सामवेद संहिता
कौथुम शाखा

पूर्वार्चिकः
छन्द आर्चिकः

आग्नेयं काण्डम्
प्रथमः प्रपाठकः  ।  प्रथमोऽर्धः
१ १ १ ०१०१   अग्न आ याहि वीतये गृणानो हव्यदातये  ।
१ १ १ ०१०१  नि होता सत्सि बर्हिषि  । । १
१ १ १ ०१०१   त्वमग्ने यज्ञानां होता विश्वेषां हितः  ।
१ १ १ ०१०२  देवेभिर्मानुषे जने  । । २
१ १ १ ०१०३   अग्निं दूतं वृणीमहे होतारं विश्ववेदसम्  ।
१ १ १ ०१०३  अस्य यज्ञस्य सुक्रतुम्  । । ३
१ १ १ ०१०४   अग्निर्वृत्राणि जङ्घनद्द्रविणस्युर्विपन्यया  ।
१ १ १ ०१०४  समिद्धः शुक्र आहुतः  । । ४
१ १ १ ०१०५   प्रेष्ठं वो अतिथिं स्तुषे मित्रमिव प्रियम्  ।
१ १ १ ०१०५  अग्ने रथं न वेद्यम्  । । ५
१ १ १ ०१०६   त्वं नो अग्ने महोभिः पाहि विश्वस्या अरातेः  ।
१ १ १ ०१०६  उत द्विषो मर्त्यस्य  । । ६
१ १ १ ०१०७   एह्यू षु ब्रवाणि तेऽग्न इत्थेतरा गिरः  ।
१ १ १ ०१०७  एभिर्वर्धास इन्दुभिः  । । ७
१ १ १ ०१०८   आ ते वत्सो मनो यमत्परमाच्चित्सधस्थात् ।
१ १ १ ०१०८  अग्ने त्वां कामये गिरा  । । ८
१ १ १ ०१०९   त्वामग्ने पुष्करादध्यथर्वा निरमन्थत  ।
१ १ १ ०१०९  मूर्ध्नो विश्वस्य वाघतः  । । ९
१ १ १ ०११०   अग्ने विवस्वदा भरास्मभ्यमूतये महे  ।
१ १ १ ०११०  देवो ह्यसि नो दृशे  । । १०

१ १ १ ०२०१   नमस्ते अग्न ओजसे गृणन्ति देव कृष्टयः  ।
१ १ १ ०२०१  अमैरमित्रमर्दय  । । ११
१ १ १ ०२०२   दूतं वो विश्ववेदसं हव्यवाहममर्त्यम्  ।
१ १ १ ०२०२  यजिष्ठमृञ्जसे गिरा  । । १२
१ १ १ ०२०३   उप त्वा जामयो गिरो देदिशतीर्हविष्कृतः  ।
१ १ १ ०२०३  वायोरनीके अस्थिरन् । । १३
१ १ १ ०२०४   उप त्वाग्ने दिवेदिवे दोषावस्तर्धिया वयम्  ।
१ १ १ ०२०४  नमो भरन्त एमसि  । । १४
१ १ १ ०२०५   जराबोध तद्विविड्ढि विशेविशे यज्ञियाय  ।
१ १ १ ०२०५  स्तोमं रुद्राय दृशीकम्  । । १५
१ १ १ ०२०६   प्रति त्यं चारुमध्वरं गोपीथाय प्र हूयसे  ।
१ १ १ ०२०६  मरुद्भिरग्न आ गहि  । । १६
१ १ १ ०२०७   अश्वं न त्वा वारवन्तं वन्दध्या अग्निं नमोभिः  ।
१ १ १ ०२०७  सम्राजन्तमध्वराणाम्  । । १७
१ १ १ ०२०८   और्वभृगुवच्छुचिमप्नवानवदा हुवे  ।
१ १ १ ०२०८  अग्निं समुद्रवाससम्  । । १८
१ १ १ ०२०९   अग्निमिन्धानो मनसा धियं सचेत मर्त्यः  ।
१ १ १ ०२०९  अग्निमिन्धे विवस्वभिः  । । १९
१ १ १ ०२१०   आदित्प्रत्नस्य रेतसो ज्योतिः पश्यन्ति वासरम्  ।
१ १ १ ०२१०  परो यदिध्यते दिवि  । । २०

१ १ १ ०३०१   अग्निं वो वृधन्तमध्वराणां पुरूतमम्  ।
१ १ १ ०३०१  अच्छा नप्त्रे सहस्वते  । । २१
१ १ १ ०३०२   अग्निस्तिग्मेन शोचिषा यंसद्विश्वं न्या३ रिणम्  ।
१ १ १ ०३०२  अग्निर्नो वंसते रयिम्  । । २२
१ १ १ ०३०३   अग्ने मृड महां अस्यय आ देवयुं जनम्  ।
१ १ १ ०३०३  इयेथ बर्हिरासदम्  । । २३
१ १ १ ०३०४   अग्ने रक्षा णो अंहसः प्रति स्म देव रीषतः  ।
१ १ १ ०३०४  तपिष्ठैरजरो दह  । । २४
१ १ १ ०३०५   अग्ने युङ्क्ष्वा हि ये तवाश्वासो देव साधवः  ।
१ १ १ ०३०५  अरं वहन्त्याशवः  । । २५
१ १ १ ०३०६   नि त्वा नक्ष्य विश्पते द्युमन्तं धीमहे वयम्  ।
१ १ १ ०३०६  सुवीरमग्न आहुत  । । २६
१ १ १ ०३०७   अग्निर्मूर्धा दिवः ककुत्पतिः पृथिव्या अयम्  ।
१ १ १ ०३०७  अपां रेतांसि जिन्वति  । । २७
१ १ १ ०३०८   इममू षु त्वमस्माकं सनिं गायत्रं नव्यांसम्  ।
१ १ १ ०३०८  अग्ने देवेषु प्र वोचः  । । २८
१ १ १ ०३०९   तं त्वा गोपवनो गिरा जनिष्ठदग्ने अङ्गरः  ।
१ १ १ ०३०९  स पावक श्रुधी हवम्  । । २९
१ १ १ ०३१०   परि वाजपतिः कविरग्निर्हव्यान्यक्रमीत् ।
१ १ १ ०३१०  दधद्रत्नानि दाशुषे  । । ३०
१ १ १ ०३११   उदु त्यं जातवेदसं देवं वहन्ति केतवः  ।
१ १ १ ०३११  दृशे विश्वाय सूर्यम्  । । ३१
१ १ १ ०३१२   कविमग्निमुप स्तुहि सत्यधर्माणमध्वरे  ।
१ १ १ ०३१२  देवममीवचातनम्  । । ३२
१ १ १ ०३१३   शं नो देवीरभिष्टये शं नो भवन्तु पीतये  ।
१ १ १ ०३१३  शं योरभि स्रवन्तु नः  । । ३३
१ १ १ ०३१४   कस्य नूनं परीणसि धियो जिन्वसि सत्पते  ।
१ १ १ ०३१४  जोषाता यस्य ते गिरः  । । ३४

१ १ १ ०४०१   यज्ञायज्ञा वो अग्नये गिरागिरा च दक्षसे  ।
१ १ १ ०४०१  प्रप्र वयममृतं जातवेदसं प्रियं मित्रं न शंसिषम्  । । ३५
१ १ १ ०४०२   पाहि नो अग्न एकया पाह्यू३ अ द्वितीयया  ।
१ १ १ ०४०२  पाहि गीर्भिस्तिसृभिरूर्जां पते पाहि चतसृभिर्वसो  । । ३६
१ १ १ ०४०३   बृहद्भिरग्ने अर्चिभिः शुक्रेण देव शोचिषा  ।
१ १ १ ०४०३  भरद्वाजे समिधानो यविष्ठ्य रेवत्पावक दीदिहि  । । ३७
१ १ १ ०४०४   त्वे अग्ने स्वाहुत प्रियासः सन्तु सूरयः  ।
१ १ १ ०४०४  यन्तारो ये मघवानो जनानामूर्वं दयन्त गोनाम्  । । ३८
१ १ १ ०४०५   अग्ने जरितर्विश्पतिस्तपानो देव रक्षसः  ।
१ १ १ ०४०५  अप्रोषिवान्गृहपते महां असि दिवस्पायुर्दुरोणयुः  । । ३९
१ १ १ ०४०६   अग्ने विवस्वदुषसश्चित्रं राधो अमर्त्य  ।
१ १ १ ०४०६  आ दाशुषे जातवेदो वहा त्वमद्या देवां उषर्बुधः  । । ४०
१ १ १ ०४०७   त्वं नश्चित्र ऊत्या वसो राधांसि चोदय  ।
१ १ १ ०४०७  अस्य रायस्त्वमग्ने रथीरसि विदा गाधं तुचे तु नः  । । ४१
१ १ १ ०४०८   त्वमित्सप्रथा अस्यग्ने त्रातरृतः कविः  ।
१ १ १ ०४०८  त्वां विप्रासः समिधान दीदिव आ विवासन्ति वेधसः  । । ४२
१ १ १ ०४०९   आ नो अग्ने वयोवृधं रयिं पावक शंस्यम्  ।
१ १ १ ०४०९  रास्वा च न उपमाते पुरुस्पृहं सुनीती सुयशस्तरम्  । । ४३
१ १ १ ०४१०   यो विश्वा दयते वसु होता मन्द्रो जनानाम्  ।
१ १ १ ०४१०  मधोर्न पात्रा प्रथमान्यस्मै प्र स्तोमा यन्त्वग्नये  । । ४४

१ १ १ ०५०१   एना वो अग्निं नमसोर्जो नपातमा हुवे  ।
१ १ १ ०५०१  प्रियं चेतिष्ठमरतिं स्वाध्वरं विश्वस्य दूतममृतम्  । । ४५
१ १ १ ०५०२   शेषे वनेषु मातृषु सं त्वा मर्तास इन्धते  ।
१ १ १ ०५०२  अतन्द्रो हव्यं वहसि हविष्कृत आदिद्देवेषु राजसि  । । ४६
१ १ १ ०५०३   अदर्शि गातुवित्तमो यस्मिन्व्रतान्यादधुः  ।
१ १ १ ०५०३  उपो षु जातमार्यस्य वर्धनमग्निं नक्षन्तु नो गिरः  । । ४७
१ १ १ ०५०४   अग्निरुक्थे पुरोहितो ग्रावाणो बर्हिरध्वरे  ।
१ १ १ ०५०४  ऋचा यामि मरुतो ब्रह्मणस्पते देवा अवो वरेण्यम्  । । ४८
१ १ १ ०५०५   अग्निमीडिष्वावसे गाथाभिः शीरशोचिषम्  ।
१ १ १ ०५०५  अग्निं राये पुरुमीढ श्रुतं नरोऽग्निः सुदीतये छर्दिः  । । ४९
१ १ १ ०५०६   श्रुधि श्रुत्कर्ण वह्निभिर्देवैरग्ने सयावभिः  ।
१ १ १ ०५०६  आ सीदतु बर्हिषि मित्रो अर्यमा प्रातर्यावभिरध्वरे  । । ५०
१ १ १ ०५०७   प्र दैवोदासो अग्निर्देव इन्द्रो न मज्मना  ।
१ १ १ ०५०७  अनु मातरं पृथिवीं वि वावृते तस्थौ नाकस्य शर्मणि  । । ५१
१ १ १ ०५०८   अध ज्मो अध वा दिवो बृहतो रोचनादधि  ।
१ १ १ ०५०८  अया वर्धस्व तन्वा गिरा ममा जाता सुक्रतो पृण  । । ५२
१ १ १ ०५०९   कायमानो वना त्वं यन्मातृईरजगन्नपः  ।
१ १ १ ०५०९  न तत्ते अग्ने प्रमृषे निवर्तनं यद्दूरे सन्निहाभुवः  । । ५३
१ १ १ ०५१०   नि त्वामग्ने मनुर्दधे ज्योतिर्जनाय शश्वते  ।
१ १ १ ०५१०  दीदेथ कण्व ऋतजात उक्षितो यं नमस्यन्ति कृष्टयः  । । ५४

प्रथम प्रपाठकः  ।  द्वितीयोऽर्धः
१ १ २ ०६०१   देवो वो द्रविणोदाः पूर्णां विवष्ट्वासिचम्  ।
१ १ २ ०६०१  उद्वा सिञ्जध्वमुप वा पृणध्वमादिद्वो देव ओहते  । । ५५
१ १ २ ०६०२   प्रैतु ब्रह्मणस्पतिः प्र देव्येतु सूनृता  ।
१ १ २ ०६०२  अच्छा वीरं नर्यं पङ्क्तिराधसं देवा यज्ञं नयन्तु नः  । । ५६
१ १ २ ०६०३   ऊर्ध्व ऊ षु ण ऊतये तिष्ठा देवो न सविता  ।
१ १ २ ०६०३  ऊर्ध्वो वाजस्य सनिता यदञ्जिभिर्वाघद्भिर्विह्वयामहे  । । ५७
१ १ २ ०६०४   प्र यो राये निनीषति मर्तो यस्ते वसो दाशत् ।
१ १ २ ०६०४  स वीरं धत्ते अग्न उक्थशंसिनं त्मना सहस्रपोषिणम्  । । ५८
१ १ २ ०६०५   प्र वो यह्वं पुरूणां विशां देवयतीनाम्  ।
१ १ २ ०६०५  अग्निं सूक्तेभिर्वचोभिर्वृणीमहे यंसमिदन्य इन्धते  । । ५९
१ १ २ ०६०६   अयमग्निः सुवीर्यस्येशे हि सौभगस्य  ।
१ १ २ ०६०६  राय ईशे स्वपत्यस्य गोमत ईशे वृत्रहथानाम्  । । ६०
१ १ २ ०६०७   त्वमग्ने गृहपतिस्त्वं होता नो अध्वरे  ।
१ १ २ ०६०७  त्वं पोता विश्ववार प्रचेता ताक्षि यासि च वार्यम्  । । ६१
१ १ २ ०६०८   सखायस्त्वा ववृमहे देवं मर्तास ऊतये  ।
१ १ २ ०६०८  अपां नपातं सुभगं सुदंससं सुप्रतूर्तिमनेहसम्  । । ६२

१ १ २ ०७०१   आ जुहोता हविषा मर्जयध्वं नि होतारं गृहपतिं दधिध्वम्  ।
१ १ २ ०७०१  इडस्पदे नमसा रातहव्यं सपर्यता यजतं पस्त्यानाम्  । । ६३
१ १ २ ०७०२   चित्र इच्छिशोस्तरुणस्य वक्षथो न यो मातरावन्वेति धातवे  ।
१ १ २ ०७०२  अनूधा यदजीजनदधा चिदा ववक्षत्सद्यो महि दूत्या३ं चरन् । । ६४
१ १ २ ०७०३   इदं त एकं पर ऊ त एकं तृतीयेन ज्योतिषा सं विशस्व  ।
१ १ २ ०७०३  संवेशनस्तन्वे३ चारुरेधि प्रियो देवानां परमे जनित्रे  । । ६५
१ १ २ ०७०४   इमं स्तोममर्हते जातवेदसे रथमिव सं महेमा मनीषया  ।
१ १ २ ०७०४  भद्रा हि नः प्रमतिरस्य संसद्यग्ने सख्ये मा रिषामा वयं तव  । । ६६
१ १ २ ०७०५   मूर्धानं दिवो अरतिं पृथिव्या वैश्वानरमृत आ जातमग्निम्  ।
१ १ २ ०७०५  कविं सम्राजमतिथिं जनानामासन्नाः पात्रं जनयन्त देवाः  । । ६७
१ १ २ ०७०६   वि त्वदापो न पर्वतस्य पृष्ठादुक्थेभिरग्ने जनयन्त देवाः  ।
१ १ २ ०७०६  तं त्वा गिरः सुष्टुतयो वाजयन्त्याजिं न गिर्ववाहो जिग्युरश्वाः  । । ६८
१ १ २ ०७०७   आ वो राजानमध्वरस्य रुद्रं होतारं सत्ययजं रोदस्योः  ।
१ १ २ ०७०७  अग्निं पुरा तनयित्नोरचित्ताद्धिरण्यरूपमवसे कृणुध्वम्  । । ६९
१ १ २ ०७०८   इन्धे राजा समर्यो नमोभिर्यस्य प्रतीकमाहुतं घृतेन  ।
१ १ २ ०७०८  नरो हव्येभिरीडते सबाध आग्निरग्रमुषसामशोचि  । । ७०
१ १ २ ०७०९   प्र केतुना बृहता यात्यग्निरा रोदसी वृषभो रोरवीति  ।
१ १ २ ०७०९  दिवश्चिदन्तादुपमामुदानडपामुपस्थे महिषो ववर्ध  । । ७१
१ १ २ ०७१०   अग्निं नरो दीधितिभिरण्योर्हस्तच्युतं जनयत प्रशस्तम्  ।
१ १ २ ०७१०  दूरेदृशं गृहपतिमथव्युम्  । । ७२

१ १ २ ०८०१   अबोध्यग्निः समिधा जनानां प्रति धेनुमिवायतीमुषासम्  ।
१ १ २ ०८०१  यह्वा इव प्र वयामुज्जिहानाः प्र भानवः सस्रते नाकमच्छ  । । ७३
१ १ २ ०८०२   प्र भूर्जयन्तं महां विपोधां मूरैरमूरं पुरां दर्माणम्  ।
१ १ २ ०८०२  नयन्तं गीर्भिर्वना धियं धा हरिश्मश्रुं न वार्मणा धनर्चिम्  । । ७४
१ १ २ ०८०३   शुक्रं ते अन्यद्यजतं ते अन्यद्विषुरूपे अहनी द्यौरिवासि  ।
१ १ २ ०८०३  विश्वा हि माया अवसि स्वधावन्भद्रा ते पूषन्निह रातिरस्तु । । ७५
१ १ २ ०८०४   इडामग्ने पुरुदंसं सनिं गोः शश्वत्तमं हवमानाय साध  ।
१ १ २ ०८०४  स्यान्नः सूनुस्तनयो विजावाग्ने सा ते सुमतिर्भूत्वस्मे  । । ७६
१ १ २ ०८०५   प्र होता जातो महान्नभोविन्नृषद्मा सीददपां विवर्ते  ।
१ १ २ ०८०५  दधद्यो धायी सुते वयांसि यन्ता वसूनि विधते तनूपाः  । । ७७
१ १ २ ०८०६   प्र सम्राजमसुरस्य प्रश्स्तं पुंसः कृष्टीनामनुमाद्यस्य  ।
१ १ २ ०८०६  इन्द्रस्येव प्र तवसस्कृतानि वन्दद्वारा वन्दमाना विवष्टु  । । ७८
१ १ २ ०८०७   अरण्योर्निहितो जातवेदा गर्भ इवेत्सुभृतो गर्भिणीभिः  ।
१ १ २ ०८०७  दिवेदिव ईड्यो जागृवद्भिर्हविष्मद्भिर्मनुष्येभिरग्निः  । । ७९
१ १ २ ०८०८   सनादग्ने मृणसि यातुधानान्न त्वा रक्षांसि पृतनासु जिग्युः  ।
१ १ २ ०८०८  अनु दह सहमूरान्कयादो मा ते हेत्या मुक्षत दैव्यायाः  । । ८०

१ १ २ ०९०१   अग्न ओजिष्ठमा भर द्युम्नमस्मभ्यमध्रिगो  ।
१ १ २ ०९०१  प्र नो राये पनीयसे रत्सि वाजाय पन्थाम्  । । ८१
१ १ २ ०९०२   यदि वीरो अनु ष्यादग्निमिन्धीत मर्त्यः  ।
१ १ २ ०९०२  आजुह्वद्धव्यमानुषक्शर्म भक्षीत दैव्यम्  । । ८२
१ १ २ ०९०३   त्वेषस्ते धूम ऋण्वति दिवि सं च्छुक्र आततः  ।
१ १ २ ०९०३  सूरो न हि द्युता त्वं कृपा पावक रोचसे  । । ८३
१ १ २ ०९०४   त्वं हि क्षैतवद्यशोऽग्ने मित्रो न पत्यसे  ।
१ १ २ ०९०४  त्वं विचर्षणे श्रवो वसो पुष्टिं न पुष्यसि  । । ८४
१ १ २ ०९०५   प्रातरग्निः पुरुप्रियो विष स्तवेतातिथिः  ।
१ १ २ ०९०५  विश्वे यस्मिन्नमर्त्ये हव्यं मर्तास इन्धते  । । ८५
१ १ २ ०९०६   यद्वाहिष्ठं तदग्नये बृहदर्च विभावसो  ।
१ १ २ ०९०६  महिषीव त्वद्रयिस्त्वद्वाजा उदीरते  । । ८६
१ १ २ ०९०७   विशोविशो वो अतिथिं वाजयन्तः पुरुप्रियम्  ।
१ १ २ ०९०७  अग्निं वो दुर्यं वचः स्तुषे शूषस्य मन्मभिः  । । ८७
१ १ २ ०९०८   बृहद्वयो हि भानवेऽर्चा देवायाग्नये  ।
१ १ २ ०९०८  यं मित्रं न प्रशस्तये मर्तासो दधिरे पुरः  । । ८८
१ १ २ ०९०९   अगन्म वृत्रहन्तमं ज्येष्ठमग्निमानवम्  ।
१ १ २ ०९०९  य स्म श्रुतर्वन्नार्क्षे बृहदनीक इध्यते  । । ८९
१ १ २ ०९१०   जातः परेण धर्मणा यत्सवृद्भिः सहाभुवः  ।
१ १ २ ०९१०  पिता यत्कश्यपस्याग्निः श्रद्धा माता मनुः कविः  । । ९०

१ १ २ १००१   सोमं राजानं वरुणमग्निमन्वारभामहे  ।
१ १ २ १००१  आदित्यं विष्णुं सूर्यं ब्रह्मानं च बृहस्पतिम्  । । ९१
१ १ २ १००२   इत एत उदारुहन्दिवः पृष्ठान्या रुहन् ।
१ १ २ १००२  प्र भूर्जयो यथा पथोद्यामङ्गिरसो ययुः  । । ९२
१ १ २ १००३   राये अग्ने महे त्वा दानाय समिधीमहि  ।
१ १ २ १००३  ईडिष्वा हि महे वृषं द्यावा होत्राय पृथिवी  । । ९३
१ १ २ १००४   दधन्वे वा यदीमनु वोचद्ब्रह्मेति वेरु तत् ।
१ १ २ १००४  परि विश्वानि काव्या नेमिश्चक्रमिवाभुवत् । । ९४
१ १ २ १००५   प्रत्यग्ने हरसा हरः शृणाहि विश्वतस्परि  ।
१ १ २ १००५  यातुधानस्य रक्षसो बलं न्युब्जवीर्यम्  । । ९५
१ १ २ १००६   त्वमग्ने वसूंरिह रुद्रां आदित्यां उत  ।
१ १ २ १००६  यजा स्वध्वरं जनं मनुजातं घृतप्रुषम्  । । ९६

द्वितीय प्रपाठकः  ।  प्रथमोऽर्धः
१ २ १ ०१०१   पुरु त्वा दाशिवां वोचेऽरिरग्ने तव स्विदा  ।
१ २ १ ०१०१  तोदस्येव शरण आ महस्य  । । ९७
१ २ १ ०१०२   प्र होत्रे पूर्व्यं वचोऽग्नये भरता बृहत् ।
१ २ १ ०१०२  विपां ज्योतींषि बिभ्रते न वेधसे  । । ९८
१ २ १ ०१०३   अग्ने वाजस्य गोमत ईशानः सहसो यहो  ।
१ २ १ ०१०३  अस्मे धेहि जातवेदो महि श्रवः  । । ९९
१ २ १ ०१०४   अग्ने यजिष्ठो अध्वरे देवां देवयते यज  ।
१ २ १ ०१०४  होता मन्द्रो वि राजस्यति स्रिधः  । । १००
१ २ १ ०१०५   जज्ञानः सप्त मातृभिर्मेधामाशासत श्रिये  ।
१ २ १ ०१०५  अयं ध्रुवो रयीणां चिकेतदा  । । १०१
१ २ १ ०१०६   उत स्या नो दिवा मतिरदितिरूत्यागमत् ।
१ २ १ ०१०६  सा शन्ताता मयस्करदप स्रिधः  । । १०२
१ २ १ ०१०७   ईडिष्वा हि प्रतीव्या३ं यजस्व जातवेदसम्  ।
१ २ १ ०१०७  चरिष्णुधूममगृभीतशोचिषम्  । । १०३
१ २ १ ०१०८   न तस्य मायया च न रिपुरीशीत मर्त्यः  ।
१ २ १ ०१०८  यो अग्नये ददाश हव्यदातये  । । १०४
१ २ १ ०१०९   अप त्यं वृजिनं रिपुं स्तेनमग्ने दुराध्यम्  ।
१ २ १ ०१०९  दविष्ठमस्य सत्पते कृधी सुगम्  । । १०५
१ २ १ ०११०   श्रुष्ट्यग्ने नवस्य मे स्तोमस्य वीर विश्पते  ।
१ २ १ ०११०  नि मायिनस्तपसा रक्षसो दह  । । १०६

१ २ १ ०२०१   प्र मंहिष्ठाय गायत ऋताव्ने बृहते शुक्रशोचिषे  ।
१ २ १ ०२०१  उपस्तुतासो अग्नये  । । १०७
१ २ १ ०२०२   प्र सो अग्ने तवोतिभिः सुवीराभिस्तरति वाजकर्मभिः  ।
१ २ १ ०२०२  यस्य त्वं सख्यमाविथ  । । १०८
१ २ १ ०२०३   तं गूर्धया स्वर्णरं देवासो देवमरतिं दधन्विरे  ।
१ २ १ ०२०३  देवत्रा हव्यमूहिषे  । । १०९
१ २ १ ०२०४   मा नो हृणीथा अतिथिं वसुरग्निः पुरुप्रशस्त एशः  ।
१ २ १ ०२०४  यः सुहोता स्वध्वरः  । । ११०
१ २ १ ०२०५   भद्रो नो अग्निराहुतो भद्रा रातिः सुभग भद्रो अध्वरः  ।
१ २ १ ०२०५  भद्रा उत प्रशस्तयः  । । १११
१ २ १ ०२०६   यजिष्ठं त्वा ववृमहे देवं देवत्रा होतारममर्त्यम्  ।
१ २ १ ०२०६  अस्य यज्ञस्य सुक्रतुम्  । । ११२
१ २ १ ०२०७   तदग्ने द्युम्नमा भर यत्सासाहा सदने कं चिदत्रिणम्  ।
१ २ १ ०२०७  मन्युं जनस्य दूढ्यम्  । । ११३
१ २ १ ०२०८   यद्वा उ विश्पतिः शितः सुप्रीतो मनुषो विशे  ।
१ २ १ ०२०८  विश्वेदग्निः प्रति रक्षांसि सेधति  । । ११४

। । इत्याग्नेय पर्वं काण्डम्  । ।

ऐन्द्र काण्डम्
१ २ १ ०३०१   तद्वो गाय सुते सचा पुरुहूताय सत्वने  ।
१ २ १ ०३०१  शं यद्गवे न शाकिने  । ।  ११५
१ २ १ ०३०२   यस्ते नूनं शतक्रतविन्द्र द्युम्नितमो मदः  ।
१ २ १ ०३०२  तेन नूनं मदे मदेः  । । ११६
१ २ १ ०३०३   गाव उप वदावटे महि यज्ञस्य रप्सुदा  ।
१ २ १ ०३०३  उभा कर्णा हिरण्यया  । । ११७
१ २ १ ०३०४   अरमश्वाय गायत श्रुतकक्षारं गवे  ।
१ २ १ ०३०४  अरमिन्द्रस्य धाम्ने  । । ११८
१ २ १ ०३०५   तमिन्द्रं वाजयामसि महे वृत्राय हन्तवे  ।
१ २ १ ०३०५  स वृषा वृषभो भुवत् । । ११९
१ २ १ ०३०६   त्वमिन्द्र बलादधि सहसो जात ओजसः  ।
१ २ १ ०३०६  त्वं सन्वृषन्वृषेदसि  । । १२०
१ २ १ ०३०७   यज्ञ इन्द्रमवर्धयद्यद्भूमिं व्यवर्तयत् ।
१ २ १ ०३०७  चक्राण ओपशं दिवि  । । १२१
१ २ १ ०३०८   यदिन्द्राहं तथा त्वमीशीय वस्व एक इत् ।
१ २ १ ०३०८  स्तोता मे गोसखा स्यात् । । १२२
१ २ १ ०३०९   पन्यंपन्यमित्सोतार आ धावत मद्याय  ।
१ २ १ ०३०९  सोमं वीराय शूराय  । । १२३
१ २ १ ०३१०   इदं वसो सुतमन्धः पिबा सुपूर्णमुदरम्  ।
१ २ १ ०३१०  अनाभयिन्ररिमा ते  । । १२४

१ २ १ ०४०१   उद्धेदभि श्रुतामघं वृषभं नर्यापसम्  ।
१ २ १ ०४०१  अस्तारमेषि सूर्य  । । १२५
१ २ १ ०४०२   यदद्य कच्च वृत्रहन्नुदगा अभि सूर्य  ।
१ २ १ ०४०२  सर्वं तदिन्द्र ते वशे  । । १२६
१ २ १ ०४०३   य आनयत्परावतः सुनीती तुर्वशं यदुम्  ।
१ २ १ ०४०३  इन्द्रः स नो युवा सखा  । । १२७
१ २ १ ०४०४   मा न इन्द्राभ्याऽऽ३ दिशः सूरो अक्तुष्वा यमत  ।
१ २ १ ०४०४  त्वा युजा वनेम तत् । । १२८
१ २ १ ०४०५   एन्द्र सानसिं रयिं सजित्वानं सदासहम्  ।
१ २ १ ०४०५  वर्षिष्ठमूतये भर  । । १२९
१ २ १ ०४०६   इन्द्रं वयं महाधन इन्द्रमर्भे हवामहे  ।
१ २ १ ०४०६  युजं वृत्रेषु वज्रिणम्  । । १३०
१ २ १ ०४०७   अपिबत्कद्रुवः सुतमिन्द्रः सहस्रबाह्वे  ।
१ २ १ ०४०७  तत्राददिष्ट पौंस्यम्  । । १३१
१ २ १ ०४०८   वयमिन्द्र त्वायवोऽभि प्र नोनुमो वृषन् ।
१ २ १ ०४०८  विद्धी त्वा३ य नो वसो  । । १३२
१ २ १ ०४०९   आ घा ये अग्निमिन्धते स्तृणन्ति बर्हिरानुषक् ।
१ २ १ ०४०९  येषामिन्द्रो युवा सखा  । । १३३
१ २ १ ०४१०   भिन्धि विश्वा अप द्विषः परि बाधो जही मृधः  ।
१ २ १ ०४१०  वसु स्पार्हं तदा भर  । । १३४

१ २ १ ०५०१   इहेव शृण्व एषां कशा हस्तेषु यद्वदान् ।
१ २ १ ०५०१  नि यामं चित्रमृञ्जते  । । १३५
१ २ १ ०५०२   इम उ त्वा वि चक्षते सखाय इन्द्र सोमिनः  ।
१ २ १ ०५०२  पुष्टावन्तो यथा पशुम्  । । १३६
१ २ १ ०५०३   समस्य मन्यवे विशो विश्वा नमन्त कृष्टयः  ।
१ २ १ ०५०३  समुद्रायेव सिन्धवः  । । १३७
१ २ १ ०५०४   देवानामिदवो महत्तदा वृणीमहे वयम्  ।
१ २ १ ०५०४  वृष्णामस्मभ्यमूतये  । । १३८
१ २ १ ०५०५   सोमानां स्वरणं कृणुहि ब्रह्मणस्पते  ।
१ २ १ ०५०५  कक्षीवन्तं य औशिजः  । । १३९
१ २ १ ०५०६   बोधन्मना इदस्तु नो वृत्रहा भूर्यासुतिः  ।
१ २ १ ०५०६  शृणोतु शक्र आशिषम्  । । १४०
१ २ १ ०५०७   अद्य नो देव सवितः प्रजावत्सावीः सौभगम्  ।
१ २ १ ०५०७  परा दुःष्वप्न्यं सुव  । । १४१
१ २ १ ०५०८   क्वा३ य वृषभो युवा तुविग्रीवो अनानतः  ।
१ २ १ ०५०८  ब्रह्मा कस्तं सपर्यति  । । १४२
१ २ १ ०५०९   उपह्वरे गिरीणां सङ्गमे च नदीनाम्  ।
१ २ १ ०५०९  धिया विप्रो अजायत  । । १४३
१ २ १ ०५१०   प्र सम्राजं चर्षणीनामिन्द्रं स्तोता नव्यं गीर्भिः  ।
१ २ १ ०५१०  नरं नृषाहं मंहिष्ठम्  । । १४४

द्वितीय प्रपाठकः  ।  द्वितीयोऽर्धः
१ २ २ ०६०१   अपादु शिप्रयन्धसः सुदक्षस्य प्रहोषिणः  ।
१ २ २ ०६०१  इन्द्रोरिन्द्रो यवाशिरः  । । १४५
१ २ २ ०६०२   इमा उ त्वा पुरुवसोऽभि प्र नोनवुर्गिरः  ।
१ २ २ ०६०२  गावो वत्सं न धेनवः  । । १४६
१ २ २ ०६०३   अत्राह गोरमन्वत नाम त्वष्टुरपीच्यम्  ।
१ २ २ ०६०३  इत्था चन्द्रमसो गृहे  । । १४७
१ २ २ ०६०४   यदिन्द्रो अनयद्रितो महीरपो वृषन्तमः  ।
१ २ २ ०६०४  तत्र पूषाभुवत्सचा  । । १४८
१ २ २ ०६०५   गौर्धयति मरुतां श्रवस्युर्माता मघोनाम्
१ २ २ ०६०५  युक्ता वह्नी रथानाम्  । । १४९
१ २ २ ०६०६   उप नो हरिभिः सुतं याहि मदानां पते  ।
१ २ २ ०६०६  उप नो हरिभिः सुतम्  । । १५०
१ २ २ ०६०७   इष्टा होत्रा असृक्षतेन्द्रं वृधन्तो अध्वरे  ।
१ २ २ ०६०७  अच्छावभृथमोजसा  । । १५१
१ २ २ ०६०८   अहमिद्धि पितुष्परि मेधामृतस्य जग्रह  ।
१ २ २ ०६०८  अहं सूर्य इवाजनि  । । १५२
१ २ २ ०६०९   रेवतीर्नः सधमाद इन्द्रे सन्तु तुविवाजाः  ।
१ २ २ ०६०९  क्षुमन्तो याभिर्मदेम  । । १५३
१ २ २ ०६१०   सोमः पूषा च चेततुर्विश्वासां सुक्षितीनाम्  ।
१ २ २ ०६१०  देवत्रा रथ्योर्हिता  । । १५४

१ २ २ ०७०१   पान्तमा वो अन्धस इन्द्रमभि प्र गायत  ।
१ २ २ ०७०१  विश्वासाहं शतक्रतुं मंहिष्ठं चर्षणीनाम्  । । १५५
१ २ २ ०७०२   प्र व इन्द्राय मादनं हर्यश्वाय गायत  ।
१ २ २ ०७०२  सखायः सोमपाव्ने  । । १५६
१ २ २ ०७०३   वयमु त्वा तदिदर्था इन्द्र त्वायन्तः सखायः  ।
१ २ २ ०७०३  कण्वा उक्थेभिर्जरन्ते  । । १५७
१ २ २ ०७०४   इन्द्राय मद्वने सुतं परि ष्टोभन्तु नो गिरः  ।
१ २ २ ०७०४  अर्कमर्चन्तु कारवः  । । १५८
१ २ २ ०७०५   अयं त इन्द्र सोमो निपूतो अधि बर्हिषि  ।
१ २ २ ०७०५  एहीमस्य द्रवा पिब  । । १५९
१ २ २ ०७०६   सुरूपकृत्नुमूतये सुदुघामिव गोदुहे  ।
१ २ २ ०७०६  जुहूमसि द्यविद्यवि  । । १६०
१ २ २ ०७०७   अभि त्वा वृषभा सुते सुतं सृजामि पीतये  ।
१ २ २ ०७०७  तृम्पा व्यश्नुही मदम्  । । १६१
१ २ २ ०७०८   य इन्द्र चमसेष्वा सोमश्चमूषु ते सुतः  ।
१ २ २ ०७०८  पिबेदस्य त्वमीशिषे  । । १६२
१ २ २ ०७०९   योगेयोगे तवस्तरं वाजेवाजे हवामहे  ।
१ २ २ ०७०९  सखाय इन्द्रमूतये  । । १६३
१ २ २ ०७१०   आ त्वेता नि षीदतेन्द्रमभि प्र गायत  ।
१ २ २ ०७१०  सखायः स्तोमवाहसः  । । १६४

१ २ २ ०८०१   इदं ह्यन्वोजसा सुतं राधानां पते  ।
१ २ २ ०८०१  पिबा त्वा३ य गिर्वणः  । । १६५
१ २ २ ०८०२   महां इन्द्रः पुरश्च नो महित्वमस्तु वज्रिणे  ।
१ २ २ ०८०२  द्यौर्न प्रथिना शवः  । । १६६
१ २ २ ०८०३   आ तू न इन्द्र क्षुमन्तं चित्रं ग्राभं सं गृभाय  ।
१ २ २ ०८०३  महाहस्ती दक्षिणेन  । । १६७
१ २ २ ०८०४   अभि प्र गोपतिं गिरेन्द्रमर्च यथा विदे  ।
१ २ २ ०८०४  सूनुं सत्यस्य सत्पतिम्  । । १६८
१ २ २ ०८०५   कया नश्चित्र आ भुवदूती सदावृधः सखा  ।
१ २ २ ०८०५  कया शचिष्ठया वृता  । । १६९
१ २ २ ०८०६   त्यमु वः सत्रासाहं विश्वासु गीर्ष्वायतम्  ।
१ २ २ ०८०६  आ च्यावयस्यूतये  । । १७०
१ २ २ ०८०७   सदसस्पतिमद्भुतं प्रियमिन्द्रस्य काम्यम्  ।
१ २ २ ०८०७  सनिं मेधामयासिषम्  । । १७१
१ २ २ ०८०८   ये ते पन्था अधो दिवो येभिर्व्यश्वमैरयः  ।
१ २ २ ०८०८  उत श्रोषन्तु नो भुवः  । । १७२
१ २ २ ०८०९   भद्रंभद्रं न आ भरेषमूर्जं शतक्रतो  ।
१ २ २ ०८०९  यदिन्द्र मृडयासि नः  । । १७३
१ २ २ ०८१०   अस्ति सोमो अयं सुतः पिबन्त्यस्य मरुतः  ।
१ २ २ ०८१०  उत स्वराजो अश्विना  । । १७४

१ २ २ ०९०१   ईङ्खयन्तीरपस्युव इन्द्रं जातमुपासते  ।
१ २ २ ०९०१  वन्वानासः सुवीर्यम्  । । १७५
१ २ २ ०९०२   न कि देवा इनीमसि न क्या योपयामसि  ।
१ २ २ ०९०२  मन्त्रश्रुत्यं चरामसि  । । १७६
१ २ २ ०९०३   दोषो आगाद्बृहद्गाय द्युमद्गामन्नाथर्वण  ।
१ २ २ ०९०३  स्तुहि देवं सवितारम्  । । १७७
१ २ २ ०९०४   एषो उषा अपूर्व्या व्युच्छति प्रिया दिवः  ।
१ २ २ ०९०४  स्तुषे वामश्विना बृहत् । । १७८
१ २ २ ०९०५   इन्द्रो दधीचो अस्थभिर्वृत्राण्यप्रतिष्कुतः  ।
१ २ २ ०९०५  जघान नवतीर्नव  । । १७९
१ २ २ ०९०६   इन्द्रेहि मत्स्यन्धसो विश्वेभिः सोमपर्वभिः  ।
१ २ २ ०९०६  महां अभिष्टिरोजसा  । । १८०
१ २ २ ०९०७   आ तू न इन्द्र वृत्रहन्नस्माकमर्धमा गहि  ।
१ २ २ ०९०७  महान्महीभिरूतिभिः  । । १८१
१ २ २ ०९०८   ओजस्तदस्य तित्विष उभे यत्समवर्तयत् ।
१ २ २ ०९०८  इन्द्रश्चर्मेव रोदसी  । । १८२
१ २ २ ०९०९   अयमु ते समतसि कपोत इव गर्भधिम्  ।
१ २ २ ०९०९  वचस्तच्चिन्न ओहसे  । । १८३
१ २ २ ०९१०   वात आ वातु बेषजं शम्भु मयोभु नो हृदे  ।
१ २ २ ०९१०  प्र न अयूंषि तारिषत् । । १८४

१ २ २ १००१   यं रक्षन्ति प्रचेतसो वरुणो मित्रो अर्यमा  ।
१ २ २ १००१  न किः स दभ्यते जनः  । । १८५
१ २ २ १००२   गव्यो षु णो यथा पुराश्वयोत रथया  ।
१ २ २ १००२  वरिवस्या महोनाम्  । । १८६
१ २ २ १००३   इमास्त इन्द्र पृश्नयो घृतं दुहत आशिरम्  ।
१ २ २ १००३  एनामृतस्य पिप्युषीः  । । १८७
१ २ २ १००४   अया धिया च गव्यया पुरुणामन्पुरुष्टुत  ।
१ २ २ १००४  यत्सोमेसोम आभुवः  । । १८८
१ २ २ १००५   पावका नः सरस्वती वाजेभिर्वाजिनीवती  ।
१ २ २ १००५  यज्ञं वष्टु धियावसुः  । । १८९
१ २ २ १००६   क इमं नाहुषीष्वा इन्द्रं सोमस्य तर्पयात् ।
१ २ २ १००६  स नो वसून्या भरात् । । १९०
१ २ २ १००७   आ याहि सुषुमा हि त इन्द्र सोमं पिबा इमम्  ।
१ २ २ १००७  एदं बर्हिः सदो मम  । । १९१
१ २ २ १००८   महि त्रीणामवरस्तु द्युक्षं मित्रस्यार्यम्णः  ।
१ २ २ १००८  दुराधर्षं वरुणस्य  । । १९२
१ २ २ १००९   त्वावतः पुरूवसो वयमिन्द्र प्रणेतः  ।
१ २ २ १००९  स्मसि स्थातर्हरीणाम्  । । १९३

तृतीय प्रपाठकः  ।  प्रथमोऽर्धः
१ ३ १ ०१०१   उत्त्वा मन्दन्तु सोमाः कृणुष्व राधो अद्रिवः  ।
१ ३ १ ०१०१  अव ब्रह्मद्विषो जहि  । । १९४
१ ३ १ ०१०२   गिर्वणः पाहि नः सुतं मधोर्धाराभिरज्यसे  ।
१ ३ १ ०१०२  इन्द्र त्वादातमिद्यशः  । । १९५
१ ३ १ ०१०३   सदा व इन्द्रश्चर्कृषदा उपो नु स सपर्यन् ।
१ ३ १ ०१०३  न देवो वृतः शूर इन्द्रः  । । १९६
१ ३ १ ०१०४   आ त्वा विशन्त्विन्दवः समुद्रमिव सिन्धवः  ।
१ ३ १ ०१०४  न त्वामिन्द्राति रिच्यते  । । १९७
१ ३ १ ०१०५   इन्द्रमिद्गाथिनो बृहदिन्द्रमर्केभिरर्किणः  ।
१ ३ १ ०१०५  इन्द्रं वाणीरनूषत  । । १९८
१ ३ १ ०१०६   इन्द्र इषे ददातु न ऋभुक्षणमृभुं रयिम्  ।
१ ३ १ ०१०६  वाजी ददातु वाजिनम्  । । १९९
१ ३ १ ०१०७   इन्द्रो अङ्ग महद्भयमभी षदप चुच्यवत् ।
१ ३ १ ०१०७  स हि स्थिरो विचर्षणिः  । । २००
१ ३ १ ०१०८  इमा उ त्वा सुतेसुते नक्षन्ते गिर्वणो गिरः  ।
१ ३ १ ०१०८   गावो वत्सं न धेनवः  । । २०१
१ ३ १ ०१०९   इन्द्रा नु पूषणा वयं सख्याय स्वस्तये  ।
१ ३ १ ०१०९  हुवेम वाजसातये  । । २०२
१ ३ १ ०११०   न कि इन्द्र त्वदुत्तरं न ज्यायो अस्ति वृत्रहन् ।
१ ३ १ ०११०  न क्येवं यथा त्वम्  । । २०३

१ ३ १ ०२०१   तरणिं वो जनानां त्रदं वाजस्य गोमतः  ।
१ ३ १ ०२०१  समानमु प्र शंसिषम्  । । २०४
१ ३ १ ०२०२   असृग्रमिन्द्र ते गिरः प्रति त्वामुदहासत  ।
१ ३ १ ०२०२  सजोषा वृषभं पतिम्  । । २०५
१ ३ १ ०२०३   सुनीथो घा स मर्त्यो यं मरुतो यमर्यमा  ।
१ ३ १ ०२०३  मित्रास्पान्त्यद्रुहः  । । २०६
१ ३ १ ०२०४   यद्वीडाविन्द्र यत्स्थिरे यत्पर्शाने पराभृतम्  ।
१ ३ १ ०२०४  वसु स्पार्हं तदा भर  । । २०७
१ ३ १ ०२०५   श्रुतं वो वृत्रहन्तमं प्र शर्धं चर्षणीनाम्  ।
१ ३ १ ०२०५  आशिषे राधसे महे  । । २०८
१ ३ १ ०२०६   अरं त इन्द्र श्रवसे गमेम शूर त्वावतः  ।
१ ३ १ ०२०६  अरं शक्र परेमणि  । । २०९
१ ३ १ ०२०७   धानावन्तं करम्भिणमपूपवन्तमुक्थिनम्  ।
१ ३ १ ०२०७  इन्द्र प्रातर्जुषस्व नः  । । २१०
१ ३ १ ०२०८   अपां फेनेन नमुचेः शिर इन्द्रोदवर्तयः  ।
१ ३ १ ०२०८  विश्वा यदजय स्पृधः  । । २११
१ ३ १ ०२०९   इमे त इन्द्र सोमाः सुतासो ये च सोत्वाः  ।
१ ३ १ ०२०९  तेषां मत्स्व प्रभूवसो  । । २१२
१ ३ १ ०२१०   तुभ्यं सुतासः सोमाः स्तीर्णं बर्हिर्विभावसो  ।
१ ३ १ ०२१०  स्तोतृभ्य इन्द्र मृडय  । । २१३

१ ३ १ ०३०१   आ व इन्द्र कृविं यथा वाजयन्तः शतक्रतुम्  ।
१ ३ १ ०३०१  मंहिष्ठं सिञ्च इन्दुभिः  । । २१४
१ ३ १ ०३०२   अतश्चिदिन्द्र न उपा याहि शतवाजया  ।
१ ३ १ ०३०२  इषा सहस्रवाजया  । । २१५
१ ३ १ ०३०३   आ बुन्दं वृत्रहा ददे जातः पृच्छद्वि मातरम्  ।
१ ३ १ ०३०३  क उग्राः के ह शृण्विरे  । । २१६
१ ३ १ ०३०४   बृबदुक्थं हवामहे सृप्रकरस्नमूतये  ।
१ ३ १ ०३०४  साधः कृण्वन्तमवसे  । । २१७
१ ३ १ ०३०५   ऋजुनीती नो वरुणो मित्रो नयति विद्वान् ।
१ ३ १ ०३०५  अर्यमा देवैः सजोषाः  । । २१८
१ ३ १ ०३०६   दूरादिहेव यत्सतोऽरुणप्सुरशिश्वितत् ।
१ ३ १ ०३०६  वि भानुं विश्वथातनत् । । २१९
१ ३ १ ०३०७   आ नो मित्रावरुणा घृतैर्गव्यूतिमुक्षतम्  ।
१ ३ १ ०३०७  मध्वा रजांसि सुक्रतू  । । २२०
१ ३ १ ०३०८   उदु त्ये सूनवो गिरः काष्ठा यज्ञेष्वत्नत  ।
१ ३ १ ०३०८  वाश्रा अभिज्ञु यातवे  । । २२१
१ ३ १ ०३०९   इदं विष्णुर्वि चक्रमे त्रेधा नि दधे पदम्  ।
१ ३ १ ०३०९  समूढमस्य पांसुले  । । २२२

१ ३ १ ०४०१   अतीहि मन्युषाविणं सुषुवांसमुपेरय  ।
१ ३ १ ०४०१  अस्य रातौ सुतं पिब  । । २२३
१ ३ १ ०४०२   कदु प्रचेतसे महे वचो देवाय शस्यते  ।
१ ३ १ ०४०२  तदिध्यस्य वर्धनम्  । । २२४
१ ३ १ ०४०३   उक्थं च न शस्यमानं नागो रयिरा चिकेत  ।
१ ३ १ ०४०३  न गायत्रं गीयमानम्  । । २२५
१ ३ १ ०४०४   इन्द्र उक्थेभिर्मन्दिष्ठो वाजानां च वाजपतिः  ।
१ ३ १ ०४०४  हरिवान्त्सुतानां सखा  । । २२६
१ ३ १ ०४०५   आ याह्युप नः सुतं वाजेभिर्मा हृणीयथाः  ।
१ ३ १ ०४०५  महां इव युवजानिः  । । २२७
१ ३ १ ०४०६   कदा वसो स्तोत्रं हर्यत आ अव श्मशा रुधद्वाः  ।
१ ३ १ ०४०६  दीर्घं सुतं वाताप्याय  । । २२८
१ ३ १ ०४०७   ब्राह्मणादिन्द्र राधसः पिबा सोममृतूं रनु  ।
१ ३ १ ०४०७  तवेदं सख्यमस्तृतम्  । । २२९
१ ३ १ ०४०८   वयं घा ते अपि स्मसि स्तोतार इन्द्र गिर्वणः  ।
१ ३ १ ०४०८  त्वं नो जिन्व सोमपाः  । । २३०
१ ३ १ ०४०९   एन्द्र पृक्षु कासु चिन्नृम्णं तनूषु धेहि नः  ।
१ ३ १ ०४०९  सत्राजिदुग्र पौंस्यम्  । । २३१
१ ३ १ ०४१०   एवा ह्यसि वीरयुरेवा शूर उत स्थिरः  ।
१ ३ १ ०४१०  एवा ते राध्यं मनः  । । २३२

१ ३ १ ०५०१   अभि त्वा शूर नोनुमोऽदुग्धा इव धेनवः  ।
१ ३ १ ०५०१  ईशानमस्य जगतः स्वर्दृशमीशानमिन्द्र तस्थुषः  । । २३३
१ ३ १ ०५०२   त्वामिद्धि हवामहे सातौ वाजस्य कार्वः  ।
१ ३ १ ०५०२  त्वां वृत्रेष्विन्द्र सत्पतिं नरस्त्वां काष्ठास्वर्वतः  । । २३४
१ ३ १ ०५०३   अभि प्र वः सुराधसमिन्द्रमर्च यथा विदे  ।
१ ३ १ ०५०३  यो जरितृभ्यो मघवा पुरूवसुः सहस्रेणेव शिक्षति  । । २३५
१ ३ १ ०५०४   तं वो दस्ममृतीषहं वसोर्मन्दानमन्धसः  ।
१ ३ १ ०५०४  अभि वत्सं न स्वसरेषु धेनव इन्द्रं गीर्भिर्नवामहे  । । २३६
१ ३ १ ०५०५   तरोभिर्वो विदद्वसुमिन्द्रं सबाध ऊतये  ।
१ ३ १ ०५०५  बृहद्गायन्तः सुतसोमे अध्वरे हुवे भरं न कारिणम्  । । २३७
१ ३ १ ०५०६   तरणिरित्सिषासति वाजं पुरन्ध्या युजा  ।
१ ३ १ ०५०६  आ व इन्द्रं पुरुहूतं नमे गिरा नेमिं तष्टेव सुद्रुवम्  । । २३८
१ ३ १ ०५०७   पिबा सुतस्य रसिनो मत्स्वा न इन्द्र गोमतः  ।
१ ३ १ ०५०७  आपिर्नो बोधि सधमाद्ये वृधे३ऽस्मां अवन्तु ते धियः  । । २३९
१ ३ १ ०५०८   त्वं ह्येहि चेरवे विदा भगं वसुत्तये  ।
१ ३ १ ०५०८  उद्वावृषस्व मघवन्गविष्टय उदिन्द्राश्वमिष्टये  । । २४०
१ ३ १ ०५०९   न हि वश्चरमं च न वसिष्ठः परिमंस्ते  ।
१ ३ १ ०५०९  अस्माकमद्य मरुतः सुते सचा विश्वे पिबन्तु कामिनः  । । २४१
१ ३ १ ०५१०   मा चिदन्यद्वि शंसत सखायो मा रिषण्यत  ।
१ ३ १ ०५१०  इन्द्रमित्स्तोता वृषणं सचा सुते मुहुरुक्था च शंसत  । । २४२

तृतीय प्रपाठकः  ।  द्वितीयोऽर्धः
१ ३ १ ०६०१   न किष्टं कर्मणा नशद्यश्चकार सदावृधम्  ।
१ ३ १ ०६०१  इन्द्रं न यज्ञैर्विश्वगूर्तमृभ्वसमधृष्टं धृष्णुमोजसा  । । २४३
१ ३ २ ०६०२   य ऋते चिदभिश्रिषः पुरा जत्रुभ्य आतृदः  ।
१ ३ २ ०६०२  सन्धाता सन्धिं मघवा पुरूवसुर्निष्कर्ता विह्रुतं पुनः  । । २४४
१ ३ २ ०६०३   आ त्वा सहस्रमा शतं युक्ता रथे हिरण्यये  ।
१ ३ २ ०६०३  ब्रह्मयुजो हरय इन्द्र केशिनो वहन्तु सोमपीतये  । । २४५
१ ३ २ ०६०४   आ मन्द्रैरिन्द्र हरिभिर्याहि मयूररोमभिः  ।
१ ३ २ ०६०४  मा त्वा के चिन्नि येमुरिन्न पाशिनोऽति धन्वेव तां इहि  । । २४६
१ ३ २ ०६०५   त्वमङ्ग प्र शंसिषो देवः शविष्ठ मर्त्यम्  ।
१ ३ २ ०६०५  न त्वदन्यो मघवन्नस्ति मर्डितेन्द्र ब्रवीमि ते वचः  । । २४७
१ ३ २ ०६०६   त्वमिन्द्र यशा अस्यृजीषी शवसस्पतिः  ।
१ ३ २ ०६०६  त्वं वृत्राणि हंस्यप्रतीन्येक इत्पुर्वनुत्तश्चर्षणीधृतिः  । । २४८
१ ३ २ ०६०७   इन्द्रमिद्देवतातय इन्द्रं प्रयत्यध्वरे  ।
१ ३ २ ०६०७  इन्द्रं समीके वनिनो हवामह इन्द्रं धनस्य सातये  । । २४९
१ ३ २ ०६०८   इमा उ त्वा पुरूवसो गिरो वर्धन्तु या मम  ।
१ ३ २ ०६०८  पावकवर्णाः शुचयो विपश्चितोऽभि स्तोमैरनूषत  । । २५०
१ ३ २ ०६०९   उदु त्ये मधुमत्तमा गिर स्तोमास ईरते  ।
१ ३ २ ०६०९  सत्राजितो धनसा अक्षितोतयो वाजयन्तो रथा इव  । । २५१
१ ३ २ ०६१०   यथा गौरो अपा कृतं तृष्यन्नेत्यवेरिणम्  ।
१ ३ २ ०६१०  आपित्वे नः प्रपित्वे तूयमा गहि कण्वेषु सु सचा पिब  । । २५२

