३५१ कराग्रजाग्रच्छतकोटिरर्थी  ययोरिमौ तौ तुलयेत्कुचौ चेत् ।
८७३५२ सर्वं तदा श्रीफलमुन्मदिष्णु  जातं वटीमप्यधुना न लब्धुम् ॥
८७३६१ कराद्गलितखाद्यस्य का हानिः करिणो भवेत् ।
८७३६२ पिपीलिका तु तेनैव बिभर्ति स्वकुटुम्बकम् ॥
८७३७१ करानीतं पटानीतं स्त्रियानीतं तथैव च ।
८७३७२ एरण्डपत्रैरानीतं देवतानां च नार्हति ॥
८७३७ १ करान् तिरोधाय तरून्निपीड्य  शिला अवस्कन्द्य महीयसोऽपि ।
८७३७ २ उज्जृम्भितः कालवशात्तदन्यस् तेषामधस्तात्पुनरेव जातः ॥
८७३८१ कराम्बुजसजत्समाक्षवलया  तनुस्तव शुभे जितेन्दुसुषमा ।
८७३८२ छिनत्तु दुरितच्छटां मम नदी  तटीमिव चलज्जलोद्धतगतिः ॥
८७३९१ कराम्भोजे कञ्जी मदनमदभञ्जी पदजुषां  मनःपुञ्जारञ्जी मधुरमणिमञ्जीरचरणः ।
८७३९२ कलाकूतव्यञ्जी व्रजयुवतिसञ्जी जलमुचां  गभीराभागञ्जी मम स परमञ्जीवनधनम् ॥
८७४०१ करारविन्देन पदारविन्दं  मुखारविन्दे विनिवेशयन्तम् ।
८७४०२ वटस्य पत्रस्य पुटे शयानं  बालं मुकुन्दं सततं स्मरामि ॥
८७४११ करालकालरुपेण जनतादुरितापहा ।
८७४१२ तारणी तरिणी भूयादमुना यमुनाम्बुना ॥
८७४२१ करालवाचालमुखाश्चमूखनैर् ध्वस्ताम्बरा वीक्ष्य दिशो रजस्वलाः ।
८७४२२ तिरोबभूवे गहनैर्दिनेश्वरो  रजोन्धकारैः वरितः कुतोऽप्यसौ ॥
८७४३१ करालैर्विकटैः कृष्णैः पुरुषैरुद्यतायुधैः ।
८७४३२ पाषाणैस्ताडितः स्वप्ने सद्यो मृत्युं लभेन्नरः ॥
८७४४१ कराविव शरीरस्य नेत्रयोरिव पक्ष्मणी ।
८७४४२ अविचार्य प्रियं कुर्यात्तन्मित्रं मित्रमुच्यते ॥
८७४५१ करा हिमांशोरपि तापयन्तीत्य् एतत्प्रिये चेतसि नैव शङ्क्यम् ।
८७४५२ वियोगतप्तं हृदयं मदीयं  तत्र स्थितां त्वां समुपैति तापः ॥
८७४६१ करिकपोलमदोद्धतबुद्धितो  मलिनपङ्कजवृन्दमिहाश्रयन् ।
८७४६२ कनकगौरममं नवचम्पकं  मधुप चञ्चल मुञ्चसि किं मुधा ॥
८७४७१ करिकलभ विमुञ्च लोलतां  चर विनयव्रतमानताननः ।
८७४७२ मृगपतिनखकोटिभङ्गुरो  गुरुरुपरि क्षमते न तेऽङ्कुशः ॥
८७४८१ करिकवलितमृष्टैः शाखिशाखाग्रपत्रैर् अरुणसरणयोऽमी सर्वतो भीषयन्ते ।
८७४८२ चलितशबरसेनादत्तगोशृङ्गचण्ड  ध्वनिचकितवराहव्याकुला विन्ध्यपादाः ॥
८७४८ १ करिकुम्भतुलामुरोजयोः  क्रियमाणां कविभिर्विशृङ्खलैः ।
८७४८ २ कथमालि शृणोषि सादरं  विपरीतार्थविदो हि योषितः ॥
८७४९१ करिकृष्णाश्वगन्धा च नवनीतं च माहिषम् ।
८७४९२ एतेषां मर्दनाल्लिङ्गवृद्धिः संजायते परा ॥
८७५०१ करिणश्च हस्तिकर्णैर् निर्देश्या वाजिनोऽश्वकर्णेन ।
८७५०२ गावश्च पाटलाभिः  कदलीभिरजाविकं भवति ॥
८७५११ करिन्मा गर्जोच्चैर्मूगपतिरिहास्तेऽतिनिकटे  न दृष्टस्त्वं दैवादपसर सुदूरं द्रुतमितः ।
८७५१२ न किं पश्यस्यग्रे खरनखरनिर्दारितकरि  प्रकीर्णास्थिश्रेणीधवलितमिमं शैलकटकम् ॥
८७५२१ करिमदपरिमलवाही  वहति बहिर्गिरिसरित्समीर इति ।
८७५२२ मृदुगर्भान्तर्मावं  न जहाति गुहागृहस्य हरिगृहिणी ॥
८७५३१ करिवरमृदितवलीमुख  नलकैर्मूलेषु कीलितस्य तरोः ।
८७५३२ संवत्सरं च यावत् फलिनस्य फलानि जायन्ते ॥
८७५४१ करिष्यति कलानाथः कुतुकी करमम्बरे ।
८७५४२ इति निर्वापयामास रविदीपं निशाङ्गना ॥
८७५५१ करिष्यन्न प्रभाषेत कृतान्येव च दशैयेत् ।
८७५५२ धर्मकामार्थकार्याणि तथा मन्त्रो न भिद्यते ॥
८७५६१ करिष्यते यत्र सुदुश्चराणि  प्रसत्तये गोत्रभिदस्तपांसि ।
८७५६२ शिलोच्चयं चारुशिलोच्चयं तम्  एष क्षणान्नेष्यति गुह्यकस्त्वाम् ॥
८७५७१ करिष्यामि करिष्यामि करिष्यामीति चिन्तया ।
८७५७२ मरिष्यामि मरिष्यामि मरिष्यामीति विस्मृतम् ॥
८७५८१ करिष्येऽवश्यमित्युक्तिः करिष्यन्नपि दुष्यसि ।
८७५८२ दृष्टादृष्टा हि नायत्ताः कार्यीया हेतवस्तव ॥
८७५८१ करी बरीभरीति चेद्दिशं सरीसरीति कां  स्थिरीचरीकरीति चेत्न चञ्चरीकरीतिकाम् ।
८७५८२ दरीधरीति केतकं वरीवरीति सारसं  जरीजरीति मञ्जरी निरीतिरीतिरीदृशी ॥
८७५९१ करीषमध्ये निहितं तत्सर्वं पञ्चमासकम् ।
८७५९२ द्रवीभूतं ततः सर्वमुद्धरेत्तेन लेपयेत् ॥
८७६०१ करुणमभिहितं त्रपा निरस्ता  तदभिमुखं च विमुक्तमश्रु ताभिः ।
८७६०२ प्रकुपितमभिसारणेऽनुनेतुं  प्रियमियती ह्यबलाजनस्य भूमिः ।
८७६११ करुणाद्रवमेव दुर्जनः  सुतरां सत्पुरुषं प्रबाधते ।
८७६१२ मृदुकं हि भिनत्ति कण्टकः  कठिने कुण्ठक एव जायते ॥
८७६१ १ करे कृत्वा तूलं कुचकलशमूलं विदधती   स्फुटं वारं वारं तरलयति हारं सुवदना ।
८७६१ २ समीचीना मीनायतनयननीलोत्पलदला  वितन्वाना तन्तून् विकलयति जन्तूनविकलम् ॥
८७६२१ करे च दक्षिणे व्याधिं हृदि राज्यादिलाभदा ।
८७६२२ पृष्ठे चोपद्रवं हन्त्युदरे मिष्टान्नभोजनम् ॥
८७६३१ करेण कण्डूयति दक्षिणेन  यक्षो यदा वामकरं तदानीम् ।
८७६३२ प्रभूतमातङ्गघटासमृद्धं  ब्रूते समन्तात्पृथिवीपतित्वम् ॥
८७६४१ करेण करिणा वीरः सुगृहीतोऽपि कोपिना ।
८७६४२ असिनासून् जहाराशु तस्यैव स्वय्मक्षतः ॥
८७६५१ करेण ते रणेष्वन्तकरेण द्विषतां हताः ।
८७६५२ करेणवः क्षरद्रक्ता भान्ति संध्याघना इव ॥
८७६६१ करेण दानं मुनिराददानो  भक्तस्य संकेतमिति ब्रवीति ।
८७६६२ लोकद्वयेच्छाफलसंप्रदाने  दत्तो मया दक्षिणहस्त एषः ॥
८७६७१ करेण वाञ्छेव विधुं विधर्तुं  यमित्थमात्थादरिणी तमर्थम् ।
८७६७२ पातुं श्रुतिभ्यामपि नाधिकुर्वे  वर्णं श्रुतेर्वर्ण इवान्तिमः किम् ॥
८७६८१ करेण वातायनलम्बितेन  स्पृष्टस्त्वया चण्डि कुतूहलिन्या ।
८७६८२ आमुञ्चतीवाभरणं द्वितीयम्  उद्भिन्नविद्युद्वलयो घनस्ते ॥
८७६८ १ करेण सलिलार्द्रेण न गण्डौ नापरं करम् ।
८७६८ २ नेक्षणे च स्पृशेत्किं तु स्प्रष्टव्ये जानुनी श्रिये ॥
८७६९१ करेणुर्नाहूता निजकवलभागप्रणयिनी  न चामृष्टः स्नेहात्करकिसलयेनापि कलभः ।
८७६९२ स येनासौ दर्पात्प्रतिगजजिगीषारभसतः  क्रुधा धावन्मग्नो ह्रदपयसि कष्टं करिपतिः ॥
८७६९ १ करे दानं हृदि ध्यानं मुखे मौनं गृहे धनम् ।
८७६९ २ तीर्थे यानं गिरि ज्ञानं मण्डनं महतामिदम् ॥
८७६९ १ करे वामे वासस्तदपरकरे हारलतिकां  वहन्त्या बिम्बोष्ठे पतिदशनदत्तव्रणपदम् ।
८७६९ २ परिम्लानां मालां शिरसि शशिखण्डं स्तनतटे  रतान्तोत्तिष्ठन्त्या जगदपि न मूल्यं मृगदशः ॥
८७७०१ करे विधृत्येश्वरया गिरां सा  पान्था पथीन्द्रस्य कृता विहस्य ।
८७७०२ वामेति नामैव बभाज सार्धं  पुरन्ध्रिसाधारणसंविभागम् ॥
८७७११ करे विभाति तन्वङ्ग्या रणद्वलयसंहतिः ।
८७७१२ मनःकुरङ्गबन्धाय पाशालीव मनोभुवः ॥
८७७२१ करे वेणीमेणीसदृशनयना स्नानविरतौ  दधाना हर्म्याग्रे हरनयनतेजोहुतमपि ।
८७७२२ इयं मुग्धा दुग्धाम्बुधिबहलकल्लोलसदृशा  दृशा वारं वारं मनसिजतरुं पल्लवयति ॥
८७७३१ करे श्लाघ्यस्त्यागः शिरसि गुरुपादप्रणमता  मुखे सत्या वाणी विजयि भुजयोर्वीर्यमतुलम् ।
८७७३२ हृदि स्वच्छा वृत्तिः श्रुतमधिगतं च श्रवणयोर् विनाप्यैश्वर्येण प्रकृतिमहतां मण्डनमिदम् ॥
८७७३ १ करैरुपात्तान् कमलोत्करेभ्यो  निजैर्विवस्वान् विकचोदरेभ्यः ।
८७७३ २ तस्या निचिक्षेप मुखारविन्दे  स्वेदापदेशान्मकरन्दबिन्दून् ॥
८७७४१ करैर्वा प्रमितैर्ग्रामैर्वत्सरे प्रबलं रिपुम् ।
८७७४२ तोषयेत्तद्धि दानं स्याद्यथायोगेषु शत्रुषु ॥
८७७५१ करोति कालः सकलं संहरेत्काल एव हि ।
८७७५२ कालः स्थापयते विश्वं कालाधीनमिदं जगत् ॥
८७७६१ करोऽतिताम्रो रामाणां तन्त्रीताडनविभ्रमम् ।
८७७६२ करोति सेर्ष्यं कान्ते च श्रवणोत्पलताडनम् ॥
८७७७१ करोति दोषं न तमत्र केसरी  न दन्दशूको न करी न भूमिपः ।
८७७७२ अतीव रुष्टो न च शत्रुरुद्धतो  यमुग्रमिथ्यात्वरिपुः शरीरिणाम् ॥
८७७८१ करोति निर्मलाधारस्तुच्छस्यापि महार्घताम् ।
८७७८२ अम्बुनो बिन्दुरल्पोऽपि शुक्तौ मुक्ताफलं भवेत् ॥
८७७९१ करोति नीडं भुवि चेद्वराही  समान्यपत्यानि विजायते वा ।
८७७९२ समुद्भवद्भानुमयूखवह्नौ  जाज्वल्यते तज्जगती समस्ता ॥
८७८०१ करोति पापं योऽज्ञानान्नात्मनो वेत्ति च क्षमम् ।
८७८०२ प्रद्वेष्टि साधुवृत्तांश्च स लोकस्यैति वाच्यताम् ॥
८७८० १ करोति पुष्पैर्जिननायकस्य  पूजं त्रिकालं तनुमान् सदा यः ।
८७८० २ तस्यामरेशावनिनाथचक्र  वर्त्त्यादिलक्ष्मीर्वशगा भवेद्द्राक् ॥
८७८११ करोति पूज्यमानोऽपि लोकव्यसनदीक्षितः ।
८७८१२ दर्शने दर्शने त्रासं गृहाहिरिव दुर्जनः ॥
८७८२१ करोति मांसं बलमिन्द्रियाणां  ततोऽभिवृद्धिं मदनस्य तस्मात् ।
८७८२२ करोत्ययुक्तिं प्रविचिन्त्य बुद्ध्या  त्यजन्ति मांसं त्रिविधेन सन्तः ॥
८७८३१ करोति यः परद्रोहं जनस्यानपराधिनः ।
८७८३२ तस्य राज्ञः स्थिरापि श्रीः समूलं नाशमृच्छति ॥
८७८४१ करोति योऽशेषजनातिरिक्तां  संभावनामर्थवतीं क्रियाभिः ।
८७८४२ संसत्सु जाते पुरुषाधिकारे  न पूरणी तं समुपैति संख्या ॥
८७८५१ करोति लाभहीनेन गौरवेण किमाश्रितः ।
८७८५२ क्षामस्येन्दोर्गुणं धत्ते कमीश्वरशिरोधृतिः ॥
८७८५ १ करोति विरतिं धन्यो यः सदा निशिभोजनात् ।
८७८५ २ सोऽर्धं पुरुषायुषस्य स्यादवश्यमुपोषितः ॥
८७८६१ करोति वैरं स्फुटमुच्यमानः  प्रतुष्यति श्रोत्रसुखैरपथ्यैः ।
८७८६२ विवेकशून्यः प्रभुरात्ममानी  महाननर्थः सुहृदां बतायम् ॥
८७८७१ करोति शोभामलके स्त्रियाः को  दृश्या न कान्ता विधिना च कोक्ता ।
८७८७२ अङ्गे तु कस्मिन् दहनः पुरारेः  सिन्दूरबिन्दुर्विधवाललाटे ॥
८७८८१ करोति संसारशरीरभोग  विरागभावं विदधाति रागम् ।
८७८८२ शीलव्रतध्यानतपःकृपासु  ज्ञानी विमोक्षाय कृतप्रयासः ॥
८७८९१ ... ... ... ... ... ... ।
८७८९२ करोति सफलं जन्तोः कर्म यच्च करोति सः ॥
८७९०१ करोति सहकारस्य कलिकोत्कलिकोत्तरम् ।
८७९०२ मन्मनो मन्मनोऽप्येष मत्तकोकिलनिस्वनः ॥
८७९११ करोति सुहृदां दैन्यमहितानां तथा मुदम् ।
८७९१२ अकाले च जरां पित्रोः कुसुतः कुरुते ध्रुवम् ॥
८७९२१ करोति स्वमुखेनैव बहुधान्यस्य खण्डनम् ।
८७९२२ नमः पतनशीलाय मुसलाय खलाय च ॥
८७९३१ करोति हुंहुं शृगिति ध्वनिं यो  नेष्टो न दुष्टः स यतो रतार्थी ।
८७९३२ चलश्चलः स्यात्कलहाय शब्दः  किकीति दीप्तो गुरुरुग्लुशान्तः ॥
८७९३ १ करोति हे दैत्यसुत यावन्मात्रं परिग्रहम् ।
८७९३ २ तावन्मात्रं स एवास्य दुःखं चेतसि यच्छति ॥
८७९३ १ करोतु करटः शब्दं सर्वदा प्राङ्गणे वसन् ।
८७९३ २ न शृणोति बुधः प्रीत्या शृणोति पिकभाषितम् ॥
८७९४१ करोतु तादृशीं प्रीतिं यादृशी नीरपङ्कयोः ।
८७९४२ रविणा शोषिते नीरे पङ्गदेहो विशीर्यते ॥
८७९५१ करोतु नाम नीतिज्ञो व्यवसायमितस्ततः ।
८७९५२ फलं पुनस्तदेव स्याद्यद्विधेर्मनसि स्थितम् ॥
८७९६१ करोमीशोऽपि नाक्रान्तिं परितापेन खेदवान् ।
८७९६२ दरिद्रोऽपि न वाञ्छामि तेन जीवाम्यनामयः ॥
८७९७१ करोम्यहमिदं तदा कृतमिदं करिष्याम्यदः  पुमानिति सदा क्रियाकरणकारणव्यापृतः ।
८७९७२ विवेकरहिताशयो विगतसर्वधर्मक्षमो  न वेत्ति गतमप्यहो जगति कालमत्याकुलः ॥
८७९८१ करोषि तास्त्वमुत्खातमोहस्थाने स्थिरा मतीः ।
८७९८२ पदं यतिः सुतपसा लभतेऽतः सशुक्लिम ॥
८७९८ १ करोषि यत्प्रेत्यहिताय किंचित् कदाचिदल्पं सुकृतं कथंचित् ।
८७९८ २ मा जीहरस्तन्मदमत्सराद्यैर् विना च तन्मा नरकातिथिर्भूः ॥
८७९९१ करौ धुनाना नवपल्लवाकृती  पयस्यगाधे किल जातसंभ्रमा ।
८७९९२ सखीषु निर्वाच्यमधार्ष्ट्यदूषितं  प्रियाङ्गसंश्लेषमवाप मानिनी ॥
८८००१ करौ धुनाना नवपल्लवाकृती  वृथा कृथा मानिनि मा परिश्रमम् ।
८८००२ उपेयुषी कल्पलताभिशङ्कया  कथं न्वितस्त्रस्यति षट्पदावलिः ॥
८८०११ करौ शरदिजाम्बुजक्रमविलासशिक्षागुरू  पदौ विबुधपादपप्रथमपल्लवोल्लङ्घिनौ ।
८८०१२ दृशौ दलितदुर्मदत्रिभुवनोपमानश्रियौ  विलोकय विलोचनामृतमहो महः शैशवम् ॥
८८०२१ कर्कन्धूफलमुच्चिनोति शबरी मुक्ताफलाकाङ्क्षया  गृध्रोलूककदम्बकस्य पुरतः काकोऽपि हंसायते ।
८८०२२ कीर्त्या ते धवलीऋक्ते त्रिभुवने क्ष्मापाल लक्ष्मीः पुनः  कृष्णं वीक्ष्य बलोऽयमित्युपहितव्रीडं शनैर्जल्पति ॥
८८०३१ कर्कशं दुःसहवाक्यं जल्पन्ति वञ्चिताः परैः ।
८८०३२ कुर्वन्ति द्यूतकारस्य कर्णनासादिछेदनम् ॥
८८०४१ कर्कशतर्कविचार  व्यग्रः किं वेत्ति काव्यहृदयानि ।
८८०४२ ग्राम्य इव कृषिविलग्नश् चञ्चलनयनावचोरहस्यानि ॥
८८०५१ कर्कशेन तु चापेन यः कृष्टौ हीनमुष्टिना ।
८८०५२ मत्स्यपुच्छा गतिस्तस्य सायकस्य प्रकीर्तिता ॥
८८०६१ कर्कोटिकार्कयोर्मूलं चूर्णयित्वा च सर्षपान् ।
८८०६२ सर्पिषा पाययेन्मन्त्री स्थावरक्ष्वेडशान्तये ॥
८८०७१ कर्णं चक्षुरजीगणत्तव पितुस्तातः पिता ते पुनः  शक्त्याधारकुमारमप्यजगणत्तं कातरत्वेन सः ।
८८०७२ देवोगान्महिषीति पश्यति जगत्त्वेवं विवेक्तुं पुनः  प्रागल्भ्यं प्रथयन्ति वस्तदपि च प्रज्ञाधनाः साधवः ॥
८८०८१ कर्णः सर्वशिरोगतस्त्रिभुवने कर्णेन किं न श्रूतं  विश्राम्यन्ति मृगीदृशामपि दृशः कर्णे न चित्रं क्वचित् ।
८८०८२ आश्चर्यं पुनरेतदेव यदयं निश्छिद्रसन्मण्डलः  सप्ताम्भोनिधिमेखलां वसुमतीं धत्ते जगन्मण्डलः ॥
८८०९१ कर्णकल्पितरसालमञ्जरी  पिञ्जरीकृतकपोलमण्डलः ।
८८०९२ निष्पतन्नयनवारिधारया  राधया मधुरिपुर्निरीक्ष्यते ॥
८८१०१ कर्णगतेयममोघा  दृष्टिस्तव शक्तिरिन्द्रदत्ता च ।
८८१०२ सा नासादितविजया  क्वचिदपि नापार्थपतितेयम् ॥
८८१० १ कर्णद्वयावनतकाञ्चनतालपत्रा  वेण्यन्तलम्बिमणिमौक्तिकहेमगुच्छा ।
८८१० २ कूर्पासकोत्कवचितस्तनबाहुमूला  लाटी नितम्बपरिवृत्तदशान्तनीवी ॥
८८१११ कर्णलङ्घिगुणोत्कर्षा वदान्या धन्विनो यथा ।
८८११२ निष्फलान्न विमुञ्चन्ति मार्गणान् समितौ स्थिता ॥
८८१२१ कर्णविषेण च भग्नः  किं किं न करोति बालिशो लोकः ।
८८१२२ क्षपणकतामपि धत्ते  पिबति सुरां नरकपालेन ॥
८८१३१ कर्णस्त्वचं शिबिर्मांसं जीवं जीमूतवाहनः ।
८८१३२ ददौ दधीचिरस्थीनि नास्त्यदेयं महात्मनाम् ॥
८८१३ १ कर्णस्फुरत्कनककुण्डलकान्तिरम्यम्  आदृष्टिगोचरकुचद्वयलोभनीयम् ।
८८१३ २ कालेयबिन्दुकलिकायितकुङ्कुमाङ्कं  कर्णाटयौवतमिदं कमनीयरूपम् ॥
८८१४१ कर्णस्य भूषणमिदं ममायतिविरोधिनः ।
८८१४२ इति कर्णोत्पलं प्रायस्तव दृष्ट्या विलङ्घ्यते ॥
८८१५१ कर्णाक्षिदन्तच्छदबाहुपाणि  पादादिनः स्वाखिलतुल्यजेतुः ।
८८१५२ उद्वेगभागद्वयताभिमानाद् इहैव वेधा व्यधित द्वितीयम् ॥
८८१६१ कर्णाग्रन्थितकिंतनुर्नतशिरा बिभ्रज्जराजर्जर  स्फिक्संधिप्रविवेशितप्रविचलल्लाङ्गूलनालः क्षणम् ।
८८१६२ आराद्वीक्ष्य विपक्षमाक्रमकृतक्रोधस्फुरत्कन्धरं  श्वा मल्लीकलिकाविकाशिदशनः किंचित्क्वणन् गच्छति ॥
८८१७१ कर्णाग्रे पीडिते येषां सिन्दूराभस्य दर्शनम् ।
८८१७२ शोणितस्य भवेत्क्षिप्रं ते वाह्याश्चिरजीविनः ॥
८८१८१ कर्णाटं देहि कर्णाधिकविधिविहितत्याग लाटं ललाट  प्रोत्तुङ्ग द्राविडं वा प्रचलभुजबलप्रौढिमागाढराढम् ।
८८१८२ प्रस्फूर्जद्गुर्जरं वा दलितरिपुवधूगर्भ वैदर्भकं वा  गाजी राजीवदृष्टे कुशशतमथवा शाहजल्लालुदीन ॥
८८१९१ कर्णाटीदशनाङ्कितः शितमहाराष्ट्रीकटाक्षाहततः  प्रौढान्ध्रीस्तनपीडितः प्रणयिनीभ्रूभङ्गवित्रासितः ।
८८१९२ लाटीबाहुविवेष्टितश्च मलयस्त्रीतर्जनीतर्जितः  सोऽयं संप्रति राजशेखरकविर्वाराणसीं वाञ्छति ॥
८८२०१ कर्णाभ्यर्णविदीर्णसृक्कविकटव्यादानदीप्ताग्निभिर् दंष्ट्राकोटिविशङ्कटैरित इतो धावद्भिराकीर्यते ।
८८२०२ विद्युत्पुञ्जनिकाशकेशनयनभ्रूश्मश्रुजालैर्न भो  लक्ष्यालक्ष्यविशुष्कदीर्घवपुषामुल्कामु खानां मुखैः ॥
८८२११ कर्णाभ्यर्णारिशृङ्गक्षतिरुधिररसास्वादनाबद्धगर्ध  ध्वाङ्क्षच्छायात्तभीतिप्रतिहतधवलीवर्गसं वर्धनेच्छः ।
८८२१२ शीलव्याक्रुद्धगोपीलगुडहतिनमत्पृष्ठवंशः कथंचित् प्रातः केदारनीरं कलमदलभिया कूणिताक्षो महोक्षः ॥
८८२२१ कर्णामृतं सूक्रिसं विमुच्य  दोषे प्रयत्नः सुमहान् खलानाम् ।
८८२२२ निरीक्षते केलिवनं प्रविश्य  क्रमेलकः कण्टकजालमेव ॥
८८२३१ कर्णारुन्तुदमन्तरेण रणितं गाहस्व काक स्वयम्  माकन्दं मकरन्दसुन्दरमिदं त्वां कोकिलं मन्महे ।
८८२३२ भव्यानि स्थलसौष्ठवेन कतिचिद्वस्तूनि कस्तूरिकां  नेपालक्षितिपालभालतिलके पङ्कं न शङ्केत कः ॥
८८२४१ कर्णारुन्तुदमेव कोकिलरुतं तस्याः श्रुते भाषिते  चन्द्रे लोकरुचिस्तदाननरुचेः प्रागेव संदर्शनात् ।
८८२४२ चक्षुर्मीलनमेव तन्नयनयोरग्रे मृगीणां वरं  हैमो वल्ल्यपि तावदेव ललिता यावन्न सा लक्ष्यते ॥
८८२५१ कर्णार्पितो लोध्रकषायरूक्षे  गोरोचनाक्षेपनितान्तगौरे ।
८८२५२ तस्याः कपोले परभागलाभाद् बबन्ध चक्षूंषि यवप्ररोहः ॥
८८२५ १ कर्णालङ्करणं कदा कृतमिति स्पर्शः कपोले कृतः  कीदृक्कान्तमहो नु कञ्चुकमिति न्यस्तः करो वक्षसि ।
८८२५ २ रागः साहजिकः किमेष वदनेऽप्यस्पर्शि बिम्बाधरो  मोग्ध्येनैव मृगीदृशि व्यवसितं निर्विघ्नमासीन्मम ॥
८८२६१ कर्णाहतिव्यतिकरं करिणामुपेक्ष्य  दानं व्यवस्यति मध्रुव्रत एष तिक्तम् ।
८८२६२ स्मर्तव्यतामुपगतेषु सरोरुहेषु  धिग्जीवितव्यसनमस्य मलीमसस्य ॥
८८२७१ कर्णिकादिष्विव स्वर्णमर्णवादिष्विवोदकम् ।
८८२७२ भेदिष्वभेदि यत्तस्मै परस्मै महसे नमः ॥
८८२८१ कर्णिकारलताः फुल्लकुसुमाकुलषट्पदाः ।
८८२८२ सकज्जलशिखा रेजुर्दीपमाला इवोज्ज्वलाः ॥
८८२९१ कर्णिकारससौवीरगुप्तां त्रिकटुमाधवीम् ।
८८२९२ यष्टीधान्यगुडक्षीरं दष्टो मत्तशुना पिबेत् ॥
८८३०१ कर्णिनालीकनाराचा निर्हरन्ति शरीरतः ।
८८३०२ वाक्शल्यस्तु न निर्हर्तुं शक्यो हृदिशयो हि सः ॥
८८३११ कर्णे कान्तागमनवचनश्राविणि स्वर्णभूषां  तस्यादर्शिन्यकृत नयने श्यामिकामञ्जनेन ।
८८३१२ स्थाप्यः कुत्र प्रिय इति परामृश्य हारावृताङ्के  हृत्पर्यङ्के पुलकपटलीतूलिकामास्तृणोति ॥
८८३२१ कर्णें चामरचारुकम्बुकलिका कण्ठे मणीनां गणः  सिन्दूरप्रकरः शिरःपरिसरे पार्श्वान्तिके किङ्किणी ।
८८३२२ लब्धश्चेन्नृपवाहनेन करिणा बद्धेन भूषाविधिस् तत्किं भूधरधूलिधूसरतनुर्मान्यो न वन्यः करी ॥
८८३३१ कर्णेजपः कुटिलमूर्तिरसव्यपाणिर् अग्रेसरस्तदितरस्तव बद्धमुष्टिः ।
८८३३२ तन्मार्गणास्तदपि लक्षममी लभन्ते  धानुष्क तत्किमपि कौशलमद्भुतं ते ॥
८८३४१ कर्णेजपा अपि सदा कुटिलस्वभावा  दुष्टाशया निरभिसंधितवैरिभूताः ।
८८३४२ सोहार्दहृष्टहृदया मयि सन्तु येषां  जिह्वापटुर्विनिमयेषु गुणा गुणानाम् ॥
८८३५१ कर्णेजपानां वचनप्रपञ्चान्  महात्मनः क्वापि न दूषयन्ति ।
८८३५२ भुजङ्गमानां गरलप्रसङ्गान्  नापेयतां यान्ति महासरांसि ॥
८८३६१ कर्णे तत्कथयन्ति दुन्दुभिरवै राष्ट्रे यदुद्घोषितं  तन्नम्राङ्गतया वदन्ति करुणं यस्मात्त्रपावान् भवेत् ।
८८३६२ श्लाघन्ते तदुदीर्यते यदरिणाप्युग्रं न मर्मान्तकृद् ये केचिन्ननु शाठ्यमौग्ध्यनिधयस्ते भूभृतां रञ्जकाः ॥
८८३७१ कर्णे ताटङ्कलक्ष्मीमुरसि मकरिकापत्रमूरौ दुकूलं  सव्येऽर्धे दक्षिणे च द्विरसनभसितव्यालकृत्तीर्दधानः ।
८८३७२ कण्ठे निःसीमशीर्षस्रजमथ विदधद्वीक्षितः शैलपुत्र्या  सभ्रूविक्षेपमन्तःस्मितललितमुखो भूतभर्तावताद्वः ॥
८८३८१ कर्णे तालदलं तनौ मलयजं कर्पूरवासोंऽशुके  चूले गुम्फितकेतकीदलभरः कण्ठे नवैकावली ।
८८३८२ वासः श्रीवनवाससीमनि वचश्रीः सत्कवेरुक्तयो  वक्त्रे नागरखण्डमस्तु पुरतः प्रेमाकुलाः कुन्तलाः ॥
८८३९१ कर्णेन घातयित्वा  घटोत्कचं शक्रशक्तिनिर्मोक्षात् ।
८८३९२ जीवितमरक्षि पार्थैः  स्वात्मानं सर्वतो रक्षेत् ॥
८८४०१ कर्णेन निर्जितोऽस्मीति चिन्तां चिन्तामणे त्यज ।
८८४०२ जिता देवद्रुमाः पञ्च न दुःखं पञ्चभिः सह ॥
८८४११ कर्णे बद्धा रवौ श्वेततुरंगरिपुमूलिका ।
८८४१२ सर्वज्वरहरा श्वेतमन्दारस्य च मूलिका ॥
८८४२१ कर्णे यन्न कृतं सखीजनवचो यन्नादृता बन्धुवाक् यत्पादे निपतन्नपि प्रियतमः कर्णोत्पलेनाहतः ।
८८४२२ तेनेन्दुर्दहनायते मलयजालेपः स्फुलिङ्गायते  रात्रिः कल्पशतायते बिसलताहारोऽपि भारायते ॥
८८४३१ कर्णेऽवतंसयितुमर्पयितुं शिखासु  माष्टुं रतिश्रमजलं चषके निधातुम् ।
८८४३२ कण्ठे गुणं रचयितुं वलयान् र्विधातुं  स्त्रीणां मनोऽतिलुलुभे शशिनः करेषु ॥
८८४४१ कर्णोत्तंसः शिशुशुकवधूपिच्छलीलं शिरीषं  सान्तःसूत्राः परिमलमुचो मल्लिकानां च हाराः ।
८८४४२ मुक्तागौरैर्वलयरचनाकन्दलाग्रैर्बिसानां  ग्रीष्मारम्भे रमयति नवं मण्डनं कामिनीनाम् ॥
८८४५१ कर्णोत्तालितकुन्तलान्तनिपतत्तोयक्षणासङ्गिना  हारेणेव वृतस्तनी पुलकिता शीतेन सीत्कारिणी ।
८८४५२ निर्धौताञ्जनशोणकोणनयना स्नानावसानेऽङ्गना  प्रस्यन्दत्कबरीभरा न कुरुते कस्य स्पृहार्द्रं मनः ॥
८८४५ १ कर्णोत्पलं कटाक्षाः  कान्तिस्ते कनककञ्चुकविशेषः ।
८८४५ २ हसितानि सिन्धुकन्ये  हारास्स्तनशैलनिर्झंरविहाराः ॥
८८४६१ कर्णोत्पलान्नयनमपि गतिच्युतात्ते  तन्मीलने मुखमयं न जहाति भृङ्गः ।
८८४६२ येनैवमद्य विनिवारयसि प्रमत्ते  तस्मिन् करेऽपि न किमम्बुजसाम्यदोषः ॥
८८४७१ कर्णोत्पलेनापि मुखं सनाथं  लभेत नेत्रद्युतिनिर्जितेन ।
८८४७२ यद्येतदीयेन ततः कृतार्था  स्वचक्षुषी किं कुरुते कुरङ्गी ॥
८८४८१ कर्णोत्सङ्गविसर्पिणी नयनयोः कान्तिर्वतंसोत्पलं  लाक्षासंभ्रमनिर्व्यपेक्षमधरं लावण्यमेवाञ्चति ।
८८४८२ हारोऽस्याः स्मितचन्द्रिकैव कुचयोरङ्गप्रभा कञ्चुकी  तन्व्याः केवलमङ्गभारमधुना मन्ये परं भूषणम् ॥
८८४९१ कर्णौ तावत्कुवलयदृशां लोचनाम्भोरुहाभ्याम्  अभ्याक्रान्तौ कनकरुचिरो भालदेशोऽपि नेयः ।
८८४९२ इत्याशङ्काकुलितमनसा वेधसा कज्जलौघैः  सीमारेखा व्यरचि निबिडभ्रूलताकैतवेन ॥
८८५०१ कर्णौ सपत्न्यः प्रविशालयेयुर् विशालयेयुर्न कदापि नेत्रे ।
८८५०२ विद्या सदभ्यासवशेन लभ्या  सौजन्यमभ्यासवशादलभ्यम् ॥
८८५० १ कर्तव्यं जिनवन्दनं विधिपरैर्हर्षोल्लसन्मानसैः  सच्चारित्रविभूषिताः प्रतिदिनं सेव्याः सदा साधवः ।
८८५० २ श्रोतव्यं च दिने दिने जिनवचो मिथ्यात्वनिर्नाशनं  दानादौ व्रतपालने च सततं कार्या रतिः श्रावकैः ॥
८८५११ कर्तव्यं त्वेव कर्मेति मनोरेष विनिश्चयः ।
८८५१२ एकान्तेन ह्यनीहोऽयं पराभवति पूरुषः ॥
८८५२१ कर्तव्यं न करोति बन्धुभिरपि स्नेहात्मभिर्बोधितः  कामित्वादवमन्यते हितमतं धीरोऽप्यभीष्टं नरः ।
८८५२२ निष्कामस्य न विक्रिया तनुभृतो लोके क्वचिद्दृश्यते  यत्तस्मादिदमेव मूलमखिलानर्थस्य निर्धारितम् ॥
८८५३१ कर्तव्यं भूमिपालेन शरणागतरक्षणम् ।
८८५३२ कपोतरक्षणं श्येनात्कृत्वा कीर्तिं शिबिर्गतः ॥
८८५४१ कर्तव्यं वचनं सर्वैः समूहहितवादिनाम् ।
८८५४२ ... ... ... ... ... ... ॥
८८५५१ कर्तव्यः प्रतिदिवसं प्रसन्नचित्तैः  स्वल्पोऽपि व्रतनियमोपवासधर्मः ।
८८५५२ प्राणेषु प्रहरति नित्यमेव मृत्युर् भूतानां महति कृतेऽपि हि प्रयत्ने ॥
८८५६१ कर्तव्यः संचयो नित्यं न तु कार्योऽतिसंचयः ।
८८५६२ अतिसंचयशीलोऽयं धनुषा जम्बुको हतः ॥
८८५७१ कर्तव्यमेव कर्तव्यं प्राणैः कण्ठगतैरपि ।
८८५७२ अकर्तव्यं न कर्तव्यं प्राणैः कण्ठगतैरपि ॥
८८५८१ कर्तव्या चार्थसारेऽपि काव्ये शब्दविचित्रता ।
८८५८२ विना घण्टाटणत्कारं गजो गच्छन्न शोभते ॥
८८५९१ कर्तव्यानि च मित्राणि दुर्बलानि बलानि च ।
८८५९२ पश्य कूर्मपतिर्बद्धो मूषिकेण विमोचितः ॥
८८६०१ कर्तव्यान्येव मित्राणि सबलान्यबलानि च ।
८८६०२ हस्तियूथं वने बद्धं मूषकैर्यद्विमोचितम् ॥
८८६११ कर्तव्ये साहसं नित्यमुत्कटं हि विगर्हितम् ।
८८६१२ अतिसाहसदोषेण भीमः सर्पवशं गतः ॥
८८६१ १ कर्तव्यो गुणसंग्रहः परिहते देयं निजं मानसं  श्रोतव्यं वचनामृतं जिनवचः कार्यं यथास्थानवत् ।
८८६१ २ दातव्यं यतिपुङ्गवेषु निजकं न्यायप्रकल्प्यं धनं  श्रद्धेयं सततं सतां सुचरितश्रेयस्करोऽयं विधिः ॥
८८६२१ कर्तव्योऽप्याश्रयः श्रेयान् फलं भाग्यानुसारतः ।
८८६२२ नीलकण्ठस्य कण्ठेऽपि वासुकिर्वायुभक्षकः ॥
८८६३१ कर्तव्यो भ्रातृषु स्नेहो विस्मर्तव्या गुणेतराः ।
८८६३२ संबन्धो बन्धुभिः श्रेयान् लोकयोरुभयोरपि ॥
८८६४१ कर्तव्यो हृदि वर्तते यदि तरोरस्योपकारस्तदा  मा कालं गमयाम्बुवाह समये सिञ्चैनमम्भोभरैः ।
८८६४२ शीर्णे पुष्पफले दले विगलिते मूले गते शुष्कतां  कस्मै किं हितमाचरिष्यसि परीतापस्तु ते स्थास्यति ॥
८८६५१ कर्ता कारयिता चैव प्रेषको ह्यनुमोदकः ।
८८६५२ सकृतं दुष्कृतं चैव चत्वारः समभागिनः ॥
८८६६१ कर्ता कारयिता चैव यश्चैवमनुमन्यते ।
८८६६२ शुभं वा यदि वा पापं तेषामपि समं फलम् ।
८८६७१ कर्ता द्यूतच्छलानां जतुमयशरणोद्दीपनः सोऽतिमानी  कृष्णाकेशोत्तरीयव्यपनयनमरुत्पाण्डवा यस्य दासाः ।
८८६७२ राजा दुःशासनादेर्गुरुरनुजशतस्याङ्गराजस्य मित्रं  क्वास्ते दुर्योधनोऽसौ कथयत न रुषा द्रुष्टुमभ्यागतौ स्वः ॥
८८६८१ कर्तुं त्रिलोचनादन्यो न पार्थविजयं क्षमः ।
८८६८२ तदर्थः शक्यते द्रष्टुं लोचनद्वयिभिः कथम् ॥
८८६९१ कर्तुमकर्तुं शक्तः  सकलं जगदेतदन्यथाकर्तुम् ।
८८६९२ यस्तं विहाय रामं  कामं मा धेहि मानसान्यस्मिन् ॥
८८७०१ कर्तुमिष्टमनिष्टं वा कः प्रभुर्विधिना विना ।
८८७०२ कर्तारमन्यमारोप्य लोकस्तुष्यति कुप्यति ॥
८८७११ कर्दमवदात्मवैभवम्  उल्लास्य च मानवीं प्रजां सुचिरम् ।
८८७१२ तपनोत्तापप्लुष्टं  स्ववपुः कृत्वा गतं सरसा ॥
८८७२१ कर्पासबीजमज्जानां चूर्णं तैलेन पाचयेत् ।
८८७२२ तेन संजायते पुष्पं युवतीनां चिराद्गतम् ॥
८८७२ १ कर्पासभस्मतक्रास्थिवर्जं सर्वं सितं शुभम् ।
८८७२ २ गोवाजिगजदेवर्षिवर्जं कृष्णं तु निन्दितम् ॥
८८७३१ कर्पासास्थिप्रचयनिचिता निर्धनश्रोत्रियाणां  येषां वात्याप्रविततकुटीप्राङ्गणान्ता बभूवुः ।
८८७३२ तत्सौधानां परिसरभुवि त्वत्प्रसादादिदानीं  क्रीडायुद्धच्छिदुरयुवतीहारमुक्ताः पतन्ति ॥
८८७४१ कर्पूरं चन्दनं कुष्ठं तुलसी सर्जसंभवम् ।
८८७४२ मुस्तं शिलारसं चैव धत्तूरमगुरुस्तथा ॥
८८७५१ शेफाली शतपुष्पा च सर्षपास्तगरं गुडः ।
८८७५२ तथा रुद्रजटा सर्वमेतदेकत्र कारयेत् ॥
१५६४१ (अनेन योगराजेन धूपिताम्बरभूषणः ।
१५६४२ धूपिताङ्गस्त्रिभुवनं मनुजः कुरुते वशम् ॥)
८८७६१ कर्पूर इव दग्धोपि शक्तिमान् यो जने जने ।
८८७६२ नमोऽस्त्ववार्यवीर्याय तस्मै मकरकेतवे ॥
८८७७१ कर्पूरगौरं करुणावतारं  संसारसारं भुजगेन्द्रहारम् ।
८८७७२ सदा वसन्तं हृदयारविन्दे  भवं भवानीसहितं नमामि ॥
८८७८१ कर्पूरचन्दनरजो धवलं वहन्तीम्  आश्यानचन्दनविलेपनमङ्गमङ्गम् ।
८८७८२ अन्तर्गतस्य दहती महतः स्मराग्नेर् दग्धस्य संक्षयवशादिव भस्मशेषम् ॥
८८७९१ कर्पूरद्रवशीकरोत्करमहानीहारमग्नामिव  प्रत्यग्रामृतफेनपङ्कपटलीलेपोपदिग्धामिव ।
८८७९२ स्वच्छैकस्फटिकाश्मवेश्मजठरक्षिप्तामिव क्ष्मामिमां  कुर्वन् पार्वणशर्वरीपतिरसावुद्दाममुद्द्योतते ॥
८८८०१ कर्पूरधूलिधवलद्युतिपूरधौत  दिङ्मण्डले शिशिररोचिषि तस्य यूनः ।
८८८०२ लीलाशिरोंऽशुकनिवेशविशेषकॢप्ति  व्यक्तस्तनोन्नतिरभून्नयनावनौ सा ॥
८८८० १ कर्पूरधूलीरचितालवालः  कस्तूरिकाकल्पितदोहदश्रीः ।
८८८० २ हिमाम्बुपूरैरभिषिच्यमानः  प्राञ्चं गुणं मुञ्चति किं पलाण्डुः ॥
८८८११ कर्पूरधूलीरचितालवालः  कस्तूरिकाकुङ्कुमलिप्तदेहः ।
८८८१२ सुवर्णकुम्भैः परिषिच्यमानो  निजं गुणं मुञ्चति किं पलाण्डुः ॥
८८८२१ कर्पूरन्तकि केतकन्तकि शरद्राकाशशाङ्कन्तकि  श्रीचन्द्रन्तकि चन्दनन्तकि सुधासाराच्छपूरन्तकि ।
८८८२२ कैलासन्तकि दुग्धसागरलसत्स्वच्छाच्छदुन्धन्तकि  श्रीशम्भुन्तकि कीर्तयस्तव विभो दर्वीकरेन्द्रन्तकि ॥
८८८३१ कर्पूरन्ति सुधाद्रवन्ति कमलाहासन्ति हंसन्ति च  प्रालेयन्ति हिमालयन्ति करकासारन्ति हारन्ति च ।
८८८३२ त्रैलोक्याङ्गनरङ्गलङ्घिमगतिप्रागल्भ्यसंभाविताः  शीतांशोः किरणच्छटा इव जयन्त्येतर्हि तत्कीर्तयः ॥
८८८४१ कर्पूरपूरच्छविवादविद्या  संवावदूकद्युतिशुक्तिताम्रे ।
८८८४२ इन्दौ नृपद्वेषि तमोवितानं  सूर्योदये रोदिति चक्रवाकी ॥
८८८५१ कर्पूरपूरतुलनां कलयन्ति कीर्तेः  श्रीरामचन्द्र तव यत्कवयः कथं तत् ।
८८८५२ त्वद्वैरिणामतितरामपकीर्तितोऽस्याः  स्याद्धूसरत्वमिति तत्र वयं प्रतीमः ॥
८८८६१ कर्पूरप्रतिपन्थिनो हिमगिरिग्रावाग्रसंघर्षिणः  क्षीराम्भोनिधिमध्यगर्भजयिनो गङ्गौघसर्वंकषाः ।
८८८६२ स्वच्छन्दं हरिचन्दनद्युतितुदः कुन्देन्दुसंवादिनस् तस्यासन्नरविन्दकन्दरुचयोऽनेके गुणाः केचन ॥
८८८७१ कर्पूरभल्लातकशङ्खचूर्णं  क्षारो यवानां समनःशिलश्च ।
८८८७२ तैलं विपक्वं हरितालमिश्रं  निर्मूललोमानि करोति सद्यः ॥
८८८८१ कर्पूरमिश्रसेहुण्डदुग्धलेपेन जायते ।
८८८८२ शेफसो महती वृद्धिः कठिनस्त्रीसुखावहा ॥
८८८९१ कर्पूरमिश्रेण च कण्टकारी  बीजोद्भवेनैव रसेन लिप्तम् ।
८८८९२ लिङ्गं रते द्रावकरं वधूनां  संजायतेऽत्यन्तसुखावहं च ॥
८८९०१ कर्पूर रे परिमलस्तव मर्दितस्य  श्रीखण्ड रे परिमलस्तव घर्षितस्य ।
८८९०२ रे काकतुण्ड तव वह्निगतस्य गन्धः  कस्तूरिका स्वयमथाधितगन्धदृष्टा ॥
८८९११ कर्पूरवर्तिरिव लोचनतापहन्त्री  फुल्लाम्बुजस्रगिव कण्ठसुखैकहेतुः ।
८८९१२ चेतश्चमत्कृतिपदं कवितेव रम्या  नम्या नरीभिरमरीव हि सा विरेजे ॥
८८९२१ कर्पूरादपि कैरवादपि दलत्कुन्दादपि स्वर्णदी  कल्लोलादपि केतकादपि ललत्कान्तादृगन्तादपि ।
८८९२२ दूरोन्मुक्तकलङ्कशंकरशिरःशीतांशुखण्डादपि  श्वेताभिस्तव कीर्तिभिर्धवलिता सप्तार्णवा मेदिनी ॥