१ ३ २ ०७०१   शग्ध्यू३षु शचीपत इन्द्र विश्वाभिरूतिभिः  ।
१ ३ २ ०७०१  भगं न हि त्वा यशसं वसुविदमनु शूर चरामसि  । । २५३
१ ३ २ ०७०२   या इन्द्र भुज आभरः स्वर्वां असुरेभ्यः  ।
१ ३ २ ०७०२  स्तोतारमिन्मघवन्नस्य वर्धय ये च त्वे वृक्तबर्हिषः  । । २५४
१ ३ २ ०७०३   प्र मित्राय प्रार्यम्णे सचथ्यमृतावसो  ।
१ ३ २ ०७०३  वरूथ्ये३ वरुणे छन्द्यं वचः स्तोत्रं राजसु गायत  । । २५५
१ ३ २ ०७०४   अभि त्वा पूर्वपीतय इन्द्र स्तोमेभिरायवः  ।
१ ३ २ ०७०४  समीचीनास ऋभवः समस्वरन्रुद्रा गृणन्त पूर्व्यम्  । । २५६
१ ३ २ ०७०५   प्र व इन्द्राय बृहते मरुतो ब्रह्मार्चत  ।
१ ३ २ ०७०५  वृत्रं हनति वृत्रहा शतक्रतुर्वज्रेण शतपर्वणा  । । २५७
१ ३ २ ०७०६   बृहदिन्द्राय गायत मरुतो वृत्रहन्तमम्  ।
१ ३ २ ०७०६  येन ज्योतिरजनयन्नृतावृधो देवं देवाय जागृवि  । । २५८
१ ३ २ ०७०७   इन्द्र क्रतुं न आ भर पिता पुत्रेभ्यो यथा  ।
१ ३ २ ०७०७  शिक्षा णो अस्मिन्पुरुहूत यामनि जीवा ज्योतिरशीमहि  । । २५९
१ ३ २ ०७०८   मा न इन्द्र परा वृणग्भवा नः सधमाद्ये  ।
१ ३ २ ०७०८  त्वं न ऊती त्वमिन्न आप्यं मा न इन्द्र परा वृणक् । । २६०
१ ३ २ ०७०९   वयं घ त्वा सुतावन्त आपो न वृक्तबर्हिषः  ।
१ ३ २ ०७०९  पवित्रस्य प्रस्रवणेषु वृत्रहन्परि स्तोतार आसते  । । २६१
१ ३ २ ०७१०   यदिन्द्र नाहुषीष्वा ओजो नृम्णं च कृष्टिषु  ।
१ ३ २ ०७१०  यद्वा पञ्च क्षितीनां द्युम्नमा भर सत्रा विश्वानि पौंस्या  । । २६२

१ ३ २ ०८०१   सत्यमित्था वृषेदसि वृषजूतिर्नोऽविता  ।
१ ३ २ ०८०१  वृषा ह्युग्र शृण्विषे परावति वृषो अर्वावति श्रुतः  । । २६३
१ ३ २ ०८०२   यच्छक्रासि परावति यदर्वावति वृत्रहन् ।
१ ३ २ ०८०२  अतस्त्वा गीर्भिर्द्युगदिन्द्र केशिभिः सुतावां आ विवासति  । । २६४
१ ३ २ ०८०३   अभि वो वीरमन्धसो मदेषु गाय गिरा महा विचेतसम्  ।
१ ३ २ ०८०३  इन्द्रं नाम श्रुत्यं शाकिनं वचो यथा  । । २६५
१ ३ २ ०८०४   इन्द्र त्रिधातु शरणं त्रिवरूथं स्वस्तये  ।
१ ३ २ ०८०४  छर्दिर्यच्छ मघवद्भ्यश्च मह्यं च यावया दिद्युमेभ्यः  । । २६६
१ ३ २ ०८०५   श्रायन्त इव सूर्यं विश्वेदिन्द्रस्य भक्षत  ।
१ ३ २ ०८०५  वसूनि जातो जनिमान्योजसा प्रति भागं न दीधिमः  । । २६७
१ ३ २ ०८०६   न सीमदेव आप तदिषं दीर्घायो मर्त्यः  ।
१ ३ २ ०८०६  एतग्वा चिद्या एतशो युयोजत इन्द्रो हरी युयोजते  । । २६८
१ ३ २ ०८०७   आ नो विश्वासु हव्यमिन्द्रं समत्सु भूषत  ।
१ ३ २ ०८०७  उप ब्रह्माणि सवनानि वृत्रहन्परमज्या ऋचीषम  । । २६९
१ ३ २ ०८०८   तवेदिन्द्रावमं वसु त्वं पुष्यसि मध्यमम्  ।
१ ३ २ ०८०८  सत्रा विश्वस्य परमस्य राजसि न किष्ट्वा गोषु वृण्वते  । । २७०
१ ३ २ ०८०९   क्वेयथ क्वेदसि पुरुत्रा चिद्धि ते मनः  ।
१ ३ २ ०८०९  अलर्षि युध्म खजकृत्पुरन्दर प्र गायत्रा अगासिषुः  । । २७१
१ ३ २ ०८१०   वयमेनमिदा ह्योपीपेमेह वज्रिणम्  ।
१ ३ २ ०८१०  तस्मा उ अद्य सवने सुतं भरा नूनं भूषत श्रुते  । । २७२

१ ३ २ ०९०१   यो राजा चर्षणीनां याता रथेभिरध्रिगुः  ।
१ ३ २ ०९०१  विश्वासां तरुता पृतनानां ज्येष्ठं यो वृत्रहा गृणे  । । २७३
१ ३ २ ०९०२   यत इन्द्र भयामहे ततो नो अभयं कृधि  ।
१ ३ २ ०९०२  मघवञ्छग्धि तव तन्न ऊतये वि द्विषो वि मृधो जहि  । । २७४
१ ३ २ ०९०३   वास्तोष्पते ध्रुवा स्थूणां सत्रं सोम्यानाम्  ।
१ ३ २ ०९०३  द्रप्सः पुरां भेत्ता शश्वतीनामिन्द्रो मुनीनां सखा  । । २७५
१ ३ २ ०९०४   बण्महां असि सूर्य बडादित्य महां असि  ।
१ ३ २ ०९०४  महस्ते सतो महिमा पनिष्टम मह्ना देव महां असि  । । २७६
१ ३ २ ०९०५   अश्वी रथी सुरूप इद्गोमां यदिन्द्र ते सखा  ।
१ ३ २ ०९०५  श्वात्रभाजा वयसा सचते सदा चन्द्रैर्याति सभामुप  । । २७७
१ ३ २ ०९०६   यद्द्याव इन्द्र ते शतं शतं भूमीरुत स्युः  ।
१ ३ २ ०९०६  न त्वा वज्रिन्त्सहस्रं सूर्या अनु न जातमष्ट रोदसी  । । २७८
१ ३ २ ०९०७   यदिन्द्र प्रागपागुदग्न्यग्वा हूयसे नृभिः  ।
१ ३ २ ०९०७  सिमा पुरू नृषूतो अस्यानवेऽसि प्रशर्ध तुर्वशे  । । २७९
१ ३ २ ०९०८   कस्तमिन्द्र त्वा वसवा मर्त्यो दधर्षति  ।
१ ३ २ ०९०८  श्रद्धा हि ते मघवन्पार्ये दिवि वाजी वाजं सिषासति  । । २८०
१ ३ २ ०९०९   इन्द्राग्नी अपादियं पूर्वागात्पद्वतीभ्यः  ।
१ ३ २ ०९०९  हित्वा शिरो जिह्वया रारपच्चरत्त्रिंशत्पदा न्यक्रमीत् । । २८१
१ ३ २ ०९१०   इन्द्र नेदीय एदिहि मितमेधाभिरूतिभिः  ।
१ ३ २ ०९१०  आ शं तम शं तमाभिरभिष्टिभिरा स्वापे स्वापिभिः  । । २८२

१ ३ २ १००१   इत ऊती वो अजरं प्रहेतारमप्रहितम्  ।
१ ३ २ १००१  आशुं जेतारं हेतारं रथीतममतूर्तं तुग्रियावृधम्  । । २८३
१ ३ २ १००२   मो षु त्वा वाघतश्च नारे अस्मन्नि रीरमन् ।
१ ३ २ १००२  आरात्ताद्वा सधमादं न आ गहीह वा सन्नुप श्रुधि  । । २८४
१ ३ २ १००३   सुनोत सोमपाव्ने सोममिन्द्राय वज्रिणे  ।
१ ३ २ १००३  पचता पक्तीरवसे कृणुध्वमित्पृणन्नित्पृणते मयः  । । २८५
१ ३ २ १००४   यः सत्राहा विचर्षणिरिन्द्रं तं हूमहे वयम्  ।
१ ३ २ १००४  सहस्रमन्यो तुविनृम्ण सत्पते भवा समत्सु नो वृधे  । । २८६
१ ३ २ १००५   शचीभिर्नः शचीवसू दिवानक्तं दिशस्यतम्  ।
१ ३ २ १००५  मा वां रातिरुप दसत्कदा च नास्मद्रातिः कदा च न  । । २८७
१ ३ २ १००६   यदा कदा च मीढुषे स्तोता जरेत मर्त्यः  ।
१ ३ २ १००६  आदिद्वन्देत वरुणं विपा गिरा धर्त्तारं विव्रतानाम्  । । २८८
१ ३ २ १००७   पाहि गा अन्धसो मद इन्द्राय मेध्यातिथे  ।
१ ३ २ १००७  यः सम्मिश्लो हर्योर्यो हिरण्यय इन्द्रो वज्री हिरण्ययः  । । २८९
१ ३ २ १००८   उभयं शृणवच्च न इन्द्रो अर्वागिदं वचः  ।
१ ३ २ १००८  सत्राच्या मघवान्त्सोमपीतये धिया शविष्ठ आ गमत् । । २९०
१ ३ २ १००९   महे च न त्वाद्रिवः परा शुल्काय दीयसे  ।
१ ३ २ १००९  न सहस्राय नायुताये वज्रिवो न शताय शतामघ  । । २९१
१ ३ २ १०१०   वस्यां इन्द्रासि मे पितुरुत भ्रातुरभुञ्जतः  ।
१ ३ २ १०१०  माता च मे छदयथः समा वसो वसुत्वनाय राधसे  । । २९२

चतुर्थ प्रपाठकः  ।  प्रथमोऽर्धः
१ ४ १ ०१०१   इम इन्द्राय सुन्विरे सोमासो दध्याशिरः  ।
१ ४ १ ०१०१  तां आ मदाय वज्रहस्त पीतये हरिभ्यां याह्योक आ  । । २९३
१ ४ १ ०१०२   इम इन्द्र मदाय ते सोमाश्चिकित्र उकिथनः  ।
१ ४ १ ०१०२  मधोः पपान उप नो गिरः शृणु रास्व स्तोत्राय गिर्वणः  । । २९४
१ ४ १ ०१०३   आ त्वा३ य सबर्दुघां हुवे गायत्रवेपसम्  ।
१ ४ १ ०१०३  इन्द्रं धेनुं सुदुघामन्यामिषमुरुधारामरङ्कृतम्  । । २९५
१ ४ १ ०१०४   न त्वा बृहन्तो अद्रयो वरन्त इन्द्र वीडवः  ।
१ ४ १ ०१०४  यच्छिक्षसि स्तुवते मावते वसु न किष्टदा मिनाति ते  । । २९६
१ ४ १ ०१०५   क ईं वेद सुते सचा पिबन्तं कद्वयो दधे  ।
१ ४ १ ०१०५  अयं यः पुरो विभिनत्योजसा मन्दानः शिप्र्यन्धसः  । । २९७
१ ४ १ ०१०६   यदिन्द्र शासो अव्रतं च्यावया सदसस्परि  ।
१ ४ १ ०१०६  अस्माकमंशुं मघवन्पुरुस्पृहं वसव्ये अधि बर्हय  । । २९८
१ ४ १ ०१०७   त्वष्टा नो दैव्यं वचः पर्जन्यो ब्रह्मणस्पतिः  ।
१ ४ १ ०१०७  पुत्रैर्भ्रातृभिरदितिर्नु पातु नो दुष्टरं त्रामणं वचः  । । २९९
१ ४ १ ०१०८   कदा च न स्तरीरसि नेन्द्र सश्चसि दाशुषे  ।
१ ४ १ ०१०८  उपोपेन्नु मघवन्भूय इन्नु ते दानं देवस्य पृच्यते  । । ३००
१ ४ १ ०१०९   युङ्क्ष्वा हि वृत्रहन्तम हरी इन्द्र परावतः  ।
१ ४ १ ०१०९  अर्वाचीनो मघवन्त्सोमपीतय उग्र ऋष्वेभिरा गहि  । । ३०१
१ ४ १ ०११०   त्वामिदा ह्यो नरोऽपीप्यन्वज्रिन्भूर्णयः  ।
१ ४ १ ०११०  स इन्द्र स्तोमवाहस इह श्रुध्युप स्वसरमा गहि  । । ३०२

१ ४ १ ०२०१   प्रत्यु अदर्श्यायत्यू३ छन्ती दुहिता दिवः  ।
१ ४ १ ०२०१  अपो मही वृणुते चक्षुषा तमो ज्योतिष्कृणोति सूनरि  । । ३०३
१ ४ १ ०२०२   इमा उ वां दिविष्टय उस्रा हवन्ते अश्विना  ।
१ ४ १ ०२०२  अयं वामह्वेऽवसे शचीवसू विशंविशं हि गच्छथः  । । ३०४
१ ४ १ ०२०३   कु ष्ठः को वामश्विना तपानो देवा मर्त्यः  ।
१ ४ १ ०२०३  घ्नता वामश्मया क्षपमाणोंशुनेत्थमु आदुन्यथा  । । ३०५
१ ४ १ ०२०४   अयं वां मधुमत्तमः सुतः सोमो दिविष्टिषु  ।
१ ४ १ ०२०४  तमश्विना पिबतं तिरो अह्न्यं धत्तं रत्नानि दाशुषे  । । ३०६
१ ४ १ ०२०५   आ त्वा सोमस्य गल्दया सदा याचन्नहं ज्या  ।
१ ४ १ ०२०५  भूर्णिं मृगं न सवनेषु चुक्रुधं क ईशानं न याचिषत् । । ३०७
१ ४ १ ०२०६   अध्वर्यो द्रावया त्वं सोममिन्द्रः पिपासति  ।
१ ४ १ ०२०६  उपो नूनं युयुजे वृष्णा हरी आ च जगाम वृत्रहा  । । ३०८
१ ४ १ ०२०७   अभी षतस्तदा भरेन्द्र ज्यायः कनीयसः  ।
१ ४ १ ०२०७  पुरूवसुर्हि मघवन्बभूविथ भरेभरे च हव्यः  । । ३०९
१ ४ १ ०२०८   यदिन्द्र यावतस्त्वमेतावदहमीशीय  ।
१ ४ १ ०२०८  स्तोतारमिद्दधिषे रदावसो न पापत्वाय रंसिषम्  । । ३१०
१ ४ १ ०२०९   त्वमिन्द्र प्रतूर्तिष्वभि विश्वा असि स्पृधः  ।
१ ४ १ ०२०९  अशस्तिहा जनिता वृत्रतूरसि त्वं तूर्य तरुष्यतः  । । ३११
१ ४ १ ०२१०   प्र यो रिरिक्ष ओजसा दिवः सदोभ्यस्परि  ।
१ ४ १ ०२१०  न त्वा विव्याच रज इन्द्र पार्थिवमति विश्वं ववक्षिथ  । । ३१२

१ ४ १ ०३०१   असावि देवं गोऋजीकमन्धो न्यस्मिन्निन्द्रो जनुषेमुवोच  ।
१ ४ १ ०३०१  बोधामसि त्वा हर्यश्व यज्ञैर्बोधा न स्तोममन्धसो मदेषु  । । ३१३
१ ४ १ ०३०२   योनिष्ट इन्द्र सदने अकारि तमा नृभिः पुरूहूत प्र याहि  ।
१ ४ १ ०३०२  असो यथा नोऽविता वृधश्चिद्ददो वसूनि ममदश्च सोमैः  । । ३१४
१ ४ १ ०३०३   अदर्दरुत्समसृजो वि खानि त्वमर्णवान्बद्बधानां अरम्णाः  ।
१ ४ १ ०३०३  महान्तमिन्द्र पर्वतं वि यद्वः सृजद्धारा अव यद्दानवान्हन् । । ३१५
१ ४ १ ०३०४   सुष्वाणास इन्द्र स्तुमसि त्वा सनिष्यन्तश्चित्तुविनृम्ण वाजम्  ।
१ ४ १ ०३०४  आ नो भर सुवितं यस्य कोना तना त्मना सह्यामा त्वोताः  । । ३१६
१ ४ १ ०३०५   जगृह्मा ते दक्षिणमिन्द्र हस्तं वसूयवो वसुपते वसूनाम्  ।
१ ४ १ ०३०५  विद्मा हि त्वा गोपतिं शूर गोनामस्मभ्यं चित्रं वृषणं रयिन्दाः  । । ३१७
१ ४ १ ०३०६   इन्द्रं नरो नेमधिता हवन्ति यत्पार्या युनजते धियस्ताः  ।
१ ४ १ ०३०६  शूरो नृषाता श्रवसश्च काम आ गोमति व्रजे भजा त्वं नः  । । ३१८
१ ४ १ ०३०७   वयः सुपर्णा उप सेदुरिन्द्रं प्रियमेधा ऋषयो नाधमानाः  ।
१ ४ १ ०३०७  अप ध्वान्तमूर्णुहि पूर्धि चक्षुर्मुमुग्ध्या३ मान्निधयेव बद्धान् । । ३१९
१ ४ १ ०३०८   नाके सुपर्णमुप यत्पतन्तं हृदा वेनन्तो अभ्यचक्षत त्वा  ।
१ ४ १ ०३०८  हिरण्यपक्षं वरुणस्य दूतं यमस्य योनौ शकुनं भुरण्युम्  । । ३२०
१ ४ १ ०३०९   ब्रह्म जज्ञानं प्रथमं पुरस्ताद्वि सीमतः सुरुचो वेन आवः  ।
१ ४ १ ०३०९  स बुध्न्या उपमा अस्य विष्ठाः सतश्च योनिमसतश्च विवः  । । ३२१
१ ४ १ ०३१०   अपूर्व्या पुरुतमान्यस्मै महे वीराय तवसे तुराय  ।
१ ४ १ ०३१०  विरप्शिने वज्रिणे शन्तमानि वचांस्यास्मै स्थविराय तक्षुः  । । ३२२

१ ४ १ ०४०१   अव द्रप्सो अंशुमतीमतिष्ठदीयानः कृष्णो दशभिः सहस्रैः  ।
१ ४ १ ०४०१  आवत्तमिन्द्रः शच्या धमन्तमप स्नीहितिं नृमणा अधद्राः  । । ३२३
१ ४ १ ०४०२   वृत्रस्य त्वा श्वसथादीषमाणा विश्वे देवा अजहुर्ये सखायः  ।
१ ४ १ ०४०२  मरुद्भिरिन्द्र सख्यं ते अस्त्वथेमा विश्वाः पृतना जयासि  । । ३२४
१ ४ १ ०४०३   विधुं दद्राणं समने बहूनां युवानं सन्तं पलितो जगार  ।
१ ४ १ ०४०३  देवस्य पश्य काव्यं महित्वाद्या ममार स ह्यः समान  । । ३२५
१ ४ १ ०४०४   त्वं ह त्यत्सप्तभ्यो जायमानोऽशत्रुभ्यो अभवः शत्रुरिन्द्र  ।
१ ४ १ ०४०४  गूढे द्यावापृथिवी अन्वविन्दो विभुमद्भ्यो भुवनेभ्यो रणं धाः  । । ३२६
१ ४ १ ०४०५   मेडिं न त्वा वज्रिणं भृष्टिमन्तं पुरुधस्मानं वृषभं स्थिरप्स्नुम्  ।
१ ४ १ ०४०५  करोष्यर्यस्तरुषीर्दुवस्युरिन्द्र द्युक्षं वृत्रहणं गृणीषे  । । ३२७
१ ४ १ ०४०६   प्र वो महे महेवृधे भरध्वं प्रचेतसे प्र सुमतिं कृणुध्वम्  ।
१ ४ १ ०४०६   विशः पूर्वीः प्र चर चर्षणिप्राः  । । ३२८
१ ४ १ ०४०७   शुनं हुवेम मघवानमिन्द्रमस्मिन्भरे नृतमं वाजसातौ  ।
१ ४ १ ०४०७  शृण्वन्तमुग्रमूतये समत्सु ध्नन्तं वृत्राणि सञ्जितं धनानि  । । ३२९
१ ४ १ ०४०८   उदु ब्रह्माण्यैरत श्रवस्येन्द्रं समर्ये महया वसिष्ठ  ।
१ ४ १ ०४०८  आ यो विश्वानि श्रवसा ततानोपश्रोता म ईवतो वचांसि  । । ३३०
१ ४ १ ०४०९   चक्रं यदस्याप्स्वा निषत्तमुतो तदस्मै मध्विच्चच्छद्यात् ।
१ ४ १ ०४०९  पृथिव्यामतिषितं यदूधः पयो गोष्वदधा ओषधीषु  । । ३३१

१ ४ १ ०५०१   त्यमू षु वाजिनं देवजूतं सहोवानं तरुतारं रथानाम्  ।
१ ४ १ ०५०१  अरिष्टनेमिं पृतनाजमाशुं स्वस्तये तार्क्ष्यमिहा हुवेम  । । ३३२
१ ४ १ ०५०२   त्रातारमिन्द्रमवितारमिन्द्रं हवेहवे सुहवं शूरमिन्द्रम्  ।
१ ४ १ ०५०२  हुवे नु शक्रं पुरुहूतमिन्द्रमिदं हविर्मघवा वेत्विन्द्रः  । । ३३३
१ ४ १ ०५०३   यजामह इन्द्रं वज्रदक्षिणं हरीणां रथ्य३ं विव्रतानाम्  ।
१ ४ १ ०५०३  प्र श्मश्रुभिर्दोधुवदूर्ध्वधा भुवद्वि सेनाभिर्भयमानो वि राधसा  । । ३३४
१ ४ १ ०५०४   सत्राहणं दाधृषिं तुम्रमिन्द्रं महामपारं वृशभं सुवज्रम्  ।
१ ४ १ ०५०४  हन्ता यो वृत्रं सनितोत वाजं दाता मघानि मघवा सुराधाः  । । ३३५
१ ४ १ ०५०५   यो नो वनुष्यन्नभिदाति मर्त उगणा वा मन्यमानस्तुरो वा  ।
१ ४ १ ०५०५  क्षिधी युधा शवसा वा तमिन्द्राभी ष्याम वृषमणस्त्वोताः  । । ३३६
१ ४ १ ०५०६   यं वृत्रेषु क्षितय स्पर्धमाना यं युक्तेषु तुरयन्तो हवन्ते  ।
१ ४ १ ०५०६  यं शूरसातौ यमपामुपज्मन्यं विप्रासो वाजयन्ते स इन्द्रः  । । ३३७
१ ४ १ ०५०७   इन्द्रापर्वता बृहता रथेन वामीरिष आ वहतं सुवीराः  ।
१ ४ १ ०५०७  वीतं हव्यान्यध्वरेषु देवा वर्धेथां गीर्भीरिडया मदन्ता  । । ३३८
१ ४ १ ०५०८   इन्द्राय गिरो अनिशितसर्गा अपः प्रैरयत्सगरस्य बुध्नात् ।
१ ४ १ ०५०८  यो अक्षेणेव चक्रियौ शचीभिर्विष्वक्तस्तम्भ पृथिवीमुत द्याम्  । । ३३९
१ ४ १ ०५०९   आ त्वा सखायः सख्या ववृत्युस्तिरः पुरू चिदर्णवां जगम्याः  ।
१ ४ १ ०५०९  पितुर्नपातमा दधित वेधा अस्मिन्क्षये प्रतरां दीद्यानः  । । ३४०
१ ४ १ ०५१०   को अद्य युङ्क्ते धुरि गा ऋतस्य शिमीवतो भामिनो दुर्हृणायून् ।
१ ४ १ ०५१०  आसन्नेषामप्सुवाहो मयोभून्य एषां भृत्यामृणधत्स जीवात् । । ३४१

चतुर्थ प्रपाठकः  ।  द्वितीयोऽर्धः
१ ४ २ ०६०१   गायन्ति त्वा गायत्रिणोऽर्चन्त्यर्कमर्किणः  ।
१ ४ २ ०६०१  ब्रह्माणस्त्वा शतक्रत उद्वंशमिव येमिरे  । । ३४२
१ ४ २ ०६०२   इन्द्रं विश्वा अवीवृधन्त्समुद्रव्यचसं गिरः  ।
१ ४ २ ०६०२  रथीतमं रथीनां वाजानां सत्पतिं पतिम्  । । ३४३
१ ४ २ ०६०३   इममिन्द्र सुतं पिब ज्येष्ठममर्त्यं मदम्  ।
१ ४ २ ०६०३  शुक्रस्य त्वाभ्यक्षरन्धारा ऋतस्य सादने  । । ३४४
१ ४ २ ०६०४   यदिन्द्र चित्र म इह नास्ति त्वादातमद्रिवः  ।
१ ४ २ ०६०४  राधस्तन्नो विदद्वस उभयाहस्त्या भर  । । ३४५
१ ४ २ ०६०५   श्रुदी हवं तिरश्च्या इन्द्र यस्त्वा सपर्यति  ।
१ ४ २ ०६०५  सुवीर्यस्य गोमतो रायस्पूर्धि महां असि  । । ३४६
१ ४ २ ०६०६   असावि सोम इन्द्र ते शविष्ठ धृष्णवा गहि  ।
१ ४ २ ०६०६  आ त्वा पृणक्त्विन्द्रियं रजः सूर्यो न रश्मिभिः  । । ३४७
१ ४ २ ०६०७   एन्द्र याहि हरिभिरुप कण्वस्य सुष्टुतिम्  ।
१ ४ २ ०६०७  दिवो अमुष्य शासतो दिवं यय दिवावसो  । । ३४८
१ ४ २ ०६०८   आ त्वा गिरो रथीरिवास्थुः सुतेषु गिर्वणः  ।
१ ४ २ ०६०८  अभि त्वा समनूषत गावो वत्सं न धेनवः  । । ३४९
१ ४ २ ०६०९   एतो न्विन्द्रं स्तवाम शुद्धं शुद्धेन साम्ना  ।
१ ४ २ ०६०९  शुद्धैरुक्थैर्वावृध्वांसं शुद्धैराशीर्वान्ममत्तु  । । ३५०
१ ४ २ ०६१०   यो रयिं वो रयिन्तमो यो द्युम्नैर्द्युम्नवत्तमः  ।
१ ४ २ ०६१०  सोमः सुतः स इन्द्र तेऽस्ति स्वधापते मदः  । । ३५१

१ ४ २ ०७०१   प्रत्यस्मै पिपीषते विश्वानि विदुषे भर  ।
१ ४ २ ०७०१  अरङ्गमाय जग्मयेऽपश्चादध्वने नरः  । । ३५२
१ ४ २ ०७०२   आ नो वयोवयःशयं महान्तं गह्वरेष्ठां महान्तं पूर्विनेष्ठाम्  ।
१ ४ २ ०७०२  उग्रं वचो अपावधीः  । । ३५३
१ ४ २ ०७०३   आ त्वा रथं यथोतये सुम्नाय वर्तयामसि  ।
१ ४ २ ०७०३  तुविकूर्मिमृतीषहमिन्द्रं शविष्ठ सत्पतिम्  । । ३५४
१ ४ २ ०७०४   स पूर्व्यो महोनां वेनः क्रतुभिरानजे  ।
१ ४ २ ०७०४  यस्य द्वारा मनुः पिता देवेषु धिय आनजे  । । ३५५
१ ४ २ ०७०५   यदी वहन्त्याशवो भ्राजमाना रथेष्वा  ।
१ ४ २ ०७०५  पिबन्तो मदिरं मधु तत्र श्रवांसि कृण्वते  । । ३५६
१ ४ २ ०७०६   त्यमु वो अप्रहणं गृणीषे शवसस्पतिम्  ।
१ ४ २ ०७०६  इन्द्रं विश्वासाहं नरं शचिष्ठं विश्ववेदसम्  । । ३५७
१ ४ २ ०७०७   दधिक्राव्णो अकारिषं जिष्णोरश्वस्य वाजिनः  ।
१ ४ २ ०७०७  सुरभि नो मुखा करत्प्र न आयूंषि तारिषत् । । ३५८
१ ४ २ ०७०८   पुरां भिन्दुर्युवा कविरमितौजा अजायत  ।
१ ४ २ ०७०८  इन्द्रो विश्वस्य कर्मणो धर्त्ता वज्री पुरुष्टुतः  । । ३५९

१ ४ २ ०८०१   प्रप्र वस्त्रिष्टुभमिषं वन्दद्वीरायेन्दवे  ।
१ ४ २ ०८०१  धिया वो मेधसातये पुरन्ध्या विवासति  । । ३६०
१ ४ २ ०८०२   कश्यपस्य स्वर्विदो यावाहुः सयुजाविति  ।
१ ४ २ ०८०२  ययोर्विश्वमपि व्रतं यज्ञं धीरा निचाय्य  । । ३६१
१ ४ २ ०८०३   अर्चत प्रार्चता नरः प्रियमेधासो अर्चत  ।
१ ४ २ ०८०३  अर्चन्तु पुत्रका उत पुरमिद्धृष्ण्वर्चत  । । ३६२
१ ४ २ ०८०४   उक्थमिन्द्राय शंस्यं वर्धनं पुरुनिःषिधे  ।
१ ४ २ ०८०४  शक्रो यथा सुतेषु नो रारणत्सख्येषु च  । । ३६३
१ ४ २ ०८०५   विश्वानरस्य वस्पतिमनानतस्य शवसः  ।
१ ४ २ ०८०५  एवैश्च चर्षणीनामूती हुवे रथानाम्  । । ३६४
१ ४ २ ०८०६   स घा यस्ते दिवो नरो धिया मर्तस्य शमतः  ।
१ ४ २ ०८०६  ऊती स बृहतो दिवो द्विषो अंहो न तरति  । । ३६५
१ ४ २ ०८०७   विभोष्ट इन्द्र राधसो विभ्वी रातिः शतक्रतो  ।
१ ४ २ ०८०७  अथा नो विश्वचर्षणे द्युम्नं सुदत्र मंहय  । । ३६६
१ ४ २ ०८०८   वयश्चित्ते पतत्रिणो द्विपाच्चतुष्पादर्जुनि  ।
१ ४ २ ०८०८  उषः प्रारन्नृतूंरनु दिवो अन्तेभ्यस्परि  । । ३६७
१ ४ २ ०८०९   अमी ये देवा स्थन मध्य आ रोचने दिवः  ।
१ ४ २ ०८०९  कद्व ऋतं कदमृतं का प्रत्ना व आहुतिः  । । ३६८
१ ४ २ ०८१०   ऋचं साम यजामहे याभ्यां कर्माणि कृण्वते  ।
१ ४ २ ०८१०  वि ते सदसि राजतो यज्ञं देवेषु वक्षतः  । । ३६९

१ ४ २ ०९०१   विश्वाः पृतना अभिभूतरं नरः सजूस्ततक्षुरिन्द्रं जजनुश्च राजसे  ।
१ ४ २ ०९०१  क्रत्वे वरे स्थेमन्यामुरीमुतोग्रमोजिष्ठं तरसं तरस्विनम्  । । ३७०
१ ४ २ ०९०२   श्रत्ते दधामि प्रथमाय मन्यवेऽहन्यद्दस्युं नर्यं विवेरपः  ।
१ ४ २ ०९०२  उभे यत्वा रोदसी धावतामनु भ्यसात्ते शुष्मात्पृथिवी चिदद्रिवः  । । ३७१
१ ४ २ ०९०३   समेत विश्वा ओजसा पतिं दिवो य एक इद्भूरतिथिर्जनानाम्
१ ४ २ ०९०३  स पूर्व्यो नूतनमाजिगीषं तं वर्त्तनीरनु वावृत एक इत् । । ३७२
१ ४ २ ०९०४   इमे त इन्द्र ते वयं पुरुष्टुत ये त्वारभ्य चरामसि प्रभूवसो  ।
१ ४ २ ०९०४  न हि त्वदन्यो गिर्वणो गिरः सघत्क्षोणीरिव प्रति तद्धर्य नो वचः  । । ३७३
१ ४ २ ०९०५   चर्षणीधृतं मघवानमुक्थ्या३ इन्द्रं गिरो बृहतीरभ्यनूषत  ।
१ ४ २ ०९०५  वावृधानं पुरुहूतं सुवृक्तिभिरमर्त्यं जरमाणं दिवेदिवे  । । ३७४
१ ४ २ ०९०६   अच्छा व इन्द्रं मतयः स्वर्युवः सध्रीचीर्विश्वा उशतीरनूषत  ।
१ ४ २ ०९०६  परि ष्वजन्त जनयो यथा पतिं मर्यं न शुन्ध्युं मघवानमूतये  । । ३७५
१ ४ २ ०९०७   अभि त्यं मेषं पुरुहूतमृग्मियमिन्द्रं गीर्भिर्मदता वस्वो अर्णवम्  ।
१ ४ २ ०९०७  यस्य द्यावो न विचरन्ति मानुषं भुजे मंहिष्ठमभि विप्रमर्चत  । । ३७६
१ ४ २ ०९०८   त्यं सु मेषं महया स्वर्विदं शतं यस्य सुभुवः साकमीरते  ।
१ ४ २ ०९०८  अत्यं न वाजं हवनस्यदं रथमेन्द्रं ववृत्यामवसे सुवृक्तिभिः  । । ३७७
१ ४ २ ०९०९   घृतवती भुवनानामभिश्रियोर्वी पृथ्वी मधुदुघे सुपेशसा  ।
१ ४ २ ०९०९  द्यावापृथिवी वरुणस्य धर्मणा विष्कभिते अजरे भूरिरेतसा  । । ३७८
१ ४ २ ०९१०   उभे यदिन्द्र रोदसी आपप्राथोषा इव  ।
१ ४ २ ०९१०  महान्तं त्वा महीनां सम्राजं चर्षणीनाम्  ।
१ ४ २ ०९१०   देवी जनित्र्यजीजनद्भद्रा जनित्र्यजीजनत् । । ३७९
१ ४ २ ०९११   प्र मन्दिने पितुमदर्चता वचो यः कृष्णगर्भा निरहन्नृजिश्वना  ।
१ ४ २ ०९११  अवस्यवो वृषणं वज्रदक्षिणं मरुत्वन्तं सख्याय हुवेमहि  । । ३८०

१ ४ २ १००१   इन्द्र सुतेषु सोमेषु क्रतुं पुनीष उक्थ्यम्  ।
१ ४ २ १००१  विदे वृधस्य दक्षस्य महां हि षः  । । ३८१
१ ४ २ १००२   तमु अभि प्र गायत पुरुहूतं पुरुष्टुतम्  ।
१ ४ २ १००२  इन्द्रं गीर्भिस्तविषमा विवासत  । । ३८२
१ ४ २ १००३   तं ते मदं गृणीमसि वृषणं पृक्षु सासहिम्  ।
१ ४ २ १००३  उ लोककृत्नुमद्रिवो हरिश्रियम्  । । ३८३
१ ४ २ १००४   यत्सोममिन्द्र विष्णवि यद्वा घ त्रित आप्त्ये  ।
१ ४ २ १००४  यद्वा मरुत्सु मन्दसे समिन्दुभिः  । । ३८४
१ ४ २ १००५   एदु मधोर्मदिन्तरं सिञ्चाध्वर्यो अन्धसः  ।
१ ४ २ १००५  एवा हि वीरस्तवते सदावृधः  । । ३८५
१ ४ २ १००६   एन्दुमिन्द्राय सिञ्चत पिबाति सोम्यं मधु  ।
१ ४ २ १००६  प्र राधांसि चोदयते महित्वना  । । ३८६
१ ४ २ १००७   एतो न्विन्द्रं स्तवाम सखायः स्तोम्यं नरम्  ।
१ ४ २ १००७  कृष्टीर्यो विश्वा अभ्यस्त्येक इत्  । । ३८७
१ ४ २ १००८   इन्द्राय साम गायत विप्राय बृहते बृहत् ।
१ ४ २ १००८  ब्रह्मकृते विपश्चिते पनस्यवे  । । ३८८
१ ४ २ १००९   य एक इद्विदयते वसु मर्ताय दाशुषे  ।
१ ४ २ १००९  ईशानो अप्रतिष्कुत इन्द्रो अङ्ग  । । ३८९
१ ४ २ १०१०   सखाय आ शिषामहे ब्रह्मेन्द्राय वज्रिणे  ।
१ ४ २ १०१०  स्तुष ऊ षु वो नृतमाय धृष्णवे  । । ३९०

पञ्चम प्रपाठकः  ।  प्रथमोऽर्धः
१ ५ १ ०१०१   गृणे तदिन्द्र ते शव उपमां देवतातये  ।
१ ५ १ ०१०१  यद्धंसि वृत्रमोजसा शचीपते  । । ३९१
१ ५ १ ०१०२   यस्य त्यच्छम्बरं मदे दिवोदासाय रन्धयन् ।
१ ५ १ ०१०२  अयं स सोम इन्द्र ते सुतः पिब  । । ३९२
१ ५ १ ०१०३   एन्द्र नो गधि प्रिय सत्राजिदगोह्य  ।
१ ५ १ ०१०३  गिरिर्न विश्वतः पृथुः पतिर्दिवः  । । ३९३
१ ५ १ ०१०४   य इन्द्र सोमपातमो मदः शविष्ठ चेतति  ।
१ ५ १ ०१०४  येना हंसि न्या३ रिणं तमीमहे  । । ३९४
१ ५ १ ०१०५   तुचे तुनाय तत्सु नो द्राधीय आयुर्जीवसे  ।
१ ५ १ ०१०५  आदित्यासः समहसः कृणोतन  । । ३९५
१ ५ १ ०१०६   वेत्था हि निरृतीनां वज्रहस्त परिवृजम्  ।
१ ५ १ ०१०६  अहरहः शुन्ध्युः परिपदामिव  । । ३९६
१ ५ १ ०१०७   अपामीवामप स्त्रिधमप सेधत दुर्मतिम्  ।
१ ५ १ ०१०७  आदित्यासो युयोतना नो अंहसः  । । ३९७
१ ५ १ ०१०८   पिबा सोममिन्द्र मन्दतु त्वा यं ते सुषाव हर्यश्वाद्रिः  ।
१ ५ १ ०१०८  सोतुर्बाहुभ्यां सुयतो नार्वा  । । ३९८

१ ५ १ ०२०१   अभ्रातृव्यो अना त्वमनापिरिन्द्र जनुषा सनादसि  ।
१ ५ १ ०२०१  युधेदापित्वमिच्छसे  । । ३९९
१ ५ १ ०२०२   यो न इदमिदं पुरा प्र वस्य आनिनाय तमु व स्तुषे  ।
१ ५ १ ०२०२  सखाय इन्द्रमूतये  । । ४००
१ ५ १ ०२०३   आ गन्ता मा रिषण्यत प्रस्थावानो माप स्थात समन्यवः  ।
१ ५ १ ०२०३  दृढा चिद्यमयिष्णवः  । । ४०१
१ ५ १ ०२०४   आ याह्ययमिन्दवेऽश्वपते गोपत उर्वरापते  ।
१ ५ १ ०२०४  सोमं सोमपते पिब  । । ४०२
१ ५ १ ०२०५   त्वया ह स्विद्युजा वयं प्रति श्वसन्तं वृषभ ब्रुवीमहि  ।
१ ५ १ ०२०५  संस्थे जनस्य गोमतः  । । ४०३
१ ५ १ ०२०६   गावश्चिद्धा समन्यवः सजात्येन मरुतः सबन्धवः  ।
१ ५ १ ०२०६  रिहते ककुभो मिथः  । । ४०४
१ ५ १ ०२०७   त्वं न इन्द्रा भर ओजो नृम्णं शतक्रतो विचर्षणे  ।
१ ५ १ ०२०७  आ वीरं पृतनासहम्  । । ४०५
१ ५ १ ०२०८   अधा हीन्द्र गिर्वण उप त्वा काम ईमहे ससृग्महे  ।
१ ५ १ ०२०८  उदेव ग्मन्त उदभिः  । । ४०६
१ ५ १ ०२०९   सीदन्तस्ते वयो यथा गोश्रीते मधौ मदिरे विवक्षणे  ।
१ ५ १ ०२०९  अभि त्वामिन्द्र नोनुमः  । । ४०७
१ ५ १ ०२१०   वयमु त्वामपूर्व्य स्थूरं न कच्चिद्भरन्तोऽवस्यवः  ।
१ ५ १ ०२१०  वज्रिञ्चित्रं हवामहे  । । ४०८

१ ५ १ ०३०१   स्वादोरित्था विषूवतो मधोः पिबन्ति गौर्यः  ।
१ ५ १ ०३०१  या इन्द्रेण सयावरीर्वृष्णा मदन्ति शोभथा वस्वीरनु स्वराज्यम्  । । ४०९
१ ५ १ ०३०२   इत्था हि सोम इन्मदो ब्रह्म चकार वर्धनम्  ।
१ ५ १ ०३०२  शविष्ठ वज्रिन्नोजसा पृथिव्या निः शशा अहिमर्चन्ननु स्वराज्यम्  । । ४१०
१ ५ १ ०३०३   इन्द्रो मदाय वावृधे शवसे वृत्रहा नृभिः  ।
१ ५ १ ०३०३  तमिन्महत्स्वाजिषूतिमर्भे हवामहे स वाजेषु प्र नोऽविषत् । । ४११
१ ५ १ ०३०४   इन्द्र तुभ्यमिदद्रिवोऽनुत्तं वज्रिन्वीर्यम्  ।
१ ५ १ ०३०४  यद्ध त्यं मायिनं मृगं तव त्यन्माययावधीरर्चन्ननु स्वराज्यम्  । । ४१२
१ ५ १ ०३०५   प्रेह्यभीहि धृष्णुहि न ते वज्रो नि यंसते  ।
१ ५ १ ०३०५  इन्द्र नृम्णं हि ते शवो हनो वृत्रं जया अपोऽर्चन्ननु स्वराज्यम्  । । ४१३
१ ५ १ ०३०६   यदुदीरत आजयो धृष्णवे धीयते धनम्  ।
१ ५ १ ०३०६  युङ्क्ष्वा मदच्युता हरी कं हनः कं वसौ दधोऽस्मां इन्द्र वसौ दधः  । । ४१४
१ ५ १ ०३०७   अक्षन्नमीमदन्त ह्यव प्रिया अधूषत  ।
१ ५ १ ०३०७  अस्तोषत स्वभानवो विप्रा नविष्ठया मती योजा न्विन्द्र ते हरी  । । ४१५
१ ५ १ ०३०८   उपो षु शृणुही गिरो मघवन्मातथा इव  ।
१ ५ १ ०३०८  कदा नः सूनृतावतः कर इदर्थयास इद्योजा न्विन्द्र ते हरी  । । ४१६
१ ५ १ ०३०९   चन्द्रमा अप्स्वा३ तरा सुपर्णो धावते दिवि  ।
१ ५ १ ०३०९  न वो हिरण्यनेमयः पदं विन्दन्ति विद्युतो वित्तं मे अस्य रोदसी  । । ४१७
१ ५ १ ०३१०   प्रति प्रियतमं रथं वृषणं वसुवाहनम्  ।
१ ५ १ ०३१०  स्तोता वामश्विनावृशि स्तोमेभिर्भूषति प्रति माध्वी मम श्रुतं हवम्  । । ४१८

१ ५ १ ०४०१   आ ते अग्न इधीमहि द्युमन्तं देवाजरम्  ।
१ ५ १ ०४०१  युद्ध स्या ते पनीयसी समिद्दीदयति द्यवीषं स्तोतृभ्य आ भर  । । ४१९
१ ५ १ ०४०२   आग्निं न स्ववृक्तिभिर्होतारं त्वा वृणीमहे  ।
१ ५ १ ०४०२  शीरं पावकशोचिषं वि वो मदे यज्ञेषु स्तीर्णबर्हिषं विवक्षसे  । । ४२०
१ ५ १ ०४०३   महे नो अद्य बोधयोषो राये दिवित्मती  ।
१ ५ १ ०४०३  यथा चिन्नो अबोधयः सत्यश्रवसि वाय्ये सुजाते अश्वसूनृते  । । ४२१
१ ५ १ ०४०४   भद्रं नो अपि वातय मनो दक्षमुत क्रतुम्  ।
१ ५ १ ०४०४  अथा ते सख्ये अन्धसो वि वो मदे रणा गावो न यवसे विवक्षसे  । । ४२२
१ ५ १ ०४०५   क्रत्वा महां अनुष्वधं भीम आ वावृते शवः  ।
१ ५ १ ०४०५  श्रिय ऋष्व उपाकयोर्नि शिप्री हरिवां दधे हस्तयोर्वज्रमायसम्  । । ४२३
१ ५ १ ०४०६   स घा तं वृषणं रथमधि तिष्ठाति गोविदम्  ।
१ ५ १ ०४०६  यः पात्रं हारियोजनं पूर्णमिन्द्रा चिकेतति योजा न्विन्द्र ते हरी  । । ४२४
१ ५ १ ०४०७   अग्निं तं मन्ये यो वसुरस्तं यं यन्ति धेनवः  ।
१ ५ १ ०४०७  अस्तमर्वन्त आशवोऽस्तं नित्यासो वाजिन इषं स्तोतृभ्य आ भर  । । ४२५
१ ५ १ ०४०८   न तमंहो न दुरितं देवासो अष्ट मर्त्यम्  ।
१ ५ १ ०४०८  सजोषसो यमर्यमा मित्रो नयति वरुणो अति द्विषः  । । ४२६

१ ५ १ ०५०१   परि प्र धन्वेन्द्राय सोम स्वादुर्मित्राय पूष्णे भगाय  । । ४२७
१ ५ १ ०५०२   पर्यू षु प्र धन्व वाजसातये परि वृत्राणि सक्षणिः  ।
१ ५ १ ०५०२  द्विषस्तरध्या ऋणया न ईरसे  । । ४२८
१ ५ १ ०५०३   पवस्व सोम महान्त्समुद्रः पिता देवानां विश्वाभि धाम  । । ४२९
१ ५ १ ०५०४   पवस्व सोम महे दक्षायाश्वो न निक्तो वाजी धनाय  । । ४३०
१ ५ १ ०५०५   इन्दुः पविष्ट चारुर्मदायापामुपस्थे कविर्भगाय  । । ४३१
१ ५ १ ०५०६   अनु हि त्वा सुतं सोम मदामसि महे समर्यराज्ये  ।
१ ५ १ ०५०६  वाजां अभि पवमान प्र गाहसे  । । ४३२
१ ५ १ ०५०७   क ईं व्यक्ता नरः सनीडा रुद्रस्य मर्या अथ स्वश्वाः  । । ४३३
१ ५ १ ०५०८   अग्ने तमद्याश्वं न स्तोमैः क्रतुं न भद्रं हृदिस्पृशम्  ।
१ ५ १ ०५०८  ऋध्यामा त ओहैः  । । ४३४
१ ५ १ ०५०९   आविर्मर्या आ वाजं वाजिनो अग्मं देवस्य सवितुः सवम्  ।
१ ५ १ ०५०९  स्वर्गां अर्वन्तो जयत  । । ४३५
१ ५ १ ०५१०   पवस्व सोम द्युम्नी सुधारो महां अवीनामनुपूर्व्यः  । । ४३६

पञ्चम प्रपाठकः  ।  द्वितीयोऽर्धः
१ ५ २ ०६०१   विश्वतोदावन्विश्वतो न आ भर यं त्वा शविष्ठमीमहे  । । ४३७
१ ५ २ ०६०२   एष ब्रह्मा य ऋत्विय इन्द्रो नाम श्रुतो गृणे  । । ४३८
१ ५ २ ०६०३   ब्रह्माण इन्द्रं महयन्तो अर्कैरवर्धयन्नहये हन्तवा उ  । । ४३९
१ ५ २ ०६०४   अनवस्ते रथमश्वाय तक्षुस्त्वष्टा वज्रं पुरुहूत द्युमन्तम्  । । ४४०
१ ५ २ ०६०५   शं पदं मघं रयीषिणो न काममव्रतो हिनोति न स्पृशद्रयिम्  । । ४४१
१ ५ २ ०६०६   सदा गावः शुचयो विश्वधायसः सदा देवा अरेपसः  । । ४४२
१ ५ २ ०६०७   आ याहि वनसा सह गावः सचन्त वर्त्तनिं यदूधभिः  । । ४४३
१ ५ २ ०६०८   उप प्रक्षे मधुमति क्षियन्तः पुष्येम रयिं धीमहे त इन्द्र  । । ४४४
१ ५ २ ०६०९   अर्चन्त्यर्कं मरुतः स्वर्क्का आ स्तोभति श्रुतो युवा स इन्द्रः  । । ४४५
१ ५ २ ०६१०   प्र व इन्द्राय वृत्रहन्तमाय विप्राय गाथं गायत यं जुजोषते  । । ४४६

१ ५ २ ०७०१   अचेत्यग्निश्चिकितिर्हव्यवाड्न सुमद्रथः  । । ४४७
१ ५ २ ०७०२   अग्ने त्वं नो अन्तम उत त्राता शिवो भुवो वरूथ्यः  । । ४४८
१ ५ २ ०७०३   भगो न चित्रो अग्निर्महोनां दधाति रत्नम्  । । ४४९
१ ५ २ ०७०४   विश्वस्य प्र स्तोभ पुरो वा सन्यदि वेह नूनम्  । । ४५०
१ ५ २ ०७०५   उषा अप स्वसुष्टमः सं वर्त्तयति वर्त्तनिं सुजातता  । । ४५१
१ ५ २ ०७०६   इमा नु कं भुवना सीषधेमेन्द्रश्च विश्वे च देवाः  । । ४५२
१ ५ २ ०७०७   वि स्रुतयो यथा पथ इन्द्र त्वद्यन्तु रातयः  । । ४५३
१ ५ २ ०७०८   अया वाजं देवहितं सनेम मदेम शतहिमाः सुवीराः  । । ४५४
१ ५ २ ०७०९   ऊर्जा मित्रो वरुणः पिन्वतेडाः पीवरीमिषं कृणुही न इन्द्र  । । ४५५
१ ५ २ ०७१०   इन्द्रो विश्वस्य राजति  । । ४५६

१ ५ २ ०८०१   त्रिकद्रुकेषु महिषो यवाशिरं तुविशुष्मस्तृम्पत्सोममपिबद्विष्णुना सुतं यथावशम्  ।
१ ५ २ ०८०१  स ईं ममाद महि कर्म कर्त्तवे महामुरुं सैनं सश्चद्देवो देवं सत्य इन्दुः सत्यमिन्द्रम्  । । ४५७
१ ५ २ ०८०२   अयं सहस्रमानवो दृशः कवीनां मतिर्ज्योतिर्विधर्म  ।
१ ५ २ ०८०२  ब्रध्नः समीचीरुषसः समैरयदरेपसः सोचेतसः स्वसरे मन्युमन्तश्चिता गोः  । । ४५८
१ ५ २ ०८०३   एन्द्र याह्युप नः परावतो नायमच्छा विदथानीव सत्पतिरस्ता राजेव सत्पतिः  ।
१ ५ २ ०८०३  हवामहे त्वा प्रयस्वन्तः सुतेष्वा पुत्रासो न पितरं वाजसातये मंहिष्ठं वाजसातये  । । ४५९
१ ५ २ ०८०४   तमिन्द्रं जोहवीमि मघवानमुग्रं सत्रा दधानमप्रतिष्कुतं श्रवांसि भूरिः  ।
१ ५ २ ०८०४  मंहिष्ठो गीर्भिरा च यज्ञियो ववर्त्त राये नो विश्वा सुपथा कृणोतु वज्री  । । ४६०
१ ५ २ ०८०५   अस्तु श्रौष्ट्पुरो अग्निं धिया दध आ नु त्यच्छर्धो दिव्यं वृणीमह इन्द्रवायू वृणीमहे  ।
१ ५ २ ०८०५  यद्ध क्राणा विवस्वते नाभा सन्दाय नव्यसे  ।
१ ५ २ ०८०५   अध प्र नूनमुप यन्ति धीतयो देवांच्छा न धीतयः  । । ४६१
१ ५ २ ०८०६   प्र वो महे मतयो यन्तु विष्णवे मरुत्वते गिरिजा एवयामरुत् ।
१ ५ २ ०८०६  प्र शर्धाय प्र यज्यवे सुखादये तवसे भन्ददिष्टये धुनिव्रताय शवसे  । । ४६२
१ ५ २ ०८०७   अया रुचा हरिण्या पुनानो विश्वा द्वेषांसि तरति सयुग्वभिः सूरो न सयुग्वभिः  ।
१ ५ २ ०८०७  धारा पृष्ठस्य रोचते पुनानो अरुषो हरिः  ।
१ ५ २ ०८०७   विश्वा यद्रूपा परियास्यृक्वभिः सप्तास्येभिरृक्वभिः  । । ४६३
१ ५ २ ०८०८   अभि त्यं देवं सवितारमोण्योः कविक्रतुमर्चामि सत्यसवं रत्नधामभि प्रियं मतिम्
१ ५ २ ०८०८  ऊर्ध्वा यस्यामतिर्भा अदिद्युतत्सवीमनि हिरण्यपाणिरमिमीत सुक्रतुः कृपा स्वः  । । ४६४
१ ५ २ ०८०९   अग्निं होतारं मन्ये दास्वन्तं वसोः सूनुं सहसो जातवेदसं विप्रं न जातवेदसम्  ।
१ ५ २ ०८०९  य ऊर्ध्वया स्वध्वरो देवो देवाच्या कृपा  ।
१ ५ २ ०८०९  घृतस्य विभ्राष्टिमनु शुक्रशोचिष आजुह्वानस्य सर्पिषः  । । ४६५
१ ५ २ ०८१०   तव त्यन्नर्यं नृतोऽप इन्द्र प्रथमं पूर्व्यं दिवि प्रवाच्यं कृतम्  ।
१ ५ २ ०८१०  यो देवस्य शवसा प्रारिणा असु रिणन्नपः  ।
१ ५ २ ०८१०   भुवो विश्वमभ्यदेवमोजसा विदेदूर्जं शतक्रतुर्विदेदिषम्  । । ४६६

। । इत्यैन्द्रं पर्व काण्डम्  । ।


पावमान काण्डम्
१ ५ २ ०९०१   उच्चा ते जातमन्धसो दिवि सद्भूम्या ददे  ।
१ ५ २ ०९०१  उग्रं शर्म महि श्रवः  । । ४६७
१ ५ २ ०९०२   स्वादिष्ठया मदिष्ठया पवस्व सोम धारया  ।
१ ५ २ ०९०२  इन्द्राय पातवे सुतः  । । ४६८
१ ५ २ ०९०३   वृषा पवस्व धारया मरुत्वते च मत्सरः  ।
१ ५ २ ०९०३  विश्वा दधान ओजसा  । । ४६९
१ ५ २ ०९०४   यस्ते मदो वरेण्यस्तेना पवस्वान्धसा  ।
१ ५ २ ०९०४  देवावीरघशंसहा  । । ४७०
१ ५ २ ०९०५   तिस्रो वाच उदीरते गावो मिमन्ति धेनवः  ।
१ ५ २ ०९०५  हरिरेति कनिक्रदत् । । ४७१
१ ५ २ ०९०६   इन्द्रायेन्दो मरुत्वते पवस्व मधुमत्तमः  ।
१ ५ २ ०९०६  अर्कस्य योनिमासदम्  । । ४७२
१ ५ २ ०९०७   असाव्यंशुर्मदायाप्सु दक्षो गिरिष्ठाः  ।
१ ५ २ ०९०७  श्येनो न योनिमासदत् । । ४७३
१ ५ २ ०९०८   पवस्व दक्षसाधनो देवेभ्यः पीतये हरे  ।
१ ५ २ ०९०८  मरुद्भ्यो वायवे मदः  । । ४७४
१ ५ २ ०९०९   परि स्वानो गिरिष्ठाः पवित्रे सोमो अक्षरत् ।
१ ५ २ ०९०९  मदेषु सर्वधा असि  । । ४७५
१ ५ २ ०९१०   परि प्रिया दिवः कविर्वयांसि नप्त्योर्हितः  ।
१ ५ २ ०९१०  स्वानैर्याति कविक्रतुः  । । ४७६