८८९३१ कर्पूराम्बुनिषेकभाजि सरसैरम्भोजिनीनां दलैर् आस्तीर्णेऽपि विवर्तमानवपुषोः स्रस्तस्रजि स्रस्तरे ।
८८९३२ मन्दोन्मेषदृशेः किमन्यदभवत्सा काप्यवस्था तयोर् यस्यां चन्दनचन्द्रचम्पकदलश्रेण्यादि वह्नीयते ॥
८८९४१ कर्पूरायितसैकताय शिशिरक्षोदायमानातप  व्यूहाय व्यजनानिलायितमहाझञ्झामरुद्रंहसे ।
८८९४२ अस्मै तन्वि निदाघवासरवयोमध्याभिसारक्रमो  त्साहात्युत्सवसाहसाय महते सौहार्दमीहामहे ॥
८८९५१ कर्पूरीयन्ति भूमौ सरसि सरभसं कैरवीयन्ति गङ्गा  कल्लोलीयन्ति नाके दिशि दिशि परितः केतकीयन्ति किं च ।
८८९५२ हंसीयन्त्यन्तरिक्षे कमलदलदृशां मौक्तिकीयन्ति कण्ठे  शुक्तीयन्यम्बुराशौ विशदविसरुचो रश्मयः शीतरश्मेः ॥
८८९६१ कर्पूरेण स्थलविरचना कुङ्कुमेनालवालं  माध्वीकानि प्रतिदिनपयः पञ्चबाणः कृषाणः ।
८८९६२ तत्रोत्पन्ना यदि किल भवेत्काञ्चनी कापि वल्ली  सा चेदस्याः किमपि लभते सुभ्रुवः सौकुमार्यम् ॥
८८९७१ कर्पूरैः किमपूरि किं मलयजैरालेपि किं पारदैर् अक्षालि स्फटिकोपलैः किमघटि द्यावापृथिव्योर्वपुः ।
८८९७२ एतत्तर्कय कैरवक्लमहरे शृङ्गारदीक्षागुरौ  दिक्कान्तामुकुरे चकोरसुहृदि प्रौढे तुषारत्विषि ॥
८८९८१ कर्पूरैरिव पारदैरिव सुधास्यन्दैरिवाप्लाविते  जाते हन्त दिवापि देव ककुभां गर्भे भवत्कीर्तिभिः ।
८८९८२ धृत्वाङ्गे कवचं निबध्य शरधिं कृत्वा पुरो माधवं  कामः कैरवबान्धवोदयधिया धुन्वन् धनुर्धावति ॥
८८९९१ कर्म खल्विह कर्तव्यं जातेनामित्रकर्शन ।
८८९९२ अकर्माणो हि जीवन्ति स्थावरा नेतरे जनाः ॥
८९००१ कर्म चात्महितं कार्यं तीक्ष्णं वा यदि वा मृदु ।
८९००२ ग्रस्यतेऽकर्मशीलस्तु सदानर्थैरकिंचनः ॥
८९०११ कर्म चैव हि सर्वेषां कारणानां प्रयोजकम् ।
८९०१२ श्रेयःपापीयसां चात्र फलं भवति कर्मणाम् ॥
८९०२१ कर्मजन्यशरीरेषु रोमाः शारीरमानसाः ।
८९०२२ शरा इव पतन्तीह विमुक्ता दृढधन्विभिः ॥
८९०३१ कर्मजाः प्रभवन्त्येव यथाकालमुपद्रवाः ।
८९०३२ एतत्तु कष्टं यच्छत्रुः कर्ताहमिति मन्यते ॥
८९०३ १ कर्म जीवं च संश्लिष्टं परिज्ञातात्मनिश्चयः ।
८९०३ २ विभिन्नीकुरुते साधुः सामायिकशलाकया ॥
८९०४१ कर्मज्ञानं च मोक्षाय कर्मण्यर्थोऽधिकारिता ।
८९०४२ अतोऽर्थेनैव कैवल्यं न कैवल्येन लभ्यते ॥
८९०५१ कर्मणः फलनिर्वृत्तिं स्वयमश्नाति कारकः ।
८९०५२ प्रत्यक्षं दृश्यते लोके कृतस्याप्यकृतस्य च ॥
८९०६१ कर्मणः संचयात्स्वर्गनरकौ मोक्षबन्धने ।
८९०६२ कर्मणो ज्ञायते जन्तुर्बीजादिव नवाङ्कुरः ॥
८९०७१ कर्मणः सुकृतस्याहुः सात्त्विकं निर्मलं फलम् ।
८९०७२ रजसस्तु फलं दुःखमज्ञानं तमसः फलम् ॥
८९०८१ सत्त्वात्संजायते ज्ञानं रजसो लोभ एव च ।
८९०८२ प्रमादमोहौ तमसो भवतोऽज्ञानमेव च ॥
८९०९१ कर्मणां तु प्रशस्तानामनुष्ठानं सुखावहम् ।
८९०९२ तेषामेवाननुष्ठानं पश्चात्तापकरं महत् ॥
८९१०१ कर्मणाचरितं पूर्वं सद्भिराचरितं च यत् ।
८९१०२ तदेवास्थाय मोदन्ते दान्ताः शमपरायणाः ॥
८९१११ कर्मणा जायते जन्तुः कर्मणैव विलीयते ।
८९११२ सुखं दुःखं भयं क्षेमं कर्मणैवाभिपद्यते ॥
८९१२१ अस्ति चेदीश्वरः कश्चित्फलरूप्यन्यकर्मणाम् ।
८९१२२ कर्तारं भजते सोऽपि न ह्यकर्तुः प्रभुर्हि सः ॥
८९१३१ कर्मणा तक्षकारेण मनुष्यो यत्तु पुत्रिका ।
८९१३२ वासनारज्जुमाकृष्य सवंकर्मसु चोदितः ॥
८९१३ १ कर्मणा बध्यते जन्तुर्विद्यया तु प्रमुच्यते ।
८९१३ २ तस्मात्कर्म न कुर्वन्ति यतयः पारदर्शिनः ॥
८९१४१ कर्मणा बाध्यते बुद्धिर्बुद्ध्या कर्म न बाध्यते ।
८९१४२ सुबुद्धिरपि यद्रामो हैमं हरिणमन्वगात् ॥
८९१५१ कर्मणा मनसा वाचा यत्नाद्धर्मं समाचरेत् ।
८९१५२ अस्वर्ग्यं लोकविद्विष्टं धर्म्यमप्याचरेन्न तु ॥
८९१६१ कर्मणा मनसा वाचा यदभीक्ष्णं निषेवते ।
८९१६२ तदेवापहरत्येनं तस्मात्कल्याणमाचरेत् ॥
८९१६ १ कर्मणा मनसा वाचा सर्वभूतेषु सर्वदा ।
८९१६ २ अक्लेशजननं प्रोक्तं त्वहिंसा परमर्षिभिः ॥
८९१७१ कर्मणामिष्टदुष्टानां जायते फलसंक्षयः ।
८९१७२ चेतसोऽर्थकषायत्वाद्यत्र सा घ्वस्तिरुच्यते ॥
८९१७ १ कर्मणा मोहनीयेन मोहितं सकलं जगत् ।
८९१७ २ धन्या मोहं समुत्सार्य तपस्यन्ति महाधियः ॥
८९१८१ कर्मणा येन तेनेह मृदुना दारुणेन वा ।
८९१८२ उद्धरेद्दीनमात्मानं समर्थो धर्ममाचरेत् ॥
८९१९१ कर्मणा रहितं ज्ञानं पङ्गुना सदृशं भवेत् ।
८९१९२ न तेन प्राप्यते किंचित्न च किंचित्प्रसाध्यते ॥
८९२०१ एवं ज्ञानेन हीनं यत्कर्मान्धेन समं स्मृतम् ।
८९२०२ मार्गो वा मार्गलक्ष्यं वा नैव तस्य प्रतीयते ॥
८९२११ कर्मणा मनसा वाचा कर्तव्यं कर्म कुर्वतः ।
८९२१२ तस्मादेवेष्टसंसिद्धिश्चतुरस्रा प्रजायते ॥
८९२२१ कर्मणैव हि संसिद्धिमास्थिता जनकादयः ।
८९२२२ लोकसंग्रहमेवापि संपश्यन् कर्तुमर्हसि ॥
८९२३१ कर्मणोऽपि प्रधानत्वं किं कुर्वन्ति शुभा ग्रहाः ।
८९२३२ वसिष्ठदत्तलग्नेऽपि जानकी दुःखभागिनी ॥
८९२४१ कर्मणो यस्य यः कालः तत्कालव्यापिनी तिथिः ।
८९२४२ तया कर्माणि कुर्वीत ह्रासवृद्धिं न कारयेत् ॥
८९२५१ कर्मणो हि प्रधानेन बुद्धिना किं प्रयोजनम् ।
८९२५२ पाषाणस्य कुतो बुद्धिस्ततो देवो भविष्यति ॥
८९२६१ कर्मणो ह्यपि बोद्धव्यं बोद्धव्यं च विकर्मणः ।
८९२६२ अकर्मणश्च बोद्धव्यं गहना कर्मणो गतिः ॥
८९२७१ कर्मण्यकर्म यः पश्येदकर्मणि च कर्म यः ।
८९२७२ स बुद्धिमान्मनुष्येषु स युक्तः कृत्स्नकर्मकृत् ॥
८९२८१ कर्मण्यकर्मविधिरेष यदाचरन्ति  कर्माणि तत्तदनुबन्धजिहासयेति ।
८९२८२ सत्यं तथाप्यभिनवो भविता न बन्धः  प्राचीनबन्धहरणे क इवाभ्युपायः ॥
८९२९१ कर्मण्यकोविदाः स्तब्धा मूर्खाः पण्डितमानिनः ।
८९२९२ वदन्ति चाटुकान्मूढा यया माध्व्या गिरोत्सुकाः ॥
८९३०१ कर्मण्येवाधिकारस्ते मा फलेषु कदाचन ।
८९३०२ मा कर्मफलहेतुर्भूर्मा ते सङ्गोऽस्त्वकर्मणि ॥
८९३११ कर्म त्यजेम यदि नूनमधः पतेम  यद्याचरेम न कदापि भवं तरेम ।
८९३१२ कर्म त्यजेदिति चरेदिति च प्रवृत्ता  भावेन केन निगमा इति न प्रतीमः ॥
८९३२१ कर्मदायादवल्लोकः कर्मसंबन्धलक्षणः ।
८९३२२ कर्माणि चोदयन्तीह यथान्योन्यं तथा वयम् ॥
८९३३१ कर्मब्रह्मविचारणां विजहतो भोगापवर्गप्रदां  घोषं कंचन कण्ठशोषफलकं कुर्वन्त्यमी तार्किकाः ।
८९३३२ प्रत्यक्षं न पुनाति नापहरते पापानि पीलुच्छटा  व्यप्तिर्नावति नैव पात्यनुमितिर्नो पक्षता रक्षति ॥
८९३४१ कर्मभिः स्वैरवाप्तस्य जन्मनः पितरौ यथा ।
८९३४२ राज्ञं तथान्ये राज्यस्य प्रवृत्तावेव कारणम् ॥
८९३५१ कर्मभूमिमिमां प्राप्य कर्तव्यं कर्म यच्छुभम् ।
८९३५२ अग्निर्वायुश्च सोमश्च कर्मणां फलभागिनः ॥
८९३६१ कर्मभूमिरियं ब्रह्मन् फलभूमिरसौ मता ।
८९३६२ इह यत्क्रियते कर्म तत्परत्रोपभुज्यते ॥
८९३७१ कर्म लोकविरुद्धं तु कुर्वाणं क्षणदाचर ।
८९३७२ तीक्ष्णं सर्वजनो हन्ति सर्पं दुष्टमिवागतम् ॥
८९३८१ कर्म सर्वोत्तमं किं मे करणीयं भवेदिति ।
८९३८२ मानवः प्रभवेद्वेत्तुं लब्ध्वा स्थैर्यं शमं तथा ॥
८९३९१ कर्माणि जन्मान्तरसंचितानि  महान्ति विज्ञानमहाहुताशे ।
८९३९२ सर्वाणि दग्धानि भवन्ति सद्यो  महानलस्यास्ति किमार्द्रभावः ॥
८९४०१ कर्माणि बध्नन्ति शुभाशुभानि  कर्तात्रमौपाधिकमेव जीवम् ।
८९४०२ परं न तत्साक्षिणमस्तदोषम्  आभीरमद्यात्किमजे शयाने ॥
८९४११ कर्माणि यानि लोके  दुःखनिमित्तानि लज्जनीयानि ।
८९४१२ सर्वाणि तानि कुरुते  जठरनरेन्द्रस्य वशमितो जन्तुः ॥
८९४१ १ कर्माणि सर्वाणि च मोहनीये  दुःखानि सर्वाणि दरिद्रतायाम् ।
८९४१ २ पापानि सर्वाणि च चौर्यभावे  दोषा अशेषा अनृते भवन्ति ॥
८९४२१ कर्माण्यारभमाणानां दुःखहत्यै सुखाय च ।
८९४२२ पश्येत्पाकविपर्यासं मिथुनीचारिणां नृणाम् ॥
८९४३१ कर्मानिष्टं विधत्ते भवति परवशो लज्जते नो जनानां  धर्माधर्मौ न वेत्ति त्यजति गुरुकुलं सेवते नीचलोकम् ।
८९४३२ भूत्वा प्राज्ञः कुलीनः प्रथितपृथुगुणो माननीयो बुधोऽपि  ग्रस्तो येनात्र देही नुद मदनरिपुं जीव तं बुःखदक्षम् ॥
८९४३ १ कर्मानुभावदुःखित  एवं मोहान्धकारगहनवति ।
८९४३ २ अन्ध इव दुर्गमार्गे  भ्रमति हि संसारकान्तारे ॥
८९४४१ कर्मानुमेयाः सर्वत्र परोक्षगुणवृत्तयः ।
८९४४२ तस्मात्परोक्षवृत्तीनां फलैः कर्म विभावयेत् ॥
८९४५१ कर्मान्यजन्मनि कृतं सदसच्च दैवं  तत्केवलं भवति जन्मनि सत्कुलाद्ये ।
८९४५२ बाल्यात्परं विनयसौष्ठवपात्रतापि  पुंदैवजा कृषिवदित्यत उद्यमेत ॥
८९४६१ कर्मापराधात्सत्त्वानां विनाशे समुपस्थिते ।
८९४६२ अनयो नयरूपेण बुद्धिमाक्रम्य तिष्ठति ॥
८९४७१ कर्मायत्तं फलं पुंसां बुद्धिः कर्मानुसारिणी ।
८९४७२ तथापि सुधिया भाव्यं सुविचार्यैव कुर्वता ॥
८९४८१ कर्मारण्यं दहति शिखिवन्मातृवत्पाति दुःखात् सम्यग्रीतिं वदति गुरुवत्स्वामिवद्यद्बिभर्ति ।
८९४८२ तत्त्वातत्त्वप्रकटनपटुः स्पष्टमाप्नोति पूतं  तत्संज्ञानं विगलितमलं ज्ञानदानेन मर्त्यः ॥
८९४९१ कर्मेन्द्रियाणि संयम्य य आस्ते मनसा स्मरन् ।
८९४९२ इन्द्रियार्थान् र्विमूढात्मा मिथ्याचारः स उच्यते ॥
८९५०१ यस्त्विन्द्रियाणि मनसा नियम्यारभतेऽर्जुन ।
८९५०२ कर्मेन्द्रियैः कर्मयोगमसक्तः स विशिष्यते ॥
८९५० १ कर्मेन्धनं यदज्ञानात्संचितं जन्मकानने ।
८९५० २ उपवासशिखी सर्वं तद्भस्मीकुरुते क्षणात् ॥
८९५० १ कर्मेन्धनं समाश्रित्य दृढा सद्भावनाहुतिः ।
८९५० २ धर्मध्यानाग्निना कार्या दीक्षितेनाग्निकारिका ॥
८९५११ कर्मैव कारणं चात्र सुगतिं दुर्गतिं प्रति ।
८९५१२ कर्मैव प्राक्तनमपि क्षणं किं कोऽस्ति चाक्रियः ॥
८९५२१ कर्मोक्तिनर्मनिर्माणैः प्रातः प्रातः प्रधावताम् ।
८९५२२ धनं धनं प्रलपतां निधनं विस्मृतं नृणाम् ॥
८९५२ १ कर्मोदयाद्भवगतिर् भवगतिमूला शरीरनिर्वृत्तिः ।
८९५२ २ देहादिन्द्रियविषया  विषयनिमित्ते च सुखदुःखे ॥
८९५३१ कार्यस्य निःसंशयमात्महेतोः  सरूपतां हेतुभिरभ्युपेत्य ।
८९५३२ दुःखस्य कार्यं सुखमामनन्तः  स्वेनैव वाक्येन हता वराकाः ॥
८९५४१ कर्षणान्वेषणे यातुः क्षुतं जलदवृष्टये ।
८९५४२ हेमादिभूषणे नव्ये विधृते भूषणाप्तये ॥
८९५५१ कर्षति वपति लुनीते  दीव्यति सीव्यति पुनाति वयते च ।
८९५५२ विदधाति किं न कृत्यं  जठरानलशान्तये तनुमान् ॥
८९५६१ कर्षद्भिः सिचयाञ्चलानतिरसात्कुर्वद्भिरालिङ्गनं  गृह्णानैः कचमालिखद्भिरधरं विद्रावयद्भिः कुचौ ।
८९५६२ प्रत्यक्षेऽपि कलिङ्गमण्डलपतेरन्तःपुराणामहो  धिक्कष्टं विटपैर्विटैरिव वने किं नाम नाचेष्टितम् ॥
८९५७१ कलं कमुक्तं तनुमध्यनामिका  स्तनद्वयी च त्वदृते न हन्त्यतः ।
८९५७२ न याति भूतं गणने भवन्मुखे  कलङ्कमुक्तं तनुमध्यनामिका ॥
८९५८१ कलकण्ठ गणास्वाद्ये कामस्यास्त्रे निजाङ्कुरे ।
८९५८२ निम्बवृत्तिभिरुद्गदीर्णे न चूतः परितप्यते ॥
८९५९१ कलकलमपरा मुधा विधाय  क्षितितिलकान्नयनान्तमाससाद ।
८९५९२ अवतरति मृगीदृशां तृतीयं  मनसिजचक्षुरुपायदर्शनेषु ॥
८९६०१ कलकोकिलनादविवादबलद् भ्रमरावलिलोलरसालद्रुम ।
८९६०२ क्रममालतिकादिकदम्बलसत् कुसुमागममोदमनोजशरैः ॥
८९६११ परिपीडितया विधुसान्द्रकला  कमलाकरचम्पकसंगदधत् ।
८९६१२ पवनैरनुचिन्तितया प्रिय सा  सखि सम्प्रति किं क्रियतेऽबलया ॥
८९६२१ कलक्वणितगर्भेण कण्ठेनाघूर्णितेक्षणः ।
८९६२२ पारावतः परिभ्रम्य रिरंसुश्चुम्बति प्रियाम् ॥
८९६३१ कलक्वाणे वीणे विरम रणितात्कोकिल सखे  सखेदो माभूस्त्वं द्रुहिणविहितस्ते परिभवः ।
८९६३२ सुधे मुञ्च स्पर्धामधरमधुसंसर्गसरसाः  स्फुटन्त्येता वाचः किमपि कमनीया मृगदृशः ॥
८९६४१ कलङ्कदाशो गगनाम्बुराशौ  प्रसार्य चन्द्रातपतन्तुजालम् ।
८९६४२ लग्नोडुमीनांल्लघु संजिघृक्षुश् चन्द्रप्लवस्थश्चरमाव्धिमेति ॥
८९६५१ कलङ्कयन्ति सन्मार्गजुषः परिभवन्त्यलम् ।
८९६५२ वात्या इवातिचपलाः स्त्रियो भूरिरजोवृताः ॥
८९६६१ तत्तासु न प्रसक्तव्यं धीरसत्त्वैः सुबुद्धिभिः ।
८९६६२ शीलमभ्यसनीयं तु वीतरागपदाप्तये ॥
८९६७१ कलङ्कहीनः क्षयदोषशून्यः  सदा निवृत्तस्तमसो भयाच्च ।
८९६७२ बताभविष्यद्द्विजनायकोऽपि  तदापि मन्ये न तवाननाभम् ॥
८९६८१ कलङ्किनः प्रिये दोषाकरस्य च जडस्य च ।
८९६८२ न जातु शक्तिरिन्दोस्ते मुखेन प्रतिगर्जितुम् ॥
८९६९१ कलङ्किनि जले क्वापि सौरं प्रतिफलन्महः ।
८९६९२ तमोऽपहत्वं तनुते समृद्धिं च दिने दिने ॥
८९७०१ कलङ्की निःशङ्कं परितपतु शीतद्युतिरसौ  भुजङ्गव्यासङ्गीवमतु गरलं चन्दनरसः ।
८९७०२ स्वयं दग्धो दाहं वितरतु मनोभूरपि भृशं  जगत्प्राण प्राणानपहरसि किं ते समुचितम् ॥
८९७० १ कलङ्केन यथा चन्द्रः क्षारेण लवणाम्बुधिः ।
८९७० २ कलहेन तथा भाति ज्ञानवानापि मानवः ॥
८९७११ कलत्रं पृष्ठतः कृत्वा रमते यः परस्त्रियः ।
८९७१२ अधर्मश्चापदस्तस्य सद्यः फलति नित्यशः ॥
८९७२१ कलत्रचिन्ताकुचितस्य पुंसः  श्रुतं च शीलं च गुणाश्च सर्वे ।
८९७२२ अपक्वकुम्भे निहिता इवापः  प्रयान्ति देहेन समं विनाशम् ॥
८९७३१ कलत्रनिन्दागुरुणा किलैवम्  अभ्याहतं कीर्तिविपर्ययेण ।
८९७३२ अयोघनेनाय इवाभितप्तं  वैदेहिबन्धोर्हृदयं विदद्रे ॥
८९७४१ कलत्रपुत्रादिनिमित्ततः क्दचिद् विनिन्द्यरूपे विहितेऽपि कर्मणि ।
८९७४२ इदं कृतं कर्म विनिन्दितं सतां  मयेति भव्यश्चकितो विनिन्दति ॥
८९७५१ कलत्रभारेण विलोलनीविना  गलद्दुकूलस्तनशालिनोरसा ।
८९७५२ वलिव्यपायस्फुटरोमराजिना  निरायतत्त्वादुदरेण ताम्यता ॥
८९७६१ विलम्बमानाकुलकेशपाशया  कयाचिदाविष्कृतबाहुमूलया ।
८९७६२ तरुप्रसूनान्यपदिश्य सादरं  मनोधिनाथस्य मनः समाददे ॥
८९७७१ कलत्रमात्मा सुहृदो धनानि  वृथा भवन्तीह निमेषमात्रात् ।
८९७७२ मुहुर्मुहुश्चाकुलितानि तानि  तस्मान्न विद्वानतिविग्रही स्यात् ॥
८९७७ १ कलत्रहरणल्केशात्खिन्नानामात्मनस्तनौ ।
८९७७ २ धर्तुमुत्सुकता नष्टेः सुदृशां सुधियामिव ॥
८९७८१ कलभ तवान्तिकमागतम्  अलिमेतं मा कदाप्यवज्ञासीः ।
८९७८२ अपि दानसुन्दराणां  द्विपधुर्याणामयं शिरोधार्यः ॥
८९७९१ कलमाक्रान्तविश्वस्य मषीकृष्णस्य भोगिनः ।
८९७९२ आसन्नबन्धनस्यान्ते दिविरस्य धनेन किम् ॥
८९८०१ कलमं फलभारातिगुरुमूर्धतया शनैः ।
८९८०२ विनामान्तिकोद्भूतं समाघ्रातुमिवोत्पलम् ॥
८९८० १ कलमधुररक्तकण्ठी  शयने मदिरालसा समदना च ।
८९८० २ वक्त्रापरवक्त्राभ्याम्  उपतिष्ठतु वारमुख्या त्वाम् ॥
८९८११ कलमाः पाकविनम्रा  मूलतलाघ्रातसुरभिकल्हाराः ।
८९८१२ पवनाकम्पितशिरसः  प्रायः कुर्वन्ति परिमलश्लाघाम् ॥
८९८२१ कलमान्तनिर्गतमषी  बिन्दुव्याजेन साञ्जनाश्रुकणा ।
८९८२२ कायस्थलुण्ठ्यमाना  रोदिति खिन्नेव राजश्रीः ॥
८९८३१ कलय कमलमस्मिर्न्नित्युदीर्य स्थितानां  प्रतिफलितमुखेषु न्यस्तहस्तारविन्दाः ।
८९८३२ स्फटिकविपिनमध्ये माणिकप्रेयसीनां  निभृतहसितपात्रं यत्र याता युवानः ॥
८९८४१ कलयति कमलोपमानमक्ष्णोः  प्रथयति वाचि सुधारसस्य साम्यम् ।
८९८४२ सखि कथय किमाचरामि कान्ते  समजनि तत्र सहिष्णुतैव दोषः ॥
८९८५१ कलयति किं न सदा फलतां बहुफलतां च स वृक्षः ।
८९८५२ यस्य परोपकृतौ कश्चिन्न सपक्षोऽपि विपक्षः ॥
८९८६१ कलयति कुवलयमाला  ललितं कुटिलः कटाक्षविक्षेपः ।
८९८६२ अधरः किसलयलीला  माननमस्याः कलानिधिविलासम् ॥
८९८७१ कलयति मम चेतस्तल्पमङ्गारकल्पं  ज्वलयति मम गात्रं चन्दनं चन्द्रकश्च ।
८९८७२ तिरयति मम नेत्रे मोहजन्मान्धकारो  विकृतबहुविकारं मन्मथो मां दुनोति ॥
८९८८१ कलयतु हंसविलासगतिं  स बकः सरसि वराकः ।
८९८८२ नीरक्षीरविवेकविधौ  तस्य कुतः परिपाकः ॥
८९८९१ कलय वलयं धम्मिल्लेऽस्मिन्निवेशय मल्लिकां  रचय सिचयं मुक्ताहारं विभूषय सत्वरम् ।
८९८९२ मृगमदमषीपत्रालेपं कुरुष्व कपोलयोः  सहचरि समायातः प्रातः स ते हृदयप्रियः ॥
८९९०१ कलयसि वयस्य कस्मात् त्वं रुचिरं भारतीशास्त्रम् ।
८९९०२ अत्रोऽक्तिप्रत्युक्तौ  कलय मिथो भूरिशस्त्रपातरणम् ॥
८९९११ कलया तुषारकिरणस्य पुरः  परिमन्दभिन्नतिमिरौघजटम् ।
८९९१२ क्षणमभ्यपद्यत जनैर्न मृषा  गगनं गणाधिपतिमूर्तिरिति ॥
८९९२१ कलयात्र प्रकाश्यं चेत्किंचिद्वा दिव्यजीवने ।
८९९२२ तस्यामपि प्रकाशा स्याद्विशाला शान्तिरुज्ज्वला ॥
८९९२ १ कलये किसलयमधरं  शङ्के पङ्केरुहं करद्वन्द्वम् ।
८९९२ २ मन्ये मनसिजवेत्रं  गात्रं नेत्रैकमोहनं तन्व्याः ॥
८९९२ १ कलरवकण्ठकरम्बित  कलरवकलकण्ठकूजिते सुरते ।
८९९२ २ तव मनुमीलितलोचन  माननमवलोकितुं प्रिये कलये ॥
८९९३१ कलशे निजहेतुदण्डजः  किमु चक्रभ्रमकारितागुणः ।
८९९३२ स तदुच्चकुचौ भवन् प्रभा  झरचक्रभ्रममातनोति यत् ॥
८९९४१ कलहः कदापि मास्त्विति  कलितशरीरैक्ययोः शिवयोः ।
८९९४२ अहमस्म्यहमस्मीति  प्राप्तः कलहो मम त्राणे ॥
८९९५१ कलहकलभविन्ध्यः कोपगृध्रश्मशानं  व्यसनभुजगरन्ध्रं द्वेषदस्युप्रदोषः ।
८९९५२ सुकृतवनदवाग्निर्मार्दवाम्भोदवायुर् नयनलिनतुषारोऽत्यर्थमर्थानुरागः ॥
८९९६१ कलहकलया यत्संवृत्यै त्रपावनतानना  पिहितपुलकोद्भेदं सुभ्रूश्चकर्ष न कञ्चुकम् ।
८९९६२ दयितमभितस्तामुत्कण्ठां विवव्रुरनन्तरं  झटिति तटिति त्रुट्यन्तोऽन्तः स्तनांशुकसन्धयः ॥
८९९७१ कलहप्रियातिदीर्घा  खर्वा वा श्यामपीतहरिता वा ।
८९९७२ लम्बोष्ठी लघुनासा  लघुशिथिलस्तनविभागा च ॥
८९९८१ कलहमातनुते मदिरावशस् तमिह येन निरस्यति जीवितम् ।
८९९८२ वृषमपास्यति संचिनुते मलं  धनमपैति जनैः परिभूयते ॥
८९९९१ कलहान्तरिताप्रलपनम्  अतः परं नायकस्य शिक्षा च ।
८९९९२ संभोगाविष्करणं  कुलटा संकीर्णमिति च शृङ्गारः ॥
९०००१ कलहान्तानि हर्म्याणि कुवाक्यान्तं च सौहृदम् ।
९०००२ कुराजान्तानि राष्ट्राणि कुकर्मान्तं यशो नृणाम् ॥
९००११ कलहायन्ते मूढाः  कः प्रतिभूः श्वः प्रभात इति ।
९००१२ तस्यामेव रजन्यां  कः प्रतिभूः स्वस्य सत्तायाम् ॥
९००२१ कलां तामैन्दवीं वन्दे यया यादष्पतिः पिता ।
९००२२ आरुह्य हरमूर्धानं कृतस्त्रैलोक्यमूर्धनि ॥
९००३१ कलाः सर्वे हरेरेव सप्रजापतय्स्तथा ।
९००३२ एते त्वंशकलाः पुंसः कृष्णस्तु भगवान् स्वयम् ॥
९००३ १ कलाकलापसम्पन्ना उपकर्तुः परञ्मुखाः ।
९००३ २ न भवन्ति महात्मानः सरसः शिखिनो यथा ॥
९००४१ कलाकाष्ठामुहूर्तानां कालस्य व्रजतां जवात् ।
९००४२ न लक्ष्यते विभागेन दीपस्येवार्चिषां गतिः ॥
९००५१ कलात्तमायालवकान्तमूर्तिः  कलक्वणद्वेणुनिनादरम्यः ।
९००५२ श्रितो हृदि व्याकुलयंस्त्रिलोकीं  श्रियेऽस्तु गोपीजनवल्लभो वः ॥
९००६१ कलाधारो वक्रः स्फुरदधररागो नवतनुर् गलन्मानावेशास्तरुणरमणीर्नागर इव ।
९००६२ घनश्रोणीबिम्बे नयनमुकुले चाधरदले  कपोले ग्रीवायां कुचकलशयोश्चुम्बति शशी ॥
९००७१ कलाधिनाथाधिगमाद्द्वितीये  किमद्वितीयेति तनोषि गर्वम् ।
९००७२ अयि त्वमस्मद्वचसि प्रतीया  अयं तृतीयामुपगन्तुकामः ॥
९००८१ कलाधिनाथानयनाय सायं  कुमुद्वतीप्रेषित एव भृङ्गः ।
९००८२ किमिन्दुनालिङ्ग्य सरागमङ्के  कृतः कलङ्कभ्रममातनोति ॥
९००९१ कलानां ग्रहणादेव सौभाग्यमुपजायते ।
९००९२ देशकालौ त्वपेक्ष्यासां प्रयोगः संभवेन्न वा ॥
९०१०१ कलानाथः कामं भजति बहुदोषाङ्किततनुं  कुमुद्वत्यास्तस्मिन्नपि भवति किं नाम न रुचिः ।
९०१०२ न पद्मिन्या मोदः किमुदयत्युष्णमहसि  प्रिये प्रायो दोषान्न गणयति चित्तं मृगदृशः ॥
९०१० १ कलानिधिकरस्पर्शात्प्रसन्नोल्लासितारका ।
९०१० २ बिम्रणाम्बरमानीलं कामिनी यामिनीयते ॥
९०१११ कलानिधिरयं रवेः समुपलभ्य रूपं स्वयं  दिनान्तसमयेऽस्पृशत्सपदि पद्मिनीं रागवान् ।
९०११२ धवान्यकरसंगमान्मुकुलितेति पूर्वाकृतिं  समीक्ष्य जहसुः प्रिया ध्रुवमभूदतः पाण्डुरः ॥
९०१२१ कलापिनां चारुतयोपयान्ति  वृन्दानि लापोढघनागमानाम् ।
९०१२२ वृन्दानिलापोढघनागमानां  कलापिनां चारुतयोऽपयान्ति ॥
९०१३१ कलाभिरुच्छ्रिता वेश्या रूपशीलगुणान्विता ।
९०१३२ लभते गणिकाशब्दं स्थानं च जनसंसदि ॥
९०१४१ कलामिन्दुः करं दाता धारां धाराधरो यदि ।
९०१४२ संकोचयिष्यते तर्हि जीविष्यति कथं जगत् ॥
९०१५१ कलारत्नं गीतं गगनतलरत्नं दिनमणिः  सभारत्नं विद्वान् श्रवणपुटरत्नं हरिकथा ।
९०१५२ निशारत्नं चन्द्रः शयनतलरत्नं शशिमुखी  महीरत्नं श्रीमाञ्जयति रघुनाथो नृपवरः ॥
९०१६१ कलावतः सैव कला ययाधःक्रियते भवः ।
९०१६२ बह्वीभिश्च कलाभिः किं याभिरङ्कः प्रदर्श्यते ॥
९०१७१ कलावति क्षततमसि प्रभावति  स्फुटोदये जननयनाभिनन्दिनि ।
९०१७२ ददुर्दूशं शशिनि रुषाभिसारिकाः  क्वचिद्भवत्यतिसुभगोऽपि दुर्भगः ॥
९०१८१ कलावति चलां दृष्टिं न कुर्यास्त्वं मुहुर्मुहुः ।
९०१८२ लग्नोऽपि न तथा बाणो बाधते चालितो यथा ॥
९०१९१ कलासीमा काव्यं सकलगुणसीमा वितरणं  भये सीमा मृत्युः सकलसुखसीमा सुवदना ।
९०१९२ तपःसीमा मुक्तिः सकलकृतिसीमाश्रितभृतिः  प्रिये सीमाह्लादः श्रवणसुखसीमा हरिकथा ॥
९०२०१ कला सेवाथ धर्मार्थौ तृष्णादारिद्र्यपद्धती ।
९०२०२ सन्तोषक्षान्तिकरुणा वैराग्यं तदनु स्तुतिः ॥
९०२११ कलास्तास्ताः सम्यग्वहसि यदसि त्वं द्विजपतिर् द्युतिस्तादृग्नूत्ना जनिरपि च रत्नाकरकुले ।
९०२१२ बहु ब्रूमः किं वा पुरहरशिरोमण्डनमसि  त्वदीयं तत्सर्वं शशधर कलङ्काद्विफलितम् ॥
९०२२१ कलिकलुषसङ्कटाकुल  कुटुम्बसंवलनखेदविकलस्य
९०२२२ प्रतिनिधिरिव प्रवासः  संसारविरागसुखसमुद्रस्य ॥
९०२३१ कलिकलुषे मनसि स्वे  कथमिव जगदार्जवं लभते ।
९०२३२ चक्षुर्दोषे जाग्रति  चन्द्रद्वित्वं कुतो यातु ॥
९०२४१ कलिकालमियं यावदगस्त्यस्य मुनरेपि ।
९०२४२ मानसं खण्डयत्यत्र शशिखण्डानुकारिणी ॥
९०२५१ कलितगरिमा श्रोणिर्मध्यं विवृद्धवलित्रयं  हृदयमुदयल्लज्जं मज्जच्चिरन्तनचापलम् ।
९०२५२ मुकुलितकुचं वक्षश्चक्षुर्मनाग्धृतवक्रिम  क्रमपरिगलद्बाल्यं तस्या वपुस्तनुते श्रियम् ॥
९०२६१ कलितमम्बरमाकलयन् करैर् मृदितपङ्कजकोशपयोधरः ।
९०२६२ विकसदुत्पलनेत्रविलोकितः  सखि निशां सरसीकुरुते विधुः ॥
९०२७१ कलितो रुचिरं न कर्म चेत् क्रियतेऽनङ्गकृतेः कुतः फलम् ।
९०२७२ स्मरतो हृदि पुण्डरीकदृग् भजतेऽसौ सफलस्ततः श्रमः ॥
९०२८१ कलिन्दगिरिनन्दिनीतटवनान्तरं भासयन्  सदा पथि गतागतश्रमभरं हरन् प्राणिनाम् ।
९०२८२ लतावलिशतावृतो मधुरया रुचा संभृतो  ममाशु हरतु श्रमानतितमां तमालद्रुमः ॥
९०२८ १ कलिन्दजानीरभरेऽर्धमग्ना  बकाः प्रकामं कृतभूरिशब्दाः ।
९०२८ २ ध्वान्तेन वैराद्विनिगीर्यंमाणाः  क्रोशन्ति मन्ये शशिनः किशोराः ॥
९०२९१ कलिभूपे समायाते धर्मोऽधर्मायते भुवि ।
९०२९२ अधर्मः सर्वंतः पुंसां हन्त धर्मवदर्थ्यते ॥
९०३०१ कलिमायान्तमुत्प्रेक्ष्य विलीयन्ते सुरा अपि ।
९०३०२ तदाश्रितस्य धर्मादेः का कथा जीवने पुनः ॥
९०३११ कलिलं चैकरात्रेण पञ्चरात्रेण बुद्बुदम् ।
९०३१२ पक्षैकेनाण्डकः सोऽथ मासपूर्णे शिरो कुरु ॥
९०३२१ कलिसाम्राज्यमासाद्य न भेतव्यं भवान्तरात् ।
९०३२२ धर्मानुष्ठानमूढावां भीतिरेकावशिष्यते ॥
९०३३१ कलुषं कटुकं लवणं विरसं  सलिलं यदि वाशुभगन्धि भवेत् ।
९०३३२ तदनेन भवत्यमलं सुरसं  ससुगन्धि गुणैरपरैश्च युतम् ॥
९०३४१ कलुषं च तवाहितेष्वकस्मात् सितपङ्केरुहसोदरश्रि चक्षुः ।
९०३४२ पतितं च महीपतीन्द्र तेषां  वपुषि प्रस्फुटमापदां कटाक्षैः ॥
९०३५१ कलुषं मधुरं चाम्भः सर्वं सर्वत्र सांप्रतम् ।
९०३५२ अनार्जवजनस्येव कृतकव्याहृतं वचः ॥
९०३६१ कलेरन्ते भविष्यन्ति नररूपेण राक्षसाः ।
९०३६२ मनुष्यान् भक्षयिष्यन्ति वित्ततो न शरीरतः ॥
९०३७१ कलेर्दोषनिधे राजन्नस्ति ह्येको महान् गुणः ।
९०३७२ कीर्तिनादेव कृष्णस्य मुक्तबन्धः परं व्रजेत् ॥
९०३७ १ कलौ कराले न सुखं लभेत  पक्षद्वयादेव विरोधकाले ।
९०३७ २ मध्यस्थता प्रत्युत निन्द्यतेऽपि  समन्ततो हा स कले प्रभावः ॥
९०३८१ कलौ कले खले मित्रे पुत्रे दुर्व्यसनान्विते ।
९०३८२ तस्करेषु प्रवृद्धेषु लुब्धे राज्ञि धनेन किम् ॥
९०३९१ कलौ गङ्गा काश्यां त्रिपुरहरपुर्यां भगवती  प्रशस्ता देवानामपि भवति सेव्यानुदिवसम् ।
९०३९२ इति व्यासो ब्रूते मुनिजनधुरीणो हरिकथा  सुधापानस्वस्थो गलितभवबन्धोऽतुलमतिः ॥
९०४०१ कलौ जगपत्पतिं विष्णुं सर्वस्रष्टारमीश्वरम् ।
९०४०२ नार्चयिष्यन्ति मैत्रेय पाखण्डोपहता जनाः ॥
९०४११ कलौ दशसहस्रेषु हरिस्त्यजति मेदिनीम् ।
९०४१२ तदर्धं जाह्लवीतोयं तदर्धं ग्रामदेवताः ॥
९०४१ १ कलौ युगे कल्मषमानसानाम्  अन्यत्र धर्मे खलु नाधिकारः ।
९०४१ २ रामेति वर्णद्वयमादरेण  सदा जपन्मुक्तिमुपेति जन्तुः ॥
९०४२१ कल्की कल्कं हरतु जगतः स्फूर्जदूजैस्वितेजा  वेदोच्छेदस्फुरितदुरितध्वंसने धूमकेतुः ।
९०४२२ येनोत्क्षिप्य क्षणमसिलतां धूमवत्कल्मषेच्छान्  म्लेच्छान् हत्वा दलितकलिनाकारि सत्यावतारः ॥
९०४३१ कल्पक्षोणिरुहोऽयमित्यनुदिनं भूमीसुरैर्भाव्यसे  कामोऽसाविति कामिनीभिरभितश्चित्ते चिरं चिन्त्यसे ।
९०४३२ श्रीनारायण एव केवलमिति प्रेम्णा श्रिया ध्यायसे  त्वं कालोऽयमिति प्रतिक्षितिधरैरेकोऽप्यनेकात्मभृत् ॥
९०४४१ कल्पतरुकामदोग्ध्री  चिन्तामणिधनदशङ्खानाम् ।
९०४४२ रचितो रजोभरपयस् तेजःश्चासान्तराम्बरैरेषः ॥
९०४५१ कल्पद्रुमः कल्पितमेव सूते  सा कामधुक्कामितमेव दोग्धि ।
९०४५२ चिन्तामणिश्चिन्तितमेव दत्ते  सतां हि सङ्गः सकलं प्रसूते ॥
९०४६१ कल्पद्रुमान् विगतवाञ्छजने सुमेरौ  रत्नान्यगाधसलिले सरितामधीशे ।
९०४६२ धात्रा श्रियं निदधता प्रखलेषु नित्यम्  अत्युज्ज्वलः खलु घटे निहितः प्रदीपः ॥
९०४७१ कल्पद्रुमाश्च सन्तश्च नार्हन्ति समशीर्षिकाम् ।
९०४७२ अर्थिनां प्रार्थिताः पूर्वे फलन्त्यन्ये स्वयं यतः ॥
९०४८१ कल्पद्रुमैः किं कनकाचलस्थैः  परोपकारप्रतिलम्भदुःस्थैः ।
९०४८२ वरं करीरो मरुमार्गवर्ती  यः पान्थसार्थं कुरुते कृतार्थम् ॥
९०४९१ कल्पद्रुमो न जानाति न ददाति बृहस्पतिः ।
९०४९२ अयं तु जगतीजानिर्जानाति च ददाति च ॥
९०५०१ कल्पद्रुमोऽपि काले न भवेद्यदि फलप्रदः ।
९०५०२ को विशेषस्तदा तस्य वन्यैरन्यमहीरुहैः ॥
९०५० १ कल्पद्रोरपि कल्पद्रुर्महतोऽपि मणेर्मणिः ।
९०५० २ देवानामपि पूज्योऽसि कियत्ते मम पूरणम् ॥
९०५११ कल्पयति येन वृत्तिं  सदसि च सद्भिः प्रशस्यते येन ।
९०५१२ स गुणस्तेन गुणवता  विवर्धनीयश्च रक्ष्यश्च ॥
९०५१ १ कल्पयेदेकशः पक्ष रोमश्मश्रुकचान्नखान् ।
९०५१ २ न चात्मदशनाग्रेण स्वपाणिभ्यां च नोत्तमः ॥
९०५२१ कल्पवृक्षशिखरेषु संप्रति  प्रस्फुरद्भिरविकल्पसुन्दरि ।
९०५२२ हारयष्टिगणनामिवांशुभिः  कर्तुमुद्यतकुतूहलः शशी ॥
९०५३१ कल्पस्थायि न जीवितम्  ऐश्वर्यं नाप्यते च यदभिमतम् ।
९०५३२ लोकस्तथाप्यकार्यं  कुरुते कार्यं किमुद्दिश्य ॥
९०५४१ कल्पान्तक्रूरकेलिः क्रतुकदनकरः कुन्दकर्पूरकान्तिः  क्रीडन् कैलासकूटे कलितकुमुदिनीकामुकः कान्तकायः ।
९०५४२ कङ्कालक्रीडनोत्कः कलितकलकलः कालकालीकलत्रः  कालिन्दीकालकण्ठः कलयतु कुशलं कोऽपि कापालिको नः ॥
९०५५१ कल्पान्तपवना वान्तु यान्तु चैकत्वमर्णवाः ।
९०५५२ तपन्तु द्वादशादित्या नास्ति निर्मनसः क्षतिः ॥
९०५६१ कल्पान्तवाससंक्षोभलङ्घिताशेशभूभृतः
९०५६२ स्थैर्यप्रसादमर्यादास्ता एव हि महोदधेः ॥
९०५७१ कल्पान्ते क्रोधनस्य त्रिपुरविजयिनः क्रीडया संचरिष्णोः  कृत्वापि प्राणिजातैर्निजमुखकुहरातिथ्यमप्राप्ततृप्तेः ।
९०५७२ दिग्भित्तीः प्रेक्ष्य शून्याः प्रलयजलनिधिप्रेक्षितात्मीयमूर्ति  ग्रासव्यासक्तमोघश्रमजनितरुषः पान्तु वो गर्जितानि ॥
९०५८१ कल्पान्ते शमितत्रिविक्रममहाकङ्कालबद्धस्फुरच् छेषस्यूतनृसिंहपाणिनखरप्रोतादिकोलामिषः ।
९०५८२ विश्वैकार्णवताविशेषमुदितौ तौ मत्स्यकूर्मावुभौ  कर्षन् धीवरतां गतोऽस्यतु सतां मोहं महाभैरवः ॥
९०५८ १ कल्प्यते किमिति कर्मणचिन्ता  स्वेदमेदुरमिदं निजचेतः  ।
९०५८ २ पश्यतां नयति पूर्वभवात्तं  पुण्यमेव भुवनानि किमन्यत् ॥
९०५९१ कल्याणं कथयामि किं सहचरि स्वैरेषु शश्वत्पुरा  यस्या नाम समीरितं मुररिपोः प्राणेश्वरीति त्वया ।
९०५९२ साहं प्रेमभिदाभयात्प्रियतमं दृष्ट्वापि दूतं प्रभोः  सन्दिष्टास्मि न वेति संशयवती पृच्छामि नो किंचन ॥
९०६०१ कल्याणं नः किमधिकमितो जीवनार्थं यदस्माल् लूत्वा वृक्षानहह दहसि म्रातरङ्गारकार ।
९०६०२ किं त्वेतस्मिन्नशनिपिशुनैरातपैराकुलानाम्  अध्वन्यानामशरणमरुप्रान्तरे कोऽभ्युपायः ॥
९०६११ कल्याणं परिकल्प्यतां पिककुले रोहन्तु वाञ्छाप्तयो  हंसानामुदयोऽस्तु पूर्णशशिनः स्ताद्भद्रमिन्दीवरे ।
९०६१२ इत्युद्बाष्यवधूगिरः प्रतिपदं संपूरयन्त्यान्तिके  कान्तः प्रस्थितिकल्पितोपकरणः सख्या भृशं वारितः ॥
९०६२१ कल्याणं भगवत्कथाकथनतः काव्यं विधातुः कवेस् तस्यैवाङ्कतया क्वचिद्रचयतः शृङ्गारवीरादिकम् ।
९०६२२ को दोषो भविता यदत्र कविताशीलैः समाश्रीयते  पन्था व्यासवसुंधराश्रुतिभवग्रन्थादिषु प्रेक्षितः ॥
९०६३१ कल्याणं भवतां यशः प्रसरतां धर्मः सदा वर्धतां  संपत्तिः प्रथतां प्रजा प्रणमतां शत्रुक्षयो जायताम् ।
९०६३२ वाक्यं संवदतां वपुः प्रभवतां लक्ष्मीपतिः प्रीयताम्  आयुस्ते शरदां शतं विजयतां दानाय दीर्घायुषे ॥
९०६४१ कल्याणं भवतेऽस्तु कोकिलकुलाकल्पाय येन श्रुति  क्रूरक्रोष्टुरुतार्दितं कलरवैर्विश्वं समाश्वासितम् ।
९०६४२ अत्यन्ताभ्यसनाभ्युदित्वरबृहन्नादावबोधोल्लस  च्छब्दब्रह्मरसानुभूतिजनितानन्दौघनिष्यन्दिभिः ॥