१ ५ २ १००१   प्र सोमासो मदच्युतः श्रवसे नो मघोनः  ।
१ ५ २ १००१  सुता विदथे अक्रमुः  । । ४७७
१ ५ २ १००२   प्र सोमासो विपश्चितोऽपो नयन्त ऊर्मयः  ।
१ ५ २ १००२  वनानि महिषा इव  । । ४७८
१ ५ २ १००३   पवस्वेन्दो वृषा सुतः कृधी नो यशसो जने  ।
१ ५ २ १००३  विश्वा अप द्विषो जहि  । । ४७९
१ ५ २ १००४   वृषा ह्यसि भानुना द्युमन्तं त्वा हवामहे  ।
१ ५ २ १००४  पवमान स्वर्दृशम्  । । ४८०
१ ५ २ १००५   इन्दुः पविष्ट चेतनः प्रियः कवीनां मतिः  ।
१ ५ २ १००५  सृजदश्वं रथीरिव  । । ४८१
१ ५ २ १००६   असृक्षत प्र वाजिनो गव्या सोमासो अश्वया  ।
१ ५ २ १००६  शुक्रासो वीरयाशवः  । । ४८२
१ ५ २ १००७   पवस्व देव आयुषगिन्द्रं गच्छतु ते मदः  ।
१ ५ २ १००७  वायुमा रोह धर्मणा  । । ४८३
१ ५ २ १००८   पवमानो अजीजनद्दिवश्चित्रं न तन्यतुम्  ।
१ ५ २ १००८  ज्योतिर्वैश्वानरं बृहत् । । ४८४
१ ५ २ १००९   परि स्वानास इन्दवो मदाय बर्हणा गिरा  ।
१ ५ २ १००९  मधो अर्षन्ति धारया  । । ४८५
१ ५ २ १०१०   परि प्रासिष्यदत्कविः सिन्धोरूर्मावधि श्रितः  ।
१ ५ २ १०१०  कारुं बिभ्रत्पुरुस्पृहम्  । । ४८६

षष्ठ प्रपाठकः  ।  प्रथमोऽर्धः
१ ६ १ ०१०१   उपो षु जातमप्तुरं गोभिर्भङ्गं परिष्कृतम्  ।
१ ६ १ ०१०१  इन्दुं देवा अयासिषुः  । । ४८७
१ ६ १ ०१०२   पुनानो अक्रमीदभि विश्वा मृधो विचर्षणिः  ।
१ ६ १ ०१०२  शुम्भन्ति विप्रं धीतिभिः  । । ४८८
१ ६ १ ०१०३   आविशन्कलशं सुतो विश्वा अर्षन्नभि श्रियः  ।
१ ६ १ ०१०३  इन्दुरिन्द्राय धीयते  । । ४८९
१ ६ १ ०१०४   असर्जि रथ्यो यथा पवित्रे चम्वोः सुतः  ।
१ ६ १ ०१०४  कार्ष्मन्वाजी न्यक्रमीत् । । ४९०
१ ६ १ ०१०५   प्र यद्गावो न भूर्णयस्त्वेषा अयासो अक्रमुः  ।
१ ६ १ ०१०५  घ्नन्तः कृष्णामप त्वचम्  । । ४९१
१ ६ १ ०१०६   अपघ्नन्पवसे मृधः क्रतुवित्सोम मत्सरः  ।
१ ६ १ ०१०६  नुदस्वादेवयुं जनम्  । । ४९२
१ ६ १ ०१०७   अया पवस्व धारया यया सूर्यमरोचयः  ।
१ ६ १ ०१०७  हिन्वानो मानुषीरपः  । । ४९३
१ ६ १ ०१०८   स पवस्व य आविथेन्द्रं वृत्राय हन्तवे  ।
१ ६ १ ०१०८  वव्रिवांसं महीरपः  । । ४९४
१ ६ १ ०१०९   अया वीती परि स्रव यस्त इन्दो मदेष्वा  ।
१ ६ १ ०१०९  अवाहन्नवतीर्नव  । । ४९५
१ ६ १ ०११०   परि द्युक्षं सनद्रायिं भरद्वाजं नो अन्धसा  ।
१ ६ १ ०११०  स्वानो अर्ष पवित्र आ  । । ४९६

१ ६ १ ०२०१   अचिक्रदद्वृषा हरिर्महान्मित्रो न दर्शतः  ।
१ ६ १ ०२०१  सं सूर्येण दिद्युते  । । ४९७
१ ६ १ ०२०२   आ ते दक्षं मयोभुवं वह्निमद्या वृणीमहे  ।
१ ६ १ ०२०२  पान्तमा पुरुस्पृहम्  । । ४९८
१ ६ १ ०२०३   अध्वर्यो अद्रिभिः सुतं सोमं पवित्र आ नय  ।
१ ६ १ ०२०३  पुनीहीन्द्राय पातवे  । । ४९९
१ ६ १ ०२०४   तरत्स मन्दी धावति धारा सुतस्यान्धसः  ।
१ ६ १ ०२०४  तरत्स मन्दी धावति  । । ५००
१ ६ १ ०२०५   आ पवस्व सहस्रिणं रयिं सोम सुवीर्यम्  ।
१ ६ १ ०२०५  अस्मे श्रवांसि धारय  । । ५०१
१ ६ १ ०२०६   अनु प्रत्नास आयवः पदं नवीयो अक्रमुः  ।
१ ६ १ ०२०६  रुचे जनन्त सूर्यम्  । । ५०२
१ ६ १ ०२०७   अर्षा सोम द्युमत्तमोऽभि द्रोणानि रोरुवत् ।
१ ६ १ ०२०७  सीदन्योनौ योनेष्वा  । । ५०३
१ ६ १ ०२०८   वृषा सोम द्युमां असि वृषा देव वृषव्रतः  ।
१ ६ १ ०२०८  वृषा धर्माणि दध्रिषे  । । ५०४
१ ६ १ ०२०९   इषे पवस्व धारया मृज्यमानो मनीषिभिः  ।
१ ६ १ ०२०९  इन्दो रुचाभि गा इहि  । । ५०५
१ ६ १ ०२१०   मन्द्रया सोम धारया वृषा पवस्व देवयुः  ।
१ ६ १ ०२१०  अव्यो वारेभिरस्मयुः  । । ५०६
१ ६ १ ०२११   अया सोम सुकृत्यपा महान्त्सन्नभ्यवर्धथाः  ।
१ ६ १ ०२११  हिन्दान इद्वृषायसे  । । ५०७
१ ६ १ ०२१२   अयं विचर्षणिर्हितः पवमानः स चेतति  ।
१ ६ १ ०२१२  हिन्वान आप्यं बृहत् । । ५०८
१ ६ १ ०२१३   प्र ण इन्दो महे तु न ऊर्मिं न बिभ्रदर्षसि  ।
१ ६ १ ०२१३  अभि देवां अयास्यः  । । ५०९
१ ६ १ ०२१४   अपघ्नन्पवते मृधोऽप सोमो अराव्णः  ।
१ ६ १ ०२१४  गच्छन्निन्द्रस्य निष्कृतम्  । । ५१०

१ ६ १ ०३०१   पुनानः सोम धारयापो वसानो अर्षसि  ।
१ ६ १ ०३०१  आ रत्नधा योनिमृतस्य सीदस्युत्सो देवो हिरण्ययः  । । ५११
१ ६ १ ०३०२   परीतो षिञ्चता सुतं सोमो य उत्तमं हविः  ।
१ ६ १ ०३०२  दधन्वां यो नर्यो अप्स्वा३ तरा सुषाव सोममद्रिभिः  । । ५१२
१ ६ १ ०३०३   आ सोम स्वानो अद्रिभिस्तिरो वाराण्यव्यया  ।
१ ६ १ ०३०३  जनो न पुरि चम्वोर्विशद्धरिः सदो वनेषु दध्रिषे  । । ५१३
१ ६ १ ०३०४   प्र सोम देववीतये सिन्धुर्न पिप्ये अर्णसा  ।
१ ६ १ ०३०४  अंशोः पयसा मदिरो न जागृविरच्छा कोशं मधुश्चुतम्  । । ५१४
१ ६ १ ०३०५   सोम उ ष्वाणः सोतृभिरधि ष्णुभिरवीनाम्  ।
१ ६ १ ०३०५  अश्वयेव हरिता याति धारया मन्द्रया याति धारया  । । ५१५
१ ६ १ ०३०६   तवाहं सोम रारण सख्य इन्दो दिवेदिवे  ।
१ ६ १ ०३०६  पुरूणि बभ्रो नि चरन्ति मामव परिधींरति तां इहि  । । ५१६
१ ६ १ ०३०७   मृज्यमानः सुहस्त्या समुद्रे वाचमिन्वसि  ।
१ ६ १ ०३०७  रयिं पिशङ्गं बहुलं पुरुस्पृहं पवमानाभ्यर्षसि  । । ५१७
१ ६ १ ०३०८   अभि सोमास आयवः पवन्ते मद्यं मदम्  ।
१ ६ १ ०३०८  समुद्रस्याधि विष्टपे मनीषिणो मत्सरासो मदच्युतः  । । ५१८
१ ६ १ ०३०९   पुनानः सोम जागृविरव्या वारैः परि प्रियः  ।
१ ६ १ ०३०९  त्वं विप्रो अभवोऽङ्गिरस्तम मध्वा यज्ञं मिमिक्ष णः  । । ५१९
१ ६ १ ०३१०   इन्द्राय पवते मदः सोमो मरुत्वते सुतः  ।
१ ६ १ ०३१०  सहस्रधारो अत्यव्यमर्षति तमी मृजन्त्यायवः  । । ५२०
१ ६ १ ०३११   पवस्व वाजसातमोऽभि विश्वानि वार्या  ।
१ ६ १ ०३११  त्वं समुद्रः प्रथमे विधर्मं देवेभ्यं सोम मत्सरः  । । ५२१
१ ६ १ ०३१२   पवमाना असृक्षत पवित्रमति धारया  ।
१ ६ १ ०३१२  मरुत्वन्तो मत्सरा इन्द्रिया हया मेधामभि प्रयांसि च  । । ५२२

१ ६ १ ०४०१   प्र तु द्रव परि कोशं नि षीद नृभिः पुनानो अभि वाजमर्ष  ।
१ ६ १ ०४०१  अश्वं न त्वा वाजिनं मर्जयन्तोऽच्छा बर्ही रशनाभिर्नयन्ति  । । ५२३
१ ६ १ ०४०२   प्र काव्यमुशनेव ब्रुवाणो देवो देवानां जनिमा विवक्ति  ।
१ ६ १ ०४०२  महिव्रतः शुचिबन्धुः पावकः पदा वराहो अभ्येति रेभन् । । ५२४
१ ६ १ ०४०३   तिस्रो वाच ईरयति प्र वह्निरृतस्य धीतिं ब्रह्मणो मनीषाम्  ।
१ ६ १ ०४०३  गावो यन्ति गोपतिं पृच्छमानाः सोमं यन्ति मतयो वावशानाः  । । ५२५
१ ६ १ ०४०४   अस्य प्रेषा हेमना पूयमानो देवो देवेभिः समपृक्त रसम्  ।
१ ६ १ ०४०४  सुतः पवित्रं पर्येति रेभन्मितेव सद्म पशुमन्ति होता  । । ५२६
१ ६ १ ०४०५   सोमः पवते जनिता मतीनां जनिता दिवो जनिता पृथिव्याः  ।
१ ६ १ ०४०५  जनिताग्नेर्जनिता सूर्यस्य जनितेन्द्रस्य जनितोत विष्णोः  । । ५२७
१ ६ १ ०४०६   अभि त्रिपृष्ठं वृषणं वयोधामाङ्गोषिणमवावशन्त वाणीः  ।
१ ६ १ ०४०६  वना वसानो वरुणो न सिन्धूर्वि रत्नधा दयते वार्याणि  । । ५२८
१ ६ १ ०४०७   अक्रान्त्समुद्रः प्रथमे विधर्मं जनयन्प्रजा भुवनस्य गोपाः  ।
१ ६ १ ०४०७  वृषा पवित्रे अधि सानो अव्ये बृहत्सोमो वावृधे स्वानो अद्रिः  । । ५२९
१ ६ १ ०४०८   कनिक्रन्ति हरिरा सृज्यमानः सीदन्वनस्य जठरे पुनानः  ।
१ ६ १ ०४०८  नृभिर्यतः कृणुते निर्णिजं गामतो मतिं जनयत स्वधाभिः  । । ५३०
१ ६ १ ०४०९   एष स्य ते मधुमां इन्द्र सोमो वृषा वृष्णः परि पवित्रे अक्षाः  ।
१ ६ १ ०४०९  सहस्रदाः शतदा भूरिदावा शश्वत्तमं बर्हिरा वाज्यस्थात् । । ५३१
१ ६ १ ०४१०   पवस्व सोम मधुमां ऋतावापो वसानो अधि सानो अव्ये  ।
१ ६ १ ०४१०  अव द्रोणानि घृतवन्ति रोह मदिन्तमो मत्सर इन्द्रपानः  । । ५३२

१ ६ १ ०५०१   प्र सेनानीः शूरो अग्रे रथानां गव्यन्नेति हर्षते अस्य सेना  ।
१ ६ १ ०५०१  भद्रान्कृण्वन्निन्द्रहवान्त्सखिभ्य आ सोमो वस्त्रा रभसानि दत्ते  । । ५३३
१ ६ १ ०५०२   प्र ते धारा मधुमतीरसृग्रन्वारं यत्पूतो अत्येष्यव्यम्  ।
१ ६ १ ०५०२  पवमान पवसे धाम गोनां जनयन्त्सूर्यमपिन्वो अर्कैः  । । ५३४
१ ६ १ ०५०३   प्र गायताभ्यर्चाम देवान्त्सोमं हिनोत महते धनाय  ।
१ ६ १ ०५०३  स्वादुः पवतामति वारमव्यमा सीदतु कलशं देव इन्दुः  । । ५३५
१ ६ १ ०५०४   प्र हिन्वानो जनिता रोदस्यो रथो न वाजं सनिषन्नयासीत् ।
१ ६ १ ०५०४  इन्द्रं गच्छन्नायुधा संशिशानो विश्वा वसु हस्तयोरादधानः  । । ५३६
१ ६ १ ०५०५   तक्षद्यदी मनसो वेनतो वाग्ज्येष्ठस्य धर्मं द्युक्षोरनीके  ।
१ ६ १ ०५०५  आदीमायन्वरमा वावशाना जुष्टं पतिं कलशे गाव इन्दुम्  । । ५३७
१ ६ १ ०५०६   साकमुक्षो मर्जयन्त स्वसारो दश धीरस्य धीतयो धनुत्रीः  ।
१ ६ १ ०५०६  हरिः पर्यद्रवज्जाः सूर्यस्य द्रोणं ननक्षे अत्यो न वाजी  । । ५३८
१ ६ १ ०५०७   अधि यदस्मिन्वाजिनीव शुभः स्पर्धन्ते धियः सूरे न विशः  ।
१ ६ १ ०५०७  अपो वृणानः पवते कवीयन्व्रजं न पशुवर्धनाय मन्म  । । ५३९
१ ६ १ ०५०८   इन्दुर्वाजी पवते गोन्योघा इन्द्रे सोमः सह इन्वन्मदाय  ।
१ ६ १ ०५०८  हन्ति रक्षो बाधते पर्यरातिं वरिवस्कृण्वन्वृजनस्य राजा  । । ५४०
१ ६ १ ०५०९   अया पवा पवस्वैना वसूनि मांश्चत्व इन्द्रो सरसि प्र धन्व  ।
१ ६ १ ०५०९  ब्रघ्नश्चिद्यस्य वातो न जूतिं पुरुमेधाश्चित्तकवे नरं धात् । । ५४१
१ ६ १ ०५१०   महत्तत्सोमो महिषश्चकारापां यद्गर्भोऽवृणीत देवान् ।
१ ६ १ ०५१०  अदधादिन्द्रे पवमान ओजोऽजनयत्सूर्ये ज्योतिरिन्दुः  । । ५४२
१ ६ १ ०५११   असर्जि वक्वा रथ्ये यथाजौ धिया मनोता प्रथमा मनीष  ।
१ ६ १ ०५११  दश स्वसारो अधि सानो अव्ये मृजन्ति वह्निं सदनेष्वच्छ  । । ५४३
१ ६ १ ०५१२   अपामिवेदूर्मयस्तर्त्तुराणाः प्र मनीषा ईरते सोममच्छ  ।
१ ६ १ ०५१२  नमस्यन्तीरुप च यन्ति सं चाच विशन्त्युशतीरुशन्तम्  । । ५४४

षष्ठ प्रपाठकः  ।  द्वितीयोऽर्धः
१ ६ २ ०६०१   पुरोजिती वो अन्धसः सुताय मादयित्नवे  ।
१ ६ २ ०६०१  अप श्वानं श्नथिष्टन सखायो दीर्घजिह्व्यम्  । । ५४५
१ ६ २ ०६०२   अयं पूषा रयिर्भगः सोमः पुनानो अर्षति  ।
१ ६ २ ०६०२  पतिर्विश्वस्य भूमनो व्यख्यद्रोदसी उभे  । । ५४६
१ ६ २ ०६०३   सुतासो मधुमत्तमाः सोमा इन्द्राय मन्दिनः  ।
१ ६ २ ०६०३  पवित्रवन्तो अक्षरन्देवान्गच्छन्तु वो मदाः  । । ५४७
१ ६ २ ०६०४   सोमाः पवन्त इन्दवोऽस्मभ्यं गातुवित्तमाः  ।
१ ६ २ ०६०४  मित्राः स्वाना अरेपसः स्वाध्यः स्वर्विदः  । । ५४८
१ ६ २ ०६०५   अभी नो वाजसातमं रयिमर्ष शतस्पृहम्  ।
१ ६ २ ०६०५  इन्दो सहस्रभर्णसं तुविद्युम्नं विभासहम्  । । ५४९
१ ६ २ ०६०६   अभी नवन्ते अद्रुहः प्रियमिन्द्रस्य काम्यम्  ।
१ ६ २ ०६०६  वत्सं न पूर्व आयुनि जातं रिहन्ति मातरः  । । ५५०
१ ६ २ ०६०७   आ हर्यताय धृष्णवे धनुष्टन्वन्ति पौंस्यम्  ।
१ ६ २ ०६०७  शुक्रा वि यन्त्यसुराय निर्णिजे विपामग्रे महीयुवः  । । ५५१
१ ६ २ ०६०८   परि त्यं हर्यतं हरिं बभ्रुं पुनन्ति वारेण  ।
१ ६ २ ०६०८  यो देवान्विश्वां इत्परि मदेन सह गच्छति  । । ५५२
१ ६ २ ०६०९   प्र सुन्वानास्यान्धसो मर्तो न वष्ट तद्वचः  ।
१ ६ २ ०६०९  अप श्वानमराधसं हता मखं न भृगवः  । । ५५३

१ ६ २ ०७०१   अभि प्रियाणि पवते चनोहितो नामानि यह्वो अधि येषु वर्धते  ।
१ ६ २ ०७०१  आ सूर्यस्य बृहतो बृहन्नधि रथं विष्वञ्चमरुहद्विचक्षणः  । । ५५४
१ ६ २ ०७०२   अचोदसो नो धन्वन्त्विन्दवः प्र स्वानासो बृहद्देवेषु हरयः  ।
१ ६ २ ०७०२  वि चिदश्नाना इषयो अरातयोऽर्यो नः सन्तु सनिषन्तु नो धियः  । । ५५५
१ ६ २ ०७०३   एष प्र कोशे मधुमां अचिक्रददिन्द्रस्य वज्रो वपुषो वपुष्टमः  ।
१ ६ २ ०७०३  अभ्यृई३ अस्य सुदुघा घृतश्चुतो वाश्रा अर्षन्ति पयसा च घेनवः  । । ५५६
१ ६ २ ०७०४   प्रो अयासीदिन्दुरिन्द्रस्य निष्कृतं सखा सख्युर्न प्र मिनाति सङ्गिरम्  ।
१ ६ २ ०७०४  मर्य इव युवतिभिः समर्षति सोमः कलशे शतयामना पथा  । । ५५७
१ ६ २ ०७०५   धर्ता दिवः पवते कृत्व्यो रसो दक्षो देवानामनुमाद्यो नृभिः  ।
१ ६ २ ०७०५  हरिः सृजानो अत्यो न सत्वभिर्वृथा पाजांसि कृणुषे नदीष्वा  । । ५५८
१ ६ २ ०७०६   वृषा मतीनां पवते विचक्षणः सोमो अह्नां प्रतरीतोषसां दिवः  ।
१ ६ २ ०७०६  प्राणा सिन्धूनां कलशां अचिक्रददिन्द्रस्य हार्द्याविशन्मनीषिभिः  । । ५५९
१ ६ २ ०७०७   त्रिरस्मै सप्त धेनवो दुदुह्रिरे सत्यामाशिरं परमे व्योमनि  ।
१ ६ २ ०७०७  चत्वार्यन्या भुवनानि निर्णिजे चारूणि चक्रे यदृतैरवर्धत  । । ५६०
१ ६ २ ०७०८   इन्द्राय सोम सुषुतः परि स्रवापामीवा भवतु रक्षसा सह  ।
१ ६ २ ०७०८  मा ते रसस्य मत्सत द्वयाविनो द्रविणस्वन्त इह सन्त्विन्दवः  । । ५६१
१ ६ २ ०७०९   असावि सोमो अरुषो वृषा हरी राजेव दस्मो अभि गा अचिक्रदत् ।
१ ६ २ ०७०९  पुनानो वारमत्येष्यव्ययं श्येनो न योनिं घृतवन्तमासदत् । । ५६२
१ ६ २ ०७१०   प्र देवमच्छा मधुमन्त इन्दवोऽसिष्यदन्त गाव आ न धेनवः  ।
१ ६ २ ०७१०  बर्हिषदो वचनावन्त ऊधभिः परिस्रुतमुस्रिया निर्णिजं धिरे  । । ५६३
१ ६ २ ०७११   अञ्जते व्यञ्जते समञ्जते क्रतुं रिहन्ति मघ्वाभ्यञ्जते  ।
१ ६ २ ०७११  सिन्धोरुऽच्छ्वासे पतयन्तमुक्षणं हिरण्यपावाः पशुमप्सु गृभ्णते  । । ५६४
१ ६ २ ०७१२   पवित्रं ते विततं ब्रह्मणस्पते प्रभुर्गात्राणि पर्येषि विश्वतः  ।
१ ६ २ ०७१२  अतप्ततनूर्न तदामो अश्नुते शृतास इद्वहन्तः सं तदाशत  । । ५६५

१ ६ २ ०८०१   इन्द्रमच्छ सुता इमे वृषणं यन्तु हरयः  ।
१ ६ २ ०८०१  श्रुष्टे जातास इन्दवः स्वर्विदः  । । ५६६
१ ६ २ ०८०२   प्र धन्वा सोम जागृविरिन्द्रायेन्दो परि स्रव  ।
१ ६ २ ०८०२  द्युमन्तं शुष्ममा भर स्वर्विदम्  । । ५६७
१ ६ २ ०८०३   सखाय आ नि षीदत पुनानाय प्र गायत  ।
१ ६ २ ०८०३  शिशुं न यज्ञैः परि भूषत श्रिये  । । ५६८
१ ६ २ ०८०४   तं वः सखायो मदाय पुनानमभि गायत  ।
१ ६ २ ०८०४  शिशुं न हव्यैः स्वदयन्त गूर्तिभिः  । । ५६९
१ ६ २ ०८०५   प्राणा शिशुर्महीनां हिन्वन्नृतस्य दीधितिम्  ।
१ ६ २ ०८०५  विश्वा परि प्रिया भुवदध द्विता  । । ५७०
१ ६ २ ०८०६   पवस्व देववीतय इन्दो धाराभिरोजसा  ।
१ ६ २ ०८०६  आ कलशं मधुमान्त्सोम नः सदः  । । ५७१
१ ६ २ ०८०७   सोमः पुनान ऊर्मिणाव्यं वारं वि धावति  ।
१ ६ २ ०८०७  अग्रे वाचः पवमानः कनिक्रदत् । । ५७२
१ ६ २ ०८०८   प्र पुनानाय वेधसे सोमाय वच उच्यते  ।
१ ६ २ ०८०८  भृतिं न भरा मतिभिर्जुजोषते  । । ५७३
१ ६ २ ०८०९   गोमन्न इन्दो अश्ववत्सुतः सुदक्ष धनिव  ।
१ ६ २ ०८०९  शुचिं च वर्णमधि गोषु धार्य  । । ५७४
१ ६ २ ०८१०   अस्मभ्यं त्वा वसुविदमभि वाणीरनूषत  ।
१ ६ २ ०८१०  गोभिष्टे वर्णमभि वासयामसि  । । ५७५
१ ६ २ ०८११   पवते हर्यतो हरिरति ह्वरांसि रंह्या  ।
१ ६ २ ०८११  अभ्यर्ष स्तोतृभ्यो वीरवद्यशः  । । ५७६
१ ६ २ ०८१२   परि कोशं मधुश्चुतं सोमः पुनानो अर्षति  ।
१ ६ २ ०८१२  अभि वाणीरृषीणां सप्ता नूषत  । । ५७७

१ ६ २ ०९०१   पवस्व मधुमत्तम इन्द्राय सोम क्रतुवित्तमो मदः  ।
१ ६ २ ०९०१  महि द्युक्षतमो मदः  । । ५७८
१ ६ २ ०९०२   अभि द्युम्नं बृहद्यश इषस्पते दिदीहि देव देवयुम्  ।
१ ६ २ ०९०२  वि कोशं मध्यमं युव  । । ५७९
१ ६ २ ०९०३   आ सोता परि षिञ्चताश्वं न स्तोममप्तुरं रजस्तुरम्  ।
१ ६ २ ०९०३  वनप्रक्षमुदप्रुतम्  । । ५८०
१ ६ २ ०९०४   एतमु त्यं मदच्युतं सहस्रधारं वृषभं दिवोदुहम्  ।
१ ६ २ ०९०४  विश्वा वसूनि बिभ्रतम्  । । ५८१
१ ६ २ ०९०५   स सुन्वे यो वसूनां यो रायामानेता य इडानाम्  ।
१ ६ २ ०९०५  सोमो यः सुक्षितीनाम्  । । ५८२
१ ६ २ ०९०६   त्वं ह्या३ङ्ग दैव्या पवमान जनिमानि द्युमत्तमः  ।
१ ६ २ ०९०६  अमृतत्वाय घोषयन् । । ५८३
१ ६ २ ०९०७   एष स्य धारया सुतोऽव्यो वारेभिः पवते मदिन्तमः  ।
१ ६ २ ०९०७  क्रीडन्नूर्मिरपामिव  । । ५८४
१ ६ २ ०९०८   य उस्रिया अपि या अन्तरश्मनि निर्गा अकृन्तदोजसा  ।
१ ६ २ ०९०८  अभि व्रजं तत्निषे गव्यमश्व्यं वर्मीव धृष्णवा रुज  ।
१ ६ २ ०९०८   Oं वर्मीव धृष्णवा रुज  । । ५८५

। । इति सौम्यं पावमानं पर्व काण्डम्  । ।
। । इति पूर्वार्चिकः  । ।

आरण्य आर्चिकः
आरण्य काण्डम्
२ ० ० ०१०१   इन्द्र ज्येष्ठं न आ भर ओजिष्ठं पुपुरि श्रवः  ।
२ ० ० ०१०१  यद्दिधृक्षेम वज्रहस्त रोदसी ओभे सुशिप्र पप्राः  । । ५८६
२ ० ० ०१०२   इन्द्रो राजा जगतश्चर्षणीनामधिक्षमा विश्वरूपं यदस्य  ।
२ ० ० ०१०२  ततो ददाति दाशुषे वसूनि चोदद्राध उपस्तुतं चिदर्वाक् । । ५८७
२ ० ० ०१०३   यस्येदमा रजोयुजस्तुजे जने वनं स्वः  ।
२ ० ० ०१०३  इन्द्रस्य रन्त्यं बृहत् । । ५८८
२ ० ० ०१०४   उदुत्तमं वरुण पाशमस्मदवाधमं वि मध्यमं श्रथाय  ।
२ ० ० ०१०४  अथादित्य व्रते वयं तवानागसो अदितये स्याम  । । ५८९
२ ० ० ०१०५   त्वया वयं पवमानेन सोम भरे कृतं वि चिनुयाम शश्वत् ।
२ ० ० ०१०५  तन्नो मित्रो वरुणो मामहन्तामदितिः सिन्धुः पृथिवी उत द्यौः  । । ५९०
२ ० ० ०१०६   इमं वृषणं कृणुतैकमिन्माम्  । । ५९१
२ ० ० ०१०७   स न इन्द्राय यज्यवे वरुणाय मरुद्भ्यः  ।
२ ० ० ०१०७  वरिवोवित्परिस्रव  । । ५९२
२ ० ० ०१०८   एना विश्वान्यर्य आ द्युम्नानि मानुषाणाम्  ।
२ ० ० ०१०८  सिषासन्तो वनामहे  । । ५९३
२ ० ० ०१०९   अहमस्मि प्रथमजा ऋतस्य पूर्वं देवेभ्यो अमृतस्य नाम  ।
२ ० ० ०१०९  यो मा ददाति स इदेवमावदहमन्नमन्नमदन्तमद्मि  । । ५९४

२ ० ० ०२०१   त्वमेतदधारयः कृष्णासु रोहिणीषु च  ।
२ ० ० ०२०१  परुष्णीषु रुशत्पयः  । । ५९५
२ ० ० ०२०२   अरूरुचदुषसः पृश्निरग्रिय उक्षा मिमेति भुवनेषु वाजयुः  ।
२ ० ० ०२०२  मायाविनो ममिरे अस्य मायया नृचक्षसः पितरो गर्भमादधुः  । । ५९६
२ ० ० ०२०३   इन्द्र इद्धर्योः सचा सम्मिश्ल आ वचोयुजा  ।
२ ० ० ०२०३  इन्द्रो वज्री हिरण्ययः  । । ५९७
२ ० ० ०२०४   इन्द्र वाजेषु नोऽव सहस्रप्रधनेषु च  ।
२ ० ० ०२०४  उग्र उग्राभिरूतिभिः  । । ५९८
२ ० ० ०२०५   प्रथश्च यस्य सप्रथश्च नामानुष्टुभस्य हविषो हविर्यत् ।
२ ० ० ०२०५  धातुर्द्युतानात्सवितुश्च विष्णो रथन्तरमा जभारा वसिष्ठः  । । ५९९
२ ० ० ०२०६   नियुत्वान्वायवा गह्ययं शुक्रो अयामि ते  ।
२ ० ० ०२०६  गन्तासि सुन्वतो गृहम्  । । ६००
२ ० ० ०२०७   यज्जायथा अपूर्व्य मघवन्वृत्रहत्याय  ।
२ ० ० ०२०७  तत्पृथिवीमप्रथयस्तदस्तभ्ना उतो दिवम्  । । ६०१

२ ० ० ०३०१   मयि वर्चो अथो यशोऽथो यज्ञस्य यत्पयः  ।
२ ० ० ०३०१  परमेष्ठी प्रजापतिर्दिवि द्यामिव दृंहतु  । । ६०२
२ ० ० ०३०२   सं ते पयांसि समु यन्तु वाजाः सं वृष्ण्यान्यभिमातिषाहः  ।
२ ० ० ०३०२  आप्यायमानो अमृताय सोम दिवि श्रवांस्युत्तमानि धिष्व  । । ६०३
२ ० ० ०३०३   त्वमिमा ओषधीः सोम विश्वास्त्वमपो अजनयस्त्वं गाः  ।
२ ० ० ०३०३  त्वमातनोरुर्वा३ तरिक्षं त्वं ज्योतिषा वि तमो ववर्थ  । । ६०४
२ ० ० ०३०४   अग्निमीडे पुरोहितं यज्ञस्य देवमृत्विजम्  ।
२ ० ० ०३०४  होतारं रत्नधातमम्  । । ६०५
२ ० ० ०३०५   ते मन्वत प्रथमं नाम गोनां त्रिः सप्त परमं नाम जनान् ।
२ ० ० ०३०५  ता जानतीरभ्यनूषत क्षा आविर्भुवन्नरुणीर्यशसा गावः  । । ६०६
२ ० ० ०३०६   समन्या यन्त्युपयन्त्यन्याः समानमूर्वं नद्यस्पृणन्ति  ।
२ ० ० ०३०६  तमू शुचिं शुचयो दीदिवांसमपान्नपातमुप यन्त्यापः  । । ६०७
२ ० ० ०३०७   आ प्रागाद्भद्रा युवतिरह्नः केतून्त्समीर्त्सति  ।
२ ० ० ०३०७  अभूद्भद्रा निवेशनी विश्वस्य जगतो रात्री  । । ६०८
२ ० ० ०३०८   प्रक्षस्य वृष्णो अरुषस्य नू महः प्र नो वचो विदथा जातवेदसे  ।
२ ० ० ०३०८  वैश्वानराय मतिर्नव्यसे शुचिः सोम इव पवते चारुरग्नये  । । ६०९
२ ० ० ०३०९   विश्वे देवा मम शृण्वन्तु यज्ञमुभे रोदसी अपां नपाच्च मन्म  ।
२ ० ० ०३०९  मा वो वचांसि परिचक्ष्याणि वोचं सुम्नेष्विद्वो अन्तमा मदेम  । । ६१०
२ ० ० ०३१०   यशो मा द्यावापृथिवी यशो मेन्द्रबृहस्पती  ।
२ ० ० ०३१०  यशो भगस्य विन्दतु यशो मा प्रतिमुच्यताम्  ।
२ ० ० ०३१०   यशस्व्या३ याः सं सदोऽहं प्रवदिता स्याम्  । । ६११
२ ० ० ०३११   इन्द्रस्य नु वीर्याणि प्रवोचं यानि चकार प्रथमानि वज्री  ।
२ ० ० ०३११  अहन्नहिमन्वपस्ततर्द प्र वक्षणा अभिनत्पर्वतानाम्  । । ६१२
२ ० ० ०३१२   अग्निरस्मि जन्मना जातवेदा घृतं मे चक्षुरमृतं म आसन् ।
२ ० ० ०३१२  त्रिधातुरर्को रजसो विमानोऽजस्रं ज्योतिर्हविरस्मि सर्वम्  । । ६१३
२ ० ० ०३१३   पात्यग्निर्विपो अग्रं पदं वेः पाति यह्वश्चरणं सूर्यस्य  ।
२ ० ० ०३१३  पाति नाभा सप्तशीर्षाणमग्निः  । । ६१४

२ ० ० ०४०१   भ्राजन्त्यग्ने समिधान दीदिवो जिह्वा चरत्यन्तरासनि  ।
२ ० ० ०४०१  स त्वं नो अग्ने पयसा वसुविद्रयिं वर्चो दृशेऽदाः  । । ६१५
२ ० ० ०४०२   वसन्त इन्नु रन्त्यो ग्रीष्म इन्नु रन्त्यः  ।
२ ० ० ०४०२  वर्षाण्यनु शरदो हेमन्तः शिशिर इन्नु रन्त्यः  । । ६१६
२ ० ० ०४०३   सहस्रशीर्षा पुरुषः सहस्राक्षः सहस्रपात् ।
२ ० ० ०४०३  स भूमिं सर्वतो वृत्वात्यतिष्ठद्दशाङ्गुलम्  । । ६१७
२ ० ० ०४०४   त्रिपादूर्ध्व उदैत्पुरुषः पदोऽस्येहाभवत्पुनः  ।
२ ० ० ०४०४  तथा विष्वङ्व्यक्रामदशनानशने अभि  । । ६१८
२ ० ० ०४०५   पुरुष एवेदं सर्वं यद्भूतं यच्च भाव्यम्  ।
२ ० ० ०४०५  पादोऽस्य सर्वा भूतानि त्रिपादस्यामृतं दिवि  । । ६१९
२ ० ० ०४०६   तावानस्य महिमा ततो ज्यायांश्च पूरुषः  ।
२ ० ० ०४०६  उतामृतत्वस्येशानो यदन्नेनातिरोहति  । । ६२०
२ ० ० ०४०७   ततो विराडजायत विराजो अधि पूरुषः  ।
२ ० ० ०४०७  स जातो अत्यरिच्यत पश्चाद्भूमिमथो पुरः  । । ६२१
२ ० ० ०४०८   मन्ये वां द्यावापृथिवी सुभोजसौ ये अप्रथेथाममितमभि योजनम्  ।
२ ० ० ०४०८  द्यावापृथिवी भवतं स्योने ते नो मुञ्चतमंहसः  । । ६२२
२ ० ० ०४०९   हरी त इन्द्र श्मश्रूण्युतो ते हरितौ हरि  ।
२ ० ० ०४०९  तं त्वा स्तुवन्ति कवयः पुरुषासो वनर्गवः  । । ६२३
२ ० ० ०४१०   यद्वर्चो हिरण्यस्य यद्वा वर्चो गवामुत  ।
२ ० ० ०४१०  सत्यस्य ब्रह्मणो वर्चस्तेन मा सं सृजामसि  । । ६२४
२ ० ० ०४११   सहस्तन्न इन्द्र दद्ध्योज ईशे ह्यस्य महतो विरप्शिन् ।
२ ० ० ०४११  क्रतुं न नृम्णं स्थविरं च वाजं वृत्रेषु शत्रून्त्सुहना कृधी नः  । । ६२५
२ ० ० ०४१२   सहर्षभाः सहवत्सा उदेत विश्वा रूपाणी बिभ्रतीर्द्व्यूद्नीः  ।
२ ० ० ०४१२  उरुः पृथुरयं वो अस्तु लोक इमा आपः सुप्रपाणा इह स्त  । । ६२६

२ ० ० ०५०१   अग्न आयूंषि पवस आसुवोर्जमिषं च नः  ।
२ ० ० ०५०१  आरे बाधस्व दुच्छुनाम्  । । ६२७
२ ० ० ०५०२   विभ्राङ्बृहत्पिबतु सोम्यं मध्वायुर्दधद्यज्ञपतावविह्रुतम्  ।
२ ० ० ०५०२  वातजूतो यो अभिरक्षति त्मना प्रजाः पिपर्ति बहुधा वि राजति  । । ६२८
२ ० ० ०५०३   चित्रं देवानामुदगादनीकं चक्षुर्मित्रस्य वरुणस्याग्नेः  ।
२ ० ० ०५०३  आप्रा द्यावापृथिवी अन्तरिक्षं सूर्य आत्मा जगतस्तस्थुषश्च  । । ६२९
२ ० ० ०५०४   आयं गौः पृश्निरक्रमीदसदन्मातरं पुरः  ।
२ ० ० ०५०४  पितरं च प्रयन्त्स्वः  । । ६३०
२ ० ० ०५०५   अन्तश्चरति रोचनास्य प्राणादपानती  ।
२ ० ० ०५०५  व्यख्यन्महिषो दिवम्  । । ६३१
२ ० ० ०५०६   त्रिंषद्धाम वि राजति वाक्पतङ्गाय धीयते  ।
२ ० ० ०५०६  प्रति वस्तोरह द्युभिः  । । ६३२
२ ० ० ०५०७   अप त्ये तायवो यथा नक्षत्रा यन्त्यक्तुभिः  ।
२ ० ० ०५०७  सूराय विश्वचक्षसे  । । ६३३
२ ० ० ०५०८   अदृश्रन्नस्य केतवो वि रश्मयो जनां अनु  ।
२ ० ० ०५०८  भ्राजन्तो अग्नयो यथा  । । ६३४
२ ० ० ०५०९   तरणिर्विश्वदर्शतो ज्योतिष्कृदसि सूर्य  ।
२ ० ० ०५०९  विश्वमाभासि रोचनम्  । । ६३५
२ ० ० ०५१०   प्रत्यङ्देवानां विशः प्रत्यङ्ङुदेषि मानुषान् ।
२ ० ० ०५१०  प्रत्यङ्विश्वं स्वर्दृशे  । । ६३६
२ ० ० ०५११   येना पावक चक्षसा भुरण्यन्तं जनां अनु  ।
२ ० ० ०५११  त्वं वरुण पश्यसि  । । ६३७
२ ० ० ०५१२   उद्द्यामेषि रजः पृथ्वहा मिमानो अक्तुभिः  ।
२ ० ० ०५१२  पश्यञ्जन्मानि सूर्य  । । ६३८
२ ० ० ०५१३   अयुक्त सप्त शुन्ध्युवः सूरो रथस्य नप्त्र्यः  ।
२ ० ० ०५१३  ताभिर्याति स्वयुक्तिभिः  । । ६३९
२ ० ० ०५१४   सप्त त्वा हरितो रथे वहन्ति देव सूर्य  ।
२ ० ० ०५१४  शोचिष्केशं विचक्षण  । । ६४०
। । इत्यारण्यं पर्व काण्डम्  । ।

महानाम्न्य आर्चिकः
३ ० ० ०००१   विदा मघवन्विदा गातुमनुशंसिषो दिशः  ।
३ ० ० ०००१  शिक्षा शचीनां पते पूर्वीणां पुरूवसो  । । ६४१
३ ० ० ०००२   आभिष्ट्वमभिष्टिभिः स्वाऽ३ न्नांशुः  ।
३ ० ० ०००२  प्रचेतन प्रचेतयेन्द्र द्युम्नाय न इषे  । । ६४२
३ ० ० ०००३   एवा हि शक्रो राये वाजाय वज्रिवः  ।
३ ० ० ०००३  शविष्ठ वज्रिन्नृञ्जसे मंहिष्ठ वज्रिन्नृञ्जस  ।
३ ० ० ०००३   आ याहि पिब मत्स्व  । । ६४३
३ ० ० ०००४   विदा राये सुवीर्यं भवो वाजानां पतिर्वशां अनु  ।
३ ० ० ०००४  मंहिष्ठ वज्रिन्नृञ्जसे यः शविष्ठः शूराणाम्  । । ६४४
३ ० ० ०००५   यो मंहिष्ठो मघोनाम्ंशुर्न्न शोचिः  ।
३ ० ० ०००५  चिकित्वो अभि नो नयेंद्रो विदे तमु स्तुहि  । । ६४५
३ ० ० ०००६   ईशे हि शक्रस्तमूतये हवामहे जेतारमपराजितम्  ।
३ ० ० ०००६  स नः स्वर्षदति द्विषः क्रतुश्छन्द ऋतं बृहत् । । ६४६
३ ० ० ०००७   इन्द्रं धनस्य सातये हवामहे जेतारमपराजितम्  ।
३ ० ० ०००७  स नः स्वर्षदति द्विषः स नः स्वर्षदति द्विषः  । । ६४७
३ ० ० ०००८   पूर्वस्य यत्ते अद्रिवोंऽशुर्मदाय  ।
३ ० ० ०००८  सुम्न आ धेहि नो वसो पूर्तिः शविष्ठ शस्यते  ।
३ ० ० ०००८   वशी हि शक्रो नूनं तन्नव्यं संन्यसे  । । ६४८
३ ० ० ०००९   प्रभो जनस्य वृत्रहन्त्समर्येषु ब्रवावहै  ।
३ ० ० ०००९  शूरो यो गोषु गच्छति सखा सुशेवो अद्वयुः  । । ६४९
अथ पञ्च पुरीषपदानि
३ ० ० ००१०   एवाह्योऽ३ऽ३ऽ३ आ  । एवा ह्यग्ने  । एवाहीन्द्र  ।
३ ० ० ००१०  एवा हि पूषन् । एवा हि देवाः Oं एवाहि देवाः  । । ६५०
। । इति पञ्च पुरीषपदानि  । ।

। । इति महानाम्न्यार्चिकः  । ।

उत्तर आर्चिकः
प्रथम प्रपाठकः  ।  प्रथमोऽर्धः
असितः काश्यपो देवलो वा । गायत्री । पवमानः सोमः ।
४ १ १ ०१ ०१   उपास्मै गायता नरः पवमानायेन्दवे  ।
४ १ १ ०१ ०१  अभि देवां इयक्षते  । । ६५१
४ १ १ ०१ ०२   अभि ते मधुना पयोऽथर्वाणो अशिश्रयुः  ।
४ १ १ ०१ ०२  देवं देवाय देवयु  । । ६५२
४ १ १ ०१ ०३   स नः पवस्व शं गवे शं जनाय शमर्वते  ।
४ १ १ ०१ ०३  शं राजन्नोषधीभ्यः  । । ६५३

कश्यपो मारीचः । गायत्री । पवमानः सोमः ।
४ १ १ ०२ ०१   दविद्युतत्या रुचा परिष्टोभन्त्या कृपा  ।
४ १ १ ०२ ०१  सोमाः शुक्रा गवाशिरः  । । ६५४
४ १ १ ०२ ०२   हिन्वानो हेतृभिर्हित आ वाजं वाज्यक्रमीत् ।
४ १ १ ०२ ०२  सीदन्तो वनुषो यथा  । । ६५५
४ १ १ ०२ ०३   ऋधक्सोम स्वस्तये संजग्मानो दिवा कवे  ।
४ १ १ ०२ ०३  पवस्व सूर्यो दृशे  । । ६५६

शतं वैखानसाः, गायत्री, पवमानः सोमः ।
४ १ १ ०३ ०१   पवमानस्य ते कवे वाजिन्त्सर्गा असृक्षते  ।
४ १ १ ०३ ०१  अर्वन्तो न श्रवस्यवः  । । ६५७
४ १ १ ०३ ०२   अच्छा कोशं मधुश्चुतमसृग्रं वारे अव्यये  ।
४ १ १ ०३ ०२  अवावशन्त धीतयः  । । ६५८
४ १ १ ०३ ०३   अच्छा समुद्रमिन्दवोऽस्तं गावो न धेनवः  ।
४ १ १ ०३ ०३  अग्मन्नृतस्य योनिमा  । । ६५९

भरद्वाजो बार्हस्पत्यः, गायत्री, अग्निः ।
४ १ १ ०४ ०१   अग्न आ याहि वीतये गृणानो हव्यदातये  ।
४ १ १ ०४ ०१  नि होता सत्सि बर्हिषि  । । ६६०
४ १ १ ०४ ०२   तं त्वा समिद्भिरङ्गिरो घृतेन वर्धयामसि  ।
४ १ १ ०४ ०२  बृहच्छोचा यविष्ठ्य  । । ६६१
४ १ १ ०४ ०३   स नः पृथु श्रवाय्यमच्छा देव विवाससि  ।
४ १ १ ०४ ०३  बृहदग्ने सुवीर्यम्  । । ६६२

विश्वामित्रो गाथिनः जमदग्निर्वा, गायत्री, मित्रावरुणौ ।
४ १ १ ०५ ०१   आ नो मित्रावरुणा घृतैर्गव्यूतिमुक्षतम्  ।
४ १ १ ०५ ०१  मध्वा रजांसि सुक्रतू  । । ६६३
४ १ १ ०५ ०२   उरुशंसा नमोवृधा मह्ना दक्षस्य राजथः  ।
४ १ १ ०५ ०२  द्राघिष्ठाभिः शुचिव्रता  । । ६६४
४ १ १ ०५ ०३   गृणाना जमदग्निना योनावृतस्य सीदतम्  ।
४ १ १ ०५ ०३  पातं सोममृतावृधा  । । ६६५

इरीम्बिठिः काण्वः । गायत्री । इन्द्रः ।
४ १ १ ०६ ०३   आ याहि सुषुमा हि त इन्द्र सोमं पिबा इमम्  ।
४ १ १ ०६ ०३  एदं बर्हिः सदो मम  । । ६६६
४ १ १ ०६ ०३   आ त्वा ब्रह्मयुजा हरी वहतामिन्द्र केशिना  ।
४ १ १ ०६ ०३  उप ब्रह्माणि नः शृणु  । । ६६७
४ १ १ ०६ ०३   ब्रह्माणस्त्वा युजा वयं सोमपामिन्द्र सोमिनः  ।
४ १ १ ०६ ०३  सुतावन्तो हवामहे  । । ६६८

विश्वामित्रो गाथिनः । गायत्री । इन्द्राग्नी ।
४ १ १ ०७ ०१   इन्द्राग्नी आ गतं सुतं गीर्भिर्नभो वरेण्यम्  ।
४ १ १ ०७ ०१  अस्य पातं धियेषिता  । । ६६९
४ १ १ ०७ ०२   इन्द्राग्नी जरितुः सचा यज्ञो जिगाति चेतनः  ।
४ १ १ ०७ ०२  अया पातमिमं सुतम्  । । ६७०
४ १ १ ०७ ०३   इन्द्रमग्निं कविच्छदा यज्ञस्य जूत्या वृणे  ।
४ १ १ ०७ ०३  ता सोमस्येह तृम्पताम्  । । ६७१

अमहीयुराङ्गिरसः । गायत्री । पवमानः सोमः ।
४ १ १ ०८ ०१   उच्चा ते जातमन्धसो दिवि सद्भूम्या ददे  ।
४ १ १ ०८ ०१  उग्रं शर्म महि श्रवः  । । ६७२
४ १ १ ०८ ०२   स न इन्द्राय यज्यवे वरुणाय मरुद्भ्यः  ।
४ १ १ ०८ ०२  वरिवोवित्परि स्रव  । । ६७३
४ १ १ ०८ ०३   एना विश्वान्यर्य आ द्युम्नानि मानुषाणाम्  ।
४ १ १ ०८ ०३  सिषासन्तो वनामहे  । । ६७४

४ १ १ ०९ ०१   पुनानः सोम धारयापो वसानो अर्षसि  ।
४ १ १ ०९ ०१  आ रत्नधा योनिमृतस्य सीदस्युत्सो देवो हिरण्ययः  । । ६७५
४ १ १ ०९ ०२   दुहान ऊधर्दिव्यं मधु प्रियं प्रत्नं सधस्थमासदत् ।
४ १ १ ०९ ०२  आपृच्छ्यं धरुणं वाज्यर्षसि नृभिर्धौतो विचक्षणः  । । ६७६

४ १ १ १० ०१   प्र तु द्रव परि कोशं नि षीद नृभिः पुनानो अभि वाजमर्ष  ।
४ १ १ १० ०१  अश्वं न त्वा वाजिनं मर्जयन्तोऽच्छा बर्ही रशनाभिर्नयन्ति  । । ६७७
४ १ १ १० ०२   स्वायुधः पवते देव इन्दुरशस्तिहा वृजना रक्षमाणः  ।
४ १ १ १० ०२  पिता देवानां जनिता सुदक्षो विष्टम्भो दिवो धरुणः पृथिव्याः  । । ६७८
४ १ १ १० ०३   ऋषिर्विप्रः पुरएता जनानामृभुर्धीर उशना काव्येन  ।
४ १ १ १० ०३  स चिद्विवेद निहितं यदासामपीच्या३ं गुह्यं नाम गोनाम्  । । ६७९

४ १ १ ११ ०१   अभि त्वा शूर नोनुमोऽदुग्धा इव धेनवः  ।
४ १ १ ११ ०१  ईशानमस्य जगतः स्वर्दृशमीशानमिन्द्र तस्थुषः  । । ६८०
४ १ १ ११ ०२   न त्वावां अन्यो दिव्यो न पार्थिवो न जातो न जनिष्यते  ।
४ १ १ ११ ०२  अश्वायन्तो मघवन्निन्द्र वाजिनो गव्यन्तस्त्वा हवामहे  । । ६८१

४ १ १ १२ ०१   कया नश्चित्र आ भुवदूती सदावृधः सखा  ।
४ १ १ १२ ०१  कया शचिष्ठया वृता  । । ६८२
४ १ १ १२ ०२   कस्त्वा सत्यो मदानां मंहिष्ठो मत्सदन्धसः  ।
४ १ १ १२ ०२  दृढा चिदारुजे वसु  । । ६८३
४ १ १ १२ ०३   अभी षु णः सखीनामविता जरितृईणाम्  ।
४ १ १ १२ ०३  शतं भवास्यूतये  । । ६८४

४ १ १ १३ ०१   तं वो दस्ममृतीषहं वसोर्मन्दानमन्धसः  ।
४ १ १ १३ ०१  अभि वत्सं न स्वसरेषु धेनव इन्द्रं गीर्भिर्नवामहे  । । ६८५
४ १ १ १३ ०२   द्युक्षं सुदानुं तविषीभिरावृतं गिरिं न पुरुभोजसम्  ।
४ १ १ १३ ०२  क्षुमन्तं वाजं शतिनं सहस्रिणं मक्षू गोमन्तमीमहे  । । ६८६

४ १ १ १४ ०१   तरोभिर्वो विदद्वसुमिन्द्रं सबाध ऊतये  ।
४ १ १ १४ ०१  बृहद्गायन्तः सुतसोमे अध्वरे हुवे भरं न कारिणम्  । । ६८७
४ १ १ १४ ०२   न यं दुध्रा वरन्ते न स्थिरा मुरो मदेषु शिप्रमन्धसः  ।
४ १ १ १४ ०२  य आदृत्या शशमानाय सुन्वते दाता जरित्र उक्थ्यम्  । । ६८८

४ १ १ १५ ०१   स्वादिष्ठया मदिष्ठया पवस्व सोम धारया  ।
४ १ १ १५ ०१  इन्द्राय पातवे सुतः  । । ६८९
४ १ १ १५ ०२   रक्षोहा विश्वचर्षणिरभि योनिमयोहते  ।
४ १ १ १५ ०२  द्रोणे सधस्थमासदत् । । ६९०
४ १ १ १५ ०३   वरिवोधातमो भुवो मंहिष्ठो वृत्रहन्तमः  ।
४ १ १ १५ ०३  पर्षि राधो मघोनाम्  । । ६९१

४ १ १ १६ ०१   पवस्व मधुमत्तम इन्द्राय सोम क्रतुवित्तमो मदः  ।
४ १ १ १६ ०१  महि द्युक्षतमो मदः  । । ६९२
४ १ १ १६ ०२   यस्य ते पीत्वा वृषभो वृषायतेऽस्य पीत्वा स्वर्विदः  ।
४ १ १ १६ ०२  स सुप्रकेतो अभ्यक्रमीदिषोऽच्छा वाजं नैतशः  । । ६९३

४ १ १ १७ ०१   इन्द्रमच्छ सुता इमे वृषणं यन्तु हरयः  ।
४ १ १ १७ ०१  श्रुष्टे जातास इन्दवः स्वर्विदः  । । ६९४
४ १ १ १७ ०२   अयं भराय सानसिरिन्द्राय पवते सुतः  ।
४ १ १ १७ ०२  सोमो जैत्रस्य चेतति यथा विदे  । । ६९५
४ १ १ १७ ०३   अस्येदिन्द्रो मदेष्वा ग्राभं गृभ्णाति सानसिम्  ।
४ १ १ १७ ०३  वज्रं च वृषणं भरत्समप्सुजित् । । ६९६