९०६५१ कल्याणं वः क्रियासुर्मिलदटनियुगस्थास्नुगीर्वाणभोगि  स्त्रैणव्यत्यस्तकल्पद्रुमनवसुमनोनागहारावलीनि ।
९०६५२ नालीकाश्लिष्टलक्ष्मीकरतलकमलोद्वान्तमाध्वीकधारा  तिम्यत्फालेक्षणानि त्रिपुरहरधनुर्ज्यालताकर्षणानि॥
९०६६१ कल्याणं वो विधत्तां करटमदधुनीलोलकल्लोलमाला  खेलद्रोलम्बकोलाहलमुखरितदिक्चक्रवालान्तरालम् ।
९०६६२ प्रत्नं वेतण्डरत्नं सततपरिचलत्कर्णतालप्ररोह  द्वातङ्कूराजिहीर्षादरविवृतफणाशृङ्गभूषाभुजंगम् ॥
९०६७१ कल्याणदो भवेद्वीरे ध्रुवकश्चन्द्रशेखरः ।
९०६७२ द्विदिग्वर्णपदं यत्र त्रिपुटे च विधीयते ॥
९०६७३ द्रुतद्वन्द्वं लघुद्वन्द्वं ताले त्रिपुटसंज्ञके ॥
९०६७ १ कल्याणपादपारामं श्रुतगङ्गाहिमाचलम् ।
९०६७ २ ज्ञानाम्भोजरविं देवं वन्दे श्रीज्ञाननन्दनम् ॥
९०६८१ कल्याणभाक्सदा कार्ये सर्वसौभाग्यवर्धिनी ।
९०६८२ या खल्वेतादृशी भार्या सा देवी न तु मानुषी ॥
९०६८ १ कल्याणमावहतु नः कुहनावराहो  यस्यास्थिसीम्नि निखिलं प्रतिरोमकूपम् ।
९०६८ २ आभाति सप्रणयमुद्वहतो धरित्रीं  स्वेदाभिधान इव सात्त्विकहावभेदः ॥
९०६९१ कल्याणामावहतु वः शिवयोः शरीरम्  एकं यदीयमसितच्छविकण्ठमूलम् ।
९०६९२ वामेतरेऽपि कुरुते सितभासि भागे  प्रारब्धशैलतनयापरिणामशङ्काम् ॥
९०७०१ कल्याणवाक्त्वमिव किं पदमत्र कान्तं  सद्भूपतेस्त्वमिव कः परितोषकारी ।
९०७०२ कः सर्वदा वृषगतिस्त्वमिवातिमात्रं  भूत्याश्रितः कथय पालितसर्वभूतः ॥
९०७११ कल्याणस्तु यथाशक्ति करोति सफलं वचः ।
९०७१२ शठः पक्षौ चलयति द्वावप्यर्थोपलिप्सया ॥
९०७२१ कल्याणहितवान् भूपो गुरूणां दोषगुप्तकः ।
९०७२२ सममतिः सुखे दुःखे समरे चापलायितः ॥
९०७३१ कुलशीलेषु सम्पन्नो नीतिधर्मेषु पण्डितः ।
९०७३२ तथैव पूज्यते राजा चतुरस्रः प्रकीर्तितः ॥
९०७४१ कल्याणाङ्गरुचानुरक्तमनसा त्वं येन संप्रार्थ्यते  यस्यार्थे सुमुखि त्वया पुनरसुत्यागेऽपि संनह्यते ।
९०७४२ सोऽयं सुन्दरि पञ्चबाणविशिखव्यालीढदोरन्तर  स्वैरोत्पीडितपीवरस्तनतटस्त्वद्दोर्लतापञ्जरे ॥
९०७५१ कल्याणानां त्वमसि महसां भाजनं विश्वसूर्ते  धुर्यां लक्ष्मीमथ मयि भृशं धेहि देव प्रसीद ।
९०७५२ यद्यत्पापं प्रतिजहि जगन्नाथ नम्नस्य तन्मे  भद्रं भद्रं वितर भगवन् भूयसे मङ्गलाय ॥
९०७६१ कल्याणानां निधानं कलिमलमथनं पावनं पावनानां  पाथेयं यन्मुमुक्षोः सपदि परपदप्राप्तये प्रस्थितस्य ।
९०७६२ विश्रामस्थानमेकं कविवरवचसां जीवनं सज्जनानां  बीजं धर्मद्रुमस्य प्रभवतु भवतां भूतये रामनाम ॥
९०७७१ कल्याणानि ददातु वो गणपतिर्यस्मिन्नु तुष्टे सति  क्षोदीयस्यपि कर्मणि प्रभवितुं ब्रह्मापि जिह्मायते ।
९०७७२ जाते यच्चरणप्रणामसुलभे सौभाग्यभाग्योदये  रङ्कस्याङ्कमनङ्कुशा निविशते देवेन्द्रलक्ष्मीरपि ॥
९०७७१ कल्याणायभवन्तु खण्डपरशोः कोटीरवाटीरुहां  वल्लीनां वलयानि वेल्लदुरगश्रेणीनि शोणत्विषाम् ।
९०७७२ उन्मीलत्कनकारविन्दकलिकाकिञ्जल्कपुञ्जक्षरद् धूलीधूसरसिद्धसिन्धुलहरीसिन्दूरितेन्दूनि वः ॥
९०७८१ कल्याणि चन्दनरसैः परिषिच्य गात्रं  द्वित्राण्यहानि कथमप्यतिवाहयेथाः ।
९०७८२ अङ्के निधाय भवतीं परिरभ्य दोर्भ्यां  नेष्यामि सूर्यकिरणानपि शीतलत्वम् ॥
९०७९१ कल्याणि पाणिपतितानि विना विचारम्  एतानि मोक्तुमुचितानि न मौक्तिकानि ।
९०७९२ गुञ्जेति संजनयते यदिह भ्रमन्ते  हस्तारविन्दनयनोत्पलयोः प्रभैव ॥
९०८०१ कल्याणी बत गाथेयं लौकिकी प्रतिभाति मे ।
९०८०२ एति जीवन्तमानन्दो नरं वर्षशतादपि ॥
९०८११ कल्याणोल्लाससीमा कलयतु कुशलं कालमेघाभिरामा  काचित्साकेतधामा भवगहनगतिक्लान्तिहारिप्रणामा ।
९०८१२ सौन्दर्यह्रीणकामा धृतजनकसुतासादरापाङ्गधामा  दिक्षु प्रख्यातभूमा दिविषदभिनुता देवता रामनामा ॥
९०८२१ कल्योत्थानपरा नित्यं गुरुशुश्रूषणे रता ।
९०८२२ सुसंमृष्टगृहा चैव गोशकृत्कृतलेपना ॥
९०८३१ कल्लोलक्षिप्तपङ्कत्रिपुरहरशिरःस्वःस्रवन्तीमृणालं  कर्पूरक्षोदजालं कुसुमशरवधूसीधुभृङ्गारनालम् ।
९०८३२ एतद्दुग्धाब्धिबन्धोर्गगनकमलिनीपत्रपानीयबिन्दोर् अन्तस्तोषं न केषां किसलयति जगन्मण्डनं खण्डमिन्दोः ॥
९०८३ १ कल्लोलचपला लक्ष्मीः संगमाः स्वप्नसन्निभाः ।
९०८३ २ वात्याव्यतिकरोत्क्षिप्ततूलतुल्यं च यौवनम् ॥
९०८४१ कल्लोलवेल्लितदृषत्परुषप्रहारै  रत्नान्यमूनि मकरालय मावमंस्थाः ।
९०८४२ किं कौस्तुभेन विहितो भवतो न नाम  याच्ञाप्रसारितकरः पुरुषोत्तमोऽपि ॥
९०८५१ कल्लोलसंचलदगाधजलैरलोलैः  कल्लोलिनीपरिवृढैः किमपेयतोयैः ।
९०८५२ जीयात्स जर्जरतनुर्गिरिनिर्झरोऽयं  यद्विप्रुषापि तृषिता वितृषीभवन्ति ॥
९०८६१ कल्लोलैः स्थगयन्मुखानि ककुभामभ्रंलिहैरम्भसा  क्षारेणापि दिवानिशं जलनिधे गर्जन्न विश्राम्यसि ।
९०८६२ एतत्ते यदि घोरनक्रनिलयं स्वादु व्यधास्याद्विधिः  किं कर्तासि तदा न वेद्मि तरलैः स्वैरेव दुश्चेष्टितैः ॥
९०८७१ कल्लोलैर्विकिरत्वसौ गिरिवरान् वेलाविलासोत्थितैः  शब्दैर्वा बधिरीकरोतु ककुभो धत्तां च विस्तीर्णताम् ।
९०८७२ पान्थानां रवितापतप्तवपुषां तृष्णातिरेकच्छिदः  किं साम्यं प्रतनोः करोतु सरसोऽप्यब्धिः कृताडम्बरः ॥
९०८८१ कवयः कवयन्तु तैलभुक्ताः  सरसा एव परन्तु दाक्षिणात्याः ।
९०८८२ अपि लोचनचञ्चला हरिण्यो  मदिराक्ष्या न समाः कटाक्षपातैः ॥
९०८९१ कवयः कालिदासाद्याः कवयो वयमप्यमी ।
९०८९२ पर्वते परमाणौ च वस्तुत्वमुभयोरपि ।
९०९०१ कवयः किं न पश्यन्ति किं न भक्षन्ति वायसाः ।
९०९०२ प्रमदाः किं न कुर्वन्ति किं न जल्पन्ति मद्यपाः ॥
९०९११ कवयः किं न पश्यन्ति किं न भक्षन्ति वायसाः ।
९०९१२ मद्यपाः किं न जल्पन्ति किं न कुर्वन्ति योषितः ॥
९०९२१ कवयः परितुष्यन्ति नेतरे कविसूक्तिभिः ।
९०९२२ नह्यकूपारवत्कूपा वर्धन्ते विधुकान्तिभिः ॥
९०९३१ कवलयति न चेतस्तस्य दारिद्र्यदुःखं  न च पिशुनजनोक्तिः कर्णकण्डूं करोति ।
९०९३२ वरकविकृतगोष्ठीबन्धगन्धोपभोगे  य इह मधु वमन्तीं काव्यचिन्तां करोति ॥
९०९४१ कवयति पण्डितराजे  कवयन्त्यन्येऽपि विद्वांसः ।
९०९४२ नृत्यति पिनाकपाणौ  नृत्यन्त्यन्येऽपि भूतवेतालाः ॥
९०९५१ कवयो वद कुत्र कीदृशाः  कठिनं किं विदितं समन्ततः ।
९०९५२ अधुना तव वैरियोषितां  हृदि तापः प्रबलो विहाय काः ॥
९०९५ १ कवलयसि चन्द्रदीधिती  र्नविरलमश्नासि नूनमङ्गारान् ।
९०९५ २ अधिकतरमुष्णमनयोः  किमिह चकोरावधारयसि ॥
९०९६१ कवलितमिह नालं कन्दलं चेह दृष्टम्  इह हि कुमुदकोशे पीतमम्भः सुशीतम् ।
९०९६२ इति विरटति रात्रौ पर्यटन्ती तटान्ते  सहचरपरिमुक्ता चक्रवाकी वराकी ॥
९०९७१ कविः करोति काव्यानि पण्डितो वेत्ति तद्रसम् ।
९०९७२ कामिनीकुचकाठिन्यं पतिर्जानाति नो पिता ॥
९०९८१ कविः करोति काव्यानि स्वादु जानाति पण्डितः ।
९०९८२ सुन्दर्या अपि लावण्यं पतिर्जानाति नो पिता ॥
९०९९१ कविः करोति पद्यानि लालयत्युत्तमो जनः ।
९०९९२ तरुः प्रसूते पुष्पाणि मरुद्वहति सौरभम् ॥
९१००१ कविः पिता पोषयति पालको रसिकः पतिः ।
९१००२ कवितायुवतेर्नूनं सोदरास्तु विवेकिनः ॥
९१०११ कविः सूयति काव्यानि हृदा दधति सज्जनाः ।
९१०१२ सूते मुक्ताः पयोराशिर्वहन्ति तरुणीस्तनाः ॥
९१०२१ कविताकलनेन किं नृपाणां  यदि कवयो न लभन्ति पूर्णकामाः ।
९१०२२ नयनेन किमेणलोचनानां  यदि वक्रं न विलोकिता युवानः ॥
९१०३१ कविताकुन्दविकासन  कृतिने विजितजनतानिदाघाय ।
९१०३२ दलितोद्दामाघाय  प्रणतिं कलयामि माघाय ॥
९१०४१ कविता वनिता कस्य न मोदाय सचेतसः ।
९१०४२ रस एव सदा तस्या नरीनर्तीव सर्वतः ॥
९१०५१ कवित्वं न शृणोत्येव कृपणः कीर्तिवर्जितः ।
९१०५२ नपुंसकः किं कुरुते पुरःस्थितमृगीदृशा ॥
९१०६१ कवित्वगानप्रियवादसत्या  न्यस्या विधाता व्यधिताधिकण्ठम् ।
९१०६२ रेखात्रयन्यासमिषादमीषां  वासाय सोऽयं विबभाज सीमाः ॥
९१०७१ कवित्वप्रोद्गुम्फश्रवणकृतझम्पव्यतिकरं  चिरं येषां स्वान्तं समजनि नितान्तं रसवशम् ।
९१०७२ अमीषां पीयूषापचितसुरयोषाधरपुटो  ल्लसन्माधुर्ये वा समुदयति किं वा रतिरपि ॥
९१०८१ कवित्वमारोग्यमतीव मेधा  स्त्रीणां प्रियत्वं कनकस्य लाभः ।
९१०८२ सर्वेषु तथ्यं स्वजनेषु पूजा  स्वर्गस्थितानां किल चिह्नमेतत् ॥
९१०८ १ कवित्वशक्तिर्हि दिवोऽवतीर्णा  भूमौ सुधासार इवार्यपुण्यात् ।
९१०८ २ पुनर्ग्रहीतुं निजवस्तु देवाः  समागतास्तत्कवयः समुत्काः ॥
९१०९१ कवित्वे वादित्वं कनककुसुमे सौरभगुणो  धनित्वे दातृत्वं विषमतरुफले स्वादुरसता ।
९१०९२ कुलीने सौजन्यं मृगमदरसे रागरचना  प्रभुत्वे विद्वत्त्वं परभृतमुखे मानुषवचः ॥
९१०९ १ कविभावकृतं चिह्नमन्यत्रापि न दुष्यति ।
९१०९ २ मुखमिष्टार्थसंसिद्धं किं हि न स्यात्कृतात्मनाम् ॥
९११०१ कविभिर्नूपसेवासु चित्रालंकारहारिणी ।
९११०२ वाणी वेश्येव लोभेन परोपकरणीकृता ॥
९११११ कविमतिरिव बहुलोहा  सुघटितचक्रा प्रभातवेलेव ।
९१११२ हरमूर्तिरिव हसन्ती  भाति विधूमानलोपेता ॥
९११२१ कविरनुहरति च्छायां  पदमेकं पादमेकमर्धं वा ।
९११२२ सकलप्रबन्धहर्त्रे  साहसकर्त्रे नमस्तस्मै ॥
९११३१ कविरमरः कविरचलः  कविरभिनन्दश्च कालिदासश्च ।
९११३२ अन्ये कवयः कपयश् चापलमात्रं पदं दधति ॥
९११४१ कविरविमहोत्कर्षान् हर्षन् प्रपञ्चय पञ्चषान्  स्खलसि रसने किं वा सर्वान् प्रवक्तुमनीश्वरे ।
९११४२ गणयति यदप्येतान् धाता दिनावलिमालया  तदपि भगवानेषामन्तं कदापि न विन्दति ॥
९११५१ कविरहिताः कविलापा  जायन्ते कण्ठशोषणायैव ।
९११५२ संमुखगतः कविश्चेत् भवति कुलपितापि कविकुलपितैव ॥
९११६१ कविरेव कवेर्वेत्ति काव्यकर्मणि कौशलम् ।
९११६२ शेषाहिरेव जानाति भुवो भारस्य निश्चयम् ॥
९११६ १ कविर्भारद्वाजो जगदवधिजाग्रन्निजयशा  रसश्रेणीमर्मव्यवहरणहेवाकरसिकः ।
९११६ २ यदीयानां वाचां रसिकहृदयोल्लासनविधा  वमन्दानन्दात्मा परिणयति सन्दर्भमहिमा ॥
९११७१ कविवाक्यामृततीर्थ  स्नानैः पूता भृशं यशोदेहाः ।
९११७२ येषां त एव भूपा  जीवन्ति मृता वृथैवान्ये ॥
९११८१ कविविद्यादुराधर्षो यो राक्षस इवापरः ।
९११८२ दक्षिणस्थो लब्धवर्णो विख्यातः कविराक्षसः ॥
९११९१ कविषु दधतमुत्कर्षं  विस्फुरदनवद्यहृद्यवाग्वर्षम् ।
९११९२ इह खलु खलप्रधर्षं  श्रीहर्षं नौमि हर्षसंघर्षम् ॥
९१२०१ कविहृदयेष्वनसूया  कस्तूरीकर्दमेष्वमालिन्यम् ।
९१२०२ अक्षारता पयोधा  ववनीपालेषु पाण्डित्यम् ॥
९१२११ कवीनां च बुधानां च वदान्यानां च यो गुरुः ।
९१२१२ नानाशास्त्रचणप्रज्ञः शिवनाथः स नम्यते ॥
९१२२१ कवीनां महतां सूक्तैर्गूढार्थान्तरसूचिभिः ।
९१२२२ विध्यमानश्रुतेर्माभूद्दुर्जनस्य कथं व्यथा ॥
९१२३१ कवीनां मानसं नौमि तरन्ति प्रतिभाम्भसि ।
९१२३२ यत्र हंसवयांसीव भुवनानि चतुर्दश ॥
९१२४१ कवीनां संतापो भ्रमणमभितो दुर्गतिरिति  त्रयाणांपञ्चत्वं रचयसि न तच्चित्रमधिकम् ।
९१२४२ चतुर्णां वेदानां व्यरचि नवता वीर भवता  द्विषत्सेनालीनाभयुतमपि लक्षं त्वमकृथाः ॥
९१२५१ कवीनामगलद्दर्पो नूनं वासवदत्तया ।
९१२५२ शक्त्येव पाण्डुपुत्राणां गतया कर्णगोचरम् ॥
९१२६१ कवीन्दुं नौमि वाल्मीकिं यस्य रामायणीं कथाम् ।
९१२६२ चन्द्रिकामिव चिन्वन्ति चकोरा इव साधवः ॥
९१२७१ कवीन्द्राणामासन् प्रथमतरमेवाङ्गणभुवश् चलद्भृङ्गासङ्गाकुलकरिमदामोदमधुराः ।
९१२७२ अमी पश्चात्तेषामुपरि पतिता रुद्रनृपतेः  कटाक्षाः क्षीरोदप्रसरदुरुवीचीसहचराः ॥
९१२८१ कवीश्वराणां वचसां विनोदैर् नन्दन्ति विद्यानिधयो न चान्ये ।
९१२८२ चन्द्रोपला एव करैः सुधांशोर् द्रवन्ति नान्या दृषदः कदाचित् ॥
९१२९१ कवेरभिप्रायमशब्दगोचरं  स्फुरन्तमार्द्रेषु पदेषु केवलम् ।
९१२९२ वदद्भिरङ्गैः कृतरोमविक्रियैर् जनस्य तूष्णीं भवतोऽयमञ्जलिः ॥
९१३०१ कशाभिरिव हैमीभिर्विद्युद्भिरभिताडितम् ।
९१३०२ अन्तःस्तनितनिर्घोषं सवेदनमिवाम्बरम् ॥
९१३११ कश्च प्रत्यक्षमुत्सृज्य संशयस्थमलक्षणम् ।
९१३१२ आयतिस्थं चरेद्धर्म क्षत्रबन्धुरनिश्चितम् ॥
९१३२१ कश्चिच्छस्त्रापातमूढोऽपवोढुर् लब्ध्वा भूयश्चेतनामाहवाय ।
९१३२२ व्यावर्तिष्ट क्रोशतः सख्युरुच्चैस् त्यक्तश्चात्मा का च लोकानुवृत्तिः ॥
९१३३१ कश्चित्कराभ्यामुपगूढनालम्  आलोलपत्राभिहतद्विरेफम् ।
९१३३२ रजोभिरन्तःपरिवेषबन्धि  लीलारविन्दं भ्रमयांचकार ॥
९१३४१ कश्चित्कष्टं किरति करकाजालमेकोऽतिमात्रं  गर्जत्येव क्षिपति विषयं वैद्युतं वह्निमन्यः ।
९१३४२ सूते वातं जवनमपरस्तेन जानीहि तावत् किं व्यादत्से विहग वदनं तत्र तत्राम्बुवाहे ॥
९१३५१ कश्चित्कस्यचिदेव स्यात्सुहृद्विश्रम्भभाजनम् ।
९१३५२ पद्मं विकासयत्यर्कः संकोचयति कैरवम् ॥
९१३६१ कश्चित्कान्ताविरहगुरुणा स्वाधिकारात्प्रमत्तः  शापेनास्तंगमितमहिमा वर्षभोग्येण भर्तुः ।
९१३६२ यक्षश्चक्रे जनकतनयास्नानपुण्योदकेषु  स्निग्धच्छायातरुषु वसतिं रामगिर्याश्रमेषु ॥
९१३७१ कश्चित्क्रन्दति कालकर्कशकराकृष्टं विनष्टं हठाद् उत्कृष्टं तनयं विलोक्य पुरतः पुत्रेति हा हा क्वचित् ।
९१३७२ कश्चिन्नर्तकनर्तकीपरिवृतो नृत्यत्यहो कुत्रचिच् चित्रं संसृतिपद्धतिः प्रथयति प्रीतिं च कष्टं च नः ॥
९१३८१ कश्चित्तरति काष्ठेन सुगम्भीरां महानदीम् ।
९१३८२ स तारयति तत्काष्ठं स च काष्ठेन तार्यते ॥
९१३९१ कश्चित्तावत्त्वया दृष्टः श्रुतो वा शङ्कितोऽपि वा ।
९१३९२ क्षितौ वा यदि वा स्वर्गे यस्य मृत्युर्न विद्यते ॥
९१४०१ कश्चित्पण्यस्त्रीणां  विभवोपचितान्यपुरुषयोजनया ।
९१४०२ विदधाति स्माराधन  मधनत्वमुपागतः कामी ॥
९१४११ कश्चित्पान्थस्तृषार्तः पथि तपऋतौ गम्यमानोऽन्यपान्थं  पप्रच्छानन्दलीनो वद पथिक कुतो जह्नुकन्याप्रवाहः ।
९१४१२ तेनासौ शीघ्रवाचा प्रचलितमनसा विप्रवर्येण चोचे  सूच्यग्रे कूपषट्कं तदुपरि नगरी तत्र गङ्गाप्रवाहः ॥
९१४२१ कश्चित्पुमान् क्षिपति मां प्रति रूक्षवाक्यैः  सोऽहं क्षमाभरणमेत्य मुदं प्रयामि ।
९१४२२ शोकं व्रजामि पुनरेवमयं तपस्वी  चारित्रतः स्खलितवानिति मन्निमित्तम् ॥
९१४३१ कश्चिदाम्रवणं छित्त्वा पलाशांश्च निपिञ्चति ।
९१४३२ पुष्पं दृष्ट्वा फले गृध्नुः स शोचति फलागमे ॥
९१४४१ कश्चिदाश्रयसौन्दर्याद्धत्ते शोभामसज्जनः ।
९१४४२ प्रमदालोचनन्यस्तं मलीमसमिवाञ्जनम् ॥
९१४५१ कश्चिद्दैवेन सौमित्रे योद्धुमुत्सहते पुमान् ।
९१४५२ यस्य न ग्रहणं किंचित्कर्मणोऽन्यत्र दृश्यते ॥
९१४६१ कश्चिद्दैवेन सौमित्रै योद्धुमुत्सहते सह ।
९१४६२ यस्येह विग्रहोपायो न कथंचन विद्यते ॥
९१४७१ कश्चिद्द्विषत्खड्गहृतोत्तमाङ्गः  सद्यो विमानप्रभुतामुपेत्य ।
९१४७२ वामाङ्गसंसक्तसुराङ्गनः स्वं  नृत्यत्कबन्धं समरे ददर्श ॥
९१४८१ कश्चिद्यथाभागमवस्थितेऽपि  स्वसंनिवेशाद्व्यतिलङ्घिनीव ।
९१४८२ वज्रांशुगर्बाङ्गुलिरन्ध्रमेकं  व्यापारयामास करं किरीटे ॥
९१४९१ कश्चिद्वाचं रचयितुमलं श्रोतुमेवापरस्ताम्  कल्याणी ते मतिरुभयतो विस्मयं नस्तनोति ।
९१४९२ न ह्येकस्मिन्नतिशयवतां संनिपातो गुणानाम्  एकः सूते कनकमुपलस्तत्परीक्षाक्षमोऽन्यः ॥
९१५०१ कश्चिन्नवं पल्लवमाददाति  कश्चित्प्रसूनानि फलानि कश्चित् ।
९१५०२ परं करालेऽस्य निदाघकाले  मूले न दाता सलिलस्य कश्चित् ॥
९१५११ कश्चिन्मालासमं मित्रं कश्चिन्मित्रं तुलासमम् ।
९१५१२ कश्चिन्मेरुसमं मित्रं कश्चिन्मित्रं महीसमम् ॥
९१५२१ कश्चिन्मूर्च्छामेत्य गाढप्रहारः  सिक्तः शीतैः शीकरैर्वारणस्य ।
९१५२२ उच्छश्वास प्रस्थिता तं जिघृक्षुर् व्यर्थाकूता नाकनारी मुमूर्च्छ ॥
९१५३१ कश्चुम्बति कुलपुरुषो  वेश्याधरपल्लवं मनोज्ञमपि ।
९१५३२ चारभटचौरचेटक  नटविटनिष्ठीवनशरावम् ॥
९१५४१ कश्मीरान् गन्तुकामस्य मीरशाहाख्यभूपतेः ।
९१५४२ शाहाबुद्दीनभूमीन्द्रः प्राहिणोदिति लेखकम् ॥
९१५५१ किमेवमविशङ्कितः शिशुकुरङ्ग लोलक्रमं  परिक्रमितुमीहसे विरम नैव शून्यं वनम् ।
९१५५२ स्थितोऽत्र गजयूथनाथमथनोच्छलच्छोणितच् छटापटलभासुरोत्कटसटाभरः केसरी ॥
९१५५ १ कषायकलुषो जीवो रागरञ्जितमानसः ।
९१५५ २ चतुर्गतिभवाम्भोधौ भिन्ननौरिव सीदति ॥
९१५५ १ कषायपशुभिर्दुष्टैर्धर्मकामार्थनाश कैः ।
९१५५ २ शममन्त्रहतैर्यज्ञं विधेहि विहितं बुधैः ॥
९१५६१ कषायमुक्तं कथितं चरित्रं  कषायवृद्धावुपघातमेति ।
९१५६२ यदा कषायः शममेति पुंसस् तदा चरित्रं पुनरेति पूतम् ॥
९१५६ १ कषायरागवचनं वीतरागोऽधरस्तव ।
९१५६ २ विहारः कण्ठदेशश्च दूति प्रव्रजितासि किम् ॥
९१५६ १ कषायविजये सौख्यमिन्द्रियाणां च निग्रहे ।
९१५६ २ जायते परमोत्कृष्टमात्मनो भवभेदि यत् ॥
९१५६ १ कषायविषयार्तानां देहिनां नास्ति निर्वूतिः ।
९१५६ २ तेषां च विरमे सौख्यं जायते परमाद्भुतम् ॥
९१५६ १ कषायविषयाहारत्यागो यत्र विधीयते ।
९१५६ २ उपवासः स विज्ञेयः शेषं लङ्घनकं विदुः ॥
९१५७१ कषायसङ्गौ सहते न वृत्तं  समार्द्रचक्षुर्न दिनं च रेणुम् ।
९१५७२ कषायसङ्गौ विधुनन्ति तेन  चारित्रवन्तो मुनयः सदापि ॥
९१५७ १ कषायान् शत्रुवत्पश्येद्विषयान् विषवत्तथा ।
९१५७ २ मोहं च परमं व्याधिमेवमूचुर्विचक्षणाः ॥
९१५७ १ कषाया विषया योगाः प्रमादाविरती तथा ।
९१५७ २ मिथ्यात्वमार्तरौद्रे चेत्यशुभं प्रति हेतवः ॥
९१५७ १ कषायास्तन्निहन्तव्यास्तथा तत्सहचारिणः ।
९१५७ २ नोकषायाः शिवद्धारा गलीभूता मुमुक्षुभिः ॥
९१५८१ कषायैरुपवासैश्च कृतामुल्लाघतां नृणाम् ।
९१५८२ निजौषधकृतां वैद्यो निवेद्य हरते धनम् ॥
९१५९१ कष्टं कर्मेति दुर्मेधाः कर्तव्याद्विनिवर्तते ।
९१५९२ न साहसमनारभ्य श्रेयः समुपलभ्यते ॥
९१६०१ कष्टं खलु मूर्खत्वं  कष्टं खलु यौवने च दारिद्र्यम् ।
९१६०२ कष्टादपि कष्टतरं  परगृहवासः प्रवासश्च ॥
९१६११ कष्टं च खलु मूर्खत्वं कष्टं च खलु यौवनम् ।
९१६१२ कष्टात्कष्टतरं चैव परगेहनिवासनम् ॥
९१६२१ कष्टं जीवति गणको  गणिका कथकश्च सेवको वैद्यः ।
९१६२२ दिवसे दिवसे मरणं  परजनमनरञ्जनी वृत्तिः ॥
९१६३१ कष्टं नैव परिस्थिते समुदियात्कार्येषु नो जातुचित् संजायेत न चापि तद्व्यतिकराद्बाह्यादकिंचित्करात् ।
९१६३२ कस्माच्चित्खलु भावतोऽन्तरभवात्त्वस्माकमुत्पद्यते  प्राणस्यैव विशेषतोऽन्तरशयाद्भावात्समुज्जृम्भते ॥
९१६४१ कष्टं वने निवसतोऽत्र सदा नरस्य  नो केवलं निजतनुप्रभवं भवेच्च ।
९१६४२ दैवं च पित्र्यमखिलं न विभाति कृत्यं  तस्माद्गृहे निवसतात्महितं प्रचिन्त्यम् ॥
९१६५१ कष्टं साहसकारिणि  तव नयनार्धेन सोऽध्वनि स्पृष्टः ।
९१६५२ उपवीतादपि विदितो  न द्विजदेहस्तपस्वी ते ॥
९१६६१ कष्टं हृदि ज्वलति शोकमयो ममाग्निस् ते चक्षुषी च विरहज्वरजागरुके ।
९१६६२ एतन्मनो भ्रमति विष्वगसूंस्तथापि  त्वं पश्यतोहर इव स्मर हर्तुकामः ॥
९१६७१ कष्टा वृत्तिः पराधीना कष्टो वासो निराश्रयः ।
९१६७२ निर्धनो व्यवसायश्च सर्वकष्टा दरिद्रता ॥
९१६८१ कष्टा वेधव्यथा कष्टो नित्यं च वहनक्लमः ।
९१६८२ श्रवणानामलंकारः कपोलस्य तु कुण्डलम् ॥
९१६९१ कष्टे नोपार्जितं वित्तं हेलया क्वापि निर्गतम् ।
९१६९२ किं करोमि क्व गच्छामि निर्भाग्योऽहं भुवस्तले ॥
९१७०१ कष्टो जनः कुलधनैरनुरञ्जनीयस् तन्नो यदुक्तमशिवं न हि तत्क्षमं ते ।
९१७०२ नैसर्गिकी सुरभिणः कुसुमस्य सिद्धा  मूर्ध्नि स्थितिर्न चरणैरवताडनानि ॥
९१७० १ कष्टोपार्जितमत्र वित्तम्खिलं द्यूते मया योजितं  विद्या कष्टतरं गुरोरधिगता व्यापारिता कुस्तुतौ ।
९१७० २ पारम्पर्यसमागता च विनयो वामेक्षणायां कृतः  सत्पात्रे किमहं करोमि विवशः कालेऽद्य नेदीयसि ॥
९१७११ कस्तस्य जीवितार्थः  सति विभवे कश्च तस्य पुरुषार्थः ।
९१७१२ योऽर्थिनमभिमुखमागतम्  अनभिमुखः सन् विसर्जयति ॥
९१७२१ कस्तां निन्दति लुम्पति  कः स्मरफलकस्य बर्णकं मुग्धः ।
९१७२२ को भवति रत्नकण्टकम्  अमृते कस्यारुचिरुदेति ॥
९१७३१ कस्तावद्बलिकर्णभार्गवमहादानप्रमाणस्तवः  कश्चासौ कुरुपाण्डपाण्डुरयशः प्रस्तावनाविस्तरः ।
९१७३२ यावद्वर्षति वीरसिंहतनयो वृष्टीरिमाः काञ्चनीर् धाराः प्रावृषि तावदञ्जनरुचिर्धारा न धाराधरः ॥
९१७४१ कस्तूरिकां तृणभुजामटवीमृगाणां  निक्षिप्य नाभिषु चकार च तान् वधार्हान् ।
९१७४२ मूढो विधिः सकलदुर्जनलोलजिह्वा  मूले स्म निक्षिपति चेत्सकलोपकारः ॥
९१७५१ कस्तूरिकां हरिण मुञ्च वनोपकण्ठं  मा सौरभेण ककुभः सुरभीकुरुष्व ।
९१७५२ आस्तां यशो ननु किरातशराभिघातात् त्रातापि हन्त भविता भवतो दुरापः ॥
९१७६१ कस्तूरिकाचन्दनकुङ्कुमानि  सौभाग्यचिह्नानि विलासिनीनाम् ।
९१७६२ प्रयागमृत्स्नातिलकक्रियैव  सौभाग्यचिह्नं विधवाललाटे ॥
९१७७१ कस्तूरिकातिलकमालि विधाय सायं  स्मेरानना सपदि शीलय सौधमौलिम् ।
९१७७२ प्रौढिं भजन्तु कुमुदानि मुदामुदाराम्  उल्लासयन्तु परितो हरितो मुखानि ॥
९१७७ १ कस्तूरिकादिक्रयविक्रयाङ्गां  यदृच्छया यद्विपणिं गतानाम् ।
९१७७ २ सौरभ्यमङ्गेषु समग्रलग्नम्  न हीयते पञ्चषमप्यहानि ॥
९१७८१ कस्तूरिकामृगाणाम्  अण्डाद्गन्धगुणमखिलमादाय ।
९१७८२ यदि पुनरहं विधिः स्यां  खलजिह्वायां निवेशयिष्यामि ॥
९१७९१ कस्तूरी जायते कस्मात्को हन्ति करिणां शतम् ।
९१७९२ किं कुर्यात्कातरो युद्धे मृगात्सिंहः पलायनम् ॥
९१८०१ कस्तूरीति, किमङ्ग, सांपरिमलद्रव्यं किमप्यामरं  पेया किं, न हि, कीदृशी, मृगदृशां शृङ्गारलीलास्पदम् ।
९१८०२ धार्या कुत्र, कुचस्थलीषु, कुचयोः स्थौल्यं ततो हीयते  क्लिष्टः क्लिश्यति पक्वणैश्च बहुशः कस्तूरिकाविक्रयी ॥
९१८११ कस्तूरीतिलकं तस्या  जनयति शोभां भ्रुवोरन्तः ।
९१८१२ कोदण्डमध्यलग्नं  फलमिव पञ्चेषुबाणस्य ॥
९१८२१ कस्तूरीतिलकं बाले भाले मा कुरु मा कुरु ।
९१८२२ अद्य साम्यं भजामीति जृम्भते शशलाञ्छनः ॥
९१८३१ कस्तूरीतिलकं बाले भाले मा कुरु मा कुरु ।
९१८३२ कलङ्कशङ्कया राहुर्ग्रसिष्यति तवाननम् ॥
९१८४१ कस्तूरीतिलकं ललाटफलके वक्षःस्थले कौस्तुभं  नासाग्रे नवमौक्तिकं करतले वेणुं करे कङ्कणम् ।
९१८४२ सर्वाङ्गे हरिचन्दनं च कलयन् कण्ठे च मुक्तावलिं  गोपस्त्रीपरिवेष्टतो विजयते गोपालचूडामणिः ॥
९१८५१ कस्तूरीतिलकं ललाटरचितं नासामणिं निस्तलं  वक्त्रं कुञ्चितकेशपाशमनिशं दृष्टिं निसृष्टां पुरः ।
९१८५२ पुंसां मानसमत्स्यबन्धनविधौ धत्सेऽत्र वत्से स्वयं  जम्बूवज्जलबिन्दुवज्जलजवज्जम्बालवज्जालवत् ॥
९१८६१ कस्तूरीतिलकन्ति भालफलके देव्या मुखाम्भोरुहे  रोलम्बन्ति तमालबालमुकुलोत्तंसन्ति मौलिं प्रति ।
९१८६२ याः कर्णे विकचोत्पलन्ति कुचयोरङ्के च कालागुरु  स्थासन्ति प्रथयन्तु तास्तव शिवं श्रीकण्ठकण्ठत्विषः ॥
९१८७१ कस्तूरीयन्ति भाले तदनु नयनयोः कज्जलीयन्ति कर्ण  प्रान्ते नीलोत्पलीयन्त्युरसि मरकतालंकृतीयन्ति देव्याः ।
९१८७२ रोमालीयन्ति नाभेरुपरि हरिमणीमेखलीयन्ति मध्ये  कल्याणं कुर्युरेते त्रिजगति पुरजित्कण्ठभासां विलासाः ॥
९१८८१ कस्तूरीवरपत्रभङ्गनिकरो भ्रष्टो न गण्डस्थले  नो लुप्तं सखि चन्दनं स्तनतटे धौतं न नेत्राञ्जनम् ।
९१८८२ रागो न स्खलितस्तवाधरपुटे ताम्बूलसंवर्धितः  किं रुष्टासि गजेन्द्रमत्तगमने किं वा शिशुस्ते पतिः ॥
९१८९१ कस्तूरी सितिमानमागतवती शौक्ल्यं गताः कुन्तला  नीलं चोलमभूत्सितं धवलिमा जातो मणीनां गणे ।
९१८९२ ध्वान्तं शान्तमभूत्समं नरपते त्वत्कीर्तिचन्द्रोदये  त्रैलोक्येङ्प्यभिसारसाहसरसः शान्तः कुरङ्गीदृशाम् ॥
९१८९ १ कस्तूर्या तत्कपोलद्वयभुवि मकरीनिर्मितौ प्रस्तुतायां  निर्मित्सूनां स्ववक्षस्यतिपरिचयनात्त्वत्प्रशस्तीरुपांशु ।
९१८९ २ वीर श्रीसिंहभूप त्वदहितकुभुजां राज्यलक्ष्मीसपत्नी  मानव्याजेन लज्जां सपदि विदधते स्वावरोधे प्रगल्भाः ॥
९१९०१ कस्ते शशाङ्क मोहः  सुधाकरोऽहं न कोऽपि मद्भिन्नः ।
९१९०२ किं ननु पश्यसि निजभा  जयि वनिताया मुखं मूढ ॥
९१९११ कस्ते शौर्यमदो योद्धुं त्वय्येकं सप्तिमास्थिते ।
९१९१२ सप्तसप्तिसमारुढा भवन्ति परिपन्थिनः ॥
९१९२१ कस्त्वं, कृष्णमवेहि मां किमिह ते, मन्मन्दिराशङ्कया  युक्तं तन्नवनीतभाजनपुटे न्यस्तः किमर्थं करः ।
९१९२२ कर्तुं तत्र पिपीलिकापनयनं, सुप्ताः किमुद्बोधिता  बाला, वत्सगतिं विवेक्तुमिति संजल्पन् हरिः पातु वः ॥
९१९३१ कस्त्वं, कोऽपि, कुतोऽसि, रत्नवसतेस्तीरादहं नीरधेर्,  लब्धं किंचन, गर्जितैर्बधिरता दृग्व्याहतिः सैकतैः ।
९१९३२ मा खेदं कुरु तादृगौर्वदहनज्वालावलीदुःसहं  क्षारोदं यदुपास्य जीवसि सखे श्लाघ्यं न तन्मन्यसे ॥
९१९४१ कस्त्वं कोऽहं कुत आयातः  का मे जननी को मे तातः ।
९१९४२ इति परिभावय सर्वमसारं  सर्वं त्यक्वा स्वप्नविचारम् ॥
९१९५१ कस्त्वं, तासु यदृच्छया, कितव यास्तिष्ठन्ति गोपाङ्गनाः  प्रेमाणं न विदन्ति यास्, तव हरे किं तासु ते कैतवम् ।
९१९५२ एषा हन्त हताशया यदभवं त्वय्येकताना परं  तेनास्याः प्रणयोऽधुना खलु मम प्राणैः समं यास्यति ॥
९१९६१ कस्त्वं, पीतांबरोऽहं, किमु वदसि मृषा चांबरं केन पीतं  मुग्धे कंसस्य शत्रुः, शिव शिव सालिलं सस्यवैरि क्व दृष्टम्।
९१९६२ मल्लास्यध्वंसनोऽहं किमिति निजमहो लास्यमध्वंसि चेति  व्याहारैर्वल्लवीनां निशि भवतु मुदेऽनुत्तरः श्रीपतिर्वः ॥
९१९७१ कस्त्वं ब्रह्म, न्नपूर्वः, क्व च तव वसति, र्याखिला ब्रह्मसृष्टिः  कस्ते नाथो, ह्यनाथः, क्व च तव जनको, नैव तातं स्मरामि
९१९७२ किं तेऽभीष्टं ददामि, त्रिपदपरिमिता भूमि, रल्पं किमेतत् त्रैलोक्यं, भावगर्भं बलिमिदमवदद्वामनो वः स पायात् ॥
९१९८१ कस्त्वं ब्रह्मन्न्, अपूर्वस्, त्वदनुचरजनो, नास्त्यनाथोऽहमेकः,  किं दद्यामीप्सितं ते, त्रिपदविहरणस्थानमेतत्, कियत्ते ।
९१९८२ त्रैलोक्यं तद्द्विजातेर्मम शमनिरतस्येति सम्मूढभावा  विष्णोर्वाचः सुरारौ कृतकपटपदन्यासमुग्धाः पुनन्तु ॥
९१९९१ कस्त्वं भद्र, खलेश्वरोऽहम्, इह किं घोरे वने स्थीयते,  शार्दूलादिभिरेव हिंस्रपशुभिः भोज्योऽहमित्याशया ।
९१९९२ कस्मात्कष्टमिदं त्वया व्यवसितं, मद्देहमाम्साशिनः  प्रत्युत्पन्ननृमांसभक्षणधियस्ते घ्नन्तु सर्वान्नरान् ॥
९२००१ कस्त्वं भोः, कथयामि दैवहतकं मां विद्धि शाखोटकं  वैराग्यादिव वक्षि, साधु विदितं, कस्मादिदं, कथ्यते ।
९२००२ वामेनात्र वटस्तमध्वगजनः सर्वात्मना सेवते  न च्छायापि परोपकारकरणे मार्गस्थितस्यापि मे ॥
९२०११ कस्त्वं भोः, कविरस्मि, तत्किमु सखे क्षीणोऽस्य, नाहारतो  धिग्देशं गुणिनोऽपि, दुर्मतिरियं देशं न मामेव धिक् ।
९२०१२ पाकार्थी क्षुधितो यदैव विदधे पाकाय दुद्धिं तदा  विन्ध्ये नेन्धनमम्बुधौ न सलिलं नान्नं धरित्रीतले ॥
९२०२१ कस्त्वं भो निशि, केशवः, शिरसिजैः किं नाम गर्वायसे  भद्रे शौरिरहं, गुणैः र्पितृगतैः पुत्रस्य किं स्यादिह ।
९२०२२ चक्री चन्द्रमुखि, प्रयच्छसि न मे कुण्डीं घटीं देहिनीम्  इत्थं गोपवधूहृतोत्तरतया दुःस्थो हरिः पातु वः ॥
९२०३१ कस्त्वं लोहितलोचनास्यचरणो, हंसः, कुतो मानसात् किं तत्रास्ति, सुवर्णपङ्कजवनान्यम्भः सुधासन्निभम् ।
९२०३२ रत्नानां निचयाः प्रवालमणयो वैडूर्यरोहाः क्वचिच्,  अम्बूका अपि सन्ति, नेति च बकैराकर्ण्य हीहीकृतम् ॥
९२०४१ कस्त्वं वानर, रामराजभवने लेखार्थसंवाहको,  यातः कुत्र पुरागतः स हनुमान्निर्दग्धलङ्कापुरः ।
९२०४२ वद्धो राक्षससूनुनेति कपिभिः संताडितस्तर्जितः  स व्रीडात्तपराभवो वनमृगः कुत्रेति न ज्ञायते ॥
९२०४ १ कस्त्वं, शूली, प्रविश भिषजां वेश्म, वैद्यं न जाने,  स्थाणुर्बाले, न वदति तरुर्नीलकण्ठः प्रमुग्धे ।
९२०४ २ केकामेकां वद त्वं, पशुपतिरबले, नैव दृष्टे विषाणे  इत्येवं शैलकन्याप्रतिवचनजडः पातु वः पार्वतीशः ॥
९२०५१ कस्त्वं शूली, मृगय भिषजं नीलकण्ठः प्रियेऽहं  केकामेकां वद, पशुपति,र्नैवदृश्ये विषाणे ।
९२०५२ मुग्धें स्थाणुः, स चरति कथं, जीवितेशः शिवाया  गच्छाटव्यामिति हतवचाः पातु वश्चन्द्रचूडः ॥
९२०६१ कस्मात्कस्मिन् समुत्पन्ने सरागं भुवनत्रयम् ।
९२०६२ अत्रादौ कथितं श्लोके यो जानाति स पण्डितः ॥
९२०७१ कस्मात्कोऽहं किमपि च भवान् कोऽयमत्र प्रपञ्चः  स्वं स्वं वेद्यं गगनसदृशं पूर्णतत्त्वप्रकाशम् ।
९२०७२ आनन्दाख्यं समरसघने बाह्यमन्तर्विहीने  निस्त्रैगुण्ये पथि विचरतः को विधिः को निषेधः ॥
९२०८१ कस्मात्तन्वि तनूनि सम्प्रति समान्यङ्गानि जातानि ते  कस्मात्कोकनदप्रभं मुखमिदं जातं हि चन्द्रोपमम् ।
९२०८२ एवं पृच्छति वल्लभेऽम्बुजमुखि प्रोष्यस्वभावादिति  व्यावृत्याथ तया सगद्गदरवं मुक्तश्च बाष्पोत्करः ॥
९२०९१ कस्मात्त्वं क्व नु दृश्यते सुखमुखं क्वास्तेऽन्धकारः परं  क्व स्त्रीषु स्मरधूमकेतुरुदितेओ दृष्टा युवानः क्व ते ।
९२०९२ गन्ता क्व क्व च पञ्चमः क्व णसकृत्क्वात्संकुरो निद्गतः  क्वानन्दैकरसोदयः क्व नु सती कैवाध्वगस्तत्कथा ॥
९२१०१ कस्मात्त्वं, तातगेहाद्, अपरमभिनवा ब्रूहि का तत्र वार्ता,  देव्या देवो जितः, किं वृषडमरुचिताभस्मभोगीन्द्रचन्द्रान् ।
९२१०२ इत्येवं बर्हिनाथे कथयति सहसा भर्तूभिक्षाविभूषा  वैगुण्योद्वेगजन्मा जगदवतु चिरं हारवो भृङ्गरीटेः ॥
९२१११ कस्मात्त्वं दुर्बलासीति सख्यस्तां परिपृच्छति ।
९२११२ त्वयि संनिहिते तासु दद्यात्कथय सोत्तरम् ॥
९२१२१ कस्मात्त्वं, भवदालयाद्, वद सखे क्षेमं, तवानुग्रहाद्,  दृष्टा मे सुभगा, न तेऽस्ति सुभगा दृष्टा भवद्गेहिनी ।
९२१२२ स्वर्भानुं विषमेक्षणं विषधरं काकं वराकी गृहे  चन्द्रानङ्गसमीरकोकिलभयाद्व्यग्रा लिखन्ती मुहुः ॥
९२१३१ कस्मात्त्वं हि विखिद्यसे कतिपयैरेव प्रिये वासरैर् आयाता वयमेहि धेहि पुरतः प्रास्थानिकं मङ्गलम् ।
९२१३२ एवं वादिनि वल्लभे दयितया निःश्वस्य पाणौ कृती  मङ्गल्यः कलशो विलोचनपयोधाराभिरापूरितः ॥
९२१४१ कस्मात्पार्वति निष्ठुरासि, सहजः शैलोद्भवानामयं  निःस्नेहासि कथं, न भस्मपुरुषः स्नेहं विभर्ति क्वचित् ।
९२१४२ कोपस्ते मयि निष्फलः प्रियतमे, स्थाणौ फलं किं भवेद् इत्थं निर्वचनीकृतो गिरिजया शंभुश्चिरं पातु वः ॥
९२१५१ कस्मात्संल्किश्यते विद्वान् व्यर्थयार्थेहयासकृत् ।
९२१५२ कस्यचिन्मायया नूनं लोकोऽयं सुविमोहितः ॥
९२१६१ कस्मात्सत्यवतीसुतेन मुनिना नोक्तं भविष्यत्कथा  मध्ये रूपमनादिमध्यनिधनस्येहं हरेर्मानुषम् ।
९२१६२ इत्थं व्युत्थितविश्वकण्टकचमूनिर्मूलनव्यापृतं  संग्रामाम्बरसूर्यमम्बरचरास्त्वां वीक्ष्य संशेरते ॥
९२१७१ कस्मादद्य न भूषितं वपुरिदं सद्भूषणैः काञ्चनैः  कस्मादच्छतराणि नाद्य वसनान्यङ्गीकृतानि त्वया ।
९२१७२ उक्ता सेति मया मनोज्ञ विजने बाला विशालाक्ष मा  क्षिप्रं रोदनमेकमेव विदधे प्रत्युत्तरं नो ददौ ॥
९२१८१ कस्मादिदं नयनमस्तमिताञ्जनश्रि  विश्रान्तपत्ररचनौ च कुतः कपोलौ ।
९२१८२ शृङ्गारवारिरुहकाननराजहंसि  कस्मात्कृशासि विरसासि मलीमसासि ॥
९२१९१ कस्मादिन्दुरसौ धिनोति जगतीं पीयूषगर्भैः करैः  कस्माद्वा जलधारयैव धरणिं धाराधरः सिञ्चति ।
९२१९२ भ्रामं भ्राममयं च नन्दयति वा कस्मात्त्रिलोकीं रविः  साधूनां हि परोपकारकरणे नोपाध्यपेक्षं मनः ॥
९२२०१ कस्माद्दूति श्वसिषि निभृतं, सत्वरावर्तनेन  भ्रष्टो रागः किमधरदले, प्रार्थनाभिस्त्वदर्थम् ।
९२२०२ स्रस्ता चेयं किमलकततिस्, तत्पदालुण्ठनेन  वासस्तस्य त्वयि वद कथं, प्रत्ययार्थं तवैव ॥
९२२११ कस्माद्भग्नाः सुमुखि वलया, मार्गपातान्निशायां  किं ते वक्त्रं विगतरचनं, क्षालितं धूलिपूर्णम् ।
९२२१२ ओष्ठे रागः किमपि गलित, स्त्वद्व्यथोच्छ्वासवातैस् तद्वासः किं, हृतमिति मया वस्त्रलोभात्किलेति ॥
९२२२१ कस्माद्भयमिह मरणाद् अन्धादपि को विशिष्यते रागी ।
९२२२२ कः शूरो यो ललना  लोचनबाणैर्न विव्यथितः ॥
९२२३१ कस्मिञ्छेते मुरारिः क्व न खलु वसतिर्वायसी को निषेधः  स्त्रीणां रागस्तु कस्मिन् क्व नु खलु सितिमा शैरिसंबोधनं किम् ।
९२२३२ संबुद्धिः काऽहिमांशोर्विधिहरवयसां चापि संबुद्धयः का  ब्रूते लुब्धः कथं वा कुरुकुलहननं केन तत्केशवेन ॥
९२२४१ कस्मान्म्लायसि मालतीव मृदितेत्यालीजने पृच्छति  व्यक्तं नोदितमार्तयापि विरहे शालीनया बालया ।
९२२४२ अक्ष्णोर्बाष्पचयं निगृह्य कथमप्यालोकितः केवलं  किंचित्कुड्मलकोटिभिन्नशिखरश्चूतद्रुमः प्राङ्गणे ॥
९२२५१ कस्मिन् कर्मणि सामर्थ्यमस्य नोत्तपतेतराम् ।
९२२५२ अयं साधुचरस्तस्मादञ्जलिर्बध्यतामिह ॥
९२२६१ कस्मिन्नपि मते सत्ये हताः सर्वमतत्यजः ।
९२२६२ तद्दृष्ट्या व्यर्थतामात्रमनर्थस्तु न धर्मजः ॥
९२२७१ कस्मिन् वसन्ति वद मीनगणा विकल्पं  किं वापदं वदति किं कुरुते विवस्वान् ।
९२२७२ विद्युल्लतावलयवान् पथिकाङ्गनानाम्  उद्वेजको भवति कः खलु वारिवाहः ॥
९२२८१ कस्मिन् स्वपिति कंसारिः कावृत्तिरधमा नृणाम् ।
९२२८२ किं ब्रूते पितरं बालः किं दृष्ट्वा रमते मनः ॥
९२२९१ कस्मै किं कथनीयं  कस्य मनःप्रत्ययो भवति ।
९२२९२ रमयति गोपवधूटी  कुञ्जकुटीरे परं ब्रह्म ॥
९२३०१ कस्मैचित्कपटाय कैटभरिपूरःपीठदीर्घालयां  देवि त्वामभिवाद्य कुप्यसि न चेत्तत्किंचिदाचक्ष्महे ।
९२३०२ यत्ते मन्दिरमम्बुजन्म किमिदं विद्यागृहं यच्च ते  नीचान्नीचतरोपसर्पणमपामेतत्किमाचार्यकम् ॥
९२३० १ कस्मैचित्प्रतिपाद्य विक्रमजितां विप्राय विश्वंभराम्  अब्धौ वैभवलब्धवासरसिकः क्षेमाय रामोऽस्तु वः ।
९२३० २ श्लाघन्ते रणसीम्नि यस्य चरितं कालाग्निकूलंकष  ज्वालोद्गारिकुठारकुक्षिनिहितक्ष्मापालचक्रा न् जनान् ॥
९२३११ कस्मैचिद्द्विजबन्धवे कियदपि क्षीरं पुरा नाथते  दत्तो येन दयारसैकवपुषा दुग्धोद एवार्णवः ।
९२३१२ श्रीश्रीवल्लभकल्पपादपसुधाचिन्तामणीभिः समं  स स्वामी मम दैवतं तदितरो नाम्नापि नाम्नायते ॥
९२३२१ कस्मै नमः सुरैरपि  सुतरां क्रियते दयाप्रधानाय ।
९२३२२ कस्मादुद्विजितव्यं  संसारारण्यतः सुधिया ॥
९२३३१ कस्मै यच्छति सज्जनो बहुधनं सृष्टं क्षगत्केन वा  शम्भोर्भानि च को गले युवतिभिर्वेण्यां च का धार्यते ।
९२३३२ गौरीशः कमताडयच्चरणतः का रक्षिता राक्षसैर् आरोहादवरोहतः कलयतामेकं द्वयोरुत्तरम् ॥
९२३४१ कस्मै हन्त फलाय सज्जन गुणग्रामार्जने सज्जसि  स्वात्मोपस्करणाय चेन्मम वचः पथ्यं समाकर्णय ।
९२३४२ ये भावा हृदयं हरन्ति नितरां शोभाभरैः संभृतास् तैरेवास्य कलेः कलेवरपुषो दैनंदिनं वर्तनम् ॥
९२३५१ कस्य करान्न स्खलिता  नीरनिधिक्लेदपिच्छिला लक्ष्मीः ।
९२३५२ भृगुचरणधूलिपरुषे  हृदि परिबद्धा हरेः स्थिरेयमभूत् ॥
९२३६१ कस्यचिज्जायते जन्तोः पादाघातस्तवाध्वनि ।
९२३६२ पदभङ्गव्यथा शम्भो जृम्भते जम्भवैरिणः ॥
९२३७१ कस्यचित्किमपि नो हरणीयं  मर्मवाक्यमपि नोच्चरणीयम् ।
९२३७२ श्रीपतेः पदयुगं स्मरणीयं  लीलया भवजलं तरणीयम् ॥
९२३८१ कस्यचित्समदनं मदनीय  प्रेयसीवदनपानपरस्य ।
९२३८२ स्वादितः सकृदिवासव एव  प्रत्युत क्षणविदंशपदेऽभूत् ॥
९२३९१ कस्यचिन्न हि दुर्बुद्धेश्छन्दतो जायते मतिः ।
९२३९२ यादृशं कुरुते कर्म तादृशं फलमश्नुते ॥
९२४०१ कस्य तृषं न क्षपयसि  पिबति न कस्तव पयः प्रविश्यान्तः ।
९२४०२ यदि सन्मार्गसरोवर  नक्री न क्रोडमधिवसति ॥
९२४११ कस्य दोषः कुले नास्ति व्याधिना को न पीडितः ।
९२४१२ व्यसनं केन न प्राप्तं कस्य सौख्यं निरन्तरम् ॥
९२४२१ कस्य न दयितं वित्तं  चित्तं ह्रियते न कस्य वित्तेन ।
९२४२२ किं तु यशोधनलुब्धा  वाञ्छन्ति न दुष्कृतैरर्थान् ॥
९२४३१ कस्य न प्रतिहतं बत चक्षुर् ध्वान्तसन्ततिभिरड्डमराभिः ।
९२४३२ केवलं मनसिजप्रतिहतानां  नावधूतमभिसारवधूनाम् ॥
९२४४१ कस्य न वाहनयोग्या  मुग्धधियस्तुच्छसाधने लग्नाः ।
९२४४२ प्रीततया प्रशमरुचश् चपलासु स्त्रीषु येऽदान्ताः ॥
९२४५१ कस्य नो कुरुते मुग्धे पिपासाकुलितं मनः ।
९२४५२ अयं ते विद्रुमच्छायो मरुमार्ग इवाधरः ॥
९२४६१ कस्य मरौ दुरधिगमः  कमले कः कथय विरचितावासः ।
९२४६२ कैस्तुष्यति चामुण्डा  रिपवस्ते वद कुतो भ्रष्टाः ॥
९२४७१ कस्य माता कस्य पिता कस्य बन्धुर्महामुने ।
९२४७२ विभ्रमश्च स्मृतिभ्रंशात्तेन मुह्यन्ति जन्तवः ॥
९२४८१ कस्य माता पिता कस्य कस्य भार्या सुतोऽपि वा ।
९२४८२ जातौ जातौ हि जीवानां भविष्यन्त्यपरेऽपरे ॥
९२४८ १ कस्य वक्तव्यता नास्ति सोपायं को न जीवति ।
९२४८ २ व्यसनं केन न प्राप्तं कस्य सौख्यं निरन्तरम् ॥
९२४९१ कस्य वशे प्राणिगणः  सत्यप्रियभाषिणो विनीतस्य ।
९२४९२ क्व स्थातव्यं न्याय्ये  पथि दृष्टादृष्टलाभाय ॥
९२४९ १ कस्य स्यान्न स्खलितं पूर्णाः सर्वे मनोरथाः कस्य ।
९२४९ २ कस्येह सुखं नित्यं दैवेन न खण्डितः को वा ॥
९२५०१ कस्य स्वर्गश्रियो वश्याः कस्य चैन्द्रं पदं भुवि ।
९२५०२ कं देवा बहु मन्यन्ते सङ्ग्रामे मरणादृते ॥
९२५११ सङ्ग्रामे मरणं पुण्यं गयायां मरणे तथा ।
९२५१२ गङ्गायां मरणे मोक्षः सङ्ग्रामे मरणं सुखम् ॥
९२५२१ यदि वस्तुं मनः पुंसां स्वर्गस्त्रीभिः समं चिरात् ।
९२५२२ अपरां सुखितां कृत्वा सङ्ग्रामे म्रियतां तदा ॥
९२५३१ कस्यांचिद्वाचि कैश्चिन्ननु यदि विहितं दूषणं दुर्दुरूढैश् छिन्नं किं नस्तदा स्यात्प्रथितगुणवतां काव्यकोटीश्वराणाम् ।
९२५३२ वाहाश्चेद्गन्धवाहाधिकविहितजवाः पञ्चषाश्चान्धखंजाः  का हानिः शेरशाहक्षितिपकुलमणेरश्वकोटीश्वरस्य ॥
९२५४१ कस्याख्याय व्यतिकरमिमं मुक्तदुःखो भवेयं  को जानीते निभृतमुभयोरावयोः स्नेहसारम् ।
९२५४२ जानात्येकं शशधरमुखि प्रेमतत्त्वं मनो मे  त्वामेवैतच्चिरमनुगतं तत्प्रिये किं करोमि ॥
९२५५१ ... ... ... ...
९२५५२ कस्यात्यन्तं सुखमुपनतं दुःखमेकान्ततो वा ।
९२५५३ नीचैर्गच्छत्युपरि च दशा चक्रनेमिक्रमेण ॥
९२५६१ कस्यादेशात्क्षपयति तमः सप्तसप्तिः प्रजानां  छायाहेतोः पथि विटपिनामञ्जलिः केन बद्धः ।
९२५६२ अभ्यर्थ्यन्ते नवजलमुचः केन वा वृष्टिहेतोर् जात्यैवैते परहितविधी साधवो बद्धकाङ्क्षाः ॥
९२५७१ कस्या नाम किमत्र नास्ति विदितं यद्वीक्ष्यमाणोऽप्ययं  लोको मूक इवास्ति मां प्रति पुनः सर्वो जनस्तप्यते ।
९२५७२ शक्यं दर्शयितुं न पूगफलवत्कृत्वा द्विधेदं वपुर् यत्सत्यं सखि वीक्षितः खलु मया नूनं चतुर्थ्याः शशी ॥
९२५८१ कस्यानित्येष्वनित्यस्य स्नेहो भवितुमर्हति ।
९२५८२ येन जन्मसहस्राणि द्रष्टव्यो न पुनः प्रियः ॥
९२५९१ कस्यानिमेषवितते नयने दिवौको  लोकादृते जगति ते अपि वै गृहीत्वा ।
९२५९२ पिण्डे प्रसारितमुखेन तिमे किमेतद् दृष्टं न बालिश विशद्बडिशं त्वयान्तः ॥
९२६०१ कस्यापि कोऽपि कुरुते  न सुखं दुःखं न दैवमपहाय ।
९२६०२ विदधाति वृथा गर्वं  खलोऽहमहितस्य हन्तेति ॥
९२६११ कस्यापि कोऽप्यतिशयोऽस्ति स तेन लोके  ख्यातिं प्रयाति न हि सर्वविदस्तु सर्वे ।
९२६१२ किं केतकी फलति किं पनसः सुपुष्पः  किं नागवल्ल्यपि च पुष्पफलैरुपेता ॥
९२६१ १ कस्यापि चाग्रतो नैव प्रकाश्यः स्वगुणः स्वयम् ।
९२६१ २ अतुच्छत्वेन तुच्छोऽपि वाच्यः परगुणः पुनः ॥
९२६२१ कस्यामोदं कमलं  वदनमिदं ते प्रिये न संतनुयात् ।
९२६२२ अवलम्ब्य मित्रमेकं  विकसति न यदन्यथा जातु ॥
९२६३१ कस्याश्चित्सुभग इति श्रुतश्चिरं यस् तं दृष्ट्वाधिगतरतेर्निमीलिताक्ष्याः ।
९२६३२ निस्पन्दं वपुरवलोक्य सौविदल्लाः  सन्तेपुर्विधुरधियो निशान्तवध्वाः ॥
९२६४१ कस्याश्चिन्मुखमनु धौतपत्रलेखं  व्यातेने सलिलभरावलम्बिनीभिः ।
९२६४२ किञ्जल्कव्यतिकरपिञ्जरान्तराभिश् चित्रश्रीरलमलकाग्रवल्लरीभिः ॥
९२६५१ कस्यास्ति नाशो मनसो वितत्या  क्व सर्वथा नास्ति भयं विमुक्तौ ।
९२६५२ शल्यं परं किं निजमूर्खतैव  के के ह्युपास्या गुरवश्च सन्तः ॥
९२६६१ कस्येदं भवनं, ममैव, भवती का सुभ्रु, लाटाङ्गना  केर्य, मुग्धतरा सखी मम, पतिर्गेहेऽस्ति किं, तेन वा ।
९२६६२ इत्थं पान्थवचो दिनान्तसमये गूढार्थमाकर्ण्य वै  मन्दान्दोलितकुण्डलस्तबकया तन्व्यावधूतं शिरः ॥
९२६७१ कस्येमौ पितरौ मनोभववता तापेन संयौजिताव् अन्योन्यं तनयादिकं जनयतो भूम्यादिभूतात्मभिः ।
९२६७२ इत्थं दुःस्थमतिर्मनोभवरतिर्यो मन्यते नास्तिकः  शान्तिस्तस्य कथं भवेद्धनवतो दुष्कर्मंधर्माश्रयात् ॥
९२६८१ कस्येयं तरुणि प्रपा, पथिक नः, किं पीयतेऽस्यां, पयो  धेनूनामथ माहिषं बधिर रे वारः, कथं मङ्गलः ।
९२६८२ सोमो वाथ शनैश्चरो,ऽमृतमिदं, तत्तेऽधरे दृश्यते  श्रीमत्पान्थ विलाससुन्दर सखे यद्रोचते तत्पिब ॥
९२६९१ कस्योदपत्स्यत रुचिर्विरसावसाने  स्तोकस्थितावनुचितप्रभवे भवेऽस्मिन् ।
९२६९२ नारायणस्मृतिकथामृतपानगोष्ठी  चेतोविनोदनमियं यदि नाम न स्यात् ॥
९२७०१ कस्योपयोगमात्रेण धनेन रमते भनः ।
९२७०२ पदप्रमाणमाधारमारूढः को न कम्पते ॥
९२७११ कस्राघातैः सुरभिरभितः सत्वरं ताडनीयो  गाढाम्रेडं मलयमरुतः शृङ्खलादाम दत्त ।
९२७१२ कारागारे क्षिपत तरसा पञ्चमं रागराजं  चन्द्रं चूर्णीकुरुत च शिलापट्टके पिष्टपेषम् ॥
९२७२१ कह्लारस्पर्शगर्भैः शिशिरपरिगमात्कान्तिमद्भिः कराग्रैश् चन्द्रेणालिङ्गितायास्तिमिरनिवसने स्रंसमाने रजन्याः ।
९२७२२ अन्योन्यालोकिनीभिः परिचयजनितप्रेमनिष्यन्दिनीभिर् दूरारूढे प्रमोदे हसितमिव परिस्पष्टमाशावधूभिः ॥
९२७३१ कांचिद्दिनार्धसमये रविरश्मितप्तां  नीलांशुकाञ्चलनिलीनमुखेन्दुम्बिम्बाम् ।
९२७३२ तां तादृशीं समनुवीक्ष्य कविर्जगाद  राहुर्दिवा ग्रसति पर्व विना किलेन्दुम् ॥
९२७४१ कां तपस्वी गतोऽवस्थामिति स्मेराविव स्तनौ ।
९२७४२ वन्दे गौरीघनाश्लेषभवभूतिसिताननौ ॥
९२७५१ कांश्चिच्चाटुवचःशतैर्निजसुताप्रेमातिरेकै ः परान्  अन्यान् वक्ररवाक्रमैर्धनवतः प्रापय्य गेहं निजम् ।
९२७५२ प्राग्दत्तग्रहणप्रगल्भकितवव्याजादवष्टभ्य तान्  कुट्टिन्यः स्फुटमप्रगल्भचरितानेतान्निहन्तुं क्षमाः ॥
९२७६१ कांश्चित्कल्पशतं कृतस्थितिचयान् कांश्चिद्युगानां शतं  कांश्चिद्वर्षशतं तथा कतिपयान् जन्तून् दिनानां शतम् ।
९२७६२ तांस्तान् कर्मभिरात्मनः प्रतिदिनं संक्षीयमाणायुषः  कालोऽयं कवलीकरोति सकलान् भ्रातः कुतः कौशलम् ॥
९२७७१ कांश्चित्तुच्छयति प्रपूरयति वा कांश्चिन्नयत्युन्नतिं  कांश्चित्पातविधौ करोति च पुनः कांश्चिन्नयत्याकुलान् ।
९२७७२ अन्योन्यं प्रतिपक्षसंहतिमिमां लोकस्थितिं बोधयन्न्  एष क्रीडति कूपयन्त्रघटिकान्यायप्रसक्तो विधिः ॥
९२७८१ कांश्चिदर्थान्नरः प्राज्ञो लघुमूलान्महाफलान् ।
९२७८२ क्षिप्रमारभते कर्तुं न विघ्नयति तादृशान् ॥
९२७९१ कांसीकृतासीत्खलु मण्डलीन्दोः  संसक्तरश्मिप्रकरा स्मरेण ।
९२७९२ तुला च नाराचलता निजैव  मिथोनुरागस्य समीकृतौ वाम् ॥
९२८०१ कांस्यस्वन इवाभाति यस्मिन् खड्गहते ध्वनिः ।
९२८०२ खङ्गोत्तमं तं वदति गिरिशः शुभवर्धनम् ॥
९२८११ कां हरिरभरत्सूकररूपः  कामरिरहितामिच्छति भूपः ।
९२८१२ केनाकारि च मन्मथजननं  केन विराजति तरुणीवदनम् ॥
९२८२१ काकः काञ्चनपञ्जरे विनिहितः पद्माकरे कौशिकः  श्राद्धे श्वा विनियोजितो हुतवहे हव्यः पलाण्डुः कृतः ।
९२८२२ सर्वं तेन कृतं किमत्र बहुना मद्यं महाशान्तये  येनाज्ञानवता महीयसि पदे नीचः समारोपितः ॥
९२८३१ काकः कृष्णः पिकः कृष्णः को भेदः पिककाकयोः ।
९२८३२ वसन्तसमये प्राप्ते काकः काकः पिकः पिकः ॥
९२८४१ काकः कोकिलमुन्नमय्य कुरुते चूते फलास्वादनं  भुङ्क्ते राजशुकं निवार्य कुररः क्रीडापरो दाडिमम् ।
९२८४२ घूको बर्हिणमास्य शाखिशिखरे शेते सजानिः सुखं  हा जातं विपरीतमद्य विपिने श्येने परोक्षं गते ॥
९२८५१ काकः पक्षबलेन भूपतिगृहे ग्रासं यदि प्राप्तवान्  किं वा तस्य महत्त्वमस्य लघुता पञ्चाननस्यागता ।
९२८५२ येनाक्रम्य करीन्द्रगण्डयुगलं निर्भिद्य हेलालवाल् लब्ध्वा ग्रासवरं वराटकधिया मुक्तागणस्त्यज्यते ॥
९२८६१ काकः पक्षिषु चाण्डालः स्मृतः पशुषु गर्दभः ।
९२८६२ नराणां कोऽपि चाण्डालः स्मृतः सर्वेषु निन्दकः ॥
९२८७१ काकः पद्मवने धृतिं न लभते हंसश्च कूपोदके  क्रोष्टा सिंहगुहान्तरे सुविपुले नीचस्तु भद्रासने ।
९२८७२ कुस्त्री सत्पुरुषं न जातु भजते सा सेव्यते दुर्जनैः  या यस्य प्रकृतिर्विधातृविहिता सा तस्य किं वार्यते ॥
९२८८१ काकः श्वानोऽकुलीनश्च बिडालः सर्प एव च ।
९२८८२ अकुलीना च या नारी तुल्यास्ते परिकीर्तिताः ॥
९२८९१ काकः स्वभावचपलः परिशुद्धवृत्तिर् लब्ध्वा बलिं स्वजनमाह्वयते परांश्च ।
९२८९२ चर्मास्थिमांसवति हस्तिकलेवरेऽपि  श्वा द्वेष्टि हन्ति च परान् कृपणस्वभावः ॥
९२९०१ काक आह्वयते काकान् याचको न तु याचकान् ।
९२९०२ काकयाचकयोर्मध्ये वरं काको न याचकः ॥
९२९११ काककुर्कुटकायस्थाः सजातिपरिपोषकाः ।
९२९१२ सजातिपरिहन्तारः सिंहाः श्वानो द्विजा गजाः ॥
९२९२१ काकचञ्चुपुटीकृत्य ओष्ठौ प्रोक्तानिलं पिबेत् ।
९२९२२ ओंकारध्वनिनाकृष्य पूरयेद्यावदन्तरम् ॥
९२९३१ काकजङ्घाजटा निद्रां कुरुते मस्तके स्थिता ।
९२९३२ पुष्योद्धृतं शुनः पित्तमपस्मारघ्नमञ्जनात् ॥
९२९४१ काकजङ्घारसः कर्णे क्षिप्तो बाधिर्यनाशनः ।
९२९४२ हन्ति कर्णे जटा बद्धा तस्या नेत्रामयं ध्रुवम् ॥
९२९५१ काकतालीययोगेन यदनात्मवति क्षणम् ।
९२९५२ करोति प्रणयं लक्ष्मीस्तत्तस्याः स्त्रीत्वचापलम् ॥
९२९६१ काकतालीयवत्प्राप्तं दृष्ट्वापि निधिमग्रतः ।
९२९६२ न स्वयं दैवमादत्ते पुरुषार्थमपेक्षते ॥
९२९७१ काकतुण्डोक्तिरपरा मल्लिकोक्तिरनोपमा (?) ।
९२९७२ पाटलोक्तिश्च पद्मोक्तिः पद्मिन्युक्तिः स्फुटाः स्मृताः ॥
९२९८१ काक त्वं फलनम्रविपिनं दैवात्समासादयन्  किं कर्णौ बधिरीकरोषि परुषैः क्रेंकारकोलाहलैः ।
९२९८२ मौनं चेदवलम्बसे रतभरप्रक्रान्तपुंस्कोकिल  भ्रान्त्यापि त्वयि सञ्चरन्ति न कथं मुग्धाकटाक्षच्छटाः ॥
९२९९१ का कथा बाणसंधाने ज्याशब्देनैव दूरतः ।
९२९९२ हुंकारेणेव धनुषः स हि विघ्नान् व्यपोहति ॥
९३००१ काकमांसं तथोच्छिष्टं स्तोकं तदपि दुर्बलम् ।
९३००२ भक्षितेनापि किं तेन येन तृप्तिर्न जायते ॥
९३०११ काकमाची तथा कुष्ठं गोतक्रेण च पाचयेत् ।
९३०१२ नाशयेन्मण्डलिक्ष्वेडमगदोऽयं सुनिश्चितम् ॥
९३०२१ काकमाचीशिफा कर्णे बद्धा रात्रिज्वरापहा ।
९३०२२ पाणिस्थं वृषवृन्दाकं द्यूते वितनुते जयम् ॥
९३०३१ काकवराकमरालमवैषि  न जर्जरिताऽर्जुनतार्य कुतः ।
९३०३२ विक्रमवैरिवधूजनलोचन  कज्जलवज्जलमज्जनतः ॥
९३०४१ काकश्च द्रुमकुट्टश्च मण्डूको नीलमक्षिकः ।
९३०४२ लट्वया सह पञ्चैते गजं जघ्नुरुपायतः ॥
९३०५१ काकस्य कति वा दन्ता मेषस्याण्डे कियत्पलम् ।
९३०५२ गर्दभे कति रोमाणि व्यर्थैषातु विचारणा ॥
९३०६१ काकस्य चञ्चुर्यदि हेमयुक्ता  माणिक्ययुक्तौ चरणौ च तस्य ।
९३०६२ एकैकपक्षे गजराजमुक्ता  तथापि काको न च राजहंसः ॥
९३०७१ काकस्य वृष्टिहेतोर् नीडं दिक्षु प्रशस्यते तिसृषु ।
९३०७२ दुर्भिक्षमरणहेतुर् भवति सयाम्येषु कोणेषु ॥
९३०८१ काकाः किं किं न कुर्वन्ति क्रोङ्कारं यत्र तत्र वा ।
९३०८२ शुक एव परं वक्ति नृपहस्तोपलालितः ॥
९३०९१ काकाः प्रभुप्रणिहितैः पिकपट्टबद्धेर् माकन्दबृन्दमकरन्दरसं लभन्ताम् ।
९३०९२ प्राप्ते वसन्तसमये कथमाचरन्ति  कर्णामृतानि कलपञ्चमकूजितानि ॥
९३१०१ काकानां कोकिलानां च सीमाभेदः कथं भवेत् ।
९३१०२ यदि विश्वसृजा साक्षं न कृता कर्णशष्कुली ॥
९३१११ काकानां प्रीतियोगं चिरसहवसतिं कोकिलापेक्षसे चेत् तर्हि त्वं तद्वदेव श्रवणपुटपटून् कुत्सितान् कूज शब्दान् ।
९३११२ अभ्यासस्तत्र नो चेत्तव गलदमृता गीरियं गुप्यतां वा  तामाकर्ण्य स्वजातेरननुगुणगुणं त्वाममी सन्त्यजेयुः ॥
९३१२१ का कान्ता कालियारातेः पुनरर्थे किमव्ययम् ।
९३१२२ किं वन्द्यं सर्वदेवानां फलेषु किमु सुन्दरम् ॥
९३१३१ का का प्रिया प्रियतमं परिरभ्य दोर्भ्याम्  अभ्यागतेऽपि मिहिरे न जहाति निद्राम् ।
९३१३२ जागर्तु सज्जयतु चोलमितीव काकाः  काकालिरालिरिव गूढगिरश्चकार ॥
९३१४१ का काबला निधुवनश्रमपीडिताङ्गी  निद्रां गता दयितबाहुलतानुबद्धा ।
९३१४२ सा सा तु यातु भवनं मिहिरोद्गमोऽयं  सम्केतवाक्यमिति काकचया वदन्ति ॥
९३१४ १ का कामधेनुरिह कश् चिन्तामणिरपि च कल्पशाखी कः ।
९३१४ २ सर्वाण्यमूनि भुवने  पर्यायवचांसि पुण्यस्य ॥
९३१५१ काका मूर्ध्नि सुखं वसन्ति शतशः शाखासु शाखामृगा  घूकाः कोटरगह्वरेषु मशलैर्दंशैश्च सान्द्रं दलम् ।
९३१५२ आधारः कियतामसि स्थिरतरं शुद्धं च लब्धं यशः  पान्था नोपसरन्ति चेत्क्षतमितः किं वृक्षराजस्य ते ॥
९३१६१ का काली का मधुरा  का शीतलवाहिनी गङ्गा ।
९३१६२ कं संजघान कृष्णः  कं बलवन्तं न बाधते शीतम् ॥
९३१७१ काकाल्लौल्यं यमात्क्रौर्यं स्थपतेर्दृढघातिताम् ।
९३१७२ एकैकाक्षरमादाय कायस्थः केन निर्मितः ॥
९३१७ १ काका वृका घुकबकाश्च भेकाः  प्रणम्य युष्मानिदमेव याचे ।
९३१७ २ कोलाहलं मा कुरुत क्षमध्वं  पुंस्कोकिलः कूजति मञ्जुरावम् ॥
९३१८१ काकिन्याः पत्रमूलं सहचरसहितं केतकीनां च कन्दं  छायाशुष्कं च भृङ्गं त्रिफलरसयुतं तैलमध्ये निधाय ।
९३१८२ लौहे पात्रे प्रणीतं धरणितलगतं मासमात्रस्थितं तत् केशाः काशप्रकाशा अलिकुलसदृशाः सम्भवन्त्यस्य लेपात् ॥
९३१९१ काकुं करोषि गृहकोणकरीषपुञ्ज  गूढाङ्ग किं ननु वृथा कितव प्रयाहि ।
९३१९२ कुत्राद्य जीर्णतरणिभ्रमनातिभीत  गोपाङ्गनागणविडम्बनचातुरी ते ॥
९३२०१ काकुत्स्थस्य दशाननो न कृतवान् दारापहारं यदि  क्वाम्भोधिः क्व च सेतुबन्धघटना क्वोत्तीर्य लङ्काजयः ।
९३२०२ पार्थस्यापि पराभवं यदि रिपुर्नादात्क्व तादृक्तपो  नीयन्ते रिपुभिः समुन्नतिपदं प्रायः परं मानिनः ॥
९३२११ काकुत्स्थस्य प्रतापाग्निर्दीप्तपिङ्गैर्वलीमुखैः ।
९३२१२ निर्वाणो राक्षसेन्द्रस्य मन्ये नीलैर्निशाचरैः ॥
९३२२१ काकुत्स्थेन शिरांसि यानि शतशश्छिन्नानि मायानिधेः  पौलस्त्यस्य विमानसीमनि तथा भ्रान्तानि नाकौकसाम् ।
९३२२२ तान्येवास्य धनुःश्रमप्रशमनं कुर्वन्ति सीतापतेः  क्रीडाचामरडम्बरानुकृतिभिर्लोलायमानै ः कचैः ॥
९३२३१ का कृता विष्णुना कीदृग्योषितां कः प्रशस्यते ।
९३२३२ असेव्यः कीदृशः स्वामी को निहन्ता निशातमः ॥
९३२४१ काके कर्णपुटीकठोरनिनदे पीयूषधारारस  स्यन्दोदञ्चितचारुपञ्चमरुते साधारणे मय्यपि ।
९३२४२ वन्यां वृत्तिमयं व्यधादिति मुधा वत्स व्यथां मा कृथाः  क्व कैवं न कृतं जनेषु निकृतं दुर्मेधसा वेधसा ॥
९३२५१ काके कार्ष्ण्यमलौकिकं धवलिमा हंसे निसर्गस्थितो  गांभीर्ये महदन्तरं वचसि यो भेदः स किं कथ्यते ।
९३२५२ एतावत्सु विशेषणेष्वपि सखे यत्रेदमालोक्यते  के काकाः खलु के च हंसशिशवो देशाय तस्मै नमः ॥
९३२६१ काके शौचं द्यूतकारेषु सत्यं  सर्पे क्षान्तिः स्त्रीषु कामोपशान्तिः ।
९३२६२ क्लीबे धैर्यं मद्यपे तत्त्वचिन्ता  राजा मित्रं केन दृष्टं श्रुतं वा ॥
९३२७१ काकैः सह विवृद्धस्य कोकिलस्य कला गिरः ।
९३२७२ खलसङ्गेऽपि नैष्ठुर्यं कल्याणप्रकृतेः कुतः ॥
९३२७ १ काकैः सार्द्धं वसन् हंसः क्षोभते चावसीदति ।
९३२७ २ गतः कोमल एवाऽसो जिह्मो दुष्टो न काकवत् ॥
९३२८१ काकैरिमांश्चित्रबर्हान्मयूरान्  पराजैष्ठाः पाण्डवान् धार्तराष्ट्रैः ।
९३२८२ हित्वा सिंहान् क्रोष्टुकान् गूहमानः  प्राप्ते काले शोचिता त्वं नरेन्द्र ॥
९३२९१ काकैर्निष्कुषितं श्वभिः कबलितं वीचीभिरान्दोलितं  स्रोतोभिश्चलितं तटान्तमलिनं गोमायुभिर्लोडितम् ।
९३२९२ दिव्यस्त्रीकरचारुचामरमरुत्संवीज्यमानः कदा  द्रक्ष्येऽहं परमेश्वरि त्रिपथगे भागीरथि स्वं वपुः ॥
९३३०१ काकोदुम्बरिकायां  वल्मीको दृश्यते शिरा तस्मिन् ।
९३३०२ पुरुषत्रये सपादे  पश्चिमदिक्स्था न सा वहति ॥
९३३११ काकोलः कलकण्ठिका कुवलयं कादम्बिनी कर्दमः  कंसारिः कबरी कृपाणलतिका कस्तूरिका कज्जलम् ।
९३३१२ कालिन्दी कषपट्टिका करिघटा कामारिकण्ठस्थली  यस्यैते करदा भवन्ति सखि तद्वन्दे विनिद्रं तमः ॥
९३३२१ का खलेन सह स्पर्धा सज्जनस्याभिमानिनः ।
९३३२२ भाषणं भीषणं साधु दूषणं यस्य भूषणम् ॥
९३३३१ का गणना विषयवशे  पुंसि वराके वराङ्गना स्पृहया ।
९३३३२ व्याजेन वीक्षमाणा  ध्यानधियां स्पृशति सज्ज्ञानम् ॥
९३३४१ काङ्क्षितेनाप्यलब्धेन भोगार्हे नवयौवने ।
९३३४२ जराजीर्णशरीरस्य भारेणेव धनेन किम् ॥
९३३५१ काचं मणिं काञ्चनमेकसूत्रे  मुग्धा निबध्नन्ति किमत्र चित्रम् ।
९३३५२ विचारवान् पणिनिरेकसूत्रे  श्वानं युवानं मघवानमाह ॥
९३३६१ काचः काञ्चनसंसर्गाद्धत्ते मारकतीं द्युतिम् ।
९३३६२ अश्मापि याति देवत्वं महद्भिः सुप्रतिष्ठितः ॥
९३३७१ काचः काञ्चनसंसर्गाद्धत्ते मारकतीं द्युतिम् ।
९३३७२ तथा सत्संनिधानेन मूर्खो याति प्रवीणताम् ॥
९३३७ १ काचकामलदोषेण पश्येन्नेत्रे विपर्ययम् ।
९३३७ २ अभ्याख्यानं वदेज्जिह्वा तत्र रागक उच्यते ॥
९३३८१ का चक्रे हरिणा, धने कृपणधीः कीदृग्, भुजंगेऽस्ति किं,  कीदृक्, कुम्भसमुद्भवस्य जठरं, कीदृग्यियासुर्वधूः ।
९३३८२ श्लोकः कीदृगभीप्सितः सुकृतिनां, कीदृङ्नभो निर्मलं,  क्षोणीमाह्वय सर्वगं किमुदितं रात्रौ सरः कीदृशम् ॥
९३३९१ काचाः काञ्चनभूषिताः कति न वा पुष्णन्ति रत्नश्रियं  मौलौ वा कति नोद्वहन्त्यपधियस्तानेव रत्नभ्रमात् ।
९३३९२ अक्ष्णां ये पुनरुन्मृजन्ति तिमिरं यैर्नाम रत्नाकरः  सिन्धुस्ते पृथगेव हन्त मणयस्तेष्वप्यभिज्ञाः पृथक् ॥
९३४०१ काचित्कराभ्यां कुसुमानि नीत्वा  दधार शंभोः पदयोः समीपे ।
९३४०२ विवक्षया मन्मथदुष्प्रवृत्तेः  समुत्सृजन्ती विशिखानिवाग्रे ॥
९३४११ काचित्कीर्णा रजोभिर्दिवमनुविदधे भिन्नवक्रेन्दुलक्ष्मीर् अश्रीकाः काश्चिदन्तर्दिश इव दधिरे दाहमुद्भ्रान्तसत्त्वाः ।
९३४१२ म्रेमुर्वात्या इवान्याः प्रतिपदमपरा भूमिवत्कम्पमापुः  प्रस्थाने पार्थिवानामशिवमिति पुरोभावि नार्यः शशंसुः ॥
९३४२१ काचित्कृता कृतिरिति त्वयि सार्पितेति  कापि प्रमोदकणिका मम नान्तरङ्गे ।
९३४२२ मौढ्यं मदीयमिह यद्विदितं ममैव  किं त्वम्ब विश्वसिमि दीनशरण्यतां ते ॥
९३४३१ काचित्तृषार्ता वनिता निदाघे  गङ्गां समभ्येत्य सुधासवर्णाम् ।
९३४३२ आदाय तद्वारि करद्वयेन  विलोकयन्ती न पपौ किमेतत् ॥
९३४३५ (करकिसलयकान्तिकान्त्या शोणितशङ्कयेति ।)
९३४४१ काचित्पदैरस्खलितैः सखेलं  वान्तीषु शुद्धान्तकरेणुकासु ।
९३४४२ राजाङ्गनानामकरोदवज्ञां  श्रोणीभरे च स्तनगौरवे च ॥
९३४५१ काचित्पुरा विरहिणी परिवृद्धिहेतोर् यस्यै दिदेश सलिलं नवमालिकायै ।
९३४५२ सा पुष्पितैव जलमश्रुवशाद्वियोगे  तस्यै प्रदाय कथमप्यनृणी बभूव ॥
९३४६१ काचित्स्वर्णलता तदूर्ध्वममलश्चन्द्रस्तदभ्यन्तरे  पद्मे तन्निकटं तिलस्य कुसुमं तत्सन्निधौ पल्लवे ।
९३४६२ हेम्नः किंचिदधस्तयोश्च कलशौ कान्तौ जगन्मोहनौ  स्वस्त्येतत्प्रकरोतु वस्त्रिजगतां किं ब्रह्मकृष्णादिभिः ॥
९३४७१ काचिद्बलिना क्रान्ता  काचिन्न जहाति कामिनं रुचिरम् ।
९३४७२ अन्या पानकगोष्ठ्यां  नयति दिनं प्रीतकैः सार्धम् ॥
९३४८१ काचिद्बालकवन्महीतलगता मूलच्छिदाकारणं  द्रव्येणार्जनपुष्पितापि विफली काचिच्च जातिप्रभा ।
९३४८२ काचिच्छ्रीः कदलीव भोगसुभगा सत्पुण्यबीजच्युता  सर्वाङ्गे सुभगा रसाललतिकावत्पुण्यबीजाङ्किता ॥
९३४९१ काचिद्बाला रमणवसतिं प्रेषयन्ती करण्डं  दासीहस्तात्सभयमलिखद्व्यालमस्योपरिष्टात् ।
९३४९२ गौरीकान्तं पवनतनयं चम्पकं चात्र भावं  पृच्छत्यार्यो निपुणतिलको मल्लिनाथः कवीन्द्रः ॥
९३५०१ काचिद्विभूषयति दर्पणसक्तहस्ता  बालातपेषु वनिता वदनारविन्दम् ।
९३५०२ दन्तच्छदं प्रियतमेन निपीतसारं  दन्ताग्रभिन्नमवकृष्य निरीक्षते च ॥
९३५११ काचिद्वियोगानलतप्तगात्री  प्राणान् समाधारयितुं लिलेख ।
९३५१२ बाह्वोर्भुजङ्गं हृदि राहुबिम्बं  नाभौ च कर्पूरमयं महेशम् ॥
९३५२१ काचिद्विलोलनयना रमणे स्वकीये  दूरं गते सति मनोभवबाणखिन्ना ।
९३५२२ त्यक्तं शरीरमचिरान्मलयाद्रिवायुं  सौरभ्यशालिनमहो पिबति स्म चित्रम् ॥
९३५३१ काचिद्विहृत्य किल कन्तुककेलिरङ्गाद् भूरेणुरूषिततनुर्निरगान्मृगाक्षी ।
९३५३२ उत्फुल्लपङ्कजवने सुचिरं चरित्वा  किञ्जल्करेणुपरिधूसरितेव लक्ष्मीः ॥
९३५४१ का चिन्ता मम जीवने यदि हरिर्विश्वंभरो गीयते  नो चेदर्भकजीवनाय जननीस्तन्यं कथं निर्ममे ।
९३५४२ इत्यालोच्य मुहुर्मुहुर्यदुपते लक्ष्मीपते केवलं  त्वत्पादाम्बुजसेवनेन सततं कालो मया नीयते ॥
९३५५१ काचिन्नितम्बार्पितवामहस्ता  दोर्लेखया कुञ्चितया नताङ्गी ।
९३५५२ क्षमापतौ मार्गणमोक्षदक्षम्  अकल्पयच्चापमिव स्मरस्य ॥
९३५६१ काचिन्निदेशाज्जरतीजनानां  कुलोचितं किंचिदिहालपन्ती ।
९३५६२ कुञ्जद्रुमालेखनमाचरन्ती  संज्ञापितालीभिरभूत्सलज्जा ॥
९३५७१ काचिन्निवारितबहिर्गमना जनन्या  द्रष्टुं हरं भवनजालकमाससाद ।
९३५७२ तस्या विलोचनमदृश्यत दाशयन्त्र  यत्रोपरुद्धशफरोपमितं क्षणेन ॥
९३५८१ काचिन्मृगाक्षी प्रियविप्रयोगे  गन्तुं निशापारमपारयन्ती ।
९३५८२ उद्गातुमादाय करेण वीणाम्  एणाङ्कमालोक्य शनैरहासीत् ॥
९३५९१ काचे मणिर्मणौ काचो येषां बुद्धिः प्रवर्तते ।
९३५९२ न तेषां संनिधौ भृत्यो नाममात्रोऽपि तिष्ठति ॥
९३६०१ काचो मणिर्मणिः काचो येषां तेऽन्ये हि देहिनः ।
९३६०२ सन्ति ते सुधियो येषां काचः काचो मणिर्मणिः ॥
९३६० १ काञ्चनाङ्गि कमनीयकलापौ  कञ्चुलीकवचितौ लिकुचौ ते ।
९३६० २ पाणिना ननु वहामि मुहूर्तं  देहि मेऽधरमणिं तव दास्यम् ॥
९३६११ काञ्चिकेन समालोड्य भक्षयेत्प्रातरन्वहम् ।
९३६१२ षण्मासयोगतो हन्ति पलितं वलिभिः सह ।
९३६१३ दुग्धान्नभोजनासक्तश्चिरंजीवी भवेन्नरः ॥
९३६२१ काञ्चीं काञ्ची न धत्ते कलयति न दृशा केरली केलितल्पं  सिन्दूरं दूर एव क्षिपति करतलन्यस्तमान्ध्री पुरन्ध्री ।
९३६२२ सौराष्ट्री मार्ष्टि भूयः सपदि नयनयो रक्तयो रक्तिमानं  कार्णाटी कर्णिकायां मलिनयति मनो मानसिंहप्रयाणे ॥
९३६२ १ काञ्चीकलक्वणितकोमलनाभिकान्ति  पारावतध्वनितचित्रितकण्ठपालिम् ।
९३६२ २ उद्भ्रान्तलोचनचकोरमनङ्गरङ्गम्  आशास्महे कमपि वारविलासवत्याः ॥
९३६३१ काञ्ची कांचिदियं चकार जघनन्यस्ता गतेर्मन्दतां  गाढं बद्धमिदं च कञ्चुकमदादुच्छ्रूनतां वक्षसः ।
९३६३२ नेत्रप्रान्तमथाकुलं कलयति श्रोत्रावतंसद्वयं  तत्कोऽयं बत मत्प्रसाधनविधौ सख्यैषमस्त्वत्क्रमः ॥
९३६४१ कान्चीगुणग्रथितकाञ्चनचेलदृश्य  चण्डातपांशुकविभापरभागशोभि ।
९३६४२ पर्यङ्कमण्डलपरिष्करणं पुरारेर् ध्यायामि ते निखिलमम्ब नितम्बबिभ्बम् ॥
९३६५१ काञ्चीगुणैः काञ्चनरत्नचित्रैर् नो भूषयन्ति प्रमदा नितम्बम् ।
९३६५२ न नूपुरैहंसरुतं भजद्भिः  पादाम्बुजान्यम्बुजकान्तिभाञ्जि ॥