४ १ १ १८ ०१   पुरोजिती वो अन्धसः सुताय मादयित्नवे  ।
४ १ १ १८ ०१  अप श्वानं श्नथिष्टन सखायो दीर्घजिह्व्यम्  । । ६९७
४ १ १ १८ ०२   यो धारया पावकया परिप्रस्यन्दते सुतः  ।
४ १ १ १८ ०२  इन्दुरश्वो न कृत्व्यः  । । ६९८
४ १ १ १८ ०३   तं दुरोषमभी नरः सोमं विश्वाच्या धिया  ।
४ १ १ १८ ०३  यज्ञाय सन्त्वद्रयः  । । ६९९

४ १ १ १९ ०१   अभि प्रियाणि पवते चनोहितो नामानि यह्वो अधि येषु वर्धते  ।
४ १ १ १९ ०१  आ सूर्यस्य बृहतो बृहन्नधि रथं विष्वञ्चमरुहद्विचक्षणः । । ७००
४ १ १ १९ ०२   ऋतस्य जिह्वा पवते मधु प्रियं वक्ता पतिर्धियो अस्या अदाभ्यः  ।
४ १ १ १९ ०२  दधाति पुत्रः पित्रोरपीच्या३ं नाम तृतीयमधि रोचनं दिवः  । । ७०१
४ १ १ १९ ०३   अव द्युतानः कलशां अचिक्रदन्नृभिर्येमाणः कोश आ हिरण्यये  ।
४ १ १ १९ ०३  अभी ऋतस्य दोहना अनूषताधि त्रिपृष्ठ उषसो वि राजसि  । । ७०२

४ १ १ २० ०१   यज्ञायज्ञा वो अग्नये गिरागिरा च दक्षसे  ।
४ १ १ २० ०१  प्रप्र वयममृतं जातवेदसं प्रियं मित्रं न शंसिषम्  । । ७०३
४ १ १ २० ०२   ऊर्जो नपातं स हिनायमस्मयुर्दाशेम हव्यदातये  ।
४ १ १ २० ०२  भुवद्वाजेष्वविता भुवद्वृध उत त्राता तनूनाम्  । । ७०४

४ १ १ २१ ०१   एह्यू षु ब्रवाणि तेऽग्न इत्थेतरा गिरः  ।
४ १ १ २१ ०१  एभिर्वर्धास इन्दुभिः  । । ७०५
४ १ १ २१ ०२   यत्र क्व च ते मनो दक्षं दधस उत्तरम्  ।
४ १ १ २१ ०२  तत्रा योनिं कृणवसे  । । ७०६
४ १ १ २१ ०३   न हि ते पूर्तमक्षिपद्भुवन्नेमानां पते  ।
४ १ १ २१ ०३  अथा दुवो वनवसे  । । ७०७

४ १ १ २२ ०१   वयमु त्वामपूर्व्य स्थूरं न कच्चिद्भरन्तोऽवस्यवः  ।
४ १ १ २२ ०१  वज्रिञ्चित्रं हवामहे  । । ७०८
४ १ १ २२ ०२   उप त्वा कर्मन्नूतये स नो युवोग्रश्चक्राम यो धृषत् ।
४ १ १ २२ ०२  त्वामिध्यवितारं ववृमहे सखाय इन्द्र सानसिम्  । । ७०९

४ १ १ २३ ०१   अधा हीन्द्र गिर्वण उप त्वा काम ईमहे ससृग्महे  ।
४ १ १ २३ ०१  उदेव ग्मन्त उदभिः  । । ७१०
४ १ १ २३ ०२   वार्ण त्वा यव्याभिर्वर्धन्ति शूर ब्रह्माणि  ।
४ १ १ २३ ०२  ववृध्वांसं चिदद्रिवो दिवेदिवे  । । ७११
४ १ १ २३ ०३   पुञ्जन्ति हरी इषिरस्य गाथयोरौ रथ उरुयुगे वचोयुजा  ।
४ १ १ २३ ०३  इन्द्रवाहा स्वर्विदा  । । ७१२

प्रथम प्रपाठकः  ।  द्वितीयोऽर्धः
४ १ २ ०१ ०१   पान्तमा वो अन्धस इन्द्रमभि प्र गायत  ।
४ १ २ ०१ ०१  विश्वासाहं शत्क्रतुं मंहिष्ठं चर्षणीनाम्  । । ७१३
४ १ २ ०१ ०२   पुरुहूतं पुरुष्टुतं गाथान्या३ं सनश्रुतम्  ।
४ १ २ ०१ ०२  इन्द्र इति ब्रवीतन  । । ७१४
४ १ २ ०१ ०३   इन्द्र इन्नो महोनां दाता वाजानां नृतुः  ।
४ १ २ ०१ ०३  महां अभिज्ञ्वा यमत् । । ७१५

४ १ २ ०२ ०१   प्र व इन्द्राय मादनं हर्यश्वाय गायत  ।
४ १ २ ०२ ०१  सखायः सोमपाव्ने  । । ७१६
४ १ २ ०२ ०२   शंसेदुक्थं सुदानव उत द्युक्षं यथ नरः  ।
४ १ २ ०२ ०२  चकृमा सत्यराधसे  । । ७१७
४ १ २ ०२ ०३   त्वं न इन्द्र वाजयुस्त्वं गव्युः शतक्रतो  ।
४ १ २ ०२ ०३  त्वं हिरण्ययुर्वसो  । । ७१८

४ १ २ ०३ ०१   वयमु त्वा तदिदर्था इन्द्र त्वायन्तः सखायः  ।
४ १ २ ०३ ०१  कण्वा उक्थेभिर्जरन्ते  । । ७१९
४ १ २ ०३ ०२   न घेमन्यदा पपन वज्रिन्नपसो नविष्टौ  ।
४ १ २ ०३ ०२  तवेदु स्तोमैश्चिकेत  । । ७२०
४ १ २ ०३ ०३   इच्छन्ति देवाः सुन्वन्तं न स्वप्नाय स्पृहयन्ति  ।
४ १ २ ०३ ०३  यन्ति प्रमादमतन्द्राः  । । ७२१

४ १ २ ०४ ०१   इन्द्राय मद्व्ने सुतं परि ष्टोभन्तु नो गिरः  ।
४ १ २ ०४ ०१  अर्कमर्च्चन्तु कारवः  । । ७२२
४ १ २ ०४ ०२   यस्मिन्विश्वा अधि श्रियो रणन्ति सप्त संसदः  ।
४ १ २ ०४ ०२  इन्द्रं सुते हवामहे  । । ७२३
४ १ २ ०४ ०३   त्रिकद्रुकेषु चेतनं देवासो यज्ञमत्नत  ।
४ १ २ ०४ ०३  तमिद्वर्धन्तु नो गिरः  । । ७२४

४ १ २ ०५ ०१   अयं त इन्द्र सोमो निपूतो अधि बर्हिषि  ।
४ १ २ ०५ ०१  एहीमस्य द्रवा पिब  । । ७२५
४ १ २ ०५ ०२   शाचिगो शाचिपूजनायं रणाय ते सुतः  ।
४ १ २ ०५ ०२  आखण्डल प्र हूयसे  । । ७२६
४ १ २ ०५ ०३   यस्ते शृङ्गवृषो णपात्प्रणपात्कुण्डपाय्यः  ।
४ १ २ ०५ ०३  न्यस्मिं दध्र आ मनः  । । ७२७

४ १ २ ०६ ०१   आ तू न इन्द्र क्षुमन्तं चित्रं ग्राभं सं गृभाय  ।
४ १ २ ०६ ०१  महाहस्ति दक्षिणेन  । । ७२८
४ १ २ ०६ ०२   विद्मा हि त्वा तुविकूर्मिं तुविदेष्णं तुवीमघम्  ।
४ १ २ ०६ ०२  तुविमात्रमवोभिः  । । ७२९
४ १ २ ०६ ०३   न हि त्वा शूर देवा न मर्तासो दित्सन्तम्  ।
४ १ २ ०६ ०३  भीमं न गां वारयन्ते  । । ७३०

४ १ २ ०७ ०१   अभि त्वा वृषभा सुते सुतं सृजामि पीतये  ।
४ १ २ ०७ ०१  तृम्पा व्यश्नुही मदम्  । । ७३१
४ १ २ ०७ ०२   मा त्वा मूरा अविष्यवो मोपहस्वान आ दभन् ।
४ १ २ ०७ ०२  मा कीं ब्रह्मद्विषं वनः  । । ७३२
४ १ २ ०७ ०३   इह त्वा गोपरीणसं महे मन्दन्तु राधसे  ।
४ १ २ ०७ ०३  सरो गौरो यथा पिब  । । ७३३

४ १ २ ०८ ०१   इदं वसो सुतमन्धः पिबा सुपूर्णमुदरम्  ।
४ १ २ ०८ ०१  अनाभयिन्ररिमा ते  । । ७३४
४ १ २ ०८ ०२   नृभिर्धौतः सुतो अश्नैरव्या वारैः परिपूतः  ।
४ १ २ ०८ ०२  अश्वो न निक्तो नदीषु  । । ७३५
४ १ २ ०८ ०३   तं ते यवं यथा गोभिः स्वादुमकर्म श्रीणन्तः  ।
४ १ २ ०८ ०३  इन्द्र त्वास्मिंत्सधमादे  । । ७३६

४ १ २ ०९ ०१   इदं ह्यन्वोजसा सुतं राधानां पते  ।
४ १ २ ०९ ०१  पिबा त्वा३ य गिर्वणः  । । ७३७
४ १ २ ०९ ०२   यस्ते अनु स्वधामसत्सुते नि यच्छ तन्वम्  ।
४ १ २ ०९ ०२  स त्वा ममत्तु सोम्यम्  । । ७३८
४ १ २ ०९ ०३   प्र ते अश्नोतु कुक्ष्योः प्रेन्द्र ब्रह्मणा शिरः  ।
४ १ २ ०९ ०३  प्र बाहू शूर राधसा  । । ७३९

४ १ २ १० ०१   आ त्वेता नि षीदतेन्द्रमभि प्र गायत  ।
४ १ २ १० ०१  सखाय स्तोमवाहसः  । । ७४०
४ १ २ १० ०२   पुरूतमं पुरूणामीशानं वार्याणाम्  ।
४ १ २ १० ०२  इन्द्रं सोमे सचा सुते  । । ७४१
४ १ २ १० ०३   स घा नो योग आ भुवत्स राये स पुरन्ध्या  ।
४ १ २ १० ०३  गमद्वाजेभिरा स नः  । । ७४२

४ १ २ ११ ०१   योगेयोगे तवस्तरं वाजेवाजे हवामहे  ।
४ १ २ ११ ०१  सखाय इन्द्रमूतये  । । ७४३
४ १ २ ११ ०२   अनु प्रत्नस्यौकसो हुवे तुविप्रतिं नरम्  ।
४ १ २ ११ ०२  यं ते पूर्वं पिता हुवे  । । ७४४
४ १ २ ११ ०३   आ घा गमद्यदि श्रवत्सहस्रिणीभिरूतिभिः  ।
४ १ २ ११ ०३  वाजेभिरुप नो हवम्  । । ७४५

४ १ २ १२ ०१   इन्द्र सुतेषु सोमेषु क्रतुं पुनीष उक्थ्यम्  ।
४ १ २ १२ ०१  विदे वृधस्य दक्षस्य महां हि षः  । । ७४६
४ १ २ १२ ०२   स प्रथमे व्योमनि देवानां सदने वृधः  ।
४ १ २ १२ ०२  सुपारः सुश्रवस्तमः समप्सुजित् । । ७४७
४ १ २ १२ ०३   तमु हुवे वाजसातय इन्द्रं भराय शुष्मिणम्  ।
४ १ २ १२ ०३  भवा नः सुम्ने अन्तमः सखा वृधे  । । ७४८

४ १ २ १३ ०१   एना वो अग्निं नमसोर्जो नपातमा हुवे  ।
४ १ २ १३ ०१  प्रियं चेतिष्ठमरतिं स्वध्वरं विश्वस्य दूतममृतम्  । । ७४९
४ १ २ १३ ०२   स योजते अरुषा विश्वभोजसा स दुद्रवत्स्वाहुतः  ।
४ १ २ १३ ०२  सुब्रह्मा यज्ञः सुशमी वसूनां देवं राधो जनानाम्  । । ७५०

४ १ २ १४ ०१   प्रत्यु अदर्श्यायत्यू३ छन्ती दुहिता दिवः  ।
४ १ २ १४ ०१  अपो मही वृणुते चक्षुषा तमो ज्योतिष्कृणोति सूनरी  । । ७५१
४ १ २ १४ ०२   उदुस्रियाः सृजते सूर्यः सचा उद्यन्नक्षत्रमर्चिवत् ।
४ १ २ १४ ०२  तवेदुषो व्युषि सूर्यस्य च सं भक्तेन गमेमहि  । । ७५२

४ १ २ १५ ०१   इमा उ वां दिविष्टय उस्रा हवन्ते अश्विना  ।
४ १ २ १५ ०१  अयं वामह्वेऽवसे शचीवसू विशंविशं हि गच्छथः  । । ७५३
४ १ २ १५ ०२   युवं चित्रं ददथुर्भोजनं नरा चोदेथां सूनृतावते  ।
४ १ २ १५ ०२  अर्वाग्रथं समनसा नि यच्छतं पिबतं सोम्यं मधु  । । ७५४

४ १ २ १६ ०१   अस्य प्रत्नामनु द्युतं शुक्रं दुदुह्रे अह्रयः  ।
४ १ २ १६ ०१  पयः सहस्रसामृषिम्  । । ७५५
४ १ २ १६ ०२   अयं सूर्य इवोपदृगयं सरांसि धावति  ।
४ १ २ १६ ०२  सप्त प्रवत आ दिवम्  । । ७५६
४ १ २ १६ ०३   अयं विश्वानि तिष्ठति पुनानो भुवनोपरि  ।
४ १ २ १६ ०३  सोमो देवो न सूर्यः  । । ७५७

४ १ २ १७ ०१   एष प्रत्नेन जन्मना देवो देवेभ्यः सुतः  ।
४ १ २ १७ ०१  हरिः पवित्रे अर्षति  । । ७५८
४ १ २ १७ ०२   एष प्रत्नेन मन्मना देवो देवेभ्यस्परि  ।
४ १ २ १७ ०२  कविर्विप्रेण वावृधे  । । ७५९
४ १ २ १७ ०३   दुहानः प्रत्नमित्पयः पवित्रे परि षिच्यसे  ।
४ १ २ १७ ०३  क्रन्दं देवां अजीजनः  । । ७६०

४ १ २ १८ ०१   उप शिक्षापतस्थुषो भियसमा धेहि शत्रवे  ।
४ १ २ १८ ०१  पवमान विदा रयिम्  । । ७६१
४ १ २ १८ ०२   उषो षु जातमप्तुरं गोभिर्भङ्गं परिष्कृतम्  ।
४ १ २ १८ ०२  इन्दुं देवा अयासिषुः  । । ७६२
४ १ २ १८ ०३   उपास्मै गायता नरः पवमानायेन्दवे  ।
४ १ २ १८ ०३  अभि देवां इयक्षते  । । ७६३

४ १ २ १९ ०१   प्र सोमासो विपश्चितोऽपो नयन्त ऊर्मयः  ।
४ १ २ १९ ०१  वनानि महिषा इव  । । ७६४
४ १ २ १९ ०२   अभि द्रोणानि बभ्रवः शुक्रा ऋतस्य धारया  ।
४ १ २ १९ ०२  वाजं गोमन्तमक्षरन् । । ७६५
४ १ २ १९ ०३   सुता इन्द्राय वायवे वरुणाय मरुद्भ्यः  ।
४ १ २ १९ ०३  सोमा अर्षन्तु विष्णवे  । । ७६६

४ १ २ २० ०१   प्र सोम देववीतये सिन्धुर्न पिप्ये अर्णसा  ।
४ १ २ २० ०१  अंशोः पयसा मदिरो न जागृविरच्छा कोशं मधुश्चुतम्  । । ७६७
४ १ २ २० ०२   आ हर्यतो अर्जुनो अत्के अव्यत प्रियः सूनुर्न मर्ज्यः  ।
४ १ २ २० ०२  तमीं हिन्वन्त्यपसो यथा रथं नदीष्वा गभस्त्योः  । । ७६८

४ १ २ २१ ०१   प्र सोमासो मदच्युतः श्रवसे नो मघोनाम्  ।
४ १ २ २१ ०१  सुता विदथे अक्रमुः  । । ७६९
४ १ २ २१ ०२   आदीं हंसो यथा गणं विश्वस्यावीवशन्मतिम्  ।
४ १ २ २१ ०२  अत्यो न गोभिरज्यते  । । ७७०
४ १ २ २१ ०३   आदीं त्रितस्य योषणो हरिं हिन्वन्त्यद्रिभिः  ।
४ १ २ २१ ०३  इन्दुमिन्द्राय पीतये  । । ७७१

४ १ २ २२ ०१   अया पवस्व देवयु रेभन्पवित्रं पर्येषि विश्वतः  ।
४ १ २ २२ ०१  मधोर्धारा असृक्षत  । । ७७२
४ १ २ २२ ०२   पवते हर्यतो हरिरति ह्वरांसि रंह्या  ।
४ १ २ २२ ०२  अभ्यर्ष स्तोतृभ्यो वीरवद्यशः  । । ७७३
४ १ २ २२ ०३   प्र सुन्वानास्यान्धसो मर्तो न वष्ट तद्वचः  ।
४ १ २ २२ ०३  अप श्वानमराधसं हता मखं न भृगवः  । । ७७४

द्वितीय प्रपाठकः  ।  प्रथमोऽर्धः
४ २ १ ०१ ०१   पवस्व वाचो अग्रियः सोम चित्राभिरूतिभिः  ।
४ २ १ ०१ ०१  अभि विश्वानि काव्या  । । ७७५
४ २ १ ०१ ०२   त्वं समुद्रिया अपोऽग्रियो वाच ईरयन् ।
४ २ १ ०१ ०२  पवस्व विश्वचर्षणे  । । ७७६
४ २ १ ०१ ०३   तुभ्येमा भुवना कवे महिम्ने सोम तस्थिरे  ।
४ २ १ ०१ ०३  तुभ्यं धावन्ति धेनवः  । । ७७७

४ २ १ ०२ ०१   पवस्वेन्दो वृषा सुतः कृधी नो यशसो जने  ।
४ २ १ ०२ ०१  विश्वा अप द्विषो जहि  । । ७७८
४ २ १ ०२ ०२   यस्य ते सख्ये वयं सासह्याम पृतन्यतः  ।
४ २ १ ०२ ०२  तवेन्दो द्युम्न उत्तमे  । । ७७९
४ २ १ ०२ ०३   या ते भीमान्यायुधा तिग्मानि सन्ति धूर्वणे  ।
४ २ १ ०२ ०३  रक्षा समस्य नो निदः  । । ७८०

४ २ १ ०३ ०१   वृषा सोम द्युमां असि वृषा देव वृषव्रतः  ।
४ २ १ ०३ ०१  वृषा धर्माणि दध्रिषे  । । ७८१
४ २ १ ०३ ०२   वृष्णस्ते वृष्ण्यं शवो वृषा वनं वृषा सुतः  ।
४ २ १ ०३ ०२  स त्वं वृषन्वृषेदसि  । । ७८२
४ २ १ ०३ ०३   अश्वो न चक्रदो वृषा सं गा इन्दो समर्वतः  ।
४ २ १ ०३ ०३  वि नो राये दुरो वृधि  । । ७८३

४ २ १ ०४ ०१   वृषा ह्यसि भानुना द्युमन्तं त्वा हवामहे  ।
४ २ १ ०४ ०१  पवमान स्वर्दृशम्  । । ७८४
४ २ १ ०४ ०२   यदद्भिः परिशिच्यसे मर्मृज्यमान आयुभिः  ।
४ २ १ ०४ ०२  द्रोणे सधस्थमश्नुषे  । । ७८५
४ २ १ ०४ ०३   आ पवस्व सुवीर्यं मन्दमानः स्वायुध  ।
४ २ १ ०४ ०३  इहो ष्विन्दवा गहि  । । ७८६

४ २ १ ०५ ०१   पवमानस्य ते वयं पवित्रमभ्युन्दतः  ।
४ २ १ ०५ ०१  सखित्वमा वृणीमहे  । । ७८७
४ २ १ ०५ ०२   ये ते पवित्रमूर्मयोऽभिक्षरन्ति धारया  ।
४ २ १ ०५ ०२  तेभिर्नः सोम मृडय  । । ७८८
४ २ १ ०५ ०३   स नः पुनान आ भर रयिं वीरवतीमिषम्
४ २ १ ०५ ०३  ईशानः सोम विश्वतः  । । ७८९

४ २ १ ०६ ०१   अग्निं दूतं वृणीमहे होतारं विश्ववेदसम्  ।
४ २ १ ०६ ०१  अस्य यज्ञस्य सुक्रतुम्  । । ७९०
४ २ १ ०६ ०२   अग्निमग्निं हवीमभिः सदा हवन्त विश्पतिम्  ।
४ २ १ ०६ ०२  हव्यवाहं पुरुप्रियम्  । । ७९१
४ २ १ ०६ ०३   अग्ने देवां इहा वह जज्ञानो वृक्तबर्हिषे  ।
४ २ १ ०६ ०३  असि होता न ईड्यः  । । ७९२

४ २ १ ०७ ०१   मित्रं वयं हवामहे वरुणं सोमपीतये  ।
४ २ १ ०७ ०१  य जाता पूतदक्षसा  । । ७९३
४ २ १ ०७ ०२   ऋतेन यावृतावृधावृतस्य ज्योतिषस्पती  ।
४ २ १ ०७ ०२  ता मित्रावरुणा हुवे  । । ७९४
४ २ १ ०७ ०३   वरुणः प्राविता भुवन्मित्रो विश्वाभिरूतिभिः  ।
४ २ १ ०७ ०३  करतां नः सुराधसः  । । ७९५

४ २ १ ०८ ०१   इन्द्रमिद्गाथिनो बृहदिन्द्रमर्केभिरर्किणः  ।
४ २ १ ०८ ०१  इन्द्रं वाणीरनूषत  । । ७९६
४ २ १ ०८ ०२   इन्द्र इद्धर्योः सचा सम्मिश्ल आ वचोयुजा  ।
४ २ १ ०८ ०२  इन्द्रो वज्री हिरण्ययः  । । ७९७
४ २ १ ०८ ०३   इन्द्र वाजेषु नोऽव सहस्रप्रधनेषु च  ।
४ २ १ ०८ ०३  उग्र उग्राभिरूतिभिः  । । ७९८
४ २ १ ०८ ०४   इन्द्रो दीर्धाय चक्षस आ सूर्यं रोहयद्दिवि  ।
४ २ १ ०८ ०४  वि गोभिरद्रिमैरयत् । । ७९९

४ २ १ ०९ ०१   इन्द्रे अग्ना नमो बृहत्सुवृक्तिमेरयामहे  ।
४ २ १ ०९ ०१  धिया धेना अवस्यवः  । । ८००
४ २ १ ०९ ०२   ता हि शश्वन्त ईडत इत्था विप्रास ऊतये  ।
४ २ १ ०९ ०२  सबाधो वाजसातये  । । ८०१
४ २ १ ०९ ०३   ता वां गीर्भिर्विपन्युवः प्रयस्वन्तो हवामहे  ।
४ २ १ ०९ ०३  मेधसाता सनिष्यवः  । । ८०२

४ २ १ १० ०१   वृषा पवस्व धारया मरुत्वते च मत्सरः  ।
४ २ १ १० ०१  दिश्वा दधान ओजसा  । । ८०३
४ २ १ १० ०२   तं त्वा धर्त्तारमोण्यो३ः पवमान स्वर्दृशम्  ।
४ २ १ १० ०२  हिन्वे वाजेषु वाजिनम्  । । ८०४
४ २ १ १० ०३   अया चित्तो विपानया हरिः पवस्व धारया  ।
४ २ १ १० ०३  युजं वाजेषु चोदय  । । ८०५

४ २ १ ११ ०१   वृषा शोणो अभिकनिक्रदद्गा नदयन्नेषि पृथिवीमुत द्याम्  ।
४ २ १ ११ ०१  इन्द्रस्येव वग्नुरा शृण्व आजौ प्रचोदयन्नर्षसि वाचमेमाम्  । । ८०६
४ २ १ ११ ०२   रसाय्यः पयसा पिन्वमान ईरयन्नेषि मधुमन्तमंशुम्  ।
४ २ १ ११ ०२  पवमान सन्तनिमेषि कृण्वन्निन्द्राय सोम परिषिच्यमानः  । । ८०७
४ २ १ ११ ०३   एवा पवस्व मदिरो मदायोदग्राभस्य नमयन्वधस्नुम्  ।
४ २ १ ११ ०३  परि वर्णं भरमाणो रुशन्तं गव्युर्नो अर्ष परि सोम सिक्तः  । । ८०८

४ २ १ १२ ०१   त्वामिद्धि हवामहे सातौ वाजस्य कारवः  ।
४ २ १ १२ ०१  त्वां वृत्रेष्विन्द्र सत्पतिं नरस्त्वां काष्ठास्वर्वतः  । । ८०९
४ २ १ १२ ०२   स त्वं नश्चित्र वज्रहस्त धृष्णुया मह स्तवानो अद्रिवः  ।
४ २ १ १२ ०२  गामश्वं रथ्यमिन्द्र सं किर सत्रा वाजं न जिग्युषे  । । ८१०

४ २ १ १३ ०१   अभि प्र वः सुराधसमिन्द्रमर्च यथा विदे  ।
४ २ १ १३ ०१  यो जरितृभ्यो मघवा पुरूवसुः सहस्रेणेव शिक्षति  । । ८११
४ २ १ १३ ०२   शतानीकेव प्र जिगाति धृष्णुया हन्ति वृत्राणि दाशुषे  ।
४ २ १ १३ ०२  गिरेरिव प्र रसा अस्य पिन्विरे दत्राणि पुरुभोजसः  । । ८१२

४ २ १ १४ ०१   त्वामिदा ह्यो नरोऽपीप्यन्वज्रिन्भूर्णयः  ।
४ २ १ १४ ०१  स इन्द्र स्तोमवाहस इह श्रुध्युप स्वसरमा गहि  । । ८१३
४ २ १ १४ ०२   मत्स्वा सुशिप्रिन्हरिवस्तमीमहे त्वया भूषन्ति वेधसः  ।
४ २ १ १४ ०२  तव श्रवांस्युपमान्युक्थ्य सुतेष्विन्द्र गिर्वणः  । । ८१४

४ २ १ १५ ०१   यस्ते मदो वरेण्यस्तेना पवस्वान्धसा  ।
४ २ १ १५ ०१  देवावीरघशंसहा  । । ८१५
४ २ १ १५ ०२   जघ्निर्वृत्रममित्रियं सस्निर्वाजं दिवेदिवे  ।
४ २ १ १५ ०२  गोषातिरश्वसा असि  । । ८१६
४ २ १ १५ ०३   सम्मिश्लो अरुषो भुवः सूपस्थाभिर्न धेनुभि  ।
४ २ १ १५ ०३  सीदं च्छ्येनो न योनिमा  । । ८१७

४ २ १ १६ ०१   अयं पूषा रयिर्भगः सोमः पुनानो अर्षति  ।
४ २ १ १६ ०१  पतिर्विश्वस्य भूमनो व्यख्यद्रोदसी उभे  । । ८१८
४ २ १ १६ ०२   समु प्रिया अनूषत गावो मदाय घृष्वयः  ।
४ २ १ १६ ०२  सोमासः कृण्वते पथः पवमानास इन्दवः  । । ८१९
४ २ १ १६ ०३   य ओजिष्ठस्तमा भर पवमान श्रवाय्यम्  ।
४ २ १ १६ ०३  यः पञ्च चर्षणीरभि रयिं येन वनामहे  । । ८२०

४ २ १ १७ ०१   वृषा मतीनां पवते विचक्षणः सोमो अह्नां प्रतरीतोषसां दिवः  ।
४ २ १ १७ ०१  प्राणा सिन्धूनां कलशां अचिक्रददिन्द्रस्य हार्द्याविशन्मनीषिभिः  । । ८२१
४ २ १ १७ ०२   मनीषिभिः पवते पूर्व्यः कविर्नृभिर्यतः परि कोशां असिष्यदत् ।
४ २ १ १७ ०२  त्रितस्य नाम जनयन्मधु क्षरन्निन्द्रस्य वायूं सख्याय वर्धयन् । । ८२२
४ २ १ १७ ०३   अयं पुनान उषसो अरोचयदयं सिन्धुभ्यो अभवदु लोककृत् ।
४ २ १ १७ ०३  अयं त्रिः सप्त दुदुहान आशिरं सोमो हृदे पवते चारु मत्सरः  । । ८२३

४ २ १ १८ ०१   एवा ह्यसि वीरयुरेवा शूर उत स्थिरह् ।
४ २ १ १८ ०१  एवा ते राध्यं मनः  । । ८२४
४ २ १ १८ ०२   एवा रातिस्तुवीमघ विश्वेभिर्धायि धातृभिः  ।
४ २ १ १८ ०२  अधा चिदिन्द्र नः सचा  । । ८२५
४ २ १ १८ ०३   मो षु ब्रह्मेव तदिन्द्रयुर्भुवो वाजानां पते  ।
४ २ १ १८ ०३  मत्स्वा सुतस्य गोमतः  । । ८२६

४ २ १ १९ ०१   इन्द्रं विश्वा अवीवृधन्त्समुद्रव्यचसं गिरः  ।
४ २ १ १९ ०१  रथीतमं रथीनां वाजानां सत्पतिं पतिम्  । । ८२७
४ २ १ १९ ०२   सख्ये त इन्द्र वाजिनो मा भेम शवसस्पते  ।
४ २ १ १९ ०२  त्वामभि प्र नोनुमो जेतारमपराजितम्  । । ८२८
४ २ १ १९ ०३   पूर्वीरिन्द्रस्य रातयो न वि दस्यन्त्यूतयः  ।
४ २ १ १९ ०३  यदा वाजस्य गोमत स्तोतृभ्यो मंहते मघम्  । । ८२९

द्वितीय प्रपाठकः  ।  द्वितीयोऽर्धः
४ २ २ ०१ ०१   एत असृग्रमिन्दवस्तिरः पवित्रमाशवः  ।
४ २ २ ०१ ०१  विश्वान्यभि सौभगा  । । ८३०
४ २ २ ०१ ०२   विघ्नन्तो दुरिता पुरु सुगा तोकाय वाजिनः  ।
४ २ २ ०१ ०२  त्मना कृण्वन्तो अर्वतः  । । ८३१
४ २ २ ०१ ०३   कृण्वन्तो वरिवो गवेऽभ्यर्षन्ति सुष्टुतिम्  ।
४ २ २ ०१ ०३  इडामस्मभ्यं संयतम्  । । ८३२

४ २ २ ०२ ०१   राजा मेधाभिरीयते पवमानो मनावधि  ।
४ २ २ ०२ ०१  अन्तरिक्षेण यातवे  । । ८३३
४ २ २ ०२ ०२   आ नः सोम सहो जुवो रूपं न वर्चसे भर  ।
४ २ २ ०२ ०२  सुष्वाणो देववीतये  । । ८३४
४ २ २ ०२ ०३   आ न इन्दो शतग्विनं गवां पोषं स्वश्व्यम्  ।
४ २ २ ०२ ०३  वहा भगत्तिमूतये  । । ८३५

४ २ २ ०३ ०१   तं त्वा नृम्णानि बिभ्रतं सधस्थेषु महो दिवः  ।
४ २ २ ०३ ०१  चारुं सुकृत्ययेमहे  । । ८३६
४ २ २ ०३ ०२   संवृक्तधृष्णुमुक्थ्यं महामहिव्रतं मदम्  ।
४ २ २ ०३ ०२  शतं पुरो रुरुक्षणिम्  । । ८३७
४ २ २ ०३ ०३   अतस्त्वा रयिरभ्ययद्राजानं सुक्रतो दिवः  ।
४ २ २ ०३ ०३  सुपर्णो अव्यथी भरत् । । ८३८
४ २ २ ०३ ०४   अधा हिन्वान इन्द्रियं ज्यायो महित्वमानशे  ।
४ २ २ ०३ ०४  अभिष्टिकृद्विचर्षणिः  । । ८३९
४ २ २ ०३ ०५   विश्वस्मा इत्स्वर्दृशे साधारणं रजस्तुरम्  ।
४ २ २ ०३ ०५  गोपामृतस्य विर्भरत् । । ८४०

४ २ २ ०४ ०१   इषे पवस्व धारया मृज्यमानो मनीषिभिः  ।
४ २ २ ०४ ०१  इन्दो रुचाभि गा इहि  । । ८४१
४ २ २ ०४ ०२   पुनानो वरिवस्कृध्यूर्जं जनाय गिर्वणः  ।
४ २ २ ०४ ०२  हरे सृजान आशिरम्  । । ८४२
४ २ २ ०४ ०३   पुनानो देववीतय इन्द्रस्य याहि निष्कृतम्  ।
४ २ २ ०४ ०३  द्युतानो वाजिभिर्हितः  । । ८४३

४ २ २ ०५ ०१   अग्निनाग्निः समिध्यते कविर्गृहपतिर्युवा  ।
४ २ २ ०५ ०१  हव्यवाड्जुह्वास्यः  । । ८४४
४ २ २ ०५ ०२   यस्त्वामग्ने हविष्पतिर्दूतं देव सपर्यति  ।
४ २ २ ०५ ०२  तस्य स्म प्राविता भव  । । ८४५
४ २ २ ०५ ०३   यो अग्निं देववीतये हविष्मां आविवासति  ।
४ २ २ ०५ ०३  तस्मै पावक मृडय  । । ८४६

४ २ २ ०६ ०१   मित्रं हुवे पूतदक्षं वरुणं च रिशादसम्  ।
४ २ २ ०६ ०१  धियं घृताचीं साधन्ता  । । ८४७
४ २ २ ०६ ०२   ऋतेन मित्रावरुणावृतावृधावृतस्पृशा  ।
४ २ २ ०६ ०२  क्रतुं बृहन्तमाशाथे  । । ८४८
४ २ २ ०६ ०३   कवी नो मित्रावरुणा तुविजाता उरुक्षया  ।
४ २ २ ०६ ०३  दक्षं दधाते अपसम्  । । ८४९

४ २ २ ०७ ०१   इन्द्रेण सं हि दृक्षसे संजग्मानो अबिभ्युषा  ।
४ २ २ ०७ ०१  मन्दू समानवर्च्चसा  । । ८५०
४ २ २ ०७ ०२   आदह स्वधामनु पुनर्गर्भत्वमेरिरे  ।
४ २ २ ०७ ०२  दधाना नाम यज्ञियम्  । । ८५१
४ २ २ ०७ ०३   वीडु चिदारुजत्नुभिर्गुहा चिदिन्द्र वह्निभिः  ।
४ २ २ ०७ ०३  अविन्द उस्रिया अनु  । । ८५२

४ २ २ ०८ ०१   ता हुवे ययोरिदं पप्ने विश्वं पुरा कृतम्  ।
४ २ २ ०८ ०१  इन्द्राग्नी न मर्धतः  । । ८५३
४ २ २ ०८ ०२   उग्रा विघनिना मृध इन्द्राग्नी हवामहे  ।
४ २ २ ०८ ०२  ता नो मृडात ईदृशे  । । ८५४
४ २ २ ०८ ०३   हथो वृत्राण्यार्या हथो दासानि सत्पती  ।
४ २ २ ०८ ०३  हथो विश्वा अप द्विषः  । । ८५५

४ २ २ ०९ ०१   अभि सोमास आयवः पवन्ते मद्यं मदम्  ।
४ २ २ ०९ ०१  समुद्रस्याधि विष्टपे मनीषिणो मत्सरासो मदच्युतः  । । ८५६
४ २ २ ०९ ०२   तरत्समुद्रं पवमान ऊर्मिणा राजा देव ऋतं बृहत् ।
४ २ २ ०९ ०२  अर्षा मित्रस्य वरुणस्य धर्मणा प्र हिन्वान ऋतं बृहत् । । ८५७
४ २ २ ०९ ०३   नृभिर्येमाणो हर्यतो विचक्षणो राजा देवः समुद्र्यः  । । ८५८

४ २ २ १० ०१   तिस्रो वाच ईरयति प्र वह्निरृतस्य धीतिं ब्रह्मणो मनीषाम्  ।
४ २ २ १० ०१  गावो यन्ति गोपतिं पृच्छमानाः सोमं यन्ति मतयो वावशानाः  । । ८५९
४ २ २ १० ०२   सोमं गावो धेनवो वावशानाः सोमं विप्रा मतिभिः पृच्छमानाः  ।
४ २ २ १० ०२  सोमः सुत ऋच्यते पूयमानः सोमे अर्कास्त्रिष्टुभः सं नवन्ते  । । ८६०
४ २ २ १० ०३   एवा नः सोम परिषिच्यमान आ पवस्व पूयमानः स्वस्ति  ।
४ २ २ १० ०३  इन्द्रमा विश बृहता मदेन वर्धया वाचं जनया पुरन्धिम्  । । ८६१

४ २ २ ११ ०१   यद्द्याव इन्द्र ते शतंशतं भूमीरुत स्युः  ।
४ २ २ ११ ०१  न त्वा वज्रिन्त्सहस्रं सुर्या अनु न जातमष्ट रोदसी  । । ८६२
४ २ २ ११ ०२   आ पप्राथ महिना वृष्ण्या वृषन्विश्वा शविष्ठ शवसा  ।
४ २ २ ११ ०२  अस्मां अव मघवन्गोमति व्रजे वज्रिञ्चित्राभिरूतिभिः  । । ८६३

४ २ २ १२ ०१   वयं घ त्वा सुतावन्त आपो न वृक्तबर्हिषः  ।
४ २ २ १२ ०१  पवित्रस्य प्रस्रवणेषु वृत्रहन्परि स्तोतार आसते  । । ८६४
४ २ २ १२ ०२   स्वरन्ति त्वा सुते नरो वसो निरेक उक्थिनः  ।
४ २ २ १२ ०२  कदा सुतं तृषाण ओक आ गम इन्द्र स्वब्दीव वंसगः  । । ८६५
४ २ २ १२ ०३   कण्वेभिर्धृष्णवा धृषद्वाजं दर्षि सहस्रिणम्  ।
४ २ २ १२ ०३  पिशङ्गरूपं मघवन्विचर्षणे मक्षू गोमन्तमीमहे  । । ८६६

४ २ २ १३ ०१   तरणिरित्सिषासति वाजं पुरन्ध्या युजा  ।
४ २ २ १३ ०१  आ व इन्द्रं पुरुहूतं नमे गिरा नेमिं तष्टेव सुद्रुवम्  । । ८६७
४ २ २ १३ ०२   न दुष्टुतिर्द्रविणोदेषु शस्यते न स्रेधन्तं रयिर्नशत् ।
४ २ २ १३ ०२  सुशक्तिरिन्मघवं तुभ्यं मावते देष्णं यत्पार्ये दिवि  । । ८६८

४ २ २ १४ ०१   तिस्रो वाच उदीरते गावो मिमन्ति धेनवः  ।
४ २ २ १४ ०१  हरिरेति कनिक्रदत् । । ८६९
४ २ २ १४ ०२   अभि ब्रह्मीरनूषत यह्वीरृतस्य मातरः  ।
४ २ २ १४ ०२  मर्जयन्तीर्दिवः शिशुम्  । । ८७०
४ २ २ १४ ०३   रायः समुद्रांश्चतुरोऽस्मभ्यं सोम विश्वतः  ।
४ २ २ १४ ०३  आ पवस्व सहस्रिणः  । । ८७१

४ २ २ १५ ०१   सुतासो मधुमत्तमाः सोमा इन्द्राय मन्दिनः  ।
४ २ २ १५ ०१  पवित्रवन्तो अक्षरं देवान्गच्छन्तु वो मदाः  । । ८७२
४ २ २ १५ ०२   इन्दुरिन्द्राय पवत इति देवासो अब्रुवन् ।
४ २ २ १५ ०२  वाचस्पतिर्मखस्यते विश्वस्येशान ओजसाः  । । ८७३
४ २ २ १५ ०३   सहस्रधारः पवते समुद्रो वाचमीङ्खयः  ।
४ २ २ १५ ०३  सोमस्पती रयीणां सखेन्द्रस्य दिवेदिवे  । । ८७४

४ २ २ १६ ०१   पवित्रं ते विततं ब्रह्मणस्पते प्रभुर्गात्राणि पर्येषि विश्वतः  ।
४ २ २ १६ ०१  अतप्ततनूर्न तदामो अश्नुते शृतास इद्वहन्तः सं तदाशत  । । ८७५
४ २ २ १६ ०२   तपोष्पवित्रं विततं दिवस्पदेऽर्चन्तो अस्य तन्तवो व्यस्थिरन् ।
४ २ २ १६ ०२  अवन्त्यस्य पवीतारमाशवो दिवः पृष्ठमधि रोहन्ति तेजसा  । । ८७६
४ २ २ १६ ०३   अरूरुचदुषसः पृश्निरग्रिय उक्षा मिमेति भुवनेषु वाजयुः  ।
४ २ २ १६ ०३  मायाविनो ममिरे अस्य मायया नृचक्षसः पितरो गर्भमा दधुः  । । ८७७

४ २ २ १७ ०१   प्र मंहिष्ठाय गायत ऋताव्ने बृहते शुक्रशोचिषे  ।
४ २ २ १७ ०१  उपस्तुतासो अग्नये  । । ८७८
४ २ २ १७ ०२   आ वंसते मघवा वीरवद्यशः समिद्धो द्युम्न्याहुतः  ।
४ २ २ १७ ०२  कुविन्नो अस्य सुमतिर्भवीयस्यच्छा वाजेभिरागमत् । । ८७९

४ २ २ १८ ०१   तं ते मदं गृणीमसि वृषणं पृक्षु सासहिम्  ।
४ २ २ १८ ०१  उ लोककृत्नुमद्रिवो हरिश्रियम्  । । ८८०
४ २ २ १८ ०२   येन ज्योतींष्यायवे मनवे च विवेदिथ  ।
४ २ २ १८ ०२  मन्दानो अस्य बर्हिषो वि राजसि  । । ८८१
४ २ २ १८ ०३   तदद्या चित्त उक्थिनोऽनु ष्टुवन्ति पूर्वथा  ।
४ २ २ १८ ०३  वृषपत्नीरपो जया दिवेदिवे  । । ८८२

४ २ २ १९ ०१   श्रुधी हवं तिरश्च्या इन्द्र यस्त्वा सपर्यति  ।
४ २ २ १९ ०१  सुवीर्यस्य गोमतो रायस्पूर्धि महां असि  । । ८८३
४ २ २ १९ ०२   यस्त इन्द्र नवीयसीं गिरं मन्द्रामजीजनत् ।
४ २ २ १९ ०२  चिकित्विन्मनसं धियं प्रत्नामृतस्य पिप्युषीम्  । । ८८४
४ २ २ १९ ०३   तमु ष्टवाम यं गिर इन्द्रमुक्थानि वावृधुः  ।
४ २ २ १९ ०३  पुरूण्यस्य नौंस्या सिषासन्तो वनामहे  । । ८८५

तृतीय प्रपाठकः  ।  प्रथमोऽर्धः
४ ३ १ ०१ ०१   प्र त आश्विनीः पवमान धेनवो दिव्या असृग्रन्पयसा धरीमणि  ।
४ ३ १ ०१ ०१  प्रान्तरिक्षात्स्थाविरीस्ते असृक्षत ये त्वा मृजन्त्यृषिषाण वेधसः  । । ८८६
४ ३ १ ०१ ०२   उभयतः पवमानस्य रश्मयो ध्रुवस्य सतः परि यन्ति केतवः  ।
४ ३ १ ०१ ०२  यदी पवित्रे अधि मृज्यते हरिः सत्ता नि योनौ कलशेषु सीदति  । । ८८७
४ ३ १ ०१ ०३   विश्वा धामानि विश्वचक्ष ऋभ्वसः प्रभोष्टे सतः परि यन्ति केतवः  ।
४ ३ १ ०१ ०३  व्यानशी पवसे सोम धर्मणा पतिर्विश्वस्य भुवनस्य राजसि  । । ८८८

४ ३ १ ०२ ०१   पवमानो अजीजनद्दिवश्चित्रं न तन्यतुम्  ।
४ ३ १ ०२ ०१  ज्योतिर्वैश्वानरं बृहत् । । ८८९
४ ३ १ ०२ ०२   पवमान रसस्तव मदो राजन्नदुच्छुनः  ।
४ ३ १ ०२ ०२  वि वारमव्यमर्षति  । । ८९०
४ ३ १ ०२ ०३   पवमानस्य ते रसो दक्षो वि राजति द्युमान् ।
४ ३ १ ०२ ०३  ज्योतिर्विश्वं स्वर्दृशे  । । ८९१

४ ३ १ ०३ ०१   प्र यद्गावो न भूर्णयस्त्वेषा अयासो अक्रमुः  ।
४ ३ १ ०३ ०१  घ्नन्तः कृष्णामप त्वचम्  । । ८९२
४ ३ १ ०३ ०२   सुवितस्य मनामहेऽति सेतुं दुराय्यम्  ।
४ ३ १ ०३ ०२  साह्याम दस्युमव्रतम्  । । ८९३
४ ३ १ ०३ ०३   शृण्वे वृष्टेरिव स्वनः पवमानस्य शुष्मिणः  ।
४ ३ १ ०३ ०३  चरन्ति विद्युतो दिवि  । । ८९४
४ ३ १ ०३ ०४   आ पवस्व महीमिषं गोमदिन्दो हिरण्यवत् ।
४ ३ १ ०३ ०४  अश्ववत्सोम वीरवत् । । ८९५
४ ३ १ ०३ ०५   पवस्व विश्वचर्षण आ मही रोदसी पृण  ।
४ ३ १ ०३ ०५  उषाः सूर्यो न रश्मिभिः  । । ८९६
४ ३ १ ०३ ०६   परि नः शर्मयन्त्या धारया सोम विश्वतः  ।
४ ३ १ ०३ ०६  सरा रसेव विष्टपम्  । । ८९७

४ ३ १ ०४ ०१   आशुरर्ष बृहन्मते परि प्रियेण धाम्ना  ।
४ ३ १ ०४ ०१  यत्र देवा इति ब्रुवन् । । ८९८
४ ३ १ ०४ ०२   परिष्कृण्वन्ननिष्कृतं जनाय यातयन्निषः  ।
४ ३ १ ०४ ०२  वृष्टिं दिवः परि स्रव  । । ८९९
४ ३ १ ०४ ०३   अयं स यो दिवस्परि रघुयामा पवित्र आ  ।
४ ३ १ ०४ ०३  सिन्धोरूर्मा व्यक्षरत् । । ९००
४ ३ १ ०४ ०४   सुत एति पवित्र आ त्विषिं दधान ओजसा  ।
४ ३ १ ०४ ०४  विचक्षाणो विरोचयन् । । ९०१
४ ३ १ ०४ ०५   आविवासन्परावतो अथो अर्वावतः सुतः  ।
४ ३ १ ०४ ०५  इन्द्राय सिच्यते मधु  । । ९०२
४ ३ १ ०४ ००   समीचीना अनूषत हरिं हिन्वन्त्यद्रिभिः  ।
४ ३ १ ०४ ००  इन्दुमिन्द्राय पीतये  । । ९०३

४ ३ १ ०५ ०१   हिन्वन्ति सूरमुस्रयः स्वसारो जामयस्पतिम्  ।
४ ३ १ ०५ ०१  महामिन्दुं महीयुवः  । । ९०४
४ ३ १ ०५ ०२   पवमान रुचारुचा देवो देवेभ्यः सुतः  ।
४ ३ १ ०५ ०२  विश्वा वसून्या विश  । । ९०५
४ ३ १ ०५ ०३   आ पवमान सुष्टुतिं वृष्टिं देवेभ्यो दुवः  ।
४ ३ १ ०५ ०३  इषे पवस्व संयतम्  । । ९०६

४ ३ १ ०६ ०१   जनस्य गोपा अजनिष्ट जागृविरग्निः सुदक्षः सुविताय नव्यसे  ।
४ ३ १ ०६ ०१  घृतप्रतीको बृहता दिविस्पृषा द्युमद्वि भाति भरतेभ्यः शुचिः  । । ९०७
४ ३ १ ०६ ०२   त्वामग्ने अङ्गिरसो गुहा हितमन्वविन्दञ्छिश्रियाणं वनेवने  ।
४ ३ १ ०६ ०२  स जायसे मथ्यमानः सहो महत्वामाहुः सहसस्पुत्रमङ्गिरः  । । ९०८
४ ३ १ ०६ ०३   यज्ञस्य केतुं प्रथमं पुरोहितमग्निं नरस्त्रिषधस्थे समिन्धते  ।
४ ३ १ ०६ ०३  इन्द्रेण देवैः सरथं स बर्हिषि सीदन्नि होता यजथाय सुक्रतुः  । । ९०९

४ ३ १ ०७ ०१   अयं वां मित्रावरुणा सुतः सोम ऋतावृधा  ।
४ ३ १ ०७ ०१  ममेदिह श्रुतं हवम्  । । ९१०
४ ३ १ ०७ ०२   राजानावनभिद्रुहा ध्रुवे सदस्युत्तमे  ।
४ ३ १ ०७ ०२  सहस्रस्थूण आशाते  । । ९११
४ ३ १ ०७ ०३   ता सम्राजा घृतासुती आदित्या दानुनस्पती  ।
४ ३ १ ०७ ०३  सचेते अनवह्वरम्  । । ९१२

४ ३ १ ०८ ०१   इन्द्रो दधीचो अस्थभिर्वृत्राण्यप्रतिष्कुतः  ।
४ ३ १ ०८ ०१  जघान नवतीर्नव  । । ९१३
४ ३ १ ०८ ०२   इच्छन्नश्वस्य यच्छिरः पर्वतेष्वपश्रितम्  ।
४ ३ १ ०८ ०२  तद्विदच्छर्यणावति  । । ९१४
४ ३ १ ०८ ०३   अत्राह गोरमन्वत नाम त्वष्टुरपीच्यम्  ।
४ ३ १ ०८ ०३  इत्था चन्द्रमसो गृहे  । । ९१५

४ ३ १ ०९ ०१   इयं वामस्य मन्मन इन्द्राग्नी पूर्व्यस्तुतिः  ।
४ ३ १ ०९ ०१  अभ्राद्वृष्टिरिवाजनि  । । ९१६
४ ३ १ ०९ ०२   शृणुतं जरितुर्हवमिन्द्राग्नी वनतं गिरः  ।
४ ३ १ ०९ ०२  ईशाना पिप्यतं धियः  । । ९१७
४ ३ १ ०९ ०३   मा पापत्वाय नो नरेन्द्राग्नी माभिशस्तये  ।
४ ३ १ ०९ ०३  मा नो रीरधतं निदे  । । ९१८

४ ३ १ १० ०१   पवस्व दक्षसाधनो देवेभ्यः पीतये हरे  ।
४ ३ १ १० ०१  मरुद्भ्यो वायवे मदः  । । ९१९
४ ३ १ १० ०२   सं देवैः शोभते वृषा कविर्योनावधि प्रियः  ।
४ ३ १ १० ०२  पवमानो अदाभ्यः  । । ९२०
४ ३ १ १० ०३   पवमान धिया हितो३ऽभि योनिं कनिक्रदत् ।
४ ३ १ १० ०३  धर्मणा वायुमारुहः  । । ९२१

४ ३ १ ११ ०१   तवाहं सोम रारण सख्य इन्दो दिवेदिवे  ।
४ ३ १ ११ ०१  पुरूणि बभ्रो नि चरन्ति मामव परिधीं रति तांिहि  । । ९२२
४ ३ १ ११ ०२   तवाहं नक्तमुत सोम ते दिवा दुहानो बभ्र ऊधनि  ।
४ ३ १ ११ ०२  घृणा तपन्तमति सूर्यं परः शकुना इव पप्तिम  । । ९२३

४ ३ १ १२ ०१   पुनानो अक्रमीदभि विश्वा मृधो विचर्षणिः  ।
४ ३ १ १२ ०१  शुम्भन्ति विप्रं धीतिभिः  । । ९२४
४ ३ १ १२ ०२   आ योनिमरुणो रुहद्गमदिन्द्रं वृषा सुतम्  ।
४ ३ १ १२ ०२  ध्रुवे सदसि सीदतु  । । ९२५
४ ३ १ १२ ०३   नू नो रयिं महामिन्दोऽस्मभ्यं सोम विश्वतः  ।
४ ३ १ १२ ०३  आ पवस्व सहस्रिणम्  । । ९२६

४ ३ १ १३ ०१   पिबा सोममिन्द्र मदन्तु त्वा यं ते सुषाव हर्यश्वाद्रिः  ।
४ ३ १ १३ ०१  सोतुर्बाहुभ्यां सुयतो नार्वा  । । ९२७
४ ३ १ १३ ०२   यस्ते मदो युज्यश्चारुरस्ति येन वृत्राणि हर्यश्व हंसि  ।
४ ३ १ १३ ०२  स त्वामिन्द्र प्रभूवसो ममत्तु  । । ९२८
४ ३ १ १३ ०३   बोधा सु मे मघवन्वाचमेमां यां ते वसिष्ठो अर्चति प्रशस्तिम्  ।
४ ३ १ १३ ०३  इमा ब्रह्म सधमादे जुषस्व  । । ९२९

४ ३ १ १४ ०१   विश्वाः पृतना अभिभूतरं नरः सजूस्ततक्षुरिन्द्रं जजनुश्च राजसे  ।
४ ३ १ १४ ०१  क्रत्वे वरे स्थेमन्यामुरीमुतोग्रमोजिष्ठं तरसं तरस्विनम्  । । ९३०
४ ३ १ १४ ०२   नेमिं नमन्ति चक्षसा मेषं विप्रा अभिस्वरे  ।
४ ३ १ १४ ०२  सुदीतयो वो अद्रुहोऽपि कर्णे तरस्विनः समृक्वभिः  । । ९३१
४ ३ १ १४ ०३   समु रेभसो अस्वरन्निन्द्रं सोमस्य पीतये  ।
४ ३ १ १४ ०३  स्वःपतिर्यदी वृधे धृतव्रतो ह्योजसा समूतिभिः  । । ९३२

४ ३ १ १५ ०१   यो राजा चर्षणीनां याता रथेभिरध्रिगुः  ।
४ ३ १ १५ ०१  विश्वासां तरुता पृतनानां ज्येष्ठं यो वृत्रहा गृणे  । । ९३३
४ ३ १ १५ ०२   इन्द्रं तं शुम्भ्य पुरुहन्मन्नवसे यस्य द्विता विधर्त्तरि  ।
४ ३ १ १५ ०२  हस्तेन वज्रः प्रति धायि दर्शतो महां देवो न सूर्यः  । । ९३४

४ ३ १ १६ ०१   परि प्रिया दिवः कविर्वयांसि नप्त्योर्हितः  ।
४ ३ १ १६ ०१  स्वानैर्याति कविक्रतुः  । । ९३५
४ ३ १ १६ ०२   स सूनुर्मातरा शुचिर्जातो जाते अरोचयत् ।
४ ३ १ १६ ०२  महान्मही ऋतावृधा  । । ९३६
४ ३ १ १६ ०३   प्रप्र क्षयाय पन्यसे जनाय जुष्टो अद्रुहः  ।
४ ३ १ १६ ०३  वीत्यर्ष पनिष्टये  । । ९३७

४ ३ १ १७ ०१   त्वं ह्या३ंङ्ग दैव्या पवमान जनिमानि द्युमत्तमः  ।
४ ३ १ १७ ०१  अमृतत्वाय घोषयन् । । ९३८
४ ३ १ १७ ०२   येना नवग्वो दध्यङ्ङपोर्णुते येन विप्रास आपिरे  ।
४ ३ १ १७ ०२  देवानां सुम्ने अमृतस्य चारुणो येन श्रवांस्याशत  । । ९३९

४ ३ १ १८ ०१   सोमः पुनान ऊर्मिणाव्यं वारं वि धावति  ।
४ ३ १ १८ ०१  अग्रे वाचः पवमानः कनिक्रदत् । । ९४०
४ ३ १ १८ ०२   धीभिर्मृजन्ति वाजिनं वने क्रीडन्तमत्यविम्  ।
४ ३ १ १८ ०२  अभि त्रिपृष्ठं मतयः समस्वरन् । । ९४१
४ ३ १ १८ ०३   असर्जि कलशां अभि मीढ्वान्त्सप्तिर्न वाजयुः  ।
४ ३ १ १८ ०३  पुनानो वाचं जनयन्नसिष्यदत् । । ९४२

४ ३ १ १९ ०१   सोमः पवते जनिता मतीनां जनिता दिवो जनिता पृथिव्याः  ।
४ ३ १ १९ ०१  जनिताग्नेर्जनिता सूर्यस्य जनितेन्द्रस्य जनितोत विष्णोः  । । ९४३
४ ३ १ १९ ०२   ब्रह्मा देवानां पदवीः कवीनां ऋषिर्विप्राणां महिषोमृगाणाम्  ।
४ ३ १ १९ ०२  श्येनो गृध्राणां स्वधितिर्वनानां सोमः पवित्रमत्येति रेभन् । । ९४४
४ ३ १ १९ ०३   प्रावीविपद्वाच ऊर्मिं न सिन्धुर्गिर स्तोमान्पवमानो मनीषाः  ।
४ ३ १ १९ ०३  अन्तः पश्यन्वृजनेमावराण्या तिष्ठति वृषभो गोषु जानन् । । ९४५

४ ३ १ २० ०१   अग्निं वो वृधन्तमध्वराणां पुरूतमम्  ।
४ ३ १ २० ०१  अच्छा नप्त्रे सहस्वते  । । ९४६
४ ३ १ २० ०२   अयं यथा न आभुवत्त्वष्टा रूपेव तक्ष्या  ।
४ ३ १ २० ०२  अस्य क्रत्वा यशस्वतः  । । ९४७
४ ३ १ २० ०३   अयं विश्वा अभि श्रियोऽग्निर्देवेषु पत्यते  ।
४ ३ १ २० ०३  आ वाजैरुप नो गमत् । । ९४८

४ ३ १ २१ ०१   इममिन्द्र सुतं पिब ज्येष्ठममर्त्यं मदम्  ।
४ ३ १ २१ ०१  शुक्रस्य त्वाभ्यक्षरन्धारा ऋतस्य सादने  । । ९४९
४ ३ १ २१ ०२   न किष्ट्वद्रथीतरो हरी यदिन्द्र यच्छसे  ।
४ ३ १ २१ ०२  न किष्ट्वानु मज्मना न किः स्वश्व आनशे  । । ९५०
४ ३ १ २१ ०३   इन्द्राय नूनमर्चतोक्थानि च ब्रवीतन  ।
४ ३ १ २१ ०३  सुता अमत्सुरिन्दवो ज्येष्ठं नमस्यता सहः  । । ९५१

४ ३ १ २२ ०१   इन्द्र जुषस्व प्र वहा याहि शूर हरिह  ।
४ ३ १ २२ ०१  पिबा सुतस्य मतिर्न मधोश्चकानश्चारुर्मदाय  । । ९५२
४ ३ १ २२ ०२   इन्द्र जठरं नव्यं न पृणस्व मधोर्दिवो न  ।
४ ३ १ २२ ०२  अस्य सुतस्य स्वा३ नोप त्वा मदाः सुवाचो अस्थुः  । । ९५३
४ ३ १ २२ ०३   इन्द्रस्तुराषाण्मित्रो न जघान वृत्रं यतिर्न  ।
४ ३ १ २२ ०३  बिभेद वलं भृगुर्न ससाहे शत्रून्मदे सोमस्य  । । ९५४

तृतीय प्रपाठकः  ।  द्वितीयोऽर्धः
४ ३ २ ०१ ०१   गोवित्पवस्व वसुविद्धिरण्यविद्रेतोधा इन्दो भुवनेष्वर्पितः  ।
४ ३ २ ०१ ०१  त्वं सुवीरो असि सोम विश्ववित्तं त्वा नर उप गिरेम आसते  । । ९५५
४ ३ २ ०१ ०२   त्वं नृचक्षा असि सोम विश्वतः पवमान वृषभ ता वि धावसि  ।
४ ३ २ ०१ ०२  स नः पवस्व वसुमद्धिरण्यवद्वयं स्याम भुवनेषु जीवसे  । । ९५६
४ ३ २ ०१ ०३   ईशान इमा भुवनानि ईयसे युजान इन्दो हरितः सुपर्ण्यः  ।
४ ३ २ ०१ ०३  तास्ते क्षरन्तु मधुमद्घृतं पयस्तव व्रते सोम तिष्ठन्तु कृष्टयः  । । ९५७

४ ३ २ ०२ ०१   पवमानस्य विश्ववित्प्र ते सर्गा असृक्षत  ।
४ ३ २ ०२ ०१  सूर्यस्येव न रश्मयः  । । ९५८
४ ३ २ ०२ ०२   केतुं कृण्वं दिवस्परि विश्वा रूपाभ्यर्षसि  ।
४ ३ २ ०२ ०२  समुद्रः सोम पिन्वसे  । । ९५९
४ ३ २ ०२ ०३   जज्ञानो वाचमिष्यसि पवमान विधर्मणि  ।
४ ३ २ ०२ ०३  क्रन्दं देवो न सूर्यः  । । ९६०

४ ३ २ ०३ ०१   प्र सोमासो अधन्विषुः पवमानास इन्दवः  ।
४ ३ २ ०३ ०१  श्रीणाना अप्सु वृञ्जते  । । ९६१
४ ३ २ ०३ ०२   अभि गावो अधन्विषुरापो न प्रवता यतीः  ।
४ ३ २ ०३ ०२  पुनाना इन्द्रमाशत  । । ९६२
४ ३ २ ०३ ०३   प्र पवमान धन्वसि सोमेन्द्राय मादनः  ।
४ ३ २ ०३ ०३  नृभिर्यतो वि नीयसे  । । ९६३
४ ३ २ ०३ ०४   इन्दो यदद्रिभिः सुतः पवित्रं परिदीयसे  ।
४ ३ २ ०३ ०४  अरमिन्द्रस्य धाम्ने  । । ९६४
४ ३ २ ०३ ०५   त्वं सोम नृमादनः पवस्व चर्षणीधृतिः  ।
४ ३ २ ०३ ०५  सस्निर्यो अनुमाद्यः  । । ९६५
४ ३ २ ०३ ०६   पवस्व वृत्रहन्तम उक्थेभिरनुमाद्यः  ।
४ ३ २ ०३ ०६  शुचिः पावको अद्भुतः  । । ९६६
४ ३ २ ०३ ०७   शुचिः पावक उच्यते सोमः सुतः स मधुमान् ।
४ ३ २ ०३ ०७  देवावीरघशंसहा  । । ९६७

४ ३ २ ०४ ०१   प्र कविर्देववीतयेऽव्या वारेभिरव्यत  ।
४ ३ २ ०४ ०१  साह्वान्विश्वा अभि स्पृधः  । । ९६८
४ ३ २ ०४ ०२   स हि ष्मा जरितृभ्य आ वाजं गोमन्तमिन्वति  ।
४ ३ २ ०४ ०२  पवमानः सहस्रिणम्  । । ९६९
४ ३ २ ०४ ०३   परि विश्वानि चेतसा मृज्यसे पवसे मती  ।
४ ३ २ ०४ ०३  स नः सोम श्रवो विदः  । । ९७०
४ ३ २ ०४ ०४   अभ्यर्ष बृहद्यशो मघवद्भ्यो ध्रुवं रयिम्  ।
४ ३ २ ०४ ०४  इषं स्तोतृभ्य आ भर  । । ९७१
४ ३ २ ०४ ०५   त्वं राजेव सुव्रतो गिरः सोमाविवेशिथ  ।
४ ३ २ ०४ ०५  पुनानो वह्ने अद्भुत  । । ९७२
४ ३ २ ०४ ०६   स वह्निरप्सु दुष्टरो मृज्यमानो गभस्त्योः  ।
४ ३ २ ०४ ०६  सोमश्चमूषु सीदति  । । ९७३
४ ३ २ ०४ ०७   क्रीडुर्मखो न मंहयुः पवित्रं सोम गच्छसि  ।
४ ३ २ ०४ ०७  दधत्स्तोत्रे सुवीर्यम्  । । ९७४

४ ३ २ ०५ ०१   यवंयवं नो अन्धसा पुष्टंपुष्टं परि स्रव  ।
४ ३ २ ०५ ०१  विश्वा च सोम सौभगा  । । ९७५
४ ३ २ ०५ ०२   इन्दो यथा तव स्तवो यथा ते जातमन्धसः  ।
४ ३ २ ०५ ०२  नि बर्हिषि प्रिये सदः  । । ९७६
४ ३ २ ०५ ०३   उत नो गोविदश्ववित्पवस्व सोमान्धसा  ।
४ ३ २ ०५ ०३  मक्षूतमेभिरहभिः  । । ९७७
४ ३ २ ०५ ०४   यो जिनाति न जीयते हन्ति शत्रुमभीत्य  ।
४ ३ २ ०५ ०४  स पवस्व सहस्रजित् । । ९७८

४ ३ २ ०६ ०१   यास्ते धारा मधुश्चुतोऽसृग्रमिन्द ऊतये  ।
४ ३ २ ०६ ०१  ताभिः पवित्रमासदः  । । ९७९
४ ३ २ ०६ ०२   सो अर्षेन्द्राय पीतये तिरो वाराण्यव्यया  ।
४ ३ २ ०६ ०२  सीदन्नृतस्य योनिमा  । । ९८०
४ ३ २ ०६ ०३   त्वं सोम परि स्रव स्वादिष्ठो अङ्गिरोभ्यः  ।
४ ३ २ ०६ ०३  वरिवोविद्धृतं पयः  । । ९८१

४ ३ २ ०७ ०१   तव श्रियो वर्ष्यस्येव विद्युतोग्नेश्चिकित्र उषसामिवेतयः  ।
४ ३ २ ०७ ०१  यदोषधीरभिसृष्टो वनानि च परि स्वयं चिनुषे अन्नमासनि  । । ९८२
४ ३ २ ०७ ०२   वातोपजूत इषितो वशां अनु तृषु यदन्ना वेविषद्वितिष्ठसे  ।
४ ३ २ ०७ ०२  आ ते यतन्ते रथ्यो३ यथा पृथक्शर्धांस्यग्ने अजरस्य धक्षतः  । । ९८३
४ ३ २ ०७ ०३   मेधाकारं विदथस्य प्रसाधनमग्निं होतारं परिभूतरं मतिम्  ।
४ ३ २ ०७ ०३  त्वामर्भस्य हविषः समानमित्तवां महो वृणते नान्यं त्वत् । । ९८४

४ ३ २ ०८ ०१   पुरूरुणा चिद्ध्यस्त्यवो नूनं वां वरुण  ।
४ ३ २ ०८ ०१  मित्र वंसि वां सुमतिम्  । । ९८५
४ ३ २ ०८ ०२   ता वां सम्यगद्रुह्वाणेषमश्याम धाम च  ।
४ ३ २ ०८ ०२  वयं वां मित्रा स्याम  । । ९८६
४ ३ २ ०८ ०३   पातं नो मित्रा पायुभिरुत त्रायेथां सुत्रात्रा  ।
४ ३ २ ०८ ०३  साह्याम दस्यूं तनूभिः  । । ९८७

४ ३ २ ०९ ०१   उत्तिष्ठन्नोजसा सह पीत्वा शिप्रे अवेपयः  ।
४ ३ २ ०९ ०१  सोममिन्द्र चमूसुतम्  । । ९८८
४ ३ २ ०९ ०२   अनु त्वा रोदसी उभे स्पर्धमानमददेताम्  ।
४ ३ २ ०९ ०२  इन्द्र यद्दस्युहाभवः  । । ९८९
४ ३ २ ०९ ०३   वाचमष्टापदीमहं नवस्रक्तिमृतावृधम्  ।
४ ३ २ ०९ ०३  इन्द्रात्परितन्वं ममे  । । ९९०

४ ३ २ १० ०१   इन्द्राग्नी युवामिमे३ऽभि स्तोमा अनूषत  ।
४ ३ २ १० ०१  पिबतं शम्भुवा सुतम्  । । ९९१
४ ३ २ १० ०२   या वां सन्ति पुरुस्पृहो नियुतो दाशुषे नरा  ।
४ ३ २ १० ०२  इन्द्राग्नी ताभिरा गतम्  । । ९९२
४ ३ २ १० ०३   ताभिरा गच्छतं नरोपेदं सवनं सुतम्  ।
४ ३ २ १० ०३  इन्द्राग्नी सोमपीतये  । । ९९३

४ ३ २ ११ ०१   अर्षा सोम द्युमत्तमोऽभि द्रोणानि रोरुवत् ।
४ ३ २ ११ ०१  सीदन्योनौ योनेष्वा  । । ९९४
४ ३ २ ११ ०२   अप्सा इन्द्राय वायवे वरुणाय मरुद्भ्यः  ।
४ ३ २ ११ ०२  सोमा अर्षन्तु विष्णवे  । । ९९५
४ ३ २ ११ ०३   इषं तोकाय नो दधदस्मभ्यं सोम विश्वतः  ।
४ ३ २ ११ ०३  आ पवस्व सहस्रिणम्  । । ९९६

४ ३ २ १२ ०१   सोम उ ष्वाणः सोतृभिरधि ष्णुभिरवीनाम्  ।
४ ३ २ १२ ०१  अश्वयेव हरिता याति धारया मन्द्रया याति धारया  । । ९९७
४ ३ २ १२ ०२   अनूपे गोमान्गोभिरक्षाः सोमो दुग्धाभिरक्षाः  ।
४ ३ २ १२ ०२  समुद्रं न संवरणान्यग्मन्मन्दी मदाय तोशते  । । ९९८

४ ३ २ १३ ०१   यत्सोम चित्रमुक्थ्यं दिव्यं पार्थिवं वसु  ।
४ ३ २ १३ ०१  तन्नः पुनान आ भर  । । ९९९
४ ३ २ १३ ०२   वृषा पुनान आयुंषि स्तनयन्नधि बर्हिषि  ।
४ ३ २ १३ ०२  हरिः सन्योनिमासदः  । । १०००
४ ३ २ १३ ०३   युवं हि स्थः स्वःपती इन्द्रश्च सोम गोपती  ।
४ ३ २ १३ ०३  ईशाना पिप्यतं धियः  । । १००१

४ ३ २ १४ ०१   इन्द्रो मदाय वावृधे शवसे वृत्रहा नृभिः  ।
४ ३ २ १४ ०१  तमिन्महत्स्वाजिषूतिमर्भे हवामहे स वाजेषु प्र नोऽविषत् । । १००२
४ ३ २ १४ ०२   असि हि वीर सेन्योऽसि भूरि पराददिः  ।
४ ३ २ १४ ०२  असि दभ्रस्य चिद्वृधो यजमानाय शिक्षसि सुन्वते भूरि ते वसु  । । १००३
४ ३ २ १४ ०३   यदुदीरत आजयो धृष्णवे धीयते धनाम्  ।
४ ३ २ १४ ०३  युङ्क्ष्वा मदच्युता हरी कं हनः कं वसौ दधोऽस्मां इन्द्र वसौ दधः  । । १००४

४ ३ २ १५ ०१   स्वादोरित्था विषूवतो मध्वः पिबन्ति गौर्यः  ।
४ ३ २ १५ ०१  या इन्द्रेण सयावरीर्वृष्णा मदन्ति शोभसे वस्वीरनु स्वराज्यम्  । । १००५
४ ३ २ १५ ०२   ता अस्य पृशनायुवः सोमं श्रीणन्ति पृश्नयः  ।
४ ३ २ १५ ०२  प्रिया इन्द्रस्य धेनवो वज्रं हिन्वन्ति सायकं वस्वीरनु स्वराज्यम्  । । १००६
४ ३ २ १५ ०३   ता अस्य नमसा सहः सपर्यन्ति प्रचेतसः  ।
४ ३ २ १५ ०३  व्रतान्यस्य सश्चिरे पुरूणि पूर्वचित्तये वस्वीरनु स्वराज्यम्  । । १००७

४ ३ २ १६ ०१   असाव्यंशुर्मदायाप्सु दक्षो गिरिष्ठाः  ।
४ ३ २ १६ ०१  श्येनो न योनिमासदत् । । १००८
४ ३ २ १६ ०२   शुभ्रमन्धो देववातमप्सु धौतं नृभिः सुतम्  ।
४ ३ २ १६ ०२  स्वदन्ति गावः पयोभिः  । । १००९
४ ३ २ १६ ०३   आदीमश्वं न हेतारमशूशुभन्नमृताय  ।
४ ३ २ १६ ०३  मधो रसं सधमादे  । । १०१०

४ ३ २ १७ ०१   अभि द्युभ्नं बृहद्यश इषस्पते दीदिहि देव देवयुम्  ।
४ ३ २ १७ ०१  वि कोशं मध्यमं युव  । । १०११
४ ३ २ १७ ०२   आ वच्यस्व सुदक्ष चम्वोः सुतो विशां वह्निर्न विश्पतिः  ।
४ ३ २ १७ ०२  वृष्टिं दिवः पवस्व रीतिमपो जिन्वन्गविष्टये धियः  । । १०१२

४ ३ २ १८ ०१   प्राणा शिशुर्महीनां हिन्वन्नृतस्य दीधितिम्  ।
४ ३ २ १८ ०१  विश्वा परि प्रिया भुवदध द्विता  । । १०१३
४ ३ २ १८ ०२   उप त्रितस्य पाष्यो३ अभक्त यद्गुहा पदम्  ।
४ ३ २ १८ ०२  यज्ञस्य सप्त धामभिरध प्रियम्  । । १०१४
४ ३ २ १८ ०३   त्रीणि त्रितस्य धारया पृष्टेष्वैरयद्रयिम्  ।
४ ३ २ १८ ०३  मिमीते अस्य योजना वि सुक्रतुः  । । १०१५

४ ३ २ १९ ०१   पवस्व वाजसातये पवित्रे धारया सुतः  ।
४ ३ २ १९ ०१  इन्द्राय सोम विष्णवे देवेभ्यो मधुमत्तरः  । । १०१६
४ ३ २ १९ ०२   त्वां रिहन्ति धीतयो हरिं पवित्रे अद्रुहः  ।
४ ३ २ १९ ०२  वत्सं जातं न मातरः पवमान विधर्मणि  । । १०१७
४ ३ २ १९ ०३   त्वं द्यां च महिव्रत पृथिवीं चाति जभ्रिषे  ।
४ ३ २ १९ ०३  प्रति द्रापिममुञ्चथाः पवमान महित्वना  । । १०१८

४ ३ २ २० ०१   इन्दुर्वाजी पवते गोन्योघा इन्द्रे सोमः सह इन्वन्मदाय  ।
४ ३ २ २० ०१  हन्ति रक्षो बाधते पर्यरातिं वरिवस्कृण्वन्वृजनस्य राजा  । । १०१९
४ ३ २ २० ०२   अध धारया मध्वा पृचानस्तिरो रोम पवते अद्रिदुग्धः  ।
४ ३ २ २० ०२  इन्दुरिन्द्रस्य सख्यं जुषाणो देवो देवस्य मत्सरो मदाय  । । १०२०
४ ३ २ २० ०३   अभि व्रतानि पवते पुनानो देवो देवान्त्स्वेन रसेन पृञ्चन् ।
४ ३ २ २० ०३  इन्दुर्धर्माण्यृतुथा वसानो दश क्षिपो अव्यत सानो अव्ये  । । १०२१

४ ३ २ २१ ०१   आ ते अग्न इधीमहि द्युमन्तं देवाजरम्  ।
४ ३ २ २१ ०१  युद्ध स्या ते पनीयसी समिद्दीदयति द्यवीषं स्तोतृभ्य आ भर  । । १०२२
४ ३ २ २१ ०२   आ ते अग्न ऋचा हविः शुक्रस्य ज्योतिषस्पते  ।
४ ३ २ २१ ०२  सुश्चन्द्र दस्म विश्पते हव्यवाट्तुभ्यं हूयत इषं स्तोतृभ्य आ भर  । । १०२३
४ ३ २ २१ ०३   ओभे सुश्चन्द्र विश्पते दर्वी श्रीणीष आसनि  ।
४ ३ २ २१ ०३  उतो न उत्पुपूर्या उक्थेषु शवसस्पत इषं स्तोतृभ्य आ भर  । । १०२४

४ ३ २ २२ ०१   इन्द्राय साम गायत विप्राय बृहते बृहत् ।
४ ३ २ २२ ०१  ब्रह्माकृते विपश्चिते पनस्यवे  । । १०२५
४ ३ २ २२ ०२   त्वमिन्द्राभिभूरसि त्वं सूर्यमरोचयः  ।
४ ३ २ २२ ०२  विश्वकर्मा विश्वदेवो महां असि  । । १०२६
४ ३ २ २२ ०३   विभ्राजं ज्योतिषा त्व३ अगच्छो रोचनं दिवः  ।
४ ३ २ २२ ०३  देवास्त इन्द्र सख्याय येमिरे  । । १०२७

४ ३ २ २३ ०१   असावि सोम इन्द्र ते शविष्ठ धृष्णवा गहि  ।
४ ३ २ २३ ०१  आ त्वा पृणक्त्विन्द्रियं रजः सूर्यो न रश्मिभिः  । । १०२८
४ ३ २ २३ ०२   आ तिष्ठ वृत्रहन्रथं युक्ता ते ब्रह्मणा हरी  ।
४ ३ २ २३ ०२  अर्वाचीनं सु ते मनो ग्रावा कृणोतु वग्नुना  । । १०२९
४ ३ २ २३ ०३   इन्द्रमिद्धरी वहतोऽप्रतिधृष्टशवसम्  ।
४ ३ २ २३ ०३  ऋषीणां सुष्टुतीरुप यज्ञं च मानुषाणाम्  । । १०३०

चतुर्थ प्रपाठकः  ।  प्रथमोऽर्धः
४ ४ १ ०१ ०१   ज्योतिर्यज्ञस्य पवते मधु प्रियं पिता देवानां जनिता विभूवसुः  ।
४ ४ १ ०१ ०१  दधाति रत्नं स्वधयोरपीच्यं मदिन्तमो मत्सर इन्द्रियो रसः  । । १०३१
४ ४ १ ०१ ०२   अभिक्रन्दन्कलशं वाज्यर्षति पतिर्दिवः शतधारो विचक्षणः  ।
४ ४ १ ०१ ०२  हरिर्मित्रस्य सदनेषु सीदति मर्मृजानोऽविभिः सिन्धुभिर्वृषा  । । १०३२
४ ४ १ ०१ ०३   अग्रे सिन्धूनां पवमानो अर्षत्यग्रे वाचो अग्रियो गोषु गच्छसि  ।
४ ४ १ ०१ ०३  अग्रे वाजस्य भजसे महद्धनं स्वायुधः सोतृभिः सोम सूयसे  । । १०३३

४ ४ १ ०२ ०१   असृक्षत प्र वाजिनो गव्या सोमासो अश्वया  ।
४ ४ १ ०२ ०१  शुक्रासो वीरयाशवः  । । १०३४
४ ४ १ ०२ ०२   शुम्भमानो ऋतायुभिर्मृज्यमाना गभस्त्योः  ।
र्म् ४ ४ १ ०२ ०२  पवन्ते वारे अव्यये  । । १०३५
४ ४ १ ०२ ०३   ते विश्वा दाशुषे वसु सोमा दिव्यानि पार्थिवा  ।
४ ४ १ ०२ ०३  पवन्तामान्तरिक्ष्या  । । १०३६

४ ४ १ ०३ ०१   पवस्व देववीरति पवित्रं सोम रंह्या  ।
४ ४ १ ०३ ०१  इन्द्रमिन्दो वृषा विश  । । १०३७
४ ४ १ ०३ ०२   आ वच्यस्व महि प्सरो वृषेन्दो द्युम्नवत्तमः  ।
४ ४ १ ०३ ०२  आ योनिं धर्णसिः सदः  । । १०३८
४ ४ १ ०३ ०३   अधुक्षत प्रियं मधु धारा सुतस्य वेधसः  ।
४ ४ १ ०३ ०३  अपो वसिष्ट सुक्रतुः  । । १०३९
४ ४ १ ०३ ०४   महान्तं त्वा महीरन्वापो अर्षन्ति सिन्धवः  ।
४ ४ १ ०३ ०४  यद्गोभिर्वासयिष्यसे  । । १०४०
४ ४ १ ०३ ०५   समुद्रो अप्सु मामृजे विष्टम्भो धरुणो दिवः  ।
४ ४ १ ०३ ०५  सोमः पवित्रे अस्मयुः  । । १०४१
४ ४ १ ०३ ०६   अचिक्रदद्वृषा हरिर्महान्मित्रो न दर्शतः  ।
४ ४ १ ०३ ०६  सं सूर्येण दिद्युते  । । १०४२
४ ४ १ ०३ ०७   गिरस्त इन्द ओजसा मर्मृज्यन्ते अपस्युवः  ।
४ ४ १ ०३ ०७  याभिर्मदाय शुम्भसे  । । १०४३
४ ४ १ ०३ ०८   तं त्वा मदाय घृष्वय उ लोककृत्नुमीमहे  ।
४ ४ १ ०३ ०८  तव प्रशस्तये महे  । । १०४४
४ ४ १ ०३ ०९   गोषा इन्दो नृषा अस्यश्वसा वाजसा उत  ।
४ ४ १ ०३ ०९  आत्मा यज्ञस्य पूर्व्यः  । । १०४५
४ ४ १ ०३ १०   अस्मभ्यमिन्दविन्द्रियं मधोः पवस्व धारया  ।
४ ४ १ ०३ १०  पर्जन्यो वृष्टिमां इव  । । १०४६

४ ४ १ ०४ ०१   सना च सोम जेषि च पवमान महि श्रवः  ।
४ ४ १ ०४ ०१  अथा नो वस्यसस्कृधि  । । १०४७
४ ४ १ ०४ ०२   सना ज्योतिः सना स्वा३ विश्वा च सोम सौभगा  ।
४ ४ १ ०४ ०२  अथा नो वस्यसस्कृधि  । । १०४८
४ ४ १ ०४ ०३   सना दक्षमुत क्रतुमप सोम मृधो जहि  ।
४ ४ १ ०४ ०३  अथा नो वस्यसस्कृधि  । । १०४९
४ ४ १ ०४ ०४   पवीतारः पुनीतन सोममिन्द्राय पातवे  ।
४ ४ १ ०४ ०४  अथा नो वस्यसस्कृधि  । । १०५०
४ ४ १ ०४ ०५   त्वं सूर्ये न आ भज तव क्रत्वा तवोतिभिः  ।
४ ४ १ ०४ ०५  अथा नो वस्यसस्कृधि  । । १०५१
४ ४ १ ०४ ०६   तव क्रत्वा तवोतिभिर्ज्योक्पश्येम सूर्यम्  ।
४ ४ १ ०४ ०६  अथा नो वस्यसस्कृधि  । । १०५२
४ ४ १ ०४ ०७   अभ्यर्ष स्वायुध सोम द्विबर्हसं रयिम्  ।
४ ४ १ ०४ ०७  अथा नो वस्यसस्कृधि  । । १०५३
४ ४ १ ०४ ०८   अभ्या३ षानपच्युतो वाजिन्त्समत्सु सासहिः  ।
४ ४ १ ०४ ०८  अथा नो वस्यसस्कृधि  । । १०५४
४ ४ १ ०४ ०९   त्वां यज्ञैरवीवृधन्पवमान विधर्मणि  ।
४ ४ १ ०४ ०९  अथा नो वस्यसस्कृधि  । । १०५५
४ ४ १ ०४ १०   रयिं नश्चित्रमश्विनमिन्दो विश्वायुमा भर  ।
४ ४ १ ०४ १०  अथा नो वस्यसस्कृधि  । । १०५६

४ ४ १ ०५ ०१   तरत्स मन्दी धावति धारा सुतस्यान्धसः  ।
४ ४ १ ०५ ०१  तरत्स मन्दी धावति  । । १०५७
४ ४ १ ०५ ०२   उस्रा वेद वसूनां मर्त्तस्य देव्यवसः  ।
४ ४ १ ०५ ०२  तरत्स मन्दी धावति  । । १०५८
४ ४ १ ०५ ०३   ध्वस्रयोः पुरुषन्त्योरा सहस्राणि दद्महे  ।
४ ४ १ ०५ ०३  तरत्स मन्दी धावति  । । १०५९
४ ४ १ ०५ ०४   आ ययोस्त्रिंशतं तना सहस्राणि च दद्महे  ।
४ ४ १ ०५ ०४  तरत्स मन्दी धावति  । । १०६०

४ ४ १ ०६ ०१   एते सोमा असृक्षत गृणानाः शवसे महे  ।
४ ४ १ ०६ ०१  मदिन्तमस्य धारया  । । १०६१
४ ४ १ ०६ ०२   अभि गव्यानि वीतये नृम्णा पुनानो अर्षसि  ।
४ ४ १ ०६ ०२  सनद्वाजः परि स्रव  । । १०६२
४ ४ १ ०६ ०३   उत नो गोमतीरिषो विश्वा अर्ष परिष्टुभः  ।
४ ४ १ ०६ ०३  गृणानो जमदग्निना  । । १०६३

४ ४ १ ०७ ०१   इमं स्तोममर्हते जातवेदसे रथमिव सं महेमा मनीषया  ।
४ ४ १ ०७ ०१  भद्रा हि नः प्रमतिरस्य संसद्यग्ने सख्ये मा रिषामा वयं तव  । । १०६४
४ ४ १ ०७ ०२   भरामेध्मं कृणवामा हवींषि ते चितयन्तः पर्वणापर्वणा वयम्  ।
४ ४ १ ०७ ०२  जीवातवे प्रतरं साधया धियोऽग्ने सख्ये म रिषामा वयं तव  । । १०६५
४ ४ १ ०७ ०३   शकेम त्वा समिधं साधया धियस्त्वे देवा हविरदन्त्याहुतम्  ।
४ ४ १ ०७ ०३  त्वमादित्यां आ वह तान्ह्यू३श्मस्यग्ने सख्ये मा रिषामा वयं तव  । । १०६६

४ ४ १ ०८ ०१   प्रति वां सूर उदिते मित्रं गृणीषे वरुणम्  ।
४ ४ १ ०८ ०१  अर्यमणं रिशादसम्  । । १०६७
४ ४ १ ०८ ०२   राया हिरण्यया मतिरियमवृकाय शवसे  ।
४ ४ १ ०८ ०२  इयं विप्रामेधसातये  । । १०६८
४ ४ १ ०८ ०३   ते स्याम देव वरुण ते मित्र सूरिभिः सह  ।
४ ४ १ ०८ ०३  इषं स्वश्च धीमहि  । । १०६९

४ ४ १ ०९ ०१   भिन्धि विश्वा अप द्विषः परि बाधो जही मृधः  ।
४ ४ १ ०९ ०१  वसु स्पार्हं तदा भर  । । १०७०
४ ४ १ ०९ ०२   यस्य ते विश्वमानुषग्भूरेर्दत्तस्य वेदति  ।
४ ४ १ ०९ ०२  वसु स्पार्हं तदा भर  । । १०७१
४ ४ १ ०९ ०३   यद्वीडाविन्द्र यत्स्थिरे यत्पर्शाने पराभृतम्  ।
४ ४ १ ०९ ०३  वसु स्पार्हं तदा भर  । । १०७२

४ ४ १ १० ०१   यज्ञस्य हि स्थ ऋत्विजा सस्नी वाजेषु कर्मसु  ।
४ ४ १ १० ०१  इन्द्राग्नी तस्य बोधतम्  । । १०७३
४ ४ १ १० ०२   तोशासा रथयावाना वृत्रहणापराजिता  ।
४ ४ १ १० ०२  इन्द्राग्नी तस्य बोधतम्  । । १०७४
४ ४ १ १० ०३   इदं वां मदिरं मध्वधुक्षन्नद्रिभिर्नरः  ।
४ ४ १ १० ०३  इन्द्राग्नी तस्य बोधतम्  । । १०७५

४ ४ १ ११ ०१   इन्द्रायेन्दो मरुत्वते पवस्व मधुमत्तमः  ।
४ ४ १ ११ ०१  अर्कस्य योनिमासदम्  । । १०७६
४ ४ १ ११ ०२   तं त्वा विप्रा वचोविदः परिष्कृण्वन्ति धर्णसिम्  ।
४ ४ १ ११ ०२  सं त्वा मृजन्त्यायवः  । । १०७७
४ ४ १ ११ ०३   रसं ते मित्रो अर्यमा पिबन्तु वरुणः कवे  ।
४ ४ १ ११ ०३  पवमानस्य मरुतः  । । १०७८

४ ४ १ १२ ०१   मृज्यमानः सुहस्त्य समुद्रे वाचमिन्वसि  ।
४ ४ १ १२ ०१  रयिं पिशङ्गं बहुलं पुरुस्पृहं पवमानाभ्यर्षसि  । । १०७९
४ ४ १ १२ ०२   पुनानो वरे पवमनो अव्यये वृषो अचिक्रदद्वने  ।
४ ४ १ १२ ०२  देवानां सोम पवमान निष्कृतं गोभिरञ्जानो अर्षसि  । । १०८०

४ ४ १ १३ ०१   एतमु त्यं दश क्षिपो मृजन्ति सिन्धुमातरम्  ।
४ ४ १ १३ ०१  समादित्येभिरख्यत  । । १०८१
४ ४ १ १३ ०२   समिन्द्रेणोत वायुना सुत एति पवित्र आ  ।
४ ४ १ १३ ०२  सं सूर्यस्य रश्मिभिः  । । १०८२
४ ४ १ १३ ०३   स नो भगाय वायवे पूष्णे पवस्व मधुमान् ।
४ ४ १ १३ ०३  चारुर्मित्रे वरुणे च  । । १०८३

४ ४ १ १४ ०१   रेवतीर्नः सधमाद इन्द्रे सन्तु तुविवाजाः  ।
४ ४ १ १४ ०१  क्षुमन्तो याभिर्मदेम  । । १०८४
४ ४ १ १४ ०२   आ घ त्वावां त्मना युक्तः स्तोतृभ्यो धृष्णवीयानः  ।
४ ४ १ १४ ०२  ऋणोरक्षं न चक्र्योः  । । १०८५
४ ४ १ १४ ०३   आ यद्दुवः शतक्रतवा कामं जरितृईणाम्  ।
४ ४ १ १४ ०३  ऋणोरक्षं न शचीभिः  । । १०८६

४ ४ १ १५ ०१   सुरूपकृत्नुमूतये सुदुघामिव गोदुहे  ।
४ ४ १ १५ ०१  जुहूमसि द्यविद्यवि  । । १०८७
४ ४ १ १५ ०२   उप नः सवना गहि सोमस्य सोमपाः पिब  ।
४ ४ १ १५ ०२  गोदा इद्रेवतो मदः  । । १०८८
४ ४ १ १५ ०३   अथा ते अन्तमानां विद्याम सुमतीनाम्  ।
४ ४ १ १५ ०३  मा नो अति ख्य आ गहि  । । १०८९

४ ४ १ १६ ०१   उभे यदिन्द्र रोदसी आपप्राथोषा इव  ।
४ ४ १ १६ ०१  महान्तं त्वा महीनां सम्राजं चर्षणीनाम्  ।
४ ४ १ १६ ०१   देवी जनित्र्यजीजनद्भद्रा जनित्र्यजीजनत् । । १०९०
४ ४ १ १६ ०२   दीर्घं ह्यङ्कुशं यथा शक्तिं बिभर्षि मन्तुमः  ।
४ ४ १ १६ ०२  पूर्वेण मघवन्पदा वयामजो यथा यमः  ।
४ ४ १ १६ ०२   देवी जनित्र्यजीजनद्भद्रा जनित्र्यजीजनत् । । १०९१
४ ४ १ १६ ०३   अव स्म दुर्हृणायतो मर्त्तस्य तनुहि स्थिरम्  ।
४ ४ १ १६ ०३  अधस्पदं तमीं कृधि यो अस्मां अभिदासति  ।
४ ४ १ १६ ०३   देवी जनित्र्यजीजनद्भद्रा जनित्र्यजीजनत् । । १०९२

४ ४ १ १७ ०१   परि स्वानो गिरिष्ठाः पवित्रे सोमो अक्षरत् ।
४ ४ १ १७ ०१  मदेषु सर्वधा असि  । । १०९३
४ ४ १ १७ ०२   त्वं विप्रस्त्वं कविर्मधु प्र जातमन्धसः  ।
४ ४ १ १७ ०२  मदेषु सर्वधा असि  । । १०९४
४ ४ १ १७ ०३   त्वे विश्वे सजोषसो देवासः पीतिमाशत  ।
४ ४ १ १७ ०३  मदेषु सर्वधा असि  । । १०९५

४ ४ १ १८ ०१   स सुन्वे यो वसूनां यो रायामानेता य इडानाम्  ।
४ ४ १ १८ ०१  सोमो यः सुक्षितीनाम्  । । १०९६
४ ४ १ १८ ०२   यस्य त इन्द्रः पिबाद्यस्य मरुतो यस्य वार्यमणा भगः  ।
४ ४ १ १८ ०२  आ येन मित्रावरुणा करामह एन्द्रमवसे महे  । । १०९७

४ ४ १ १९ ०१   तं वः सखायो मदाय पुनानमभि गायत  ।
४ ४ १ १९ ०१  शिशुं न हव्यैः स्वदयन्त गूर्तिभिः  । । १०९८
४ ४ १ १९ ०२   सं वत्स इव मातृभिरिन्दुर्हिन्वानो अज्यते  ।
४ ४ १ १९ ०२  देवावीर्मदो मतिभिः परिष्कृतः  । । १०९९
४ ४ १ १९ ०३   अयं दक्षाय साधनोऽयं शर्धाय वीतये  ।
४ ४ १ १९ ०३  अयं देवेभ्यो मधुमत्तरः सुतः  । । ११००

४ ४ १ २० ०१   सोमाः पवन्त इन्दवोऽस्मभ्यं गातुवित्तमाः  ।
४ ४ १ २० ०१  मित्राः सुवाना अरेपसः स्वाध्यः स्वर्विदः  । । ११०१
४ ४ १ २० ०२   ते पूतासो विपश्चितः सोमासो दध्याशिरः  ।
४ ४ १ २० ०२  सूरासो न दर्शतासो जिगत्नवो ध्रुवा घृते  । । ११०२
४ ४ १ २० ०३   सुष्वाणासो व्यद्रिभिश्चिताना गोरधि त्वचि  ।
४ ४ १ २० ०३  इषमस्मभ्यमभितः समस्वरन्वसुविदः  । । ११०३

४ ४ १ २१ ०१   अया पवा पवस्वैना वसूनि मांश्चत्व इन्दो सरसि प्र धन्व  ।
४ ४ १ २१ ०१  ब्रघ्नश्चिद्यस्य वातो न जूतिं पुरुमेधाश्चित्तकवे नरं धात् । । ११०४
४ ४ १ २१ ०२   उत न एना पवया पवस्वाधि श्रुते श्रवाय्यस्य तीर्थे  ।
४ ४ १ २१ ०२  षष्टिं सहस्रा नैगुतो वसूनि वृक्षं न पक्वं धूनवद्रणाय  । । ११०५
४ ४ १ २१ ०३   महीमे अस्य वृष नाम शूषे मांश्चत्वे वा पृशने वा वधत्रे  ।
४ ४ १ २१ ०३  अस्वापयन्निगुतः स्नेहयच्चापामित्रां अपाचितो अचेतः  । । ११०६

४ ४ १ २२ ०१   अग्ने त्वं नो अन्तम उत त्राता शिवो भुवो वरूथ्यः  । । ११०७
४ ४ १ २२ ०२   वसुरग्निर्वसुश्रवा अच्छा नक्षि द्युमत्तमो रयिं दाः  । । ११०८
४ ४ १ २२ ०३   तं त्वा शोचिष्ठ दीदिवः सुम्नाय नूनमीमहे सखिभ्यः  । । ११०९

४ ४ १ २३ ०१   इमा नु कं भुवना सीषधेमेन्द्रश्च विश्वे च देवाः  । । १११०
४ ४ १ २३ ०२   यज्ञं च नस्तन्वं च प्रजां चादित्यैरिन्द्रः सह सीषधातु  । । ११११
४ ४ १ २३ ०३   आदित्यैरिन्द्रः सगणो मरुद्भिरस्मभ्यं भेषजा करत् । । १११२

४ ४ १ २४ ०१   प्र व इन्द्राय वृत्रहन्तमाय विप्राय गाथं गायत यं जुजोषते  । । १११३
४ ४ १ २४ ०२   अर्चन्त्यर्कं मरुतः स्वर्का आ स्तोभति श्रुतो युवा स इन्द्रः  । । १११४
४ ४ १ २४ ०३   उप प्रक्षे मधुमति क्षियन्तः पुष्येम रयिं धीमहे त इन्द्र  । । १११५

चतुर्थ प्रपाठकः  ।  द्वितीयोऽर्धः
४ ४ २ ०१ ०१   प्र काव्यमुशनेव ब्रुवाणो देवो देवानां जनिमा विवक्ति  ।
४ ४ २ ०१ ०१  महिव्रतः शुचिबन्धुः पावकः पदा वराहो अभ्येति रेभन् । । १११६
४ ४ २ ०१ ०२   प्र हंसासस्तृपला वग्नुमच्छामादस्तं वृषगणा अयासुः  ।
४ ४ २ ०१ ०२  आङ्गोषिणं पवमानं सखायो दुर्मर्षं वाणं प्र वदन्ति साकम्  । । १११७
४ ४ २ ०१ ०३   स योजत उरुगायस्य जूतिं वृथा क्रीडन्तं मिमते न गावः  ।
४ ४ २ ०१ ०३  परीणसं कृणुते तिग्मशृङ्गो दिवा हरिर्ददृशे नक्तमृज्रः  । । १११८
४ ४ २ ०१ ०४   प्र स्वानासो रथा इवार्वन्तो न अवस्यवः  ।
४ ४ २ ०१ ०४  सोमासो राये अक्रमुः  । । १११९
४ ४ २ ०१ ०५   हिन्वानासो रथा इव दधन्विरे गभस्त्योः  ।
४ ४ २ ०१ ०५  भरासः कारिणामिव  । । ११२०
४ ४ २ ०१ ०६   राजानो न प्रशस्तिभिः सोमासो गोभिरञ्जते  ।
४ ४ २ ०१ ०६  यज्ञो न सप्त धातृभिः  । । ११२१
४ ४ २ ०१ ०७   परि स्वानास इन्दवो मदाय बर्हणा गिरा  ।
४ ४ २ ०१ ०७  मधो अर्षन्ति धारया  । । ११२२
४ ४ २ ०१ ०८   आपानासो विवस्वतो जिन्वन्त उषसो भगम्  ।
४ ४ २ ०१ ०८  सूरा अण्वं वि तन्वते  । । ११२३
४ ४ २ ०१ ०९   अप द्वारा मतीनां प्रत्ना ऋण्वन्ति कारवः  ।
४ ४ २ ०१ ०९  वृष्णो हरस आयवः  । । ११२४
४ ४ २ ०१ १०   समीचीनास आशत होतारः सप्तजानयः  ।
४ ४ २ ०१ १०  पदमेकस्य पिप्रतः  । । ११२५
४ ४ २ ०१ ११   नाभा नाभिं न आ ददे चक्षुषा सूर्य दृशे  ।
४ ४ २ ०१ ११  कवेरपत्यमा दुहे  । । ११२६
४ ४ २ ०१ १२   अभि प्रियं दिवस्पदमध्वर्युभिर्गुहा हितम्  ।
४ ४ २ ०१ १३  सूरः पस्यति चक्षसा  । । ११२७

४ ४ २ ०२ ०१   असृग्रमिन्दवः पथा धर्मन्नृतस्य सुश्रियः  ।
४ ४ २ ०२ ०१  विदाना अस्य योजना  । । ११२८
४ ४ २ ०२ ०२   प्र धारा मधो अग्रियो महीरपो वि गाहते  ।
४ ४ २ ०२ ०२  हविर्हविःषु वन्द्यः  । । ११२९
४ ४ २ ०२ ०३   प्र युजा वाचो अग्रियो वृषो अचिक्रदद्वने  ।
४ ४ २ ०२ ०३  सद्माभि सत्यो अध्वरः  । । ११३०
४ ४ २ ०२ ०४   परि यत्काव्या कविर्नृम्णा पुनानो अर्षति  ।
४ ४ २ ०२ ०४  स्वर्वाजी सिषासति  । । ११३१
४ ४ २ ०२ ०५   पवमानो अभि स्पृधो विशो राजेव सीदति  ।
४ ४ २ ०२ ०५  यदीमृण्वन्ति वेधसः  । । ११३२
४ ४ २ ०२ ०६   अव्या वारे परि प्रियो हरिर्वनेषु सीदति  ।
४ ४ २ ०२ ०६  रेभो वनुष्यते मति  । ११३३
४ ४ २ ०२ ०७   स वायुमिन्द्रमश्विना साकं मदेन गच्छति  ।
४ ४ २ ०२ ०७  रणा यो अस्य धर्मणा  । । ११३४
४ ४ २ ०२ ०८   आ मित्रे वरुणे भगे मधोः पवन्त ऊर्मयः  ।
४ ४ २ ०२ ०८  विदाना अस्य शक्मभिः  । । ११३५
४ ४ २ ०२ ०९   अस्मभ्यं रोदसी रयिं मध्वो वाजस्य सातये  ।
४ ४ २ ०२ ०९  श्रवो वसूनि सञ्जितम्  । । ११३६
४ ४ २ ०२ १०   आ ते दक्षं मयोभुवं वह्निमद्या वृणीमहे  ।
४ ४ २ ०२ १०  पान्तमा पुरुस्पृहम्  । । ११३७
४ ४ २ ०२ ११   आ मन्द्रमा वरेण्यमा विप्रमा मनीषिणम्  ।
४ ४ २ ०२ ११  पान्तमा पुरुस्पृहम्  । । ११३८
४ ४ २ ०२ १२   आ रयिमा सुचेतुनमा सुक्रतो तनूष्वा  ।
४ ४ २ ०२ १२  पान्तमा पुरुस्पृहम्  । । ११३९

४ ४ २ ०३ ०१   मूर्धानं दिवो अरतिं पृथिव्या वैश्वानरमृत आ जातमग्निम्  ।
४ ४ २ ०३ ०१  कविं सम्राजमतिथिं जनानामासन्नः पात्रं जनयन्त देवाः  । । ११४०
४ ४ २ ०३ ०२   त्वां विश्वे अमृत जायमानं शिशुं न देवा अभि सं नवन्ते  ।
४ ४ २ ०३ ०२  तव क्रतुभिरमृतत्वमायन्वैश्वानर यत्पित्रोरदीदेः  । । ११४१
४ ४ २ ०३ ०३   नाभिं यज्ञानां सदनं रयीणां महामाहावमभि सं नवन्त  ।
४ ४ २ ०३ ०३  वैश्वानरं रथ्यमध्वराणां यज्ञस्य केतुं जनयन्त देवाः  । । ११४२

४ ४ २ ०४ ०१   प्र वो मित्राय गायत वरुणाय विपा गिरा  ।
४ ४ २ ०४ ०१  महिक्षत्रावृतं बृहत् । । ११४३
४ ४ २ ०४ ०२   सम्राजा या घृतयोनी मित्रश्चोभा वरुणश्च  ।
४ ४ २ ०४ ०२  देवा देवेषु प्रशस्ता  । । ११४४
४ ४ २ ०४ ०३   ता नः शक्तं पर्थिवस्य महो रायो दिव्यस्य  ।
४ ४ २ ०४ ०३  महि वां क्षत्रं देवेषु  । । ११४५

४ ४ २ ०५ ०१   इन्द्रा याहि चित्रभानो सुता इमे त्वायवः  ।
४ ४ २ ०५ ०१  अण्वीभिस्तना पूतासः  । । ११४६
४ ४ २ ०५ ०२   इन्द्रा याहि धियेषितो विप्रजूतः सुतावतः  ।
४ ४ २ ०५ ०२  उप ब्रह्माणि वाघतः  । । ११४७
४ ४ २ ०५ ०३   इन्द्रा याहि तूतुजान उप ब्रह्माणि हरिवः  ।
४ ४ २ ०५ ०३  सुते दधिष्व नश्चनः  । । ११४८

४ ४ २ ०६ ०१   तमीडिष्व यो अर्चिषा वना विश्वा परिष्वजत् ।
४ ४ २ ०६ ०१  कृष्णा कृणोति जिह्वया  । । ११४९
४ ४ २ ०६ ०२   य इद्ध आविवासति सुम्नमिन्द्रस्य मर्त्यः  ।
४ ४ २ ०६ ०२  द्युम्नाय सुतरा अपः  । । ११५०
४ ४ २ ०६ ०३   ता नो वाजवतीरिष आशून्पिपृतमर्वतः  ।
४ ४ २ ०६ ०३  एन्द्रमग्निं च वोढवे  । । ११५१

४ ४ २ ०७ ०१   प्रो अयासीदिन्दुरिन्द्रस्य निष्कृतं सखा सख्युर्न प्र मिनाति सङ्गिरम्  ।
४ ४ २ ०७ ०१  मर्य इव युवतिभिः समर्षति सोमः कलशे शतयाम्ना पथा  । । ११५२
४ ४ २ ०७ ०२   प्र वो धियो मन्द्रयुवो विपन्युवः पनस्युवः संवरणेष्वक्रमुः  ।
४ ४ २ ०७ ०२  हरिं क्रीडन्तमभ्यनूषत स्तुभोऽभि धेनवः पयसेदशिश्रयुः  । । ११५३
४ ४ २ ०७ ०३   आ नः सोम संयतं पिप्युषीमिषमिन्दो पवस्व पवमान ऊर्मिणा  ।
४ ४ २ ०७ ०३  या नो दोहते त्रिरहन्नसश्चुषी क्षुमद्वाजवन्मधुमत्सुवीर्यम्  । । ११५४

४ ४ २ ०८ ०१   न किष्टं कर्मणा नशद्यश्चकार सदावृधम्  ।
४ ४ २ ०८ ०१  इन्द्रं न यज्ञैर्विश्वगूर्त्तमृभ्वसमधृष्टं धृष्णुमोजसा  । । ११५५
४ ४ २ ०८ ०२   अषाढमुग्रं पृतनासु सासहिं यस्मिन्महीरुरुज्रयः  ।
४ ४ २ ०८ ०२  सं धेनवो जायमाने अनोनवुर्द्यावः क्षामीरनोनवुः  । । ११५६

४ ४ २ ०९ ०१   सखाय आ नि षीदत पुनानाय प्र गायत  ।
४ ४ २ ०९ ०१  शिशुं न यज्ञैः परि भूषत श्रिये  । । ११५७
४ ४ २ ०९ ०२   समी वत्सं न मातृभिः सृजता गयसाधनम्  ।
४ ४ २ ०९ ०२  देवाव्या३ं मदमभि द्विशवसम्  । । ११५८
४ ४ २ ०९ ०३   पुनाता दक्षसाधनं यथा शर्धाय वीतये  ।
४ ४ २ ०९ ०३  यथा मित्राय वरुणाय शन्तमम्  । । ११५९

४ ४ २ १० ०१   प्र वाज्यक्षाः सहस्रधारस्तिरः पवित्रं वि वारमव्यम्  । । ११६०
४ ४ २ १० ०२   स वाज्यक्षाः सहस्ररेता अद्भिर्मृजानो गोभिः श्रीणानः  । । ११६१
४ ४ २ १० ०३   प्र सोम याहीन्द्रस्य कुक्षा नृभिर्येमानो अद्रिभिः सुतः  । । ११६२

४ ४ २ ११ ०१   ये सोमासः परावति ये अर्वावति सुन्विरे  ।
४ ४ २ ११ ०१  ये वादः शर्यणावति  । । ११६३
४ ४ २ ११ ०२   य आर्जीकेषु कृत्वसु ये मध्ये पस्त्यानाम्  ।
४ ४ २ ११ ०२  ये वा जनेषु पञ्चसु  । । ११६४
४ ४ २ ११ ०३   ते नो वृष्टिं दिवस्परि पवन्तामा सुवीर्यम्  ।
४ ४ २ ११ ०३  स्वाना देवास इन्दवः  । । ११६५

४ ४ २ १२ ०१   आ ते वत्सो मनो यमत्परमाच्चित्सधस्थात् ।
४ ४ २ १२ ०१  अग्ने त्वां कामये गिरा  । । ११६६
४ ४ २ १२ ०२   पुरुत्रा हि सदृङ्ङसि दिशो विश्वा अनु प्रभुः  ।
४ ४ २ १२ ०२  समत्सु त्वा हवामहे  । । ११६७
४ ४ २ १२ ०३   समत्स्वग्निमवसे वाजयन्तो हवामहे  ।
४ ४ २ १२ ०३  वाजेषु चित्रराधसम्  । । ११६८

४ ४ २ १३ ०१   त्वं न इन्द्रा भर ओजो नृम्णं शतक्रतो विचर्षणे  ।
४ ४ २ १३ ०१  आ वीरं पृतनासहम्  । । ११६९
४ ४ २ १३ ०२   त्वं हि नः पिता वसो त्वं माता शतक्रतो बभूविथ  ।
४ ४ २ १३ ०२  अथा ते सुम्नमीमहे  । । ११७०
४ ४ २ १३ ०३   त्वां शुष्मिन्पुरुहूत वाजयन्तमुप ब्रुवे सहस्कृत  ।
४ ४ २ १३ ०३  स नो रास्व सुवीर्यम्  । । ११७१
४ ४ २ १३ ०४   यदिन्द्र चित्र म इह नास्ति त्वादातमद्रिवः  ।
४ ४ २ १३ ०४  राधस्तन्नो विदद्वस उभयाहस्त्या भर  । । ११७२
४ ४ २ १३ ०५   यन्मन्यसे वरेण्यमिन्द्र द्युक्षं तदा भर  ।
४ ४ २ १३ ०५  विद्याम तस्य ते वयमकूपारस्य दावनः  । । ११७३
४ ४ २ १३ ०६   यत्ते दिक्षु प्रराध्यं मनो अस्ति श्रुतं बृहत् ।
४ ४ २ १३ ०६  तेन दृढा चिदद्रिव आ वाजं दर्षि सातये  । । ११७४

पञ्चम प्रपाठकः  ।  प्रथमोऽर्धः
४ ५ १ ०१ ०१   शिशुं जज्ञानं हर्यतं मृजन्ति शुम्भन्ति विप्रं मरुतो गणेन  ।
४ ५ १ ०१ ०१  कविर्गीर्भिः काव्येना कविः सन्त्सोमः पवित्रमत्येति रेभन् । । ११७५
४ ५ १ ०१ ०२   ऋषिमना य ऋषिकृत्स्वर्षाः सहस्रनीथः पदवीः कवीनाम्  ।
४ ५ १ ०१ ०२  तृतीयं धाम महिषः सिषासन्त्सोमो विराजमनु राजति ष्टुप् । । ११७६
४ ५ १ ०१ ०३   चमूषच्छ्येनः शकुनो विभृत्वा गोविन्दुर्द्रप्स आयुधानि बिभ्रत् ।
४ ५ १ ०१ ०३  अपामूर्मिं सचमानः समुद्रं तुरीयं धाम महिषो विवक्ति  । । ११७७