९३६६१ काञ्चीगुणैर्विरचिता जघनेषु लक्ष्मीर् लब्धा स्थितिः स्तनतटेषु च रत्नहारैः ।
९३६६२ नो भूषिता वयमितीव नितम्बिनीनां  कार्श्य निरर्गलमधार्यत मध्यभागैः ॥
९३६७१ काञ्चीदामकबन्धनं सललिता कर्णोत्पलैस्ताडना  हेलालिङ्नविघ्नमाहितरुषा मौनेन निर्भर्त्सनम् ।
९३६७२ किं पूर्वोचितमेतदत्र सहसा विस्मृत्य मन्योर्भरान्  मय्युत्कण्ठमनस्यदर्शनपथं यातास्यहो कोपने ॥
९३६८१ काञ्चीदाम दृढं विधाय कवरीमाबध्य गाढं गुणैर् वक्षोजादपसार्य हारमसकृद्व्याधूय कर्णोत्पलम् ।
९३६८२ दूरोत्सारितकङ्कणा विधुमुखी सोत्प्रासहासं हठात् कण्ठे कस्य करोति हन्त दयिताश्लेषाय दोर्बन्धनम् ॥
९३६९१ काञ्चीदाम निवेशयन् वितनुते वासः श्लथं सुभ्रुवो  हारं वक्षसि योजयन् करतलं धत्ते कुचाम्भोरुहे ।
९३६९२ जल्पंश्चाटुवचोऽधरं धयति यत्प्रेयान् कुतो विस्मयः  पांसुं चक्षुषि विक्षिपन् यदि धनं गृह्णासि पाटच्चरः ॥
९३६९ १ काञ्चीसीमनि कापि काञ्चनमयी निश्रेणिका राजते  तामासाद्य रणोत्सवेन महता केनापि धीर त्वया ।
९३६९ २ सद्यः कण्टकशालिना करयुगेनाक्रम्य शैलद्वयं  तस्योपान्तनिवासिनश्च शशिनः स्फीता सुधा लप्स्यते ॥
९३७०१ काञ्च्या गाढतरावबद्धवसनप्रान्ता किमर्थं पुनर् मुग्धाक्षी स्वपितीति तत्परिजनं स्वैरं प्रिये पृच्छति ।
९३७०२ मातः सुप्तिमपीह लुम्पति ममेत्यारोपितक्रोधया  पर्यस्य स्वपनच्छलेन शयने दत्तोऽवकाशस्तया ॥
९३७११ काठिन्यं कुचयोः स्रष्टुं वाञ्छन्त्यः पादपद्मयोः ।
९३७१२ निन्दन्ति च विधातारं त्वद्घाटीष्वरियोषितः ॥
९३७२१ काठिन्यं कुचकुम्भयोर्नयनयोश्चाञ्चल्यमेतद्द्वयं  भो ब्रह्मन् भवता कथं न पदयोरस्माकमासादितम् ।
९३७२२ इत्थं श्रीनरसिंह ते त्रिभुवनाधीशस्य घाटीभिया  कान्तारेषु मिथः पलायनपरा जल्पन्ति वैरिस्त्रियः ॥
९३७३१ काठिन्यं गिरिषु सदा  मृदुता सलिले ध्रुवा प्रभा सूर्ये ।
९३७३२ वैरमसज्जनहृदये  सज्जनहृदये पुनः क्षान्तिः ॥
९३७४१ काठिन्यमङ्गैर्निखिलैर्निरस्तं  स्तनौ कृशाङ्ग्याः शरणं जगाम ।
९३७४२ अधः पतिष्याव इतीव भीत्या  न शक्नुतस्तावपि हातुमेतत् ॥
९३७५१ काणः कुब्जोऽथ खञ्जः श्रुतिबलविकलो वामनः पङ्गुरन्धः  षण्डोऽपि च्छिन्ननासः परिजनरहितो दुर्भगो रोगदेही ।
९३७५२ दुष्पुत्रो दुष्कलत्रः स्वजनपरिजनैर्निन्दिनो हीनमानः  सत्यं यज्जायते तत्स्वकृतमिदमहो चेष्टते जीवलोके ॥
९३७६१ काणाः कमलपत्राक्षाः कदर्याः कल्पशाखिनः ।
९३७६२ कातरा विक्रमादित्याः कविदृग्गोचरं गताः ॥
९३७७१ काणाः कुब्जाश्च षण्डाश्च तथा वृद्धाश्च पङ्गवः ।
९३७७२ एते चान्तःपुरे नित्यं नियोक्तव्याः क्षमाभृता ॥
९३७८१ काणाः खञ्जाश्च कुब्जाश्च अतिविद्धाश्च पङ्गुलाः ।
९३७८२ एतेष्वन्तः पुररक्षायां नियोज्याः पार्थिवेन तु ॥
९३७८ १ काणाश्छटाश्च रंडाश्च तथा वृद्धाश्च पङ्गवः ।
९३७८ २ एते चान्तःपुरे नित्यं नियोक्तव्याः क्षमाभृता ॥
९३७८ १ काणो निमग्नविषमोन्नतदृष्टिरेकः  शक्तो विरागजनने जननातुराणाम् ।
९३७८ २ यो नैव कस्यचिदुपैति मनःप्रियत्वम्  आलेख्यकर्म लिखितोऽपि किमु स्वरूपः ॥
९३७९१ कातरताकेकरित  स्मरलज्जारोषमसृणमधुराक्षी ।
९३७९२ योक्तुं न मोक्तुमथवा  वलतेऽसावर्थलब्धरतिः ॥
९३८०१ कातर्यं केवला नीतिः शौर्यं श्वापदचेष्टितम् ।
९३८०२ अतः सिद्धिं समेताभ्यामुभाभ्यामन्वियेष सः ॥
९३८११ कातर्यं तु न कार्मणं न न परं दम्भो न किं योषितां  यच्चित्ता तनुचापलं मधुविधुद्बेषस्तनुत्वं तनोः ।
९३८१२ अस्माकं सखि पश्य संप्रति तनू रोमापि वक्रायते  सद्यः प्रोषित नाथयाभिनवया पान्थस्त्रियो हासिताः ॥
९३८२१ कातर्यं दुर्विनीतत्वं कार्पण्यमविवेकता ।
९३८२२ सर्वं मार्जन्ति कवयः शालीनां मुष्टिकिंकराः ॥
९३८३१ का तव काग्ता कस्ते पुत्रः  संसारोऽयमतीव विचित्रः ।
९३८३२ कस्य त्वं वा कुत आयातस् तत्त्वं चिन्तय तदिदं भ्रातः ॥
९३८४१ का तारैर्मम गर्जितैरुपरता धाराम्बुभिः का हता  का मोहं गमिता वियोगविधुरा का वा कदम्बानिलैः ।
९३८४२ नीता का च विलोलतां मदकलैः केकारबैर्बर्हिणाम्  इत्थं पान्थगृहेषु पश्यति घनो विद्युत्प्रदीपैरिव ॥
९३८५१ कात्यायनीकुसुमकामनया किमर्थं  कान्तारकुक्षिकुहरं कुतुकाद्गतासि ।
९३८५२ पश्य स्तनस्तबकयोस्तव कण्टकाङ्कं  गोपः सुकण्ठि बत पश्यति जातकोपः ॥
९३८६१ कात्र श्रीः श्रोणिबिम्बे स्रवदुदरपुरावस्तिखद्वारवाच्ये  लक्ष्मीः का कामिनीनां कुचकलशयुगे मांसपिण्डस्वरूपे ।
९३८६२ का कान्तिर्नेत्रयुग्मे जलकलुषजुषि श्लेष्मरक्तादिपूर्णे  का शोभावर्तगर्ते निगदत यदहो मोहिनस्ताः स्तुवन्ति ॥
९३८६ १ का त्वं कामिनि जाह्नवी, किमिह ते, भर्ता हरो नन्वसाव् अम्भस्त्वं किल वेत्सि मन्मथकलां, जानात्ययं ते पतिः ।
९३८६ २ स्वामिन् सत्यमिदं, नहि प्रियतमे सत्यः कुतः कामिनां  इत्येवं हरजाह्नवीगिरिसुतासंजल्पितं पातु वः ॥
९३८७१ का त्वं, कुन्तलमल्लकीर्तिर्, अहह क्वासि स्थिता, न क्वचित् सख्यस्तास्तव कुत्र कुत्र वद वाग्लक्ष्मीस्तथा कान्तयः ।
९३८७२ वाग्याता चतुराननस्य वदनं लक्ष्मीर्मुरारेरुरः  कान्तिर्मण्डलमैन्दवं मम पुनर्नाद्यापि विश्रामभूः ॥
९३८८१ का त्वं पद्मपलाशाक्षि पीतकौशेयवासिनि ।
९३८८२ द्रुमस्य शाखामालम्ब्य तिष्ठसि त्वमनिन्दते ॥
९३८९१ का त्वं पुत्रि, नरेन्द्र लुब्धकवधूर्, हस्ते किमेतत्, पलं  क्षामं किं, सहजं ब्रवीमि नृपते यद्यादराच्छ्रूयते ।
९३८९२ गायन्ति त्वदरिप्रियाश्रुतटिनीतीरेषु सिद्धाङ्गना  गीतान्धा न तृणं चरन्ति हरिणास्तेनामिषं दुर्बलम् ॥
९३९०१ का त्वं, माधवदूतिका, वदसि किं, मानं जहीहि प्रिये  धूर्तः सोऽन्यमना, मनागपि सखि त्वय्यादरं नोज्झति ।
९३९०२ इत्यन्योन्यकथारसैः प्रमुदितां राधां सखीवेषवान्  नीत्वा कुञ्जगृहं प्रकाशिततनुः स्मेरो हरिः पातु वः ॥
९३९११ का त्वं, मुक्ति, रुपागतास्मि भवती कस्मादकस्मादिह  श्रीकृष्णस्मरणेन देव भवतो दासीपदं प्रापिता ।
९३९१२ दूरे तिष्ठ मनागनागसि कथं कुर्यादनार्यं मयि  त्वद्गन्धान्निजनामचन्दनरसालेपस्य लोपो भवेत् ॥
९३९२१ का त्वं शुभे कस्य परिग्रहो वा  किं वा मदभ्यागमकारणं ते ।
९३९२२ आचक्ष्व मत्वा वशिनां रघूणां  मनः परस्त्रीविमुखप्रवृत्ति ॥
९३९३१ कादम्बिनी कम्बलिका कदम्ब  केदारकान्ताकुचकुट्टिमं च ।
९३९३२ कस्तूरिका केतकपुष्पगम्धः  केकारवः प्रावृषि हर्षमूलम् ॥
९३९४१ कादम्बिनी किमियमालि कदम्बमूले  किं वा तमालतरुरेव किमन्धकारः ।
९३९४२ जानासि नैव सखि गोपकुलाङ्गनानां  कौलव्रतव्रततिभङ्गकरः करीन्द्रः ॥
९३९४ १ का दीयतां तव रघूद्वह सम्यगाशीर् निष्कण्टकानि विहितानि जगन्ति येन ।
९३९४ २ आशास्महे ननु तथापि सह स्ववीरैर् भूकाश्यपोपमसुतद्वितया वधूः स्यात् ॥
९३९५१ का दुर्दशा कुपितनिर्दयचित्रगुप्त  वित्रासितस्य जगतो यदि देवि न स्याः ।
९३९५२ त्वं कर्मबन्धनविमोचनधर्मराज  लेखाधिकारपरिशोधनजातपत्री ॥
९३९६१ का द्यौः, किं बलसद्म, का वसुमती, स्यात्सर्वमेतद्यदि  प्रत्यक्षं न भवेत्कदाचिदपि किं ते सर्वसन्दर्शिनः ।
९३९६२ भ्राम्यन्तः प्रलपन्तु नाम विदितं मण्डूक सम्यक्त्वया  मुक्त्वेमं परमं कुकूपमितरत्किं नाम संभाव्यते ॥
९३९७१ कानने सरिदुद्देशे गिरीणामपि कन्दरे ।
९३९७२ पश्यन्त्यन्तकसंकाशं त्वामेकं रिपवः पुरः ॥
९३९८१ का नाम बुद्धिहीनस्य विधेरविदग्धता ।
९३९८ २ कूष्माण्डानां न यश्चक्रे तैलमूर्णां च दन्तिनाम्
९३९९१ कानि स्थानानि दग्धान्यतिशयगहनाः सन्ति के वा प्रदेशाः  किं वा शेषं वनस्य स्थितमिति पवनासङ्गविस्पष्टतेजाः ।
९३९९२ चण्डज्वालावलीढस्फुटिततरुलताग्रन्थिमुक्ताट्टहासो  दावाग्निः शुष्कवृक्षे शिखरिणि गहनेऽधिष्ठितः पश्यतीव ॥
९४००१ कानीनस्तु पितामहः समभवत्पित्रादयो गोलकास् तत्पुत्राश्च युधिष्ठिरप्रभृतयः कुण्डा ह्यमी पाण्डवाः ।
९४००२ पञ्चानां द्रुपदात्मजा सहचरी युद्धे हता बान्धवा  श्रीकृष्णेन कुलं कलङ्कनिचितं नीतं जगद्वन्दितम् ॥
९४०११ कानीनस्य मुनेः स्वबान्धववधूवैधव्यविध्वंसिनो  नप्तारः खलु गोलकस्य तनयाः कुण्डाः स्वयं पाण्डवाः ।
९४०१२ तेऽमी पञ्च समानयोनिरतयस्तेषां गुणोत्कीर्तनाद् अक्षय्यं सुकृतं भवेदविकलं, धर्मस्य सूक्ष्मा गतिः ॥
९४०१ १ कान्तं कन्दर्पपुष्पं स्तनतटशशिनं रागवृक्षप्रवालं  शय्यायुद्धाभिघातं सुरतरथरणश्रान्तधुर्यप्रतोमद् ।
९४०१ २ उन्मेषं विम्रमाणां करजपदमयं गुह्यसम्भोगचिह्नं  रागाक्रान्ता वहन्तां जघननिपतितं कर्कशाः स्त्रीकिशोर्यः ॥
९४०२१ कान्तं खलगिरा काव्यं लभते भूयसीं रुचम् ।
९४०२२ स्पृष्टं च दंष्ट्त्रया हृद्यं यथा हेमविभूषणम् ॥
९४०३१ कान्तं निरीक्ष्य वलयाङ्कितकण्ठदेशं  मुक्तास्तया परभिया परुषा न वाचः ।
९४०३२ दूतीमुखे मृगदृशा स्खलदम्बुपूरा  दूरात्परं निदधिरे नयनान्तपाताः ॥
९४०३ १ कान्तं रूपं यौवनं चारुलीलं  दानं दाक्षिप्यं वाक्च सामोपपन्ना ।
९४०३ २ यं प्राप्यैते सद्गुणाः भान्ति सर्वे  लोके कामिन्यः का न तस्य प्रसाद्याः ॥
९४०४१ कान्तं वक्ति कपोतिकाकुलतया नाथान्तकालोऽधुना  व्याधोऽधो धृतचापसज्जितशरः श्वेनः परिभ्रामति ।
९४०४२ इत्थं सत्यहिना स दष्ट इषुणा श्येनोऽपि तेनाहतस् तूर्णं तौ तु यमालयं प्रति गतौ दैवी विचित्रा गतिः ॥
९४०५१ कान्तं विचिन्त्य सुलभेतरसंप्रयोगां  श्रुत्वा विदर्भपतिमानमितं बलैश्च ।
९४०५२ धाराभिरातप इवाभिहतं सरोजं  दुःखायते च हृदयं सुखमश्नुते च ॥
९४०६१ कान्तं विना नदीतीरं मदमालोक्य केकिनी ।
९४०६२ अत्र क्रियापदं गुप्तं यो जानाति स पण्डितः ॥
९४०७१ कान्तं वीक्ष्य विपक्षपक्ष्मलदृशः पादाम्बुजालक्तकैर् आलिप्ताननमानतीकृतमुखी चित्रार्पितेवाभवत् ।
९४०७२ रूक्षं नोक्तवती न वा कृतवती निःश्वासकोष्णे दृशौ  प्रातर्मङ्गलमङ्गना करतलादादर्शमादर्शयत् ॥
९४०८१ कान्तः कटाक्षपातेन भ्रामयन्नयनद्वयम् ।
९४०८२ सुगन्धिमारुतो तात शृङ्गाररससेवितः ॥
९४०९१ कान्तः करं स्पृशति जल्पति चाटुवाचम्  आलोकते मुखमपाकुरुते दुकूलम् ।
९४०९२ इत्येव केवलमनङ्ग विलासभीता  स्वप्नेऽपि पश्यति नवोढसरोरुहाक्षी ॥
९४१०१ कान्तः कुचादेककरेण वेणीम्  एणीदृशः कर्षति कौतुकेन ।
९४१०२ अन्याङ्गनासङ्गमशुद्धिहेतोः  श्यामां भुजङ्गीमिव हेमकुम्भात् ॥
९४१११ कान्तः कृतान्तचरितः कुटिला तदम्बा  वज्रोपमानि वचनानि च दुर्जनानाम् ।
९४११२ प्रत्यङ्गमन्तरतनोः प्रहरन्ति बाणाः  प्राणाः पुनः सखि बहिर्न खलु प्रयान्ति ॥
९४१२१ कान्तः पदेन हत इति  सरलामपराध्य किं प्रसादयथ ।
९४१२२ सोऽप्येवमेव सुलभः  पदप्रहारः प्रसादः किम् ॥
९४१३१ कान्तः पुत्रि हठाद्गतश्चरणयोर्न त्वं निपत्य स्थिता  बद्धो मेखलयानया रतिरहः सख्या न वा फूत्कृतम् ।
९४१३२ का लज्जा मुषितासि किं प्रकटितैरेभिर्विलक्षस्मितैर् आः पापे विरहानलस्य न शिखा जानासि मर्मच्छिदः ॥
९४१४१ कान्तदूत्य इव कुङ्कुमताम्राः  सायमण्डलमभित्वरयन्त्यः ।
९४१४२ सादरं ददृशिरे वनिताभिः  सौधजालपतिता रविभासः ॥
९४१५१ कान्तप्रकर्षं दशनच्छदेन  सन्ध्याघने बद्धपदं हरन्त्याः ।
९४१५२ तस्या गृहोद्यानसरोगतस्य  हस्तस्य एवाम्बुरुहस्य रागः ॥
९४१६१ कान्तर्मूर्ध्नि दधती विधित्सया  तन्मणेः श्रवणपूरमुत्पलम् ।
९४१६२ रन्तुमर्चनमिवाचरत्पुरः  सा स्ववल्लभतनो मनोभुवः ॥
९४१७१ कान्तया कान्तसंयोगे किमकारि नवोढया ।
९४१७२ अत्रापि चोत्तरं वक्तुमवधिर्ब्रह्मणो वयः ॥
९४१८१ कान्तयानुगतः कोऽयं पीनस्कन्धो मदोद्धतः ।
९४१८२ मृगाणां पृष्ठतो याति शम्बरो रूढयौवनः ॥
९४१९१ कान्तया सपदि कोऽप्युपगूढः  प्रौढपाणिरपनेतुमियेष ।
९४१९२ संहतस्तनतिरस्कृतदृष्टिर् भ्रष्टमेव न दुकूलमपश्यत् ॥
९४२०१ कान्तवेश्म बहु संदिशतीभिर् यातमेव रतये रमणीभिः ।
९४२०२ मन्मथेन परिलुप्तमतीनां  प्रायशः स्खलितमप्युपकारि ॥
९४२११ कान्तसंगमपराजितमन्यौ  वारुणीरसनशान्तविवादे ।
९४२१२ मानिनीजन उपाहितसंधौ  संदधे धनुषि नेषुमनङ्गः ॥
९४२२१ कान्तस्ते कमलाभिरामनयने कल्पे हि देशान्तरं  गन्तेति श्रुतमद्य लोकवचनात्तथ्यं किमेतद्वचः ।
९४२२२ पृष्टा सेति मया दयाधननिधे प्रोवाच दीनानना  यत्तद्वक्तुमपि क्षमा न रसना मे जायते साम्प्रतम् ॥
९४२३१ कान्तां कामपि कामयत्यनुदिनं ध्यानापदेशादयं  येनामुं मुनयोऽप्यनादिनिधनं ध्यायन्ति धौतस्पृहाः ।
९४२३२ इत्यङ्कात्स्वकरे हृते गिरिजया पादे च पद्मासनाद् विश्वं पातु पुरन्ध्रिनद्धवपुषः शम्भोः समाधिव्ययः ॥
९४२४१ कान्तां क्वापि विलम्बिनीं कलरुतैराहूय भूयस्ततो  दिग्भागानवलोक्य रङ्गवसुधामुत्सृज्य पद्भ्यां ततः ।
९४२४२ एष स्फारमृदङ्गनादमधुरैरम्भोमुचामारवैर् बर्हश्रेणिकृतातपत्ररचनो हृष्टः शिखी नृत्यति ॥
९४२५१ कान्तां दृष्ट्वा चरणयुगलक्षालनाय प्रवृत्ताम्  अस्मिन् राष्ट्रे श्रियमिति वचः पापठीति प्रयत्नात् ।
९४२५२ देवस्य त्वेति च पुनरसौ वीटिकायाः प्रदाने  जामाता ते जडमतिरयं छान्दसः किं करोमि ॥
९४२६१ कान्तां हित्वा विरहविधुरारम्भखेदालसाङ्गीं  मामुल्लङ्घ्य व्रजतु पथिकः कोऽपि यद्यस्ति शक्तिः ।
९४२६२ इत्याशोकी जगति सकले वल्लरी चोरिकेव  प्राप्तारम्मे कुसुमसमये कामदेवेन दत्ता ॥
९४२७१ कान्ताः किं न शशाङ्ककान्तिधवलाः सौधालयाः कस्यचित् काञ्चीदामविराजितोरुजघना सेव्या न किं कामिनी ।
९४२७२ किं वा श्रोत्ररसायनं सुखकरं श्रव्यं न गीतादिकं  विश्वं किन्तु विलोक्य मारुतचलं सन्तस्तपः कुर्वते ॥
९४२७ १ कान्ताकटाक्षवपुषे नमः कुसुमधन्वने ।
९४२७ २ जायते येन सच्छायो विरसोऽपि भवद्रुमः ॥
९४२८१ कान्ताकटाक्षविशिखा न खनन्ति यस्य  चित्तं न निर्दहति कोपकृशानुतापः ।
९४२८२ कर्षन्ति भूरिविषयाश्च न लोभपाशा  लोकत्रयं जयति कृत्स्नमिदं स धीरः ॥
९४२९१ कान्ता कर्षणलोलकेरलवधूधम्मिल्लमल्लीरजश् चौराश्चोडनितम्बिनीस्तनतटे निष्पन्दतामागताः ।
९४२९२ रेवाशीकरधारिणोऽन्ध्रमुरलस्त्रीमानमुद्राभि दो  वाता वान्ति नवीनकोकिलवघूहूंकारवाचालिताः ॥
९४३०१ कान्ताकेलिं कलयतु तरुः कोऽपि कश्चित्प्रभूणाम्  अत्यानन्दं जनयतु फलैः कोऽपि लोकान् धिनोतु ।
९४३०२ धन्यं मन्ये मलयजमहो यः प्रभूतोपतापं  संसारस्य द्रुतमपनयत्यात्मदेहव्ययेन ॥
९४३११ कान्ताकेलिमयोपि भूतकरुणाशान्तोऽप्यसौ संयमी  क्रीडारूढसमाधिभङ्गविकटभ्रूभङ्गभीमाननः ।
९४३१२ दृष्ट्वाकृष्टशरासनं यदकरोत्क्रुद्धः पिनाकी स्मरं  त्वामप्यद्य दृशा तदेव कुरुते क्रोधादयं कौशिकः ॥
९४३२१ कान्ता चन्द्रोदयो वीणापञ्चमध्वनिरित्यमी ।
९४३२२ ये नन्दयन्ति सुखितान् दुःखितान् व्यथयन्ति ते ॥
९४३३१ कान्ताजनं सुरतखेदनिमीलिताक्षं  संवाहितुं समुपयानिव मन्दमन्दम् ।
९४३३२ हर्म्येषु माल्यमदिरापरिभोगगन्धान्  आविश्चकार रजनीपरिवृत्तिवायुः ॥
९४३४१ कान्ताजनेन रहसि प्रसभं गृहीत  केशे रते स्मरसहासवतोषितेन ।
९४३४२ प्रेम्णा मनस्सु रजनीष्वपि हैमनीषु  के शेरते स्म रसहासवतोषितेन ॥
९४३५१ कान्ता ददाति मदनं  मदनः संतापमसममनुपशयम् ।
९४३५२ संतापो मरणमहो  तथापि शरणं नृणां सैव ॥
९४३५ १ कान्ताधरसुधास्वादाद्यूनं यज्जायते सुखम् ।
९४३५ २ बिन्दुः पार्श्वे तदध्यात्मशास्त्रास्वादसुखोदधेः ॥
९४३६१ कान्ताधरासवनिपानमुपास्य धीमान्  पीयूषपानकृतये न रुचिं प्रयाति ।
९४३६२ तत्रास्ति चेन्मधुरिमा बत कोऽपि सत्यं  किं नाम तात तृषिटाः क्षुधिताः पुनः स्युः ॥
९४३७१ कान्तानवाधररसामृततृष्णयेव  बिम्बं पपात शशिनो मधुभाजने यत् ।
९४३७२ निःशेषिते मधुनि लज्जितचित्तवृत्ति  तत्तन्मुखाब्जजितकान्तितया विनष्टम् ॥
९४३८१ कान्तानां कुवलयमप्यपास्तमक्ष्णोः  शोभाभिर्न मुखरुचाहमेकमेव ।
९४३८२ संहर्षादलिविरुतैरितीव गायंल् लोलोर्मौ पयसि महोत्पलं ननर्त ॥
९४३९१ कान्तानां कृतपुलकः स्तनाङ्गरागे  वक्त्रेषु च्युततिलकेषु मौक्तिकाम्भः ।
९४३९२ संपेदे श्रमसलिलोद्गमो विभूषां  रम्याणां विकृतिरपि श्रियं तनोति ॥
९४४०१ कान्तानां वदनेन्दुकान्तिमधुना धत्ते सुधादीधितिः  खेलत्खञ्जनपङ्क्तयो मृगदृशां तन्वन्ति नेत्रश्रियम् ।
९४४०२ पद्मानि श्वसितस्य सौरभमभिद्रुह्यन्ति वामभ्रुवाम्  अभ्यस्यन्ति च राजहंसवनिताः पीनस्तनीनां गतिम् ॥
९४४११ कान्तानुरागचतुरोऽसि मनोहरोऽसि  नाथोऽसि किं च नवयौवनभूषितोऽसि ।
९४४१२ इत्थं निगद्य सुदृशा वदने प्रियस्य  निश्वस्य बाष्पलुलिता निहिता दृगन्ताः ॥
९४४१ १ कान्तानेत्रार्धपाता वदनरुचिकराः सस्मिता भ्रूविलासाः  साकारा वाक्यलेशाः सहतलनिनदा दृष्टनष्टाश्च हासाः ।
९४४१ २ नाभीकक्षस्तनानां विवरणमसकृत्स्पर्शनं मेखलानां  श्वासायासाश्च दीर्घां मदनशरहतां कामिनीं सूचयन्ति ॥
९४४१ १ कान्तान्यर्धनिरीक्षितानि मधुरा हासोपदंशाः कथाः  पीनश्रोणिनिरुद्धशेषमतुलस्पर्शं तदर्धांसनम् ।
९४४१ २ स्नेहव्यक्तिकरान् करव्यतिकरांस्तांस्तांश्च रम्यान् गुणान्  वेश्याभ्यः प्रणयादृतेऽपि लभते ज्ञातोपचारो जनः ॥
९४४१ १ कान्ताप्रीतिपरानुजो विनयवान् हृन्नन्दनो नन्दनो  भाग्यं स्वर्ललनोपभोग्यममला लक्ष्मीः सुखं निस्तुषम् ।
९४४१ २ पूजा राजकुले यशोऽतिविशदं गोष्ठी समं कोविदैर् दानेऽतिव्यसनं रतिर्जिनमते स्यात्कस्यचित्पुण्यतः ॥
९४४२१ कान्तामुखं सुरतकेलिविमर्दखेद  संजातघर्मकणविच्छुरितं रतान्ते ।
९४४२२ आपाण्डुरं तरलतारनिमीलिताक्षं  संस्मृत्य हे हृदय किं शतधा न यासि ॥
९४४३१ कान्तामुखद्युतिजुषामपि चोद्गतानां  शोभां परां कुरवकद्रुममञ्जरीणाम् ।
९४४३२ दृष्ट्वा प्रिये सहृदयस्य भवेन्न कस्य  कन्दर्पबाणपतनव्यथितं हि चेतः ॥
९४४४१ कान्तामुखास्वादपराङ्मुखा यत् पान्थाः शशाङ्कस्य करैर्विमृष्टाः ।
९४४४२ सुदुःसहं तापमिमे प्रयान्ति  मन्ये ततौ नैव सुधेतरत्र ॥
९४४५१ कान्तायाः करजैः कपोलफलके पत्रावली कल्पिता  केलिद्यूतपणीकृतो विहरता पीतः स बिम्बाधरः ।
९४४५२ स्वेदार्द्रीकृतचन्दनस्तनतटी सानन्दमालिङ्गिता  निर्विष्टा विषयाः शिवात्ममहसि न्यस्तं मनः संप्रति ॥
९४४६१ कान्ताया विकसद्विलासहसितस्वच्छांशवश्चामरं  संसक्तावभिषेकहेमकलशौ यच्चन्दनाङ्कौ स्तनौ ।
९४४६२ यत्कार्तस्वरकान्ति चारु जघनं सिंहासनं भूभुजां  साम्राज्यं तदिदं जयाजयमयः शेषस्तु चिन्तामय्ः ॥
९४४७१ कान्तारं न यथेतरो ज्वलयितुं दक्षो दवाग्निं विना  दावाग्निं न यथा परः शमयितुं शक्तो विनाम्भोधरम् ।
९४४७२ निष्णातः पवनं विना निरसितुं नान्यो यथाम्भोधरं  कर्मौघं सुकृतं विना किमपरं हन्तुं समर्थं तथा ॥
९४४८१ कान्तारं परितो ज्वलत्यतिबले दावानले दैवतो  गोमायोर्गहनां गुहां परिपतन् दर्पोद्धुरः केसरी ।
९४४८२ यद्व्यापादयति स्म तं न कृपया तेनैष तस्मिन् वने  सिंहानामभयप्रदोऽहमधुनेत्युत्पुच्छमुद्धावति ॥
९४४९१ कान्तारः समराख्यश्च वैकुण्ठो वाञ्छितस्तथा ।
९४४९२ विशालश्च तथा नन्दः षोढाः निःसारुको भवेत् ॥
९४५०१ कान्तारपादपानां  यथा फलं मानुषैरननुभोग्यम् ।
९४५०२ एवमनार्येष्वर्थाः  मनसाऽप्यार्यैरननुभोग्याः ॥
९४५११ कान्तारभूमिरुहमौलिनिवासशीलाः  प्रायः पलायनपरा जनवीक्षणेन ।
९४५१२ कूजन्ति तेऽपि हि शुकाः खलु रामनाम  सङ्गः स्वभावपरिवर्तविधौ निदानम् ॥
९४५२१ कान्तारवनदुर्गेषु कृच्छ्रास्वापत्सु संभ्रमे ।
९४५२२ उद्यतेषु च शस्त्रेषु नास्ति सत्त्ववतां भयम् ॥
९४५३१ कान्ता रुचिं मुनिजनस्तरुणोऽवियोगी  कामश्च रत्नमणिरुज्ज्वलकङ्कणेन ।
९४५३२ धत्ते पयोधरयुगे कुचभूषणेन  हारे हरे हिमकरे मकरे करे च ॥
९४५४१ कान्तारे घनतिमिरे भुजंगमेभ्यो  नो भीता न च गणिता महापगापि ।
९४५४२ किं बाले वहसि भयं मदङ्गसंगात् विक्रीते करिणि किमङ्कुशे विवादः ॥
९४५५१ कान्तारे जलवृक्षवैरिणि मुहुस्त्वद्वैरिवामभ्रुवो  बालैराकुललोचनैः प्रतिपदं रुद्धक्रमाश्चङ्क्रमे ।
९४५५२ पृथ्वीचण्डरुचे पटच्चरदशासंघट्टदीप्तप्रभं  सिञ्चन्त्यञ्जलिसञ्चिताश्रुभिरलं युष्मत्प्रतापानलम् ॥
९४५६१ कान्तारे दैवगत्या कथमपि गलितान्यन्तरालोक्य भक्ष्याण्य् उड्डीयोड्डीय भूयस्तरुशिखरशिखामेव तेभ्यः श्रयन्ते ।
९४५६२ इत्थं त्वद्वैरिनारी गिरिषु नरपते जम्बुलम्बीकदम्ब  भ्रान्त्या भर्तुर्बुभुक्षोः कथयति पुरतश्चेष्टितं षट्पदानाम् ॥
९४५७१ कान्तारेषु करावलम्बिशिशवः पादैः स्रवल्लोहितैर् अर्चन्त्यः पदवीं विलोचनजलैरावेदयन्त्यः शुचम् ।
९४५७२ दृष्टाः पान्थजनैर्विवृत्य सकृपं हाशब्दगर्भैर्मुखैर् यन्त्यह्ना सकलेन योजनतुरीयांशं तवारिस्त्रियः ॥
९४५८१ कान्तारेषु च काननेषु च सरित्तीरेषु च क्ष्माभृताम्  उत्सङ्गेषु च पत्तनेषु च सरिद्भर्तुस्तटान्तेषु च ।
९४५८२ भ्रान्ताः केतकगर्भपल्लवरुचः श्रान्ता इव क्ष्मापते  कान्ते नन्दनकन्दलीपरिसरे रोहन्ति ते कीर्तयः ॥
९४५९१ कान्तारेष्वपि विश्रामो नरस्याध्वनिकस्य वै ।
९४५९२ यः सदारः स विश्वास्यस्तस्माद्दाराः परा गतिः ॥
९४६०१ कान्तावियोगः स्वजनापमानं  ऋणस्य शेषं कुनृपस्य सेवा ।
९४६०२ दारिद्र्यभावाद्विमुखं च मित्रं  विनाग्निना पञ्च दहन्ति कायम् ॥
९४६११ कान्ताश्लेषपराङ्मुखं यदि दहेद्दोषाकरः कंचन  स्थाने तर्हि यतः स हन्त विधिना हन्तुं व्यधायीदृशान् ।
९४६१२ कष्टं यत्पुनरेष चन्दनभुवो लब्धप्रभावोऽभितः  स्वर्णद्याद्यवगाहको मरुदयं दग्धं प्रचण्डोज्वलम् ॥
९४६२१ कान्तासुहृद्गुणकथाश्रवणोत्सुकस्य  रम्या विनिद्रनयनस्य गता ममासौ ।
९४६२२ सर्वेन्द्रियार्थजनितानि हि सेव्यमाना  दीर्घा स्ववृत्तिरिव हन्ति सुखानि निद्रा ॥
९४६३१ कान्तिं कुङ्कुमकेशरान्मधुरतां द्राक्षारसस्यासवाद् वैदर्भीपरिपाकपूतवचसः काव्यात्कवेर्मार्दवम् ।
९४६३२ पार्श्वादेव जरातुरेण विधिना तं तं गृहीत्वा गुणं  सृष्टा हन्त हरन्ति कस्य न मनः कश्मीरवामभ्रुवः ॥
९४६४१ कान्तिं केतककोरकद्युतिसखीं राकामृगाङ्कस्य यच् चञ्चच्चञ्चु चुलुम्पति प्रतिदिनं प्रेम्णा चकोरार्भकः ।
९४६४२ तन्मन्ये नयनामृतं रतिपतेर्मृत्युञ्जयेनार्थिना  तेनेदं रमणीकपोलफलके लावण्यमालोकितम् ॥
९४६५१ कान्तिकल्लोलवलितां नयनामृतवाहिनीम् ।
९४६५२ भजमानं स्वयं सुभ्रु कस्त्वां न बहु मन्यते ॥
९४६५ १ कान्तिप्रकर्षं दशनच्छदेन  सन्ध्याघने बद्धपदं हरन्त्याः ।
९४६५ २ तस्या गृहोद्यानसरोगतस्य  हस्तस्य एवाम्बुरुहस्य रागः ॥
९४६६१ कान्तिमयादतिविमलाद् अविरतविश्वोपकारगतकालात् ।
९४६६२ सुदशान्महतोतिमहान्  प्रसरति दीपान् प्रदीप इव ॥
९४६७१ कान्तिर्यस्य विनिद्रनीलनलिनच्छायासखी सुभ्रुवां  यत्पङ्केऽपि मुदोऽस्ति यस्य सुरभिः कासां रसोऽगोचरः ।
९४६७२ अङ्गारार्थितया जनेरतिजडैरुड्डामरैः पामरैः  पश्यैष प्रगुणैर्गुणैरपि गुरुर्दग्धः स कालागुरुः ॥
९४६८१ कान्तिर्यस्य शरन्निशाकरकलालावण्यसंवादिनी  तं विक्रेतुमिहासि यासि किमहो हारं विहारं श्रियः ।
९४६८२ एतां पश्य पुरः पुलिन्दनगरीं भूपाः कुरङ्गीदृशां  यत्रैता गलकन्दले च कुचयोरङ्के च गुञ्जास्रजः ॥
९४६९१ कान्तिर्लोचनवर्तिरद्भुतमयी मूर्तिर्महत्सौरभं  निःष्यन्दोऽथ सुधाकरादपि सुधास्यन्दादपि ह्लादकः ।
९४६९२ सर्वोऽयं विरलो जगत्यपि गुणग्रामोऽभिरामो हहा  पश्योत्तंसभुजंगसंगमजुषः श्रीखण्ड ते खण्डितः ॥
९४६९ १ कान्तिश्चन्द्रमसो मृगस्य नयने बाहू मृणालस्य ते  हंसानां गमनं सरोजवदने हेम्नो घटौ ते कुचौ ।
९४६९ २ एतत्ते परकीयवस्तु सकलं नमैकमात्रं तव  मानं मा कुरु मानिनि प्रियतमे रूपाभिमानं प्रति ॥
९४७०१ कान्तिश्रिया निर्जितपद्मरागं  मनोज्ञगन्धं द्वयमेव शस्तम् ।
९४७०२ नवप्रबुद्धं जलजं जलेषु  स्थलेषु तस्या वदनारविन्दम् ॥
९४७० १ कान्तिस्ते कनकाचलप्रतिनिधिः कान्ताकुचस्पर्धि ते  सौभाग्यं क्षितिपालदर्शनविधौ त्वत्पूर्वकं दर्शनम् ।
९४७० २ सौरभ्यं सकलातिशायि भवतो जम्बिर किं ब्रूमहे  कर्पूरप्रतिकूलता यदि न ते त्वय्येव सर्वे गुणाः ॥
९४७११ कान्तिस्ते यदि निर्मला यदि गुणा लक्ष्मीर्यदि स्थायिनी  मा गाः पद्म मदं तथापि गलिता ह्येते शरद्वासराः ।
९४७१२ संस्पर्शेन तुषारवारिपृषतामालूनमूर्तेः सरो  मध्येऽत्रैव वराटकेन भवतः स्थेयं पुनः केवलम् ॥
९४७२१ कान्ते कत्यपि वासराणि गमय त्वं मीलयित्वा दृशौ  स्वस्ति स्वस्ति निमीलयामि नयने यावन्न शून्या दिशः ।
९४७२२ आयाता वयमागमिष्यति सुहृद्वर्गस्य भाग्योदयैः  सन्देशो वद कस्तवाभिलषितस्तीर्थेषु तोयाञ्जलिः ॥
९४७३१ कान्ते कथंचित्कथितप्रयाणे  क्षणं विनम्रा विरहार्दिताङ्गी ।
९४७३२ ततस्तमालोक्य कदागतोऽसीत्य् आलिङ्ग्य मुग्धा मुदमाससाद ॥
९४७४१ कान्ते कनकजम्बीरं करे किमपि कुर्वति ।
९४७४२ आगारलिखिते भानौ बिन्दुमिन्दुमुखी ददौ ॥
९४७५१ कान्ते कलितचोलान्ते दीपे वैरिणि दीप्यति ।
९४७५२ आसीदसितपद्माक्ष्याः पक्षो नयनमुद्रणम् ॥
९४७६१ कान्ते काञ्चुलिकावलोकिनि कलावत्या नमन्त्या स्थितं  तस्मिन् कोमलकाकुभाषिणि तया स्पन्दी निरुद्धोऽधरः ।
९४७६२ उत्थायाथ करस्पृशि प्रियतमे यूनोर्नवे संगमे  काञ्चीकूजितकैतवेन मदनो द्यौःशान्तिमभ्यस्यति ॥
९४७६ १ कान्ते कथय कथं वा  गच्छसि पानीयशालिकामेका ।
९४७६ २ अङ्गमनङ्गं नितराम्  अङ्कुरयति पङ्कजाक्षि वयोऽपि तव ॥
९४७७१ कान्ते किं कुपितासि, कः परजने प्राणेश कोपो भवेत् कोऽयं सुभ्रु पर, स्त्वमेव, दयिते दासोऽस्मि किं ते परः ।
९४७७२ इत्युक्त्वा प्रणतः प्रियः क्षितितलादुत्थाप्य सानन्दया  नेत्राम्भःकणिकाङ्किते स्तनतटे तन्व्या समारोपितः ॥
९४७८१ कान्ते कुटिलमालोक्य कर्णकण्डूयनेन किम् ।
९४७८२ कामं कथय कल्याणि किङ्करः करवाणि यत् ॥
९४७९१ कान्ते गृहाण त्वमिमां स्वमालाम्  अकारणं किं कलहं करोषि ।
९४७९२ यत्पूर्वपादं मनुषेऽत्र शुद्धं  तत्तथ्यमेवास्ति न चेदिदं स्यात् ॥
९४८०१ कान्ते घोरकृतान्तवक्रकुहरात्त्वं पुण्यपुञ्जेन मे  मुक्ता कृन्त तदर्जनश्रमभरं प्रत्यङ्गमालिङ्ग्य माम् ।
९४८०२ इत्याकर्ण्य निमीलितार्धनयनं स्मेरं शनैरानतं  सोल्लासं वदनाम्बुजं मृगदृशः स्वैरं चुचुम्ब प्रियः ॥
९४८११ कान्ते जग्मुषि ताम्रचूडरटितं श्रुत्वा प्रबुद्धा जवात् किंचिद्वासवदिङ्मुखं प्रविकसद्दृष्ट्वा गवाक्षाध्वना ।
९४८१२ संत्रासेन समीरिता प्रियतमप्रेम्णावरुद्धा शनैर् उत्थानोपनिवेशनानि कुरुते तल्पे मुहुः पांसुला ॥
९४८२१ कान्ते तथा कथमपि प्रथितं मृगाक्ष्या  चातुर्यमुद्धतमनोभवया रतेषु ।
९४८२२ तत्कूजितान्यनुवदद्भिरनेकवारं  शिष्यायितं गृहकपोतशतैर्यथा स्यात् ॥
९४८३१ कान्ते तल्पमुपागते विगलिता नीवी स्वयं तत्क्षणात् तद्वासः श्लथमेखलागुणधृतं किंचिन्नितम्बे स्थितम् ।
९४८३२ एतावत्सखि वेद्मि केवलमहं तस्याङ्गसङ्गे पुनः  कोऽसौ कास्मि रतं तु किं कथमिति स्वल्पापि मे न स्मृतिः ॥
९४८४१ कान्तेत्युत्पललोचनेति विपुलश्रोणीभरेत्युन्नमत् पीनोत्तुङ्गपयोधरेति सुमुखाम्भोजेति सुभ्रूरिति ।
९४८४२ दृष्ट्वा माद्यति मोदतेऽभिरमते प्रस्तौति विद्वानपि  प्रत्यक्षाशुचिपुत्रिकां स्त्रियमहो मोहस्य दुश्चेष्टितम् ॥
९४८४ १ कान्ते त्वत्कुचचूचुकौ तदुपरि स्मेरा च हारावली  तद्वक्त्रं तरुणाङ्गि बिम्बितमनुच्छायालताश्यामताम् ।
९४८४ २ त्वं सर्वाङ्गमनोरमे त्रिजगतां बध्नासि दृष्ट्या मनो  जम्बूवज्जलबिन्दुवज्जलजवज्जम्बालवज्जालवत् ॥
९४८५१ कान्ते त्वन्नेत्रकान्तं पुरु कमलवनं त्वन्मुखस्योपमेयश् चन्द्रः प्रत्यक्षसिद्धः पिककुलमपि च त्वत्स्वरस्यानुकारि ।
९४८५२ रम्भाकाण्डस्त्वदूरुच्छविरपि सुलभः कम्बवश्च त्वदीयाः  कण्ठाकारा शिखण्डास्तव कचसदृशास्तत्कथं तेऽसमत्वम् ॥
९४८६१ कान्ते धावय मे पादाविति भर्त्रा निवेदिता ।
९४८६२ न तया धावितौ पादौ भर्तुराज्ञा न लङ्घिता ॥
९४८७१ कान्तेन प्रहितो नवः प्रियसखीवर्गेण बद्धस्पृहश् चित्तेनोपहृतः स्मराय न समुत्स्रष्टुं गतः पाणिना ।
९४८७२ आमृष्टो मुहुरीक्षितो मुहरभिघ्रातो मुहुर्लोठितः  प्रत्यङ्गं च मुहुः कृतो मृगदृशा किं किं न चूताङ्कुरः ॥
९४८८१ कान्ते नितान्तं दयिताकुचान्त  चोलाञ्चलं कर्षति हर्षमुग्धे ।
९४८८२ बभार बाला नमितास्यहास्य  लेशापदेशादपरं निचोलम् ॥
९४८९१ कान्ते नितान्तमेतैर् वचनै रुषितेव लक्ष्यते भवती ।
९४८९२ क इवोष्यते न वचनैर् उक्तैरागांस्यपह्नोतुम् ॥
९४८९ १ कान्ते कृतागसि पुरः परिवर्तमाने  सख्यं सरोजशशिनोः सहसा बभूव ।
९४८९ २ रोषाक्षरं सुदृशि वक्तुमपारयन्त्याम्  इन्दीवरद्वयमवाप तुषारधाराम् ॥
९४८९ १ कान्ते पश्यति सानुरागमबला साचीकरोत्याननं  तस्मिन् कामकलाकलापकुशले व्यावृत्तवक्त्रे किल ।
९४८९ २ पश्यन्ती मुहुरन्तरङ्गमदना दोलायमानेक्षणा  लज्जामन्मथमध्यगापि नितरां तस्याभवत्प्रीतये ॥
९४९०१ कान्ते यामि, क्व, देशान्तर, मपि शयना, न्नेति, किं सद्मनोऽपि  क्वैतावन्मात्र, माः किं कथयसि नगरा, न्न प्रिये निर्वृतोऽपि ।
९४९०२ इत्याकर्ण्योक्तवस्तुक्रमघनघनहृद्वेदना वेद नाहं  काहं कुत्रास्मि कोऽयं बत हतसमयोऽप्यस्मि वा नास्मि वेति ॥
९४९११ कान्ते विचित्रसुरतक्रमबद्धरागे  सङ्केतकेऽपि मृगशाबदृशा रसेन ।
९४९१२ तत्कूजितं किमपि येन तदीयतल्पं  नाल्पैः परीतमनुकूजितलावकौघैः ॥
९४९२१ कान्ते विलासिनि कलावति पद्मनेत्रे  नित्यं त्वयि प्रियतमे रमते मनो मे ।
९४९२२ इत्थं भवन्तमुरुभावनया वदन्तं  श्रीकृष्ण मां बुधजना अपि हा हसन्ति ॥