४ ५ १ ०२ ०१   एते सोमा अभि प्रियमिन्द्रस्य काममक्षरन् ।
४ ५ १ ०२ ०१  वर्धन्तो अस्य वीर्यम्  । । ११७८
४ ५ १ ०२ ०२   पुनानासश्चमूषदो गच्छन्तो वायुमश्विना  ।
४ ५ १ ०२ ०२  ते नो धत्त सुवीर्यम्  । । ११८१
४ ५ १ ०२ ०३   इन्द्रस्य सोम राधसे पुनानो हार्दि चोदय  ।
४ ५ १ ०२ ०३  देवानां योनिमासदम्  । । ११८०
४ ५ १ ०२ ०४   मृजन्ति त्वा देश क्षिपो हिन्वन्ति सप्त धीतयः  ।
४ ५ १ ०२ ०४  अनु विप्रा अमादिषुः  । । ११८१
४ ५ १ ०२ ०५   देवेभ्यस्त्वा मदाय कं सृजानमति मेष्यः  ।
४ ५ १ ०२ ०५  स गोभिर्वासयामसि  । । ११८२
४ ५ १ ०२ ०६   पुनानः कलशेष्वा वस्त्राण्यरुषो हरिः  ।
४ ५ १ ०२ ०६  परि गव्यान्यव्यत  । । ११८३
४ ५ १ ०२ ०७   मघोन आ पवस्व नो जहि विश्वा अप द्विषः  ।
४ ५ १ ०२ ०७  इन्दो सखायमा विश  । । ११८४
४ ५ १ ०२ ०८   नृचक्षसं त्वा वयमिन्द्रपीतं स्वर्विदम्  ।
४ ५ १ ०२ ०८  भक्षीमहि प्रजामिषम्  । । ११८५
४ ५ १ ०२ ०९   वृष्टिं दिवः परि स्रव द्युम्नं पृथिव्या अधि  ।
४ ५ १ ०२ ०९  सहो नः सोम पृत्सु धाः  । । ११८६

४ ५ १ ०३ ०१   सोमः पुनानो अर्षति सहस्रधारो अत्यविः  ।
४ ५ १ ०३ ०१  वायोरिन्द्रस्य निष्कृतम्  । । ११८७
४ ५ १ ०३ ०२   पवमानमवस्यवो विप्रमभि प्र गायत  ।
४ ५ १ ०३ ०२  सुष्वाणं देववीतये  । । ११८८
४ ५ १ ०३ ०३   पवन्ते वाजसातये सोमाः सहस्रपाजसः  ।
४ ५ १ ०३ ०३  गृणाना देववीतये  । । ११८९
४ ५ १ ०३ ०४   उत नो वाजसातये पवस्व बृहतीरिषः  ।
४ ५ १ ०३ ०४  द्युमदिन्दो सुवीर्यम्  । । ११९०
४ ५ १ ०३ ०५   अत्या हियाना न हेतृभिरसृग्रं वाजसातये  ।
४ ५ १ ०३ ०५  वि वारमव्यमाशवः  । । ११९१
४ ५ १ ०३ ०६   ते नः सहस्रिणं रयिं पवन्तामा सुवीर्यम्  ।
४ ५ १ ०३ ०६  सुवाना देवास इन्दवः  । । ११९२
४ ५ १ ०३ ०७   वाश्रा अर्षन्तीन्दवोऽभि वत्सं न मातरः  ।
४ ५ १ ०३ ०७  दधन्विरे गभस्त्योः  । । ११९३
४ ५ १ ०३ ०८   जुष्ट इन्द्राय मत्सरः पवमान कनिक्रदत् ।
४ ५ १ ०३ ०८  विश्वा अप द्विषो जहि  । । ११९४
४ ५ १ ०३ ०९   अपघ्नन्तो अराव्णः पवमानाः स्वर्दृशः  ।
४ ५ १ ०३ ०९  योनावृतस्य सीदत  । । ११९५

४ ५ १ ०४ ०१   सोमा असृग्रमिन्दवः सुता ऋतस्य धारया  ।
४ ५ १ ०४ ०१  इन्द्राय मधुमत्तमाः  । । ११९६
४ ५ १ ०४ ०२   अभि विप्रा अनूषत गावो वत्सं न धेनवः  ।
४ ५ १ ०४ ०२  इन्द्रं सोमस्य पीतये  । । ११९७
४ ५ १ ०४ ०३   मदच्युत्क्षेति सादने सिन्धोरूर्मा विपश्चित् ।
४ ५ १ ०४ ०३  सोमो गौरी अधि श्रितः  । । ११९८
४ ५ १ ०४ ०४   दिवो नाभा विचक्षणोऽव्यो वारे महीयते  ।
४ ५ १ ०४ ०४  सोमो यः सुक्रतुः कविः  । । ११९९
४ ५ १ ०४ ०५   यः सोमः कलशेष्वा अन्तः पवित्र आहितः  ।
४ ५ १ ०४ ०५  तमिन्दुः परि षस्वजे  । । १२००
४ ५ १ ०४ ०६   प्र वाचमिन्दुरिष्यति समुद्रस्याधि विष्टपि  ।
४ ५ १ ०४ ०६  जिन्वन्कोशं मधुश्चुतम्  । । १२०१
४ ५ १ ०४ ०७   नित्यस्तोत्रो वनस्पतिर्धेनामन्तः सबर्दुघाम्  ।
४ ५ १ ०४ ०७  हिन्वानो मानुषा युजा  । । १२०२
४ ५ १ ०४ ०८   आ पवमान धारय रयिं सहस्रवर्चसम्  ।
४ ५ १ ०४ ०८  अस्मे इन्दो स्वाभुवम्  । । १२०३
४ ५ १ ०४ ०९   अभि प्रिया दिवः कविर्विप्रः स धारया सुतः  ।
४ ५ १ ०४ ०९  सोमो हिन्वे परावति  । । १२०४

४ ५ १ ०५ ०१   उत्ते शुष्मास ईरते सिन्धोरूर्मेरिव स्वनः  ।
४ ५ १ ०५ ०१  वाणस्य चोदया पविम्  । । १२०५
४ ५ १ ०५ ०२   प्रसवे त उदीरते तिस्रो वाचो मखस्युवः  ।
४ ५ १ ०५ ०२  यदव्य एषि सानवि  । । १२०६
४ ५ १ ०५ ०३   अव्या वारैः परि प्रियं हरिं हिन्वन्त्यद्रिभिः  ।
४ ५ १ ०५ ०३  पवमानं मधुश्चुतम्  । । १२०७
४ ५ १ ०५ ०४   आ पवस्व मदिन्तम पवित्रं धारया कवे  ।
४ ५ १ ०५ ०४  अर्कस्य योनिमासदम्  । । १२०८
४ ५ १ ०५ ०५   स पवस्व मदिन्तम गोभिरञ्जानो अक्तुभिः  ।
४ ५ १ ०५ ०५  एन्द्रस्य जठरं विश  । । १२०९

४ ५ १ ०६ ०१   अया वीती परि स्रव यस्त इन्दो मदेष्वा  ।
४ ५ १ ०६ ०१  अवाहन्नवतीर्नव  । । १२१०
४ ५ १ ०६ ०२   पुरः सद्य इत्थाधिये दिवोदासाय शंबरम्  ।
४ ५ १ ०६ ०२  अध त्यं तुर्वशं यदुम्  । । १२१ ल्स्दिर्
४ ५ १ ०६ ०३   परि नो अश्वमश्वविद्गोमदिन्दो हिरण्यवत् ।
४ ५ १ ०६ ०३  क्षरा सहस्रिणीरिषः  । । १२१२

४ ५ १ ०७ ०१   अपघ्नन्पवते मृधोऽप सोमो अराव्णः  ।
४ ५ १ ०७ ०१  गच्छन्निन्द्रस्य निष्कृतम्  । । १२१३
४ ५ १ ०७ ०२   महो नो राय आ भर पवमान जही मृधः  ।
४ ५ १ ०७ ०२  रास्वेन्दो वीरवद्यशः  । । १२१४
४ ५ १ ०७ ०३   न त्वा शतं च न ह्रुतो राधो दित्सन्तमा मिनन् ।
४ ५ १ ०७ ०३  यत्पुनानो मखस्यसे  । । १२१५

४ ५ १ ०८ ०१   अया पवस्व धारया यया सूर्यमरोचयः  ।
४ ५ १ ०८ ०१  हिन्वानो मानुषीरपः  । । १२१६
४ ५ १ ०८ ०२   अयुक्त सूर एतशं पवमानो मनावधि  ।
४ ५ १ ०८ ०२  अन्तरिक्षेण यातवे  । । १२१७
४ ५ १ ०८ ०३   उत त्या हरितो रथे सूरो अयुक्त यातवे  ।
४ ५ १ ०८ ०३  इन्दुरिन्द्र इति ब्रुवन् । । १२१८

४ ५ १ ०९ ०१   अग्निं वो देवमग्निभिः सजोषा यजिष्ठं दूतमध्वरे कृणुध्वम्  ।
४ ५ १ ०९ ०१  यो मर्त्येषु निध्रुविरृतावा तपुर्मूर्धा घृतान्नः पावकः  । । १२१९
४ ५ १ ०९ ०२   प्रोथदश्वो न यवसेऽविष्यन्यदा महः संवरणाद्व्यस्थात् ।
४ ५ १ ०९ ०२  आदस्य वातो अनु वाति शोचिरध स्म ते व्रजनं कृष्णमस्ति  । । १२२०
४ ५ १ ०९ ०३   उद्यस्य ते नवजातस्य वृष्णोऽग्ने चरन्त्यजरा इधानाः  ।
४ ५ १ ०९ ०३  अच्छा द्यामरुषो धूम एषि सं दूतो अग्न ईयसे हि देवान् । । १२२१

४ ५ १ १० ०१   तमिन्द्रं वाजयामसि महे वृत्राय हन्तवे  ।
४ ५ १ १० ०१  स वृषा वृषभो भुवत् । । १२२२
४ ५ १ १० ०२   इन्द्रः स दामने कृत ओजिष्ठः स बले हितः  ।
४ ५ १ १० ०२  द्युम्नी श्लोकी स सोम्यः  । । १२२३
४ ५ १ १० ०३   गिरा वज्रो न सम्भृतः सबलो अनपच्युतः  ।
४ ५ १ १० ०३  ववक्ष उग्रो अस्तृतः  । । १२२४

४ ५ १ ११ ०१   अध्वर्यो अद्रिभिः सुतं सोमं पवित्र आ नय  ।
४ ५ १ ११ ०१  पुनाहीन्द्राय पातवे  । । १२२५
४ ५ १ ११ ०२   तव त्य इन्दो अन्धसो देवा मधोर्व्याशत  ।
४ ५ १ ११ ०२  पवमानस्य मरुतः  । । १२२६
४ ५ १ ११ ०३   दिवः पीयूषमुत्तमं सोममिन्द्राय वज्रिणे  ।
४ ५ १ ११ ०३  सुनोता मधुमत्तमम्  । । १२२७

४ ५ १ १२ ०१   धर्त्ता दिवः पवते कृत्व्यो रसो दक्षो देवानामनुमाद्यो नृभिः  ।
४ ५ १ १२ ०१  हरिः सृजानो अत्यो न सत्वभिर्वृथा पाजांसि कृणुषे नदीष्वा  । । १२२८
४ ५ १ १२ ०२   शूरो न धत्त आयुधा गभस्त्योः स्वा३ः सिषासन्रथिरो गविष्टिषु  ।
४ ५ १ १२ ०२  इन्द्रस्य शुष्ममीरयन्नपस्युभिरिन्दुर्हिन्वानो अज्यते मनीषिभिः  । । १२२९
४ ५ १ १२ ०३   इन्द्रस्य सोम पवमान ऊर्मिणा तविष्यमाणो जठरेष्वा विश  ।
४ ५ १ १२ ०३  प्र नः पिन्व विद्युदभ्रेव रोदसी धिया नो वाजां उप माहि शश्वतः  । । १२३०

४ ५ १ १३ ०१   यदिन्द्र प्रागपागुदङ्न्यग्वा हूयसे नृभिः  ।
४ ५ १ १३ ०१  सिमा पुरू नृषूतो अस्यानवेऽसि प्रशर्ध तुर्वशे  । । १२३१
४ ५ १ १३ ०२   यद्वा रुमे रुशमे श्यावके कृप इन्द्र मादयसे सचा  ।
४ ५ १ १३ ०२  कण्वासस्त्वा स्तोमेभिर्ब्रह्मवाहस इन्द्रा यच्छन्त्या गहि  । । १२३२

४ ५ १ १४ ०१   उभयं शृणवच्च न इन्द्रो अर्वागिदं वचः  ।
४ ५ १ १४ ०१  सत्राच्या मघवान्त्सोमपीतये धिया शविष्ठ आ गमत् । । १२३३
४ ५ १ १४ ०२   तं हि स्वराजं वृषभं तमोजसा धिषणे निष्टतक्षतुः  ।
४ ५ १ १४ ०२  उतोपमानां प्रथमो नि षीदसि सोमकामं हि ते मनः  । । १२३४

४ ५ १ १५ ०१   पवस्व देव आयुषगिन्द्रं गच्छतु ते मदः  ।
४ ५ १ १५ ०१  वायुमा रोह धर्मणा  । । १२३५
४ ५ १ १५ ०२   पवमान नि तोशसे रयिं सोम श्रवाय्यम्  ।
४ ५ १ १५ ०२  इन्दो समुद्रमा विश  । । १२३६
४ ५ १ १५ ०३   अपघ्नन्पवसे मृधः क्रतुवित्सोम मत्सरः  ।
४ ५ १ १५ ०३  नुदस्वादेवयुं जनम्  । । १२३७

४ ५ १ १६ ०१   अभी नो वाजसातमं रयिमर्ष शतस्पृहम्  ।
४ ५ १ १६ ०१  इन्दो सहस्रभर्णसं तुविद्युम्नं विभासहम्  । । १२३८
४ ५ १ १६ ०२   वयं ते अस्य राधसो वसोर्वसो पुरुस्पृहः  ।
४ ५ १ १६ ०२  नि नेदिष्ठतमा इषः स्याम सुम्ने ते आध्रिगो  । । १२३९
४ ५ १ १६ ०३   परि स्य स्वानो अक्षरिदिन्दुरव्ये मदच्युतः  ।
४ ५ १ १६ ०३  धारा य ऊर्ध्वो अध्वरे भ्राजा न याति गव्ययुः  । । १२४०
४ ५ १ १६ ०४   पवस्व सोम महान्त्समुद्रः पिता देवानां विश्वाभि धाम  । । १२४१
४ ५ १ १६ ०५   शुक्रः पवस्व देवेभ्यः सोम दिवे पृथिव्यै शं च प्रजाभ्यः  । । १२४२
४ ५ १ १६ ०६   दिवो धर्त्तासि शुक्रः पीयूषः सत्ये विधर्मन्वाजी पवस्व  । । १२४३

४ ५ १ १८ ०१   प्रेष्ठं वो अतिर्थिं स्तुषे मित्रमिव प्रियम्  ।
४ ५ १ १८ ०१  अग्ने रथं न वेद्यम्  । । १२४४
४ ५ १ १८ ०२   कविमिव प्रशंस्यं यं देवास इति द्विता  ।
४ ५ १ १८ ०२  नि मर्त्येष्वादधुः  । । १२४५
४ ५ १ १८ ०३   त्वं यविष्ठ दाशुषो नृईंपाहि शृणुही गिरः  ।
४ ५ १ १८ ०३  रक्षा तोकमुत त्मना  । । १२४६

४ ५ १ १९ ०१   एन्द्र नो गधि प्रिय सत्राजिदगोह्य  ।
४ ५ १ १९ ०१  गिरिर्न विश्वतः पृथुः पतिर्दिवः  । । १२४७
४ ५ १ १९ ०२   अभि हि सत्य सोमपा उभे बभूथ रोदसी  ।
४ ५ १ १९ ०२  इन्द्रासि सुन्वतो वृधः पतिर्दिवः  । । १२४८
४ ५ १ १९ ०३   त्वं हि शश्वतीनामिन्द्र धर्त्ता पुरामसि  ।
४ ५ १ १९ ०३  हन्ता दस्योर्मनोर्वृधः पतिर्दिवः  । । १२४९

४ ५ १ २० ०१   पुरां भिन्दुर्युवा कविरमितौजा अजायत  ।
४ ५ १ २० ०१  इन्द्रो विश्वस्य कर्मणो धर्त्ता वज्री पुरुष्टुतः  । । १२५०
४ ५ १ २० ०२   त्वं वलस्य गोमतोऽपावरद्रिवो बिलम्  ।
४ ५ १ २० ०२  त्वां देवा अबिभ्युषस्तुज्यमानास आविषुः  । । १२५१
४ ५ १ २० ०३   इन्द्रमीशानमोजसाभि स्तोमैरनूषत  ।
४ ५ १ २० ०३  सहस्रं यस्य रातय उत वा सन्ति भूयसीः  । । १२५२

पञ्चम प्रपाठकः  ।  द्वितीयोऽर्धः
४ ५ २ ०१ ०१   अक्रान्त्समुद्रः प्रथमे विधर्मं जनयन्प्रजा भुवनस्य गोपाः  ।
४ ५ २ ०१ ०१  वृषा पवित्रे अधि सानो अव्ये बृहत्सोमो वावृधे स्वानो अद्रिः  । । १२५३
४ ५ २ ०१ ०२   मत्सि वायुमिष्टये राधसे च मत्सि मित्रावरुणा पूयमानः  ।
४ ५ २ ०१ ०२  मत्सि शर्धो मारुतं मत्सि देवान्मत्सि द्यावापृथिवी देव सोम  । । १२५४
४ ५ २ ०१ ०३   महत्तत्सोमो महिषश्चकारापां यद्गर्भोऽवृणीत देवान् ।
४ ५ २ ०१ ०३  अदधादिन्द्रे पवमान ओजोऽजनयत्सूर्ये ज्योतिरिन्दुः  । । १२५५

४ ५ २ ०२ ०१   एष देवो अमर्त्यः पर्णवीरिव दीयते  ।
४ ५ २ ०२ ०१  अभि द्रोणान्यासदम्  । । १२५६
४ ५ २ ०२ ०२   एष विप्रैरभिष्टुतोऽपो देवो वि गाहते  ।
४ ५ २ ०२ ०२  दधद्रत्नानि दाशुषे  । । १२५७
४ ५ २ ०२ ०३   एष विश्वानि वार्या शूरो यन्निव सत्वभिः  ।
४ ५ २ ०२ ०३  पवमानः सिषासति  । । १२५८
४ ५ २ ०२ ०४   एष देवो रथर्यति पवमानो दिशस्यति  ।
४ ५ २ ०२ ०४  आविष्कृणोति वग्वनुम्  । । १२५९
४ ५ २ ०२ ०५   एष देवो विपन्युभिः पवमान ऋतायुभिः  ।
४ ५ २ ०२ ०५  हरिर्वाजाय मृज्यते  । । १२६०
४ ५ २ ०२ ०६   एष देवो विपा कृतोऽति ह्वरांसि धावति  ।
४ ५ २ ०२ ०६  पवमानो अदाभ्यः  । । १२६१
४ ५ २ ०२ ०७   एष दिवं वि धावति तिरो रजांसि धारया  ।
४ ५ २ ०२ ०७  पवमानः कनिक्रदत् । । १२६२
४ ५ २ ०२ ०८   एष दिवं व्यासरत्तिरो रजांस्यस्पृतः  ।
४ ५ २ ०२ ०८  पवमानः स्वध्वरः  । । १२६३
४ ५ २ ०२ ०९   एष प्रत्नेन जन्मना देवो देवेभ्यः सुतः  ।
४ ५ २ ०२ ०९  हरिः पवित्रे अर्षति  । । १२६४
४ ५ २ ०२ १०   एष उ स्य पुरुव्रतो जज्ञानो जनयन्निषः  ।
४ ५ २ ०२ १०  धारया पवते सुतः  । । १२६५

४ ५ २ ०३ ०१   एष धिया यात्यण्व्य शूरो रथेभिराशुभिः  ।
४ ५ २ ०३ ०१  गच्छन्निन्द्रस्य निष्कृतम्  । । १२६६
४ ५ २ ०३ ०२   एष पुरू धियायते बृहते देवतातये  ।
४ ५ २ ०३ ०२  यत्रामृतास आशत  । । १२६७
४ ५ २ ०३ ०३   एतं मृजन्ति मर्ज्यमुप द्रोणेष्वायवः  ।
४ ५ २ ०३ ०३  प्रचक्राणं महीरिषः  । । १२६८
४ ५ २ ०३ ०४   एष हितो वि नीयतेऽन्तः शुन्ध्यावता पथा  ।
४ ५ २ ०३ ०४  यदी तुञ्जन्ति भूर्णयः  । । १२६९
४ ५ २ ०३ ०५   एष रुक्मिभिरीयते वाजि शुभ्रेभिरंशुभिः  ।
४ ५ २ ०३ ०५  पतिः सिन्धूनां भवन् । । १२७०
४ ५ २ ०३ ०६   एष शृङ्गाणि दोधुवच्छिशीते यूथ्यो३ वृषा  ।
४ ५ २ ०३ ०६  नृम्णा दधान ओजसा  । । १२७१
४ ५ २ ०३ ०७   एष वसूनि पिब्दनः परुषा ययिवां अति  ।
४ ५ २ ०३ ०७  अव शादेषु गच्छति  । । १२७२
४ ५ २ ०३ ०८   एतमु त्यं दश क्षिपो हरिं हिवन्ति यातवे  ।
४ ५ २ ०३ ०८  स्वायुधं मदिन्तमम्  । । १२७३

४ ५ २ ०४ ०१   एष उ स्य वृषा रथोऽव्या वारेभिरव्यत  ।
४ ५ २ ०४ ०१  गच्छन्वाजं सहस्रिणम्  । । १२७४
४ ५ २ ०४ ०२   एतं त्रितस्य योषणो हरिं हिन्वन्त्यद्रिभिः  ।
४ ५ २ ०४ ०२  इन्दुमिन्द्राय पीतये  । । १२७५
४ ५ २ ०४ ०३   एष स्य मानुषीष्वा श्येनो न विक्षु सीदति  ।
४ ५ २ ०४ ०३  गच्छं जारो न योषितम्  । । १२७६
४ ५ २ ०४ ०४   एष स्य मद्यो रसोऽव चष्टे दिवः शिशुः  ।
४ ५ २ ०४ ०४  य इन्दुर्वारमाविशत् । । १२७७
४ ५ २ ०४ ०५   एष स्य पीतये सुतो हरिरर्षति धर्णसिः  ।
४ ५ २ ०४ ०५  क्रन्दन्योनिमभि प्रियम्  । । १२७८
४ ५ २ ०४ ०६   एतं त्यं हरितो दश मर्मृज्यन्ते अपस्युवः  ।
४ ५ २ ०४ ०६  याभिर्मदाय शुम्भते  । । १२७९

४ ५ २ ०५ ०१   एष वाजी हितो नृभिर्विश्वविन्मनसस्पतिः  ।
४ ५ २ ०५ ०१  अव्यो वारं वि धावति  । । १२८०
४ ५ २ ०५ ०२   एष पवित्रे अक्षरत्सोमो देवेभ्यः सुतः  ।
४ ५ २ ०५ ०२  विश्वा धामान्याविशन् । । १२८१
४ ५ २ ०६ ०३   एष देवः शुभायतेऽधि योनावमर्त्यः  ।
४ ५ २ ०६ ०३  वृत्रहा देववीतमः  । । १२८२
४ ५ २ ०७ ०४   एष वृषा कनिक्रदद्दशभिर्जामिभिर्यतः  ।
४ ५ २ ०७ ०४  अभि द्रोणानि धावति  । । १२८३
४ ५ २ ०८ ०५   एष सूर्यमरोचयत्पवमानो अधि द्यवि  ।
४ ५ २ ०८ ०५  पवित्रे मत्सरो मदः  । । १२८४
४ ५ २ ०९ ०६   एष सूर्येण हासते संवसानो विवस्वता  ।
४ ५ २ ०९ ०६  पतिर्वाचो अदाभ्यः  । । १२८५


४ ५ २ ०६ ०१   एष कविरभिष्टुतः पवित्रे अधि तोशते  ।
४ ५ २ ०६ ०१  पुनानो घ्नन्नप द्विषः  । । १२८६
४ ५ २ ०६ ०२   एष इन्द्राय वायवे स्वर्जित्परि षिच्यते  ।
४ ५ २ ०६ ०२  पवित्रे दक्षसाधनः  । । १२८७
४ ५ २ ०६ ०३   एष नृभिर्वि नीयते दिवो मूर्धा वृषा सुतः  ।
४ ५ २ ०६ ०३  सोमो वनेषु विश्ववित् । । १२८८
४ ५ २ ०६ ०४   एष गव्युरचिक्रदत्पवमानो हिरण्ययुः  ।
४ ५ २ ०६ ०४  इन्दुः सत्राजिदस्तृतः  । । १२८९
४ ५ २ ०६ ०५   एष शुष्म्यसिष्यददन्तरिक्षे वृषा हरिः  ।
४ ५ २ ०६ ०५  पुनान इन्दुरिन्द्रमा  । । १२९०
४ ५ २ ०६ ०६   एष शुष्म्यदाभ्यः सोमः पुनानो अर्षति  ।
४ ५ २ ०६ ०६  देवावीरघशंसहा  । । १२९१

४ ५ २ ०७ ०१   स सुतः पीतये वृषा सोमः पवित्रे अर्षति  ।
४ ५ २ ०७ ०१  विघ्नन्रक्षांसि देवयुः  । । १२९२
४ ५ २ ०७ ०२   स पवित्रे विचक्षणो हरिरर्षति धर्णसिः  ।
४ ५ २ ०७ ०२  अभि योनिं कनिक्रदत् । । १२९३
४ ५ २ ०७ ०३   स वाजी रोचना दिवः पवमानो वि धावति  ।
४ ५ २ ०७ ०३  रक्षोहा वारमव्ययम्  । । १२९४
४ ५ २ ०७ ०४   स त्रितस्याधि सानवि पवमानो अरोचयत् ।
४ ५ २ ०७ ०४  जामिभिः सूर्यं सह  । । १२९५
४ ५ २ ०७ ०५   स वृत्रहा वृषा सुतो वरिवोविददाभ्यः  ।
४ ५ २ ०७ ०५  सोमो वाजमिवासरत् । । १२९६
४ ५ २ ०७ ०६   स देवः कविनेषितो३ऽभि द्रोणानि धावति  ।
४ ५ २ ०७ ०६  इन्दुरिन्द्राय मंहयन् । । १२९७

४ ५ २ ०८ ०१   यः पावमानीरध्येत्यृषिभिः सम्भृतं रसम्  ।
४ ५ २ ०८ ०१  सर्वं स पूतमश्नाति स्वदितं मातरिश्वना  । । १२९८
४ ५ २ ०८ ०२   पावमानीर्यो अध्येत्यृषिभिः सम्भृतं रसम्  ।
४ ५ २ ०८ ०२  तस्मै सरस्वती दुहे क्षीरं सर्पिर्मधूदकम्  । । १२९९
४ ५ २ ०८ ०३   पावमानीः स्वस्त्ययनीः सुदुघा हि घृतश्चुतः  ।
४ ५ २ ०८ ०३  ऋषिभिः संभृतो रसो ब्राह्मणेष्वमृतं हितम्  । । १३००
४ ५ २ ०८ ०४   पावमानीर्दधन्तु न इमं लोकमथो अमुम्  ।
४ ५ २ ०८ ०४  कामान्त्समर्धयन्तु नो देवीर्देवैः समाहृताः  । । १३०१
४ ५ २ ०८ ०५   येन देवाः पवित्रेणात्मानं पुनते सदा  ।
४ ५ २ ०८ ०५  तेन सहस्रधारेण पावमानीः पुनन्तु नः  । । १३०२
४ ५ २ ०८ ०६   पावमानीः स्वस्त्ययनीस्ताभिर्गच्छति नान्दनम्  ।
४ ५ २ ०८ ०६  पुण्यांश्च भक्षान्भक्षयत्यमृतत्वं च गच्छति  । । १३०३

४ ५ २ ०९ ०१   अगन्म महा नमसा यविष्ठं यो दीदाय समिद्धः स्वे दुरोणे  ।
४ ५ २ ०९ ०१  चित्रभानुं रोदसी अन्तरुर्वी स्वाहुतं विश्वतः प्रत्यञ्चम्  । । १३०४
४ ५ २ ०९ ०२   स मह्ना विश्वा दुरितानि साह्वानग्नि ष्टवे दम आ जातवेदाः  ।
४ ५ २ ०९ ०२  स नो रक्षिषद्दुरितादवद्यादस्मान्गृणत उत नो मघोनः  । । १३०५
४ ५ २ ०९ ०३   त्वं वरुण उत मित्रो अग्ने त्वां वर्धन्ति मतिभिर्वसिष्ठाः  ।
४ ५ २ ०९ ०३  त्वे वसु सुषणनानि सन्तु यूयं पात स्वस्तिभिः सदा नः  । । १३०६

४ ५ २ १० ०१   महां इन्द्रो य ओजसा पर्जन्यो वृष्टिमां इव  ।
४ ५ २ १० ०१  स्तोमैर्वत्सस्य वावृधे  । । १३०७
४ ५ २ १० ०१   कण्वा इन्द्रं यदक्रत स्तोमैर्यज्ञस्य साधनम्  ।
४ ५ २ १० ०१  जामि ब्रुवत आयुधा  । । १३०८
४ ५ २ १० ०१   प्रजामृतस्य पिप्रतः प्र यद्भरन्त वह्नयः  ।
४ ५ २ १० ०१  विप्रा ऋतस्य वाहसा  । । १३०९


४ ५ २ ११ ०१   पवमानस्य जिघ्नतो हरेश्चन्द्रा असृक्षत  ।
४ ५ २ ११ ०१  जीरा अजिरशोचिषः  । । १३१०
४ ५ २ ११ ०२   पवमानो रथीतमः शुभ्रेभिः शुभ्रशस्तमः  ।
४ ५ २ ११ ०२  हरिश्चन्द्रो मरुद्गणः  । । १३११
४ ५ २ ११ ०३   पवमान्व्यश्नुहि रश्मिभिर्वाजसातमः  ।
४ ५ २ ११ ०३  दधत्स्तोत्रे सुवीर्यम्  । । १३१२

४ ५ २ १२ ०१   परीतो षिञ्चता सुतं सोमो य उत्तमं हविः  ।
४ ५ २ १२ ०१  दधन्वां यो नर्यो अप्स्वा३ तरा सुषाव सोममद्रिभिः  । । १३१३
४ ५ २ १२ ०२   नूनं पुनानोऽविभिः परि स्रवादब्धः सुरभिन्तरः  ।
४ ५ २ १२ ०२  सुते चित्वाप्सु मदामो अन्धसा श्रीणन्तो गोभिरुत्तरम्  । । १३१४
४ ५ २ १२ ०३   परि स्वानश्चक्षसे देवमादनः क्रतुरिन्दुर्विचक्षणः  । । १३१५

४ ५ २ १३ ०१   असावि सोमो अरुषो वृषा हरी राजेव दस्मो अभि गा अचिक्रदत् ।
४ ५ २ १३ ०१  पुनानो वारमत्येष्यव्ययं श्येनो न योनिं घृतवन्तमासदत् । । १३१६
४ ५ २ १३ ०२   पर्जन्यः पिता महिषस्य पर्णिनो नाभा पृथिव्या गिरिषु क्षयं दधे  ।
४ ५ २ १३ ०२  स्वसार आपो अभि गा उदासरन्त्सं ग्रावभिर्वसते वीते अध्वरे  । । १३१७
४ ५ २ १३ ०३   कविर्वेधस्या पर्येषि माहिनमत्यो न मृष्टो अभि वाजमर्षसि  ।
४ ५ २ १३ ०३  अपसेधन्दुरिता सोम नो मृड घृता वसानः परि यासि निर्णिजम्  । । १३१८

४ ५ २ १४ ०१   श्रायन्त इव सूर्यं विश्वेदिन्द्रस्य भक्षत  ।
४ ५ २ १४ ०१  वसूनि जातो जनिमान्योजसा प्रति भागं न दीधिमः  । । १३१९
४ ५ २ १४ ०२   अलर्षिरातिं वसुदामुप स्तुहि भद्रा इन्द्रस्य रातयः  ।
४ ५ २ १४ ०२  यो अस्य कामं विधतो न रोषति मनो दानाय चोदयन् । । १३२०

४ ५ २ १५ ०१   यत इन्द्र भयामहे ततो नो अभ्यं कृधि  ।
४ ५ २ १५ ०१  मघवन्छग्धि तव तन्न ऊतये वि द्विषो वि मृधो जहि  । । १३२१
४ ५ २ १५ ०२   त्वं हि राधस्पते राधसो महः क्षयस्यासि विध्रत्ता  ।
४ ५ २ १५ ०२  तं त्वा वयं मघवन्निन्द्र गिर्वणः सुतावन्तो हवामहे  । । १३२२

४ ५ २ १६ ०१   त्वं सोमासि धारयुर्मन्द्र ओजिष्ठो अध्वरे  ।
४ ५ २ १६ ०१  पवस्व मंहयद्रयिः  । । १३२३
४ ५ २ १६ ०२   त्वं सुतो मदिन्तमो दधन्वान्मत्सरिन्तमः  ।
४ ५ २ १६ ०२  इन्दुः सत्राजिदस्तृतः  । । १३२४
४ ५ २ १६ ०३   त्वं सुष्वाणो अद्रिभिरभ्यर्ष कनिक्रदत् ।
४ ५ २ १६ ०३  द्युमन्तं शुष्मा भर  । । १३२५

४ ५ २ १७ ०१   पवस्व देववीतय इन्दो धाराभिरोजसा  ।
४ ५ २ १७ ०१  आ कलशं मधुमान्त्सोम नः सदः  । । १३२६
४ ५ २ १७ ०२   तव द्रप्सा उदप्रुत इन्द्रं मदाय वावृधुः  ।
४ ५ २ १७ ०२  त्वां देवासो अमृताय कं पपुः  । । १३२७
४ ५ २ १७ ०३   आ नः सुतास इन्दवः पुनाना धावता रयिम्  ।
४ ५ २ १७ ०३  वृष्टिद्यावो रीत्यापः स्वर्विदः  । । १३२८

४ ५ २ १८ ०१   परि त्यं हर्यतं हरिं बभ्रुं पुनन्ति वारेण  ।
४ ५ २ १८ ०१  यो देवान्विश्वां इत्परि मदेन सह गच्छति  । । १३२९
४ ५ २ १८ ०२   द्विर्यं पञ्च स्वयशसं सखायो अद्रिसंहतम्  ।
४ ५ २ १८ ०२  प्रियमिन्द्रस्य काम्यं प्रस्नापयन्त ऊर्मयः  । । १३३०
४ ५ २ १८ ०३   इन्द्राय सोम पातवे वृत्रघ्ने परि षिच्यसे  ।
४ ५ २ १८ ०३  नरे च दक्षिणावते वीराय सदनासदे  । । १३३१

४ ५ २ १९ ०१   पवस्व सोम महे दक्षायाश्वो न निक्तो वाजी धनाय  । । १३३२
४ ५ २ १९ ०२   प्र ते सोतारो रसं मदाय पुनन्ति सोमं महे द्युम्नाय  । । १३३३
४ ५ २ १९ ०३   शिशुं जज्ञानं हरिं मृजन्ति पवित्रे सोमं देवेभ्य इन्दुम्  । । १३३४

४ ५ २ २० ०१   उषो षु जातमप्तुरं गोभिर्भङ्गं परिष्कृतम्  ।
४ ५ २ २० ०१  इन्दुं देवा अयासिषुः  । । १३३५
४ ५ २ २० ०२   तमिद्वर्धन्तु नो गिरो वत्सं संशिश्वरीरिव  ।
४ ५ २ २० ०२  य इन्द्रस्य हृदंसनिः  । । १३३६
४ ५ २ २० ०३   अर्षा नः सोम शं गवे धुक्षस्व पिप्युषीमिषम्  ।
४ ५ २ २० ०३  वर्धा समुद्रमुक्थ्यम्  । । १३३७

४ ५ २ २१ ०१   आ घा ये अग्निमिन्धते स्तृणन्ति बर्हिरानुषक् ।
४ ५ २ २१ ०१  येषामिन्द्रो युवा सखा  । । १३३८
४ ५ २ २१ ०२   बृहन्निदिध्म एषां भूरि शस्त्रं पृथुः स्वरुः  ।
४ ५ २ २१ ०२  येषामिन्द्रो युवा सखा  । । १३३९
४ ५ २ २१ ०३   अयुद्ध इद्युधा वृतं शूर आजति सत्वभिः  ।
४ ५ २ २१ ०३  येषामिन्द्रो युवा सखा  । । १३४०

४ ५ २ २२ ०१   य एक इद्विदयते वसु मर्त्ताय दाशुषे  ।
४ ५ २ २२ ०१  ईशानो अप्रतिष्कुत इन्द्रो अङ्ग  । । १३४१
४ ५ २ २२ ०२   यश्चिद्धि त्वा बहुभ्य आ सुतावां आविवासति  ।
४ ५ २ २२ ०२  उग्रं तत्पत्यते शव इन्द्रो अङ्ग  । । १३४२
४ ५ २ २२ ०३   कदा मर्त्तमराधसं पदा क्षुम्पमिव स्फुरत् ।
४ ५ २ २२ ०३  कदा नः शुश्रवद्गिर इन्द्रो अङ्ग  । । १३४३

४ ५ २ २३ ०१   गायन्ति त्वा गायत्रिणोऽर्चन्त्यर्कमर्किणः  ।
४ ५ २ २३ ०१  ब्रह्माणस्त्वा शतक्रत उद्वंशमिव येमिरे  । । १३४४
४ ५ २ २३ ०२   यत्सानोः सान्वारुहो भूर्यस्पष्ट कर्त्त्वम्  ।
४ ५ २ २३ ०२  तदिन्द्रो अर्थं चेतति यूथेन वृष्णिरेजति  । । १३४५
४ ५ २ २३ ०३   युङ्क्ष्वा हि केशिना हरी वृषणा कक्ष्यप्रा  ।
४ ५ २ २३ ०३  अथा न इन्द्र सोमपा गिरामुपश्रुतिं चर  । । १३४६

षष्ठ प्रपाठकः  ।  प्रथमोऽर्धः
४ ६ १ ०१ ०१   सुषमिद्धो न आ वह देवां अग्ने हविष्मते  ।
४ ६ १ ०१ ०१  होतः पावक यक्षि च  । । १३४७
४ ६ १ ०१ ०२   मधुमन्तं तनूनपाद्यज्ञं देवेषु नः कवे  ।
४ ६ १ ०१ ०२  अद्या कृणुय्हूतये  । । १३४८
४ ६ १ ०१ ०३   नराशंसमिह प्रियमस्मिन्यज्ञ उप ह्वये  ।
४ ६ १ ०१ ०३  मधुजिह्वं हविष्कृतम्  । । १३४९
४ ६ १ ०१ ०४   अग्ने सुखतमे रथे देवां ईडित आ वह  ।
४ ६ १ ०१ ०४  असि होता मनुर्हितः  । । १३५०

४ ६ १ ०२ ०१   यदद्य सूर उदितेऽनागा मित्रो अर्यमा  ।
४ ६ १ ०२ ०१  सुवाति सविता भगः  । । १३५१
४ ६ १ ०२ ०२   सुप्रावीरस्तु स क्षयः प्र नु यामन्त्सुदानवः  ।
४ ६ १ ०२ ०२  ये नो अंहोऽतिपिप्रति  । । १३५२
४ ६ १ ०२ ०३   उत स्वराजो अदितिरदब्धस्य व्रतस्य ये  ।
४ ६ १ ०२ ०३  महो राजान ईशते  । । १३५३

४ ६ १ ०३ ०१   उ त्वा मन्दन्तु सोमाः कृणुष्व राधो अद्रिवः  ।
४ ६ १ ०३ ०१  अव ब्रह्मद्विषो जहि  । । १३५४
४ ६ १ ०३ ०२   पदा पणीनराधसो नि बाधस्व महां असि  ।
४ ६ १ ०३ ०२  न हि त्वा कश्च न प्रति  । । १३५५
४ ६ १ ०३ ०३   त्वमीशिषे सुतानामिन्द्र त्वमसुतानाम्  ।
४ ६ १ ०३ ०३  त्वं राजा जनानाम्  । । १३५६

४ ६ १ ०४ ०१   आ जागृविर्विप्र ऋतां मतीनां सोमः पुनानो असदच्चमूषु  ।
४ ६ १ ०४ ०१  सपन्ति यं मिथुनासो निकामा अध्वर्यवो रथिरासः सुहस्ताः  । । १३५७
४ ६ १ ०४ ०२   स पुनान उप सूरे दधान ओबे अप्रा रोदसी वि ष आवः  ।
४ ६ १ ०४ ०२  प्रिया चिद्यस्य प्रियसास ऊती सतो धनं कारिणे न प्र यंसत् । । १३५८
४ ६ १ ०४ ०३   स वर्धिता वर्धनः पूयमानः सोमो मीढ्वां अभि नो ज्योतिषावीत् ।
४ ६ १ ०४ ०३  यत्र नः पूर्वे पितरः पदज्ञाः स्वर्विदो अभि गा अद्रिमिष्णन् । । १३५९

४ ६ १ ०५ ०१   मा चिदन्यद्वि शंसत सखायो मा रिषण्यत  ।
४ ६ १ ०५ ०१  इन्द्रमित्स्तोता वृषणं सचा सुते मुहुरुक्था च शंसत  । । १३६०
४ ६ १ ०५ ०२   अवक्रक्षिणं वृषभं यथा जुवं गां न चर्षणीसहम्  ।
४ ६ १ ०५ ०२  विद्वेषणं संवननमुभयङ्करं मंहिष्ठमुभयाविनम्  । । १३६१

४ ६ १ ०६ ०१   उदु त्ये मधुमत्तमा गिर स्तोमास ईरते  ।
४ ६ १ ०६ ०१  सत्राजितो धनसा अक्षितोतयो वाजन्तो रथा इव  । । १३६२
४ ६ १ ०६ ०२   कण्वा इव भृगवः सूर्या इव विश्वमिद्धीतमाशत  ।
४ ६ १ ०६ ०२  इन्द्रं स्तोमेभिर्महयन्त आयवः प्रियमेधासो अस्वरन् । । १३६३

४ ६ १ ०७ ०१   पर्यू षु प्र धन्व वाजसातये परि वृत्राणि सक्षणिः  ।
४ ६ १ ०७ ०१  द्विषस्तरध्या ऋणया न ईरसे  । । १३६४
४ ६ १ ०७ ०२   अजीजनो हि पवमान सूर्यं विधारे शक्मना पयः  ।
४ ६ १ ०७ ०२  गोजीरया रंहमानः पुरन्ध्या  । । १३६५
४ ६ १ ०७ ०३   अनु हि त्वा सुतं सोम मदामसि महे समर्यराज्ये  ।
४ ६ १ ०७ ०३  वाजां अभि पवमान प्र गाहसे  । । १३६६

४ ६ १ ०८ ०१   परि प्र धन्वेन्द्राय सोम स्वादुर्मित्राय पूष्णे भगाय  । । १३६७
४ ६ १ ०८ ०२   एवामृताय महे क्षयाय स शुक्रो अर्ष दिव्यः पीयूषः  । । १३६८
४ ६ १ ०८ ०३   इन्द्रस्ते सोम सुतस्य पेयात्क्रत्वे दक्षाय विश्वे च देवाः  । । १३६९

४ ६ १ ०९ ०१   सूर्यस्येव रश्मयो द्रावयित्नवो मत्सरासः प्रसुतः साकमीरते  ।
४ ६ १ ०९ ०१  तन्तुं ततं परि सर्गास आशवो नेन्द्रादृते पवते धाम किं चन  । । १३७०
४ ६ १ ०९ ०२   उपो मतिः पृच्यते सिच्यते मधु मन्द्राजनी चोदते अन्तरासनि  ।
४ ६ १ ०९ ०२  पवमानः सन्तनिः सुन्वतामिव मधुमान्द्रप्सः परि वारमर्षति  । । १३७१
४ ६ १ ०९ ०३   उक्षा मिमेति प्रति यन्ति धेनवो देवस्य देवीरुप यन्ति निष्कृतम्  ।
४ ६ १ ०९ ०३  अत्यक्रमीदर्जुनं वारमव्ययमत्कं न निक्तं परि सोमो अव्यत  । । १३७२

४ ६ १ १० ०१   अग्निं नरो दीधितिभिररण्योर्हस्तच्युतं जनयत प्रशस्तम्  ।
४ ६ १ १० ०१  दूरेदृशं गृहपतिमथव्युम्  । । १३७३
४ ६ १ १० ०२   तमग्निमस्ते वसवो न्यृण्वन्त्सुप्रतिचक्षमवसे कुतश्चित् ।
४ ६ १ १० ०२  दक्षाय्यो यो दम आस नित्यः  । । १३७४
४ ६ १ १० ०३   प्रेद्धो अग्ने दीदिहि पुरो नोऽजस्रया सूर्म्या यविष्ठ  ।
४ ६ १ १० ०३  त्वां शश्वन्त उप यन्ति वाजाः  । । १३७५

४ ६ १ ११ ०१   आयं गौः पृश्निरक्रमीदसदन्मातरं पुरः  ।
४ ६ १ ११ ०१  पितरं च प्रयन्त्स्वः  । । १३७६
४ ६ १ ११ ०२   अन्तश्चरति रोचनास्य प्राणादपानती  ।
४ ६ १ ११ ०२  व्यख्यन्महिषो दिवम्  । । १३७७
४ ६ १ ११ ०३   त्रिंशद्धाम वि राजति वाक्पतङ्गाय धीयते  ।
४ ६ १ ११ ०३  प्रति वस्तोरह द्युभिः  । । १३७८

षष्ठ प्रपाठकः  ।  द्वितीयोऽर्धः
४ ६ २ ०१ ०१   उपप्रयन्तो अध्वरं मन्त्रं वोचेमाग्नये  ।
४ ६ २ ०१ ०१  आरे अस्मे च शृण्वते  । । १३७९
४ ६ २ ०१ ०२   यः स्नीहितीषु पूर्व्यः संजग्मानासु कृष्टिषु  ।
४ ६ २ ०१ ०२  अरक्षद्दाशुषे गयम्  । । १३८०
४ ६ २ ०१ ०३   स नो वेदो अमात्यमग्नी रक्षतु शन्तमः  ।
४ ६ २ ०१ ०३  उतास्मान्पात्वंहसः  । । १३८१
४ ६ २ ०१ ०४   उत ब्रुवन्तु जन्तव उदग्निर्वृत्रहाजनि  ।
४ ६ २ ०१ ०४  धनञ्जयो रणेरणे  । । १३८२

४ ६ २ ०२ ०१   अग्ने युङ्क्ष्वा हि ये तवाश्वासो देव साधवः  ।
४ ६ २ ०२ ०१  अरं वहन्त्याशवः  । । १३८३
४ ६ २ ०२ ०२   अच्छा नो याह्या वहाभि प्रयांसि वीतये  ।
४ ६ २ ०२ ०२  आ देवान्त्सोमपीतये  । । १३८४
४ ६ २ ०२ ०३   उदग्ने भारत द्युमदजस्रेण दविद्युतत् ।
४ ६ २ ०२ ०३  शोचा वि भाह्यजर  । । १३८५

४ ६ २ ०३०१   प्र सुन्वानायान्धसो मर्त्तो न वष्ट तद्वचः  ।
४ ६ २ ०३०१  अप श्वानमराधसं हता मखं न भृगवः  । । १३८६
४ ६ २ ०३०२   आ जामिरत्के अव्यत भुजे न पुत्र ओण्योः  ।
४ ६ २ ०३०२  सरज्जारो न योषणां वरो न योनिमासदम्  । । १३८७
४ ६ २ ०३०३   स वीरो दक्षसाधनो वि यस्तस्तम्भ रोदसी  ।
४ ६ २ ०३०३  हरिः पवित्रे अव्यत वेधा न योनिमासदम्  । । १३८८

४ ६ २ ०४०१   अभ्रातृव्यो अना त्वमनापिरिन्द्र जनुषा सनादसि  ।
४ ६ २ ०४०१  युधेदापित्वमिच्छसे  । । १३८९
४ ६ २ ०४०२   न की रेवन्तं सख्याय विन्दसे पीयन्ति ते सुराश्वः  ।
४ ६ २ ०४०२  यदा कृणोषि नदनुं समूहस्यादित्पितेव हूयसे  । । १३९०

४ ६ २ ०५०१   आ त्वा सहस्रमा शतं युक्ता रथे हिरण्यये  ।
४ ६ २ ०५०१  ब्रह्मयुजो हरय इन्द्र केशिनो वहन्तु सोमपीतये  । । १३९१
४ ६ २ ०५०२   आ त्वा रथे हिरण्यये हरी मयूरशेप्या  ।
४ ६ २ ०५०२  शितिपृष्ठा वहतां मध्वो अन्धसो विवक्षणस्य पीतये  । । १३९२
४ ६ २ ०५०३   पिबा त्वा३ य गिर्वणः सुतस्य पूर्वपा इव  ।
४ ६ २ ०५०३  परिष्कृतस्य रसिन इयमासुतिश्चारुर्मदाय पत्यते  । । १३९३

४ ६ २ ०६०१   आ सोता परि षिञ्चताश्वं न स्तोममप्तुरं रजस्तुरम्  ।
४ ६ २ ०६०१  वनप्रक्षमुदप्रुतम्  । । १३९४
४ ६ २ ०६०२   सहस्रधारं वृषभं पयोदुहं प्रियं देवाय जन्मने  ।
४ ६ २ ०६०२  ऋतेन य ऋतजातो विवावृधे राजा देव ऋतं बृहत् । । १३९५

४ ६ २ ०७०१   अग्निर्वृत्राणि जङ्घनद्द्रविणस्युर्विपन्यया  ।
४ ६ २ ०७०१  समिद्धः शुक्र आहुतः  । । १३९६
४ ६ २ ०७०२   गर्भे मातुः पितुष्पिता विदिद्युतानो अक्षरे  ।
४ ६ २ ०७०२  सीदन्नृतस्य योनिमा  । । १३९७
४ ६ २ ०७०३   ब्रह्म प्रजावदा भर जातवेदो विचर्षणे  ।
४ ६ २ ०७०३  अग्ने यद्दीदयद्दिवि  । । १३९८

४ ६ २ ०८०१   अस्य प्रेषा हेमना पूयमानो देवो देवेभिः समपृक्त रसम्  ।
४ ६ २ ०८०१  सुतः पवित्रं पर्येति रेभन्मितेव सद्म पशुमन्ति होता  । । १३९९
४ ६ २ ०८०२   भद्रा वस्त्रा समन्याऽऽ३ वसानो महान्कविर्निवचनानि शंसन् ।
४ ६ २ ०८०२  आ वच्यस्व चम्वोः पूयमानो विचक्षणो जागृविर्देववीतौ  । । १४००
४ ६ २ ०८०३   समु प्रियो मृज्यते सानो अव्ये यशस्तरो यशसां क्षैतो अस्मे  ।
४ ६ २ ०८०३  अभि स्वर धन्वा पूयमानो यूयं पात स्वस्तिभिः सदा नः  । । १४०१

४ ६ २ ०९०१   एतो न्विन्द्रं स्तवाम शुद्धं शुद्धेन साम्ना  ।
४ ६ २ ०९०१  शुद्धैरुक्थैर्वावृध्वांसं शुद्धैराशीर्वान्ममत्तु  । । १४०२
४ ६ २ ०९०२   इन्द्र शुद्धो न आ गहि शुद्धः शुद्धाभिरूतिभिः  ।
४ ६ २ ०९०२  शुद्धो रयिं नि धारय शुद्धो ममद्धि सोम्य  । । १४०३
४ ६ २ ०९०३   इन्द्र शुद्धो हि नो रयिं शुद्धो रत्नानि दाशुषे  ।
४ ६ २ ०९०३  शुद्धो वृत्राणि जिघ्नसे शुद्धो वाजं सिषाससि  । । १४०४

४ ६ २ १००१   अग्ने स्तोमं मनामहे सिध्रमद्य दिविस्पृशः  ।
४ ६ २ १००१  देवस्य द्रविणस्यवः  । । १४०५
४ ६ २ १००२   अग्निर्जुषत नो गिरो होता यो मानुषेष्वा  ।
४ ६ २ १००२  स यक्षद्दैव्यं जनम्  । । १४०६
४ ६ २ १००३   त्वमग्ने सप्रथा असि जुष्टो होता वरेण्यः  ।
४ ६ २ १००३  त्वया यज्ञं वि तन्वते  । । १४०७

४ ६ २ ११०१   अभि त्रिपृष्ठं वृषणं वयोधामाङ्गोषिणमवावशंत वाणीः  ।
४ ६ २ ११०१  वना वसानो वरुणो न सिन्धूर्वि रत्नधा दयते वार्याणि  । । १४०८
४ ६ २ ११०२   शूरग्रामः सर्ववीरः सहावान्जेता पवस्व सनिता धनानि  ।
४ ६ २ ११०२  तिग्मायुधः क्षिप्रधन्वा समत्स्वषाढः साह्वान्पृतनासु शत्रून् । । १४०९
४ ६ २ ११०३   उरुगव्यूतिरभयानि कृण्वन्त्समीचीने आ पवस्वा पुरन्धी  ।
४ ६ २ ११०३  अपः सिषासन्नुषसः स्वा३ गाः सं चिक्रदो महो अस्मभ्यं वाजान् । । १४१०

४ ६ २ १२०१   त्वमिन्द्र यशा अस्यृजीषी शवसस्पतिः  ।
४ ६ २ १२०१  त्वं वृत्राणि हंस्यप्रतीन्येक इत्पुर्वनुत्तश्चर्षणीधृतिः  । । १४११
४ ६ २ १२०२   तमु त्वा नूनमसुर प्रचेतसं राधो भागमिवेमहे  ।
४ ६ २ १२०२  महीव कृत्तिः शरणा त इन्द्र प्र ते सुम्ना नो अश्नवन् । । १४१२

४ ६ २ १३०१   यजिष्ठं त्वा ववृमहे देवं देवत्रा होतारममर्त्यम्  ।
४ ६ २ १३०१  अस्य यज्ञस्य सुक्रतुम्  । । १४१३
४ ६ २ १३०२   अपां नपातं सुभगं सुदीदितिमग्निमु श्रेष्ठशोचिषम्  ।
४ ६ २ १३०२  स नो मित्रस्य वरुणस्य सो अपामा सुम्नं यक्षते दिवि  । । १४१४

४ ६ २ १४०१   यमग्ने पृत्सु मर्त्यमवा वाजेषु यं जुनाः  ।
४ ६ २ १४०१  स यन्ता शश्वतीरिषः  । । १४१५
४ ६ २ १४०२   न किरस्य सहन्त्य पर्येता कयस्य चित् ।
४ ६ २ १४०२  वाजो अस्ति श्रवाय्यः  । । १४१६
४ ६ २ १४०३   स वाजं विश्वचर्षणिरर्वद्भिरस्तु तरुता  ।
४ ६ २ १४०३  विप्रेभिरस्तु सनिता  । । १४१७