९४९३१ कान्ते सागसि कञ्चुकस्पृशि तया साचीकृतग्रीवया  मुक्ताः कोपकषायमन्मथशरत्क्रूराः कटाक्षाङ्कुराः ।
९४९३२ साकूतं दरहासकेसरवचोमाध्वीकधारालसा  प्रीतिः कल्पलतेव काचन महादानीकृता सुभ्रुवा ॥
९४९३ १ कान्ते सागसि काचिदन्तिकगते निर्भर्त्स्य रोषारुणैर् भ्रूभङ्गीकृटिलैरपाङ्गवलनैरालोकमाना मुहुः ।
९४९३ २ बध्वा मेखलया सपत्नरमणीपादाब्जलाक्षाङ्कितं  लीलानीलसरोरुहेण निटिलं हन्ति स्म रोषाकुला ॥
९४९४१ कान्ते सागसि यापिते प्रियसखीवेषं विधायागते  भ्रान्त्यालिङ्ग्य मया रहस्यमुदितं तत्संगमाकाङ्क्षया ।
९४९४२ मुग्धे दुष्करमेतदित्यतितरामुक्त्वा सहासं बलाद् आलिङ्ग्य च्छलितास्मि तेन कितवेनाद्य प्रदोषागमे ॥
९४९५१ कान्ते स्नेहनिधौ समीयुषि मधौ जित्वा श्रियं शैशिरीं  विश्लेषादिव तस्य पाण्डिमभृतामालीलतानामियम् ।
९४९५२ कर्तुं नूतनचित्रपत्ररचनां किं काननश्रीरिमां  प्राचीनां पवनाञ्चलेन परितः पत्रावलीं लुम्पति ॥
९४९६१ कान्ते हन्त सुकोमला बत मता प्राग्व्यर्थमेव भ्रमात् किंतु त्वं भुवि निष्ठुरा निरुपमा पश्यस्यपीमं न माम् ।
९४९६२ तस्माद्वक्षसि ते पयोधरमिषाद्धात्रा निखायार्पितौ  शैलेन्द्राविति सांप्रतं न हि चिरं सौख्यं परक्लेशितुः ॥
९४९७१ कान्तो नर्मणि नैपुणेन विदितस्त्वं शैशवद्वेषिणी  क्रीडाशैलशिरोमणिर्गृहमिदं रम्यो वसन्तोत्सवः ।
९४९७२ सख्यः कामकथोपचारचतुराः संभोगकालेऽधुना  मानो वा कलहोऽथवा यदि कदा तच्चेतसो निर्वृतिः ॥
९४९८१ कान्तो यास्यति दूरदेशमिति मे चिन्ता परं जायते  लोकानन्दकरो हि चन्द्रवदने वैरायते चन्द्रमाः ।
९४९८२ किं चायं वितनोति कोकिलकलालापो विलापोदयं  प्राणानेव हरन्ति हन्त नितरामाराममन्दानिलाः ॥
९४९९१ कान्तोऽसि नित्यमधुरोऽसि रसाकुलोऽसि  किं चासि पञ्चशरकार्मुकमद्वितीयम् ।
९४९९२ इक्षो तवास्ति सकलं परमेकमूनं  यत्सेवितो भजसि नीरसतां क्रमेण ॥
९५००१ कान्त्या काञ्चनकान्तया परिमलैर्भाग्यैकभोग्यैस्तथा  सौन्दर्येण च साधुनैव कुसुमं हा हन्त न त्वत्समम् ।
९५००२ अक्रोधं शृणु किन्तु दूषणमिव त्वय्यस्ति किञ्चित्पुनस् तत्त्वज्ञैर्यदचुम्बितं त्वमसि रे चाम्पेय पुष्पन्धयैः ॥
९५०११ कान्त्या दरिद्रत्वमुपैति चन्द्रः  किमस्ति तत्त्वं विकचोत्पलेषु ।
९५०१२ न वेद्यि विश्वास्य कथं मृगाक्ष्या  सौन्दर्यसृष्टिर्मुषिता विधातुः ॥
९५०२१ कान्त्या विलुप्तानि विलोचनानाम्  आपाटलानामतिरोदनेन ।
९५०२२ सकुङ्कुमानीव पुनर्भंवन्ति  यस्यारिनारीकुचमण्डलानि ॥
९५०३१ कान्त्या सुवर्णवरया परया च शुद्ध्या  नित्यं स्विकाः खलु शिखाः परितः क्षिपन्तीम् ।
९५०३२ चेतोहरामपि कृशेशयलोचने त्वां  जानामि कोपकलुषो दहनो ददाह ॥
९५०४१ कान्यकुब्जा द्विजाः सर्वे मागधं माधुरं विना ।
९५०४२ गौडद्राविडविख्याताः कान्यकुब्जाः महोद्भवाः ॥
९५०५१ का पाण्डुपत्नी गृहभूषणं किं  को रामशत्रुः किमगस्त्यजन्म ।
९५०५२ कः सूर्यपुत्रो विपरीतपृच्छा  कुन्तीसुतो रावणकुम्भकर्णाः ॥
९५०६१ कापि कान्तमिदमाह महेला  साधु साधय तथा युधि कार्यम् ।
९५०६२ वर्तते तव यथा च जयश्रीर् लोकनाथललना च सपत्नी ॥
९५०७१ कापि कुड्यलिखितावधिरेखाः  प्रोषितप्रियतमा गणयन्ती ।
९५०७२ वेश्मनि प्रबलवह्निपरीते  सास्रया बहिरनीयत सख्या ॥
९५०८१ कापि मुख्यपदवीमधिरोप्य  स्वां सखीं स्वकरधारितदीपा ।
९५०८२ प्राणनाथरतिगेहमयासीद् अद्भुतो रतिपतेरुपदेशः ॥
९५०९१ कापिशायनसुगन्धि विघूर्णन्न्  उन्मदोऽधिशयितुं समशेत ।
९५०९२ फुल्लदृष्टिवदनं प्रमदानाम्  अब्जचारु चषकं च शडङ्घ्रिः ॥
९५१०१ कापि शीघ्रमवधीरितमाना  मानिनो विचलिता प्रियधाम्नि ।
९५१०२ आगतेन मरुतापि पुरस्ताल् लाघवस्य परिहारममंस्त ॥
९५१११ कापुरुषः कुक्कुरश्च भोजनैकपरायणः ।
९५११२ लालितः पार्श्वमायाति वारितो नैव गच्छति ॥
९५१२१ काप्यङ्घ्री रङ्गपत्र्यारुणयति रमणी भूषणैर्भाति काचिद् गायत्यन्या परापि प्रलसति लहरीलक्ष्म वासो वसाना ।
९५१२२ यत्रान्या स्नेहपूरान् वितरति च मुदं याति दोलाभिरन्या  सा शृङ्गारद्वितीया रचयति न मनः कस्य शृङ्गारमग्नम् ॥
९५१३१ काप्यन्या मुकुलाधिकारमिलिता लक्ष्मीरशोकद्रुमे  माकन्दः समयोचितेन विधिना धत्तेऽभिजातं वपुः ।
९५१३२ किं चाषाढगिरेरनङ्गविजयप्रस्तावनापण्डित ः  स्वैरं सर्पति बालचन्दनलतालीलासखो मारुतः ॥
९५१४१ काप्यभिख्या तयोरासीद्व्रजतो शुद्धवेषयोः ।
९५१४२ हिमनिर्मुक्तयोर्योगे चित्राचन्द्रमसोरिव ॥
९५१५१ काप्यागतं वीक्ष्य मनोधिनाथं  समुत्थिता सादरमासनाय ।
९५१५२ करेण शिञ्जद्वलयेन तल्पम्  आस्फालयन्ती कलमाजुहाव ॥
९५१६१ का प्रस्तुताभिषेकाद् आर्यं प्रच्यावयेद्गुणज्येष्ठम् ।
९५१६२ मन्ये ममैव पुण्यैः  सेवावसरः कृतो विधिना ॥
९५१७१ का प्रियेण रहिता वराङ्गना  धाम्नि केन तनयेन नन्दिता ।
९५१७२ कीदृशेन पुरुषेण पक्षिणां  बन्धनं समभिलष्यते सदा ॥
९५१८१ का प्रीतिः सह मार्जारैः का प्रीतिरवनीपतौ ।
९५१८२ गणिकाभिश्च का प्रीतिः का प्रीतिर्भिक्षुकैः सह ॥
९५१९१ काभिर्न तत्राभिनवस्मराज्ञा  विश्वासनिक्षेपवणिक्क्रियेऽहम् ।
९५१९२ जिह्नेति यन्नैव कुतोऽपि तिर्यक् कश्चित्तिरश्चस्त्रपते न तेन ॥
९५२०१ का भूषा बलिनां, क्षमा, परिभवः, कोपः स्वकुल्यैः कृतः  किं दुःखं, परसंश्रयो, जगति कः श्लाघ्यो, य आश्रीयते ।
९५२०२ को मृत्यु, र्व्यसनं, शुचं जहति के, यैर्निर्जिता शत्रवः  कैर्विज्ञातमिदं विराटनगरच्छन्नस्थितैः पाण्डवैः ॥
९५२११ कामं करीषाग्निमधो निधाया  भ्रमेण तापातिशयं भजध्वम् ।
९५२१२ युष्माकमद्यावधि नाधिकारो  दुग्धातिमुग्धाधरमाधुरीषु ॥
९५२२१ कामं कर्णकटुः कृतोऽतिमधुरः केकारवः केकिनां  मेघाश्चामृतधारिणोऽपि विहिताः प्रायो विषस्यन्दिनः ।
९५२२२ उन्मीलन्नवकन्दलावलिरसौ शय्यापि सर्पायते  तत्किं यद्विपरीतमत्र न कृतं तस्या वियोगेन मे ॥
९५२३१ कामं कामदुघं धुङ्क्ष्व मित्राय वरुणाय च ।
९५२३२ वयं धीरेण दानेन सर्वान् कामानशीमहि ॥
९५२४१ कामं कामयते न केलिनलिनीं नामोदते कौमुदी  निस्यन्दैर्न समीहते मृगदृशामालापलीलामपि ।
९५२४२ सीदन्नेष निशासु दुःसहतनुर्भोगाभिलाषालसैर् अङ्गैस्ताम्यति चेतसि व्रजवधूमाधाय मुग्धो हरिः ॥
९५२५१ कामं कामयमानस्य यदा कामः समृद्ध्यते ।
९५२५२ अथैनमपरः कामस्तृष्णा विध्यति बाणवत् ॥
९५२६१ कामं कामसमस्त्वमत्र जगति ख्यातोऽसि यत्सर्वदा  रूपेणैव महीपते तव धनुःपाण्डित्यमन्यादृशम् ।
९५२६२ त्वं यस्मिन् विशिखं विमुञ्चसि तमेवोद्दिश्य मुक्तत्रपं  त्रुट्यत्कंचुकमुद्गतस्पृहमहो धावन्ति देवाङ्गनाः ॥
९५२७१ कामं कुमीनसदृशं  राज्यमपि प्राज्यकण्टकं कुशलः ।
९५२७२ पाकान्वितमतिसुरसं  भुङ्क्ते बहुधावधानेन ॥
९५२८१ कामं कूले नदीनामनुगिरि महिषीयूथनीडोपकण्ठे  गाहन्ते शष्पराजीरभिनवशलभग्रासलोला बलाकाः ।
९५२८२ अन्तर्विन्यस्तवीरुत्तृणमयपुरुषत्रासविघ्नं कथंचित् कापोतं कोद्रवाणां कवलयति कणान् क्षेत्रकोणैकदेशे ॥
९५२९१ कामं कोपकषायिताक्षियुगलं कृत्वा करोत्फालनैः  क्षुद्रान् वन्यमृगात्करीन्द्र सहसा विद्रावय त्वं मुदा ।
९५२९२ हेलाखण्डितकुम्भिकुम्भविगलद्रक्तारुणाङ्गे हरौ  जाते लोचनगोचरे यदि भवान् स्थाता तदा मन्महे ॥
९५३०१ कामं क्रोधं च लोभं च दम्भं दर्पं च भूमिपः ।
९५३०२ सम्यग्विजेतुं यो वेद स महीमभिजायते ॥
९५३० १ कामं क्रोधं भयं लोभं दम्भं मोहं मदं तथा ।
९५३० २ निद्रां मत्सरमालस्यं नास्तिक्यं च परित्यज ॥
९५३११ कामं क्रोधं लोभं मोहं  त्यक्त्वात्मानं पश्य हि कोऽहम्
९५३१२ आत्मज्ञानविहीना मूढास् ते पच्यन्ते नरके मूढाः ॥
९५३२१ कामं गुणैर्महानेष प्रकृत्या पुनरासुरः ।
९५३२२ उत्कर्षात्सर्वतो वृत्तेः सर्वाकारं हि दृप्यति ॥
९५३३१ कामं जनाः स्मयन्ते  कैलासविलासवर्णनावसरे ।
९५३३२ साधनकथनावसरे  साचीकुर्वन्ति वक्त्राणि ॥
९५३४१ कामं तु क्षपयेद्देहं पुष्पमूलफलैः शुभैः ।
९५३४२ न तु नामापि गृह्णीयात्पत्यौ प्रेते परस्य तु ॥
९५३५१ कामं दहन्तु मरुतो मलयाचलस्य  चन्द्रोऽपि पातयतु वा नितरां स्फुलिङ्गान् ।
९५३५२ दूरे प्रियो विमलवंशमणिः पतिर्मे  तत्साम्प्रतं त्वरितमानय तं कथंचित् ॥
९५३६१ कामं दीर्घा भवेद्यात्रा कामं पन्था महान् भवेत् ।
९५३६२ सोऽपि प्रभोः कृपामेव नित्यमाश्रयतेऽन्ततः ॥
९५३७१ कामं दुग्धे विप्रकर्षत्यलक्ष्मीं  कीर्तिं सूते दुष्कृतं या हिनस्ति ।
९५३७२ तां चाप्येतां मातरं मङ्गलानां  धेनुं धीराः सूनृतां वाचमाहुः ॥
९५३८१ कामं दुर्विषहज्वरं जनयति व्याघूर्णयत्पक्षिणी  गात्राण्यूरुनितम्बगण्डहृदयान्युच्छूनयत्युल्बणम् ।
९५३८२ तां तां दुर्विकृतं करोति सुहृदो गाढं व्यथन्ते यया  व्याधियौवनमात्मनाशनियतः के ते ग्रहण्यादयः ॥
९५३९१ कामं दृष्टा मया सर्वा विवस्त्रा रावणस्त्रियः ।
९५३९२ न तु मे मनसः किंचिद्वैकृत्यमुपपद्यते ॥
९५४०१ मनो हि हेतुः सर्वेषामिन्द्रियाणां प्रवर्तने ।
९५४०२ शुभाशुभास्ववस्थासु तच्च मे सुव्यवस्थितम् ॥
९५४११ कामं न पश्यति दिदृक्षत एव भूम्ना  नोक्तापि जल्पति विवक्षति चादरेण ।
९५४१२ लज्जास्मरव्यतिकरेण मनोऽधिनाथे  बाला रसान्तरमिदं ललितं बिभर्ति ॥
९५४२१ कामं निष्करुणं वेत्सि वेत्सि तं बहुवल्लभम् ।
९५४२२ दूति चूताङ्कुरखरा दिशो वेत्सि न वेत्सि किम् ॥
९५४३१ कामं नृपाः सन्तु सहस्रशोऽन्ये  राजन्वतीमाहुरनेन भूमिम् ।
९५४३२ नक्षत्रताराग्रहसंकुलापि  ज्योतिष्मती चान्द्रमसैव रात्रिः ॥
९५४३ १ कामं परमिति ज्ञात्वा देवोऽपि हि पुरन्दरः ।
९५४३ २ गौतमस्य मुनेः पत्नीमहल्यां चकमे पुरा ॥
९५४४१ कामं प्रत्यादिष्टां  स्मरामि न परिग्रहं मुनेस्तनयान् ।
९५४४२ बलवत्तु दूयमानं  प्रत्याययतीव मे हृदयम् ॥
९५४५१ कामं प्रदीपयति रूपमभिव्यनक्ति  सौभाग्यमावहति वक्त्रसुगन्धितां च ।
९५४५२ ऊर्जं करोति कफजाश्च निहन्ति रोगांस् ताम्बूलमेवमपरांश्च गुणान् करोति ॥
९५४६१ युक्तेन चूर्णेन करोति रागं  रागक्षयं पूगफलातिरिक्तम् ।
९५४६२ चूर्णाधिकं वक्त्रविगन्धकारि  पत्राधिकं साधु करोति गन्धम् ॥
९५४७१ पत्राधिकं निशि हितं सफलं दिवा च  प्रोक्तान्यथाकरणमस्य विडम्बनैव ।
९५४७२ कक्कोलपूगलवलीफलपारिजातैर् आमोदितं मदमुदा मुदितं करोति ॥
९५४८१ कामं प्रदोषतिमिरेण न दृश्यसे त्वं  सौदामिनीव जलदोदरसंधिलीना ।
९५४८२ त्वां सूचयिष्यति तु माल्यसमुद्भवोऽयं  गन्धश्च भीरु मुखराणि च नूपुराणि ॥
९५४९१ कामं प्रियानपि प्राणान् विमुञ्चन्ति मनस्विनः ।
९५४९२ इच्छन्ति न त्वमित्रेभ्यो महतीमपि सत्क्रियाम् ॥
९५५०१ कामं प्रिया न सुलभा  मनस्तु तद्भावदर्शनाश्वासि ।
९५५०२ अकृतार्थेऽपि मनसिजे  रतिमुभयप्रार्थना कुरुते ॥
९५५११ कामं भवन्तु मधुलम्पटषट्पदौघ  संघट्टधुन्धुमघनध्वनयोऽब्जखण्डाः ।
९५५१२ गायत्यतिश्रुतिसुखं विधिरेव यत्र  भृङ्गः स कोऽपि धरणीधरनाभिपद्मः ॥
९५५२१ कामं भवन्तु सरितो भुवि सुप्रतिष्ठाः  स्वादूनि सन्तु सलिलानि च शुक्तयश्च ।
९५५२२ एतां विहाय वरवर्णिनि ताम्रपर्णीं  नान्यत्र सम्भवति मौक्तिककामधेनुः ॥
९५५३१ कामं मा कामयध्वं वृषमपि च भृशं माद्रियध्वं न वित्ते  चित्तं दत्त श्रयध्वं परममृतफला या कला तामिहैकाम् ।
९५५३२ इत्थं देवः स्मरारिर्वूषमधरचरीकृत्य मूर्त्यैव दित्सन्  निःस्वो विश्वोपदेशानमृतकरकलाशेखरस्त्रायतां वः ॥
९५५४१ कामं लिखतु संस्थानं कश्चिद्रूपं च भास्वतः ।
९५५४२ अभित्तिविहतालम्बमालोकं विलिखेत्कथम् ॥
९५५५१ कामं वनेषु हरिणास् तृणेन जीवन्त्ययत्नसुलभेन ।
९५५५२ विदधति धनिषु न दैन्यं  ते किल पशवो वयं सुधियः ॥
९५५६१ कामं वपुः पुलकितं नयने धृतास्रे  वाचः सगद्गदपदाः सखि कम्पि वक्षः ।
९५५६२ ज्ञातं मुकुन्दमुरलीरवमाधुरी ते  चेतः सुधांशुवदने तरलीकरोति ॥
९५५७१ कामं वाचः कतिचिदफलाः सन्तु लोके कवीनां  सन्त्येवान्या मधुरिपुकथासंस्तवात्कामदोग्ध्र्यः ।
९५५७२ वित्तं कामं भवतु विफलं दत्तमश्रोत्रियेभ्यः  पात्रे दत्तैर्भवति हि धनैर्धन्यता भूरिदातुः ॥
९५५८१ कामं विषं च विषयाश्च निरीक्ष्यमाणाः  श्रेयो विषं न विषयाः परिसेव्यमानाः ।
९५५८२ एकत्र जन्मनि विषं विनिहन्ति पीतं  जन्मान्तरेषु विषयाः परितापयन्ति ॥
९५५९१ कामं शिवेन शमितं पुनरुज्जगार  दृष्टिस्तवेति किमियं जननि स्तुतिस्ते ।
९५५९२ लीलाप्रसूतपुरुषार्थचतुष्टयायास् तस्याः परं तु स भवत्यवयुक्त्यवादः ॥
९५६०१ कामं शीर्णपलाशपत्ररचितां कन्थां वसानो वने  कुर्यामम्बुभिरप्ययाचितसुखैः प्राणानुबन्धस्थितिम् ।
९५६०२ साङ्गग्लानि सवेपितं सचकितं सान्तर्निदाघज्वरं  वक्तुं न त्वहमुत्सहे सकृपणं देहीति दीनं वचः ॥
९५६११ कामं शुनको नृपति  प्रसादतः स्याद्गजेन्द्रमौलिस्थः ।
९५६१२ भवतेव तेन सह रे  नार्दयितुं शक्यते जातु ॥
९५६२१ कामं श्यामतनुस्तथा मलिनयत्यावासवस्त्रादिकं  लोकं रोदयते भनक्ति जनतागोष्ठीं क्षणेनापि यः ।
९५६२२ मार्गेऽप्यङ्गुलिलग्न एव भवतः स्वाभाविनः श्रेयसे  हा स्वाहाप्रिय धूममङ्गजमिमं सूत्वा न किं लज्जितः ॥
९५६३१ कामं सन्तु सहस्रशः कतिपये सारस्यधौरेयकाः  कामं वा कमनीयतापरिमलस्वाराज्यबद्धव्रताः ।
९५६३२ नैवैवं विवदामहे न च वयं देव प्रियं ब्रूमहे  यत्सत्यं रमणीयतापरिणतिस्त्वय्येव पारं गता ॥
९५६४१ कामं सर्वोऽप्यलंकारो रसमर्थे निषिञ्चति ।
९५६४२ तथाप्यग्राम्यतैवैनं भारं वहति भूयसा ॥
९५६४ १ कामं सुधाकरकरामृतदिव्यरूप  सौधाग्रपीठवसतिः सुखमस्तु काकः ।
९५६४ २ श्रीसुन्दरीरमणसङ्गमकण्ठलग्न  पूर्यत्सुधामणितजित्किमसौ कपोतः ॥
९५६५१ कामं स्त्रियो निषेवेत पानं वा साधु मात्रया ।
९५६५२ न द्यूतमृगये विद्वानत्यन्तव्यसने हि ते ॥
९५६६१ कामं हरिर्भव विमूढ भवाथ चन्द्रश् चन्द्रार्धमौलिरथ वा हर एव भूयाः ।
९५६६२ विद्याप्रणाशपरिवर्धितघोरदीप्तेः  क्रोधानलस्य मम नेन्धनतां प्रयासि ॥
९५६७१ कामः कमनीयतया  किमपि निकामं करोति संमोहम् ।
९५६७२ विषमिव विषमं सहसा  मधुरतया जीवनं हरति ॥
९५६८१ कामः कामं कमलवदनानेत्रपर्यन्तवासी  दासीभूतत्रिभुवनजनः प्रीतये जायतां वः ।
९५६८२ दग्धस्यापि त्रिपुररिपुणा सर्वलोकस्पृहार्हा  यस्याधिक्यं रुचिरतितरामञ्जनस्येव याता ॥
९५६९१ कामः कुप्यति चन्द्रमा अपि बलान्मां दग्धुमभ्युद्यतो  वाता वापि समागता यमदिशः प्राणान्निहर्न्तु तथा ।
९५६९२ रक्ताक्षास्त्वरयन्ति तान् परभृताः स्वैः कूजनैर्दूति तत् प्रेयांसं तमुपानयाश्वितरथा त्राणं न मे कुत्रचित् ॥
९५६९ १ कामः क्रोधश्च लोभश्च देहे तिष्ठन्ति तस्कराः ।
९५६९ २ ज्ञातरत्नमपाहारि तस्माज्जाग्रत जाग्रत ॥
९५७०१ कामः क्रोधश्च लोभश्च मानो हर्षो मदस्तथा ।
९५७०२ एते हि षड्विजेतव्या नित्यं स्वं देहमाश्रिताः ॥
९५७११ कामः क्रोधश्च लोभश्च मदो मानस्तथैव च ।
९५७१२ हर्षश्च शत्रवो ह्येते नाशाय कुमहीभृताम् ॥
९५७१ १ कामः क्रोधश्च लोभश्च मोहो हर्षो मदस्तथा ।
९५७१ २ षड्वर्गमुत्सृजेदेनं यस्मिंस्त्यक्ते सुखी नृपः ॥
९५७१ १ कामः क्रोधस्तथा मोहस्त्रयोऽप्येते महाद्विषः ।
९५७१ २ एते न निर्जिता यावत्तावत्सौख्यं कुतो नृणाम् ॥
९५७२१ कामः क्रोधस्तथा लोभो देहे तिष्ठन्ति तस्कराः ।
९५७२२ ते मुष्णन्ति जगत्सर्वं तस्माज्जाग्रत जाग्रत ॥
९५७२ ब्१ कामः क्रोधस्तथा लोभो रागो द्वेषश्च मत्सरः ।
९५७२ ब्२ मदो माया तथा मोहः कन्दर्पो दर्प एव च ॥
९५७२ ब्३ एते हि रिपवो घोरा धर्मसर्वस्वहारिणः ।
९५७२ ब्४ एतैर्बम्भ्रम्यते जीवः संसारे बहुदुःखदे ॥
९५७३१ कामः क्रोधस्तथा लोभो हर्षो मानो मदस्तथा ।
९५७३२ षड्वर्गमुत्सृजेदेनं तस्मिंस्त्यक्ते सुखी नृपः ॥
९५७४१ कामः क्रोधो मदो मानो लोभो हर्षस्तथैव च ।
९५७४२ एते वर्ज्याः प्रयत्नेन सादरं पृथिवीक्षिता ॥
९५७५१ एतेषां विजयं कृत्वा कार्यो भृत्यजयस्ततः ।
९५७५२ कृत्वा भृत्यजयं राजा पौराञ्जनपदाञ्जयेत् ॥
९५७६१ कामः सर्वात्मना हेयः स चेद्धातुं न शक्यते ।
९५७६२ स्वभार्यां प्रति कर्तव्यः सैव तस्य हि भेषजम् ॥
९५७७१ ... ... ... ... ।
९५७७२ काम एवार्थधर्माभ्यां गरीयानिति मे मतिः ॥
९५७८१ काम एष महाशत्रुस्तमेकं निर्जयेद्दृढम् ।
९५७८२ जितकामा महात्मानस्तैर्जितं निखिलं जगत् ॥
९५७९१ कामकारो महाप्राज्ञ गुरूणां सर्वदानघ ।
९५७९२ उपपन्नेषु दारेषु पुत्रेषु च विधीयते ॥
९५८०१ कामकार्मुकतया कथयन्ति  भ्रूलतां मम पुनर्मतमन्यत् ।
९५८०२ लोचनाम्बुरुहयोरुपरिस्थं  भृङ्गशावकततिद्वयमेतत् ॥
९५८११ कामक्रोधं तथा लोभं स्वादु शृङ्गारकौतुके ।
९५८१२ अतिनिद्रातिसेवे च विद्यार्थी ह्यष्ट वर्जयेत् ॥
९५८२१ कामक्रोधग्राहवतीं पञ्चेन्द्रियजलां नदीम् ।
९५८२२ कृत्वा धृतिमयीं नावं जन्मदुर्गाणि संतर ॥
९५८२ १ कामक्रोधभयादन्यैर्लोभ्यमानो न लुभ्यति ।
९५८२ २ यया शक्त्या युतः कार्ये मन्त्रशक्तिस्तु सा स्मृता ॥
९५८३१ कामक्रोधमदोन्मत्ताः स्त्रीणां ये वशवर्तिनः ।
९५८३२ न ते जलेन शुध्यन्ति स्नानतीर्थशतैरपि ॥
९५८४१ कामक्रोधवियुक्तानां यतीनां यतचेतसाम् ।
९५८४२ अभितो ब्रह्मनिर्वाणं वतैते विदितात्मनाम् ॥
९५८५१ कामक्रोधस्तथा मोहो लोभो मानो मदस्तथा ।
९५८५२ षड्वर्गमुत्सृजेदेनमस्मिंस्त्यक्ते सुखी नृपः ॥
९५८६१ कामक्रोधादयः सर्वे मतिरक्षाण्यहंकृतिः ।
९५८६२ गुणा विविधकर्माणि विलीयन्ते मनःक्षयात् ॥
९५८६ १ कामक्रोधादिभिस्तापैस्ताप्यमानो दिवानिशम् ।
९५८६ २ आत्मा शरीरान्तस्थोसौ पच्यते पुटपाकवत् ॥
९५८७१ कामक्रोधानृतद्रोहलोभमोहमदादयः ।
९५८७२ नमन्ति यत्र राजेन्द्र तमेव ब्राह्मणं विदुः ॥
९५८८१ कामक्रोधावनादृत्य धर्ममेवानुपालयेत् ।
९५८८२ धर्मः श्रेयस्करतमो राज्ञां भरतसत्तम ॥
९५८८ १ कामक्रोधावनिर्जित्य किमरण्ये करिष्यति ।
९५८८ २ अथवा निर्जितावेतौ किमरण्ये करिष्यति ॥
९५८९१ कामक्रोधौ तु संयम्य योऽर्थान् धर्मेण पश्यति ।
९५८९२ प्रजास्तमनुवर्तन्ते समुद्रमिव सिन्धवः ॥
९५९०१ कामक्रोधौ द्वयमपि पदं प्रत्यनीकं वशित्वे  हत्वानङ्गं किमिव हि रुषा साधितं त्र्यम्बकेण ।
९५९०२ यस्तु क्षान्त्या शमयति शतं मन्मथाद्यानरातीन्  कल्याणं वो दिशतु स मुनिग्रामणीरर्कबन्धुः ॥
९५९११ कामक्रोधौ पुरस्कृत्य योऽर्थं राजानुतिष्ठति ।
९५९१२ न स धर्मं न चाप्यर्थं परिगृह्णाति बालिशः ॥
९५९२१ कामक्रोधौ मद्यतमौ नियोक्तव्यौ यथोचितम् ।
९५९२२ कामः प्रजापालने च क्रोधः शत्रुनिबर्हणे ॥
९५९३१ कामक्रोधौ विनिर्जित्य किमरण्यैः करिष्यति ।
९५९३२ अन्नेन धार्यंते देहः कुलं शीलेन धार्यते ॥
९५९४१ कामक्रोधौ हि पुरुषमर्थेभ्यो व्यपकर्षतः ।
९५९४२ तौ तु शत्रू विनिर्जित्य राजा विजयते महीम् ॥
९५९५१ कामघ्नाद्विषमदृशो  भूत्यवलिप्ताद्भुजङ्गसङ्गरुचेः ।
९५९५२ को भृङ्गीव न शुष्यति  वाञ्छ न फलमीश्वरादगुणात् ॥
९५९६१ कामजं मृगया द्यूतं स्त्रियः पानं तथैव च ।
९५९६२ व्यसनं व्यसनार्थज्ञैश्चतुर्विधमुदाहृतम् ॥
९५९७१ काम जानामि ते मूलं संकल्पात्किल जायसे ।
९५९७२ न त्वां संकल्पयिष्यामि समूलो न भविष्यसि ॥
९५९८१ कामजेषु प्रसक्तो हि व्यसनेषु महीपतिः ।
९५९८२ वियुज्यतेऽर्थधर्माभ्यां क्रोधजेष्वात्मनैव तु ॥
९५९८ १ कामतन्त्रेषु निपुणः क्रुद्धानुनयकोविदः ।
९५९८ २ स्फुरितेऽनादरे किंचिद्दयिताया विरज्यति ॥
९५९९१ कामतो रूपधारित्वं शस्त्रास्त्राश्माम्बुवर्षणम् ।
९५९९२ तमोऽनिलोऽचलो मेधा इति माया ह्यमानुषी ॥
९६००१ जघान कीचकं भीम आश्रितः स्त्रीसरूपताम् ।
९६००२ चिरं प्रच्छन्नरूपोऽभूद्दिव्यया मायया नलः ॥
९६०११ कामदर्पादिशीलानामविचारितकारिणाम् ।
९६०१२ आयुषा सह नश्यन्ति सम्पदो मूढचेतसाम् ॥
९६०२१ कामधेनुगुणा विद्या ह्यकाले फलदायिनी ।
९६०२२ प्रवासे मातृसदृशी विद्या गुप्तं धनं स्मृतम् ॥
९६०२ १ कामधेनुधरादीनां दातारः सुलभा भुवि ।
९६०२ २ दुर्लभः पुरुषो लोके सर्वभूतदयापरः ॥
९६०३१ कामनाम्ना किरातेन वितता मूढचेतसाम् ।
९६०३२ नार्यो नरविहंगानामङ्गबन्धनवागुराः ॥
९६०४१ कामपि धत्ते सूकररूपी  कामपि रहितामिच्छति भूपः ।
९६०४२ केनाकारि च मन्मथजननं  केन विराजति तरुणीवदनम् ॥
९६०५१ कामपि श्रियमासाद्य यस्तद्वृद्धौ न चेष्टते ।
९६०५२ तस्यायतिषु न श्रेयो बीजभोजिकुटुम्बवत् ॥
९६०६१ कामप्रसक्तमात्मानं स्मृत्वा पाण्डुं निपातितम् ।
९६०६२ निवर्तयेत्तथा क्रोधादनुहादं हतात्मजम् ॥
९६०७१ कामबन्धनमेवैकं नान्यदस्तीह बन्धनम् ।
९६०७२ कामबन्धनमुक्तो हि ब्रह्मभूयाय कल्पते ॥
९६०८१ कामबाणप्रहारेण मूर्च्छितानि पदे पदे ।
९६०८२ जीवन्ति युवचेतांसि युवतीनां स्मितामृतैः ॥
९६०९१ काममस्तु जगत्सर्वं कालस्यास्य वशंवदम् ।
९६०९२ कालकालप्रपन्नानां कालः किं नः करिष्यति ॥
९६१०१ काममा मरणात्तिष्ठेद्गृहे कन्यर्तुमत्यपि ।
९६१०२ न चैवैनां प्रयच्छेत गुणहीनाय कर्हिचित् ॥
९६१११ काममाश्रित्य दुष्पूरं दम्भमानमदान्विताः ।
९६११२ मोहाद्गृहीत्वासद्ग्राहान् प्रवर्तन्तेऽशुचिव्रताः ॥
९६१२१ कामयन्ते विरज्यन्ते रञ्जयन्ति त्यजन्ति च ।
९६१२२ कर्षयन्त्योऽपि सर्वार्थाञ्ज्ञायन्ते नैव योषितः ॥
९६१३१ कामयेत न हि क्षुद्रमर्थं जातु महामनाः ।
९६१३२ वर्धयेत स्वमौदार्यं प्रभावं च यशो भुवि ॥
९६१४१ कामवर्षी च पर्जन्यो नित्यं सस्यवती मही ।
९६१४२ गावश्च घटदोहिन्यः पादपाश्च सदाफलाः ॥
९६१५१ कामवृत्तस्त्वयं लोकः कृत्स्नः समुपवर्तते ।
९६१५२ यद्वृत्ताः सन्ति राजानस्तद्वृत्ताः सन्ति हि प्रजाः ॥
९६१६१ कामव्याघ्रे कुमतिफणिनि स्वान्तदुर्वारनीडे  मायासिंहीविहरणमहीलोभभल्लूकभीमे ।
९६१६२ जन्मारण्ये न भवति रतिः सज्जनानां कदाचित् तत्त्वज्ञानां विषयतुषिताकण्टकाकीर्णपार्श्वे ॥
९६१७१ कामव्याधशराहतिर्न गणिता संजीवनी त्वं स्मृता  नो दग्धो विरहानलेन झटिति त्वत्संगमाशाभृतैः ।
९६१७२ नीतोऽयं दिवसो विचित्रलिखितैः सम्कल्परूपैर्मया  किं वान्यधृदये स्थितासि ननु मे तत्र स्वयं साक्षिणी ॥
९६१८१ कामसङ्गरविधौ मृगीदृशः  प्रौढपेषणधरे पयोधरे ।
९६१८२ स्वेदराजिरुदियाय सर्वतः  पुष्पवृष्टिरिव पुष्पधन्वनः ॥
९६१८ १ कायस्तपस्विषु जयत्यधिकारकामो  विश्वस्य चित्तविभुरिन्द्रियवाज्यधीशः ।
९६१८ २ भूतानि बिभ्रति महान्त्यपि यस्य शिष्टिं  व्यावृत्तमौलिमणिरश्मिभिरुत्तमाङ्गैः ॥
९६१९१ कामस्तु तस्य नैवास्ति प्रत्यक्षेणोपलक्ष्यते ।
९६१९२ दम्पत्योः सहधर्मेण त्रयीधर्ममवाप्नुयात् ॥
९६२०१ कामस्तु बाणावसरं प्रतीक्ष्य  पतङ्गवद्वह्निमुखं विविक्षुः ।
९६२०२ उमासमक्षं हरबद्धलक्ष्यः  शरासनज्यां मुहुराममर्श ॥
९६२११ कामस्य कश्चिच्चतुरः शरांश्चेद् विलङ्घयामास कथंचिदन्यान् ।
९६२१२ उन्मज्जता कोकिलकण्ठयन्त्रात् न पञ्चमास्त्रेण वशीवभूव ॥
९६२२१ कामस्य जेतुकामस्य मिलनाय महीपतेः ।
९६२२२ दिवो मीनं त्विषामीशो द्वारीकर्तुमिवाययौ ॥
९६२३१ कामस्य वेषशोभा  पेशलता चारुता गुणोत्कर्षः ।
९६२३२ नानाविधाश्च लीलाश् चित्तज्ञानं च कान्तानाम् ॥
९६२४१ कामस्यापि निदानमाहुरपरे मायां महाशासनां  निश्चित्कां सकलप्रपञ्चरचनाचातुर्यलीलावतीम् ।
९६२४२ यत्सङ्गाद्भगवानपि प्रभवति प्रत्यङ्महामोहहा  श्रीरङ्गो भुवनोदयावनलयव्यापारचक्रेऽक्रियः ॥
९६२५१ कामस्वभावो यो यस्य न स शक्यः प्रमार्जितुम् ।
९६२५२ न हि दुष्टात्मनामार्य मा वसत्यालये चिरम् ॥
९६२६१ कामाग्निः परिवर्धितो विरहिणीश्वासानिलैर्निर्भरं  तूर्णं तेन कृशानुना कृशतनुर्मुग्धा न दग्धा कथम् ।
९६२६२ बाला लोलविलोचनाम्बुजगलत्सद्वारिधाराभरैः  सिक्ता सम्प्रति तेन जीवसि हरे तां त्वं समुल्लासय ॥
९६२७१ कामतुरो नाधिगच्छेन्महापुरुषकामिनीम् ।
९६२७२ सहस्रयोनिदेहोऽभूदिन्द्रोऽहल्यापरिग्रहात् ॥
९६२८१ कामात्क्रोधाद्भयादन्यैर्लोभ्य्मानो न लुम्पति ।
९६२८२ यया शक्त्या युतः कार्ये मन्त्रशक्तिस्तु सा स्मृता ॥
९६२९१ कामात्क्लाम्यसि का रीतिर्नारीति नरकाभिधा ।
९६२९२ मलमज्जामयी मांसस्थगी किं न विगीयते ॥
९६३०१ कामात्मता न प्रशस्ता न चैवास्त्यकामता ।
९६३०२ काम्यो हि वेदाधिगमः कर्मयोगश्च वैदिकः ॥
९६३११ कामादित्रिकमेव मूलमखिलक्लेशस्य मायोद्भवं  मर्त्यानामिति देवमौलिविलसद्भ्राजिष्णुचूडामणिः ।
९६३१२ श्रीकृष्णो भगवानवोचदखिलप्राणिप्रियो मत्प्रभुर् यस्मात्तत्त्रिकमुद्यतेन मनसा हेयं पुमर्थार्थिना ॥
९६३२१ कामाधिकरणग्राह्यकुलादिबलशालिनः ।
९६३२२ अहीनेऽपि नरेन्द्रस्य शक्तयः सिद्धिहेतवः ॥
९६३३१ कामानामपि दातारं कर्तारं मानसान्त्वयोः ।
९६३३२ रक्षितारं न मृष्यन्ति भर्तारं परमं स्त्रियः ॥
९६३४१ कामानुशासनशते सुतरामधीती  सोऽयं रहो नखपदैर्महतु स्तनौ ते ।
९६३४२ रुष्टाद्रिजाचरणकुङ्कुमपङ्कराग  संकीर्णशङ्करशशाङ्ककलाङ्क कारैः ॥
९३६५१ कामानुसारी पुरुषः कामाननु विनश्यति ।
९३६५२ कामान् व्युदस्य धुनुते यत्किञ्चित्पुरुषो रजः ॥
९६३६१ कामान् व्युदस्य धुनुते यत्किंचित्पुरुषो रजः ।
९६३६२ कामक्रोधोद्भवं दुःखमह्रीररतिरेव च ॥
९६३७१ कामाभिभूतः क्रोधाद्वा यो मिथ्या प्रतिपद्यते ।
९६३७२ स्वेषु चान्येषु वा तस्य न सहाया भवन्त्युत ॥
९६३८१ कामा मनुष्यं प्रसजन्त एव  धर्मस्य ये विघ्नमूलं नरेन्द्र ।
९६३८२ पूर्वं नरस्तान् धृतिमान् विनिघ्नन्  लोके प्रशंसां लभतेऽनवद्याम् ॥
९६३९१ कामाय स्पृहयत्यात्मा संयतोऽपि मनीषिणः ।
९६३९२ वीथीनियमितोऽप्युक्षा शष्पमासाद्य धावति ॥
९६४०१ कामार्तां स्वयमायातां यो न भुङ्क्ते नितम्बिनीम् ।
९६४०२ सोऽवश्यं नरकं याति तन्निःश्वासहतो नरः ॥
९६४११ कामार्तां स्वस्त्रियं दीनां प्रार्थयन्तीं पुनः पुनः ।
९६४१२ न भजेद्भजमानां यः स वै चाण्डालदर्शनः ॥
९६४१ १ कामार्ता घर्मतप्ता वेत्यनिश्चयकरं वचः ।
९६४१ २ युवानमाकुलीकर्तुमिति दूत्याह नर्मणा ॥
९६४१ १ कामार्थमज्ञः कृपणं करोति  प्राप्नोति दुःखं वधबन्धनादि ।
९६४१ २ कामार्थमाशाकृपणस्तपस्वी  मृर्त्यु श्रमं चाच्छति जीवलोकः ॥
९६४२१ कामार्थौ लिप्समानस्तु धर्ममेवादितश्चरेत् ।
९६४२२ न हि धर्मादपैत्यर्थः कामो वापि कदाचन ॥
९६४२ १ कामाल्लोभाद्भयात्क्रोधात्साक्षिवादात्तथैव च ।
९६४२ २ मिथ्या वदति यत्पापं तदसत्यं प्रकीर्तितम् ॥
९६४२ १ कामावेशः कैतवस्योपदेशः  मायाकोशो वञ्चनासन्निवेशः ।
९६४२ २ निर्द्रव्याणामप्रसिद्धप्रवेशो  रम्यक्लेशः सुप्रवेशोऽस्तु वेशः ॥
९६४३१ कामिजनपरमभोग्ये  कामसुखे धारयन्ति बीभत्सम् ।
९६४३२ सन्तः शमसुखरसिकाः  सुधाशनाः सूकरान्न इव ॥
९६४४१ कामिनः कृतरतोत्सवकाल  क्षेपमाकृलवधूकरसङ्गि ।
९६४४२ मेखलागुणविलग्नमसूयां  दीर्घसूत्रमकरोत्परिधानम् ॥
९६४५१ कामिनश्चरितैरेभिः कुर्वन्तो निशि जागरम् ।
९६४५२ कुर्वन्त्यप्रियमात्मानं केचिन्मूढाः प्रिया अपि ॥
९६४५ १ कामिनां कामिनीनां च सङ्गात्कामी भवेत्पुमान् ।
९६४५ २ देहान्तरे ततः क्रोधी लोभी मोही च जायते ॥
९६४६१ कामिनामसकलानि विभुग्नैः  स्वेदवारिमृदुभिः करजाग्रैः ।
९६४६२ अक्रियन्त कठिनेषु कथंचित् कामिनीकुचतटेषु पदानि ॥
९६४७१ कामिनीं प्रथमयौवनान्वितां  मन्दवल्गुमृदुपीडितस्वनाम् ।
९६४७२ उत्स्तनीं समवलम्ब्य या रतिः  सा न धातृभवनेऽस्ति मे मतिः ॥
९६४८१ कामिनीकायकान्तारे कुचपर्वतदुर्गमे ।
९६४८२ मा संचर मनःपान्थ तत्रास्ते स्मरतस्करः ॥
९६४८ १ कामिनीजनविलोचनपाता  नुन्मिषत्कलुषान् प्रतिगृह्णन् ।
९६४८ २ मन्दमन्दमुदितः प्रययौ खं  भीतभीत इव शीतमयूखः ॥
९६४९१ कामिनीनयनकज्जलपङ्काद् उत्थितो मदनमत्तवराहः ।
९६४९२ कामिमानसवनान्तरचारी  मूलमुत्खनति मानलतायाः ॥
९६५०१ कामिनीवदननिर्जितकान्तिः  शोभितुं न हि शशाक शशाङ्कः ।
९६५०२ लज्जयेव विमलं वपुराप्तुं  शीधुपूर्णचषकेषु ममज्ज ॥
९६५११ कामिनीवर्गसंसर्गैर्न कः संक्रान्तपातकः ।
९६५१२ नाश्नाति स्नाति हा मोहात्कामक्षामव्रतं जगत् ॥
९६५२१ कामिनीसहचरस्य कामिनस् तस्य वेश्मसु मृदङ्गनादिषु ।
९६५२२ ऋद्धिमन्तमधिकर्द्धिरुत्तरः  पूर्वमुत्सवमपोहदुत्सवः ॥
९६५३१ कामिनो हन्त हेमन्तनिशि शीतज्वरातुराः ।
९६५३२ जीवन्ति हरिणाक्षीणां वक्षोजाश्लेषरक्षिताः ॥
९६५४१ कामिन्याः कुचदुर्गपर्वतभुवि त्वं मा मनःपान्थक  संचारं कुरु रोमराजिगहने तत्रास्ति नाभ्यां गुहा ।
९६५४२ तल्लीनो मधुसूदनम्य तनयस्तेनात्र चौरेण भो  निर्वस्त्रीक्रियते दिवापि हि नरो रात्रौ तु किं कथ्यते ॥
९६५५१ कामिन्याः कुचयोः कान्तिः पीनत्वेन पुरस्कृता ।
९६५५२ सुवर्णाचलशृङ्गाभां विनिर्जेतुं समुद्यता ॥
९६५६१ कामिन्याः स्तनभारमन्थरगतेर्लीलाचलच्चक्षुषः  कन्दर्पैकविलासनित्यवसतेः कीदृक्पुमान् वल्लभः ।
९६५६२ हेलाकृष्टकृपाणपारितगजानीकात्कुतस्तेऽरयः  श्व्रासायासविशुष्ककण्ठकुहरा निर्यान्ति जीवार्थिनः ॥
९६५७१ कामिन्यो नीचगामिन्यस्तटिन्य इव निश्चितम् ।
९६५७२ दारा राज्ञोऽपि यत्ताराः प्रणयं यान्ति गोपतेः ॥
९६५८१ कामी कामव्रणपरिगतः कामिनीरेव हित्वा  भुङ्क्ते पश्चादपगतभयं कामिनीनां सहस्रम् ।
९६५८२ इत्थंकारं विषयसुखभोगैकतानैर्नरैरप्य् अस्मिन् देहे कतिपयदिनान्येष भोगो विवर्ज्यः ॥
९६५९१ कामुकाः स्युः कथा नीचाः सर्वः कस्मिन् प्रमोदते ।