४ ६ २ १५०१   साकमुक्षो मर्जयन्त स्वसारो दश धीरस्य धीतयो धनुत्रीः  ।
४ ६ २ १५०१  हरिः पर्यद्रवज्जाः सूर्यस्य द्रोणं ननक्षे अत्यो न वाजी  । । १४१८
४ ६ २ १५०२   सं मातृभिर्न शिशुर्वावशानो वृषा दधन्वे पुरुवारो अद्भिः  ।
४ ६ २ १५०२  मर्यो न योषामभि निष्कृतं यन्त्सं गच्छते कलश उस्रियाभिः  । । १४१९
४ ६ २ १५०३   उत प्र पिप्य ऊधरघ्न्याया इन्दुर्धाराभिः सचते सुमेधाः  ।
४ ६ २ १५०३  मूर्धानं गावः पयसा चमूष्वभि श्रीणन्ति वसुभिर्न निक्तैः  । । १४२०

४ ६ २ १६००   पिबा सुतस्य रसिनो मत्स्वा न इन्द्र गोमतः  ।
४ ६ २ १६००  आपिर्नो बोधि सधमाद्ये वृधे३ऽस्मां अवन्तु ते धियः  । । १४२१
४ ६ २ १६००   भूयाम ते सुमतौ वाजिनो वयं मा न स्तरभिमातये  ।
४ ६ २ १६००  अस्मां चित्राभिरवतादभिष्टिभिरा नः सुम्नेषु यामय  । । १४२२

४ ६ २ १७०१   त्रिरस्मै सप्त धेनवो दुदुह्रिरे सत्यामाशिरं परमे व्योमनि  ।
४ ६ २ १७०१  चत्वार्यन्या भुवनानि निर्णिजे चारूणि चक्रे यदृतैरवर्धत  । । १४२३
४ ६ २ १७०२   स भक्षमाणो अमृतस्य चारुण उभे द्यावा काव्येना वि शश्रथे  ।
४ ६ २ १७०२  तेजिष्ठा अपो मंहना परि व्यत यदी देवस्य श्रवसा सदो विदुः  । । १४२४
४ ६ २ १७०३   ते अस्य सन्तु केतवोऽमृत्यवोऽदाभ्यासो जनुषी उभे अनु  ।
४ ६ २ १७०३  येभिर्नृम्णा च देव्या च पुनत आदिद्राजानं मनना अगृभ्णत  । । १४२५

४ ६ २ १८०१   अभि वायुं वीत्यर्षा गृणानो३ऽभि मित्रावरुणा पूयमानः  ।
४ ६ २ १८०१  अभी नरं धीजवनं रथेष्ठामभीन्द्रं वृषणं वज्रबाहुम्  । । १४२६
४ ६ २ १८०२   अभि वस्त्रा सुवसनान्यर्षाभि धेनूः सुदुघाः पूयमानः  ।
४ ६ २ १८०२  अभि चन्द्रा भर्त्तवे नो हिरण्याभ्यश्वान्रथिनो देव सोम  । । १४२७
४ ६ २ १८०३   अभी नो अर्ष दिव्या वसून्यभि विश्वा पार्थिवा पूयमानः  ।
४ ६ २ १८०३  अभि येन द्रविणमश्नवामाभ्यार्षेयं जमदग्निवन्नः  । । १४२८

४ ६ २ १९०१   यज्जायथा अपूर्व्य मघवन्वृत्रहत्याय  ।
४ ६ २ १९०१  तत्पृथिवीमप्रथयस्तदस्तभ्ना उतो दिवम्  । । १४२९
४ ६ २ १९०२   तत्ते यज्ञो अजायत तदर्क उत हस्कृतिः  ।
४ ६ २ १९०२  तद्विश्वमभिभूरसि यज्जातं यच्च जन्त्वम्  । । १४३०
४ ६ २ १९०३   आमासु पक्वमैरय आ सूर्यं रोहयो दिवि  ।
४ ६ २ १९०३  घर्मं न सामं तपता सुवृक्तिभिर्जुष्टं गिर्वणसे बृहत् । । १४३१

४ ६ २ २००१   मत्स्यपायि ते महः पात्रस्येव हरिवो मत्सरो मदः  ।
४ ६ २ २००१  वृषा ते वृष्ण इन्दुर्वाजी सहस्रसातमः  । । १४३२
४ ६ २ २००२   आ नस्ते गन्तु मत्सरो वृषा मदो वरेण्यः  ।
४ ६ २ २००२  सहावां इन्द्र सानसिः पृतनषाडमर्त्यः  । । १४३३
४ ६ २ २००३   त्वं हि शूरः सनिता चोदयो मनुषो रथम्  ।
४ ६ २ २००३  सहावान्दस्युमव्रतमोषः पात्रं न शोचिषा  । । १४३४

षष्ठ प्रपाठकः  ।  तृतीयोऽर्धः
४ ६ ३ ०१०१   पवस्व वृष्टिमा सु नोऽपामूर्मिं दिवस्परि  ।
४ ६ ३ ०१०१  अयक्ष्मा बृहतीरिषः  । । १४३५
४ ६ ३ ०१०२   तया पवस्व धारया यया गाव इहागमन् ।
४ ६ ३ ०१०२  जन्यास उप नो गृहम्  । । १४३६
४ ६ ३ ०१०३   घृतं पवस्व धारया यज्ञेषु देववीतमः  ।
४ ६ ३ ०१०३  अस्मभ्यं वृष्टिमा पव  । । १४३७
४ ६ ३ ०१०४   स न ऊर्जे व्या३ ययं पवित्रं धाव धारया  ।
४ ६ ३ ०१०४  देवासः शृणवन्हि कम्  । । १४३८
४ ६ ३ ०१०५   पवमानो असिष्यदद्रक्षांस्यपजङ्घनत् ।
४ ६ ३ ०१०५  प्रत्नवद्रोचयन्रुचः  । । १४३९

४ ६ ३ ०२०१   प्रत्यस्मै पिपीषते विश्वानि विदुषे भर  ।
४ ६ ३ ०२०१  अरङ्गमाय जग्मयेऽपश्चादध्वने नरः  । । १४४०
४ ६ ३ ०२०२   एमेनं प्रत्येतन सोमेभिः सोमपातमम्  ।
४ ६ ३ ०२०२  अमत्रेभिरृजीषिणमिन्द्रं सुतेभिरिन्दुभिः  । । १४४१
४ ६ ३ ०२०३   यदी सुतेभिरिन्दुभिः सोमेभिः प्रतिभूषथ  ।
४ ६ ३ ०२०३  वेदा विश्वस्य मेधिरो धृषत्तन्तमिदेषते  । । १४४२
४ ६ ३ ०२०४   अस्माअस्मा इदन्धसोऽध्वर्यो प्र भरा सुतम्  ।
४ ६ ३ ०२०४  कुवित्समस्य जेन्यस्य शर्धतोऽभिशस्तेरवस्वरत् । । १४४३

४ ६ ३ ०३०१   बभ्रवे नु स्वतवसेऽरुणाय दिविस्पृशे  ।
४ ६ ३ ०३०१  सोमाय गाथमर्चत  । । १४४४
४ ६ ३ ०३०२   हस्तच्युतेभिरद्रिभिः सुतं सोमं पुनीतन  ।
४ ६ ३ ०३०२  मधावा धावता मधु  । । १४४५
४ ६ ३ ०३०३   नमसेदुप सीदत दध्नेदभि श्रीणीतन  ।
४ ६ ३ ०३०३  इन्दुमिन्द्रे दधातन  । । १४४६
४ ६ ३ ०३०४   अमित्रहा विचर्षणिः पवस्व सोम शं गवे  ।
४ ६ ३ ०३०४  देवेभ्यो अनुकामकृत् । । १४४७
४ ६ ३ ०३०५   इन्द्राय सोम पातवे मदाय परि षिच्यसे  ।
४ ६ ३ ०३०५  मनश्चिन्मनसस्पतिः  । । १४४८
४ ६ ३ ०३०६   पवमान सुवीर्यं रयिं सोम रिरीहि नः  ।
४ ६ ३ ०३०६  इन्दविन्द्रेण नो युजा  । । १४४९

४ ६ ३ ०४०१   उद्धेदभि श्रुतामघं वृषमं नर्यापसम्  ।
४ ६ ३ ०४०१  अस्तारमेषि सूर्य  । । १४५०
४ ६ ३ ०४०२   नव यो नवतिं पुरो बिभेद बाह्वोजसा  ।
४ ६ ३ ०४०२  अहिं च वृत्रहावधीत् । । १४५१
४ ६ ३ ०४०३   स न इन्द्रः शिवः सखाश्वावद्गोमद्यवमत् ।
४ ६ ३ ०४०३  उरुधारेव दोहते  । । १४५२

४ ६ ३ ०५०१   विभ्राड्बृहत्पिबतु सोम्यं मध्वायुर्दधद्यज्ञपतावविह्रुतम्  ।
४ ६ ३ ०५०१  वातजूतो यो अभिरक्षति त्मना प्रजाः पिपर्ति बहुधा वि राजति  । । १४५३
४ ६ ३ ०५०२   विभ्राड्बृहत्सुभृतं वाजसातमं धर्मं दिवो धरुणे सत्यमर्पितम्  ।
४ ६ ३ ०५०२  अमित्रहा वृत्रहा दस्युहन्तमं ज्योतिर्जज्ञे असुरहा सपत्नहा  । । १४५४
४ ६ ३ ०५०३   इदं श्रेष्ठं ज्योतिषां ज्योतिरुत्तमं विश्वजिद्धनजिदुच्यते बृहत् ।
४ ६ ३ ०५०३  विश्वभ्राड्भ्राजो महि सूर्यो दृश उरु पप्रथे सह ओजो अच्युतम्  । । १४५५

४ ६ ३ ०६०१   इन्द्र क्रतुं न आ भर पिता पुत्रेभ्यो यथा  ।
४ ६ ३ ०६०१  शिक्षा णो अस्मिन्पुरुहूत यामनि जीव ज्योतिरशीमहि  । । १४५६
४ ६ ३ ०६०२   मा नो अज्ञाता वृजना दुराध्यो३ माशिवासोऽव क्रमुः  ।
४ ६ ३ ०६०२  त्वया वयं प्रवतः शश्वतीरपोऽति शूर तरामसि  । । १४५७

४ ६ ३ ०७०१   अद्याद्या श्वःश्व इन्द्र त्रास्व परे च नः  ।
४ ६ ३ ०७०१  विश्वा च नो जरितृईन्त्सत्पते अहा दिवा नक्तं च रक्षिषः  । । १४५८
४ ६ ३ ०७०२   प्रभङ्गी शूरो मघवा तुवीमघः सम्मिश्लो विर्याय कम्  ।
४ ६ ३ ०७०२  उभा ते बाहू वृषणा शतक्रतो नि या वज्रं मिमिक्षतुः  । । १४५९

४ ६ ३ ०८०१   जनीयन्तो न्वग्रवः पुत्रीयन्तः सुदानवः  ।
४ ६ ३ ०८०१  सरस्वन्तं हवामहे  । । १४६०

४ ६ ३ ०९०१   उत नः प्रिया प्रियासु सप्तस्वसा सुजुष्टा  ।
४ ६ ३ ०९०१  सरस्वती स्तोम्या भूत् । । १४६१

४ ६ ३ १००१   तत्सवितुर्वरेण्यं भर्गो देवस्य धीमहि  ।
४ ६ ३ १००१  धियो यो नः प्रचोदयात् । । १४६२
४ ६ ३ १००२   सोमानां स्वरणं कृणुहि ब्रह्मणस्पते  ।
४ ६ ३ १००२   कक्षीवन्तं य औशिजः  । । १४६३
४ ६ ३ १००३   अग्न आयूंषि पवसे आ सुवोर्जं इषं च नः  ।
४ ६ ३ १००३   आरे बाधस्व दुच्छुनाम्  । । १४६४

४ ६ ३ ११०१   ता नः शक्तं पार्थिवस्य महो रायो दिव्यस्य  ।
४ ६ ३ ११०१  महि वा क्षत्रं देवेषु  । । १४६५
४ ६ ३ ११०२   ऋतमृतेन सपन्तेषिरं दक्षमाशाते  ।
४ ६ ३ ११०२  अद्रुहा देवौ वर्धेते  । । १४६६
४ ६ ३ ११०३   वृष्टिद्यावा रीत्यापेषस्पती दानुमत्याः  ।
४ ६ ३ ११०३  बृहन्तं गर्त्तमाशाते  । । १४६७

४ ६ ३ १२०१   युञ्जन्ति ब्रध्नमरुषं चरन्तं परि तस्थुषः  ।
४ ६ ३ १२०१  रोचन्ते रोचना दिवि  । । १४६८
४ ६ ३ १२०२   युञ्जन्त्यस्य काम्या हरी विपक्षसा रथे  ।
४ ६ ३ १२०२  शोणा धृष्णू नृवाहसा  । । १४६९
४ ६ ३ १२०३   केतुं कृण्वन्नकेतवे पेशो मर्या अपेशसे  ।
४ ६ ३ १२०३  समुषद्भिरजायथाः  । । १४७०

४ ६ ३ १३०१   अयं सोम इन्द्र तुभ्यं सुन्वे तुभ्यं पवते त्वमस्य पाहि  ।
४ ६ ३ १३०१  त्वं ह यं चकृषे त्वं ववृष इन्दुं मदाय युज्याय सोमम्  । । १४७१
४ ६ ३ १३०२   स ईं रथो न भुरिषाडयोजि महः पुरूणि सातये वसूनि  ।
४ ६ ३ १३०२  आदीं विश्वा नहुष्याणि जाता स्वर्षाता वन ऊर्ध्वा नवन्त  । । १४७२
४ ६ ३ १३०३   शुष्मी शर्धो न मारुतं पवस्वानभिशस्ता दिव्या यथा विट् ।
४ ६ ३ १३०३  आपो न मक्षू सुमतिर्भवा नः सहस्राप्साः पृतनाषाण्न यज्ञः  । । १४७३

४ ६ ३ १४०१   त्वमग्ने यज्ञानां होता विश्वेषां हितः  ।
४ ६ ३ १४०१  देवेभिर्मानुषे जने  । । १४७४
४ ६ ३ १४०२   स नो मन्द्राभिरध्वरे जिह्वाभिर्यजा महः  ।
४ ६ ३ १४०२  आ देवान्वक्षि यक्षि च  । । १४७५
४ ६ ३ १४०३   वेत्था हि वेधो अध्वनः पथश्च देवाञ्जसा  ।
४ ६ ३ १४०३  अग्ने यज्ञेषु सुक्रतो  । । १४७६

४ ६ ३ १५०१   होता देवो अमर्त्यः पुरस्तादेति मायया  ।
४ ६ ३ १५०१  विदथानि प्रचोदयन् । । १४७७
४ ६ ३ १५०२   वाजी वाजेषु धीयतेऽध्वरेषु प्र णीयते  ।
४ ६ ३ १५०२  विप्रो यज्ञस्य साधनः  । । १४७८
४ ६ ३ १५०३   धिया चक्रे वरेण्यो भूतानां गर्भमा दधे  ।
४ ६ ३ १५०३  दक्षस्य पितरं तना  । । १४७९

४ ६ ३ १६०१   आ सुते सिञ्चत श्रियं रोदस्योरभिश्रियम्  ।
४ ६ ३ १६०१  रसा दधीत वृषभम्  । । १४८०
४ ६ ३ १६०२   ते जानत स्वमोक्या३ं सं वत्सासो न मातृभिः  ।
४ ६ ३ १६०२  मिथो नसन्त जामिभिः  । । १४८१
४ ६ ३ १६०३   उप स्रक्वेषु बप्सतः कृण्वते धरुणं दिवि  ।
४ ६ ३ १६०३  इन्द्रे अग्ना नमः स्वः  । । १४८२

४ ६ ३ १७०१   तदिदास भुवनेषु ज्येष्टं यतो जज्ञा उग्रस्त्वेषनृम्णः  ।
४ ६ ३ १७०१  सद्यो जज्ञानो नि रिणाति शत्रूननु यं विश्वे मदन्त्यूमाः  । । १४८३
४ ६ ३ १७०२   वावृधानः शवसा भूर्योजाः शत्रुर्दासाय भियसं दधाति  ।
४ ६ ३ १७०२  अव्यनच्च व्यनच्च सस्नि सं ते नवन्त प्रभृता मदेषु  । । १४८४
४ ६ ३ १७०३   त्वे क्रतुमपि वृञ्जन्ति विश्वे द्विर्यदेते त्रिर्भवन्त्यूमाः  ।
४ ६ ३ १७०३  स्वादोः स्वादीयः स्वादुना सृजा समदः सु मधु मधुनाभि योधीः  । । १४८५

४ ६ ३ १८०१   त्रिकद्रुकेषु महिषो यवाशिरं तुविशुष्मस्तृम्पत्सोममपिबद्विष्णुना सुतं यथावशम्  ।
४ ६ ३ १८०१  स ईं ममाद महि कर्म कर्तवे महामुरुं सैनं सश्चद्देवो देवं सत्य इन्दुः सत्यमिन्द्रम्  । । १४८६
४ ६ ३ १८०२   साकं जातः क्रतुना साकमोजसा ववक्षिथ साकं वृद्धो वीर्यैः सासहिर्मृधो विचर्षणिः  ।
४ ६ ३ १८०२  दाता राध स्तुवते काम्यं वसु प्रचेतन सैनं सश्चद्देवो देवं सत्य इन्दुः सत्यमिन्द्रम्  । । १४८७
४ ६ ३ १८०३   अध त्विषीमां अभ्योजसा कृविं युधाभवदा रोदसी अपृणदस्य मज्मना प्र वावृधे  ।
४ ६ ३ १८०३  अधत्तान्यं जठरे प्रेमरिच्यत प्र चेतय सैनं सश्चद्देवो देवं सत्य इन्दुः सत्यमिन्द्रम्  । । १४८८

सप्तम प्रपाठकः  ।  प्रथमोऽर्धः
४ ७ १ ०१०१   अभि प्र गोपतिं गिरेन्द्रमर्च यथा विदे  ।
४ ७ १ ०१०१  मूनुं सत्यस्य सत्पतिम्  । । १४८९
४ ७ १ ०१०२   आ हरयः ससृज्रिरेऽरुषीरधि बर्हिषि  ।
४ ७ १ ०१०२  यत्राभि संनवामहे  । । १४९०
४ ७ १ ०१०३   इन्द्राय गाव आशिरं दुदुह्रे वज्रिणे मधु  ।
४ ७ १ ०१०३  यत्सीमुपह्वरे विदत् । । १४९१

४ ७ १ ०२०१   आ नो विश्वासु हव्यमिन्द्रं समत्सु भूषत  ।
४ ७ १ ०२०१  उप ब्रह्माणि सवनानि वृत्रहन्परमज्या ऋचीषम  । । १४९२
४ ७ १ ०२०२   त्वं दाता प्रथमो राधसामस्यसि सत्य ईशानकृत् ।
४ ७ १ ०२०२  तुविद्युम्नस्य युज्या वृणीमहे पुत्रस्य शवसो महः  । । १४९३

४ ७ १ ०३०१   प्रत्नं पीयूषं पूर्व्यं यदुक्थ्यं महो गाहद्दिव आ निरधुक्षत  ।
४ ७ १ ०३०१  इन्द्रमभि जायमानं समस्वरन् । । १४९४
४ ७ १ ०३०२   आदीं के चित्पश्यमानास आप्यं वसुरुचो दिव्या अभ्यनूषत  ।
४ ७ १ ०३०२  दिवो न वारं सविता व्यूर्णुते  । । १४९५
४ ७ १ ०३०३   अध यदिमे पवमान रोदसी इमा च विश्वा भुवनाभि मज्मना  ।
४ ७ १ ०३०३  यूथे न निष्ठा वृषभो वि राजसि  । । १४९६

४ ७ १ ०४०१   इममू षु त्वमस्माकं सनिं गायत्रं नव्यांसम्  ।
४ ७ १ ०४०१  अग्ने देवेषु प्र वोचः  । । १४९७
४ ७ १ ०४०२   विभक्तासि चित्रभानो सिन्धोरूर्मा उपाक आ  ।
४ ७ १ ०४०२  सद्यो दाशुषे क्षरसि  । । १४९८
४ ७ १ ०४०३   आ नो भज परमेष्वा वाजेषु मध्यमेषु  ।
४ ७ १ ०४०३  शिक्षा वस्वो अन्तमस्य  । । १४९९

४ ७ १ ०५०१   अहमिद्धि पितुष्परि मेधामृतस्य जग्रह  ।
४ ७ १ ०५०१  अहं सूर्य इवाजनि  । । १५००
४ ७ १ ०५०२   अहं प्रत्नेन जन्मना गिरः शुम्भामि कण्ववत् ।
४ ७ १ ०५०२  येनेन्द्रः शुष्ममिद्दधे  । । १५०१
४ ७ १ ०५०३   ये त्वामिन्द्र न तुष्टुवुरृषयो ये च तुष्टुवुः  ।
४ ७ १ ०५०३  ममेद्वर्धस्व सुष्टुतः  । । १५०२

४ ७ १ ०६०१   अग्ने विश्वेभिरग्निभिर्जोषि ब्रह्म सहस्कृत  ।
४ ७ १ ०६०१  ये देवत्रा य आयुषु तेभिर्नो महया गिरः  । । १५०३
४ ७ १ ०६०२   प्र स विश्वेभिरग्निभिरग्निः स यस्य वाजिनः  ।
४ ७ १ ०६०२  तनये तोके अस्मदा सम्यङ्वाजैः परीवृतः  । । १५०४
४ ७ १ ०६०३   त्वं नो अग्ने अग्निभिर्ब्रह्म यज्ञं च वर्धय  ।
४ ७ १ ०६०३  त्वं नो देवतातये रायो दानाय चोदय  । । १५०५

४ ७ १ ०७०१   त्वे सोम प्रथमा वृक्तबर्हिषो महे वाजाय श्रवसे धियन्दधुः  ।
४ ७ १ ०७०१  स त्वं नो वीर वीर्याय चोदय  । । १५०६
४ ७ १ ०७०२   अभ्यभि हि श्रवसा ततर्दिथोत्सं न कं चिज्जनपानमक्षितम्  ।
४ ७ १ ०७०२  शर्याभिर्न भरमाणो गभस्त्योः  । । १५०७
४ ७ १ ०७०३   अजीजनो अमृत मर्त्याय अमृतस्य धर्मन्नमृतस्य चारुणः  ।
४ ७ १ ०७०३  सदासरो वाजमच्छा सनिष्यदत् । । १५०८

४ ७ १ ०८०१   एन्दुमिन्द्राय सिञ्चत पिबाति सोम्यं मधु  ।
४ ७ १ ०८०१  प्र राधांसि चोदयते महित्वना  । । १५०९
४ ७ १ ०८०२   उपो हरीणां पतिं राधः पृञ्चन्तमब्रवम्  ।
४ ७ १ ०८०२  नूनं श्रुधि स्तुवतो अश्व्यस्य  । । १५१०
४ ७ १ ०८०३   न ह्याङ्३ अ पुरा च न जज्ञे वीरतरस्त्वत् ।
४ ७ १ ०८०३  न की राया नैवथा न भन्दना  । । १५११

४ ७ १ ०९०१   नदं व ओदतीनां नदं योयुवतीनाम्  ।
४ ७ १ ०९०१  पतिं वो अघ्न्यानां धेनूनामिषुध्यसि  । । १५१२

४ ७ १ १००१   देवो वो द्रविणोदाः पूर्णां विवष्ट्वासिचम्  ।
४ ७ १ १००१  उद्वा सिञ्चध्वमुप वा पृणध्वमादिद्वो देव ओहते  । । १५१३
४ ७ १ १००२   तं होतारमध्वरस्य प्रचेतसं वह्निं देवा अकृण्वत  ।
४ ७ १ १००२  दधाति रत्नं विधते सुवीर्यमग्निर्जनाय दाशुषे  । । १५१४

४ ७ १ ११०१   अदर्शि गातुवित्तमो यस्मिन्व्रतान्यादधुः  ।
४ ७ १ ११०१  उपोषु जातमार्यस्य वर्धनमग्निं नक्षन्तु नो गिरः  । । १५१५
४ ७ १ ११०२   यस्माद्रेजन्त कृष्टयश्चर्कृत्यानि कृण्वतः  ।
४ ७ १ ११०२  सहस्रसां मेधसाताविव त्मनाग्निं धीभिर्नमस्यत  । । १५१६
४ ७ १ ११०३   प्र दैवोदासो अग्निर्देव इन्द्रो न मज्मना  ।
४ ७ १ ११०३  अनु मातरं पृथिवीं वि वावृते तस्थौ नाकस्य शर्मणि  । । १५१७

४ ७ १ १२०१   अग्न आयूंषि पवसे आसुवोर्जमिषं च नः  ।
४ ७ १ १२०१  आरे बाधस्व दुच्छुनाम्  । । १५१८
४ ७ १ १२०२   अग्निरृषिः पवमानः पाञ्चजन्यः पुरोहितः  ।
४ ७ १ १२०२  तमीमहे महागयम्  । । १५१९
४ ७ १ १२०३   अग्ने पवस्व स्वपा अस्मे वर्चः सुवीर्यम्  ।
४ ७ १ १२०३  दधद्रयिं मयि योषम्  । । १५२०

४ ७ १ १३०१   अग्ने पावक रोचिषा मन्द्रया देव जिह्वया  ।
४ ७ १ १३०१  आ देवान्वक्षि यक्षि च  । । १५२१
४ ७ १ १३०२   तं त्वा घृतस्नवीमहे चित्रभानो स्वर्दृशम्  ।
४ ७ १ १३०२  देवां आ वीतये वह  । । १५२२
४ ७ १ १३०३   वीतिहोत्रं त्वा कवे द्युमन्तं समिधीमहि  ।
४ ७ १ १३०३  अग्ने बृहन्तमध्वरे  । । १५२३

४ ७ १ १४०१   अवा नो अग्न ऊतिभिर्गायत्रस्य प्रभर्मणि  ।
४ ७ १ १४०१  विश्वासु धीषु वन्द्य  । । १५२४
४ ७ १ १४०२   आ नो अग्ने रयिं भर सत्रासाहं वरेण्यम्  ।
४ ७ १ १४०२  विश्वासु पृत्सु दुष्टरम्  । । १५२५
४ ७ १ १४०३   आ नो अग्ने सुचेतुना रयिं विश्वायुपोषसम्  ।
४ ७ १ १४०३  मार्डीकं धेहि जीवसे  । । १५२६

४ ७ १ १५०१   अग्निं हिन्वन्तु नो धियः सप्तिमाशुमिवाजिषु  ।
४ ७ १ १५०१  तेन जेष्म धनंधनम्  । । १५२७
४ ७ १ १५०२   यया गा आकरामहै सेनयाग्ने तवोत्या  ।
४ ७ १ १५०२  तां नो हिन्व मघत्तये  । । १५२८
४ ७ १ १५०३   आग्ने स्थूरं रयिं भर पृथुं गोमन्तमश्विनम्  ।
४ ७ १ १५०३  अङ्धि खं वर्त्तया पविम्  । । १५२९
४ ७ १ १५०४   अग्ने नक्षत्रमजरमा सूर्यं रोहयो दिवि  ।
४ ७ १ १५०४  दधज्ज्योतिर्जनेभ्यः  । । १५३०
४ ७ १ १५०५   अग्ने केतुर्विशामसि प्रेष्ठः श्रेष्ठ उपस्थसत् ।
४ ७ १ १५०५  बोधा स्तोत्रे वयो दधत् । । १५३१

४ ७ १ १६०१   अग्निर्मूर्धा दिवः ककुत्पतिः पृथिव्या अयम्  ।
४ ७ १ १६०१  अपां रेतांसि जिन्वति  । । १५३२
४ ७ १ १६०२   ईशिषे वार्यस्य हि दात्रस्याग्ने स्वःपतिः  ।
४ ७ १ १६०२  स्तोता स्यां तव शर्मणि  । । १५३३
४ ७ १ १६०३   उदग्ने शुचयस्तव शुक्रा भ्राजन्त ईरते  ।
४ ७ १ १६०३  तव ज्योतींष्यर्चयः  । । १५३४

सप्तम प्रपाठकः  ।  द्वितीयोऽर्धः
४ ७ २ ०१०१   कस्ते जामिर्जनानामग्ने को दाश्वध्वरः  ।
४ ७ २ ०१०१  को ह कस्मिन्नसि श्रितः  । । १५३५
४ ७ २ ०१०२   त्वं जामिर्जनानामग्ने मित्रो असि प्रियः  ।
४ ७ २ ०१०२  सखा सखिभ्य ईड्यः  । । १५३६
४ ७ २ ०१०३   यजा नो मित्रावरुणा यजा देवां ऋतं बृहत् ।
४ ७ २ ०१०३  अग्ने यक्षि स्वं दमम्  । । १५३७

४ ७ २ ०२०१   ईडेन्यो नमस्यस्तिरस्तमांसि दर्शतः  ।
४ ७ २ ०२०१  समग्निरिध्यते वृषा  । । १५३८
४ ७ २ ०२०२   वृषो अग्निः समिध्यतेऽश्वो न देववाहनः  ।
४ ७ २ ०२०२  तं हविष्मन्त ईडते  । । १५३९
४ ७ २ ०२०३   वृषणं त्वा वयं वृषन्वृषणः समिधीमहि  ।
४ ७ २ ०२०३  अग्ने दीद्यतं बृहत् । । १५४०

४ ७ २ ०३०१   उत्ते बृहन्तो अर्चयः समिधानस्य दीदिवः  ।
४ ७ २ ०३०१  अग्ने शुक्रास ईरते  । । १५४१
४ ७ २ ०३०२   उप त्वा जुह्वो३ मम घृताचीर्यन्तु हर्यत  ।
४ ७ २ ०३०२  अग्ने हव्या जुषस्व नः  । । १५४२
४ ७ २ ०३०३   मन्द्रं होतारमृत्विजं चित्रभानुं विभावसुम्  ।
४ ७ २ ०३०३  अग्निमीडे स उ श्रवत् । । १५४३

४ ७ २ ०४०१   पाहि नो अग्न एकया पाह्यू३ अ द्वितीयया  ।
४ ७ २ ०४०१  पाहि गीर्भिस्तिसृभिरूर्जां पते पाहि चतसृभिर्वसो  । । १५४४
४ ७ २ ०४०२   पाहि विश्वस्माद्रक्षसो अराव्णः प्र स्म वाजेषु नोऽव  ।
४ ७ २ ०४०२  त्वामिद्धि नेदिष्ठं देवतातय आपिं नक्षामहे वृधे  । । १५४५

४ ७ २ ०५०१   इनो राजन्नरतिः समिद्धो रौद्रो दक्षाय सुषुमां अदर्शि  ।
४ ७ २ ०५०१  चिकिद्वि भाति भासा बृहतासिक्नीमेति रुशतीमपाजन् । । १५४६
४ ७ २ ०५०२   कृष्णां यदेनीमभि वर्पसाभूज्जनयन्योषां बृहतः पितुर्जाम्  ।
४ ७ २ ०५०२  ऊर्ध्वं भानुं सूर्यस्य स्तभायन्दिवो वसुभिररतिर्वि भाति  । । १५४७
४ ७ २ ०५०३   भद्रो भद्रया सचमान आगात्स्वसारं जारो अभ्येति पश्चात् ।
४ ७ २ ०५०३  सुप्रकेतैर्द्युभिरग्निर्वितिष्ठन्रुशद्भिर्वर्णैरभि राममस्थात् । । १५४८

४ ७ २ ०६०१   कया ते अग्ने अङ्गिर ऊर्जो नपादुपस्तुतिम्  ।
४ ७ २ ०६०१  वराय देव मन्यवे  । । १५४९
४ ७ २ ०६०२   दाशेम कस्य मनसा यज्ञस्य सहसो यहो  ।
४ ७ २ ०६०२  कदु वोच इदं नमः  । । १५५०
४ ७ २ ०६०३   अधा त्वं हि नस्करो विश्वा अस्मभ्यं सुक्षितीः  ।
४ ७ २ ०६०३  वाजद्रविणसो गिरः  । । १५५१

४ ७ २ ०७०१   अग्न आ याह्यग्निभिर्होतारं त्वा वृणीमहे  ।
४ ७ २ ०७०१  आ त्वामनक्तु प्रयता हविष्मती यजिष्ठं बर्हिरासदे  । । १५५२
४ ७ २ ०७०२   अच्छा हि त्वा सहसः सूनो अङ्गिरः स्रुचश्चरन्त्यध्वरे  ।
४ ७ २ ०७०२  ऊर्जो नपातं घृतकेशमीमहेऽग्निं यज्ञेषु पूर्व्यम्  । । १५५३

४ ७ २ ०८०१   अच्छा नः शीरशोचिषं गिरो यन्तु दर्शतम्  ।
४ ७ २ ०८०१  अच्छा यज्ञासो नमसा पुरूवसुं पुरुप्रशस्तमूतये  । । १५५४
४ ७ २ ०८०२   अग्निं सूनुं सहसो जातवेदसं दानाय वार्याणाम्  ।
४ ७ २ ०८०२  द्विता यो भूदमृतो मर्त्येष्वा होता मन्द्रतमो विशि  । । १५५५

४ ७ २ ०९०१   अदाभ्यः पुरएता विशामग्निर्मानुषीणाम्  ।
४ ७ २ ०९०१  तूर्णी रथः सदा नवः  । । १५५६
४ ७ २ ०९०२   अभि प्रयांसि वाहसा दाश्वां अश्नोति मर्त्यः  ।
४ ७ २ ०९०२  क्षयं पावकशोचिषः  । । १५५७
४ ७ २ ०९०३   साह्वान्विश्वा अभियुजः क्रतुर्देवानाममृक्तः  ।
४ ७ २ ०९०३  अग्निस्तुविश्रवस्तमः  । । १५५८

४ ७ २ १००१   भद्रो नो अग्निराहुतो भद्रा रातिः सुभग भद्रो अध्वरः  ।
४ ७ २ १००१  भद्रा उत प्रशस्तयः  । । १५५९
४ ७ २ १००२   भद्रं मनः कृणुष्व वृत्रतूर्ये येना समत्सु सासहिः  ।
४ ७ २ १००२  अव स्थिरा तनुहि भूरि शर्धतां वनेमा ते अभिष्टये  । । १५६०

४ ७ २ ११०१   अग्ने वाजस्य गोमत ईशानः सहसो यहो  ।
४ ७ २ ११०१  अस्मे देहि जातवेदो महि श्रवः  । । १५६१
४ ७ २ ११०२   स इधानो वसुष्कविरग्निरीडेन्यो गिरा  ।
४ ७ २ ११०२  रेवदस्मभ्यं पुर्वणीक दीदिहि  । । १५६२
४ ७ २ ११०३   क्षपो राजन्नुत त्मनाग्ने वस्तोरुतोषसः  ।
४ ७ २ ११०३  स तिग्मजम्भ रक्षसो दह प्रति  । । १५६३

४ ७ २ १२०१   विशोविशो वो अतिथिं वाजयन्तः पुरुप्रियम्  ।
४ ७ २ १२०१  अग्निं वो दुर्यं वच स्तुषे शूषस्य मन्मभिः  । । १५६४
४ ७ २ १२०२   यं जनासो हविष्मन्तो मित्रं न सर्पिरासुतिम्  ।
४ ७ २ १२०२  प्रशंसन्ति प्रशस्तिभिः  । । १५६५
४ ७ २ १२०३   पन्यांसं जातवेदसं यो देवतात्युद्यता  ।
४ ७ २ १२०३  हव्यान्यैरयद्दिवि  । । १५६६

४ ७ २ १३०१   समिद्धमग्निं समिधा गिरा गृणे शुचिं पावकं पुरो अध्वरे ध्रुवम्  ।
४ ७ २ १३०१  विप्रं होतारं पुरुवारमद्रुहं कविं सुम्नैरीमहे जातवेदसम्  । । १५६७
४ ७ २ १३०२   त्वां दूतमग्ने अमृतं युगेयुगे हव्यवाहं दधिरे पायुमीड्यम् ।
४ ७ २ १३०२  देवासश्च मर्त्तासश्च जागृविं विभुं विश्पतिं नमसा नि षेदिरे  । । १५६८
४ ७ २ १३०३   विभूषन्नग्न उभयां अनु व्रता दूतो देवानां रजसी समीयसे  ।
४ ७ २ १३०३  यत्ते धीतिं सुमतिमावृणीमहेऽध स्मा नस्त्रिवरूथः शिवो भव  । । १५६९

४ ७ २ १४०१   उप त्वा जामयो गिरो देदिशतीर्हविष्कृतः  ।
४ ७ २ १४०१  वायोरनीके अस्थिरन् । । १५७०
४ ७ २ १४०२   यस्य त्रिधात्ववृतं बर्हिस्तस्थावसन्दिनम्  ।
४ ७ २ १४०२  आपश्चिन्नि दधा पदम्  । । १५७१
४ ७ २ १४०३   पदं देवस्य मीढुषोऽनाधृष्टाभिरूतिभिः  ।
४ ७ २ १४०३  भद्रा सूर्य इवोपदृक् । । १५७२

सप्तम प्रपाठकः  ।  तृतीयोऽर्धः
४ ७ ३ ०१०१   अभि त्वा पूर्वपीतय इन्द्र स्तोमेभिरायवः  ।
४ ७ ३ ०१०१  समीचीनास ऋभवः समस्वरन्रुद्रा गृणन्त पूर्व्यम्  । । १५७३
४ ७ ३ ०१०२   अस्येदिन्द्रो वावृधे वृष्ण्यं शवो मदे सुतस्य विष्णवि  ।
४ ७ ३ ०१०२  अद्या तमस्य महिमानमायवोऽनु ष्टुवन्ति पूर्वथा  । । १५७४

४ ७ ३ ०२०१   प्र वामर्चन्त्युक्थिनो नीथाविदो जरितारः  ।
४ ७ ३ ०२०१  इन्द्राग्नी इष आ वृणे  । । १५७५
४ ७ ३ ०२०२   इन्द्राग्नी नवतिं पुरो दासपत्नीरधूनुतम्  ।
४ ७ ३ ०२०२  साकमेकेन कर्मणा  । । १५७६
४ ७ ३ ०२०३   इन्द्राग्नी अपसस्पर्युप प्र यन्ति धीतयः  ।
४ ७ ३ ०२०३  ऋतस्य पथ्याऽऽ३ अनु  । । १५७७
४ ७ ३ ०२०४   इन्द्राग्नी तविषाणी वां सधस्थानि प्रयांसि च  ।
४ ७ ३ ०२०४  युवोरप्तूर्यं हितम्  । । १५७८

४ ७ ३ ०३०१   शग्ध्यू३ षु शचीपत इन्द्र विश्वाभिरूतिभिः  ।
४ ७ ३ ०३०१  भगं न हि त्वा यशसं वसुविदमनु शूर चरामसि  । । १५७९
४ ७ ३ ०३०२   पौरो अश्वस्य पुरुकृद्गवामस्युत्सो देव हिरण्ययः  ।
४ ७ ३ ०३०२  न किर्हि दानं परि मर्धिषत्वे यद्यद्यामि तदा भर  । । १५८०

४ ७ ३ ०४०१   त्वं ह्येहि चेरवे विदा भगं वसुत्तये  ।
४ ७ ३ ०४०१  उद्वावृषस्व मधवन्गविष्टय उदिन्द्राश्वमिष्टये  । । १५८१
४ ७ ३ ०४०२   त्वं पुरू सहस्राणि शतानि च यूथा दानाय मंहसे  ।
४ ७ ३ ०४०२  आ पुरन्दरं चकृम विप्रवचस इन्द्रं गायन्तोऽवसे  । । १५८२

४ ७ ३ ०५०१   यो विश्वा दयते वसु होता मन्द्रो जनानाम्  ।
४ ७ ३ ०५०१  मधोर्न पात्रा प्रथमान्यस्मै प्र स्तोमा यन्त्वग्नये  । । १५८३
४ ७ ३ ०५०२   अश्व न गीर्भी रथ्यं सुदानवो मर्मृज्यन्ते देवयवः  ।
४ ७ ३ ०५०२  उभे तोके तनये दस्म विस्पते पर्षि राधो मघोनाम्  । । १५८४

४ ७ ३ ०६०१   इमं मे वरुण श्रुधी हवमद्या च मृडय  ।
४ ७ ३ ०६०१  त्वामवस्युरा चके  । । १५८५

४ ७ ३ ०७०१   कया त्वं न ऊत्याभि प्र मन्दसे वृषन् ।
४ ७ ३ ०७०१  कया स्तोतृभ्य आ भर  । । १५८६

४ ७ ३ ०८०१   इन्द्रमिद्देवतातय इन्द्रं प्रयत्यध्वरे  ।
४ ७ ३ ०८०१  इन्द्रं समीके वनिनो हवामह इन्द्रं धनस्य सातये  । । १५८७
४ ७ ३ ०८०२   इन्द्रो मह्ना रोदसी पप्रथच्छव इन्द्रः सूर्यमरोचयत् ।
४ ७ ३ ०८०२  इन्द्रे ह विश्वा भुवनानि येमिर इन्द्रे सुवानास इन्दवः  । । १५८८

४ ७ ३ ०९०१   विश्वकर्मन्हविषा वावृधानः स्वयं यजस्व तन्वा३ं स्वा हि ते  ।
४ ७ ३ ०९०१  मुह्यन्त्वन्ये अभितो जनास इहास्माकं मघवा सूरिरस्तु  । । १५८९

४ ७ ३ १००१   अया रुचा हरिण्या पुनानो विश्वा द्वेषांसि तरति सयुग्वभिः सूरो न सयुग्वभिः  ।
४ ७ ३ १००१  धारा पृष्ठस्य रोचते पुनानो अरुषो हरिः  ।
४ ७ ३ १००१   विश्वा यद्रूपा परियास्यृक्वभिः सप्तास्येभिरृक्वभिः  । । १५९०
४ ७ ३ १००२   प्राचीमनु प्रदिशं पाति चेकितत्सं रश्मिभिर्यतते दर्शतो रथो दैव्यो दर्शतो रथः  ।
४ ७ ३ १००२  अग्मन्नुक्थानि पौंस्येन्द्रं जैत्राय हर्षयत  ।
४ ७ ३ १००२   वज्रश्च यद्भवथो अनपच्युता समत्स्वनपच्युता  । । १५९१
४ ७ ३ १००३   त्वं ह त्यत्पणीनां विदो वसु सं मातृभिर्मर्जयसि स्व आ दम ऋतस्य धीतिभिर्दमे  ।
४ ७ ३ १००३  परावतो न साम तद्यत्रा रणन्ति धीतयः  ।
४ ७ ३ १००३   त्रिधातुभिररुषीभिर्वयो दधे रोचमानो वयो दधे  । १५९२

४ ७ ३ ११०१   उत नो गोषणिं धियमश्वसां वाजसामुत  ।
४ ७ ३ ११०१  नृवत्कृणुह्यूतये  । । १५९३

४ ७ ३ १२०१   शशमानस्य वा नरः स्वेदस्य सत्यशवसः  ।
४ ७ ३ १२०१  विदा कामस्य वेनतः  । । १५९४

४ ७ ३ १३०१   उप नः सूनवो गिरः शृण्वन्त्वमृतस्य ये  ।
४ ७ ३ १३०१  सुमृडीका भवन्तु नः  । । १५९५

४ ७ ३ १४०१   प्र वां महि द्यवी अभ्युपस्तुतिं भरामहे  ।
४ ७ ३ १४०१  शुची उप प्रशस्तये  । । १५९६
४ ७ ३ १४०२   पुनाने तन्वा मिथः स्वेन दक्षेण राजथः  ।
४ ७ ३ १४०२  ऊह्याथे सनादृतम्  । । १५९७
४ ७ ३ १४०३   मही मित्रस्य साधथस्तरन्ती पिप्रती ऋतम्  ।
४ ७ ३ १४०३  परि यज्ञं नि षेदथुः  । । १५९८

४ ७ ३ १५०१   अयमु ते समतसि कपोत इव गर्भधिम्  ।
४ ७ ३ १५०१  वचस्तच्चिन्न ओहसे  । । १५९९
४ ७ ३ १५०२   स्तोत्रं राधानां पते गिर्वाहो वीर यस्य ते  ।
४ ७ ३ १५०२  विभूतिरस्तु सूनृता  । । १६००
४ ७ ३ १५०३   ऊर्ध्वस्तिष्ठा न ऊतयेऽस्मिन्वाजे शतक्रतो  ।
४ ७ ३ १५०३  समन्येषु ब्रवावहै  । । १६०१

४ ७ ३ १६०१   गाव उप वदावटे महि यज्ञस्य रप्सुदा  ।
४ ७ ३ १६०१  उभा कर्णा हिरण्यया  । । १६०२
४ ७ ३ १६०२   अभ्यारमिदद्रयो निषिक्तं पुष्करे मधु  ।
४ ७ ३ १६०२  अवटस्य विसर्जने  । । १६०३
४ ७ ३ १६०३   सिञ्चन्ति नमसावटमुच्चाचक्रं परिज्मानम्  ।
४ ७ ३ १६०३  नीचीनबारमक्षितम्  । । १६०४

४ ७ ३ १७०१   मा भेम मा श्रमिष्मोग्रस्य सख्ये तव  ।
४ ७ ३ १७०१  महत्ते वृष्णो अभिचक्ष्यं कृतं पश्येम तुर्वशं यदुम्  । । १६०५
४ ७ ३ १७०२   सव्यामनु स्फिग्यं वावसे वृष्ना न दानो अस्य रोषति  ।
४ ७ ३ १७०२  मध्वा संपृक्ताः सारघेण धेनवस्तूयमेहि द्रवा पिब  । । १६०६

४ ७ ३ १८०१   इमा उ त्वा पुरूवसो गिरो वर्धन्तु या मम  ।
४ ७ ३ १८०१  पावकवर्णाः शुचयो विपश्चितोऽभि स्तोमैरनूषत  । । १६०७
४ ७ ३ १८०२   अयं सहस्रमृषिभिः सहस्कृतः समुद्र इव पप्रथे  ।
४ ७ ३ १८०२  सत्यः सो अस्य महिमा गृणे शवो यज्ञेषु विप्रराज्ये  । । १६०८

४ ७ ३ १९०१   यस्यायं विश्व आर्यो दासः शेवधिपा अरिः  ।
४ ७ ३ १९०१  तिरश्चिदर्ये रुशमे पवीरवि तुभ्येत्सो अज्यते रयिः  । । १६०९
४ ७ ३ १९०२   तुरण्यवो मधुमन्तं घृतश्चतं विप्रासो अर्कमानृचुः  ।
४ ७ ३ १९०२  अस्मे रयिः पप्रथे वृष्ण्यं शवोऽस्मे स्वानास इन्दवः  । । १६१०

४ ७ ३ २००१   गोमन्न इन्दो अश्ववत्सुतः सुदक्ष धनिव  ।
४ ७ ३ २००१  शुचिं च वर्णमधि गोषु धार्य  । । १६११
४ ७ ३ २००२   स नो हरीणां पत इन्दो देवप्सरस्तमः  ।
४ ७ ३ २००२  सखेव सख्ये नर्यो रुचे भव  । । १६१२
४ ७ ३ २००३   सनेमि त्वमस्मदा अदेवं कं चिदत्रिणम्  ।
४ ७ ३ २००३  साह्वां इन्दो परि बाधो अप द्वयुम्  । । १६१३

४ ७ ३ २१०१   अञ्जते व्यञ्जते समञ्जते क्रतुं रिहन्ति मध्वाभ्यञ्जते  ।
४ ७ ३ २१०१  सिन्धोरुऽच्छ्वासे पतयन्तमुक्षणं हिरण्यपावाः पशुमप्सु गृभ्णते  । । १६१४
४ ७ ३ २१०२   विपश्चिते पवमानाय गायत मही न धारात्यन्धो अर्षति  ।
४ ७ ३ २१०२  अहिर्न जूर्णामति सर्पति त्वचमत्यो न क्रीडन्नसरद्वृषा हरिः  । । १६१५
४ ७ ३ २१०३   अग्रेगो राजाप्यस्तविष्यते विमानो अह्नां भुवनेष्वर्पितः  ।
४ ७ ३ २१०३  हरिर्घृतस्नुः सुदृशीको अर्णवो ज्योतीरथः पवते राय ओक्यः  । । १६१६

आष्टम प्रपाठकः  ।  प्रथमोऽर्धः
४ ८ १ ०१०१   विश्वेभिरग्ने अग्निभिरिमं यज्ञमिदं वचः  ।
४ ८ १ ०१०१  चनो घाः सहसा यहो  । । १६१७
४ ८ १ ०१०२   यच्चिद्धि शश्वा तना देवंदेवं यजामहे  ।
४ ८ १ ०१०२  त्वे इद्धूयते हविः  । । १६१८
४ ८ १ ०१०३   प्रियो नो अस्तु विश्पतिर्होता मन्द्रो वरेण्यः  ।
४ ८ १ ०१०३  प्रियाः स्वग्नयो वयम्  । । १६१९

४ ८ १ ०२०१   इन्द्रं वो विश्वतस्परि हवामहे जनेभ्यः  ।
४ ८ १ ०२०१  अस्माकमस्तु केवलः   । । १६२०
४ ८ १ ०२०२   स नो वृषन्नमुं चरुं सत्रादावन्नपा वृधि  ।
४ ८ १ ०२०२  अस्मभ्यमप्रतिष्कुतः  । । १६२१
४ ८ १ ०२०३   बृषा यूथेव वंसगः कृष्टीरियर्त्योजसा  ।
४ ८ १ ०२०३  ईशानो अप्रतिष्कुतः  । । १६२२

४ ८ १ ०३०१   त्वं नश्चित्र ऊत्या वसो राधांसि चोदय  ।
४ ८ १ ०३०१  अस्य रायस्त्वमग्ने रथीरसि विदा गाधं तुचे तु नः  । । १६२३
४ ८ १ ०३०२   पर्षि तोकं तनयं पर्तृभिष्ट्वमदब्धैरप्रयुत्वभिः  ।
४ ८ १ ०३०२  अग्ने हेडांसि दैव्या युयोधि नोऽदेवानि हरांसि च  । । १६२४

४ ८ १ ०४०१   किमित्ते विष्णो परिचक्षि नाम प्र यद्ववक्षे शिपिविष्टो अस्मि  ।
४ ८ १ ०४०१  मा वर्पो अस्मदप गूह एतद्यदन्यरूपः समिथे बभूथ  । । १६२५
४ ८ १ ०४०२   प्र तत्ते अद्य शिपिविष्ट हव्यमर्यः शंसामि वयुनानि विद्वान् ।
४ ८ १ ०४०२  तं त्वा गृणामि तवसमतव्यान्क्षयन्तमस्य रजसः पराके  । । १६२६
४ ८ १ ०४०३   वषट्ते विष्णवास आ कृणोमि तन्मे जुषस्व शिपिविष्ट हव्यम्  ।
४ ८ १ ०४०३  वर्धन्तु त्वा सुष्टुतयो गिरि मे यूयं पात स्वस्तभिः सदा नः  । । १६२७

४ ८ १ ०५०१   वायो शुक्रो अयामि ते मध्वो अग्रं दिविष्टिषु  ।
४ ८ १ ०५०१  आ याहि सोमपीतये स्पार्हो देव नियुत्वता  । । १६२८
४ ८ १ ०५०२   इन्द्रश्च वायवेषां सोमानां पीतिमर्हथः  ।
४ ८ १ ०५०२  युवां हि यन्तीन्दवो निम्नमापो न सध्र्यक् । । १६२९
४ ८ १ ०५०३   वायविन्द्रश्च शुष्मिणा सरथं शवसस्पती  ।
४ ८ १ ०५०३  नियुत्वन्ता न ऊतय आ यातं सोमपीतये  । । १६३०

४ ८ १ ०६०१   अध क्षपा परिष्कृतो वाजां अभि प्र गाहते  ।
४ ८ १ ०६०१  यदी विवस्वतो धियो हरिं हिन्वन्ति यातवे  । । १६३१
४ ८ १ ०६०२   तमस्य मर्जयामसि मदो य इन्द्रपातमः  ।
४ ८ १ ०६०२  यं गाव आसभिर्दधुः पुरा नूनं च सूरयः  । । १६३२
४ ८ १ ०६०३   तं गाथया पुराण्या पुनानमभ्यनूषत  ।
४ ८ १ ०६०३  उतो कृपन्त धीतयो देवानां नाम बिभ्रतीः  । । १६३३

४ ८ १ ०७०१   अश्वं न त्वा वारवन्तं वन्दध्या अग्निं नमोभिः  ।
४ ८ १ ०७०१  सम्राजन्तमध्वराणाम्  । । १६३४
४ ८ १ ०७०२   स घा नः सूनुः शवसा पृथुप्रगामा सुशेवः  ।
४ ८ १ ०७०२  मीढ्वां अस्माकं बभूयात् । । १६३५
४ ८ १ ०७०३   स नो दूराच्चासाच्च नि मर्त्यादघायोः  ।
४ ८ १ ०७०३  पाहि सदमिद्विश्वायुः  । । १६३६

४ ८ १ ०८०१   त्वमिन्द्र प्रतूर्तिष्वभि विश्वा असि स्पृधः  ।
४ ८ १ ०८०१  अशस्तिहा जनिता वृत्रतूरसि त्वं तूर्य तरुष्यतः  । । १६३७
४ ८ १ ०८०२   अनु ते शुष्मं तुरयन्तमीयतुः क्षोणी शिशुं न मातरा  ।
४ ८ १ ०८०२  विश्वास्ते स्पृधः श्नथयन्त मन्यवे वृत्रं यदिन्द्र तूर्वसि  । । १६३८

४ ८ १ ०९०१   यज्ञ इन्द्रमवर्धयद्यद्भूमिं व्यवर्तयत् ।
४ ८ १ ०९०१  चक्राण ओपशं दिवि  । । १६३९
४ ८ १ ०९०२   व्या३ तरिक्षमतिरन्मदे सोमस्य रोचना  ।
४ ८ १ ०९०२  इन्द्रो यदभिनद्वलम्  । । १६४०
४ ८ १ ०९०३   उदगा आजदङ्गिरोभ्य आविष्कृण्वन्गुहा सतीः  ।
४ ८ १ ०९०३  अर्वाञ्चं नुनुदे वलम्  । । १६४१

४ ८ १ १००१   त्यमु वः सत्रासाहं विश्वासु गीर्ष्वायतम्  ।
४ ८ १ १००१  आ च्यावयस्यूतये  । । १६४२
४ ८ १ १००२   युध्मं सन्तमनर्वाणं सोमपामनपच्युतम्  ।
४ ८ १ १००२  नरमवार्यक्रतुम्  । । १६४३
४ ८ १ १००३   शिक्षा ण इन्द्र राय आ पुरु विद्वां ऋचीषम  ।
४ ८ १ १००३  अवा नः पार्ये धने  । । १६४४

४ ८ १ ११०१   तव त्यदिन्द्रियं बृहत्तव दक्ष्ममुत क्रतुम्  ।
४ ८ १ ११०१  वज्रं शिशाति धिषणा वरेण्यम्  । । १६४५
४ ८ १ ११०२   तव द्यौरिन्द्र पौंस्यं पृथिवी वर्धति श्रवः  ।
४ ८ १ ११०२  त्वामापः पर्वतासश्च हिन्विरे  । । १६४६
४ ८ १ ११०३   त्वां विष्णुर्बृहन्क्षयो मित्रो गृणाति वरुणः  ।
४ ८ १ ११०३  त्वां शर्धो मदत्यनु मारुतम्  । । १६४७

४ ८ १ १२०१   नमस्ते अग्न ओजसे गृणन्ति देव कृष्टयः  ।
४ ८ १ १२०१  अमैरमित्रमर्दय  । । १६४८
४ ८ १ १२०२   कुवित्सु नो गविष्टयेऽग्ने संवेषिषो रयिम्  ।
४ ८ १ १२०२  उरुकृदुरु णस्कृधि  । । १६४९
४ ८ १ १२०३   मा नो अग्ने महाधने परा वर्ग्भारभृद्यथा  ।
४ ८ १ १२०३  संवर्गं सं रयिं जय  । । १६५०

४ ८ १ १३०१   समस्य मन्यवे विशो विश्वा नमन्त कृष्टयः  ।
४ ८ १ १३०१  समुद्रायेव सिन्धवः  । । १६५१
४ ८ १ १३०२   वि चिद्वृत्रस्य दोधतः शिरो बिभेद वृष्णिना  ।
४ ८ १ १३०२  वज्रेण शतपर्वणा  । । १६५२
४ ८ १ १३०३   ओजस्तदस्य तित्विष उभे यत्समवर्त्तयत् ।
४ ८ १ १३०३  इन्द्रश्चर्मेव रोदसी  । । १६५३

४ ८ १ १४०१   सुमन्मा वस्वी रन्ती सूनरी  । । १६५४
४ ८ १ १४०२   सरूप वृषन्ना गहीमौ भद्रौ धुर्यावभि  ।
४ ८ १ १४०२  ताविमा उप सर्पतः  । । १६५५
४ ८ १ १४०३   नीव शीर्षाणि मृढ्वं मध्य आपस्य तिष्ठति  ।
४ ८ १ १४०३  शृङ्गेभिर्दशभिर्दिशन् । । १६५६

आष्टम प्रपाठकः  ।  द्वितीयोऽर्धः
४ ८ २ ०१०१   पन्यंपन्यमित्सोतार आ धावत मद्याय  ।
४ ८ २ ०१०१  सोमं वीराय शूराय  । । १६५७
४ ८ २ ०१०२   एह हरी ब्रह्मयुजा शग्मा वक्षतः सखायम्  ।
४ ८ २ ०१०२  इन्द्रं गीर्भिर्गिर्वणसम्  । । १६५८
४ ८ २ ०१०३   पाता वृत्रहा सुतमा घा गमन्नारे अस्मत् ।
४ ८ २ ०१०३  नि यमते शतमूतिः  । । १६५९

४ ८ २ ०२०१   आ त्वा विशन्त्विन्दवः समुद्रमिव सिन्धवः  ।
४ ८ २ ०२०१  न त्वामिन्द्राति रिच्यते  । । १६६०
४ ८ २ ०२०२   विव्यक्थ महिना वृषन्भक्षं सोमस्य जागृवे  ।
४ ८ २ ०२०२  य इन्द्र जठरेषु ते  । । १६६१
४ ८ २ ०२०३   अरं त इन्द्र कुक्षये सोमो भवतु वृत्रहन् ।
४ ८ २ ०२०३  अरं धामभ्य इन्दवः  । । १६६२

४ ८ २ ०३०१   जराबोध तद्विविड्ढि विशेविशे यज्ञियाय  ।
४ ८ २ ०३०१  स्तोमं रुद्राय दृशीकम्  । । १६६३
४ ८ २ ०३०२   स नो महां अनिमानो धूमकेतुः पुरुश्चन्द्रः  ।
४ ८ २ ०३०२  धिये वाजाय हिन्वतु  । । १६६४
४ ८ २ ०३०३   स रेवां इव विश्पतिर्दैव्यः केतुः शृणोतु नः  ।
४ ८ २ ०३०३  उक्थैरग्निर्बृहद्भानुः  । । १६६५

४ ८ २ ०४०१   तद्वो गाय सुते सचा पुरुहूताय सत्वने  ।
४ ८ २ ०४०१  शं यद्गवे न शाकिने  । । १६६६
४ ८ २ ०४०२   न घा वसुर्नि यमते दानं वाजस्य गोमतः  ।
४ ८ २ ०४०२  यत्सीमुपश्रवद्गिरः  । । १६६७
४ ८ २ ०४०३   कुवित्सस्य प्र हि व्रजं गोमन्तं दस्युहा गमत् ।
४ ८ २ ०४०३  शचीभिरप नो वरत् । । १६६८

४ ८ २ ०५०१   इदं विष्णुर्वि चक्रमे त्रेधा नि दधे पदम्  ।
४ ८ २ ०५०१  समूढमस्य पांसुले  । । १६६९
४ ८ २ ०५०२   त्रीणि पदा वि चक्रमे विष्णुर्गोपा अदाभ्यः  ।
४ ८ २ ०५०२  अतो धर्माणि धारयन् । । १६७०
४ ८ २ ०५०३   विष्णोः कर्माणि पश्यत यतो व्रतानि पस्पशे  ।
४ ८ २ ०५०३  इन्द्रस्य युज्यः सखा  । । १६७१
४ ८ २ ०५०४   तद्विष्णोः परमं पदं सदा पश्यन्ति सूरयः  ।
४ ८ २ ०५०४  दिवीव चक्षुराततम्  । । १६७२
४ ८ २ ०५०५   तद्विप्रासो विपन्युवो जागृवांसः समिन्धते  ।
४ ८ २ ०५०५  विष्णोर्यत्परमं पदम्  । । १६७३
४ ८ २ ०५०६   अतो देवा अवन्तु नो यतो विष्णुर्विचक्रमे  ।
४ ८ २ ०५०६  पृथिव्या अधि सानवि  । । १६७४

४ ८ २ ०६०१   मो षु त्वा वाघतश्च नारे अस्मन्नि रीरमन् ।
४ ८ २ ०६०१  आरात्ताद्व सधमादं न आ गहीह वा सन्नुप श्रुधि  । । १६७५
४ ८ २ ०६०२   इमे हि ते ब्रह्मकृतः सुते सचा मधौ न मक्ष आसते  ।
४ ८ २ ०६०२  इन्द्रे कामं जरितारो वसूयवो रथे न पादमा दधुः  । । १६७६

४ ८ २ ०७०१   अस्तावि मन्म पूर्व्यं ब्रह्मेन्द्राय वोचत  ।
४ ८ २ ०७०१  पूर्वीरृतस्य बृहतीरनूषत स्तोतुर्मेधा असृक्षत  । । १६७७
४ ८ २ ०७०२   समिन्द्रो रायो बृहतीरधूनुत सं क्षोणी समु सूर्यम्  ।
४ ८ २ ०७०२  सं शुक्रासः शुचयः सं गवाशिरः सोमा इन्द्रममन्दिषुः  । । १६७८

४ ८ २ ०८०१   इन्द्राय सोम पातवे वृत्रघ्ने परि षिच्यसे  ।
४ ८ २ ०८०२  नरे च दक्षिणावते देवाय सदनासदे  । । १६७९
४ ८ २ ०८०२   तं सखायः पुरूरुचं यूयं वयं च सूरयः  ।
४ ८ २ ०८०२  अश्याम वाजगन्ध्यं सनेम वाजपस्त्यम्  । । १६८०
४ ८ २ ०८०३   परि त्यं हर्यतं हरिं बभ्रुं पुनन्ति वारेण  ।
४ ८ २ ०८०३  यो देवान्विश्वां इत्परि मदेन सह गच्छति  । । १६८१

४ ८ २ ०९०१   कस्तमिन्द्र त्वावसो मर्त्यो दधर्षति  ।
४ ८ २ ०९०१  श्रद्धा इत्तेमघवन्पार्ये दिवि वाजी वाजं सिषासति  । । १६८२
४ ८ २ ०९०२   मघोनः स्म वृत्रहत्येषु चोदय ये ददति प्रिया वसु  ।
४ ८ २ ०९०२  तव प्रणीती हर्यश्व सूरिभिर्विश्वा तरेम दुरिता  । । १६८३

४ ८ २ १००१   एदु मधोर्मदिन्तरं सिञ्चाध्वर्यो अन्धसः  ।
४ ८ २ १००१  एवा हि वीर स्तवते सदावृधः  । । १६८४
४ ८ २ १००२   इन्द्र स्थातर्हरीणां न किष्टे पूर्व्यस्तुतिम्  ।
४ ८ २ १००२  उदानंश शवसा न भन्दना  । । १६८५
४ ८ २ १००३   तं वो वाजानां पतिमहूमहि श्रवस्यवः  ।
४ ८ २ १००३  अप्रायुभिर्ज्ञेभिर्वावृधेन्यम्  । । १६८६

४ ८ २ ११०१   तं गूर्धया स्वर्णरं देवासो देवमरतिं दधन्विरे  ।
४ ८ २ ११०१  देवत्रा हव्यमूहिषे  । । १६८७
४ ८ २ ११०२   विभूतरातिं विप्र चित्रशोचिषमग्निमीडिष्व यन्तुरम्  ।
४ ८ २ ११०२  अस्य मेधस्य सोम्यस्य सोभरे प्रेमध्वराय पूर्व्यम्  । । १६८८

४ ८ २ १२०१   आ सोम सवानो अद्रिभिस्तिरो वाराण्यव्यया  ।
४ ८ २ १२०१  जनो न पुरि चम्वोर्विशद्धरिः सदो वनेषु दध्रिषे  । । १६८९
४ ८ २ १२०२   स मामृजे तिरो अण्वानि मेष्यो मीड्वान्त्सप्तिर्न वाजयुः  ।
४ ८ २ १२०२  अनुमाद्यः पवमानो मनीषिभिः सोमो विप्रेभिरृक्वभिः  । । १६९०

४ ८ २ १३०१   वयमेनमिदा ह्योऽपीपेमेह वज्रिणम्  ।
४ ८ २ १३०१  तस्मा उ अद्य सवने सुतं भरा नूनं भूषत श्रुते  । । १६९१
४ ८ २ १३०२   वृकश्चिदस्य वारण उरामथिरा वयुनेषु भूषति  ।
४ ८ २ १३०२  सेमं न स्तोमं जुजुषाण आ गहीन्द्र प्र चित्रया धिया  । । १६९२

४ ८ २ १४०१   इन्द्राग्नी रोचना दिवः परि वाजेषु भूषथः  ।
४ ८ २ १४०१  तद्वां चेति प्र वीर्यम्  । । १६९३
४ ८ २ १४०२   इन्द्राग्नी अपसस्परि उप प्र यन्ति धीतयः  ।
४ ८ २ १४०२  ऋतस्य पथ्या अनु  । । १६९४
४ ८ २ १४०३   इन्द्राग्नी तविषाणि वां सधस्थानि प्रयांसि च  ।
४ ८ २ १४०३  युवोरप्तूर्यं हितम्  । । १६९५

४ ८ २ १५०१   क ईं वेद सुते सचा पिबन्तं कद्वयो दधे  ।
४ ८ २ १५०१  अयं यः पुरो विभिनत्त्योजसा मन्दानः शिप्रयन्धसः  । । १६९६
४ ८ २ १५०२   दाना मृगो न वारणः पुरुत्रा चरथं दधे  ।
४ ८ २ १५०२  न किष्ट्वा नि यमदा सुते गमो महांश्चरस्योजसा  । । १६९७
४ ८ २ १५०३   य उग्रः सन्ननिष्टृतः स्थिरो रणाय संस्कृतः  ।
४ ८ २ १५०३  यदि स्तोतुर्मघवा शृणवद्धवं नेन्द्रो योषत्या गमत् । । १६९८

४ ८ २ १६०१   पवमाना असृक्षत सोमाः शुक्रास इन्दवः  ।
४ ८ २ १६०१  अभि विश्वानि काव्या  । । १६९९
४ ८ २ १६०२   पवमाना दिवस्पर्यन्तरिक्षादसृक्षत  ।
४ ८ २ १६०२  पृथिव्या अधि सानवि  । । १७००
४ ८ २ १६०३   पवमानास आशवः शुभ्रा असृग्रमिन्दवः  ।
४ ८ २ १६०३  घ्नन्तो विश्वा अप द्विषः  । । १७०१

४ ८ २ १७०१   तोशा वृत्रहणा हुवे सजित्वानापराजिता  ।
४ ८ २ १७०१  इन्द्राग्नी वाजसातमा  । । १७०२
४ ८ २ १७०२   प्र वामर्चन्त्युक्थिनो नीथाविदो जरितारः  ।
४ ८ २ १७०२  इन्द्राग्नी इष आ वृणे  । । १७०३
४ ८ २ १७०३   इन्द्राग्नी नवतिं पुरो दासपत्नीरधूनुतम्  ।
४ ८ २ १७०३  साकमेकेन कर्मणा  । । १७०४

४ ८ २ १८०१   उप त्वा रण्वसन्दृशं प्रयस्वन्तः सहस्कृत  ।
४ ८ २ १८०१  अग्ने ससृज्महे गिरः  । । १७०५
४ ८ २ १८०२   उप च्छायामिव घृणेरगन्म शर्म ते वयम्  ।
४ ८ २ १८०२  अग्ने हिरण्यसन्दृशः  । । १७०६
४ ८ २ १८०३   य उग्र इव शर्यहा तिग्मशृङ्गो न वंसगः  ।
४ ८ २ १८०३  अग्ने पुरो रुरोजिथ  । । १७०७

४ ८ २ १९०१   ऋतावानं वैश्वानरमृतस्य ज्योतिषस्पतिम्  ।
४ ८ २ १९०१  अजस्रं घर्ममीमहे  । । १७०८
४ ८ २ १९०२   य इदं प्रतिपप्रथे यज्ञस्य स्वरुत्तिरन् ।
४ ८ २ १९०२  ऋतूनुत्सृजते वशी  । । १७०९
४ ८ २ १९०३   अग्निः प्रियेषु धामसु कामो भूतस्य भव्यस्य  ।
४ ८ २ १९०३  सभ्राडेको वि राजति  । । १७१०

आष्टम प्रपाठकः  ।  तृतीयोऽर्धः
४ ८ ३ ०१०१   अग्निः प्रत्नेन जन्मना शुम्भानस्तन्वा३ं स्वाम्  ।
४ ८ ३ ०१०१  कविर्विप्रेण ववृधे  । । १७११
४ ८ ३ ०१०२   ऊर्ज्जो नपातमा हुवेऽग्निं पावकशोचिषम्  ।
४ ८ ३ ०१०२  अस्मिन्यज्ञे स्वध्वरे  । । १७१२
४ ८ ३ ०१०३   स नो मित्रमहस्त्वमग्ने शुक्रेण शोचिषा  ।
४ ८ ३ ०१०३  देवैरा सत्सि बर्हिषि  । । १७१३

४ ८ ३ ०२०१   उत्ते शुष्मासो अस्थू रक्षो भिन्दन्तो अद्रिवः  ।
४ ८ ३ ०२०१  नुदस्व याः परिस्पृधः  । । १७१४
४ ८ ३ ०२०२   अया निजघ्निरोजसा रथसङ्गे धने हिते  ।
४ ८ ३ ०२०२  स्तवा अबिभ्युषा हृदा  । । १७१५
४ ८ ३ ०२०३   अस्य व्रतानि नाधृषे पवमानस्य दूढ्या  ।
४ ८ ३ ०२०३  रुज यस्त्वा पृतन्यति  । । १७१६
४ ८ ३ ०२०४   तं हिन्वन्ति मदच्युतं हरिं नदीषु वाजिनम्  ।
४ ८ ३ ०२०४  इन्दुमिन्द्राय मत्सरम्  । । १७१७

४ ८ ३ ०३०१   आ मन्द्रैरिन्द्र हरिभिर्याहि मयूररोमभिः  ।
४ ८ ३ ०३०१  मा त्वा के चिन्नि येमुरिन्न पाशिनोऽति धन्वेव तां इहि  । । १७१८
४ ८ ३ ०३०२   वृत्रखादो वलं रुजः पुरां दर्मो अपामजः  ।
४ ८ ३ ०३०२  स्थाता रथस्य हर्योरभिस्वर इन्द्रो दृढा चिदारुजः  । । १७१९
४ ८ ३ ०३०३   गम्भीरां उदधींरिव क्रतुं पुष्यसि गा इव  ।
४ ८ ३ ०३०३  प्र सुगोपा यवसं धेनवो यथा ह्रदं कुल्या इवाशत  । । १७२०

४ ८ ३ ०४०१   यथा गौरो अपा कृतं तृष्यन्नेत्यवेरिणम्  ।
४ ८ ३ ०४०१  आपित्वे नः प्रपित्वे तूयमा गहि कण्वेषु सु सचा पिब  । । १७२१
४ ८ ३ ०४०२   मन्दन्तु त्वा मघवन्निन्द्रेन्दवो राधोदेयाय सुन्वते  ।
४ ८ ३ ०४०२  आमुष्या सोममपिबश्चमू सुतं ज्येष्ठं तद्दधिषे सहः  । । १७२२

४ ८ ३ ०५०१   त्वमङ्ग प्र शुंसिषो देवः शविष्ठ मर्त्यम्  ।
४ ८ ३ ०५०१  न त्वदन्यो मघवन्नस्ति मर्डितेन्द्र ब्रवीमि ते वचः  । । १७२३
४ ८ ३ ०५०२   मा ते राधांसि मा त ऊतयो वसोऽस्मान्कदा चना दभन् ।
४ ८ ३ ०५०२  विश्वा च न उपमिमीहि मानुष वसूनि चर्षणिभ्य आ  । । १७२४

४ ८ ३ ०६०१   प्रति ष्या सूनरी जनी व्युच्छन्ती परि स्वसुः  ।
४ ८ ३ ०६०१  दिवो अदर्शि दुहिता  । । १७२५
४ ८ ३ ०६०२   अश्वेव चित्रारुषी माता गवामृतावरी  ।
४ ८ ३ ०६०२  सखा भूदश्विनोरुषाः  । । १७२६
४ ८ ३ ०६०३   उत सखास्यश्विनोरुत माता गवामसि  ।
४ ८ ३ ०६०३  उतोषो वस्व ईशिषे  । । १७२७

४ ८ ३ ०७०१   एषो उषा अपूर्व्य व्युच्छति प्रिया दिवः  ।
४ ८ ३ ०७०१  स्तुषे वामश्विना बृहत् । । १७२८
४ ८ ३ ०७०२   या दस्रा सिन्धुमातरा मनोतरा रयीणाम्  ।
४ ८ ३ ०७०२  धिया देवा वसुविदा  । । १७२९
४ ८ ३ ०७०३   वच्यन्ते वां ककुहासो जूर्णायामधि विष्टपि  ।
४ ८ ३ ०७०३  यद्वां रथो विभिष्पतात् । । १७३०

४ ८ ३ ०८०१   उषस्तच्चित्रमा भरास्मभ्यं वाजिनीवति  ।
४ ८ ३ ०८०१  येन तोकं च तनयं च धामहे  । । १७३१
४ ८ ३ ०८०२   उषो अद्येह गोमत्यश्वावति विभावरि  ।
४ ८ ३ ०८०२  रेवदस्मे व्युच्छ सूनृतावति  । । १७३२
४ ८ ३ ०८०३   युङ्क्ष्वा हि वाजिनीवत्यश्वां अद्यारुणां उषः  ।
४ ८ ३ ०८०३  अथा नो विश्वा सौभगान्या वह  । । १७३३

४ ८ ३ ०९०१   अश्विना वर्तिरस्मदा गोमद्दस्रा हिरण्यवत् ।
४ ८ ३ ०९०१  अर्वाग्रथं समनसा नि यच्छतम्  । । १७३४
४ ८ ३ ०९०२   एह देवा मयोभुवा दस्रा हिरण्यवर्त्तनी  ।
४ ८ ३ ०९०२  उषर्बुधो वहन्तु सोमपीतये  । । १७३५
४ ८ ३ ०९०३   यावित्था श्लोकमा दिवो ज्योतिर्जनाय चक्रथुः  ।
४ ८ ३ ०९०३  आ न ऊर्जं वहतमश्विना युवम्  । । १७३६

४ ८ ३ १००१   अग्निं तं मन्ये यो वसुरस्तं यं यन्ति धेनवः  ।
४ ८ ३ १००१  अस्तमर्वन्त आशवोस्तं नित्यासो वाजिन इषं स्तोतृभ्य आ भर  । । १७३७
४ ८ ३ १००२   अग्निर्हि वाजिनं विशे ददाति विश्वचर्षणिः  ।
४ ८ ३ १००२  अग्नी राये स्वाभुवं स प्रीतो याति वार्यमिषं स्तोतृभ्य आ भर  । । १७३८
४ ८ ३ १००३   सो अग्निर्यो वसुर्गृणे सं यमायन्ति धेनवः  ।
४ ८ ३ १००३  समर्वन्तो रघुद्रुवः सं सुजातासः सूरय इषं स्तोतृभ्य आ भर  । । १७३९

४ ८ ३ ११०१   महे नो अद्य बोधयोषो राये दिवित्मती  ।
४ ८ ३ ११०१  यथा चिन्नो अबोधयः सत्यश्रवसि वाय्ये सुजाते अश्वसूनृते  । । १७४०
४ ८ ३ ११०२   या सुनीथे शौचद्रथे व्यौच्छो दुहितर्दिवः  ।
४ ८ ३ ११०२  सा व्युच्छ सहीयसि सत्यश्रवसि वाय्ये सुजाते अश्वसूनृते  । । १७४१
४ ८ ३ ११०३   सा नो अद्याभरद्वसुर्व्युच्छा दुहितर्दिवः  ।
४ ८ ३ ११०३  यो व्यौच्छः सहीयसि सत्यश्रवसि याय्ये सुजाते अश्वसूनृते  । । १७४२

४ ८ ३ १२०१   प्रति प्रियतमं रथं वृशणं वसुवाहनम्  ।
४ ८ ३ १२०१  स्तोता वामश्विनावृषि स्तोमेभिर्भूषति प्रति माध्वी मम श्रुतं हवम्  । । १७४३
४ ८ ३ १२०२   अत्यायातमश्विना तिरो विश्वा अहं सना  ।
४ ८ ३ १२०२  दस्रा हिरण्यवर्त्तनी सुषुम्णा सिन्धुवाहसा माध्वी मम श्रुतं हवम्  । । १७४४
४ ८ ३ १२०३   आ नो रत्नानि बिभ्रतावश्विना गच्छतं युवम्  ।
४ ८ ३ १२०३  रुद्रा हिरण्यवर्त्तनी जुषाणा वाजिनीवसू माध्वी मम श्रुतं हवम्  । । १७४५

४ ८ ३ १३०१   अबोध्यग्निः समिधा जनानां प्रति धेनुमिवायतीमुषासम्  ।
४ ८ ३ १३०१  यह्वा इव प्र वयामुज्जिहानाः प्र भानवः सस्रते नाकमच्छ  । । १७४६
४ ८ ३ १३०२   अबोधि होता यजथाय देवानूर्ध्वो अग्निः सुमनाः प्रातरस्थात् ।
४ ८ ३ १३०२  समिद्धस्य रुशददर्शि पाजो महान्देवस्तमसो निरमोचि  । । १७४७
४ ८ ३ १३०३   यदीं गणस्य रशनामजीगः शुचिरङ्क्ते शुचिभिर्गोभिरग्निः  ।
४ ८ ३ १३०३  आद्दक्षिणा युज्यते वाजयन्त्युत्तानामूर्ध्वो अधयज्जुहूभिः  । । १७४८

४ ८ ३ १४०१   इदं श्रेष्ठं ज्योतिषां ज्योतिरागाच्चित्रः प्रकेतो अजनिष्ट विभ्वा  ।
४ ८ ३ १४०१  यथा प्रसूता सवितुः सवायैवा रात्र्युषसे योनिमारैक् । । १७४९
४ ८ ३ १४०२   रुशाद्वत्सा रुशती श्वेत्यागादारैगु कृष्णा सदनान्यस्याः  ।
४ ८ ३ १४०२  समानबन्धू अमृते अनूची द्यावा वर्णं चरत आमिनाने  । । १७५०
४ ८ ३ १४०३   समानो अध्वा स्वस्रोरनन्तस्तमन्यान्या चरतो देवशिष्टे  ।
४ ८ ३ १४०३  न मेथेते न तस्थतुः सुमेके नक्तोषासा समनसा विरूपे  । । १७५१

४ ८ ३ १५०१   आ भात्यग्निरुषसामनीकमुद्विप्राणां देवया वाचो अस्थुः  ।
४ ८ ३ १५०१  अर्वाञ्चा नूनं रथ्येह यातं पीपिवांसमश्विना घर्ममच्छ  । । १७५२
४ ८ ३ १५०२   न संस्कृतं प्र मिमीतो गमिष्ठान्ति नूनमश्विनोपस्तुतेह  ।
४ ८ ३ १५०२  दिवाभिपित्वेवसागमिष्ठा प्रत्यवर्त्तिं दाशुषे शम्भविष्ठा  । । १७५३
४ ८ ३ १५०३   उता यातं संगवे प्रातरह्नो मध्यन्दिन उदिता सूर्यस्य  ।
४ ८ ३ १५०३  दिवा नक्तमवसा शन्तमेन नेदानीं पीतिरश्विना ततान  । । १७५४

४ ८ ३ १६०१   एता उ त्या उषसः केतुमक्रत पूर्वे अर्धे रजसो भानुमञ्जते  ।
४ ८ ३ १६०१  निष्कृण्वाना आयुधानीव धृष्णवः प्रति गावोऽरुषीर्यन्ति मातरः  । । १७५५
४ ८ ३ १६०२   उदपप्तन्नरुणा भानवो वृथा स्वायुजो अरुषीर्गा अयुक्षत  ।
४ ८ ३ १६०२  अक्रन्नुषासो वयुनानि पूर्वथा रुशन्तं भानुमरुषीरशिश्रयुः  । । १७५६
४ ८ ३ १६०३   अर्चन्ति नारीरपसो न विष्टिभिः समानेन योजनेना परावतः  ।
४ ८ ३ १६०३  इषं वहन्तीः सुकृते सुदानवे विश्वेदह यजमानाय सुन्वते  । । १७५७

४ ८ ३ १७०१   अबोध्यग्निर्ज्म उदेति सूर्यो व्यू३षाश्चन्द्रा मह्यावो अर्चिषा  ।
४ ८ ३ १७०१  आयुक्षातामश्विना यातवे रथं प्रासावीद्देवः सविता जगत्पृथक् । । १७५८
४ ८ ३ १७०२   यद्युञ्जाथे वृषणमश्विना रथं घृतेन नो मधुना क्षत्रमुक्षतम्  ।
४ ८ ३ १७०२  अस्माकं ब्रह्म पृतनासु जिन्वतं वयं धना शूरसाता भजेमहि  । । १७५९
४ ८ ३ १७०३   अर्वाङ्त्रिचक्रो मधुवाहनो रथो जीराश्वो अश्विनोर्यातु सुष्टुतः  ।
४ ८ ३ १७०३  त्रिवन्धुरो मघवा विश्वसौभगः शं न आ वक्षद्द्विपदे चतुष्पदे  । । १७६०

४ ८ ३ १८०१   प्र ते धारा असश्चतो दिवो न यन्ति वृष्टयः  ।
४ ८ ३ १८०१  अच्छा वाजं सहस्रिणम्  । । १७६१
४ ८ ३ १८०२   अभि प्रियाणि काव्या विश्वा चक्षाणो अर्षति  ।
४ ८ ३ १८०२  हरिस्तुञ्जान आयुधा  । । १७६२
४ ८ ३ १८०३   स मर्मृजान आयुभिरिभो राजेव सुव्रतः  ।
४ ८ ३ १८०३  श्येनो न वंसु षीदति  । । १७६३
४ ८ ३ १८०४   स नो विश्वा दिवो वसूतो पृथिव्या अधि  ।
४ ८ ३ १८०४  पुनान इन्दवा भर  । । १७६४

नवम प्रपाठकः  ।  प्रथमोऽर्धः
४ ९ १ ०१०१   प्रास्य धारा अक्षरन्वृष्णः सुतस्यौजसा  ।
४ ९ १ ०१०१  देवां अनु प्रभूषतः  । । १७६५
४ ९ १ ०१०२   सप्तिं मृजन्ति वेधसो गृणन्तः कारवो गिरा  ।
४ ९ १ ०१०२  ज्योतिर्जज्ञानमुक्थ्यम्  । । १७६६
४ ९ १ ०१०३   सुषहा सोम तानि ते पुनानाय प्रभूवसो  ।
४ ९ १ ०१०३  वर्धा समुद्रमुक्थ्यम्  । । १७६७

४ ९ १ ०२०१   एष ब्रह्मा य ऋत्विय इन्द्रो नाम श्रुतो गृणे  । । १७६८
४ ९ १ ०२०२   त्वामिच्छवसस्पते यन्ति गिरो न संयतः  । । १७६९
४ ९ १ ०२०३   वि स्रुतयो यथा पथा इन्द्र त्वद्यन्तु रातयः  । । १७७०

४ ९ १ ०३०१   आ त्वा रथं यथोतये सुम्नाय वर्त्तयामसि  ।
४ ९ १ ०३०१  तुविकूर्मिमृतीषहमिन्द्रं शविष्ठ सत्पतिम्  । । १७७१
४ ९ १ ०३०२   तुविशुष्म तुविक्रतो शचीवो विश्वया मते  ।
४ ९ १ ०३०२  आ पप्राथ महित्वना  । । १७७२
४ ९ १ ०३०३   यस्य ते महिना महः परि ज्मायन्तमीयतुः  ।
४ ९ १ ०३०३  हस्ता वज्रं हिरण्ययम्  । । १७७३

४ ९ १ ०४०१   आ यः पुरं नार्मिणीमदीदेदत्यः कविर्नभन्यो३ नार्व  ।
४ ९ १ ०४०१  सूरो न रुरुक्वाञ्छतात्मा  । । १७७४
४ ९ १ ०४०२   अभि द्विजन्मा त्री रोचनानि विश्वा रजांसि शुशुचनो अस्थात् ।
४ ९ १ ०४०२  होता यजिष्ठो अपां सधस्थे  । । १७७५
४ ९ १ ०४०३   अयं स होता यो द्विजन्मा विश्वा दधे वार्याणि श्रवस्या  ।
४ ९ १ ०४०३  मर्तो यो अस्मै सुतुको ददाश  । । १७७६

४ ९ १ ०५०१   अग्ने तमद्याष्वं न स्तोमैः क्रतुं न भद्रं हृदिस्पृषम्  ।
४ ९ १ ०५०१  ऋध्यामा त ओहैः  । । १७७७
४ ९ १ ०५०२   अधा ह्यग्ने क्रतोर्भद्रस्य दक्षस्य साधोः  ।
४ ९ १ ०५०२  रथीरृतस्य बृहतो बभूथ  । । १७७८
४ ९ १ ०५०३   एभिर्नो अर्कैर्भवा नो अर्वाङ्क्स्वा३ ण ज्योतिः  ।
४ ९ १ ०५०३  अग्ने विश्वेभिः सुमना अनीकैः  । । १७७९

४ ९ १ ०६०१   अग्ने विवस्वदुषसश्चित्रं राधो अमर्त्य  ।
४ ९ १ ०६०१  आ दाशुषे जातवेदो वहा त्वमद्या देवां उषर्बुधः  । । १७८०
४ ९ १ ०६०२   जुष्टो हि दूतो असि हव्यवाहनोऽग्ने रथीरध्वराणाम्  ।
४ ९ १ ०६०२  सजूरश्विभ्यामुषसा सुवीर्यमस्मे धेहि श्रवो बृहत् । । १७८१

४ ९ १ ०७०१   विधुं दद्राणं समने बहूनां युवानं सन्तं पलितो जगार  ।
४ ९ १ ०७०१  देवस्य पश्य काव्यं महित्वाद्या ममार स ह्यः समान  । । १७८२
४ ९ १ ०७०२   शाक्मना शाको अरुणः सुपर्ण आ यो महः शूरः सनादनीडः  ।
४ ९ १ ०७०२  यच्चिकेत सत्यमित्तन्न मोघं वसु स्पार्हमुत जेतोत दाता  । । १७८३
४ ९ १ ०७०३   ऐभिर्ददे वृष्ण्या पौंस्यानि येभिरौक्षद्वृत्रहत्याय वज्री  ।
४ ९ १ ०७०३  ये कर्मणः क्रियमाणस्य मह्न ऋतेकर्ममुदजायन्त देवाः  । । १७८४

४ ९ १ ०८०१   अस्ति सोमो अयं सुतः पिबन्त्यस्य मरुतः  ।
४ ९ १ ०८०१  उत स्वराजो अश्विना  । । १७८५
४ ९ १ ०८०२   पिबन्ति मित्रो अर्यमा तना पूतस्य वरुणः  ।
४ ९ १ ०८०२  त्रिषधस्थस्य जावतः  । । १७८६
४ ९ १ ०८०३   उतो न्वस्य जोषमा इन्द्रः सुतस्य गोमतः  ।
४ ९ १ ०८०३  प्रातर्होतेव मत्सति  । । १७८७

४ ९ १ ०९०१   बण्महां असि सूर्य बडादित्य महां असि  ।
४ ९ १ ०९०१  महस्ते सतो महिमा पनिष्तम मह्ना देव महां असि  । । १७८८
४ ९ १ ०९०२   बट्सूर्य श्रवसा महां असि सत्रा देव महां असि  ।
४ ९ १ ०९०२  मह्ना देवानामसुर्यः पुरोहितो विभु ज्योतिरदाभ्यम्  । । १७८९

४ ९ १ १००१   उप नो हरिभिः सुतं याहि मदानां पते  ।
४ ९ १ १००१  उप नो हरिभिः सुतम्  । । १७९०
४ ९ १ १००२   द्विता यो वृत्रहन्तमो विद इन्द्रः शतक्रतुः  ।
४ ९ १ १००२  उप नो हरिभिः सुतम्  । । १७९१
४ ९ १ १००३   त्वं हि वृत्रहन्नेषां पाता सोमानामसि  ।
४ ९ १ १००३  उप नो हरिभिः सुतम्  । । १७९२

४ ९ १ ११०१   प्र वो महे महेवृधे भरध्वं प्रचेतसे प्र सुमतिं कृणुध्वम्  ।
४ ९ १ ११०१  विशः पूर्वीः प्र चर चर्षणिप्राः  । । १७९३
४ ९ १ ११०२   उरुव्यचसे महिने सुवृक्तिमिन्द्राय ब्रह्म जनयन्त विप्राः  ।
४ ९ १ ११०२  तस्य व्रतानि न मिनन्ति धीराः  । । १७९४
४ ९ १ ११०३   इन्द्रं वाणीरनुत्तमन्युमेव सत्रा राजानं दधिरे सहध्यै  ।
४ ९ १ ११०३  हर्यश्वाय बर्हया समापीन् । । १७९५

४ ९ १ १२०१   यदिन्द्र यावतस्त्वमेतावदहमीशीय  ।
४ ९ १ १२०१  स्तोतारमिद्दधिषे रदावसो न पापत्वाय रंसिषम्  । । १७९६
४ ९ १ १२०२   शिक्षेयमिन्महयते दिवेदिवे राय आ कुहचिद्विदे  ।
४ ९ १ १२०२  न हि त्वदन्यन्मघवन्न आप्यं वस्यो अस्ति पिता च न  । । १७९७

४ ९ १ १३०१   श्रुधी हवं विपिपानस्याद्रेर्बोधा विप्रस्यार्चतो मनीषाम्  ।
४ ९ १ १३०१  कृष्वा दुवांस्यन्तमा सचेमा  । । १७९८
४ ९ १ १३०२   न ते गिरो अपि मृष्ये तुरस्य न सुष्टुतिमसुर्यस्य विद्वान् ।
४ ९ १ १३०२  सदा ते नाम स्वयशो विवक्मि  । । १७९९
४ ९ १ १३०३   भूरि हि ते सवना मानुषेषु भूरि मनीषी हवते त्वामित् ।
४ ९ १ १३०३  मारे अस्मन्मघवञ्ज्योक्कः  । । १८००

४ ९ १ १४०१   प्रो ष्वस्मै पुरोरथमिन्द्राय शूषमर्चत  ।
४ ९ १ १४०१  अभीके चिदु लोककृत्सङ्गे समत्सु वृत्रह  ।
४ ९ १ १४०१   अस्माकं बोधि चोदिता नभन्तामन्यकेषां ज्याका अधि धन्वसु  । । १८०१
४ ९ १ १४०२   त्वं सिन्धूंरवासृजोऽधराचो अहन्नहिम्  ।
४ ९ १ १४०२  अशत्रुरिन्द्र जज्ञिषे विश्वं पुष्यसि वार्यम्  ।
४ ९ १ १४०२   तं त्वा परि ष्वजामहे नभन्तामन्यकेषां ज्याका अधि धन्वसु  । । १८०२
४ ९ १ १४०३   वि षु विश्वा अरातयोऽर्यो नशन्त नो धियः  ।
४ ९ १ १४०३  अस्तासि शत्रवे वधं यो न इन्द्र जिघांसति  ।
४ ९ १ १४०३   या ते रातिर्ददिवसु नभन्तामन्यकेषां ज्याका अधि धन्वसु  । । १८०३

४ ९ १ १५०१   रेवां इद्रेवत स्तोता स्यात्त्वावतो मघोनः  ।
४ ९ १ १५०१  प्रेदु हरिवः सुतस्य  । । १८०४
४ ९ १ १५०२   उक्थं च न शस्यमानं नागो रयिरा चिकेत  ।
४ ९ १ १५०२  न गायत्रं गीयमानम्  । । १८०५
४ ९ १ १५०३   मा न इन्द्र पीयत्नवे मा शर्धते परा दाः  ।
४ ९ १ १५०३  शिक्षा शचीवः शचीभिः  । । १८०६

४ ९ १ १६०१   एन्द्र याहि हरिभिरुप कण्वस्य सुष्टुतिम्  ।
४ ९ १ १६०१  दिवो अमुष्य शासतो दिवं यय दिवावसो  । । १८०७
४ ९ १ १६०२   अत्रा वि नेमिरेषामुरां न धूनुते वृकः  ।
४ ९ १ १६०२  दिवो अमुष्य शासतो दिवं यय दिवावसो  । । १८०८
४ ९ १ १६०३   आ त्वा ग्रावा वदनीह सोमी घोषेण वक्षतु  ।
४ ९ १ १६०३  दिवो अमुष्य शासतो दिवं यय दिवावसो  । । १८०९

४ ९ १ १७०१   पवस्व सोम मन्दयन्निन्द्राय मधुमत्तमः  । । १८१०
४ ९ १ १७०२   ते सुतासो विपश्चितः शुक्रा वायुमसृक्षत  । । १८११
४ ९ १ १७०३   असृग्रं देववीतये वाजयन्तो रथा इव  । । १८१२

४ ९ १ १८०१   अग्निं होतारं मन्ये दास्वन्तं वसोः सूनुं सहसो जातवेदसं विप्रं न जातवेदसम्
।
४ ९ १ १८०१  य ऊर्ध्वरो स्वध्वरो देवो देवाच्या कृपा  ।
४ ९ १ १८०१   घृतस्य विभ्राष्टिमनु शुक्रशोचिष आजुह्वानस्य सर्पिषः  । । १८१३
४ ९ १ १८०२   यजिष्ठं त्वा यजमाना हुवेम ज्येष्ठमङ्गिरसां विप्र मन्मभिर्विप्रेभिः शुक्रमन्मभिः  ।
४ ९ १ १८०२  परिज्मानमिव द्यां होतारं चर्षणीनाम्  ।
४ ९ १ १८०२   शोचिष्केशं वृषणं यमिमा विशः प्रावन्तु जूतये विशः  । । १८१४
४ ९ १ १८०३   स हि पुरू चिदोजसा विरुक्मता दीद्यानो भवति द्रुहन्तरः परशुर्न द्रुहन्तरः  ।
४ ९ १ १८०३  वीडु चिद्यस्य समृतौ श्रुवद्वनेव यत्स्थिरम्  ।
४ ९ १ १८०३   निष्षहमाणो यमते नायते धन्वासहा नायते  । । १८१५

नवम प्रपाठकः  ।  द्वितीयोऽर्धः
४ ९ २ ०१०१   अग्ने तव श्रवो वयो महि भ्राजन्ते अर्चयो विभावसो  ।
४ ९ २ ०१०१  बृहद्भानो शवसा वाजमुक्थ्य३ं दधासि दाशुषे कवे  । । १८१६
४ ९ २ ०१०२   पावकवर्चाः शुक्रवर्चा अनूनवर्चा उदियर्षि भानुना  ।
४ ९ २ ०१०२  पुत्रो मातरा विचरन्नुपावसि पृणक्षि रोदसी उभे  । । १८१७
४ ९ २ ०१०३   ऊर्जो नपाज्जातवेदः सुशस्तिभिर्मन्दस्व धीतिभिर्हितः  ।
४ ९ २ ०१०३  त्वे इषः सं दधुर्भूरिवर्पसश्चित्रोतयो वामजाताः  । । १८१८
४ ९ २ ०१०४   इरज्यन्नग्ने प्रथयस्व जन्तुभिरस्मे रायो अमर्त्य  ।
४ ९ २ ०१०४  स दर्शतस्य वपुषो वि राजसि पृणक्षि दर्शतं क्रतुम्  । । १८१९
४ ९ २ ०१०५   इष्कर्त्तारमध्वरस्य प्रचेतसं क्षयन्तं राधसो महः  ।
४ ९ २ ०१०५  रातिं वामस्य सुभगां महीमिषं दधासि सानसिं रयिम्  । । १८२०
४ ९ २ ०१०६   ऋतावानं महिषं विश्वदर्शतमग्निं सुम्नाय दधिरे पुरो जनाः  ।
४ ९ २ ०१०६  श्रुत्कर्णं सप्रथस्तमं त्वा गिरा दैव्यं मानुषा युगा  । । १८२१

४ ९ २ ०२०१   प्र सो अग्ने तवोतिभिः सुविराभिस्तरति वाजकर्मभिः  ।
४ ९ २ ०२०१  यस्य त्वं सख्यमाविथ  । । १८२२
४ ९ २ ०२०२   तव द्रप्सो नीलवान्वाश ऋत्विय इन्धानः सिष्णवा ददे  ।
४ ९ २ ०२०२  त्वं महीनामुषसामसि प्रियः क्षपो वस्तुषु राजसि  । । १८२३

४ ९ २ ०३०१   तमोषधीर्दधिरे गर्भमृत्वियं तमापो अग्निं जनयन्त मातरः  ।
४ ९ २ ०३०१  तमित्समानं वनिनश्च वीरुधोऽन्तर्वतीश्च सुवते च विश्वहा  । । १८२४

४ ९ २ ०४०१   अग्निरिन्द्राय पवते दिवि शुक्रो वि राजति  ।
४ ९ २ ०४०१  महिषीव वि जायते  । । १८२५

४ ९ २ ०५०१   यो जागार तमृचः कामयन्ते यो जागार तमु सामानि यन्ति  ।
४ ९ २ ०५०१  यो जागार तमयं सोम आह तवाहमस्मि सख्ये न्योकाः  । । १८२६

४ ९ २ ०६०१   अग्निर्जागार तमृचः कामयन्तेग्निर्जागार तमु सामानि यन्ति  ।
४ ९ २ ०६०१  अग्निर्जागार तमयं सोम आह तवाहमस्मि सख्ये न्योकाः  । । १८२७

४ ९ २ ०७०१   नमः सखिभ्यः पूर्वसद्भ्यो नमः साकन्निषेभ्यः  ।
४ ९ २ ०७०१  युञ्जे वाचं शतपदीम्  । । १८२८
४ ९ २ ०७०२   युञ्जे वाचं शतपदीं गाये सहस्रवर्त्तनि  ।
४ ९ २ ०७०२  गायत्रं त्रैष्टुभं जगत् । । १८२९
४ ९ २ ०७०३   गायत्रं त्रैष्टुभं जगद्विश्वा रूपाणि सम्भृता  ।
४ ९ २ ०७०३  देवा ओकांसि चक्रिरे  । । १८३०

४ ९ २ ०८०१   अग्निर्ज्योतिर्ज्योतिरग्निरिन्द्रो ज्योतिर्ज्योतिरिन्द्रः  ।
४ ९ २ ०८०१  सूर्यो ज्योतिर्ज्योतिः सूर्यः  । । १८३१
४ ९ २ ०८०२   पुनरूर्जा नि वर्त्तस्व पुनरग्न इषायुषा  ।
४ ९ २ ०८०२  पुनर्नः पाह्यंहसः  । । १८३२
४ ९ २ ०८०३   सह रय्या नि वर्तस्वाग्ने पिन्वस्व धारया  ।
४ ९ २ ०८०३  विश्वप्स्न्या विश्वतस्परि  । । १८३३

४ ९ २ ०९०१   यदिन्द्राहं यथा त्वमीशीय वस्व एक इत् ।
४ ९ २ ०९०१  स्तोता मे गोसखा स्यात् । । १८३४
४ ९ २ ०९०२   शिक्षेयमस्मै दित्सेयं शचीपते मनीषिणे  ।
४ ९ २ ०९०२  यदहं गोपतिः स्याम्  । । १८३५
४ ९ २ ०९०३   धेनुष्ट इन्द्र सूनृता यजमानाय सुन्वते  ।
४ ९ २ ०९०३  गामश्वं पिप्युषी दुहे  । । १८३६

४ ९ २ १००१   आपो हि ष्ठा मयोभुवस्ता न ऊर्जे दधातन  ।
४ ९ २ १००१  महे रणाय चक्षसे  । । १८३७
४ ९ २ १००२   यो वः शिवतमो रसस्तस्य भाजयतेह नः  ।
४ ९ २ १००२  उशतीरिव मातरः  । । १८३८
४ ९ २ १००३   तस्मा अरं गमाम वो यस्य क्षयाय जिन्वथ  ।
४ ९ २ १००३  आपो जनयथा च नः  । । १८३९

४ ९ २ ११०१   वात आ वातु बेषजं शम्भु मयोभु नो हृदे  ।
४ ९ २ ११०१  प्र न अयूंषि तारिषत् । । १८४०
४ ९ २ ११०२   उत वात पितासि न उत भ्रातोत नः सखा  ।
४ ९ २ ११०२  स नो जीवातवे कृधि  । । १८४१
४ ९ २ ११०३   यददो वात ते गृहे३ऽमृतं निहितं गुहा  ।
४ ९ २ ११०३  तस्यो नो देहि जीवसे  । । १८४२

४ ९ २ १२०१   अभि वाजी विश्वरूपो जनित्रं हिरण्ययं बिभ्रदत्कं सुपर्णः  ।
४ ९ २ १२०१  सूर्यस्य भानुमृतुथा वसानः परि स्वयं मेधमृज्रो जजान  । । १८४३
४ ९ २ १२०२   अप्सु रेतः शिश्रिये विश्वरूपं तेजः पृथिव्यामधि यत्सम्बभूव  ।
४ ९ २ १२०२  अन्तरिक्षे स्वं महिमानं मिमानः कनिक्रन्ति वृष्णो अश्वस्य रेतः  । । १८४४
४ ९ २ १२०३   अयं सहस्रा परि युक्ता वसानः सूर्यस्य भानुं यज्ञो दाधार  ।
४ ९ २ १२०३  सहस्रदाः शतदा भूरिदावा धर्त्ता दिवो भुवनस्य विश्पतिः  । । १८४५

४ ९ २ १३०१   नाके सुपर्णमुप यत्पतन्तं हृदा वेनन्तो अभ्यचक्षत त्वा  ।
४ ९ २ १३०१  हिरण्यपक्षं वरुणस्य दूतं यमस्य योनौ शकुनं भुरण्युम्  । । १८४६
४ ९ २ १३०२   ऊर्ध्वो गन्धर्वो अधि नाके अस्थात्प्रत्यञ्चित्रा बिभ्रदस्यायुधानि  ।
४ ९ २ १३०२  वसानो अत्कं सुरभिं दृशे कं स्व३ ण नाम जनत प्रियाणि  । । १८४७
४ ९ २ १३०३   द्रप्सः समुद्रमभि यज्जिगाति पश्यन्गृध्रस्य चक्षसा विधर्मन् ।
४ ९ २ १३०३  भानुः शुक्रेण शोचिषा चकानस्तृतीये चक्रे रजसि प्रियाणि  । । १८४८

नवम प्रपाठकः  ।  तृतीयोऽर्धः
४ ९ ३ ०१०१   आशुः शिशानो वृषभो न भीमो घनाघनः क्षोभणश्चर्षणीनाम्  ।
४ ९ ३ ०१०१  सङ्क्रन्दनोऽनिमिष एकवीरः शतं सेना अजयत्साकमिन्द्रः  । । १८४९
४ ९ ३ ०१०२   सङ्क्रन्दनेनानिमिषेण जिष्णुना युत्कारेण दुश्च्यवनेन धृष्णुना  ।
४ ९ ३ ०१०२  तदिन्द्रेण जयत तत्सहध्वं युधो नर इषुहस्तेन वृष्णा  । । १८५०
४ ९ ३ ०१०३   स इषुहस्तैः स निषङ्गिभिर्वशी संस्रष्टा स युध इन्द्रो गणेन  ।
४ ९ ३ ०१०३  सं सृष्टजित्सोमपा बाहुशर्ध्यू३ रधन्वा प्रतिहिताभिरस्ता  । । १८५१

४ ९ ३ ०२०१   बृहस्पते परि दीया रथेन रक्षोहामित्रां अपबाधमानः  ।
४ ९ ३ ०२०१  प्रभञ्जन्सेनाः प्रमृणो युधा जयन्नस्माकमेध्यविता रथानाम्  । । १८५२
४ ९ ३ ०२०२   बलविज्ञायः स्थविरः प्रवीरः सहस्वान्वाजी सहमान उग्रः  ।
४ ९ ३ ०२०२  अभिवीरो अभिसत्वा सहोजा जैत्रमिन्द्र रथमा तिष्ठ गोवित् । । १८५३
४ ९ ३ ०२०३   गोत्रभिदं गोविदं वज्रबाहुं जयन्तमज्म प्रमृणन्तमोजसा  ।
४ ९ ३ ०२०३  इमं सजाता अनु वीरयध्वमिन्द्रं सखायो अनु सं रभध्वम्  । । १८५४

४ ९ ३ ०३०१   अभि गोत्राणि सहसा गाहमानोऽदयो वीरः शतमन्युरिन्द्रः  ।
४ ९ ३ ०३०१  दुश्च्यवनः पृतनाषाडयुध्यो३ऽस्माकं सेना अवतु प्र युत्सु  । । १८५५
४ ९ ३ ०३०२   इन्द्र आसां नेता बृहस्पतिर्दक्षिणा यज्ञः पुर एतु सोमः  ।
४ ९ ३ ०३०२  देवसेनानामभिभञ्जतीनां जयन्तीनां मरुतो यन्त्वग्रम्  । । १८५६
४ ९ ३ ०३०३   इन्द्रस्य वृष्णो वरुणस्य राज्ञ आदित्यानां मरुतां शर्ध उग्रम्  ।
४ ९ ३ ०३०३  महामनसां भुवनच्यवानां घोषो देवानां जयतामुदस्थात् । । १८५७

४ ९ ३ ०४०१   उद्धर्षय मघवन्नायुधान्युत्सत्वनां मामकानां मनांसि  ।
४ ९ ३ ०४०१  उद्वृत्रहन्वाजिनां वाजिनान्युद्रथानां जयतां यन्तु घोषाः  । । १८५८
४ ९ ३ ०४०२   अस्माकमिन्द्रः समृतेषु ध्वजेष्वस्माकं या इषवस्ता जयन्तु  ।
४ ९ ३ ०४०२  अस्माकं वीरा उत्तरे भवन्त्वस्मां उ देवा अवता हवेषु  । । १८५९
४ ९ ३ ०४०३   असौ या सेना मरुतः परेषामभ्येति न ओजसा स्पर्धमाना  ।
४ ९ ३ ०४०३  तां गूहत तमसापव्रतेन यथैतेषामन्यो अन्यं न जानात् । । १८६०

४ ९ ३ ०५०१   अमीषां चित्तं प्रतिलोभयन्ती गृहाणाङ्गान्यप्वे परेहि  ।
४ ९ ३ ०५०१  अभि प्रेहि निर्दह हृत्सु शोकैरन्धेनामित्रास्तमसा सचन्ताम्  । । १८६१
४ ९ ३ ०५०२   प्रेता जयता नर इन्द्रो वः शर्म यच्छतु  ।
४ ९ ३ ०५०२  उग्रा वः सन्तु बाहवोऽनाधृष्या यथासथ  । । १८६२
४ ९ ३ ०५०३   अवसृष्टा परा पत शरव्ये ब्रह्मसंशिते  ।
४ ९ ३ ०५०३  गच्छामित्रान्प्र पद्यस्व मामीषां कं च नोच्छिषः  । । १८६३

४ ९ ३ ०६०१   कङ्काः सुपर्णा अनु यन्त्वेनान्गृध्राणामन्नमसावस्तु सेना  ।
४ ९ ३ ०६०१  मैषां मोच्यघहारश्च नेन्द्र वयांस्येनाननुसंयन्तु सर्वान् । । १८६४
४ ९ ३ ०६०२   अमित्रसेनां मघवन्नस्माञ्छत्रुयतीमभि  ।
४ ९ ३ ०६०२  उभौ तामिन्द्र वृत्रहन्नग्निश्च दहतं प्रति  । । १८६५
४ ९ ३ ०६०३   यत्र बाणाः सम्पतन्ति कुमारा विशिखा इव  ।
४ ९ ३ ०६०३  तत्रा नो ब्रह्मणस्पतिरदितिः शर्म यच्छतु विश्वाहा शर्म यच्छतु  । । १८६६

४ ९ ३ ०७०१   वि रक्षो वि मृधो जहि वि वृत्रस्य हनू रुज  ।
४ ९ ३ ०७०१  वि मन्युमिन्द्र वृत्रहन्नमित्रस्याभिदासतः  । । १८६७
४ ९ ३ ०७०२   वि न इन्द्र मृधो जहि नीचा यच्छ पृतन्यतः  ।
४ ९ ३ ०७०२  यो अस्मां अभिदासत्यधरं गमया तमः  । । १८६८
४ ९ ३ ०७०३   इन्द्रस्य बाहू स्थविरौ युवानावनाधृष्यौ सुप्रतीकावसह्यौ  ।
४ ९ ३ ०७०३  तौ युञ्जीत प्रथमौ योग आगते याभ्यां जितमसुराणां सहो महत् । । १८६९

४ ९ ३ ०८०१   मर्माणि ते वर्मणा च्छादयामि सोमस्त्वा राजामृतेनानु वस्ताम्  ।
४ ९ ३ ०८०१  उरोर्वरीयो वरुणस्ते कृणोतु जयन्तं त्वानु देवा मदन्तु  । । १८७०
४ ९ ३ ०८०२   अन्धा अमित्रा भवताशीर्षाणोऽहय इव  ।
४ ९ ३ ०८०२  तेषां वो अग्निनुन्नानामिन्द्रो हन्तु वरंवरम्  । । १८७१
४ ९ ३ ०८०३   यो नः स्वोऽरणो यश्च निष्ट्यो जिघांसति  ।
४ ९ ३ ०८०३  देवास्तं सर्वे धूर्वन्तु ब्रह्म वर्म ममान्तरं शर्म वर्म ममान्तरम्  । । १८७२

४ ९ ३ ०९०१   मृगो न भीमः कुचरो गिरिष्ठाः परावत आ जगन्था परस्याः  ।
४ ९ ३ ०९०१  सृकं संशाय पविमिन्द्र तिग्मं वि शत्रूं ताढि वि मृधो नुदस्व  । । १८७३
४ ९ ३ ०९०२   भद्रं कर्णेभिः शृणुयाम देवा भद्रं पश्येमाक्षभिर्यजत्राः  ।
४ ९ ३ ०९०२  स्थिरैरङ्गैस्तुष्टुवां सस्तनूभिर्व्यशेमहि देवहितं यदायुः  । । १८७४
४ ९ ३ ०९०३   स्वस्ति न इन्द्रो वृद्धश्रवाः स्वस्ति नः पूषा विश्ववेदाः  ।
४ ९ ३ ०९०३  स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु  । ।
४ ९ ३ ०९०३   Oं स्वस्ति नो बृहस्पतिर्दधातु  । । १८७५

। । इत्युत्तरार्चिकः  । ।

। । इति सामवेदसंहिता समाप्ता । ।