९६५९२ अर्थिनः प्राप्य पुण्याहं करिष्यध्वे वसूनि किम् ॥
९६६०१ कामुके नूतनासङ्गगाढालिङ्गनकातरे ।
९६६०२ गणिका गेहगणनां करोति ध्यानमास्थिता ॥
९६६११ कामुके भ्रमरः प्रोक्तः कामिन्यां चूतमञ्जरी ।
९६६१२ तथाह्वानाङ्कुराश्चापि प्राकारो वारणे स्मृतः ॥
९६६२१ कामुज्जहार हरिरम्बुधिमध्यलग्नां  कीदृक्श्रुतं भवति निर्मलमागमानाम् ।
९६६२२ आमन्त्रयस्व वनमग्निशिखावलीढं  यच्चापि को दहति के मदयन्ति भृङ्गान् ॥
९६६३१ कामेकपत्नीव्रतदुःखशीलां  लोलं मनश्चारुतया प्रविष्टाम् ।
९६६३२ नितम्बिनीमिच्छसि मुक्तलज्जां  कण्ठे स्वयंग्राहनिषक्तबाहुम् ॥
९६६४१ का मे गतिरिति पृच्छति  चरमश्वासेऽपि यः स्वार्थम् ।
९६६४२ तस्य जनस्यापि कृते  पापाः पापानि कुर्वन्ति ॥
९६६५१ का मेघादुपयाति, कृष्णदयिता का वा, सभा कीदृशी,  कां रक्षत्यहिहा, शरद्विकचयेत्कं, धैर्यहन्त्री च का ।
९६६५२ कं धत्ते गणनायकः करतले, का चञ्चला कथ्यताम्,  आरोहादवरोहतश्च निपुणैरेकं द्वयोरुत्तरम् ॥
९६६६१ कामेन कामं प्रहिता जवेन  प्रावृट्चचाल त्रिजगद्विजेतुम् ।
९६६६२ किं चन्द्रबिम्बं दधि भक्षयत्नी  संधारयन्ती हरितः शुभाय ॥
९६६७१ कामेनाकृष्य चापं हतपटुपटहं वल्गुभिर्मारवीरैर् भ्रूभङ्गोत्क्षेपजृम्भास्मितललितदृशा दिव्यनारीजनेन ।
९६६७२ सिद्धैः प्रह्वोत्तमाङ्गैः पुलकितवपुषा विस्मयाद्वासवेन  ध्यायन्यो योगपीठादचलित इति वः पातु दृष्टो मुनीद्रः ॥
९६६८१ कामेनापि न भेत्तुं  किमु हृदयमपारि बालवनितानाम् ।
९६६८२ मूढविशिखप्रहारो  च्छूनमिवाभाति यद्वक्षः ॥
९६६९१ कामेषुणा कामरिपोर्मनोऽपि  कल्लोलितं का मनुजेषु वार्ता ।
९६६९२ आषाढवाते चलति द्विपेन्द्रे  चूलीवतो वारिधिरेव काष्ठा ॥
९६७०१ कामैस्तैस्तैर्हृतज्ञानाः प्रपद्यन्तेऽन्यदेवताः ।
९६७०२ तं तं नियममास्थाय प्रकृत्या नियताः स्वया ॥
९६७११ कामोऽक्षमा दक्षिणतानुकम्पा  ह्रीः साध्वसं क्रौर्यमनायैता च ।
९६७१२ दम्भोऽभिमानोऽथ च धार्मिकत्वं  दैन्यं स्वयूथस्यविमाननं च ॥
९६७२१ द्रोहो भयं शश्वदुपेक्षणं च  शीतोष्णवर्षास्वसहिष्णुता च ।
९६७२२ एतानि काले समुपाहितानि  कुर्वन्त्यवश्यं खलु सिद्धिविघ्नम् ॥
९६७३१ कामोत्तप्तं मरकतमहाग्रावहारो गभीरे  मग्नं नाभीसरसि हृदयं जग्रसेऽनेकपं मे ।
९६७३२ लिलावेशप्रचलितकरः कोऽप्यहीनारिकेतुस् तद्भङ्गेन प्रतिविधिमिहैवानुरूपं व्यतानीत् ॥
९६७४१ कामोद्वेगगृहीतं  धूर्तैरुपहस्यमानशृङ्गारम् ।
९६७४२ दारिद्र्यहतं यौवनम्  अबुधानां केवलं विपदे ॥
९६७५१ कामो नास्ति नपुंसकस्य कुलटावर्गस्य नास्ति त्रपा  तोयं नास्ति मरीचकासु सततं नास्ति स्थिरत्वं स्त्रियः ।
९६७५२ धर्मो नास्ति च नास्ति कस्य विभवो नास्ति प्रमत्तात्मनः  स्नेहानां कणिकापि नास्ति गणिकालोकस्य च प्रायशः ॥
९६७६१ कामोपभोगसाफल्यफलो राज्ञां महीजयः ।
९६७६२ अहङ्कारेण जीयन्ते द्विषन्तः किं नयश्रिया ॥
९६७७१ कामो वामदृशां निधिर्नयजुषां कालानलो विद्विषां  स्वःशाखी विदुषां गुरुर्गुणवतां पार्थो धनुर्धारिणाम् ।
९६७७२ लीलावासगृहं कुलाकुलजुषां कर्णः सुवर्णार्थिनां  श्रीमान् वीरवरः क्षितीश्वरवरो वर्वर्ति सर्वोपरि ॥
९६७८१ काम्बोजाः कम्बुजन्माकरशरणकृतः सह्यकान्तारकच्छा  न्विच्छायाः कच्छवाहा विदधति कतमे कामरूपाः कुरूपाः ।
९६७८२ कुर्वाणे त्वय्यकस्मात्करकमलहृतं कार्मुकं कूर्मपृष्ठो  त्कृष्टं कर्णान्तकृष्टं नरपकुलमणे कर्णमाकर्णयन्ति ॥
९६७९१ काम्याः क्रियास्तथा कामान्मानुषानभिवाञ्छति ।
९६७९२ स्त्रियो दानफलं विद्यां मायां कुप्यं धनं दिवम् ॥
९६८०१ देवत्वममरेशत्वं रसायनचयः क्रियाः ।
९६८०२ मरुत्प्रपतनं यज्ञं जलाद्यावेशनं तथा ॥
९६८११ श्राद्धानां सर्वदानानां फलानि नियमांस्तथा ।
९६८१२ तथोपवासात्पूर्त्ताच्च देवताभ्यर्च्चनादपि ॥
९६८२१ तेभ्यस्तेभ्यश्च कर्मभ्य उपसृष्टोऽभिवाञ्छति ।
९६८२२ चित्तमित्थं वर्त्तमानं यत्नाद्योगी निवर्त्तयेत् ॥
९६८३१ काम्यानां कतिचित्समापरिमितस्वर्गैकसंदायिनां  सद्यः स्वान्तनितान्तमोहनकृतां कर्ता जनः कर्मणाम् ।
९६८३२ आत्मानन्दमनन्यवेद्यमपरिच्छिन्नं न जानाति तं  विक्रेता लवणस्य वेत्ति किमु तत्कर्पूरमूल्यं परम् ॥
९६८४१ काम्यानां कर्मणां न्यासं संन्यासं कवयो विदुः ।
९६८४२ सर्वकर्मफलत्यागं प्राहुस्त्यागं विचक्षणाः ॥
९६८५१ कायं मत्वा नश्वरं चञ्चलाभं  चायुर्बुद्ध्वा भङ्गुरान् सर्वभोगान् ।
९६८५२ पारं गन्तुं विश्वसिन्धोर्विदग्धा  योगाभ्यासे साधुबुद्धिं विदध्वम् ॥
९६८६१ कायः कण्टकदूषितो न च घनच्छाया कुतः पल्लवाः  पुष्पाणि च्युतसौरभाणि न दलश्रेणी मनोहारिणी ।
९६८६२ किं ब्रूमः फलपाकमस्य यदुपन्यासेऽपि लज्जामहे  तद्भोः केन गुणेन शाल्मलितरो जातोऽसि सोमद्रुमः ॥
९६८७१ कायः संनिहितापायः संपदः पदमापदाम् ।
९६८७२ समागमाः सापगमाः सर्वमुत्पादि भङ्गुरम् ॥
९६८७ १ कालक्लमैर्यश्च तपोऽभिधानैः  प्रवृत्तिमाकाङ्क्षति कामहेतोः ।
९६८७ २ संसारदोषानपरीक्षमाणो  दुःखेन सोऽन्विच्छति दुःखमेव ॥
९६८८१ कायक्लेशेन महता पुरुषः प्राप्नुयात्फलम् ।
९६८८२ तत्सर्वं लभते नारी सुखेन पतिपूजया ॥
९६८९१ कायच्छिन्नास्तु ऋषिका मर्मघ्ना गुरवस्तथा ।
९६८९२ तीक्ष्णाश्छेदसहा वाङ्गा दृढा शूर्पारकोद्भवाः ॥
९६८९ १ कायवाङ्मनसां दुष्टप्रणिधानमनादरः ।
९६८९ २ स्मृत्यनुपस्थापनं च स्मृताः सामायिकव्रते ॥
९६९०१ कायस्थस्य च शल्यस्य कायस्थस्य च सा गतिः ।
९६९०२ याभ्यामनुप्रविष्टाभ्यां दूष्यन्ते सर्वधातवः ॥
९६९११ कायस्थेनोदरस्थेन मातुरामिषशङ्कया ।
९६९१२ अन्त्राणि यन्न भुक्तानि तस्य हेतुरदन्तता ॥
९६९२१ कायस्थैर्यं करणपटुतां बन्धुसम्पत्तिमर्थं  चातुर्यं वा किमिव हि बलं बिभ्रतो निर्भराः स्मः ।
९६९२२ अन्त्यः श्वासः किमयमथवोपान्त्य इत्यामृशन्तो  विस्मृत्येशं निमिषमपि किं वर्तितुं पारयामः ॥
९६९३१ कायेन कुरुते पापं मनसा सम्प्रधार्य च ।
९६९३२ अनृतं जिह्वया चाह त्रिविधं कर्म पातकम् ॥
९६९४१ कायेन त्रिविधं चैव वाचा चैव चतुर्विधम् ।
९६९४२ मनसा त्रिविधं नित्यं दशाधर्मपथांस्त्यजेत् ॥
९६९५१ कायेन मनसा बुद्ध्या केवलैरिन्द्रियैरपि ।
९६९५२ योगिनः कर्म कुर्वन्ति सङ्गं त्यक्त्वात्मशुद्धये ॥
९६९५ १ काये सीदति कण्ठरोधिनि कफे कुण्ठे च वाणीपथे  जिह्मायां दृशि जीविते जिगमिषौ श्वासे शनैः शाम्यति ।
९६९५ २ आगत्य स्वयमेव नः करुणया कात्यायनीवल्लभः  कर्णे वर्णयताद्भवार्णवभयादुत्तारकं तारकम् ॥
९६९६१ कारञ्जीः कूजयन्तो निजजठररवव्यञ्जिता बौजकोशिर् उत्पाकान् कृष्णलानां पृथुसुषिरगताञ्शिम्बिकान् पारयन्तः ।
९६९६२ झिल्लीकाझल्लरीणां बधिरितभुवनं झंकृतं खे क्षिपन्तः  शिञ्जानाश्वत्थपत्रप्रकरझणझणाराविणो वान्ति वाताः ॥
९६९७१ कारणाकारणध्वस्तं कारणाकारणागतम् ।
९६९७२ यो मित्रं समुपेक्षेत स मृत्युमुपगूहति ॥
९६९७ १ कारणात्प्रियतामेति द्वेष्यो भवति कारणात् ।
९६९७ २ अर्थार्थी जीवलोकोऽयं न कश्चित्कस्यचित्प्रियः ॥
९६९८१ कारणान्मित्रतामेति कारणाद्याति शत्रुताम् ।
९६९८२ तस्मान्मित्रत्वमेवात्र योज्यं वैरं न धीमता ॥
९६९९१ कारणेन विना भृत्ये यस्तु कुप्यति पार्थिवः ।
९६९९२ स गृह्णाति विषोन्मादं कृष्णसर्पप्रदंशितः ॥
९७००१ कारणेनैव जायन्ते मित्राणि रिपवस्तथा ।
९७००२ रिपवो येन जायन्ते कारणं तत्परित्यजेत् ॥
९७०११ कारणैः सदृशं कार्यमिति मिथ्या प्रसिद्धयः ।
९७०१२ मानिनो भवतो जातं यदमानं यशो भुवि ॥
९७०२१ कारणोत्पन्नकोपोऽपि साम्प्रतं प्रमदाजनः ।
९७०२२ निशि शीतापदेशेन गाढमालिङ्गति प्रियम् ॥
९७०३१ कारण्डवाननविघट्टितवीचिमालाः  कादम्बसारसचयाकुलतीरदेशाः ।
९७०३२ कुर्वन्ति हंसविरुतैः परितो जनस्य  प्रीतिं सरोरुहरजोऽरुणितास्तटिन्यः ॥
९७०४१ कारय नाम्ब विलम्बं  मुञ्च करं मे हरिं यामि ।
९७०४२ न सहे स्थातुं यदसौ  गर्जति मुरली प्रगल्भदूतीव ॥
९७०५१ कारणात्प्रियतामेति द्वेष्यो भवति कारणात् ।
९७०५२ अर्थार्थी जीवलोकोऽयं न कश्चित्कस्यचित्प्रियः ॥
९७०६१ कारासंतानकूटस्य संसारवनवागुरा ।
९७०६२ स्वर्गमार्गमहागर्ता पुंसां स्त्री वेधसा कृता ॥
९७०७१ कारुण्यं पुण्यानां  कृतज्ञता पुरुषचिह्नानाम् ।
९७०७२ माया मोहमतीनां  कृतघ्नता नरकपातहेतूनाम् ॥
९७०८१ कारुण्यं संविभागश्च यथा भृत्येषु लक्ष्यते ।
९७०८२ चित्तेनानेन ते शङ्क्या त्रैलोक्यस्यापि नाथता ॥
९७०९१ कारुण्यपुण्यसत्सद्म कुरु त्वं जनबान्धव ।
९७०९२ मम श्रीपार्श्वतीर्थेश सुप्रसादं सुखास्पदम् ॥
९७१०१ कारुण्यामृतकन्दलीसुमनसः प्रज्ञावधूमौक्तिक  ग्रीवालंकरणश्रियः शमसरित्पूरोत्सलच्छीकराः ।
९७१०२ ते मौलौ भवतां मिलन्तु जगतीराज्याभिषेकोचित  स्रग्भेदा अभयप्रदानचरणप्रेङ्खन्नखाग्रांशवः ॥
९७१११ कारुण्यामृतनीरमाश्रितजनश्रीचातकानन्ददं  शार्ङ्गाखण्डलचापमम्बुजभवाग्नीन्द्रादिबर्हीष्टदम् ।
९७११२ चारुस्मेरमुखोल्लसज्जनकजासौदामिनीशोभितं  श्रीरामाम्बुदमाश्रयेऽखिलजगत्संसारता पापहम् ॥
९७११ १ कारुण्येन हता वधव्यसनिता सत्येन दुर्वाच्यता  सन्तोषेण परार्थचौर्यपटुता शीलेन रागान्धता ।
९७११ २ नैर्ग्रन्थ्येन परिग्रहग्रहिलता यैयौवनेऽपि स्फुटं  पृथ्वीयं सकलापि तैः सुकृतिभिर्मन्ये पवित्रीकृता ॥
९७१२१ कारुण्येनात्मनो मानं तृष्णां च परितोषतः ।
९७१२२ उत्थानेन जयेत्तन्द्रीं वितर्कं निश्चयाज्जयेत् ॥
९७१३१ कार्कश्यं स्तनयोर्दृशोस्तरलतालीकं मुखे श्लाघ्यते  कौटिल्यं कचसंचये च वचने मान्द्यं त्रिके स्थूलता ।
९७१३२ भीरुत्वं हृदये सदैव कथितं मायाप्रयोगः प्रिये  यासां दोषगणो गुणो मृगदृशां ताः स्युः पशूनां प्रियाः ॥
९७१४१ कार्कश्यलौल्यनैवर्ण्यं हिंसाचापल्यमूर्खताः ।
९७१४२ क्रोधावमानदुःखं च स्त्रीणां स्वाभाविका गुणाः ॥
९७१५१ कार्णाटीकेलिवाटीविटपिनवदलान्दोलनाश्चोलबाला  चञ्चच्चाम्पेयमालानिविलपरिमलाकर्षणोत्कर्षभाजः ।
९७१५२ वाता दातार एते मलयजमधुरामोदपूरैः प्रमोदान्  गोदावीचीविनोदार्जितजडिमगुणानुद्वहन्तो वहन्ति ॥
९७१६१ कार्णाटी स्वर्णकर्णाभरणपरिमिलन्मौक्तिकेष्वम्बुलेशैर् यस्याः संपृक्तमात्रेष्विदमजनि महच्चित्रमुच्चण्डमेव ।
९७१६२ सङ्कीर्णे ताम्रपर्णीजललहरिभरैरर्णवे शुक्तयो यत् सार्धं क्रीडन्ति शच्या शमयतु विपदोऽह्नाय सा जाह्नवी नः ॥
९७१७१ कार्त्तिके वाथ चैत्रे वा विजिगीषोः प्रशस्यते ।
९७१७२ यानमुत्कृष्टवीर्यस्य शत्रुदेशे न चान्यदा ॥
९७१८१ कार्त्तिक्यां कृत्तिकायोगे यः कुर्यात्स्वामिदर्शनम् ।
९७१८२ सप्तजन्म भवेद्विप्रो धनाढ्यो वेदपारगः ॥
९७१९१ कार्त्स्न्येन निर्वर्णयितुं च रूपम्  इच्छन्ति तत्पूर्वसमागमानाम् ।
९७१९२ न च प्रियेष्वायतलोचनानां  समग्रपातीनि विलोचनानि ॥
९७२०१ कार्पण्यं दर्पमानौ च भयमुद्वेग एव च ।
९७२०२ अर्थजानि विदुः प्राज्ञा दुःखान्येतानि देहिनाम् ॥
९७२११ कार्पण्यवृत्तिः स्वजनेषु निन्दा  कुचेलता नीचजनेषु भक्तिः ।
९७२१२ अतीव रोषः कटुका च वाणी  नरस्य चिह्नं नरकागतस्य ॥
९७२२१ कार्पण्येन यशः, क्रुधा गुणचयो, दम्भेन सत्यं, क्षुधा  मर्यादा, व्यसनैर्धनं च, विपदा स्थैर्यं, प्रमादैर्द्विजः ।
९७२२२ पैशुन्येन कुलं, मदेन विनयो, दुश्चेष्टया पौरुषं  दारिद्र्येण जनादरो, ममतया चात्मप्रकाशो हतः ॥
९७२३१ कार्पासं कटिनिर्मुक्तं कौशेयं भोजनावधि ।
९७२३२ ऊर्णवस्त्रं सदा शुद्धमूर्णा वातेन शुध्यति ॥
९७२४१ कार्पासकृतकूर्पासशतैरपि न शाम्यति ।
९७२४२ शीतं शातोदरीपीनवक्षोजालिङ्गनं विना ॥
९७२५१ कार्पासकोशोज्ज्वलकेशसंचया  पयोधरालिङ्गितमन्मथालया ।
९७२५२ गल्लौ जरद्गल्लकसंनिभावुभौ  तथापि रण्डा सुरतं न मुञ्चति ॥
९७२६१ कार्पासौषधकृष्णधान्यलवणक्लीबास्थितैलं वसा  पङ्काङ्गारगुडाहिवर्मशकृतक्लेशाय सव्याधिताः ।
९७२६२ वान्तोन्मत्तजटीन्धनानि च तृणक्षुत्क्षामतक्रादयो  मुण्ड्यभ्यक्तविमुक्तकेशपलिताः काषायिणश्चाशुभाः ॥
९७२६ १ कार्यं च किं ते परदोषदृष्ट्या  कार्यं च किं ते परचिन्तया च ।
९७२६ २ वृषा कथं खिद्यसि बालबुद्धे  कुरु स्वकार्यं त्यज सर्वमन्यान् ॥
९७२७१ कार्यं च शान्तदीप्तं  जात्वा विद्वान् विचारयेत्सर्वम् ।
९७२७२ शान्ते शान्तं ग्राह्यं  दीप्ते दीप्तं च गृह्णीयात् ॥
९७२८१ कार्यं चावेक्ष्य शक्तिं च देशकालौ च तत्त्वतः ।
९७२८२ कुरुते धर्मसिद्ध्यर्थं विश्वरूपं पुनः पुनः ॥
९७२९१ कार्यं तत्साधकादींश्च तद्व्ययं सुविर्निर्गमम् ।
९७२९२ विचिन्त्य कुरुते ज्ञानी नत्न्यथा लघ्वपि क्वचित् ॥
९७३०१ कार्यं यावदिवं करोमि विधिवत्तावत्करिष्याम्यदस् तत्कृत्वा पुनरेतदद्य कृतवानेतत्पुरा कारितम् ।
९७३०२ इत्यात्मीयकुटुम्बपोषणपरः प्राणी क्रियाव्याकुलो  मृत्योरेति करग्रहं हतमतिः संत्यक्तधर्मक्रियः ॥
९७३११ कार्यं शक्तावपि प्राणेस्त्राणं शरणमागते ।
९७३१२ निजतृष्ठानुगं धातुं प्रदीपः किं न रक्षति ॥
९७३१ १ कार्यः कश्चिद्वरो दूतः सकुलश्चतुरोऽपि च ।
९७३१ २ कुलशीलविहीनस्तु सिर्द्धि नाशयति ध्रुवम् ॥
९७३२१ कार्यकारणकर्तृत्वे हेतुः प्रकृतिरुच्यते ।
९७३२२ पुरुषः सुखदुःखानां भोक्तृत्वे हेतुरुच्यते ॥
९७३३१ कार्यकाले तु संप्राप्ते नावज्ञेयं त्रयं सदा ।
९७३३२ बीजमौषधमाहारो यथा लाभस्तथा क्रयः ॥
९७३४१ कार्यकाले विपत्तौ यो भृत्यो हि याचते धनम् ।
९७३४२ सोत्सारणीयः सपदि नीतिज्ञावनिपालकैः ॥
९७३५१ कार्यकालोचिता पापैर्मतिबुद्धिर्विहीयते ।
९७३५२ सानुकूला तु वैदैवात्पुंसः सर्वत्र जायते ॥
९७३६१ कार्यगतेर्वैचित्र्या  न्नीचोऽपि क्वचिदलं न जातु महान् ।
९७३६२ कांस्येनैवादर्शः  क्रियते राज्ञामपि न हेम्ना ॥
९७३७१ कार्यज्ञः प्रष्टव्यो  न पुनर्मान्यो मम प्रियो वेति ।
९७३७२ गुरुरप्यासनसेव्यः  प्रियानितम्बः कदा मन्त्री ॥
९७३८१ कार्यते यच्च क्रियते सच्चासच्च कृतं ततः ।
९७३८२ तत्राश्वसीत सत्कृत्वा असत्कृत्वा न विश्वसेत् ॥
९७३९१ कार्यमालोचितापायं मतिमद्भिर्विचेष्टितम् ।
९७३९२ न केवलं हि सम्पत्तौ विपत्तावपि शोभते ॥
९७४०१ कार्यमित्येव यत्कर्म नियतं क्रियतेऽर्जुन ।
९७४०२ सङ्गं त्यक्त्वा फलं चैव सत्त्यागः सात्त्विको मतः ॥
९७४११ कार्यस्य हि गरीयस्त्वान्नीचानामपि कालवित् ।
९७४१२ सतोऽपि दोषान् प्रच्छाद्य गुणानप्यसतो वदेत् ॥
९७४२१ कार्यस्यापेक्षया भुक्तं विषमप्यमृतायते ।
९७४२२ सर्वेषां प्राणिनां यत्र नात्र कार्या विचारणा ॥
९७४३१ कार्याकार्यमनार्यैर् उन्मार्गनिरर्गलैर्गलन्मतिभिः ।
९७४३२ नाकर्ण्यते विकर्णैर् नयोक्तिभिर्युक्तमुक्तमपि ॥
९७४४१ कार्याकार्ये किमपि सततं नैव कर्तृत्वमस्ति  जीवन्मुक्तस्थितिरवगतो दग्धवस्त्रावभासः ।
९७४४२ एवं देहे प्रविलयगते तिष्ठमानो विमुक्तो  निस्त्रैगुण्ये पथि विचरतः को विधिः को निषेधः ॥
९७४५१ कार्याकार्ये तुलयति सर्वस् तृप्तो न जातु तृष्णार्तः ।
९७४५२ स्वादु शुचि वा च तोयं  मरुपथिकः को विचारयति ॥
९७४६१ कार्याकार्येषु काकोलः प्रशस्तः स्याद्यथा किल ।
९७४६२ न तथा वायसा ज्ञेया ग्राह्यास्तु तदभावतः ॥
९७४७१ कार्याणां कर्मणा पारं यो गच्छति स बुद्धिमान् ।
९७४७२ ... ... ... ... ... ... ॥
९७४८१ कार्याणां गतयो भुजंगकुटिलाः स्त्रीणां मनश्चञ्चलं  नैश्वर्यं स्थितिमत्तरंगचपलं न् णां वयो धावति ।
९७४८२ संकल्पाः समदाङ्गनाक्षितरला मृत्युः परं निश्चितो  मत्यैवं मतिसत्तमा विदधतां धर्मे मतिं तत्त्वतः ॥
९७४९१ कार्याण्यर्थोपमर्देन स्वानुरक्तोऽपि साधयन् ।
९७४९२ नोपेक्ष्यः सचिवो राज्ञा स तं मथ्नात्युपेक्षितः ॥
९७५०१ कार्याण्युत्तमदण्डसाहसफलान्यायाससाध्यानि ये  प्रीत्या संशमयन्ति नीतिकुशलाः साम्नैऽव ते मन्त्रिणः ।
९७५०२ निःसाराल्पफलानि ये त्वविधिना वाञ्छन्ति दण्डोद्यमैस् तेषां दुर्नयचेष्टितैर्नरपतेरारोप्यते श्रीस्तुलाम् ॥
९७५११ कार्या न प्रतिकूलता न च बहिर्गन्तव्यमस्माद्गृहात् कोपश्च क्षणमात्रमाहितरुषा कार्यः प्रणामावधिः ।
९७५१२ इत्येवं प्रमदाव्रतं यदि भवान् गृह्णाति नात्यन्तिकं  तत्राहं दयितीभवामि शठ हे कोपानुबन्धेन किम् ॥
९७५२१ कार्यान्तरितोत्कण्ठं  दिनं मया नीतमनतिकृच्छ्रेण ।
९७५२२ अविनोददीर्घयामा  कथं नु रात्रिर्गमयितव्या ॥
९७५३१ कार्यान्तरेष्वप्यनुगम्यमाना  श्रेयःप्रदा शान्तदिशि प्रदिष्टा ।
९७५३२ शिवा प्रदीप्ते तु दिशःप्रदेशे  समारटन्ती महते भयाय ॥
९७५४१ कार्यापेक्षी जनः प्रायः प्रीतिमाविष्करोत्यलम् ।
९७५४२ लोमार्थी शौण्डिकः शष्पैर्मेषं पुष्णाति पेशलैः ॥
९७५५१ कार्यारम्भः फलोल्लासमालोक्य प्रायशो जनैः ।
९७५५२ अनानुगुण्यगणनां कुर्वाणैर्न विगर्ह्यते ॥
९७५६१ कार्यार्थिनः क्षीणतरस्य नैव  निःशेषकार्यं कुटिलस्य कुर्यात् ।
९७५६२ दोषाकरः प्राप्तविवृद्धदर्पः  पलायते दूरतरं हि मित्रात् ॥
९७५७१ कार्यार्थिनो दीर्घमिवाध्वखेदं  विक्रीतदासा इव कर्मभारम् ।
९७५७२ कष्टं कटुद्रव्यमिवामयार्ताः  स्वभर्तृगेहं वनिता सहन्ते ॥
९७५८१ कार्यार्थी बन्धुजनः  कार्यैर्बहुभिर्भवन्ति मित्राणि ।
९७५८२ दाराः सुताश्च सुलभा  धनमेकं दुर्लभं लोके ॥
९७५९१ कार्यार्थी भजते लोके यावत्कार्यं न सिध्यति ।
९७५९२ उत्तीर्णे च परे पारे नौकायाः किं प्रयोजनम् ॥
९७६०१ कार्यार्थी भजते लोको न प्रियः पारमार्थिकः ।
९७६०२ वत्सः क्षीरक्षयं दृष्ट्वा परित्यजति मातरम् ॥
९७६११ कार्यार्थी संगतिं याति कृतार्थे नास्ति संगतिः ।
९७६१२ तस्मात्सर्वाणि कार्याणि सावशेषाणि कारयेत् ॥
९७६२१ कार्यावेतौ हि कालेन धर्मो हि विजयावहः ।
९७६२२ त्रयाणामपि लोकानामालोककरणो भवेत् ॥
९७६३१ कार्यासमर्थे महति न कुर्यात्परिहासकम् ।
९७६३२ लम्बोदरं नत्यशक्तमप्रेष्योऽभूच्छशी हसन् ॥
९७६४१ कार्या सैकतलीनहंसमिथुना स्रोतोवहा मालिनी  पादास्तामभितो निषण्णहरिणा गौरीगुरोः पावनाः ।
९७६४२ शाखालम्बितवल्कलस्य च तरोर्निर्मातुमिच्छाम्यधः  शृङ्गे कृष्णमृगस्य वामनयनं कण्डूयमानां मृगीम् ॥
९७६५१ कार्यं कर्मणि निर्दिष्टो यो बहून्यपि साधयेत् ।
९७६५२ पूर्वकार्याविरोधेन स कार्यं कर्तुमर्हति ॥
९७६६१ न ह्येकः साधको हेतुः स्वल्पस्यापीह कर्मणः ।
९७६६२ यो ह्यर्थं बहुधा वेद स समर्थोऽर्थसाधने ॥
९७६७१ कार्येण लोके निजधर्मगर्हणा  विचारचर्चाचरणैस्तु यैर्भुवि ।
९७६७२ स्यात्तन्न कार्यं सुहितावहं भवद् अपीह भव्यं स्वविचारदृष्टितः ॥
९७६७ १ कार्येणापि विलम्बनं परगृहे श्वश्रूर्न संमन्यते  शङ्कामारचयन्ति यूनि भवनं प्राप्ते मिथो यातरः ।
९७६७ २ वीथीनिर्गमनेऽपि तर्जयति च क्रुद्धा ननान्दा पुनः  कष्टं हन्त मृगीदृशां पतिगृहं प्रायेण कारागृहम् ॥
९७६८१ कार्ये तु दुःखसाध्ये तु कार्यो नातिश्रमो जनैः ।
९७६८२ कार्ये सिद्धे श्रमो न स्यादसिद्धे श्रम एव हि ॥
९७६९१ कार्ये दासी रतौ वेश्या भोजने जननीसमा ।
९७६९२ विपत्तौ बुद्धिदात्री च सा भार्या सर्वदुर्लभा ॥
९७६९ १ कार्ये महति युञ्जानो हीयतेऽर्थपतिः श्रिया ।
९७६९ २ स्त्रीप्रधानानि राज्यानि विद्वद्भिर्वर्जितानि च ।
९७६९ ३ मूर्खामात्यप्रतप्तानि शुष्यन्ति जलबिन्दुवत् ॥
९७७०१ कार्येषु मन्त्री करणेषु दासी  भोज्येषु माता शयनेषु रम्भा ।
९७७०२ धर्मेऽनुकूला क्षमया धरित्री  भार्या च षाड्गुण्यवतीह धन्या ॥
९७७११ कार्येषु मन्त्री करणेषु दासी  स्नेहेषु माता क्षमया धरित्री ।
९७७१२ धर्मस्य पत्नी शयने च वेश्या  षट्कर्मभिः स्त्री कुलमुद्धरन्ति ॥
९७७२१ कार्ये सत्यपि जातु याति न बहिर्नाप्यन्यमालोकते  साध्वीरप्यनुकुर्वती गुरुजनं श्वश्रूं च शुश्रूषते ।
९७७२२ विस्रम्भं कुरुते च पत्युरधिकं प्राप्ते निशीथे पुनर् निद्राणे सकले जने शशिमुखी निर्याति रन्तुं विटैः ॥
९७७३१ कार्येहानुसरणतो  वारंवारं परं पुमांसमनु ।
९७७३२ यतमानस्यानुदिनं  भवति यतः प्रेमलक्षणं भजनम् ॥
९७७४१ कार्योपक्षेपमादौ तनुमपि रचयंस्तस्य विस्तारमिच्छन्  बीजानां गर्भितानां फलमतिगहनं गूढमुद्भेदयंश्च ।
९७७४२ कुर्वन् बुद्ध्या विमर्शं प्रसृतमपि पुनः संहरन् कार्यजातं  कर्ता वा नाटकानामियमनुभवति क्लेशमस्मद्विधो वा ॥
९७७५१ कार्श्यं क्षुत्प्रभवं कदन्नमशनं शीतोष्णयोः पात्रता  पारुष्यं च शिरोरुहेषु शयनं मह्यास्तले केवले ।
९७७५२ एतान्येव गृहे वहन्त्यवनतिं यान्त्युन्नतिं कानने  दोषा एव गुणीभवन्ति मुनिभिर्योग्ये पदे योजिताः ॥
९७७६१ कार्श्यं चेत्प्रतिपत्कला हिमनिधेः स्थूलाथ चेत्पाण्डिमा  लीला एव मृणालिका यदि घना बाष्पाः कियान् वारिधिः ।
९७७६२ सन्तापो यदि शीतलो हुतवहस्तस्याः कियद्वर्ण्यते  राम त्वत्स्मृतिमात्रमेव हृदये लावण्यशेषं वपुः ॥
९७७७१ कार्श्यजागरसन्तापान् यः करोति श्रुतोऽप्यलम् ।
९७७७२ तमेव दुर्लभं कान्तं चेतः कस्माद्दिदृक्षते ॥
९७७८१ कार्षकः सर्वबीजानि समालोड्य प्रवापयेत् ।
९७७८२ उत्पन्नबीजसद्भावं त्वङ्कुरेण विभावयेत् ॥
९७७९१ कालं कपालमालाङ्कमेकमन्धकसूदनम् ।
९७७९२ वन्दे वरदमीशानं शासनं पुष्पधन्वनः ॥
९७८०१ कालं नियम्य कर्माणि ह्याचरेन्नान्यथा क्वचित् ।
९७८०२ गवादिष्वात्मवज्ज्ञानमात्मानं चार्थधर्मयोः ।
९७८०३ नियुञ्जीतान्नसंसिद्ध्यै मातरं शिक्षणे गुरुम् ॥
९७८११ कालं निरीक्ष्य कुरुते कार्यं तस्याशु सिध्यति ।
९७८१२ ग्रहं विचार्य क्रीडायां दीव्यतो न पराजयः ॥
९७८२१ कालं पुरा गरलमम्बुनिधेरुदस्थाद् अद्येन्दुनाम धवलं विषमभ्युदेति ।
९७८२२ अद्यादिदं स गिरिशो यदि हन्त हन्यात् कार्ष्ण्यं स्वकण्ठनिहितं सखि मद्भयं च ॥
९७८३१ कालं मुहूर्ताङ्गुलिमण्डलेन  दिनत्रियामाञ्जलिना पिबन्तम् ।
९७८३२ रूपं विलोक्यैव वपुश्च केषां  भङ्गेन नाङ्गान्यलसीभवन्ति ॥
९७८४१ कालः करोति कार्याणि काल एव निहन्ति च ।
९७८४२ करोमीति विहन्मीति मूर्खो मुह्यति केवलम् ॥
९७८५१ कालः किरातः स्फुटपद्मकस्य  वधं व्यधाद्यस्य दिनद्बिपस्य ।
९७८५२ तस्येव सन्ध्या रुचिरास्रधारा  ताराश्च कुम्भस्थलमौक्तिकानि ॥
९७८६१ कालः पचति भूतानि कालः संहरते प्रजाः ।
९७८६२ कालः सुप्तेषु जागर्ति कालो हि दुरतिक्रमः ॥
९७८७१ कालः पचति भूतानि कालः संहरति प्रजाः ।
९७८७२ निर्दहन्तं प्रजाः कालं कालः शमयते पुनः ॥
९७८८१ कालः संप्रति वर्तते कलियुगं सत्या नरा दुर्लभाः  देशाश्च प्रलयं गताः करभरैर्लोभं गताः पार्थिवाः ।
९७८८२ नानाचौरगणा मुषन्ति पृथिवीमार्यो जनः क्षीयते  पुत्रस्यापि न विश्वसन्ति पितरः कष्टं युगे वर्तते ॥
९७८९१ कालः सदागतिरपि स्थायीव परिचेष्टते ।
९७८९२ चण्डमारुतवद्विश्वमधरोत्तरयन् क्षणात् ॥
९७९०१ कालः समविषमकरः  परिभवसन्मानकारकः कालः ।
९७९०२ कालः करोति पुरुषं  दातारं याचितारं च ॥
९७९११ कालः सुप्तेषु जागर्ति कालो हि दुरतिक्रमः ।
९७९१२ कालः सर्वेषु भूतेषु चरत्यविधृतः समः ॥
९७९२१ कालः सूक्ष्मगतिर्नित्यं द्विविधश्चेह भाव्यते ।
९७९२२ स्थूलसंग्रहचारेण सूक्ष्माचारान्तरेण च ॥
९७९३१ कालः मृजति भूतानि कालः संहरते प्रजाः ।
९७९३२ सर्वे कालस्य वशगा न कालः कस्यचिद्वशे ॥
९७९४१ काल एवात्र कालेन निग्रहानुग्रहौ ददत् ।
९७९४२ बुद्धिमाविश्य भूतानां धर्मार्थेषु प्रवर्तते ॥
९७९५१ कालकालगलकालकालमुखकालकाल!  कालकाल घनकालकाल पनकालकाल ! ।
९७९५२ कालकालसितकालका ललनिकालकाल  कालकालगतु कालकाल! कलिकालकाल! ॥
९७९६१ कालकूटमधुनापि निहन्तुं  हन्त नो वहसि लाञ्छनभङ्ग्या ।
९७९६२ यद्भयादिव निगीर्णमपि त्वाम्  आशु मुञ्चति सुधाकर राहुः ॥
९७९७१ कालकूटमिह निन्दति लोको  येन शम्भुरजरामर एव ।
९७९७२ अन्तकं विरहिणीशु सुधांशुं  स्तौत्यमुं तु विरलो हि विवेकः ॥
९७९८१ कालकूटादयो भेदा विषस्य नव सन्ति ये ।
९७९८२ चिकित्सा कथ्यते तेषां मन्त्रपूर्वमविस्तरात् ॥
९७९९१ कालक्रमं प्रत्यकथैव तावत् क्षणं वियोगो मरणेन तुल्यः ।
९७९९२ प्रियामुखोद्वीक्षणलालसानाम्  अक्ष्णोर्निमेषोऽपि हि विघ्नभूतः ॥
९८००१ कालक्रमकमनीय  क्रोडेयं केतकीति काशंसा ।
९८००२ वृद्धिर्यथा यथा स्यास् तथा तथा कण्टकोत्कर्षः ॥
९८०११ कालक्रमत्रुटितसंश्रयभूः स्वमूल  मात्राश्रयी तटतरुः सरितोऽम्बुपूरैः ।
९८०१२ यैः शङ्क्यते निपततीति वितीर्णमृद्धिस् तैरेव तस्य हि भवेत्स्थितिभुमिदार्ढ्यम् ॥
९८०२१ कालक्रमेण परिणामवशादनव्या  भावा भवन्ति खलु पूर्वमतीव तुच्छाः ।
९८०२२ मुक्तामणिर्जलदतोयकणोऽप्यणीयान्  सम्पद्यते च चिरकीचकरन्ध्रमध्ये ॥
९८०३१ कालक्षेपो न कर्तव्य आयुर्याति दिने दिने ।
९८०३२ निरीक्षते यमो राजा धर्मस्य विविधां गतिम् ॥
९८०४१ का लक्ष्मीः पदमुन्नतं, किमु पदं यद्गौरवं स्वामिनः  किं तद्गौरव, मन्तरायरहितापूर्वैव गुर्वी स्थितिः ।
९८०४२ का चासौ स्थिति, रात्मभूषणपरव्यापारसम्भावना  कस्यैतत्सकलं समस्ति, शशिनः श्रीकण्ठचुडामणेः ॥
९८०५१ कालञ्जरपतिश्चक्रे भीमटः पञ्चनाटकीम् ।
९८०५२ प्राप प्रबन्धराजत्वं तेषु स्वप्नदशाननम् ॥
९८०५ १ कालत्रयेऽपि यत्किंचिदात्मप्रत्ययवर्जितम् ।
९८०५ २ एवमेतदिति स्पष्टं न वाच्यं चतुरेण तत् ॥
९८०६१ कालत्रयोपपन्नानि जन्मकर्माणि मे नृप ।
९८०६२ अनुक्रमन्तो नैवान्तं गच्छन्ति परमर्षयः ॥
९८०७१ कालप्राप्तं महारत्नं यो न गृह्णात्यबुद्धिमान् ।
९८०७२ अन्यहस्तगतं दृष्ट्वा पश्चात्स परितप्यते ॥
९८०८१ कालप्राप्तमुपादद्यान्नार्थं राजा प्रसूचयेत् ।
९८०८२ अहन्यहनि सन्दुह्यान्महीं गामिव बुद्धिमान् ॥
९८०९१ कालयापनमाशानां वर्धनं फलखण्डनम् ।
९८०९२ विरक्तेश्वरचिह्नानि जानीयान्मतिमान्नरः ॥
९८१०१ कालरात्रिकरालेयं स्त्रीति किं विचिकित्ससे ।
९८१०२ तज्जगत्त्रितयं त्रातुं तात ताडय ताटकाम् ॥
९८१११ कालरात्रिर्महारात्रिर्मोहरात्रिश्च दारुणा ।
९८११२ त्वं श्रीस्त्वमीश्वरी त्वं ह्रीस्त्वं बुद्धिर्बोधलक्षणा ॥
९८१२१ कालवर्षी च पर्जन्यो धर्मचारी च पार्थिवः ।
९८१२२ सम्पद्यदैषा भवति सा बिभर्ति सुखं प्रजाः ॥
९८१३१ कालविद्भिर्विनिर्णीतं पाण्डित्यं यस्य राघव ।
९८१३२ अनध्यार्पित एवासौ तज्ज्ञश्चेद्दैवमुत्तमम् ॥
९८१४१ कालविद्भिविर्निर्णीता यस्यातिचिरजीविता ।
९८१४२ स चेज्जीवति संच्छिन्नशिरास्तद्दैवमुत्तमम् ॥
९८१५१ कालव्यालहतं वीक्ष्य पतन्तं भानुमम्बरात् ।
९८१५२ ओषधीशं समादाय धावतीव पितृप्रसूः ॥
९८१६१ कालविच्छ्रोत्रियो राजा नदी साधुश्च पञ्चमः ।
९८१६२ एते यत्र न विद्यन्ते तत्र वासं न कारयेत् ॥
९८१७१ कालश्चालयति प्रायः पण्डितान् पामरानपि ।
९८१७२ तं चेच्चिकीर्षसि वशे तितिक्षैव महौषधम् ॥
९८१८१ कालश्चेत्करुणापरः कलियुगं यद्यद्य धर्मप्रियं  निस्त्रिंशो यदि पेशलो विषधरः सन्तोषदायी यदि ।
९८१८२ अग्निश्चेदतिशीतलं खलजनः सर्वोपकारी स चेद् आयुष्यं यदि वा भविष्यति विषं वेश्यापि तद्रागिणी ॥
९८१९१ कालस्य कारणं राजा सदसत्कर्मणस्त्वतः ।
९८१९२ सुकार्योद्यतदण्डाभ्यां स्वधर्मे स्थापयेत्प्रजाः ॥
९८२०१ ... ... ... ... ... ... ।
९८२०२ कालस्य सुमहद्बीर्यं सर्वभूतेषु लक्ष्मण ॥
९८२११ कालस्यैव वशो सर्वं दुर्गं दुर्गतरं च यत् ।
९८२१२ काले क्रुद्धे कथं कालात्त्राणं नोऽद्य भविष्यति ॥
९८२१ १ कालागरूद्गारसुगन्धिगन्ध धूपाधिवासाश्रयभूगृहेषु ।
९८२१ २ न तत्र सुर्माघसमीरणेभ्यः श्यामाकुचोष्माश्रयिणः पुमांसः ॥
९८२२१ कालागुरुप्रचुरचन्दनचर्चिताङ्ग्यः  पुष्पावतंससुरभीकृतकेशपाशाः ।
९८२२२ श्रुत्वा ध्वनिं जलमुचां त्वरितं प्रदोषे  शय्यागृहं गुरुगृहात्प्रविशन्ति नार्यः ॥
९८२३१ कालागुरौ सुरभितातिशयेऽपि सङ्गाद् आरभ्यते सुरभितापरपादपेऽपि ।
९८२३२ पाटीरपाटवमिदं तव सङ्गिवातैस् तादात्म्यमेति कतरो न तरोः समूहः ॥
९८२४१ कालाग्निरुद्र आधारे शक्तिः कुण्डलिनी तथा ।
९८२४२ आनन्दाख्या स्वधिष्ठाने शक्त्या कामाख्यया सह ॥
९८२५१ कालातिक्रमणं कुरुष्व तडितां विस्फूर्जितैस्त्रासय  स्फारैर्भीषय गर्जितैरतितरां कार्ष्ण्यं मुखे दर्शय ।
९८२५२ यस्यानन्यगतेः पयोद मनसो जिंज्ञासया चातक  स्याधेहि त्वमिहाखिलं तदपि न त्वत्तः परं याचते ॥
९८२६१ कालातिक्रमणं वृत्तेर्यो न कुर्वीत भूपतिः ।
९८२६२ कदाचित्तं न मुञ्चन्ति भर्त्सिता अपि सेवकाः ॥
९८२७१ कालातिक्रमणे ह्येव भक्तवेतनयोर्भृताः ।
९८२७२ भर्तुः कुप्यन्ति दुष्यन्ति सोऽनर्थः सुमहान् स्मृतः ॥
९८२८१ कालातिपातः कार्याणां धर्मार्थपरिपीडनम् ।
९८२८२ नित्याभ्यन्तरवर्तित्वात्साधुप्रकृतिकोपनम् ॥
९८२९१ रहस्यभेदस्तत्पक्षादकार्येषु प्रवर्तनम् ।
९८२९२ ईर्ष्यामर्षस्तथा क्रोधो निरोधः साहसानि च ॥
९८३०१ इत्यादि च स्त्रीव्यसने यच्च पूर्वं प्रकीर्तितम् ।
९८३०२ तस्मात्स्त्रीव्यसनं राजा राज्यकामः परित्यजेत् ॥
९८३११ कालात्प्ररोहति विश्वं पुनः कालः प्रवर्तते ।
९८३१२ स्थूलसूक्ष्मगतिः कालो विविधं तस्य चोच्यते ॥
९८३२१ कालात्प्रवर्तते बीजं कालाद्गर्भं प्रमुञ्चति ।
९८३२२ कालो जनयते पुत्रं पुनः कालोऽपि संहरेत् ॥
९८३३१ कालाद्प्ररोहते बीजं फलं कालात्प्रवर्तते ।
९८३३२ कालो हि वर्तयेत्सृष्टिं पुनः कालो हि संहरेत् ॥
९८३४१ कालानपास्य विषुवायनसंक्रमादीन्  अस्तंगते हिमकरे च दिवाकरे च ।
९८३४२ अम्ब स्मरेयमपि ते चरणारविन्दम्  आनन्दलक्षणमपास्तसमस्तभेदम् ॥
९८३५१ कालानुकूल्यं विस्पष्टं राघवस्यार्जुनस्य च ।
९८३५२ अनुकूले यदा दैवे क्रियाल्पा सुफला भवेत् ॥
९८३६१ कालान्तरे ह्मनर्थाय गृध्रो गेहोपरि स्थितः ।
९८३६२ खलो गृहसमीपस्थः सद्योऽनर्थाय देहिनाम् ॥
९८३७१ कालञ्जराः भारसहास्तेषां वक्ष्यामि लक्षणम् ।
९८३७२ शतार्धमङ्गुलानां तु श्रेष्ठं खड्गं प्रकीर्तितम् ॥
९८३८१ कालिदास कलावास दासवच्चालितो यदि ।
९८३८२ राजमार्गे व्रजन्नत्र परेषां तत्र का त्रपा ॥
९८३९१ कालिदासकविता नवं वयो  माहिषं दधि सशर्करं पयः ।
९८३९२ एणमांसमबला च कोमला  सम्भवन्तु मम जन्मजन्मनि ॥
९८४०१ कालिदासकवेर्वाणी कदाचिन्मद्गिरा सह ।
९८४०२ कलयत्यर्थसाम्यं चेद्भीता भीता पदे पदे ॥
९८४११ कालिन्दि, ब्रूहि कुम्भोद्भव, जलधिरहं नाम गृह्णासि कस्माच् छत्रोर्मे, नर्मदाहं त्वमपि वदसि मे नाम कस्मात्सपत्न्याः ।
९८४१२ मालिन्यं तर्हि कस्मादनुभवसि, मिलत्कज्जलैर्मालवीनां  नेत्राम्भोभिः, किमासां समजनि, कुपितः कुन्तलक्षोणिपालः ॥
९८४२१ कालिन्दीं वीक्ष्य यातां सुललितवदनो मातरं गेहगोपीः  कार्यासक्ताः समन्तादनुगतनयनो गोरसागारमन्तः ।
९८४२२ गत्वा भाण्डानि भित्त्वा मधुमधु शनकैर्गोरसं भक्षमाणः  शीघ्रप्रत्याप्तनन्दाकलितसितमुखो नन्दसूनुः शिवाय ॥
९८४३१ कालिन्दीकलकूलकाननकृतक्रीडाकलापोल्लस द् गोगोपालकबालकैः प्रतिदिशं सानन्दमाविष्टितम् ।
९८४३२ वंशीनादवशीकृतव्रजवधूस्वान्तं सदाह्नादकं  सद्भक्त्या समुपास्महे वयमघध्वंसैकधीरं महः ॥
९८४४१ कालिन्दीकेशपाशः परिलसति महीनायिकायास्तनूजा  जह्नीः सत्पुण्यसंघो गुण इह सलिलं यच्च सारस्वसं तु ।
९८४४२ वेणी त्वेषा विशेषादमरवरलसत्स्नेहयुक्ता वियुक्ता  बन्धेनेत्यत्र चित्रं विलसति नितरां यत्तमोवर्णहीना ॥
९८४५१ कालिन्दीचारुवीचीनिचय इति मुदा गाहिता नैचिकीभिर् बाला कादम्बिनीति प्रमुदितहृदयं वीक्षिता नीलकण्ठैः ।
९८४५२ उत्तंसार्थं तमालस्तबक इति हृता मुग्धगोपाङ्गनाभिः  श्रेयो नः कल्पयन्तां मधुमथनतनुस्वच्छकान्तिप्रवाहाः ॥
९८४६१ कालिन्दीजलकुञ्जवञ्जुलवनच्छायानिषण्णात्मनो  राधाबद्धनवानुरागरसिकस्योत्कण्ठितं गायतः ।
९८४६२ तत्पायादपरिस्खलज्जलरुहापीडं कलस्पृङ्नत  ग्रीवोत्तानितकर्णतर्णककुलैराकर्ण्यमानं हरेः ॥
९८४७१ कालिन्दीजलकेलिलोलतरुणीरावीतचीनांशु का  निर्गत्याङ्गजलानि सारितवतीरालोक्य सर्वा दिशः ।
९८४७२ तीरोपान्तमिलन्निकुञ्जभवने गूढं चिरात्पश्यतः  शौरेः संभ्रमयन्निमा विजयते साकूतवेणुध्वनिः ॥
९८४७ १ कालिन्दीतटभेदि हास्तिनपुरीदौस्थ्यादिभिः ख्यापित  स्थेमा यस्य जयत्यखण्डजगदानन्दैककन्दो भूजः ।
९८४७ २ मुष्ट्या निष्ठुरयैष मुष्टिकशिरोनिष्ट्यूतरक्तक्छटाच् छद्मोद्वान्तरुषा भिनत्तु भवतां भद्रेतरं लाङ्गलम् ॥
९८४८१ कालिन्दीनर्मदाम्भःस्रुतमदसलिलोत्सङ्गिनौ पुष्पवन्तौ  विभ्राणः कुम्भयुग्मं गगनतलततः स्वर्धुनीपूरशुण्डः ।
९८४८२ घण्टालः साधुवादैरनभिमतयशो देव मृद्नन्मृणालं  कीर्तिस्तोमाभ्रकुम्भी जगदुदरसरःसंभ्रमी बम्भ्रमीति ॥
९८४९१ कालिन्दीपुलिनान्तवञ्जुललताकुञ्जे कुतश्चित्क्रमात् सुप्तस्यैव मिथः कथाजुषि शनैः सम्वाहिकामण्डले ।
९८४९२ वैदेहीं दशकन्धरोऽपहरतीत्याकर्ण्य कंसद्विषो  हुं हुं वत्स धनुर्धनुर्धनुरिति व्यग्रा गिरः पान्तु वः ॥
९८५०१ कालिन्दीपुलिने मया, न न मया शैलोपशल्ये, न न  न्यग्रोधस्य तले मया, न न मया राधापितुः प्राङ्गणे ।
९८५०२ दृष्टः कृष्ण इतीरितस्य सभयं गोपैर्यशोदापतेर् विस्मेरस्य पुरो हसन्निजगृहान्निर्यन् हरिः पातु वः ॥
९८५११ कालिन्दीपुलिनोदरेषु मुसली यावद्गतः क्रीडितुं  तावत्कर्बुरिकापयः पिब हरे वार्धिष्यते ते शिखा ।
९८५१२ इत्थं बालतया प्रतारणपरा श्रुत्वा यशोदागिरः  पायाद्वः स्वशिखां स्पृशन् प्रमुदितः क्षीरेऽर्धपीते हरिः ॥
९८५२१ कालिन्दीमनुकूलकोमलरयामिन्दीवरश्यामलाः  शैलोपान्तभुवः कदम्बकुसुमैरामोदिनः कन्दरान् ।
९८५२२ राधां च प्रथमाभिसारमधुरां जातानुतापः स्मरन्  अस्तु द्वारवतीपतिस्त्रिभुवनामोदाय दामोदरः ॥
९८५३१ कालिन्दीयं द्विरददलिंताम्भोजिनीरेणुरम्या  यस्याः कृष्णः शिशिरपयसस्तीरकेदारचारी ।
९८५३२ गायन्तीनां किमपि मधुरं बालगोपालिकानां  लीलालोलः कमलकलिकाः कर्णपूरीचकार ॥
९८५४१ कालिन्दीयति कज्जलीयति कलानाथाङ्कमालीयति  व्यालीयत्यहिमण्डलीयति मुहुः श्रीकण्ठकण्ठीयति ।
९८५४२ शैवालीयति कोकिलीयति महानीलाभ्रजालीयति  भ्रह्माण्डे रिपुदुर्यशस्तव नृपालंकारचूडामणे ॥
९८५५१ कालिन्दीराशिरूर्ध्वं ननु मधुपकुलं मालतीपुञ्जगं वा  सन्दोहं वैणनाभेर्जयति शशिमुखीकेशजालं मनोज्ञम् ।
९८५५२ भ्रान्तिं प्राप्नोषि किं त्वं बत गरलधराभोग एष प्रचण्डो  लोकं प्रत्यक्षभूतं ग्रसति बत बलाद्यन्न भूयःसुखित्वम् ॥
९८५६१ कालिन्दीवीचिपुञ्जैः कुवलयविपिनैरिन्द्रनीलच्छटाभिः  शैवालैः कज्जलौघैरलितिमिरभरैर्बालजीमूतजालैः ।
९८५६२ कस्तूरीकोकिलानां ततिभिरिव सहाचाकचिक्यप्रपञ्चैस् त्रैलोक्यं पूरयन्ती शमयतु विपदः शांभवी कण्ठनाला ॥
९८५७१ कालिन्द्याः पुलिनं प्रदोषमरुतो रम्याः शशाङ्कांशवः  सन्तापं न हरन्तु नाम नितरां कुर्वन्ति कस्मात्पुनः ।
९८५७२ सन्दष्टं व्रजयोषितामिह हरेः संशृण्वतोऽन्तःपुरे  निःश्वासा प्रसृता चयन्ति रमणीसौभाग्यगर्वच्छिदः ॥
९८५८१ कालिन्द्याः पुलिनेन्द्रनीलशकलश्यामाम्भसोऽन्तर्जले  मग्नस्याञ्जनपुञ्जमेचकनिभस्याहेः कुतोऽन्वेषणम् ।
९८५८२ ताराभाः फणचक्रवालमणयो न स्युर्यदि द्योतिनो  यैरेवोन्नतिमाप्नुवन्ति गुणिनस्तैरेव यान्त्यापदम् ॥
९८५९१ कालिन्द्याः पुलिनेषु केलिकुपितामुत्सृज्य रासे रसं  गच्छन्तीमनुगच्छतोऽश्रुकलुषां कंसद्विषो राधिकाम् ।
९८५९२ तत्पादप्रतिमानिवेशितपदस्योद्भूतरोमोद्गतेर् अक्षुण्णोऽनुनयः प्रसन्नदयितादृप्टस्य पुष्णातु वः ॥
९८५९ १ काली कलकलरूपा  महिषासुरविनाशिनी वीरा ।
९८५९ २ शुम्भादाननिशुम्भा  स्वादनतोषावतु त्वां न् पते ॥
९८६०१ कालीकेलीकलापक्रमकलितकलाकौतुकी कुन्दकान्तिः  कल्पान्ते कालकल्पः क्रतुकदनकथाकन्दलीकूटकन्दः ।
९८६०२ काकोलक्रूरकण्ठः कलितकलकलत्क्लान्तकन्दर्पकान्ता  कारुण्याक्रान्तकान्तः कलयतु कुशलं किङ्कराणां कपर्दी ॥
९८६११ कालीनागग्रहव्यग्रे श्रीकृष्णे यमुनातटे ।
९८६१२ झंपयाधोमुखे जाते विपरीतं जगत्त्रयम् ॥
९८६२१ कालीयकक्षोदविलेपनश्रियं  दिशद्दिशामुल्लसदंशुमद्द्युति ।
९८६२२ खातं खुरैर्मुद्गभुजां विपप्रथे  गिरेरधः काञ्चनभूमिजं रजः ॥
९८६३१ कालीयैः कुचकाञ्चनाचलचमत्कारः किमुत्सार्यते  कीदृक्कुङ्कमकेसरत्विषि मुखे कस्तूरिकालेपनम् ।
९८६३२ स्फीतेऽस्मित्जघने सरोजवदने किं नीलचोलार्पणं  कस्मै साहसिनि त्वमिच्छसि विधेर्विन्यासमन्यादृशम् ॥
९८६४१ कालुष्यं जनयञ्जडस्य रचयन् धर्मद्रुमोन्सूलनं  क्लिश्यन्नीतिकृपाक्षमाकमलिनीं लोभाम्बुधिं वधैयन् ।
९८६४२ मर्यादातटमुद्रुजञ्छुभमनोहंसप्रवासं दिशन्  किं न क्लेशकरः परिग्रहनदीपूरः प्रवृद्धिं गतः ॥
९८६५१ कालुष्यं पयसां विलोक्य शनकैरुड्डीय हंसा गता  धाराजर्जरकेसरास्फुटरुचः पद्मा निमग्ना जले ।
९८६५२ सा सर्वर्तुसुखावतारपदवी छन्ना तृणैर्नूतनैः  कष्टं तादृगपि स्वभावविमलं वृद्ध्यैव नष्टं सरः ॥
९८६६१ कालुष्यमुद्वीक्ष्य विधुं कलङ्किनं  बुधा यदाहुर्मम सङ्गतं न तत् ।
९८६६२ जाने निजाङ्के दयितास्य वर्तते  निशीथिनीनाथकलङ्किता नहि ॥
९८६७१ काले काले न किमुपनतं भुञ्जते भोज्यजातं  गृह्णन्त्यम्भो न किमथ न किं संविशन्ति क्षपासु ।
९८६७२ पुष्णन्ति स्वान्न किमु पृथुकान् स्त्रीषु किं नो रमन्ते  कृत्याकृत्यव्यपगतधियां कस्तिरश्चां च भेदः ॥
९८६८१ काले काले विरेच्यं स्यात्पात्रं पूरयितुं पुनः ।
९८६८२ सज्जीकुर्मो यदावाप्तुं गुर्वीं ग्रहणशीलताम् ।
९८६८३ स्वात्मनोऽन्तस्तदस्माभी रिक्ततैवानुभूयते ॥
९८६८ १ काले कथंचिच्चरतां धवानां  कान्त्या स्वया कर्दमितेऽन्तरिक्षे ।
९८६८ २ अम्भोधराः श्रान्तिजुषामभूवन्  आलम्बदण्डा इव वारिधाराः ॥
९८६९१ काले खल्वागता देव्यः पुत्रे मोहमुपागते ।
९८६९२ हस्तस्पर्शो हि मात्णामजलस्य जलाञ्जलिः ॥
९८६९ १ काले तरोरनुपकारि फलं फलित्वा  लज्जावशादुचित एव विनाशयोगः ।
९८६९ २ एतत्तु चित्रमुपकृत्य फलैः परेभ्यः  प्राणान्निजान् झटिति यत्कदली जहाति ॥
९८७०१ कालेऽदाता पिता वाच्यो वाच्यश्चानुपयन् पतिः ।
९८७०२ मृते भर्तरि पुत्रस्तु वाच्यो मातुररक्षिता ॥
९८७११ काले देशे यथायुक्तं नरः कुर्वन्नुपैति काम् ।
९८७१२ भुक्तवन्तावलप्स्येतां किमन्नमकरिष्यताम् ॥
९८७२१ काले धर्मार्थकामान् यः संमन्त्र्य सचिवैः सह ।
९८७२२ निषेवेतात्मवांल्लोके न स व्यसनमाप्नुयात् ॥
९८७३१ कालेन कृष्णाश्च सिताश्च रात्र्यः  कालेन चन्द्रः परिपूर्णबिम्बः ।
९८७३२ नाकालतः पुष्पफलं नगानां  नाकालवेगाः सरितो वहन्ति ॥
९८७४१ कालेन क्षितिवारिवह्निपवनव्योमादियुक्तं जगद् ब्रह्माद्याश्च सुराः प्रयान्ति विलयं विद्मो विवारादिति ।
९८७४२ पश्यामोऽपि विनश्यतेऽनवरतं लोकाननेकान्मुधा  मायामोहमयीं भवप्रणयिनीं नास्थां जहीमो वयम् ॥
९८७५१ कालेन याति क्रिमितां महेन्द्रो  महेन्द्रभावं क्रिमिरप्युपैति ।
९८७५२ अयं प्रथीयानयमप्रतिष्ठ  इत्येष निष्ठानुचितोऽभिमानः ॥
९८७६१ कालेन रिपुणा संधिः काले मित्रेण विग्रहः ।
९८७६२ कार्यकारणमाश्रित्य कालं क्षिपति पण्डितः ॥
९८७७१ कालेन शीघ्राः प्रविवान्ति वाताः  कालेन वृष्टिर्जलदानुपैति ।
९८७७२ कालेन पद्मोत्पलवज्जलं च  कालेन पुष्पन्ति नगा वनेषु ॥
९८७८१ काले नीलबलाहके सतडिति प्रीतिप्रदे बर्हिणा  आश्चर्यं कथयामि वः शृणुत भो यद्वृत्तमस्मिन् गृहे ।
९८७८२ सौभाग्यव्ययशङ्कयैकशयने कान्ताप्रियाभ्यामहो  मानिभ्यां बत रात्रिमेव सकलां चीर्णं प्रवासिव्रतम् ॥
९८७९१ कालेऽन्नस्य क्षुधमवहितो दित्समानो विधृत्य  नो भोक्तव्यं प्रथममतिथेर्यः सदा तिष्ठतीति ।
९८७९२ तस्याप्राप्तावपि गतमलं पुण्यराशिं श्रयन्तं  तं दातारं जिनपतिमते मुख्यमाहुर्जिनेद्राः ॥
९८८०१ काले महत्यनवधावपतन् कदापि  क्वाप्यन्तिमे जनुषि कोऽपि गतिं लभेत ।
९८८०२ इत्थं समर्थनविधिः परमागमानां  पर्यायसूक्तिविधया नयनं नञर्थे ॥
९८८११ काले मृदुर्यो भवति काले भवति दारुणः ।
९८८१२ राजा लोकद्वयापेक्षी तस्य लोकद्वयं भवेत् ॥
९८८२१ काले मृदुर्यो भवति काले भवति दारुणः ।
९८८२२ स वै सुखमवाप्नोति लोकेऽमुष्मिन्निहैव च ॥
९८८३१ काले मृदुर्यो भवति काले भवति दारुणः ।
९८८३२ स साधयति कृत्यानि शत्रूंश्चैवाधितिष्ठति ॥
९८८४१ काले भृदुश्च तीक्ष्णश्च नृपः स्याद्यदि सूर्यवत् ।
९८८४२ उदयः क्रियते तस्य मण्डलेनानुरागिणा ॥
९८८५१ काले यथावधिगत  नरपतिकोपाद्यशेषवृत्तान्तः ।
९८८५२ नृपभवने नतमूर्तिः  संयतवस्त्रः शनैः प्रविशेत् ॥
९८८६१ काले वाप्यथवाकाले संध्यावन्दनतत्परः ।
९८८६२ अविद्यो वा सविद्यो वा ब्राह्मणो मामकी तनुः ॥
९८८७१ काले वारिधराणाम्  अपतितया नैव शक्यते स्थातुम् ।
९८८७२ उत्कण्ठितासि तरले  न हि न हि सखि पिच्छिलः पन्थाः ॥
९८८८१ काले विद्युत्प्रभाजाले शिखिताण्डवमण्डिते ।
९८८८२ कान्तः सर्वजनाभीष्टो बालेन्दुः खे न लभ्यते ॥
९८८९१ काले संततवर्षिणो जलमुचः सस्यैः समृद्धा धरा  भूपाला निजधर्मपालनपरा विप्रास्त्रयीनिर्भराः ।
९८८९२ स्वादुक्षीरनतोधसः प्रतिदिनं गावो निरस्तापदः  सन्तः शान्तिपरा भवन्तु कृतिनः सौजन्यभाजो जनाः ॥
९८९०१ काले सहिष्णुर्गिरिवदसहिष्णुश्च वह्निवत् ।
९८९०२ स्कन्धेनापि वहेच्छत्रून् प्रियाणि समुदाहरन् ॥
९८९११ काले हितं मितं ब्रूयादविसंवादि पेशलम् ।
९८९१२ पूर्वाभिभाषी सुमुखः सुशीलः करुणो मृदुः ॥
९८९२१ काले हितमिताहारविहारी विधसाशनः ।
९८९२२ अदीनात्मा च सुस्वप्नः शुचिः स्यात्सर्वदा नरः ॥
९८९३१ का लोकमाता किमु देहमुख्यं  रते किमादौ कुरुते मनुष्यः ।
९८९३२ को दैत्यहन्ता वद वै क्रमेण  गौरीमुखं चुम्बति वासुदेवः ॥
९८९४१ कालो देशः क्रिया कर्ता करणं कार्यमागमः ।
९८९४२ द्रव्यं फलमिति ब्रह्मन्नवधोक्तोऽजया हरिः ॥
९८९५१ कालो दैवं कर्म जीवः स्वभावो  द्रव्यं क्षेत्रं प्राण आत्मा विकारः ।
९८९५२ तत्संघातो बीजरोहप्रवाहस् त्वन्मायैषा तन्निषेधं प्रपद्ये ॥
९८९६१ कालोपभोगिनः सर्वे नित्यमानन्दिता नराः ।
९८९६२ सर्वे सत्यरता नित्यं सर्वे धर्मपरायणाः ॥
९८९६ १ कालोपलब्धं कलहंसनाद  माकर्ण्य कर्णामृतमन्तरिक्षे ।
९८९६ २ सलीलमुद्धाटितवारिपूरा  सरोजिनी सादरमुज्जगाम ॥
९८९७१ कालोऽभ्युपैति सकृदेव नरं कथंचित् प्राप्नोति तं न स पुनः खलु कालकाङ्क्षी ।
९८९७२ कालेन गोचरगताननपेक्ष्य भक्ष्यान्  मन्दक्रमोऽप्यजगरः समुपैति सिद्धिम् ॥
९८९८१ कालो मधुः कुपित एष च पुष्पधन्वा  धीरा वहन्ति रतिखेदहराः समीराः ।
९८९८२ केलीवनीयमपि वञ्जुलकुञ्जमञ्जुर् दूरे पतिः कथय किं करणीयमद्य ॥
९८९९१ कालोऽयं भूतमशकघुंधुमानां प्रपातिनाम् ।
९८९९२ ब्रह्माण्डोदुम्बरोत्थानां बृहत्पादपतां गतः ॥
९९००१ कालो याति गलत्यायुः क्षीयन्ते च मनोरथाः ।
९९००२ सुकृतं च कृतं किंचित्सतां संस्मरणोचितम् ॥
९९०११ कालो वा कारणं राज्ञो राजा वा कालकारणम् ।
९९०१२ इति ते संशयो मा भूद्राजा कालस्य कारणम् ॥
९९०२१ कालो विकुरुते भावान् सर्वांल्लोके शुभाशुभान् ।
९९०२२ कालः संक्षिपते सर्वाः प्रजा विसृजते पुनः ॥
९९०३१ कालो हेतुं विकुरुते स्वार्थस्तमनुवर्तते ।
९९०३२ स्वार्थं प्राज्ञोऽभिजानाति प्राज्ञं लोकोऽनुवर्तते ॥
९९०४१ का विद्या कवितां विनार्थिनि जने त्यागं विना श्रीश्च का  को धर्मश्च कृपां विना नरपतिः को नाम नीतिं विना ।
९९०४२ कः सूनुर्विनयं विना कुलवधूः का स्वामिभक्तिं विना  भोग्यं किं रमणीं विना क्षितितले किं जन्म कीर्तिं विना ॥
९९०५१ का विषमा दैवगतिः  किं लष्टं यज्जनो गुणग्राही ।
९९०५२ किं सौख्यं सुकलत्रं  किं दुर्ग्राह्यं खलो लोकः ॥
९९०६१ कावेरीं तां समासाद्य विहृतामप्सरोगणैः ।
९९०६२ तत्र स्नात्वा नरो राजन् गोसहस्रफलं लभेत् ॥
९९०७१ कावेरी कबरीव भामिनि भुवो देव्याः पुरो दृश्यतां  पूगैर्नागलताश्रितैरुपदिशत्याश्लेषविद्यामिव ।
९९०७२ कर्णाटीजनमज्जनेषु जघनैर्यस्याः पयः प्लावितं  पीत्वा नाभिगुहाभिरात्तरुचिभिः प्राचीं दिशं नीयते ॥
९९०८१ कावेरीतीरकर्पूरपरागामोदसोदराः ।
९९०८२ रतिस्वेदलवानेते पुरन्ध्रीणां समीरणाः ॥
९९०९१ कावेरीतीरभूमीरुहभुजगवधूभुक्तमुक्तावशिष्टः  कर्णाटीचीनपीनस्तनवसनदशान्दोलनास्प न्दमन्दः ।
९९०९२ लोलल्लाटीललाटालकतिलकलतालास्यलीलाविलोलः  कष्टं भो दाक्षिणात्य प्रचलति पवनः पान्थ कान्ताकृतान्तः ॥
९९०९ १ कावेरीरम्यराजीवविलसद्गन्धबन्धुना ।
९९०९ २ मधुमाससमीरेण वर्धते कुत्र कस्य का ॥
९९१०१ कावेरीवारिवेल्लल्लहरिपरिकरक्रीडनक्रान्तशीताः  स्फीतश्रीखण्डषण्डभ्रमणभरभव द्भूरिसौरभ्यगर्भाः ।
९९१०२ चोलस्त्रीलोलचेलाञ्चलचलनकलाक्रान्तकान्तास्तनान्ता  वान्ति प्रेयोवियोगातुरतररमणीवैरिणोऽमी समीराः ॥
९९१० १ कावेरीहृदयाभिरामपुलिने पुण्ये जगन्मङ्गले  चन्द्राम्भोजवतीतटे परिसरे धात्रा समाराधिते ।
९९१० २ श्रीरङ्गे भुजगेन्द्रभोगशयने लक्ष्मीमहीसेविते  शेते यः पुरुषोत्तमः स भगवान्नारायणः पातु नः ॥
९९१० १ का वेश्या को विरोधोऽयं का प्रशस्तिश्च सङ्गरे ।
९९१० २ वृथा प्राणजिहीर्षूणां मूर्खानामीदृशी मतिः ॥
९९१११ काव्यं करोति सुकविः  सहृदय एव व्यनक्ति तत्तत्त्वम् ।
९९११२ रत्नं खनिः प्रसूते  रचयति शिल्पी तु तत्सुषमान् ॥
९९११ १ काव्यं करोतु परिजल्पतु संस्कृतं वा  सर्वाः कलाः समधिगच्छतु वाच्यमानाः ।
९९११ २ लोकस्थितिं यदि न वेत्ति यथानुरूपां  सर्वस्य मूर्खनिकरस्य स चक्रवर्ती ॥
९९१२१ काव्यं करोमि न हि चारुतरं करोमि  यत्नात्करोमि यदि चारुतरं करोमि ।
९९१२२ भूपालमौलिमणिमण्डितपादपीठ  हे साहसाङ्क कवयामि वयामि यामि ॥
९९१३१ काव्यं करोषि किमु ते सुहृदो न सन्ति  ये त्वामुदीर्णपवनं विनिवारयन्ति ।
९९१३२ गव्यं घृतं पिब निवातगृहं प्रविश्य  वाताधिका हि पुरुषाः कवयो भवन्ति ॥
९९१४१ काव्यं चार्वपि रसिक  प्रीतिकरं भवति नैकरसबद्धम् ।
९९१४२ सुरतमनाहितकलहं  हरिणदृशो नाभिनन्दयति ॥
९९१४ १ काव्यं चेत्सरसं किमर्थममृतं वक्त्रं कुरङ्गीदृशां  चेत्कन्दर्पविपाण्डुगण्डफलकं राकाशशाङ्केन किम् ।
९९१४ २ स्वातन्त्र्यं यदि जीवितावधि मुधा स्वर्भूर्भुवो वैभवं  वैदर्भी यदि बद्धयौवनभरा प्रीत्या सरत्यापि किम् ॥
९९१५१ काव्यं यदीयं गृहमम्बरं वा  सुवर्णचित्रोज्ज्वलमाविभाति ।
९९१५२ स नन्दनो नन्दति कुन्दनस्य  श्रीकृष्णरामः कविराप्तकामः ॥
९९१६१ काव्यं यद्यपि रसिकं  प्रीतिकरं भवति नैकरसबद्धम् ।
९९१६२ सुरतमनाहितकलहं  हरिणदृशो नाभिनन्दयति ॥
९९१७१ काव्यं यशसेऽर्थकृते  व्यवहारविदे शिवेतरक्षतये ।
९९१७२ सद्यः परनिर्वृतये  कान्तासम्मिततयोपदेशयुजे ॥
९९१८१ काव्यं सुधा रसज्ञानां कामिनां कामिनी सुधा ।
९९१८२ धनं सुधा सलोभानां शान्तिः सन्यसिनां सुधा ॥
९९१९१ काव्यप्रपञ्चचुञ्चू  रचयति काव्यं न सारविद्भवति ।
९९१९२ तरवः फलानि सुवते  विन्दति सारं पतङ्गसमुदायः ॥
९९२०१ काव्यमय्यो गिरो यावच्चरन्ति विशदा भुवि ।
९९२०२ तावत्सारस्वतं स्थानं कविरासाद्य मोदते ॥
९९२११ काव्यशास्त्रविनोदेन कालो गच्छति धीमताम् ।
९९२१२ व्यसनेन तु मूर्खाणां निद्रया कलहेन वा ॥
९९२२१ काव्यस्याक्षरमैत्री  भाजो न च कर्कशा न च ग्राम्याः ।
९९२२२ शब्दा अपि पुरुषा अपि  साधव एवार्थबोधाय ॥
९९२३१ काव्यस्याम्रफलस्यापि कोमलस्येतरस्य च ।
९९२३२ बन्धच्छायाविशेषेण रसोऽप्यन्यादृशो भवेत् ॥
९९२४१ काऽव्याकुलिता माद्यति  काञ्चनमुद्रां मनोरमामाहुः ।
९९२४२ इह कालिकावतंसित  चन्द्रकला कामिता योग्या ॥
९९२५१ काव्यात्मना मनसि पर्यणमन् पुरा मे  पीयूषसारसरसास्तव ये विलासाः ।
९९२५२ तानन्तरेण रमणी रमणीयशीले  चेतोहरा सुकविता भविता कथं नः ॥
९९२६१ काव्यामृतं दुर्जनराहुनीतं  प्राप्यं भवेन्नो सुमनोजनस्य ।
९९२६२ सच्चक्रमव्याजविराजमान  तैक्ष्ण्यप्रकर्षं यदि नाम न स्यात् ॥
९९२६ १ काव्ये गान्धर्वे नृत्तशास्त्रे विधिज्ञं  दक्षं दातारं दक्षिणं दाक्षिणात्यम् ।
९९२६ २ वेश्या का नेच्छेत्स्वामिनं कोङ्कणानां  स्याच्चेदस्य स्त्रीष्वार्जवात्संनिपातः ॥
९९२७१ काव्येन मूर्खधनिनं प्रणयेन नीचं  वेश्यां श्रुतेन शठशात्रवमार्जवेन ।
९९२७२ इच्छन्ति ये जगति रञ्जयितुं विमूढास् तेषामरण्यरुदितेन समः प्रयासः ॥
९९२८१ काव्ये भाव्यं गुणैस्तत्र दुर्जना दूषयन्ति यत् ।
९९२८२ न दुर्गतगृहे संधिर्दीयते जातु दस्युभिः ॥
९९२९१ काव्ये भव्यतमेऽपि विज्ञनिवहैरास्वाद्यमाने मुहुर् दोषान्वेषणमेव मत्सरजुषां नैसर्गिको दुर्ग्रहः ।
९९२९२ कासारेऽपि विकासिपङ्कजचये खेलन्मराले पुनः  क्रौञ्चश्चञ्चुपुटेन कुञ्चितवपुः शम्बूकमन्वेषते ॥
९९३०१ काव्ये शुभे विरचिते खलु नो खलेभ्यः  कश्चिद्गुणो भवति यद्यपि सम्प्रतीह ।
९९३०२ कुर्यां तथापि सुजनार्थमिदं यतः किं  यूकाभयेन परिधानविमोक्षणं स्यात् ॥
९९३११ काव्येषु नाटकं रम्यं तत्रापि च शकुन्तला ।
९९३१२ तत्रापि च चतुर्थोऽङ्कस्तत्र श्लोकचतुष्टयम् ॥
९९३२१ काव्यैकपात्रविलसद्गुणदोषदुग्ध  पाथःसमूहपृथगुद्धरणे विदग्धाः ।
९९३२२ जानन्ति कर्तुमभियुक्ततया विभागं  चन्द्रावदातमतयः कविराजहंसाः ॥
९९३३१ काव्यैरुपहता वेदाः पुत्रा जामातृभिर्हताः ।
९९३३२ अश्वैरुपहता गावः पण्यस्त्रीभिः कुलाङ्गनाः ॥
९९३४१ का शम्भुकान्ता किमु चन्द्रकान्तं  कान्तामुखं किं कुरुते भुजंगः ।
९९३४२ कः श्रीपतिः का विषमा समस्या  गौरीमुखं चुम्बति वासुदेवः ॥
९९३५१ काशांशुका विकचपद्ममनोज्ञवक्त्रा  सोन्मादहंसरवनूपुरनादरम्या ।
९९३५२ आपक्वशालिरुचिरा तनुगात्रयष्टिः  प्रात्पा शरन्नववधूरिव रूपरम्या ॥
९९३६१ काशाः काशा इवाभान्ति सरांसीव सरांसि च ।
९९३६२ चेतांस्याचिक्षिपुर्यूनां निम्नगा इव निम्नगाः ॥
९९३७१ काशाः क्षीरनिकाशा  दधिशरवर्णानि सप्तपर्णानि ।
९९३७२ नवनीतनिभश्चन्द्रः  शरदि च तक्रप्रभा ज्योत्स्ना ॥
९९३८१ काशीयं समलंकृता निरुपमस्वर्गापगासंभव  स्थूलोत्तारतरङ्गबिन्दुविलसन्मुक्ताफलश्रेणिभिः ।
९९३८२ चञ्चच्चञ्चलचञ्चरीकनिकरश्यामाम्बरा राजते  कासारस्थविनिद्रपद्मनयना विश्वेश्वरप्रेयसी ॥
९९३९१ का शृङ्गारकथा कुतूहलकथा गीतादिविद्याकया  मद्यत्कुम्भिकथा तुरङ्गमकथा कोदण्डदीक्षाकथा ।
९९३९२ एकैवास्ति मिथः पलायनकथा त्वद्भीतरक्षःपतेर् देव श्रीरघुनाथ तस्य नगरे स्वप्नेऽपि नान्या कथा ॥
९९४०१ काशैर्मही शिशिरदीधितिना रजन्यो  हंसैर्जलानि सरितां कुमुदैः सरांसि ।
९९४०२ सप्तच्छदैः कुसुमभारनतैर्वनान्ताः  शुक्लीकृतान्युपवनानि च मालतीभिः ॥
९९४११ का शैलपुत्री किमु नेत्ररम्यं  शुकार्भकः किं कुरुते फलानि ।
९९४१२ मोक्षस्य दाता स्मरणेन को वा  गौरीमुखं चुम्बति वासुदेवः ॥
९९४२१ काश्मर्याः कृतमालमुद्गतदलं कोयष्टिकष्टीकते  तीराश्मन्तकशिम्बिचुम्बितमुखा धावन्त्यपः पूर्णिकाः ।
९९४२२ दात्यूहैस्तिनिशस्य कोटरवति स्कन्धे निलीय स्थितं  वीरुन्नीडकपोतकूजितमनुक्रन्दन्त्यधः कुक्कुटाः ॥
९९४२ १ काश्मीरकर्दमकषायकपोलपाली  कह्लारदामकलिकाकमनीयचूली ।
९९४२ २ काचिद्विहारविशिखामुपयाति चोली  पालीलसत्करतलामलकस्तनाली ॥
९९४३१ काश्मीरगौरवपुषामभिसारिकाणाम्  आबद्धरेखमभितो रुचिमञ्जरीभिः ।
९९४३२ एतत्तमालदलनीलतमं तमिस्रं  तत्प्रेमहेमनिकषोपलतां तनोति ॥
९९४४१ काश्मीरद्रवगौरि हन्त किमयं भूयोऽङ्गरागे ग्रहः  को वा नीलसरोरुहाक्षि नितरां नेत्राञ्जने संभ्रमः ।
९९४४२ रक्ताशोकदलोपमेयचरणे किं लाक्षया दत्तया  नो रागान्तरमीहते निजरुचा विभ्राजमानो मणिः ॥
९९४४ १ काश्मीरधूलीकलिकाविराजद् बालेन्दुरेखातिलकाभिरामा ।
९९४४ २ कृकाटिकाकीलितकेशपाशा  सा वैष्णवी सारसपत्रनेत्रा ॥
९९४५१ काश्मीरपङ्कखचितस्तनपृष्ठताम्र  पट्टावकीर्णदयितार्द्रनखाक्षराली ।
९९४५२ एणीदृशः कुसुमचापनरेन्द्रदत्त  तारुण्यशासनमिव प्रकटीकरोति ॥
९९४६१ काश्मीरीगात्रलेखासु लोलल्लावण्यवीचिषु ।
९९४६२ द्रावयित्वेव विन्यस्तं स्वर्णं षोडशवर्णकम् ॥
९९४७१ काश्मीरेण दिहानमम्बरतलं वामभ्रुवामानन  द्वैराज्यं विदधानमिन्दुदृषदां भिन्दानमम्भःशिराः ।
९९४७२ प्रत्युद्यत्पुरुहूतपत्तनवधूदत्तार्घदूर्वाङ्कुर  क्षीवोत्सङ्गकुरङ्गमैन्दवमिदं तद्विम्बमुज्जृम्भते ॥
९९४८१ काश्यां तिष्ठ सखे सुपर्वनिवहैर्नित्यं नुतायां भज  श्रीकण्ठं निजभक्तरक्षणविधौ दक्षं दयावारिधिम् ।
९९४८२ गाङ्गे वारिणि पापहारिणि कुरु स्नानं स्मर श्रीपतिं  त्वं कष्टेन विनैव मोक्षपदवीं प्राणात्यये प्राप्स्यसि ॥
९९४९१ काश्यां तु मरणान्मुक्तिर्जननात्कमलालये ।
९९४९२ दर्शनादभ्रसरसः स्मरणादरुणाचले ॥
९९५०१ काश्यां निपातय वपुः श्वपचालये वा  स्वर्गं नय त्वमपवर्गमधोगतिं वा ।
९९५०२ अद्यैव वा कुरु दयां पुनरायतौ वा  कः संभ्रमो मम, धने धनिनः प्रमाणम् ॥
९९५११ काश्यामाकृतिमीशितुर्न लभते हृद्याहितातत्त्वधीर् यस्य श्रीरिव साऽऽभवत्प्रियतमा या सर्वदाराधिका ।
९९५१२ शश्वत्तद्रतचेतसस्तव पुरापुण्यान्यगण्यानि यद् ब्रह्माद्वैतसुखेऽपि तद्भजनतो मन्दादरं ते मनः ॥
९९५२१ का श्लाघ्या गुणिनां, क्षमा, परिभवः को, यः स्वकुल्यैः कृतः  किं दुःखं, परसंश्रयो, जगति कः श्लाघ्यो, य आश्रीयते ।
९९५२२ को मृत्युर्व्यसनं, शुचं जहति के, यैर्निर्जिताः शत्रवः  कैर्विज्ञातमिदं, विराटनगरे छन्नस्थितैः पाण्डवैः ॥
९९५३१ काषायान्न च भोजनादिनियमान्नो वा वने वासतो  व्याख्यानादथ वा मुनिव्रतभराच्चित्तोद्भवः क्षीयते ।
९९५३२ किं तु स्फीतकलिन्दशैलतनयातीरेषु विक्रीडतो  गोविन्दस्य पदारविन्दभजनारम्भस्य लेशादपि ॥
९९५४१ काष्ठं कल्पतरुः सुमेरुरचलश्चिन्तामणिः प्रस्तरः  सूर्यस्तीव्रकरः शशी च विकलः क्षारो हि वारां निधिः ।
९९५४२ कामो नष्टतनुर्बलिर्दितिसुतो नन्दी पशुः कामगो  नैतांस्ते तुलयामि भो रघुपते कस्योपमा दीयते ॥
९९५५१ काष्ठं वह्न्युज्झितमपि भवेच्छीतशान्त्यै कपीनां  लोम्नो शुद्ध्यै सलिलमनलश्चाग्निशौचैणकानाम् ।
९९५५२ जन्तोर्भावा विदधति यथाभाविनः कार्यसिद्धिं  तत्त्वं तेषां क्वचन सहजं वस्तुतो नास्ति किंचित् ॥
९९५६१ काष्ठं शिरसि संस्थाप्य तथा काष्ठेन ताडयेत् ।
९९५६२ लुप्तस्मृतेः स्मृतिः सद्यो योगिनस्तेन जायते ॥
९९५७१ काष्ठगोलयुगं क्षिप्तं दूरमूर्ध्वपुरःस्थितैः ।
९९५७२ अप्राप्तधारं पृष्ठेन गच्छेत्पुच्छमुखेन हि ॥
९९५८१ काष्ठपाषाणधातूनां कृत्वा भावेन सेवनम् ।
९९५८२ श्रद्धया च तथा सिद्धिस्तस्य विष्णुप्रसादतः ॥
९९५८ १ काष्ठमङ्गारतां याति भस्मतां गोमयादिकम् ।
९९५८ २ वह्नौ कीर्णं सुवर्णं तु सुवर्णोत्कर्षतां व्रजेत् ॥
९९५९१ काष्ठाग्निं निर्हरेच्चैव तथा कूपांश्च खातयेत् ।
९९५९२ संशोधयेत्तथा कुपान् कृतान् पूर्वं पयोऽर्थिभिः ॥
९९६०१ काष्ठादग्निर्जायते मथ्यमानाद् भूमिस्तोयं खन्यमाना ददाति ।
९९६०२ सोत्साहानां नास्त्यसाध्यं नराणां  मार्गारब्धाः सर्वयत्नाः फलन्ति ॥
९९६० १ काष्ठाद्यथाग्निरुत्पन्नः स्वाश्रयं दहति क्षणात् ।
९९६० २ क्रोधाग्निर्देहजस्तद्वत्तमेव दहति ध्रुवम् ॥
९९६११ काष्ठानुषङ्गात्परिवर्धमाने  जाग्रत्प्रतापज्वलने त्वदीये ।
९९६१२ श्रीकार्तवीर्यं प्रसभं पतन्ति  प्रत्यर्थिपृथ्वीपतयः पतङ्गाः ॥
९९६२१ काष्ठेऽश्वकेशं संयम्य तत्र बद्ध्वा वराटिकाम् ।
९९६२२ हस्तेन भ्राम्यमाणां च यो हन्ति स धनुर्धरः ॥
९९६३१ का संबुद्धिः सुभट भवतो ब्रूहि पृच्छामि सम्यक् प्रातः कीदृग्भवति विपिनं संप्रबुद्धैर्विहंगैः ।
९९६३२ लोकः कस्मिन् प्रथयति मुदं, का त्वदीया च जैत्री  प्रायो लोके स्थितमिह सुखं जन्तुना कीदृशेन ॥
९९६४१ का संसृतिः किमपचारनिबन्धनेयं  कीदृग्विधस्य तव किं क्षतमेतयेति ।
९९६४२ प्रश्ने तु नास्मि कुशलः प्रतिवक्तुमेव  खेदस्तु मे जननि कोऽप्ययमेवमास्ते ॥
९९६४ १ कासश्वासज्वराजीर्णशोकतृष्णास्य पाकयुक् ।
९९६४ २ न च कुर्याच्छिरोनेत्रहृत्कर्णामयवानपि ॥
९९६५१ कासांचिद्धवलश्चिरं निवसतां वित्तेपरासां पुनर् नीलो वा कपिलोऽथवा वरवृषो रक्तोऽथवा मेचकः ।
९९६५२ ग्रामीणैरवधीरितोऽपि शिथिलस्कन्धोऽप्यनूर्ध्वश्रवाः  स्वान्ते मे परतन्त्रतुन्दिलतनुर्जागर्त्ययं कर्बुरः ॥
९९६६१ ... ... ... ... ... ... ॥
९९६६२ कासां हि नापदां हेतुरतिलोभान्धबुद्धिता ॥
९९६७१ कासारशोषिणि नवोदयमानमुग्ध  सद्वर्तिकानिवहदाहिनि दारुणेऽपि ।
९९६७२ मध्यन्दिनोष्णकिरणे प्रतिपन्नसख्य  स्मेरं सुखं जयति चित्रचरित्रमब्जम् ॥
९९६८१ कासारे पद्मिनीऽयं मुकुलयुगमनत्यन्तरं यत्र हृद्यम्  यस्मिन् सद्यःसमुद्यद्ग्रहपतिकरजव्यापृतिः श्लाघनीया ।
९९६८२ तस्मादेतद्विशेषस्मृतिकलितमिह प्रेक्ष्य साक्षादुपेक्ष्यं  वर्यं शौर्यंचनादौ न गमय समयं त्वं व्रजस्त्रीहितज्ञः ॥
९९६९१ कासारेऽपि पयः पिबन्ति पथिका न क्वापि वारि त्वयि  क्षारत्वादुदधेः समुद्र इति ते नामैतदेवोचितम् ।
९९६९२ न त्वेतानि निरर्थकानि भवतो नामान्यनर्थान्तराण्य् अम्भोधिर्जलधिः पयोनिधिरुदधिर्वारांनिधिर्वारिधिः ॥
९९७०१ कासारे मदमत्तवारणगणैराकुम्भमग्नं पयः  पीतं यत्प्रभवोरुवीचिवलनैर्व्याप्तं समस्तं जगत् ।
९९७०२ तस्मिन्नेव रवेः प्रचण्डकिरणश्रेणीनिपीताम्भसि  प्राप्ताः पान्थनखंपचाः प्रतिपदं मध्यस्थलीभूमयः ॥
९९७११ कासारेषु सरित्सु सिन्धुषु तथा नीचेषु नीरग्रहं  धिक्तत्रापि शिरोनतिः किमपरं हेयं भवेन्मानिनाम् ।
९९७१२ इत्यालोच्य विमुच्य चातकयुवा तेषु स्पृहामादराद् उद्ग्रीवस्तव वारिवाह कुरुते धाराधरालोकनम् ॥
९९७१ १ कासार्यवर्य कलिताम्बुरुहावतंस  मुक्तासमानजलबिन्दुतरङ्गरङ्ग ।
९९७१ २ किं भूषणं तव बकैर्बहुभिः कुरार्वैर् हंसैर्विना कलरवैर्नरदेवपूज्यैः ॥
९९७२१ कासि त्वं वद चौर्यकारिणि कुतः, कस्त्वं, पुरोयामिकः  किं ब्रूषे, मुषितौ सुवर्णकलशौ भूपस्य, केन, त्वया ।
९९७२२ कुत्र स्तः, प्रकटौ तवाञ्चलतटे, कुत्रेति, तप्तश्यताम्  इत्युक्ते धृतवल्लवीकुचयुगस्त्वं पातु पीताम्बरः ॥
९९७३१ कासी विवर्जयेच्चौर्यं निद्रालुश्चर्मंचौरिकाम् ।
९९७३२ जिह्वालौल्यं च रोगाढ्यो जीवितुं योऽत्र वाञ्छति ॥
९९७४१ कासे श्वासे तथा शोषे मन्दाग्नौ विषमज्वरे ।
९९७४२ प्रमेहे मूत्रकृच्छ्रे च सेवयेन्मधुपिप्पलीम् ॥
९९७५१ का स्त्री न प्रणयिवशा  का विलसितयो मनोभवविहीनाः ।
९९७५२ को धर्मो निरुपशमः  किं सौख्यं वल्लभेन रहितानाम् ॥
९९७६१ कास्विदवगुण्ठनवती  नातिपरिस्फुटशरीरलावण्या ।
९९७६२ मध्ये तपोधनानां  किसलयमिव पाण्डुपत्राणाम् ॥
९९७७१ काहमस्मि गुहा वक्ति प्रश्नेऽमुष्मिन् किमुत्तरम् ।
९९७७२ कथमुक्तं न जानासि कदर्थयसि यत्सखे ॥
९९७८१ काहर्निशमनुचिन्त्या  सम्सारासारता न तु प्रमदा ।
९९७८२ का प्रेयसी विधेया  करुणा दाक्षिण्यमथ मैत्री ॥
९९७९१ का हि तुलामधिरोहति  भुजगलतायाः प्रतानिनीष्वन्या ।
९९७९२ या खण्डितापि रदनैर् जनयति वदने विचक्षणां सुषमाम् ॥